വിൽപ്പനയിൽ മുന്നിൽ നിൽക്കുന്ന ബ്രാൻഡാണ് മാരുതി സുസുക്കി എന്ന് എല്ലാവർക്കും അറിയാവുന്ന കാര്യമാണല്ലോ. എന്നാൽ ഇപ്പോൾ കനത്ത മത്സരം നടക്കുകയാണ്. ഇന്ത്യൻ ബ്രാൻഡുകളെ പിന്നിലാക്കാൻ വിദേശ ബ്രാൻഡുകൾ കിണഞ്ഞ് പരിശ്രമിക്കുന്നുണ്ട്. എതിരെ മത്സരിക്കാൻ ആളുണ്ടെങ്കിലെ ഒരു രസമുളളു എന്നതാണ് മാരുതിയുടെ പോളിസി എന്ന് തോന്നുന്നു. എതിരാളികളെ മലർത്തിയടിക്കാൻ പുതുതായി ഹരിയാനയിൽ ഉദ്ഘാടനം ചെയ്ത പ്ലാൻ്റിൽ നിർമാണം ആരംഭിച്ചിരിക്കുകയാണ് കമ്പനി. ഇതോടെ കമ്പനിയുടെ വാർഷിക ഉത്പാദനം 2.6 മില്യണിലേക്ക് എത്തും. തുടക്കത്തിൽ മാരുതി സുസുക്കി ബ്രെസ്സയായിരിക്കും പുതിയ പ്ലാൻ്റിൽ നിർമിക്കുക എന്നാണ് കമ്പനി അറിയിച്ചിരിക്കുന്നത്.

ഹെക്‌ടർ എസ്‌യുവിയിലൂടെ (MG Hector SUV) ഇന്ത്യൻ വാഹന വിപണിയിലേക്ക് എത്തിയവരാണ് എംജിയെങ്കിലും കമ്പനി ഇപ്പോൾ അറിയപ്പെടുന്നത് ഇലക്‌ട്രിക് വാഹനങ്ങളിലൂടെയാണെന്ന് വേണം പറയാൻ. കോമെറ്റ് (Comet), വിൻഡ്‌സർ (Windsor), ZS എന്നീ ത്രിമൂർത്തികൾ കച്ചോടം പൊടിപൊടിക്കുകയാണിപ്പോൾ. എങ്കിലും ICE എഞ്ചിൻ മോഡലുകളെ പൂർണമായും കൈയൊഴിയാൻ ബ്രാൻഡ് തയാറായിട്ടില്ലെന്ന് വേണം പറയാൻ. അന്നും ഇന്നും ഈ സെഗ്മെന്റിൽ ഹെക്‌ടർ പോലൊരു കിടിലൻ എസ്‌യുവിയില്ലെന്ന് പറഞ്ഞാലും തെറ്റുപറയാനാവില്ല. ഒന്നാന്തരം ഫീച്ചറുകളും ഫ്യൂച്ചറിസ്റ്റിക് ഡിസൈനുമെല്ലാമായി ഹെക്‌ടർ മാന്യമായ വിൽപ്പനയാണ് ഇപ്പോഴും കൊണ്ടുവരുന്നത്.

ജർമൻ സ്പോർട്‌സ് വാഹന നിർമാതാക്കളായ പോർഷയുടെ ഏറ്റവും ജനപ്രിയ മോഡലാണ് കയീൻ ജിടിഎസ്. 2 കോടി രൂപയോളം എക്സ്ഷോറൂം വില വരുന്ന പോർഷ കയീൻ ജിടിഎസ് എസ്‌യുവിക്ക് ടാക്‌സും ഇൻഷുറൻസും മറ്റ് ചെലവുകളുമെല്ലാമായി കേരളത്തിൽ ഏകദേശം 2.50 കോടി രൂപയോളം ചെലവ് വരുമെന്നാണ് കണക്കുകൾ. സെലിബ്രിറ്റികൾ മെർസിഡീസ് ബെൻസിലേക്കും ലാൻഡ് റോവറിലേക്കും പോകുമ്പോൾ ചില വ്യവസായ പ്രമുഖർക്ക് പ്രിയം പോർഷയാണ്. കേരളത്തിലെ ഒരു പ്രമുഖ വസ്ത്ര വ്യാപാര സ്ഥാപനമാണ് മഹാലക്ഷ്മി സിൽക്സ്. കടയുടമ വിനോദ് കുമാർ ബിസിനസുകാർക്കിടയിൽ വളരെ പ്രശസ്തനാണ്. അദ്ദേഹം തൻ്റെ ഗാരേജിലേക്ക് ഒരു പ്രമുഖനെ കൂടി കൊണ്ടുവന്നിരിക്കുകയാണ്.

പല ഭാഷകളിലായി അരങ്ങേറുന്ന ഏറ്റവും ജനപ്രിയമായ റിയാലിറ്റി ഷോയാണ് ബിഗ് ബോസ് (Big Boss). മലയാളത്തിനേക്കാളും കൂടുതൽ സീസണുകളുമായി തമിഴിലും ഹിന്ദിയിലുമെല്ലാം വലിയ ആരവമാണ് ഈ ടിവി ഷോയ്ക്കുള്ളത്. ഇതിലെ ഒട്ടുമിക്ക താരങ്ങൾക്കും വലിയ ആരാധകവൃന്ദവും ആർമി എന്നുവിളിക്കുന്ന സോഷ്യൽ മീഡിയ ഫാൻസ് അസോസിയേഷനും എല്ലാം ഉണ്ടാവുമെന്ന് അറിയാല്ലോ. ഇത്തരത്തിൽ മിനി സ്ക്രീനിലൂടെ പ്രശസ്‌തനായ ആളാണ് സമർത് ജൂറൽ. ബിഗ് ബോസ് 17-ാം സീസണിലെ വൈൽഡ് കാർഡ് എൻട്രിയായി എത്തിയ സമർത് സോഷ്യൽ മീഡിയയിലും വലിയ സ്റ്റാറാണ് കേട്ടോ.

ടെസ്‌ല ഇന്ത്യയിലേക്കെത്തുന്നു എന്ന വാചകത്തിന് വർഷങ്ങളുടെ പഴക്കമുണ്ട്. നിങ്ങൾ ഇത് പറയാൻ തുടങ്ങിയിട്ട് കാലം കുറെ ആയില്ലേ എന്ന് വായിക്കുമ്പോൾ പ്രിയപ്പെട്ട വായനക്കാർക്ക് തോന്നിയേക്കാം. പക്ഷേ എന്തുചെയ്യാം വാഹന ലോകത്തെ വാർത്തകൾ നിങ്ങളോട് പറഞ്ഞില്ലെങ്കിൽ വല്ലാത്ത ബുദ്ധിമുട്ടാ. അപ്പോൾ നമ്മൾ പറഞ്ഞുവരുന്നതെന്താണെന്ന് വച്ചാൽ ടെസ്‌ലയ്ക്ക് നമ്മുടെ രാജ്യത്തേക്ക് വരണമെന്ന് അതിയായ ആഗ്രഹമുണ്ട്. നമ്മുടെ നാട്ടിലെ ഹരിതാഭയും പച്ചപ്പും ഒക്കെ കണ്ട് ഇന്ത്യയിൽ തൻ്റെ ഇലക്ട്രിക് വിത്ത് പാകാൻ തക്കം നോക്കിയിരിക്കുകയാണ് ഇലോൺ മസ്ക്. എന്നാൽ നമ്മുടെ പ്രധാനമന്ത്രി ആദ്യം തന്നെ നെഞ്ചുവിരിച്ച് നിന്ന് പറഞ്ഞത് വണ്ടി ഒക്കെ ഇറക്കിക്കോ പക്ഷേ ചുള ഇറക്കി ടാക്സ് അടച്ചാലേ പറ്റു എന്നാണ്.

സെൽറ്റോസിലൂടെ ഇന്ത്യക്കാർക്ക് പ്രിയങ്കരനായി മാറിയ വാഹന നിർമാണ കമ്പനിയാണ് കിയ. പിന്നീട് ഇറക്കിയ കാർണിവലും സോനെറ്റും കാരെൻസിനുമെല്ലാം ഇതേ വിജയം ആവർത്തിക്കുകയും ചെയ്‌തു. ഇതിനിടയിൽ ഒരു കുഞ്ഞൻ എസ്‌യുവിയേയും ഇക്കഴിഞ്ഞ ദിവസം കിയ അവതരിപ്പിക്കുകയുണ്ടായി. സിറോസ് എന്നുപേരിട്ടിരിക്കുന്ന മോഡൽ ചെറിയ വിലയ്ക്ക് കിട്ടുന്ന ആഡംബര കാറാണെന്ന് വേണം വിശേഷിപ്പിക്കാൻ. വിപണിയിലെത്തി ഏതാനും ദിവസങ്ങൾക്കുള്ളിൽ 20,000 ബുക്കിംഗുകൾ വാരിയിരിക്കുകയാണ് ഈ കുഞ്ഞൻ യൂട്ടിലിറ്റി വാഹനം. 2025 ജനുവരി 3 മുതൽ ആരംഭിച്ച സിറോസിന്റെ ബുക്കിംഗിന് രണ്ടാം മാസത്തിലേക്ക് എത്തുന്നതിന് മുമ്പാണ് ഇത്രയും വലിയ സംഖ്യയിലേക്ക് വിവർത്തനം ചെയ്‌തിരിക്കുന്നത്.

തലക്കെട്ടിൽ പറഞ്ഞിരിക്കുന്നത് പോലെ മലബാറിൻ്റെ അഭിമാനവും അത് പോലെ തന്നെ രോഗികളുടെ വിശ്വസ്ത ആശുപത്രിയുമാണ് ബേബി മെമ്മോറിയൽ ഹോസ്പിറ്റൽ. രോഗികളെ പിഴിഞ്ഞ് കാശുണ്ടാക്കുന്ന മറ്റ് ആശുപത്രികളെ പോലെ അല്ല ബേബി മെമ്മോറിയൽ ഹോസ്പിറ്റൽ. അവിടെ എത്തുന്ന രോഗികൾക്ക് എല്ലാ വിധ മികച്ച ചികിത്സ ലഭിക്കുന്നുണ്ട് എന്ന് ഉറപ്പാക്കുകയും, നിരാലംബരായവർക്ക് എന്നും താങ്ങും തലണുമാവാനാണ് ഹോസ്പിറ്റിൽ ശ്രമിച്ചിട്ടുളളു. അതിന് അഭിനന്ദിക്കേണ്ടത് ഹോസ്പിറ്റിലിൻ്റെ തലപ്പത്ത് ഇരിക്കുന്ന വ്യക്തികളെയാണ്. സേവനം കച്ചവടമാക്കുന്ന ഇന്നത്തെ കാലത്ത് നല്ല കാര്യങ്ങൾക്ക് മാനേജ്മെൻ്റ് മുൻഗണന കൊടുക്കുന്നത് കണ്ടില്ലെന്ന് വയ്ക്കാൻ സാധിക്കുന്ന ഒന്നല്ല.

യൂട്യൂബിൽ ചാനലുകൾ തുടങ്ങി പ്രശസ്തരായ നിരവധി പേരുണ്ട് മലയാളത്തിൽ. ഒറ്റയ്ക്ക് ചാനൽ തുടങ്ങിയതിന് ശേഷം കല്ല്യാണം കഴിഞ്ഞാൽ പിന്നെ കപ്പിൾസായി വീഡിയോ ചെയ്യുന്നതാണല്ലോ പതിവ്. കേരളത്തിൽ വരെ ഫാൻസുളള ഒരു കപ്പിൾസ് ആണ് മധു ഗൗഡയും ഭർത്താവും. ഇപ്പോഴിതാ ദമ്പതികളുടെ ജീവിതത്തിലേക്ക് ഒരു പുതിയ അതിഥി കൂടി എത്തിയിരിക്കുകയാണ്. ഇനി ഇവരുടെ യാത്രയ്ക്ക് കൂട്ടായി മഹീന്ദ്ര ഥാർ റോക്സ് കൂടിയുണ്ട്. മധു തന്നെയാണ് സോഷ്യൽ മീഡിയ പേജിലൂടെ സന്തോഷം പങ്കുവച്ച്ത്. ഡെലിവറി വീഡിയോയും താരം പങ്കുവച്ചിട്ടുണ്ട്. കഴിഞ്ഞ വർഷം ഒക്ടോബറിലായിരുന്നു ഇവരുടെ വിവാഹം. ഥാർ റോക്സിന് നീണ്ട കാത്തിരിപ്പ് കാലാവധിയുളളത് കൊണ്ട് തന്നെ അവർ വിവാഹത്തിന് മുൻപ് തന്നെ ബുക്ക് ചെയ്തിരുന്നു എന്ന് വേണം കരുതാൻ.

അഡ്വഞ്ചർ മോട്ടോർസൈക്കിളുകളോട് ഇന്ത്യക്കാർക്ക് പ്രിയം കൂടിയത് റോയൽ എൻഫീൽഡ് ഹിമാലയന്റെ വരവോടെയാണെന്ന് വേണം പറയാൻ. പിന്നീട് ഹീറോ എക്‌സൾസ് പോലെയുള്ള ചില കിടിലൻ മോഡലുകളും അവതരിക്കപ്പെട്ടപ്പോൾ ഓസ്ട്രിയൻ ഇരുചക്ര വാഹന നിർമാതാക്കളായ കെടിഎമ്മാണ് എൻഫീൽഡിനെ വെല്ലാൻ പാകത്തിനുള്ള ഉശിരൻ മോഡലുമായി രംഗത്തെത്തിയത്. 390 അഡ്വഞ്ചർ അങ്ങനെ രൂപമെടുത്ത ബൈക്ക് അതിവേഗം രാജ്യത്ത് ഹിറ്റാവുകയായിരുന്നു. ജനപ്രിയനായിരുന്ന 390 ഡ്യൂക്കിനെ അടിസ്ഥാനമാക്കി പണികഴിപ്പിച്ച മോഡൽ അതിവേഗം ഹിറ്റാവുകയും ചെയ്‌തു. ഹൈവേകളിൽ പോലും പുറത്തെടുക്കാനാവുന്ന മിന്നും പ്രകടനം തന്നെയാണ് ഇതിനെ ഹിമാലയനിൽ നിന്നും വേറിട്ടുനിർത്തിയിരുന്നത്.

പണ്ട് വയസൻമാരുടെ ബ്രാൻഡായി പലരും മുദ്രകുത്തിയിരുന്ന മോട്ടോർസൈക്കിൾ കമ്പനിയായിരുന്നു റോയൽ എൻഫീൽഡ് എങ്കിൽ ഇന്ന് യൂത്തൻമാരുടെ സ്വന്തം ബ്രോയാണ് ഈ റെട്രോ ക്ലാസിക് ഇരുചക്ര വാഹന നിർമാതാക്കളെന്ന് നിസംശയം പറയാം. ഹണ്ടറും ഹിമാലയനും കോണ്ടിനെന്റൽ ജിടിയും ഇന്റർസെപ്റ്ററുമെല്ലാം യുവാക്കൾക്കിടയിൽ അത്രത്തോളം പ്രിയം നേടിയെടുത്തിട്ടുണ്ടെന്നതാണ് സത്യം. വികാരവും വിറയലും മാത്രമായിരുന്ന കാലത്തുനിന്നും കംപ്ലീറ്റ് മോഡേണാവാൻ എൻഫീൽഡിന് അധിക കാലമൊന്നും വേണ്ടിവന്നിരുന്നുമില്ല. ഹിമാലയന് പുറമെ ഗറില്ലയും സ്ക്രാമും പോലെയുള്ള ഏറ്റവും പുത്തൻ 450 സിസി ബൈക്കുകൾ കൂടി അടുത്തിടെ അണിനിരന്നപ്പോൾ ഷോറൂമുകളിലെല്ലാം ഉത്സവത്തിരക്കായി.

രാജ്യത്തെ ഏറ്റവും മികച്ച എംപിവി ഏതാണെന്ന ചോദ്യത്തിന് ഉത്തരം ഒന്നേയുളളു അത് ടൊയോട്ട ഇന്നോവ ക്രിസ്റ്റ എന്നതാണ്. പല മോഡിഫിക്കേഷൻ വർക്ഷോപ്പ് ഉടമകളും ക്രിസ്റ്റയെ മറ്റൊരു തലത്തിൽ എത്തിക്കുന്നത് നാം കണ്ടിട്ടുണ്ട്. എന്നാൽ ഇപ്പോൾ നിങ്ങളെ പരിചയപ്പെടുത്തുന്ന ഇന്നോവ ക്രിസ്റ്റയിൽ വരുത്തിയിരിക്കുന്ന മാറ്റങ്ങൾ നിങ്ങൾക്ക് വേറെ ഒരു ക്രിസ്റ്റയിലും കാണാൻ സാധിക്കില്ല എന്നാണ് ഉടമയുടെ അവകാശവാദം. ഓട്ടോറൗണ്ടേഴ്‌സ് തങ്ങളുടെ യുട്യൂബ് പേജിൽ പങ്കുവച്ചിരിക്കുന്ന വീഡിയോ ആണ് നിങ്ങളെ പരിചയപ്പെടുത്തുന്നത്. വാഹനത്തിന്റെ മുൻവശത്ത് ഒരു ലെക്സസ് ബോഡി കിറ്റ് നൽകിയിട്ടുണ്ട്.

വാഹനങ്ങളെ പോലെ തന്നെ വാഹനങ്ങളിലെ ടയറുകൾ. മികച്ച ബ്രാൻഡുകളുടെ ടയറുകളാണ് വാഹനം വാങ്ങുമ്പോൾ ലഭിക്കുന്നത. അതിന് ശേഷം പലരും തങ്ങളുടെ പ്രിയ ബ്രാൻഡിന്റെ ടയർ മാറ്റി ഇടുന്നത് പതിവാണ്. ലോകത്തിലെ മികച്ച ടയറുകളുടെ ലിസ്റ്റിൽ മുന്നിൽ തന്നെയുളള ബ്രാൻഡാണ് യൂറോഗ്രിപ്പ്. ഇപ്പോഴിതാ അവർ പുതിയ രണ്ട് വേരിയൻ്റുകൾ കൂടി അവതരിപ്പിച്ചിരിക്കുകയാണ്. ഇന്ത്യയിൽ അവരുടെ അന്താരാഷ്ട്ര ട്രെയിൽഹൗണ്ട് ടയറുകളാണ് പുറത്തിറക്കിയിരിക്കുന്നത്. ട്രെയിൽഹൗണ്ട് ടയറുകളുടെ മോഡേൺ-ക്ലാസിക് റോഡ്‌സ്റ്ററുകൾ, സ്‌ക്രാംബ്ലറുകൾ, കഫേ റേസറുകൾ എന്നിവയ്‌ക്കുള്ള ട്രെയിൽഹൗണ്ട് SCR, ഇടത്തരം, വലിയ അഡ്വഞ്ചർ മോട്ടോർസൈക്കിളുകൾക്കുള്ള ടയറുകളാണ് അവതരിപ്പിച്ചിരിക്കുന്നത്.

സിനിമ നടി നടൻമാരെ പോലെ തന്നെ ആരാധകരുളളവരാണ് സിനിമ ഗായകരും. സെലിബ്രിറ്റികൾ പുതിയ വാഹനങ്ങൾ വാങ്ങുമ്പോൾ ഗായകരിലും വണ്ടിപ്രാന്തുളള നിരവധി പേരുണ്ട് കേട്ടോ. അത്തരത്തിലൊരു ഇന്ത്യൻ ജനപ്രിയ ഗായികയാണ് സുനിധി ചൗഹാൻ. പ്രിയ ഗായിക പുതിയ കിയ കാർണിവലിൽ വന്നിറങ്ങുന്ന വീഡിയോ ആണ് സോഷ്യൽ മീഡിയയിൽ വൈറലായിരിക്കുന്നത്. ലിമോസിൻ, ലിമോസിൻ പ്ലസ് എന്നിങ്ങനെ രണ്ട് വേരിയന്റുകളിലായി വിപണിയിൽ എത്തുന്ന പുതിയ നാലാം തലമുറ കിയ കാർണിവലിന് ഇന്ത്യയിൽ 63.90 ലക്ഷം രൂപ മുതലാണ് എക്സ്ഷോറൂം വില. വ്യത്യസ്‌ത സീറ്റിംഗ് അറേഞ്ച്മെന്റുമായി നിരത്തുകളിലേക്ക് എത്തുമെന്ന് വിചാരിച്ചിരുന്നുവെങ്കിലും 7-സീറ്റർ ഓപ്ഷനിൽ മാത്രമാണ് കാർണിവൽ ഇത്തവണ വാങ്ങാനാവുക.

ഇന്ത്യയിൽ ഏറ്റവും ഫാൻസുള്ള സ്പോർട് യൂട്ടിലിറ്റി വാഹനങ്ങളിൽ ഒന്നാണ് മഹീന്ദ്ര സ്കോർപിയോ. എസ്‌യുവികളിലെ ബിഗ് ഡാഡി എന്ന വിശേഷണമുള്ള നമ്മുടെ ഐക്കണിക് വാഹനം പലരുടേയും ഡ്രീം കാറുകളിൽ ഒന്നാണ്. പ്രത്യേകിച്ച് ഏറ്റവും പുതിയ N മോഡൽ. അന്യായ ലുക്കും അഡാറ് ഫീച്ചറുകളും ഒടുക്കത്തെ സേഫ്റ്റിയുമെല്ലാമായി വരുന്ന സ്കോർപിയോ N മോഹിക്കാത്ത വണ്ടിപ്രേമികളുണ്ടാവില്ലല്ലോ. എല്ലാ മാസവും പതിനായിരക്കണക്കിന് സ്കോർപിയോകൾ നിരത്തിലിറങ്ങുന്ന നാട് കൂടിയാണ് നമ്മുടെ ഇന്ത്യ. ഇപ്പോഴിതാ പുതുതലമുറ ആവർത്തനമായ N പതിപ്പ് 2 ലക്ഷം യൂണിറ്റുകളുടെ വിൽപ്പനയും പിന്നിട്ട് കുതിക്കുകയാണ്.

ഡസ്റ്റർ (Duster) പടിയിറങ്ങിയതിൽ പിന്നെ കാര്യമായ കച്ചോടമൊന്നുമില്ലാതെ കുഴങ്ങിയിരിക്കുകയാണ് ഫ്രഞ്ച് വാഹന നിർമാതാക്കളായ റെനോ (Renault). കോംപാക്‌ട് എസ്‌യുവിയായി അവതരിച്ച കൈഗറിനും (Kiger) കോംപാക്‌ട് എംപിവിയായി വന്ന ട്രൈബറിനും (Triber) മോശമാക്കാതെ പിടിച്ചുനിൽക്കാനാവുന്നുണ്ടെങ്കിലും ഡസ്റ്റർ കൊണ്ടുവന്ന കണക്കുകളൊന്നും ഇതുവരെ എത്തിപ്പിടിക്കാൻ ഇരുവർക്കുമായിട്ടില്ല. ചെറിയ വിലയ്ക്ക് നല്ല കാറുകൾ നോക്കിനടക്കുന്നവർക്ക് കണ്ണുംപൂട്ടി വാങ്ങാവുന്ന കിടിലൻ മോഡലുകളാണ് റെനോയുടെ നിരയിലുള്ളതെങ്കിലും ആളുകൾ എന്തുകൊണ്ടോ അകലം പാലിച്ചുനിൽക്കുന്നത് നിരാശാജനകമാണ്. മാരുതിയോടോ ടാറ്റയോടോ ഹ്യുണ്ടായിയോടോ മത്സരിക്കാൻ ബ്രാൻഡിനാവുന്നില്ലെന്ന പരാതി ഇനിയങ്ങോട്ട് ഉണ്ടാവില്ലെന്ന് തന്നെ പറയാം.

കേരളത്തിൽ ഇപ്പോൾ റേഞ്ച് റോവറിൻ്റെ മോഡലുകൾക്ക് നല്ല കാലമാണ് എന്നാണ് തോന്നുന്നത്. സെലിബ്രിറ്റികളും പ്രമുഖ വ്യവസായികളും ഇപ്പോൾ പുതിയ വാഹനം വാങ്ങുന്ന തിരക്കിലാണല്ലോ. റേഞ്ച് റോവറിൻ്റെ ഏറ്റവും മികച്ചതും ബ്രാൻഡിൻ്റെ ഫ്ലാഗ്ഷിപ്പ് മോഡലമുമാണ് ഓട്ടോബയോഗ്രഫി. അടുത്തിടെയാണ് നടൻ ടൊവിനോ ഓട്ടോബയോഗ്രഫി സ്വന്തമാക്കിയത്. ഇപ്പോഴിതാ ഭീമ ജ്വല്ലറിയുടെ മാനേജിങ്ങ് ഡയറക്ടറായ സുഹാസ് പുത്തൻ റേഞ്ച് റോവർ ഭീമനെ വീട്ടിലെത്തിച്ചിരിക്കുകയാണ്. ഈ ആഡംബര എസ്‌യുവി കാര്‍ നിലവില്‍ 2.60 കോടി രൂപ എക്സ്ഷോറൂം വിലയിലാണ് വില്‍ക്കുന്നത്. ഇത് നിരത്തിലെത്തിക്കാന്‍ ഏകദേശം 3 കോടി രൂപ പൊടിക്കണം.

ബോളിവുഡിലെ ബോൾഡ് ആൻഡ് ബ്യൂട്ടിഫുൾ നടിമാരിൽ ഒരാളാണ് ഇഷാ ഗുപ്‌ത. പേര് പറഞ്ഞിട്ട് മനസിലാവാത്തവർക്ക് റാസ്‌-3, ജന്നത്ത്-2 എന്നീ ഇമ്രാൻ ഹാഷ്മിയുടെ ചിത്രങ്ങളിലെ നായിക എന്നുപറഞ്ഞാൽ ആളെ പിടികിട്ടും. ഗ്ലാമറസ് റോളുകളിലൂടെ ശ്രദ്ധ നേടിയ ഇഷാ വളരെ വേഗം ബി-ടൌണിലെ തിരക്കേറിയ നടിമാരിൽ ഒരാളായി മാറിയത്. എന്നാൽ പല താരങ്ങളും പറയാന്‍ മടിക്കുന്ന കാര്യങ്ങള്‍ തുറന്നുപറഞ്ഞ് സിനിമ മേഖലയിൽ നിന്നും ശത്രുക്കളെയുണ്ടാക്കിടെയുത്ത നടി വളരെ വേഗം ഫീൽഡ്ഔട്ടാവുന്ന കാഴ്ച്ചയാണ് ആരാധകർക്ക് നോക്കിനിൽക്കേണ്ടി വന്നത്. കാസ്റ്റിംഗ് കൗച്ചിന് ഇരയാവേണ്ടി വന്നിട്ടുണ്ടെന്ന് ഇഷാ വെളിപ്പെടുത്തിയതെല്ലാം വലിയ വാർത്തയായിരുന്നു.

സെലിബ്രിറ്റി ആയാൽ പിന്നെ നിങ്ങളുടെ ഓരോ നീക്കങ്ങളും വീക്ഷിക്കാൻ ക്യാമറക്കണ്ണുകൾ ഉണ്ട് എന്നതാണ് ഏറ്റവും വലിയ പ്രശ്നം. അതിൽ സന്തോഷിക്കുന്നവരുമുണ്ട് കേട്ടോ. പ്രത്യേകിച്ച് നടിമാരും താരങ്ങളും എന്ത് ചെയ്യുന്നു എന്നത് അറിയാനാണ് ആകാംക്ഷ. ഇപ്പോൾ ക്യാമറക്കണ്ണുകളെല്ലാം ഒരു സുന്ദരിയുടെ പിന്നാലെയാണ്. താരം ഇപ്പോൾ വിവാഹമോചനം നേടിയതേയുളളു. ആരാണ് ആ സുന്ദരിയെന്ന് പലർക്കും മനസിലായി കാണും. അതേ പ്രശസ്ത കൊറിയോഗ്രാഫറും ഇന്ത്യൻ ക്രിക്കറ്റ് താരം യുസ്‌വേന്ദ്ര ചാഹലിൻ്റെ മുൻ ഭാര്യമായുമായിരുന്ന ധനശ്രീ വർമയാണ് ക്യാമറക്കണ്ണിൽ കുടുങ്ങിയിരിക്കുന്നത്. 60 കോടി രൂപയാണ് ജീവനാംശമായി താരത്തിന് ലഭിച്ചത്.

ആക്‌ടിവയിലൂടെ (Honda Activa) ഇന്ത്യ കീഴടക്കിയവരാണ് ജാപ്പനീസ് ഇരുചക്ര വാഹന നിർമാതാക്കളായ ഹോണ്ട. ഗിയർലെസ് സ്‌കൂട്ടറുകളുടെ തലതൊട്ടപ്പൻ എന്ന വിശേഷണത്തിനും ഇതുപോലെ അർഹമായൊരു കമ്പനി വേറെയുണ്ടോയെന്ന് സംശയിക്കേണ്ടിയിരിക്കുന്നു. രണ്ട് പതിറ്റാണ്ടിനും മുകളിലായി ഇന്ത്യക്കാർ ഏറ്റവും കൂടുതൽ വാങ്ങുന്ന ടൂവീലറുകളിൽ ഒന്നായി ആക്‌ടിവ തുടരുന്നുണ്ടെങ്കിലും ഡിയോ (Dio), ഗ്രാസിയ (Grazia) പോലുള്ള ചില സഹോദരൻമാരേയും കളത്തിലിറക്കി കച്ചോടം പിടിക്കാൻ ബ്രാൻഡിനായിട്ടുണ്ട്. പക്ഷേ ഇവരുടെ പ്രതാപം പഴയതു പോലെയില്ലെന്നത് ഹോണ്ടയ്ക്ക് നന്നായി അറിയാം. അതിനാൽ പുത്തനൊരു സ്‌കൂട്ടറിനെ പുറത്തിറക്കാനുള്ള തയാറെടുപ്പിലാണ് കമ്പനി.

സിനിമ ഇൻഡസ്ട്രിയിൽ അഭിനയത്തിനോടൊപ്പം തന്നെ മറ്റ് പല ക്രേസുകളുളള നടൻമാരുണ്ട്. എന്നാൽ അതിൽ മുന്നിൽ തന്നെയുളളത് തമിഴ് സൂപ്പർസ്റ്റാർ തല അജിത്താണ്. അദ്ദേഹത്തിന് അഭിനയവും സിനിമയും കഴിഞ്ഞാൽ പിന്നെ ജീവൻ റേസിങ്ങാണ്. സ്പെയിനിൽ വച്ച് നടന്ന പോർഷെ സ്പ്രീൻ്റ് റേസിങ്ങിനിടെ അദ്ദേഹം മറ്റൊരു വാഹനത്തിനെ മറികടക്കുന്നതിനിടെ അപകടത്തിൽപ്പെട്ടിരിക്കുകയാണ്. മൂന്ന് തവണ വാഹനം കരണം മറിഞ്ഞുവെന്ന് വീഡിയോയിൽ കാണാം. നടന് പരിക്കുകളൊന്നും ഇല്ല എന്നാണ് നടൻ്റെ മാനേജർ സോഷ്യൽ മീഡിയയിൽ പങ്കുവച്ച ചിത്രങ്ങളിലും വീഡിയോകളിലും നിന്ന് പങ്കുവച്ചിരിക്കുന്നത്. ഈ മാസം ആദ്യമായിരുന്നു പോര്‍ച്ചുഗലില്‍ നടന്ന കാറോട്ട മത്സരത്തിനുള്ള പരിശീലനത്തിനിടെ അജിത്തിന്റെ കാര്‍ അപകടത്തില്‍പ്പെട്ടത്.

പുതുമോഡലുകളിലൂടെ ഇന്ത്യക്കാരുടെ പ്രിയങ്കരനായി മാറുകയാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. മുമ്പൊക്കെ ഒടുക്കത്തെ മെയിന്റനെൻസാണെന്ന പരാതികളും പരിഭവങ്ങളുമൊക്കെ കാറ്റിൽ പറത്തിക്കൊണ്ടാണ് ബ്രാൻഡിന്റെ ഇപ്പോഴത്തെ കുതിപ്പ്. ആകെ നാല് മോഡലുകൾ മാത്രമാണ് ശ്രേണിയിലുള്ളതെങ്കിലും എല്ലാം അഡാറ് ഐറ്റങ്ങളാണ്. കുഷാഖും കൈലാക്കും തീർത്ത ഓളം വെറൊരു തലത്തിലെത്തിക്കാൻ പുതിയൊരു 7-സീറ്റർ എസ്‌യുവിയുമായി എത്തുകയാണ് സ്കോഡ. ഇനി അധികം കാത്തിരുത്താതെ തന്നെ മോഡലിനെ ഇന്ത്യൻ വിപണിയിൽ അവതരിപ്പിക്കുമെന്ന് അറിയിച്ചിരിക്കുകയാണ് കമ്പനിയിപ്പോൾ. മറ്റേതുമല്ല, പുതുതലമുറ കൊഡിയാക്കുമായാണ് (Skoda Kodiaq) ബ്രാൻഡിന്റെ ഇത്തവണത്തെ വരവ്.

ഇന്ത്യയില്‍ മിഡ്‌സൈസ് സെഡാന്‍ വിഭാഗത്തില്‍ മാരുതി സുസുക്കി വാഗ്ദാനം ചെയ്യുന്ന മോഡലാണ് സിയാസ്. 2014-ല്‍ SX4-ന്റെ പകരനായാണ് സിയാസ് വിപണിയില്‍ എത്തിയത്. തുടക്കത്തില്‍ ഇത് വന്‍ വിജയമായിരുന്നു. ഐതിഹാസിക മോഡലുകളായ ഹോണ്ട സിറ്റി, ഹ്യുണ്ടായി വെര്‍ണ എന്നിവയ്ക്കെതിരെ സെഗ്മെന്റില്‍ കട്ടക്ക് മത്സരിക്കാന്‍ സിയാസിനായി. എന്നാല്‍ നിങ്ങള്‍ ഒരു മാരുതി ആരാധകനോ അല്ലെങ്കില്‍ സിയാസ് വാങ്ങാന്‍ ഉദ്ദേശിക്കുന്ന വ്യക്തിയോ ആണെങ്കില്‍ ഒരു സങ്കട വാര്‍ത്തയുണ്ട്. ഈ കാറിന്റെ നിര്‍മ്മാണം അടുത്ത മാസം മുതല്‍ നിര്‍ത്താന്‍ പോകുകയാണ്. 2025 ഏപ്രിലോടെ സിയാസ് പൂര്‍ണമായി വിപണിയില്‍ നിന്ന് പിന്‍വലിക്കാന്‍ പോകുകയാണെന്ന് വിവിധ മാധ്യമങ്ങള്‍ റിപ്പോര്‍ട്ട് ചെയ്തു.

മാരുതി സുസുക്കിയുടെ ഓമ്നി വാൻ ഉണ്ടാക്കിയ ഓളമൊന്നും വേറെ ഒരു മോഡലുകൾക്കും രാജ്യത്ത് ഉണ്ടാക്കാൻ സാധിച്ചിട്ടില്ല. എംപിവിയുടെ മൂർത്തിഭാവം തന്നെയായിരുന്നു മാരുതി വാൻ എന്ന വിളിപ്പേരുളള മാരുതി സുസുക്കി ഓമ്നി വാൻ. ഇപ്പോഴിതാ 2019 -ൽ നിർത്തലാക്കിയ മോഡൽ തിരികെ വരുന്നു എന്ന് സോഷ്യൽ മീഡിയയിൽ വാർത്തകൾ വരുന്നുണ്ട്. അതിൻ്റെ പിന്നിലെ സത്യാവസ്ഥ എന്താണെന്ന് വിശദമായി ഒന്ന് നോക്കിയാലോ. പുതിയത് ഇറങ്ങുന്നില്ലെങ്കിലും നിരവധി പേര്‍ ഇപ്പോഴും ഒമ്‌നി ഉപയോഗിക്കുന്നുണ്ടെന്നതും യാഥാർഥ്യമാണ്. എന്തിനും ഏതു തരത്തിലും ഉപയോഗിക്കാനാവുന്ന പ്രായോഗികത തന്നെയാണ് ഓമ്‌നിയെ മിടുക്കനാക്കിയത്.

ഇലക്‌ട്രിക് കാറുകളിലൂടെ വിസ്‌മയം തീർക്കുകയാണ് മഹീന്ദ്രയിപ്പോൾ. അടുത്തിടെ പുറത്തിറക്കിയ BE 6, XEV 9e ഇവികൾ ആഗോളതലത്തിൽ തന്നെ ചർച്ചയായപ്പോൾ വൈദ്യുത വാഹന രംഗത്തും ബ്രേക്ക്ത്രൂ ലഭിച്ചിരിക്കുകയാണ് കമ്പനിക്ക്. മുമ്പ് പലതവണ പുറത്തിറക്കിയ XUV400 ശ്രദ്ധിക്കപ്പെടാതെ പോയപ്പോൾ സന്തോഷിച്ചവരുടെ കൂട്ടത്തിൽ രാജ്യത്തെ ഏറ്റവും വലിയ ഇലക്ട്രിക് വാഹന നിർമാതാക്കളായ ടാറ്റ മോട്ടോർസും ഉണ്ടായിരുന്നു. എന്നാൽ ഇന്ത്യൻ ടെസ്‌ലകൾ എന്നുവിളിക്കുന്ന രണ്ട് ഐറ്റം മോഡലുകളെത്തിയതോടെ എതിരാളികളുടെ എല്ലാം നെഞ്ചിൽ തീയായെന്ന് വേണം പറയാൻ. എരിതീയിൽ എണ്ണയൊഴിച്ച് കൊണ്ട് കമ്പനി അടുത്തായി കൊണ്ടുവരാൻ പോവുന്നത് ജനപ്രിയനായ XUV700 എസ്‌യുവിയുടെ ഇലക്ട്രിക് പതിപ്പിനെയായിരിക്കും.

ഇന്ത്യയിലെ ഏറ്റവും ജനപ്രിയമായ ആഡംബര കാര്‍ ബ്രാന്‍ഡ് ആയ മെര്‍സിഡീസ് ബെന്‍സിന് സമ്പര്‍ക്കും സെലിബ്രിറ്റികള്‍ക്കുമിടയില്‍ വലിയ പ്രചാരമാണുള്ളത്. അതുകൊണ്ട് തന്നെ തങ്ങളുടെ മികച്ച ഗ്ലോബല്‍ മോഡലുകള്‍ അവര്‍ ഇന്ത്യയില്‍ വില്‍പ്പനക്കെത്തിക്കുന്നു. ജര്‍മന്‍ ബ്രാന്‍ഡ് ഇന്ത്യന്‍ തീരത്തെത്തിച്ച ഏറ്റവും മികച്ച എസ്‌യുവികളില്‍ ഒന്നാണ് മെര്‍സിഡീസ് ബെന്‍സ് GLS. ഇന്ത്യയില്‍ നിലവില്‍ വില്‍പ്പനക്കെത്തുന്ന ഏറ്റവും വില കൂടിയ ആഡംബര എസ്‌യുവികളില്‍ ഒന്നായ GLS സിനിമാ താരങ്ങള്‍ ഏറെ ഇഷ്ടപ്പെടുന്നു. ഈ 7 സീറ്റര്‍ ആഡംബര എസ്‌യുവിയുടെ എന്‍ട്രി ലെവല്‍ വേരിയന്റിന് നിലവില്‍ ഇന്ത്യന്‍ വിപണിയില്‍ 1.34 കോടി രൂപയാണ് എക്‌സ്-ഷോറൂം വില.