മാരുതി സുസുക്കിയുടെ (Maruti Suzuki) കാർ നിരയിൽ ഏറ്റവും ഫാൻസുണ്ടായിരുന്ന മോഡലുകളിൽ ഒന്നായിരുന്നു റിറ്റ്സ് (Ritz). വ്യത്യസ്‌തമായ ഡിസൈനും നല്ല നിർമാണ നിലവാരവും കിടിലൻ പെർഫോമൻസും കുറഞ്ഞ വിലയ്ക്ക് നൽകിയ റിറ്റ്സിന് സ്വിഫ്റ്റിനോളം ആരാധകരുണ്ട്. ഇപ്പോഴും സെക്കൻഡ് ഹാൻഡ് വിപണിയിൽ ഏറെ ആവശ്യക്കാരുള്ള മോഡൽ നിർത്തിയപ്പോൾ ഏറ്റവും കൂടുതൽ നിരാശരായത് മലയാളികളായിരുന്നു. പകരക്കാരനായി എത്തിയ ഇഗ്നിസിനെ (Maruti Ignis) തുടക്കത്തിൽ ആരും മൈൻഡ് ചെയ്തത് പോലുമില്ല. അൽപം വൈകിയാണെങ്കിലും പിന്നീട് സ്വീകാര്യത നേടിയെടുക്കാൻ ഈ കോംപാക്‌ട് ഹാച്ച്ബാക്കിനായി.

റഷ്യന്‍ പ്രസിഡന്റ് വ്‌ലാഡിമിര്‍ പുടിന്റെ (Vladimir Putin) ഇന്ത്യാ സന്ദര്‍ശനമാണ് ഇപ്പോള്‍ രാജ്യത്തെ ഏറ്റവും വലിയ ചര്‍ച്ചാവിഷയം. നയതന്ത്രപരമായി ഏറെ പ്രാധാന്യമുള്ള പുടിന്റെ സന്ദര്‍ശനത്തിലെ ചെറിയ സംഭവങ്ങള്‍ പോലും വാര്‍ത്തയാകുകയാണ്. റഷ്യന്‍ ഭരണാധികാരിക്ക് ഇന്ത്യന്‍ പ്രധാനമന്ത്രി നരേന്ദ്ര മോദി (Narendra Modi) നല്‍കിയ സ്വീകരണം പതിവ് പ്രോട്ടോക്കോളുകള്‍ക്കപ്പുറം സൗഹൃദം വിളിച്ചോതുന്ന വ്യത്യസ്തമായ അനുഭവമായിരുന്നു. സാധാരണയായി വിദേശ രാഷ്ട്രത്തലവന്‍മാര്‍ മറ്റൊരു രാജ്യം സന്ദര്‍ശിക്കുമ്പോള്‍ അവരുടെ സ്വന്തം വാഹനം അവിടേക്ക് എത്തിച്ച് അതില്‍ യാത്ര ചെയ്യുന്ന പതിവുണ്ട്. പുടിന്‍ അടക്കം അതീവ സുരക്ഷയുള്ള ആഡംബര ലിമോസിനിലാണ് യാത്ര ചെയ്യാറ്.

ഇന്ത്യയിലെ മോട്ടോർസൈക്കിൾ പ്രേമികൾ ഏറെ പ്രതീക്ഷയോടെ കാത്തിരിക്കുന്ന ഇരുചക്ര വാഹന മാമാങ്കമായ ഇന്ത്യ ബൈക്ക് വീക്കിൻ്റെ 2025 പതിപ്പിന് കൊടികയറാൻ ഇനി മണിക്കൂറുകൾ മാത്രമാണ് ബാക്കിയുള്ളത്. ഗോവയിൽ വെച്ചുനടക്കുന്ന പരിപാടിയിൽ രാജ്യത്തെ പ്രമുഖ ടൂവീലർ നിർമാതാക്കളെല്ലാം പങ്കെടുക്കാറുണ്ട്. റോയൽ എൻഫീൽഡ്, ടിവിഎസ്, ഹീറോ എന്നിവരെല്ലാം ഇത്തവണയും എത്തുമെങ്കിലും ബവേറിയൻ ബ്രാൻഡായ ബിഎംഡബ്ല്യു മോട്ടോറാഡ് ഇത്തവണ പങ്കെടുക്കില്ലെന്നാണ് വിവരം. വമ്പൻ ഹൈപ്പോടെ കാത്തിരുന്ന F 450 GS അഡ്വഞ്ചർ ബൈക്ക് 2025 IBW ഷോയിലൂടെ ഇന്ത്യയിൽ അരങ്ങേറ്റം കുറിക്കാനും പദ്ധതിയിട്ടിരുന്നതാണ്.

2025 സെപ്റ്റംബറില്‍ പുതിയ ജിഎസ്ടി 2.0 പരിഷ്‌കാരങ്ങള്‍ നടപ്പിലാക്കിയ ശേഷം മാരുതി സുസുക്കി കാറുകള്‍ കൂടുതല്‍ താങ്ങാനാകുന്ന വിലയില്‍ ലഭ്യമായി തുടങ്ങിയിരുന്നു. ഇതോടൊപ്പം തന്നെ ഉത്സവ സീസണ്‍, ഇയര്‍ എന്‍ഡ് ഓഫറുകളുടെ ഭാഗമായി കമ്പനി കാറുകള്‍ക്ക് മികച്ച കിഴിവുകളും വാഗ്ദാനം ചെയ്യുന്നു. തല്‍ഫലമായി ഇപ്പോള്‍ പുതിയ കാറുകള്‍ വാങ്ങുന്നത് വളരെ മികച്ച ഡീലായി മാറിയിരിക്കുകയാണ്. ഈ മാസം അതായത് 2025 ഡിസംബറില്‍ മാരുതി സുസുക്കി ഇന്ത്യ തങ്ങളുടെ നെക്‌സ ഡീലര്‍ഷിപ്പ് വഴി വില്‍ക്കുന്ന ചില ജനപ്രിയ മോഡലുകള്‍ക്ക് ആകര്‍ഷകമായ കിഴിവുകള്‍ വാഗ്ദാനം ചെയ്യുന്നു.

ശുദ്ധവായു ശ്വസിക്കാൻ എല്ലാവർക്കും വലിയ താൽപ്പര്യമാണല്ലോ, എന്നാൽ വർധിച്ചു വരുന്ന വായുമലിനീകരണം കാരണം ഭാവിയിൽ ശുദ്ധവായു പണം കൊടുത്ത് മേടിക്കേണ്ടി വരുമെന്ന അവസ്ഥ വിദൂരമല്ല. നിങ്ങളുടെ കാറുകളിൽ പലപ്പോഴും ദുർദന്ധം അകറ്റാൻ എയർ ഫ്രഷ്നർ ഉപയോഗിക്കാറുണ്ട്. എന്നാൽ എയർ പ്യൂരിഫയർ ഇപ്പോൾ ഒട്ടുമിക്ക പ്രീമിയം കാറുകളിൽ എല്ലാം തന്നെ ബ്രാൻഡ് നൽകുന്നുണ്ട്. എന്നാൽ ഇത് കൊണ്ട് ശരിക്കും വായു ശുദ്ധമാക്കാൻ സാധിക്കുമോ. എങ്ങനെയാണ് ഇതിൻ്റെ പ്രവർത്തനം എന്ന് പലർക്കും സംശയമുണ്ടായേക്കാം. വിശദമായി തന്നെ ലേഖനത്തിൽ പങ്കുവയ്ക്കുകയാണ്. ഭാവിയിൽ നിങ്ങളൊരു കാർ വാങ്ങാൻ പോകുകയാണെങ്കിൽ പോലും ഈ ഫീച്ചർ ലഭിക്കുന്നുണ്ടോ എന്ന് പരിശോധിക്കുന്നത് നല്ലതായിരിക്കും. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ഇന്ത്യന്‍ വിപണിയില്‍ വളരെ വിലകുറഞ്ഞതും ഉയര്‍ന്ന മൈലേജ് വാഗ്ദാനം ചെയ്യുന്നതുമായ കാറുകള്‍ മുമ്പ് നന്നായി വിറ്റഴിക്കപ്പെട്ടിരുന്നു. എന്നാല്‍ സമീപ വര്‍ഷങ്ങളില്‍ ഉപഭോക്താക്കള്‍ വളരെ വിലകുറഞ്ഞ എന്‍ട്രി ലെവല്‍ കാറുകളെ ശ്രദ്ധിക്കുന്നില്ല. മൈലേജ് കാര്യമായി ഗൗനിക്കാതെ പ്രീമിയം സവിശേഷതകളുള്ള എസ്‌യുവികള്‍ക്ക് പിന്നാലെയാണ് ഇന്ത്യക്കാര്‍ ഇപ്പോള്‍. തല്‍ഫലമായി, ഒരുകാലത്ത് ഇന്ത്യന്‍ വിപണിയില്‍ ഏറ്റവും കൂടുതല്‍ വിറ്റഴിക്കപ്പെട്ടിരുന്ന ചില കാറുകളുടെ വില്‍പ്പന ഇപ്പോള്‍ മന്ദഗതിയിലാണ്. അതില്‍പെട്ട ഒന്നാണ് മാരുതി സുസുക്കി ആള്‍ട്ടോ K10. ഇന്ത്യന്‍ വിപണിയിലെത്തി 25 വര്‍ഷമായെങ്കിലും ഓള്‍ടൈം ബെസ്റ്റ് സെല്ലറായ ആള്‍ട്ടോക്ക് അപ്‌ഡേറ്റുകള്‍ നല്‍കി കാലികമായി നിലനിര്‍ത്തുന്നുണ്ട് മാരുതി.

ഇന്ത്യയിൽ മാഗ്നൈറ്റിൻ്റെ കരുത്തിൽ മാത്രം പിടിച്ചുനിൽക്കുന്നവരാണ് നിസാൻ (Nissan). എന്നാൽ ആഗോള വിപണികളിൽ ജാപ്പനീസ് വാഹന നിർമാതാക്കൾ പുറത്തിറക്കുന്ന വാഹന നിര കണ്ടാൽ ആരായാലും ഒന്ന് അമ്പരന്ന് നിന്നുപോവും. ആഡംബര കാറുകളും സ്പോർട്‌സ് കാറുകളുമെല്ലാം പുറത്തിറക്കുന്ന നിസാൻ ഇന്ത്യയെ കാര്യമായി പരിഗണിക്കുന്നില്ലെന്ന പരാതി ആരാധകർക്കിടയിലുണ്ട്. അക്കാര്യത്തിന് അടിവരയിടുന്ന മറ്റൊരു സംഭവം കൂടി നടന്നിരിക്കുകയാണിപ്പോൾ. എന്താണെന്ന് ചോദിച്ചാൽ ബ്രസീലിയൻ വിപണിക്കായി പുതിയൊരു പട്ടംപറത്തിവിട്ടിരിക്കുകയാണ് കമ്പനി. ഇന്ത്യയ്ക്ക് പോലും തരാതെ കിടിലനൊരു മിഡ്-സൈസ് എസ്‌യുവിയാണ് കാനറിപ്പടയുടെ നാട്ടിൽ നിസാൻ അവതരിപ്പിച്ചിരിക്കുന്നത്.

ഇന്ത്യയിലും ലോകമെമ്പാടുമുള്ള ബൈക്ക് പ്രേമികളുടെയും ഹൃദയത്തിൽ പ്രത്യേക സ്ഥാനമുള്ള ബ്രാൻഡാണ് യമഹ. ജപ്പാനിൽ സ്ഥാപിതമായ കമ്പനിക്ക് കുറച്ച് വർഷങ്ങൾക്കുള്ളിൽ തന്നെ റേസിംഗിലും ഉയർന്ന നിലവാരത്തിനും ആഗോള തലത്തിൽ വലിയ സ്വാധീനം നേടാൻ സാധിച്ചു. ഇവരുടെ ഓരോ മോഡലും ശക്തമായ പെർഫോമൻസ്, മോഡേൺ ഡിസൈൻ തുടങ്ങിയ ഘടകങ്ങൾ കൊണ്ട് പ്രശസ്തമാണ്. ഇപ്പോൾ പുത്തൻ മോഡലിൻ്റെ വിശേഷങ്ങളുമായാണ് ബ്രാൻഡ് വാർത്തകളിൽ നിറഞ്ഞിരിക്കുന്നത്. തങ്ങളുടെ 70 വർഷത്തെ റേസിംഗ് പാരമ്പര്യം ആഘോഷിക്കുന്നതിന്റെ ഭാഗമായി പുതിയ R3 എഡിഷൻ അവതരിപ്പിച്ചിരിക്കുകയാണ്. മാത്രവുമല്ല എൻട്രി-ലെവൽ സൂപ്പർസ്പോർട്ട് വിഭാഗത്തിൽ ഏറ്റവും വിജയകരമായ മോഡലുകളിൽ ഒന്നാണിത്.

വാഹന വിപണിയിൽ ടൂവീലറുകളും ഫോർ വിലറുകളും വിൽക്കുന്ന ബ്രാൻഡുകൾ വളരെ കുറവാണ് എന്ന് വേണമെങ്കിൽ പറയാം. എന്നാൽ വലിയ മുതൽമുടക്കിൽ രണ്ട് സെഗ്മെൻ്റിലും തങ്ങളുടേതായ ആധിപത്യം ഉറപ്പിക്കാൻ ചില ബ്രാൻഡുകൾക്ക് കഴിയുന്നുണ്ട്. അത്തരത്തിൽ ഇന്ത്യൻ വിപണിയിൽ ഇരുചക്ര വാഹനങ്ങളും അത് പോലെ തന്നെ ഫോർ വീലറുകളും വിൽക്കുന്ന ചില ബ്രാൻഡുകളെ പരിചയപ്പെട്ടാലോ. ഇന്ത്യയിലെ ഏറ്റവും വലിയ കാർ നിർമാതാക്കളായ സുസുക്കി ഫോർവീലർ സെഗ്മെൻ്റിൽ ഒന്നാം സ്ഥാനക്കാരാണ് എന്ന് എല്ലാവർക്കും അറിയാവുന്ന കാര്യമാണല്ലോ. കാറുകൾക്കൊപ്പം ഇന്ത്യൻ ഇരുചക്ര വാഹന വിപണിയിലും സുസുക്കി മികച്ച പ്രകടനം കാഴ്ചവെക്കുന്നുണ്ട്.

ഇന്ത്യന്‍ ഇലക്ട്രിക് വാഹന വിപണിയില്‍ സമീപകാലത്ത് തരംഗം സൃഷ്ടിച്ച ഇലക്ട്രിക് എസ്‌യുവികളില്‍ ഒന്നാണ് ടാറ്റ ഹാരിയര്‍ ഇവി (Tata Harrier EV). അതിന്റെ സെഗ്‌മെന്റില്‍ കേട്ടുകേള്‍വി പോലുമില്ലാതിരുന്ന ഡ്യുവല്‍-മോട്ടോര്‍ അധിഷ്ഠിത ഓള്‍ വീല്‍ ഡ്രൈവ് (AWD) സജ്ജീകരണവുമായി ഈ വര്‍ഷം ജൂണിലാണ് ഹാരിയര്‍ ഇവി പുറത്തിറങ്ങിയത്. ഇലക്ട്രിക് എസ്‌യുവിയുടെ ബേസ് വേരിയന്റിന് 21.49 ലക്ഷം രൂപയാണെങ്കിലും ഏറ്റവും താങ്ങാനാവുന്ന AWD വേരിയന്റിന് 28.99 ലക്ഷം രൂപ മുടക്കേണ്ടിയിരുന്നു. എന്നാല്‍ ഉടന്‍ തന്നെ കുറഞ്ഞ വിലയില്‍ ഹാരിയര്‍ ഇവിയുടെ AWD വേരിയന്റുകള്‍ വാങ്ങാനാകുമെന്ന വാര്‍ത്തകളാണ് ഇപ്പോള്‍ പുറത്തുവരുന്നത്. അത് എങ്ങിനെയെന്ന് പറഞ്ഞ് തരാം.

2025 ഡിസംബര്‍ മാസം ഇന്ത്യന്‍ ടൂ-വീലര്‍ പ്രേമികള്‍ക്ക് ഒരു വര്‍ഷാവസാന സമ്മാനപ്പൊതിയുമായാണ് എത്തുന്നത്. കുറച്ചു കാലങ്ങളായി ടെസ്റ്റിങ്ങിനിടെ കണ്ട സ്പൈ ഷോട്ടുകളും, നിരന്തരം പുറത്തുവന്ന അപ്‌ഡേറ്റുകളുമെല്ലാം ഇരുചക്ര വാഹനപ്രേമികളെ ആവേശഭരിതരാക്കിയിരുന്നു. അവയിലെ ചില സ്‌കൂട്ടറുകളും ബൈക്കുകളും ഇപ്പോള്‍ ഔദ്യോഗിക ലോഞ്ചിനായി തയാറെടുക്കുകയാണ്. ബിഎംഡബ്യു, സുസുക്കി, ബജാജ്, എഫ്ബി മോണ്ടിയല്‍ തുടങ്ങിയ ബ്രാന്‍ഡുകളില്‍ നിന്നാണ് പുതിയ മോഡലുകള്‍ പുറത്തിറങ്ങാനിരിക്കുന്നത്. ഇവയെല്ലാം തന്നെ എല്ലാ വിഭാഗത്തിലുമുള്ള റൈഡര്‍മാരെയും ലക്ഷ്യംവച്ചുള്ള ഇരുചക്ര വാഹനങ്ങളാണ്. ഓരേന്നിന്റെയും പ്രത്യേകതകള്‍ എന്തെല്ലാമാണെന്ന് നമുക്ക് നോക്കിയാലോ.

സേഫ്റ്റിക്കാണല്ലോ ഇപ്പോൾ ഉപഭോക്താക്കൾ എല്ലാവരും പ്രാധാന്യം നൽകുന്നത്. അത് കൊണ്ട് തന്നെ പുതിയ വാഹനം വാങ്ങാൻ പോകുമ്പോഴും ക്രാഷ് ടെസ്റ്റിൽ എത്ര സ്റ്റാറുണ്ടെന്നാണ് എല്ലാവർക്കും അറിയേണ്ടത്. അത് കൊണ്ട് എല്ലാ വാഹന ബ്രാൻഡുകളും തങ്ങളുടെ എല്ലാ മോഡലുകളുടേയും സുരക്ഷ വർധിപ്പിക്കുന്നതിൻ്റെ തിരക്കിലാണ്. പക്ഷേ നിർഭാഗ്യവശാൽ ജനപ്രിയ ബ്രാൻഡായ ഹ്യുണ്ടായിയുടെ കുഞ്ഞൻ ഹാച്ച്ബാക്കിന് ക്രാഷ് ടെസ്റ്റിൽ വട്ടപൂജ്യമാണ് കിട്ടിയിരിക്കുന്നത്. പ്രത്യേകിച്ച് മുതിർന്നവരുടെ സുരക്ഷയിൽ മോഡലിന് ഒരു സ്റ്റാർ പോലും നേടാൻ സാധിച്ചില്ല എന്നതാണ് സങ്കടകരം. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ഇനിയും സെഡാൻ മോഡലുകളെ മാത്രം ആശ്രയിച്ചിരുന്നാൽ ഗതിപിടിക്കില്ലെന്ന് കൃത്യമായി മനസിലാക്കിയിരിക്കുകയാണ് ജാപ്പനീസ് വാഹന നിർമാതാക്കളായ ഹോണ്ട. സിറ്റിയും അമേസും തരക്കേടില്ലാതെ വിറ്റഴിയുന്നുണ്ടെങ്കിലും കൂടുതൽ കാശുവാരാൻ പുതുപുത്തൻ വണ്ടികൾ തന്നെ എത്തമെന്ന് അൽപം വൈകിയാണെങ്കിലും കമ്പനിക്ക് വ്യക്തമായിട്ടുണ്ട്. വിദേശത്ത് വമ്പൻ മോഡലുകളാൽ സമ്പന്നമാണെങ്കിലും നമ്മുടെ വിപണിയിൽ ഇന്ന് ആകെ 3 മോഡലുകൾ വെച്ചാണ് കമ്പനി തള്ളിനീക്കുന്നത്. എന്നാൽ അധികം വൈകാതെ ഇന്ത്യക്കായി പുതിയ പത്തോളം വാഹനങ്ങൾ പുറത്തിറക്കാനുള്ള പദ്ധതികൾ ആവിഷ്ക്കരിച്ചിട്ടുണ്ട് ഹോണ്ട. ഏതെല്ലാം മോഡലുകളാണ് എത്തുന്നതെന്ന് വ്യക്തമാക്കിയിട്ടില്ലെങ്കിലും വിദേശത്തെ സൂപ്പർഹിറ്റ് എസ്‌യുവികളെല്ലാം എത്തിയേക്കുമെന്നാണ് വിവരം.

ഇന്ത്യന്‍ വിപണിയില്‍ പ്രിയങ്കരമായ ബൈക്കുകളിലൊന്നാണ് ബജാജ് ഫ്രീഡം (Bajaj Freedom). ലോകത്തിലെ ആദ്യ സിഎന്‍ജി മോട്ടോര്‍സൈക്കിള്‍ എന്ന ഖ്യാതിയുമായി കഴിഞ്ഞ വര്‍ഷം ജൂലൈയിലാണ് ബജാജ് ഫ്രീഡം 125 വിപണിയില്‍ എത്തിയത്. ഇന്ധന വില വര്‍ധനവില്‍ നിന്ന് 'സ്വാതന്ത്ര്യം' എന്ന നിലയില്‍ തുടക്കത്തില്‍ ഈ ബൈക്ക് മോഡലിന് മികച്ച സ്വീകാര്യത ലഭിച്ചിരുന്നു. ഇന്ത്യയില്‍ മൊത്തം വാഹന വിപണി എടുക്കുമ്പോള്‍ സിഎന്‍ജി പോലുള്ള ബദല്‍ ഇന്ധനങ്ങളില്‍ പ്രവര്‍ത്തിക്കുന്ന വാഹനങ്ങള്‍ക്ക് പ്രത്യേകിച്ച് കാറുകള്‍ക്ക് മികച്ച ഡിമാന്‍ഡ് ആണ്. ഈ സാഹചര്യത്തില്‍ ബജാജ് ഫ്രീഡം ബൈക്കിന്റെ വില്‍പ്പന എങ്ങിനെയുണ്ടെന്ന് നമുക്ക് പരിശോധിച്ചാലോ?.

നവംബർ മാസം ഇരുചക്രവാഹന ബ്രാൻഡുകൾക്ക് നല്ല കാലമായിരുന്നു പ്രത്യേകിച്ച് സുസുക്കി മോട്ടോർസൈക്കിളിന്. സുസുക്കി മോട്ടോർസൈക്കിൾ ഇന്ത്യ പ്രൈവറ്റ് ലിമിറ്റഡ് 2025 നവംബറിലെ തങ്ങളുടെ വിൽപ്പന കണക്കുകൾ പുറത്തുവിട്ടിരിക്കുകയാണ്. കഴിഞ്ഞ മാസം കമ്പനി മൊത്തം 1,22,300 ഇരുചക്ര വാഹനങ്ങളാണ് വിറ്റഴിച്ചത്. 2024 നവംബറിൽ രേഖപ്പെടുത്തിയ 94,370 യൂണിറ്റുകളുമായി താരതമ്യം ചെയ്യുമ്പോൾ, ഇത് 29.60 ശതമാനത്തിൻ്റെ അഥവാ 27,930 യൂണിറ്റുകളുടെ വർധനവാണ് നേടിയത്. സുസുക്കിയുടെ ടൂവീലറുകൾക്ക് ഡിമാൻ്റ് വർധിച്ചു വരുന്ന സാഹചര്യമാണ്. അത് മൂലം ആഭ്യന്തര വിൽപ്പനയെ 96,360 യൂണിറ്റുകളിലേക്ക് എത്തിച്ചിട്ടുണ്ട്.

മിഡ്-കപ്പാസിറ്റി മോട്ടോർസൈക്കിൾ സെഗ്മെൻ്റിൽ റോയൽ എൻഫീൽഡിനുള്ള ആധിപത്യം ഒരു പരിധി വരെയെങ്കിലും ചോദ്യം ചെയ്യാനായവരാണ് ട്രയംഫ്. ബജാജിൻ്റെ കൂട്ടുപിടിച്ച് കിടിലൻ 400 സിസി ബൈക്കുകൾ പുറത്തിറക്കി വിജയം കൊയ്‌ത ബ്രിട്ടീഷ് ഇരുചക്ര വാഹന നിർമാതാക്കളുടെ നിരയിലെ പ്രധാന ആയുധങ്ങളാണ് സ്പീഡ് 400 റോഡ്സ്റ്ററും സ്ക്രാംബ്ലർ 400X മോഡലും. ആഭ്യന്തര വിപണിയിൽ ഡ്യുവൽ പർപ്പസ് മോട്ടോർസൈക്കിളുകൾക്ക് ലഭിക്കുന്ന സ്വീകാര്യത മുതലെടുക്കുവാനായിട്ടാണ് കമ്പനി സ്ക്രാംബ്ലർ പതിപ്പിന് രൂപം കൊടുത്തത്. കൃത്യമായ പ്ലാനിംഗിലൂടെ ആളുകളെ കൈയിലെടുക്കാനായ ഈ മിടുക്കൻ ചൂടപ്പം പോലെ വിറ്റഴിയുന്നുമുണ്ട്.

ഇന്ത്യയിൽ അതിശക്തമായ രീതിയിൽ വളർന്നു വരുന്ന ഒരു സെഗ്മെൻ്റാണ് ഹൈബ്രിഡ് കാറുകളുടേത്. ഇന്ധനവിലകൾ ഉയരുന്ന സാഹചര്യത്തിൽ ദിവസേനയുള്ള ഉപയോഗത്തിനും ദീർഘദൂര യാത്രകൾക്കും വേണ്ടി ഓടുന്നത് വലിയ ചെലവുള്ള കാര്യമായി മാറിയിരിക്കുകയാണ്. അതുകൊണ്ടാണ് കഴിഞ്ഞ കുറച്ച് വർഷങ്ങളായി കുറഞ്ഞ ചെലവിൽ കൂടുതൽ മൈലേജ് വാഗ്ദാനം ചെയ്യുന്ന സ്ട്രോംഗ് ഹൈബ്രിഡ് കാറുകൾ സാധാരണക്കാർക്ക് വരെ പ്രിയങ്കരമായി മാറിയിരിക്കുന്നത്. ഇലക്ട്രിക് കാറുകളുടെ ലാഭവും പെട്രോൾ എഞ്ചിന്റെ സൗകര്യവും ഒരുമിച്ച് നൽകുന്ന ഈ ഹൈബ്രിഡുകൾ മികച്ച രീതിയിലുള്ള ഡ്രൈവിംഗ് അനുഭവം നൽകുന്നുണ്ട്. ഇപ്പോൾ വിപണിയിൽ ലഭ്യമാകുന്ന കുറഞ്ഞ വിലയിലുള്ള ഹൈബ്രിഡ് കാറുകളെ പരിചയപ്പെട്ടാലോ.

ഇന്ത്യന്‍ ഉപഭോക്താക്കള്‍ ഏറെ പ്രതീക്ഷയോടെ കാത്തിരുന്ന ടാറ്റ സിയറയുടെ പുത്തന്‍ തലമുറ മോഡല്‍ ടാറ്റ മോട്ടോഴ്‌സ് അടുത്തിടെ വിപണിയില്‍ എത്തി. 1990-കളില്‍ ഇന്ത്യന്‍ നിരത്തുകള്‍ ഭരിച്ച സ്‌പോര്‍ട് യൂടിലിറ്റ വാഹനമായ സിയറ 2003-ലാണ് വിപണിയില്‍ നിന്ന് പിന്‍വലിച്ചത്. ഏകദേശം 22 വര്‍ഷത്തിനുശേഷം പുതിയ തലമുറ ടാറ്റ സിയറ ഇപ്പോള്‍ വീണ്ടും വിപണിയിലെത്തിയിരിക്കുകയാണ്. ആധുനിക ലോകത്തിന് അനുസൃതമായ രീതിയിലുള്ള മാറ്റങ്ങളോടെയാണ് പുനര്‍ജനിച്ചത്. ടാറ്റ സിയറ നിലവില്‍ ഏഴ് വേരിയന്റുകളില്‍ ലഭ്യമാണ്. സ്മാര്‍ട്ട്+, പ്യുവര്‍, പ്യുവര്‍+, അഡ്വഞ്ചര്‍, അഡ്വഞ്ചര്‍+, അക്കംപ്ലിഷ്ഡ്, അക്കംപ്ലഷ്ഡ്+.

ഇന്ത്യൻ വാഹന വിപണിയിൽ വോയിസ് കൺട്രോൾ സൺറൂഫുകളോടുള്ള താൽപ്പര്യം വർധിച്ചുവരികയാണ് എന്നാണ് റിപ്പോർട്ടുകൾ സൂചിപ്പിക്കുന്നത്. ഡ്രൈവിങ്ങിനിടെ കൈകൾ ഉപയോഗിക്കാതെ തന്നെ സൺറൂഫ് തുറക്കാനും അടക്കാനും സാധിക്കുന്ന ഈ ഇലക്ട്രിക് സംവിധാനം ഉയർന്നുവരുന്ന ഒരു ഫീച്ചറാണ്. 10 ലക്ഷം രൂപയിൽ താഴെ എക്സ്-ഷോറൂം വിലയിൽ ഈ സൗകര്യം നൽകുന്ന മികച്ച ചില കാറുകളെ പരിചയപ്പെട്ടാലോ.സൺറൂഫ് ഉളള മോഡലുകൾക്ക് ആവശ്യക്കാർ ഏറി വരികയാണ്. എന്നാൽ പലർക്കും സൺറൂഫിൻ്റെ പ്രധാന ഉപയോഗം മനസിലാക്കാതെ ഒരു ആഡംബര ഫീച്ചറെന്ന നിലയിലാണ് സൺറൂഫ് മോഡലുകൾ ആവശ്യപ്പെടുന്നത്.

ലക്ഷ്വറി കാർ ബ്രാൻഡുകൾ എന്ന് കേൾക്കുമ്പോൾ ഇന്ത്യക്കാർക്കെല്ലാം ഒരുപോലെ ആദ്യം മനസിലേക്ക് ഓടിയെത്തുന്ന പേരുകളായിരിക്കും മെർസിഡീസ് ബെൻസ്, ബിഎംഡബ്ല്യു, ഔഡി, ലാൻഡ് റോവർ എന്നിവരുടേത്. പക്ഷേ ഇവരേക്കാൾ കേമനായ മറ്റൊരു കമ്പനിയുണ്ടെന്ന കാര്യം പലരും മറന്നുപോവുന്നതായിരിക്കാം. മറ്റാരുമല്ല, ലെക്‌സസ് എന്ന മിടുക്കനെക്കുറിച്ചാണ് പറഞ്ഞുവരുന്നത്. നമ്മുടെ സ്വന്തം ടൊയോട്ടയുടെ ആഡംബര വാഹന വിഭാഗമായ ലെക്‌സസ് ഇന്ത്യയിലും മികച്ച രീതിയിൽ പ്രവർത്തിച്ചുവരുന്നുണ്ട്. ലക്ഷ്വറി സെഗ്മെന്റിൽ ചുരുങ്ങിയ കാലംകൊണ്ട് പ്രശസ്‌തരാവാൻ കഴിഞ്ഞ കമ്പനി എതിരാളികൾക്കിടയിൽ തങ്ങളുടേതായ സ്ഥാനം കണ്ടെത്തിയുണ്ടെന്നതും പ്രത്യേകം പറയേണ്ട കാര്യമാണ്.

ഡിസംബര്‍ മാസം പിറന്നതോടെ വാഹന നിര്‍മാതാക്കള്‍ 2025 നവംബറില്‍ നേടിയ വില്‍പ്പന കണക്കുകള്‍ പങ്കുവെച്ചിരിക്കുകയാണ്. എല്ലാ മാസത്തെയും പോലെ ഒന്നാം സ്ഥാനത്തിന് മാറ്റമൊന്നുമില്ല. രാജ്യത്തെ ഏറ്റവും വലിയ വാഹന നിര്‍മാതാക്കളായ മാരുതി സുസുക്കി അസാമാന്യ ലീഡുമായി ഒന്നാം സ്ഥാനം അലങ്കരിക്കുന്നു. കഴിഞ്ഞ കുറച്ച് മാസങ്ങളായി രണ്ട്, മൂന്ന്, നാല് സ്ഥാനങ്ങള്‍ക്ക് മാറ്റങ്ങള്‍ സംഭവിക്കുന്നുണ്ട്. ഈ സാഹചര്യത്തില്‍ 2025 നവംബര്‍ മാസത്തില്‍ ഇന്ത്യയില്‍ ഏറ്റവും കൂടുതല്‍ കാറുകള്‍ വിറ്റഴിച്ച മികച്ച 10 നിര്‍മ്മാതാക്കള്‍ ഏതൊക്കെയെന്നാണ് അറിയാന്‍ ഏവര്‍ക്കും താല്‍പര്യമുണ്ടാകും. പോയ മാസത്തെ ടോപ് 10 വാഹന ബ്രാന്‍ഡുകള്‍ ഏതൊക്കെയാണെന്ന് വിശദമായി ചുവടെ വായിക്കാം.

ഇന്ത്യയുടെ ഐക്കണിക് ഹാച്ച്ബാക്കുകളിൽ ഒന്നാണ് മാരുതി സുസുക്കി സ്വിഫ്റ്റ് (Maruti Suzuki Swift Hatchback). 32 ലക്ഷത്തിലധികം ആളുകൾ വാങ്ങിക്കൂട്ടിയ മിടുക്കൻ ഇന്നും ചൂടപ്പം പോലെ വിറ്റഴിയുന്ന കാഴ്ച്ചയാണ് കാണാനാവുന്നത്. ഫോർ സിലിണ്ടർ പെട്രോൾ എഞ്ചിൻ ഉപേക്ഷിച്ച് അടുത്തിടെ ത്രീ സിലിണ്ടറിലേക്ക് മാറിയിട്ട് പോലും പതിനായിരക്കണക്കിന് സ്വിഫ്റ്റുകളാണ് ഓരോ മാസവും വിപണനം ചെയ്യുന്നത്. അടുത്തിടെ ജിഎസ്‌ടി നിരക്കുകളും വെട്ടിക്കുറച്ചതോടെ കാറിൻ്റെ വിലയിലും വലിയ കുറവ് സംഭവിച്ചിരുന്നു. ഇതോടെ മാരുതി സുസുക്കി ഷോറൂമുകളിൽ സ്വിഫ്റ്റ് വാങ്ങാനെത്തുന്നവരുടെ എണ്ണവും കൂടിയിട്ടുണ്ട്.

ആഢംബര കാർ വിപണിയിൽ തങ്ങളുടേതായ സ്ഥാനം ഉറപ്പിക്കാൻ ലക്ഷ്യമിട്ട് കൊണ്ട്, ജെഎസ്ഡബ്ല്യു എംജി മോട്ടോർ ഇന്ത്യ 'എംജി സെലക്ട്' ആഢംബര ഡീലർഷിപ്പുകൾ വികസിപ്പിക്കുകയാണ്. ഇന്ത്യയിലെ 14 പ്രധാന നഗരങ്ങളിലായി 15 എംജി സെലക്ട് എക്സ്പീരിയൻസ് ഷോറൂമുകളിലൂടെ കമ്പനി ഇപ്പോൾ മികച്ച അനുഭവം ഉപഭോക്താക്കളിലേക്ക് ഇറങ്ങി ചെല്ലുകയാണ്. എംജി സെലക്ട് എക്‌സ്പീരിയൻസ് സെൻ്ററുകളിൽ എംജി എം9 പ്രസിഡൻഷ്യൽ ലിമോസിൻ (M9 Presidential Limousine), എംജി സൈബർസ്റ്റർ (Cyberster) എന്നീ മുൻനിര മോഡലുകൾ മാത്രമാണ് ഇപ്പോൾ വിൽക്കുന്നത്. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

വിവിധ ബോഡിടൈപ്പിലായി നിരവധി ഇലക്ട്രിക് കാറുകള്‍ ഇന്ത്യയില്‍ ലഭ്യമാണ്. ഇലക്ട്രിക് കാറുകള്‍ ഇന്ത്യയില്‍ വലിയ രീതിയില്‍ ജനകീയമാകാതിരിക്കാനുള്ള ഒരു കാരണം മതിയായ ചെറുകാറുകള്‍ ഇല്ല എന്നുള്ളതാണ്. സാധാരണ ജനങ്ങള്‍ക്ക് വാങ്ങാന്‍ പറ്റിയ വിലയിലുള്ള ചെറുഇവികള്‍ വിരലിലെണ്ണാവുന്ന അത്ര മാത്രമേ നിലവില്‍ വില്‍പ്പനക്കെത്തുന്നുള്ളൂ. ഈ സാഹചര്യത്തിലാണ് ദക്ഷിണ കൊറിയന്‍ വാഹന നിര്‍മാതാക്കളായ കിയ തങ്ങളുടെ പുതിയ ചെറു ഇലക്ട്രിക് വാഹനമായ EV2 വികസിപ്പിക്കുന്നത്. ഈ വര്‍ഷം നടന്ന കിയ ഇവി ദിനത്തില്‍ ഈ മോഡല്‍ കമ്പനി പ്രദര്‍ശിപ്പിച്ചിരുന്നു. വിപണിയില്‍ എത്തുന്നതിന് മുന്നോടിയായി വിവിധ സ്ഥലങ്ങളിലായി ഇവിയുടെ പരീക്ഷണ ഓട്ടങ്ങള്‍ തകൃതിയായി നടന്നു വരികയാണ്.

എസ്‌യുവി വിപണിക്ക് പുതിയ മാനങ്ങൾ സമ്മാനിച്ചുകൊണ്ട് ഇതിഹാസ മോഡലായ ടാറ്റ സിയറ പുനർജന്മമെടുത്തത് ഈയടുത്തായിരുന്നു. വിലയിൽ ഉൾപ്പടെ ഞെട്ടിച്ചുകൊണ്ട് എത്തിയ വാഹനം ഡിസൈനിലും ഫീച്ചറുകളിലും വരെ വിസ്‌മയിപ്പിച്ചിരുന്നു. ഹ്യുണ്ടായി ക്രെറ്റ, മാരുതി വിക്ടോറിസ്, ടൊയോട്ട അർബൻ ക്രൂയിസർ ഹൈറൈഡർ, ഹോണ്ട എലിവേറ്റ് അങ്ങനെ നീളുന്ന വലിയ കൊമ്പൻമാരുമായി മത്സരിക്കാൻ സിയറയെ മിഡ്-സൈസ് എസ്‌യുവി നിരയിലാണ് ടാറ്റ മോട്ടോർസ് സ്ഥാപിച്ചിരിക്കുന്നത്. പുതിയ മോഡുലാർ ARGOS പ്ലാറ്റ്‌ഫോമിനെ അടിസ്ഥാനമാക്കിയുള്ള എസ്‌യുവി 11.49 ലക്ഷം രൂപയുടെ പ്രാരംഭ വിലയിൽ വാങ്ങാമെന്നത് ആരേയും ഷോറൂമിലേക്ക് എത്തിക്കുന്ന കാര്യമാണ്.