ഇന്ത്യയിലെ ഏറ്റവും വലിയ കാര്‍ നിര്‍മാതാക്കളാണെങ്കിലും മാരുതി സുസുക്കി ഇലക്ട്രിക് വാഹന വിഭാഗത്തിലേക്ക് ചുവടുവെയ്ക്കാന്‍ അല്‍പ്പം വൈകിയിരുന്നു. മാരുതിയുടെ ഇവി ആകുമ്പോള്‍ തന്നെ പൊതുജനങ്ങള്‍ക്ക് പ്രതീക്ഷകള്‍ അല്‍പ്പം കൂടുതല്‍ ആയിരിക്കും. അതുകൊണ്ട് കൃത്യമായ പ്ലാനിംഗുകളോടെയാണ് മാരുതിയുടെ ഓരോ നീക്കങ്ങളും. ഇക്കഴിഞ്ഞ ജനുവരിയില്‍ സമാപിച്ച 2025 ഭാരത് ഇന്ത്യ മൊബിലിറ്റി ഗ്ലോബല്‍ എക്‌സ്‌പോയില്‍ ഇന്തോ-ജാപ്പനീസ് വാഹന നിര്‍മാതാക്കള്‍ തങ്ങളുടെ കന്നി ഇവി പ്രൊഡക്ഷന്‍ അവതാരത്തില്‍ പ്രദര്‍ശിപ്പിച്ചിരുന്നു. ആഗോള പ്രീമിയര്‍ കഴിഞ്ഞ് രണ്ട് മാസങ്ങള്‍ കഴിഞ്ഞതിനാല്‍ കമ്പനി ഇ വിറ്റാര വരും ആഴ്ചകളില്‍ ഔദ്യോഗികമായി പുറത്തിറക്കുമെന്ന് പ്രതീക്ഷിക്കുന്നു.

പ്രതാപമുള്ള കാറുകളുടെ തമ്പുരാക്കൻമാരാണ് ഹോണ്ട. സിറ്റി, സിവിക്, അമേസ് തുടങ്ങിയ സെഡാൻ കാറുകളിലൂടെ ഇന്ത്യക്കാരുടെ മനംകവർന്ന കമ്പനിക്ക് ഇന്ന് പഴയപോലെ വിൽപ്പന കണക്കുകളൊന്നും അവകാശപ്പെടാനില്ലെങ്കിലും ഒന്നിനൊന്നിന് മെച്ചമായ വണ്ടികളാണ് ഇന്നും നിരയിലുള്ളത്. അമേസിനും സിറ്റിക്കും പുറമെ ഹോണ്ട കൊണ്ടുവന്ന എലിവേറ്റും ആളുകളുടെ പ്രിയങ്കരനാണ്. 3 മോഡലുകൾ മാത്രമുള്ള ജാപ്പനീസ് വാഹന നിർമാതാക്കൾ തങ്ങളുടെ ഇന്ത്യൻ മോഡൽ നിര വിപുലീകരിക്കാനുള്ള ആസൂത്രണങ്ങൾ ആവിഷ്ക്കരിച്ചുകഴിഞ്ഞിട്ടുണ്ട്. 2026 നും 2027 നും ഇടയിൽ മൂന്ന് പുതിയ മോഡലുകൾ അവതരിപ്പിക്കുമെന്ന് ഹോണ്ട കാർസ് ഇന്ത്യ പ്രസിഡന്റും സിഇഒയുമായ തകുയ സുമുറ കുറച്ചു നേരത്തെ തന്നെ വ്യക്തമാക്കിയിട്ടുണ്ട്.

പെർഫോമൻസ് ഇഷ്ടപ്പെടുന്നവരുടെ പ്രിയപ്പെട്ട വണ്ടിയാണ് ഹ്യുണ്ടായി ക്രെറ്റ് N ലൈൻ. ഹ്യുണ്ടായി ക്രെറ്റ N ലൈന്‍ N8, N10 എന്നിങ്ങനെ രണ്ട് വേരിയന്റുകളില്‍ ലഭ്യമാണ്.ഈ മോഡലുകളുടെ പ്രാരംഭ വില 16.93 ലക്ഷം രൂപയാണ്. ടോപ് സ്‌പെക് വേരിയന്റിന് 20.56 ലക്ഷം രൂപ മുടക്കണം. എക്‌സ്‌ഷോറൂം വിലകളാണിത്. അറ്റ്‌ലസ് വൈറ്റ്, അബിസ് ബ്ലാക്ക്, ടൈറ്റന്‍ ഗ്രേ മാറ്റ്, തണ്ടര്‍ ബ്ലൂ വിത്ത് അബിസ് ബ്ലാക്ക് റൂഫ്, അറ്റ്‌ലസ് വൈറ്റ് വിത്ത് അബിസ് ബ്ലാക്ക് റൂഫ്, ഷാഡോ ഗ്രേ വിത്ത് അബിസ് ബ്ലാക്ക് റൂഫ് എന്നിവയുള്‍പ്പെടെ വൈവിധ്യമാര്‍ന്ന മോണോടോണ്‍, ഡ്യുവല്‍-ടോണ്‍ നിറങ്ങളില്‍ ഹ്യുണ്ടായി ക്രെറ്റ N ലൈന്‍ വാങ്ങാനാവും.

ക്ഷീര കര്‍ഷകന്‍ എന്ന് കേള്‍ക്കുമ്പോള്‍ നമുക്ക് ആദ്യം ഓര്‍മ വരിക പാത്രത്തില്‍ ഓരോ ദിവസവും കറന്നെടുക്കുന്ന പാലുമായി സൊസൈറ്റിയിലേക്ക് പോകുന്ന നാട്ടിന്‍ പുറത്തുകാരെയാകും. രാജ്യത്തിന്റെ പല ഭാഗങ്ങളിലും പാലും പാലുല്‍പ്പന്നങ്ങളും വിറ്റ് പണക്കാരായ ഒത്തിരി പേരുണ്ട്. ഇന്ത്യയിലെ ഗുജറാത്ത്, പഞ്ചാബ് മേഖലകളില്‍ പാലുല്‍പ്പന്നങ്ങള്‍ ഉത്പാദിപ്പിക്കുന്ന നിരവധി കമ്പനികള്‍ ഉയര്‍ന്നുവന്നിട്ടുണ്ട്. അത്തരത്തിലുള്ള ഒരു കമ്പനിയാണ് പഞ്ചാബ് സിന്ധ് പ്രീമിയം ഡയറി. പാല്‍ക്കട്ടികളും ലസ്സിയുമാണ് ഈ ബ്രാന്‍ഡിന്റെ ജനപ്രിയ ഉല്‍പ്പന്നങ്ങള്‍. ഈ കമ്പനിയുടെ ഡയറക്ടര്‍ സ്വരഞ്ജിത് സിംഗ് ബജാജ് ഇന്ത്യയില്‍ ഇതുവരെ ആരും സ്വന്തമാക്കിയിട്ടില്ലാത്ത ഒരു സ്‌പെഷ്യല്‍ കാര്‍ വാങ്ങിയിട്ടുണ്ട്. അത് ഏതാണെന്ന് നോക്കാം.

ഓരോ ദിവസവും നിരവധി മനുഷ്യരാണ് കാർ, ബസ്, മെട്രോ, ഓട്ടോ, ട്രെയിൻ തുടങ്ങി വ്യത്യസ്ത ഗതാഗത മാർഗങ്ങളിലൂടെ യാത്ര ചെയ്യുന്നത്. എന്നാൽ വിമാനത്തിൽ (Flight Travel) ഇന്നും യാത്ര ചെയ്യാത്തവരായിരിക്കും കൂടുതലുമുള്ളത്. ഏവർക്കും കൌതുകകരമായ യാത്ര സമ്മാനിക്കുന്ന നിമിഷമായിരിക്കും ഫ്ലൈറ്റിലേത്. വിമാനത്തിൽ യാത്ര ചെയ്യാൻ എല്ലാവർക്കും ഇഷ്ടമാണെങ്കിലും ഉയർന്ന യാത്രാക്കൂലിയാണ് പലരേയും ഇതിൽ നിന്നും പിന്തിരിപ്പിക്കുന്നത്. പിന്നെ മറ്റ് ഗതാഗതമാർഗങ്ങൾ ഉപയോഗിക്കുന്നത് പോലെ ഓടിപ്പോയിട്ടൊന്നും വിമാനത്തിൽ കയറാനുമാവില്ല. ഒരുപാട് സെക്യൂരിറ്റി പരിശോധനകൾ പൂർത്തിയായാൽ മാത്രമേ വിമാനത്തിനുള്ളിൽ കയറിക്കൂടാനാവൂ.

ആഡംബര വാഹനങ്ങളുടെ ഇൻ്റീരിയറിൽ കയറിയാൽ പിന്നെ ഇറങ്ങാനേ തോന്നില്ല. അത് മാത്രമല്ല എണ്ണിയാൽ തീരാത്ത ഫീച്ചറുകളാണ് ലക്ഷ്വറി വാഹനങ്ങളിൽ ഉളളത്. വാഹനങ്ങളിൽ മാറ്റങ്ങൾ കൊണ്ടുവരിക എന്നത് എല്ലാ ബ്രാൻഡുകളും ചെയ്യുന്നതാണ്. 911, ടെയ്കാൻ, പനമേര,കയീൻ എന്നിവയിൽ ഉപയോഗക്ഷമതയും അത് പോലെ തന്നെ കണക്റ്റിവിറ്റിയും മെച്ചപ്പെടുത്താൻ ലക്ഷ്യമിടുന്നതിന് കാര്യമായ സാങ്കേതിക മാറ്റങ്ങൾ അവതരിപ്പിക്കാനാണ് കമ്പനി പദ്ധതി ഇടുന്നത്. ഏറ്റവും പുതിയ മോഡലുകളിലെ മെച്ചപ്പെടുത്തിയ ഓഡിയോ സാങ്കേതികവിദ്യ എന്നിവ ഉൾപ്പെടെയുള്ള അപ്‌ഡേറ്റുകൾ, കൂടുതൽ കണക്റ്റുചെയ്‌തതും പ്രവർത്തനക്ഷമവുമായ ഇൻ-കാർ അനുഭവമാണ് വാഗ്ദാനം ചെയ്യുന്നത്.

സാധാരണ സെലിബ്രിറ്റുകളുടെ ഗരാജില്‍ കൂടുതലും ആഡംബര കാറുകളാണ് സ്ഥാനം പിടിക്കാറുള്ളത്. സാധാരണക്കാര്‍ അല്ലെങ്കില്‍ മിഡില്‍ ക്ലാസ് ഉപയോഗിക്കുന്ന കാറുകളില്‍ സഞ്ചരിക്കാന്‍ സെലിബ്രിറ്റികളില്‍ അധികം പേരും താല്‍പര്യപ്പെടുന്നില്ല. എന്നാല്‍ ഇന്ത്യയില്‍ ചുരുക്കം ചില അഭിനേതാക്കാള്‍ സാധാരണ കാറുകളില്‍ സഞ്ചരിക്കാന്‍ ഒരു മടിയും കാണിക്കാത്തവര്‍ ഉണ്ട്. അതില്‍ ഇന്ത്യയില്‍ ഏറ്റവും കൂടുതല്‍ പ്രതിഫലം പറ്റുന്ന നായിക നടിമാരില്‍ ഒരാളും ഉള്‍പ്പെടുന്നു.മാരുതി സുസുക്കി സ്വിഫ്റ്റ്, ബ്രെസ എന്നീ കുറഞ്ഞ വിലയുള്ള കാറുകളില്‍ സഞ്ചരിക്കുന്ന ഒരു ബോളിവുഡ് നടി ഇപ്പോള്‍ ലെക്‌സസിന്റെ ആഡംബര എംപിവിയിലേക്ക് അപ്‌ഗ്രേഡ് ചെയ്തിട്ടുണ്ട്. അത് ആരാണെന്ന് നമുക്ക് നോക്കാം.

ഇലക്ട്രിക് വാഹനങ്ങളിൽ ടാറ്റ തന്നെയാണ് എല്ലാവർക്കും പ്രിയപ്പെട്ടത്. രാജ്യത്ത് നിരവധി മോഡലുകൾ ടാറ്റ അവതരിപ്പിച്ചിട്ടുണ്ട്. ഇപ്പോഴിതാ മൗറീഷ്യസിലും ടാറ്റ തങ്ങളുടെ ഇലക്ട്രിക് വാഹനങ്ങൾ അവതരിപ്പിച്ചിരിക്കുകയാണ്. ടിയാഗോ ഇവി,പഞ്ച് ഇവി, നെക്സോൺ ഇവി എന്നീ മോഡലുകളാണ് ടാറ്റ അവതരിപ്പിച്ചിരിക്കുന്നത്. മൗറീഷ്യസിൽ അലൈഡ് മോട്ടോർസുമായി സംയുക്തമായിട്ടാണ് ടാറ്റ തങ്ങളുടെ ഇവി ലൈനപ്പുകൾ അവതരിപ്പിച്ചിരിക്കുന്നത്. ടിയാഗോ ഇവിക്ക് 7.99 ലക്ഷം രൂപയാണ് പ്രാരംഭ എക്‌സ് ഷോറൂം വില. XE, XT, XZ+, XZ+ ടെക് എന്നിങ്ങനെ നാല് വേരിയന്റുകളില്‍ ഇവി വാങ്ങാം.

2024-2025 സാമ്പത്തിക വര്‍ഷം അവസാനിക്കാന്‍ ഇനി വിരലിലെണ്ണാവുന്ന ദിവസങ്ങള്‍ മാത്രമാണ് ബാക്കിയുള്ളത്. ഇതോടെ പതിവ് തെറ്റിക്കാതെ വാഹന നിര്‍മാതാക്കളും വില വര്‍ധനവ് പ്രഖ്യാപിച്ചിട്ടുണ്ട്. ഇന്ത്യയിലെ ഏറ്റവും വലിയ വാഹന നിര്‍മാതാക്കളായ മാരുതി സുസുക്കിയാണ് ഇതിന് തുടക്കമിട്ടത്. എക്‌സ്‌ചേഞ്ച് ഫയലിംഗിലൂടെയാണ് മാരുതി സുസുക്കി 2025 ഏപ്രില്‍ മുതല്‍ തങ്ങളുടെ കാറുകളുടെ വില വര്‍ധിപ്പിക്കുമെന്ന് അറിയിച്ചത്. ഇന്തോ-ജാപ്പനീസ് വാഹന നിര്‍മാതാക്കള്‍ ഈ വര്‍ഷം ഇത് മൂന്നാമത്തെ തവണയാണ് വില കൂട്ടുന്നത്. ഇത്തവണ വില വര്‍ധന 4% വരെ ഉണ്ടാകുമെന്നാണ് റിപ്പോര്‍ട്ട്.

പുതുതായി ഒരു കാർ വാങ്ങുക എന്നത് മുൻകാലങ്ങളെ അപേക്ഷിച്ച് വളരെ എളുപ്പമുള്ള പരിപാടിയായി മാറിയിട്ടുണ്ട്. പ്രമുഖ ബാങ്കുകളും മറ്റ് ധനകാര്യ സ്ഥാപനങ്ങളുമെല്ലാം ആകർഷകമായ പലിശ നിരക്കിൽ കാർ ലോണുകളും നൽകുന്നതിനാൽ അത്യാവിശ്യം വരുമാനമുള്ളവർക്ക് കാർ മുതലാളിയാവാനാവും. ഇന്ന് കേരളത്തിലെ ഒട്ടുമിക്ക വീടുകളിലും കാറുകളായിത്തുടങ്ങിയിട്ടുമുണ്ട്. പണ്ടൊരു ആഡംബര വസ്‌തുവായാണ് നാം ഇതിനെ കണ്ടിരുന്നതെങ്കിൽ ഇന്നത്തെ കാലത്ത് കാറുകൾ ആവശ്യകാര്യമായി മാറിയിട്ടുണ്ട്. പിന്നെ പണ്ടത്തെ പോലെ കുറഞ്ഞ വിലയൊന്നുമല്ല ഇപ്പോഴുള്ളത് എന്നത് ഏവർക്കും അറിയാമല്ലോ. ദീർഘനാളത്തേക്ക് അത്യാവിശ്യം നല്ലൊരു കാർ വാങ്ങണമെങ്കിൽ 10 ലക്ഷത്തിന് അടുത്ത് വിലയും കൊടുക്കേണ്ടി വരും.

രാജ്യം കാത്തിരിക്കുന്ന ഒരു എൻട്രിയാണ് ഇലക്ട്രിക് ഭീമനായ ടെസ്‌ലയുടേത്. എന്നാൽ അതിന് മുന്നേ രാജ്യത്ത് സ്ഥാനം പിടിക്കാൻ ഒരു ചൈനീസ് കമ്പനി വരുന്ന കാര്യം നിങ്ങൾ അറിഞ്ഞോ. കാര്യം ചൈനീസ് കമ്പനിക്കെന്താ നമ്മുടെ രാജ്യത്ത് കാര്യം എന്ന് ചോദ്യം ഉയർന്നേക്കാം. എന്നാൽ ബിവൈഡി എന്ന ബ്രാൻഡ് ഉപഭോക്താക്കൾക്ക് ഇടയിൽ ഉണ്ടാക്കി എടുക്കുന്ന ഓളം ചെറുതൊന്നുമല്ല. സംഭവം എന്താണെന്ന് വച്ചാൽ ബിവൈഡി തെലങ്കാനയിൽ തങ്ങളുടെ നിർമാണ പ്ലാൻ്റ് ആരംഭിക്കാനുളള തയ്യാറെടുപ്പുകൾ നടത്തിക്കൊണ്ടിരിക്കുകയാണ് എന്നാണ് പുറത്ത് വരുന്ന പുതിയ റിപ്പോർട്ടുകൾ വ്യക്തമാക്കുന്നത്.

ഇന്ത്യന്‍ വിപണിയിലെ ഏറ്റവും ജനപ്രിയമായ കാറുകളില്‍ ഒന്നാണ് ടൊയോട്ട ഇന്നോവ ക്രിസ്റ്റ. പുതിയ തലമുറ ഇന്നോവ പുറത്തിറങ്ങിയിട്ടും ക്രിസ്റ്റ ടൊയോട്ട വിപണിയില്‍ നിന്ന് പിന്‍വലിക്കാത്തത് അതിന്റെ ജനപ്രീതി ഒന്ന് കൊണ്ട് മാത്രമാണ്. സ്വകാര്യ ഉപഭോക്താക്കള്‍ക്ക് മാത്രമല്ല ടാക്സിക്കാര്‍ക്കും ക്രിസ്റ്റ ഭയങ്കര ഇഷ്ടമാണ്. ഈ മള്‍ട്ടി പര്‍പ്പസ് വാഹനം 7 സീറ്റര്‍, 8 സീറ്റര്‍ ഓപ്ഷനുകളില്‍ ലഭ്യമാണ്. അതുകൊണ്ടാണ് ധാരാളം യാത്രക്കാരെ ഉള്‍ക്കൊള്ളാന്‍ കഴിയുന്ന ഈ കാര്‍ ഫ്ലീറ്റ് ഉപഭോക്താക്കള്‍ക്കിടയില്‍ ജനപ്രിയമായത്. ഇന്ത്യയില്‍ പ്രീമിയം ടാക്സികളായി ഉപയോഗിക്കാന്‍ വളരെ അനുയോജ്യമായ കാറുകളില്‍ ഒന്നായാണ് ടൊയോട്ട ഇന്നോവ ക്രിസ്റ്റ കണക്കാക്കപ്പെടുന്നത്.

അല്ലു അര്‍ജുന്‍ നായകനായ പുഷ്‌പ 2 മല്ലൂസിനെ തൃപ്ത്തിപ്പെടുത്തിയില്ലെങ്കിലും ചുരുങ്ങിയ സമയത്തിനുള്ളില്‍ 1000 കോടി രൂപ സ്വന്തമാക്കി ബോക്‌സ് ഓഫീസില്‍ റെക്കോര്‍ഡ് സൃഷ്‌ടിച്ച് മുന്നേറിയിരുന്നു. പടത്തിൽ നായികയായി എത്തിയ രാശ്‌മിക മന്ദാനയും വെറുപ്പിച്ചുവെങ്കിലും പുഷ്‌പയുടെ രണ്ടാം ഭാഗത്തിലെ ഒറ്റ പാട്ടിലൂടെ മലയാളികളെ വരെ ഫാൻസാക്കി പോയ പെൺകുട്ടിയാണ് ശ്രീലീല. കിസിക് എന്ന ഐറ്റം സോംഗിലൂടെ ലോകത്തെമ്പാടും താരം വലിയ ആരാധകവൃന്ദത്തെയാണ് സൃഷ്‌ടിച്ചെടുത്തത്. താരങ്ങള്‍ക്ക് പാന്‍ ഇന്ത്യന്‍ പ്രശസ്തി കൈവരാന്‍ സിനിമ വേണ്ട ഒറ്റ പാട്ട് മതിയെന്ന് ശ്രീലീല തെളിയിക്കുകയും ചെയ്‌തു.

2025 കിയ EV6 മോഡലിൻ്റെ ഫെയ്സ്‌ലിഫറ്റ് പതിപ്പ് ബ്രാൻഡ് അവതരിപ്പിച്ചിരിക്കുകയാണ്. GT ലൈന്‍, GT ലൈന്‍ AWD എന്നീ രണ്ട് വേരിയന്റുകളില്‍ ലഭ്യമായിരുന്ന പ്രീ-ഫെയ്സ്ലിഫ്റ്റ് മോഡലില്‍ നിന്ന് വ്യത്യസ്തമായി 2025 മോഡല്‍ GT ലൈന്‍ AWD രൂപത്തില്‍ മാത്രമേ ലഭിക്കുകയുളളു എന്നതാണ് ഏറ്റവും വലിയ പ്രത്യേകത. നിറങ്ങളുടെ കാര്യത്തില്‍, കിയ EV6 ഫെയ്സ്ലിഫ്റ്റ് സ്‌നോ വൈറ്റ് പേള്‍, അറോറ ബ്ലാക്ക് പേള്‍, വുള്‍ഫ് ഗ്രേ, റണ്‍വേ റെഡ്, യാച്ച് ബ്ലൂ മാറ്റ് എന്നിങ്ങനെ അഞ്ച് ഓപ്ഷനുകളില്‍ ലഭ്യമാണ്. എന്നാൽ ഇന്ന് നിങ്ങളുടമായി പങ്കുവയ്ക്കാൻ പോകുന്നത് പുതിയ മോഡലിൻ്റെ എടുത്തു പറയേണ്ട കുറച്ച് ഫീച്ചറുകളാണ്. അത് ഏതൊക്കെയാണെന്ന് നോക്കിയാലോ.

മലയാള സിനിമകളുടെ മൊഴിമാറ്റ പതിപ്പുകള്‍ ഇന്ന് കാലത്ത് മറ്റ് ദക്ഷിണേന്ത്യന്‍ ഭാഷകളില്‍ പ്രദര്‍ശനത്തിനെത്തുന്നുണ്ട്. എന്നാല്‍ അതിനും വര്‍ഷങ്ങള്‍ക്ക് മുമ്പേ തെലുഗു ഡബ്ബ്ഡ് സിനിമകള്‍ കേരളത്തില്‍ തരംഗം സൃഷ്ടിച്ചിരുന്നു. അല്ലു അര്‍ജുന്‍ ചിത്രങ്ങളായിരുന്നു ഇതിന് അടിത്തറ പാകിയത്. പിന്നാലെ തെലുങ്കില്‍ ഹിറ്റാകുന്ന പല സിനിമകളും മലയാളത്തിലെത്തി. അക്കൂട്ടത്തില്‍ ഒന്നായിരുന്നു ടോളിവുഡിലെ ഓള്‍ടൈം ബ്ലോക്ക്ബസ്റ്റുകളില്‍ ഒന്നായ 'മഗദീര'. എസ്എസ് രാജമൗലി ഒരുക്കിയ ഈ ചിത്രത്തില്‍ നായികയായി എത്തിയ കാജല്‍ അഗര്‍വാളിനെ അന്ന് തൊട്ട് മലയാളികള്‍ക്ക് അറിയാം. 2009-ല്‍ തന്നെ 'ആര്യ 2' എന്ന അല്ലു അര്‍ജുന്‍ ചിത്രത്തില്‍ നായികയായതോടെ പിന്നീട് നടി മലയാളികള്‍ക്ക് സുപരിചതയായി.

സുസുക്കി ബർഗ്മാൻ സ്കൂട്ടർ 125 സിസി സെഗ്മെൻ്റിലെ മികച്ച് ഒരു ഓപ്ഷനാണ്. OBD-2B നിലവാരത്തിലുള്ള എഞ്ചിൻ ഉപയോഗിച്ച് സുസുക്കി ബർഗ്മാൻ സ്ട്രീറ്റ് പുതുക്കി വിപണിയിൽ അവതരിപ്പിച്ചിരുന്നു. ഇതോടെ ആക്സസും മോട്ടോർസൈക്കിളുകളായ വി-സ്ട്രോം, ജിക്‌സർ SF 250, ജിക്‌സർ 250, ജിക്‌സർ SF, ജിക്‌സർ എന്നിവയുൾപ്പെടെ കമ്പനിയുടെ മുഴുവൻ വാഹന നിരയും ഇപ്പോൾ OBD-2B നിലവാരത്തിലേക്ക് മാറ്റുകയും ചെയ്തിരുന്നു. സുസുക്കി ബർഗ്മാൻ സ്ട്രീറ്റ് മാക്‌സി സ്റ്റൈൽ സ്‌കൂട്ടറിന് 95,800 രൂപയാണ് പ്രാരംഭ വില. മോഡലിന്റെ ടോപ്പ് വേരിയന്റ് വാങ്ങണമെങ്കിൽ 1,16,200 രൂപയാണ് എക്സ്ഷോറൂം വില വരുന്നത്.

ഇന്ത്യക്കാര്‍ പണ്ട് കാര്‍ വാങ്ങുമ്പോള്‍ വിലയും മൈലേജും മാത്രം പരിഗണിച്ച സ്ഥാനത്ത് നിന്ന് മാറി ഇപ്പോള്‍ സേഫ്റ്റിയും ഒരു മുന്‍ഗണനയായി മാറിയിട്ടുണ്ട്. ടാറ്റ എന്ന കമ്പനി 'സേഫ്റ്റി' മോട്ടോയാക്കി വിപണിയില്‍ തിളങ്ങുന്നത് നാം കാണുന്നു. മുമ്പ് കാറുകളുടെ ഉയര്‍ന്ന വേരിയന്റുകളില്‍ മാത്രം കണ്ടുവന്നിരുന്ന 6 എയര്‍ബാഗുകള്‍ ഇപ്പോള്‍ ബേസ് വേരിയന്റില്‍ വരെ കിട്ടിത്തുടങ്ങി. രസകരമായ വസ്തുത എന്തെന്നാല്‍ നിലവില്‍ ഇന്ത്യയില്‍ വില്‍ക്കുന്ന ഏറ്റവും കുറഞ്ഞ വിലയുള്ള കാറില്‍ പോലും ഈ സവിശേഷതയുണ്ടെന്നതാണ്. ഈ സാഹചര്യത്തില്‍ 6 എയര്‍ബാഗുകള്‍ ഓഫര്‍ ചെയ്യുന്ന ഇന്ത്യയിലെ ഏറ്റവും കുറഞ്ഞ വിലയുള്ള 15 കാറുകള്‍ നമുക്ക് നോക്കാം.

ഒരു വാഹനം വാങ്ങുമ്പോൾ ഷോറൂമിൽ ചെല്ലുമ്പോൾ അവിടെയുളള എക്സിക്യുട്ടിവിനോട് ആദ്യം ചോദിക്കുന്നത് വണ്ടിക്ക് ഇപ്പോൾ ഓഫർ വല്ലോ ഉണ്ടോ എന്നായിരിക്കും. പല ഡീലർഷിപ്പുകളിലും വ്യത്യസ്ത ഓഫറുകളാണ് നൽകുന്നത്. ഇപ്പോൾ ലഭിക്കാവുന്നതിൽ ഏറ്റവും മികച്ച് ഓഫറുകൾ നൽകുന്നത് ആരാണെന്ന് അറിയണ്ടേ. അത് മറ്റാരുമല്ല നമ്മുടെ ജർമൻ ബ്രാൻഡ് തന്നെയാണ്. ബ്രാൻഡിൻ്റെ ഏറ്റവും ജനപ്രിയ മോഡലുകളാണ് വെർട്ടിസ്,ടൈഗൂൺ എന്നിവ.2022 മാര്‍ച്ചിലാണ് ജര്‍മന്‍ ബ്രാന്‍ഡായ ഫോക്‌സ്‌വാഗണ്‍ വെര്‍ട്ടിസ് സെഡാന്‍ ഇന്ത്യന്‍ വിപണിയില്‍ എത്തിച്ചത്. ഫോക്‌സ്‌വാഗണ്‍ വെന്റോയുടെ പിന്‍ഗാമിയാണ് വെര്‍ട്ടിസ്. ഫോക്‌സ്‌വാഗണ്‍ ടൈഗൂണ്‍, സ്‌കോഡ സ്ലാവിയ, സ്‌കോഡ കുഷാഖ്, വരാനിരിക്കുന്ന സ്‌കോഡ കൈലാക്ക് എന്നിവയ്ക്ക് അടിവരയിടുന്ന MQB-AO-IN പ്ലാറ്റ്‌ഫോമിലാണ് നിര്‍മിക്കപ്പെട്ടത്.

ഏഷ്യയിലെ ഏറ്റവും സമ്പന്നനായ വ്യക്തിയാണ് റിലയന്‍സ് ഇന്‍ഡസ്്രടീസ് ചെയര്‍മാന്‍ മുകേഷ് അംബാനി.സോഷ്യല്‍ മീഡിയ പ്രചാരം നേടിയതിനാല്‍ അംബാനി കുടുംബത്തിലെ എല്ലാവരും ഇന്ന് സുപരിചിതരാണ്. ഭാര്യ നിത അംബാനി മക്കളായ ആകാശ്, അനന്ത്, ഇഷ എന്നിവര്‍ വിവിധ ബിസിനസുകള്‍ ഏറ്റെടുത്ത് നടത്തുന്നു. അതിസമ്പന്നരില്‍ ഒരാള്‍ ആയതിനാല്‍ തന്നെ മുകേഷ് അംബാനിയുടെയും കുടുംബത്തിന്റെയും ലുക്കിലും നടപ്പിലുമെല്ലാം ആ പ്രൗഡി കണ്ടുവരാറുണ്ട്. രാജ്യത്തെ ഏറ്റവും മികച്ച കാര്‍ ഗരാജുകളില്‍ ഒന്നാണ് അംബാനിക്കുള്ളത്. ജിയോ ഗരാജിലുള്ളത് വെറും വില കൂടിയ ആഡംബര കാറുകള്‍ മാത്രമല്ല അവ അതീവ സുരക്ഷിതമായ വാഹനങ്ങള്‍ കൂടി ആണ് എന്നതിനാലാണ് ശ്രദ്ധിക്കപ്പെടുന്നത്.

സെലിബ്രിറ്റികളടേയും വ്യവസായ പ്രമുഖരുടേയും പ്രിയപ്പെട്ട ബ്രാൻഡാണ് മെർസിഡീസ് ബെൻസ്. ഇപ്പോഴിതാ ലക്ഷ്വറി ബ്രാൻഡ് തങ്ങളുടെ ഒരു മോഡലിന് വില വർധനവ് പ്രഖ്യാപിച്ചിരിക്കുകയാണ്. മെർസിഡീസ് ബെൻസിൻ്റെ ലൈനപ്പിൽ അത്യാവശം ഡിമാൻ്റുളള മോഡലാണ് ഇ ക്ലാസ്. നിലവില്‍ E 200, E 220d, E 450 എന്നിങ്ങനെ മൂന്ന് വേരിയന്റുകളിലാണ് ഓഫര്‍ ചെയ്യുന്നത്. ഇ-ക്ലാസ് E 200 വേരിയന്റിന് 78.50 ലക്ഷം രൂപയാണ് വില. അതേസമയം ഇ-ക്ലാസ് E 220d വേരിയന്റിന് 81.50 ലക്ഷം രൂപയും ഇ-ക്ലാസ് E 450 വേരിയന്റിന് 92.50 ലക്ഷം രൂപയുമാണ് വില. എക്‌സ്‌ഷോറൂം വിലയാണിത്.

സാമ്പത്തിക വര്‍ഷം അവസാനക്കുന്നതോടെ രാജ്യത്തെ പ്രമുഖ വാഹന നിര്‍മാതാക്കള്‍ എല്ലാം തന്നെ വില വര്‍ധനവ് പ്രഖ്യാപിച്ചിട്ടുണ്ട്. രാജ്യത്തെ നമ്പര്‍ 1 എസ്‌യുവി നിര്‍മാതാക്കളായ മഹീന്ദ്രയും തങ്ങളുടെ കാറുകള്‍ക്ക് വില വര്‍ധനവ് പ്രഖ്യാപിച്ചിട്ടുണ്ട്. എന്നാല്‍ മഹീന്ദ്രയുടെ ജനപ്രിയ എസ്‌യുവികളില്‍ ഒന്നായ XUV700 വാങ്ങാന്‍ ഉദ്ദേശിക്കുന്നവര്‍ക്ക് ചെറിയ ആശ്വാസമുണ്ട്. മിഡ്‌സൈസ് എസ്‌യുവിയുടെ തെരഞ്ഞെടുക്കപ്പെട്ട വേരിയന്റുകളുടെ വിലയില്‍ ഇപ്പോള്‍ ആഭ്യന്തര വാഹന നിര്‍മാതാക്കള്‍ കുറവ് വരുത്തിയിട്ടുണ്ട്. എതൊക്കെ വേരിയന്റുകള്‍ക്കാണ് വില കുറച്ചതെന്നും ഇതിന് പിന്നിലെ കാരണവും നമുക്ക് വിശദമായി ഈ ലേഖനത്തില്‍ പരിശോധിക്കാം.

ഇന്ത്യയിലെ ഓട്ടോമോട്ടീവ് ലാന്‍ഡ്സ്‌കേപ്പ് അനുദിനം മാറിക്കൊണ്ടിരിക്കുകയാണ്. മലിനീകരണ നിയന്ത്രണ മാനദണ്ഡങ്ങള്‍ കര്‍ശനമാക്കിയതിനെ തുടര്‍ന്ന് ദുര്‍ബലമായിക്കൊണ്ടിരിക്കുന്ന ഒരു വിഭാഗമാണ് ഡീസല്‍ എസ്‌യുവികള്‍. എന്നിരുന്നാലും ഇന്നും ഡീസല്‍ കാറുകള്‍ ഇഷ്ടപ്പെടുന്ന വലിയൊരു വിഭാഗം ജനങ്ങള്‍ ഉണ്ട്. അവയുടെ ഉയര്‍ന്ന മൈലേജും ശക്തമായ ടോര്‍ക്കും ഉപഭോക്താക്കളെ ആകര്‍ഷിക്കുന്നു. ഈ വിഭാഗത്തില്‍ ഓപ്ഷനുകള്‍ കുറഞ്ഞുവരികയാണ്, പ്രത്യേകിച്ച് ഓട്ടോമാറ്റിക് ട്രാന്‍സ്മിഷന്‍ ഓപ്ഷനുകള്‍ തിരയുന്നവര്‍ക്ക്. 25 ലക്ഷം രൂപയ്ക്ക് താഴെ വൈവിധ്യമാര്‍ന്ന ഡീസല്‍ ഓട്ടോമാറ്റിക് എസ്‌യുവികള്‍ അന്വേഷിക്കുന്നവര്‍ക്കായി ഒരു പട്ടിക ഞങ്ങള്‍ തയാറാക്കിയിട്ടുണ്ട്. കോംപാക്ട്, മിഡ്സൈസ് വിഭാഗത്തില്‍ ഇവയില്‍ നിന്ന് അനുയോജ്യമായ ഒന്ന് തെരഞ്ഞെടുക്കാം.

ഇലക്ട്രിക് വാഹനങ്ങൾ രാജ്യത്ത് അവതരിപ്പിച്ചപ്പോൾ ഏറ്റവും കൂടുതൽ കേട്ടിരുന്ന വെല്ലുവിളി ആയിരുന്നു ചാർജിങ്ങ് സ്റ്റേഷനുളുടെ അഭാവം. എന്നാൽ ഇപ്പോൾ ആവശ്യത്തിനുളള ചാർജിങ്ങ് സ്റ്റേഷനുകൾ രാജ്യത്തുണ്ട് എങ്കിലും പലതും കാലഹരണപ്പെട്ടതാണ്. എന്നാൽ ചാർജിങ്ങ് സ്റ്റേഷനുകളുടേയും ചാർജറുകളേയും ഞെട്ടിച്ച് കൊണ്ട് ബിവൈഡി തങ്ങളുടെ 1000 കിലോവാട്ട് ശേഷിയുളള പുതിയ ചാർജർ അവതരിപ്പിച്ചിരിക്കുകയാണ്. ടെസ്‌ല പോലെയുളള ഇവി ഭീമൻമാരുടെ കണ്ണുത്തളളിക്കുന്ന ഓഫറാണ് ബിവൈഡി ഇപ്പോൾ പുറത്തിറക്കിയിരിക്കുന്നത്. ബിവൈഡി മാർച്ച് 17-നായിരുന്നു വിപ്ലവകരമായ ചാർജർ ലോകത്തിന് മുന്നിൽ അവതരിപ്പിച്ചത്. ഇപ്പോൾ തന്നെ ബുക്കിങ്ങുകളുടെ ബഹളമാണ്.

ഇന്ത്യയില്‍ ഓഫ്‌റോഡ് എസ്‌യുവി വിഭാഗം ഭരിക്കുന്നത് മഹീന്ദ്ര ഥാര്‍ ആണ്. കഴിഞ്ഞ വര്‍ഷം ഥാറിന്റെ 5 ഡോര്‍ പതിപ്പായ റോക്‌സ് കൂടി എത്തിയതോടെ ഈ വിഭാഗത്തില്‍ ഥാറിന്റെ അപ്രമാദിത്തമാണ്. 2023-ല്‍ ഥാറിനെ നേരിടാനായി മാരുതി സുസുക്കി ജിംനി 5 ഡോര്‍ കൊണ്ടുവന്നെങ്കിലും ഥാറിന്റെ ഉപഭോക്തൃ അടിത്തറ ഇളക്കാനായില്ല. ജിംനിക്കും മുമ്പേ ഥാറിന് വെല്ലുവിളി ഉയര്‍ത്തിയ മോഡല്‍ ആണ് ഫോഴ്‌സ് ഗൂര്‍ഖ. കഴിവുറ്റ ഓഫ് റോഡര്‍ എസ്‌യുവിയാണെങ്കിലും ഇതിന്റെ വിലയും അത്ര ഫീച്ചര്‍ റിച്ചല്ലാത്തതും കാരണം അത്ര പോപ്പുലറായില്ല. ഇപ്പോള്‍ ഗൂര്‍ഖയെ ഇന്ത്യന്‍ പ്രതിരോധ സേനയില്‍ ഉള്‍പ്പെടുത്തിയിരിക്കുകയാണ് അതിനെ കുറിച്ച് വിശദമായി വായിക്കാം.

രാജ്യത്ത് എല്ലാവരും ആശ്രയിക്കുന്ന ടാക്സി സർവീസാണ് ഓലയും ഊബറും. പ്രത്യേകിച്ച് മെട്രോ നഗരങ്ങളിൽ കൃത്യസമയത്ത് എത്താനും ഏത് ട്രാഫിക്ക് കുരുക്കിൽ കൂടേയും നമ്മളെ ഓഫീസുകളിലും പോകേണ്ട സ്ഥലത്തും എത്തിക്കാൻ കഴിയുന്നവരാണ് ഇവർ. കാർ മാത്രമല്ല ഇരുചക്ര വാഹനങ്ങളും അത് പോലെ തന്നെ ഓട്ടോറിക്ഷകളും ഊബറിലും ഓലയിലും ഉണ്ട്. എന്നാൽ ഓലയുടേയും ഊബറിൻ്റേയും വയറ്റത്തടിക്കാൻ കേന്ദ്ര സർക്കാർ ഒരു സഹകരണ ടാക്സി സർവീസ് ആരംഭിക്കാൻ പദ്ധതിയിടുകയാണ്. 2 വീലർ,3 വീലർ അത് പോലെ തന്നെ കാറുകളും ഉൾപ്പെടുത്തും എന്നാണ് റിപ്പോർട്ടുകളിൽ നിന്ന് വ്യക്തമാകുന്നത്. സർക്കാർ ആരംഭിക്കുന്ന ഇത്തരത്തിലൊരു സർവീസ് ലോകത്തിലെ തന്നെ ആദ്യത്തേത്ത് ആണ്.