ഡസ്റ്റർ എന്ന എസ്‌യുവിയിലൂടെ ഇന്ത്യക്കാർക്കിടയിൽ ഫാൻബേസുണ്ടാക്കിയെടുത്ത വാഹന നിർമാതാക്കളാണ് റെനോ. ക്രെറ്റയ്ക്കും ഗ്രാൻഡ് വിറ്റാരയ്ക്കുമെല്ലാം മുമ്പേ ജനിച്ച രാജ്യത്തെ ആദ്യത്തെ മിഡ്-സൈസ് എസ്‌യുവിയെന്ന് ഇവനെ വിശേഷിപ്പിച്ചാലും തെറ്റൊന്നും പറയാനില്ല. ഒരിടിയ്ക്ക് നിരത്തിലിറങ്ങിയാൽ ഡസ്റ്ററുകൾ ഒന്നിച്ച് പായുന്നത് വരെ കാണാമായിരുന്നു. അങ്ങനെ സെലിബ്രിറ്റികളുടെ വരെ മനസ് കീഴടക്കി റെനോ വലിയൊരു ബ്രാൻഡായി ഉയരുകയും ചെയ്‌തു. ഡസ്റ്ററിനൊപ്പം ആളുകളുടെ മനംകവർന്ന് ക്വിഡ് എന്ന ചെറുകാറും വലിയ വിപ്ലവമാണ് രചിച്ചത്. അങ്ങനെ താങ്ങാനാവുന്ന വിലയ്ക്ക് വാഹനങ്ങൾ വിറ്റാണ് റെനോ ഇന്ന് കാണുന്ന നിലയിലേക്ക് വളർന്നത്.

പണ്ട് കാലത്ത് ലംബോര്‍ഗിനി കാറുകളുടെ ചിത്രങ്ങള്‍ മാത്രമായിരുന്നു ഇന്ത്യക്കാര്‍ കണ്ടിരുന്നത്. എന്നാല്‍ ഇന്ന് സ്ഥിതിയാകെ മാറി. ഇന്ത്യയിലെ മെട്രോ നഗരങ്ങളില്‍ മാത്രമല്ല കേരളത്തിലെ ചില സ്ഥലങ്ങളിലെ കോടീശ്വരന്‍മാരും ഇന്ന് അള്‍ട്ര ലക്ഷ്വറി കാറുകള്‍ വാങ്ങി ഉപയോഗിക്കുന്നു. ഇന്ത്യയില്‍ ഏറ്റവും കൂടുതല്‍ സൂപ്പര്‍കാറുകളുള്ളത് ഡല്‍ഹിയിലും മുംബൈയിലുമാണ്. ഇന്ത്യയുടെ ഐടി തലസ്ഥാനമായ ബെംഗളൂരുവും ഇക്കാര്യത്തില്‍ മോശമല്ല. നിരവധി യുവ സംരഭകരും യംഗ് പ്രഫഷനലുകളും തിങ്ങിപ്പാര്‍ക്കുന്ന നഗരത്തിലും ലക്ഷ്വറി കാറുടമകളുടെ എണ്ണം വളരെ കൂടുതലാണ്. ഒരു കാര്‍ വാങ്ങുക എന്നത് അത്ര പ്രയാസകരമായ കാര്യമല്ല. എന്നാല്‍ അതിന്റെ വിലയ്ക്കും ഗ്ലാമറിനുമൊത്ത രീതിയില്‍ അവ പരിപാലിക്കുകയും വേണം.

കഴിഞ്ഞ വർഷം പൊതുവേ ഇന്ത്യൻ വാഹന വിപണിയ്ക്ക് വല്യ തട്ടുകേടുകളും പങ്കപ്പാടുകളും ഒന്നുമില്ലാതെ പല നിർമ്മാതാക്കളും വളർച്ചയുടെ പാതയിലാണ്. അക്കൂട്ടത്തിൽ അന്നും ഇന്നും മുൻപന്തിയിലാണ് നമ്മുടെ സ്വന്തം മാരുതി സുസുക്കി. 2024 ഡസംബറിലും മാരുതി സുസുക്കി ഇന്ത്യ ലിമിറ്റഡ് (MSIL) ഉയർന്ന നേട്ടം കൈവരിച്ചു. മൊത്തം 1,78,248 യൂണിറ്റ് വിൽപ്പനയാണ് ഇന്തോ ജാപ്പനീസ് നിർമ്മാതാക്കൾ നേടിയത്. കഴിഞ്ഞ വർഷത്തെ ഇതേ കാലയളവിനെ അപേക്ഷിച്ച് ഗണ്യമായ വർധനവാണ് ഉണ്ടായിരിക്കുന്നത് എന്ന് റിപ്പോർട്ടുകൾ വ്യക്തമാക്കുന്നു.

2008 -ൽ ടെലിവിഷൻ പരമ്പരകളിലൂടെ ഏറെ പ്രശസ്തി നേടിയ ഒരു വ്യക്തിയുണ്ട്. പ്രത്യേകിച്ച് ശ്രീ രാമൻ്റെ വേഷം അഭിനയിച്ച് ജനമനസുകളിലേക്ക് കയറി കൂടിയ താരം ആരാണെന്ന് കുറച്ച് പേർക്കെങ്കിലും മനസിലായി കാണും. പ്രശസ്ത നടൻ ഗുർമീത് ചൗധരിയുടെ കാര്യമാണ് പറഞ്ഞത്. രാമായണ സീരിയലിന് ശേഷം നിരവധി സിനിമകളിൽ അഭിനയിച്ച താരം ഒരു മാർഷ്യൽ ആർട്ടിസ്റ്റ് കൂടിയാണ്. താരം പുതിയതായി സ്വന്തമാക്കിയ വാഹനത്തിൻ്റെ വീഡിയോയും ചിത്രങ്ങളും , സോഷ്യൽ മീഡിയയിൽ വൈറലാണ്. ബിവൈഡിയുടെ അറ്റോ 3 എന്ന ഇവിയാണ് താരം സ്വന്തമാക്കിയിരിക്കുന്നത്. വാഹനത്തിൻ്റെ കൂടുതൽ വിശേഷങ്ങളറിയാൻ തുടർന്ന് വായിക്കാൻ മറക്കരുതേ.

ഇന്ത്യയിൽ ഏറ്റവും കൂടുതൽ ആളുകൾ വാങ്ങുന്ന എസ്‌യുവിയാണ് ഹ്യുണ്ടായി ക്രെറ്റ. ഇതിനൊരു എതിരാളിയുണ്ടെങ്കിൽ അത് ടാറ്റ നെക്സോൺ ആണെന്ന് വേണം പറയാൻ. ഒരേ സെഗ്മെന്റിൽ അല്ല മത്സരമെങ്കിലും വിൽപ്പനയുടെ കാര്യത്തിൽ ഇത്രയും കേമനായിട്ടുള്ളത് ടാറ്റയുടെ കോംപാക്‌ട് എസ്‌യുവിയാണ്. ഇവ രണ്ടും ചൂടപ്പം പോലെ വിറ്റഴിയാനുള്ള കാരണം എന്തായാണെന്ന് ചോദിച്ചാൽ വൈവിധ്യമാർന്ന എഞ്ചിൻ ഓപ്ഷനുകളും ഫീച്ചറുകളും സേഫ്റ്റിയും മറ്റുമാണെന്ന് വേണം പറയാൻ. നെക്സോൺ ഇലക്ട്രിക്കിലും കൂടി വിൽക്കുന്നുണ്ടെന്നത് വിലയൊരു നേട്ടമാണ്. അതിനാൽ തന്നെ വൈദ്യുത വാഹന രംഗത്തേക്ക് നിശബ്‌ദമായിട്ടിറങ്ങാൻ പോവുകയാണ് ഹ്യുണ്ടായി ക്രെറ്റ ഇവി.

പുതുവര്‍ഷം പിറന്നതോടെ വാഹന വില്‍പ്പന കണക്കുകള്‍ പുറത്ത് വന്ന് കൊണ്ടിരിക്കുകയാണ്. ഇന്ത്യയിലെ പ്രമുഖ കാര്‍ ബ്രാന്‍ഡായ ടാറ്റ മോട്ടോര്‍സിനെ (Tata Motors) സംബന്ധിച്ച് അത്യാവശ്യം സ്ഥിരത പുലര്‍ത്തിയ വര്‍ഷമായിരുന്നു 2024. പ്രത്യേകിച്ചും ആഭ്യന്തര വിപണിയില്‍ സ്ഥിരത നിലനിര്‍ത്താനായി. ശക്തമായ എസ്‌യുവി പോര്‍ട്‌ഫോളിയോയും ഇവികളും (Electric Vehicles) ഉണ്ടായിട്ടും പക്ഷേ 2024 ഡിസംബറില്‍ കമ്പനിയുടെ വളര്‍ച്ച ഒറ്റയക്കത്തില്‍ ഒതുങ്ങി. അതേസമയം ടാറ്റയുടെ എതിരാളികളായ മാരുതി സുസുക്കി, ഹ്യുണ്ടായി, ടൊയോട്ട, മഹീന്ദ്ര, എംജി എന്നീ കമ്പനികള്‍ ഇരട്ടയക്കത്തിലുള്ള വില്‍പ്പന വളര്‍ച്ച സ്വന്തമാക്കി.

കേരളത്തിലെ തിരക്ക് പിടിച്ച നഗരമായ കൊച്ചിയിലെ യാത്രക്കാർക്ക് വലിയ അനുഗ്രഹമായിരുന്നു മെട്രോ വന്നത്. ഒരുപാട് പേരുടെ യാത്ര ദുരിതത്തിന് അറുതി വരുത്താനും ഇത് കൊണ്ട് സാധിച്ചിരുന്നു. ഇപ്പോഴിതാ മെട്രോയിൽ ഡിസംബർ 31 നും ജനുവരി ഒന്നിനും യാത്ര ചെയ്തവരുടെ എണ്ണം 1.30 ലക്ഷം കടന്നിരിക്കുകയാണ്. റെക്കോർഡ് വരുമാനമാണ് ഇത്തവണ ലഭിച്ചിരിക്കുന്നത്.10.15 കോടി രൂപയാണ് ഇത്തവണ കൊച്ചി മെട്രോയിൽ നിന്ന് ലഭിച്ചിരിക്കുന്നത്. മുൻ വർഷം ഡിസംബറിലെ യാത്രക്കാരുടെ ആകെ എണ്ണം നോക്കിയാൽ അത് 29 ലക്ഷവും വരുമാനം 9.24 കോടി രൂപയുമായിരുന്നു എന്നാണ് കണക്കുകൾ വ്യക്തമാക്കുന്നത്.

എസ്‌യുവി സെഗ്മെന്റിൽ ടൊയോട്ടയ്ക്കും ഫോർച്യൂണറിനും വെല്ലുവിളിയാവാൻ തീരുമാനിച്ചിറങ്ങിയവരാണ് അമേരിക്കൻ വാഹന നിർമാതാക്കളായ ജീപ്പ്. കോമ്പസിലൂടെ നല്ലൊരു തുടക്കം കിട്ടിയെങ്കിലും പിന്നീട് എത്തിയവരൊന്നും കാര്യമായ സംഭാവന ചെയ്‌തില്ല. ഏറെ പ്രതീക്ഷയോടെയെത്തിയ മെറിഡിയൻ തമ്മിൽ ഭേദം തൊമ്മനായപ്പോൾ ബ്രാൻഡിന് ആശ്വാസമായി വിൽപ്പനയും മോശമാക്കിയില്ല. ഫുൾ-സൈസ് എസ്‌യുവി വിഭാഗത്തിൽ അങ്ങനെ തകർക്കുന്ന വാഹനം ഏവർക്കും പ്രിയപ്പെട്ടതാണ്. പക്ഷേ പുതുവർഷത്തിൽ ഒന്ന് വാങ്ങി വീട്ടിലിടാമെന്ന് വിചാരിച്ചിരുന്നവർക്ക് നിരാശ നൽകുന്നൊരു വാർത്തയാണ് കമ്പനി അറിയിച്ചിരിക്കുന്നത്. മറ്റൊന്നുമല്ല, മെറിഡിയൻ ഇനി പഴയ വിലയ്ക്ക് വാങ്ങാൻ കിട്ടില്ലെന്നാണ് ജീപ്പിന്റെ പക്ഷം.

2024 ഇലക്ട്രിക് വാഹന വിഭാഗത്തിന് മികച്ച വര്‍ഷമായിരുന്നു. കഴിഞ്ഞ വര്‍ഷം 11.4 ലക്ഷം ഇലക്ട്രിക് ഇരുചക്ര വാഹനങ്ങളാണ് ഇന്ത്യക്കാര്‍ വാങ്ങിക്കൂട്ടിയത്. കഴിഞ്ഞ വര്‍ഷം ഇന്ത്യയില്‍ മൊത്തം വിറ്റ ഇവികളില്‍ 59 ശതമാനവും ഇലക്ട്രിക് ടൂവീലറുകളാണ്. 2024 കലണ്ടര്‍ വര്‍ഷത്തിന്റെ തുടക്കം മുതല്‍ ഏകദേശം മുക്കാല്‍ ഭാഗം വരെ ഇലക്ട്രിക് ടൂവീലര്‍ സെഗ്‌മെന്റ് ലീഡേഴ്‌സ് ആയ ഓല ഇലക്ട്രിക്കിന് പേരിന് പോലും വെല്ലുവിളി ഉണ്ടായിരുന്നില്ല. ഓഹരി വിപണിയില്‍ ലിസ്റ്റ് ചെയ്ത കമ്പനിക്ക് ബ്ലോക്ക്ബസ്റ്റര്‍ തുടക്കവും ലഭിച്ചു. എന്നാല്‍ 2024-ന്റെ അവസാന ലാപ്പില്‍ ഓലക്ക് ചെറുതായി കാലിടറിയതായാണ് വില്‍പ്പന കണക്കുകള്‍ സൂചിപ്പിക്കുന്നത്.

മാരുതി സുസുക്കിയുടെ ഫ്ലാഗ്ഷിപ്പ് എംപിവി സ്വന്തമാക്കാൻ പറ്റിയ സമയമാണ്. മാരുതിയുടെ വില കൂടിയ എംപിവിയായ ഇൻവിക്ടോ ടൊയോട്ടയുടെ ഇന്നോവ ഹൈക്രോസിൻ്റെ റീബാഡ്ജ് പതിപ്പാണെന്ന് അറിയാമല്ലോ. ഹൈക്രോസിനെ പോലെ ഒരു മികച്ച വിൽപ്പന കണക്കുകൾ കാണിക്കാൻ മാത്രം പോന്ന ഒരു ഐറ്റമല്ല ഇത്. 2.65 ലക്ഷം രൂപയുടെ കിഴിവാണ് കമ്പനി പ്രഖ്യാപിച്ചിരിക്കുന്നത്. ഇൻവിക്ടോയുടെ ആൽഫ+ വേരിയന്റ് തിരഞ്ഞെടുക്കുന്ന ഉപഭോക്താവിന് 1.15 ലക്ഷം രൂപ സ്ക്രാപ്പേജ് ബോണസായി ലഭിക്കും. MSSF വഴി നിങ്ങളുടെ വാഹനത്തിന് ധനസഹായം നൽകുകയാണെങ്കിൽ, 1.50 ലക്ഷം രൂപ അധിക കിഴിവും ലഭ്യമാണ്.

എല്ലാ കാലത്തും ഇന്ത്യന്‍ ക്രിക്കറ്റില്‍ ഓരോ താരോദയങ്ങള്‍ ഉണ്ടാകാറുണ്ട്. ഓസ്‌ട്രേലിയയില്‍ നടന്ന് കൊണ്ടിരിക്കുന്ന ബോര്‍ഡര്‍-ഗവാസ്‌കര്‍ ട്രോഫി ക്രിക്കറ്റ് പരമ്പരയിലൂടെ ഭാവി താരമായി വാഴ്ത്തപ്പെടുകയാണ് ഒരു ആന്ധ്രാപ്രദേശുകാരന്‍. പറഞ്ഞു വരുന്നത് നിതീഷ് കുമാര്‍ റെഡ്ഡിയെ കുറിച്ചാണ്. മെല്‍ബണില്‍ നടന്നബോക്സിംഗ് ഡേ ടെസ്റ്റിന്റെ ആദ്യ ഇന്നിംഗ്സില്‍ ഇന്ത്യന്‍ ടീം ബാറ്റിംഗ് തകര്‍ച്ച നേരിട്ടപ്പോള്‍ കന്നി സെഞ്ച്വറിയിയുമായി ഫോളോ ഓണ്‍ ഭീഷണി ഒഴിവാക്കിയ 21-കാരന്‍ ഒരുപിടി റെക്കോഡുകളും സ്വന്തം പേരിലാക്കി. കളി ഇന്ത്യ തോറ്റെങ്കിലും പ്രയാസകരമായ സമയത്ത് ടീമിന്റെ രക്ഷക്കെത്തി വാലറ്റക്കാരെ കൂട്ടിപിടിച്ച് അത്ഭുതം കാണിച്ച താരത്തെ ക്രിക്കറ്റ് ഇതിഹാസങ്ങടക്കം പ്രശംസിച്ചു.

കേരളത്തിൽ റെയിൽവേ അനുവദിച്ച വന്ദേ ഭാരത് ട്രെയിൻ യാത്രക്കാർക്ക് വലിയ അനുഗ്രഹമായിരുന്നു. 16 കോച്ചാണ് വന്ദേ ഭാരത് ട്രെയിനിന് അനുവദിച്ചത്. ഇപ്പോഴിതാ യാത്രക്കാരുടെ അപേക്ഷ പ്രകാരം 20 കോച്ച് അനുവദിച്ചിരിക്കുകയാണ്. നിലവിലുള്ള ട്രെയിൻ മറ്റൊരു റൂട്ടിലേക്ക് കൂടി ചേർക്കുന്നുണ്ട് എന്നാണ് ലഭിക്കുന്ന റിപ്പോർട്ടുകൾ വ്യക്തമാക്കുന്നത്, എന്നിരുന്നാലും ഇതുവരെ ഏത് റൂട്ടായിരിക്കും എന്ന് തീരുമാനിച്ചിട്ടില്ല. അതോടൊപ്പം തന്നെ 10 പുതിയ വന്ദേ ഭാരത് ട്രെയിനുകൾ കൂടെ അനുവദിക്കുമെന്നാണ് അറിയിച്ചിരിക്കുന്നത്. പുതിയ ട്രെയിനിൽ ചാര-കറുപ്പ്-ഓറഞ്ച് നിറങ്ങളായിരിക്കും ഉണ്ടാകാൻ സാധ്യത.

ഇന്ത്യയിലെ ഏറ്റവും വലിയ ഇരുചക്ര വാഹന നിര്‍മാതാക്കളില്‍ ഒന്നാണ് ഹോണ്ട മോട്ടോര്‍സൈക്കിള്‍സ് ആന്‍ഡ് സ്‌കൂട്ടര്‍ ഇന്ത്യ. സ്‌കൂട്ടര്‍ വിഭാഗം അടക്കി ഭരിക്കുന്നതും അവരാണ്. ഏറെ നാളത്തെ കാത്തിരിപ്പിന് ശേഷം ഹോണ്ട തങ്ങളുടെ ആദ്യത്തെ ഇലക്ട്രിക് സ്‌കൂട്ടര്‍ ഇന്ത്യയില്‍ അവതരിപ്പിച്ചു. പ്രതീക്ഷിച്ച പോലെ തന്നെ ജനപ്രിയ മോഡലായ ആക്ടിവയുടെ ഇലക്ട്രിക് പതിപ്പായ ആക്ടിവ e: ആയിരുന്നു ഒന്നാമത്തേത്. ഒപ്പം ബോണസായി QC1 എന്ന മറ്റൊരു മോഡലും ബ്രാന്‍ഡ് ഇന്ത്യക്ക് സമ്മാനിച്ചു. ഇപ്പോള്‍ ഈ രണ്ട് ഇലക്ട്രിക് സ്‌കൂട്ടറുകളുടെയും ബുക്കിംഗ് ആരംഭിച്ചിട്ടുണ്ട്. അതിനെ കുറിച്ച് ചുവടെ വിശദമായി വായിക്കാം.

എന്തെങ്കിലും ആഘോഷം എന്ന് പറഞ്ഞാൽ വെളളമടിയെന്നാണല്ലോ പലരും വിചാരിക്കുന്നത്. ആഘോഷങ്ങൾക്ക് എല്ലാം ഒരു പരിധിയുണ്ട്. മദ്യപിച്ച് വാഹനമോടിക്കാതിരിക്കുക എന്നതാണ് ഏറ്റവും ശ്രദ്ധിക്കേണ്ട കാര്യം. സാധാരണ കേരളത്തിലാണ് ഏറ്റവും കൂടുതൽ മദ്യപിച്ച് വാഹനമോടിച്ച കേസുകൾ രജിസ്റ്റർ ചെയ്യാറുള്ളത് എന്നാൽ പുതിയ റിപ്പോർട്ടുകൾ വ്യക്തമാക്കുന്നത് ഹൈദരാബാദിൽ 619 കേസുകളാണ് രജിസ്റ്റർ ചെയ്തിരിക്കുന്നത്. കൂടുതലും ഇരുചക്ര വാഹനങ്ങളാണ് രജിസ്റ്റർ ചെയ്തിരിക്കുന്നത്.സാധാരണഗതിയിൽ, ആൽക്കഹോൾ അളവ് നിർണ്ണയിക്കാൻ ട്രാഫിക് പോലീസ് ബ്രീത്ത് അനലൈസറുകൾ ഉപയോഗിക്കുന്നു, 100 മില്ലി രക്തത്തിൽ 30 മില്ലിഗ്രാമിൽ താഴെ ആൽക്കഹോൾ അളവ് കുറഞ്ഞാൽ ഡ്രൈവറെ സുരക്ഷിതനായി കണക്കാക്കുമെന്നാണ് നിയമം അനുശാസിക്കുന്നത്.

കച്ചവടമുള്ള ഒറ്റ മോഡല്‍ വെച്ച് ഒരു രാജ്യത്ത് നിലനില്‍ക്കാന്‍ പറ്റുമോ എന്ന് ചോദിച്ചാല്‍ എന്ന് ചോദിച്ചാല്‍ നിസാന്‍ മുതലാളി യെസ് എന്ന് പറയും. ഹാച്ച്ബാക്കിന്റെ വിലയില്‍ കുഞ്ഞന്‍ എസ്‌യുവി വില്‍പ്പനക്കെത്തിച്ചാണ് നിസാന്‍ ഇന്ത്യയില്‍ വേരോട്ടമുണ്ടാക്കിയത്. കഴിഞ്ഞ വര്‍ഷം X-ട്രെയില്‍ എന്ന എസ്‌യുവി കൊണ്ടുവന്നെങ്കിലും ഉയര്‍ന്ന വില കാരണം വില്‍പ്പന നന്നേ കുറവാണ്. എന്നാല്‍ ഏക അത്താണിയായ മാഗ്‌നൈറ്റ് മോശമാക്കിയില്ല. 2024 വര്‍ഷത്തെ വില്‍പ്പന കണക്കുകള്‍ പുറത്ത് വരുമ്പോള്‍ 1 ലക്ഷത്തിനടുത്ത് യൂണിറ്റ് വില്‍പ്പനയാണ് സബ് 4 മീറ്റര്‍ എസ്‌യുവി നേടിയത്. ജാപ്പനീസ് കാര്‍ നിര്‍മാതാക്കളുടെ വില്‍പ്പന കണക്കുകള്‍ വിശദമായി ചുവടെ നോക്കാം.

സമ്മാനം ലഭിക്കുന്നത് ആർക്കാണ് ഇഷ്ടമല്ലാത്തത്. സോഷ്യൽ മീഡിയയിൽ മാതാപിതാക്കൾക്ക് കാർ സമ്മാനിക്കുന്ന വീഡിയോകളും ചിത്രങ്ങളും പലപ്പോഴും വൈറലാവാറുണ്ട്. മാതാപിതാക്കൾ മക്കൾക്ക് വില കൂടിയ വാഹനങ്ങൾ സമ്മാനിക്കുന്നതും ഒട്ടും കുറവല്ല കേട്ടോ. ഇപ്പോഴിതാ തൻ്റെ മകന് മഹീന്ദ്ര ഥാർ റോക്സ് വാങ്ങി നൽകി വൈറലായിരിക്കുകയാണ് ഒരു പിതാവ്. ചിത്രങ്ങളും വീഡിയോകളും ആഷയ് ഖിരെ എന്ന വ്യക്തി തൻ്റെ ഇൻസ്റ്റാഗ്രാമിൽ പോസ്റ്റ് ചെയ്തിരിക്കുകയാണ്. ഒരു സ്വപ്നം സാക്ഷാത്കരിക്കപ്പെട്ടുകൊണ്ട് വർഷം അവസാനിപ്പിക്കുന്നു! പുത്തൻ ഥാർ റോക്സ് നൽകികൊണ്ട് പിതാവ് അത്ഭുതപ്പെടുത്തി എന്നാണ് പോസ്റ്റിൽ അദ്ദേഹം പറയുന്നത്.

അഭിനയസിദ്ധിയുളളവര്‍ക്ക് അല്‍പ്പം വൈകിയാണെങ്കിലും നല്ല സമയം വരുമെന്ന് എല്ലാവര്‍ക്കും അറിയാം. ഭാഷ ഏതായാലും സ്വഭാവ നടന്‍മാര്‍ക്ക് നല്ല ഡിമാന്‍ഡാണ്. 'മിര്‍സാപൂര്‍' വെബ് സീരീസിലെ കൊടുര വില്ലന്‍ വേഷം കൊണ്ട് ശ്രനേടിയ നടനാണ് പങ്കജ് ത്രിപാഠി. ബിഹാറുകാരനായ പങ്കജ് നാഷനല്‍ സ്‌കൂള്‍ ഓഫ് ഡ്രാമയില്‍ നിന്ന് അഭിനയം പഠിച്ച് ഇറങ്ങിയ ശേഷം ഓംകാര, അഗ്‌നീപഥ് എന്നീ സിനിമകളിലെ ചെറുവേഷങ്ങളിലൂടെയാണ് കരിയര്‍ തുടങ്ങിയത്. അനുരാഗ് കശ്യപിന്റെ ക്രൈം ഡ്രാമയായ ഗാംഗ്‌സ് ഓഫ് വസീപൂറിലെ വേഷമാണ് പങ്കജിന് ബ്രേക്കായത്. ഫുക്രി, മസാന്‍, സ്ത്രീ, ലുഡോ, കാര്‍ഗില്‍ ഗേള്‍, 83 എന്നീ സിനിമകളിലെ വേഷങ്ങളിലൂടെ കൈയ്യടി നേടി.

ഇന്ത്യൻ ബ്രാൻഡായ മാരുതി സുസുക്കി എപ്പോഴും ആക്ഷേപം കേൾക്കുന്ന കാര്യമാണ് വാഹനങ്ങളുടെ ബിൽഡ് ക്വാളിറ്റിയെ പറ്റി. എന്നാൽ ഇപ്പോൾ പുതിയതായി അവതരിപ്പിച്ച വാഹനങ്ങളെല്ലാം ഒന്നിനൊന്ന് മികച്ചതാണ് എന്ന് ഉപഭോക്താക്കൾക്ക് മനസിലായിട്ടുണ്ട്. ചിലപ്പോൾ റോഡുകളിൽ അതിൻ്റ തെളിവുകൾ കാണാനും സാധിക്കുന്നുണ്ട്. അത്തരത്തിലൊരു ചിത്രമാണ് സോഷ്യൽ മീഡിയയിൽ വൈറലായിരിക്കുന്നത്. മാരുതി സുസുക്കി ഗ്രാൻഡ് വിറ്റാറയിൽ വന്നിടിച്ച ഫോക്സ്‌വാഗൺ പോളോയുടെ ചിത്രമാണത്. ഗ്രാൻഡ് വിറ്റാര ക്ലബ്ബിൽ വന്ന ചിത്രമാണ് സോഷ്യൽ മീഡിയയിൽ ശ്രദ്ധിക്കപ്പെടുന്നത്.

കേന്ദ്ര വാണിജ്യ വ്യവസായ മന്ത്രാലയത്തിന്റെ ഭാരത് മൊബിലിറ്റി ഗ്ലോബല്‍ എക്സ്പോ 2025 ജനുവരി 17 മുതല്‍ 22 വരെ നടക്കാന്‍ പോകുകയാണ്. രണ്ട് വര്‍ഷത്തിലൊരിക്കല്‍ നടത്തിയിരുന്ന ഓട്ടോ എക്‌സ്‌പോയും ഇപ്പോള്‍ ഇതിന്റെ ഭാഗമാണ്. ദി മോട്ടോര്‍ ഷോ, ഓട്ടോ എക്സ്പോ -ദി കംപോണന്റ്സ് ഷോ, മൊബിലിറ്റി ടെക് പവലിയന്‍, അര്‍ബന്‍ മൊബിലിറ്റി ആന്‍ഡ് ഇന്‍ഫ്രാസ്ട്രക്ചര്‍ ഷോ, കണ്‍സ്ട്രക്ഷന്‍ എക്യുപ്മെന്റ് എക്സ്പോ, സ്റ്റീല്‍ പവലിയന്‍, ബാറ്ററി ഷോ, ടയര്‍ ഷോ, സൈക്കിള്‍ ഷോ എന്നിവ ഇതില്‍ ഉള്‍പ്പെടുന്നു. 5,000-ത്തിലധികം ആഗോള ഉപഭോക്താക്കള്‍ ഉള്ള ഇന്ത്യയിലെ ഏറ്റവും വലിയ ഓട്ടോമോട്ടീവ് ഇവന്റുകളില്‍ ഒന്നാണിത്.