ഇന്ത്യയിലെ സാധാരണക്കാരനും രാഷ്ട്രീയക്കാരും വലിയ വ്യവസായികളും വരെ ഒരു പോലെ സ്നേഹിക്കുന്നതും ഉപയോഗിക്കുന്നതുമായ വാഹനമാണ് ജാപ്പനീസ് വാഹന നിർമാതാക്കളായ ടൊയോട്ടയുടെ ഇന്നോവ (Toyota Innova). ഒരുകാലത്ത് അംബാസിഡര്‍ കാറുകളുടെ കുത്തകയായിരുന്ന നിരത്തുകൾ പിന്നീട് അത്തരത്തിലോ അല്ലെങ്കിൽ അതിൽ കേമമായിട്ടോ കീഴടക്കിട്ടുണ്ടെങ്കിൽ അത് ഇന്നോവ മാത്രമാണെന്ന് പറയേണ്ടി വരും. പുതിയത് വാങ്ങുന്നതിലും ആളുകൾ സെക്കൻഡ് ഹാൻഡ് മോഡലുകൾ വാങ്ങുന്ന കാറും ഇതുതന്നെയാവും. യാത്രാസുഖത്തിന്റെ പേരിൽ പ്രശസ്‌തിയാർജിച്ച എംപിവിക്ക് ഉഗ്രനായൊരു ഡീസൽ എഞ്ചിൻ കൂടിയുണ്ടെങ്കിൽ പിന്നെ തിരിഞ്ഞുനോക്കേണ്ടി വരില്ലെന്നതാണ് സത്യം.

ഫ്രഞ്ച് വാഹന നിർമാതാക്കളുടെ പ്രതാപകാലം ആവർത്തിക്കാൻ വീണ്ടും അവതാരപ്പിറവിയെടുത്തിരിക്കുകയാണ് റെനോ ഡസ്റ്റർ എസ്‌യുവി. ക്വിഡും ട്രൈബറും കൈഗറും ആഞ്ഞുപിടിച്ചിട്ടും ഉയരാത്ത വിൽപ്പന കണക്കുകൾ ഒറ്റയ്ക്ക് തോളിലേക്കാൻ ഉറച്ചാണ് ന്യൂജെൻ അവതാരത്തിൽ ഡസ്റ്റർ എത്തിയിരിക്കുന്നത്. പഴയ ഡീസൽ എഞ്ചിൻ ഇല്ലെങ്കിലും സ്ട്രോംഗ് ഹൈബ്രിഡ് ഉൾപ്പടെയുള്ള മൂന്ന് എഞ്ചിൻ ഓപ്ഷനുമായിട്ടാണ് ഇത്തവണത്തെ വരവ്. പഴയതിനേക്കാൾ വലിയ മത്സരമാണ് ഇത്തവണ നേരിടേണ്ടിവരുന്നത് എന്നതിനാൽ രണ്ടും കൽപ്പിച്ചാണ് റെനോയുടെ വരവ്. 10.49 ലക്ഷം രൂപ മുതൽ 18.49 ലക്ഷം രൂപ വരെയാണ് മോഡലിനായി നിശ്ചയിച്ചിട്ടുള്ള എക്സ്ഷോറൂം വിലയും.

പത്ത് ലക്ഷം രൂപ ബജറ്റിൽ കാർ നോക്കുന്ന പല സാധാരണക്കാരന്റേയും ആദ്യ ലിസ്റ്റിൽ ഉണ്ടാവുന്ന പേരായിരിക്കും മാരുതി സുസുക്കിയുടെ കൂപ്പെ സ്റ്റൈൽ ക്രോസ്ഓവർ എസ്‌യുവിയായ ഫ്രോങ്ക്‌സ് (Maruti Fronx). ജിംനി പൊട്ടിപാളീസായെങ്കിലും ഓഫ്-റോഡറിനൊപ്പം സർപ്രൈസായി അവതരിപ്പിച്ച മോഡൽ ജനഹൃദയങ്ങൾ കീഴടക്കുന്ന കാഴ്ച്ചയാണ് കാണാനായത്. സർപ്രൈസ് ഹിറ്റടിച്ച ഫ്രോങ്ക്‌സ് ഇന്നും ഓരോ മാസവും പതിനായിരക്കണക്കിന് യൂണിറ്റുകൾക്ക് മുകളിലാണ് വിറ്റഴിക്കുന്നത്. ഉഗ്രൻ ഡിസൈൻ, മോഡേൺ ഫീച്ചറുകൾ, പ്രായോഗികത, മൈലേജ്, താങ്ങാനാവുന്ന വില എന്നിവയെല്ലാം ഒത്തൊരുമിച്ചെത്തിയത് തന്നെയാണ് ഇത്രയധികം ഹിറ്റടിക്കാൻ കാരണമായത്.

സാധാരണക്കാരെ പോലും ഇവികൾ സ്വപ്‌നം കാണാൻ പഠിപ്പിച്ചവരാണ് നമ്മുടെ ടാറ്റ മോട്ടോർസ്. നെക്സോണിൽ നിന്നും തുടങ്ങിയ വൈദ്യുത വാഹന വിപ്ലവം ഇന്ന് ഹാരിയർ ഇവി വരെ എത്തി നിൽക്കുകയാണ്. അധികം വൈകാതെ സിയറയുടെ ഇലക്ട്രിക് പതിപ്പും കൂടിയെത്തുന്നതോടെ അതിശക്തരായി മുന്നേറുവാൻ കമ്പനിക്കാവും. ബ്രാൻഡിന്റെ വൈദ്യുത നിരയിലേക്ക് പുതുതായി എത്തിയ ഹാരിയർ ഇവി (Tata Harrier EV) വലിയ ചലനങ്ങളുണ്ടാക്കി മുന്നേറുകയാണിപ്പോൾ. വാഗമണ്ണിലെ ആനപ്പാറയെല്ലാം കയറി വാർത്തകളിൽ നിറഞ്ഞ എസ്‌യുവിയുടെ നിരയിലേക്ക് ഇപ്പോഴിതാ പുത്തനൊരു വേരിയന്റ് കൂടി അവതരിപ്പിച്ചിരിക്കുകയാണ്.

ഹ്യുണ്ടായി ക്രെറ്റ പോലുള്ള വമ്പൻമാർ അരങ്ങുവാഴുന്ന മിഡ്-സൈസ് ‌എസ്‌യുവി സെഗ്മെന്റിലേക്ക് അടുത്തിടെ ടാറ്റ സിയറ, ന്യൂജെൻ റെനോ ഡസ്റ്റർ തുടങ്ങിയ മിടുക്കൻമാർ എത്തിയതോടെ മത്സരം ആളിക്കത്താൻ പോവുകയാണ്. കൂട്ടത്തിലേക്ക് ചക്രവർത്തിയായ കുഷാഖിന്റെ ഫെയ്‌സ്‌ലിഫ്റ്റ് മോഡലിനെക്കൂടി പുറത്തിറക്കി സ്കോഡയും മുമ്പേ ഓടാൻ എത്തുകയാണ്. മുഖംമിനുങ്ങിയെത്തുന്ന പുതുമോഡലിന്റെ രൂപം നേരത്തെ വെളിപ്പെടുത്തിയിരുന്നുവെങ്കിലും വിലയും ഔദ്യോഗിക ലോഞ്ചും ഇന്നത്തേക്കായി മാറ്റിവെച്ചിരിക്കുകയായിരുന്നു ചെക്ക് റിപ്പബ്ലിക്കൻ വാഹന നിർമാതാക്കൾ. ദിവസങ്ങൾ നീണ്ട കാത്തിരിപ്പുകൾക്കൊടുവിൽ കുഷാഖ് ഫെയ്‌സ്‌ലിഫ്റ്റിന്റെ വില പ്രഖ്യാപിച്ച് എതിരാളികളുടെ നെഞ്ചിൽ തീ കോരിയിട്ടിരിക്കുകയാണ് സ്കോഡ.

ഇന്ത്യൻ വിപണിയിലേക്ക് ശക്തമായ തിരിച്ചുവരവ് നടത്തിയിരിക്കുകയാണ് റെനോ ഡസ്റ്റർ. ഇത്രയും വലിയ മത്സരാധിഷ്ഠിതമായ സെഗ്മെമ്റിലേക്ക് വെറുതേ വന്നാൽ കളികൾ നടക്കില്ലെന്ന് കൃത്യമായി മനസിലാക്കിയ ഫ്രഞ്ച് വാഹന നിർമാതാക്കൾ നല്ല കിടിലമാക്കിയാണ് ന്യൂജെൻ ഡസ്റ്ററിന് പണിതിറക്കിയിരിക്കുന്നത്. നല്ല വില നിർണയവും സ്ട്രോംഗ് ഹൈബ്രിഡ് പെട്രോൾ എഞ്ചിന്റെ സാന്നിധ്യവും ഒന്നാന്തരം ഡിസൈനും കൂടിയായപ്പോൾ എതിരാളികളെല്ലാം ഭയന്നിട്ടുണ്ടാവുമെന്ന കാര്യം ഉറപ്പാണ്. 10.49 ലക്ഷം രൂപ മുതൽ 18.50 ലക്ഷം രൂപ വരെയാണ് ഡസ്റ്ററിനായി മുടക്കേണ്ടി വരുന്ന എക്സ്ഷോറൂം വില. പേപ്പറിൽ അടിപൊളിയാണെങ്കിലും വാങ്ങി ഉപയോഗിക്കാൻ സംഭവം എങ്ങനെയുണ്ടെന്ന കാര്യമറിയാൻ ഏവർക്കും ആകാംക്ഷയുണ്ടാവുമല്ലോ.

ബോൺ ഇലക്‌ട്രിക് എസ്‌യുവികളിലൂടെ ഇന്ത്യയിൽ വിസ്‌മയം തീർത്ത് മുന്നേറുകയാണ് മഹീന്ദ്ര ആൻഡ് മഹീന്ദ്ര. ഇന്ത്യയിലുടനീളം ഒറ്റ ദിവസം 600-ലധികം ഇലക്ട്രിക് എസ്‌യുവികളുടെ ഡെലിവറി തീർപ്പാക്കി വാർത്തകളിൽ ഇടംനേടുക കൂടിയാണ് ബ്രാൻഡ് ഇപ്പോൾ. തങ്ങളുടെ ഔദ്യോഗിക സോഷ്യൽ മീഡിയ അക്കൗണ്ടുകൾ വഴിയാണ് ഇവികളുടെ മെഗാ ഡെലിവറി പർത്തിയാക്കിയ വാർത്ത മഹീന്ദ്ര പുറത്തുവിട്ടിരിക്കുന്നത്. വിവിധ ഡീലർഷിപ്പുകളിൽ നിന്ന് ആളുകൾ ഇലക്‌ട്രിക് എസ്‌യുവികളുടെ ഡെലിവറി എടുക്കുന്ന ചിത്രങ്ങളും ഇതോടൊപ്പം കമ്പനി പങ്കുവെച്ചിട്ടുണ്ട്. 'ഒരു ദിവസം 600+ ഇ-എസ്‌യുവികൾ ഡെലിവറി ചെയ്തു. ഇന്ത്യയ്ക്ക് ശക്തമായ ഒരു ഉത്സവ തുടക്കം' എന്ന അടിക്കുറിപ്പോടെയാണ് വാർത്ത പങ്കുവെച്ചിരിക്കുന്നതും.

ടാറ്റ പഞ്ചിന് പിന്നാലെ ഇന്ത്യയിലെ മൈക്രോ എസ്‌യുവി സെഗ്മെന്റിലെ രണ്ടാമനായ ഹ്യുണ്ടായി എക്സ്റ്ററും മുഖുമിനുക്കി വിപണിയിൽ എത്തിയിരിക്കുകയാണ്. വലിയ ആഘോഷങ്ങളൊന്നുമില്ലാതെ അവതരിപ്പിച്ചിരിക്കുന്ന ഫെയ്‌സ്‌ലിഫ്റ്റ് മോഡലിന് 25 ലധികം അപ്‌ഗ്രേഡുകൾ ലഭിച്ചിട്ടുണ്ടെന്നാണ് ദക്ഷിണ കൊറിയൻ വാഹന നിർമാതാക്കൾ പറയുന്നത്. 5.79 ലക്ഷം രൂപയുടെ പ്രാരംഭ വിലയിലാണ് കുഞ്ഞൻ സ്പോർട് യൂട്ടിലിറ്റി വാഹനം വിപണനത്തിന് എത്തിയിരിക്കുന്നത്. ഇന്ത്യയിൽ ഇതിനകം രണ്ട് ലക്ഷത്തിലധികം ഉപഭോക്താക്കളുള്ള വാഹനത്തിലേക്ക് സർപ്രൈസായിട്ടാണ് കമ്പനി ഫെയ്‌സ്‌ലിഫ്റ്റ് നവീകരണം കൊണ്ടുവന്നിരിക്കുന്നത്. കുറഞ്ഞുവരുന്ന വിൽപ്പനയ്ക്ക് കരുത്താൻ പുതിയ മാറ്റങ്ങൾക്ക് സാധിക്കുമെന്നാണ് വിലയിരുത്തലുകൾ.

ഇന്ത്യയിലെ മിഡ്-സൈസ് എസ്‌യുവി വിഭാഗത്തിലേക്ക് പുത്തൻ എസ്‌യുവിയുമായി സ്കോഡ നാളെ എത്തും. ഹ്യുണ്ടായി ക്രെറ്റയും കിയ സെൽറ്റോസും അരങ്ങുവാണിരുന്ന മിഡ്-സൈസ് എസ്‌യുവി വിഭാഗത്തിലേക്ക് മാരുതി വിക്ടോറിസിനും ഗ്രാൻഡ് വിറ്റാരയ്ക്കും ടൊയോട്ട ഹൈറൈഡറിനുമെല്ലാം മുമ്പെത്തിയ കുഷാഖാണ് പുതുരൂപവുമായി മാർച്ച് 21-ന് ലോഞ്ച് ചെയ്യാൻ ഒരുങ്ങുന്നത്. വിപണിയിലെത്തിയതിന് ശേഷം ഇതാദ്യമായാണ് കുഷാഖിന് ഒരു മുഖംമിനുക്കൽ ലഭിക്കുന്നത്. ചെറിയ പരിഷ്ക്കാരങ്ങൾക്ക് പകരം വമ്പൻ മാറ്റങ്ങളോടെയാണ് ചെക്ക് റിപ്പബ്ലിക്കൻ ചക്രവർത്തി ഒരുങ്ങിയിറങ്ങുന്നത്. രൂപവും ഭാവവും ഇതിനോടകം വെളിപ്പെടുത്തിയിട്ടുണ്ടെങ്കിലും വില പ്രഖ്യാപനത്തിനായാണ് ആളുകൾ ഇതുവരെ കാത്തിരുന്നത്.

ഇലക്‌ട്രിക് വാഹന വിപണിയിൽ ടാറ്റ മോട്ടോർസിനും എംജി മോട്ടോർസിനും വെല്ലുവിളിയായി ഉയർന്നുവന്നുകൊണ്ടിരിക്കുകയാണ് മഹീന്ദ്ര ആൻഡ് മഹീന്ദ്ര. ബോൺ ഇലക്ട്രിക് എസ്‌യുവികളിലൂടെ ഇവി രംഗത്ത് ക്ലച്ചുപിടിച്ച ബ്രാൻഡ് ഇപ്പോൾ കുതിക്കുകയാണ്. ഇതിനെല്ലാം കാരണക്കാരനായത് BE 6, XEV 9e എന്നീ രണ്ട് മോഡലുകളാണ്. സെലിബ്രിറ്റികൾ വരെ വാങ്ങിക്കൂട്ടാൻ മത്സരിക്കുന്ന മോഡലുകൾ ഇപ്പോൾ ബ്രാൻഡിൻ്റെ ടോപ്പ് സെല്ലിംഗ് വൈദ്യുത വാഹനങ്ങളാണ്. ബോളിവുഡിലെ പ്രമുഖ താരങ്ങൾ പോലും ഇന്ത്യൻ ടെസ്‌ലകളുടെ ഫാനായി മാറിയിട്ടുണ്ട്. ഇപ്പോഴിതാ ബൊമൻ ഇറാനിയും മഹീന്ദ്ര XEV 9e ഇവി സ്വന്തമാക്കിയിരിക്കുകയാണ്.

ഇന്ത്യയിലേക്ക് പുതിയൊരു സെഡാനുമായി വിപണിയിലെത്തിയിരിക്കുകയാണ് ടൊയോട്ടയുടെ ലക്ഷ്വറി ബ്രാൻഡ് വിഭാഗമായ ലെക്‌സസ്. 2025 ഏപ്രിലിൽ ഷാങ്ഹായ് മോട്ടോർ ഷോയിലൂടെ അരങ്ങേറ്റം കുറിച്ച ന്യൂജെൻ ലെക്‌സസ് ES മോഡലാണ് നമ്മുടെ നിരത്തിലേക്കും എത്തിയിരിക്കുന്നത്. എന്നാൽ പെട്രോളിലോ ഡീസലിലോ അല്ല വാഹനം ഇന്ത്യയിൽ അവതരിപ്പിച്ചിരിക്കുന്നത് എന്നതാണ് ശ്രദ്ധേയമായ കാര്യം. വൈദ്യുത വാഹന രംഗത്തിന് ഊന്നൽ കൊടുക്കുവാനായി ഇവി പതിപ്പിലാണ് ലെക്‌സസിന്റെ സെഡാൻ ഇന്ത്യയിലെത്തിയിരിക്കുന്നത്. ടൊയോട്ട കാമ്രി പണികഴിപ്പിച്ചിരിക്കുന്ന അതേ TNGA-K പ്ലാറ്റ്‌ഫോമിലാണ് ഇതിന്റേയും നിർമാണം പൂർത്തിയാക്കിയിരിക്കുന്നത്.

സ്കോഡ കുഷാക് മോണ്ടെ കാർലോയുടെ സ്പോർട്ടി ഡിസൈൻ, കരുത്തുറ്റ എഞ്ചിൻ, പുതിയ 8-സ്പീഡ് ഓട്ടോമാറ്റിക് ഗിയർബോക്സ് എന്നിവയെക്കുറിച്ച് വിശദമായി അറിയുക. ഈ കോംപാക്ട് എസ്‌യുവിയുടെ വില, ഫീച്ചറുകൾ, ഡ്രൈവിംഗ് അനുഭവം, സുരക്ഷ എന്നിവ പരിശോധിക്കാം. Discover the Skoda Kushaq Monte Carlo's sporty appeal, powerful engines, and 5-star safety rating.

ഇന്ത്യയിലെ മിഡ്-സൈസ് എസ്‌യുവി സെഗ്മെന്റിലേക്ക് മുഖംമിനുക്കി സ്കോഡ കുഷാഖ് ഫെയ്‌സ്‌ലിഫ്റ്റ് എത്തിയത് അടുത്തിടെയായിരുന്നു. ഹ്യുണ്ടായി ക്രെറ്റ, കിയ സെൽറ്റോസ് തുടങ്ങിയ വമ്പൻമാർ ആധിപത്യം സ്ഥാപിച്ചിരുന്ന സമയത്താണ് കുഷാഖ് ആദ്യം അവതരിച്ചത്. പിന്നീട് കൂടുതൽ ന്യൂജെൻ പിള്ളേരെത്തിയതോടെ വിൽപ്പന ചെറുതായൊന്ന് പിന്നാക്കം പോവുകയും ചെയ്‌തു. ഇത് മറികടന്ന് മുമ്പോട്ട് കുതിക്കാനായാണ് ഫെയ്‌സ്‌ലിഫ്റ്റ് മോഡലുമായി ചെക്ക് റിപ്പബ്ലിക്കൻ ബ്രാൻഡ് എത്തിയിരിക്കുന്നത്. വില പ്രഖ്യാപനവും ലേഞ്ചും മാത്രം ബാക്കി വെച്ചാണ് ചക്രവർത്തിയുടെ പുതിയ രൂപം പ്രദർശിപ്പിച്ചത്. ഇനി അധിക ദിവസമില്ലാതെ തന്നെ ഇക്കാര്യവും കമ്പനി വെളിപ്പെടുത്തുന്നതായിരിക്കും.

മള്‍ട്ടി പര്‍പ്പസ് വാഹന (MPV) വിപണിയില്‍ തങ്ങളുടെ ആധിപത്യം ഉറപ്പിക്കാനായി പുത്തന്‍ വേരിയന്റുകളും ഫീച്ചറുകളും നല്‍കി കാരെന്‍സ് ക്ലാവിസിന്റെ (Kia Carens Clavis) പുതുക്കിയ 2026 മോഡല്‍ ഇയര്‍ പതിപ്പ് അവതരിപ്പിച്ച് കിയ ഇന്ത്യ. GT-ലൈന്‍, X-ലൈന്‍ എന്നീ രണ്ട് പുതിയ ട്രിമ്മുകളാണ് ഈ അപ്ഡേറ്റിലെ പ്രധാന ആകര്‍ഷണം. കൂടുതല്‍ ഫീച്ചറുകള്‍ ഉള്‍പ്പെടുത്തിക്കൊണ്ട് വാഹനത്തിന്റെ മിഡ്-സ്‌പെക് വേരിയന്റുകളും കമ്പനി ഇപ്പോള്‍ പരിഷ്‌കരിച്ചിട്ടുണ്ട്. പുതിയ GT-ലൈന്‍ പതിപ്പ് സ്‌പോര്‍ട്ടിയര്‍ ഡിസൈന്‍ ശൈലിയാണ് പിന്തുടരുന്നത്. ഇതില്‍ GTX, GTX+ എന്നീ ട്രിമ്മുകള്‍ ഉള്‍പ്പെടുന്നു.

കാറുകളിലെ മഹാറാണിയെന്ന ഓമനപ്പേരിൽ അറിയപ്പെടുന്നവരാണ് ബ്രിട്ടീഷ് വാഹന നിർമാതാക്കളായ മിനി. കൂപ്പർ ഹാച്ച്ബാക്ക് (Mini Cooper) സീരീസിലൂടെ ഇന്ത്യക്കാർക്കിടയിൽ വരെ പ്രത്യേക സ്ഥാനം കണ്ടെത്തിയ ലക്ഷ്വറി കാർ ബ്രാൻഡിന് സ്ത്രീകൾക്കിടയിലാണ് കൂടുതൽ ആരാധകരുള്ളതെന്ന് വേണമെങ്കിൽ പറയാം. ബിഎംഡബ്ല്യുവിൻ്റെ ഉടസ്ഥതയിലുള്ള കമ്പനി ആഭ്യന്തര വിപണിയിൽ വളരെ സജീവമായാണ് പ്രവർത്തിക്കുന്നത്. അടിക്കടി മോഡൽ നിരയിലേക്ക് പുത്തൻ കാറുകളുമായി എത്തുന്നത് മിനിക്കൊരു ഹരമാണ്. ഇപ്പോഴിതാ കൂപ്പർ S ഹാച്ച്ബാക്കിൻ്റെ പുതിയ സ്പെഷ്യൽ എഡിഷൻ വേരിയൻ്റായ 'വിക്ടറി എഡിഷൻ' ഇന്ത്യയിൽ ഔദ്യോഗികമായി അവതരിപ്പിച്ചിരിക്കുകയാണ്.

പെട്രോള്‍, ഡീസല്‍ വാഹനങ്ങള്‍ സൃഷ്ടിക്കുന്ന വായുമലിനീകരണം നിയന്ത്രിക്കുന്നതിന്റെ ഭാഗമായി ഡല്‍ഹി സര്‍ക്കാര്‍ പുതിയ ഇലക്ട്രിക് വാഹന (EV) നയം അവതരിപ്പിക്കുന്നു. നിലവിലുള്ള ഇവി നയത്തില്‍ കാര്യമായ പരിഷ്‌കാരങ്ങള്‍ വരുത്തിക്കൊണ്ടുള്ള പുതിയ പദ്ധതി അടുത്ത ആഴ്ച ഔദ്യോഗികമായി പ്രഖ്യാപിക്കുമെന്നാണ് റിപ്പോര്‍ട്ടുകള്‍. പരിസ്ഥിതി സൗഹൃദ ഗതാഗത സംവിധാനങ്ങളെ പ്രോത്സാഹിപ്പിക്കുകയാണ് ഈ നീക്കത്തിലൂടെ ഡല്‍ഹി സര്‍ക്കാര്‍ പ്രധാനമായും ലക്ഷ്യമിടുന്നത്.ഇന്ത്യയില്‍ ഏറ്റവും കൂടുതല്‍ ഇലക്ട്രിക് വാഹനങ്ങള്‍ ഉപയോഗിക്കപ്പെടുന്ന നഗരങ്ങളിലൊന്നാണ് ഡല്‍ഹി. മലിനീകരണം കുറയ്ക്കുന്നതിനൊപ്പം ഇന്ധന ഇറക്കുമതിക്കായി ചെലവാക്കുന്ന തുക ലാഭിക്കാനും ഇലക്ട്രിക് വാഹനങ്ങളിലേക്കുള്ള മാറ്റം അനിവാര്യമാണെന്ന് സര്‍ക്കാര്‍ വിലയിരുത്തുന്നു.

ഇലക്‌ട്രിക് കാർ വിപണിയിൽ ക്ലിക്കാവാൻ ഏറെ കാത്തിരുന്നവരാണ് മഹീന്ദ്ര ആൻഡ് മഹീന്ദ്ര. പല പല മോഡലുകളിറക്കി പരീക്ഷണങ്ങൾ തുടർന്നുവെങ്കിലും ഹിറ്റടിക്കാൻ ബോൺ ഇലക്‌ട്രിക് എസ്‌യുവികളായ BE 6, XEV 9e തുടങ്ങിയ മോഡലുകൾ വരേണ്ടി വന്നുവെന്നതാണ് സത്യം. ഇന്ത്യൻ ടെസ്‌ലകൾ എന്ന ഓമനപ്പേരും വാങ്ങി ഇരുവരും ഇപ്പോൾ കുതിച്ചുപായുകയാണ്. ഇതിനിടയിൽ വിപണിയിൽ സജീവമായി നിലനിൽക്കുന്നതിനായി രണ്ട് ഇവികളുടേയും പല സ്പെഷ്യൽ എഡിഷൻ മോഡലുകളേയും കമ്പനി പുറത്തിറക്കുകയുണ്ടായി. അതിൽ ഏറ്റവും വലിയ ഹിറ്റടിച്ചതാവട്ടെ BE 6 ബാറ്റ്മാൻ എഡിഷനുമാണ്.

ഇന്ത്യയിലെ മുന്‍നിര ഇലക്ട്രിക് വാഹന നിര്‍മാതാക്കളായ ഓല ഇലക്ട്രിക് (Ola Electric) ചൈത്ര നവരാത്രി പ്രമാണിച്ച് തങ്ങളുടെ ഉപഭോക്താക്കള്‍ക്കായി 'നവരാത്രി മഹോത്സവം' (Ola Electric Navratri Mahotsav) എന്ന പേരില്‍ വമ്പിച്ച ഓഫറുകള്‍ പ്രഖ്യാപിച്ചു. 2026 മാര്‍ച്ച് 19-ന് ബെംഗളൂരുവിലാണ് ഈ പരിമിതകാലത്തേക്കുള്ള ക്യാമ്പയിന്‍ കമ്പനി ഔദ്യോഗികമായി അവതരിപ്പിച്ചത്. S1 ഇലക്ട്രിക് സ്‌കൂട്ടറുകള്‍ക്കും റോഡ്സ്റ്റര്‍ (Roadster) ഇലക്ട്രിക് ബൈക്കുകള്‍ക്കും ഈ ക്യാമ്പയിന് കീഴിലുള്ള ആനുകൂല്യങ്ങള്‍ ബാധകമാണ്. ഈ ഒമ്പത് ദിവസത്തെ ആഘോഷത്തിന്റെ ഭാഗമായി മൊത്തം 30,000 രൂപയില്‍ അധികം വരുന്ന ആനുകൂല്യങ്ങളാണ് ഉപഭോക്താക്കളെ കാത്തിരിക്കുന്നത്.

2025-ൽ ഇന്ത്യൻ ബോക്സോഫീസിൽ നിന്നും ഏറ്റവും കൂടുതൽ കളക്ഷൻ നേടിയ ഹിന്ദി ചിത്രമായ ആദിത്യ ധർ സംവിധാനം ചെയ്ത ധുരന്ധർ ദ റിവഞ്ചിൻ്റെ രണ്ടാം ഭാ​ഗം ഇന്ന് റിലീസ് ചെയ്‌തിരിക്കുകയാണ്. അഡ്വാൻസ് ബുക്കിം​ഗിൽ വരെ റെക്കോഡ് തീർത്ത പടത്തിന് ഇപ്പോൾ പോസിറ്റീവ് റെസ്പോൺസാണ് ലഭിക്കുന്നത്. അഡ്വാൻസ് ബുക്കിം​ഗിലൂടെ മാത്രം 200 കോടി രൂപയുടെ കളക്ഷൻ ധുരന്ധർ ഇതിനോടകം നേടിക്കഴിഞ്ഞു. ആദ്യ ഭാഗം 1400 കോടി നേടിയിട്ടും പ്രതിഫലം ഒരു രൂപ പോലും കൂട്ടാതെയാണ് നായകൻ രൺവീർ സിംഗ് രണ്ടാം ഭാഗത്തിലും അഭിനയിച്ചിരിക്കുന്നത്. ഇന്ത്യന്‍ ബോക്സ് ഓഫീസില്‍ നിന്ന് മാത്രം 1000 കോടിക്ക് മുകളില്‍ നേടിയ ആദ്യ ഭാഗം ആഗോള ബോക്സ് ഓഫീസില്‍ 1400 കോടിക്ക് മുകളില്‍ വാരിയിട്ടുണ്ടെന്നാണ് കണക്കുകൾ.

ഇന്ത്യന്‍ ക്രിക്കറ്റ് ടീമിലെ സ്റ്റാര്‍ ഓള്‍റൗണ്ടറും ഐപിഎല്‍ ടീമായ മുംബൈ ഇന്ത്യന്‍സിന്റെ നായകനുമായ ഹാര്‍ദിക് പാണ്ഡ്യയുടെ (Hardik Pandya) ആഡംബര കാര്‍ ശേഖരത്തിലേക്ക് പുതിയൊരു അതിഥി കൂടി എത്തിയതായി റിപ്പോര്‍ട്ട്. ഇറ്റാലിയന്‍ സൂപ്പര്‍ കാര്‍ നിര്‍മ്മാതാക്കളായ ഫെറാറിയുടെ ഏറ്റവും പുതിയ മോഡലായ '12 സിലിന്‍ഡ്രി (Ferrari 12Cilindri) ആണ് താരം സ്വന്തമാക്കിയത്. സൂപ്പര്‍ കാര്‍ 8.5 കോടി രൂപ പ്രാരംഭ വിലയിലാണ് കമ്പനി പുറത്തിറക്കിയതെങ്കിലും പാണ്ഡ്യ ഓടിച്ച കാറിന് ഏകദേശം 12 കോടി രൂപയാണ് വില.

സിറ്റി, അമേസ്, സിവിക് തുടങ്ങിയ സെഡാൻ മോഡലുകളിലൂടെ ഇന്ത്യക്കാർക്കിടയിൽ ജനപിന്തുണ നേടിയെടുത്തവരാണ് ജാപ്പനീസ് വാഹന നിർമാതാക്കളായ ഹോണ്ട (Honda Cars India). ത്രീ-ബോക്‌സ് ടൈപ്പ് മോഡലുകൾ ട്രെൻഡ് ഔട്ടായതോടെ ഹോണ്ടയുടെ കഷ്‌ടകാലവും തുടങ്ങി. എങ്കിലും തരക്കേടില്ലാത്ത രീതിയിൽ പിടിച്ചുനിൽക്കുന്ന കമ്പനി വിൽപ്പന കണക്കുകളിൽ ഇടയ്ക്കൊക്കെ നേട്ടമുണ്ടാക്കാറുണ്ട്. നിലവിൽ അമേസ്, എലിവേറ്റ്, സിറ്റി എന്നിങ്ങനെ മൂന്ന് മോഡലുകൾ മാത്രമാണ് ഹോണ്ട നിലവിൽ ഇന്ത്യയിൽ വിൽക്കുന്നത്. എന്നാൽ അധികം വൈകാതെ ഒരു പുത്തൻ ഇലക്‌ട്രിക് എസ്‌യുവിയെ അവതരിപ്പിക്കാനുള്ള തയാറെടുപ്പുകളും ബ്രാൻഡ് നടത്തുന്നുണ്ട്.

ജര്‍മ്മന്‍ ആഡംബര വാഹന നിര്‍മ്മാതാക്കളായ ഔഡി തങ്ങളുടെ ഇലക്ട്രിക് വാഹന ശ്രേണി വിപുലീകരിക്കുന്നതിന്റെ ഭാഗമായി പുതിയ A2 ഇ-ട്രോണ്‍' (A2 e-Tron) ഇലക്ട്രിക് എസ്‌യുവിയുടെ ടീസര്‍ പുറത്തുവിട്ടു. ആഗോള വിപണിയില്‍ ബ്രാന്‍ഡിന്റെ ഏറ്റവും പുതിയ എന്‍ട്രി ലെവല്‍ മോഡലായാണ് ഈ വാഹനം എത്തുന്നത്. നിലവിലുള്ള A1 ഹാച്ച്ബാക്കിനും Q2 എസ്‌യുവിക്കും പകരക്കാരനായാണ് A2 ഇ-ട്രോണ്‍ അവതരിപ്പിക്കുന്നത്. ഏകദേശം രണ്ട് പതിറ്റാണ്ടുകള്‍ക്ക് ശേഷമാണ് ഔഡി തങ്ങളുടെ 'A2' എന്ന ഐതിഹാസിക നെയിംപ്ലേറ്റ് വീണ്ടും വിപണിയില്‍ എത്തിക്കുന്നത്.

ഇന്ത്യയിലെ പ്രീമിയം ഡി-സെഗ്മെന്റ് എസ്‌യുവി നിരയിൽ സ്കോഡയ്ക്കൊരു ഒന്നൊന്നര വാഹനമുണ്ട്. നമ്മുടെ രാജ്യത്ത് അസംബിൾ ചെയ്‌താണ് പുറത്തിറക്കുന്ന കൊഡിയാക് എന്ന മിടുമിടുക്കന്റെ കാര്യമാണീ പറഞ്ഞുവരുന്നത്. ഇന്ത്യൻ വാഹന വിപണിയിൽ പുതുചരിത്രം രചിച്ചുകൊണ്ട് കുതിച്ചുപായുന്ന ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡയുടെ നിരയിലേക്ക് തലമുറ മാറ്റവുമായി കഴിഞ്ഞ വർഷമാണ് പുത്തൻ കൊഡിയാക് എത്തുന്നത്. ഇതോടെ ഈ 7-സീറ്റർ എസ്‌യുവിയുടെ വിൽപ്പനയും കുതിച്ചുയരുന്ന കാഴ്ച്ചയാണ് കാണാനായത്. ഇപ്പോഴിതാ 2026 ഫെബ്രുവരി മാസത്തെ കണക്കുകൾ പുറത്തുവരുമ്പോൾ വമ്പൻ വളർച്ചയാണ് മോഡൽ നേടിയെടുത്തിരിക്കുന്നത്.

ഇന്ത്യന്‍ വാഹന വിപണിയിലെ പ്രമുഖരായ കിയ മോട്ടോര്‍സ് തങ്ങളുടെ ജനപ്രിയ എംപിവി (MPV) മോഡലായ കാരെന്‍സ് ക്ലാവിസ് ഇവിയില്‍ (Clavis EV) ചില സുപ്രധാന മാറ്റങ്ങള്‍ വരുത്തി. ഇലക്ട്രിക് വാഹന വിപണിയില്‍ തങ്ങളുടെ സാന്നിധ്യം ശക്തമാക്കുന്നതിന്റെ ഭാഗമായി കിയ ക്ലവിസ് ഇവി (Clavis EV) ശ്രേണി വിപുലീകരിച്ചു. ഏറെ കാത്തിരുന്ന ജിടി-ലൈന്‍ (GT-Line), എക്‌സ്-ലൈന്‍ (X-Line) വേരിയന്റുകളാണ് കമ്പനി ഇപ്പോള്‍ ഔദ്യോഗികമായി ലോഞ്ച് ചെയ്തിരിക്കുന്നത്. അത്യാധുനിക ഫീച്ചറുകളും സ്‌പോര്‍ട്ടി ലുക്കും ഒത്തുചേരുന്ന ഈ പുതിയ പതിപ്പുകള്‍ പ്രീമിയം ഇവി വിഭാഗത്തില്‍ വലിയ ചലനമുണ്ടാക്കും.

ഇലക്ട്രിക് ഇരുചക്ര വാഹന വിപണി കൈപ്പിടിയിലാക്കാനായി കിടിലൻ മോഡലുകളാൽ തങ്ങളുടെ വാഹന നിര വിപുലീകരിക്കുന്ന തിരക്കിലാണ് സാക്ഷാൽ ദുൽഖർ സൽമാന് ഓഹരിയുള്ള ഇവി നിർമാതാക്കളായ അൾട്രാവയലറ്റ് (Ultraviolette). ബെംഗളൂരു ആസ്ഥാനമായി പ്രവർത്തിക്കുന്ന ബ്രാൻഡിന് പ്രത്യേകിച്ച് ആമുഖത്തിന്റെ ആവശ്യമൊന്നും ഇല്ലാതെ തന്നെ എല്ലാവർക്കും മനസിലായിട്ടുണ്ട്. അടുത്തിടെ കമ്പനി ഒരു പുത്തന്‍ ഓള്‍ ഇലക്ട്രിക് അഡ്വഞ്ചര്‍ ടൂറര്‍ മോട്ടോര്‍സൈക്കിളിനും (Electric Adventure Tourer Motorcycle) രൂപം കൊടുത്തിരുന്നു. അള്‍ട്രാവയലറ്റ് X47 എന്ന് പേരിട്ടിരിക്കുന്ന ക്രോസ്ഓവര്‍ ഇവി വലിയ തരംഗമായിട്ടുണ്ട് ഇതിനകം തന്നെ.