1990 കളില്‍ ഇന്ത്യന്‍ വിപണിയില്‍ വിലസിയ എസ്‌യുവിയാണ് ടാറ്റ സിയറ (Tata Sierra). 3-ഡോര്‍ ഡിസൈനിനും വലിയ റിയര്‍ ഗ്ലാസ് പാനലുകള്‍ക്കും പേരുകേട്ട ഒറിജിനല്‍ സിയറ ടാറ്റ ടെല്‍കോളിന്‍ പിക്കപ്പ് പ്ലാറ്റ്ഫോമിനെ അടിസ്ഥാനമാക്കിയായിരുന്നു നിര്‍മിച്ചത്. 1991-ല്‍ വിപണിയില്‍ എത്തിയ സിയറ 2003 വരെ ഉത്പാദനത്തില്‍ ഉണ്ടായിരുന്നു. 2020, 2023 ഓട്ടോ എക്സ്പോയില്‍ ടാറ്റ മോട്ടോര്‍സ് സിയറ നെയിംപ്ലേറ്റ് കണ്‍സെപ്റ്റ് രൂപത്തില്‍ പുനരുജ്ജീവിപ്പിച്ചതോടെ എസ്‌യുവിക പ്രേമികള്‍ ആവേശത്തിലായിരുന്നു. ഇപ്പോള്‍ 22 വര്‍ഷത്തിന് ശേഷം ടാറ്റ സിയറ വീണ്ടും വിപണിയിലെത്താന്‍ പോകുകയാണ്. നവംബര്‍ 25-നാണ് ടാറ്റ സിയറയുടെ പുതിയ മോഡല്‍ പുറത്തിറങ്ങുന്നത്.

ഏറ്റവും മത്സരാധിഷ്ഠിതമായ കോംപാക്‌ട് എസ്‌യുവി സെഗ്മെന്റിലേക്ക് പുതുരൂപവും ഭാവവും ആവാഹിച്ച് എത്തിയിരിക്കുകയാണ് ഹ്യുണ്ടായിയുടെ കുഞ്ഞൻ പെർഫോമൻസ് എസ്‌യുവിയായ വെന്യു N ലൈൻ. രണ്ടാംതലമുറ ആവർത്തനത്തിൽ ഡിസൈനും ഫീച്ചറുകളും സേഫ്റ്റിയുമെല്ലാം മുമ്പത്തേതിനേക്കാൾ കിടിലമാക്കിയാണ് ന്യൂജെൻ മോഡലിന്റെ വരവ്. വെന്യുവിന്റെ സ്റ്റാൻഡേർഡ് വേരിയന്റുകളേക്കാൾ ചില കോസ്മെറ്റിക് പരിഷ്ക്കാരങ്ങളും അധിക ഫീച്ചറുകളും പെർഫോമൻസുമായാണ് കുട്ടിക്കൊമ്പന്റെ വരവ്. തുക്കിയ സ്പോർട്ടിയർ വേരിയന്റ് മാനുവൽ, ഓട്ടോമാറ്റിക് ഗിയർബോക്‌സ് ഓപ്ഷനുകളിലായി N6, N10 എന്നീ രണ്ട് വേരിയന്റുകളിൽ ലഭ്യമാകും. വില നോക്കിയാലും ഞെട്ടിക്കുന്ന പ്രൈസിംഗാണ് ഇട്ടിരിക്കുന്നത്.

ടെക്നോളജിയിൽ പുലികളായ ഹ്യുണ്ടായിയുടെ ഏറെ കാത്തിരുന്ന ഹ്യുണ്ടായി വെന്യു ഇന്ത്യൻ വിപണിയിൽ എത്തിച്ചിരിക്കുകയാണ്. പഴയ മോഡലിൽ നിന്ന് അടിമുടി മാറ്റങ്ങളുമായിട്ടാണ് വെന്യു എത്തിയിരിക്കുന്നത്. 32 മാറ്റങ്ങളാണ് പുതിയ വെന്യുവിൽ കമ്പനി നൽകിയിരിക്കുന്നത്. കംഫർട്ട്,സേഫ്റ്റി,പെർഫോമൻസ്,മൈലേജ് അങ്ങനെ എല്ലാത്തിലും ഹ്യുണ്ടായി തങ്ങളുടെ ഈ ജനപ്രിയ എസ്‌യുവിയിൽ നിരവധി മാറ്റങ്ങളാണ് കൊണ്ടുവന്നിരിക്കുന്നത്. 2019 -ലാണ് ഹ്യുണ്ടായി വെന്യു ഇന്ത്യൻ വിപണിയിൽ എത്തുന്നത്. ഇത് വരെ 7 ലക്ഷം കുടുംബങ്ങളിലാണ് വെന്യു എത്തിയിട്ടുളളത്. പുതിയ മോഡലിൻ്റെ മറ്റൊരു പ്രത്യേകത എന്താണെന്ന് വച്ചാൽ 2030 എത്തുമ്പോൾ 26 വാഹനമെന്ന ബ്രാൻഡിൻ്റെ ലക്ഷ്യത്തിലെ ആദ്യ വാഹനമാണ് പുതിയ 2025 ഹ്യുണ്ടായി വെന്യു.

എസ്‌യുവി എന്നറിയപ്പെടുന്ന സ്പോർട് യൂട്ടിലിറ്റി വാഹനങ്ങൾ നാട് ഭരിക്കാൻ തുടങ്ങിയതോടെ ഹാച്ച്ബാക്കുകൾക്കും സെഡാനുകൾക്കും നല്ല രീതിയിൽ ഡിമാന്റ് കുറഞ്ഞിരുന്നു. അതിന്റെ കാരണം കുറഞ്ഞ വിലയിൽ എസ്‌യുവികൾ വാങ്ങാൻ പറ്റുമായിരുന്നു എന്നതാണ്. സാധാരണക്കാരന് ഏറെ പ്രിയമുണ്ടായിരുന്ന ഹാച്ച്ബാക്കുകളെ വരെ പിന്നിലാക്കി എസ്‌യുവി മോഡലുകൾ നാട് ഭരിച്ചതോടെ പലരും ഹാച്ചുകളുടെ അവസാനമായെന്ന് വിധിയെഴുതിയിരുന്നു. എന്നാൽ അടുത്തിടെ കേന്ദ്ര സർക്കാർ കാറുകളുടെ ജിഎസ്‌ടി വെട്ടിക്കുറച്ചതോടെ ഹാച്ച്ബാക്കുകൾക്ക് വലിയ രീതിയിൽ വില കുറഞ്ഞിരുന്നു. 4 മീറ്ററിൽ താഴെ നീളമുള്ള ചെറിയ എഞ്ചിനുകളുള്ള കോം‌പാക്ട് പെട്രോൾ, ഡീസൽ വാഹനങ്ങൾക്ക് ഇപ്പോൾ 18 ശതമാനം ജിഎസ്ടി മാത്രമാണ് വേണ്ടിവരിക.

രാജ്യത്തെ ഓട്ടോമോട്ടീവ് വിപണികളിൽ ഏറ്റവും കൂടുതൽ മത്സരക്ഷമതയോടെ വിറ്റഴിയുന്ന ഒന്നാണ് മിഡ്-സൈസ് എസ്‌യുവികൾ. സെഡാനുകളോട് കമ്പമുണ്ടായിരുന്ന ഇന്ത്യൻ ഉപഭോക്താക്കളെല്ലാം മിഡ്-സൈസ് എസ്‌യുവികളുടെ പുറകെയാണ്. ഈ വിഭാഗത്തിലെ ഏറ്റവും ആവേശകരമായ മത്സരങ്ങളിലൊന്നാണ് ഹോണ്ട എലിവേറ്റും സ്‌കോഡ കുഷാക്കും തമ്മിലുള്ളത്. ഇവ രണ്ടും ശക്തമായ സുരക്ഷാ, സാങ്കേതിക പാക്കേജുകൾ എന്നിവ ഒരുപ്പോലെ വാഗ്ദാനം ചെയ്യുന്നുണ്ടെങ്കിലും, ചില വ്യത്യാസങ്ങളുണ്ട്. ഇന്ന് മിഡ്-സൈസ് എസ്‌യുവികൾ വാങ്ങാൻ പ്ലാനിടുന്നവരുടെ ഏറ്റവും മികച്ച ഓപ്ഷനുകൾ ഹോണ്ട എലിവേറ്റും സ്‌കോഡ കുഷാക്കും തന്നെയായിരിക്കും. ഇവ തമ്മിൽ ഏതെല്ലാം രീതിയിലാണ് വ്യത്യാസപ്പെട്ടിരിക്കുന്നതെന്ന് അറിയാൻ ഈ ലേഖനം തുടർന്ന് വായിക്കാൻ മറക്കരുതേ.

ആഡംബരത്തിന്റെ അവസാനവാക്കായി വിശേഷിപ്പിക്കപ്പെടുന്ന വാഹന ബ്രാന്‍ഡ് ആണ് റോള്‍സ് റോള്‍സ്. കാലത്തിനൊത്ത് കോലം മാറുന്ന പോലെ ബ്രിട്ടീഷ് ബ്രാന്‍ഡും ഒരു ഇലക്ട്രിക് കാര്‍ പുറത്തിറക്കിയിട്ടുണ്ട്. റോള്‍സ് റോള്‍സ് സ്‌പെക്ടര്‍ നിലവില്‍ ബ്രാന്‍ഡിന്റെ ലൈനപ്പിലുള്ള ഏക വൈദ്യുത വാഹനം കൂടിയാണ്. രാജ്യത്തെ സമ്പന്നരും സെലിബ്രിറ്റികളും ഇവികളോട് പ്രാമുഖ്യം കാണിച്ച് തുടങ്ങിയതോടെ പച്ച നമ്പര്‍പ്ലേറ്റുള്ള റോള്‍സ് റോയ്‌സും ഇന്ത്യന്‍ നിരത്തുകളില്‍ സജീവമായിട്ടുണ്ട്. ഇപ്പോള്‍ തെന്നിന്ത്യന്‍ സിനിമാ ലോകത്ത് നിന്ന് പാന്‍ ഇന്ത്യ ലെവലില്‍ വളര്‍ന്ന ഒരു സംവിധായകന്‍ ഈ കാര്‍ സ്വന്തമാക്കിയിട്ടുണ്ട്. എന്നാല്‍ അത് എസ്എസ് രാജമൗലിയോ പ്രശാന്ത് നീലോ അല്ല കേട്ടോ.

ഇന്ത്യയിൽ ഹോണ്ടയ്ക്കായി ഏറ്റവും കൂടുതൽ കച്ചോടം പിടിക്കുന്ന മോഡലാണ് എലിവേറ്റ്. എസ്‌യുവികളില്ലാതിരുന്ന ജാപ്പനീസ് വാഹന നിർമാതാക്കളുടെ നിരയിലേക്ക് എത്തിയ കൊമ്പൻ പലരുടേയും മനസിൽ കയറിപ്പറ്റിയത് വളരെ വേഗമായിരുന്നു. മാരുതി സുസുക്കി ഗ്രാൻഡ് വിറ്റാര, ഹ്യുണ്ടായി ക്രെറ്റ, കിയ സെൽറ്റോസ് തുടങ്ങിയ വമ്പൻമാരുമായി മത്സരിക്കാനെത്തിയ എലിവേറ്റ് തുടക്കത്തിൽ വേഗത്തിൽ വിറ്റഴിച്ചിരുന്നുവെങ്കിലും ഇപ്പോൾ വിൽപ്പന ചെറുതായൊന്ന് കുറഞ്ഞുവരികയായിരുന്നു. ഈ അവസരത്തിൽ ആളുകളെ ഷോറൂമിലെത്തിക്കാൻ പുതിയ അടവുമായി രംഗത്തെത്തിയിരിക്കുകയാണ് ഹോണ്ട. മറ്റൊന്നുമല്ല എലിവേറ്റിന്റെ പുതിയ സ്പെഷ്യൽ എഡിഷൻ മോഡലിനെ വിപണിയിലെത്തിച്ചിരിക്കുകയാണ് ബ്രാൻഡ്.

കഴിഞ്ഞ മാസം അതായത് 2025 ഒക്‌ടോബറില്‍ ഇന്ത്യന്‍ വാഹന വിപണിയില്‍ റെക്കോഡ് വില്‍പ്പനയാണ് രേഖപ്പെടുത്തിയത്. ഉത്സവകാല ഡിമാന്‍ഡിനൊപ്പം ചരക്കുസേവന നികുതി ഇളവ് കൂടി ചേര്‍ന്നതോടെ കഴിഞ്ഞ മാസം ഇന്ത്യയില്‍ 4.70 ലക്ഷം പാസഞ്ചര്‍ വാഹനങ്ങളാണ് വിറ്റുപോയത്. രാജ്യത്തെ ഒരുവിധം കമ്പനികള്‍ എല്ലാം കഴിഞ്ഞ മാസം മികച്ച വില്‍പ്പന നേടിയപ്പോള്‍ നേരിയ തോതില്‍ ഇടിവ് നേരിട്ട പ്രമുഖ കമ്പനിയാണ് ജെഎസ്ഡബ്ല്യു എംജി മോട്ടോര്‍ ഇന്ത്യ. ഇന്ത്യയിലെ മുന്‍നിര ഇലക്ട്രിക് വാഹന നിര്‍മ്മാതാക്കളായി ഉയര്‍ന്ന് വരുന്നതിനിടെയാണ് എംജിക്ക് 2025 ഒക്ടോബറില്‍ സമ്മിശ്ര ഫലങ്ങള്‍ രേഖപ്പെടുത്തിയത്.

അൽപ്പം പ്രശസ്തിയാകുമ്പോഴേ ബോളിവുഡിലെ ഒരു കീഴ്വഴക്കമാണല്ലോ ഏതെങ്കിലും പുതിയ ആഡംബര വാഹനങ്ങൾ സ്വന്തമാക്കുക എന്നത്. ലക്ഷ്വറി വാഹനങ്ങൾക്ക് ബോളിവുഡിൽ എന്നും ഡിമാൻ്റുണ്ട്. താരങ്ങൾ തങ്ങളുടെ പുത്തൻ വാഹനങ്ങളിൽ വന്നിറങ്ങുന്ന ചിത്രങ്ങൾക്കും വീഡിയോകൾക്കും ആരാധകർ ഏറെയാണ്. അത്തരത്തിൽ ഈ വർഷമാദ്യം സ്വന്തമാക്കിയ തൻ്റെ ആഡംബര എസ്‌യുവിയിൽ വന്നിറങ്ങിയിരിക്കുകയാണ് പ്രിയപ്പെട്ട നടി യാമി ഗൗതം. താരത്തിനെ പ്രത്യേകം പരിചയപ്പെടുത്തേണ്ട ആവശ്യമില്ലല്ലോ. സൂപ്പർസ്റ്റാർ പൃഥ്വിരാജിൻ്റെ നായികയായി എത്തിയ താരത്തിനെ മലയാളി പ്രേക്ഷകർ രണ്ട് കൈയ്യും നീട്ടിയാണ് സ്വീകരിച്ചത്. 2012-ൽ പുറത്തിറങ്ങിയ "വിക്കി ഡോണർ" എന്ന ചിത്രത്തിലൂടെയാണ് യാമി ഗൗതം അഭിനയരംഗത്തേക്ക് പ്രവേശിക്കുന്നത്.

ലോക പ്രശസ്ത റിയാലിറ്റി ടിവി ഷോയായ ബിഗ് ബോസ് മലയാളത്തിലും ഏഴ് സീസണ്‍ പിന്നിട്ട് വലിയ വിജയമായിരിക്കുകയാണ്. ഇന്ത്യയില്‍ എല്ലാ ഭാഷകളിലുമായി ടെലിവിഷന്‍ റേറ്റിംഗില്‍ ഏറ്റവും മുന്നിട്ട് നില്‍ക്കുന്നത് നടന്‍ മോഹന്‍ലാല്‍ അവതാരകനായി എത്തുന്ന ബിഗ് ബോസ് മലയാളമാണ്. റിയാലിറ്റി ഷോയുടെ മലയാളം പതിപ്പില്‍ ഇന്നേ വരെ ഒരു വനിത മാത്രമാണ് ടൈറ്റില്‍ വിന്നറായത്. അത് മറ്റാരുമല്ല ഡാന്‍സറും അഭിനേത്രിയുമായ ദില്‍ഷ പ്രസന്നനാണ് സീസണ്‍ ഫോറില്‍ വിജയിയായി ചരിത്രം രചിച്ചത്. 2014-ല്‍, ഡാന്‍സ് റിയാലിറ്റി ഷോ ആയ D 4 ഡാന്‍സിലൂടെയാണ് മലയാളികള്‍ ദില്‍ഷയെ ആദ്യം ശ്രദ്ധിക്കുന്നത്.

കൊറിയൻ സുന്ദരൻമാർക്ക് അല്ലെങ്കിലും പെൺകുട്ടികൾക്കിടയിൽ ഫാൻസ് ധാരാളമാണല്ലോ. അത് പോലെ തന്നെ വാഹനലോകത്തെ കൊറിയൻ ബ്രാൻഡായ കിയയുടെ ലൈനപ്പിലെ എല്ലാ മോഡലുകൾക്കും ആവശ്യക്കാരേറെയാണ്. പ്രത്യേകിച്ച് കിയ സെൽറ്റോസിന്. 2019 -ൽ ഇന്ത്യൻ വിപണിയിൽ എത്തിയതിന് ശേഷം 2023-ലാണ് മുഖം മിനുക്കി മോഡൽ ഇറക്കിയത്. അതിന് ശേഷം പിന്നീട് പിടിച്ചാൽ കിട്ടാത്ത ഡിമാൻ്റായിരുന്നു മോഡലിന്. ഇപ്പോഴിതാ രണ്ട് വർഷങ്ങൾക്ക് ശേഷം അടിമുടി മാറ്റങ്ങളും പുത്തൻ ടെക്നോളജികളുമായി 2025 മോഡൽ സെൽറ്റോസ് ഡിസംബറിൽ എത്തുമെന്നാണ് റിപ്പോർട്ട് ചെയ്യുന്നത്. ഇപ്പോൾ തന്നെ രാജ്യത്ത് പലയിടത്തായി വാഹനം ടെസ്റ്റ് റൺ നടത്തുന്നതിൻ്റെ ദൃശ്യങ്ങൾ സോഷ്യൽ മീഡിയയിൽ വൈറലായിരുന്നു.

എല്ലാ വർഷവും, ഇരുചക്ര വാഹന പ്രേമികൾക്ക് വേണ്ടി മാത്രമായി ഇറ്റലിയിൽ EICMA എന്ന പേരിൽ ഒരു പ്രദർശനം നടത്താറുണ്ട്. നിരവധി ഓട്ടോമൊബൈൽ നിർമ്മാതാക്കൾ ഈ പ്രദർശനത്തിൽ തങ്ങളുടെ വരാനിരിക്കുന്ന മോഡലുകൾ പ്രദർശിപ്പിക്കും. ഇന്ത്യയിലെ പോലും മുൻനിര കമ്പനികൾ പ്രദർശനത്തിൽ പങ്കെടുക്കാറുണ്ട്. അങ്ങനെ ഈ വർഷത്തെ പ്രദർശനം നവംബർ 4-ന് ആരംഭിക്കുകയാണ്. സാധാരണ മോട്ടോർ ഷോ എന്നാൽ കാറുകളും ബൈക്കുകളും അതിനൊപ്പം തന്നെ വാണിജ്യവാഹനങ്ങളുമൊക്കെയാണ് അവതരിപ്പിക്കുന്നത്. എന്നാൽ ഇവിടെ തികച്ചും വ്യത്യസ്തമായി ടൂവീലറുകൾക്ക് വേണ്ടി മാത്രമാണ്. മോട്ടോർഷോയുടെ കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ഹ്യുണ്ടായി മോട്ടോര്‍ ഇന്ത്യയുടെ ആദ്യത്തെ കോംപാക്ട് എസ്‌യുവിയും ഹ്യുണ്ടായി ക്രെറ്റക്ക് പിന്നില്‍ കമ്പനിയുടെ ഏറ്റവും കൂടുതല്‍ വിറ്റഴിക്കപ്പെടുന്ന മോഡലുമാണ് വെന്യു. 2019 മെയ് മാസം പുറത്തിറങ്ങിയ വെന്യു എസ്‌യുവിയുടെ 7 ലക്ഷത്തില്‍ കൂടുതല്‍ യൂണിറ്റുകള്‍ ഇതിനോടകം ഇന്ത്യയില്‍ വിറ്റുപോയിട്ടുണ്ട്. യൂടിലിറ്റി വാഹന വിപണിയില്‍ ഏറ്റവും ചൂടേറിയ മത്സരം നടക്കുന്ന ഉപവിഭാഗമായ സബ് 4 മീറ്റര്‍ എസ്‌യുവികളുടെ ഭാഗമാണ് ഹ്യുണ്ടായി വെന്യു. ടാറ്റ പഞ്ച്, നെക്സോണ്‍, മാരുതി ബ്രെസ, ഫ്രോങ്ക്‌സ്, മഹീന്ദ്ര XUV 3XO, ടൊയോട്ട ടൈസര്‍, കിയ സിറോസ്, സ്‌കോഡ കൈലാക് തുടങ്ങിയ ഉയര്‍ന്ന വില്‍പ്പനയുള്ള മോഡലുകളുമായാണ് വെന്യു ഏറ്റുമുട്ടുന്നത്.

വാഹന വിപണിയിൽ ഏറ്റവും വലിയ തരംഗം സൃഷ്ടിക്കാൻ ദില്ലി വണ്ടികൾക്ക് സാധിച്ചിരുന്നു. കാരണം മറ്റൊന്നുമല്ല 10 വർഷം കഴിഞ്ഞ ഡീസൽ വാഹനങ്ങളും 15 വയസ് തികഞ്ഞ പെട്രോൾ വാഹനങ്ങളും ഇനി ഉപയോഗിക്കാൻ സാധിക്കില്ല എന്ന നിയമം വന്നതോടെ കുറഞ്ഞ വിലയ്ക്ക് തങ്ങളുടെ വാഹനങ്ങൾ വിൽക്കാൻ ദില്ലി നിവാസികൾ നിർബന്ധിതരാകുകയായിരുന്നു. ഏത് വണ്ടി വേണമെങ്കിലും ഞങ്ങൾ എടുത്തോളാം എന്ന് പറഞ്ഞ് കേരളത്തിൽ നിന്ന് കൈ നിറയെ കാശുമായി വാഹനബ്രോക്കർമാർ രാജ്യ തലസ്ഥാനത്തേക്ക് വണ്ടി കയറുകയും ചെയ്തു. എന്നാൽ ഇപ്പോൾ ദില്ലി സർക്കാരിൻ്റെ പുതിയ പ്രഖ്യാപനം സ്വന്തം വാഹനം പൊളിക്കാൻ കളയേണ്ടി വരുമെന്ന് വിഷമിച്ച് ഇരുന്ന ഉടമകൾക്ക് സന്തോഷം നൽകുന്നതാണ്.

റോയൽ എൻഫീൽഡിനോട് എന്നും ഒരു താൽപ്പര്യം കൂടുതൽ പ്രായഭേദമന്യെ ജനങ്ങൾക്കുണ്ട്. പുത്തൻ ബുള്ളറ്റിൻ്റെ വില തന്നെ പഴയ വാഹനങ്ങൾക്ക് കൊടുത്ത് വാങ്ങുന്ന വണ്ടി പ്രാന്തൻമാരുടെ എണ്ണവും കുറവല്ല. എന്നാൽ ചിലർ സെക്കൻഡ് ഹാൻഡ് ക്ലാസിക് 350 വാഹനം വാങ്ങി പണി കിട്ടുന്നതായി പറഞ്ഞ് കേട്ടിട്ടുണ്ട്. ഏതൊരു വാഹനമാണെങ്കിലും പ്രത്യേകിച്ച് യൂസ്ഡ് വാഹനമാകുമ്പോൾ കുറച്ച് കാര്യങ്ങൾ ശ്രദ്ധിക്കേണ്ടതായിട്ടുണ്ട്. ആദ്യം തന്നെ വാഹനത്തിൻ്റെ എഞ്ചിൻ കണ്ടീഷൻ പരിശോധിക്കണം. ബൈക്കിൻ്റെ ഹൃദയം എന്ന് തന്നെ വിശേഷിപ്പിക്കാമല്ലോ എഞ്ചിനെ. നിങ്ങൾ ഒരു യൂസ്ഡ് ബുള്ളറ്റ് വാങ്ങാൻ പ്ലാൻ ചെയ്യുന്നുണ്ടെങ്കി ഈ കാര്യങ്ങൾ കൂടി മനസിൽ വച്ചോളു.

2025 ഒക്‌ടോബറില്‍ റെക്കോഡ് വില്‍പ്പനയാണ് മാരുതി സുസുക്കി ഇന്ത്യയില്‍ നിന്ന് വാരിയത്. ഉത്സവ സീസണ്‍ സമയത്ത് തന്നെ ജിഎസ്ടി നിരക്ക് ഇളവുകള്‍ കൂടി ലഭ്യമായതോടെ സെക്കന്‍ഡ് ഹാന്‍ഡ് കാറുകള്‍ വാങ്ങാന്‍ നിന്നവര്‍ വരെ പുതിയ വാങ്ങിയതായാണ് വില്‍പ്പന റിപ്പോര്‍ട്ട് പരിശോധിക്കുമ്പോള്‍ നമുക്ക് മനസ്സിലാകുന്നത്. കഴിഞ്ഞ മാസം ആഭ്യന്തര വില്‍പ്പനയും കയറ്റുമതിയുമെല്ലാം ചേര്‍ത്ത് മാരുതി സുസുക്കി 2.20 ലക്ഷം യൂണിറ്റാണ് വിറ്റഴിച്ചത്. ഇതില്‍ തന്നെ വലിയ നേട്ടമുണ്ടാക്കിയ ഒരു മോഡല്‍ ആണ് മാരുതി സുസുക്കി ഈക്കോ. മാരുതി ഒംനി വിപണില്‍ തീര്‍ത്ത വിടവ് നികത്താനായി വന്ന ഈക്കോ ആ പണി വൃത്തിക്ക് ചെയ്യുന്നുണ്ട്.

ഇന്ത്യയില്‍ എസ്‌യുവികള്‍ക്കുള്ള ഡിമാന്‍ഡ് മുതലെടുക്കാനായി 2025 സെപ്റ്റംബര്‍ 15-ന് മാരുതി സുസുക്കി പുറത്തിറക്കിയ മോഡല്‍ ആണ് വിക്‌ടോറിസ് (Maruti Suzuki Victoris). ഈ വിഭാഗത്തില്‍ തന്നെ മാരുതി സുസുക്കി ഗ്രാന്‍ഡ് വിറ്റാരയെന്ന മോഡല്‍ കമ്പനി വിപണനം ചെയ്യുന്നുണ്ടെങ്കിലും വിക്‌ടോറിസ് അരീന ഡീലര്‍ഷിപ്പുകള്‍ വഴി കൂടുതല്‍ താങ്ങാനാകുന്ന വിലയിലാണ് ലഭ്യമാക്കിയിരിക്കുന്നത്. ഇതിനോടകം ഇന്ത്യന്‍ വാഹനപ്രേമികള്‍ക്കിടയില്‍ സംസാരവിഷയമായ കാറിന്റെ ബുക്കിംഗ് കമ്പനി സെപ്റ്റംബര്‍ നാലിന് തന്നെ ആരംഭിച്ചിരുന്നു. വെറും 11000 രൂപ ടോക്കണ്‍ തുക നല്‍കി അംഗീകൃത മാരുതി സുസുക്കി അരീന ഡീലര്‍ഷിപ്പുകള്‍ വഴിയും കമ്പനിയുടെ ഔദ്യോഗിക വെബ്‌സൈറ്റ് വഴിയും വിക്‌ടോറിസ് റിസര്‍വ് ചെയ്യാം.

ലോകത്തിൽ ഏറ്റവും വേഗത്തിൽ വളരുന്നു വരുന്ന വൻകിട വാഹന നിർമാതാക്കളിൽ ഒന്നാണ് കിയ. 1944 ൽ ദക്ഷിണ കൊറിയയിൽ സ്ഥാപിതമായ ബ്രാൻഡ് ഇന്ന് 90 ലധികം രാജ്യങ്ങളിൽ തങ്ങളുടെ ആധിപത്യം ഉറപ്പിച്ചുക്കഴിഞ്ഞിരിക്കുന്നു. കോം‌പാക്‌ട് ഹാച്ച്ബാക്കുകളും സെഡാനുകളും മുതൽ എസ്‌യുവികളും EV6, EV9 പോലുള്ള കട്ടിംഗ്-എഡ്ജ് ഇലക്ട്രിക് വാഹനങ്ങളും വരെ നിരത്തിലിറക്കുന്നതിൽ കേമൻമ്മാരാണ് ദക്ഷിണ കൊറിയയിൽ നിന്നുള്ള ബ്രാൻഡ്. കിയ ഇന്ത്യ രാജ്യത്ത് അരങ്ങേറ്റം കുറിച്ചതിനുശേഷം ഇതുവരെയുള്ള മാസത്തെ ഏറ്റവും ഉയർന്ന വിൽപ്പന രേഖപ്പെടുത്തിയിരിക്കുകയാണിപ്പോൾ.

കഴിഞ്ഞ വര്‍ഷം നവംബറില്‍ മഹീന്ദ്ര പുറത്തിറക്കിയ BE 6, XEV 9e എന്നീ രണ്ട് ഇലക്ട്രിക് എസ്‌യുവികളും വമ്പന്‍ ഹിറ്റായിരുന്നു. 'ഇന്ത്യന്‍ ടെസ്‌ലകള്‍' എന്ന വിശേഷണം ലഭിച്ച ഇരുമോഡലുകളും വിപണിയില്‍ നിന്ന് മികച്ച പ്രതികരണം നേടിയത് മഹീന്ദ്രക്ക് മോഡേണ്‍ ഇവി നിര വിപുലീകരിക്കാന്‍ പ്രചോദനം നല്‍കി. ഈ രണ്ട് എസ്‌യുവികളും പുറത്തിറങ്ങിയതിന്റെ ഒന്നാം വാര്‍ഷികം ആഘോഷിക്കാനിരിക്കേ മഹീന്ദ്ര ഈ മാസം തന്നെ പുറത്തിറക്കാന്‍ പോകുന്ന പുത്തന്‍ ഇലക്ട്രിക് എസ്‌യുവിയുടെ ടീസര്‍ പുറത്തുവിട്ടു. ടീസറില്‍ നിന്ന് പുത്തന്‍ എസ്‌യുവിയെ കുറിച്ച് മനസ്സിലായത് ചുവടെ വായിക്കാം.

സ്പോർട്‌സ് കാറുകളിലെ സുൽത്തൻമാരാണ് ജർമൻ വാഹന നിർമാതാക്കളായ പോർഷ. സിനിമാ താരങ്ങളും വലിയ വ്യവസായികളുമെല്ലാം വാങ്ങിക്കൂട്ടുന്ന പോർഷ കാറുകൾ കണ്ട് നമ്മളിൽ പലരും സന്തോഷിക്കാറുണ്ട്. ബ്രാൻഡിന്റെ നിരയിലെ ഏറ്റവും ഡിമാന്റുള്ള മോഡലുകളിൽ ഒന്നാണ് പനമേര. പല വേരിയന്റുകളിൽ ഇന്ത്യൻ വിപണിയിലെത്തുന്ന ആഡംബര വാഹനത്തിന് കോടികളാണ് വില വരുന്നത്. കൃത്യമായി പറഞ്ഞാൽ നിലവിൽ 1.71 കോടി മുതൽ 2.33 കോടി രൂപ വരെയാണ് പനമേര സീരീസിന് വരുന്ന എക്സ്ഷോറൂം വില. ഇപ്പോഴിതാ ചെറിയൊരു നിർമാണ തകരാർ കാരണം വാഹനത്തെ തിരിച്ചുവിളിച്ചിരിക്കുകയാണ് കമ്പനി.

ഇന്ത്യയിലെ ഏറ്റവും വലിയ വാഹന നിർമാതാക്കളാണ് മാരുതി സുസുക്കി. വിൽപ്പനയുടെ കാര്യത്തിൽ മറ്റൊരു കമ്പനിക്കും ഇതുവരെ ബ്രാൻഡിന് വെല്ലുവിളിയാവാൻ സാധിച്ചിട്ടില്ലെന്നതാണ് സത്യം. ഓരോ മാസവും ലക്ഷക്കണക്കിന് കാറുകളാണ് ഇന്ത്യയിൽ മാത്രം മാരുതി വിറ്റഴിക്കുന്നത്. ഒപ്പം വിദേശത്തേക്ക് കാർ കയറ്റി അയക്കുന്നതിലും ഇവർക്കൊപ്പം ഓടിയെത്താൻ എതിരാളികൾക്കാവുന്നില്ല. 2025-26 സാമ്പത്തിക വർഷത്തിന്റെ രണ്ടാം പാദത്തിലെ സാമ്പത്തിക ഫലങ്ങൾ മാരുതി സുസുക്കി ഇന്ത്യ ലിമിറ്റഡ് പുറത്തുവിട്ടതോടെ ഇക്കാര്യം ഊട്ടിയുറപ്പിക്കാനുമാവും. ഇതിൽ ആഗോള കയറ്റുമതി ആഭ്യന്തര വിൽപ്പനയെക്കാൾ കൂടുതലായിരുന്നുവെന്ന് പറഞ്ഞാൽ ആരെങ്കിലും വിശ്വസിക്കുമോ?

പുത്തനൊരു ബൈക്ക് വാങ്ങുമ്പോൾ അതിൽ എല്ലാത്തരം ഫീച്ചറുകളും ഉണ്ടാവണമെന്ന് ആഗ്രഹിക്കുന്നവരാണ് നമ്മളിൽ പലരും. കേരളത്തിലെ കുണ്ടും കുഴിയും നിറഞ്ഞ റോഡുകൾക്ക് ശരിക്കും അഡ്വഞ്ചർ മോട്ടോർസൈക്കിളുകളാണ് നല്ലതെങ്കിലും എല്ലാവരുടേയും ടേസ്റ്റ് വ്യത്യസ്‌തമായിരിക്കുമല്ലോ. മികച്ച ഹാൻഡ്‌ലിംഗിനും സ്റ്റെബിലിറ്റിയും കിട്ടാൻ അപ്‌സൈഡ്-ഡൗൺ ഫോർക്കുകളുള്ള ബൈക്കുകളെങ്കിലും നോക്കി വാങ്ങാൻ ഇപ്പോൾ പലരും ശ്രമിക്കാറുണ്ട്. അടുത്തിടെയായി ഇന്ത്യയിലെ ബൈക്കുകളിൽ ഏറ്റവും കൂടുതൽ ആവശ്യപ്പെടുന്ന സവിശേഷതകളിൽ ഒന്നായി ഇത് മാറിയിട്ടുമുണ്ട്. പണ്ട് വില കൂടിയ ബൈക്കുകളിൽ മാത്രമായിരുന്നു ലഭ്യമായിരുന്നതെങ്കിൽ ഇപ്പോൾ ചെറിയ വിലയുള്ള 125 സിസി മോഡലുകളിൽ പോലും ലഭ്യമായി തുടങ്ങിയിട്ടുണ്ട്.

അഡ്വഞ്ചർ മോട്ടോർസൈക്കിളുകളുടെ നല്ലകാലമാണിത്. വർഷങ്ങൾക്ക് മുമ്പേ റോയൽ എൻഫീൽഡ് ഹിമാലയൻ തിരികൊളുത്തിയ ട്രെൻഡ് ഇപ്പോൾ ടിവിഎസ് വരെ ഏറ്റെടുത്തിരിക്കുകയാണ്. ചെറിയ വിലയിലെത്തിയ RTX 300 രാജ്യത്ത് വലിയ വിപ്ലവം തന്നെയാരിക്കുമെന്നാണ് വിലയിരുത്തൽ. എഡിവി വിഭാഗത്തിൽ നിന്നും ബിഎംഡബ്ല്യു മോട്ടോറാഡ് അടുത്തിടെ 310 GS പിൻവലിച്ചത് പലർക്കും നിരാശ നൽകിയിരുന്നു. രാജ്യത്ത് കമ്പനി പുറത്തിറക്കുന്ന ഏറ്റവും കുറഞ്ഞ വിലയുള്ള മോഡലിന്റെ വിൽപ്പന അവസാനിപ്പിച്ചത് പലരും സങ്കടത്തോടെയാണ് നോക്കിനിന്നത്. എന്നാൽ പുതുപുത്തനൊരു അഡ്വഞ്ചർ ബൈക്ക് അവതരിപ്പിക്കാനായിരുന്നു ബവേറിയൻ ബ്രാൻഡ് ഇത്തരത്തിലൊരു തീരുമാനം കൈക്കൊണ്ടത്.

ഇന്ത്യക്കാർക്കിടയിൽ ഹൈബ്രിഡ് കാറുകളെ ജനപ്രിയമാക്കിയവരാണ് ജാപ്പനീസ് വാഹന നിർമാതാക്കളായ ടൊയോട്ട. കാമ്രി, ഹൈക്രോസ്, ഹൈറൈഡർ തുടങ്ങിയ മോഡലുകളിലാണ് ഈയൊരു എഞ്ചിൻ ഘടിപ്പിച്ച് കമ്പനി പണംവാരുന്നത്. മാരുതി സുസുക്കി ഗ്രാൻഡ് വിറ്റാരയിലും പുതുതായി പുറത്തിറക്കിയ വിക്ടോറിസിലും വരെ ടൊയോട്ടയുടെ ഹൈബ്രിഡ് എഞ്ചിനാണ് ഉപയോഗിക്കുന്നത് എന്നകാര്യം ഇപ്പോഴും പലർക്കും അറിയാൻ വയ്യ. എന്തായാലും ഈ ടെക്നോളജിയിൽ അഗ്രകണ്യൻമാരായ കമ്പനി തങ്ങളുടെ കാമ്രി ഹൈബ്രിഡ് കാറിന് തിരിച്ചുവിളിച്ചിരിക്കുകയാണ്. 2019 മുതൽ ഇന്ത്യയിൽ വിൽപ്പനയ്‌ക്കുള്ള മോഡൽ ആഡംബര കാർ വിഭാഗത്തിൽ തന്റേതായ സ്ഥാനം കണ്ടെത്തി മുന്നേറുന്നുണ്ട്.

വളർന്നുക്കൊണ്ടിരിക്കുന്ന ഇന്ത്യൻ ഓട്ടോമോട്ടീവ് മത്സരവിപണിയിൽ തരംഗം സൃഷ്ടിക്കാനൊരുങ്ങുകയാണ് ഇലക്ട്രിക് വാഹനങ്ങൾ. വരും വർഷങ്ങളിൽ ഇന്ത്യയിലെ വൻകിട വാഹനനിർമ്മാതാക്കൾ നിരത്തിലിറക്കാൻ പോകുന്നത് ഒരുക്കൂട്ടം ഇലക്ട്രിക് കാറുകളെയാണ്. സർക്കാർ പിന്തുണയും, വർദ്ധിച്ചുവരുന്ന ഉപഭോക്തൃ അവബോധവും, ചാർജിംഗ് അടിസ്ഥാന സൗകര്യങ്ങളിലെ പുരോഗതിയും കൊണ്ട് ഇലക്ട്രിക് വാഹനങ്ങൾ പഴയതിനേക്കാൾ ആകർഷകവും കുറഞ്ഞ വിലയിൽ ലഭിക്കുമെന്നതിലേക്ക് മാറിയിരിക്കുകയാണ്. മാരുതി സുസുക്കി, മഹീന്ദ്ര, ഹ്യുണ്ടായ്, കിയ, ടാറ്റ മോട്ടോഴ്‌സ് തുടങ്ങിയ ജനപ്രിയ കമ്പനികളാണ് വരും വർഷത്തെ അവരുടെ മോഡലുകളെ അവതരിപ്പിക്കാൻ പോകുന്നത്. വരാനിരിക്കുന്ന ഇലക്ട്രിക് കാറുകളെക്കുറിച്ച് കൂടുതൽ അറിഞ്ഞാലോ.