വണ്ടി ഉപയോഗിക്കുന്നവരില്‍ അധികമാളുകളും E20 ഇന്ധനങ്ങളെ കുറിച്ച് കേട്ടിട്ടുണ്ടാകും. 1 ലിറ്റര്‍ പെട്രോളിലോ ഡീസലിലോ 20 ശതമാനം എഥനോള്‍ കലര്‍ത്തുന്ന രീതിയാണിതെന്ന് പറയാം. അതായത് 1 ലിറ്റര്‍ പെട്രോളില്‍ 200 മില്ലി എഥനോള്‍ കലര്‍ത്തിയാല്‍ അതിനെ E20 ബ്ലെന്‍ഡഡ് പെട്രോള്‍ എന്ന് വിളിക്കാം. ഈ വര്‍ഷം ഏപ്രിലോടെ ഇന്ത്യയില്‍ വില്‍ക്കുന്ന എല്ലാ പെട്രോള്‍ വാഹനങ്ങളും ബൈ-ഫ്യൂവല്‍ വാഹനങ്ങള്‍ പോലുള്ള ഐസി എഞ്ചിന്‍ വാഹനങ്ങള്‍ E20 ഇന്ധനത്തില്‍ ഓടുന്ന തരത്തിലേക്ക് മാറ്റണമെന്ന് കേന്ദ്ര സര്‍ക്കാര്‍ ഉത്തരവിട്ടിരുന്നു. നിശ്ചിത സമയപരിധിക്ക് അഞ്ച് വര്‍ഷം മുമ്പ് 20 ശതമാനം എഥനോള്‍ കലര്‍ത്തുകയെന്ന ലക്ഷ്യം ഇന്ത്യ മറികടന്നിരിക്കുകയാണ്.

ജാപ്പനീസ് വാഹന നിർമാതാക്കളായ ടൊയോട്ടയ്ക്ക് പ്രത്യേക ഇമേജുള്ള രാജ്യമാണ് ഇന്ത്യ. സാധാരണക്കാർക്കും പണക്കാർക്കും ഒരുപോലെ ഇഷ്‌ടമുള്ള ബ്രാൻഡ് ഇന്നോവയെന്ന അതികായകനിലൂടെയാണ് രാജ്യം വെട്ടിപ്പിടിച്ചത്. ഓരോ വർഷവും വിൽപ്പന കൂട്ടി വരുന്ന ബ്രാൻഡ് 2025 മാർച്ചിൽ 9,856 കാറുകളാണ് ഇന്ത്യൻ വിപണിയിൽ വിറ്റഴിച്ചത്. കഴിഞ്ഞ 5 മാസത്തിനിടയിലെ ഏറ്റവും വലിയ വിൽപ്പന കൂടിയാണ് പോയമാസം കൈവരിച്ചതെന്നും കമ്പനി പറയുന്നു. കഴിഞ്ഞ വർഷം ഇതേസമയത്തെ അപേക്ഷിച്ച് 13 ശതമാനം വാർഷിക വളർച്ച കൈവരിക്കാനും ജാപ്പനീസ് ബ്രാൻഡിനായിട്ടുണ്ട്.

റേഞ്ച് റോവർ എന്ന ബ്രാൻഡിന് രാജ്യത്തെ സെലിബ്രിറ്റികളുടെ ഇടയിൽ വലിയൊരു സ്ഥാനമുണ്ട്. കാരണം മറ്റൊന്നുമല്ല വാഹനത്തിലെ ഫീച്ചറുകളും യാത്രസുഖവും തന്നെ കാരണം. അത് കൊണ്ട് തന്നെ സെലിബ്രിറ്റികൾ മത്സരിച്ച് വാങ്ങുന്ന ഒരു മോഡലായി മാറി. റേഞ്ച് റോവറിൻ്റെ ഏറ്റവും പവർഫുൾ മോഡലാണ് SV വേരിയൻ്റ്. റേഞ്ച് റോവർ സ്‌പോർട് SV പതിപ്പിന് 3.50 കോടി രൂപയാണ് വില. ബിഎംഡബ്ല്യുവിൽ നിന്ന് കടമെടുത്ത 4.4 ലിറ്റർ ട്വിൻ ടർബോചാർജ്ഡ് V8 പെട്രോൾ എഞ്ചിനാണ് റേഞ്ച് റോവർ സ്‌പോർട്ട് SV വേരിയന്റിന് കരുത്തേകുന്നത്.

കേരളത്തിലടക്കം വേനല്‍ കനക്കുന്ന സാഹചര്യമാണ്. സൂര്യഘാതം ഏല്‍ക്കാന്‍ സാധ്യതയുള്ളതിനാല്‍ നട്ടുച്ച സമയത്തെ പുറംജോലികള്‍ക്ക് സര്‍ക്കാര്‍ വരെ ക്രമീകരണം നടത്തുകയാണ്. ചൂട് കൂടിയതോടെ നാട്ടില്‍ എസി കച്ചവടവും പൊടിപൊടിക്കുകയാണ്. ഫോര്‍വീലര്‍ ഉള്ളവര്‍ ഇപ്പോള്‍ വീട്ടില്‍ നിന്ന് പുറത്തിറങ്ങുമ്പോള്‍ കാര്‍ എടുത്ത് മാത്രമാണ് പോകാറുള്ളത്. ഈ വേനല്‍ക്കാലത്ത് നല്ല ഉപയോഗമുള്ളതിനാല്‍ എസിയുടെ പ്രവര്‍ത്തനക്ഷമത നാം വിലയിരുത്തേണ്ടതുത്. നിങ്ങള്‍ ഒരു നിസാന്‍ കാര്‍ ഉടമയാണെങ്കില്‍ ഒരു സന്തോഷ വാര്‍ത്തയുണ്ട്. നിസാന്‍ കാര്‍ എസി ഫ്രീയായി ചെക്ക് ചെയ്ത് കിട്ടാന്‍ ചെയ്യേണ്ടത് എന്താണെന്ന് പറഞ്ഞ് താരം.

സ്‌കൂട്ടറുകളിലെ രാജാവാണ് ഹോണ്ട ആക്‌ടിവ (Honda Activa). ഏത് ഗിയർലെസ് (Gearless Scooter) മോഡൽ വാങ്ങിയാലും നീ ആക്‌ടിവ വാങ്ങിയല്ലേ എന്നാണ് നാട്ടിലെ പൊതുവേയുള്ള ചോദ്യം. കൈനറ്റിക് ഹോണ്ടയ്ക്ക് (Kinetic Honda) ശേഷം രാജ്യത്ത് വിപ്ലവം കുറിച്ച മോഡൽ ഇപ്പോഴും ചൂടപ്പം പോലെയാണ് വിറ്റഴിയുന്നത്. ഗിയർലെസ് സ്‌കൂട്ടറുകളിലേക്ക് പുരുഷൻമാർ വരെ ആകൃഷ്ടരായത് ആക്ടിവയുടെ വരവോടെയാണ്. ഇന്നത്തെ പല മോഡലുകളിലുമുള്ള മോഡേൺ ഫീച്ചറുകളുടെ അകമ്പടിയൊന്നും ഇല്ലെങ്കിലും വിശ്വാസത്തിന്റെ പര്യായമായി ആക്‌ടിവയെ രാജ്യം കാണുന്നതാണ് ജാപ്പനീസ് ഇരുചക്ര വാഹന നിർമാതാക്കളുടെ വിജയം.

ഇന്ത്യന്‍ വിപണിയില്‍ ഏറെ പ്രചാരത്തിലുള്ള പ്രീമിയം മള്‍ട്ടി പര്‍പ്പസ് വാഹനമാണ് കിയ കാര്‍ണിവല്‍. ഇക്കഴിഞ്ഞ 2025 ഓട്ടോ എക്‌സ്‌പോയിലൂടെയാണ് ദക്ഷിണ കൊറിയന്‍ വാഹന നിര്‍മാതാക്കള്‍ കാര്‍ണിവലിനെ ഇന്ത്യയിലേക്ക് തിരികെ കൊണ്ടുവന്നത്. കംപ്ലീറ്റ്‌ലി ബില്‍റ്റ് അപ്പ (സിബിയു) ആയി ഇറക്കുമതി ചെയ്യുന്നതിനാല്‍ 63.90 ലക്ഷം രൂപ എക്‌സ്‌ഷോറൂം വിലയിലാണ് പുറത്തിറങ്ങിയത്. ഉയര്‍ന്ന വിലയുണ്ടായിട്ടും ബുക്കിംഗ് തുടങ്ങിയ ആദ്യ ദിവസം തന്നെ പുതിയ കാര്‍ണിവലിന് 1822 ഓര്‍ഡറുകളാണ് ലഭിച്ചത്. ഇന്ത്യയിലെ ഒരു യുവ ക്രിക്കറ്റർ ഈ കാറില്‍ വരുന്ന ദൃശ്യങ്ങള്‍ സോഷ്യല്‍ മീഡിയയില്‍ ശ്രദ്ധിക്കപ്പെടുകയാണ്. അത് ആരാണെന്ന് നമുക്ക് നോക്കാം.

കേരളത്തിൽ ഇപ്പോൾ റോഡിലൂടെ പോകുമ്പോൾ ഏതൊരു വാഹനത്തിൻ്റേയും ചിത്രങ്ങൾ എടുത്തതിന് ശേഷം വാഹനത്തിൻ്റെ പുക, ഇൻഷുറൻസ്, ആർസി എന്നിവയെല്ലാം പരിശോധിച്ച് എന്തെങ്കിലും ക്രമക്കേടുണ്ടെങ്കിൽ കേസെടുക്കുന്ന രീതിയാണ് മോട്ടേർാ വാഹന വകുപ്പ് നടത്തിയിരുന്നത്. എന്നാൽ ഇത് പല വാഹനയുടമകൾക്കും പ്രത്യേകിച്ച് ടാക്സി ഉടമകൾക്ക് വളരെ ബുദ്ധിമുട്ടുണ്ടാക്കുന്നു എന്ന പരാതികൾ ഉയർന്ന് വന്നതിൻ്റെ ഭാഗമായ ട്രാൻസ്പോർട്ട് കമ്മീഷണർ ഇതിനെതിരെ ഉത്തരവ് പുറപ്പെടുവിച്ചിരിക്കുകയാണ്. ഓടികൊണ്ടിരിക്കുന്ന വാഹനങ്ങളുടെ ഫോട്ടോയെടുത്ത് അനധികൃതമായി കേസെടുക്കെരുതെന്നാണ് ഗതാഗത കമ്മീഷണർ ഉത്തരവിട്ടിരിക്കുന്നത്. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കാതിരിക്കുക.

ഏറെ നാളത്തെ കാത്തിരിപ്പുകൾക്കൊടുവിൽ സ്കോഡയുടെ പുത്തൻ 7-സീറ്റർ എസ്‌യുവി ഇന്ത്യൻ വിപണിയിൽ എത്തിയിരിക്കുകയാണ്. കൈലാക് വന്ന പോലെ വിലയിൽ ചെറിയൊരു സർപ്രൈസുമായാണ് പുതുതലമുറ ആവർത്തനത്തിലുള്ള കൊഡിയാക്കിന്റെ വരവ്. ഡൽഹിയിൽ നടന്ന 2025 ഭാരത് മൊബിലിറ്റി ഗ്ലോബൽ എക്‌സ്‌പോയിൽ ആദ്യമായി പ്രദർശിപ്പിച്ച സ്കോഡ കൊഡിയാക് ഇന്ത്യയിൽ അസംബിൾ ചെയ്‌താണ് പുറത്തിറക്കുന്നത്. സ്‌പോർട്‌ലൈൻ, ലോറിൻ ആൻഡ് ക്ലെമെന്റ് എന്നീ രണ്ട് വേരിയന്റുകളിൽ വാഗ്ദാനം ചെയ്യുന്ന പ്രീമിയം സ്പോർട് യൂട്ടിലിറ്റി വാഹനത്തിന് 46.89 ലക്ഷം രൂപ മുതൽ 48.69 ലക്ഷം രൂപ വരെയാണ് എക്സ്ഷോറൂം വില വരുന്നത്.

സ്കോഡയുടെ ആദ്യ തലമുറ വാഹനം അവതരിപ്പിച്ചപ്പോൾ ഞങ്ങൾ കേരളത്തിലൂടെ ഓടിച്ചിരുന്നു. തങ്ങളുടെ ഫ്ലാഗ്ഷിപ്പ് മോഡലായ കൊഡിയാക്ക് 2016 അവതരിപ്പിച്ചതിന് ശേഷം അഞ്ച് വർഷം കഴിഞ്ഞ് ചെറുയ മുഖം മിനുക്കലുകളോടെ വീണ്ടും അവതരിപ്പിച്ചിരുന്നു. മൂന്ന് വർഷങ്ങൾക്ക് ശേഷം സ്കോഡയുടെ ഏറ്റവും മികച്ച മോഡലായ കൊഡിയാക്കിൻ്റെ രണ്ടാം തലമുറ ഇപ്പോൾ അവതരിപ്പിച്ചിരിക്കുകയാണ്. കൊഡിയാക്കിൻ്റെ ഡ്രൈവിങ്ങ് സീറ്റിലിരുന്നു മുംബൈയിലൂെ ചീറിപായാൻ ഞങ്ങൾക്ക് സാധിച്ചു. ചെക്ക് റിപബ്ലിക്കിൽ നിന്ന് എത്തി ഇന്ത്യാക്കാരുടെ മനം കവർന്ന ഈ വാഹനത്തിൻ്റെ വിശദമായ റിവ്യു അറിയാൻ ഈ ലേഖനം തുടർന്ന് വായിക്കാൻ മറക്കാതിരിക്കുക.

ഇന്നും സെഞ്ച്വറി തൊട്ട് നില്‍ക്കുന്ന പെട്രോള്‍ വില കാരണം പൊറുതിമുട്ടിയിരിക്കുകയാണ് സാധാരണ ജനങ്ങള്‍. ജനങ്ങളുടെ അവസ്ഥ തിരിച്ചറിയേണ്ട സര്‍ക്കാറുകള്‍ തന്നെ ഓരോ നികുതിയും കൂട്ടിക്കൊണ്ടിരിക്കുന്നതിനാല്‍ ക്രൂഡ് ഓയില്‍ വിലയില്‍ കുറവ് വന്നാല്‍ പോലും അതിന്റെ ഗുണം ജനങ്ങള്‍ക്ക് ലഭിക്കാറില്ല. ഉയര്‍ന്ന പെട്രോള്‍ വിലയില്‍ നിന്ന് രക്ഷനേടാന്‍ ബദല്‍ ഇന്ധനങ്ങളിലേക്ക് മാറുന്ന ഒത്തിരി പേരുണ്ട്. ഇവികള്‍ കൂടാതെ കംപ്രസ്ഡ് നാചുറല്‍ ഗ്യാസില്‍ (സിഎന്‍ജി) പ്രവര്‍ത്തിക്കുന്ന കാറുകള്‍ക്ക് അടുത്ത കാലത്തായി ഇന്ത്യയില്‍ ഡിമാന്‍ഡ് കൂടിയത് ഇതിന് തെളിവാണ്. സിഎന്‍ജിക്ക് വില കുറവാണെന്ന് മാത്രമല്ല പെട്രോള്‍, ഡീസല്‍ എന്നിവയെ അപേക്ഷിച്ച് പരിസ്ഥിതി സൗഹൃദം കൂടിയാണ്.

ഏറെ നാളത്തെ ഇന്ത്യക്കാരുടെ കാത്തിരിപ്പുകൾക്കൊടുവിൽ ഹോണ്ട പുറത്തിറക്കിയ എസ്‌യുവിയായിരുന്നു എലിവേറ്റ് (Honda Elevate). ഹ്യുണ്ടായി ക്രെറ്റ, മാരുതി ഗ്രാൻഡ് വിറ്റാര, കിയ സെൽറ്റോസ് പോലുള്ള വമ്പൻമാർ അരങ്ങുവാഴുന്ന സെഗ്മെന്റിൽ കാലുകുത്താൻ എത്തുമ്പോൾ അങ്ങനെ ചുമ്മാതെ വന്ന് പോവാൻ ഒക്കില്ലെന്ന് ജാപ്പനീസ് വാഹന നിർമാതാക്കൾക്ക് കൃത്യമായി അറിയാമായിരുന്നു. എന്തായാലും അന്തസായി പണികഴിപ്പിച്ച് പുറത്തിറക്കിയ എലിവേറ്റിനെ നാട്ടുകാർ നെഞ്ചിലേറ്റി. സിറ്റിയിലുണ്ടായിരുന്ന ഹൈബ്രിഡ് എഞ്ചിൻ കൂടി ഉപയോഗിച്ചായിരുന്നേൽ സീൻ മാറിയാനേ. എന്തായാലും അതിന് ഹോണ്ടയ്ക്ക് തോന്നാതിരുന്നതിൽ ഹ്യുണ്ടായിക്ക് ആശ്വസിക്കാം. അല്ലെങ്കിൽ ക്രെറ്റയ്ക്ക് പണികിട്ടിയാനേ.

ടെസ്‌ല രാജ്യത്തേക്ക് വരുന്നതിന് ഉളള എല്ലാ തയ്യാറെടുപ്പുകളും ഒരുക്കിക്കൊണ്ടിരിക്കുകയാണ്. ഷോറൂം ആരംഭിക്കുന്നതിന് മുൻപ് തന്നെ രാജ്യത്തേക്ക് തങ്ങളുടെ മോഡൽ എത്തിച്ചിരിക്കുകയാണ് ഇവി ഭീമൻ.എതിരാളികൾക്ക് ചിന്തിക്കാൻ പോലുമുളള സമയം കൊടുക്കുന്നില്ല. കാരണം ടെസ്‌ലയുടെ മോഡൽ Y എന്ന വാഹനം ഇന്ത്യയിൽ ടെസ്റ്റ് റൺ നടത്തുന്നിൻ്റെ വീഡിയോ സോഷ്യൽ മീഡിയയിൽ ഇപ്പോൾ വൈറലായിരിക്കുകയാണ്. രാജ്യത്ത് ആദ്യം അവരിപ്പിക്കാൻ പോകുന്നത് ഈ മോഡലായിരിക്കുമെന്ന കാര്യത്തിൽ സംശയം വേണ്ട. വീഡിയോയിൽ വാഹനം കാമഫ്ലോഗിലായിരുന്നു. ചുവന്ന നമ്പർ പ്ലേറ്റിലാണ് വാഹനം കാണപ്പെട്ടത്. വാഹനത്തിൻ്റെ കൂടുതഷ വിശദാംശങ്ങളറിയാൻ തുടർന്ന് വായിക്കാൻ മറക്കരുതേ.

വാഹനപ്രേമികള്‍ക്ക് ഇന്ന് ഒരു പരിചയപ്പെടുത്തല്‍ ആവശ്യമില്ലാത്ത ഇലക്ട്രിക് വാഹന സ്റ്റാര്‍ട്ടപ്പ് കമ്പനിയാണ് അള്‍ട്രാവയലറ്റ് (Ultraviolette Automotive). മലയാളികള്‍ക്ക് ഈ ബ്രാന്‍ഡ് പ്രിയപ്പെട്ടതാകാന്‍ ഒറ്റ കാരണമേ ഉള്ളൂ. അത് നമ്മുടെ പ്രിയ നടന്‍ ദുല്‍ഖര്‍ സല്‍മാന് (Dulquer Salmaan) നിക്ഷേപമുള്ള കമ്പനി എന്ന നിലയിലാണ്. മോളിവുഡിലെ പേരുകേട്ട വണ്ടിപ്രാന്തന്‍മാരില്‍ ഒരാളായ ദുല്‍ഖര്‍ ചുമ്മാ ഒന്നും കാണാതെ ഒരു കമ്പനിയില്‍ പണമിറക്കുമെന്ന് ഏതായാലും നമ്മളാരും കരുതുന്നില്ല. വര്‍ഷങ്ങളുടെ ഗവേഷണ-പരീക്ഷണ ഘട്ടങ്ങള്‍ താണ്ടി 2022 നവംബറിലാണ് ബെംഗളൂരു കേന്ദ്രമായി പ്രവര്‍ത്തിക്കുന്ന കമ്പനി തങ്ങളുടെ കന്നി ഉല്‍പ്പന്നം വിപണിയില്‍ എത്തിച്ചത്.

ട്രെയിൻ യാത്രകൾ ചെയ്യാത്ത ഇന്ത്യക്കാരില്ലെന്ന് വേണം പറയാൻ. ഇന്ത്യൻ ഗതാഗത സംവിധാനത്തിന്റെ ജിവനാഢിയായി അറിയപ്പെടുന്നതാണ് റെയിൽവേ. കുറഞ്ഞ ചെലവിൽ കൂടുതൽ ദൂരം പിന്നിടാൻ ഇത്രയും മികച്ച മറ്റൊരു ഗതാഗത മാർഗം ഇല്ലെന്നതാണ് സത്യം. ഓരോ തീവണ്ടി യാത്രകളും പലർക്കും പല അനുഭവങ്ങളായിരിക്കും സമ്മാനിക്കുക അല്ലേ. ചിലർക്ക് വിരസതയായി തോന്നിയേക്കാമെങ്കിലും മറ്റുചിലർക്ക് തീവണ്ടി യാത്ര ഒരു മാന്ത്രിക അനുഭവമാണ്. മനോഹരമായ കാഴ്ച്ചകൾ, പുതിയ ആളുകളെ കണ്ടുമുട്ടൽ, ഏതാനും മണിക്കൂറുകൾ മുതൽ ഒരു ദിവസം വരെ ട്രെയിനിൽ ചിലവഴിക്കുന്നത് സന്തോഷകരമായ നിമിഷങ്ങളാണ്.

ഐപിഎൽ കാണുമ്പോൾ പ്രത്യേകിച്ച് സൺറൈസേഴ്സ് ഹൈദരാബാദിൻ്റെ മാച്ച് നടക്കുമ്പോൾ ഗ്യാലറിയിൽ ഒരു സുന്ദരി പ്രസന്നവദനയായി ഇരിക്കുന്നത് കാണാം. ലോകം മുഴുവൻ ആരാധകരുള്ള ആ സുന്ദരിയാണ് സൺറൈസേഴ്സിൻ്റെ സിഇഒ. ഇന്ത്യൻ പ്രീമിയർ ലീഗിൽ സൺറൈസേഴ്‌സ് ഹൈദരാബാദിന്റെയും, SA20 ലീഗിൽ സൺറൈസേഴ്‌സ് ഈസ്റ്റേൺ കേപ്പിന്റെയും സഹഉടമയും മേധാവിയും, സൺ ടിവി നെറ്റ്‌വർക്ക് ലിമിറ്റഡിന്റെ എക്സിക്യൂട്ടീവ് ഡയറക്ടറുമായ കാവ്യ മാരൻ.32-ാം വയസ്സിൽ ഐപിഎൽ ടീമിനെ നയിക്കുന്ന സുന്ദരി ഒരു വാഹനപ്രേമി കൂടിയാണ്. സിനിമ താരങ്ങളെ പോലും വെല്ലുന്ന വാഹനങ്ങളാണ് കാവ്യയുടെ ഗാരേജിലുളളത്.

ആഭ്യന്തര വാഹന നിര്‍മാതാക്കളായ മഹീന്ദ്രയുടെ ഐസിഇ വാഹനങ്ങള്‍ക്കും ഇലക്ട്രിക് വാഹനങ്ങള്‍ക്കുമെല്ലാം മികച്ച സ്വീകരണമാണ് ഇപ്പോള്‍ ഇന്ത്യയില്‍ ലഭിച്ച് കൊണ്ടിരിക്കുന്നത്. കമ്പനിയുടെ കന്നി ഇലക്ട്രിക് എസ്‌യുവിയായ XUV400 വിപണിയില്‍ കാര്യമായ ചലനങ്ങള്‍ സൃഷ്ടിച്ചില്ലെങ്കിലും അടുത്തിടെ പുറത്തിറങ്ങിയ ബോണ്‍ ഇലക്ട്രിക് വാഹനങ്ങളായ BE 6, XEV 9e എന്നിവ തരംഗമായി മാറിയിരിക്കുകയാണ്. INGLO എന്ന മഹീന്ദ്ര സ്വന്തമായി വികസിപ്പിച്ച പ്ലാറ്റ്‌ഫോമില്‍ വരുന്ന വാഹനങ്ങളുടെ ഡെലിവറി അടുത്തിടെയാണ് ആരംഭിച്ചത്. ഇരു മോഡലുകളുടെയും ടോപ് സ്‌പെക് പായ്ക്ക് 3 വേരിയന്റുകളുടെ വിതരണമാണ് തുടങ്ങിയത്.

ഇന്ത്യൻ വാഹന വിപണിയിലെ പ്രധാന സാന്നിധ്യമായി മാറിക്കൊണ്ടിരിക്കുകയാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ (Skoda). ഒക്‌ടാവിയ, റാപ്പിഡ് തുടങ്ങിയ പ്രതാപികൾ മെനഞ്ഞെടുത്ത ഇമേജ് പൂർണമായും വാർത്തുടച്ചാണ് ഇപ്പോൾ കൈലാക് (Kylaq), കുഷാഖ് (Kushaq), സ്ലാവിയ (Slavia) മോഡലുകൾ രാജ്യത്ത് ചൂടപ്പം പോലെ വിറ്റഴിയുന്നത്. ഒന്നാന്തരം നിർമാണ നിലവാരവും സേഫ്റ്റിയും പെർഫോമൻസുമെല്ലാം ഒരുമിച്ച് കിട്ടുന്ന മറ്റൊരു ബ്രാൻഡ് ഉണ്ടോയെന്ന് വരെ സംശയമണ്. നിലവിലുള്ള മൂവരും തകർത്താടുമ്പോൾ ഈ നിരയിലേക്ക് പുതിയ 7-സീറ്റർ എസ്‌യുവിയെ കൂടി നാളെ അവതരിപ്പിക്കുകയാണ് കമ്പനി.

2020 -ലാണ് ദില്ലിയിൽ ഇവി പോളിസി പ്രഖ്യാപിച്ചത്, അതിന് ശേഷം പുതുക്കിയ ഇവി പോളിസി 2.O അവതരിപ്പിക്കുമെന്ന് സർക്കാർ പല തവണ പറഞ്ഞിരുന്നു എങ്കിലും പല തവണകളായി നീട്ടി വയ്ക്കുകയായിരുന്നു. പുതുക്കിയ ഇവി പോളിസി വന്നാൽ അത് തിരിച്ചടി ആകുന്നത് പഴയ വാഹനയുടമകൾക്കാണ്. പഴക്കം ചെന്ന വാഹനങ്ങൾ ഒഴിവാക്കുകയും ഇലക്ട്രിക് വാഹനങ്ങൾക്ക് കൂടുതൽ പ്രാധാന്യം കൊടുക്കുക എന്നതാണ് ഇവി പോളിസി 2.O കൊണ്ട് സർക്കാർ ഉദ്ദേശിക്കുന്നത്. കൂടുതൽ ആളുകളെ ആകർഷിക്കാനായും ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിനായും ഫെയിം സബ്‌സിഡി പദ്ധതിക്ക് കേന്ദ്ര സർക്കാർ രൂപം കൊടുക്കുകയുണ്ടായി. വനിതകൾക്ക് നിരവധി ഓഫറുകളും സർക്കാർ പ്രഖ്യാപിക്കുകയുണ്ടായി.

സാന്‍ഡല്‍വുഡ് എന്ന് അറിയപ്പെടുന്ന കന്നഡ സിനിമാ ലോകത്തിന്റെ തലവര തന്നെ മാറ്റി എഴുതിയത് ഒറ്റ ചിത്രമാണ്. രാജ്കുമാര്‍, വിഷ്ണുവര്‍ധന്‍, അംബരീഷ് തുടങ്ങിയ മഹാമേരുക്കള്‍ ജീവിച്ചിരുന്ന കാലത്ത് പോലും കന്നഡ സിനിമയുടെ പെരുമ സംസ്ഥാനത്തിന് വെളിയില്‍ അറിഞ്ഞിരുന്നില്ല. എന്നാല്‍ 'കെജിഎഫ്' എന്ന ഒറ്റ ഫ്രാഞ്ചൈസി കൊണ്ട് പ്രശാന്ത് നീല്‍ തിരുത്തി എഴുതിയത് സാന്‍ഡല്‍വുഡിന്റെ മാത്രമല്ല യാഷ് എന്ന നടന്റെ കൂടി ജാതകമായിരുന്നു. ടിവി ഷോകളിലൂടെ വെള്ളിത്തിരയിലെത്തിയ യാഷ് ഗൂഗ്ളി, രാജാഹുലിാ ഗജകേസരി, മിസ്റ്റര്‍ ആന്‍ഡ് മിസിസ് രാമാചാരി എന്നീ സൂപ്പര്‍ ഹിറ്റ് സിനിമകളിലൂടെയാണ് താരമായി വളര്‍ന്നത്.

ഇന്ത്യൻ ഇരുചക്ര വാഹന വിപണിയിൽ ഹോണ്ടയെ അതികായകൻമാരാക്കിയത് സ്‌കൂട്ടറുകളാണെന്ന് വേണം പറയാൻ. ആക്‌ടിവയിലൂടെ (Honda Activa) കമ്പനി രാജ്യം വെട്ടിപ്പിടിച്ചപ്പോൾ ഡിയോ എന്ന സ്പോർട്ടി മോഡലിലൂടെ (Honda Dio) ബ്രാൻഡ് യുവാക്കൾക്കിടയിലും വലിയ ട്രെൻഡായി മാറിയിരുന്നു. ഇന്നത്തെ തലമുറയ്ക്ക് ഡിയോയുടെ മഹത്വം മനസിലായേക്കില്ലെങ്കിലും ഒരുകാലത്ത് യൂത്തൻമാരുടെ ബൈക്ക് പോലെയായിരുന്നു ഈ സ്‌കൂട്ടർ. കോളേജിലെല്ലാം ഡിയോയിൽ ചെത്തിനടന്ന കാലഘട്ടം അത്രവേഗമൊന്നും 90 കിഡ്‌സിന് മറക്കാനായേക്കില്ല. പിന്നീട് ആധുനിക എതിരാളികളെല്ലാം കയറിപ്പോയപ്പോൾ അപ്ഡേറ്റാവാൻ മടികാട്ടിയതോടെ ഹോണ്ടയുടെ വണ്ടി പതിയെ പിൻനിരയിലേക്ക് തഴയപ്പെട്ടു.

മഹീന്ദ്രയുടെ ഉടമസ്ഥതയിലുള്ള ജാവ മോട്ടോർസൈക്കിൾസ് ഏതൊരു ടൂവീലർ പ്രേമികളുടേയും പ്രിയപ്പെട്ട ബ്രാനഡ് തന്നെയാണ്. ഈ ഇഷ്ടം ഇന്നും ഇന്നലെയും തുടങ്ങിയതല്ല. വർഷങ്ങളായി റോഡുകളിലെ നിറസാന്നിധ്യമാണ് ജാവ. വിൻ്റേജ് ലുക്കിൽ നിന്ന് പുതുമയിലേക്ക് മുഖം മിനുക്കി എത്തിയപ്പോഴും ആരാധകരും ഇന്ത്യൻ വിപണിയും രണ്ട് കൈയ്യും നീട്ടി തന്നെയാണ് സ്വീകരിച്ചത്. 2024 -ലാണ് 42 FJ എന്നറിയപ്പെടുന്ന ബൈക്കിനെ അവതരിപ്പിച്ചത്. 1.99 ലക്ഷം മുതൽ 2.20 ലക്ഷം രൂപ വരെയാണ് പുത്തൻ ജാവ 42 FJ പതിപ്പിനായി ഇന്ത്യയിൽ മുടക്കേണ്ടി വരുന്ന എക്സ്ഷോറൂം വില. ഇപ്പോഴിതാ 2025 മോഡൽ 42 FJ ടെസ്റ്റ് ചെയ്യുന്നത് ക്യാമറക്കണ്ണിൽ കുടുങ്ങിയിരിക്കുകയാണ്.

ഒരു കാറിന്റെ വില്‍പ്പന വര്‍ധിപ്പിക്കാനും അതിനെ സവിശേഷമാക്കാനും ബ്രാന്‍ഡുകള്‍ പയറ്റുന്ന ഒരു തന്ത്രമാണ് സ്‌പെഷ്യല്‍ എഡിഷന്‍ പതിപ്പുകള്‍ കൊണ്ടുവരുന്നത്. അടുത്ത കാലത്തായി രാജ്യത്ത് ഡാര്‍ക്ക് എഡിഷന്‍ കാറുകളുടെ പ്രചാരം വര്‍ധിച്ചിരിക്കുകയാണ്. ഓരോ കമ്പനികളും അവരുടെ സ്‌പെഷ്യല്‍ എഡിഷന് വ്യത്യസ്ത പേരുകള്‍ നല്‍കുന്നു. ഇക്കഴിഞ്ഞ ദിവസങ്ങളിലായി ഇന്ത്യയില്‍ രണ്ട് എസ്‌യുവി കൂപ്പെകള്‍ക്ക് ഡാര്‍ക്ക് എഡിഷനുകള്‍ ലഭിച്ചു. സിട്രണ്‍ ബസാള്‍ട്ട് ഡാര്‍ക്ക് എഡിഷനും ടാറ്റ കര്‍വ് ഡാര്‍ക്ക് എഡിഷനുമാണ് അവ. ഇന്ത്യയിലെ ആദ്യത്തെ മാസ് മാര്‍ക്കറ്റ് എസ്‌യുവി കൂപ്പെ ആയിരുന്നു സിട്രണ്‍ ബസാള്‍ട്ട് എങ്കില്‍ രാജ്യത്തെ ആദ്യത്തെ ബ്ലാക്ക്ഡ് ഔട്ട് എസ്‌യുവി കൂപ്പെ കര്‍വാണ്.

എംജി സമം ഇലക്‌ട്രിക് എന്നാണ് ഇപ്പോഴത്തെ ട്രെൻഡ് എങ്കിലും കമ്പനിക്ക് ഇന്ത്യൻ വിപണിയിൽ വേരോട്ടമുണ്ടാക്കി കൊടുത്തത് ഹെക്‌ടർ എന്ന എസ്‌യുവിയാണ്. രാജ്യത്തെ ആദ്യത്തെ ഇന്റർനെറ്റ് കണക്റ്റഡ് സ്പോർട് യൂട്ടിലിറ്റി വാഹനം അതിന്റെ ഡിസൈനിലും ഫീച്ചറുകളിലുമെല്ലാം വേറിട്ടുനിന്നതോടെയാണ് ആളുകളുടെ മനസിലേക്ക് കയറിക്കൂടിയത്. വിൽപ്പനയിൽ കാണിക്കുന്ന ശ്രദ്ധയും മിടുക്കും സർവീസിലും കൂടി കൊടുത്തപ്പോൾ എംജി പ്രശസ്‌തിയിലേക്ക് ഉയർന്നു. ഇന്നും പലരും സ്വന്തമാക്കാൻ കൊതിക്കുന്ന മോഡലുകളിൽ ഒന്നാണ് ഹെക്‌ടർ എന്നതിൽ തർക്കമൊന്നുമില്ല. അന്നും ഇന്നും ഈ സെഗ്മെന്റിൽ ഹെക്‌ടർ പോലൊരു കിടിലൻ എസ്‌യുവിയില്ലെന്ന് പറഞ്ഞാലും തെറ്റുപറയാനാവില്ല.

മലയാള സിനിമയിലെ ആക്ഷൻ ലേഡി ആരാണെന്ന് ചോദിച്ചാൽ അതിന് ഒരു ഉത്തരമേയുളള സാക്ഷാൽ വാണി വിശ്വനാഥ്. ആക്ഷൻ രംഗങ്ങളിലൂടേയും പൊലീസ് വേഷങ്ങളിലൂടേയും എല്ലാവരുടേയും മനം കവർന്ന നടിയുടെ മനസ് കവർന്നത് മറ്റൊരാളായിരുന്നു. അതേ ബാബുരാജാണ് വാണി വിശ്വനാഥിൻ്റെ ഭർത്താവ്. വീല്ലൻ വേഷങ്ങളിലൂടെ വന്ന ബാബുരാജ് കോമഡി വേഷപകർച്ചയിലൂടെ ഹിറ്റ് സിനിമകളുടെ ഭാഗമായി മാറുകയായിരുന്നു. പ്രത്യേകിച്ച് സോൾട്ട് ആൻ്റ് പെപ്പർ എന്ന ചിത്രത്തിലെ ബാബു എന്ന കഥാപാത്രം. നടൻമാരിലെ മികച്ച ഒരു വാഹനപ്രേമി കൂടിയാണ്.അമേരിക്കൻ വാഹന നിർമാതാക്കളായ ജീപ്പിന്റെ അടുത്തിടെ മുഖംമിനുക്കിയെത്തിയ റാങ്ലറിന്റെ റൂബിക്കോൺ പതിപ്പ് ബാബുരാജ് സ്വന്തമാക്കിയിരുന്നു. ഇപ്പോഴിതാ ഒരു മെർസിഡീസ് ബെൻസ് GLE350 കൂടി സ്വന്തമാക്കിയിരിക്കുകയാണ്.

ലോകത്തിലെ ഏറ്റവും പ്രശസ്തമായ ആഡംബര കാര്‍ ബ്രാന്‍ഡുകളില്‍ ഒന്നാണ് മെര്‍സിഡീസ് ബെന്‍സ്. ഈ ജര്‍മന്‍ കാര്‍ കമ്പനി ലോകത്തിലെ ഏറ്റവും പഴക്കം ചെന്ന കാര്‍ ബ്രാന്‍ഡുകളില്‍ ഒന്ന് കൂടിയാണ്. പതിറ്റാണ്ടുകളായി ഇന്ത്യയിലെ സമ്പന്നരായ ആളുകളുടെ ആദ്യ ചോയ്സാണ് മെര്‍സിഡീസ് ബെന്‍സ്. ഇന്ത്യയിലെ കൊച്ചുകുട്ടികളോട് പോലും ഒരു ലക്ഷ്വറി കാര്‍ ബ്രാന്‍ഡിന്റെ പേര് പറയാന്‍ പറഞ്ഞാല്‍ ലഭിക്കുന്ന ആദ്യത്തെ ഉത്തരം മെര്‍സിഡീസ് ബെന്‍സ് എന്നായിരിക്കും. ജര്‍മനിക്ക് പുറത്ത് കമ്പനിയുടെ ഏറ്റവും പ്രധാനപ്പെട്ട വിപണികളില്‍ ഒന്നാണ് ഇന്ത്യ. അതുകൊണ്ട് തന്നെ മഹാരാഷ്ട്രയിലെ പൂനെക്ക് അടുത്തുള്ള ചക്കനില്‍ കമ്പനി ഒരു പ്ലാന്റ് സ്ഥാപിച്ചിട്ടുണ്ട്.