ഇന്ത്യന്‍ വിപണിയിലെത്തുന്ന ഇലക്ട്രിക് സ്‌കൂട്ടറുകള്‍ വെറും യാത്രാ ഉപാധികള്‍ മാത്രമല്ല, അത്യാധുനിക സാങ്കേതിക വിദ്യകളുടെ സമ്മേളനവേദി കൂടിയാണ്. സാധാരണ സ്‌കൂട്ടറുകളില്‍ നിന്നും വ്യത്യസ്തമായി സ്മാര്‍ട്ട്ഫോണുകള്‍ക്ക് സമാനമായ ടച്ച്സ്‌ക്രീന്‍ ഡിസ്പ്ലേകളാണ് പുതിയ ഇവികളുടെ പ്രധാന ആകര്‍ഷണം. ഡിജിറ്റല്‍ യുഗത്തിലെ ഉപഭോക്താക്കള്‍ക്കായി മികച്ച ഇന്‍ഫോടെയ്ന്‍മെന്റ് സൗകര്യങ്ങള്‍ ഒരുക്കുന്ന ഇന്ത്യയിലെ 5 മുന്‍നിര ഇലക്ട്രിക് സ്‌കൂട്ടറുകളെ പരിചയപ്പെടുത്തുകയാണ് ഈ ലേഖനം.

ഇന്ത്യന്‍ ഇലക്ട്രിക് വാഹന വിപണിയില്‍ ചുവടുറപ്പിക്കുന്നതിന്റെ ഭാഗമായി വിന്‍ഫാസ്റ്റ് തങ്ങളുടെ ഉപഭോക്താക്കള്‍ക്കായി വമ്പിച്ച ആനുകൂല്യം പ്രഖ്യാപിച്ചു. രാജ്യത്തെ വിന്‍ഫാസ്റ്റ് ഇവി ഉടമകള്‍ക്ക് നല്‍കി വന്നിരുന്ന സൗജന്യ ചാര്‍ജിംഗ് ആനുകൂല്യം 2029 മാര്‍ച്ച് 31 വരെ നീട്ടിയിരിക്കുകയാണ് വിയറ്റ്‌നാമീസ് കമ്പനി. ബ്രാന്‍ഡിന്റെ ഈ പുതിയ തീരുമാനം രാജ്യത്തെ ഇലക്ട്രിക് വാഹന വിഭാഗത്തില്‍ വലിയ ചലനങ്ങള്‍ സൃഷ്ടിച്ചേക്കും. നേരത്തെ വിന്‍ഫാസ്റ്റ് ഇവി ഉടമകള്‍ക്ക് 2028 ജൂലൈ വരെയായിരുന്നു സൗജന്യ ചാര്‍ജിംഗ് അനുവദിച്ചിരുന്നത്. ആ കാലാവധിയാണ് ഇപ്പോള്‍ മൂന്ന് വര്‍ഷത്തേക്ക് കൂടി വര്‍ദ്ധിപ്പിച്ചിരിക്കുന്നത്.

ലക്ഷ്വറി കാറുകൾ എന്ന് കേൾക്കുമ്പോഴേ സാധാരണക്കാരന് ഓർമ വരുന്ന ആദ്യത്തെ മൂന്ന് പേരുകളായിരിക്കും മെർസിഡീസ് ബെൻസ്, ബിഎംഡബ്ല്യു, ഔഡി തുടങ്ങിയവരുടേത്. അങ്ങ് ജർമനിയിൽ നിന്നുമെത്തി രാജ്യം കീഴടക്കി മൂവരും പരസ്പരം പോരടിക്കുന്നത് കാണാനും നല്ലൊരു ചേലാണ്. ഇപ്പോഴിതാ ഇന്ത്യയിലെ തങ്ങളുടെ പെർഫോമൻസ് എസ്‌യുവി നിരയെ ശക്തിപ്പെടുത്തുവാനായി SQ8 എന്ന വമ്പനെയും ഇന്ത്യൻ വിപണിയിൽ അവതരിപ്പിച്ചിരിക്കുകയാണ് ഔഡി. 1,77,72,000 രൂപയുടെ എക്സ്ഷോറൂം വിലയിലാണ് മോഡൽ വിപണിയിലെത്തിയിരിക്കുന്നത്. Q8, RS Q8 പെർഫോമൻസിനും ഇടയിലാണ് പുതിയ SQ8 സ്ഥാനം പിടിച്ചിരിക്കുന്നത്.

ജര്‍മന്‍ ആഡംബര വാഹന നിര്‍മ്മാതാക്കളായ ബിഎംഡബ്ല്യു തങ്ങളുടെ ഏറ്റവും കരുത്തുറ്റ കോംപാക്റ്റ് സ്‌പോര്‍ട്‌സ് കാറായ പുതിയ M2 CS (BMW M2 CS) ഇന്ത്യന്‍ വിപണിയില്‍ അവതരിപ്പിച്ചു. ഗുഡ്ഗാവിലെ ബിഎംഡബ്ല്യു ഗ്രൂപ്പ് ഇന്ത്യ ആസ്ഥാനത്ത് വെച്ചായിരുന്നു പുതിയ വാഹനത്തിന്റെ ലോഞ്ച്. കംപ്ലീറ്റ്‌ലി ബില്‍റ്റ് അപ്പ് യൂണിറ്റായി (CBU) ഇന്ത്യയിലെത്തിക്കുന്ന ബിഎംഡബ്ല്യു M2 CS വളരെ പരിമിതമായ എണ്ണത്തില്‍ മാത്രമാണ് ലഭ്യമാകുക. ആധുനിക ഡിസൈനും സാങ്കേതികവിദ്യയും ഒത്തുചേരുന്ന ഈ മോഡലിന് ഇന്ത്യയില്‍ 1.66 കോടി രൂപയാണ് എക്‌സ്-ഷോറൂം വില നിശ്ചയിച്ചിരിക്കുന്നത്.

ഇന്ത്യയിലെ എസ്‌യുവി വിഭാഗത്തിൽ ട്രെൻഡ് സെറ്ററായി മാറിയിരിക്കുകയാണ് ടാറ്റ സിയറ. തൊണ്ണൂറുകളിൽ വിസ്‌മയം തീർത്ത മോഡൽ ന്യൂജെൻ അവതാരത്തിൽ പിറവിടെയുത്തപ്പോൾ വമ്പൻ വിജയമായി തീർന്നതിൽ ടാറ്റ മോട്ടോർസിന് വലിയ ആത്മവിശ്വാസമാണ് നൽകിയിരിക്കുന്നത്. സഫാരിയുടെ ഗതി വരുമോയെന്ന് പലരും സംശയിച്ചിരുന്നുവെങ്കിലും സിയറയെ ഒരുക്കിയ വിധം പലരേയും ആകർഷിക്കാൻ സഹായിച്ചിട്ടുണ്ട്. ഇനി നെക്സോണിനും പഞ്ചിനും ഒപ്പം ടോപ്പ് സെല്ലിംഗ് നിരയിലേക്ക് ഉയരാൻ സാധിച്ചാൽ സാക്ഷാൽ മാരുതി സുസുക്കിക്ക് വരെ വെല്ലുവിളിയാവാൻ ടാറ്റയ്ക്ക് കഴിയുമെന്നതിൽ സംശയമൊന്നും വേണ്ട. നിലവിൽ വാഹനത്തിന്റെ നിർമാണം ഉയർത്താനുള്ള പദ്ധതികൾ ആവിഷ്ക്കരിച്ച് മുമ്പോട്ട് പോവുകയാണ് കമ്പനി.

ഇലക്ട്രിക് ഇരുചക്ര വാഹനം വാങ്ങാന്‍ ഒരുങ്ങന്ന ചിലര്‍ക്ക് ചാര്‍ജിംഗ് സൗകര്യങ്ങളെ പോലെ തന്നെ സര്‍വീസിംഗിനെ കുറിച്ചും ആശങ്കയുണ്ടാകും. സമീപകാലത്ത് ഒരു മുന്‍നിര കമ്പനി വില്‍പ്പനാനന്തര സേവനങ്ങളുടെ കാര്യത്തില്‍ ഏറെ പഴികേള്‍ക്കുക കൂടി ചെയ്തതോടെ ജനങ്ങള്‍ സര്‍വീസ് വളരെ ഗൗരവത്തില്‍ പരിഗണിക്കുന്നു. നിലവില്‍ ഇന്ത്യയിലെ മുന്‍നിര ഇലക്ട്രിക് ടൂവീലര്‍ ബ്രാന്‍ഡ് ആയ ഏഥര്‍ എനര്‍ജി തങ്ങളുടെ സര്‍വീസ് ശൃംഖല (Ather Energy Service Network) അതിവേഗം വിപുലീകരിക്കുകയാണ്. രാജ്യത്തുടനീളമുള്ള ഏഥര്‍ സര്‍വീസ് സെന്ററുകളുടെ എണ്ണം 500 കടന്നതായി കമ്പനി ഔദ്യോഗികമായി പ്രഖ്യാപിച്ചു.

മിഡ്-സൈസ് എസ്‌യുവി സെഗ്മെന്റിൽ വീണ്ടും കരുത്ത് തെളിയിക്കാനായി പിറവിയെടുത്തിരിക്കുകയാണ് റെനോ ഡസ്റ്റർ. ആദ്യ വരവിൽ തീർത്ത ആരവം ഇത്തവണയും കൈക്കലാക്കിയാൻ സാധിച്ചാൽ ഫ്രഞ്ച് വാഹന നിർമാതാക്കളുടെ നിലവിലുള്ള അവസ്ഥയും മെച്ചപ്പെടും. ഒപ്പം ഹ്യുണ്ടായി ക്രെറ്റ, മാരുതി വിക്ടോറിസ്, ടൊയോട്ട ഹൈറൈഡർ തുടങ്ങിയ വമ്പൻമാർക്കും ഡസ്റ്ററിന് വെല്ലുവിളി ഉയർത്താനാവും. അതിനായി കിടിലൻ വില നിർണയവുമാണ് എസ്‌യുവിക്ക് കൊടുത്തിരിക്കുന്നത്. ഓതന്റിക്, ഇവല്യൂഷൻ, ടെക്നോ, ടെക്നോ+, ഐക്കണിക് എന്നീ അഞ്ച് വേരിയന്റുകളിൽ വിപണിയിൽ അവതരിപ്പിച്ചിരിക്കുന്ന ന്യൂജെൻ റെനോ ഡസ്റ്ററിന് 10.49 ലക്ഷം രൂപയിൽ നിന്നാണ് എക്സ്ഷോറൂം വില തുടങ്ങുന്നത്.

പുത്തനൊരു ടാറ്റ കാർ വാങ്ങുമ്പോൾ ആളുകൾക്ക് സർവീസുമായി ബന്ധപ്പെട്ട തലവേദനയുണ്ടാവുമോയെന്ന ആശങ്കകൾ മാത്രമാണ് മുമ്പോട്ടുവെക്കാനുള്ളത്. അതല്ലാതെ സേഫ്റ്റിയോ മറ്റ് ഗുണനിലവാര പ്രശ്‌നങ്ങളോ ഇതുവരെ ബ്രാൻഡിൽ നിന്നും ഉണ്ടായിട്ടില്ലെന്ന് വളരെ ശ്രദ്ധേയമായ കാര്യമാണ്. ടിയാഗോ മുതൽ സഫാരി വരെ നീളുന്ന മോഡൽ നിര സുരക്ഷയുടെ കാര്യത്തിൽ ഒന്നാന്തരമാണെന്ന് ഇതിനോടകം തെളിഞ്ഞിട്ടുണ്ട്. ഇപ്പോഴിതാ പുതുതായി കൊണ്ടുവന്ന ന്യൂജെൻ ടാറ്റ സിയറ എസ്‌യുവിയും ക്രാഷ് ടെസ്റ്റിൽ 5-സ്റ്റാർ സേഫ്റ്റി റേറ്റിംഗ് ഇടിച്ചിട്ടിരിക്കുകയാണ്. ഭാരത് NCAP ഇടിപ്പരീക്ഷയിലാണ് വാഹനത്തിന് ഫുൾ മാർക്ക് നേടാനായിരിക്കുന്നത്.

ഏതാനും വര്‍ഷങ്ങള്‍ക്ക് മുമ്പ് വരെ കുറഞ്ഞ വിലയുള്ള ചെറുകാറുകളായിരുന്നു ഇന്ത്യന്‍ വാഹന വിപണിയുടെ നട്ടെല്ല. ഇന്ന് കുറഞ്ഞ വിലയും മൈലേജും മാത്രമുണ്ടായത് കൊണ്ട് മാത്രം ഒരു കാര്‍ വിറ്റുപോകില്ലെന്നാണ് വില്‍പ്പന കണക്കുകള്‍ പറയുന്നത്. ഇന്ന് ഇന്ത്യയില്‍ വാങ്ങാനാവുന്ന ഏറ്റവും വില കുറഞ്ഞ കാറുകളില്‍ ഒന്നായ റെനോ ക്വിഡിന് (Renault Kwid) വില്‍പ്പനയില്‍ വമ്പൻ തിരിച്ചടി നേരിട്ടതായി റിപ്പോര്‍ട്ട്. റഷ്‌ലെയ്ന്‍ പുറത്തുവിട്ട റെനോയുടെ 2026 ഫെബ്രുവരിയിലെ വില്‍പ്പന കണക്കുകള്‍ പ്രകാരം ക്വിഡിന്റെ വില്‍പ്പനയില്‍ 46 ശതമാനത്തിലധികം ഇടിവാണ് രേഖപ്പെടുത്തിയിരിക്കുന്നത്.

എയര്‍ബാഗ് സംവിധാനമുള്ള ലോകത്തിലെ ആദ്യത്തെ പ്രൊഡക്ഷന്‍ സ്‌കൂട്ടര്‍ യമഹ ഔദ്യോഗികമായി അവതരിപ്പിച്ചു. 2026 മോഡല്‍ യമഹ ട്രൈസിറ്റി 300 (Yamaha Tricity 300) ആണ് എയര്‍ബാഗിന്റെ സംരക്ഷണവുമായി യൂറോപ്യന്‍ വിപണിയില്‍ അരങ്ങേറ്റം കുറിച്ചിരിക്കുന്നത്. മൂന്ന് വീലുകളുള്ള ഈ സ്‌കൂട്ടര്‍ സാധാരണ സ്‌കൂട്ടറുകളില്‍ നിന്ന് വ്യത്യസ്തമായി സുരക്ഷയുടെയും പ്രായോഗികതയുടെയും കാര്യത്തില്‍ പുതിയ മാനദണ്ഡങ്ങള്‍ സ്ഥാപിക്കുകയാണ്. സുരക്ഷാ സാങ്കേതികവിദ്യയിലെ ആഗോള ഭീമന്മാരായ ഓട്ടോലിവുമായി (Autoliv) സഹകരിച്ചാണ് യമഹ ഈ നൂതന എയര്‍ബാഗ് സംവിധാനം വികസിപ്പിച്ചെടുത്തത്. സ്‌കൂട്ടറിന്റെ കോക്പിറ്റില്‍ ഘടിപ്പിച്ചിരിക്കുന്ന ഈ എയര്‍ബാഗ്, അപകടസമയത്ത് റൈഡറെ ഹാന്‍ഡില്‍ ബാറിന് മുകളിലൂടെ തെറിച്ചുപോകുന്നതില്‍ നിന്നും സംരക്ഷിക്കുന്നു.

ഇന്ത്യയിലെ വിൽപ്പന കണക്കുകളിൽ മാരുതി സുസുക്കിക്ക് പിന്നിൽ രണ്ടാമനാവാനുള്ള കടുത്ത മത്സരം നടക്കുകയാണ്. മഹീന്ദ്ര ആൻഡ് മഹീന്ദ്ര, ടാറ്റ മോട്ടോർസ്, ഹ്യുണ്ടായി തുടങ്ങിയ മൂവരും രണ്ടാം സ്ഥാനത്തിനായി ഓരോ മാസവും വലിയ പിടിവലിയാണ് നടത്തുന്നത്. നെക്സോണും പഞ്ചും ചൂടപ്പം പോലെ വിറ്റഴിയുന്ന സാഹചര്യത്തിൽ ടാറ്റയ്ക്ക് നിലവിൽ അൽപം മുൻതൂക്കമുണ്ട്. ഇതിനിടയിൽ മോഡൽ നിരയിൽ കിടിലൻ ഓഫറുകളും ആനുകൂല്യങ്ങളും വാഗ്ദാനം ചെയ്‌തുകൊണ്ട് ടാറ്റ ആളുകളെ ചാക്കിലാക്കാൻ ശ്രമിക്കുകയാണ്. 2026 മാർച്ച് മാസത്തേക്കായി കമ്പനി ക്യാഷ് ഡിസ്‌കൗണ്ടുകൾ, എക്‌സ്‌ചേഞ്ച് അല്ലെങ്കിൽ സ്‌ക്രാപ്പേജ് ആനുകൂല്യങ്ങൾ, ലോയൽറ്റി ഓഫറുകൾ എന്നിവയുടെ രൂപത്തിൽ ഡിസ്‌കൗണ്ട് അവതരിപ്പിച്ചിരിക്കുകയാണ്.

ചൈനീസ് വൈദ്യുത വാഹന നിർമാതാക്കളാണെങ്കിലും ബിൽഡ് യുവർ ഡ്രീംസ് എന്ന ബിവൈഡിക്ക് ലോകത്താകെമാനം അന്യായ ഫാൻബേസാണുള്ളത്. ഇങ്ങ് ഇന്ത്യയിൽ പോലും ബിവൈഡിയുടെ ഇമേജ് വെറെ തന്നെയാണ്. അറ്റോ 3, ഇമാക്‌സ് 7, സീൽ തുടങ്ങിയ ഗംഭീര ഇവികളുമായി രാജ്യത്ത് സ്ഥാനമുറപ്പിച്ച കമ്പനി സീലയൺ 7 (BYD Sealion 7 Electric SUV) എന്നൊരു മിടുക്കൻ എസ്‌യുവിയെ കൂടി രാജ്യത്ത് കഴിഞ്ഞ വർഷം അവതരിപ്പിച്ചിരുന്നു. വിപണിയിലെത്തി ഒരു വർഷം ആഘോഷിക്കുന്നതിന്റെ ഭാഗമായി ഇവിയുടെ പുതിയ ആനിവേഴ്‌സറി എഡിഷൻ പുറത്തിറക്കിയിരിക്കുകയാണ് ബിവൈഡി.

ഒന്നിന് പിറകെ ഒന്നായി പുത്തന്‍ ലോഞ്ചുകളുമായി ഇന്ത്യയിലെ മിഡ്‌സൈസ് എസ്‌യുവി (Midsize SUV) വിപണിയില്‍ മത്സരം മുറുകുന്നു. റെനോ ഡസ്റ്ററിന് (2026 Renault Duster) പിന്നാലെ ചെക്ക് ബ്രാന്‍ഡായ സ്‌കോഡയുടെ ജനപ്രിയ മോഡലായ കുഷാഖാണ് ആദ്യ മുഖംമിനുക്കലിന് ശേഷം പുറത്തിറങ്ങുന്നത്. വാഹനപ്രേമികള്‍ ഏറെ നാളായി കാത്തിരിക്കുന്ന കുഷാഖ് ഫെയ്സ്ലിഫ്റ്റിന്റെ (Skoda Kushaq Facelift) വില വിവരങ്ങള്‍ 2026 മാര്‍ച്ച് 21-ന് കമ്പനി ഔദ്യോഗികമായി വെളിപ്പെടുത്തും. 2021-ല്‍ പുറത്തിറങ്ങിയ ശേഷം കുഷാഖിന് ലഭിക്കുന്ന ഏറ്റവും വലിയ അപ്‌ഡേറ്റാണ് ഇത്.

എസ്‌യുവിയെന്നാൽ ആളുകൾക്ക് ഹ്യുണ്ടായി ക്രെറ്റയായിരുന്നു ഇതുവരെ അവസാനവാക്ക്. എന്നാൽ ഇന്ന് ന്യൂജെൻ അവതാരത്തിൽ റെനോ ഡസ്റ്റർ കൂടി എത്തിയതോടെ ദക്ഷിണ കൊറിയൻ എസ്‌യുവിയുടെ അപ്രമാദിത്തത്തിന് അവസാനമായെന്ന് തന്നെ പറയാം. നല്ല വില നിർണയം, 3 വ്യത്യസ്‌ത എഞ്ചിൻ ഓപ്ഷനുകൾ, കിടിലൻ ഫീച്ചറുകൾ എന്നിവയെല്ലാം കുത്തിനിറച്ചാണ് ന്യൂജെൻ മോഡലിനെ പണിതിറക്കിയിരിക്കുന്നത്. ഐക്കണിക് എസ്‌യുവിക്ക് 10.49 ലക്ഷം മുതൽ 18.49 ലക്ഷം രൂപ വരെയാണ് എക്സ്ഷോറൂം വിലയായി നൽകേണ്ടി വരുന്നത്. 1.8 ലിറ്റർ സ്ട്രോംഗ് ഹൈബ്രിഡ് പതിപ്പിൻ്റെ വില പിന്നീട് വെളിപ്പെടുത്തും.

എസ്‌യുവി പ്രേമികള്‍ ഏറെ കാലമായി കാത്തിരുന്ന പുതുതലമുറ റെനോ ഡസ്റ്റര്‍ (Renault Duster) ഔദ്യോഗികമായി ഇന്ത്യന്‍ വിപണിയില്‍ അവതരിപ്പിച്ചു. 10 വര്‍ഷം മുമ്പ് മിഡ്‌െൈസസ് എസ്‌യുവി സെഗ്‌മെന്റിന് തുടക്കം കുറിച്ച് വിപണിയില്‍ വിപ്ലവം സൃഷ്ടിച്ച ഡസ്റ്റര്‍, ഇത്തവണ കുറച്ച് കൂടി പ്രീമിയം ലുക്കും അത്യാധുനിക സാങ്കേതിക വിദ്യകളുമായാണ് ഇന്ത്യയില്‍ റീഎന്‍ട്രി നടത്തിയിരിക്കുന്നത്. 10.49 ലക്ഷം രൂപ മുതലാണ് പുതിയ ഡസ്റ്ററിന്റെ ഇന്ത്യയിലെ പ്രാരംഭ എക്‌സ്-ഷോറൂം വില. മാര്‍ച്ച് 31 വരെ ആര്‍-പാസ് വഴി 10.29 ലക്ഷം രൂപക്ക് വാങ്ങാം.

നിരവധി വൈവിധ്യമാർന്ന ലോ-ബജറ്റ് ഇലക്‌ട്രിക് സ്‌കൂട്ടറുകൾ പുറത്തിറക്കി ഇന്ത്യക്കാരുടെ മനംകവർന്ന വൈദ്യുത വാഹന നിർമാതാക്കളാണ് സീലിയോ ഇബൈക്ക്‌സ്. കഴിഞ്ഞ കലണ്ടർ വർഷത്തിൽ പുതുമോഡലുകൾ അവതരിപ്പിച്ച് ചെറിയ വിലയിൽ ഇവി തേടുന്നവരെയെല്ലാം തങ്ങളുടെ പക്കലേക്ക് എത്തിക്കാനും കമ്പനിക്കായിരുന്നു. പെട്രോളിൽ ഓടുന്ന പരമ്പരാഗത സ്‌കൂട്ടറുകളേക്കാൾ വലിയ ലാഭത്തിൽ കൊണ്ടുനടക്കാമെന്നതാണ് വൈദ്യുത ഇരുചക്ര വാഹനങ്ങളിലേക്ക് ആളുകളെ അടുപ്പിക്കുന്ന കാര്യം. അതും ചെറിയ വിലയ്ക്ക് ഇവികൾ അന്വേഷിക്കുന്നവരും അനേകം പേരാണ്. അത്തരക്കാരെയാണ് സീലിയോയും ഉന്നംവെക്കുന്നത്. ഇപ്പോഴിതാ സെലിയോ ഇ-മൊബിലിറ്റി തങ്ങളുടെ X-മെൻ പ്ലസ് ലോ-സ്പീഡ് ഇലക്ട്രിക് സ്കൂട്ടറിന്റെ 2026 പതിപ്പ് ഇന്ത്യയിൽ പുറത്തിറക്കിയിരിക്കുകയാണ്.

ഇന്നും ഇന്ത്യക്കാര്‍ പുതുതായി ഒരു കാര്‍ വാങ്ങുമ്പോള്‍ ഏറ്റവും കൂടുതല്‍ മുന്‍ഗണന നല്‍കുന്നത് ബജറ്റിനും മൈലേജിനുമാണ്. കുറഞ്ഞ വിലയില്‍ കൂടുതല്‍ മൈലേജ് കിട്ടുന്ന കാറുകളോടാണ് ഇന്ത്യക്കാര്‍ക്ക് പ്രിയം. പശ്ചിമേഷ്യല്‍ നടക്കുന്ന യുദ്ധം നീണ്ടാല്‍ ഇന്ധന വില മാത്രമല്ല അതിന്റെ ലഭ്യതയും കുറയും. ഈ സാഹചര്യത്തില്‍ സാധാരണക്കാര്‍ക്ക് ആശ്വാസമാണ് ഉയര്‍ന്ന ഇന്ധനക്ഷമതയുള്ള സിഎന്‍ജി കാറുകള്‍. മികച്ച യാത്രാസൗകര്യവും ഇന്ധനക്ഷമതയും ഒത്തുചേരുന്ന ഏറ്റവും കുറഞ്ഞ വിലയിലുള്ള മൂന്ന് മാരുതി സുസുക്കി സിഎന്‍ജി കാറുകളെ കുറിച്ചാണ് ഈ ലേഖനത്തില്‍ പറയാന്‍ പോകുന്നത്.

ഇന്ത്യയിലെ ഇലക്‌ട്രിക് സ്‌കൂട്ടർ വിപണിയിൽ ടിവിഎസ്, ബജാജ്, ഹീറോ മോട്ടോകോർപ് തുടങ്ങിയ വമ്പൻമാരെല്ലാം ആധിപത്യം സ്ഥാപിച്ചപ്പോഴും ഹോണ്ട, യമഹ, സുസുക്കി തുടങ്ങിയ പ്രമുഖ ജാപ്പനീസ് ബ്രാൻഡുകൾ വൈദ്യുത വാഹന രംഗത്ത് നിന്നും വിട്ടുനിൽക്കുകയായിരുന്നു ഈ അടുത്ത് വരെ. എന്നാൽ ആക്‌ടിവ ഇവിയുമായി ഹോണ്ടയും ഇ-ആക്‌സസുമായി സുസുക്കിയും വരവറിയിച്ചപ്പോൾ യമഹ കാത്തിരുന്ന് EC-06 എന്ന മിടുക്കനെ തന്നെ ഇന്ത്യക്കാർക്ക് സമ്മാനിച്ചു. ഹോണ്ടയ്ക്കും സുസുക്കിക്കും പ്രതീക്ഷിച്ചത് പോലെ തിളങ്ങാനായില്ലെങ്കിലും മൂന്നാമന് തങ്ങളുടെ സ്റ്റൈലൻ ഇലക്ട്രിക് സ്‌കൂട്ടറിലൂടെ ആളുകളുടെ മനസിൽ കയറിക്കൂടാനായിരുന്നു.

മാരുതി സുസുക്കിക്ക് പിന്നാലെ ഇന്ത്യന്‍ നിരത്തുകളില്‍ നിശബ്ദ വിപ്ലവം സൃഷ്ടിക്കാനായി മറ്റൊരു ഐതിഹാസിക ബ്രാന്‍ഡ് ആയ ഹോണ്ട കാര്‍സ് ഇന്ത്യയും (Honda Cars India) രംഗത്തിറങ്ങുന്നു. ഇലക്ട്രിക് വാഹനപ്രേമികള്‍ ഏറെ കാലമായി കാത്തിരുന്ന ഹോണ്ടയുടെ ആദ്യത്തെ ബാറ്ററി ഇലക്ട്രിക് എസ്‌യുവിയുടെ (BEV SUV) പാന്‍-ഇന്ത്യ പരീക്ഷണ ഓട്ടത്തിന് ഔദ്യോഗികമായി തുടക്കം കുറിച്ചതായി കമ്പനി വാര്‍ത്താകുറിപ്പിലൂടെ അറിയിച്ചു. രാജസ്ഥാനിലെ തപുക്കരയില്‍ നടന്ന ചടങ്ങില്‍ വെച്ചാണ് പബ്ലിക് റോഡ് വെരിഫിക്കേഷന്‍ ടെസ്റ്റിംഗ് ഫ്‌ലാഗ് ഓഫ് ചെയ്തത്. ഹോണ്ടയുടെ ഇവി പദ്ധതികളിലെ ഏറ്റവും നിര്‍ണായകമായ ചുവടുവെപ്പായാണ് ഈ നീക്കത്തെ കമ്പനി വിലയിരുത്തുന്നത്.

ഇന്ത്യയിലെ തിരക്കേറിയ റോഡുകളിലെ യാത്രകള്‍ സുരക്ഷിതമാക്കുന്നതില്‍ ബ്രേക്കിംഗ് സംവിധാനങ്ങള്‍ വഹിക്കുന്ന പങ്ക് വളരെ വലുതാണ്. ബ്രേക്കിംഗുമായി ബന്ധപ്പെട്ട് നമ്മള്‍ ഏറ്റവും കൂടുതലായി കേള്‍ക്കുന്ന ഒരു വാക്കാണ് എബിഎസ് അഥവാ ആന്റിലോക്ക് ബ്രേക്കിംഗ് സിസ്റ്റം. സഡന്‍ ബ്രേക്കിംഗ് സമയത്ത് ടയറുകള്‍ ലോക്ക് ആകുന്നത് തടഞ്ഞ് വാഹനത്തിന്റെ നിയന്ത്രണം നിലനിര്‍ത്താന്‍ ABS സഹായിക്കുന്നു. മുന്‍നിര ബ്രാന്‍ഡുകളില്‍ നിന്നുള്ള ജനപ്രിയ സ്‌കൂട്ടറുകളില്‍ ഈ സേഫ്റ്റി ഫീച്ചര്‍ ലഭ്യമാണ്. ഇന്ത്യയില്‍ കുറഞ്ഞ വിലയില്‍ എബിഎസ് ഓഫര്‍ ചെയ്യുന്ന ജനപ്രിയ സ്‌കൂട്ടറുകള്‍ ഏതൊക്കെയാണെന്ന് ഈ ലേഖനത്തില്‍ വായിക്കാം.

ഇന്ത്യന്‍ നിരത്തുകളില്‍ എസ്‌യുവി വിപ്ലവം സൃഷ്ടിച്ച ആ പഴയ രാജാവ് പുതിയ വേഷത്തില്‍ വീണ്ടും അവതാരപ്പിറവിയെടുക്കുന്നു. വണ്ടിപ്രാന്തന്‍മാരുടെ ഹൃദയമിടിപ്പ് കൂട്ടി പുതുതലമുറ റെനോ ഡസ്റ്റര്‍ (Renault Duster) നാളെ ഇന്ത്യയില്‍ ഔദ്യോഗികമായി ലോഞ്ച് ചെയ്യും. ഒരു പതിറ്റാണ്ട് മുമ്പ് രാജ്യത്ത് മിഡ്-സൈസ് എസ്‌യുവി സെഗ്മെന്റിന് അടിത്തറയിട്ട ഡസ്റ്റര്‍ ഏതാനും വര്‍ഷങ്ങളുടെ ഇടവേളക്ക് ശേഷം കൂടുതല്‍ കരുത്തോടെ മോഡേണ്‍ ലുക്കിലാണ് സിംഹാസനം തിരിച്ചുപിടിക്കാനായി എത്തുന്നത്. ഇക്കഴിഞ്ഞ ജനുവരിയില്‍ എസ്‌യുവിയുടെ പ്രീ-ബുക്കിംഗ് ആരംഭിച്ചിരുന്നു. 21000 രൂപയായിരുന്നു ബുക്കിംഗ് തുക.

ദേശീയ പാതകളിലൂടെ സ്ഥിരമായി യാത്ര ചെയ്യുന്നവര്‍ക്ക് ആശ്വാസമായിരുന്ന ഫാസ്ടാഗ് വാര്‍ഷിക പാസ് (FASTag Annual Pass) നിരക്കുകള്‍ ഉയര്‍ത്താന്‍ ദേശീയ പാത അതോറിറ്റി (NHAI) തീരുമാനിച്ചു. 2026 ഏപ്രില്‍ 1 മുതലാണ് പരിഷ്‌കരിച്ച നിരക്കുകള്‍ പ്രാബല്യത്തില്‍ വരുന്നത്. ടോള്‍ പ്ലാസകളിലെ തിരക്ക് കുറയ്ക്കാനും ഡിജിറ്റല്‍ ഇടപാടുകള്‍ പ്രോത്സാഹിപ്പിക്കാനുമായി കഴിഞ്ഞ വര്‍ഷം സ്വാതന്ത്ര്യദിനത്തിലാണ് (15 ഓഗസ്റ്റ് 2025) ഹൈവേ അതോറിറ്റി ഈ സംവിധാനം രാജ്യത്ത് കൊണ്ടുവന്നത്. നിലവില്‍ 3,000 രൂപയാണ് ഫാസ്ടാഗ് വാര്‍ഷിക പാസിന്റെ 1 വര്‍ഷത്തേക്കുള്ള നിരക്ക്.

ഇന്ത്യന്‍ വാഹന വിപണിയില്‍ മികച്ച മുന്നേറ്റം തുടരുന്നതിനിടയിലും ടൊയോട്ട കിര്‍ലോസ്‌കര്‍ മോട്ടോറിന് നിരാശ സമ്മാനിച്ച് കോംപാക്ട് എസ്‌യുവി മോഡലായ അർബൻ ക്രൂയിസർ ടൈസറിന്റെ (Toyota Urban Cruiser Taisor) വില്‍പ്പന ഇടിഞ്ഞു. ഓട്ടോപണ്ഡിറ്റ്‌സ് പങ്കുവെച്ച വില്‍പ്പന റിപ്പോര്‍ട്ട് പ്രകാരം 2026 ഫെബ്രുവരിയില്‍ ജാപ്പനീസ് ബ്രാന്‍ഡിന് ടൈസറിന്റെ 2,854 യൂണിറ്റുകള്‍ മാത്രമാണ് വിറ്റഴിക്കാന്‍ സാധിച്ചത്. 2025 ഫെബ്രുവരി മാസത്തെ വില്‍പ്പന 3604 യൂണിറ്റായിരുന്നു. വാര്‍ഷികാടിസ്ഥാനത്തില്‍ ടൈസറിന് 21 ശതമാനമാണ് വില്‍പ്പന ഇടിവ് നേരിട്ടത്. എന്നിരുന്നാലും, 2026 ജനുവരിയിലെ കണക്കുകളുമായി താരതമ്യം ചെയ്യുമ്പോള്‍ വില്‍പ്പന മെച്ചപ്പെട്ടിട്ടുണ്ട്.

ഡസ്റ്ററിൻ്റെ മടങ്ങി വരവോടെ പഴയ പ്രതാപത്തിലേക്ക് തിരിച്ചുവരാൻ ഒരുങ്ങുകയാണ് ഫ്രഞ്ച് വാഹന നിർമാതാക്കളായ റെനോ. എന്നും സാധാരണക്കാർക്ക് വേണ്ടി നിലകൊള്ളുന്ന ബ്രാൻഡ് ഇത്തവണ രണ്ടുംകൽപ്പിച്ചാണ് ഇറങ്ങിയിരിക്കുന്നത്. ക്വിഡ്, ട്രൈബർ, കൈഗർ ത്രയങ്ങൾക്കൊണ്ട് മാത്രം കാര്യങ്ങൾ മുമ്പോട്ട് കൊണ്ടുപോവാനാവില്ലെന്ന് മനസിലാക്കിയ റെനോ ഡസ്റ്ററിന് പിന്നാലെ നിരവധി പുത്തൻ മോഡലുകൾ കൂടി അവതരിപ്പിക്കാനുള്ള പദ്ധതി ആവിഷ്ക്കരിച്ചിട്ടുണ്ട്. ഇതിനിടയിൽ മുഖംമിനുക്കിയെത്തിയ ട്രൈബർ നല്ല രീതിയിൽ കച്ചോടം നേടി മുന്നേറുന്നത് കമ്പനിക്ക് ഇമേജ് വർധിപ്പിക്കാനും സഹായകരമായിട്ടുണ്ട്. നിലവിൽ റെനോയുടെ ടോപ്പ് സെല്ലിംഗ് കാറായാണ് ഇത് മുന്നേറിക്കൊണ്ടിരിക്കുന്നത്.

ഒരു പരീക്ഷണമെന്ന രീതിയിൽ ദക്ഷിണ കൊറിയൻ വാഹന നിർമാതാക്കളായ കിയ ഇന്ത്യയിലേക്ക് എത്തിച്ച കോംപാക്‌ട് എസ്‌യുവിയായിരുന്നു സിറോസ് (Kia Syros Compact SUV). ടോൾബോയ് സ്പോർട് യൂട്ടിലിറ്റി വാഹനമായി പണികഴിപ്പിച്ച മോഡൽ ഫീച്ചറുകളിലൂടെയാണ് ഞെട്ടിച്ചത്. അതും ഇതിൻ്റെ വിലയുള്ള മറ്റൊരു മോഡലിലും കാണാത്തത്ര സംഭവങ്ങൾ കുത്തിനിറച്ചായിരുന്നു സിറോസ് എത്തിയത്. അതിനാൽ വാനോളം പ്രതീക്ഷകളുമായിരുന്നു കിയക്കുണ്ടായിരുന്നത്. പല ആഡംബര കാറുകളിലും മാത്രം കണ്ടിരുന്ന ഫീച്ചറുകളെല്ലാം ചെറിയ വിലയ്ക്ക് എത്തിക്കാൻ ഈ മോഡലിലൂടെ കിയയ്ക്ക് സാധിച്ചിരുന്നത് തന്നെയാണ് അതിൻ്റെ കാരണവും.