2025 ഓട്ടോ എക്സ്പോയിൽ ഇലക്ട്രിക് വാഹനങ്ങളുടെ നിരവധി മോഡലുകൾ കാണാൻ സാധിക്കും. ബെംഗളൂരു ആസ്ഥാനമായുള്ള ഇലക്ട്രിക് സ്‌കൂട്ടർ കമ്പനിയായ ഏഥറും എക്സ്പോയിൽ മുന്നിൽ തന്നെയുണ്. ഏഥറിന് ഈ വർഷത്തേക്ക് കാര്യമായ പദ്ധതികളുണ്ട് എന്ന് തന്നെയാണ് ലഭിക്കുന്ന റിപ്പോർട്ടുകൾ വ്യക്തമാക്കുന്നത്.2025-ൽ ഏഥർ അതിന്റെ ജനപ്രിയ 450X ഇലക്ട്രിക് സ്‌കൂട്ടറിൽ നിരവധി അപ്‌ഡേറ്റുകൾ അവതരിപ്പിച്ചിരിക്കുകയാണ്. അപ്ഡേറ്റ് ചെയ്ത മോഡുകളെല്ലാം തന്നെ ഏഥർ എക്സ്പോയിൽ അവതരിപ്പിക്കാനാണ് കമ്പനി പദ്ധതിയിട്ടിരിക്കുന്നത്. രണ്ട് പുതിയ കളർ ഓപ്ഷനുകളാണ് ഏഥർ 450X ഇലക്ട്രിക് സ്കൂട്ടറിലേക്ക് കൊണ്ടുവന്നിരിക്കുന്നത്.

ഭാരത് മൊബിലിറ്റി ഗ്ലോബൽ എക്സ്പോയ്ക്ക് കൊടികയറാൻ മണിക്കൂറുകൾ മാത്രം ബാക്കി നിൽക്കുമ്പോൾ അരങ്ങ് തകർക്കാൻ റെഡിയായിരിക്കുകയാണ് സാക്ഷാൽ ബജാജ്. ഇത്തവണ വലിയ സംഭവങ്ങളൊന്നും പൾസർ മുതലാളിയുടെ നിരയിൽ നിന്നും പ്രതീക്ഷിക്കേണ്ടതില്ലെങ്കിലും രാജ്യത്തിന്റെ വാഹന മാമാങ്കത്തിൽ പങ്കാളിത്തം അറിയിക്കാൻ തങ്ങളുടെ രണ്ട് പുതുമോഡലുകളെയാണ് ബജാജ് നിയോഗിച്ചിരിക്കുന്നത്. ഒപ്പം ഇലക്ട്രിക്, എഥനോൾ പവർ വാഹനങ്ങളും പ്രദർശിപ്പിക്കാനുള്ള സാധ്യതകളും തള്ളിക്കളയാനാവില്ല. അടുത്തിടെ ഇന്ത്യക്കാർക്കായി സമ്മാനിച്ച ചേതക് 35 സീരീസ് ഇലക്ട്രിക് സ്കൂട്ടറായിരിക്കും എക്സ്പോയിൽ ബജാജിന്റെ പ്രധാന ആയുധം.

രാജ്യത്തെ ഏതൊരു വാഹനപ്രേമികളും കാത്തിരിക്കുന്ന വാഹനമേളയാണ് ഭാരത് മൊബിലിറ്റി ഗ്ലോബൽ എക്‌സ്‌പോ. ജനുവരി 17 മുതൽ 22 വരെ ഡൽഹിയിലെ ഭാരത് മണ്ഡപത്തിലാണ് രാജ്യത്തെ വാഹനങ്ങളുടെ മാമാങ്കമായ ഓട്ടോ എക്സ്പോ നടക്കുക. നിരവധി കാർ,ടൂവിലർ വാഹന നിർമാതാക്കൾ തങ്ങളുടെ വരാനിരിക്കുന്ന മോഡലുകൾ അവതരിപ്പിക്കും. ഇലക്ട്രിക് വാഹനങ്ങളും എക്സ്പോയിൽ സ്ഥാനം പിടിക്കാറുണ്ട്. അതിൽ പ്രധാനിയാണ് ഇലക്ട്രിക് ടൂവീലർ രംഗത്തെ വമ്പൻമാരായ ഓല ഇലക്ട്രിക്. തങ്ങളുടെ സ്കൂട്ടറുകൾക്കൊപ്പം പുതിയ ബൈക്കുകളും അവതരിപ്പിക്കുന്നുണ്ട് എന്നതാണ് ഓല ആരാധകർക്ക് സന്തോഷം നൽകുന്ന വാർത്ത.

ലോകത്തിലെ തന്നെ ഏറ്റവും വലിയ ഓട്ടോമോട്ടീവ് ഇവന്റുകളില്‍ ഒന്നാണ് വര്‍ഷങ്ങളായി ഡല്‍ഹിയില്‍ നടക്കുന്ന ഓട്ടോ എക്‌സ്‌പോ. ഇക്കുറി ഭാരത് മൊബിലിറ്റി ഗ്ലോബല്‍ എക്സ്പോയുമായി ലയിപ്പിച്ച വണ്ടിപ്രാന്തന്‍മാരുടെ ഉത്സവം നാളെ (2025 ജനുവരി 17) ആരംഭിക്കാന്‍ പോകുകയാണ്. G20 ഉച്ചകോടിക്ക് ശേഷം പ്രശസ്തി നേടിയ ഡല്‍ഹിയിലെ ഭാരത് മണ്ഡപത്തിലാണ് പരിപാടി നടക്കുന്നത്. 2025 ജനുവരി 22 വരെ നീണ്ടുനില്‍ക്കുന്ന എക്‌സ്‌പോയില്‍ ഏകദേശം 5 ലക്ഷത്തിലധികം സന്ദര്‍ശകര്‍ എത്തുമെന്നാണ് പ്രതീക്ഷിക്കുന്നത്. ഭാരത് മണ്ഡപത്തിന് പുറമെ ദ്വാരകയിലെ യശോഭൂമിയും ഗ്രേറ്റര്‍ നോയിഡയിലെ ഇന്ത്യ എക്‌സ്‌പോ സെന്ററും എക്സ്പോ മാര്‍ട്ടും ഭാരത് മൊബിലിറ്റി ഗ്ലോബല്‍ എക്‌സ്‌പോയുടെ ഭാഗമാകും.

ഇന്ത്യയിലെ ഏറ്റവും വലിയ വാഹന മാമാങ്കമായ ഓട്ടോ എക്സ്പോയ്ക്ക് ഏതാനും മണിക്കൂറിനുള്ളിൽ തുടക്കം കുറിക്കും. ഇന്ത്യൻ വിപണിയിലെ മിക്ക വാഹന നിർമ്മാതാക്കളും ഇതിനോടകം 2025 ഓട്ടോ എക്സ്പോയ്ക്കായി തയ്യാറെടുത്തു കഴിഞ്ഞിരിക്കുകയാണ്. ദക്ഷിണ കൊറിയൻ വാഹന നിർമ്മാതാക്കളായ കിയയും വമ്പൻ പദ്ധതികളും പുത്തൻ ലോഞ്ചുകളുമായിട്ടാണ് എത്തുന്നത്. കിയയുടെ പവലിയനിലെ രണ്ട് പ്രധാന പുതിയ മോഡലുകൾ സിറോസ് കോംപാക്ട് എസ്‌യുവിയും EV 6 ഫെയ്‌സ്‌ലിഫ്റ്റുമായിരിക്കും. കഴിഞ്ഞ മാസം ആഗോളതലത്തിൽ സിറോസ് അരങ്ങേറ്റം കുറിച്ചിരുന്നു, EV6 ഫെയ്‌സ്‌ലിഫ്റ്റിനൊപ്പം വരാനിരിക്കുന്ന ഓട്ടോ എക്സ്പോയിൽ ഇത് ആദ്യമായി പൊതുജനങ്ങൾക്ക് മുന്നിൽ പ്രത്യക്ഷപ്പെടും എന്നത് ശ്രദ്ധേയമാണ്.

ഇലക്‌ട്രിക് വാഹന വിപണിയിലേക്ക് ടാറ്റയ്ക്കും മുമ്പേ ഇറങ്ങിത്തിരിച്ചവരാണ് മഹീന്ദ്ര ആൻഡ് മഹീന്ദ്ര. എന്നാൽ വാണിജ്യ രംഗത്തായിരുന്നു തുടക്കമെന്നതിനാൽ പാസഞ്ചർ ഇവി വിപണി നെക്സോൺ ഇവിയിലൂടെ രത്തൻ ടാറ്റയുടെ കമ്പനി തൂക്കി. ഇതിന് ബദലായി മഹീന്ദ്ര XUV400 ഇവി പുറത്തിറക്കിയെങ്കിലും ഇന്ത്യക്കാർ കാര്യമായി മൈൻഡ് ചെയ്തില്ലെന്ന് വേണം പറയാൻ. പക്ഷേ പിൻമാറാൻ തയാറാവാതിരുന്ന ബ്രാൻഡ് അടുത്തിടെ BE 6, XEV 9e എന്നിങ്ങനെ രണ്ട് കിടിലൻ എസ്‌യുവികളാണ് പുറത്തിറക്കിയത്. ഇന്ത്യൻ ടെസ്‌ലയെന്ന് ഓമനപ്പേരിട്ട് വണ്ടിഭ്രാന്തൻമാർ ഇരുവരേയും ഇരുകൈയും നീട്ടി സ്വീകരിക്കുകയും ചെയ്‌തിരിക്കുകയാണ്.

ഇലക്ട്രിക് ടൂവീലര്‍ സെഗ്‌മെന്റില്‍ മത്സരം കടുപ്പിച്ച് കൊണ്ട് കൂടുതല്‍ പരമ്പരാഗത വാഹന നിര്‍മാതാക്കള്‍ തങ്ങളുടെ ഉല്‍പ്പന്നങ്ങള്‍ പുറത്തിറക്കിക്കൊണ്ടിരിക്കുകയാണ്. സ്‌കൂട്ടര്‍ സെഗ്‌മെന്റിലെ രാജാക്കന്‍മാരായ ഹോണ്ട മോട്ടോര്‍സൈക്കിള്‍സ് ആന്‍ഡ് സ്‌കൂട്ടര്‍ ഇന്ത്യ കഴിഞ്ഞ മാസം തങ്ങളുടെ രണ്ട് പുത്തന്‍ ഇലക്ട്രിക് സ്‌കൂട്ടറുകള്‍ അവതരിപ്പിച്ചിരുന്നു. ആക്ടിവ e:, QC1 എന്നീ പേരുകളില്‍ വരുന്ന ഇവികളുടെ വില നാളെ തുടങ്ങാന്‍ പോകുന്ന 2025 ഓട്ടോ എക്‌സ്‌പോയില്‍ വെച്ച് പ്രഖ്യാപിക്കാനിരിക്കുകയാണ്. ഹോണ്ട, ഹീറോ, ടിവിഎസ്, ബജാജ് എന്നീ കമ്പനികള്‍ അരങ്ങേറിയതിനാല്‍ ഇനി സുസുക്കിയുടെ ഊഴമാണ്.

രാജ്യത്ത് നടക്കുന്ന വാഹന മാമാങ്കമെന്ന് വിശേഷിപ്പിക്കാവുന്ന ഒന്നാണ് ഭാരത് മൊബിലിറ്റി ഗ്ലോബൽ എക്‌സ്‌പോ. വാഹന നിർമാതാക്കൾ തങ്ങളുടെ വരാനിരിക്കുന്ന മോഡലുകളും അത് പോലെ തന്നെ കൺസപറ്റ് മോഡലുകളുമാണ ഓട്ടോ എക്സ്പോയിൽ അവതരിപ്പിക്കുന്നത്. ടാറ്റയുടെ നിരവധി മോഡലുകളാണ് എക്സ്പോയിൽ പ്രദർശിപ്പിക്കുമെന്ന് കരുതുന്നത്. ഏറ്റവുംകൂടുതൽ കാത്തിരിക്കുന്ന മോഡലുകളാണ് ഹാരിയർ ഇവിയും സിയറയുടെ ഇലക്ട്രിക് മോഡലും. 2023 ൽ നടന്ന ഓട്ടോ എക്സ്പോയിലാണ് ടാറ്റ തങ്ങളുടെ സിയറ ഇവിയുടെ കൺസപ്റ്റ് മോഡൽ അവതരിപ്പിക്കുന്നത്. 90 -കളിൽ വിപണിയിൽ എത്തിയ OG സിയറ പോലെ തന്നെ, ഇവിയുടെ പ്രൊഡക്ഷൻ പതിപ്പിനും വലിയ കർവ്ഡ് റിയർ വിൻഡോകളാണ് നൽകിയിരിക്കുന്നത്.

പെട്രോൾ, ഡീസൽ വണ്ടികളേക്കാൾ ജനപ്രീതി നേടികുതിക്കുകയാണ് ഇലക്‌ട്രിക്, സിഎൻജി വാഹനങ്ങൾ. പ്രവർത്തന ചെലവും കുറഞ്ഞ ഇന്ധന ചെലവുമെല്ലാമാണ് ഇതിലേക്ക് ആളുകളെ പ്രലോഭിപ്പിക്കുന്നത്. സിഎൻജി ഇന്ധനത്തിലോടുന്ന ഇരുചക്ര വാഹനത്തെ കുറിച്ച് ഇന്ത്യക്കാർ ഒരിക്കലും സ്വപ്‌നം കണ്ടിരുന്നില്ലെങ്കിലും ബജാജ് ഫ്രീഡം 125 എന്ന മോട്ടോർസൈക്കിളിലൂടെ അത്തരമൊരു സാധ്യതയ്ക്കും വഴി തുറന്നിട്ടു. ഇതിനി അടുത്ത തലത്തിലേക്ക് എത്തിക്കാൻ ഒരുങ്ങുകയാണ് നമ്മുടെ സ്വന്തം ടിവിഎസ്. ലോകത്തിലെ ആദ്യത്തെ സിഎൻജി ബൈക്കിന്റെ വിൽപ്പന ആരംഭിച്ചതിന് പിന്നാലെ തങ്ങളും പുതിയ സിഎൻജി ഇരുചക്ര വാഹനം അവതരിപ്പിക്കാൻ ഒരുങ്ങുന്നുവെന്ന് ബ്രാൻഡ് നേരത്തെ സൂചന തന്നിരുന്നു.

വിപണിയില്‍ ഒത്തിരി ഓപ്ഷനുകള്‍ ഉണ്ടെങ്കിലും ഇന്ത്യക്കാര്‍ ഇവികളിലേക്ക് പെട്ടെന്ന് തിരിയാതിരിക്കാനുള്ള ഒരു കാരണം ഹൈബ്രിഡ് കാറുകളുടെ സാന്നിധ്യമാണ്. 2024ല്‍ ഏകദേശം 85,000 യൂണിറ്റ് ഹൈബ്രിഡ് കാറുകള്‍ വിറ്റപ്പോള്‍ ഏകദേശം 90,000 യൂണിറ്റായിരുന്നു ഇവി വില്‍പ്പന. ബ്രാന്‍ഡുകള്‍ ഇവികളിലും ഹൈബ്രിഡുകളിലും ശ്രദ്ധ കേന്ദ്രീകരിക്കുന്നതിനാല്‍ വരും വര്‍ഷങ്ങളിലും കടുത്ത പോരാട്ടത്തിനാണ് ഇന്ത്യന്‍ വിപണി സാക്ഷ്യം വഹിക്കാന്‍ പോകുന്നത്. പുത്തന്‍ സാങ്കേതികവിദ്യ പെട്ടെന്ന് പുല്‍കാന്‍ വിസമ്മതിക്കുന്നവര്‍ ആദ്യം പരിഗണിക്കുന്നത് ഹൈബ്രിഡുകളാണ്. ഐസി എഞ്ചിന്‍ വാഹനങ്ങളുമായി ഇന്ത്യന്‍ മാര്‍ക്കറ്റിലെ മുന്‍നിരക്കാരായി വിലസുന്ന മഹീന്ദ്ര ഇവികളില്‍ വമ്പന്‍ നിക്ഷേപമാണ് നടത്തുന്നത്.

മറ്റ് മുന്‍നിര കാര്‍ നിര്‍മാതാക്കള്‍ക്കൊപ്പം മഹീന്ദ്ര ആന്‍ഡ് മഹീന്ദ്രയും പുതുവര്‍ഷത്തില്‍ വില വര്‍ധനവ് പ്രഖ്യാപിച്ചിരുന്നു. ഇന്‍പുട് ചെലവുകള്‍ കൂടിയതും പണപ്പെരുപ്പവുമെല്ലാമായിരുന്നു കാരണം. കഴിഞ്ഞ വര്‍ഷം മഹീന്ദ്ര പുറത്തിറക്കിയ ബ്ലോക്ക്ബസ്റ്റര്‍ എസ്‌യുവിയായ ഥാര്‍ റോക്‌സിനെയും (Mahindra Thar Roxx) വില വര്‍ധനവ് ബാധിച്ചിട്ടുണ്ട്. ഈ മാസം 5 ഡോര്‍ ഓഫ്‌റോഡര്‍ എസ്‌യുവിക്ക് 60000 രൂപ വരെ അല്ലെങ്കില്‍ 2.86 ശതമാനം വരെയാണ് വില വര്‍ധിപ്പിച്ചിരിക്കുന്നത്. മഹീന്ദ്ര ഥാര്‍ റോക്‌സ് 5 ഡോര്‍ എസ്‌യുവിയുടെ പെട്രോള്‍, ഡീസല്‍ വേരിയന്റുകളുടെ പുതിയ വിലകള്‍ ചുവടെ വിശദമായി വായിക്കാം.

ഇന്ത്യയിലെ കോംപാക്‌ട് എസ്‌യുവി സെഗ്മെന്റിലേക്ക് വരവറിയിച്ചിരിക്കുകയാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. കൈലാക് (Skoda Kylaq) എന്ന കുഞ്ഞനുമായി എത്തിയ ബ്രാൻഡ് വില പ്രഖ്യാപിച്ചപ്പോൾ തന്നെ എതിരാളികളുടെ നെഞ്ചിൽ തീയായി. കുഞ്ഞൻ എസ്‌യുവി സെഗ്മെന്റിലേക്ക് സാക്ഷാൽ സ്കോഡ തന്നെ വരുന്നുവെന്ന് കേട്ടപ്പോൾ എതിരാളികളുടെ നെഞ്ചിലൊരു ഭയമായിരുന്നു. മാരുതി സുസുക്കിയും ടാറ്റ മോട്ടോർസും കിയയും ഹ്യുണ്ടായിയുമെല്ലാം പേടിച്ചതുപോലെ തന്നെ സംഭവം എന്തായാലും കയറി കൊളുത്തിയിട്ടുണ്ട്. ബുക്കിംഗ് ആരംഭിച്ച് വെറും 10 ദിവസത്തിനുള്ളിൽ കൈലാക്ക് വാരിക്കൂട്ടിയത് 10,000 യൂണിറ്റ് ബുക്കിംഗാണ്.

കഴിഞ്ഞ വർഷം ഇതേ സമയത്താണ് ഹ്യുണ്ടായി തങ്ങളുടെ ക്രെറ്റയുടെ മുഖം മിനുക്കി അവതരിപ്പിച്ചത്. ഒരു വർഷത്തിന് ശേഷം ഇന്ത്യൻ വിപണിയിലെ ആദ്യത്തെ മാസ്-മാർക്കറ്റ് ഇവിയായ ഹ്യുണ്ടായി പുതിയ ക്രെറ്റ ഇലക്ട്രിക് പുറത്തിറക്കിയിരിക്കുകയാണ്. 2025 ഓട്ടോ എക്‌സ്‌പോയിൽ ലോഞ്ച് ചെയ്യുന്നതിന് മുന്നോടിയായി പുതിയ ഹ്യുണ്ടായി ക്രെറ്റ ഇലക്ട്രിക് ഓടിക്കാനുള്ള അവസരം ഞങ്ങൾക്ക് ലഭിച്ചു. ദക്ഷിണ കൊറിയയിൽ നിന്നുള്ള ഈ ഇലക്ട്രിക് എസ്‌യുവിയിൽ കുറച്ച് മണിക്കൂറുകൾ ചെലവഴിച്ചപ്പോൾ ഞങ്ങൾ മനസിലാക്കിയ കാര്യങ്ങളാണ് നിങ്ങളുമായി പങ്കുവയ്ക്കുകയാണ്. വാഹനത്തിൻ്റെ വിശദമായ റിവ്യു അറിയാൻ തുടർന്ന് വായിക്കാൻ മറക്കരുതേ.

ഇന്ത്യൻ വിപണിയിലെ എംപിവി (MPV) സെഗ്മെന്റിലെ മുടിചൂടാമന്നനാണ് ടൊയോട്ട ഇന്നോവ (Toyota Innova). ക്വാളിസിന്റെ പിൻഗാമിയായി എത്തിയത് മുതൽ ആളുകളുടെ മനസിൽ കയറിക്കൂടിയ മൾട്ടി പർപ്പസ് വാഹനം ഇപ്പോഴും ആളുകളുടെ നെഞ്ചിൽ കുടിയിരിപ്പാണ്. എന്നെങ്കിലും ഒരു ഇന്നോവ വാങ്ങണമെന്ന സ്വപ്‌നവും പേറി നടക്കുന്നവരും അനേകമാണ്. പുതിയത് വാങ്ങാൻ കാശില്ലാത്തവരെല്ലാം സെക്കൻഡ് ഹാൻഡ് വാങ്ങുന്നതിലും കൈയും കണക്കും ഒന്നുമില്ല. ഇന്ന് മൂന്നാംതലമുറ ആവർത്തനത്തിൽ ഹൈക്രോസായി നിറഞ്ഞാടുകയാണെങ്കിലും ഇന്നോവ ക്രിസ്റ്റയെന്ന (Innova Crysta) മോഡൽ സ്വന്തമാക്കാനായി ആയിരങ്ങൾ വരി നിൽപ്പുണ്ട്.

ഹോണ്ട എന്ന ജാപ്പനീസ് ടൂവീലര്‍ ബ്രാന്‍ഡ് ഇന്ത്യക്കാര്‍ക്കിടയില്‍ പ്രശസ്തമായത് ആക്ടിവ പോലുള്ള സ്‌കൂട്ടറുകളും ഷൈന്‍ പോലുള്ള കമ്മ്യുട്ടര്‍ മോട്ടോര്‍സൈക്കിളുകളും കാരണമാണ്. എന്നാല്‍ നല്ല കിടിലന്‍ പ്രീമിയം മോട്ടോര്‍സൈക്കിളുകളും ഹോണ്ട പുറത്തിറക്കുന്നുണ്ട്. ഇപ്പോള്‍ ഹോണ്ട മോട്ടോര്‍സൈക്കിള്‍ ആന്‍ഡ് സ്‌കൂട്ടര്‍ ഇന്ത്യ തങ്ങളുടെ സ്‌പോര്‍ട്‌സ് ബൈക്കുകളായ CBR650R, CB650R എന്നിവ ഇന്ത്യന്‍ വിപണിയില്‍ വീണ്ടും അവതരിപ്പിച്ചിരിക്കുകയാണ്. ലോഞ്ച് ചെയ്യുന്നതിന് ഒരു ദിവസം മുമ്പ് കമ്പനി ഇതിന്റെ ടീസറും പങ്കുവെച്ചിരുന്നു. പെര്‍ഫോമന്‍സ്, അത്യാധുനിക ഫീച്ചറുകള്‍, സ്‌ട്രൈക്കിംഗ് ഡിസൈന്‍ എന്നിവ സമന്വയിക്കുന്ന ഒരു ബൈക്ക് തേടുന്നവരെയാണ് ഈ മിഡില്‍വെയിറ്റ് മോട്ടോര്‍സൈക്കിളുകള്‍ വഴി ഹോണ്ട ലക്ഷ്യമിടുന്നത്.

ആഡംബര കാറുകളിലെ രാജാവാണ് റോള്‍സ് റോയ്‌സ്. ലോകത്തിലെ പ്രശസ്തരായ സെലിബ്രിറ്റികളും യാത്ര ചെയ്യാന്‍ ഏറെ ഇഷ്ടപ്പെടുന്നത് റോള്‍സ് റോയ്‌സ് കാറുകളിലാണ്. ഇന്ത്യയില്‍ വളരെ കുറച്ച് പേര്‍ക്ക് മാത്രമേ റോള്‍സ് റോയ്‌സ് സ്വന്തമായുള്ളൂ. ലോകോത്തര കാര്‍ നിര്‍മാതാക്കള്‍ എല്ലാവരും പതുക്കെ ഇലക്ട്രിക്കിലേക്ക് മാറുന്ന സാഹചര്യത്തില്‍ ബ്രിട്ടീഷ് ബ്രാന്‍ഡും അതേ പാത പിന്തുടര്‍ന്നിരുന്നു. 2022 ഒക്‌ടോബറില്‍ റോള്‍സ് റോയ്‌സ് തങ്ങളുടെ ആദ്യത്തെ ഇലക്ട്രിക് കാറായ സ്‌പെക്ടര്‍ പുറത്തിറക്കി. കഴിഞ്ഞ വര്‍ഷമാണ് ഇവി ഇന്ത്യന്‍ വിപണിയിലെത്തിയത്. ഇന്ത്യയിലെ കോടീശ്വരന്‍മാര്‍ക്കിടയില്‍ അതിവേഗമാണ് കാര്‍ ജനപ്രിയമായത്. ഏഷ്യയിലെ ഏറ്റവും സമ്പന്നനായ മുകേഷ് അംബാനിയടക്കമുള്ള പ്രമുഖര്‍ തുടക്കത്തിലേ സ്‌പെക്ടര്‍ ഉടമയായി.

പെട്രോൾ സ്‌കൂട്ടറുകളേക്കാൾ സ്വീകാര്യത നേടി മുന്നേറുകയാണ് ഇലക്‌ട്രിക് സ്‌കൂട്ടറുകൾ. സ്റ്റാർട്ടപ്പ് ബ്രാൻഡുകൾ അരങ്ങുവാഴുന്ന വിഭാഗത്തിൽ ടിവിഎസ്, ബജാജ്, ഹീറോ തുടങ്ങിയ പ്രമുഖ ഇരുചക്ര വാഹന നിർമാതാക്കളും തങ്ങളുടെ കഴിവ് തെളിയിച്ച് മുന്നേറുന്നുണ്ട്. അങ്ങനെ ഫാമിലി ഇവി സെഗ്മെന്റിൽ ഏറ്റവും ഫാൻബേസുള്ള മോഡലായി ടിവിഎസിന്റെ ബാറ്ററി വണ്ടി മാറി. വന്നകാലം മുതൽ ഇന്നുവരെ അധികം ചീത്തപ്പേരുകൾ ഒന്നും കേൾപ്പിക്കാതെ മുമ്പോട്ട് പോവുന്ന ഇവിക്ക് അടിക്കടി ഓഫറുകളിട്ട് കമ്പനി ഞെട്ടിക്കാറുമുണ്ട്. ഇ-കൊമേഴ്‌സ് വെബ്‌സൈറ്റായ ഫ്ലിപ്കാർട്ടിൽ ടിവിഎസ് ഐക്യൂബ് ഇലക്ട്രിക് സ്‌കൂട്ടറിന് വമ്പൻ ഡിസ്‌കൗണ്ടാണ് ഒരുക്കിയിരിക്കുന്നത്.

നാല് പതിറ്റാണ്ടായി മാരുതി സുസുക്കി പുലര്‍ത്തിപ്പോന്ന ആധിപത്യത്തിന് അറുതി വരുത്തി ടാറ്റ പഞ്ച് 2024-ല്‍ ഏറ്റവും കൂടുതല്‍ വിറ്റഴിക്കപ്പെട്ട കാര്‍ എന്ന നേട്ടം സ്വന്തമാക്കിയിരുന്നു. ഇന്ത്യയിലെ ഏറ്റവും വലിയ മൂന്നാമത്തെ കാര്‍ നിര്‍മാതാക്കളുടെ എന്‍ട്രി ലെവല്‍ എസ്‌യുവിയാണ് പഞ്ച്. 2021-ലാണ് ടാറ്റ പഞ്ച് മൈക്രോ എസ്‌യുവി നിരത്തിലെത്തിച്ചത്. ഹാച്ച്ബാക്കിന്റെ വിലയില്‍ അത്യുഗ്രന്‍ സേഫ്റ്റിയും കൈനിറയെ ഫീച്ചറുകളുമായി എത്തിയ കാര്‍ ഇന്ത്യക്കാരുടെ ഗുഡ്ബുക്കില്‍ കയറിപ്പറ്റാന്‍ അധികം സമയമെടുത്തില്ല. ഇന്ത്യയിലെ ബെസ്റ്റ് സെല്ലര്‍ കാറായി മാറിയതിന് പിന്നാലെ പഞ്ച് ഇപ്പോള്‍ ഒരു പുത്തന്‍ വില്‍പ്പന നാഴികക്കല്ല് താണ്ടിയിരിക്കുകയാണ്. അതിനെ കുറിച്ച് വിശദമായി വായിക്കാം.

ഇന്ത്യയിലെ എസ്‌യുവി (SUV) മോഡലുകളുടെ വല്യേട്ടൻ ഇമേജുള്ള വാഹനമാണ് ടൊയോട്ട ഫോർച്യൂണർ (Toyota Fortuner). പുതിയത് വാങ്ങണമെങ്കിൽ 60 ലക്ഷം രൂപയോളം മുടക്കേണ്ടതായി വരുമെന്നതിനാൽ പലരും ഫോർച്യൂണർ എന്ന സ്വപ്‌നം മനസിന്റെ കോണിൽ മറന്നിട്ടിരിക്കുകയാവും. ചിവരാവട്ടെ അങ്ങ് ഡൽഹിയിൽ പോയി സെക്കൻഡ് ഹാൻഡ് വാങ്ങി റീരജിസ്റ്റർ ചെയ്‌ത് കൊണ്ട് നടക്കാറുമുണ്ട്. ഏറ്റവും റീസെയിൽ വാല്യുവുള്ള എസ്‌യുവികളിൽ ഒന്നാണിത്. കുറഞ്ഞ മെയിന്റനെൻസും ടൊയോട്ടയുടെ വിശ്വാസവും നല്ല മൈലേജുള്ള ഡീസൽ എഞ്ചിനും ഓഫ്-റോഡ് കഴിവുകളുമെല്ലാമാണ് ഫോർച്യൂണറിന് ഇതിഹാസ പദവി നേടികൊടുത്തത്.

ഇന്ത്യന്‍ വിപണിയില്‍ ഒത്തിരി സ്‌കൂട്ടറുകള്‍ ഉണ്ടെങ്കിലും അവയില്‍ ഫ്രീക്കന്‍മാരുടെ ഇഷ്ടം ആദ്യം പിടിച്ചുപറ്റിയ സ്‌കൂട്ടര്‍ ഹോണ്ട ഡിയോ ആണ്. 2001-ല്‍ ആദ്യമായി ഇന്ത്യയിലെത്തിയ ഈ സ്‌കൂട്ടര്‍ തീര്‍ത്ത ഓളം ഒന്ന് വേറെ തന്നെയായിരുന്നു. സ്‌കൂട്ടറുകള്‍ വാങ്ങാന്‍ മടിച്ച് നിന്ന യുവാക്കളെ അവയിലേക്ക് അടുപ്പിച്ചത് ഡിയോ ആണെന്ന് വരെ പറയാം. എന്തിനേറെ പറയുന്നു ഡിയോയില്‍ സ്റ്റണ്ടിംഗ് വരെ നടത്തിയിരുന്നവര്‍ ഒത്തിരിയാണ്. ഡിയോയെ പ്രസക്തമാക്കി നിലനിര്‍ത്താനായി കാലാനുസൃതമായി അപ്‌ഡേറ്റുകള്‍ നല്‍കാന്‍ ഹോണ്ട ശ്രദ്ധിക്കാറുണ്ട്. ഇപ്പോള്‍ ഹോണ്ട ജനപ്രിയ സ്‌കൂട്ടറായ ഡിയോയുടെ 2025 മോഡല്‍ ഇന്ത്യന്‍ വിപണിയില്‍ അവതരിപ്പിച്ചു. അതിനെ കുറിച്ചുള്ള കൂടുതല്‍ വിശേഷങ്ങള്‍ വായിച്ചറിയാം.

ഇന്ത്യയിലെ സ്‌കൂട്ടർ സെഗ്മെന്റിൽ ക്ലച്ചുപിടിക്കാനായുള്ള തത്രപ്പാടിലാണ് രാജ്യത്തെ ഏറ്റവും വലിയ ഇരുചക്ര വാഹന നിർമാതാക്കളായ ഹീറോ മോട്ടോകോർപ് (Hero Motocorp). കമ്മ്യൂട്ടർ ബൈക്ക് നിരയിൽ തങ്ങൾക്കുള്ള പിടിപാട് സ്‌കൂട്ടറുകളുടെ (Scooter) കാര്യത്തിൽ എത്തിപ്പിടിക്കാൻ കമ്പനിക്ക് ഇതുവരെ സാധിച്ചിരുന്നില്ല. ഇടയ്ക്ക് മാസ്ട്രോ (Maestro) കത്തിക്കയറിയിരുന്നുവെങ്കിലും പിന്നീട് ആധുനിക മോഡലുകൾക്കിടയിൽ പെട്ട് പിന്നാക്കം പോവാനായിരുന്നു വിധി. ഇപ്പോഴിതാ തരംഗമാവാനായി ഹീറോയുടെ ഏറ്റവും കൂടുതൽ വിറ്റഴിക്കപ്പെടുന്ന ഫാമിലി സ്‌കൂട്ടറായ ഡെസ്റ്റിനിയുടെ (Hero Destini 125) പുത്തൻ മോഡലുമായി കളത്തിലേക്ക് എത്തിയിരിക്കുകയാണ് കമ്പനി.

ബോളിവുഡിന്റെ സ്വപ്‌ന നായികയായിരുന്ന മാധുരി ദീക്ഷിതിനെ അറിയാത്ത നയന്റീസ് കിഡ്‌സ് കുറവായിരിക്കും. 1980-കളില്‍ ബോളിവുഡ് അടക്കി ഭരിച്ച നായികയാണ് മാധുരി ദീക്ഷിത്. ചുരുങ്ങിയ നാളുകള്‍ കൊണ്ട് ഹിന്ദി സിനിമ ലോകത്ത് സ്വന്തമായി ഒരു സിംഹാസനം നേടിയെടുത്ത മാധുരി മുന്‍നിര താങ്ങളുടെയെല്ലാം നായികയായി വിലസി. അഭിനയ വൈദഗ്ധ്യത്തിന് പുറമെ ബോളിവുഡിലെ ഏറ്റവും മികച്ച നര്‍ത്തകിമാരില്‍ ഒരാള്‍ കൂടിയാണ് മാധുരി. അതുകൊണ്ട് തന്നെ ഡാന്‍സ് പ്രമേയമായി വന്ന മികച്ച ചിത്രങ്ങളിലെല്ലാം അവര്‍ വേഷമിട്ടിരുന്നു. മാധുരി ദീക്ഷിതിന്റെ സൗന്ദര്യത്തില്‍ മയങ്ങി വീണവരില്‍ സാധാരണക്കാര്‍ മുതല്‍ സെലിബ്രിറ്റികള്‍ വരെയുണ്ട്.

ഇന്ത്യക്കാർക്ക് യാതൊരു ആമുഖവും ആവശ്യമില്ലാത്ത കാറായിരുന്നു ഓമ്‌നി (Omini). നിരത്തുകൾ ഒഴിഞ്ഞിട്ട് കാലങ്ങളായെങ്കിലും അന്നും ഇന്നും ഈ വാനിന് രാജ്യത്തുള്ള ഫാൻബേസിലൊന്നും യാതൊരു കുറവും സംഭവിച്ചിട്ടില്ലെന്ന് വേണം പറയാൻ. പല ആവശ്യങ്ങൾക്കും ഒരുപോലെ ഉപയോഗിക്കാനാവുന്ന മൾട്ടി പർപ്പസ് വാഹനം (Multi Purpose Vehicle) എന്ന നിലയിൽ ഓമ്‌നിക്ക് പകരക്കാരൻ ഉണ്ടാവില്ലെന്നാണ് പലരും കരുതിയിരുന്നത്. പക്ഷേ മാരുതി സുസുക്കി (Maruti Suzuki) നിരയിൽ നിന്നും ഓമ്‌നി കളമൊഴിഞ്ഞതോടെ പകരക്കാരന്റെ വേഷത്തിലെത്തിൽ കമ്പനി നിയോഗിച്ചത് ഈക്കോയെന്ന (Eeco) വാൻ മോഡലിനെയായിരുന്നു.

ഇന്ത്യയിലെ വാഹന പ്രേമികള്‍ പ്രതീക്ഷയോടെ കാത്തിരിക്കുന്ന ഭാരത് മൊബിലിറ്റി ഗ്ലോബല്‍ എക്‌സ്‌പോ 2025 ഏതാനും ഈ വാരാന്ത്യത്തില്‍ ആരംഭിക്കാന്‍ പോകുകയാണ്. ലോകപ്രശസ്തമായ ഓട്ടോ എക്‌സ്‌പോ ഇക്കുറി ഭാരത് മൊബിലിറ്റി ഗ്ലോബല്‍ എക്‌സ്‌പോയുടെ ഭാഗമായാണ് നടക്കുന്നത്. തങ്ങളുടെ ഭാവി ഉല്‍പ്പന്നങ്ങളും സാങ്കേതികവിദ്യകളും പ്രദര്‍ശിപ്പിക്കാനുള്ള പ്ലാറ്റ്‌ഫോമായാണ് ഓട്ടോ എക്‌സ്‌പോ ബ്രാന്‍ഡുകള്‍ ഉപയോഗപ്പെടുത്തുന്നത്. ദക്ഷിണ കൊറിയന്‍ വാഹന നിര്‍മാതാക്കളായ ഹ്യുണ്ടായി വര്‍ഷങ്ങളായി ഓട്ടോ എക്‌സ്‌പോയിലെ സ്ഥിരം സാന്നിധ്യമാണ്. ഹ്യുണ്ടായി മാത്രമല്ല മറ്റ് നിരവധി കമ്പനികളും അവരുടെ കിടിലന്‍ ഉല്‍പ്പന്നങ്ങള്‍ ഇവന്റില്‍ വെച്ച് പ്രദര്‍ശിപ്പിക്കാന്‍ പദ്ധതിയിടുന്നു. അതുകൊണ്ടുതന്നെ ഓട്ടോ എക്‌സ്‌പോ വേഗം വന്നെങ്കില്‍ എന്ന് കൊതിക്കുകയാണ് വാഹനപ്രേമികള്‍.