Bajaj Chetak C25 ഇലക്ട്രിക് സ്കൂട്ടറിൻ്റെ വിശദമായ അവലോകനം. വില, സവിശേഷതകൾ, ഡ്രൈവിംഗ് അനുഭവം എന്നിവ അറിയുക.

ബാലതാരമായി അരങ്ങേറി ബോളിവുഡില്‍ നടനായും സംവിധായകനായും നിറഞ്ഞു നില്‍ക്കുകയാണ് കുനാല്‍ ഖേമു (Kunal Khemu). മികച്ച കോമഡി ടൈമിംഗിലൂടെ പ്രേക്ഷകരെ ചിരിപ്പിക്കാന്‍ കഴിയുന്ന കുനാല്‍ ഖേമു ബോളിവുഡിലെ അണ്ടര്‍ റേറ്റഡ് നടന്‍മാരില്‍ ഒരാളാണെന്നും വേണമെങ്കില്‍ പറയാം. ബാലതാരമായി വെള്ളിത്തിരയില്‍ അരങ്ങേറിയ കുനാല്‍ 'ഗോല്‍മാല്‍' ഫ്രാഞ്ചൈസി, 'ഗോ ഗോവ ഗോണ്‍', 'ലൂട്ട്‌കേസ്', 'അഭയ്' പോലുള്ള ചിത്രങ്ങളിലൂടെയും വെബ് സീരീസുകളിലൂടെയുമാണ് പ്രശസ്തനായത്. സ്റ്റാര്‍ ഇമേജിനേക്കാള്‍ അഭിനയപ്രാധാന്യമുള്ള വേഷങ്ങള്‍ ചെയ്യാന്‍ ഇഷ്ടപ്പെടുന്ന നടന്‍ കൂടിയാണ് കുനാല്‍. അടുത്തിടെ 'മാഡ്ഗാവ് എക്‌സ്പ്രസ്' എന്ന ചിത്രത്തിലൂടെ സംവിധായക കുപ്പായമണിഞ്ഞ കുനാലിനെ തേടി IIFA-യുടെ അംഗീകാരവുമെത്തി.

കന്നഡയിലെ വിസ്മയ ചിത്രമായ കാന്താര ചാപ്റ്റർ ഒന്ന് (Kantara Chapter 1) കണ്ടവരാരും അത്രവേഗം മറക്കാനിടയില്ലാത്ത മുഖമാണ് വിജയേന്ദ്ര രാജാവിൻ്റേത്. മലയാളിയായ ഹരിപ്രശാന്ത് വർമ ജീവൻ നൽകിയ കരുത്തുറ്റ കഥാപാത്രം വാനോളം പ്രശംസ നേടിയിരുന്നു. ആറടിനാലിഞ്ച് പൊക്കവും താടിയും കൊമ്പൻമീശയുമായി സ്ക്രീൻ നിറഞ്ഞുനിന്ന താരത്തെ മലയാളികൾക്കിടയിൽ പ്രത്യേക ആമുഖത്തിൻ്റെ ആവശ്യമൊന്നുമില്ല. ആട് രണ്ടിലെ ചെകുത്താൻ ലാസർ എന്ന കഥാപാത്രമാണ് മലയാളികൾക്കിടയിൽ ഹരിപ്രശാന്തിനെ സുപരിചിതനാക്കിയത്. ഒപ്പം മോഹൻലാലിൻ്റെ മലൈക്കോട്ടൈ വാലിബനിലെ പ്രധാന കഥാപാത്രവും കൂടിയാവുമ്പോൾ താരത്തിൻ്റെ മൂല്യം തന്നെ ഉയരും.

വില്‍പ്പനയില്‍ രാജ്യത്ത് നമ്പര്‍ വണ്‍ ആയ മാരുതി സുസുക്കിയുടെ കന്നി ഇലക്ട്രിക് കാറായ ഇ-വിറ്റാരക്കായി ഇന്ത്യക്കാര്‍ കാത്തിരിക്കാന്‍ തുടങ്ങിയിട്ട് മാസങ്ങള്‍ കുറച്ചായി. ധൃതി കൂട്ടാതെ വ്യക്തമായ പദ്ധതിയോട് കൂടിയാണ് മാരുതി സുസുക്കി തങ്ങളുടെ കന്നി ഇവി വിപണിയിലെത്തിക്കാന്‍ പോകുന്നതെന്ന് ഒന്നിലേറെ തവണ ലോഞ്ച് മാറ്റിവെച്ചപ്പോള്‍ തന്നെ നമുക്ക് മനസിലായതാണ്. ഇ-വിറ്റാരയിലൂടെ തിരിതെളിയാന്‍ പോകുന്ന തങ്ങളുടെ ഇലക്ട്രിക് വാഹന വിപ്ലവത്തിന് വേഗത കൂട്ടാന്‍ പോകുകയാണ് മാരുതി സുസുക്കി. ഏറെ പ്രതീക്ഷയോടെ കാത്തിരിക്കുന്ന ഇ-വിറ്റാര എസ്‌യുവിക്ക് പിന്നാലെ ഈ വര്‍ഷം അവസാനത്തോടെ തങ്ങളുടെ രണ്ടാമത്തെ ഇലക്ട്രിക് വാഹനം പുറത്തിറക്കാന്‍ ഒരുങ്ങുകയാണ് കമ്പനി.

ഡി-സെഗ്മെൻ്റ് എസ്‌യുവി സെഗ്മെൻ്റിലെ കിങായ ടൊയോട്ട ഫോർച്യൂണറിനെ വെല്ലാൻ എംജി മോട്ടോർസ് ഏറെക്കാലം മുമ്പേ പുറത്തിറക്കിയ മോഡലായിരുന്നു എംജി ഗ്ലോസ്റ്റർ (MG Gloster). തുടക്കത്തിൽ ശ്രദ്ധ നേടിയിരുന്നുവെങ്കിലും പിന്നീട് കേരളത്തിലെ പ്രമുഖ വ്ലോഗറുമായുള്ള പ്രശ്‌നങ്ങളും ഗ്ലോസ്റ്ററിൻ്റെ ഇമേജിനെ സാരമായി ബാധിക്കുകയുണ്ടായി. ശരിക്കും പറഞ്ഞാൽ മിടുമിടുക്കനായിരുന്നുവെങ്കിലും ആരും മോഡലിൻ്റെ കഴിവുകൾ തിരച്ചറിഞ്ഞിരുന്നില്ലെന്ന് വേണം പറയാൻ. നല്ല ഒന്നാന്തരം ഫുൾ-സൈസ് സ്പോർട് യൂട്ടിലിറ്റി വാഹനമായിരുന്നുവെങ്കിലും വേണ്ട രീതിയിലുള്ള പരിഗണന ഇന്ത്യക്കാരിൽ നിന്നും ലഭിക്കാതെ പോയ അണ്ടർറേറ്റഡ് ഡോൺ എന്നൊക്കെ ഗ്ലോസ്റ്ററിനെ വിശേഷിപ്പിക്കാം.

ഇന്ത്യയിലെ കോംപാക്‌ട് എസ്‌യുവി സെഗ്മെൻ്റിൽ പുത്തനൊരു പരീക്ഷണമായിരുന്നു കിയ സിറോസ്. ചെറിയ വിലയ്ക്ക് കിട്ടുന്ന ആഡംബര കാറായി എത്തിയ മോഡൽ ആ വിഭാഗത്തിൽ ഇതുവരെ കാണാത്തത്ര ഫീച്ചറുകൾ കുത്തിനിറച്ചായിരുന്നു വിപണനത്തിന് എത്തിയത്. ഒപ്പം രൂപത്തിലും വ്യത്യസ്‌തത പുലർത്താൻ സിറോസിനായി. പല ആഡംബര കാറുകളിലും മാത്രം കണ്ടിരുന്ന ഫീച്ചറുകളെല്ലാം ചെറിയ വിലയ്ക്ക് എത്തിക്കാൻ ഈ മോഡലിലൂടെ കിയയ്ക്ക് സാധിക്കുകയും ചെയ്‌തുവെങ്കിലും വിൽപ്പനയിൽ ഇതൊന്നും പ്രതിഫലിപ്പിക്കാൻ കമ്പനിക്കായില്ലെന്ന് പറയുന്നതാവും ശരി. എന്നാൽ പുതിയ നീക്കങ്ങളിലൂടെ സിറോസിനെ ജനകീയനാക്കുവാനായുള്ള തീവ്രപരിശ്രമത്തിലാണ് കിയ.

ഇന്ത്യന്‍ നഗരങ്ങളിലെ യാത്രാക്ലേശങ്ങള്‍ക്ക് പരിഹാരമായി കുറഞ്ഞ ചിലവില്‍ ഇലക്ട്രിക് വാഹനങ്ങള്‍ നിര്‍മിക്കാന്‍ ലക്ഷ്യമിട്ട് പ്രവര്‍ത്തിക്കുന്ന നിരവധി സ്റ്റാര്‍ട്ടപ്പ് കമ്പനികള്‍ ഇന്ത്യയിലുണ്ട്. അത്തരത്തില്‍ ഒരു കമ്പനിയാണ് ഹരിയാനയിലെ ഗുരുഗ്രാം ആസ്ഥാനമായി പ്രവര്‍ത്തിക്കുന്ന ബ്ലിങ്ക് മൊബിലിറ്റി (Blinq Mobility). കുറഞ്ഞ വിലയില്‍ ഒരു ഇലക്ട്രിക് കാര്‍ വാങ്ങാന്‍ ആഗ്രഹിക്കുന്നവര്‍ക്ക് പ്രതീക്ഷ നല്‍കിക്കൊണ്ട് ബ്ലിങ്ക് മൊബിലിറ്റി തങ്ങളുടെ ആദ്യ ഇലക്ട്രിക് കാര്‍ പ്രോട്ടോടൈപ്പ് പൊതുനിരത്തില്‍ പരീക്ഷിച്ച്് തുടങ്ങി. 'പോഡ്' (Pod) എന്ന് പേരിട്ടിരിക്കുന്ന ഈ മൈക്രോ ഇലക്ട്രിക് കാര്‍ ഒരു സാധാരണ ഓട്ടോറിക്ഷയുടെ വിലയില്‍ വിപണിയിലെത്തിക്കാനാണ് കമ്പനി ലക്ഷ്യമിടുന്നത്.

ഇന്ത്യയിലെ മൾട്ടി പർപ്പസ് വാഹന നിരയിൽ മാരുതി സുസുക്കി എർട്ടിഗ, ടൊയോട്ട ഇന്നോവ എന്നീ ഭീകരൻമാരോട് പടവെട്ടി വളരെ വേഗത്തിൽ തൻ്റേതായ അഡ്രസ് കണ്ടെത്തിയ മോഡലാണ് കിയ കാരെൻസ്. ഈയടുത്ത് കൂടുതൽ സ്റ്റൈലിഷായി പേരിനൊപ്പം ക്ലാവിസ് എന്നുകൂടി ചേർത്ത വാഹനം നിലവിൽ നല്ലൊരു ഫാമിലി കാർ നോക്കിനടക്കുന്നവർക്ക് കണ്ണുംപൂട്ടി വാങ്ങിക്കാനാവുന്നതാണ്. നല്ല ഫീച്ചറുകൾ, മോഡേൺ ഡിസൈൻ നല്ല എഞ്ചിൻ ഓപ്ഷനുകൾ എന്നിവയെല്ലാം നൽകി ആളുകളെ ചാക്കിലാക്കി മുന്നേറുന്ന മിടുക്കന് ഇപ്പോഴിതാ പുത്തനൊരു വേരിയൻ്റ് കൂടി സമ്മാനിച്ച് കാര്യങ്ങൾ കൂടുതൽ ആകർഷകമാക്കുകയാണ് കിയ.

ഇന്ത്യന്‍ സിനിമയ്ക്ക് മികച്ച ടെക്‌നീഷ്യന്‍മാരെ സംഭാവന ചെയ്യുന്ന ഇന്‍ഡസ്ട്രിയാണ് മോളിവുഡ്. ഇന്ത്യന്‍ സിനിമയിലെ ഏറ്റവും മികച്ച ഛായാഗ്രാഹകരുടെ പട്ടികയെടുത്താല്‍ അതില്‍ നിരവധി മലയാളികളെ കാണാം. സിനിമയുടെ ദൃശ്യഭാഷയ്ക്ക് പുതിയ സൗന്ദര്യം നല്‍കിയ ഛായാഗ്രാഹകനാണ് ജോമോന്‍ ടി. ജോണ്‍ (Jomon T. John). പ്രകൃതിദൃശ്യങ്ങളെയും മനുഷ്യഭാവങ്ങളെയും ഒരുപോലെ മനോഹരമായി ക്യാമറയില്‍ പകര്‍ത്താനുള്ള കഴിവാണ് ജോമോന്‍ ടി. ജോണിനെ വേറിട്ടുനിര്‍ത്തുന്നത്. കൃത്രിമ വെളിച്ചത്തേക്കാള്‍ പ്രകൃതിദത്തമായ ലൈറ്റിംഗിനെ ഇഷ്ടപ്പെടുന്ന ഛായാഗ്രാഹകനായതിനാല്‍ തന്നെ ജോമോന്‍ ടി. ജോണിന്റെ സിനിമകളില്‍ ജീവന്‍ തുളുമ്പുന്ന ഫ്രെയിമുകള്‍ കാണാം.

തൊണ്ണൂറുകളിൽ ജനിച്ചവരുടെ മനസിൽ പ്രത്യേക സ്ഥാനമുള്ള മോട്ടോർസൈക്കിളുകളാണ് ബജാജ് പൾസർ. ഇപ്പോൾ 125 സിസി മുതൽ 400 സിസി വരെയുള്ള നിരയിൽ മിന്നിത്തിളങ്ങുന്ന പൾസറുകൾ യൂത്തൻമാർക്കിടയിലെ നിറസാന്നിധ്യമാണ്. താങ്ങാനാവുന്ന വിലയും യൂത്ത്ഫുൾ ഡിസൈനും കുറഞ്ഞ മെയിൻ്റനെൻസുമെല്ലാം ആളുകളെ ഇപ്പോഴും ബജാജിൻ്റെ ഇതിഹാസത്തിലേക്ക് അടുപ്പിക്കുന്ന കാര്യങ്ങളാണ്. എന്നാൽ ഇപ്പോഴിതാ പുതുവർഷത്തോട് അനുബന്ധിച്ച് പൾസർ നിരയിൽ വില വർധനവ് നടപ്പിലാക്കിയിരിക്കുകയാണ് കമ്പനി. ഉൽപ്പാദനച്ചെലവ് ഉയർന്നതോടെയാണ് ഇത്തരത്തിലൊരു കടുംകൈ ഉപഭോക്താക്കളോട് ചെയ്യാൻ കമ്പനി നിർബന്ധിതരായത്. പക്ഷേ 461 രൂപ മുതൽ 1,460 രൂപ വരെ മാത്രമാണ് വില കൂട്ടിയിരിക്കുന്നത് എന്നത് ആളുകളെ നേരിട്ട് ബാധിക്കാനിടയില്ല.

സാധാരണയായി ലൗകിക ജീവിതത്തോടും ആഡംബര വസ്തുക്കളോടുമുള്ള ആസക്തികള്‍ വെടിഞ്ഞ് ലളിത ജീവിതം നയിക്കുന്നവരാണ് ആത്മീയാചാര്യന്‍മാര്‍. വിശപ്പടക്കാനുള്ള ഭക്ഷണം പോലും മറ്റുള്ളവരില്‍ നിന്ന് ദാനമായി സ്വീകരിച്ച് ദൈവത്തില്‍ സര്‍വ്വതും സമര്‍പ്പിച്ച് ജീവിക്കുന്നവരാണ് അവരില്‍ വലിയൊരു പങ്കും. എന്നാല്‍ ഇതിന് അപവാദമായി ഒത്തിരി പേരുണ്ട്. അതില്‍ ഒന്ന് എല്ലാവര്‍ക്കും അറിയാവുന്ന ഓഷോ രജനീഷ്. നൂറിലേറെ റോള്‍സ് റോയ്‌സുകള്‍ സ്വന്തമായുണ്ടായിരുന്ന ഓഷോയുടെ ആഡംബര ജീവിതശൈലി ഏറെ വിവാദങ്ങള്‍ സൃഷ്ടിച്ചിരുന്നു. ഇപ്പോള്‍ സ്വയം പ്രഖ്യാപിത ആള്‍ദൈവമെന്ന് വിശേഷിപ്പിക്കപ്പെടുന്ന ഒരു കക്ഷി വാങ്ങിയ പുതിയ വാഹനം സോഷ്യല്‍ മീഡിയയില്‍ വലിയ ചര്‍ച്ചയായിരിക്കുകയാണ്.

യാത്രാസുഖത്തിൻ്റെ കാര്യത്തിൽ സാക്ഷാൽ ടൊയോട്ട ഇന്നോവയെ വെല്ലുന്ന മഹീന്ദ്രയുടെ നിരയിലെ മിടുമിടുക്കനാണ് XUV700. ഇക്കൂടെ അടിപൊളി ഫീച്ചറുകളും സേഫ്റ്റിയും കൂടിയെത്തിയതോടെ സംഭവം കയറികൊളുത്തി. അങ്ങനെ ഏവരുടേയും ഫേവറീറ്റായി മുന്നേറുന്നതിനിടയിൽ എസ്‌യുവിയുടെ ഫെയ്‌സ്‌ലിഫ്റ്റ് മോഡൽ പുറത്തിറക്കി വേറെ ലെവലാക്കിയിരിക്കുകയാണ് കമ്പനി. ഒപ്പം XUV 7XO എന്ന ഇടിവെട്ട് പേരും സമ്മാനിക്കുകയുണ്ടായി. ഇപ്പോഴിതാ XUV 7XO പതിപ്പിനായുള്ള ഡെലിവറിയും ഔദ്യോഗികമായി ആരംഭിച്ചിരിക്കുകയാണ് മഹീന്ദ്ര ആൻഡ് മഹീന്ദ്ര. ആദ്യ വണ്ടി മഹീന്ദ്ര ഗ്രൂപ്പ് എക്സിക്യൂട്ടീവ് ബോർഡിൻ്റെ പ്രസിഡൻ്റും അംഗവുമായ വിനോദ് സഹായിക്കാണ് കൈമാറിയിരിക്കുന്നത്.

2025 ഡിസംബറില്‍ ഇന്ത്യന്‍ ഇരുചക്ര വാഹന വിപണിയില്‍ വമ്പന്‍ അട്ടിമറി. ദീര്‍ഘകാലമായി വിപണി ഭരിച്ചിരുന്ന ഹീറോ മോട്ടോകോര്‍പ്പിനെയും ഹോണ്ട മോട്ടോര്‍സൈക്കിള്‍സ് ആന്‍ഡ് സ്‌കൂട്ടര്‍ ഇന്ത്യയെയും പിന്നിലാക്കി ടിവിഎസ് മോട്ടോര്‍ കമ്പനി രാജ്യത്തെ ഏറ്റവും വലിയ ഇരുചക്ര വാഹന നിര്‍മ്മാതാക്കളായി മാറി. ആഭ്യന്തര വില്‍പനയിലും കയറ്റുമതിയിലും ഒരുപോലെ മികവ് പുലര്‍ത്തിയതാണ് തമിഴ്‌നാട് ആസ്ഥാനമായി പ്രവര്‍ത്തിക്കുന്ന കമ്പനി ചരിത്ര നേട്ടത്തിലെത്തിയത്. കഴിഞ്ഞ മാസം രാജ്യത്തെ ടോപ് 5 ടൂവീലര്‍ ബ്രാന്‍ഡുകള്‍ എല്ലാം തന്നെ വളര്‍ച്ച കൈവരിച്ചു. ഈ പ്രമുഖ കമ്പനികള്‍ എല്ലാം ചേര്‍ന്ന് കഴിഞ്ഞ മാസം മൊത്തം 18,02,317 യൂണിറ്റ് ഇരുചക്ര വാഹനങ്ങളാണ് വിറ്റത്.

ഇന്ത്യൻ ആഡംബര കാർ വിപണിയിൽ 2025-ലും മെർസിഡീസ് ബെൻസ് (Mercedes-Benz) തങ്ങളുടെ ആധിപത്യം നിലനിർത്തിയിരികുകയാണ്. തുടർച്ചയായ പതിനൊന്നാമത്തെ വർഷമാണ് കമ്പനി ഏറ്റവും കൂടുതൽ ലക്ഷ്വറി വാഹനങ്ങൾ വിറ്റഴിച്ച് ഒന്നാം സ്ഥാനത്ത് എത്തുന്നത്. ഈ നേട്ടത്തോടെ ആഡംബര കാർ വിഭാഗത്തിൽ തങ്ങളുടെ മുൻനിര സ്ഥാനം മെർസിഡീസ് ബെൻസ് ഉറപ്പിക്കുകയാണ്. 2025-ലെ കണക്കുകൾ പുറത്ത് വന്നപ്പോൾ മെർസിഡീസ് ബെൻസ് ഇന്ത്യയിൽ ആകെ 19,007 വാഹനങ്ങൾ വിറ്റഴിച്ചു. ഈ വിഭാഗത്തിൽ ബിഎംഡബ്ല്യു (BMW) 181 വാഹനങ്ങൾ വിറ്റഴിച്ച് രണ്ടാം സ്ഥാനത്തെത്തി. ബിഎംഡബ്ല്യു-മിനി ബ്രാൻഡുകളിലെ വിൽപ്പനയാണിത്.

ഇന്ത്യന്‍ സിനിമാ ലോകത്തെ അതുല്യ പ്രതിഭകളില്‍ ഒരാളാണ് പ്രകാശ് രാജ് (Prakash Raj). മലയാളമടക്കം നിരവധി ഇന്ത്യന്‍ ഭാഷകളില്‍ വില്ലന്‍ കഥാപാത്രങ്ങളിലൂടെ ശ്രദ്ധിക്കപ്പെട്ട് തുടങ്ങിയ പ്രകാശ് രാജ് അഭിനയ പ്രാധാന്യമുള്ള വേഷങ്ങളിലൂടെ മുന്നേറി നിലവില്‍ തെന്നിന്ത്യന്‍ സിനിമകളില്‍ ഒഴിച്ച് കൂടാന്‍ പറ്റാത്ത താരങ്ങളില്‍ ഒരാളായി മാറിയിട്ടുണ്ട്. സിനിമയ്ക്ക് പുറമെ സാമൂഹിക വിഷയങ്ങളിലും തന്റെ അഭിപ്രായങ്ങള്‍ വെട്ടിത്തുറന്ന് പറയാറുള്ള പ്രകാശ് രാജ് ഇടക്ക് തലക്കെട്ടുകള്‍ സൃഷ്ടിക്കാറുണ്ട്. സിനിമ, രാഷ്ട്രീയം എന്നിവയില്‍ നിന്ന് മാറി ഒരു പുത്തന്‍ വാഹനം സ്വന്തമാക്കിയാണ് പ്രകാശ് രാജ് വാര്‍ത്തകള്‍ സൃഷ്ടിക്കുന്നത്.

വിൽപ്പനയിൽ എന്നും ഒന്നാം സ്ഥാനം കൈവിടാതെ മുന്നോട്ട് പോകുന്ന മാരുതി സുസുക്കിയുടെ ജനപ്രിയ മോഡലാണ് ഗ്രാൻഡ് വിറ്റാര. സ്ട്രോങ്ങ് ഹൈബ്രിഡ് മോഡലിന് ഡിമാൻ്റ് ഏറെ വർധിച്ചിട്ടുണ്ട്. 2025 വർഷാവസാനം മാരുതി സുസുക്കിയുടെ വിൽപ്പന കണ്ട് കമ്പനി പോലും ഞെട്ടിയ അവസ്ഥയാണ്. ഗ്രാൻഡ് വിറ്റാരയുടെ സ്ട്രോങ്ങ് ഹൈബ്രിഡ് അൽഫാ മോഡലിൻ്റെ ജനുവരി മാസത്തെ വിശദമായ ഓഫറുകളാണ് ഈ ലേഖനത്തിൽ നിങ്ങളുമായി പങ്കുവയ്ക്കുന്നത്. നിങ്ങൾ ഈ മാസം ഗ്രാൻഡ് വിറ്റാര വാങ്ങാൻ ആഗ്രഹിക്കുന്നുവെങ്കിൽ കൂടുതൽ വിവരങ്ങൾ അറിയാൻ തുടർന്ന് വായിക്കണേ.

ആഡംബര കാറുകൾ വാങ്ങുന്നവരുടെ എണ്ണത്തിൽ വലിയ വർധനവുണ്ടായിട്ടുണ്ടെന്ന് വേണം പറയാൻ. പ്രത്യേകിച്ച് യുവാക്കളാണ് ഇത്തരം വില കൂടിയ കാറുകളെ ഇപ്പോൾ ഏറ്റവും കൂടുതൽ പ്രണയിക്കുന്നത്. നിരവധി യുവ സംരംഭകരും പ്രൊഫഷണലുകളും ആഡംബര കാറുകൾ (Luxury Cars) വാങ്ങുന്നത് സ്ഥിരം കാഴ്ച്ചയായിട്ടുണ്ട്. എന്നാൽ ഒന്നിച്ച് രണ്ട് ആഡംബര കാറുകൾ സ്വന്തമാക്കിയിട്ടുള്ള അധികമാരെയും നമുക്ക് പരിചയമുണ്ടാവില്ല അല്ലേ. ഇപ്പോഴിതാ ഒരേ ദിവസം ഒരേ സമയം രണ്ട് ലക്ഷ്വറി എസ്‌യുവികൾ വാങ്ങിയ പല്ല് ഡോക്‌ടറാണ് ഇപ്പോൾ സോഷ്യൽ മീഡിയയിൽ (Social Media) ചർച്ചാവിഷയം.

സുസുക്കി മോട്ടോര്‍സൈക്കിള്‍ ഇന്ത്യ തങ്ങളുടെ ജനപ്രിയ 250 സിസി ബൈക്കുകളായ ജിക്‌സര്‍ SF 250, ജിക്‌സര്‍ 250 എന്നിവയുടെ 2026 പതിപ്പുകള്‍ പുറത്തിറക്കി. പുതിയ കളര്‍ ഓപ്ഷനുകളും ആകര്‍ഷകമായ ഗ്രാഫിക്‌സുകളുമാണ് പുതിയ മോഡലുകളുടെ പ്രധാന സവിശേഷത. ജനുവരി 15-നാണ് കമ്പനി ഈ പുതിയ അപ്ഡേറ്റുകള്‍ പ്രഖ്യാപിച്ചത്. സ്‌പോര്‍ട്ടി ലുക്കിനൊപ്പം വിശ്വസനീയമായ പെര്‍ഫോമന്‍സും ഈ ബൈക്കുകള്‍ വാഗ്ദാനം ചെയ്യുന്നു. പുത്തന്‍ ബൈക്കുകളെ കുറിച്ചുള്ള കൂടുതല്‍ വിശേഷങ്ങള്‍ ചുവടെ വിശദമായി വായിക്കാം.

ഇന്ത്യൻ വാഹന ലോകത്ത് ചില കാറുകൾ വെറും ഗതാഗതത്തിന് വേണ്ടി മാത്രമുളളതല്ല മറിച്ച് അവ ഒരു തലമുറയുടെ ഓർമ്മകളാണ്. ടൊയോട്ട ക്വാളീസ് അത്തരത്തിലൊരു MPV ആണ്. നിർമ്മാണം നിർത്തിയിട്ട് വർഷങ്ങൾ കഴിഞ്ഞിട്ടും, ക്വാളീസ് ഇന്നും ഇന്ത്യക്കാരുടെ മനസ്സിൽ ജീവിക്കുന്നത് അതിന്റെ അപൂർവമായ വിശ്വാസ്യത കൊണ്ടാണ് എന്ന് പറയാതിരിക്കാൻ കഴിയില്ല. അറ്റകുറ്റപ്പണികൾ കുറഞ്ഞ എഞ്ചിനാണ് ക്വാളീസിൻ്റെ ഏറ്റവും പ്രധാന സവിശേഷത. ലക്ഷകണക്കിന് കിലോമീറ്ററുകൾ താണ്ടിയ മോഡലുകൾ ഇന്നും നിരത്തുകളിലൂടെ ഒരു കുഴപ്പവും കൂടാതെ ഓടുന്നുണ്ട്. നഗര,ഗ്രാമീണ വ്യത്യാസമില്ലാതെ ഏത് പ്രദേശവും ക്വാളീസിന് ഒരുപോലെയാണ്.

ലോകപ്രശസ്ത ഇലക്ട്രിക് കാര്‍ നിര്‍മ്മാതാക്കളായ ടെസ്ല (Tesla) കഴിഞ്ഞ വര്‍ഷമാണ് ഇന്ത്യന്‍ വിപണിയില്‍ പ്രവേശിച്ചത്. എന്നാല്‍ ലോകത്തിലെ മൂന്നാമത്തെ വലിയ കാര്‍ വിപണിയായ ഇന്ത്യയില്‍ ടെസ്‌ലക്ക് പ്രതീക്ഷിച്ച ലെവലിലുള്ള സ്വീകരണമായിരുന്നില്ല ലഭിച്ചത്. കഴിഞ്ഞ ജൂലൈയില്‍ ഇന്ത്യന്‍ വിപണിയില്‍ പ്രവേശിച്ച കമ്പനി തങ്ങളുടെ ജനപ്രിയ മോഡലായ 'മോഡല്‍ Y' (Tesla Model Y) എസ്‌യുവി വിറ്റഴിക്കാന്‍ പാടുപെടുകയാണ്. നിലവില്‍ വിറ്റുപോകാതെ കെട്ടിക്കിടക്കുന്ന സ്റ്റോക്ക് കാലിയാക്കുന്നതിനായി ടെസ്‌ല തിരഞ്ഞെടുത്ത ഉപഭോക്താക്കള്‍ക്ക് 2 ലക്ഷം രൂപ വരെ കിഴിവ് വാഗ്ദാനം ചെയ്യുന്നതായാണ് റിപ്പോര്‍ട്ടുകള്‍.

ഇലക്‌ട്രിക് സ്‌കൂട്ടർ വിപണി കത്തിക്കാനൊരുങ്ങി പുത്തൻ ചേതക് ഇവിയുമായി രംഗപ്രവേശം ചെയ്‌തിരിക്കുകയാണ് ബജാജ്. ടിവിഎസ് ഐക്യൂബിനോട് നഷ്‌ടപ്പെട്ട ടോപ്പ് സെല്ലർ പദവി തിരിച്ചുപിടിക്കാനും മറ്റ് എതിരാളികളുമായുള്ള അകലം ഉയർത്താനുമായിട്ടാണ് ചേതക് C25 എന്നുവിളിക്കുന്ന പുത്തൻ പതിപ്പിൻ്റെ വരവ്. സിറ്റി യാത്രകൾ കൂടുതല്‍ സുഗമമാക്കാന്‍ ലക്ഷ്യമിട്ട് പുറത്തിറക്കിയ ഈ മോഡലിന് താങ്ങാനാവുന്ന വിലയാണുള്ളത്. 1 ലക്ഷം രൂപ വിലയിൽ താഴെ പുതിയൊരു ഇലക്ട്രിക് സ്‍‌കൂട്ടർ തേടുന്നവർക്ക് നേരെ ബജാജിൻ്റെ ഷോറൂമിലേക്ക് ഇനി ധൈര്യമായി വണ്ടിതിരിക്കാമെന്ന് ചുരുക്കം. ചേതക് C25 ഇവി വാങ്ങുന്നതിന് മുമ്പ് നിങ്ങൾ അറിഞ്ഞിരിക്കേണ്ട ചില കാര്യങ്ങൾ പറഞ്ഞുതരാം.

മലയാള സിനിമ മേഖലയിൽ കാരവാൻ തരംഗം പണ്ട് മുതലേ ഉളളതാണ്. സൂപ്പർസ്റ്റാറുകൾ കാരവാൻ സ്വന്തമാക്കുക എന്നത് വലിയ കാര്യമല്ലെങ്കിലും സംവിധായകൻ ഒരു കാരവാൻ സ്വന്തമാക്കുന്നത് വലിയ കാര്യം തന്നെയാണ് കേട്ടോ. മലയാള സിനിമയിലെ ഹിറ്റ്മേക്കർ സംവിധായകൻ ജിത്തു ജോസഫ് ഇനി ലൊക്കേഷനുകളിലേക്ക് എത്തുന്നത് തൻ്റെ പുത്തൻ കാരവാനിലായിരിക്കും. ഭാരത് ബെൻസ് 1017 CHS മോഡലിൻ്റെ ഷാസി സ്വന്തമാക്കിയിരിക്കുകയാണ് ജിത്തു. കാരവാൻ ആപ്ലിക്കേഷനിലാണ് വാഹനം ഡെലിവെറിയെടുത്തിരിക്കുന്നത്. കാരവാൻ മോഡലിന് വേണ്ടി പ്രത്യേകം ഡിസൈൻ ചെയ്തിരിക്കുന്ന ഷാസിയാണ് 1017 CHS .

ഇലക്‌ട്രിക് കാർ വിപണിയിൽ രൂപം കൊണ്ടും വില കൊണ്ടും പ്രായോഗികത കൊണ്ടും വിസ്‌മയിപ്പിച്ച മോഡലാണ് എംജി കോമെറ്റ്. ടാറ്റ നാനോ പരാജയപ്പെട്ടുപോയ ഇത്തിരി കുഞ്ഞൻ രൂപം എത്രത്തോളം ഇന്ത്യക്കാർക്ക് ഉപകാരപ്പെടുമെന്ന് വ്യക്തമായി കാണിച്ചുതരാനും വാഹനത്തിനായി. ജോലിക്ക് പോവുന്ന സ്ത്രീകൾ വരെ ഇപ്പോൾ കോമെറ്റിലേക്കായി യാത്ര. നാട്ടിലൂടെ സ്കൂട്ടറിൽ പെട്രോളടിച്ച് കറങ്ങുന്നതിലും ലാഭമാണ് കോമെറ്റ് കൂടെയുണ്ടെങ്കിൽ. വീട്ടിൽ സോളാർ കൂടിയുണ്ടെങ്കിൽ വെയിലും മഴയും ഏൽക്കാതെ യാത്രകൾ ഫ്രീയായി നടക്കുകയും ചെയ്യും. എന്തിന് ഓട്ടോറിക്ഷ വിളിച്ചാലും കോമെറ്റ് ഇവി ചാർജ് ചെയ്യുന്നതിലും കൂടുതൽ പണം വേണ്ടിവരുമെന്നതാണ് സത്യം.

മൾട്ടി പർപ്പസ് വാഹനങ്ങൾ അല്ലെങ്കിൽ എംപിവി എന്ന് കേട്ടാൽ ഇന്ത്യക്കാർക്ക് ആദ്യം മനസിലേക്ക് ഓടിവരുന്ന പേര് ടൊയോട്ടയുടെയോ മാരുതി സുസുക്കിയുടേതോ ആവാം അല്ലേ. എന്നാൽ ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായിയുടെ നിരയിൽ മിടുക്കനായ ഒരു 9-സീറ്റർ മോഡലുണ്ട് കേട്ടോ. ഇന്ത്യക്കാർക്ക് കിട്ടാക്കനിയായിട്ടുള്ള സ്റ്റാറിയ എംപിവിയുടെ (Hyundai Staria MPV) കാര്യമാണീ പറഞ്ഞുവരുന്നത്. നേരത്തെ ICE എഞ്ചിനിൽ മാത്രം ലഭ്യമായിരുന്ന കാറിൻ്റെ ഇലക്ട്രിക് പതിപ്പിനെ വിപണിയിൽ കൊണ്ടുവന്നിരിക്കുകയാണ് ഹ്യുണ്ടായി. ബ്രസൽസ് മോട്ടോർ ഷോയിലാണ് ഇവി രംഗപ്രവേശം ചെയ്‌തിരിക്കുന്നത്.

ഇന്ത്യന്‍ ഇരുചക്ര വാഹന വിപണിയിലെ കരുത്തരായ ബജാജ് ഓട്ടോ തങ്ങളുടെ ചേതക് ഇലക്ട്രിക് സ്‌കൂട്ടര്‍ ശ്രേണിയിലേക്ക് പുതിയ 'ചേതക് C25' (Bajaj Chetak C25) മോഡല്‍ അവതരിപ്പിച്ചു. നഗരയാത്രകള്‍ കൂടുതല്‍ സുഗമമാക്കാന്‍ ലക്ഷ്യമിട്ട് പുറത്തിറക്കിയ ഈ സ്‌കൂട്ടറിന് 91,399 രൂപയാണ് എക്‌സ്-ഷോറൂം വില നിശ്ചയിച്ചിരിക്കുഞ്ഞത്. കുറഞ്ഞ വിലയില്‍ മികച്ച പ്രകടനം ആഗ്രഹിക്കുന്നവര്‍ക്കായിട്ടാണ് ഈ മോഡല്‍ എത്തിയിരിക്കുന്നത്. ഇന്ത്യയിലെ ഇലക്ട്രിക് സ്‌കൂട്ടര്‍ വിഭാഗത്തില്‍ ഒന്നാം സ്ഥാനം ലക്ഷ്യമിടുന്ന ബജാജിന്റെ പുത്തന്‍ ഉല്‍പ്പന്നത്തെ കുറിച്ച് വിശദമായി അറിയാം.