ഇന്ത്യന്‍ ഓട്ടോമൊബൈല്‍ ഇന്‍ഡസ്ട്രിയില്‍ വിപ്ലവകരമായ വലിയ മാറ്റങ്ങള്‍ക്ക് തുടക്കമിട്ടുകൊണ്ട് പ്രമുഖ വാഹന നിര്‍മ്മാതാക്കളായ ജെഎസ്ഡബ്ല്യു എംജി മോട്ടോര്‍ ഇന്ത്യ തങ്ങളുടെ അത്യാധുനിക മള്‍ട്ടി ന്യൂ എനര്‍ജി വെഹിക്കിള്‍ പ്ലാറ്റ്ഫോമായ 'എംജി അഡാപ്റ്റ്' ഔദ്യോഗികമായി അവതരിപ്പിച്ചു. ഇന്ന് (2026 ജൂലൈ 16) ഹരിയാനയിലെ ഗുരുഗ്രാമില്‍ വെച്ച് നടന്ന പ്രൗഢഗംഭീരമായ ചടങ്ങിലാണ് കമ്പനി ഇന്ത്യയിലെ ആദ്യത്തെ മള്‍ട്ടി ന്യൂ എനര്‍ജി വാഹന പ്ലാറ്റ്‌ഫോം രാജ്യത്തിന് മുന്നില്‍ ആദ്യമായി പരിചയപ്പെടുത്തിയത്.അഡ്വാന്‍സ് ഡ്രൈവ് ആര്‍ക്കിടെക്ചര്‍ പ്ലാറ്റ്ഫോം ടെക്നോളജി എന്നതിന്റെ ചുരുക്കപ്പേരാണ് അഡാപ്റ്റ് (ADAPT).

ടാറ്റ പഞ്ച് എന്ന അതികായൻ വിലസുന്ന മൈക്രോ എസ്‌യുവി സെഗ്മെന്റിലേക്ക് ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായി കൊണ്ടുവന്ന മോഡലാണ് എക്സ്റ്റർ. പഞ്ചിന്റെ മസ്ക്കുലർ രൂപത്തേയും റോഡ് പ്രസൻസിനെയും വെല്ലാനായില്ലെങ്കിലും തരക്കേടില്ലാത്ത ഡിസൈനും വാനോളം ഫീച്ചറുകളും 6 എയർബാഗുമെല്ലാം കുത്തിനിറച്ച് തുടക്കകാലത്ത് ടാറ്റയെ വെല്ലുവിളിക്കാൻ എക്സ്റ്ററിന് സാധിച്ചിരുന്നു. പല കുഞ്ഞൻ കാറുകളിൽ നിന്നും പടിയിറങ്ങിയ ഫോർ സിലിണ്ടർ എഞ്ചിൻ വരെ ഇതിൽ നൽകിക്കൊണ്ടാണ് ഹ്യുണ്ടായി എത്തിയത് എന്നതും പലരുടേയും മനസ് നിറച്ചിരുന്നു. പക്ഷേ ഇടയ്ക്ക് വെച്ച് മോഡലിന്റെ വിൽപ്പന താഴേക്ക് വീഴുന്നതിൽ കമ്പനി ഏറെ സങ്കടത്തിലായിരുന്നു.

ഇന്ത്യയില്‍ ഏറ്റവും കൂടുതല്‍ വില്‍പ്പന നടക്കുന്ന സബ് കോംപക്ട് എസ്‌യുവി വിഭാഗത്തിലെ മുന്‍നിര മോഡലാണ് മാരുതി സുസുക്കി ബ്രെസ (Maruti Suzuki Brezza). മുമ്പ് ടാറ്റ നെക്‌സോണ്‍, ഹ്യുണ്ടായി വെന്യു എന്നിവയടക്കം ചുരുങ്ങിയ എതിരാളികള്‍ മാത്രമായിരുന്നു ഉണ്ടായിരുന്നതെങ്കില്‍ ഇന്ന് സ്ഥിതി അതല്ല. എല്ലാ ആഭ്യന്തര, വിദേശ ബ്രാന്‍ഡുകളും സബ് 4 മീറ്റര്‍ എസ്‌യുവി വിഭാഗത്തില്‍ സാന്നിധ്യമുണ്ടെന്ന് ഉറപ്പാക്കുകയാണ്. സെഗ്‌മെന്റില്‍ പോരാട്ടം കനത്തതോടെ ബ്രെസയെ മത്സരക്ഷമതയോടെ നിലനിര്‍ത്താനായി പുത്തന്‍ ഫെയ്‌സ്‌ലിഫ്റ്റ് പതിപ്പ് കൊണ്ടുവരാന്‍ പോകുകയാണ് മാരുതി സുസുക്കി.

വാഹന നിരയിൽ വില വർധിപ്പിക്കുന്ന തിരക്കിലാണ് നമ്മുടെ സ്വന്തം മഹീന്ദ്ര ആൻഡ് മഹീന്ദ്ര. നിർമാണ ചെലവുകൾ വർധിച്ചതിനെ തുടർന്ന് എസ്‌യുവി നിരയിൽ 2.7 ശതമാനം വരെയാണ് കമ്പനി വില ഉയർത്തുന്നത്. ഇതിന്റെ ഭാഗമായി ബൊലേറോ നിയോ പ്ലസ് മോഡലിനും വില കൂട്ടിയിരിക്കുകയാണ്. ബ്രാൻഡ് നിരയിലെ ഏറ്റവും പ്രായോഗികവും 9-സീറ്റർ ഓപ്ഷനിലുമുള്ള ഏക വാഹനമാണ് നിയോ പ്ലസ്. പണ്ട് TUV300 പ്ലസ് എന്ന പേരിൽ പുറത്തിറങ്ങിയിരുന്ന എസ്‌യുവി കുറച്ച് വർഷങ്ങൾക്ക് മുമ്പാണ് ബൊലേറോ കുടുംബത്തിലേക്ക് റീബ്രാൻഡ് ചെയ്യപ്പെടുന്നത്. പ്രൈവറ്റ് വാഹനമായി വാങ്ങുന്നവർ കുറവാണെങ്കിലും കുടുംബമൊന്നിച്ച് യാത്രകൾ പോവാൻ വലിയൊരു വണ്ടി അന്വേഷിക്കുന്നവർക്ക് ഇവനെ ധൈര്യമായി വാങ്ങിക്കാനാവുന്നതാണ്.

അടുത്ത കാലത്തായി ജപ്പാനെ മറികടന്ന് ഇന്ത്യ ലോകത്തിലെ ഏറ്റവും വലിയ മൂന്നാമത്തെ കാര്‍ വിപണിയായി മാറിയിരുന്നു. ഇന്ത്യന്‍ വിപണിയിലെ ബിസിനസ് സാധ്യത മുന്നില്‍ കണ്ട് പല വമ്പന്‍ ഗ്രൂപ്പുകളും ഇപ്പോള്‍ വാഹന വ്യവാസയത്തിലേക്ക് കടന്നുവരികയാണ്. ഇന്ത്യയിലെ പ്രമുഖ വ്യവസായ ഭീമന്മാരായ ജെഎസ്ഡബ്ല്യു ഗ്രൂപ്പ് (JSW Group) സ്റ്റീല്‍, സിമന്റ് മേഖലകള്‍ക്ക് ശേഷം ഓട്ടോമൊബൈല്‍ രംഗത്തേക്ക് ചുവടുവെക്കുകയാണ്. നിലവില്‍ എംജി മോട്ടോര്‍സുമായി സഹകരിക്കുന്ന ജെഎസ്ഡബ്ല്യു സ്വന്തം ബ്രാന്‍ഡിന് കീഴില്‍ കാറുകള്‍ പുറത്തിറക്കാനായി ചൈനീസ് കമ്പനിയായ ചെറിയുമായി (Chery) കൈകോര്‍ത്തിരിക്കുകയാണ്.

കോംപാക്‌ട് എസ്‌യുവി സെഗ്മെന്റിലെ മത്സരം കൊഴുപ്പിക്കുവാനായി മാരുതി സുസുക്കിയുടെ ഏറ്റവും പുതിയ ബ്രെസ ദിവസങ്ങൾക്കുള്ളിൽ വിപണിയിലെത്തുന്നതായിരിക്കും. എന്നാൽ 10 ലക്ഷം ബജറ്റിൽ എസ്‌യുവി നോക്കുന്നവരുടെ കണ്ണിലുടക്കിയിരിക്കുന്ന മോഡലായിരിക്കും കിയ സോനെറ്റ്. ഡിസൈനിന്റേയും ഫീച്ചറുകളുടേയും കാര്യത്തിൽ എതിരാളികളേക്കാൾ ഏറെ മുന്നിലായ വണ്ടി കണ്ടില്ലെന്ന് നടക്കാൻ ഇന്ത്യക്കാർക്കാവില്ല. പോരാത്തതിന് കിടിലൻ വിലയും പെട്രോൾ, ടർബോ പെട്രോൾ, ഡീസൽ എന്നിങ്ങനെ വൈവിധ്യമാർന്ന എഞ്ചിൻ കോമ്പിനേഷനുകൾ കൂടിയാവുമ്പോൾ എതിരാളികളിൽ നിന്നുമെല്ലാം സോനെറ്റ് വേറിട്ടിനിൽക്കും. കഴിഞ്ഞ കുറച്ച് നാളുകളായി കിയയുടെ കുഞ്ഞൻ എസ്‌യുവിയുടെ വിൽപ്പന കുതിക്കുകയാണ്.

മലയാളി പ്രേക്ഷകരുടെ പ്രിയപ്പെട്ട അവതാരകയും ഏഷ്യാനെറ്റിലെ ബിഗ് ബോസ് മലയാളം സീസണ്‍ ആറിലെ മത്സരാര്‍ത്ഥിയുമായ പൂജ കൃഷ്ണ പുത്തന്‍ കാര്‍ വാങ്ങി. ഇന്ത്യയിലെ ഏറ്റവും ജനപ്രിയമായ മിഡ്-സൈസ് എസ്‌യുവിയായ ഹ്യുണ്ടായി ക്രെറ്റയുടെ 'നൈറ്റ് എഡിഷന്‍' (Hyundai Creta Knight Edition) പതിപ്പാണ് താരം സ്വന്തമാക്കിയത്. പുത്തന്‍ വാഹനം ഡെലിവറി എടുക്കുന്ന ചിത്രങ്ങളും പ്രത്യേക റീലുകളും ആരാധകര്‍ക്കായി പൂജ കൃഷ്ണ ഔദ്യോഗിക ഇന്‍സ്റ്റാഗ്രാം പേജിലൂടെ പങ്കുവെച്ചു. കറുപ്പ് നിറത്തിലുള്ള വസ്ത്രം ധരിച്ച് കുടുംബത്തോടൊപ്പം ഷോറൂമില്‍ എത്തി അതീവ സന്തോഷത്തോടെ കേക്ക് മുറിച്ചാണ് താരം പുതിയ അതിഥിയെ വീട്ടിലേക്ക് വരവേറ്റത്.

പ്രമുഖ ദക്ഷിണ കൊറിയന്‍ വാഹന നിര്‍മ്മാതാക്കളായ കിയ തങ്ങളുടെ ഏറ്റവും പുതിയ കോംപാക്ട് ഇലക്ട്രിക് എസ്‌യുവിയായ സിറോസ് ഇവി (Kia Syros EV) ഇന്ത്യന്‍ ഉപഭോക്താക്കള്‍ക്ക് മുന്നില്‍ ഔദ്യോഗികമായി വെളിപ്പെടുത്തി. ഉടന്‍ നടക്കാന്‍ പോകുന്ന ഔദ്യോഗിക ലോഞ്ചിന് മുന്നോടിയായാണ് ഈ ഇവിയുടെ മൂടുപടമഴിച്ചത്. ഇവിയുടെ ഡിസൈന്‍, സാങ്കേതിക സവിശേഷതകള്‍, ബാറ്ററി ഓപ്ഷനുകള്‍, ചാര്‍ജിംഗ് ശേഷി എന്നിവയടക്കമുള്ള നിര്‍ണായക വിവരങ്ങള്‍ നിര്‍മ്മാതാക്കള്‍ പുറത്തുവിട്ടിട്ടുണ്ട്.ടാറ്റ നെക്‌സോൺ ഇവി അരങ്ങുവാഴുന്ന ഇന്ത്യൻ കോംപാക്ട് ഇലക്ട്രിക്ക് എസ്‌യുവി വിഭാഗത്തിലേക്ക് എത്തുന്ന പുതിയ പോരാളിക്ക് രണ്ട് വ്യത്യസ്ത ബാറ്ററി പായ്ക്ക് ഓപ്ഷനുകളാണ് കമ്പനി നല്‍കിയത്.

പ്രകമ്പനം കൊള്ളിക്കുന്ന ശബ്ദവും വിറയലും എല്ലാമായി ആളുകളുടെ വികാരമായിരുന്നു റോയൽ എൻഫീൽഡുകൾ എങ്കിൽ ഇപ്പോൾ ശരിക്കും യങ് ജനറേഷനിടയിൽ തരംഗം സൃഷ്ടിച്ച് മുന്നേറുന്നവരാണ് ഇന്ത്യയുടെ സ്വന്തം റെട്രോ ക്ലാസിക് മോട്ടോർസൈക്കിൾ നിർമാതാക്കൾ. യൂത്തൻമാരുടെ ഫേവറീറ്റ് ഇരുചക്ര വാഹന നിർമാതാക്കളായി എൻഫീൽഡ് മാറിയിട്ട് കാലം അധികമായില്ലെങ്കിലും ഇപ്പോൾ മിഡ്-കപ്പാസിറ്റി സെഗ്മന്റിലെ തമ്പുരാക്കൻമാരായി വാഴുകയാണ് ഇവർ. ഹിമാലയൻ, ഇന്റർസെപ്റ്റർ, കോണ്ടിനെന്റൽ ജിടി, ഗറില്ല, ഹണ്ടർ തുടങ്ങിയ മോഡേൺ മോഡലുകളാണ് കമ്പനിക്ക് ഐശ്വര്യം കൊണ്ടുവന്നത്. ഒപ്പം ക്ലാസിക്കു ബുള്ളറ്റും മീറ്റോറും കൂടി ചൂടപ്പം പോലെ വിറ്റഴിയുന്നുമുണ്ട്.

ടൊയോട്ടയുടെ ആഡംബര വാഹന വിഭാഗമായ ലെക്‌സസ് കഴിഞ്ഞ കുറച്ച് വർഷമായി ഇന്ത്യയിൽ സജീവമായി പ്രവർത്തിച്ചുകൊണ്ടിരിക്കുകയാണ്. മെർസിഡീസ് ബെൻസ്, ബിഎംഡബ്ല്യു, ഔഡി, ലാൻഡ് റോവർ തുടങ്ങിയ വമ്പൻമാർക്കെതിരെ പോരടിക്കാൻ ലക്ഷ്വറി സെഗ്മെന്റിൽ കിടിലൻ വാഹനങ്ങളാണ് ജാപ്പനീസ് ബ്രാൻഡ് അണിനിരത്തുന്നതും. അടുത്തിടെയായി പുത്തൻ പുതിയ മോഡലുകളുമായി കളംനിറഞ്ഞുനിൽക്കുന്ന കമ്പനി ഇപ്പോഴിതാ രാജ്യത്തിനായി പുത്തനൊരു കാർ കൂടി പുറത്തിറക്കിയിരിക്കുകയാണ്. പുതിയ ലെക്‌സസ് ES 350h സെഡാനാണ് ഇന്ത്യൻ വിപണിയിലേക്ക് രംഗപ്രവേശം ചെയ്‌തിരിക്കുന്നത്. ES നിരയിലേക്ക് പുതിയ ഹൈബ്രിഡ് വേരിയന്റ് കൂടി എത്തുന്നുവെന്നതാണ് വലിയ പ്രത്യേകത.

പ്രമുഖ ഇലക്ട്രിക് വാഹന സ്റ്റാര്‍ട്ടപ്പായ ഏഥര്‍ എനര്‍ജി തങ്ങളുടെ വാര്‍ഷിക കമ്മ്യൂണിറ്റി ഡേ ഇവന്റിന്റെ നാലാമത് പതിപ്പ് വരാനിരിക്കുന്ന ഓഗസ്റ്റ് 29-ന് ബെംഗളൂരുവില്‍ വെച്ച് നടത്താന്‍ തീരുമാനിച്ചു. ''എ ന്യൂ ഡോണ്‍ ഓഫ് മാജിക്'' എന്ന പ്രമേയത്തിലാണ് ഇത്തവണത്തെ പരിപാടി സംഘടിപ്പിക്കുന്നത്. ഈ ചടങ്ങില്‍ വെച്ചായിരിക്കും ഏഥറിന്റെ ഏറ്റവും പുതിയ EL പ്ലാറ്റ്ഫോമില്‍ (EL platform) നിര്‍മ്മിച്ച ആദ്യത്തെ ഇലക്ട്രിക് സ്‌കൂട്ടര്‍ പൊതുജനങ്ങള്‍ക്ക് മുന്നില്‍ കമ്പനി ആദ്യമായി വെളിപ്പെടുത്തുന്നത്. കഴിഞ്ഞ കുറച്ചു നാളുകളായി പൊതുനിരത്തുകളില്‍ പരീക്ഷണ ഓട്ടം നടത്തുന്ന ഈ പുതിയ സ്‌കൂട്ടറിന്റെ ചിത്രങ്ങള്‍ ഇപ്പോള്‍ ഇന്റര്‍നെറ്റില്‍ വ്യാപകമായി പ്രചരിക്കുന്നുണ്ട്.

മിഡിൽ ക്ലാസുകാരന്റെ സ്വന്തം എസ്‌യുവിയായി അറിയപ്പെടുന്ന മോഡലാണ് മാരുതി സുസുക്കി ബ്രെസ. ചെറിയ ഹാച്ച്ബാക്കിൽ നിന്നും മികച്ചൊരു കോംപാക്‌ട് എസ്‌യുവിയിലേക്ക് ചേക്കേറാൻ കൊതിക്കുന്ന പലരും വിശ്വസിച്ച് വാങ്ങുന്നതും ബ്രെസയാണ്. അടുത്തിടെയായി വിൽപ്പന കുറഞ്ഞുവരുന്നുണ്ടെങ്കിലും ഇതെല്ലാം പരിഹരിക്കുവാനായി മുഖംമിനുക്കി വാഹനത്തെ വിപണിയിലെത്തിക്കാനുള്ള തിടുക്കത്തിലായിരുന്നു രാജ്യത്തെ ഏറ്റവും വലിയ വാഹന നിർമാതാക്കൾ. 2026 ജൂലൈ 24-ന് പുതിയ ബ്രെസ ഫെയ്‌സ്‌ലിഫ്റ്റ് വിപണിയിൽ അവതരിപ്പിക്കാനാണ് കമ്പനി പദ്ധതിയിട്ടിരിക്കുന്നത്. ഇതിന്റെ ഭാഗമായി പുത്തൻ പതിപ്പിന്റെ ടീസർ വീഡിയോയും പുറത്തുവിട്ട് ഹൈപ്പ് ഉയർത്തുകയാണ് മാരുതി.

ഈ വര്‍ഷത്തെ (2026) ആദ്യത്തെ 6 മാസത്തെ വില്‍പ്പന കണക്കുകള്‍ പുറത്തുവന്നപ്പോള്‍ രാജ്യത്ത് ഏറ്റവും കൂടുതല്‍ വിറ്റഴിക്കപ്പെട്ട കാറുകളുടെ പട്ടികയില്‍ ഒന്നാം സ്ഥാനം സ്വന്തമാക്കി മാരുതി ഡിസയര്‍. ഇന്ത്യന്‍ വാഹന വിപണിയില്‍ മാരുതി സുസുക്കിയുടെ ഈ സെഡാന്‍ മോഡലിന്റെ ജനപ്രീതി വീണ്ടും തെളിയിക്കപ്പെട്ടിരിക്കുകയാണ്. ജനുവരി മുതല്‍ ജൂണ്‍ വരെയുള്ള കാലയളവില്‍ വലിയ മുന്നേറ്റം നടത്തിയ ഡിസയര്‍ റെക്കോര്‍ഡ് വില്‍പ്പനയാണ് രേഖപ്പെടുത്തിയത്. കഴിഞ്ഞ ആറ് മാസത്തിനുള്ളില്‍ മൊത്തം 1,26,204 പുതിയ ഉപഭോക്താക്കളാണ് മാരുതി സുസുക്കി ഡിസയര്‍ സ്വന്തമാക്കിയത്.

ചെറുപ്പക്കാർ മുതൽ വയസായവർ വരെ ഒരുപോലെ ആരാധിക്കുന്ന വാഹനമാണ് മഹീന്ദ്ര ഥാർ. പക്കാ ഓഫ്-റോഡർ ആയിരുന്ന പണ്ടത്തെ ഐക്കണിക് എസ്‌യുവിയിൽ നിന്നും ലൈഫ്-സ്റ്റൈൽ സ്പോർട് യൂട്ടിലിറ്റി വാഹനമായി മാറിയതോടെയാണ് ഥാറിനെ എല്ലാവരും ഒരുപോലെ സ്നേഹിക്കാൻ തുടങ്ങിയത്. മുറ്റത്തൊരു ഥാർ ഉണ്ടെങ്കിൽ ആനയുള്ളതിന്റെ ഗമയാണ് ഇപ്പോൾ ലഭിക്കുന്നത്. സാക്ഷാൽ മാരുതി സുസുക്കി ജിംനി വന്നിട്ട് പോലും മഹീന്ദ്രയുടെ താപ്പാനയെ തളയ്ക്കാൻ പറ്റാതെ വിയർപ്പൊഴുക്കുകയാണ്. എന്നാൽ ഇനി പുതിയൊരു ഥാർ വാങ്ങാൻ മോഹിക്കുന്നവരുടെ നെഞ്ച് തകർക്കുന്നൊരു തീരുമാനമാണ് മഹീന്ദ്ര നടപ്പിലാക്കിയിരിക്കുന്നത്.

ആഗോള ടെക് ഭീമന്മാരായ ഷവോമി പുതിയ സബ് ബ്രാന്‍ഡിന് കീഴില്‍ ആദ്യ മൂന്ന് വരി ഹൈബ്രിഡ് എസ്‌യുവി മോഡലായ സ്‌കൈനൊമാഡ് N90 (SkyNomad N90) ചൈനയില്‍ ഔദ്യോഗികമായി അവതരിപ്പിച്ചു. ഡ്രൈവിംഗിന് കൂടുതല്‍ പ്രാധാന്യം നല്‍കിയ SU7 സെഡാന്‍, YU7 എസ്‌യുവി എന്നിവയില്‍ നിന്നും തികച്ചും വ്യത്യസ്തമായി ക്യാബിന്‍ സ്‌പേസിനും ആഡംബര യാത്രയ്ക്കും മുന്‍ഗണന നല്‍കുന്നതാണ് ഈ പുത്തന്‍ വാഹനം. ചൈനീസ് ഇന്‍ഡസ്ട്രി ആന്‍ഡ് ഇന്‍ഫര്‍മേഷന്‍ ടെക്‌നോളജി മന്ത്രാലയത്തിന്റെ (MIIT) ഔദ്യോഗിക ഫയലിംഗിലൂടെയാണ് ഷവോമി സ്‌കൈനൊമാഡ് N90 ലക്ഷ്വറി എസ്‌യുവിയെ കുറിച്ചുള്ള സുപ്രധാന വിവരങ്ങള്‍ ഇപ്പോള്‍ പുറത്തുവന്നിരിക്കുന്നത്.

ഇലക്‌ട്രിക് വാഹനങ്ങളെ ഇന്ത്യക്കാർ സ്നേഹിക്കാൻ തുടങ്ങിയതോടെ രാജ്യത്തെ പ്രമുഖ വാഹന നിർമാതാക്കളെല്ലാം ബാറ്ററി വണ്ടികളുമായി രംഗത്തിറങ്ങുകയുണ്ടായി. ഇവി സെഗ്മെന്റിലെ രാജാക്കൻമാരായ ടാറ്റ മോട്ടോർസ് പോലും ഇതുവരെ കൈവെക്കാൻ തയാറാവാത്ത 7-സീറ്റർ വൈദ്യുത കാർ വിപണിയിൽ ബിവൈഡി, മഹീന്ദ്ര പോലുള്ള ഭീമൻമാർക്ക് വെല്ലുവിളി സൃഷ്‌ടിച്ചുകൊണ്ട് ദക്ഷിണ കൊറിയൻ വാഹന നിർമാതാക്കളായ കിയ എത്തുകയുണ്ടായി. തങ്ങളുടെ നിരയിലെ ജനകീയ ഫാമിലി എംപിവിയായ കാരെൻസ് ക്ലാവിസിന്റെ ഇവി പതിപ്പുമായാണ് മത്സരത്തിനായി കമ്പനി രംഗത്തിറക്കിയത്. തരക്കേടില്ലാത്ത രീതിയിൽ വിറ്റഴിയുന്ന മോഡലിന് 2026 ജൂലൈ മാസത്തേക്കായി കിടിലൻ ഓഫറുകളുമായി എത്തിയിരിക്കുകയാണ് കിയ ഇപ്പോൾ.

കഴിഞ്ഞ കുറച്ച് മാസങ്ങളിലായി ഇന്ത്യന്‍ വാഹനലോകത്തെ ചൂടേറിയ ചര്‍ച്ചാ വിഷയങ്ങളില്‍ ഒന്നാണ് 20 ശതമാനം എഥനോള്‍ കലര്‍ത്തിയ ഇന്ധനം അഥവാ E20 പെട്രോള്‍. എഥനോളിന്റെ രാസസ്വഭാവം കാരണം പഴയ വാഹനങ്ങള്‍ക്ക് എഞ്ചിന്‍ തകരാറും സംഭവിക്കുന്നുണ്ടെന്നായിരുന്നു സോഷ്യല്‍ മീഡിയയില്‍ വാദങ്ങള്‍ ഉയര്‍ന്നത്. ഈ സാഹചര്യത്തില്‍ കേന്ദ്ര ഗതാഗത വകുപ്പ് മന്ത്രിയായ നിതിന്‍ ഗഡ്കരിയുടെ സുപ്രധാന പ്രസ്താവന പുറത്തുവന്നിരിക്കുകയാണ്. E20 പെട്രോള്‍ ഉപയോഗിക്കുന്നത് വഴി സാധാരണക്കാരുടെ വാഹനങ്ങളുടെ എഞ്ചിനുകള്‍ക്ക് യാതൊരുവിധ കേടുപാടുകളും വലിയ സാങ്കേതിക തകരാറുകളും സംഭവിക്കില്ലെന്നാണ് നിതിന്‍ ഗഡ്കരി പറയുന്നത്.

തെന്നിന്ത്യൻ സിനിമകളിലൂടെ പ്രേക്ഷകർക്ക് ഏറെ സുപരിചിതയായ നടിയും മോഡലുമാണ് കോമൾ ശർമ്മ. തമിഴകത്താണ് കൂടുതൽ വേഷങ്ങൾ ലഭിച്ചിട്ടുള്ളതെങ്കലും ലാലേട്ടന്റെ പൊട്ടിപാളീസായ ഇട്ടിമാണി മെയ്ഡ് ഇൻ ചൈന, മരക്കാർ അറബിക്കടലിന്റെ സിംഹം എന്നീ മലയാള ചിത്രങ്ങളിലും കോമൾ മുഖം കാണിച്ചിട്ടുണ്ട്. സോഷ്യൽ മീഡിയയിലും ഏറെ സജീവമായ താരത്തിന് ഇൻസ്റ്റഗ്രാമിൽ മാത്രം 8 ലക്ഷത്തിലധികം ഫോളോവേഴ്‌സാണുള്ളത്. ഇപ്പോഴിതാ തന്റെ ഇനിയുള്ള യാത്രകൾക്കായി നടി പുത്തനൊരു ബിഎംഡബ്ല്യു ആഡംബര കാർ (BMW Luxury Car) സ്വന്തമാക്കിയിരിക്കുന്ന വിശേഷമാണ് ആരാധകരിലേക്ക് എത്തിക്കുന്നത്.

ഐതിഹാസിക ഇരുചക്ര വാഹന നിര്‍മ്മാതാക്കളായ റോയല്‍ എന്‍ഫീല്‍ഡ് ജനപ്രിയ മോഡലായ ഗറില്ല 450 മോട്ടോര്‍സൈക്കിളിന്റെ വില വര്‍ദ്ധിപ്പിച്ചു. വിപണിയില്‍ വലിയ തരംഗമുണ്ടാക്കിയ ഈ ബൈക്കിന് വിവിധ വേരിയന്റുകള്‍ക്ക് അനുസരിച്ച് 2,044 രൂപ വരെയാണ് കൂട്ടിയിരിക്കുന്നത്. പെട്ടെന്നുള്ള ഈ വിലവര്‍ദ്ധനവിന്റെ കൃത്യമായ കാരണം റോയല്‍ എന്‍ഫീല്‍ഡ് ഇതുവരെ ഔദ്യോഗികമായി വെളിപ്പെടുത്തിയിട്ടില്ല. നിലവില്‍ മൂന്ന് പ്രധാന വേരിയന്റുകളിലാണ് റോയല്‍ എന്‍ഫീല്‍ഡ് ഗറില്ല 450 ഇന്ത്യന്‍ വിപണിയില്‍ വിപണനം ചെയ്യുന്നത്.

രാജ്യത്തെ മിഡ്-സൈസ് എസ്‌യുവി സെഗ്മെന്റിന് തുടക്കമിട്ട മോഡലാണ് റെനോ ഡസ്റ്റർ. കിടിലൻ രൂപവും നല്ല പെർഫോമൻസും താങ്ങാനാവുന്ന വിലയുമെല്ലാമായി ഡസ്റ്റർ വിപണി നിറഞ്ഞാടിയ കാലം ഫ്രഞ്ച് വാഹന നിർമാതാക്കൾക്ക് അത്രവേഗമൊന്നും മറക്കാനാവില്ല. പിന്നീട് ആധുനികർക്കിടയിൽ പെട്ട് മരണപ്പെടുന്ന കാഴ്ച്ചയും വേദനയോടെയാണ് വാഹന പ്രേമികളെല്ലാം കണ്ടുനിന്നത്. പക്ഷേ ഒരിടവേളയ്ക്ക് ശേഷം പുതുതലമുറ ആവർത്തനത്തിൽ ഡസ്റ്റർ മടങ്ങിയെത്തിയതും അടുത്തിടെയായിരുന്നു. അതും ഹൈബ്രിഡ് എഞ്ചിൻ ഉൾപ്പടെയുള്ള മോഡേൺ ടെക്നോളജികളെല്ലാം കുത്തിനിറച്ചുകൊണ്ടാണ് ന്യൂജെൻ മോഡൽ തിരികെയെത്തിയത്. അതോടെ എതിരാളികളെല്ലാം ഒന്ന് ഭയപ്പെടുകയും ചെയ്‌തു.

ഇന്ത്യന്‍ കുടുംബങ്ങളുടെ എക്കാലത്തെയും പ്രിയപ്പെട്ട പ്രീമിയം എംപിവിയായ ടൊയോട്ട ഇന്നോവയുടെ ഹൈക്രോസിന്റെ പുതിയ ഫെയ്‌സ്ലിഫ്റ്റ് പതിപ്പ് ഉടന്‍ വിപണിയില്‍ അരങ്ങേറ്റം കുറിക്കാന്‍ ഒരുങ്ങുന്നു. നിലവിലുള്ള മോഡലില്‍ നിര്‍ണായകമായ ഡിസൈന്‍ പരിഷ്‌കാരങ്ങളും പുതിയ ടെക് ഫീച്ചറുകളും കൂട്ടിച്ചേര്‍ത്താണ് ജാപ്പനീസ് ബ്രാന്‍ഡ് ഐക്കണിക് മോഡലിന്റെ പുത്തന്‍ പതിപ്പ് ഇന്ത്യയില്‍ അവതരിപ്പിക്കാന്‍ ഒരുങ്ങുന്നത്. ഐതിഹാസിക മോഡലായ ക്വാളിസിന്റെ ഔദ്യോഗിക പിന്‍ഗാമിയായി ഇന്ത്യന്‍ വിപണിയില്‍ എത്തിയ ഇന്നോവ നിരയിൽ നിലവില്‍ ക്രിസ്റ്റ, ഹൈക്രോസ് എന്നീ രണ്ട് മോഡലുകളാണ് വിപണം ചെയ്യുന്നത്.

രാജ്യത്തെ പമ്പുകളില്‍ പുതിയ E20 പെട്രോള്‍ വ്യാപകമാകുമ്പോള്‍ തങ്ങളുടെ പഴയ ബൈക്കുകളുടെ എഞ്ചിന് എന്തെങ്കിലും തരത്തിലുള്ള തകരാറുകളോ വലിയ കേടുപാടുകളോ ഉണ്ടാകുമോ എന്ന ആശങ്കയിലാണ് ലക്ഷക്കണക്കിന് സാധാരണക്കാരായ ഉപഭോക്താക്കള്‍. എന്നാല്‍ കസ്റ്റമേഴ്‌സിന് ആശ്വാസം പകരുന്ന ഒരു പ്രഖ്യാപനവുമായി ഇപ്പോള്‍ രംഗത്തെത്തിയിരിക്കുകയാണ് പ്രമുഖ ആഭ്യന്തര ബ്രാന്‍ഡ് ആയ ബജാജ് ഓട്ടോ. കഴിഞ്ഞ പത്ത് വര്‍ഷത്തിനുള്ളില്‍ തങ്ങള്‍ ഇന്ത്യയില്‍ നിര്‍മിച്ച് വിറ്റ എല്ലാ മോട്ടോര്‍സൈക്കിളുകളും E20 ഇന്ധനത്തില്‍ വളരെ സുഗമമായി ഓടുമെന്ന് കമ്പനി വ്യക്തമാക്കി.

മാരുതി സുസുക്കിയുടെ വാഹന നിരയിൽ എല്ലാമാസവും ഏറ്റവും കൂടുതൽ ഓഫർ ലഭിക്കുന്ന മോഡലാണ് ഇൻവിക്റ്റോ എന്ന 7-സീറ്റർ. ടൊയോട്ട ഇന്നോവ ഹൈക്രോസിന്റെ റീബാഡ്‌ജ് എംപിവിയായ ഇവൻ രാജ്യത്തെ ഏറ്റവും വലിയ വാഹന നിർമാതാക്കളുടെ നിരയിലെ ഫ്ലാഗ്ഷിപ്പ് കാർ കൂടിയാണ് കേട്ടോ. നെക്‌സ കാറുകളുടെ ശൈലിയിൽ പണിതിറക്കിയ ഇൻവിക്റ്റോ വലിയ തരംഗം ഒന്നുമായില്ലെങ്കിലും ഇന്നോവ ഹൈക്രോസിൻ്റെ ഹൈബ്രിഡ് മോഡൽ വാങ്ങാൻ പൈസയില്ലാത്തവർക്ക് ബദൽ ഓപ്ഷനായി ഇവനെ കൂടെക്കൂട്ടാനാവുന്നതാണ്. ഇതുകൂടാതെ മാസങ്ങൾ കാത്തിരിക്കാനോ 3-4 ലക്ഷം രൂപ കൂടുതൽ നൽകാനോ താൽപ്പര്യമില്ലാത്തവർക്കും മാരുതിയുടെ സെവൻ സീറ്റർ കണ്ണുംപൂട്ടി വാങ്ങിക്കാം.

പഴയ ഫോമിലേക്ക് തിരികെയെത്താനുള്ള തത്രപ്പാടിലാണ് ഫ്രഞ്ച് വാഹന നിർമാതാക്കളായ റെനോ. ന്യൂജെൻ ഡസ്റ്റർ ഷോറൂമുകളിൽ എത്തിയതോടെ ഇമേജ് മൊത്തത്തിൽ മാറിയിട്ടുണ്ട്. ഇതിനുപിന്നാലെയിതാ ക്വിഡ്, കൈഗർ, ട്രൈബർ എന്നിവയുൾപ്പെടെയുള്ള മോഡലുകളിൽ കിടിലൻ ഓഫറുകൾ പ്രഖ്യാപിച്ച് ആളുകളിലേക്ക് കൂടുതൽ അടുക്കാൻ ഒരുങ്ങുകയാണ് റെനോ. 2026 ജൂലൈ മാസത്തേക്കായി അവതരിപ്പിച്ചിരിക്കുന്ന ഡിസ്കൌണ്ട് ഓഫറുകളിൽ കേരളീയർക്ക് പ്രത്യേക പരിഗണനയും ബ്രാൻഡ് കൊടുത്തിട്ടുണ്ടെന്നതാണ് രസകരമായ കാര്യം. 2026 ജൂലൈ മാസത്തിൽ 1.25 ലക്ഷം രൂപ വരെയുള്ള ആനുകൂല്യങ്ങളാണ് ഉപഭോക്താക്കളെ കാത്തിരിക്കുന്നത്.

നിവിൻ പോളിയുടെ സർവ്വം മായയിലെ തുളസി, ലാലേട്ടന്റെ സൂപ്പർഹിറ്റ് ചിത്രങ്ങളായ ഹൃദയപൂർവത്തിലെ രജനി ദൃശ്യം ത്രീയിൽ ശാന്തി എന്ന കഥാപാത്രങ്ങളിലൂടെ ഈ അടുത്തിടെ വെള്ളിത്തിരയിൽ ഏവരും ശ്രദ്ധിക്കപ്പെട്ട മുഖമായിരിക്കും സൗമ്യ ഭാഗ്യൻ പിള്ളയുടേത്. കുടുംബ പ്രേക്ഷകർക്ക് ഏറെ സുപരിചിതയായ മലയാളം ടെലിവിഷൻ നടി കൂടിയായ ഇവർ ബിഗ് സ്ക്രീനിൽ തിളങ്ങാൻ അവസരം കിട്ടിയപ്പോഴെല്ലാം മികച്ച പ്രകടനമാണ് കാഴ്ച്ചവെച്ചിട്ടുള്ളത്. അളിയൻസ് എന്ന ജനപ്രിയ പരമ്പരയിലെ ലില്ലിക്കുട്ടി എന്ന കഥാപാത്രത്തിലൂടെയാണ് സൗമ്യയെ മലയാളികൾക്കിടയിൽ പ്രശസ്തയാക്കിയത്. എന്തായാലും ലഭിച്ച കഥാപാത്രങ്ങളെല്ലാം ഉഗ്രനാക്കി മലയാളികളുടെ പ്രിയങ്കരായായി മാറിയിരിക്കുകയാണ് കക്ഷി.