വരുന്നത് കാറുകളുടെ 'മാര്ച്ച്' പാസ്റ്റ്!
ഓട്ടോമൊബൈൽസ്
- 1 year, 8 month, 13 days ago
2024 കലണ്ടര് വര്ഷത്തില് വണ്ടിക്കമ്പനികള് മികച്ച വില്പ്പനയാണ് നേടിയത്. 2024-2025 സാമ്പത്തിക വര്ഷത്തിന്റെ അവസാന മാസമാണ് മാര്ച്ച്. അതുകൊണ്ട് സാമ്പത്തിക വര്ഷം മികച്ച നേട്ടത്തില് അവസാനിപ്പിക്കാനായി ബ്രാന്ഡുകള് പുതിയ ഉല്പ്പന്നങ്ങള് അവതരിപ്പിക്കാന് പദ്ധതിയിടുന്നുണ്ട്. ഇന്ത്യന് വാഹനപ്രേമികള്ക്കിടയില് ഇതിനോടകം വലിയ പ്രതീക്ഷകള് സൃഷ്ടിച്ച ചില കാറുകള് ഈ മാസം 'മാര്ച്ചായി' വിപണിയില് എത്താന് പോകുകയാണ്. ഇലക്ട്രിക് വാഹനങ്ങളാണ് മാര്ച്ചില് പുറത്തിറങ്ങാന് പോകുന്ന കാറുകളുടെ പട്ടികയില് ആധിപത്യം പുലര്ത്തുന്നത്. ഫെബ്രുവരിയില് മോഡല് ഇയര് അപ്ഡേറ്റുകളിലും സപ്പെഷ്യല് എഡിഷന് പതിപ്പുകളിലുമായിരുന്നു കമ്പനികള് ശ്രദ്ധ കേന്ദ്രീകരിച്ചിരുന്നത്.