ഇലക്‌ട്രിക് കാറുകളിലൂടെ ഇന്ത്യക്കാരുടെ മനസും ഹൃദയവുമെല്ലാം കീഴടക്കി ജൈത്രയാത്ര തുടരുകയാണ് എംജി മോട്ടോർസ്. ടൊയോട്ട ഫോർച്യൂണർ അരങ്ങുവാഴുന്ന ഫുൾ-സൈസ് എസ്‌യുവി ശ്രേണിയെ കൈയിലെടുക്കുവാനായി ഏറെക്കാലം മുമ്പേ ഗ്ലോസ്റ്റർ എന്നൊരു അവതാരത്തെ കമ്പനി പുറത്തിറക്കിയിരുന്നുവെങ്കിലും പക്ഷേ പ്രതീക്ഷിച്ചതു പോലെ ക്ലിക്കാവാൻ ഈ മിടുക്കന് സാധിക്കാതെ പോയി. ഗ്ലോസ്റ്ററിലൂടെ നേടാനാവാതെ പോയ സൗഭാഗ്യങ്ങൾ നേടിയെടുക്കുവാനായി എംജി മജസ്റ്റർ (MG Magestor) എന്ന മറ്റൊരു മോഡലിന് ഈയിടെ ജന്മം കൊടുക്കുകയുണ്ടായി. എല്ലാ കാര്യങ്ങളും വെളിപ്പെടുത്തിയ എസ്‌യുവിയുടെ വില മാത്രം അറിയാനാണ് ഇനി ബാക്കിയുള്ളത്.

മിഡ്-കപ്പാസിറ്റി മോട്ടോർസൈക്കിൾ സെഗ്മെന്റിൽ സാക്ഷാൽ റോയൽ എൻഫീൽഡിനേയും ഹോണ്ടയേയും വരെ വിറപ്പിച്ചവരാണ് ബ്രിട്ടീഷ് ഇരുചക്ര വാഹന നിർമാതാക്കളായ ട്രയംഫ്. 400 സിസി എഞ്ചിനുമായി എത്തിയ സ്പീഡ്, സ്ക്രാംബ്ലർ എന്നീ മിടുക്കൻമാരിലൂടെയാണ് ബ്രാൻഡ് വെന്നിക്കൊടി പാറിച്ചത്. അടുത്തിടെ 1 ലക്ഷം യൂണിറ്റ് വിൽപ്പനയും മറികടന്ന് കുതിക്കുകയായിരുന്ന കമ്പനി ഇപ്പോഴിതാ തങ്ങളുടെ ബൈക്ക് നിരയ്ക്ക് വില വെട്ടിക്കുറച്ചിരിക്കുകയാണ്. മോഡലിനെ ആശ്രയിച്ച് ഓൺ-റോഡ് വിലയിൽ 21,500 രൂപ വരെ ലാഭിക്കാനുള്ള സുവർണാവസരമാണ് ട്രയംഫ് ഉപഭോക്താക്കൾക്കായി നൽകിയിരിക്കുന്നത്. എന്നാൽ പഴയ 400 സിസി എഞ്ചിന് പകരം ഇപ്പോൾ ബൈക്കുകൾ 350 സിസി എഞ്ചിനുകളിലേക്ക് മാറിയിട്ടുണ്ട്.

മിഡ്-കപ്പാസിറ്റി മോട്ടോർസൈക്കിൾ സെഗ്മെന്റിൽ 400 സിസി മോഡലുകൾ പുറത്തിറക്കി വിപ്ലവം തീർത്ത് മുന്നേറുകയാണ് ബ്രിട്ടീഷ് ഇരുചക്ര വാഹന നിർമാതാക്കളായ ട്രയംഫ്. ഇതിനിടയിൽ 400 സിസി എഞ്ചിനുകൾക്ക് പകരം പുതിയ 350 സിസിയിലേക്ക് സ്പീഡ്, സ്ക്രാംബ്ലർ ശ്രേണിയെ പുതുക്കിപണിയാൻ തീരുമാനമെടുത്തിരിക്കുകയാണ് ബ്രാൻഡ്. മോട്ടോർസൈക്കിളുകളുടെ വില കുറയ്ക്കാൻ ട്രയംഫിനെ സഹായിക്കുന്ന നീക്കമാണിത് എങ്കിലും ആരാധകർ ഏറെ നിരാശയിലാണ്. എന്നാൽ ആളുകളെ കൈയിലെടുക്കുവാനായി ട്രയംഫ് അടുത്തിടെ വിദേശ വിപണികളിൽ അവതരിപ്പിച്ച സ്പീഡ് ട്രാക്കർ 400 ഇന്ത്യയിലും പുറത്തിറക്കിയിരിക്കുകയാണ്. റെട്രോ സ്റ്റൈലുള്ള റോഡ്സ്റ്റർ വെന്നിക്കൊടി പാറിക്കുമെന്ന പ്രതീക്ഷയിലാണ് കമ്പനി.

പുതിയ സാമ്പത്തിക വർഷം ആരംഭിച്ചതോടെ ഇരുചക്ര വാഹനങ്ങൾക്കും പാസഞ്ചർ കാറുകൾക്കും വാണിജ്യ വാഹനങ്ങൾക്കുമെല്ലാം വില കൂടിയിരിക്കുകയാണ്. രാജ്യത്തെ ഒട്ടുമിക്ക കമ്പനികളും മോഡൽ നിരയിൽ വില പരിഷ്ക്കാരം നടപ്പിലാക്കിയപ്പോൾ ടൊയോട്ടയും ഇതേ ട്രെൻഡിനൊപ്പം സഞ്ചരിച്ചിരിക്കുകയാണ്. ഇന്ത്യയിൽ വിൽപ്പനയ്ക്ക് എത്തുന്ന ഒന്നിലധികം മോഡലുകളിലാണ് ടൊയോട്ട കിർലോസ്‌കർ മോട്ടോർ വില കൂട്ടാൻ തീരുമാനിച്ചിരിക്കുന്നത്. ഈ ഫിനാൻഷ്യൽ ഇയറിൽ ശമ്പളം കൂടിക്കിട്ടുന്നതനുസരിച്ച് പുത്തനൊരു കാർ വാങ്ങാനിരുന്നവർക്കെല്ലാം ഈ വാർത്ത നിരാശ സമ്മാനിക്കുമെന്ന് ഉറപ്പാണ്. തെരഞ്ഞെടുക്കുന്ന മോഡലുകൾക്ക് പുറമെ വേരിയന്റുകളെയും എഞ്ചിനുകളേയും ആശ്രയിച്ച് വില വർധനവ് വ്യത്യാസപ്പെടുകയും ചെയ്യും.

ഇന്ത്യക്കാരുടെ ഏറ്റവും പ്രിയപ്പെട്ട മള്‍ട്ടി പര്‍പ്പസ് വാഹനമായ മാരുതി സുസുക്കി എര്‍ട്ടിഗ (Maruti Suzuki Ertiga) വില്‍പ്പനയില്‍ പുതുചരിത്രം രചിച്ച് മുന്നേറുകയാണ്. 2026 സാമ്പത്തിക വര്‍ഷത്തില്‍ ഏകദേശം രണ്ട് ലക്ഷത്തോളം യൂണിറ്റുകള്‍ വിറ്റഴിച്ചുകൊണ്ടാണ് എര്‍ട്ടിഗ 7-സീറ്റര്‍ വാഹന വിഭാഗത്തില്‍ ആധിപത്യം ഊട്ടിയുറപ്പിച്ചത്. രണ്ട് ലക്ഷം എന്ന മാന്ത്രിക സംഖ്യയ്ക്ക് തൊട്ടടുത്തെത്തിയ എര്‍ട്ടിഗ, മാരുതി നിരയില്‍ ഏറ്റവും കൂടുതല്‍ വിറ്റഴിക്കപ്പെടുന്ന രണ്ടാമത്തെ മോഡലായി മാറി. 2,07,906 യൂണിറ്റ് വില്‍പ്പനയുമായി ഒന്നാം സ്ഥാനം കൈയ്യടക്കിയത് ഡിസയര്‍ ആണ്. കുറഞ്ഞ വിലയും മികച്ച മൈലേജും ഒത്തുചേരുന്ന എര്‍ട്ടിഗയുടെ വിസ്മയിപ്പിക്കുന്ന വില്‍പ്പന കണക്കുകളും സവിശേഷതകളും വിശദമായി വായിക്കാം.

ഇന്ത്യന്‍ വാഹന വിപണിയില്‍ സ്‌പോര്‍ട് യൂടിലിറ്റി വാഹനങ്ങള്‍ ട്രെന്‍ഡ്‌സെറ്റര്‍മാരായതോടെ എതിരാളികളെ നിഷ്പ്രഭമാക്കി കുതിക്കുകയാണ് ടാറ്റ മോട്ടോര്‍സ്. കഴിഞ്ഞ വര്‍ഷം ജിഎസ്ടി 2.0 നടപ്പിലാക്കിയതിന് ശേഷം ടാറ്റയുടെ കോംപാക്ട് എസ്‌യുവി മോഡലുകളായ പഞ്ചും നെക്‌സോണും വിപണിയില്‍ വന്‍ മുന്നേറ്റമാണ് നടത്തുന്നത്. ജിഎസ്ടി പ്രൈസ കട്ടിന് ശേഷം ഒന്നിലേറെ മാസങ്ങളില്‍ 20000+ യൂണിറ്റ് വില്‍പ്പനയുമായി നെക്‌സോണ്‍ രാജ്യത്തെ ബെസ്റ്റ് സെല്ലറായി മാറിയിരുന്നു. എന്നാല്‍ 2026 മാര്‍ച്ച് മാസം അനിയന്‍ പഞ്ചിന്റെ ഊഴമായിരുന്നു.

ഇന്ത്യന്‍ നിരത്തുകളില്‍ പതിറ്റാണ്ടുകളായി ആധിപത്യം പുലര്‍ത്തുന്ന ടൊയോട്ട ഇന്നോവയെന്ന മള്‍ട്ടി പര്‍പ്പസ് വാഹനത്തിന്റെ രണ്ട് തലമുറ മോഡലുകളാണ് നിലവില്‍ വിപണിയിലുള്ളത്. പുതിയ തലമുറ പതിപ്പ് പുറത്തിറങ്ങുമ്പോള്‍ പഴയ മോഡല്‍ വിപണിയില്‍ നിന്ന് പിന്‍വലിക്കുകയെന്ന പതിവ് ടൊയോട്ട തെറ്റിച്ചത് ഇന്നോവ ക്രിസ്റ്റയുടെ (Toyota Innova Crysta) കാര്യത്തിലായിരുന്നു. 2022-ല്‍ ഇന്നോവ ഹൈക്രോസ് പുറത്തിറക്കിയിട്ടും ഡീസല്‍ എഞ്ചിന്‍ ഓപ്ഷനില്‍ മാത്രമായി ക്രിസ്റ്റ നിലനിര്‍ത്തുകയായിരുന്നു ജാപ്പനീസ് ബ്രാന്‍ഡ്. എന്നാല്‍ ക്രിസ്റ്റ വാങ്ങാന്‍ ആലോചിക്കുന്നവര്‍ ആ തീരുമാനം വേഗത്തില്‍ നടപ്പാക്കുന്നതാണ് നല്ലതെന്ന് സൂചിപ്പിക്കുന്ന റിപ്പോര്‍ട്ടുകളാണ് പുറത്തുവരുന്നത്.

2026 മാര്‍ച്ചിൽ വിപണിയില്‍ എത്തിയ പുതിയ മെര്‍സിഡീസ് ആഡംബര കാറിന് പിന്നാലെയാണ് ഇന്ത്യന്‍ സെലിബ്രിറ്റികള്‍ ഇപ്പോള്‍. മെര്‍സിഡീസ് ബെന്‍സ് പുറത്തിറക്കിയ പുതിയ V-ക്ലാസ് ആഡംബര എംപിവി സ്വന്തമാക്കാനാണ് പ്രമുഖര്‍ മത്സരിക്കുന്നത്. ഏതാനും ദിവസങ്ങള്‍ക്ക് മുമ്പ് ഇന്ത്യന്‍ ക്രിക്കറ്റര്‍ ഹര്‍ദിക് പാണ്ഡ്യയാണ് ഈ മോഡലിന്റെ ആദ്യ യൂണിറ്റ് വാങ്ങി കാമുകിക്ക് സമ്മാനിച്ച് ട്രെന്‍ഡിന് തുടക്കമിട്ടത്. ഇക്കഴിഞ്ഞ ദിവസം ബോളിവുഡ് സൂപ്പര്‍ താരം തന്റെ 57-ാം പിറന്നാളിന് സ്വന്തമായി വാങ്ങിയ കാറും V-ക്ലാസ് ആയിരുന്നു. ഇപ്പോള്‍ പ്രശസ്ത നിര്‍മാതാവും അന്തരിച്ച വിഖ്യാത നടി ശ്രീദേവിയുടെ ഭര്‍ത്താവുമായ ബോണി കപൂറും V-ക്ലാസ് ഓണേഴ്‌സ് ക്ലബില്‍ ചേര്‍ന്നിരിക്കുകയാണ്.

ഇന്ത്യന്‍ വിപണിയിലെ ജനപ്രിയ ഇരുചക്ര വാഹന നിര്‍മ്മാതാക്കളായ യമഹ (Yamaha) തങ്ങളുടെ പ്രമുഖ സ്‌കൂട്ടര്‍ മോഡലുകളുടെ വില വര്‍ദ്ധിപ്പിച്ചു. റേZR 125, എയ്‌റോക്‌സ് 155 (Aerox 155) എന്നീ മോഡലുകള്‍ക്കാണ് കമ്പനി ഇപ്പോള്‍ വില കൂട്ടിയിരിക്കുന്നത്. അതേസമയം, ഫാസിനോ 125 മോഡലിന്റെ വിലയില്‍ മാറ്റം വരുത്തിയിട്ടില്ല. ഓരോ വര്‍ഷവും കമ്പനികള്‍ നടത്തുന്ന പതിവ് വില പരിഷ്‌കരണത്തിന്റെ ഭാഗമായാണ് ഇതെന്നാണ് വിപണി നിരീക്ഷകര്‍ വിലയിരുത്തുന്നത്. ഉപഭോക്താക്കളെ വലിയ രീതിയില്‍ ബാധിക്കാത്ത ചെറിയ വര്‍ദ്ധനവാണ് കമ്പനി വരുത്തിയിട്ടുള്ളത്.

മലയാളം ബിഗ് ബോസിന്റെ രണ്ടാം സീസണിലൂടെ സമൂഹ മാധ്യമങ്ങളില്‍ കൂടുതല്‍ അറിയപ്പെട്ട വ്യക്തിയാണ് അധ്യാപകനും പ്രാസംഗികനുമായ ഡോക്‌ടർ രജിത് കുമാര്‍. ഏഷ്യാനെറ്റിലെ റിയാലിറ്റി ഷോയിലൂടെ ആരാധകരെ സമ്പാദിച്ച ഇദ്ദേഹത്തിനായി സമൂഹമാധ്യമങ്ങളിൽ ആർമി ഗ്രൂപ്പ് വരെ ഒരുകാലത്തുണ്ടായിരുന്നു. അശാസ്ത്രീയ പ്രസ്താവനകളിലൂടെ വലിയ വിവാദങ്ങളും കക്ഷി ഉണ്ടാക്കിയിട്ടുണ്ട്. തന്റെ ലൈംഗിക ശേഷി സ്വയം ഇല്ലാതാക്കിയെന്നും ഉദ്ധാരണമുണ്ടാകില്ലെന്നുമെല്ലാം വെട്ടിത്തുറന്ന് പറഞ്ഞിട്ടുള്ള രജിത് ഇപ്പോൾ അഭിനയവും മറ്റുമായി മുമ്പോട്ട് പോവുകയാണ്. ഇതിനിടയിൽ തന്റെ യാത്രകൾക്കായി പുതിയൊരു ആളെക്കൂടി ബിഗ് ബോസ് താരം ഒപ്പം കൂട്ടിയിരിക്കുകയാണ്.

മലയാളികൾക്കിടയിൽ ഹേറ്റേഴ്‌സില്ലാത്ത വ്ലോഗർമാരിൽ ഒരാളാണ് ഉബൈദ് കെ. അർഹതപ്പെട്ടവരെ കണ്ടെത്തി അവർക്ക് സഹായം ചെയ്തുകൊടുക്കുന്ന ചെറുപ്പക്കാരന് ഇൻസ്റ്റഗ്രാമിൽ 6 മില്യണിൽ അധികം ഫോളോവേഴ്‌സാണ് ഇപ്പോഴുള്ളത്. ഒരു സെലിബ്രിറ്റിയല്ലാഞ്ഞിട്ട് കൂടി ഇത്രയധികം ഫോളോവേഴ്‌സുണ്ടെങ്കിൽ ആളുകൾ എത്രത്തോളം ഉബൈദിനെ സ്നേഹിക്കുന്നുണ്ടെന്ന് മനസിലാക്കാം. ഇപ്പോഴിതാ പുതിയൊരു കാർ സ്വന്തമാക്കിയിരിക്കുകയാണ് ഈ യൂട്യൂബർ. ഉമ്മാക്ക് കൊടുത്ത വാക്ക്. എന്നെങ്കിലും ഒരു കാർ വാങ്ങുന്നെങ്കിൽ, ആദ്യത്തെ കീ എടുക്കുന്നത് ഉമ്മ ആയിരിക്കും എന്ന അടിക്കുറിപ്പോടെയാണ് പുതിയ വാഹനം വാങ്ങിയ വിവരം ഫോളോവേഴ്‌സിലേക്ക് താരം എത്തിച്ചിരിക്കുന്നത്.

റോയല്‍ എന്‍ഫീല്‍ഡിന്റെ ജനപ്രിയ മോഡലായ ഹണ്ടര്‍ 350 (2026 Royal Enfield Hunter 350) പുതിയ മാറ്റങ്ങളുമായി വിപണിയിലെത്തി. പുത്തന്‍ വേരിയന്റും ആകര്‍ഷകമായ നിറങ്ങളും ചേര്‍ത്ത് 2026 മോഡല്‍ ഹണ്ടര്‍ നിര വിപുലീകരിച്ചിരിക്കുകയാണ് കമ്പനി. പുതിയ മാറ്റങ്ങളോടെ കൂടുതല്‍ യുവാക്കളെയും നഗരയാത്രികരെയും ആകര്‍ഷിക്കാനാണ് റോയല്‍ എന്‍ഫീല്‍ഡ് ലക്ഷ്യമിടുന്നത്. ഉത്തര്‍ പ്രദേശിലെ ലഖ്നൗവില്‍ നടന്ന 'ഹണ്ടര്‍ഹുഡ്' എന്ന സ്ട്രീറ്റ് കള്‍ച്ചര്‍ പ്ലാറ്റ്ഫോമിലാണ് 2026 ഹണ്ടര്‍ 350 പോര്‍ട്ട്ഫോളിയോ അരങ്ങേറിയത്. .ഇന്ന് (2026 ഏപ്രില്‍ 4) മുതല്‍ രാജ്യത്തുടനീളം പുതിയ മോഡലുകളുടെ ബുക്കിംഗും ഡെലിവറിയും ആരംഭിച്ചു.

ഇന്ത്യയുടെ 'ഇവി തലസ്ഥാനം' എന്ന് ബെംഗളൂരു നഗരത്തെ വിശേഷിപ്പിക്കുന്നത് വെറുതെയല്ലെന്ന് തെളിയിക്കുന്ന ഒരു സംഭവം കഴിഞ്ഞ ദിവസം അരങ്ങേറി. 2026 മാര്‍ച്ച് 31-ന് നഗരത്തിലെ വിവിധ ആര്‍ടിഒ (RTO) ഓഫീസുകളിലായി 13,000-ത്തിലധികം പുതിയ ഇലക്ട്രിക് വാഹനങ്ങളാണ് രജിസ്റ്റര്‍ ചെയ്യപ്പെട്ടത്. സാധാരണ ഗതിയില്‍ പ്രതിദിനം ശരാശരി 267 വാഹനങ്ങള്‍ മാത്രം രജിസ്റ്റര്‍ ചെയ്തിരുന്ന സ്ഥാനത്താണ് ഈ അവിശ്വസനീയമായ വര്‍ദ്ധനവ് രേഖപ്പെടുത്തിയത്. ഒറ്റ ദിവസം കൊണ്ട് ഇത്രയധികം ഇലക്ട്രിക് വാഹനങ്ങള്‍ നിരത്തിലിറങ്ങുന്നത് രാജ്യത്തെ തന്നെ ആദ്യത്തെ സംഭവമാണ്. മുന്‍പത്തെ വില്‍പന കണക്കുകളുമായി താരതമ്യം ചെയ്യുമ്പോള്‍ 400 ശതമാനത്തിന്റെ വമ്പിച്ച വര്‍ദ്ധനവാണിത്.

എല്ലാ എസ്‌യുവികളേയും ഒന്ന് തോൽപ്പിച്ച് രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന കാറായി മാറിയിരിക്കുകയാണ് മാരുതി സുസുക്കിയുടെ ഒരു സെഡാൻ. ത്രീ-ബോക്‌സ് ടൈപ്പ് വാഹനങ്ങളുടെ കാലം കഴിഞ്ഞുവെന്ന് വിധിയെഴുതിയവരുടെ നെഞ്ചത്ത് ചവിട്ടി നിന്ന് ഈ കിരീടം സ്വന്തമാക്കിയിരിക്കുന്നത് മറ്റാരുമല്ല, ഡിസയർ എന്ന മിടുക്കൻ ഫാമിലി കാറാണ്. 2025-26 സാമ്പത്തിക വർഷത്തിൽ ഏറ്റവും കൂടുതൽ വിറ്റഴിക്കപ്പെട്ട പാസഞ്ചർ കാർ എന്ന ബഹുമതിയാണ് ഡിസയറിനെ തേടിയെത്തിയിരിക്കുന്നത്. 2026 സാമ്പത്തിക വർഷത്തിൽ അതായത് 2025 ഏപ്രിൽ മുതൽ 2026 മാർച്ച് വരെയുള്ള കാലയളവിൽ മോഡലിന്റെ 2.30 ലക്ഷം യൂണിറ്റുകളാണ് നിരത്തിലെത്തിയത്.

മലയാള സിനിമയിലെ 'മസില്‍ അളിയന്‍' ഉണ്ണി മുകുന്ദന്‍ (Unni Mukundan) തന്റെ വാഹനശേഖരത്തിലേക്ക് പുത്തന്‍ അതിഥിയെ വരവേറ്റു. ജര്‍മന്‍ ആഡംബര വാഹന നിര്‍മ്മാതാക്കളായ ബിഎംഡബ്ല്യുവിന്റെ ഏറ്റവും പുതിയ 5 സീരീസ് (BMW 530 Li) ആണ് താരം സ്വന്തമാക്കിയത്. ആഡംബരവും സ്‌പോര്‍ട്ടി പെര്‍ഫോമന്‍സും ഒത്തിണങ്ങിയ ബിഎംഡബ്ല്യു 5 സീരീസിന്റെ എട്ടാം തലമുറ മോഡലാണ് താരം തിരഞ്ഞെടുത്തത്. കേരളത്തിലെ പ്രമുഖ ബിഎംഡബ്ല്യു ഡീലര്‍മാരായ ഇവിഎം ഓട്ടോക്രാഫ്റ്റില്‍ നിന്നാണ് ഫൈറ്റോണിക് ബ്ലൂ മെറ്റാലിക് നിറത്തിലുള്ള 5 സീരീസിന്റെ ലോംഗ് വീല്‍ബേസ് പതിപ്പായ 530 Li M സ്‌പോര്‍ട് ഉണ്ണി ഏറ്റുവാങ്ങിയത്.

യങ്സ്റ്റേഴ്‌സിന്റെ ഫേവറീറ്റ് ബൈക്കുകളുടെ പട്ടികയെടുത്താൽ ജാപ്പനീസ് ഇരുചക്ര വാഹന നിർമാതാക്കളായ യമഹയുടെ രണ്ട് മോഡലുകൾ തുടക്കത്തിൽ തന്നെ ഇടംപിടിക്കും. R-15, MT-15 എന്നീ മോട്ടോർസൈക്കിളുകൾ ഇന്ത്യയിലുണ്ടാക്കിയെടുത്ത ആരവം അത്രത്തോളം വലുതാണ്. വിശ്വാസ യോഗ്യമായ എഞ്ചിന് പുറമെ ഒന്നാന്തരം പെർഫോമൻസും 45+ പ്ലസ് മൈലേജും കൂടിയായപ്പോൾ ചെറുപ്പക്കാരെല്ലാം യമഹയുടെ ഷോറൂമിലേക്ക് വെച്ചുപിടിക്കുകയായിരുന്നു. MT-15 നേക്കഡ് സ്ട്രീറ്റ് മോട്ടോർസൈക്കിളിന് എന്തെങ്കിലും കുറ്റം പറയാനുണ്ടെങ്കിൽ അത് പിൻസീറ്റിന് നീളം പോരെന്നത് മാത്രമായിരിക്കും. വിലയായാലും താരതമ്യേന താങ്ങാനാവുന്ന നിരക്കിലാണ് യമഹ നിശ്ചയിച്ചിരുന്നതും.

ഇന്ത്യന്‍ വാഹന വിപണിയില്‍ എസ്‌യുവി രാജാക്കന്‍മാരായി വാഴുന്ന മഹീന്ദ്ര ആന്‍ഡ് മഹീന്ദ്രയില്‍ നിന്നും വാഹനപ്രേമികളെ നിരാശപ്പെടുത്തുന്ന പ്രഖ്യാപനം വന്നു. 2026 ഏപ്രില്‍ 6 അതായത് അടുത്ത തിങ്കളാഴ്ച മുതല്‍ മഹീന്ദ്രയുടെ ജനപ്രിയ എസ്‌യുവികള്‍ക്കും വാണിജ്യ വാഹനങ്ങള്‍ക്കും കൂടുതല്‍ വില നല്‍കേണ്ടി വരും. അസംസ്‌കൃത വസ്തുക്കളുടെ വിലക്കയറ്റം മൂലം നിര്‍മ്മാണച്ചെലവ് കുതിച്ചുയര്‍ന്നതാണ്, ഥാര്‍ മുതല്‍ സ്‌കോര്‍പിയോ വരെ അണിനിരക്കുന്ന ജനപ്രിയ മോഡലുകളുടെ വില ഉയര്‍ത്താന്‍ കമ്പനിയെ നിര്‍ബന്ധിതരാക്കിയിരിക്കുന്നത്. ഓരോ മോഡലിനും വേരിയന്റിനും അനുസരിച്ച് 2.5 ശതമാനം വരെയാണ് വില വര്‍ദ്ധനവ് നിശ്ചയിച്ചിരിക്കുന്നത്.

ഇന്ത്യൻ വിപണിയിൽ മാഗ്നൈറ്റ് എന്നൊരു എസ്‌യുവിയുടെ മാത്രം ബലത്തിൽ ജീവശ്വാസം നിലനിർത്തിപ്പോന്നവരാണ് ജാപ്പനീസ് വാഹന നിർമാതാക്കളായ നിസാൻ. ഇടയ്ക്ക് കൂട്ടിനായി X-ട്രെയിൽ എന്നൊരു വമ്പൻ എസ്‌യുവി പുറത്തിറക്കിയെങ്കിലും അതിന്റെ ഒടുക്കത്തെ വില കാരണം ആരും കാര്യമായി വാങ്ങാനെത്തിയില്ലെന്നതാണ് സത്യം. ഒടുവിൽ ചെറിയ വിലയ്ക്ക് ഗ്രാവൈറ്റ് (Nissan Gravite) എന്നൊരു 7-സീറ്റർ നിസാൻ വിപണിയിൽ അവതരിപ്പിക്കുകയുണ്ടായി. 5.65 ലക്ഷത്തിന് എംപിവി എത്തിയതോടെ ഷോറൂമിലെല്ലാം വീണ്ടും ജനത്തിരക്കായി തുടങ്ങി. അങ്ങനെ വർഷങ്ങൾക്ക് ശേഷം പതിനായിരത്തിൽ തൊട്ടിരിക്കുകയാണ് നിസാന്റെ പ്രതിമാസ വിൽപ്പന.

സ്വന്തം ഗരാജിലേക്ക് പുത്തന്‍ അതിഥിയെ വരവേറ്റുകൊണ്ട് തന്റെ 57-ാം ജന്മദിനം കെങ്കേമമായി ആഘോഷിച്ച് ബോളിവുഡ് താരം അജയ് ദേവ്ഗണ്‍ (Ajay Devgn). രാജ്യത്തെ സെലിബ്രിറ്റികള്‍ക്കിടയില്‍ ട്രെന്‍ഡിംഗായി കൊണ്ടിരിക്കുന്ന മെര്‍സിഡീസ് ബെന്‍സ് V-ക്ലാസ് (Mercedes Benz V-Class) പ്രീമിയം എംപിവിയാണ് താരം സ്വന്തമാക്കിയത്. കുടുംബയാത്രകള്‍ക്കും ഔദ്യോഗിക ആവശ്യങ്ങള്‍ക്കും ഒരുപോലെ അനുയോജ്യമായ ഈ വാഹനം അജയ് ഡെലിവറിയെടുക്കുന്നതിന്റെ ചിത്രങ്ങള്‍ മെര്‍സിഡീസ് ഡീലര്‍മാരായ ഓട്ടോഹാംഗര്‍ ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്. പുതിയ മെര്‍സിഡീസ് ബെന്‍സ് V-ക്ലാസിന്റെ ഇന്ത്യയിലെ പ്രാരംഭ എക്‌സ്‌ഷോറൂം വില 1.40 കോടി രൂപയാണ് .

ഇലക്‌ട്രിക് ഇരുചക്ര വാഹന വിപണിയിൽ തങ്ങളുടെ ഏറ്റവും മോശം സമയത്തിലൂടെ കടന്നുപോവുകയാണ് ഓല. രാജ്യത്തെ ഏറ്റവും വലിയ വൈദ്യുത വാഹന നിർമാതാക്കൾ എന്ന നിലയിൽ നിന്നും താഴേക്ക് നിലംപതിച്ച കമ്പനി പല കാര്യങ്ങളിലായി ചീത്തപ്പേരും പേരുദോഷവും കേൾപ്പിക്കുകയുണ്ടായി. എന്നാൽ കഴിഞ്ഞ മാസം ഓഫറുകൾ വാരിക്കോരി നൽകിയതോടെ മാര്‍ച്ചില്‍ രജിസ്‌ട്രേഷനില്‍ 150 ശതമാനത്തിലധികം വളര്‍ച്ചയാണ് രേഖപ്പെടുത്തിയിരിക്കുകയാണ്. ഇവി നിർമാതാക്കളുടെ വമ്പന്‍ തിരിച്ചുവരവ് വാഹനലോകത്തെ ഒന്നടങ്കം അത്ഭുതപ്പെടുത്തിയിരിക്കുകയാണ്. ഈ അവസരം വീണ്ടും മുതലെടുക്കുവാനായി ഓല ഇലക്ട്രിക് തങ്ങളുടെ ഫ്ലാഗ്ഷിപ്പ് ഇലക്ട്രിക് മോട്ടോർസൈക്കിളിന്റെ വില വലിയ തോതിൽ വെട്ടിക്കുറച്ചിരിക്കുകയാണ്.

മറ്റേത് സ്വദേശി, വിദേശി ബ്രാന്‍ഡുകള്‍ എത്ര മുന്തിയ ഇലക്ട്രിക് കാര്‍ കൊണ്ടുവരുന്നുണ്ടെന്ന് പറഞ്ഞാലും ഇന്ത്യക്കാര്‍ ഏറ്റവും കൂടുതല്‍ കാത്തിരുന്നത് മാരുതി സുസുക്കി ഇ വിറ്റാരയുടെ (Maruti Suzuki e VITARA ) വരവിനാണ്. കഴിഞ്ഞ വര്‍ഷം ഓട്ടോ എക്‌സ്‌പോയില്‍ ലോകത്തിന് മുന്നില്‍ അവതരിപ്പിക്കപ്പെട്ട ഇലക്ട്രിക് എസ്‌യുവി ആഗോള വിപണിയിലെത്തി മാസങ്ങള്‍ കഴിഞ്ഞ് 2026 ഫെബ്രുവരിയിലാണ് ഇന്ത്യയില്‍ ലോഞ്ച് ചെയ്തത്. ഡെലിവറി തുടങ്ങിയ ശേഷമുള്ള ഇ വിറ്റാരയുടെ ആദ്യ മാസത്തെ വില്‍പ്പന കണക്കുകള്‍ ഇപ്പോള്‍ പുറത്തുവന്നിട്ടുണ്ട്. മാരുതി സുസുക്കിയുടെ കന്നി ഇലക്ട്രിക് എസ്‌യുവി വിപണിയിലെത്തി ഒരു മാസത്തിനുള്ളില്‍ 2,205 യൂണിറ്റ് വില്‍പ്പന നേടി.

മലയാളികളുടെ പ്രിയതാരദമ്പതികളാണ് ഗായകൻ വിജയ് മാധവും ഭാര്യയും അവതാരകയുമായ ദേവിക നമ്പ്യാരും. സോഷ്യൽ മീഡിയയിൽ പല കാര്യങ്ങളിലൂടെ ശ്രദ്ധിക്കപ്പെട്ടിട്ടുള്ള ഇരുവരും സ്വന്തം കുഞ്ഞുങ്ങൾക്ക് പേര് നൽകിയതിന്റെ പേരിൽ പോലും വളരെയധികം വിമർശനങ്ങൾ ഏറ്റുവാങ്ങിയിരുന്നു. മകൾക്ക് ഓം പരമാത്മാ എന്ന് പേരിടാൻ നിശ്ചയിച്ചതോടെയാണ് താരദമ്പതിമാർ പുലിവാല് പിടിച്ചത്. എന്തായാലും അതെല്ലാം മറികടന്ന് വീണ്ടും ആളുകളുടെ മനസിൽ കയറിപ്പറ്റാൻ വിജയ് മാധവിനും ഭാര്യയ്ക്കും സാധിച്ചിരുന്നു. പാട്ടുകളിലൂടെയാണ് ഇരുവരും കൂടുതൽ ആരാധകരെ നേടിയത്. ഇപ്പോഴിതാ വീട്ടിലേക്ക് പുത്തനൊരു വാഹനം കൂടി വാങ്ങിയിരിക്കുകയാണ് ഇരുവരും.

ആക്‌സസ് എന്ന മിടുക്കൻ ഫാമിലി സ്‌കൂട്ടറിലൂടെ ഇന്ത്യക്കാരുടെ മനംകവർന്നവരാണ് ജാപ്പനീസ് ഇരുചക്ര വാഹന നിർമാതാക്കളായ സുസുക്കി. ഇന്ത്യയിലെ സ്‌കൂട്ടർ വിപണിയിലെ രാജാക്കൻമാരായ ഹോണ്ടയ്ക്കും ടിവിഎസിനും ഒപ്പം മുട്ടിനിൽക്കാൻ സുസുക്കിയെ യോഗ്യനാക്കിയതും ആക്‌സസ് തന്നെയാണ്. പിന്നീട് തങ്ങളുടെ സ്‌കൂട്ടർ നിര വിപുലീകരിക്കുന്നതിന്റെ ഭാഗമായി കമ്പനി ബർഗ്മാൻ സ്ട്രീറ്റ് എന്ന മാക്‌സി സ്റ്റൈൽ സ്‌കൂട്ടറും പുറത്തിറക്കുകയുണ്ടായി. നല്ല മസ്ക്കുലർ ലുക്കും കിടിലൻ പ്രാക്‌ടിക്കാലിറ്റിയുമായി എത്തിയ മസിൽമാനെ രാജ്യം ഇരുകൈയും നീട്ടി സ്വീകരിക്കുകയും ചെയ്‌തു. ഇപ്പോഴിതാ ബർഗ്മാൻ സ്ട്രീറ്റിന്റെ പുതുമോഡലുമായി രംഗത്തിറങ്ങിയിരിക്കുകയാണ് സുസുക്കി.

ഏപ്രില്‍ മാസത്തോടൊപ്പം പുതിയ സാമ്പത്തിക വര്‍ വര്‍ഷവും ആരംഭിച്ചതോടെ 2025-2026 സാമ്പത്തിക വര്‍ഷത്തെ വില്‍പ്പന കണക്കുകള്‍ പുറത്ത് വന്നുകൊണ്ടിരിക്കുകയാണ്. ഇന്ത്യന്‍ വാഹന വിപണിയില്‍ അടിമുടി മാറ്റങ്ങള്‍ പ്രകടമായ ഒരു സാമ്പത്തിക വര്‍ഷമാണ് കടന്ന് പോയത്. ഇന്ത്യന്‍ വിപണിയില്‍ പതിറ്റാണ്ടുകളായി രണ്ടാം സ്ഥാനം നിലനിര്‍ത്തിപ്പോന്നിരുന്ന കൊറിയന്‍ കരുത്തരായ ഹ്യുണ്ടായിയെ പിന്നിലാക്കി ആഭ്യന്തര ബ്രാന്‍ഡുകളായ മഹീന്ദ്രയും ടാറ്റയും വന്‍ കുതിപ്പ് നടത്തി. വിപണിയില്‍ മാരുതി സുസുക്കി തങ്ങളുടെ ഒന്നാം സ്ഥാനം സുരക്ഷിതമായി നിലനിര്‍ത്തിയപ്പോള്‍ ഹ്യുണ്ടായി നാലാം സ്ഥാനത്തേക്ക് പിന്തള്ളപ്പെട്ടു. കഴിഞ്ഞ സാമ്പത്തിക വര്‍ഷത്തെ ഇന്ത്യയിലെ ടോപ് 5 കാര്‍ ബ്രാന്‍ഡുകള്‍ ഏതൊക്കെയാണെന്ന് നമുക്ക് നോക്കാം.

വിപണിയിലെത്തി വെറും 12 മാസത്തിനുള്ളില്‍ 50,000 യൂണിറ്റുകളുടെ വില്‍പ്പന നാഴികക്കല്ല് പിന്നിട്ട് ഇന്ത്യന്‍ ഇലക്ട്രിക് വാഹന വിപണിയില്‍ മഹീന്ദ്രയുടെ 'ബോണ്‍ ഇലക്ട്രിക്' എസ്‌യുവികളുടെ (Mahindra Born Electric SUVs) പടയോട്ടം. ടാറ്റ മോട്ടോര്‍സിന്റെ കുത്തക തകര്‍ക്കാന്‍ ലക്ഷ്യമിട്ട് കുതിക്കുന്ന മഹീന്ദ്ര XEV 9e, XEV 9S, BE 6 എന്നീ മോഡലുകള്‍ ചുരുങ്ങിയ കാലം കൊണ്ട് കൈവരിച്ച ഈ നേട്ടം വാഹന ലോകത്തെ ഒന്നടങ്കം ഞെട്ടിച്ചിരിക്കുകയാണ്. മഹീന്ദ്രയുടെ അത്യാധുനിക 'ഇംഗ്ലോ' (INGLO) സ്‌കേറ്റ്‌ബോര്‍ഡ് ആര്‍ക്കിടെക്ചറില്‍ നിര്‍മിച്ച എസ്‌യുവികളാണ് ഈ വിസ്മയിപ്പിക്കുന്ന നേട്ടം കൈവരിച്ചത്.