ഹ്യുണ്ടായി മോട്ടോര്‍ ഇന്ത്യയുടെ ഫ്‌ലാഗ്ഷിപ്പ് ഇലക്ട്രിക് എസ്‌യുവിയായ അയോണിക് 5 2025 ഡിസംബറില്‍ ശ്രദ്ധേയമായ വില്‍പ്പന വളര്‍ച്ച രേഖപ്പെടുത്തി. പ്രീമിയം ഇലക്ട്രിക് വാഹന വിപണിയില്‍ കനത്ത മത്സരം നിലനില്‍ക്കുമ്പോഴും മുന്‍വര്‍ഷത്തെ അപേക്ഷിച്ച് വലിയ മുന്നേറ്റമാണ് ഈ മോഡല്‍ നടത്തിയത്. ഹ്യുണ്ടായിയുടെ ക്രെറ്റ, വെന്യൂ തുടങ്ങിയ മാസ് മാര്‍ക്കറ്റ് മോഡലുകളെ അപേക്ഷിച്ച് എണ്ണത്തില്‍ കുറവാണെങ്കിലും വളര്‍ച്ചാ നിരക്കില്‍ അയോണിക് 5 മുന്നിലാണ്. ഏറ്റവും പുതിയ വില്‍പ്പന റിപ്പോര്‍ട്ടുകള്‍ പ്രകാരം 2025 ഡിസംബര്‍ മാസത്തില്‍ ആകെ 69 യൂണിറ്റ് അയോണിക് 5 കാറുകളാണ് ഹ്യുണ്ടായി വിറ്റഴിച്ചത്.

പുതിയൊരു കാർ വാങ്ങുക എന്ന സ്വപ്‌നവുമായി നടക്കുന്നവർ അനേകമാണ്. നിലവിൽ ഉപയോഗിക്കുന്ന പഴയ കാർ മാറ്റി പുത്തനൊരു എസ്‌യുവി വാങ്ങാൻ കൊതിക്കുന്നവരും ഏറെ. എന്നാൽ ഇതിനായി പണം കണ്ടെത്തുക എന്നതാണ് വലിയ വെല്ലുവിളി. ലാലേട്ടൻ പ്രത്യക്ഷപ്പെട്ട ഒരു പരസ്യ ചിത്രമാണ് ഈയവസരത്തിൽ മനസിലേക്ക് ഓടിയെത്തുന്നത്. വീട്ടിൽ സ്വർണം വെച്ചിട്ടെന്തിന്, നാട്ടിൽ തേടി നടപ്പൂ എന്ന ഹിറ്റ് പരസ്യത്തിൻ്റെ കാര്യമാണീ പറഞ്ഞുവരുന്നത്. കൈയിൽ സ്വർണമുണ്ടേൽ വാഹനം വാങ്ങുക എന്നത് നിസാരമായി മാറിയിരിക്കുകയാണ്. സ്വർണ വിലയിൽ റെക്കോഡ് കുതിപ്പ് ഉണ്ടായിക്കൊണ്ടിരിക്കുന്നതിന് ഇടയിൽ ഇങ്ങനയൊരു സാധ്യത പലരും മനസിൽ ഓർത്തിട്ടുകൂടിയുണ്ടാവില്ല.

ഐക്കണിക് ഇരുചക്ര വാഹന നിര്‍മ്മാതാക്കളായ റോയല്‍ എന്‍ഫീല്‍ഡ് (Royal Enfield) തങ്ങളുടെ കരുത്തുറ്റ 650 സിസി മോട്ടോര്‍സൈക്കിള്‍ നിരയുടെ വില വര്‍ദ്ധിപ്പിച്ചു. രാജ്യത്തുടനീളമുള്ള മോഡലുകള്‍ക്ക് ഈ വില പരിഷ്‌കാരം ബാധകമാണ്. ഉല്‍പ്പാദന ചിലവിലുണ്ടായ വര്‍ദ്ധനവും വിപണിയിലെ മാറ്റങ്ങളുമാണ് ഈ തീരുമാനത്തിന് പിന്നിലെന്നാണ് ലഭിക്കുന്ന സൂചനകള്‍. ഇന്റര്‍സെപ്റ്റര്‍ 650, കോണ്ടിനെന്റല്‍ ജിടി 650 തുടങ്ങി എല്ലാ പ്രീമിയം മോഡലുകള്‍ക്കും ഇനി കൂടുതല്‍ തുക നല്‍കണം. 2025 ജനുവരി മാസത്തില്‍ റോയല്‍ എന്‍ഫീല്‍ഡിന്റെ വില വര്‍ധനവിനെ കുറിച്ചുള്ള വിശദമായ വിവരങ്ങള്‍ വായിക്കാം.

ഇന്ത്യൻ ഇരുചക്ര വാഹന വിപണിയിലെ മിഡ്-കപ്പാസിറ്റി മോട്ടോർസൈക്കിൾ സെഗ്മെൻ്റിൽ കൊടികുത്തി വാഴുന്നവരാണ് റോയൽ എൻഫീൽഡ്. ഹോണ്ട, ട്രയംഫ്, ജാവ, യെസ്‌ഡി, ഹാർലി ഡേവിഡ്‌സൺ, ഹീറോ മോട്ടോകോർപ് എന്നീ വമ്പൻമാരെല്ലാം വൻമത്സരം നൽകിയെങ്കിലും ആളുകളെല്ലാം കട്ടയ്ക്ക് എൻഫീൽഡിനൊപ്പം നിൽക്കുകയായിരുന്നു. പണ്ടത്തെ അപേക്ഷിച്ച് വൈബ്രേഷനും മറ്റ് തകരാറുകളുമെല്ലാം പാടെ മാറിയതോടെ ആളുകൾക്കെല്ലാം ഹരമായി മാറിയിട്ടുണ്ട് ബ്രാൻഡിൻ്റെ ബൈക്കുകൾ. ഹണ്ടർ, ക്ലാസിക്, ബുള്ളറ്റ് പോലുള്ള ന്യൂജെൻ മോഡലുകൾ ചൂടപ്പം പോലെ വിറ്റഴിയുന്നതിൻ്റെ കാരണവും ഇതുതന്നെയാണ്. മോഡൽ നിരയിൽ കൃത്യമായ പദ്ധതികൾ ആവിഷ്ക്കരിക്കാനും റോയൽ എൻഫീൽഡിന് ഇപ്പോൾ നല്ല മിടുക്കുമുണ്ട്.

ഇന്ത്യയിലെ ഇരുചക്ര വാഹന വിപണിയില്‍ വിപ്ലവം സൃഷ്ടിച്ച് തങ്ങളുടെ ജനപ്രിയ സ്‌കൂട്ടറായ ആക്‌സസിന്റെ ഇലക്ട്രിക് പതിപ്പായ 'ഇ-ആക്‌സസ്' (e-Access) വിപണിയില്‍ എത്തിച്ചിരിക്കുകയാണ് ജാപ്പനീസ് ടൂവീലര്‍ നിര്‍മാതാക്കളായ സുസുക്കി. ഇലക്ട്രിക് വാഹന വിപണിയിലേക്കുള്ള സുസുക്കിയുടെ ഔദ്യോഗിക ചുവടുവെപ്പാണ് ഇആക്‌സസിലൂടെ അടയാളപ്പെടുത്തുന്നത്. നിലവിലുള്ള പെട്രോള്‍ മോഡലിന്റെ വിശ്വാസ്യത നിലനിര്‍ത്തിക്കൊണ്ട് ആധുനിക സാങ്കേതികവിദ്യകള്‍ കോര്‍ത്തിണക്കിയാണ് പുതിയ സ്‌കൂട്ടര്‍ എത്തിയിരിക്കുന്നത്. റേഞ്ച് കണക്കുകള്‍ അത്ര ആകര്‍ഷകമല്ലെങ്കിലും ദൈനംദിന ആവശ്യങ്ങള്‍ക്ക് പറ്റിയ ഒരു ഇലക്ട്രിക് സ്‌കൂട്ടര്‍ തേടുന്നവര്‍ക്ക് എന്തുകൊണ്ട് ഇലക്ട്രിക് ആക്‌സസ് പരിഗണിക്കാം എന്നാണ് ഇനി പറയാന്‍ പോകുന്നത്.

ഇന്ത്യന്‍ വാഹന വിപണിയില്‍ തരംഗമായി മാറുകയാണ് ടൊയോട്ടയുടെ പ്രീമിയം ഹാച്ച്ബാക്ക് മോഡലായ ഗ്ലാന്‍സ. 2025 ഡിസംബറിലെ വില്‍പ്പന കണക്കുകള്‍ പുറത്തുവന്നപ്പോള്‍ അമ്പരപ്പിക്കുന്ന വളര്‍ച്ചയാണ് ഈ വാഹനം രേഖപ്പെടുത്തിയിരിക്കുന്നത്. മാരുതി സുസുക്കി ബലേനോയുടെ റീ-ബാഡ്ജ് പതിപ്പായ ഗ്ലാന്‍സ, ടൊയോട്ടയുടെ വിശ്വാസ്യതയും മികച്ച മൈലേജും ഒത്തുചേരുന്ന മോഡലായാണ് വിപണിയില്‍ അറിയപ്പെടുന്നത്. ഓട്ടോ പണ്ഡിറ്റ്‌സ് പങ്കുവെച്ച ഏറ്റവും പുതിയ വില്‍പ്പന റിപ്പോര്‍ട്ടുകള്‍ പ്രകാരം 2025 ഡിസംബറില്‍ 6,451 യൂണിറ്റ് ഗ്ലാന്‍സ കാറുകളാണ് ടൊയോട്ട വിറ്റഴിച്ചത്. 2024 ഡിസംബറില്‍ വിറ്റ 3,487 യൂണിറ്റുകളുമായി താരതമ്യം ചെയ്യുമ്പോള്‍ വില്‍പ്പനയില്‍ 85 ശതമാനത്തിന്റെ വന്‍ വര്‍ദ്ധനവാണുണ്ടായത്.

മിഡ്-സൈസ് എസ്‌യുവി സെഗ്മെൻ്റിലെ വമ്പൻമാരെയെല്ലാം വിറപ്പിക്കാനായി ജാപ്പനീസ് വാഹന നിർമാതാക്കളായ ഹോണ്ട പുറത്തിറക്കിയ മോഡലായിരുന്നു എലിവേറ്റ് (Honda Elevate). ഹോണ്ടയുടെ സ്പോർട് യൂട്ടിലിറ്റി വാഹനമായതിനാൽ തന്നെ തുടക്കത്തിൽ വലിയ സ്വീകാര്യത നേടിയെടുക്കാനും മിടുക്കനായിരുന്നു. ഹ്യുണ്ടായി ക്രെറ്റ, മാരുതി ഗ്രാൻഡ് വിറ്റാര, കിയ സെൽറ്റോസ് എന്നിവരായിരുന്നു പ്രധാന എതിരാളികളെങ്കിലും ഗിമ്മിക്ക് കാട്ടി ആളുകളെ പറ്റിക്കാനൊന്നും എലിവേറ്റ് റെഡിയല്ലായിരുന്നു. സിറ്റി സെഡാനിലൂടെ ഏവർക്കും പരിചിതമായ പെട്രോൾ എഞ്ചിനും ആവശ്യത്തിന് വേണ്ടുന്ന ഫീച്ചറുകളും കുത്തിനിറച്ചെത്തിയ മോഡൽ തൻ്റേതായ സ്ഥാനം വിഭാഗത്തിൽ കണ്ടെത്തിയിട്ടുണ്ട്.

ഇന്ത്യയിലെ ബജറ്റ് കാർ വിഭാഗത്തെ വീണ്ടും ഞെട്ടിക്കാനായി ഒരുവരവ് കൂടി വരികയാണ് ടാറ്റ പഞ്ച്. ഇത്തവണയെത്തുന്ന ഫെയ്‌സ്‌ലിഫ്റ്റ് പതിപ്പ് പല കാരണങ്ങളാലും വിപണിയെ അമ്പരപ്പിക്കുമെന്ന സൂചന ടാറ്റ മോട്ടോർസ് ഇതിനോടകം നൽകിയിട്ടുണ്ട്. 2026 ജനുവരി 13-ന് അതായത് നാളെയാണ് മുഖംമിനുക്കിയെത്തുന്ന മൈക്രോ എസ്‌യുവിയുടെ ഔദ്യോഗിക അവതരണം നടക്കുക. നിലവിലേത് പോലെ വിലയിലും താങ്ങാനാവുന്നതായാൽ ടാറ്റ ഷോറൂമുകളിൽ പിന്നെ പെരുന്നാളിനുള്ള തിരക്കായിരിക്കുമെന്നതിൽ സംശയമൊന്നും വേണ്ട. ഫെയ്‌സ്‌ലിഫ്റ്റ് മോഡൽ ഇതിനോടകം ഡീലർഷിപ്പുകളിലേക്ക് എത്തിത്തുടങ്ങിയിട്ടുണ്ട്. പുതുക്കിയ പഞ്ച് 6 വേരിയൻ്റുകളിൽ വാഗ്ദാനം ചെയ്യുമെന്നാണ് കമ്പനി വ്യക്തമാക്കിയിരിക്കുന്നത്.

കെടിഎം 2026 മോഡൽ 390 ഡ്യൂക്ക് ആഗോള വിപണിയിൽ ബ്രേക്കിംഗ്, പുതിയ നിറം എന്നിവയിലെ അപ്‌ഡേറ്റുകൾ അവതരിപ്പിച്ചിരിക്കുകയാണ്. ഈ വർഷം മറ്റ് മെക്കാനിക്കൾ മാറ്റങ്ങളില്ലാതെയാണ് പുതിയ മോഡൽ എത്തുന്നത്. പുതിയ WP FCR4 ഫ്രണ്ട് ബ്രേക്ക് കാലിപ്പറാണ് 2026 390 ഡ്യൂക്കിന്റെ പ്രധാന മാറ്റം. 320mm മുൻ ഡിസ്‌കും 240mm പിൻ ഡിസ്‌കുമുള്ള ബ്രേക്കിംഗ് സിസ്റ്റം മാറ്റമില്ല. കോർണറിംഗ് എബിഎസ്, സൂപ്പർമോട്ടോ എബിഎസ് എന്നിവയും സ്റ്റാൻഡേർഡ് ഫീച്ചറുകളാണ്. സാഹസിക റൈഡിംഗിന് പിൻ എബിഎസ് പ്രവർത്തനരഹിതമാക്കാൻ സൂപ്പർമോട്ടോ എബിഎസ് സഹായിക്കും.

കേരളത്തിലെ സൂപ്പർകാർ ആരാധകർക്കായി 2026-ൽ വലിയൊരു സന്തോഷ വാർത്തയുമായി സിന്തൈറ്റ് ഇൻഡസ്ട്രീസ് സ്ഥാപകനും മാനേജിംഗ് ഡയറക്ടറുമായ വിജു ജേക്കബ് എത്തിയിരിക്കുകയാണ്. കേരളത്തിന്റെ ആദ്യ McLaren GTS സ്വന്തമാക്കി തൻ്റെ ഗാരേജ് വീണ്ടും സമ്പന്നമാക്കിയിരിക്കുകയാണ് കേരളത്തിൻ്റെ സ്പൈസ് കിംഗ്. ആഡംബര സൂപ്പർകാറുകളുടെ ലോകത്ത് മക്‌ലാരൻ എന്ന പേര് തന്നെ ഏറെ പ്രശസ്തമാണ്. GTS മോഡൽ McLaren GT-യുടെ കൂടുതൽ പെർഫോമൻസ് കേന്ദ്രീകൃത പതിപ്പായി അവതരിപ്പിച്ചതാണ്. 4.0 ലിറ്റർ ട്വിൻ-ടർബോ V8 എൻജിൻ, ഏകദേശം 635 hp പരമാവധി പവറും പൂജ്യത്തിൽ നിന്ന് 10 കിലോമീറ്റർ വേഗതയിലേക്ക് എത്താൻ 3 സെക്കൻഡുകളും മതി.

ഹോണ്ട 2026 CB750 ഹോർനെറ്റിലൂടെ മിഡിൽവെയ്റ്റ് മോട്ടോർസൈക്കിൾ സെഗ്മെന്റിൽ വീണ്ടും വലിയ മാറ്റത്തിന് തുടക്കമിടുകയാണ ബ്രാൻഡ്. ക്ലച്ച് ലിവറില്ലാതെ ഗിയർ മാറ്റാൻ സഹായിക്കുന്ന ഇ-ക്ലച്ച് സാങ്കേതികവിദ്യ ആദ്യമായി CB750 ഹോർനെറ്റിൽ അവതരിപ്പിക്കുകയാണ്. ഹോർനെറ്റ് ശ്രേണിയിൽ ഈ ഫീച്ചർ ലഭിക്കുന്ന ഏറ്റവും താങ്ങാനാവുന്ന മോഡൽ എന്ന പ്രത്യേകതയും ഇതിനുണ്ട്. ഇ-ക്ലച്ച് സംവിധാനം നഗരത്തിലെ തിരക്കേറിയ ട്രാഫിക്കിലും ദീർഘ ഹൈവേ റൈഡുകളിലും റൈഡറുടെ ക്ഷീണം ഗണ്യമായി കുറയ്ക്കുന്നു എന്നതാണ് ഗുണം.

ജര്‍മ്മന്‍ വാഹന നിര്‍മ്മാതാക്കളായ ഫോക്‌സ്വാഗണ്‍ തങ്ങളുടെ ജനപ്രിയ സെഡാന്‍ മോഡലായ വെര്‍ട്ടിസിന്റെ വേരിയന്റുകളിലും വിലയിലും മാറ്റങ്ങള്‍ വരുത്തി. പുതിയ ടൈറോണ്‍ എസ്‌യുവി വിപണിയിലെത്തിക്കാനുള്ള തയാറെടുപ്പുകള്‍ക്കിടെയാണ് കമ്പനി നിലവിലെ മോഡല്‍ നിരയില്‍ ഈ പരിഷ്‌കാരം നടപ്പിലാക്കിയത്. ചില എന്‍ട്രി ലെവല്‍ വേരിയന്റുകള്‍ക്ക് വില കുറച്ചപ്പോള്‍ ഭൂരിഭാഗം മോഡലുകള്‍ക്കും വില വര്‍ദ്ധിപ്പിച്ചതായി കാരവാലേയിൽ പ്രസിദ്ധികരിക്കപ്പെട്ട റിപ്പോർട്ടിൽ പറയുന്നു .വെര്‍ട്ടിസ് നിരയിലെ എന്‍ട്രി ലെവല്‍ മോഡലായ കംഫര്‍ട്ട്ലൈന്‍ 1.0 MT-യുടെ വിലയില്‍ വലിയ കുറവുണ്ടായി എന്നതാണ് ശ്രദ്ധേയമായ കാര്യം. ഏകദേശം 70,201 രൂപയാണ് ഈ വേരിയന്റിന് കുറച്ചിരിക്കുന്നത്.

അമേരിക്കൻ ഇലക്ട്രിക് വാഹന നിർമ്മാതാക്കളായ ടെസ്‌ല, ഇന്ത്യയിൽ തങ്ങളുടെ സാന്നിധ്യം ശക്തിപ്പെടുത്തുന്നതിൻ്റെ ഭാഗായി ബെംഗളൂരുവിൽ നാലാമത്തെ വിൽപ്പനശാല തുറക്കുമെന്ന് പ്രഖ്യാപിച്ചിരിക്കുകയാണ്. രാജ്യത്തെ അതിവേഗം വളരുന്ന വാഹന വിപണിയിൽ നില ഉറപ്പിക്കുക എന്നതാണ് ബ്രാൻഡ് ഇതിലൂടെ ലക്ഷ്യം വയ്ക്കുന്നത്. മുംബൈ, ഡൽഹി, ഗുരുഗ്രാം എന്നിവിടങ്ങളിലെ നിലവിലുള്ള ഷോറൂമുകൾക്ക് പുറമെയാണ് ഈ പുതിയ ഷോറൂം ആരംഭിക്കുന്നത്. ഇന്ത്യൻ ഉപഭോക്താക്കളുമായി ദീർഘകാല ബന്ധം സ്ഥാപിക്കാനും, ഉൽപ്പാദന-വിതരണ ശൃംഖലാ പദ്ധതികൾ അവലോകനം ചെയ്യാനുമാണ് ടെസ്‌ല ഈ നീക്കത്തിലൂടെ ലക്ഷ്യമിടുന്നു.

ദൂരയാത്രകൾക്കായി വ്യാപകമായി ഉപയോഗിക്കുന്ന സ്ലീപ്പർ കോച്ച് ബസുകൾ ഇനി കർശനമായ സർക്കാർ നിയന്ത്രണത്തിന് വിധേയമാക്കാൻ തീരുമാനമാക്കിയിരിക്കുകയാണ്. അടുത്തിടെ രാജ്യത്തിന്റെ വിവിധ ഭാഗങ്ങളിൽ ഉണ്ടായ തുടർച്ചയായ സ്ലീപ്പർ ബസ് തീപിടിത്ത അപകടങ്ങളിൽ 145-ലധികം പേർ ജീവൻ നഷ്ടപ്പെട്ടതിനെ തുടർന്നാണ് റോഡ് ഗതാഗത-ഹൈവേ മന്ത്രാലയം (MoRTH) നിർണായക നടപടികളാണ് പ്രഖ്യാപിച്ചത്. സുരക്ഷാ മാനദണ്ഡങ്ങൾ പാലിക്കാത്ത ബസുകൾ ഇനി നിരത്തുകളിൽ ഓടാൻ അനുവദിക്കില്ല എന്നതാണ് കേന്ദ്രത്തിന്റെ ശക്തമായ നിലപാട്. പുതിയ നിയമങ്ങൾ പ്രകാരം, സർക്കാർ അംഗീകൃത ഓട്ടോമൊബൈൽ/ബസ് ബോഡി നിർമ്മാതാക്കൾക്ക് മാത്രമേ സ്ലീപ്പർ കോച്ചുകൾ നിർമ്മിക്കാൻ അനുമതിയുള്ളൂ.

ഇന്ത്യൻ വിപണിയിലെ ജനപ്രിയ മോഡലായ മഹീന്ദ്ര XUV700-യുടെ ഫേസ് ലിഫ്റ്റ് പതിപ്പായ XUV7XO അടുത്തിടെയാണ് വിപണിയിലെത്തിയത്. ജനുവരി 8ന് ടെസ്റ്റ് ഡ്രൈവുകൾ തുടങ്ങിയിട്ടുണ്ട്. ബുക്ക് ചെയ്തവർക്ക് ജനുവരി 14 മുതൽ ഡെലിവറി ലഭ്യമാകുമെന്നാണ് കമ്പനി അറിയിച്ചിരിക്കുന്നത്. രാജ്യമെങ്ങുമുള്ള ഡീലർഷിപ്പുകളിലേക്ക് XUV7XO യൂണിറ്റുകൾ എത്തിത്തുടങ്ങിയതായി കാർവാലെ വെബ്സൈറ്റ് റിപ്പോർട്ട് ചെയ്യുന്നുണ്ട്. ഷോറൂമുകളിൽ വാഹനം കണ്ടതോടെ ഉപഭോക്താക്കൾ വലിയ ആവേശത്തിലാണ്. മഹീന്ദ്രയുടെ ഡീലർഷിപ്പുകളിലേക്ക് വാഹനം എത്തിയതോടെ കുടുംബവുമായി എല്ലാവരും എത്തി വാഹനം കാണാനുള്ള തിരക്കാണ്. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

മാരുതി സുസുക്കിയുടെ ചങ്ക് കൂട്ടുകാരനാണ് ടൊയോട്ട. ഇരുവരും തമ്മിലുള്ള പങ്കാളിത്തത്തിൻ്റെ ഭാഗമായി നിരവധി റീബാഡ്‌ജ് മോഡലുകളാണ് ഇന്ത്യൻ വിപണിയിൽ എത്തിയത്. എത്തിയോസ് നിര വിപണിയോട് ഗുഡ്ബൈ പറഞ്ഞിറങ്ങിയപ്പോൾ സാധാരണക്കാരിൽ നിന്നും അകന്ന ജാപ്പനീസ് ബ്രാൻഡിൻ്റെ മാസ്റ്റർപ്ലാനായിരുന്നു മാരുതിയുമായുള്ള പങ്കാളിത്തം. കുറഞ്ഞ വിലയിൽ കാറുകൾ പുറത്തിറക്കാൻ ഇത്രയും നല്ലൊരു മാർഗമുണ്ടെന്ന് പലരും തിരിച്ചറിഞ്ഞതും ഇതിലൂടെയായിരുന്നു. വാഹനങ്ങൾ ബാഡ്‌ജ് മാറ്റി പുറത്തിറക്കാനുള്ള കരാർ പക്ഷേ ടൊയോട്ട നല്ലതുപോലെ മുതലാക്കിയെന്ന് വിൽപ്പന കണക്കുകളും പറയുന്നുണ്ട്. ബലേനോ ഗ്ലാൻസയായും എർട്ടിഗ റൂമിയോണായും മാറിയപ്പോൾ ടൊയോട്ട ആരാധകർക്കും ആവേശമായി.

ഇന്ത്യന്‍ വാഹന വിപണിയില്‍ മൈക്രോ എസ്‌യുവികള്‍ക്ക് സ്വീകാര്യത വര്‍ദ്ധിച്ചുവരുന്ന സാഹചര്യത്തില്‍ ഹ്യുണ്ടായി എക്സ്റ്റര്‍ വീണ്ടും വിപണി പിടിച്ചടക്കുന്നു. കുറഞ്ഞ വിലയില്‍ പ്രീമിയം ഫീച്ചറുകള്‍ നല്‍കുന്ന ഈ വാഹനം 2025 ഡിസംബറില്‍ മികച്ച വില്‍പന വളര്‍ച്ചയാണ് രേഖപ്പെടുത്തിയത്. ടാറ്റ പഞ്ച് പോലുള്ള കരുത്തരായ എതിരാളികളോട് പൊരുതിയാണ് എക്സ്റ്റര്‍ ഈ നേട്ടം സ്വന്തമാക്കിയത്. ഓട്ടോ പണ്ഡിറ്റ്‌സ് പങ്കുവെച്ച ഏറ്റവും പുതിയ വില്‍പ്പന റിപ്പോര്‍ട്ടുകള്‍ പ്രകാരം 2025 ഡിസംബറില്‍ 5,612 യൂണിറ്റ് എക്സ്റ്റര്‍ കാറുകളാണ് ഹ്യുണ്ടായി വിറ്റഴിച്ചത്. 6 ശതമാനം വാര്‍ഷിക വളര്‍ച്ചയാണ് മൈക്രോ എസ്‌യുവി രേഖപ്പെടുത്തിയത്.

ഇന്ത്യയിലെ കോടീശ്വരനും പ്രമുഖ വാഹനപ്രേമിയുമായ യോഹാൻ പൂനവാലയുടെ ഗാരേജിലേക്ക് പുതിയ അതിഥിയെ എത്തിച്ചിരിക്കുകയാണ്. കോടികൾ വിലമതിക്കുന്ന തന്റെ വാഹന ശേഖരത്തിലേക്ക് 2025 നിസാൻ ജിടിആർ ആർ35 നിസ്മോയാണ് അദ്ദേഹം വാങ്ങിയിരിക്കുന്നത്. ഇതിന് മുൻപ് ടൊയോട്ട സുപ്ര എ80 പോലുള്ള വാഹനങ്ങൾ സ്വന്തമാക്കിയ കൂട്ടത്തിലാണ് ഈ ഐതിഹാസിക സ്പോർട്സ് കാറുമെത്തിയത്. ജാപ്പനീസ് വാഹന നിർമ്മാതാക്കളായ നിസാൻ ലോകത്തിന് സമ്മാനിച്ച ഈ ഐക്കണിക് സ്പോർട്സ് കാർ ഇന്ത്യൻ വിപണിയിൽ ലഭ്യമല്ല. അത് കൊണ്ട് തന്നെ, പൂനവാല ഇത് സ്വകാര്യമായി ഇറക്കുമതി ചെയ്യുകയായിരുന്നു. ഈ വാഹനം അദ്ദേഹത്തിന് കൈമാറിയതിന് ശേഷമുള്ള ചിത്രങ്ങൾ 'പുണെ മോട്ടീവ്' എന്ന ഇൻസ്റ്റാഗ്രാം പേജിലൂടെ ഇപ്പോൾ വൈറലായിക്കൊണ്ടിരിക്കുകയാണ്.

ഇന്ത്യയിലെ ഏറ്റവും വലിയ ഇരുചക്ര വാഹന നിര്‍മ്മാതാക്കളായ ഹീറോ മോട്ടോകോര്‍പ്പ്, ബൈക്കുകളുടെയും സ്‌കൂട്ടറുകളുടെയും സുരക്ഷ വര്‍ദ്ധിപ്പിക്കുന്നതിനായി അത്യാധുനിക 'അരാസ്' (ARAS - Advanced Rider Assistance System) സാങ്കേതികവിദ്യ വികസിപ്പിക്കുന്നു. ഇതിനായി പ്രമുഖ ആഗോള ഓട്ടോമോട്ടീവ് ടെക്നോളജി കമ്പനിയായ വാലിയോയുമായി (Valeo) ഹീറോ കൈകോര്‍ത്തു. കാറുകളിലെ അഡാസ് (ADAS) ഫീച്ചറുകള്‍ക്ക് സമാനമാണിത്. റേഡാര്‍ സാങ്കേതികവിദ്യയും ഉയര്‍ന്ന നിലവാരമുള്ള ക്യാമറ സംവിധാനങ്ങളും ഉപയോഗിച്ചാണ് ഈ സുരക്ഷാ സംവിധാനം പ്രവര്‍ത്തിക്കുന്നത്. ഇരുചക്ര വാഹനങ്ങള്‍ക്ക് ചുറ്റും 360 ഡിഗ്രി സുരക്ഷാ കവചം ഒരുക്കാന്‍ ഇതിലൂടെ സാധിക്കും.

ജീവിതത്തിൽ ഒരുതവണയെങ്കിലും ട്രെയിൻ യാത്രകൾ ചെയ്യാത്ത മനുഷ്യരുണ്ടാവില്ല അല്ലേ. രാജ്യത്തെ ഏറ്റവും ചെലവ് കുറഞ്ഞ യാത്രാ മാർഗങ്ങളിൽ ഒന്നാണ് തീവണ്ടികൾ എന്ന് ഏവർക്കും അറിയാമല്ലോ. ഇന്ത്യൻ ഗതാഗത സംവിധാനത്തിൻ്റെ ജിവനാഢിയായി അറിയപ്പെടുന്ന ട്രെയിനുകൾക്ക് വളരെ കൌതുകം നിറഞ്ഞ പല കഥകളും പറയാനുണ്ടാവും. ട്രെയിനില്‍ യാത്ര ചെയ്യുമ്പോള്‍ സഞ്ചരിക്കുന്ന ട്രെയിൻ്റെ നിറം ആരെങ്കിലും ശ്രദ്ധിച്ചിട്ടുണ്ടോ? ചുവപ്പ്, നീല, പച്ച എന്നിങ്ങനെ പല നിറങ്ങളിലായി വിവിധ തരം ട്രെയിനുകൾ നാം കണ്ടിട്ടുണ്ടാവുമല്ലോ. ഇവയ്ക്ക് വ്യത്യസ്‌ത നിറങ്ങൾ നൽകാൻ കാരണമെന്തായിരിക്കുമെന്ന് എപ്പോഴെങ്കിലും ആലോചിച്ചിട്ടുണ്ടോ.

ഡീസൽ, പെട്രോൾ വില വർധനവിൽ ആളുകൾ കൂടുതലായി CNG കാറുകളിലേക്ക് മാറുകയാണ്. കുറഞ്ഞ ബജറ്റിൽ ദൈനംദിന ഉപയോഗത്തിനോ കുടുംബത്തിനോ പറ്റിയൊരു സിഎൻജി എസ്‌യുവി തേടുന്നവർക്ക് ടാറ്റ പഞ്ച് മികച്ചൊരു തിരഞ്ഞെടുപ്പാണ്. ഇത് രാജ്യത്തെ ഏറ്റവും വിലകുറഞ്ഞ സിഎൻജി കാർ എന്നതിലുപരി 5-സ്റ്റാർ സുരക്ഷയും മികച്ച മൈലേജും വാഗ്ദാനം ചെയ്യുന്ന കാർ കൂടിയാണ്. വെറും 1.30 ലക്ഷം ഡൗൺ പേയ്‌മെൻ്റിലൂടെയും ഏകദേശം 13,757 രൂപ പ്രതിമാസ EMI-യിലൂടെയും ഇത് സ്വന്തമാക്കാം. ടാറ്റ പഞ്ച് CNG-യുടെ എക്സ്-ഷോറൂം വില 6.68 ലക്ഷം മുതൽ 9.30 ലക്ഷം വരെയാണ്.

Simple Energy Simple One Gen 2 ഇലക്ട്രിക് സ്കൂട്ടർ പുറത്തിറക്കി. Simple One Gen 2-വിന്റെ വില, സവിശേഷതകൾ, റേഞ്ച് എന്നിവ അറിയുക.

പുതുമോഡലുകൾക്കൊണ്ട് ഇന്ത്യക്കാരെ വീണ്ടും വീണ്ടും വിസ്‌മയിപ്പിച്ചുകൊണ്ടിരിക്കുകയാണ് ടാറ്റ മോട്ടോർസ്. ന്യൂജെൻ ആൾട്രോസ്, സിയറ, സഫാരി, ഹാരിയർ പെട്രോൾ മോഡലുകൾ എന്നിവയെല്ലാം ഈയടുത്ത് അവതരിപ്പിച്ച കമ്പനി അടുത്തതായി മൈക്രോ എസ്‌യുവിയായ പഞ്ചിൻ്റെ ഫെയ്‌സ്‌ലിഫ്റ്റ് പതിപ്പിനെക്കൂടി വിപണിയിൽ അവതരിപ്പിച്ച് ഏവരേയും അമ്പരപ്പിക്കാൻ ഒരുങ്ങുകയാണ്. ഒപ്പം പുതുവർഷത്തോട് അനുബന്ധിച്ച് മോഡൽ നിരയിൽ ഗംഭീര ഡിസ്‌കൗണ്ട് ഓഫറുകളും അവതരിപ്പിച്ചിരിക്കുകയാണ് ബ്രാൻഡിപ്പോൾ. നിലവിലുള്ള കച്ചോടം വർധിപ്പിക്കാനും വിൽപ്പന കണക്കുകളിൽ മഹീന്ദ്രയേയും ഹ്യുണ്ടായിയേം പൊട്ടിക്കാനും ഇതിന് പിന്നിൽ നീക്കമുണ്ട്. 2026 ജനുവരി മാസത്തേക്കായി ടാറ്റ അവതരിപ്പിച്ചിരിക്കുന്ന ഓഫറുകളുടെ വിശദവിവരം നോക്കാം.

വിയറ്റ്നാമീസ് ഇലക്ട്രിക് വാഹന നിർമ്മാതാക്കളായ വൻഫാസ്റ്റ് (VinFast) ഇന്ത്യയിൽ തങ്ങളുടെ പ്രമുഖ ഇലക്ട്രിക് എസ്‌യുവികളായ VF 6,VF 7 എന്നിവയുടെ വില വർദ്ധിപ്പിച്ചിരിക്കുകയാണ്. കമ്പനി പ്രഖ്യാപിച്ച പ്രകാരം, പ്രാരംഭ ഓഫർ കാലയളവ് ഔദ്യോഗികമായി അവസാനിച്ചതിനെ തുടർന്നാണ് ഈ വിലമാറ്റം എന്നാണ് അറിയിച്ചിരിക്കുന്നത്. ഓരോ മോഡലിനും അതിന്റെ വേരിയന്റുകൾക്കും അനുസരിച്ച് ഈ വില വർദ്ധനവിൽ വ്യത്യാസം വരും. കുറഞ്ഞത് 80,000 മുതൽ പരമാവധി 1.30 ലക്ഷം വരെയാണ് വർധന രേഖപ്പെടുത്തിയിരിക്കുന്നത്. പ്രധാനമായും, VF 6 ഇലക്ട്രിക് എസ്‌യുവിക്ക് നിലവിലെ വിലയിൽ 90,000 വരെ ഗണ്യമായ വർധനവ് രേഖപ്പെടുത്തിയിട്ടുണ്ട്.

ഇന്ത്യന്‍ വാഹന വിപണിയില്‍ കോംപാക്ട് എസ്‌യുവികളുടെ ആധിപത്യം തുടരുകയാണ്. ടാറ്റ മോട്ടോര്‍സിന്റെ ജനപ്രിയ മോഡലായ ടാറ്റ പഞ്ച് 2025 ഡിസംബറിലും മികച്ച വില്‍പ്പന റെക്കോര്‍ഡ് സ്വന്തമാക്കി. കുറഞ്ഞ വിലയില്‍ എസ്‌യുവി അനുഭവം ആഗ്രഹിക്കുന്ന ഉപഭോക്താക്കള്‍ക്കിടയില്‍ പഞ്ചിന് ലഭിക്കുന്ന സ്വീകാര്യതയാണ് ഈ വളര്‍ച്ചയ്ക്ക് പിന്നിലെ പ്രധാന ഘടകമായി വിലയിരുത്തപ്പെടുന്നത്. ഓട്ടോ പണ്ഡിറ്റ്‌സ് പങ്കുവെച്ച വില്‍പ്പന കണക്കുകള്‍ പരിശോധിക്കുമ്പോള്‍ 2025 ഡിസംബറില്‍ 15,980 യൂണിറ്റ് പഞ്ച് കാറുകളാണ് ടാറ്റ വിറ്റഴിച്ചത്. 2024 ഡിസംബറിലെ 15,073 യൂണിറ്റുമായി താരതമ്യം ചെയ്യുമ്പോള്‍ വില്‍പ്പനയില്‍ 6 ശതമാനം വളര്‍ച്ച രേഖപ്പെടുത്തി.