ഇന്ത്യന്‍ എസ്‌യുവി വിപണിയിലെ മുന്‍നിരക്കാരായ മഹീന്ദ്രയുടെ ഏറ്റവും പുതിയ മോഡലുകളായ XEV 9S, XUV 7XO എന്നിവയ്ക്ക് വിപണിയില്‍ വന്‍ വരവേല്‍പ്പ്. ഇന്ന് (14 ജനുവരി 2026) റിസര്‍വേഷന്‍ ആരംഭിച്ച മോഡലുകള്‍ക്ക് ഉച്ചയ്ക്ക് 2 മണി വരെയുള്ള കണക്കുകള്‍ പ്രകാരം 93,689 ബുക്കിംഗുകള്‍ ലഭിച്ചതായി കമ്പനി ഔദ്യോഗികമായി അറിയിച്ചു. 20,500 കോടിയിലധികം രൂപയുടെ ബുക്കിംഗ് മൂല്യമാണ് ചുരുങ്ങിയ സമയത്തിനുള്ളില്‍ മഹീന്ദ്ര സ്വന്തമാക്കിയത്. പുതിയ കാലഘട്ടത്തിലെ ഉപഭോക്താക്കളുടെ താല്‍പ്പര്യങ്ങള്‍ മുന്‍നിര്‍ത്തി പുറത്തിറക്കിയ ഈ വാഹനങ്ങള്‍ മഹീന്ദ്രയുടെ എസ്‌യുവി പാരമ്പര്യം ഉയര്‍ത്തിപ്പിടിക്കുന്നവയാണ്.

സ്വന്തമായി ആനയുണ്ടെന്ന് പറയുന്നതുപോലെയാണ് വീട്ടിൽ ഒരു ബെൻസുള്ളതിൻ്റെ ഗമ. ആഡംബര കാറുകൾ ഇന്ത്യയിൽ പലതരമുണ്ടെങ്കിലും ത്രീ-സ്റ്റാർ എംബ്ലത്തിൻ്റെ പവർ ഒന്ന് വേറെ തന്നെയാണ്. അതിനാൽ തന്നെ ഇന്ത്യക്കാരോട് ജർമൻ വാഹന നിർമാതാക്കൾക്ക് പ്രത്യേകമൊരു അടുപ്പവുണ്ട്. സിനിമാക്കാരുടെയും കോടീശ്വരൻമാരുടെയും പ്രിയങ്കരനായ മെർസിഡീസ് ഇപ്പോഴിതാ ഇന്ത്യൻ വിപണിക്കായി ഏറ്റവും പുതിയ 2026 മെയ്ബാക്ക് GLS എസ്‌യുവി (Mercedes Maybach GLS) പുറത്തിറക്കിയിരിക്കുകയാണ് കമ്പനി. മെർസിഡീസ് ബെൻസ് തദ്ദേശീയമായി നിർമിക്കുന്ന ആദ്യത്തെ മെയ്ബാക്ക് എന്ന പ്രത്യേകതയോട് കൂടിയാണ് അത്യാഡംബര മോഡൽ കടന്നുവരുന്നത്.

കഴിഞ്ഞ ദിവസമാണ് ടാറ്റ മോട്ടോര്‍സ് ഇന്ത്യക്കാരുടെ പ്രിയപ്പെട്ട മൈക്രോ എസ്‌യുവിയായ പഞ്ചിന്റെ ഫേസ്‌ലിഫ്റ്റ് പതിപ്പ് പുറത്തിറക്കിയത്. മുന്‍ഗാമിയില്‍ നിന്ന് വിലയില്‍ നേരിയ മാറ്റം മാത്രമാണ് പഞ്ചിന്റെ മുഖംമിനുക്കിയ പതിപ്പിനുള്ളത്. 5.59 ലക്ഷം രൂപ പ്രാരംഭ എക്‌സ്-ഷോറൂം വിലയില്‍ ലഭ്യമാകുന്ന ഈ മോഡല്‍ അതിന്റെ സെഗ്‌മെന്റില്‍ ഇതുവരെ കാണാത്ത ആധുനിക സവിശേഷതകളുമായാണ് എത്തിയിരിക്കുന്നത്. സുരക്ഷയ്ക്കും പ്രകടനത്തിനും തുല്യ പ്രാധാന്യം നല്‍കിക്കൊണ്ടുള്ള മാറ്റങ്ങളാണ് വാഹനത്തില്‍ കമ്പനി വരുത്തിയിട്ടുള്ളത്. പഞ്ചിനെ മൊഞ്ചാക്കുന്ന ആ സുപ്രധാന ഫീച്ചറുകള്‍ നമുക്ക് പരിശോധിക്കാം.

പുതുമോഡലുകൾ അവതരിപ്പിച്ച് ഇന്ത്യക്കാരെ 2020 മുതൽ മറ്റൊരു വിധത്തിൽ വിസ്‌‌മയിപ്പിച്ചുകൊണ്ടിരിക്കുകയാണ് സാക്ഷാൽ മഹീന്ദ്ര ആൻഡ് മഹീന്ദ്ര. രണ്ടാംതലമുറ ഥാർ മുതൽ ഇങ്ങോട്ട് പുറത്തിറക്കിയിരിക്കുന്ന ഓരോ മോഡലുകളും എല്ലാ തലത്തിലും മികവുറ്റതാണ്. അവിടുന്ന് അങ്ങോട്ട് തങ്ങളുടെ ഇമേജ് പൊടിതട്ടിയെടുക്കാനും കമ്പനിക്കായിരുന്നു. XUV700, സ്കോർപിയോ N, ബൊലേറോ നിയോ, ഥാർ റോക്‌സ്, XUV 7XO, BE 6, XEV 9e എന്നീ ന്യൂജെൻ പിള്ളേരെല്ലാം മഹീന്ദ്രയെ വിൽപ്പനയിൽ കൈയയച്ച് സഹായിച്ചതോടെ മാരുതി സുസുക്കിക്ക് പിന്നിൽ രാജ്യത്തെ ഏറ്റവും വലിയ രണ്ടാമത്തെ വാഹന നിർമാതാക്കളായി മാറാൻ മഹീന്ദ്രയ്ക്ക് സാധിച്ചു.

മലയാളം ടെലിവിഷന്‍ അവതാരകയും പ്രമുഖ സോഷ്യല്‍ മീഡിയ ഇന്‍ഫ്‌ലുവന്‍സറുമായ വര്‍ഷ രമേഷ് (Varsha Ramesh) മഹീന്ദ്രയുടെ ഏറ്റവും പുതിയ എസ്‌യുവി മോഡലായ ഥാര്‍ റോക്‌സ് (Mahindra Thar ROXX) സ്വന്തമാക്കി. കഴിഞ്ഞ വര്‍ഷം ബിഎംഡബ്ല്യു X1 സ്വന്തമാക്കിയ വര്‍ഷ ഥാര്‍ റോക്‌സ് സ്വന്തം അച്ഛന്റെ ഇഷ്ട പ്രകാരമാണ് വാങ്ങിയത്. ഏഷ്യാനെറ്റില്‍ സംപ്രേഷണം ചെയ്യുന്ന മലയാളത്തിലെ ഏറ്റവും ജനപ്രിയ മ്യൂസിക്കല്‍ റിയാലിറ്റി ഷോയായ സ്റ്റാര്‍ സിംഗറിന്റെ അവതാരകയായ വര്‍ഷ ബോഗണ്‍വില്ലെ, സാഹസം എന്നീ സിനിമകളിലൂടെയും മലയാളി പ്രേക്ഷകരുടെ മനംകവര്‍ന്നിരുന്നു.

ഒരു കാർ നിർമ്മാതാവിൻ്റെ വിജയത്തിന് ഏറ്റവും നിർണായക ഘടകങ്ങളിലൊന്നാണല്ലോ മികച്ച സർവീസ് നൽകുക എന്നത്. പുതിയൊരു വാഹനം സ്വന്തമാക്കാൻ ആഗ്രഹിക്കുന്ന ഉപഭോക്താക്കൾ അതിൻ്റെ സർവ്വീസ് സൗകര്യങ്ങളും ഗുണനിലവാരവും സസൂക്ഷ്മം വിലയിരുത്താറുണ്ട്. മികച്ച സർവ്വീസ് ലഭ്യമല്ലെങ്കിൽ ആ ബ്രാൻഡിൽ വിശ്വാസം നഷ്ടപ്പെടുകയും മറ്റ് ബ്രാൻഡുകൾ തേടാൻ നിർബന്ധിതരാകുകയും ചെയ്യാം. ഇന്ത്യൻ വാഹന വിപണിയിൽ ഒന്നാം സ്ഥാനത്ത് തുടരുന്ന മാരുതി സുസുക്കിയുടെ സുപ്രധാന വിജയരഹസ്യങ്ങളിലൊന്ന് അവരുടെ വിപുലമായ സർവ്വീസ് ശൃംഖലയാണ്. രാജ്യത്തുടനീളം 2,882 നഗരങ്ങളിലായി 5,780 സർവ്വീസ് സെന്ററുകളാണ് മാരുതി സുസുക്കിക്കുള്ളത്.

ഇന്ത്യന്‍ ഇലക്ട്രിക് വാഹന നിര്‍മ്മാതാക്കളായ സീലിയോ ഇ-മൊബിലിറ്റി തങ്ങളുടെ പ്രമുഖ കാര്‍ഗോ ഇലക്ട്രിക് സ്‌കൂട്ടറായ ലോജിക്‌സിന്റെ (Logix) 2026 ഫേസ്ലിഫ്റ്റ് പതിപ്പ് വിപണിയിലിറക്കി. ഡെലിവറി പാര്‍ട്ണര്‍മാര്‍, ഗിഗ് വര്‍ക്കര്‍മാര്‍, ചെറുകിട ബിസിനസ്സ് ഉടമകള്‍ എന്നിവരെ ലക്ഷ്യമിട്ടാണ് പുതിയ മോഡല്‍ രൂപകല്‍പ്പന ചെയ്തിരിക്കുന്നത്. 56,551 രൂപ മുതലാണ് വാഹനത്തിന്റെ പ്രാരംഭ വില ആരംഭിക്കുന്നത്.ലോജിസ്റ്റിക്‌സ് മേഖലയിലെ ആവശ്യങ്ങള്‍ മുന്‍നിര്‍ത്തി മെച്ചപ്പെട്ട സ്‌റ്റൈലിംഗും മികച്ച പ്രകടനവുമാണ് ഈ പുതിയ വേരിയന്റില്‍ കമ്പനി വാഗ്ദാനം ചെയ്യുന്ന തെന്ന് എച്ച്ടി ഓട്ടോ റിപ്പോർട്ട് ചെയ്യുന്നു. പുത്തന്‍ ഇലക്ട്രിക് സ്‌കൂട്ടറിനെ കുറിച്ച് വിശദമായി ഈ ലേഖനത്തില്‍ വായിക്കാം.

ഇന്ത്യയിലെ മൈക്രോ എസ്‌യുവി വിഭാഗത്തിൽ ടാറ്റ പഞ്ചിൻ്റെ ഭരണം അവസാനിപ്പിക്കാനായി സാക്ഷാൽ ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായി നിർമിച്ചെടുത്ത മോഡലായിരുന്നു എക്സ്റ്റർ. മികച്ച ഡിസൈനും അൾട്രാ മോഡേൺ ഫീച്ചേഴ്‌സുമായി എത്തിയ കമ്പനിയുടെ എൻട്രി ലെവൽ എസ്‌യുവിക്ക് നല്ല തുടക്കമാണ് നേടിയെടുക്കാനായതും. പക്ഷേ എന്തുകൊണ്ടോ പഞ്ചിനെപ്പോലെ മസ്ക്കുലർ ലുക്ക് കക്ഷിക്ക് ഇല്ലാതെ പോയത് വിനയായി. പഞ്ചിനില്ലാതിരുന്ന ഫോർ സിലിണ്ടർ എഞ്ചിൻ ഉൾപ്പെടെയുള്ള കാര്യങ്ങൾ കൊടുത്തിട്ടും വിൽപ്പന ടാറ്റയുടെ ഏഴയലത്ത് എത്തിയില്ല. എങ്കിലും നല്ലൊരു മിനി ഫാമിലി എസ്‌യുവിയായി ഇന്നും എക്സ്റ്റർ അരങ്ങുതകർക്കുന്നുണ്ട്.

ഇന്ത്യയിൽ വിമാനത്തിലേത് പോലുള്ള യാത്രാസുഖം സമ്മാനിച്ച് ഇന്ത്യക്കാരുടെ മനസ് കീഴടക്കിയ വാഹനമാണ് എംജി വിൻഡ്‌സർ (MG Windsor EV). ഇലക്‌ട്രിക് കാർ വിപണിയിൽ വളരെ വേഗം ഇത്രയും സ്വീകാര്യത നേടിയെടുത്ത മറ്റൊരു ഇവിയുണ്ടോയെന്ന് വരെ സംശയമാണ്. 2025 കലണ്ടർ വർഷത്തിൽ ഏറ്റവും കൂടുതൽ ആളുകൾ വാങ്ങിയ വൈദ്യുത വാഹനമായി മാറിയ വിൻഡ്‌സർ ഇവി പലരുടേയും ഡ്രീം കാർ കൂടിയായി മാറിയിട്ടുണ്ട്. ഇപ്പോഴിതാ മോഡലിന് ആദ്യമായി ഡിസ്കൌണ്ട് ഓഫറുമായി രംഗത്തെത്തിയിരിക്കുകയാണ്. അതും 65,000 രൂപയുടെ അടിപൊളി ഓഫറുമായിട്ടാണ് എംജിയുടെ വരവ്.

സ്പോർട്ടി ലുക്കും കരുത്തുറ്റ പ്രകടനവും ഒപ്പം പോക്കറ്റിന് താങ്ങാനാവുന്ന മികച്ച ഫീച്ചറുമുളള ഒരു ബൈക്കാണ് നിങ്ങൾ തേടുന്നതെങ്കിൽ, ഹീറോ എക്സ്ട്രീം 160R ഒരു മികച്ച തിരഞ്ഞെടുപ്പായിരിക്കുമെന്നുറപ്പാണ്. 160cc വിഭാഗത്തിൽ ബജാജ് പൾസർ, ടിവിഎസ് അപ്പാച്ചെ എന്നിവയ്ക്ക് ശക്തമായ വെല്ലുവിളിയുയർത്തുന്ന ഈ മോഡൽ, ഹീറോയുടെ വിശ്വസനീയമായ പ്രകടന പാരമ്പര്യത്തെ ഉയർത്തിപ്പിടിക്കുന്ന മോഡലാണ്. ഈ ബൈക്കിന്റെ വിലയും ഫീച്ചറുകളും വിശദമായി നോക്കിയാലോ.ബജാജ് പൾസറുമായി ഹീറോ എക്സ്ട്രീം 160യുടെ ചില വ്യത്യാസങ്ങളും ഈ ലേഖനത്തിൽ നിങ്ങളുമായി പങ്കുവയ്ക്കുകയാണ്. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ഇന്ത്യയിലെ പ്രമുഖ ഇലക്ട്രിക് ഇരുചക്ര വാഹന നിര്‍മ്മാതാക്കളായ ഓല ഇലക്ട്രിക് തങ്ങളുടെ ജനപ്രിയ ക്യാമ്പയിനായ 'മുഹൂര്‍ത്ത മഹോത്സവം' വീണ്ടും അവതരിപ്പിച്ചു. 'പ്രരംഭ് 2026'-ന് മുന്നോടിയായാണ് ഈ പരിപാടി പ്രഖ്യാപിച്ചിരിക്കുന്നത്. ഇന്ന് (ജനുവരി 14) മുതല്‍ രണ്ട് ദിവസത്തേക്കാണ് ഈ പ്രത്യേക ഓഫറുകള്‍ ഉപഭോക്താക്കള്‍ക്ക് ലഭ്യമാകുന്നത്. കമ്പനിയുടെ ഏറ്റവും പുതിയ 4680 ഭാരത് സെല്‍ (4680 Bharat Cell) അടിസ്ഥാനമാക്കിയുള്ള വാഹനങ്ങള്‍ക്കാണ് ഈ ക്യാമ്പയിനില്‍ പ്രധാനമായും മുന്‍ഗണന നല്‍കുന്നത്. ഈ ഓഫറിന് കീഴില്‍ ഓല ശക്തി, S1 പ്രോ പ്ലസ് (S1 Pro+), റോഡ്സ്റ്റര്‍ X+ തുടങ്ങിയ മോഡലുകള്‍ വന്‍ വിലക്കുറവില്‍ സ്വന്തമാക്കാം.

ഇലക്‌ട്രിക് സ്‌കൂട്ടർ നിരയിലെ ഭീമൻമാരെ തകർക്കുവാനായി ഇന്ത്യയിലേക്ക് പുത്തൻ വൈദ്യുത സ്‌കൂട്ടറുമായി കടന്നുവരിയാണ് സാക്ഷാൽ യമഹ (Yamaha Electric Scooter). ഓല, ഏഥർ, ഒഖിനാവ തുടങ്ങിയ സ്റ്റാർട്ടപ്പ് ബ്രാൻഡുകൾ ആധിപത്യം സ്ഥാപിച്ച വിപണിയെ ടിവിഎസും ഹീറോയും ബജാജും ചേർന്ന് കൈപ്പിടിയിലാക്കിയപ്പോൾ കാഴ്ച്ചക്കാരായി ഗ്യാലറിയിലിരുന്ന യമഹ ഒടുവിൽ കളത്തിലിറങ്ങി കളിക്കാൻ ഒരുങ്ങിക്കഴിഞ്ഞു. അടുത്തിടെ പ്രദർശിപ്പിച്ച EC-06 ഇലക്ട്രിക് സ്‌കൂട്ടറിൻ്റെ നിർമാണം ഇന്ത്യയിൽ ആരംഭിച്ചതായി പ്രഖ്യാപിച്ചിരിക്കുകയാണ് യമഹ. വിപണിയിൽ എത്തുന്നതിന് മുന്നോടിയായി നിർമാണം കമ്പനി ആരംഭിച്ചതോടെ എതിരാളികളുടെ നെഞ്ചിൽ തീപടർന്നിട്ടുണ്ടാവും.

ഇലക്ട്രിക് സ്കൂട്ടർ നിർമ്മാതാക്കളായ ഏഥർ എനർജി, തങ്ങളുടെ റിസ്ത ഫാമിലി സ്കൂട്ടറിനായി തമിഴ് ഭാഷാ ഡാഷ്‌ബോർഡ് അവതരിപ്പിച്ചു. പ്രാദേശിക ഭാഷാ പിന്തുണയ്ക്കുന്നതിൻ്റെ ഭാഗമാണിത്. ചാർജിങ്, നാവിഗേഷൻ വിവരങ്ങൾ തമിഴിൽ ലഭ്യമാകുന്നതോടെ ഇത് പ്രാദേശിക ഉപയോക്താക്കൾക്ക് സ്കൂട്ടർ ഉപയോിക്കുന്നത് കൂടുതൽ എളുപ്പമാക്കും. റിസ്‌ത Z ലൈൻ ഉപയോക്താക്കൾക്കാണ് തമിഴ് ഡാഷ്‌ബോർഡ് ലഭ്യമാവുക. S ട്രിമ്മുകൾക്ക് ഇത് ലഭ്യമാവില്ല എന്നാണ് കമ്പനി അറിയിച്ചിരിക്കുന്നത്. അടുത്ത മാസം മുതൽ OTA (ഓവർ-ദി-എയർ) അപ്‌ഡേറ്റ് വഴി ഈ ഫീച്ചർ ലഭ്യമാകും. എന്നാൽ, 2026 ഫെബ്രുവരി മുതൽ അപ്‌ഡേറ്റ് പൂർണ്ണമായി പുറത്തിറക്കുമെന്നും ഏഥർ അറിയിക്കുന്നു. സ്കൂട്ടറിൽ ഹിന്ദി കഴിഞ്ഞ വർഷം ചേർത്തിരുന്നു.

ഇന്ത്യന്‍ കോംപാക്ട് എസ്‌യുവി വിഭാഗത്തില്‍ വിപ്ലവം സൃഷ്ടിച്ച ടാറ്റ പഞ്ചിന്റെ ഏറ്റവും പുതിയ ഫെയ്‌സ്ലിഫ്റ്റ് പതിപ്പ് (Tata Punch Facelift) ഇന്ന് പുറത്തിറങ്ങി. ടാറ്റയുടെ ഏറ്റവും കൂടുതല്‍ വിറ്റഴിക്കപ്പെടുന്ന മോഡലുകളില്‍ ഒന്നായ മൈക്രോ എസ്‌യുവിയെ കൂടുതല്‍ ജനകീയമാക്കുന്നതിനായി എക്‌സ്റ്റീരിയര്‍ രൂപകല്‍പ്പനയിലും സാങ്കേതിക വിദ്യയിലും സുരക്ഷയിലും വന്‍ മാറ്റങ്ങളാണ് കമ്പനി വരുത്തിയിരിക്കുന്നത്. 5.59 ലക്ഷം മുതല്‍ 10.54 ലക്ഷം രൂപ വരെയാണ് പുതിയ മോഡലിന്റെ എക്‌സ്-ഷോറൂം വില. ഔട്ട്‌ഗോയിംഗ് മോഡലും പുത്തന്‍ മോഡലും തമ്മിലുള്ള പ്രധാന മാറ്റങ്ങള്‍ ഈ ലേഖനത്തില്‍ വായിക്കാം.

മിഡ്സൈസ് എസ്‌യുവി സെഗ്മെൻ്റിൽ ഏറ്റവും മോഡേണും ഡിമാൻ്റും വർധിച്ച് നിൽക്കുന്ന 7 സീറ്റർ എസ്‌യുവികളിൽ ഒന്നാണ് മഹീന്ദ്ര XUV 7XO. ആഡംബര കാറുകളേക്കാൾ ഏറെ മുന്നിൽ നിൽക്കുന്ന ടെക്നോളജിയും ഫീച്ചറുകളും ഈ വാഹനത്തിൽ ലഭ്യമാണ്. XUV 7XO വാങ്ങാൻ താൽപ്പര്യപ്പെടുന്നവർക്ക് വേണ്ടി, കൂടുതൽ ഉതകുന്ന മൂന്ന് വേരിയന്റുകൾ നിങ്ങൾക്ക് വേണ്ടി പരിചയപ്പെടുത്തുകയാണ് ഈ ലേഖനത്തിലൂടെ. കൂടുതൽ അറിയാൻ തുടർന്ന് വായിക്കാൻ മറക്കരുതേ. XUV 7XO നിരയിലെ ഏറ്റവും മികച്ച ഓപ്ഷനാണ് ബേസ് മോഡലാണ് AX വേരിയന്റ്.

സേഫ്റ്റിയുടെ കാര്യത്തിൽ യാതൊരു വിധത്തിലുമുള്ള വിട്ടുവീഴ്ച്ചകൾക്കും തയാറാല്ലാത്തവരാണ് ടാറ്റ മോട്ടോർസ് (Tata Motors). ടിയാഗോ മുതൽ സഫാരി വരെ നീളുന്ന വാഹന നിരയിൽ എല്ലാവരും സുരക്ഷയുടെ കാര്യത്തിൽ കിടിലമാണ്. എൻട്രി ലെവൽ മോഡലുകളായ ടിയാഗോയും ടിഗോറും ഒഴികെ ബാക്കിയുള്ള കമ്പനിയുടെ കാറുകളെല്ലാം ക്രാഷ് ടെസ്റ്റിൽ 5-സ്റ്റാർ റേറ്റിംഗ് സ്വന്തമാക്കിയിട്ടുള്ളവരാണ്. ദേ പുതുതായി അവതരിച്ച പഞ്ച് ഫെയ്‌സ്‌ലിഫ്റ്റും (Punch Facelift) ഭാരത് NCAP ഇടിപ്പരീക്ഷയിൽ ഫുൾ മാർക്ക് വാങ്ങി എത്തിയിരിക്കുകയാണ്. മുതിർന്നവരുടെയും കുട്ടികളുടെയും സുരക്ഷയിലും 5-സ്റ്റാറാണ് ഈ മൈക്രോ എസ്‌യുവി.

നയന്റീസ് കിഡ്‌സിന്റെ കുട്ടിക്കാലം ശോഭനമാക്കിയ വ്യക്തികളില്‍ ഒരാളാണ് ജോണ്‍ സീന. ലോകപ്രശസ്ത ഡബ്ല്യുഡബ്ല്യുഇ ഗുസ്തി താരവും ഹോളിവുഡ് നടനുമായ ജോണ്‍ സീന തന്റെ അവസാന മത്സരം കഴിഞ്ഞ ദിവസമാണ് പൂര്‍ത്തിയാക്കിയപ്പോള്‍ കണ്ണീരണിഞ്ഞവര്‍ നിരവധിയാണ്. പ്രഫഷനല്‍ റസ്‌ലിംഗില്‍ നിന്ന് വിരമിച്ച താരം തന്റെ വാഹനശേഖരത്തിലേക്ക് പുത്തന്‍ ഹോണ്ട പ്രെലൂഡ് (Honda Prelude) ചേര്‍ത്തിരിക്കുകയാണ്. തന്റെ സിവിക് ടൈപ്പ്-ആര്‍ സര്‍വീസിനായി ഷോറൂമില്‍ എത്തിയപ്പോഴാണ് താരം 2026 മോഡല്‍ പ്രെലൂഡ് വാങ്ങിയത്. ഹോണ്ടയുമായി വര്‍ഷങ്ങളായി അടുത്ത ബന്ധം പുലര്‍ത്തുന്ന താരം സോഷ്യല്‍ മീഡിയയിലൂടെയാണ് പുതിയ 'ബൂസ്റ്റ് ബ്ലൂ' സുന്ദരിയെ പരിചയപ്പെടുത്തിയത്.

ഇന്ത്യന്‍ ഇലക്ട്രിക് വാഹന വിപണിയില്‍ ചുവടുവെച്ച് വെറും നാല് മാസത്തിനുള്ളില്‍ നിര്‍ണ്ണായക നേട്ടം കൈവരിച്ച് വിയറ്റ്‌നാമീസ് വാഹന നിര്‍മ്മാതാക്കളായ വിന്‍ഫാസ്റ്റ് (VinFast). 1,000 വാഹനങ്ങള്‍ എന്ന വില്‍പന നാഴികക്കല്ല് പിന്നിട്ടതോടെ ടാറ്റ മോട്ടോര്‍സ്, എംജി മോട്ടോര്‍, മഹീന്ദ്ര എന്നിവയ്ക്ക് പിന്നാലെ ഇന്ത്യയിലെ ഏറ്റവും വലിയ നാലാമത്തെ ഇലക്ട്രിക് കാര്‍ ബ്രാന്‍ഡായി വിന്‍ഫാസ്റ്റ് മാറി. 2025 സെപ്റ്റംബറിലാണ് വിന്‍ഫാസ്റ്റ് ഇന്ത്യന്‍ വിപണിയില്‍ ഔദ്യോഗികമായി പ്രവര്‍ത്തനം ആരംഭിച്ചത്. 2025 ഡിസംബര്‍ മാസത്തില്‍ മാത്രം 375 യൂണിറ്റുകള്‍ വിറ്റഴിച്ച വിന്‍ഫാസ്റ്റ് ഹ്യുണ്ടായി, കിയ, ബിഎംഡബ്ല്യു തുടങ്ങിയ കമ്പനികളെ പിന്നിലാക്കി എന്നതും ഇതിന്റെ കൂടെ ചേര്‍ത്ത് വായിക്കണം.

ഇന്ത്യക്കാർ ഏറെ പ്രതീക്ഷയോടെ കാത്തിരുന്ന ടാറ്റ പഞ്ച് ഫെയ്‌സ്‌ലിഫ്റ്റ് മോഡൽ ഒടുവിൽ വിപണിയിലെത്തിയിരിക്കുകയാണ്. കാത്തിരിപ്പിൻ്റെ സുഖം കൂടുന്ന തരത്തിലുള്ള പ്രഖ്യാപനങ്ങളും മാറ്റങ്ങളുമായിട്ടാണ് മുഖംമിനുക്കിയ ടാറ്റയുടെ കുട്ടിക്കൊമ്പൻ വിപണിയിൽ അവതരിപ്പിച്ചിരിക്കുന്നത്. വമ്പൻ മാറ്റങ്ങളുമായി എത്തുന്ന മോഡലിന് 5.59 ലക്ഷം രൂപ മുതലാണ് എക്സ്ഷോറൂം വില വരുന്നത്. 2021-ൽ അവതരിപ്പിച്ചതിന് ശേഷമുള്ള സബ്-കോംപാക്‌ട് എസ്‌യുവിയുടെ ആദ്യത്തെ പ്രധാന മിഡ്-ലൈഫ് അപ്‌ഡേറ്റാണിത്. ഫെയ്‌സ്‌ലിഫ്റ്റുകളിൽ പതിവായി കാണുന്ന എക്സ്റ്റീരിയർ, ഇൻ്റീരിയർ അപ്‌ഡേറ്റുകൾക്ക് പുറമെ പഞ്ച് ഫെയ്‌സ്‌ലിഫ്റ്റിനൊപ്പം രണ്ട് പുതിയ എഞ്ചിൻ ഓപ്ഷനും എത്തിയിട്ടുണ്ടെന്നത് പലരേയും ഹാപ്പിയാക്കും.

2255 എന്ന നമ്പർ കൊച്ചുകിട്ടികൾക്ക് പോലും കാണാപാഠമാണ്. മൈ ഫോൺ നമ്പർ ഈസ് 2255 എന്ന ഒറ്റ ഡയലോഗിലൂടെ മോഹൻലാൽ ഒരുനമ്പർ സീരീസ് തന്നെയാണ് സ്വന്തമാക്കിയത്. മോഹൻലാലിൻ്റേത് മാത്രമാക്കി എടുത്ത ഒരു നമ്പർ. ഇപ്പോഴിതാ വീണ്ടും വാർത്തകളിൽ നിറയുകയാണ്. 1.90 ലക്ഷം രൂപയ്ക്കാണ് മോഹൻലാൽ തൻ്റെ ഹൈക്രോസിന് വേണ്ടി ഇഷ്ട നമ്പർ സ്വന്തമാക്കിയിരിക്കുന്നത്.കെഎൽ07 ഡിജെ 2255 എന്നാണ് പുതയ ഹൈക്രോസിൻ്റെ നമ്പർ. നേരത്തെ ആൻ്റണി പെരുമ്പാവൂർ തൻ്റെ വോൾവോയ്ക്ക് വേണ്ടി3.20 ലക്ഷം മുടക്കി നമ്പർ വാങ്ങിയത് സോഷ്യൽ മീഡിയയിൽ വൈറലായിരുന്നു.

ടാറ്റ മോട്ടോര്‍സ് ഏറ്റവും പുതുതായി പുറത്തിറക്കിയ സിയറ എസ്‌യുവിക്ക് വിപണിയില്‍ നിന്നും അഭൂതപൂര്‍വ്വമായ പ്രതികരണമാണ് ലഭിച്ച് കൊണ്ടിരിക്കുന്നത്. ബുക്കിംഗ് വിന്‍ഡേ തുറന്ന ആദ്യ ദിനം തന്നെ 70000+ ഓര്‍ഡറുകളാണ് എസ്‌യുവി വാരിക്കൂട്ടിയത്. വമ്പന്‍ ഡിമാന്‍ഡിനെ തുടര്‍ന്ന് വാഹനത്തിന്റെ ഉല്‍പ്പാദനം ഇരട്ടിയാക്കാന്‍ ടാറ്റ മോട്ടോര്‍സ് തീരുമാനിച്ചു. ബുക്കിംഗും ഡെലിവറിയും തമ്മിലുള്ള ദൈര്‍ഘ്യം കുറയ്ക്കുന്നതിനും ഉപഭോക്താക്കളുടെ കാത്തിരിപ്പ് ഒഴിവാക്കുന്നതിനുമാണ് കമ്പനിയുടെ ഈ ദ്രുതഗതിയിലുള്ള നീക്കം.തുടക്കത്തില്‍ പ്രതിമാസം 7,000 യൂണിറ്റുകള്‍ ഉല്‍പ്പാദിപ്പിക്കാനായിരുന്നു ടാറ്റ മോട്ടോര്‍സ് ലക്ഷ്യമിട്ടിരുന്നത്. എന്നാല്‍ ബുക്കിംഗ് ആരംഭിച്ച് ആദ്യ 24 മണിക്കൂറിനുള്ളില്‍ തന്നെ 70,000-ത്തിലധികം ഓര്‍ഡറുകള്‍ ലഭിച്ചതോടെ ഉല്‍പ്പാദന ലക്ഷ്യം പുതുക്കി നിശ്ചയിച്ചു.

llകോംപാക്‌ട് സെഡാൻ സെഗ്മെൻ്റിലെ രാജാവായ മാരുതി സുസുക്കി ഡിസയറിൻ്റെ ഏറ്റവും വലിയ എതിരാളി ആരെന്ന് ചോദിച്ചാൽ അതിന് ഹോണ്ട അമേസ് എന്ന ഒറ്റ ഉത്തരമേയുള്ളൂ. പെട്രോളിലും ഡീസലിലും ലഭ്യമായിരുന്നപ്പോൾ ഇന്ത്യക്കാരെ കൈയിലെടുത്തിരുന്ന മിടുക്കൻ ഹോണ്ട സിറ്റിയുടെ ജൂനിയർ പതിപ്പാണ്. അന്തസും ആഡംബരവും ഒന്നിച്ച് ഇത്രയും ചെറിയ വിലയിൽ കിട്ടുന്നത് വലിയ കാര്യം തന്നെയാണല്ലോ. ഇപ്പോൾ പഴയ പ്രതാപമില്ലെങ്കിലും രാജ്യത്തെ ഏറ്റവും താങ്ങാനാവുന്ന വിലയുള്ള ADAS ഫീച്ചറുള്ള കാറാണ് അമേസ്. അതിനാൽ തന്നെ പലരും ഇന്നും ഈ പെട്രോൾ സെഡാനെ വളരെയധികം സ്നേഹിക്കുന്നുണ്ട്.

ക്വാളിസ്, ഇന്നോവ, ഫോച്യൂണർ, എത്തിയോസ് തുടങ്ങിയ ജനകീയ മോഡലുകളിലൂടെ ഇന്ത്യക്കാരുടെ പ്രിയപ്പെട്ടവരായി മാറിയ വാഹന നിർമാതാക്കളാണ് ടൊയോട്ട. എന്നാൽ ചെറുകാർ നിരയിൽ നിന്നും പടിയിറങ്ങിപ്പോയ കമ്പനി പിന്നീട് തിരിച്ചെത്തിയത് മാരുതി സുസുക്കിയുടെ ബജറ്റ് മോഡലുകളെ റീബാഡ്‌ജ് ചെയ്‌തുകൊണ്ടാണ്. തുടക്കത്തിൽ കല്ലുകടിയുണ്ടായെങ്കിലും പിന്നീട് ആളുകൾ കാര്യം മനസിലാക്കി ടൊയോട്ടയോടൊപ്പം കൂടി. ബലേനോ ഗ്ലാൻസയായും ഫ്രോങ്ക്സ് ടൈസറായും എർട്ടിഗ റൂമിയോണായും ഇപ്പോൾ പൊടിപൊടിക്കുകയാണ് കച്ചോടം. ടൊയോട്ട കിർലോസ്‌കർ മോട്ടോർ 2025 ഡിസംബർ മാസം 34,159 യൂണിറ്റുകളുടെ ആഭ്യന്തര വിൽപ്പന രേഖപ്പെടുത്തി റെക്കോർഡ് സൃഷ്ടിച്ചിരുന്നു.

ഇന്ത്യയില്‍ സ്വര്‍ണ്ണവില (Gold Price) റോക്കറ്റ് വിട്ട പോലെ മുകളിലോട്ട് കുതിച്ചുയരുകയാണ്. നിലവില്‍ ഒരു പവന്‍ (8 ഗ്രാം) സ്വര്‍ണ്ണത്തിന് ഏകദേശം 1.04 ലക്ഷം രൂപയാണ് വിപണി വില. ഈ സാഹചര്യത്തില്‍ പഴയ കാര്‍ വിറ്റ് ലക്ഷങ്ങള്‍ മുടക്കി പുതിയൊരെണ്ണം വാങ്ങണോ അതോ സ്വര്‍ണ്ണത്തില്‍ നിക്ഷേപിക്കണോ എന്ന് ചിന്തിക്കുന്നവര്‍ ഏറെയാണ്. എന്നാല്‍ വെറും 1 പവന്‍ സ്വര്‍ണ്ണത്തിന്റെ പൈസക്ക് നിങ്ങളുടെ പഴയ കാറിനെ ആധുനിക ഫീച്ചറുകളുള്ള പുതിയ വാഹനമാക്കി മാറ്റാന്‍ സാധിക്കും. അതിനുള്ള ചില വിദ്യകളാണ് ഈ ലേഖനത്തില്‍ പറയാന്‍ പോകുന്നത്.

ജനഹൃദയങ്ങളിൽ പ്രത്യേക സ്ഥാനമുള്ള വാഹന നിർമാതാക്കളാണ് മാരുതി സുസുക്കി. ഓരോ മാസവും ലക്ഷക്കണക്കിന് കാറുകൾ വിറ്റഴിക്കുന്ന ബ്രാൻഡ് ഇത്രയും ജനകീയരാവാൻ കാരണം തിരഞ്ഞാൽ അനേകായിരം കാരണങ്ങൾ കണ്ടെത്താനായേക്കും. അതിൽ ഒന്ന് കാറുകൾക്ക് ഓരോ മാസവും നൽകുന്ന അന്യായ ഓഫറുകളാണ്. ഇപ്പോഴിതാ ജനുവരി മാസത്തിലും മോഡൽ നിരയിൽ വലിയ ആനുകൂല്യങ്ങളാണ് കമ്പനി അവതരിപ്പിച്ചിരിക്കുന്നത്. നെക്‌സ നിരയിലെ ഫ്ലാഗ്ഷിപ്പ് എംപിവിയായ ഇൻവിക്റ്റോ വാങ്ങാൻ ആർക്കെങ്കിലും പ്ലാനുണ്ടെങ്കിൽ നല്ലൊരു അവസരമാണ് കൈവന്നിരിക്കുന്നത്. ജനുവരിയിൽ ടൊയോട്ട ഹൈക്രോസിൻ്റെ റീബാഡ്‌ജ് മോഡൽ വാങ്ങുന്നവർക്ക് 1.30 ലക്ഷം രൂപ വരെയാണ് ആനുകൂല്യങ്ങൾ ലഭിക്കുക.