ഇന്ത്യയിലെ നമ്പര്‍ 1 സ്‌പോര്‍ട് യൂടിലിറ്റി വാഹന (എസ്‌യുവി) നിര്‍മാതാക്കളായ മഹീന്ദ്ര പുറത്തിറക്കിയ ഏറ്റവും പുതിയ ഇലക്ട്രിക് കാര്‍ മോഡലുകള്‍ ആണ് BE 6, XEV 9e എന്നിവ. കാറുകള്‍ക്ക് വിപണിയില്‍ മികച്ച പ്രതികരണമാണ് ലഭിക്കുന്നത്. ഇവി ഇരട്ടകള്‍ക്ക് കനത്ത വെല്ലുവിളി ഉയര്‍ത്തിക്കൊണ്ട് ടാറ്റ ഹാരിയര്‍ ഇവി അടുത്തിടെ വിപണിയില്‍ എത്തിയിരുന്നു. മാരുതിയുടെ കന്നി ഇവിയടക്കം ലോഞ്ച് കാത്തിരിക്കുന്ന അവസരത്തില്‍ തങ്ങളുടെ BE 6, XEV 9e ഇലക്ട്രിക് കാറുകള്‍ക്ക് പുതിയ വേരിയന്റുകള്‍ സമ്മാനിക്കാന്‍ ഒരുങ്ങുകയാണ് മഹീന്ദ്ര. ഇതുമായി ബന്ധപ്പെട്ട ഹോമോലോഗേഷന്‍ രേഖകള്‍ പുറത്തുവന്നിട്ടുണ്ട്. അതിനെ കുറിച്ച് നമുക്ക് വിശദമായി നോക്കാം.

ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായിയുടെ കസിൻ ബ്രാൻഡാണ് കിയ. ഇന്ത്യയിലെത്തി അതിവേഗം വളർന്ന ബ്രാൻഡ് ഇന്ന് പലരുടേയും ഇഷ്‌ട കാർ നിർമാതാക്കളിൽ ഒരാൾ കൂടിയാണ്. നല്ല ഫീച്ചറുകൾ, മോഡേൺ ഡിസൈൻ നല്ല എഞ്ചിൻ ഓപ്ഷനുകൾ എന്നിവയെല്ലാം നൽകി ആളുകളെ ചാക്കിലാക്കാനും കിയക്ക് സാധിച്ചു. കമ്പനിയുടെ പേര് പറയുമ്പോഴേക്കും ഏവരുടേയും മനസിലേക്ക് ആദ്യം ഓടിയെത്തുന്നത് സെൽറ്റോസ് എന്ന എസ്‌യുവിയായിരിക്കും. ബ്രാൻഡിൽ നിന്ന് ഏറ്റവും കൂടുതൽ വിറ്റഴിക്കപ്പെടുന്ന മോഡൽ ഇതാണെന്നായിരിക്കും പലരുടേയും വിചാരം. എന്നാൽ നിലവിൽ കിയയുടെ ടോപ്പ് സെല്ലിംഗ് വാഹനം വേറൊന്നാണ് എന്നതാണ് സത്യം.

ഈച്ച എന്ന ഒറ്റ ചിത്രത്തിലൂടെ വില്ലൻ പരിവേഷത്തെ വേറെ ലെവലിൽ എത്തിച്ച നടനാണ് സോനു സൂദ്. സോനു സൂദ് ഒരു നടന്‍ മാത്രമല്ല, ബോളിവുഡിലെ ഒരു നിര്‍മ്മാതാവ് കൂടിയാണ്. താരം വിമാനത്താവളത്തിൽ തൻ്റെ ആഡംബര എംപിവിയായ ടൊയോട്ട വെൽഫയറിൽ വന്നിറങ്ങുന്ന വീഡിയോ സോഷ്യൽ മീഡിയയിൽ വൈറലാണ്. സിനിമയിൽ വില്ലൻ വേഷമാണെങ്കിലും ജീവിതത്തിൽ അദ്ദേഹം ഒരുപാട് നന്മ നിറഞ്ഞ വ്യക്തിത്വമാണ് എന്നതാണ് പ്രത്യേകത. ഇന്ത്യന്‍ സിനിമാ മേഖലയിലെ മറ്റ് പല അഭിനേതാക്കളെപ്പോലെ സോനു സൂദിന് ആഡംബര കാറുകളുടെ വലിയ ശേഖരമില്ല എങ്കിലും താരത്തിൻ്റെ പക്കൽ ഒരു ആഡംബര എംപിവിയുണ്ട്.

ലോകത്തിലെ ഏറ്റവും വലിയ ഇരുചക്ര വാഹന വിപണിയാണ് ഇന്ത്യയെന്ന കാര്യം എല്ലാവര്‍ക്കും അറിയാം. വികസ്വര രാജ്യമായ ഇന്ത്യയിലെ ബഹുഭൂരിപക്ഷത്തിനും ഇന്നും കാര്‍ എന്നത് ഒരു സ്വപ്നമാണ്. ഇന്നും നമുക്ക് ചുറ്റും കണ്ണോടിച്ചാല്‍ ഒരു ബൈക്കില്‍ അച്ഛനും അമ്മയും അവരുടെ കുഞ്ഞുങ്ങളും ചേര്‍ന്ന് പോകുന്ന കാഴ്ചകള്‍ നമുക്ക് കാണാം. നമ്മുടെ രാജ്യത്ത് സമ്പന്നരായവര്‍ ഒത്തിരി ഉണ്ടെങ്കിലും സാധാരണക്കാരും ഇടത്തരക്കാരുമാണ് എണ്ണത്തില്‍ കൂടുതല്‍. അതുകൊണ്ട് തന്നെ ഇന്ത്യന്‍ ടൂവീലര്‍ വിപണിയില്‍ മികച്ച മൈലേജും താങ്ങാനാവുന്ന വിലയുമുള്ള ബൈക്കുകള്‍ക്ക് എപ്പോഴും ആവശ്യക്കാരുണ്ട്. ഇടത്തരം വരുമാനമുള്ള ഇന്ത്യന്‍ കുടുംബങ്ങള്‍ക്ക് കമ്മ്യൂട്ടര്‍ ബൈക്കുകളാണ് എല്ലാകാലത്തും ആശ്വാസം.

ജർമൻ ആഡംബര വാഹന നിർമാതാക്കളായ മെർസിഡീസ് ബെൻസ് എന്ന പേര് കേൾക്കാത്തവരായിട്ട് ആരും തന്നെയുണ്ടാവില്ല. പലർക്കും ലക്ഷ്വറി കാറുകളുടെ അവസാനവാക്കും ഈ ത്രീസ്റ്റാർ ലോഗോയുള്ള ബ്രാൻഡിന്റേതാവും. അതിനാൽ തന്നെ രാജ്യത്തെ സെലിബ്രിറ്റികളും ഏറ്റവും കൂടുതൽ വാങ്ങുന്നത് ബെൻസ് മോഡലുകളാണെന്ന് പറയാം. അതും അവരുടെ മെയ്ബാക്ക് പതിപ്പുകളോടാണ് സിനിമാ താരങ്ങൾക്ക് ഏറെ പ്രിയം. മെര്‍സിഡീസ് തങ്ങളുടെ അള്‍ട്രാ ലക്ഷ്വറി കാറുകള്‍ മെയ്ബാക്ക് എന്ന ബ്രാന്‍ഡിന് കീഴിലാണ് പുറത്തിറക്കുന്നത്. ലക്ഷ്വറിയുടെ പരകോടിയെന്ന് വിശേഷിപ്പിക്കാവുന്ന തരത്തിൽ പണികഴിപ്പിച്ചിരിക്കുന്ന വാഹനങ്ങൾ അത്രയേറെ യാത്രാസുഖവും സുരക്ഷയുമാണ് സമ്മാനിക്കുന്നത്.

രാജ്യം എപ്പോഴും ഉറ്റുനോക്കുന്ന കുടുംബമാണ് അംബാനി കുടുംബം. അവിടെ എന്ത് നടന്നാലും അത് വാർത്തയാണല്ലോ, ചിലതൊക്കെ സത്യമായിരിക്കും, ചിലത് വെറുതേ റീച്ച് കൂട്ടാനും ലൈക്കും കമൻ്റിനും വേണ്ടി പാപ്പരാസികളുടെ സൃഷ്ടിയും. കോടികൾ വിലയുള്ള കാറുകളാണ് അംബാനി കുടുംബത്തിൻ്റെ ഗാരേജിൽ കിടക്കുന്നത്. ഏറ്റവും പുത്തൻ ആഡംബര വാഹനങ്ങൾ വരെ അംബാനിയുടെ ഗാരേജിൽ നിങ്ങൾക്ക് കാണാം. എന്നാൽ ഇപ്പോൾ സോഷ്യൽ മീഡിയയിലും പല വാർത്ത വെബ്സൈറ്റുകളിലും നിത അംബാനി 100 കോടി രൂപ വിലയുള്ള പുതിയ കാർ സ്വന്തമാക്കി എന്ന വാർത്ത് വരുന്നുണ്ട്. അംബാനി കുടുംബമല്ലേ ഇതൊക്ക സാധാരണമാണല്ലോ എന്ന് പലരും പറഞ്ഞേക്കാം. എന്നാൽ ഇതിനെ പറ്റി ഔദ്യോഗികമായി ഒരു പ്രതികരണവും അംബാനി കുടുംബത്തിൻ്റെ ഭാഗത്ത് നിന്ന് വന്നിട്ടില്ല.

എസ്‌യുവികള്‍ ആധിപത്യം പുലര്‍ത്തുന്ന ഒരു രാജ്യത്ത്, വാഹന പ്രേമികളുടെ ഹൃദയം കവര്‍ന്ന ഒരു യഥാര്‍ത്ഥ ഐക്കണ്‍ ആണ് ലാന്‍ഡ് റോവര്‍ ഡിഫെന്‍ഡര്‍. തിരക്കേറിയ നഗരവീഥികള്‍ മാത്രമല്ല ഹിമാലയം കീഴടക്കാന്‍ വരെ പോന്ന ഡിഫെന്‍ഡര്‍ കരുത്തിന്റെയും ആഡംബരത്തിന്റെയും സംയോജനം വാഗ്ദാനം ചെയ്യുന്നു. നിലവില്‍ ഇന്ത്യന്‍ റോഡുകളിലെ സാഹസികതയുടെയും പദവിയുടെയും പ്രതീകമായി ഈ ബ്രിട്ടീഷ് എസ്‌യുവി മാറിയിരിക്കുകയാണ്. ഐതിഹാസികമായ ഓഫ്-റോഡ് കഴിവുകളെ ആധുനിക ആഡംബരവും നൂതന സാങ്കേതികവിദ്യയും സംയോജിപ്പിച്ചുകൊണ്ട്, ഡിഫെന്‍ഡര്‍ ഇന്ത്യന്‍ വാഹനപ്രേമികള്‍ക്കിടയില്‍ സ്വന്തമായി ഒരു ഇടം നേടിയിട്ടുണ്ട്, ഇന്ത്യയിലെ സെലിബ്രിറ്റികള്‍ ഈ കാര്‍ വാങ്ങാനായി മത്സരിക്കുകയാണ്.

ഇലക്‌ട്രിക് സ്‌കൂട്ടറുകളും മോട്ടോർസൈക്കിളുകളുമെല്ലാം രാജ്യത്ത് സജീവമായതോടെ പെട്രോൾ ഇരുചക്ര വാഹനങ്ങൾക്ക് ചരമവാർത്ത എഴുതിയവരാണ് പലരും. എന്നാൽ ഇത്തരം പ്രവചനങ്ങളെ എല്ലാം കാറ്റിൽപ്പറത്തുകയാണ് ഓരോ മാസത്തെയും ഇരുചക്ര വാഹന വിൽപ്പന കണക്കുകൾ. ചെലവ് കുറഞ്ഞ യാത്രാമാർഗമായി ഇവികളാണ് ബെസ്റ്റ് എങ്കിലും ചില ശീലങ്ങൾ മാറ്റാൻ ഇന്ത്യക്കാർ അത്രവേഗം തയാറാവില്ല. ഇന്ധനവില എത്ര ഉയർന്നാലും നല്ല മൈലേജുള്ള മോട്ടോർസൈക്കിളുകൾ ഉള്ളപ്പോൾ വിശ്വസിച്ച് വാങ്ങാല്ലോ. പ്രത്യേകിച്ച് ഹീറോ സ്പ്ലെൻഡർ. പെട്രോൾ ബൈക്കുകൾക്ക് അന്ത്യമില്ലെന്ന് ഉറക്കെ പ്രഖ്യാപിച്ചുകൊണ്ട് സ്പ്ലെൻഡർ കഴിഞ്ഞ മാസം വാങ്ങിയത് 3.31 ലക്ഷത്തിന് മുകളിൽ ആളുകളാണ്.

നാട്ടിൽ ഒരു സംഭവമുണ്ടായാൽ അതിൻ്റെ ഗുണവും ദോഷവും അത് പോലെ തന്നെ വിദഗ്ദ അഭിപ്രായം അറിയണമെങ്കിൽ ഒരു നാടൻ ചായക്കടയിൽ കയറിയാൽ മതി, പ്രാദേശികം മുതൽ അന്താരാഷ്ട്ര കാര്യങ്ങൾ അവിടെ ചർച്ചയാകും. അത് പോലെ തന്നെയാണ് ഒരു വാഹനം അവതരിപ്പിച്ചതിന് ശേഷം ഏറ്റവും കൂടുതൽ അതിനെ പറ്റി സംസാരിക്കുന്നത് ചെറുപ്പക്കാരായിരിക്കും. അളിയാ റെനോ ട്രൈബർ പുതിയ ലുക്ക് കൊളളാമല്ലേ. 7 സീറ്ററാണെങ്കിലും ഒരു ടർബോ പെട്രോൾ എഞ്ചിൻ കൂടെ കൊടുത്തിരുന്നുവെങ്കിൽ സാധനം അടിപൊളിയായിരുന്നു എന്നൊരു സംസാരം ഒരു കൂട്ടം ചെറുപ്പക്കാർക്കിടയിൽ ഉണ്ടാകുന്നു.

സോഷ്യല്‍ മീഡിയയുടെ വരവോടെ ലോകത്തിന്റെ ഏത് മുക്കിലും മൂലയിലുമുള്ള കാര്യങ്ങള്‍ നമ്മുടെ കൊച്ചുകേരളത്തില്‍ വരെ വൈറലാകുന്നു. അതില്‍ വാഹനങ്ങളുമായി ബന്ധപ്പെട്ട നിരവധി വീഡിയോകള്‍ ഉണ്ടാകാറുണ്ട്. പഞ്ചാബില്‍ ഒരാള്‍ തന്റെ ഏറ്റവും പ്രിയപ്പെട്ട മഹീന്ദ്ര സ്‌കോര്‍പിയോ പോര്‍ച്ചില്‍ നിര്‍ത്താതെ ഒന്നാം നിലയിലും മറ്റും പാര്‍ക്ക് ചെയ്ത ദൃശ്യങ്ങള്‍ അടുത്തിടെ വൈറലായിരുന്നു. അതുപോലെ ചിലര്‍ കാറിന്റെ അതേ മാതൃകയിലുള്ള വാട്ടര്‍ടാങ്കുകളും മറ്റും നിര്‍മിച്ചും ഇന്റനെറ്റില്‍ താരങ്ങളാകുന്നു. ചില വീഡിയോസ് കണ്ടാല്‍ ഇതെങ്ങിനെ സംഭവിച്ചു എന്ന ചിന്തയായിരിക്കും നമ്മില്‍ ഉണരുക. അത്തരത്തില്‍ ഒരു വീഡിയോയെ കുറിച്ചാണ് നമ്മള്‍ ഇനി പറയാന്‍ പോകുന്നത്.

ഒരു കാർ ( New Car) വാങ്ങി അതിൽ നെഞ്ചുവിരിച്ചിരുന്ന യാത്ര ചെയ്യണമെന്ന് ആഗ്രഹിക്കാത്ത മനുഷ്യരുണ്ടാവില്ലല്ലോ. അതിനായി അഹോരാത്രം പ്രയത്നിക്കുന്നവരുമുണ്ടാവും. യാത്രകളുടെ എണ്ണം കൂടിയത് ആവശ്യങ്ങൾ മാറിയതുമെല്ലാം വാഹന വിപണിക്കും ഊർജമായിട്ടുണ്ട്. പണ്ടൊക്കെ കാർ ആഡംബര വസ്‌തുവായാണ് കണക്കാക്കപ്പെട്ടിരുന്നതെങ്കിൽ ഇന്ന് അതെല്ലാം മാറി. മനുഷ്യന്റെ നിത്യജീവിതത്തിൽ വാഹനങ്ങൾക്ക് അത്രമേൽ പ്രാധാന്യമായി കഴിഞ്ഞു. ആലായാൽ തറ വേണം എന്നുപറയുന്നത് പോലെ വീടായാൽ കാർ വേണമെന്ന അവസ്ഥയായിട്ടുണ്ട്. വീട് കഴിഞ്ഞാൽ മനുഷ്യർ ഏറ്റവും കൂടുതൽ സ്വപ്നം കാണുന്നതും കാർ വാങ്ങുന്നതിനെ കുറിച്ചായിരിക്കും.

ഇരുചക്രവാഹനമോടിക്കുമ്പോൾ നിർബന്ധമായും ഹെൽമറ്റ് ധരിക്കണം എന്ന് എല്ലാവർക്കും അറിയാവുന്ന കാര്യമാണ്. ചിലർ എംവിഡിയുടേയും എഐ ക്യാമറയുടേയും കണ്ണിൽപൊടി ഇടുന്നതിന് വേണ്ടി വിലയും ഗുണമേൻമയും ഇല്ലാത്ത ഹെൽമറ്റുകൾ ധരിക്കാറുണ്ട്. എന്നാൽ ഒരു അപകടമുണ്ടായാൽ നിങ്ങളുടെ ജീവൻ രക്ഷിക്കാൻ ചിലപ്പോൾ അതിന് സാധിച്ചുവെന്ന് വരില്ല. യുവാക്കൾക്ക് സാധാരണ ഹെൽമറ്റുകളേക്കാലും പ്രിയം അൽപ്പം നിറവും ഗ്രാഫിക്സും ഒക്കെ നിറഞ്ഞ ഹെൽമറ്റുകളാണ്. അത്തരത്തിലൊരു ഹെൽമറ്റ് സ്റ്റഡ്സ് എന്ന് ബ്രാൻഡ് പുറത്തിറക്കിയിരിക്കുകയാണ്.ഏറെ പ്രിയപ്പെട്ട ബാറ്റ്മാൻ സീരിസാണ് ബ്രാൻഡ് അവതരിപ്പിച്ചിരിക്കുന്നത്.

ഇടിച്ചാല്‍ പപ്പടമാകുന്ന കാറുകള്‍ നിര്‍മിക്കുന്ന കമ്പനിയെന്ന ദുഷ്‌പേര് മൊത്തത്തില്‍ മായ്ക്കാനുള്ള അതിതീവ്ര ശ്രമത്തിലാണ് മാരുതി സുസുക്കി. തങ്ങളുടെ വാഹനങ്ങളുടെ സുരക്ഷാ മാനദണ്ഡങ്ങള്‍ ഉയര്‍ത്താനുള്ള ശ്രമത്തിന്റെ ഭാഗമായി കമ്പനി തങ്ങളുടെ എല്ലാ മോഡലുകളിലും 6 എയര്‍ബാഗുകള്‍ സ്റ്റാന്‍ഡേര്‍ഡ് ഫീച്ചറായി നല്‍കാന്‍ തീരുമാനിച്ചിട്ടുണ്ട്. ഈ സുരക്ഷാ അപ്ഡേഷന്‍ ഘട്ടം ഘട്ടമായാണ് നടപ്പിലാക്കുന്നത്. ആദ്യം അവര്‍ അരീന നിരയിലാകെ 6 എയര്‍ബാഗുകള്‍ സ്റ്റാന്‍ഡേര്‍ഡ് ആക്കി. തുടക്കത്തില്‍ ആള്‍ട്ടോ K10, സെലെറിയോ പോലുള്ള ചെറിയ മോഡലുകളില്‍ ഈ മാറ്റം വരുത്തിയിരുന്നു. ഇപ്പോള്‍ പ്രീമിയം മോഡലുകളിലേക്കും ഈ സൗകര്യം വ്യാപിപ്പിക്കുന്നു.

ഹിന്ദിയിൽ ഹിറ്റായ ബിഗ് ബോസ് ഒടിടി രണ്ടാം സീസണിലൂടെ പ്രേക്ഷക ഹൃദയങ്ങൾ കീഴടക്കിയ താരമാണ് പുരി ദമ്പതികളുടെ മോളായ ആകാൻക്ഷ പുരി. ഈ പേര് കേൾക്കുമ്പോൾ മലയാളികൾക്ക് അത്ര പരിചിതമൊന്നും ആയിരിക്കില്ലെങ്കിലും താരത്തിന്റെ മുഖം കണ്ടാൽ മിക്കവർക്കം ആളെ തിരിച്ചറിയാൻ കഴിഞ്ഞേക്കും. അതിന്റെ പ്രധാന കാരണം ഒന്ന്, രണ്ട് മലയാള സിനിമകളിൽ പ്രത്യക്ഷപ്പെട്ട് പോയ മുഖമാണ് ആകാൻക്ഷയുടേത് എന്നതാണ്. മമ്മൂട്ടി നായകനായി എത്തിയ പ്രെയിസ് ദി ലോർഡ്, ഉണ്ണി മുകുന്ദന്റെ സാമ്രാജ്യം II: അലക്സാണ്ടറുടെ മകൻ എന്നീ ചിത്രങ്ങളിൽ മുഖ്യ കഥാപാത്രം ചെയ്‌താണ് ആകാൻക്ഷ പുരി മോളിവുഡിലും സാന്നിധ്യമായത്.

രാജ്യം കണ്ട ഏറ്റവും മികച്ച ഓഫ്റോഡറാണ് മഹീന്ദ്രയുടെ ഥാർ. ഫൈവ് ഡോർ വേരിയൻ്റായ റോക്സ് കൂടി അവതരിപ്പച്ചതോടെ ഓഫ്റോഡ് രംഗത്ത് എതിരാളികളില്ലാതെ മുന്നോട്ട് കുതിക്കുകയാണ് റോക്സ്. എന്നാൽ അടി തെറ്റിയാൽ ആനയും വീഴും എന്നാണല്ലോ പഴഞ്ചൊല്ല്. അത്തരത്തിലൊരു അടിതെറ്റൽ റോക്സിനും സംഭവിക്കാറുണ്ട്. എന്നാൽ ഇത്തവണ രക്ഷനായി എത്തിയത് ICE എഞ്ചിൻ കരുത്തിന് പകരം താപ്പാനായി എത്തിയത് ഇവി വാഹനമാണ്. ഓഫ്റോഡിങ്ങിൽ കരുത്ത് കാണിക്കാൻ ഇവികൾക്ക് കഴിയില്ല എന്ന് വിളിച്ചു കൂവുന്നവർക്ക് ഒരു അടികിട്ടിയിരിക്കുകയാണ്. ചെളിയിൽ കുടുങ്ങിയ മഹീന്ദ്രയുടെ കൊമ്പനെ വലിച്ച് കയറ്റിതാകട്ടെ ടാറ്റയുടെ ഹാരിയർ ഇവി. വീഡിയോ ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.

മികച്ച പ്രകടനം, സുരക്ഷിതത്വം, അത്യാധുനിക സാങ്കേതികവിദ്യ എന്നിവയെല്ലാം ഒത്തുചേര്‍ന്ന ടാറ്റ ഹാരിയര്‍ ഇവി ഇന്ത്യന്‍ വിപണിയില്‍ ശ്രദ്ധ നേടിക്കൊണ്ടിരിക്കുകയാണ്. കേരളത്തിലെ ആനപ്പാറയില്‍ കയറ്റുന്ന ഒറ്റ പരസ്യം കൊണ്ട് പാന്‍ ഇന്ത്യ റീച്ച് നേടിയ ഹാരിയര്‍ ഇവിയുടെ വില നിര്‍ണയത്തിലും ടാറ്റ നിരാശപ്പെടുത്തിയില്ല. ഹാരിയര്‍ ഇവിയുടെ വരവിനെ തുടര്‍ന്ന് മഹീന്ദ്ര BE 6, XEV 9e എന്നീ മോഡലുകളില്‍ ചെറിയ ബാറ്ററി പായ്ക്ക് വരെ കൊണ്ടുവന്നു. ഇവി പുറത്തിറക്കി ഒരുമാസം കഴിഞ്ഞ 2025 ജൂലൈ രണ്ടിനാണ് ബുക്കിംഗ് ആരംഭിച്ചത്. 24 മണിക്കൂറിനുള്ളില്‍ 10000 ബുക്കിംഗ് വാരിക്കൂട്ടി ഹാരിയര്‍ ഇവി ട്രെന്‍ഡിന്റെ സൂചന നല്‍കിയിരുന്നു.

സ്വർണത്തിനൊക്കെ ഇപ്പോൾ ഓരോ ദിവസവും ചെല്ലുംന്തോറും വില കൂടി വരികയാണ്. കൈയിലും കഴുത്തിലും കിലോക്കണക്കിന് സ്വർണം ധരിച്ച് നടക്കുന്ന പുരുഷൻമാരെ നിങ്ങൾ കണ്ടിട്ടുണ്ടാകും. അത്തരത്തിലൊരു തങ്കപ്പെട്ട രണ്ട് സഹോദരങ്ങൾ എംജി വിൻഡ്സർ ഇവി ഡെലിവറി എടുക്കുന്ന ചിത്രങ്ങളാണ് സോഷ്യൽ മീഡിയയിൽ വൈറലായിരിക്കുന്നത്. വിൻഡ്‌സർ ഇവി പ്രോയുടെ എക്സ്ഷോറൂം വില 18.09 ലക്ഷം രൂപയാണ്. മറുവശത്ത് BaaS തെരഞ്ഞെടുക്കുന്നവർക്ക് 13.10 ലക്ഷം രൂപ വരെയും മുടക്കേണ്ടി വരും. പുതിയ വേരിയന്റിന് ആഡംബര ഭാവം നൽകുന്നതിനായി പുതിയ ഡ്യുവൽ-ടോൺ ബ്ലാക്ക്, ഐവറി നിറത്തിലാണ് അകത്തളം പൂർത്തിയാക്കിയത്.

ഇന്ത്യയിൽ ടാക്‌സി കാറുകൾ എല്ലാവർക്കും സുപരിചിതമാണ്. പണ്ട് ടാറ്റ സുമോ, ഷെവർലെ ടവേര, അംബാസിഡർ, ഇൻഡിക്ക തുടങ്ങിയ മോഡലുകളാണ് ടാക്‌സിയായി കൂടുതൽ ഉപയോഗിച്ചിട്ടുള്ളത്. പിന്നീട് ടൊയോട്ട ഇന്നോവ, മാരുതി എർട്ടിഗ, മാരുതി ഡിസയർ, മാരുതി വാഗൺആർ തുടങ്ങിയ വണ്ടികളിലേക്ക് പറിച്ചുനടുകയും ചെയ്‌തു. എന്നാൽ കാലംമാറിയതോടെ അങ്ങനെ ടാക്‌സിക്കാരുടെ വയറ്റത്തടിച്ച് പെട്രോൾ, ഡീസൽ വിലയെല്ലാം കുത്തനെ ഉയരുകയുണ്ടായി. പ്രത്യേകിച്ച് കൊവിഡിന് ശേഷം പലരും നേരിട്ടൊരു വലിയ ബുദ്ധിമുട്ടായിരുന്നു ഇത്. ഈ അവസരത്തിൽ സിഎൻജി വാഹനങ്ങളും ഇവികളും സജീവമായി തുടങ്ങുകയും ചെയ്‌തു.

ഇന്ത്യന്‍ സിനിമാ ഇതിഹാസമായ കമല്‍ഹാസന്‍ (Kamal Haasan) മക്കള്‍ നീതി മയ്യം എന്ന പാര്‍ട്ടി രൂപീകരിച്ച് രാഷ്ട്രീയത്തില്‍ ഇറങ്ങിയെങ്കിലും പ്രതീക്ഷിച്ച ഓളമുണ്ടാക്കാന്‍ സാധിച്ചിരുന്നില്ല. കഴിഞ്ഞ വര്‍ഷം ലോക്‌സഭ തെരഞ്ഞെടുപ്പില്‍ നിന്ന് വിട്ടുനിന്ന് തങ്ങള്‍ക്ക് പിന്തുണ നല്‍കിയതിന് പ്രത്യുപകാരമായി തമിഴ്‌നാട്ടിലെ ഭരണകക്ഷിയായ ഡിഎംകെ കമലിന് രാജ്യസഭാ സീറ്റ് വാഗ്ദാനം ചെയ്തിരുന്നു. ഇത് സ്വീകരിച്ച് വെള്ളിയാഴ്ച രാജ്യസഭാംഗമായി സത്യപ്രതജ്ഞ ചെയ്ത കമല്‍ തന്റെ രാഷ്ട്രീയ ജീവിതത്തിലെ ഒരു പ്രധാനപ്പെട്ട ചുവടുവെയ്പ്പാണ് നടത്തിയത്. സമൂഹമാധ്യമങ്ങളില്‍ കഴിഞ്ഞ ദിവസം 'കമല്‍ഹാസന്‍ എനും നാന്‍' എന്ന ഹാഷ്ടാഗ് തരംഗമായിരുന്നു.

എല്ലാ വണ്ടിഭ്രാന്തൻമാരും ഒരുപോലെ വാങ്ങാൻ കൊതിക്കുന്ന ഒരു വാഹനമുണ്ടെങ്കിൽ അത് ടൊയോട്ട ഇന്നോവയായിരിക്കും. കിലിടിൻ യാത്രാസുഖത്തിന്റെ പേരിൽ രാജ്യത്ത് പ്രശസ്‌തിയാർജിച്ച ഈ 8-സീറ്റർ കാലങ്ങളായി ഏറ്റവും കൂടുതൽ വിറ്റഴിക്കപ്പെടുന്ന എംപിവി വാഹനങ്ങളിൽ ഒന്നുകൂടിയാണ്. സെക്കൻഡ് ഹാൻഡ് വിപണിയിൽ പോലും അന്യായ മാർക്കറ്റുള്ള വണ്ടി പുതിയതൊന്ന് വാങ്ങാമെന്ന് വെച്ചാൽ നല്ല കാശ് വേണ്ടിവരും. ഡീസൽ പവറിലെത്തുന്നത് തന്നെയാണ് ഇന്നോവയുടെ ഏറ്റവും വലിയ വിജയം. ഇന്ന് മൂന്നാംതലമുറ ആവർത്തനത്തിൽ ഹൈക്രോസായി മാറിയപ്പോൾ ഡീസൽ എഞ്ചിനും ഒഴിവാക്കാൻ ടൊയോട്ട ധൈര്യം കാണിച്ചിരുന്നു. എന്നിട്ടും ഡീസൽ എഞ്ചിനോടെ ക്രിസ്റ്റ നിലനിർത്താൻ കാരണവും ഇന്ത്യക്കാരുടെ സ്നേഹമാണ്.

ടാറ്റയുടെ ഏറ്റവും പുതിയ കൊമ്പനായ ഹാരിയർ ഇവി കസ്റ്റമേഴ്സിൻ്റെ കൈകളിൽ എത്തിതുടങ്ങിയിരിക്കുകയാണ്. എന്നാൽ ട്വിസ്റ്റ് എന്താണെന്ന് വച്ചാൽ ഡീലർഷിപ്പുകളിൽ ചരിത്രം സൃഷ്ടിക്കാൻ ഒരു ദിവസം തന്നെ കൂടുതൽ വാഹനങ്ങളുടെ ഡെലിവറി നടത്തുകയാണ്. അത്തരത്തിൽ ഗുരുഗ്രാം സെക്ടറിലെ ടാറ്റ ഡീലർഷിപ്പ് തങ്ങളുടെ 25 കസ്റ്റമേഴ്സിന് വേണ്ടി ഒറ്റ ദിവസം തന്നെ വാഹനം ഡെലിവറി നൽകി വൈറലാകുകയാണ്. തങ്ങളുടെ വാഹനത്തിൻ്റെ ഡെലിവറി സമയത്ത് ഓരോ ഉപഭോക്താവും വളരെ സന്തോഷത്തോടെ നൃത്തം ചെയ്യുന്നത് വരെ വീഡിയോയിൽ കാണാൻ സാധിക്കുന്നുണ്ട്. വാഹനത്തിൻ്റെ കൂടുതൽ വിശദാംശങ്ങളിലേക്ക് നോക്കിയാലോ

സെലിബ്രിറ്റികൾക്ക് ആഡംബര വാഹനങ്ങളോട് വലിയ രീതിയിൽ ഭ്രമമാണ്. അത് കൊണ്ട് തന്നെ താരങ്ങളുടെ ഗാരേജിൽ ആഡംബര വാഹനങ്ങളുടെ നീണ്ടനിര തന്നെയുണ്ട്. ബോളിവുഡ് ഇതിഹാസം ശത്രുഘ്നന്‍ സിന്‍ഹയുടെ മകളായ സൊനാക്ഷി സിന്‍ഹ (Sonakshi Sinha) ഒരു സമയത്ത് ഇന്‍ഡസ്ട്രിയിലെ ഏറ്റവും വിലപിടിപ്പുള്ള താരമായിരുന്നു. 2010-ല്‍ നായികയായി അഭിനയിച്ച ആദ്യ സിനിമയായ ദബംഗിലൂടെ ബ്ലോക്ക്ബസ്റ്ററടിച്ച സൊനാക്ഷി തുടര്‍ന്ന് നിരവധി ഹിറ്റ് സിനിമകളുടെ ഭാഗമായിരുന്നു. താരത്തിൻ്റെ ഭത്താവുമൊത്ത് വിമാനത്താവളത്തിൽ വന്നിറങ്ങുന്ന ചിത്രങ്ങൾ സോഷ്യൽ മീഡിയയിൽ വൈറലാണ്.

ഇന്ത്യന്‍ യൂത്തിന്റെ ഏറ്റവും പ്രിയപ്പെട്ട സ്‌പോര്‍ട്ടി സ്‌കൂട്ടറുകളില്‍ ഒന്നാണ് ടിവിഎസ് എര്‍ടോര്‍ഖ്. ഏതാനും ദിവസങ്ങള്‍ക്ക് മുമ്പ് ഈ സ്‌കൂട്ടറിന്റെ സ്‌പെഷ്യല്‍ എഡിഷന്‍ പതിപ്പ് വരുന്നതായി ടീസറിലൂടെ കമ്പനി അറിയിച്ചിരുന്നു. ഇപ്പോള്‍ ടിവിഎസ് പുതിയ സൂപ്പര്‍ സോള്‍ജ്യര്‍ എഡിഷനിലൂടെ എന്‍ടോര്‍ഖ് ശ്രേണിയില്‍ പുതിയൊരു പതിപ്പ് കൂടി പുറത്തിറക്കിയിരിക്കുകയാണ്. ഈ സ്‌പെഷ്യല്‍ എഡിഷന്‍ പതിപ്പിന് 98,117 രൂപയാണ് എക്‌സ്-ഷോറൂം വില. സൂപ്പര്‍ സ്‌ക്വാഡ് എഡിഷന് ശേഷം അവഞ്ചേഴ്‌സ് ഫ്രാഞ്ചൈസിയിലെ സൂപ്പര്‍ഹീറോകള്‍ക്ക് ആദരമര്‍പ്പിച്ച് മാര്‍വല്‍ സീരീസിനെ അടിസ്ഥാനമാക്കി പുറത്തിറക്കുന്ന രണ്ടാമത്തെ എന്‍ടോര്‍ഖ് 125 വേരിയന്റാണ് സൂപ്പര്‍ സോള്‍ജ്യര്‍ എഡിഷന്‍.

ഇലക്‌ട്രിക് ഇരുചക്ര വാഹന വിപണിയുടെ മട്ടും ഭാവവും മാറ്റാനായി ഇന്ത്യയിലേക്കെത്തിയ ഇറ്റാലിയൻ ടൂവീലർ ബ്രാൻഡാണ് VLF എന്നറിയപ്പെടുന്ന വെലോസിഫെറോ. അതുവരെ രാജ്യത്തെ ഇവികൾക്കില്ലാത്തൊരു സൗന്ദര്യം ആവാഹിച്ചെത്തിയ കമ്പനിയുടെ ആദ്യത്തെ ടെന്നീസ് 1500W ഇലക്ട്രിക് സ്‌കൂട്ടർ (VLF Tennis 1500W ഇലക്ട്രിക് സ്കൂട്ടർ) ലോഞ്ചിന്റെ സമയത്ത് ഏറെ ശ്രദ്ധിക്കപ്പെടുകയും ചെയ്‌തിരുന്നു. മസ്ക്കുലാർ ലുക്കും നല്ല പ്രായോഗികതയുമായി എത്തിയ ആശാനെ അങ്ങനെയാരും ഇതുവരെ നിരത്തുകളിൽ കണ്ടിട്ടുമുണ്ടാവില്ല. വില നോക്കിയാലും ആർക്കായാലും ഒന്ന് വാങ്ങിയാലോ എന്നുവരെയും തോന്നിപ്പോയേക്കും. ഇപ്പോഴിതാ ചില നവീകരണങ്ങളോടെ സ്‌കൂട്ടർ വിപണിയിലെത്തിയിരിക്കുകയാണ് കേട്ടോ.

ടെസ്‌ല ഇന്ത്യയിൽ എത്തിയ ദിവസം തന്നെ രാജ്യത്ത് തങ്ങളുടെ രണ്ട് മോഡുകളുടെ ബുക്കിങ്ങ് ആരംഭിക്കാൻ ചങ്കൂറ്റം കാണിച്ച വിയറ്റ്നാം ബ്രാൻഡായ വിൻഫാസ്റ്റ് തങ്ങളുടെ നിർമണ പ്ലാൻ്റിന്റെ ഉദ്ഘാടന തീയതി പ്രഖ്യാപിച്ചിരിക്കുകയാണ്. തുടക്കത്തില്‍ VF6, VF7 എന്നീ ഇലക്ട്രിക് എസ്‌യുവികള്‍ പുറത്തിറക്കാനാണ് വിന്‍ഫാസ്റ്റിന്റെ പ്ലാന്‍. രണ്ട് മോഡലുകളും ഇന്ത്യയിൽ ലോഞ്ചിന് മുൻപ് തന്നെ പ്രദർശിപ്പിച്ചിരുന്നു.തമിഴ്നാട്ടിലെ തൂത്തുകുടിയിലാണ് കമ്പനി തങ്ങളുടെ നിർമാണ പ്ലാൻ്റ് ഉദ്ഘാടനം ചെയ്യാൻ പോകുന്നത്. വർഷം 1.5 ലക്ഷം യൂണിറ്റുകളുടെ നിർമാണ് ആണ് ഈ പ്ലാൻ്റിലൂടെ കമ്പനി ലക്ഷ്യമിടുന്നത്.