ഫീച്ചറുകളുടെ കാര്യത്തിൽ സമ്പന്നരാണ് കൊറിയൻ ബ്രാൻഡായ കിയ മോട്ടോർസ്. സേഫ്റ്റി,കംഫർട്ട്, പെർഫോമൻസ് എന്നിങ്ങനെ എല്ലാ തലങ്ങളിലും ഫീച്ചറുകൾ കൊണ്ട് കുത്തിനിറച്ചിരിക്കുകയാണ് കിയ തങ്ങളുടെ കാറുകൾ. എന്നാൽ ഒരു ചെറിയ ഫീച്ചറിൻ്റെ പോരായ്മ എല്ലാ ഉപഭോക്താക്കളും എടുത്ത് പറഞ്ഞപ്പോൾ അപ്പോൾ തന്നെ കസ്റ്റമേഴ്സിന് വേണ്ടി പുതിയ അപ്ഡേഷൻ എത്തിച്ചിരിക്കുകയാണ് ജനപ്രിയ ബ്രാൻഡ്. ആൻഡ്രോയിഡ് ഓട്ടോയ്ക്കും ആപ്പിൾ കാർപ്ലേയ്ക്കുമായി ഒരു പുതിയ വയർ-ടു-വയർലെസ് അഡാപ്റ്റർ അവതരിപ്പിച്ചിരിക്കുകയാണ്. ടോപ്പ് എൻഡ് മോഡലുകളിൽ പോലും വയർലെസ് സംവിധാനം നൽകാൻ കമ്പനിക്ക് സാധിച്ചിരുന്നില്ല, അത് എന്തായാലും നികത്തിയിട്ടുണ്ട്.

കേന്ദ്ര സര്‍ക്കാര്‍ കൊണ്ടുവന്ന ജിഎസ്ടി പരിഷ്‌കരണം ഇന്ത്യയിലെ ഓട്ടോമൊബൈല്‍ രംഗത്ത് സൃഷ്ടിച്ച അലയൊലികള്‍ ഇതുവരെ അവസാനിച്ചിട്ടില്ല. ഒട്ടുമിക്ക കമ്പനികളും ജിഎസ്ടി നിരക്ക് ഇളവിന്റെ ആനുകൂല്യങ്ങള്‍ ഉപഭോക്താക്കള്‍ക്ക് കൈമാറുകയാണ്. ഫ്രഞ്ച് വാഹന നിര്‍മാതാക്കളായ സിട്രണ്‍ ജിഎസ്ടി 2.0 പരിഷ്‌കാരങ്ങള്‍ക്ക് ശേഷമുള്ള വില വിവരപ്പട്ടിക പുറത്തുവിട്ടിരുന്നു. സിട്രണ്‍ ഇന്ത്യന്‍ വിപണിയില്‍ എത്തിക്കുന്ന പ്രീമിയം എസ്‌യുവിയാണ് C5 എയര്‍ക്രോസ്. ജിഎസ്ടി പരിഷ്‌കാരത്തിന് ശേഷം ഈ കാറിന്റെ വില 2.67 ലക്ഷം രൂപ കുറയുമെന്നാണ് കമ്പനി പ്രഖ്യാപിച്ചത്. നേരത്തെ, C5 എയര്‍ക്രോസിന്റെ ഷൈന്‍ വേരിയന്റ് 39.99 ലക്ഷം രൂപയ്ക്കായിരുന്നു വിറ്റിരുന്നത്.

ഇന്ത്യക്കാരും ഗിയർലെസ് സ്‌കൂട്ടറുകളും തമ്മിലുള്ള പ്രണയം തുടങ്ങിയിട്ട് കാലംകുറേയായി. ബജാജ് സണ്ണി, കൈറ്റിക് DX, ഹോണ്ട ആക്‌ടിവ അങ്ങനെ ഇതിഹാസങ്ങൾ നിറഞ്ഞാടിയ മണ്ണ് ഇപ്പോൾ മോഡേൺ മോഡലുകളാൽ സമ്പന്നമാണ്. ഇതിനിടയിൽ ഇലക്ട്രിക് സ്‌കൂട്ടറുകളും വിരാജിക്കുന്നുണ്ടെങ്കിലും പെട്രോൾ വണ്ടികളുടെ അന്തകനാവാൻ ഇതുവരെ സാധിച്ചിട്ടില്ല. ഇപ്പോഴും രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന സ്‌കൂട്ടറുകളുടെ പട്ടികയിൽ ഒന്നും രണ്ടും സ്ഥാനങ്ങൾ കൈയടക്കിവെച്ചിരിക്കുന്നത് ആക്ടിവയും ടിവിഎസ് ജുപ്പറ്ററുമാണ് (TVS Jupiter). വന്നകാലം മുതൽ ഇന്നു വരെ ഓരോ മാസങ്ങളിലും ലക്ഷക്കണക്കിന് ജുപ്പിറ്ററുകളാണ് വിറ്റഴിയുന്നത്.

ജര്‍മന്‍ ലക്ഷ്വറി കാര്‍ നിര്‍മാതാക്കളായ ഔഡി പുറത്തിറക്കുന്ന കാര്‍ മോഡല്‍ ആണ് Q8. നിലവില്‍ ഔഡി Q8 ഒരു വേരിയന്റില്‍ മാത്രമേ ഇന്ത്യയില്‍ വില്‍ക്കുന്നുള്ളൂ. ഔഡി Q8 ക്വാട്രോ വേരിയന്റിന്റെ വില 1.17 കോടി രൂപയാണ്. എക്‌സ്-ഷോറൂം വിലയാണിത്. ടാക്‌സും ഇന്‍ഷൂറന്‍സുമെല്ലാം ചേര്‍ത്ത് നിരത്തിലെത്തിക്കാന്‍ ഏകദേശം 1.50 കോടി രൂപ ചെലവാകും. പനോരമിക് ഗ്ലാസ് റൂഫ്, 31.24 സെന്റീമീറ്റര്‍ ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, 17-സ്പീക്കര്‍ ബാങ് & ഒലുഫ്സെന്‍ പ്രീമിയം സൗണ്ട് സിസ്റ്റം, 4-സോണ്‍ ക്ലൈമറ്റ് കണ്‍ട്രോള്‍ സിസ്റ്റം തുടങ്ങിയ പ്രീമിയം സവിശേഷതകള്‍ ഈ കാറിന്റെ അകത്തളത്തില്‍ ജര്‍മന്‍ ബ്രാന്‍ഡ് ഒരുക്കിയിട്ടുണ്ട്.

പെട്രോൾ ഇരുചക്ര വാഹനങ്ങൾക്കെല്ലാം സെപ്റ്റബർ 22 മുതൽ വിലകുറയുന്നത് ഏറ്റവും കൂടുതൽ തിരിച്ചടിയാവാൻ പോവുന്നത് ഇന്ത്യയിലെ ഇലക്ട്രിക് വാഹനങ്ങൾക്കായിരിക്കുമെന്നതിൽ സംശയമൊന്നുമില്ല. ആളുകൾ പതിയെ ഇവികളെ സ്നേഹിച്ച് തുടങ്ങിയപ്പോഴേക്കും കേന്ദ്ര സർക്കാരിൽ നിന്നും ഇത്തരമൊരു പ്രഖ്യാപനം ഇവി നിർമാതാക്കൾ പ്രതീക്ഷിച്ചിട്ടുമുണ്ടാവില്ല. എന്തായാലും വില കുറയാൻ പോവുകയാണെങ്കിലും പെട്രോൾ വില ഇന്നും ഉയർന്ന് നിൽക്കുന്ന സാഹചര്യത്തിൽ ഇലക്ട്രിക് ടൂവീലറുകളുടെ പ്രാധാന്യം അങ്ങനെയൊന്നും കുറയാൻ പോവുന്നില്ലെന്ന് വേണം മനസിലാക്കാൻ. ഒരു ലിറ്റർ പെട്രോളിന് 107 രൂപ കൊടുത്ത് ഓടിക്കുന്നതിലും എന്തൊരു എളുപ്പമാണെന്നോ ചുമ്മാ കറണ്ടി കുത്തിയിട്ട് ഓടിക്കാൻ.

സുസുക്കിയുടെ സൂപ്പർബൈക്കുകൾക്ക് രാജ്യത്ത് നിരവധി ആരാധകരുണ്ട്. എന്നാൽ അവർക്കെല്ലാം ഒരു സങ്കടവാർത്തയാണ് പുറത്ത് വരുന്നത്. സുസുക്കി കറ്റാന എന്ന മോഡൽ തങ്ങളുടെ ലൈനപ്പിൽ നിന്ന് പിൻവലിച്ചിരിക്കുകയാണ് ബ്രാൻഡ്. ബ്രാൻഡിന്റെ ഔദ്യോഗിക ഇന്ത്യൻ വെബ്‌സൈറ്റിൽ നിന്ന് മോഡലിനെ നീക്കം ചെയ്തിരിക്കുകയാണ്. 2022 -ൽ അവതരിപ്പിച്ചത് ഒരു റെട്രോ മോഡേൺ ലുക്കിലായിരുന്നു. എന്നാൽ മൂന്ന് വർഷത്തിന് ശേഷവും കാര്യമായ വിൽപ്പനയിൽ മുന്നേറ്റം നേടാൻ കഴിയാത്തത് കൊണ്ട് കൂടിയാണ് ബ്രാൻഡ് ഈ മോഡലിനെ ആരോടും പറയാതെ സീനിൽ നിന്ന് ഒഴിവാക്കിയതെന്നാണ് തോന്നുന്നത്. 13.61 ലക്ഷം രൂപ എക്സ്ഷോറും വിലയിലായിരുന്നു ബ്രാൻഡ് കറ്റാനയെ അവതരിപ്പിച്ചത്.

ഇന്ത്യൻ ഇരുചക്ര വാഹന വിപണിയുടെ സ്വഭാവം തന്നെ മാറിയതിനാൽ ലോകത്തിലെ പ്രമുഖ ബ്രാൻഡുകളെല്ലാം അടുത്തകാലത്ത് ഇവിടെ സാന്നിധ്യമറിയിച്ചിട്ടുണ്ട്. അത്തരത്തിൽ ആദിശ്വർ ഓട്ടോ റൈഡ് ഇന്ത്യയുമായുള്ള (AARI) പങ്കാളിത്തത്തോടെ നമ്മുടെ രാജ്യത്തേക്ക് കടന്നുവന്ന പ്രീമിയം മോട്ടോർസൈക്കിൾ നിർമാതാക്കളാണ് മോട്ടോ മോറിനി. എക്‌സ്-കേപ്പ് 650, എക്‌സ്-കേപ്പ് 650X, സീമെസോ, റെട്രോ സ്ട്രീറ്റ്, സ്ക്രാംബ്ലർ തുടങ്ങിയ അതിഗംഭീര മോഡലുകളാണ് കമ്പനി രാജ്യത്ത് അവതരിപ്പിച്ചിട്ടുള്ളത്. പക്ഷേഇറ്റാലിയൻ പൈതൃകമുള്ള മോട്ടോ മോറിനിക്ക് ഇന്ത്യയിൽ കാര്യമായി ക്ലച്ചുപിടിക്കാനായിട്ടില്ലെന്നതാണ് സത്യം. എന്നിരുന്നാലും അങ്ങനെ തോറ്റുപിൻമാറാൻ ഒന്നും ഇവർ തയാറല്ലെന്ന് ഉറപ്പിച്ചു പറയുകയാണ്.

ഉത്തരേന്ത്യന്‍ സംസ്ഥാനങ്ങളിലടക്കം രാജ്യത്തെ ഏറ്റവും വലിയ ഉത്സവകാലമാണ് നവരാത്രി. ഈഉത്സവകാലം അടുക്കുമ്പോള്‍ ഒരു പുത്തന്‍ കാര്‍ വാങ്ങാന്‍ പദ്ധതിയിടുന്നവര്‍ക്ക് മികച്ച ഓഫറുകള്‍ ഒരുക്കിയിരിക്കുകയാണ് ടൊയോട്ട കിര്‍ലോസ്‌കര്‍ മോട്ടോര്‍. ജിഎസ്ടി ഇളവുകള്‍ക്ക് പുറമെ തിരഞ്ഞെടുത്ത ടൊയോട്ട കാറുകളില്‍ ആകര്‍ഷകമായ ഓഫറുകളും ആനുകൂല്യങ്ങളുമാണ് വാഗ്ദാനം ചെയ്യുന്നത്. ഒരു ലക്ഷം രൂപ വരെയുള്ള ആനുകൂല്യങ്ങളാണ് കമ്പനി മുന്നോട്ട് വെക്കുന്നത് 'ബൈ നൗ, പേ ഇന്‍ 2026' ക്യാമ്പയിനും കമ്പനി അവതരിപ്പിച്ചിട്ടുണ്ട്. ടൊയോട്ടയുടെ നവരാത്രി ഓഫറുകളെ കുറിച്ചുള്ള വിശദാംശങ്ങള്‍ ഈ ലേഖനത്തില്‍ വായിക്കാം.

ബോളിവുഡിൽ 25 കോടി രൂപയോളം പ്രതിഫലം വാങ്ങുന്ന സൂപ്പർസ്റ്റാറാണ് ഷാഹിദ് കപൂർ. കാമിനി, ഉട്ത പഞ്ചാബ്, പദ്മാവത്, കബീര്‍ സിംഗ് എന്നീ ചിത്രങ്ങളില്‍ ശ്രദ്ധേയ പ്രകടനം കാഴ്ചവെച്ച ഷാഹിദിന്റെ് ഏറ്റവും ഒടുവില്‍ പുറത്തിറങ്ങിയ ചിത്രമാണ് 'ദേവ'. ഷാഹിദിൻ്റെ ഭാര്യ മീര കപൂർ Dhun Wellness എന്ന സ്ഥാപനത്തിൻ്റെ ഉടമ കൂടിയാണ്. മീര തൻ്റെ മെർസിഡീസ് ബെൻസ് ഇ ക്ലാസിൽ വന്നിറങ്ങുന്ന ചിത്രങ്ങളാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. അഴകിൻ്റെ കാര്യത്തിൽ ബോളിവുഡ് നടിമാരെ പോലും വെല്ലുന്ന വ്യക്തിയാണ് മീര. ഷാഹിദ്-മീര ദമ്പതികളുടെ ഗാരേജിൽ നിരവധി ആഡംബര വാഹനങ്ങളാണുളളത്.

പണ്ട് മെയിന്റനെൻസ് കോസ്റ്റിന്റെ കാര്യം പറഞ്ഞ് പലരും ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡയ്ക്ക് മുന്നിൽ മുഖംതിരിച്ച് നിന്നിരുന്നു. റാപ്പിഡും ഒക്ടാവിയയും ഫാബിയയും പോലുള്ള തട്ടുപൊളിപ്പൻ വാഹനങ്ങൾ ഇന്ത്യക്കാർക്ക് നൽകിയ ബ്രാൻഡ് പിന്നീട് ഇതെല്ലാം നിർത്തലാക്കുകയാണെന്ന് പ്രഖ്യാപിച്ച് എല്ലാവരേയും ഞെട്ടിച്ചു. എന്നാൽ ഇന്ത്യ 2.0 പദ്ധതിയുടെ ഭാഗമായി രണ്ട് പുതിയ മോഡലുകൾ കൂടി കൊണ്ടുവരുന്നുണ്ടെന്ന് സ്കോഡ പറഞ്ഞപ്പോൾ ആളുകൾ അത്രകാര്യമാക്കിയിരുന്നില്ല. പക്ഷേ കുഷാഖും സ്ലാവിയയും നിരത്തിലിറങ്ങാൻ തുടങ്ങിയതോടെ ബ്രാൻഡിന്റെ തലവരയും മാറിത്തുടങ്ങി. പിന്നെ വിൽപ്പനയും ടോപ്പ് ഗിയറിലായി.

നൂറ്റാണ്ടുകള്‍ ഇന്ത്യ അടക്കിഭരിച്ച ബ്രിട്ടനില്‍ നിന്നുള്ള ജാഗ്വാര്‍ ആന്‍ഡ് ലാന്‍ഡ് റോവര്‍ എന്ന ലക്ഷ്വറി ബ്രാന്‍ഡ് നമ്മുടെ സ്വന്തം ടാറ്റ മോട്ടോര്‍സ് സ്വന്തമാക്കിയപ്പോള്‍ എല്ലാവരും ഏറെ അഭിമാനിച്ചു. ജെഎല്‍ആര്‍ ടാറ്റയുടെ കൈകളില്‍ എത്തിയ ശേഷം ടാറ്റക്ക് വെച്ചടി വെച്ചടി കയറ്റമായിരുന്നു. ഇന്ത്യക്കാര്‍ക്ക് തന്നെ ടാറ്റ കാറുകളോട് ഉണ്ടായിരുന്ന സമീപനം തന്നെ മാറി. മാത്രമല്ല ഇന്ത്യയടക്കമുള്ള രാജ്യങ്ങളില്‍ ജെഎല്‍ആര്‍ മോഡലുകള്‍ സുലഭമായി. അതില്‍ തന്നെ ലാന്‍ഡ് റോവര്‍ പുറത്തിറക്കുന്ന ലോകോത്തര എസ്‌യുവിയായ ഡിഫെന്‍ഡര്‍ രാജ്യത്ത് ഇപ്പോള്‍ ട്രെന്‍ഡിംഗ് ആണ്.

പുതിയ ജിഎസ്‌ടി (GST) സ്ലാബുകൾ നിലവിൽ വരുന്നതോടെ കാർ വാങ്ങാനിരുന്നവർക്കെല്ലാം ലോട്ടറിയടിച്ച ഫീലാണ് കിട്ടിയിരിക്കുന്നത്. പ്രതീക്ഷിച്ചതിലും വിലക്കുറവിൽ കാറുകൾ വാങ്ങാൻ കിട്ടുക എന്നത് ആരേയും സന്തോഷിപ്പിക്കുന്ന കാര്യങ്ങളാണല്ലോ. രാജ്യത്തെ മുൻനിര കമ്പനികളായ ഹ്യുണ്ടായി (Hyundai), കിയ, മഹീന്ദ്ര, ടാറ്റ മോട്ടോർസ് (Tata Motors), ടൊയോട്ട, സിട്രൺ, ഹോണ്ട, സ്കോഡ തുടങ്ങിയവരെല്ലാം മോഡൽ നിരയിലെ പുതുക്കിയ വിലകൾ ജനങ്ങൾക്ക് കൈമാറുകയും ചെയ്‌തിട്ടുണ്ട്. ഇവർക്കെല്ലാം പിന്നാലെയിതാ ജർമൻ വാഹന നിർമാതാക്കളായ ഫോക്‌സ്‌വാഗണും (Volkswagen) വിലക്കുറവ് പ്രഖ്യാപിച്ച് സധൈര്യം മുമ്പോട്ട് എത്തിയിരിക്കുകയാണ്.

നിങ്ങള്‍ വാഹനങ്ങള്‍ ഓടിക്കുന്നവരോ അല്ലാത്തവരോ ആണെങ്കിലും E20 ഇന്ധനത്തിനെ കുറിച്ച് ഉറപ്പായും കേട്ടിട്ടുണ്ടാകും. ജിഎസ്ടി 2.0 പ്രഖ്യാപനം വരുന്നതിന് മുമ്പ് വാഹന ലോകത്തെ പ്രധാന ചര്‍ച്ചാ വിഷയം 20 ശതമാനം എഥനോള്‍ കലര്‍ത്തിയ E20 ഇന്ധനം രാജ്യത്തെ ഫ്യുവല്‍ സ്‌റ്റേഷനുകളില്‍ വ്യാപകമാക്കുന്നതായിരുന്നു. E20 ഇന്ധനത്തിന് അനുസൃതമായി രൂപകല്‍പ്പന ചെയ്തിട്ടില്ലാത്ത പഴയ വാഹനങ്ങള്‍ക്ക് ഇത് കേടുപാടുകള്‍ സൃഷ്ടിക്കുമെന്ന ആരോപണങ്ങള്‍ ഉയര്‍ന്നതോടെ വിഷയം സുപ്രീം കോടതിയില്‍ വരെ എത്തി. അസംസൃത എണ്ണ ഇറക്കുമതി കുറയ്ക്കാനും കര്‍ഷകരെ സഹായിക്കാനും മറ്റുമായി E20 പ്രേത്സാഹിപ്പിക്കുന്ന കേന്ദ്ര സര്‍ക്കാര്‍ നയത്തിനൊപ്പം നിന്ന പരമോന്നത നീതിപീഠം പൊതുതാല്‍പര്യ ഹരജി തള്ളുകയായിരുന്നു.

ഇന്ത്യന്‍ വാഹന രംഗത്ത് ഇപ്പോള്‍ വിലക്കുറവിന്റെ മേളമാണ്. ഐസി എഞ്ചിന്‍ കാറുകളുടെയും ബൈക്കുകളുടെയും ജിഎസ്ടിയില്‍ വരുത്തിയ പരിഷ്‌കാരത്തിന്റെ ഫലമായി നിരവധി വാഹനങ്ങള്‍ക്കാണ് വിലക്കുറവ് ലഭിച്ചിരിക്കുന്നത്. അതേസമയം ഇലക്ട്രിക് വാഹനങ്ങളുടെ ജിഎസ്ടിയില്‍ മാറ്റമൊന്നുമില്ല. ഈ സാഹചര്യത്തില്‍ ഉത്സവകാലത്ത് വില്‍പ്പന ഉയര്‍ത്താനായി ഇലക്ട്രിക് ടൂവീലര്‍ ബ്രാന്‍ഡുകള്‍ ആകര്‍ഷകമായ ഓഫറുകളുമായി രംഗത്ത് വന്നിരിക്കുകയാണ്. ഇന്ത്യയിലെ മുന്‍നിര ഇലക്ട്രിക് മോട്ടോര്‍സൈക്കിള്‍ നിര്‍മ്മാതാക്കളായ ഒബെന്‍ ഇലക്ട്രിക്, തങ്ങളുടെ എക്‌സ്‌ക്ലൂസീവ് റോര്‍ EZ, റോര്‍ EZ സിഗ്മ ഇലക്ട്രിക് മോട്ടോര്‍സൈക്കിളുകള്‍ക്കായി 'മെഗാ ഫെസ്റ്റീവ് ഉത്സവ്' എന്ന പേരില്‍ ഒരു പ്രത്യേക ഓഫര്‍ പ്രഖ്യാപിച്ചു.

സ്വർണവും മലയാളികളും തമ്മിലുള്ള ബന്ധം ഒരിക്കലും അവസാനിക്കുന്നതല്ല. കല്യാണമായാലും നൂലുകെട്ടായാലും സ്വർണമില്ലാതെ ചടങ്ങുകൾ നടക്കില്ലെന്ന് വേണം പറയാൻ. ഇന്നത്തെ കാലഘട്ടിൽ സീറോ ഗോൾഡ് കൺസെപ്റ്റിൽ വിവാഹങ്ങൾ നടക്കുന്നുണ്ടെങ്കിലും ഭൂരിഭാഗം ആളുകളും പിന്തുടരുന്നത് പഴയകാല ആശയങ്ങളാണ്. അതിനാൽ സ്വർണത്തിന് എത്ര വില കൂടിയാലും വാങ്ങാൻ ആളുണ്ട്. കൂടാതെ ഇതൊരു ബിസിനസാക്കി ലോകത്തിന്റെ പല കോണുകളിലും മലയാളികളുമുണ്ട്. മലബാർ, ഭീമ, കല്യാൺ, ആലുക്കാസ് എന്നിങ്ങനെ മലയാളികൾ നിയന്ത്രിക്കുന്ന വൻകിട ആഭരണക്കടകൾ ലോകമെമ്പാടും സാന്നിധ്യമറിയിച്ചിട്ടുണ്ട്. ആഭരണങ്ങൾ വെറുമൊരു ആഡംബര വസ്തു മാത്രമല്ല, അതൊരു വികാരമാണെന്ന് പറയുന്നത് ശരിയാണെന്ന് തെളിയിച്ചവരാണ് തൃശൂർക്കാരായ ജോസ് ആലുക്കാസ്.

രാജ്യത്തെ പ്രമുഖ ഇരുചക്ര വാഹന നിർമാതാക്കളായ ഹീറോ മോട്ടോകോർപ്, ടിവിഎസ്, ബജാജ് തുടങ്ങിയ ബ്രാൻഡുകളെല്ലാം ജിഎസ്ടി പരിഷ്ക്കരണത്തോടെ മോഡൽ നിരയിൽ വമ്പൻ വിലക്കുറവ് പ്രഖ്യാപിച്ചിരിക്കുകയാണ്. ഈ വേളയിൽ തങ്ങളുടെ ശ്രേണിയിലെ ടൂവീലറുകൾക്കും വില കുറച്ച് മുമ്പോട്ട് എത്തിയിരിക്കുകയാണ് ഹോണ്ട. മോഡലിനെ ആശ്രയിച്ച് 5,672 രൂപ മുതൽ 18,887 രൂപ വരെയാണ് ഹോണ്ട മോഡലുകൾക്ക് എക്സ്ഷോറൂം വിലയിൽ കുറവുണ്ടായിരിക്കുന്നത്. രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന ആക്ടിവ 110 പോലുള്ള ജനപ്രിയ സ്കൂട്ടറിന് 7,874 വരെ ഇളവ് ലഭിക്കുന്നുണ്ടെന്നത് കച്ചോടത്തിന് മൈലേജാവുന്ന കാര്യമാണ്.

ഓരോ വര്‍ഷവും ആപ്പിള്‍ പ്രേമികള്‍ സെപ്റ്റംബര്‍ മാസമാകാന്‍ കാത്തിരിക്കാറുണ്ട്. സെപ്റ്റംബറിലാണ് ടെക് ഭീമന്‍ പുതിയ ഐഫോണ്‍ അടക്കം പുതിയ ഉല്‍പ്പന്നങ്ങള്‍ പുറത്തിറക്കാറുള്ളത്. ഈ വര്‍ഷവും പതിവ് തെറ്റിക്കാതെ ആപ്പിള്‍ പുതിയ ഐഫോണ്‍ 17 സീരീസ് ആഗോള തലത്തലല്‍ പുറത്തിറക്കി. ഇന്ത്യയില്‍ ഐഫോണ്‍ 17 പ്രോ മാക്‌സിന്റെ വില 1.5 ലക്ഷം രൂപ (256 GB)മുതല്‍ 2.3 ലക്ഷം (2TB) രൂപ വവെ പോകുന്നു. ഇക്കുറിയും വിമാനത്തില്‍ ദുബായില്‍ പോയി ഐഫോണ്‍ വാങ്ങി വന്നാലും ഇന്ത്യയിലെ അത്രയും വില വരില്ലെന്നതാണ് സത്യം.

ലോകത്തിലെ ഏറ്റവും വലിയ സമ്പന്നൻ എന്ന പദവിയിൽ നിന്നും സ്‌പേസ് എക്‌സ്, ടെസ്‌ല എന്നിവയുടെ സ്ഥാപകനായ ഇലോൺ മസ്‌കിനെ താഴെയിറക്കി ഒറാക്കിൾ സഹ സ്ഥാപകൻ ലാറി എലിസൺ. ഒറ്റദിവസംകൊണ്ട് എലിസണിന്റെ സമ്പത്തിൽ 10,100 കോടി ഡോളറിന്റെ അതായത് 8.8 ലക്ഷം കോടി രൂപയുടെ അസാധാരണ വർധനവുണ്ടായതോടെയാണ് ആഗോളസമ്പന്നരുടെ പട്ടികയിൽ ഒന്നാം സ്ഥാനത്തേക്ക് ഈ അമേരിക്കക്കാരൻ എത്തുന്നത്. നിലവിൽ 393 ബില്യൺ ഡോളറാണെന്നാണ് കണക്കുകൾ. അതായത് മസ്ക്കിന്റെ 385 ബില്യൺ ഡോളറിനേക്കാൾ 8 ബില്യൺ ഡോളറാണ് ലാറിക്ക് അധികമായുള്ളത്.

ഓട്ടോമൊബൈല്‍ രംഗം സൂക്ഷ്മമായി പിന്തുടരുന്നവര്‍ക്കറിയാം വാഹന നിര്‍മാതാക്കള്‍ വില കൂട്ടുന്നതല്ലാതെ വളരെ അപൂര്‍വം സന്ദര്‍ഭങ്ങളില്‍ മാത്രമാണ് വില കുറയ്ക്കുന്നത്. ഉത്പാദന ചെലവുകള്‍, പണപ്പെരുപ്പം എന്നീ പേരുകള്‍ ചൂണ്ടിക്കാട്ടി ബ്രാന്‍ഡുകള്‍ കൃത്യമായ ഇടവേളകളില്‍ ചെറിയ തോതില്‍ വില കൂട്ടിയാണ് നഷ്ടം നികത്തുന്നതെന്നാണ് പറയപ്പെടുന്നത്. ഇപ്പോള്‍ കേന്ദ്ര സര്‍ക്കാര്‍ ജിഎസ്ടിയില്‍ വമ്പന്‍ പരിഷ്‌കാരം പ്രഖ്യാപിച്ചതോടെ വണ്ടിക്കമ്പനികളും ജനങ്ങളുമെല്ലാം ഹാപ്പിയാണ്. നേരത്തെ ഉണ്ടായിരുന്ന 28 ശതമാനത്തില്‍ നിന്ന് ചെറിയ പെട്രോള്‍, പെട്രോള്‍ ഹൈബ്രിഡ്, സിഎന്‍ജി, എല്‍പിജി കാറുകളുടെ ജിഎസ്ടി ഇപ്പോള്‍ 18 ശതമാനമാക്കി കുറച്ചിരിക്കുകയാണ്.

ഇലക്ട്രിക് വാഹന വിപണിയിലെ അങ്കം മുറുക്കാൻ വിൻഫാസ്റ്റും എംജിയും കച്ചകെട്ടിയിറങ്ങിയിരിക്കുന്നതിനാൽ പണികിട്ടിയിരിക്കുന്നത് വൈദ്യുത കാറുകളുടെ ജനകീയരാക്കിയ ടാറ്റ മോട്ടോർസിനാണ്. രാജ്യത്ത് ഏറ്റവും കൂടുതൽ വിറ്റഴിക്കപ്പെട്ടിരുന്ന ഇവിയായി നെക്സോൺ ഇവി (Tata Nexon EV) അരങ്ങുവാണിരുന്നെങ്കിലും വിൻഡ്‌സറിന്റെ വരവോടെ കാര്യങ്ങളെല്ലാം തകിടംമറിഞ്ഞു. ഇപ്പോഴിതാ കുറഞ്ഞ വിലയിൽ വിൻഫാസ്റ്റ് VF6 കൂടി വന്നതോടെ ടാറ്റ നെക്സോൺ ഇവി കൂടുതൽ കരുതിയിരുന്നേ മതിയാവൂ. ഇതിന്റെ ഭാഗമായി ADAS സുരക്ഷാ സാങ്കേതികവിദ്യ കൂടി ചേർത്തുകൊണ്ട് തങ്ങളുടെ ഇലക്ട്രിക് എസ്‌യുവിയെ കൂടുതൽ കിടിലമാക്കിയിരിക്കുകയാണ് ടാറ്റ.

ഇന്ന് കുടുംബവുമായി ഒന്നിച്ച് യാത്ര പോവാന്‍ വലിയ ഫാമിലി കാറുകളാണ് കൂടുതല്‍ പേരും തെരഞ്ഞെടുക്കുന്നത്. സാധാരണ 5 സീറ്റര്‍ കാറുകളെ അപേക്ഷിച്ച് 7 സീറ്റര്‍ കാറുകള്‍ക്ക് അല്‍പ്പം വില കൂടും. എന്നാല്‍ 5 സീറ്റര്‍ കാറിന്റെ വിലയില്‍ ലഭ്യമാകുന്ന ഒരു 7 സീറ്റര്‍ കാര്‍ ഇന്ത്യയിലുണ്ട്. വളരെ കുറഞ്ഞ വിലയ്ക്ക് ഒരു 7 സീറ്റര്‍ കാര്‍ വാങ്ങാന്‍ ആഗ്രഹിക്കുന്നവരുടെ മുന്നിലെത്തുന്ന ഏറ്റവും മികച്ച ഓപ്ഷനായ റെനോ ട്രൈബറിനെ കുറിച്ചാണ് നമ്മള്‍ പറഞ്ഞ് വരുന്നത്. ഇന്ത്യന്‍ വിപണിയില്‍ ലഭ്യമായ ഏറ്റവും വിലകുറഞ്ഞ 7 സീറ്റര്‍ കാറുകളില്‍ ഒന്നാണിത്.

ഇന്ത്യൻ വാഹന വിപണിയിൽ ശോഭിക്കാനാവാതെ പെടാപ്പാട് പെടുന്നൊരു കമ്പനിയാണ് സിട്രൺ. തുടക്കത്തിൽ അവതരിപ്പിച്ച മോഡലുകളിലുണ്ടായിരുന്ന പോരായ്‌മകൾ കാരണമാണ് ഫ്രഞ്ച് വാഹന നിർമാതാക്കളോട് ഇന്ത്യക്കാർ കൂട്ടുകൂടാതിരുന്നതിന്റെ കാരണം. എന്നാൽ കുറ്റങ്ങളും കുറവുകളുമെല്ലാം പരിഹരിച്ച് മിടുക്കൻമാർ ആയിക്കൊണ്ടിരിക്കുകയാണ് സിട്രൺ മോഡലുകൾ. നിലവിൽ ആറോളം കിടിലൻ കാറുകൾ പുറത്തിറക്കുന്ന കമ്പനി പുതിയ ജിഎസ്ടി ഇളവുകൾ പ്രകാരം മോഡൽ നിരയിൽ വമ്പൻ വിലക്കുറവ് പ്രഖ്യാപിച്ച് മുമ്പോട്ട് വന്നിരിക്കുകയാണ്. ടാറ്റ മോട്ടോർസ്, മഹീന്ദ്ര, സ്കോഡ, ഹ്യുണ്ടായി, കിയ തുടങ്ങിയ വമ്പൻമാർക്ക് പിന്നാലെ വില വെട്ടിക്കുറച്ച് കമ്പനി സെപ്റ്റംബർ 22 മുതൽ പുതിയ വിലയിലായിരിക്കും വാഹനങ്ങൾ വിൽക്കുക.

ജിഎസ്ടിയുടെ ഇളവ് പ്രഖ്യാപിച്ചതോടെ ടൂവീലർ ബ്രാൻഡുകളെല്ലാം തന്നെ തങ്ങളുടെ പുതുക്കിയ നിരക്ക് അവതരിപ്പിച്ചിട്ടുണ്ട്. ജനപ്രിയ ബ്രാൻഡായ യമഹ തങ്ങളുടെ എല്ലാ മോഡലുകൾക്കും മികച്ച വിലകുറവാണ് പ്രഖ്യാപിച്ചിരിക്കുന്നത്. ജിഎസ്ടി 2.0 പരിഷ്കാരങ്ങൾ നടപ്പിലാക്കുന്നത് അനുസരിച്ച് 2025 സെപ്റ്റംബർ 22 മുതലാണ് ഈ മാറ്റം പ്രാബല്യത്തിൽ വരിക എന്ന് എല്ലാവർക്കും അറിയാമല്ലോ. 350 സിസി വരെയുള്ള മോട്ടോർസൈക്കിളുകളുടെയും സ്കൂട്ടറുകളുടെയും ജിഎസ്ടി 28 ശതമാനത്തിൽ നിന്ന് 18 ശതമാനമായി കുറയ്ക്കാനുള്ള സർക്കാരിൻ്റെ തീരുമാനം എല്ലാ ഇരുചക്ര നിർമാതാക്കൾക്കും സന്തോഷകരമായ കാര്യം തന്നെയാണ്. ഇളവിൻ്റെ പ്രത്യേകത എന്താണെന്ന് വച്ചാൽ ഏതൊരാൾക്കും താങ്ങാനാകുന്ന വില ആയി എന്നാണ്.

ജിഎസ്ടി ഇളവ് രാജ്യമെങ്ങും ആഘോഷിക്കുമ്പോൾ, നിരവധി ബ്രാൻഡുകൾ തങ്ങളുടെ മോഡലുകളുടെ വിലകൾ പരിഷ്കരിച്ചു കൊണ്ടിരിക്കുകയാണ്. ബജാജിൻ്റെ പ്ലാറ്റിന എന്ന മോഡലിൽ തുടങ്ങി ഡൊമിനാർ 250 വരെ മുഴുവൻ ആനുകൂല്യങ്ങളും കമ്പനി പ്രഖ്യാപിച്ചിട്ടുണ്ട്. ഇരുചക്ര വാഹനങ്ങൾക്ക് 20,000 രൂപ വരെ ലാഭവും350 സിസിയിൽ താഴെയുള്ള എഞ്ചിൻ ശേഷിയുള്ള എല്ലാ മോട്ടോർസൈക്കിളുകൾക്കും വിലക്കുറവ് ബാധകമാകുമെന്നും ബജാജ് സ്ഥിരീകരിച്ചിട്ടുണ്ട്. ഇതിൽ തന്നെ ഒന്നിലധികം പൾസർ മോഡലുകളും, പ്ലാറ്റിന, സിടി, അവഞ്ചർ ലൈനപ്പ്, ഡൊമിനാർ 250 എന്നിവയുമെല്ലാമാണ് ഉൾപ്പെടുത്തിയിരിക്കുന്നത്. നിങ്ങളൊരു ബജാജ് ബൈക്ക് വാങ്ങാൻ തീരുമാനിച്ചിരിക്കുകയാണെങ്കിൽ കുറച്ച് കൂടി കാത്ത് നിൽക്കണേ.

ജിഎസ്‌ടിയിലെ പുതിയ പരിഷ്ക്കാരങ്ങൾക്ക് പിന്നാലെ മോഡൽ നിരയിൽ വിലക്കുറവ് പ്രഖ്യാപിച്ച് ഇന്ത്യയിലെ ഏറ്റവും വലിയ ഇരുചക്ര വാഹന നിർമാതാക്കളായ ഹീറോ മോട്ടോകോർപ്. 2025 സെപ്റ്റംബർ 22 മുതൽ ഹീറോയുടെ വിപുലമായ ഇരുചക്ര വാഹന നിരയിലുടനീളം വില കുറയുമെന്നത് ഉപഭോക്താക്കളെ സംബന്ധിച്ച് വലിയ നേട്ടമായിരിക്കും. സ്പ്ലെൻഡർ പോലെ രാജ്യത്ത് ഏറ്റവും കൂടുതൽ വിറ്റഴിയപ്പെടുന്ന ബൈക്കുകളെല്ലാം ഉത്സവ സീസണോടെ താങ്ങാനാവുന്ന വിലയിൽ കിട്ടുന്നത് വിൽപ്പന വർധിപ്പിക്കാനും സഹായിക്കുന്ന കാര്യമാണ്. പരമ്പരാഗതമായി ഇരുചക്ര വാഹന വ്യവസായത്തിന് ഏറ്റവും ഉയർന്ന ഡിമാൻഡ് ഉള്ള സമയമാണിത്.