പെര്‍ഫോമന്‍സ്, സുഖസൗകര്യങ്ങള്‍, പ്രായോഗികത എന്നിവയുടെ സമ്മിശ്രണം കാരണം എസ്യുവികളെ ഒരു വീക്‌നസ് ആക്കിവെച്ചിരിക്കുന്നരാണോ നിങ്ങള്‍? എങ്കില്‍ ആ വീക്‌നസ് ഒന്നു ചേഞ്ച് ആക്കിയാലോ. എസ്യുവി പ്രചോദിത സ്‌റ്റൈലിംഗും സിറ്റി മൊബിലിറ്റി ഫീച്ചറുകളും ഒരുമിച്ച് കൊണ്ടുവരുന്ന ഒരു പ്രീമിയം ഇലക്ട്രിക് സ്‌കൂട്ടറിനെപ്പറ്റി നിങ്ങള്‍ക്ക് സങ്കല്‍പ്പിക്കാന്‍ സാധിക്കുമോ? അതെ, സിറ്റി റൈഡര്‍മാര്‍ക്കായി രൂപകല്‍പ്പന ചെയ്തിരിക്കുന്ന സ്‌റ്റൈലിഷും ശക്തവുമായ ഇലക്ട്രിക് സ്‌കൂട്ടറായ റിവര്‍ ഇന്‍ഡി അതിന്റെ മൂന്നാം തലമുറ അവതാരത്തില്‍ ഇതാ നിങ്ങള്‍ക്കായി വിപണിയിലെത്തിക്കഴിഞ്ഞു.

ഇന്ത്യയിലെ തങ്ങളുടെ മോഡലുകളെയെല്ലാം മികച്ചതാക്കി മാറ്റിക്കൊണ്ടിരിക്കുകയാണ് ഫ്രഞ്ച് വാഹന നിർമാതാക്കളായ സിട്രൺ. അടുത്തിടെ വേരിയന്റുകളുടെ കൂടെ X എന്ന പേര് കൂടി ചേർത്ത് ബസാൾട്ട്, C3 എന്നിവയെ കമ്പനി പുതുക്കി വിപണിയിൽ അവതരിപ്പിച്ചിരുന്നു. മോഡൽ നിരയിൽ വമ്പൻ മാറ്റങ്ങൾ അവതരിപ്പിച്ചുകൊണ്ട് ശ്രദ്ധനേടുന്ന കമ്പനി അടുത്തതായി ഇന്ത്യയിലെ ഏറ്റവും ചെറിയ വിലയുള്ള 7-സീറ്റർ എസ്‌യുവികളിൽ ഒന്നായ എയർക്രോസിന്റെ (Citreon Aircross) പുത്തൻ മോഡലിലൂടെ രാജ്യം വെട്ടിപ്പിടിക്കാൻ ഒരുങ്ങുകയാണ്. അതിന്റെ ഭാഗമായി എസ്‌യുവിയുടെ പുത്തൻ മോഡലിനെ കമ്പനി വിപണിയിൽ എത്തിച്ചു.

നിലവില്‍ രാജ്യത്ത് ഏറ്റവും കൂടുതല്‍ പുതിയ ഉല്‍പ്പന്നങ്ങള്‍ പുറത്തിറങ്ങുന്ന സെഗ്‌മെന്റ് ആണ് ഇലക്ട്രിക് ടൂവീലര്‍. പരമ്പരാഗത ടൂവീലര്‍ ബ്രാന്‍ഡുകള്‍ക്കൊപ്പം സ്റ്റാര്‍ട്ടപ്പ് കമ്പനികളും ഈ വിഭാഗത്തില്‍ മത്സരിച്ച് വാഹനങ്ങള്‍ പുറത്തിറക്കുകയാണ്. അതുകൊണ്ട് തന്നെ സെഗ്‌മെന്റില്‍ കടുത്ത മത്സരമാണ് അരങ്ങേറിക്കൊണ്ടിരിക്കുന്നത്. ഓല ഇലക്ട്രിക്, ടിവിഎസ് മോട്ടോര്‍, ബജാജ് ഓട്ടോ, ഏഥര്‍ എനര്‍ജി എന്നീ കമ്പനികളാണ് നിലവില്‍ ഇന്ത്യന്‍ ഇലക്ട്രിക് ടൂവീലര്‍ സെഗ്‌മെന്റിന്റെ തലപ്പത്തുള്ളത്. കഴിഞ്ഞ കുറച്ച് മാസങ്ങളായി ആദ്യ നാല് സ്ഥാനങ്ങള്‍ മാറിക്കൊണ്ടിരിക്കുകയാണ്. 2025 സെപ്റ്റംബറിലും ടോപ് 4 റാങ്കിങ്ങുകളില്‍ മാറ്റങ്ങളുണ്ട്. നമുക്ക് അത് വിശദമായി നോക്കാം.

ഇവികൾ അരങ്ങുവാഴുന്നിടത്തേക്ക് തങ്ങളുടെ പുതിയ ഓട്ടോണോമസ് ഇലക്ട്രിക് തീ വീലറുമായി എത്തിയിരിക്കുകയാണ് ഒമേഗ സെയ്കി മൊബിലിറ്റി. ലോകത്തിലെ തന്നെ ആദ്യത്തെ പ്രൊഡക്ഷൻ-റെഡി ഓട്ടോണമസ് ഇലക്ട്രിക് ത്രീ വീലറായ സ്വയംഗതി ഔദ്യോഗികമായി കമ്പനി പുറത്തിറക്കിയിരിക്കുകയാണ്. വാണിജ്യ ആവശ്യങ്ങൾക്ക് ഒപ്പം തന്നെ പാസഞ്ചർ പതിപ്പിന് വെറും 4 ലക്ഷം രൂപയാണ് വില. വിമാനത്താവളങ്ങൾ, സ്മാർട്ട് കാമ്പസുകൾ, വ്യാവസായിക പാർക്കുകൾ, ഗേറ്റഡ് കമ്മ്യൂണിറ്റികൾ, എന്നിവടങ്ങളിലുളള ഹ്രസ്വ-ദൂര ഉപയോഗങ്ങൾക്ക് വേണ്ടി AI-ഡ്രൈവ് ചെയ്ത റിട്രോഫിറ്റ് ഓട്ടോണമി സിസ്റ്റവുമായിട്ടാണ് സ്വയംഗതി എന്ന മോഡൽ ഒമേഗ സെയ്കി മൊബിലിറ്റി പുറത്തിറക്കിയിരിക്കുന്നത്.

Mahindra Thar 3-Door Facelift (2025) launched in India with design and feature upgrades. Expected price: INR 12 Lakhs. | മഹീന്ദ്ര ഥാർ 3-ഡോർ ഫെയ്‌സ്‌ലിഫ്റ്റ് (2025) രൂപകൽപ്പനയിലും ഫീച്ചറുകളിലുമുള്ള മാറ്റങ്ങളോടെ ഇന്ത്യയിൽ പുറത്തിറങ്ങി. ഏകദേശ വില: 12 ലക്ഷം രൂപ.

ലോകത്തിലെ മുന്‍നിര ഇലക്ട്രിക് വാഹന നിര്‍മാതാക്കളായ ചൈനയില്‍ നിന്നുള്ള ബില്‍ഡ് യുവര്‍ ഡ്രീംസ് (BYD). 2021 അവസാനത്തോടെയാണ് BYD ഇന്ത്യന്‍ വിപണിയില്‍ പ്രവേശിച്ചത്. ഇപ്പോള്‍ ഇന്ത്യയില്‍ 10,000 യൂണിറ്റ് ഇലക്ട്രിക് വാഹനങ്ങള്‍ ഡെലിവര്‍ ചെയ്ത് സുപ്രധാന നാഴികക്കല്ല് പിന്നിട്ടിരിക്കുകയാണ് കമ്പനി. തുടക്കത്തില്‍ വാണിജ്യ വാഹനമായ e6 എംപിവിയിലൂടെ (BYD e6 MPV) രംഗപ്രവേശം ചെയ്ത കമ്പനി പിന്നീട് സ്വകാര്യ ഉപഭോക്താക്കള്‍ക്കായി ഇവികള്‍ അവതരിപ്പിച്ചതോടെയാണ് രാജ്യത്ത് വളര്‍ച്ച കൈവരിക്കാന്‍ സാധിച്ചത്. ഇപ്പോള്‍, 38 നഗരങ്ങളിലായി 45 ഷോറൂമുകളാണ് BYD-ക്കുള്ളത്.

റോൾസ് റോയ്സ് സ്വന്തമാക്കുക എന്നത് ഏതൊരാളുടേയും സ്വപ്നമാണ്. സെലിബ്രിറ്റി ആയത് കൊണ്ട് മാത്രമോ പണമുളളത് കൊണ്ട് മാത്രം റോൾസ് റോയ്സ് സ്വന്തമാക്കാൻ സാധിക്കില്ല എന്നതാണ് പ്രത്യേകത. ബോളിവുഡിലും അത് പോലെ തന്നെ കേരളത്തിലും നിരവധി ആളുകൾ റോൾസ് റോയ്സ സ്വന്തമാക്കിയിട്ടുണ്ട്. രാജ്യത്തെ പ്രശസ്ത റാപ്പറായ ബാദ്ഷ തൻ്റെ രണ്ടാമത്തെ റോൾസ് റോയ്സ് സ്വന്തമാക്കിയിരിക്കുകയാണ്. രണ്ടാമത് വാങ്ങിയത് റോൾസ് റോയ്സ് കലിനൻ ആണ്. ആദ്യം അദ്ദേഹം വാങ്ങിയത് റോൾസ് റോയ്സ് ഗോസ്റ്റായിരുന്നു. നിരവധി കസ്റ്റമൈസേഷൻ നടത്തിയിരിക്കുന്ന വാഹനമാണ് ബാദ്ഷ സ്വന്തമാക്കിയിരിക്കുന്ന റോൾസ് റോയ്സ് കലിനൻ.

ജീവിതത്തിൽ ഒരുതവണയെങ്കിലും ലക്ഷ്വറി കാറിൽ സഞ്ചരിക്കാനോ സ്വന്തമാക്കാനോ ആഗ്രഹിക്കാത്ത വണ്ടിഭ്രാന്തൻമാർ ഉണ്ടാവില്ല അല്ലേ. സാധാരണക്കാർക്ക് ഇതൊരിക്കലും നടക്കാൻ സാധ്യതയില്ലാത്ത കാര്യമാണെന്ന് അറിയാമെങ്കിലും പരിശ്രമിക്കാതിരിക്കരുത്. മനുഷ്യർ ആഗ്രഹിച്ചാൽ നടക്കാത്തതായി ഒന്നും തന്നെയില്ലെന്നതാണ് സത്യം. അടുത്ത ദിവസം ഓണം ബംബർ ലോട്ടറിയുടെ നറുക്കെടുപ്പ് നടക്കാനൊക്കെ ഇരിക്കുകയല്ലേ. ഒന്നടിച്ചാൽ ഏതെങ്കിലും ഒരു ആഡംബര വാഹനം വാങ്ങിയേക്കാമെന്ന് പ്ലാനിട്ടിരിക്കുന്നവരും ഉണ്ടാവുമല്ലോ. ഒരു പ്രീമിയം എസ്‌യുവി അല്ലെങ്കിൽ ഒരു കാർ വാങ്ങണമെന്ന് കാലങ്ങളായി ആഗ്രഹിക്കുന്നവർക്ക് ഇപ്പോൾ നല്ല ലാഭത്തിൽ വാഹനങ്ങൾ വാങ്ങാനാവുകയും സാധിക്കും.

ഇന്ത്യയിലെ എസ്‌യുവി പ്രേമികളുടെ ഡ്രീം കാറാണ് മഹീന്ദ്ര ഥാർ. 2020-ൽ രണ്ടാംതലമുറ ആവർത്തനം പുറത്തിറങ്ങിയത് മുതൽ ആളുകളെല്ലാം വാങ്ങിക്കൂട്ടിയ വണ്ടി ഇന്ന് നിരത്തിലെ സ്ഥിരം കാഴ്ച്ചയാണ്. 3 ഡോർ ആയതിനാൽ തന്നെ ഫാമിലി വാഹനമായി ഉപയോഗിക്കാൻ പ്രാക്‌ടിക്കാലിറ്റിയില്ലെന്ന് പലരും പരാതി പറയുന്നുണ്ടായിരുന്നുവെങ്കിലും ഥാർ ചൂടപ്പം പോലെയാണ് വിറ്റഴിയുന്നത്. എന്നാൽ ഇക്കാര്യങ്ങളെല്ലാം മനസിൽ കണ്ടുകൊണ്ട് ഥാറിന്റെ 5-ഡോർ മോഡലായ റോക്‌സിനെ പോയ വർഷം കമ്പനി വിപണിയിൽ അവതരിപ്പിച്ചിരുന്നു. അതും വലിയ തരംഗമായി മാറിയതോടെ മൂന്ന് ഡോർ മോഡലിന്റെ കച്ചോടം ചെറുതായൊന്ന് താഴേക്ക് പോയി.

മാരുതി വാന്‍ എന്ന് ഓര്‍ക്കുമ്പോള്‍ നമുക്ക് മനസ്സില്‍ ആദ്യം വരുന്ന പേര് ഒംനി ആയിരിക്കും. ഒംനി കാലയവനികക്ക് പിന്നില്‍ മറഞ്ഞെങ്കിലും പിന്‍ഗാമിയായി വന്ന ഈക്കോ വാന്‍ അതിന്റെ പേര് ഒരിക്കലും നശിപ്പിച്ചിട്ടില്ല. കഴിഞ്ഞ കുറേ നാളുകളായി മികച്ച വില്‍പ്പനയാണ് മാരുതി ഈക്കോ സ്വന്തമാക്കുന്നത്. ഇതിനോടകം കുറഞ്ഞ വില മാത്രമുണ്ടായിരുന്ന ഈ കാര്‍ ജിഎസ്ടി പരിഷ്‌കാരങ്ങള്‍ക്ക് ശേഷം ഇപ്പോള്‍ കൂടുതല്‍ താങ്ങാനാകുന്ന വിലയില്‍ ലഭ്യമാകുന്നു. ജിഎസ്ടി 2.0 നിലവില്‍ വന്ന ശേഷം കാറിന്റെ വില്‍പ്പനയില്‍ വല്ല മെച്ചവുമുണ്ടോ എന്നറിയാന്‍ ഏവര്‍ക്കും ആകാംക്ഷയുണ്ടാകും. ഈക്കോയുടെ 2025 സെപ്റ്റംബര്‍ മാസത്തെ വില്‍പ്പനയും മറ്റ് വിശദാംശങ്ങളും നോക്കാം.

പല ബ്രാൻഡുകളും രാജ്യത്ത് അവതരിപ്പിക്കുന്നതിന് മുൻപ് തന്നെ വിദേശത്തേക്ക് വാഹനങ്ങൾ കയറ്റി അയക്കുന്ന പതിവുണ്ട്. അത്തരത്തിൽ മാരുതി സുസുക്കി തങ്ങളുടെ കിടിലൻ ഇവി മോഡലായ ഇ-വിറ്റാര ഇന്ത്യയിൽ ലോഞ്ച് ചെയ്തതിന് ശേഷം യൂറോപ്യൻ രാജ്യങ്ങളിലേക്ക് കയറ്റി അയച്ചിരുന്നു, അതിനൊപ്പം തന്നെ യു.കെയിലേക്കും കമ്പനി വാഹനങ്ങൾ കയറ്റി അയച്ചിരുന്നു. ഇത്തരത്തിൽ 6000 യൂണിറ്റുകളാണ് മാരുതി സുസുക്കി ഇന്ത്യയിൽ നിന്ന് കയറ്റി അയച്ചിരിക്കുന്നത് എന്നാണ് റിപ്പോർട്ടുകൾ പുറത്ത് വന്നിരിക്കുന്നത്. ഗുജറാത്തിലെ പിപാവാവ് തുറമുഖത്ത് നിന്ന് യുണൈറ്റഡ് കിംഗ്ഡം, ജര്‍മ്മനി, നോര്‍വേ, ഫ്രാന്‍സ്, ഡെന്‍മാര്‍ക്ക്, സ്വിറ്റ്‌സര്‍ലന്‍ഡ്, നെതര്‍ലാന്‍ഡ്സ്, സ്വീഡന്‍, ഹംഗറി, ഐസ്ലാന്‍ഡ്, ഓസ്ട്രിയ, ബെല്‍ജിയം എന്നിവിടങ്ങളിലേക്കാണ് കയറ്റി അയച്ചിരിക്കുന്നത്.

മലയാളികള്‍ ഉടമകളായ ഇലക്ട്രിക് വാഹന സ്റ്റാര്‍ട്ടപ്പായ റിവര്‍ മൊബിലിറ്റി പുറത്തിറക്കിയ ആദ്യത്തെ ഇലക്ട്രിക് സ്‌കൂട്ടറാണ് റിവര്‍ ഇന്‍ഡി. ഇലക്ട്രിക് സ്‌കൂട്ടറുകള്‍ക്കിടയിലെ എസ്‌യുവിയെന്ന് കമ്പനി വിശേഷിപ്പിക്കുന്ന റിവര്‍ ഇന്‍ഡി ഇപ്പോള്‍ കേരളത്തിലെ നിരത്തുകളിലും ഇപ്പോള്‍ സജീവമായി കാണാം. ബ്ലോക്ക്ബസ്റ്റര്‍ ഹിറ്റായ പ്രേമുലു എന്ന സിനിമയിലൂടെയും ഈ സ്‌കൂട്ടര്‍ ശ്രദ്ധിക്കപ്പെട്ടിരുന്നു. ജാപ്പനീസ് ഇരുചക്ര വാഹന ഭീമന്‍മാരായ യമഹയുമായി കൈകോര്‍ത്ത് പ്രവര്‍ത്തിക്കുന്ന റിവര്‍ ഇന്‍ഡി ഇലക്ട്രിക് സ്‌കൂട്ടറിന്റെ ജെന്‍ 3 പതിപ്പ് പുറത്തിറക്കി. അതിന്റെ വില, റേഞ്ച്, സവിശേഷതകള്‍ എന്നിവ ചുവടെ വിശദമായി വായിക്കാം.

പണ്ട് മൈലേജുള്ള കാറുകളോടായിരുന്നു ഇന്ത്യക്കാർക്ക് പ്രിയമെങ്കിൽ ഇപ്പോൾ സേഫ്റ്റിയുള്ള കാറുകളോടാണ് നമുക്കെല്ലാം അടുപ്പം. പുത്തനൊരു വണ്ടി വാങ്ങുമ്പോൾ സുരക്ഷ നോക്കിയാണ് ഇപ്പോൾ കൂടുതൽ ആളുകളും വാങ്ങിക്കാറുള്ളത് അല്ലേ. ഭാരത് NCAP, ഗ്ലോബൽ NCAP പോലുള്ള ക്രാഷ്-ടെസ്റ്റ് പ്രോഗ്രാമുകൾ സജീവമായതോടെയാണ് ഇത്തരത്തിലുള്ള കാര്യങ്ങളെ കുറിച്ച് സാധാരണ ജനങ്ങളും അറിവുള്ളവരായി തീർന്നത്. കോം‌പാക്‌ട് ഹാച്ച്ബാക്കുകളും ചെറിയ എസ്‌യുവികളും പോലും ഇപ്പോൾ വിശ്വസനീയമായ സുരക്ഷാ യോഗ്യതകളോടെയാണ് വരുന്നത്. ആയതിനാൽ 10 ലക്ഷം രൂപ ബജറ്റിൽ നിങ്ങൾക്ക് വാങ്ങാൻ കഴിയുന്ന ഏറ്റവും സേഫ്റ്റിയുള്ള കാറുകൾ ഏതൊക്കെയാണെന്ന് പറഞ്ഞുതരാം.

ഇന്ത്യയിലെ മോട്ടോർസൈക്കിൾ സംസ്ക്കാരം മാറിയത് വളരെ വേഗമായിരുന്നു. ഇന്ന് ഏതുതരം ബൈക്കുകളും വാങ്ങാൻ ആളുള്ള സ്ഥലമായി നമ്മുടെ രാജ്യം വളർന്നും കഴിഞ്ഞു. വില നോക്കാതെ ഏത് വണ്ടിയും ചൂടപ്പം പോലെയാണ് ഇവിടെ വിറ്റഴിയുന്നത്. അതിന് തെളിവാണ് ഹോണ്ടയുടെ ഏറ്റവും പുതിയ സൂപ്പർബൈക്കിന്റെ ഡെലിവറി തുടങ്ങിയത്. ഇന്ത്യയിൽ പുറത്തിറങ്ങി രണ്ടാഴ്ച്ച കഴിപ്പോഴേക്കുമാണ് 2025 CBR1000RR-R ഫയർബ്ലേഡ് SP മോഡലിന്റെ വിതരണം ജാപ്പനീസ് ഇരുചക്ര വാഹന നിർമാതാക്കൾ ആരംഭിച്ചിരിക്കുന്നത്. അതായത് വിലകൂടിയ ബൈക്കാണെങ്കിലും വിറ്റഴിയാൻ അധിക നാളൊന്നും കാത്തിരിക്കേണ്ടി വന്നില്ലെന്ന് സാരം.

ഉത്സവ സീസണ്‍ ആയതിനാല്‍ പൊതുവേ മികച്ച വില്‍പ്പന നടക്കുന്ന മാസമാണ് സെപ്റ്റംബര്‍. എന്നാല്‍ കേന്ദ്ര സര്‍ക്കാര്‍ ചരക്കു സേവന നികുതി കുറച്ച ശേഷം വരുന്ന ആദ്യത്തെ സെയില്‍സ് റിപ്പോര്‍ട്ട് ആയതിനാല്‍ ആളുകള്‍ ആകാംക്ഷയിലാണ്. ജിഎസ്ടി 2.0 പരിഷ്‌കാരങ്ങളുടെ ഭാഗമായി ഏറ്റവും കൂടുതല്‍ വിലക്കുറവ് ലഭിച്ചിരിക്കുന്നത് ചെറുകാറുകള്‍ക്കാണ്. അതുകൊണ്ട് തന്നെ ഇതിന്റെ നേട്ടം ഏറ്റവും കൊയ്യാന്‍ സാധ്യതയുള്ളത് മാരുതി സുസുക്കിയാണ് (Maruti Suzuki). ഇപ്പോള്‍ മാരുതി സുസുക്കി 2025 സെപ്റ്റംബര്‍ മാസത്തെ വില്‍പ്പന കണക്കുകള്‍ പുറത്തുവിട്ടു. സെപ്റ്റംബറിലെ കമ്പനിയുടെ ആഭ്യന്തര, കയറ്റുമതി വില്‍പ്പനയുടെ വിശദാംശങ്ങള്‍ ഈ ലേഖനത്തില്‍ വായിക്കാം.

ഇന്ത്യൻ വിപണിയിൽ പ്രീമിയം മോട്ടോർസൈക്കിളുകളെല്ലാം ചൂടപ്പം പോലെ വിറ്റഴിയുന്നതിനാൽ ആഗോള കമ്പനികളെല്ലാം കൂട്ടത്തോടെ ഇങ്ങോട്ടേക്ക് ഇറങ്ങിത്തിരിച്ചിരിക്കുകയാണ്. മുമ്പുണ്ടായിരുന്ന സൂപ്പർബൈക്ക് നിർമാതാക്കളായ ട്രയംഫും ഹാർലിയുമെല്ലാം ചെറിയ ബജറ്റിൽ മോഡലുകൾ ഇറക്കിയതോടെ ഇവരുടെ ഭാവി ശോഭനീയമായി. ഇഷ്ടപ്പെട്ട മോഡലിനായി ലക്ഷങ്ങൾ വരെ മുടക്കാൻ ഇന്ത്യക്കാർ ഇപ്പോൾ റെഡിയാണ്. ചൈനയെ വരെ പിന്തള്ളി ലോകത്തിലെ തന്നെ ഏറ്റവും വലിയ ഇരുചക്ര വാഹന വിപണിയായി നമ്മുടെ ഇന്ത്യ മാറിയതെല്ലാം ഇതിന്റെ ഭാഗമായാണ്. അടുത്തിടെ ഓസ്ട്രിയൻ ഇരുചക്ര വാഹന നിർമാതാക്കളായ ബ്രിക്‌സ്റ്റൺ മോട്ടോർസൈക്കിൾസും രാജ്യത്തേക്ക് എത്തിയിരുന്നു.

ഇന്ത്യയിലെ സ്‌പോര്‍ട് യൂടിലിറ്റി വാഹന (എസ്‌യുവി) വിഭാഗം പിടിച്ചടക്കാനുള്ള ഉറച്ച ലക്ഷ്യത്തിലാണ് മാരുതി സുസുക്കി. ഇന്ത്യയിലെ നമ്പര്‍ 1 കാര്‍ നിര്‍മ്മാതാക്കളുടെ എസ്‌യുവികള്‍ എക്കാലത്തും ജനഹൃദയങ്ങള്‍ കീഴടക്കാന്‍ കാരണം പ്രായോഗികത, ഇന്ധനക്ഷമത, ആധുനിക സവിശേഷതകള്‍ എന്നിവ താങ്ങാനാവുന്ന വിലയില്‍ സംയോജിപ്പിക്കുന്നു എന്നതിനാലാണ്. ഇതിനോടനുബന്ധിച്ച് അടുത്ത രണ്ട് വര്‍ഷത്തിനുള്ളില്‍ ഒന്നിലേറെ എസ്‌യുവികള്‍ നിരത്തിലിറക്കാനായി ഇതിനകം തന്നെ സജ്ജമാക്കി കഴിഞ്ഞു.

മാരുതി സുസുക്കി എന്നാൽ അത് വിശ്വാസത്തിൻ്റെ പര്യായമാണ് എന്നാണ് ഉപഭോക്താക്കൾ തന്നെ പറയുന്നത്. അത് കൊണ്ടാണല്ലോ വിൽപ്പനയുടെ 50 ശതമാനവും മാരുതി സുസുക്കിയുടെ കൈയ്യിലാണ്. അതായത് കണക്കുകൾ സൂചിപ്പിക്കുന്നത് കേരളത്തിൽ രണ്ട് വാഹനങ്ങൾ വിറ്റുപോയാൽ അതിലൊന്ന് മാരുതി ആയിരിക്കുമെന്നാണ് പറയുന്നത്. ഇതുവരെ 25000 ബുക്കിങ്ങുകൾ വാഹനത്തിന് ലഭിച്ചിട്ടുണ്ട് എന്നാണ് മാരുതി സുസുക്കി അറിയിച്ചിരിക്കുന്നത്. പുതിയ വാഹനം ബുക്ക് ചെയ്താൽ എത്ര ദിവസം കാത്തിരിക്കണമെന്നാണല്ലോ എല്ലാവർക്കും അറിയേണ്ടത്. എന്നാൽ 10 ആഴ്ച്ചയാണ് വിക്ടോറിസിന് വേണ്ടി കാത്തിരിക്കേണ്ടത്. 10.50 ലക്ഷം രൂപയിലാണ് വിക്ടോറിസിൻ്റെ വില ആരംഭിക്കുന്നത്.

ഇന്ത്യന്‍ ഇലക്ട്രിക് കാര്‍ വിപണിയില്‍ അതിവേഗം മുന്നേറിക്കൊണ്ടിരിക്കുകയാണ് ജെഎസ്ഡബ്ല്യു എംജി മോട്ടോര്‍. കുറഞ്ഞ വിലയുള്ള എംജി കോമെറ്റ് ഇവി മുതല്‍ ഇലക്ട്രിക് സ്‌പോര്‍ട്‌സ് കാര്‍ വരെ അവര്‍ വില്‍പ്പനക്കെത്തിക്കുന്നു. എംജി മോട്ടോര്‍ ഇന്ത്യ 2025 ജൂലൈയില്‍ 74.99 ലക്ഷം രൂപ വിലയ്ക്ക് സൈബര്‍സ്റ്റര്‍ ഇലക്ട്രിക് സ്പോര്‍ട്സ് കാര്‍ പുറത്തിറക്കിയത്. ഇന്ത്യയിലെ സെലിബ്രിറ്റികള്‍ക്കും സമ്പന്നര്‍ക്കുമിടയില്‍ ഈ ഇലക്ട്രിക് സ്‌പോര്‍ട്‌സ് കാര്‍ അതിവേഗം ജനപ്രിയമാകുകയാണ്. ഇപ്പോള്‍ ഒരു പ്രശസ്ത ഗായകന്‍ ഈ കാര്‍ ഡെലിവറിയെടുത്തിട്ടുണ്ട്. അത് ആരാണെന്ന് നമുക്ക് നോക്കാം.

ഇന്ത്യൻ വിപണിയിലെ ഏറ്റവും വലിയ രണ്ടാമത്തെ വാഹന നിർമാതാക്കൾ ആരാണെന്ന് ചോദിച്ചാൽ മുമ്പ് പലരും ഹ്യുണ്ടായി (Hyundai) എന്നാവും പറയുക. എന്നാൽ ഇടയ്ക്ക് ടാറ്റയും മഹീന്ദ്രയുമെല്ലാം പിന്നിലാക്കിയെങ്കിലും ഇക്കഴിഞ്ഞ മാസങ്ങളിലെല്ലാം ദക്ഷിണ കൊറിയൻ ബ്രാൻഡ് തങ്ങളുടെ വെള്ളിക്കിരീടം തിരിച്ചുപിടിച്ചിരുന്നു. 2025 സെപ്റ്റംബർ മാസത്തെ വിൽപ്പന കണക്കുകൾ പുറത്തിവരുമ്പോൾ എതിരാളികളേക്കാൾ ഏറെ മുന്നിൽ ഓടിക്കയറിയിരിക്കുകയാണ് കമ്പനി. പോയ മാസം മൊത്തം 70,347 കാറുകൾ വിറ്റഴിച്ചുകൊണ്ടാണ് ഹ്യുണ്ടായി മോട്ടോർ ഇന്ത്യ ലിമിറ്റഡ് (HMIL). തങ്ങളുടെ കഴിവ് എന്താണെന്ന് എതിരാളികൾക്ക് കാട്ടിക്കൊടുത്തിരിക്കുന്നത്.

റെനോ മൊത്തത്തിലൊരു പുതുമയുടെ വഴിയിലേക്ക് തിരിഞ്ഞ മട്ടാണ്. കാരണം ജനങ്ങളുടെ ആവശ്യം മനസിലാക്കി പെരുമാറാൻ കമ്പനി പഠിച്ചിരിക്കുന്നു എന്ന് വേണം പറയാൻ. അതിൻ്റെ ഏറ്റവും വലിയ ഉദാഹരണമാണല്ലോ ഫെയ്‌സ്‌ലിഫ്റ്റ് ട്രൈബർ പുറത്തിറക്കിയത്. ഇപ്പോൾ ഇൻ്റീരിയറിലാണ് ഉപഭോക്താക്കൾ ശ്രദ്ധിക്കുന്നതെന്ന് മനസിലാക്കിയ ബ്രാൻഡ് തങ്ങളുടെ വരാനിരിക്കുന്ന റെനോ ക്വിഡിന് ഇൻ്റീരിയറിൽ കിടിലൻ ലുക്കാണ് നൽകിയിരിക്കുന്നത്. പ്രത്യേകിച്ച് ഇൻഫോടെയ്ൻമെൻ്റ് സിസ്റ്റത്തിൽ. റെനോയുടെ വരാനിരിക്കുന്ന മുഖം മിനുക്കിയ ക്വിഡ് പല തവണ ക്യാമറക്കണ്ണിൽ കുടുങ്ങിയിട്ടുണ്ട്. അത്തരത്തിൽ ഇപ്പോൾ വാഹനത്തിൻ്റെ ഇൻ്റീരിയർ വ്യക്തമായി കാണാൻ സാധിക്കുന്ന രീതിയിൽ ചിത്രങ്ങൾ പുറത്ത് വിട്ടിരിക്കുകയാണ് ഓട്ടോകാർ.

എത്ര ടെൻഷനോ സങ്കടമോ നിറഞ്ഞ് ഇരിക്കുന്ന സമയത്ത് ഒരു നല്ല പാട്ട് കേട്ടാൽ തന്നെ വലിയ ആശ്വാസമാണ്. അതും പ്രിയപ്പെട്ട ഗായകൻ്റെ ശബ്ദത്തിലാണെങ്കിൽ പറയുകയേ വേണ്ട. അത് പോലെ തന്നെയാണ് ഒരു സിനിമയുടെ ഒഴിവാക്കാൻ പറ്റാത്ത ഒന്നാണ് ഗാനങ്ങൾ. മലയാള സിനിമയുടെ പ്രഗൽഭരായ ഗായകരിൽ അൽപ്പം ഫാൻ ബേസ് കൂടുതലുളള ഒരാളാണ് എംജി ശ്രീകുമാർ. മലയാളം, തമിഴ്, തെലുങ്ക്, കന്നഡ, ഹിന്ദി, സംസ്കൃതം തുടങ്ങി വിവിധ ഇന്ത്യൻ ഭാഷകളിലായി 2500-ലധികം ഗാനങ്ങൾ അദ്ദേഹം ഇതുവരെ ആലപിച്ചിട്ടുണ്ട്. രണ്ട് ദേശീയ ചലച്ചിത്ര അവാർഡുകൾ, മൂന്ന് കേരള സംസ്ഥാന ചലച്ചിത്ര അവാർഡുകൾ, 5 ഫിലിംഫെയർ അവാർഡുകൾ സൗത്ത് എന്നിവയുൾപ്പെടെ നിരവധി അവാർഡുകൾ സ്വന്തമാക്കി സംഗീത സാഗരത്തിൽ ആറാടാൻ ആരംഭിച്ചിട്ട് 44 വർഷങ്ങൾ പിന്നിട്ടിരിക്കുകയാണ്.

വർഷങ്ങളായി സുരക്ഷിതവും ശക്തവും വിശ്വസനീയവുമായ കാറുകൾ നിർമ്മിക്കുന്നതിൽ പേരുകേട്ട ബ്രാൻഡാണ് വോൾവോ. കോംപാക്‌ട് ഇലട്രിക് എസ്‌യുവി സെഗ്മെന്റിൽ ഇടം പിടിക്കാനായി വോൾവോ ഇതാ പുതിയൊരു പടക്കുതിരയെ കൂടി ഇറക്കിക്കഴിഞ്ഞു. സ്വീഡിഷ് ആഡംബര വാഹന നിർമാതാക്കളുടെ ഏറ്റവും പുതിയതും ചെറുതുമായ EX30 ഇലക്ട്രിക് എസ്‌യുവിയാണ് നമ്മുടെ രാജ്യത്തിനായി കമ്പനി കൊണ്ടുവന്നിരിക്കുന്നത്. ചെറുതാണെന്ന് കരുതി ആരും തള്ളിക്കളയണ്ട! ആളൊരു വല്ലഭൻ തന്നെയാണ്. എങ്ങനെയാണെന്ന് അറിയാൻ തുടർന്ന് വായിച്ചോളൂ... വിട്ടുവീഴ്ചകളില്ലാതെ വീറും വാശിയുമോടെ പ്രകടനം കാഴ്ച്ചവെക്കുന്നു എന്നതാണ് ഇവിയുടെ ഏറ്റവും വലിയ സവിശേഷത.

നമ്മുടെ രാജ്യത്ത് ഏറ്റവും കൂടുതല്‍ ജനപ്രീതിയുള്ളവരാണ് സിനിമാ താരങ്ങള്‍. ഏതെങ്കിലും നടിയോ നടനോ പൊതുമധ്യത്തില്‍ പ്രത്യക്ഷപ്പെട്ടാല്‍ ജനം തടിച്ച് കൂടുന്നത് നാം കാണാറുണ്ട്. നമ്മുടെ അയല്‍ സംസ്ഥാനമായ തമിഴ്നാട്ടില്‍ ഒരു നടന്‍ രാഷ്ട്രീയത്തില്‍ ഇറങ്ങി റോഡ് ഷോ നടത്തിയപ്പോള്‍ തിക്കിലും തിരക്കിലും പെട്ട് ഓട്ടേറെ പേര്‍ക്ക് ജീവന്‍ നഷ്ടമായതിന്റെ ഞെട്ടലിലാണ് നാം. പലര്‍ താരാരാധന കാരണം എന്ത് ചെയ്യണം ചെയ്യരുത് എന്ന ബോധം പോലും നഷ്ടമാകുന്നുവെന്ന് തോന്നുന്നു. പൊതുവേ പ്രമുഖ നടന്‍മാര്‍ പൊതുസ്ഥലത്ത് വരുമ്പോള്‍ ആരാധകര്‍ അവരുടെ കാറിനെ പിന്തുടരാറുണ്ട്.

രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കിയുമായുള്ള പങ്കാളിത്തത്തിന്റെ ബലത്തിൽ ഇന്ത്യയിൽ നിന്നും പണംവാരുകയാണ് ടൊയോട്ട. ഓരോ മാസവും വിൽപ്പന കൂടിക്കൂടി വരുന്ന ജാപ്പനീസ് വാഹന നിർമാതാക്കൾ 2025 സെപ്റ്റംബർ മാസത്തിലും വലിയ നേട്ടമാണ് കൈവരിച്ചിരിക്കുന്നത്. കഴിഞ്ഞ മാസം മൊത്തം 31,091 കാറുകളാണ് കമ്പനി വിറ്റഴിച്ചിരിക്കുന്നത്. കഴിഞ്ഞ വർഷം ഇതേ മാസത്തെ അപേക്ഷിച്ച് 16 ശതമാനം വർധനവാണ് കച്ചോടത്തിൽ നേടിയെടുത്തിരിക്കുന്നതെന്ന് സാരം. ആഭ്യന്തര വിപണിയിൽ മാത്രം 27,089 യൂണിറ്റുകളും കയറ്റുമതിയിൽ 4,002 യൂണിറ്റുകളും ഉൾപ്പെടുത്തിയാണ് മൊത്തക്കണക്കുകൾ മുപ്പതിനായിരത്തിന് മുകളിൽ എത്തിയിരിക്കുന്നത്.