ഏതാനും ദിവസങ്ങൾക്കുള്ളിൽ പുതിയ പഞ്ച് ഫെയ്‌സ്‌ലിഫ്റ്റ് പുറത്തിറക്കാൻ ഒരുങ്ങുകയാണ് ടാറ്റ മോട്ടോർസ്. സിയറയ്ക്കും ഹാരിയർ, സഫാരി പെട്രോൾ എസ്‌യുവികൾക്കും പിന്നാലെ മോഡൽ നിരയിലേക്ക് എത്തുന്ന അതിഥിയെ വരവേൽക്കാൻ വിപണിയും തയാറെടുത്ത് കഴിഞ്ഞു. 2026 ജനുവരി 13-ന് ഔദ്യോഗിക അരങ്ങേറ്റം കുറിക്കാനിരിക്കുന്ന മൈക്രോ സ്പോർട് യൂട്ടിലിറ്റി വാഹനത്തിൻ്റെ രൂപം പൂർണമായും വെളിപ്പെടുത്തിയ ഹൈപ്പുയർത്തിയിരിക്കുന്ന കമ്പനി ഇപ്പോഴിതാ മോഡലിനെ കുറിച്ചുള്ള കൂടുതൽ വിവരങ്ങൾ വ്യക്തമാക്കിക്കൊണ്ട് മുമ്പോട്ട് വന്നിരിക്കുകയാണ്. പുതിയ പഞ്ച് ഏതെല്ലാം വേരിയൻ്റുകളിൽ വാങ്ങാനാവുമെന്ന കാര്യമാണ് ടാറ്റ ഇപ്പോൾ പുറത്തുവിട്ടിരിക്കുന്നത്.

ടൂവീലർ, അത് പോലെ തന്നെ ത്രീ വീലർ വാഹന വിഭാഗങ്ങളിൽ ആഗോളതലത്തിൽ മുൻനിരയിലുള്ള ടിവിഎസ് മോട്ടോർ, ഇന്ത്യയിലെ ആദ്യ 150 സിസി ഹൈപ്പർ സ്പോർട്ട് സ്കൂട്ടറായ 'ടിവിഎസ് എൻടോർക്ക് 150' വിൽക്കുകയാണ്. ഈ സ്കൂട്ടറിനായി കമ്പനി അടുത്തിടെ ഒരു പുതിയതും ആവേശകരവുമായ പരസ്യചിത്രം പുറത്തിറക്കിയിരിക്കുകയാണ്. ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന സ്കൂട്ടറുകളിലൊന്നാണ് എൻടോർക്ക് വേരിയൻ്റുകൾ. നേരത്തെ 125 സിസി എഞ്ചിനിൽ മാത്രം ലഭ്യമായിരുന്ന എൻടോർക്കിന്റെ 150 സിസി പതിപ്പ് 2025 സെപ്റ്റംബറിലാണ് ടിവിഎസ് മോട്ടോർ അവതരിപ്പിച്ചത്.

ഇന്ത്യന്‍ ഇലക്ട്രിക് വാഹന വിപണിയില്‍ പുതിയ പോരാട്ടത്തിന് തുടക്കമിട്ട് കഴിഞ്ഞ ദിവസം മഹീന്ദ്ര പുതിയ XUV 3XO ഇവി പുറത്തിറങ്ങിയിരിക്കുകയാണ്. മഹീന്ദ്ര XUV 3XO സബ് കോംപാക്ട് എസ്‌യുവിയെ അടിസ്ഥാനമാക്കി നിര്‍മ്മിച്ച പുത്തന്‍ ഇവി ടാറ്റ നെക്സോണ്‍ ഇവി അടക്കിവാഴുന്ന കോംപാക്ട് ഇലക്ട്രിക് എസ്‌യുവി വിഭാഗത്തിലാണ് പോരാട്ടത്തിനിറങ്ങുന്നത്. നെക്സോണ്‍ ഇവിയോട് നേരിട്ട് ഏറ്റുമുട്ടുന്ന തരത്തിലുള്ള സവിശേഷതകളുമായാണ് മഹീന്ദ്ര പുതിയ മോഡല്‍ വിപണിയിലെത്തിച്ചിരിക്കുന്നത്. ഇൗ മോഡലുകളെ റേഞ്ച്, പെര്‍ഫോമന്‍സ്, ഫീച്ചറുകള്‍, ചാര്‍ജിംഗ് സമയം, കളര്‍ ഓപ്ഷനുകള്‍, സേ്ഫ്റ്റി എന്നിവയുടെ കാര്യത്തില്‍ നമുക്കൊന്ന് മാറ്റുരച്ച് നോക്കാം.

ഇന്നോവ, ഫോർച്യൂണർ, ക്വാളിസ്, എത്തിയോസ് എന്നിങ്ങനെ ഒരുപാട് ഡീസൽ എഞ്ചിൻ കാറുകളിലൂടെ ഇന്ത്യക്കാരുടെ മനസിളക്കിയവരാണ് ജാപ്പനീസ് വാഹന നിർമാതാക്കളായ ടൊയോട്ട. നിലവിൽ ചെറുകാർ നിരയിൽ നിന്നും ഡീസൽ എഞ്ചിനുകൾ ഒഴിവാക്കിയ കമ്പനി ഇപ്പോൾ ഇന്നോവ ക്രിസ്റ്റയിൽ മാത്രമാണ് ഡീസൽ എഞ്ചിൻ ഓപ്ഷൻ വാഗ്‌ദാനം ചെയ്യുന്നുള്ളൂ. 2027-ൽ ക്രിസ്റ്റ പടിയിറങ്ങുന്നതോടെ ഓയിൽ ബർണർ എഞ്ചിനുകൾ ടൊയോട്ടയുടെ നിരയിൽ നിന്നും എന്നന്നേക്കുമായി അപ്രത്യക്ഷമാവുകയും ചെയ്യും. ബാറ്ററി വാഹനങ്ങളിൽ പന്തയം വെക്കാനാണ് കമ്പനിയുടെ പദ്ധതി. ഇതിൻ്റെ ഭാഗമായി പുതിയ ബാറ്ററി ഇലക്ട്രിക് കാർ അവതരിപ്പിക്കും.

കേരളത്തിൻ്റെ പ്രിയപ്പെട്ട ഗതാഗത മന്ത്രി കെബി ഗണേഷ് കുമാർ പുതിയ ടാറ്റ സിയറ ടെസ്റ്റ് ഡ്രൈവ് നടത്തിയതോടെ, 90കളിലെ ഒരു ഐക്കൺ എസ്‌യുവി വീണ്ടും വാർത്തകളിൽ നിറഞ്ഞിരിക്കുകയാണ്. ടാറ്റ ഡീലർ ഇൻസ്റ്റാഗ്രാമിൽ പങ്കുവച്ച വീഡിയോയിൽ, മന്ത്രി വാഹനം വിശദമായി പരിശോധിച്ച ശേഷം ഡ്രൈവർ സീറ്റിൽ ഇരിക്കുന്നതും സിയറ ഓടിക്കുന്നതും കാണാം. ടെസ്റ്റ് ഡ്രൈവ് മാത്രമല്ല, മന്ത്രി വാഹനം ബുക്ക് ചെയ്തതായും പോസ്റ്റിൽ വ്യക്തമാക്കുന്നുണ്ട്. ഇതോടെ, പുതിയ ടാറ്റ സിയറ സ്വന്തമാക്കുന്ന ആദ്യ മന്ത്രി എന്ന നേട്ടവും ഗണേഷ്കുമാറിന് സ്വന്തം.

ഡീസൽ എസ്‌യുവികൾക്ക് പേരുകേട്ട ടാറ്റ മോട്ടോഴ്‌സ്, ഇന്ത്യൻ വിപണിയിൽ പുതിയൊരു തന്ത്രപരമായ നീക്കവുമായി രംഗത്തെത്തിയിരിക്കുകയാണ്. ഹാരിയറും സഫാരിയും പെട്രോൾ എൻജിൻ ഓപ്ഷനുകളോടെ ഔദ്യോഗികമായി അവതരിപ്പിച്ചിരിക്കുകയാണ് കമ്പനി. ഇതോടെ, പെട്രോൾ വേരിയൻ്റ് താൽപ്പര്യപ്പെടുന്ന ഉപഭോക്താക്കൾക്കും ടാറ്റയുടെ ഫ്ലാഗ്ഷിപ്പ് എസ്‌യുവികൾ സ്വന്തമാക്കാനുള്ള വഴി തുറക്കുകയാണ്. പുതിയ 1.5 ലിറ്റർ ഹൈപ്പീരിയൻ ടർബോ-പെട്രോൾ എഞ്ചിൻ അവതരിപ്പിക്കുന്നതോടെ, പെർഫോമൻസിലും സാങ്കേതികവിദ്യയിലും ഹാരിയറും സഫാരിയും പുതിയ തലത്തിലേക്ക് ഉയരുകയാണ്. എംജി ഹെക്ടർ, മഹീന്ദ്ര XUV 7XO, ഹ്യുണ്ടായ് അൽകാസർ തുടങ്ങിയ പെട്രോൾ എസ്‌യുവികൾക്ക് നേരിട്ടുള്ള വെല്ലുവിളിയാകുകയാണ് ടാറ്റയുടെ ഈ പുതിയ പതിപ്പുകൾ.

ജെഎസ്ഡബ്ല്യു എംജി മോട്ടോര്‍ ഇന്ത്യയുടെ (JSW MG Motor India) ഇലക്ട്രിക് സ്‌പോര്‍ട്‌സ് കാറായ സൈബര്‍സ്റ്റര്‍ ഇവി വിപണിയില്‍ വന്‍ ചലനങ്ങള്‍ സൃഷ്ടിച്ച് മുന്നേറുന്നു. 2025 ഭാരത് മൊബിലിറ്റി ഗ്ലോബല്‍ എക്‌സ്‌പോയില്‍ MG 9 പ്രസിഡന്‍ഷ്യല്‍ ലിമോസിനിന്റെ കൂടെയാണ് എംജി ഈ വാഹനം ആദ്യമായി ഇന്ത്യയില്‍ പ്രദര്‍ശിപ്പിച്ചത്. 6 മാസത്തിന് ശേഷം പുറത്തിറക്കിയ സൈബര്‍സ്റ്റര്‍ ചുരുങ്ങിയ നാളുകള്‍ക്കുള്ളില്‍ രാജ്യത്തെ സ്‌പോര്‍ട്‌സ് കാര്‍ പ്രേമികളുടെ പ്രിയപ്പെട്ട മോഡലായി മാറി. നിലവില്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന സ്‌പോര്‍ട്‌സ് കാറാണ് എംജി സൈബര്‍സ്റ്റര്‍ ഇവി.

2019-ലാണ് എംജി മോട്ടോർ ഹെക്ടറുമായി ഇന്ത്യൻ വിപണിയിലെത്തുന്നത്. ഇത് രാജ്യത്തെ ആദ്യത്തെ ഇൻ്റർനെറ്റ് കാറായി കണക്റ്റിവിറ്റി കാഴ്ചപ്പാടുകൾ തന്നെ മാറ്റിമറിച്ചു. 2020-ൽ ഹെക്ടർ പ്ലസും 2023-ലെ ഫെയ്‌സ്‌ലിഫ്റ്റിലൂടെ ലെവൽ-2 ADAS ഉൾപ്പെടെയുള്ള സാങ്കേതികവിദ്യകളും ചേർത്ത് എംജി മോഡലിനെ കൂടുതൽ മെച്ചപ്പെടുത്തി. ഇപ്പോൾ, ജെഎസ്‌ഡബ്ല്യു എംജി മോട്ടോർ ഇന്ത്യ രണ്ടാം തലമുറ ഹെക്ടർ പുറത്തിറക്കിയിരിക്കുകയാണ്. ഡിസംബർ 15-ന് 11.99 ലക്ഷം രൂപ (എക്‌സ്-ഷോറൂം) പ്രാരംഭ വിലയിൽ എത്തിയ പുത്തൻ മോഡൽ, ചെറിയ വാഹനങ്ങൾക്ക് സമാനമായ വിലയ്ക്ക്, വലിയൊരു മിഡ്-സൈസ് എസ്‌യുവി സ്വന്തമാക്കാൻ ഉപഭോക്താക്കൾക്ക് അവസരമുണ്ടാക്കുന്നു എന്നതാണ് പ്രത്യേകത.

ഓലയോടൊപ്പം (Ola Electric) മത്സരിച്ച് ഇന്ത്യയിലെ ഇലക്‌ട്രിക് ഇരുചക്ര വാഹന വിപണിയിൽ തങ്ങളുടേതായ സ്ഥാനം കണ്ടെത്തിയവരാണ് ബെംഗളൂരു ആസ്ഥാനമായി പ്രവർത്തിക്കുന്ന ഏഥർ എനർജി (Ather Energy). ഇടയ്ക്ക് ഓല ഒടിഞ്ഞുവീണുവെങ്കിലും ഇന്ത്യയിലെ ടൂവീലർ സെഗ്മെൻ്റിലെ അതികായരായ ബജാജിനോടും ടിവിഎസിനോടും ഹീറോ മോട്ടോകോർപ്പിനോടുമെല്ലാം പടവെട്ടി ഇന്നും വെന്നിക്കൊടി പാറിക്കുകയാണ് ഏഥർ. കൃത്യമായ നവീകരണങ്ങൾ നടപ്പിലാക്കുന്നത് മാത്രമല്ല, സർവീസിംഗിലും സെയിൽസിലുമെല്ലാം ഉപഭോക്താക്കളെ വെറുപ്പിക്കാതെ മുമ്പോട്ട് കൊണ്ടുപോവാനും ബ്രാൻഡിനാവുന്നുണ്ട്. ഏഥറിൻ്റെ നിരയിലെ ഫ്ലാഗ്ഷിപ്പ് മോഡലായ 450X ഇവിയിലേക്ക് പുതിയ മാറ്റങ്ങൾ അവതരിപ്പിച്ചിരിക്കുകയാണ്.

ഇന്ത്യന്‍ വാഹന വിപണി ആകാംക്ഷയോടെ കാത്തിരിക്കുന്ന എസ്‌യുവി മോഡലാണ് പുതിയ തലമുറ റെനോ ഡസ്റ്റര്‍. ഈ മാസം അവസാനത്തോടെ ഇന്ത്യന്‍ വിപണിയില്‍ അവതരിപ്പിക്കപ്പെടാന്‍ പോകുന്ന ഡസ്റ്ററിനെ കുറിച്ചുള്ള ഓരോ അപ്‌ഡേറ്റുകളും സാകൂതം വീക്ഷിക്കുകയാണ് വാഹന പ്രേമികള്‍. ഇപ്പോള്‍ മൂന്ന് ഭൂഖണ്ഡങ്ങളിലായി ഏകദേശം 10 ലക്ഷം കിലോമീറ്ററിലധികം ദൂരം പരീക്ഷണ ഓട്ടം നടത്തി പുത്തന്‍ ഡസ്റ്റര്‍ അതിന്റെ കരുത്ത് തെളിയിച്ചിരിക്കുകയാണ്. വാഹനത്തിന്റെ ഈടും പ്രവര്‍ത്തനക്ഷമതയും ഉറപ്പുവരുത്താനാണ് റെനോ ഗ്രൂപ്പ് ഇത്രയും വിപുലമായ പരീക്ഷണങ്ങള്‍ നടത്തിയത്. വ്യത്യസ്തമായ കാലാവസ്ഥകളിലും ദുര്‍ഘടമായ ഭൂപ്രകൃതിയിലുമായിരുന്നു വാഹനത്തിന്റെ പരീക്ഷണം.

2025-ൽ ഇന്ത്യൻ വാഹനനിർമ്മാണ മേഖല ആഗോള തലത്തിൽ പുതിയ ഉയരങ്ങൾ കീഴടക്കി മുന്നോട്ട് കുതിക്കുകയാണ്. 'മെയ്ഡ്-ഇൻ-ഇന്ത്യ' കാറുകളുടെ കയറ്റുമതി 8.58 ലക്ഷം യൂണിറ്റുകൾ കടന്ന്, ഇന്ത്യയെ ഒരു പ്രധാന ഗ്ലോബൽ ഓട്ടോമോട്ടീവ് ഹബ്ബായി മാറ്റിയിരിക്കുകയാണ്. ആഫ്രിക്ക മുതൽ ലാറ്റിനമേരിക്ക വരെ വ്യാപിച്ച ഈ സാന്നിധ്യം, ഇന്ത്യൻ വാഹന വ്യവസായത്തിന്റെ വിശ്വാസ്യത ശക്തിപ്പെടുത്തുന്ന ഒന്നാണ്. ആഗോള സാമ്പത്തിക അനിശ്ചിതത്വവും ലോജിസ്റ്റിക്‌സ് വെല്ലുവിളികളും നിലനിന്നിട്ടും, 2024-നെ അപേക്ഷിച്ച് 15 ശതമാനം വളർച്ച കൈവരിക്കാനായത് ഇന്ത്യൻ വ്യവസായത്തിന്റെ ശക്തി എടുത്തു കാണിക്കുന്നു.

റെട്രോ ക്ലാസിക് മോട്ടോർസൈക്കിൾ നിർമാതാക്കളായ റോയൽ എൻഫീൽഡിൻ്റെ നിരയിൽ ഏറ്റവും കൂടുതൽ വിറ്റഴിക്കുന്ന രണ്ട് മോഡലുകളാണ് ക്ലാസിക് 350, ബുള്ളറ്റ് 350 എന്നിവ. പണ്ടേ ഇന്ത്യക്കാർക്ക് വികാരമായി കണക്കാക്കുന്ന ഇവ വാങ്ങിയാൽ ഒരു ആനയെ സ്വന്തമാക്കിയ ഫീലാണ് കിട്ടുന്നത്. ഒപ്പം രാജകീയ പദവിയിൽ നഗരം ചുറ്റുകയും ചെയ്യാം. എന്നാൽ ഇനി മുതൽ വികാരങ്ങൾക്ക് വലിയ വില കൊടുക്കേണ്ടി വരുമെന്നാണ് കമ്പനി അറിയിച്ചിരിക്കുന്നത്. പുതുവർഷത്തോട് അനുബന്ധിച്ച് രണ്ട് മോഡലുകൾക്കും വില വർധനവ് നടപ്പിലാക്കിയിരിക്കുകയാണ് റോയൽ എൻഫീൽഡ് (Royal Enfield).

ഇന്ത്യയില്‍ മാത്രമല്ല ലോകത്ത് തന്നെ ഇപ്പോള്‍ സ്‌പോര്‍ട് യൂടിലിറ്റി വാഹനങ്ങള്‍ക്കാണ് ഡിമാന്‍ഡ് കൂടുതല്‍. ഇന്ത്യയില്‍ വിറ്റഴിക്കപ്പെടുന്ന കാറുകളില്‍ പകുതിയിലധികവും എസ്‌യുവി ബോഡിസ്‌റ്റൈലില്‍ വരുന്നവയാണ്. എന്നാല്‍, ഇന്ത്യന്‍ വാഹന വിപണിയില്‍ സെഡാന്‍ വിഭാഗത്തിന് ഇന്നും പ്രസക്തിയുണ്ടെന്ന് തെളിയിച്ചിരിക്കുകയാണ് മാരുതി സുസുക്കി ഡിസയര്‍. 2025 കലണ്ടര്‍ വര്‍ഷത്തില്‍ മൊത്തം 2.14 ലക്ഷം യൂണിറ്റുകള്‍ വിറ്റഴിച്ച് ഇന്ത്യയിലെ നമ്പര്‍ വണ്‍ കാറായി ഡിസയര്‍ മാറിയിരുന്നു. എസ്‌യുവികള്‍ വിപണി കീഴടക്കുന്ന കാലഘട്ടത്തിലും ഒരു കോംപാക്ട് സെഡാന്‍ ഈ നേട്ടം കൈവരിച്ചു എന്നത് ശ്രദ്ധേയമാണ്.

ഗതാഗത സംവിധാനങ്ങൾ പരമാവധി ഉപയോഗിക്കുന്ന രാജ്യമാണ് ഇന്ത്യ. അതിൽ തന്നെ ടാക്സി ഫ്ലീറ്റുകളും,അഗ്രിഗേറ്റർ ആപ്പുകളും ഉപയോഗിക്കുന്നുണ്ട്. 2025-ൽ ഇന്ത്യ എങ്ങനെ യാത്ര ചെയ്തു എന്നതിന്റെ വ്യക്തമായ ചിത്രം അവതരിപ്പിക്കുന്നതാണ് ഊബർ ഇന്ത്യ പുറത്തിറക്കിയ How India ഊബർed വാർഷിക ഡാറ്റ റിപ്പോർട്ട്. നഗരജീവിതം മുതൽ ദീർഘദൂര യാത്രകൾ വരെ, റൈഡ് ഷെയറിംഗ് ഇന്ത്യയിലെ മൊബിലിറ്റി സംസ്കാരത്തെ എങ്ങനെ മാറ്റിയെന്ന് ഈ റിപ്പോർട്ടിലൂടെ വ്യക്തമാക്കുന്നുണ്ട്. ഇന്ത്യയിലെ യാത്രാ ശീലങ്ങൾ, സമയ ട്രെൻഡുകൾ, നഗരങ്ങളിലെ ഉപയോഗ വ്യത്യാസങ്ങൾ, പരിസ്ഥിതി സൗഹൃദ യാത്രകളിലേക്കുള്ള മാറ്റം എന്നിവയെല്ലാം വളരെ വ്യകമായി തന്നെ പ്രതിപാദിക്കുന്നുണ്ട്.

പുതുവർഷപ്പിറവിയോട് അനുബന്ധിച്ച് കൂടുതൽ വിൽപ്പന നേടുവാനായി പുതിയ തന്ത്രങ്ങൾ ആവിഷ്ക്കരിച്ച് മുമ്പോട്ട് പോവുകയാണ് ജാപ്പനീസ് വാഹന നിർമാതാക്കളായ ഹോണ്ട കാർസ് (Honda Cars). 2026-ൽ പുതുപുത്തൻ കാറുകളുടെ ഘോഷയാത്രയാണ് കമ്പനി പ്ലാൻ ചെയ്‌ത് വെച്ചിരിക്കുന്നത്. എഴുന്നള്ളത്തിന് ഒരുക്കി നിർത്തിയിരിക്കുന്നത് 4 ഗ്ലോബൽ കാറുകളെയാണെന്നാണ് വിവരം. അതിൽ ZR‑V, പ്രിലൂഡ്, 0 ആൽഫ ഇലക്ട്രിക് എസ്‌യുവി, 0 എസ്‌യുവി പോലുള്ള മോഡലുകളാവും വരാനിരിക്കുന്നത്. എന്നാൽ ഇതിനെല്ലാം മുന്നോടിയായി നിലവിൽ കെട്ടിക്കിടക്കുന്ന കാറുകളെല്ലാം വേഗത്തിൽ വിറ്റഴിക്കാനാണ് ഹോണ്ടയുടെ തീരുമാനം.

2025 ഡിസംബര്‍ മാസത്തെ വില്‍പ്പന റിപ്പോര്‍ട്ടുകള്‍ പുറത്തു വന്നപ്പോള്‍ വന്‍ മുന്നേറ്റം നടത്തിയിരിക്കുകയാണ് മാരുതി സുസുക്കിയുടെ കോംപാക്ട് ക്രോസ്ഓവര്‍ മോഡലായ ഫ്രോങ്ക്സ് (Fronx). കഴിഞ്ഞ മാസം മാത്രം 20,700 യൂണിറ്റുകളാണ് ഇന്ത്യയിലുടനീളം വിറ്റഴിച്ചത്. മണികണ്‍ട്രോള്‍, ലൈവ് മിന്റ് എന്നിവയടക്കം ഒന്നിലധികം മാധ്യമങ്ങളില്‍ വന്ന വില്‍പ്പന റിപ്പോര്‍ട്ടുകള്‍ പ്രകാരം പോയ മാസം ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട രണ്ടാമത്തെ കാറാണ് ഫ്രോങ്ക്സ്. 22,108 യൂണിറ്റ് വില്‍പ്പനയുമായി ഫ്രോങ്ക്സിന്റെ കൂടെപ്പിറപ്പായ ബലേനോയാണ് കഴിഞ്ഞ മാസം രാജ്യത്ത് ഏറ്റവും കൂടുതല്‍ വില്‍ക്കപ്പെട്ട കാറായി മാറിയത്. മാരുതിയുടെ മോഡല്‍ നിരയിലും ബലേനോയ്ക്ക് പിറകില്‍ രണ്ടാമനാണ് ഫ്രോങ്ക്സ്.

ഇന്ത്യയിലെ മിഡ് കപ്പാസിറ്റി മോട്ടോർസൈക്കിൾ വിഭാഗത്തിൽ കരുത്തരായ റോയൽ എൻഫീൽഡിനെ വെല്ലുവിളിക്കാനെത്തിയവരാണ് ബ്രിട്ടീഷ് ഇരുചക്ര വാഹന നിർമാതാക്കളായ ട്രയംഫ്. പല ബ്രാൻഡുകളും വെട്ടിപ്പിടിക്കാൻ ആഗ്രഹിച്ച സ്ഥാനം ട്രയംഫ് അനായാസമാണ് കൈയടക്കിയത്. അതിന് സഹായിച്ചതാവട്ടെ 400 സിസി മോഡൽ നിരയിലെ മിടുക്കൻമാരായ സ്പീഡ് 400, സ്ക്രാംബ്ലർ 400X എന്നിവരാണ്. ആദ്യത്തേത് റോഡ്സ്റ്റർ ശൈലിയുള്ള സ്പീഡായിരുന്നു പലർക്കും ഏറ്റവും ഇഷ്‌ടപ്പെട്ടത്. വലിയ വിജയം നേടി കുതിച്ചതിന് പിന്നാലെ ഇതിനെ അടിസ്ഥാനമാക്കിയുള്ള കുറഞ്ഞ വിലയുള്ള സ്പീഡ് T4 പതിപ്പിനും കമ്പനി രൂപം കൊടുക്കുകയുണ്ടായി.

രാജ്യതലസ്ഥാനമായ ഡൽഹിയിൽ വായുമലിനീകരണം ഗുരുതര വെല്ലുവിളിയായി മാറുന്ന സാഹചര്യത്തിൽ, വാഹനമേഖലയെ ലക്ഷ്യമിട്ട് പുതിയ നീക്കവുമായി ഡൽഹി സർക്കാർ രംഗത്തെത്തിയിരിക്കുകയാണ്. റോഡുകളിൽ ഇപ്പോഴും ഓടുന്ന കാലപ്പഴക്കംചെന്ന വാഹനങ്ങൾ മലിനീകരണത്തിന്റെ പ്രധാന കാരണമാകുന്നുവെന്ന വിലയിരുത്തലിലാണ് പുതിയ പദ്ധതി ആവിഷ്കരിച്ചിരിക്കുന്നത്. ഇത്തരം വാഹനങ്ങളുടെ എൻജിൻ ഇലക്ട്രിക് വാഹനമാക്കി മാറ്റാൻ സാമ്പത്തിക പ്രോത്സാഹനം നൽകാനാണ് സർക്കാർ ഇപ്പോൾ ആലോചിക്കുന്നത്. പഴയ വാഹനങ്ങൾ സ്ക്രാപ്പ് ചെയ്യുന്നതിനുപകരം പരിസ്ഥിതി സൗഹൃദമായി പുനർജനിപ്പിക്കാനുള്ള ആശയമാണ് ഈ പദ്ധതിയുടെ ഉദ്ദേശം. ഇലക്ട്രിക് വാഹനങ്ങളെ പ്രോത്സാഹിപ്പിച്ച് കാർബൺ പുറന്തള്ളൽ കുറയ്ക്കുക എന്ന ദീർഘകാല ലക്ഷ്യത്തിലേക്കുള്ള മറ്റൊരു ചുവടുവയ്പ്പായാണ് ഈ നീക്കത്തെ വിലയിരുത്തപ്പെടുന്നത്.

സ്മാര്‍ട്ട്‌ഫോണ്‍ നിര്‍മ്മാണ രംഗത്ത് വിപ്ലവം സൃഷ്ടിച്ച ബ്രാന്‍ഡാണ് ഷവോമി. ഇന്ത്യയിലടക്കം ബജറ്റ് വിലയില്‍ സ്മാര്‍ട്ഫോണുകള്‍ ലഭ്യമാക്കി വിപണി പിടിച്ച ബ്രാന്‍ഡ് അടുത്തിടെ ഇലക്ട്രിക് വാഹന നിര്‍മാണ രംഗത്തേക്കും ചുവടുവെച്ചിരുന്നു. പ്രതീക്ഷിച്ചതിനേക്കാള്‍ മികച്ച പ്രകടനം പുറത്തെടുത്ത ഷവോമി ഇവി വിപണിയിലും വില്‍പ്പന റെക്കോഡുകള്‍ കടപുഴക്കി മുന്നേറുകയാണ്. 2025-ല്‍ ആഗോളതലത്തില്‍ 4.10 ലക്ഷം വാഹനങ്ങള്‍ വിറ്റഴിച്ചാണ് കമ്പനി റെക്കോഡ് നേട്ടം സ്വന്തമാക്കിയത്. ഷവോമി സിഇഒ ലെയ് യുവാന്‍ ചൈനയില്‍ നിന്ന് ലൈസ്സ്ട്രീമിംഗിലൂടെയാണ് 2025-ലെ വില്‍പ്പന നേട്ടം ഔദ്യോഗികമായി ലോകത്തെ അറിയിച്ചത്.

ഹ്യുണ്ടായി ക്രെറ്റയുടെ കൊമ്പൊടിക്കാൻ ഇന്ത്യയിലെ മിഡ്-സൈസ് എസ്‌യുവി സെഗ്മെൻ്റിലേക്ക് പുത്തനൊരു ജാപ്പനീസ് എസ്‌യുവി എത്തുകയാണ്. റെനോ ഡസ്റ്ററിനെ അടിസ്ഥാനമാക്കി നിസാൻ പണികഴിപ്പിക്കുന്ന ടെക്റ്റൺ എന്ന മിടുക്കനാണ് വരവിനൊരുങ്ങിയിരിക്കുന്നത്. അടുത്തിടെ മോഡലിനെക്കുറിച്ചുള്ള വിവരങ്ങളെല്ലാം പങ്കുവെച്ച നിസാൻ എസ്‌യുവിയുടെ ഡിസൈനും കാര്യങ്ങളുമെല്ലാം വെളിപ്പെടുത്തുകയും ചെയ്‌തിരുന്നു. ഇപ്പോഴിതാ ഇന്ത്യൻ വിപണിയിൽ ടെക്റ്റൺ അവതരിപ്പിക്കാനുള്ള തീയതിയും കുറിച്ചിരിക്കുകയാണ് ബ്രാൻഡ്. ഏറെ പ്രതീക്ഷയോടെ കാത്തിരിക്കുന്ന മോഡൽ 2026 ഫെബ്രുവരി നാലാം തീയതി വിപണിയിൽ എത്തുമെന്നാണ് ഔദ്യോഗിക സ്ഥിരീകരണം. ജനുവരി 21-ന് പുതിയ കോംപാക്‌ട് എംപിവിയായ ഗ്രാവൈറ്റിൻ്റ് അരങ്ങേറ്റത്തിന് പിന്നാലെയാണ് ടെക്റ്റണും എത്തുന്നത്.

ഇന്ത്യയിലെ ഇലക്ട്രിക് ഇരുചക്രവാഹന നിർമ്മാതാക്കളിൽ പ്രമുഖരാണ് ബജാജ് ഓട്ടോ എന്ന് പ്രത്യേകം പറയേണ്ട കാര്യമില്ലല്ലോ. പുതിയൊരു ഹൈ-സ്പെക് ചേതക് ഇലക്ട്രിക് സ്കൂട്ടർ ഈ മാസം പുറത്തിറക്കാൻ കമ്പനി ഒരുങ്ങുന്നു എന്നാണ് വാഹന വിപണിയിൽ നിന്നും കേൾക്കുന്ന പുതിയ വാർത്ത. നിലവിൽ 21 ശതമാനം വിപണി വിഹിതമുള്ള ബജാജ്, മുഖ്യ എതിരാളിയായ ടിവിഎസ് മോട്ടോർ കമ്പനിക്ക് പിന്നിലാണ്. ഓട്ടോകാർ ഇന്ത്യയുടെ റിപ്പോർട്ട് ചെയ്യുന്നത് അനുസരിച്ച്, 2026 ജനുവരി 14-ന് ബജാജ് പുതിയ സ്കൂട്ടർ അവതരിപ്പിക്കാനാണ് പദ്ധതിയിട്ടിരിക്കുന്നത്. തിരശ്ചീന എൽഇഡി ബാറും സംയോജിത ഇൻഡിക്കേറ്ററുകളുമുള്ള ടെയിൽ ലാമ്പുകളോടും കൂടി പരിഷ്കരിച്ച ഡിസൈനാണ് പുതിയ ചേതക്കിന് പ്രതീക്ഷിക്കുന്നത്.

ഇന്ത്യൻ ഇലക്ട്രിക് എസ്‌യുവി വിപണിയിൽ ശക്തമായ സാന്നിധ്യം ഉറപ്പിക്കുന്നതിൻ്റെ ഭാഗമായി മഹീന്ദ്ര XUV 3XO EV ഔദ്യോഗികമായി അവതരിപ്പിച്ചിരിക്കുകയാണ്. 13.89 ലക്ഷം (എക്‌സ്-ഷോറൂം) മുതൽ ആരംഭിക്കുന്ന വിലയോടെയാണ് ഈ പുതിയ ഇലക്ട്രിക് SUV വിപണിയിലെത്തുന്നത്. ലോഞ്ചിന് മുൻപ് പലതവണ ടെസ്റ്റിംഗ് സമയത്ത് കണ്ട ഈ വാഹനം വലിയ പ്രതീക്ഷകളോടെയാണ് എത്തിയിരിക്കുന്നത്. XUV 7XO പുറത്തിറങ്ങിയതിന് തൊട്ടുപിന്നാലെയായുള്ള ഈ ലോഞ്ചിലൂടെ ഇന്ത്യയിലെ SUV വിപണിയിൽ മഹീന്ദ്രയുടെ പുത്തൻ വിൽപ്പന തന്ത്രം ആണ് വ്യക്തമാക്കുന്നത്. വാഹനത്തിൻ്റെ കൂടുതൽ വിശേഷങ്ങൾ അറിയാൻ തുടർന്ന് വായിക്കാൻ മറക്കരുതേ

മഹീന്ദ്രയുടെ മുന്‍നിര മോഡലായ XUV700-ന്റെ ഫെയ്‌സ്ലിഫ്റ്റ് പതിപ്പായ XUV 7XO കഴിഞ്ഞ ദിവസം വിപണിയിലെത്തി. മുന്‍ഗാമിയെ അപേക്ഷിച്ച് ഡിസൈനിലും ടെക്‌നോളജിയിലും വലിയ വിപ്ലവമാണ് മഹീന്ദ്ര പുതിയ പതിപ്പില്‍ കൊണ്ടുവന്നിരിക്കുന്നത്. ഈ പരിഷ്‌കാരങ്ങള്‍ വാഹനത്തിന്റെ പ്രീമിയം ലുക്ക് വര്‍ദ്ധിപ്പിക്കാന്‍ സഹായിക്കുന്നതോടൊപ്പം മിഡ്‌സൈസ് എസ്‌യുവി വിഭാഗത്തില്‍ മത്സരക്ഷമതയോടെ നിലനിര്‍ത്താന്‍ സഹായിക്കും. XUV 7XO, XUV700 -യുടെ പകരക്കാരനായല്ല മറിച്ച് അതിനെ അടിസ്ഥാനമാക്കിയുള്ള സമഗ്രമായ മിഡ്-സൈക്കിള്‍ അപ്ഡേറ്റായിട്ടാണ് മഹീന്ദ്ര സ്ഥാപിച്ചിരിക്കുന്നത്. XUV700 എസ്‌യുവിയില്‍ നിന്ന് XUV 7XO എങ്ങനെ വ്യത്യാസപ്പെട്ടിരിക്കുന്നു എന്ന് നമുക്ക് ഈ ലേഖനത്തില്‍ വിശദമായി നോക്കാം.

ഫാമിലി എംപിവിയായ മാരുതി സുസുക്കി എർട്ടിഗയ്ക്ക് വിപണിയിൽ ഉയർന്ന ഡിമാൻഡാണ് രേഖപ്പെടുത്തിയിരിക്കുന്നത്. 2025 ഡിസംബറിൽ 16,300 യൂണിറ്റുകളാണ് വിറ്റഴിച്ചത്. നവംബറിൽ 16,197, ഒക്ടോബറിൽ 20,087, സെപ്റ്റംബറിൽ 12,115, ഓഗസ്റ്റിൽ 18,445 എന്നിങ്ങനെയാണ് മുൻ മാസങ്ങളിലെ വിൽപ്പന. പ്രതിമാസം ശരാശരി 16,628 യൂണിറ്റ് വിൽപ്പനയാണ് എർട്ടിഗക്ക് രേഖപ്പെടുത്തുന്നത്. വാഹനത്തിന്റെ വിലക്കുറവും, വാണിജ്യ-വ്യക്തിഗത ആവശ്യങ്ങൾക്കുള്ള യോജിക്കുന്നു എന്നതുമാണ് വിൽപ്പന വർധനവിന് പ്രധാന കാരണം. 2025 സെപ്റ്റംബർ 22 മുതൽ പ്രാബല്യത്തിൽ വന്ന ജിഎസ്‌ടി പരിഷ്കരണം മൂലം എർട്ടിഗയുടെ വില കുറഞ്ഞിരുന്നു.

ഇന്ത്യയിലെ സബ്-4 മീറ്റർ എസ്‌യുവി സെഗ്മെൻ്റ് ഭരിക്കുന്ന ടാറ്റ നെക്സോണിനെയും മാരുതി സുസുക്കി ബ്രെസയെയും വെല്ലുവിളിക്കാൻ സാക്ഷാൽ സ്കോഡ പുറത്തിറക്കിയ ആയുധമാണ് കൈലാക് എന്ന കൊച്ചുമിടുക്കൻ എസ്‌യുവി. മലയാളി പേരിട്ട വാഹനത്തിന് അതിവേഗം തന്നെ വലിയ സ്വീകാര്യത നേടിയെടുക്കാനായെന്ന് വേണം പറയാൻ. കുറഞ്ഞ വില, നല്ല പെർഫോമൻസ്, അന്യായ സേഫ്റ്റി അങ്ങനെയെല്ലാം കൂടി ഒന്നിച്ച് കിട്ടുന്ന സ്കോഡ കൈലാക്കിനെ ഇഷ്‌ടപ്പെടാതിരിക്കാൻ ആർക്കും കാരണം കണ്ടെത്താനാവില്ല. ചെക്ക് റിപ്പബ്ലിക്കൻ ബ്രാൻഡിൻ്റെ നിർമാണ ശേഷി മാരുതിയെയും ടാറ്റയെയും വെച്ച് താരതമ്യപ്പെടുത്താനാവാത്തതാണ്.