പുതിയതാണെങ്കിലും പഴയതാണെങ്കിലും നിങ്ങളുടെ വാഹനങ്ങൾ എപ്പോഴും തിളങ്ങിനിൽക്കുന്നത് കാണാൻ പ്രത്യേക അഴകാണല്ലോ. അതിന് വേണ്ടി നിങ്ങൾ പോളിഷിങ്ങും, ഗ്രാഫൈൻ കോട്ടിങ്ങും ഒക്കെ നടത്തിയേക്കാം. എന്നാൽ ഇനി അതിന് വേണ്ടി പുറത്ത് വണ്ടി കൊടുത്ത് കാത്തിരിക്കേണ്ട ആവശ്യമില്ല എന്നാണ് കിയ പറയുന്നത്. തങ്ങളുടെ ഉപഭോക്താക്കൾക്ക് വേണ്ടി ഡീലർഷിപ്പിൽ തന്നെ ഡീറ്റെയിലിങ്ങ് സ്റ്റുഡിയോ ആരംഭിച്ചിരിക്കുകയാണ് കിയ. ആദ്യം ജയ്പൂരാണ് കിയ ഷൈൻ സോൺ കാർ ഡീറ്റെയിലിംഗ് സ്റ്റുഡിയോ തുറന്നിരിക്കുന്നത്.

മിഡില്‍വെയിറ്റ് മോട്ടോര്‍സൈക്കിള്‍ വിഭാഗത്തിലെ സര്‍വപ്രതാപികളാണ് റോയല്‍ എന്‍ഫീല്‍ഡ് (Royal Enfield). ഐക്കണിക് ബ്രാന്‍ഡ് വിവിധ സെഗ്‌മെന്റുകളിലായി നിരവധി ജനപ്രിയ മോട്ടോര്‍സൈക്കിളുകള്‍ വിപണിയില്‍ എത്തിക്കുന്നു. ഏതാനും ദിവസങ്ങള്‍ക്ക് മുമ്പ് ഗോവയില്‍ സമാപിച്ച 2025 മോട്ടോവേഴ്‌സില്‍ കമ്പനി തങ്ങളുടെ ഭാവി ഉല്‍പ്പന്നങ്ങള്‍ പ്രദര്‍ശിപ്പിച്ചിരുന്നു. അതില്‍ പ്രധാനപ്പെട്ട സംഗതി എന്‍ഫീല്‍ഡും ഇലക്ട്രിക് വാഹന വിഭാഗത്തില്‍ ശ്രദ്ധചെലുത്തുകയാണെന്നതാണ്. ഫ്‌ലയിംഗ്് ഫ്‌ലീ ബ്രാന്‍ഡിന് കീഴില്‍ രണ്ടാമത്തെ ഉല്‍പ്പന്നവും അവതരിപ്പിച്ച കമ്പനി കാലത്തിനൊത്താണ് തങ്ങളുടെ സഞ്ചാരമെന്ന് ഉറക്കെ പ്രഖ്യാപിക്കുന്നു. മോട്ടോര്‍സൈക്കിളുകളുടെ കാര്യത്തില്‍ മാത്രമല്ല സേഫ്റ്റി ആക്‌സസറികളുടെ കാര്യത്തിലും റോയല്‍ എന്‍ഫീല്‍ഡ് ചില നൂതന കണ്ടുപിടുത്തങ്ങള്‍ നടത്തുന്നു.

ഇന്ത്യയുടെ അതിർത്തി പ്രതിരോധ തന്ത്രം കൂടുതൽ ശക്തമാക്കുവാനായി സൈന്യത്തിൻ്റെ വാഹനശേഖരത്തിലേക്ക് പുതിയ ആയുധം എത്തിയിരിക്കുകയാണ്. ശത്രു ഡ്രോണുകളെ കണ്ടെത്തി നശിപ്പിക്കാൻ ശേഷിയുള്ള രാജ്യത്തിൻ്റെ ആദ്യത്തെ ആൻ്റി-ഡ്രോൺ പട്രോൾ വെഹിക്കിളായ (ADPV) ഇന്ദ്രജാൽ റേഞ്ചറാണ് അതിർത്തി കാക്കുവാനായി നിയമിതനായിരിക്കുന്നത്. ഡ്രോൺ അധിഷ്ഠിത കള്ളക്കടത്തും അതിർത്തി കടന്നുള്ള വ്യോമാക്രമണ ഭീഷണികളും വർധിച്ചുവരുന്നത് തടയാൻ ഇന്ദ്രജാൽ റേഞ്ചർ സഹായിക്കും. ഹൈദരാബാദ് ആസ്ഥാനമായി പ്രവർത്തിക്കുന്ന ഗ്രീൻ റോബോട്ടിക്‌സിൻ്റെ ഡ്രോൺ ഡിഫൻസ് വിഭാഗമായ ഇന്ദ്രജാലയാണ് രാജ്യത്തെ ആദ്യത്തെ മൊബൈൽ AI പ്രാപ്തമാക്കിയ ആൻ്റി-ഡ്രോൺ പട്രോളിംഗ് വാഹനം വികസിപ്പിച്ചെടുത്തിരിക്കുന്നത്.

ഇലക്ട്രിക് വാഹന ലോകത്ത് വലിയ വിപ്ലവം സൃഷ്ടിച്ച് ഇന്ന് ആഗോള വിപണിയില്‍ ഏറ്റവും വലിയ സ്വാധീനമുള്ള നിര്‍മ്മാതാക്കളില്‍ ഒന്നായി മാറിയിരിക്കുകയാണ് ടെസ്‌ല. ശതകോടീശ്വരനായ ഇലോണ്‍ മസ്‌കിന്റെ നേതൃത്വത്തിലുള്ള കമ്പനി ചുരുങ്ങിയ കാലയളവുകൊണ്ടാണ് ജനഹൃദയങ്ങളില്‍ സ്ഥാനം പിടിച്ചത്. ഇലട്രിക് മോട്ടോര്‍, മികച്ച റേഞ്ച്, ആകര്‍ഷകമായ ഡിസെനും ഇന്റീരിയറിനുമൊപ്പം ഹൈടെക് ഫീച്ചറുകള്‍ എന്നിവ സമ്മാനിച്ചുകൊണ്ടാണ് ടെസ്ല തിളങ്ങിനില്‍ക്കുന്നത്. ആഗോളവിപണികളിലെ വിജയം ഇന്ത്യയിലെത്തിയപ്പോള്‍ ടെസ്‌ലക്ക് നേടാനായോ എന്നത് സംശയം ഉണ്ടാക്കുന്ന ഒരു ചോദ്യമാണ്. കാരണം 2025 ഒക്‌ടോബര്‍ മാസതെത വില്‍പ്പന കണക്കുകള്‍ നിരത്തുമ്പോള്‍ വലിയ നിരാശയാണ് കാണാന്‍ സാധിക്കുന്നത്.

ടാറ്റ സിയറയും (Tata Sierra) മാരുതി സുസുക്കി വിക്ടോറിസും (Maruti Suzuki Victoris) പുതുതായി എത്തിയതോടെ ഇന്ത്യയിലെ മിഡ്-സൈസ് എസ്‌യുവി സെഗ്മെൻ്റിലെ മത്സരം കൂടുതൽ കനക്കുകയാണ്. ഹ്യുണ്ടായി ക്രെറ്റ അരങ്ങുവാഴുന്ന വിഭാഗത്തിൽ പുതിയ ആശാൻമാർക്ക് എത്രത്തോളം തിളങ്ങാനാവുമെന്ന് കാത്തിരുന്ന് തന്നെ അറിയേണ്ടതുണ്ട്. എന്നാൽ ഇവരുടെ വരവിനോളം ഹൈപ്പുണ്ടാക്കി വെച്ചിരിക്കുന്ന മറ്റൊരു വാഹനം കൂടി വരാനിരിക്കുന്നുണ്ട്. മറ്റാരുമല്ല, റെനോ ഡസ്റ്റർ തന്നെയാണ് ആ കക്ഷി. ആഭ്യന്തര വിപണിയിൽ മിഡ്-സൈസ് എസ്‌യുവി നിരയ്ക്ക് തുടക്കമിട്ട കക്ഷി ഇടയ്ക്ക് വിൽപ്പന അവസാനിപ്പിച്ച് രാജ്യത്ത് നിന്നും പടിയിറങ്ങിയിരുന്നു.

സാധാരണക്കാരും ഇടത്തരക്കാരും യൂസ്ഡ് കാറുകള്‍ വാങ്ങുന്നതില്‍ ആര്‍ക്കും ഒരു അത്ഭുതവും തോന്നാറില്ല. എന്നാല്‍ ചില സെലിബ്രിറ്റികള്‍ യൂസ്ഡ് കാര്‍ വാങ്ങുന്നത് കണ്ടിട്ട് പെട്ടിയില്‍ ക്യാശുണ്ടായിട്ടും ഇവര്‍ എന്തിനാണ് സെക്കന്‍ഡ് ഹാന്‍ഡ് കാര്‍ വാങ്ങുന്നതെന്ന് ചിന്തിച്ചിട്ടുണ്ടാകും പലരും. എന്നാല്‍ ഇതിന് കൃത്യമായ കാരണങ്ങള്‍ ഉണ്ട്. സെലിബ്രിറ്റികള്‍ യൂസ്ഡ് ലക്ഷ്വറി കാറുകള്‍ വാങ്ങുന്നതിന് പിന്നിലെ പ്രധാന കാരണം മൂല്യത്തകര്‍ച്ചയാണ്. മിക്ക ആഡംബര കാറുകളുടെയും മൂല്യം ആദ്യ കുറച്ച് വര്‍ഷങ്ങളില്‍ ഗണ്യമായി കുറയുന്നു. ഈ സാഹചര്യത്തിലാണ് കുറച്ച് കിലോമീറ്ററുകള്‍ മാത്രം ഓടിയ സര്‍വീസ് ഹിസ്റ്ററിയുള്ള കാറുകള്‍ ചുളുവിലക്ക് വാങ്ങാന്‍ അവസരമൊരുങ്ങുന്നത്.

ലോകത്തിലെ ഏറ്റവും ഭാരമേറിയ കപ്പലുകളുടെ പട്ടികയിൽ സീവൈസ് ജയൻ്റ് അഥവാ ക്നാക്ക് നേവിസ് മുന്നിൽ നിൽക്കുന്നത്. എന്നാൽ, യാത്രക്കാരെ വഹിക്കുന്ന കപ്പലുകളിൽ ഐക്കൺ ഓഫ് ദി സീസ് ആണ് ഏറ്റവും കണക്കുകൾ വച്ച് വലുത്. 2024 ജനുവരി മുതൽ റോയൽ കരീബിയൻ്റെ കീഴിൽ സേവനം ആരംഭിച്ച ഈ അത്യാഡംബര കപ്പൽ ലോകമെമ്പാടുമുള്ള പ്രമുഖ തീരദേശ നഗരങ്ങളെയും ദ്വീപുകളെയും ബന്ധിപ്പിച്ചാണ് സർവീസ് നടത്തുന്നത്. സമ്പന്നരായ കുടുംബങ്ങൾക്കുള്ള അവധിക്കാല യാത്രകൾ ലക്ഷ്യമിട്ടാണ് ഇത് ഡിസൈൻ ചെയ്തിരിക്കുന്നതും സർവീസ് നടത്തുന്നതും. കൂടുതൽ വിവരങ്ങൾ അറിയാൻ തുടർന്ന് വായിക്കണേ.

ആനപ്പുറത്തിരിക്കാൻ കൊതിയില്ലാത്തവർ ഉണ്ടാവില്ലല്ലോ. അതുപോലെ തന്നെയാണ് ബുള്ളറ്റിൽ ഒന്ന് കയറാനും ഓടിക്കാനും ആഗ്രഹിക്കാത്തവർ ഉണ്ടാവില്ല. സ്ത്രീകൾക്കിടയിൽ പോലും ഏറ്റവും ഫാൻസുള്ള ഇരുചക്ര വാഹനമാണ് റോയൽ എൻഫീൽഡിൻ്റേത്. വികാരമാണെന്നെല്ലാം പറഞ്ഞ് പലരും കളിയാക്കുമെങ്കിലും യുവജനങ്ങളെയും പ്രായമായവരേയുമെല്ലാം ഒരേപോലെ ഹരം പിടിപ്പിച്ച വേറൊരു ബൈക്ക് ഇന്ത്യയിൽ ഇല്ലെന്നു വേണം പറയാൻ. ബുള്ളറ്റ് എന്നാണ് കമ്പനിയുടെ എല്ലാ മോഡലുകളേയും ആളുകൾ സ്നേഹത്തോടെ വിളിക്കുന്നത്. ദുൽഖർ സൽമാൻ നായകനായി എത്തിയ നീലാകാശം പച്ചക്കടൽ ചുവന്ന ഭൂമിയെന്ന സിനിമ ഇറങ്ങിയതോടെയാണ് കേരളത്തിലെ ചെറുപ്പക്കാർക്കിടയിൽ എൻഫീൽഡിനോടുള്ള ഹരം കൂടിയത്.

മാരുതി സുസുക്കിയുടെ ഏറ്റവും പ്രതീക്ഷയുള്ള ഇലക്ട്രിക് എസ്‌യുവിയായ ഇ-വിറ്റാര, ഇന്ത്യൻ വിപണിയിൽ വൻ തരംഗമായിരിക്കും സൃഷ്ടിക്കാൻ പോകുന്നത്. മാരുതിയുടെ ആദ്യത്തെ ഇലക്ട്രിക് കോംപാക്ട് എസ്‌യുവായതിനാൽ തന്നെ, ഇതിന്റെ ലോഞ്ച് രാജ്യമെമ്പാടുമുള്ള വാഹന ഉപഭോക്താക്കളും വിപണി നിരീക്ഷകരും വലിയ ആകാംക്ഷയോടെയാണ് നോക്കിക്കൊണ്ടിരിക്കുന്നത്. ഇന്ത്യയിലെ ഇവി വളർച്ചയുടെ അടുത്ത അധ്യായം നിർണ്ണയിക്കുന്ന മോഡൽ എന്ന നിലയിലാണ് ഇതിനെ കണക്കാക്കുന്നത് എന്ന് തന്നെ പറയാം. ഇ-വിറ്റാര എത്തുന്നതോടെ ഇന്ത്യൻ ഓട്ടോമോട്ടീവ് വിപണിയിൽ വരാൻ പോകുന്ന മാറ്റങ്ങളും കോളിളക്കങ്ങളുമാണ് നിങ്ങളുമായി പങ്കുവയ്ക്കുന്നത്.

ടാറ്റ മോട്ടോര്‍സിന്റെ എസ്‌യുവി നിരയിലേക്ക് ഏറ്റവും പുതുതായി ചേര്‍ക്കപ്പെട്ട മോഡല്‍ ആണ് സിയറ. ടാറ്റ മോട്ടോഴ്സിന്റെ പോര്‍ട്ട്ഫോളിയോയില്‍ നിരവധി എസ്‌യുവികള്‍ ഉള്‍പ്പെടുന്നു. പുതിയ സിയറയുടെ വരവോടെ എസ്‌യുവി മാര്‍ക്കറ്റിന്റെ നാലില്‍ ഒന്ന് പിടിച്ചടക്കാനാണ് ടാറ്റ പദ്ധതിയിടുന്നത്. നിലവില്‍ ടാറ്റയുടെ ഏറ്റവും കൂടുതല്‍ വിറ്റഴിക്കപ്പെടുന്ന രണ്ട് എസ്‌യുവികള്‍ പഞ്ചും നെക്‌സോണുമാണ്. എന്നിരുന്നാലും, കഴിഞ്ഞ രണ്ട് വര്‍ഷമായി വില്‍പ്പന ചാര്‍ട്ടുകളില്‍ ആധിപത്യം പുലര്‍ത്തുന്ന മോഡല്‍ പഞ്ച് ആണ്. ചേട്ടനായ നെക്സോണിനെ പോലും കഴിഞ്ഞ ഏതാനും മാസങ്ങളായി കൈയ്യകലത്തില്‍ നിര്‍ത്തിയായിരുന്നു പഞ്ചിന്റെ കുതിപ്പ്.

കാർ വിപണിയിൽ മാരുതി സുസുക്കിയും ടൊയോട്ടയും തമ്മിലുള്ള ബന്ധമാണ് ഇരുചക്ര വാഹന വിപണിയിൽ ടിവിഎസും ബിഎംഡബ്ല്യു മോട്ടോറാഡും തമ്മിലുള്ളത്. ബാഡ്‌ജ് എഞ്ചിനിയറിംഗ് അല്ല ഇവരുടെ പ്രധാന ഉദ്ദേശമെങ്കിലും ഒരു മോഡൽ മാത്രമാണ് ഇതുവരെ റീബാഡ്‌ജ് ചെയ്‌ത് പുറത്തിറക്കിയിരിക്കുന്നത്. 12 വർഷം മുമ്പ് അതായത് 2013 ൽ ആരംഭിച്ച ഇന്തോ-ജർമൻ സഹകരണത്തിൻ്റെ ഭാഗമായി ഈ കൂട്ടുകെട്ടിൽ ഇതുവരെ 2 ലക്ഷം ബൈക്കുകളാണ് വിറ്റഴിഞ്ഞിരിക്കുന്നത്. 500 സിസിക്ക് താഴെയുള്ള മോട്ടോർസൈക്കിൾ വിഭാഗത്തിലെ ഏറ്റവും വിജയകരമായ കൂട്ടുകെട്ടാണ് ടിവിഎസും ബിഎംഡബ്ല്യുവും തമ്മിലുള്ളതെന്ന് ഈ കണക്കുകൾ പറഞ്ഞുവെക്കുന്നുമുണ്ട്.

ഇന്ത്യയിലെ സാധാരണക്കാരായ ജനങ്ങളുടെ ഏറ്റവും പ്രിയപ്പെട്ട മോട്ടോര്‍സൈക്കിളുകളില്‍ ഒന്നാണ് ബജാജ് പ്ലാറ്റിന. രാജ്യത്തെ ഏറ്റവും വിശ്വസനീയവും ഇന്ധനക്ഷമതയുള്ളതുമായ കമ്മ്യൂട്ടര്‍ മോട്ടോര്‍സൈക്കിളുകളില്‍ ഒന്നാണ് ബജാജ് പ്ലാറ്റിന. താങ്ങാനാവുന്ന വിലയില്‍ സുഖകരവും, വളരെ ലാഭകരവുമായ യാത്ര വാഗ്ദാനം ചെയ്യുക എന്ന ലക്ഷ്യത്തോടെയാണ് ബജാജ് 2006ല്‍ പ്ലാറ്റിന പുറത്തിറക്കിയത്. മറ്റെന്തിനേക്കാളും പ്രായോഗികതയെ വിലമതിക്കുന്ന ദൈനംദിന യാത്രികരും ഗ്രാമീണരും ഓഫീസില്‍ പോകുന്നവരും ഈ ബൈക്ക് ഏറ്റെടുത്തു. ഏകദേശം 20 വര്‍ഷത്തോളമായി ഈ ബൈക്ക് വിപണിയിലുണ്ടെങ്കിലും സ്ഥിരമായി വില്‍പ്പനയില്‍ ബജാജിന് മികച്ച സംഭാവന ചെയ്യാന്‍ പ്ലാറ്റിനക്ക് സാധിക്കുന്നുണ്ട്. പ്ലാറ്റിനയുടെ 2025 ഒക്ടോബറിലെ വില്‍പ്പന കണക്കുകളാണ് ഈ ലേഖനത്തില്‍ പരിശോധിക്കുന്നത്.

ഫാൻസി നമ്പറുകൾക്ക് വേണ്ടിയുള്ള ലേലം കേരളത്തിലെ ജനങ്ങളെ സംബന്ധിച്ച് വളരെ സാധാരണമായ കാര്യം തന്നെയാണ്. എത്ര എത്ര നമ്പറുകൾ കേട്ടിരിക്കുന്നു. അടുത്തിടെ 46 ലക്ഷത്തിന് വരെയാണ് നമ്പർ ലേലത്തിൽ പോയത്. ഹരിയാനയിൽ അടുത്തിടെ നടന്ന വിഐപി നമ്പർ പ്ലേറ്റ് ലേലം വാർത്തകളിൽ ഇടം പിടിച്ചിരുന്നു. 1.17 കോടി രൂപയ്ക്കാണ് ഈ നമ്പർ പ്ലേറ്റ് വിറ്റു പോയത്. കണ്ണുമിഴിച്ചു നോക്കണ്ട. സംഭവം സത്യമാണ്. 50,000 രൂപയ്ക്ക് ആരംഭിച്ച ലേലം എങ്ങനെയാണ് കോടികളിലെത്തിയതെന്നും, ഈ നമ്പറിന് ഇത്രയധികം മത്സരം ഉണ്ടാകാനുള്ള കാരണമെന്താണെന്നും വിശദമായി തന്നെ ഒന്ന് അറിഞ്ഞ് വച്ചാലോ.

രാജ്യത്തെ വാഹനപ്രേമികളുടെ ഹ്യദയത്തിൽ ഒരു പ്രത്യേക സ്ഥാനം കാത്തുസൂക്ഷിക്കുന്നവരാണ് മാരുതി സുസുക്കി. തുടക്കത്തിൽ ചെറുകാറുകൾ നിർമ്മിച്ചുകൊണ്ടാണ് തുടങ്ങിയതെങ്കിലും ഇന്ത്യൻ ജനതയുടെ യാത്രകളിലെ പ്രധാന സുഹൃത്തായി മാറിയിരിക്കുകയാണ് ഇവർ. മികച്ച മൈലേജും, കുറഞ്ഞ മെയിൻ്റനെൻസ് ചിലവും, ഒപ്പം രാജ്യത്ത് ഉടനീളമുള്ള ശക്താമായ സർവീസ് നെറ്റ്‌വർക്കുംമെല്ലാം ആളുകളെ മാരുതിയിലേക്ക് ആകർഷിക്കുന്ന ഘടകങ്ങളാണ്. ഇപ്പോഴിതാ സാധാരണക്കാരെ ലക്ഷ്യമിട്ടുകൊണ്ട് പുതിയ ബജറ്റ് ഫ്രണ്ട്ലി കാറുകൾ ഇറക്കാനുള്ള ഒരുക്കത്തിലാണ് കമ്പനി. അടുത്ത വർഷം നിരത്തുകളിൽ ഇറക്കാനായി അണിയറയിലൊരുങ്ങുന്നത് മൂന്ന് മോഡലുകളാണ്.

സൂപ്പർബൈക്ക് വാങ്ങാൻ സ്വപ്‌നം കണ്ടിരുന്നവരുടെ മുന്നിൽ ദൈവത്തെ പോലെ അവതരിച്ച മോട്ടോർസൈക്കിളായിരുന്നു യമഹ R15 (Yamaha R15). ബേബി സൂപ്പർബൈക്ക് എന്ന പരിവേഷമുള്ള മോഡൽ കാലങ്ങളായി ഇന്ത്യയിൽ ചൂടപ്പം പോലെ വിറ്റഴിയുന്നുണ്ട്. നിലവിൽ നാലാംതലമുറ ആവർത്തനത്തിലുള്ള R15 കുറഞ്ഞ വില, ഉഗ്രൻ പെർഫോമൻസ്, കിടിലൻ മൈലേജ്, ഒടുക്കത്തെ റിഫൈൻമെൻ്റ് എന്നിവയെല്ലാം ഒന്നിച്ച് നൽകുന്ന അപൂർവം മോഡലുകളിൽ ഒന്നാണ്. അടിക്കടി എൻട്രി ലെവൽ സ്പോർട്സ് ബൈക്കിലേക്ക് എന്തെങ്കിലും നവീകരണങ്ങൾ കൊണ്ടുവരാനും ജാപ്പനീസ് ഇരുചക്ര വാഹന നിർമാതാക്കളായ യമഹ പ്രത്യേകം ശ്രദ്ധിക്കാറുണ്ട്.

ഹോണ്ട അമേസിന്റെ മൂന്നാം തലമുറ മോഡൽ ഭാരത് എൻക്യാപ് ക്രാഷ് ടെസ്റ്റിൽ 5 സ്റ്റാർ റേറ്റിംഗ് നേടിയിരിക്കുകയാണ്. ഇതോടെ ഹോണ്ടുയടെ കച്ചവടം ഇരട്ടിക്കുമെന്ന കാര്യത്തിൽ ഒരു സംശയവും വേണ്ട. ഇന്ത്യയിൽ നിർമ്മിക്കുന്ന സുരക്ഷിത കാറുകളുടെ പട്ടികയിൽ ഇതോടെ ഹോണ്ട അമേസും ഇടംപിടിച്ചതോടെ വിപണിയിൽ വലിയ മുന്നേറ്റം നടത്താൻ സാധിക്കുമെന്ന് തന്നെയാണ് റിപ്പോർട്ടുകൾ വ്യക്തമാക്കുന്നത്. മുതിർന്നവരുടെ സുരക്ഷയിൽ 5 സ്റ്റാർ റേറ്റിംഗും കുട്ടികളുടെ സുരക്ഷയിൽ 4 സ്റ്റാർ റേറ്റിംഗുമാണ് ഹോണ്ട അമേസ് കരസ്ഥമാക്കിയത്.

ഇന്ത്യയില്‍ സ്‌കൂട്ടര്‍ എന്നതിന്റെ പര്യായമായി മാറിയ മോഡല്‍ ആണ് ഹോണ്ട ആക്ടിവ. ഒരു സ്‌കൂട്ടര്‍ വാങ്ങാന്‍ തീരുമാനിക്കുമ്പോള്‍ പലരുടെയും ആദ്യ ചോയ്‌സ് ഇന്നും ഹോണ്ട ആക്ടിവയാണ്. ഇപ്പോഴും ജാപ്പനീസ് ഓട്ടോ ഭീമന്റെ വില്‍പ്പനയുടെ സിംഹഭാഗവും സംഭാവന ചെയ്യുന്ന ആക്ടിവയാണ് നിലവില്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന സ്‌കൂട്ടര്‍. എന്നിരുന്നാലും ഇപ്പോള്‍ സെഗ്‌മെന്റില്‍ ആക്ടിവയുടെ ഏകാധിപത്യ ഭരണമല്ല നിലനില്‍ക്കുന്നത്. ഹോണ്ട ആക്ടിവയുമായി കട്ടയ്ക്ക് മത്സരിക്കുന്നില്ല ഒന്നിലേറെ എതിരാളികള്‍ ഇന്നുണ്ട്. അതില്‍ പ്രധാനിയാണ് ടിവിഎസ് ജുപ്പിറ്റര്‍. 2013-ലാണ് തമിഴ്‌നാട് കേന്ദ്രമായി പ്രവര്‍ത്തിക്കുന്ന ടിവിഎസ് മോട്ടോര്‍ ജുപ്പിറ്റര്‍ എന്ന മോഡല്‍ കളത്തിലിറക്കിയത്.

ഇലക്‌ട്രിക് സ്‌കൂട്ടറുകൾ ട്രെൻഡിംഗായി നിൽക്കുമ്പോഴും കൂടുതൽ ആളുകൾക്ക് ഇപ്പോഴും താത്പര്യവും വിശ്വാസവും പെട്രോൾ മോഡലുകളോടാണെന്നതിൽ സംശയമൊന്നും വേണ്ട. സ്‌കൂട്ടറുകളോടുള്ള ഇന്ത്യക്കാരുടെ പ്രണയം കാരണം ലോകോത്തര ബ്രാൻഡുകൾ പോലും ഇവിടെയെത്തി പണംവാരുന്നുണ്ട്. അക്കൂട്ടത്തിലെ പ്രമുഖരാണ് VLF എന്നറിയപ്പെടുന്ന വെലോസിഫെറോ. ഇവികളിലൂടെ ആഭ്യന്തര വിപണിയിൽ അഡ്രസുണ്ടാക്കിയെടുത്ത ഇറ്റാലിയൻ ഇരുചക്ര വാഹന നിർമാതാക്കൾ അടുത്തിടെ തങ്ങളുടെ ഇന്ത്യൻ നിരയിലേക്ക് പുത്തനൊരു പെട്രോൾ സ്‌കൂട്ടറിനെയും അവതരിപ്പിച്ചിരുന്നു. ടിവിഎസ് എൻടോർഖ്, അപ്രീലിയ SR സീരീസ് എന്നിവർ അടക്കിവാഴുന്ന പെർഫോമൻസ് സ്‌കൂട്ടർ സെഗ്മെൻ്റിലേക്ക് മോബ്സ്റ്റർ എന്ന പുതുമോഡലിനെയാണ് വെലോസിഫെറോ കൊണ്ടുവന്നത്.

ഡ്രൈവിങ്ങിൽ എതിരെ വരുന്ന വാഹനങ്ങളെ മാത്രമല്ല റോഡിലുടെ നടന്ന് പോകുന്ന യാത്രക്കാരേയും കൂടി പരിഗണിക്കേണ്ടത് വളരെ അത്യാവശമാണ്. റോഡ് എന്നാൽ വാഹനമോടിക്കുന്നവർക്ക് മാത്രമുളളതല്ല എന്ന് കൂടി ഓർക്കണം. എന്നാൽ പല ഡ്രൈവർമാരും സീബ്രാ ലൈനിൽ കൂി പോകുന്നവരേയും അത് പോലെ തന്നെ സീബ്രാ ലൈനിൽ വാഹനങ്ങൾ നിർത്തുകയും ചെയ്യുന്നത് പതിവാണ്. കാൽനടയാത്രക്കാരുടെ സുരക്ഷ ഉറപ്പാക്കാൻ വേണ്ടിയാണ് നഗരങ്ങളിലും ഗ്രാമങ്ങളിലും സീബ്ര ക്രോസിംഗുകൾ ഒരുക്കിയിരിക്കുന്നത്. റിപ്പോർട്ടുകൾ പ്രകാരം ഈ വർഷം ഇതുവരെ 800-ലധികം കാൽനടയാത്രക്കാരുടെ മരണങ്ങൾ രാജ്യത്ത് രേഖപ്പെടുത്തിയിട്ടുണ്ട്. അതിൽ 50 ശതമാനം പേരും മുതിർന്ന പൗരന്മാർ ആണ്.

ഇലക്ട്രിക് ഓട്ടോറിക്ഷ വിപണിയിലേക്ക് ഗംഭീര ചുവടുവെയ്പ്പ് നടത്തി രാജ്യത്തെ ഏറ്റവും വലിയ മുച്ചക്ര വാഹന നിര്‍മ്മാതാക്കളായ ബജാജ് ഓട്ടോ. 'റിക്കി' ( Bajaj Riki) എന്ന പുത്തന്‍ മോഡല്‍ പുറത്തിറക്കിയാണ് ബജാജ് ഇലക്ട്രിക് ഓട്ടോറിക്ഷാ വിപണിയില്‍ പ്രവേശിച്ചത്. ഈ പുതിയ മോഡല്‍ ദീര്‍ഘദൂര യാത്രകള്‍ക്ക് അനുയോജ്യമായ ബാറ്ററി, സുരക്ഷിതമായ ഷാസി ഡിസൈന്‍, വേഗത്തിലുള്ള ചാര്‍ജിംഗ് സൗകര്യം എന്നിവയെല്ലാം ഒരുക്കുന്നു. കോവിഡ് മഹാമാരിക്ക് ശേഷം രാജ്യത്തെ ഇ-റിക്ഷാ മേഖല അതിവേഗം വളരുകയാണെന്നാണ് ബജാജ് പറയുന്നത്. ഇന്ത്യയില്‍ പ്രതിമാസം 45,000-ലധികം ഇലക്ട്രിക് റിക്ഷകള്‍ വിറ്റഴിയുന്നുണ്ടെന്ന് കമ്പനി വ്യക്തമാക്കുന്നു.

ന്യൂജെൻ എസ്‌യുവികളോട് കൊമ്പുകോർക്കാൻ പുനർജന്മമെടുത്തിരിക്കുകയാണ് ടാറ്റയുടെ ഐക്കണിക് എസ്‌യുവിയായ സിയറ. പെട്രോൾ, ഡീസൽ വേരിയൻ്റുകളിൽ അവതരിപ്പിച്ചിരിക്കുന്ന മോഡലിൻ്റെ വില നിർണയം കണ്ട് കിളിപോയിട്ടിരിക്കുകയായിരിക്കും മിഡ്-സൈസ് എസ്‌യുവി സെഗ്മെൻ്റിലെ കൊലകൊമ്പൻമാരായ ഹ്യുണ്ടായി ക്രെറ്റയും മാരുതി സുസുക്കി വിക്ടോറിസുമെല്ലാം. 11.49 ലക്ഷം രൂപയുടെ പ്രാരംഭ വിലയിലെത്തിയിരിക്കുന്ന സിയറയ്ക്കായുള്ള ബുക്കിംഗ് ഡിസംബറിലാണ് ആരംഭിക്കുക. പെട്രോളിനും ഡീസലിനും പുറമെ ഇലക്‌ട്രിക് അവതാരത്തിലും ഐക്കണിക് എസ്‌യുവി എത്തും. എന്നാൽ ഇതിൻ്റെ അവതരണം അടുത്ത വർഷമായിരിക്കും നടക്കുകയെന്ന് മാത്രം. വിപണിയിലെത്തുമ്പോൾ ചില പ്രത്യേകതകളും ഇതിലുണ്ടാവും.

സ്കോർപിയോ, ബൊലേറോ, XUV 500 തുടങ്ങിയ ഹിറ്റുകൾക്ക് ശേഷം മഹീന്ദ്ര ഇന്ന് എത്തിനിൽക്കുന്നത് തങ്ങളുടെ ഏറ്റവും പുതിയ മോഡലായ XEV 9s-ലാണ്. ഇന്ത്യയിലെ ജനപ്രിയ ബ്രാൻഡിൻ്റെ ഈ ഉയർച്ച മറ്റ് പ്രമുഖ കമ്പനികൾക്ക് ഒരു വലിയ വെല്ലുവിളിയായി ഉയരുന്ന അവസ്ഥയാണിപ്പോൾ. പുതിയ ലോഞ്ചിനുശേഷം പലരുടേയും മനസ്സിലുണ്ടാകുന്ന ആദ്യത്തെ ചോദ്യം XEV 9sഉം XEV 9eയും തമ്മിലുള്ള വ്യത്യാസങ്ങൾ എന്തെല്ലാമാണ് എന്നതായിരിക്കും. ഇരുവരേയും ഒരേ INGLO ഇവി പ്ലാറ്റ്ഫോമിൽ നിർമ്മിച്ചതാണെങ്കിലും അവ രണ്ടും വ്യത്യസ്ത ആവശ്യങ്ങൾക്കായി രൂപകൽപ്പന ചെയ്തതാണ്. എന്നാൽ ആ വ്യത്യാസങ്ങളിലൂടെ നമുക്കൊന്ന് കണ്ണോടിച്ചാലോ.

ലോകത്തിലെ തന്നെ ഏറ്റവും വലിയ ധനികനായ ഇലോൺ മസ്കിന്റെ ഉടമസ്ഥതയിലുള്ള ടെസ്‌ലയുടെ മോഡൽ വൈ ഇലക്ട്രിക് എസ്‌യുവി യൂറോ NCAP സുരക്ഷാ പരീക്ഷണത്തിൽ 5-സ്റ്റാർ റേറ്റിംഗ് സ്വന്തമാക്കിയിരിക്കുകയാണ്. ഈ മോഡൽ യൂറോപ്യൻ വിപണിയിൽ സെപ്റ്റംബറിൽ അവതരിപ്പിച്ചത് മുതൽ വിജയകരമായി വിറ്റഴിച്ചുവരുന്നുണ്ട്. സുരക്ഷാ പരീക്ഷണം നടത്തുന്ന യൂറോ NCAP ടെസ്‌ല മോഡൽ വൈയെ ഏറ്റവും സുരക്ഷിതമായ കാറുകളിലൊന്നായി പ്രഖ്യാപിക്കുകയും ചെയ്തു. മുതിർന്നവരുടെ സുരക്ഷാ വിഭാഗത്തിൽ 40-ൽ 36.5 പോയിന്റും കുട്ടികളുടെ സുരക്ഷാ വിഭാഗത്തിൽ 49-ൽ 46 പോയിൻ്റുമാണ് മോഡൽ വൈ നേടിയെടുത്തത്.

ഇന്ത്യയിലെ തങ്ങളുടെ മോഡൽ നിര പുതുക്കിപ്പണിത് വിപണിയിലെത്തിക്കുന്ന തിരക്കിലാണ് ഇറ്റാലിയൻ സൂപ്പർബൈക്ക് നിർമാതാക്കളായ ഡ്യുക്കാട്ടി (Ducati). അടുത്തിടെ മൾട്ടസ്ട്രാഡ, പാനിഗാലെ എന്നിവയുടെ പുതിയ 2025 മോഡലുകൾ പുറത്തിറക്കിയ കമ്പനി സ്ട്രീറ്റ്ഫൈറ്റർ V2 നേക്കഡ് മോട്ടോർസൈക്കിളിൻ്റെ പുത്തൻ പതിപ്പിനെയും ഇന്ത്യയിൽ അവതരിപ്പിച്ചിരിക്കുകയാണ്. സ്റ്റാൻഡേർഡ്, V2 S എന്നിങ്ങനെ രണ്ട് വേരിയൻ്റുകളിൽ വരുന്ന ബൈക്കിന് യഥാക്രമം 17,50,200 രൂപയും 19,48,900 രൂപയുമാണ് എക്സ്ഷോറൂം വില വരുന്നത്. പാനിഗാലെ V2 പ്ലാറ്റ്‌ഫോമിനെ അടിസ്ഥാനമാക്കിയുള്ള ഒരു മിഡ്-കപ്പാസിറ്റി സ്‌പോർട് നേക്കഡ് ഫൈറ്റർ മോട്ടോർസൈക്കിളാണിത്.

ഇന്ത്യൻ വിപണിയിലേക്ക് ടാറ്റയുടെ ഇതിഹാസ താരമായ സിയറ എത്തിയിരിക്കുകയാണ്. വിശ്വാസ്യതയ്ക്കും മികച്ച പെർഫോമൻസിനും പേരുകേട്ട രാജ്യത്തെ ഏറ്റവും കൂടുതൽ വിറ്റഴിക്കപ്പെടുന്ന മിഡ്-സൈസ് എസ്‌യുവിയാണ് ഹ്യുണ്ടായി ക്രെറ്റ. സിയറയും ക്രെറ്റയും ഫൈവ് സീറ്റർ എസ്‌യുവികളാണെങ്കിലും, സിയറയ്ക്ക് അൽപ്പം വലിയ രൂപവും പ്രീമിയം ഫീലും ലഭിക്കുന്നുണ്ട്, എന്നാൽ അതേസമയം ക്രെറ്റ കൂടുതൽ താങ്ങാനാവുന്ന വിലയിൽ ലഭിക്കുന്ന ഒരു എസ്‌യുവിയാണ് എന്ന് വേണമെങ്കിൽ പറയാം. ഇവയുടെ വില, ഡിസൈൻ, ഇന്റീരിയർ, ഫീച്ചറുകൾ, സുരക്ഷ, എഞ്ചിൻ, പെർഫോമൻസ് എന്നിവയെല്ലാ കൂടി വിശദമായി ഒന്ന് നമുക്ക് താരതമ്യം ചെയ്തു നോക്കിയാലോ.