ഇന്ത്യന്‍ ഇലക്ട്രിക് ഇരുചക്ര വാഹന വിപണിയില്‍ തങ്ങളുടെ വിപണി വിഹിതം ശക്തമാക്കിക്കൊണ്ട് ബജാജ് ചേതക് ഇലക്ട്രിക് സ്‌കൂട്ടര്‍ മികച്ച വില്‍പ്പന വളര്‍ച്ച കൈവരിച്ച് മുന്നേറുന്നു. പ്രമുഖ ഓട്ടോമൊബൈല്‍ പോര്‍ട്ടലായ ഓട്ടോ പണ്ഡിറ്റ്‌സ് (Auto Punditz) പുറത്തുവിട്ട ഏറ്റവും പുതിയ റിപ്പോര്‍ട്ടുകള്‍ പ്രകാരം, 2026 ഏപ്രില്‍ മാസത്തില്‍ മാത്രം ആകെ 34,304 യൂണിറ്റ് ചേതക് ഇലക്ട്രിക് സ്‌കൂട്ടറുകളാണ് ബജാജ് ഓട്ടോ ഇന്ത്യന്‍ വിപണിയില്‍ വിറ്റഴിച്ചത്. 2025 കലണ്ടര്‍ വര്‍ഷം ഇതേ കാലയളവില്‍ അതായത് 2025 ഏപ്രിലില്‍ കമ്പനി ആകെ 19,216 യൂണിറ്റ് ചേതക് സ്‌കൂട്ടറുകള്‍ മാത്രമാണ് വിറ്റത്.

ഇന്ത്യൻ വിപണിയിൽ മുഖംമിനുക്കി വിപണിയിലെത്തിയിരിക്കുകയാണ് പുത്തൻ ഹോണ്ട സിറ്റി. 2020-ൽ തലമുറ മാറ്റം ലഭിച്ച അഞ്ചാംതലമുറ ആവർത്തനത്തിലേക്ക് മറ്റൊരു ഫെയ്‌സ്‌ലിഫ്റ്റ് കൂടി കൊണ്ടുവരുമ്പോൾ ഡിസൈൻ പൂർണമായും പൊളിച്ചെഴുതിയാണ് ജാപ്പനീസ് വാഹന നിർമാതാക്കൾ ആരാധകരെ ഞെട്ടിച്ചിരിക്കുന്നത്. വിശാലമായ ഉൾവശം, യാത്രാസുഖം, വിശ്വാസ്യത എന്നിവ ആഗ്രഹിക്കുന്ന ഉപഭോക്താക്കൾക്കിടയിൽ ഇന്നും പ്രിയപ്പെട്ട കാർ ഇത്തരത്തിലൊരു മാറ്റത്തോടെ വിപണിയിലെത്തുമ്പോൾ ആരായാലും ഒന്ന് നോക്കിനിന്ന് പോവും. നിലവിലുള്ള മെക്കാനിക്കൽ കരുത്ത് നിലനിർത്തിക്കൊണ്ട് തന്നെ കൂടുതൽ ഷാർപ്പായ സ്റ്റൈലിംഗും നൂതന ഫീച്ചറുകളും നൽകാനാണ് ഈ ഫെയ്‌സ്‌ലിഫ്റ്റിലൂടെ ഹോണ്ട ശ്രമിച്ചിരിക്കുന്നത്.

ഇറാനും യുഎസും തമ്മിലുള്ള സംഘർഷത്തെ തുടർന്ന് ഇന്ത്യയിലെ ഇന്ധന ഇറക്കുമതിയിൽ പ്രതിസന്ധികൾ നിലനിൽക്കുന്നതിനിടെ ബദൽ മാർഗങ്ങൾ തേടിയിറങ്ങിയിരിക്കുകയാണ് രാജ്യത്തെ പ്രമുഖ വാഹന നിർമാതാക്കളെല്ലാം. പെട്രോളിൽ എഥനോൾ കൂടുതൽ കലർത്തുന്ന E30 പദ്ധതി പ്രോത്സാഹിപ്പിക്കുന്ന കേന്ദ്ര സർക്കാർ നയങ്ങളും ഇതിനോടൊപ്പം നടന്നുവരികയാണ്. ഇതിനിടയിൽ ലോകത്തിലെ തന്നെ നമ്പർ 1 ഇരുചക്ര വാഹന നിർമാതാക്കളായ ഹീറോ മോട്ടോകോർപ് തങ്ങളുടെ ആദ്യത്തെ ഫ്ലെക്‌സ് ഫ്യുവൽ മോട്ടോർസൈക്കിൾ പുറത്തിറക്കാൻ ഒരുങ്ങുന്നതായാണ് വാർത്തകൾ. ഇതിനായി അധികം കാത്തിരിക്കുകയൊന്നും വേണ്ട. വരുന്ന ജൂൺ മൂന്നിന് പൂർണമായും എഥനോളിൽ ഓടാൻ കഴിവുള്ള ബൈക്ക് ഇന്ത്യയിൽ അവതരിക്കും.

ഇറ്റാലിയൻ ആഡംബര സ്‌പോർട്‌സ് കാർ നിർമാതാക്കളായ ഫെറാറിയും വൈദ്യുത വാഹനങ്ങൾക്ക് പിന്നാലെ പായാൻ തീരുമാനിച്ചിരിക്കുകയാണ്. ഇതിന്റെ ഭാഗമായി അടുത്തിടെ കമ്പനി ബ്രാൻഡിന്റെ ആദ്യത്തെ ഇവി ലൂഷെ കഴിഞ്ഞ ദിവസം ലോകത്തിനായി സമർപ്പിക്കുകയുണ്ടായി. സാധാരണയായി കണ്ടുവരുന്ന ഫെറാറി കാറുകളിൽ നിന്നും വ്യത്യസ്‌തമായ രീതിയിലാണ് ഇതിന്റെ ഡിസൈൻ പൂർത്തിയാക്കിയിരിക്കുന്നത്. ആപ്പിളിന്റെ മുന്‍ ചീഫ് ഡിസൈനര്‍ സര്‍ ജോണി ഐവിന്റെ നേതൃത്വത്തിലുള്ള ലവ്ഫ്രം (LoveFrom) എന്ന പ്രശസ്ത ക്രിയേറ്റീവ് കൂട്ടായ്മയാണ് ലൂഷെയുടെ നിർമാണം പൂർത്തിയാക്കിയിരിക്കുന്നത്. വിപണിയിൽ എത്തിക്കുന്നതിന് മുമ്പ് ആദ്യ ഇലക്ട്രിക് വാഹനം മാർപ്പാപ്പയ്ക്ക് മുന്നിൽ പ്രദർശിപ്പ് ശ്രദ്ധനേടാനും കമ്പനിക്കായി.

ലോകത്തിലെ തന്നെ ഏറ്റവും വലിയ ഇലക്ട്രിക് വാഹന നിർമാതാക്കൾ എന്ന ലേബലിന് പുറമെ ഇലോൺ മസ്ക്കിന്റെ ഇവി ബ്രാൻഡ് എന്ന നിലയിൽ കൂടി പ്രശസ്‌തിയാർജിച്ചവരാണ് ടെസ്‌ല (Tesla). ഇതോടെ കമ്പനിയുടെ ഇന്ത്യയിലേക്കുള്ള വരവും ഏറെ ചർച്ചയായിരുന്നു. നീണ്ട നീണ്ട കാത്തിരിപ്പുകൾക്കൊടുവിൽ അമേരിക്കൻ ഇലക്ട്രിക് വാഹന നിർമാതാക്കളായ ടെസ്‌ല കഴിഞ്ഞ വർഷമാണ് നമ്മുടെ രാജ്യത്ത് കാലുകുത്തുന്നത്. വമ്പൻ പ്രതീക്ഷകളുമായി എത്തിയ ആദ്യ മോഡൽ Y എന്തോ കാരണങ്ങളാൽ ക്ലിക്കായില്ല. ഇപ്പോൾ എങ്ങനെയും ഇവിയെ വിജയിപ്പിച്ചെടുക്കാനുള്ള ശ്രമത്തിലാണ് അമേരിക്കൻ ഭീമൻമാർ.

ഇന്ത്യയിലെ ഇലക്‌ട്രിക് വാഹന വിപണിയിലേക്ക് ഇബെല്ല (Toyota Urban Cruiser eBella) എന്നൊരു സുന്ദരിയുമായി കടന്നുവന്നിരിക്കുകയാണ് നമ്മുടെ ജാപ്പനീസ് ബ്രാൻഡായ ടൊയോട്ട. മാരുതി സുസുക്കിയുമായുളള പങ്കാളിത്തത്തിന്റെ ഭാഗമായുള്ള ഒരു റീബാഡ്‌ജ് മോഡലാണെങ്കിലും കമ്പനിയുടെ ആദ്യ വൈദ്യുത കാർ എന്ന നിലയിൽ അർബൻ ക്രൂയിസർ ഇബെല്ലയ്ക്ക് നിരവധി പ്രത്യേകതകളുണ്ട്. ഇക്കഴിഞ്ഞ ദിവസങ്ങളിൽ കാർ പുറത്തിറങ്ങില്ലെന്ന കൊടൂര വാർത്തകളെല്ലാം പുറത്തുവന്നതിന് പിന്നാലെയാണ് മോഡലിനായുള്ള വില പ്രഖ്യാപിച്ച് അഭ്യൂഹങ്ങളെല്ലാം കമ്പനി കാറ്റിൽപ്പറത്തിയിരിക്കുന്നത്. മാരുതി ഇവിറ്റാര വേണ്ടവിധത്തിൽ ക്ലിക്കാവാതെ പോയതിനാൽ ഇബെല്ല വിപണിയിലെത്തിക്കാനുള്ള നീക്കം ബ്രാൻഡ് അവസാനിപ്പിക്കുന്നുവെന്നതായിരുന്നു വാർത്ത.

സ്‌കൂട്ടറുകളുടെ പറുദീസയെന്ന് വിശേഷിപ്പിക്കാം ഇന്ത്യൻ ഇരുചക്ര വാഹന വിപണിയെ. പ്രായോഗികത കൊണ്ട് വിസ്‍മയിപ്പിച്ച സ്‌കൂട്ടറുകൾ ഇന്ന് എല്ലാ വീടുകളിലുമുണ്ടെന്ന് പറഞ്ഞാലും തെറ്റൊന്നുമില്ല. കാറുപോലെ ഉപയോഗിക്കാം എന്നതാണ് ഇവയുടെ ഏറ്റവും വലിയ ഹൈലൈറ്റ്. വൈവിധ്യമാർന്ന മോഡലുകളാൽ സമ്പന്നമായ നമ്മുടെയിടത്തേക്ക് പുതുപുത്തൻ മോഡലുകൾ എത്തുന്നതിലും പഞ്ഞമൊന്നുമില്ല. ആദിശ്വർ ഓട്ടോ റൈഡ് എന്ന സ്ഥാപനത്തിന്റെ കീഴിൽ പ്രവർത്തിക്കുന്ന ഹംഗേറിയൻ ടൂവീലർ ബ്രാൻഡായ കീവേ രാജ്യത്തേക്ക് പുത്തനൊരു സ്കൂട്ടറുമായി വരാനിരിക്കുകയാണ്. ഇതുവരെ പെട്രോൾ ബൈക്കുകൾ മാത്രമുള്ള നിരയിലേക്ക് ഇത്തവണ എത്തുന്നത് ഒരു ഇവിയാണ് എന്നതാണ് പ്രത്യേകത.

ഇലക്‌ട്രിക് വാഹന വിപണിയെ ഞെട്ടിക്കാൻ തീരുമാനിച്ചുറച്ച് ഇറങ്ങിത്തിരിച്ചിരിക്കുകയാണ് ടാറ്റ മോട്ടോർസ്. കുറഞ്ഞ പൈസയ്ക്ക് പഞ്ച് ഇവി പുറത്തിറക്കിയ കമ്പനി ഇപ്പോഴിതാ പുതുപുത്തൻ ടിയാഗോ ഇവിയുടെ വിലയിലും വിപ്ലവകരമായ മാറ്റം കൊണ്ടുവന്നിരിക്കുകയാണ്. അതായത് 5 ലക്ഷം രൂപ പോലുമില്ലാതെ ഇലക്ട്രിക് കാർ മുതലാളിയാവാനുള്ള സുവർണാവസരമാണ് ഇന്ത്യക്കാരുടെ സ്വന്തം വാഹന നിർമാതാക്കളായ ടാറ്റ ഒരുക്കിതന്നിരിക്കുന്നത്. ബാറ്ററി-ആസ്-എ-സർവീസ് പ്രോഗ്രാം വഴി നിങ്ങൾക്ക് 4.69 ലക്ഷത്തിന് ഇവി വീട്ടുമുറ്റത്ത് എത്തിക്കാനാവും. എംജി കൊണ്ടുവന്ന ഐഡിയ കാര്യമായ രീതിയിൽ ഉപയോഗിച്ച് വിജയം കൊയ്യുന്നതിപ്പോൾ ഇന്ത്യൻ ബ്രാൻഡ് ആണെന്ന് വേണം പറയാൻ.

മിഡ്-കപ്പാസിറ്റി മോട്ടോർസൈക്കിൾ സെഗ്മെന്റിലെ കിങായ റോയൽ എൻഫീൽഡ് തങ്ങളുടെ 350 നിര പോലെ 650 നിരയും പടുത്തുയർത്തിക്കൊണ്ടിരിക്കുകയാണ്. ഇന്റർസെപ്റ്റർ, കോണ്ടിനെന്റൽ ജിടി, ക്ലാസിക്, ഷോട്ട്ഗൺ, സൂപ്പർ മീറ്റിയോർ, ബെയർ തുടങ്ങിയ ആറോളം മോഡലുകളെ പാരലൽ ട്വൻ എഞ്ചിൻ നൽകി ഇതിനോടകം റെട്രോ ക്ലാസിക് ബ്രാൻഡ് അണിനിരത്തിയിട്ടുണ്ട്. ഇതിന് പുറമെ കൾട്ട് ക്ലാസിക് ബുള്ളറ്റിന്റെ 650 (Royal Enfield Bullet 650) പതിപ്പും കൂടി ബ്രാൻഡ് നിരയിലേക്ക് എത്തിയിരിക്കുകയാണ്. കുറച്ച്കാലമായി ആളുകൾ കാത്തിരു മോഡൽ ചില കാരണങ്ങളാൽ വൈകിയാണ് അരങ്ങേറ്റം കുറിച്ചിരിക്കുന്നത്.

ഇന്ത്യയിലെ ബജറ്റ് ഹാച്ച്ബാക്ക് വിഭാഗത്തിന് പുതിയമാനങ്ങൾ സമ്മാനിച്ച കാറാണ് ടാറ്റ ടിയാഗോ (Tata Tiago Hatchback). അതുവരെ സെഗ്മെന്റ് കാണാത്ത സേഫ്റ്റിയും അന്യായ ബിൽഡ് ക്വാളിറ്റിയുമായെത്തിയ കുഞ്ഞൻ മോഡൽ അതിവേഗമാണ് വിറ്റഴിഞ്ഞത്. മാരുതി സുസുക്കി സ്വിഫ്റ്റ്, മാരുതി സെലേറിയോ, ഹ്യുണ്ടായി ഗ്രാൻഡ് i10 നിയോസ്, മാരുതി ഇഗ്നിസ് എന്നിവയോടെല്ലാം പടവെട്ടിയാണ് ടിയാഗോ വെന്നിക്കൊടി പാറിച്ചത്. കാലത്തിനൊത്ത് വാഹനത്തിനെ പരിഷ്ക്കരിക്കുന്നതിൽ ടാറ്റ കാണിക്കുന്ന മനസും വിജയത്തിന് മേമ്പൊടിയേകിയിട്ടുണ്ട്. ഇന്നിതാ ടിയാഗോയുടെ പുതിയ ഫെയ്‌സ്‌ലിഫ്റ്റ് (Tiago Facelift) പതിപ്പ് വിപണിയിൽ അവതരിച്ചിരിക്കുകയാണ്.

ഇലക്ട്രിക് കാറുകളെ ജനകീയമാക്കിയവരാണ് ടാറ്റ മോട്ടോർസ്. നെക്സോൺ ഇവിയിലൂടെ നിശബ്ദ വിപ്ലവത്തിന് തിരികൊളുത്തിയ കമ്പനിയുടെ നിരയിൽ ഇന്ന് ആറോളം വൈദ്യുത വാഹനങ്ങളാണ് അണിനിരക്കുന്നത്. കൂട്ടത്തിലെ ഏറ്റവും ഹിറ്റായ കുറഞ്ഞ വിലയിൽ വിപണിയിൽ എത്തിച്ച ടിയാഗോ ഇവി ഇപ്പോളിതാ മുഖം മിനുക്കി കൂടുതൽ സുന്ദരനായി പുനരവതരിച്ചിരിക്കുകയാണ്. മുൻപത്തേതിലും കുറഞ്ഞ വിലയിൽ ഇലക്ട്രിക് ഹാച്ച്ബാക്ക് ഇപ്പോൾ വാങ്ങാനാവുമെന്ന സന്തോഷ വാർത്തയും ടാറ്റ നൽകുന്നുണ്ട്. ഇന്ത്യയിലെ ഏറ്റവും ഫീച്ചർ ലോഡ്സ് ഇലക്ട്രിക് ഹാച്ച്ബാക്ക് എന്ന വിശേഷണവുമായാണ് പുതിയ ടിഗഗോ ഇവിയുടെ വരവും.

ഇന്ത്യയിലെ കാറുകളുടെ വില വർധിപ്പിക്കാൻ തീരുമാനിച്ച ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായി (Hyundai Car Price Hike). വാഹന നിർമാണത്തിനായുള്ള ഇൻപുട്ട് ചെലവുകൾ ഹ്യുണ്ടായിക്ക് ഉൾക്കൊള്ളാൻ കഴിയുന്നതിനേക്കാൾ ഉയർന്ന സാഹചര്യത്തിലാണ് ഇത്തരത്തിലൊരു വില പരിഷ്ക്കാരത്തിന് കമ്പനി നിർബന്ധിതരായിരിക്കുന്നത്. ആഘാതത്തിന്റെ ഒരു ഭാഗം മാത്രമേ ഉപഭോക്താക്കൾക്ക് കൈമാറുന്നുള്ളൂവെന്ന് കമ്പനി പറയുന്നു. ഇതോടെ 2026 ജൂൺ 1 മുതൽ കാറുകൾക്ക് പുതിയ വിലകൾ നടപ്പിലാക്കും. ഇന്ത്യയിലെ തങ്ങളുടെ വാഹനങ്ങളുടെ വില 12,800 രൂപ വരെ ഉയർത്താനാണ് തീരുമാനമായിരിക്കുന്നതെന്നും ഹ്യുണ്ടായി വ്യക്തമാക്കിയിട്ടുണ്ട്.

കാലങ്ങളായി ഓരോ മാസവും ലക്ഷക്കണക്കിന് യൂണിറ്റുകൾ വിറ്റഴിക്കുന്നൊരു ബൈക്കുണ്ട് നമ്മൾ ഇന്ത്യക്കാർക്ക്. അതും ഇലക്‌ട്രിക് ടൂവീലറുകൾ അരങ്ങുവാഴുന്ന കാലത്ത് പോലും കുറഞ്ഞ വിലയും പോക്കറ്റിൽ ഒതുങ്ങുന്ന മെയിന്റനെൻസും ഉയർന്ന മൈലേജുമെല്ലാമായി വിലസുന്നത് ആരെന്ന് ചോദിച്ചാൽ അതിന് ഒരു ഉത്തരമേയുള്ളൂ ഹീറോ സ്പ്ലെൻഡർ എന്നാവും അത്. ഇവികളെ അപേക്ഷിച്ച് നോക്കുമ്പോൾ സ്പ്ലെൻഡർ എത്ര വർഷം വേണമെങ്കിലും കൂടെ ഓടിനടന്നോളുമെന്നതും മുടക്കുന്ന കാശിന് അർഥമുണ്ടാക്കുന്നതാണ്. അതിനൊപ്പം മികച്ച റീസെയിൽ വാല്യുവും ആശാനുണ്ട്. സ്പ്ലെൻഡർ, സ്പ്ലെൻഡർ പ്ലസ്, സൂപ്പർ സ്പ്ലെൻഡർ എന്നിങ്ങനെ വൈവിധ്യമാർന്ന വേരിയന്റുകളിലും ഈ മിടുക്കനെ വാങ്ങാനാവും.

ഇന്ത്യയിലെ എന്‍ട്രി ലെവല്‍ കമ്മ്യൂട്ടര്‍ മോട്ടോര്‍സൈക്കിള്‍ ശ്രേണിയില്‍ വലിയ മാറ്റത്തിന്റെ സൂചന നല്‍കിക്കൊണ്ട് ബജാജ് പ്ലാറ്റിനയുടെ വില്‍പ്പനയില്‍ ഇടിവ് രേഖപ്പെടുത്ത. രാജ്യത്തെ ബജറ്റ് ബൈക്ക് വിപണിയിലെ കടുത്ത മത്സമാണ് പ്ലാറ്റിനയുടെ മുന്നേറ്റത്തെ പ്രതികൂലമായി ബാധിച്ചിരിക്കുന്നത്. പ്രമുഖ ഓട്ടോമോട്ടീവ് വെബ്‌സൈറ്റായ ഓട്ടോപണ്ഡിറ്റ്‌സ് (Auto Punditz) പുറത്തുവിട്ട ഏറ്റവും പുതിയ റിപ്പോര്‍ട്ടുകള്‍ അനുസരിച്ച് 2026 മാര്‍ച്ച് മാസത്തില്‍ ആകെ 32,822 യൂണിറ്റ് പ്ലാറ്റിന ബൈക്കുകളായിരുന്നു ബജാജ് ഓട്ടോ ഇന്ത്യന്‍ വിപണിയില്‍ വിറ്റഴിച്ചിരുന്നത്. എന്നാല്‍ ഏറ്റവും ഏപ്രില്‍ മാസത്തെ കണക്കുകള്‍ പരിശോധിക്കുമ്പോള്‍ ഇത് വെറും 24,737 യൂണിറ്റുകളായി ചുരുങ്ങിയതായി കാണാം.

ഇന്ത്യയിലെ ഇലക്ട്രിക് കാർ വിപണിയിൽ പ്രത്യേക ഇമേജുള്ള വാഹന നിർമാതാക്കളാണ് ബിൽഡ് യുവർ ഡ്രീംസ് എന്ന ബിവൈഡി. ചൈനീസ് ബ്രാൻഡാണെങ്കിലും അതിന്റെ പണിയൊന്നും കിട്ടാതെ മുമ്പോട്ട് പോവാനും ഇവർക്ക് സാധിച്ചിട്ടുണ്ട്. സാക്ഷാൽ ടെസ്‌ലയെ വരെ പിന്തള്ളി ലോകത്തെ ഏറ്റവും വലിയ ഇവി ബ്രാൻഡായി കുതിക്കുന്ന കമ്പനി നമ്മുടെ നിരത്തുകളിൽ നാലോളം മോഡലുകളാണ് നിലവിൽ അവതരിപ്പിച്ചിട്ടുള്ളത്. അംഗസംഖ്യ കൂട്ടുവാനായി അഞ്ചാമനെ കൂടി വിപണിയിൽ അവതരിപ്പിക്കാനുള്ള ഒരുക്കത്തിലാണ് ബിവൈഡി. ഇത്തവണ സാധാരണയൊരു ഇലക്ട്രിക് കാറായിരിക്കില്ല കമ്പനി പുറത്തിറക്കുക എന്നതാണ് ഹൈലൈറ്റ്.

ഈ വര്‍ഷം പുറത്തിറങ്ങുമെന്ന് കരുതി ഇരുചക്രവാഹന പ്രേമികള്‍ ഏറെ നാളായി കാത്തിരിക്കുന്ന ഇലക്ട്രിക് സ്‌കൂട്ടറിന്റെ ലോഞ്ച് ഇനിയും മാസങ്ങള്‍ നീളും. ലോകത്തിലെ ഏറ്റവും അഡ്വാന്‍സ്ഡ് ഇലക്ട്രിക് സ്‌കൂട്ടര്‍ എന്ന് നിർമാതാക്കൾ വിശേഷിപ്പിക്കുന്ന അള്‍ട്രാവയലറ്റ് ടെസറാക്റ്റ് അടുത്ത വര്‍ഷം മാത്രമേ ഉപഭോക്താക്കളിലേക്കെത്തുമെന്ന് റിപ്പോര്‍ട്ട്. പ്രമുഖ ഓട്ടോമോട്ടീവ് പോര്‍ട്ടലായ ബൈക്ക്വാലെ പുറത്തുവിട്ട ഏറ്റവും പുതിയ റിപ്പോര്‍ട്ടുകള്‍ പ്രകാരം, 2027 ജനുവരിയിലാണ് ഈ സ്‌കൂട്ടറിന്റെ ലോഞ്ചും കസ്റ്റമര്‍ ഡെലിവറിയും ഒരേസമയം ആരംഭിക്കുക. 2025-ല്‍ കണ്‍സെപ്റ്റ് പതിപ്പ് പ്രദര്‍ശിപ്പിച്ചതിന് ശേഷം സ്‌കൂട്ടര്‍ ഇന്ത്യയിലെ 30 വ്യത്യസ്ത നഗരങ്ങളില്‍ ഇത് കൊണ്ടുപോയി കമ്പനി ഉപഭോക്താക്കളുടെ പ്രതികരണങ്ങളും നിര്‍ദേശങ്ങളും ശേഖരിച്ചിരുന്നു.

പുതിയൊരു കാർ വാങ്ങുകയെന്നത് പലരുടേയും വലിയ ആഗ്രഹമായിരിക്കും. ഇന്ന് ജീവിതത്തിൽ ഒഴിച്ചുകൂടാനാവാത്ത സംഗതിയായി കാറുകൾ മാറിയിട്ടുമുണ്ട്. ഡ്രീം കാർ സ്വന്തമാക്കിയാൽ അതിനെ മോടിപിടിപ്പിക്കുന്ന കാര്യത്തിലും മലയാളികൾ ധൂർത്തൻമാരാണ്. വണ്ടിയെ ആക്‌സസറികൾ വാങ്ങാനായി പരക്കംപായുന്നത് ഒരു സ്ഥിരം കാഴ്ച്ചയാണ്. ചിലരാണെങ്കിൽ ഷോറൂമിൽ നിന്നും വണ്ടിയിറക്കി നേരെ പോവുന്നതാവട്ടെ ആക്‌സസറി ഷോപ്പിലേക്കാവും. പലരും അലോയ് വീൽ കയറ്റാനാവും കൂടുതൽ പണം കണ്ടെത്തുന്നത്. എന്നാൽ ഉറപ്പായും ഉപകാരപ്പെടുന്ന ചില ആക്‌സസറികൾ കൂടി വാങ്ങാൻ മറക്കരുത് കേട്ടോ. അവ ഏതെല്ലാമെന്ന് ഒന്ന് നോക്കിയാലോ?

ഇന്ത്യന്‍ പ്രീമിയം എസ്‌യുവി വിപണിയിലെ ഒന്നാം സ്ഥാനക്കാരനായ ടൊയോട്ട ഫോര്‍ച്യൂണറിനോട് മത്സരിക്കാന്‍ അത്യാധുനിക സവിശേഷതകളോടെ എത്തുന്ന എംജി മജസ്റ്ററിന്റെ വില ഇന്ന് 27 മെയ് 2026) പ്രഖ്യാപിക്കുകയുണ്ടായി. ഫെബ്രുവരി 12-ന് രാജ്യത്ത് ആദ്യമായി അവതരിപ്പിക്കപ്പെട്ട എസ്‌യുവിയുടെ വില പ്രഖ്യാപനം വലിയ ചര്‍ച്ചകള്‍ക്കാണ് വഴിതുറന്നിരിക്കുന്നത്. D+ സെഗ്‌മെന്റിലേക്ക് കാലെടുത്ത് വെച്ച മജസ്റ്ററിന് മുന്‍ഗാമിയായ ഗ്ലോസ്റ്ററിന് പറ്റാതെ പോയത് സാധിച്ചെടുക്കാന്‍ പറ്റുമോ എന്നാണ് വാഹന പ്രേമികള്‍ ഉറ്റുനോക്കുന്നത്. ഈ സാഹചര്യത്തില്‍ എംജി മജസ്റ്ററും ടൊയോട്ട ഫോര്‍ച്യൂണറും തമ്മില്‍ നമുക്ക് മാറ്റുരച്ച് നോക്കാം.

ഏറെ നാളത്തെ കാത്തിരിപ്പുകൾക്കൊടുവിൽ ഇന്ത്യൻ വിപണിയിൽ അരങ്ങേറ്റം കുറിച്ചിരിക്കുകയാണ് എംജി മജസ്റ്റർ (MG Majestor SUV). സാക്ഷാൽ ടൊയോട്ട ഫോർച്യൂണറിന്റെ വില്ലനായി അവതരിക്കാൻ കാത്തിരുന്ന എസ്‌യുവിയുടെ ഔദ്യോഗിക വില പ്രഖ്യാപനവും എത്തിയിരിക്കുകയാണ്. കച്ചോടമില്ലാതിരുന്ന ഗ്ലോസ്റ്ററിന്റെ പകരക്കാരനായി എത്തുന്ന മോഡലിന്റെ വില അടിപൊളിയായാണ് കമ്പനി നിശ്ചയിച്ചിരിക്കുന്നത്. 40.99 ലക്ഷം രൂപയുടെ പ്രാരംഭ വിലയിലാണ് മജസ്റ്റർ എസ്‌യുവി ഇന്ത്യയിൽ പുറത്തിറക്കിയിരിക്കുന്നത്. 4x2 ഓട്ടോമാറ്റിക്കിന്റെ വിലയാണിത്. അതേസമയം ടോപ്പ് എൻഡ് 4x4 ഓട്ടോമാറ്റിക്കിന് 44.99 ലക്ഷവും എക്സ്ഷോറൂം വില വരും.

ഇന്ത്യന്‍ വാഹന വിപണിയില്‍ കൂടുതല്‍ ഉപഭോക്താക്കളെ ആകര്‍ഷിക്കുന്നതിനായി ഒരേസമയം നാല് പുതിയ അത്യാധുനിക ഇലക്ട്രിക് സ്‌കൂട്ടറുകള്‍ അവതരിപ്പിച്ചിരിക്കുകയാണ് പ്രമുഖ ബ്രാന്‍ഡായ വാരിവോ ഇലക്ട്രിക്.ഹിന്ദുസ്ഥാന്‍ ടൈംസ് ഓട്ടോ പുറത്തുവിട്ട റിപ്പോര്‍ട്ടുകള്‍ പ്രകാരം, 2026 മെയ് മാസത്തില്‍ നടന്ന ഡീലര്‍ മീറ്റിലാണ് കമ്പനി ഈ പുതിയ മോഡലുകളുടെ മറനീക്കി വെളിപ്പെടുത്തിയത്. ഇന്ത്യയിലെ 19 വ്യത്യസ്ത സംസ്ഥാനങ്ങളില്‍ നിന്നായി ഏകദേശം 350-ലധികം ഡീലര്‍മാര്‍ പങ്കെടുത്ത വലിയ ചടങ്ങിലാണ് ഈ നാല് സ്‌കൂട്ടറുകളും നിര്‍മ്മാതാക്കള്‍ പ്രദര്‍ശിപ്പിച്ചത്.

ഇന്ത്യന്‍ ഹാച്ച്ബാക്ക് വിഭാഗത്തില്‍ വലിയ വിപണി വിഹിതമുള്ള ടാറ്റാ ടിയാഗോ നിര പുത്തന്‍ അപ്ഡേറ്റുകളോടെ നാളെ വിപണിയിലെത്തും. വാഹന പ്രേമികള്‍ ഏറെ ആകാംക്ഷയോടെ കാത്തിരിക്കുന്ന ടിയാഗോ, ടിയാഗോ ഐസിഎന്‍ജി, ടിയാഗോ ഇവി എന്നിവയുടെ പുത്തന്‍ ഫെയ്‌ലിഫ്റ്റ് പതിപ്പുകള്‍ മെയ് 28-ന് ഇന്ത്യന്‍ വിപണിയില്‍ ഒരേസമയം വിപണനത്തിന് എത്തുമെന്ന് നിര്‍മ്മാതാക്കള്‍ വ്യക്തമാക്കിയിട്ടുണ്ട്. ആദ്യമായി പുറത്തിറങ്ങുന്ന പെട്രോള്‍ പതിപ്പിന്റെ എക്‌സ്റ്റീരിയര്‍ ഡിസൈനില്‍ കമ്പനി വലിയ മാറ്റങ്ങള്‍ വരുത്തിയിട്ടുണ്ട്. കൂടുതല്‍ ഷാര്‍പ്പായ മുന്‍ഭാഗം, പുരികത്തിന്റെ ആകൃതിയിലുള്ള എല്‍ഇഡി ഡിആര്‍എല്ലുകള്‍, പുതിയ പിക്‌സല്‍ ഡിസൈന്‍ ഫോഗ് ലാമ്പുകള്‍, പരിഷ്‌കരിച്ച ബമ്പറുകള്‍ എന്നിവ ഇതിന്റെ സവിശേഷതയാണ്.

കഴിഞ്ഞ വർഷം കണ്ണടച്ച് തുറക്കുന്ന വേഗത്തിൽ വിറ്റുപോയൊരു സ്കോഡ കാറുണ്ടായിരുന്നു. 63.93 ലക്ഷം രൂപയോളം കേരളത്തിൽ ഓൺ-റോഡ് വില വരുന്ന ഒക്‌ടാവിയ RS എന്ന പെർഫോമൻസ് സെഡാനാണ് ഇത്രവേഗത്തിൽ വിറ്റഴിഞ്ഞത്. പൂർണമായും വിദേശത്ത് നിർമിച്ച് ഇന്ത്യയിലേക്ക് ഇറക്കുമതി ചെയ്യുന്ന കാറിന്റെ 100 യൂണിറ്റുകളായിരുന്നു ആദ്യം ഇന്ത്യയിലേക്ക് കൊണ്ടുവന്നത്. കമ്പനി പ്രതീക്ഷിച്ചതിലും വേഗത്തിൽ ആളുകൾ വാങ്ങിക്കൊണ്ട് പോയതോടെ ചെക്ക് റിപ്പബ്ലിക്കൻ ബ്രാൻഡ് ആകെ സന്തോഷത്തിലായിരുന്നു. ഇതിന് പിന്നാലെ രണ്ടാമത്തെ ബാച്ചും അധികം വൈകാതെ എത്തിക്കാമെന്ന ഉറപ്പും സ്കോഡ ആരാധകർക്ക് നൽകിയിരുന്നു.

സ്‌കൂട്ടർ സെഗ്മെന്റിൽ ഹോണ്ട, ടിവിഎസ്, സുസുക്കി പോലുള്ള ബ്രാൻഡുകളുടെ തേരോട്ടമാണ് കാണാനാവുന്നതെങ്കിലും കരഘോഷങ്ങളില്ലാതെ മറ്റൊരു കമ്പനിയും മിടുക്ക് കാണിക്കുന്നുണ്ട്. അതും രാജ്യത്തെ ആദ്യത്തെ ഹൈബ്രിഡ് സ്‌കൂട്ടറുകൾ പുറത്തിറക്കിയവരാണ് ഇത്തരത്തിൽ പണംവാരുന്നതെന്ന് അറിഞ്ഞാൽ ആരാണതെന്ന് പലരും ചോദിച്ചേക്കാം. അത് മാറ്റാരുമല്ല, ജാപ്പനീസ് ഇരുചക്ര വാഹന നിർമാതാക്കളായ യമഹയാണ് സ്‌കൂട്ടർ വിഭാഗത്തിൽ നേട്ടമുണ്ടാക്കി കുതിക്കുന്നത്. ഫാസിനോ, റേ ZR എന്നിങ്ങനെ രണ്ട് തട്ടുപൊളിപ്പൻ മോഡലുകളാണ് ബ്രാൻഡിന്റെ ഇപ്പോഴത്തെ വജ്രായുധം. ഇതിൽ ഫാസിനോ കഴിഞ്ഞ മാസം യമഹയിൽ നിന്നും ഏറ്റവും കൂടുതൽ വിറ്റഴിക്കപ്പെട്ട മൂന്നാമത്തെ ഇരുചക്ര വാഹനം ആയി മാറിയിരിക്കുകയാണ്.

ഇറ്റാലിയന്‍ സൂപ്പര്‍ കാര്‍ നിര്‍മാതാക്കളായ ഫെറാറി (Ferrari) തങ്ങളുടെ ആദ്യത്തെ ഫുള്‍ ഇലക്ട്രിക് പ്രൊഡക്ഷന്‍ മോഡലായ 'ലൂസ്' (Ferrari Luce) ആഗോള വിപണിയില്‍ അവതരിപ്പിച്ചു. ആപ്പിളിന്റെ മുന്‍ ചീഫ് ഡിസൈനര്‍ സര്‍ ജോണി ഐവിന്റെ നേതൃത്വത്തിലുള്ള 'ലവ്ഫ്രം' (LoveFrom) എന്ന പ്രശസ്ത ക്രിയേറ്റീവ് കൂട്ടായ്മയാണ് ഇലക്ട്രിക് വാഹന യുഗത്തിലേക്ക് ഫെറാറി ചുവടുവെക്കുന്ന ഈ സുപ്രധാന മോഡലിന്റെ രൂപകല്‍പ്പന നിര്‍വ്വഹിച്ചിരിക്കുന്നത്. 5,026 മില്ലീമീറ്റര്‍ നീളമുള്ള ഈ അത്യാധുനിക ഇലക്ട്രിക് കാറില്‍ അഞ്ച് പേര്‍ക്ക് സുഖകരമായി യാത്ര ചെയ്യാന്‍ സാധിക്കും.

സെഡാനുകളുടെ രാജാവായി അറിയപ്പെടുന്ന കാറാണ് ഹോണ്ട സിറ്റി (Honda City Sedan). കാലങ്ങളായി ഇന്ത്യക്കാരുടെ ജനപ്രിയ വാഹനമായി തുടരുന്ന വണ്ടിക്ക് പ്രത്യേകിച്ച് പരിചയപ്പെടുത്തലിന്റെ ആവശ്യമൊന്നുമില്ല. പലരും സ്റ്റാറ്റസ് സിമ്പലായി കാണുന്ന സിറ്റിയിൽ വന്നിറങ്ങിയാൽ തന്നെ പ്രത്യേക പരിഗണനയാണ് ലഭിക്കുക. നല്ല ബിൽഡ് ക്വാളിറ്റി, റിഫൈൻഡായുള്ള എഞ്ചിൻ, നല്ല സർവീസ് എന്നിവയെല്ലാമാണ് എതിരാളികളിൽ നിന്നും ഹോണ്ട സിറ്റിയെ വേറിട്ടുനിർത്തുന്നത്. എസ്‌യുവികളുടെ വരവോടെ പ്രതാപം കുറഞ്ഞുവെങ്കിലും ഇപ്പോഴും വിപണിയിൽ ശക്തിയായ സാന്നിധ്യമാണ് സിറ്റി. അടുത്തിടെ മുഖംമിനുക്കിയെത്തി ഒന്ന് ഞെട്ടിക്കുകയും ചെയ്‌തിരുന്നു.