മഹീന്ദ്രയുടെ മുന്‍നിര മോഡലായ XUV700-ന്റെ ഫെയ്‌സ്ലിഫ്റ്റ് പതിപ്പായ XUV 7XO കഴിഞ്ഞ ദിവസം വിപണിയിലെത്തി. മുന്‍ഗാമിയെ അപേക്ഷിച്ച് ഡിസൈനിലും ടെക്‌നോളജിയിലും വലിയ വിപ്ലവമാണ് മഹീന്ദ്ര പുതിയ പതിപ്പില്‍ കൊണ്ടുവന്നിരിക്കുന്നത്. ഈ പരിഷ്‌കാരങ്ങള്‍ വാഹനത്തിന്റെ പ്രീമിയം ലുക്ക് വര്‍ദ്ധിപ്പിക്കാന്‍ സഹായിക്കുന്നതോടൊപ്പം മിഡ്‌സൈസ് എസ്‌യുവി വിഭാഗത്തില്‍ മത്സരക്ഷമതയോടെ നിലനിര്‍ത്താന്‍ സഹായിക്കും. XUV 7XO, XUV700 -യുടെ പകരക്കാരനായല്ല മറിച്ച് അതിനെ അടിസ്ഥാനമാക്കിയുള്ള സമഗ്രമായ മിഡ്-സൈക്കിള്‍ അപ്ഡേറ്റായിട്ടാണ് മഹീന്ദ്ര സ്ഥാപിച്ചിരിക്കുന്നത്. XUV700 എസ്‌യുവിയില്‍ നിന്ന് XUV 7XO എങ്ങനെ വ്യത്യാസപ്പെട്ടിരിക്കുന്നു എന്ന് നമുക്ക് ഈ ലേഖനത്തില്‍ വിശദമായി നോക്കാം.

ഫാമിലി എംപിവിയായ മാരുതി സുസുക്കി എർട്ടിഗയ്ക്ക് വിപണിയിൽ ഉയർന്ന ഡിമാൻഡാണ് രേഖപ്പെടുത്തിയിരിക്കുന്നത്. 2025 ഡിസംബറിൽ 16,300 യൂണിറ്റുകളാണ് വിറ്റഴിച്ചത്. നവംബറിൽ 16,197, ഒക്ടോബറിൽ 20,087, സെപ്റ്റംബറിൽ 12,115, ഓഗസ്റ്റിൽ 18,445 എന്നിങ്ങനെയാണ് മുൻ മാസങ്ങളിലെ വിൽപ്പന. പ്രതിമാസം ശരാശരി 16,628 യൂണിറ്റ് വിൽപ്പനയാണ് എർട്ടിഗക്ക് രേഖപ്പെടുത്തുന്നത്. വാഹനത്തിന്റെ വിലക്കുറവും, വാണിജ്യ-വ്യക്തിഗത ആവശ്യങ്ങൾക്കുള്ള യോജിക്കുന്നു എന്നതുമാണ് വിൽപ്പന വർധനവിന് പ്രധാന കാരണം. 2025 സെപ്റ്റംബർ 22 മുതൽ പ്രാബല്യത്തിൽ വന്ന ജിഎസ്‌ടി പരിഷ്കരണം മൂലം എർട്ടിഗയുടെ വില കുറഞ്ഞിരുന്നു.

ഇന്ത്യയിലെ സബ്-4 മീറ്റർ എസ്‌യുവി സെഗ്മെൻ്റ് ഭരിക്കുന്ന ടാറ്റ നെക്സോണിനെയും മാരുതി സുസുക്കി ബ്രെസയെയും വെല്ലുവിളിക്കാൻ സാക്ഷാൽ സ്കോഡ പുറത്തിറക്കിയ ആയുധമാണ് കൈലാക് എന്ന കൊച്ചുമിടുക്കൻ എസ്‌യുവി. മലയാളി പേരിട്ട വാഹനത്തിന് അതിവേഗം തന്നെ വലിയ സ്വീകാര്യത നേടിയെടുക്കാനായെന്ന് വേണം പറയാൻ. കുറഞ്ഞ വില, നല്ല പെർഫോമൻസ്, അന്യായ സേഫ്റ്റി അങ്ങനെയെല്ലാം കൂടി ഒന്നിച്ച് കിട്ടുന്ന സ്കോഡ കൈലാക്കിനെ ഇഷ്‌ടപ്പെടാതിരിക്കാൻ ആർക്കും കാരണം കണ്ടെത്താനാവില്ല. ചെക്ക് റിപ്പബ്ലിക്കൻ ബ്രാൻഡിൻ്റെ നിർമാണ ശേഷി മാരുതിയെയും ടാറ്റയെയും വെച്ച് താരതമ്യപ്പെടുത്താനാവാത്തതാണ്.

ഇന്ത്യന്‍ ഇലക്ട്രിക് ഇരുചക്ര വാഹന വിപണിയില്‍ പുതിയ വിപ്ലവത്തിന് തുടക്കമിട്ട് സിമ്പിള്‍ എനര്‍ജി ഇന്നലെ (05 ജനുവരി 2026) തങ്ങളുടെ ഫ്‌ലാഗ്ഷിപ്പ് മോഡലായ 'സിമ്പിള്‍ അള്‍ട്രാ' ഇന്ത്യന്‍ വിപണിയില്‍ അവതരിപ്പിച്ചു. സിമ്പിള്‍ വണ്‍ ഇലക്ട്രിക് സ്‌കൂട്ടറുകളുടെ രണ്ടാാ തലമുറ പതിപ്പിനൊപ്പമായിരുന്നു സിമ്പിള്‍ അള്‍ട്രായുടെ അരങ്ങേറ്റം. അള്‍ട്രാ കൂടി എത്തിയതോടെ സിമ്പിളിന്റെ വാഹന ശ്രേണിയിലുള്ള മോഡലുകളുടെ എണ്ണം നാലായി ഉയര്‍ന്നു. സിമ്പിളിന്റെ പുതിയ പടയാളി നിരവധി പ്രത്യേകതകളുമായാണ് എത്തിയിരിക്കുന്നത്. പുതിയ ഇലക്ട്രിക് സ്‌കൂട്ടര്‍ വാങ്ങുന്നതിന് മുമ്പ് അറിഞ്ഞിരിക്കേണ്ട 5 കാര്യങ്ങളാണ് ഈ ലേഖനത്തില്‍ വിവരിക്കുന്നത്.

അഡ്വഞ്ചർ മോട്ടോർസൈക്കിളുകളിലെ രാജാവാണ് റോയൽ എൻഫീൽഡ് ഹിമാലയൻ എങ്കിൽ രാജകുമാരനായി വാഴ്ത്തപ്പെടാവുന്ന മോഡലാണ് കെടിഎമ്മിൻ്റെ 390 അഡ്വഞ്ചർ (KTM 390 Adventure). ഏത് കുന്നും മലയും ഹൈവേയും പുഷ്‌പം പോലെ പറന്നുകയറുന്ന എഞ്ചിൻ തന്നെയാണ് ഇതിൻ്റെ വലിയ ഹൈലൈറ്റ്. ഒപ്പം ന്യൂജെൻ മോഡലിൽ അവതരിപ്പിച്ച ഡിസൈനും ആളുകൾക്ക് ഏറെയിഷ്‌ടമായിട്ടുണ്ട്. പണ്ടത്തെ പ്രതാപമെല്ലാം നഷ്‌ടപ്പെട്ട് ദുരതത്തിലായ ഓസ്ട്രിയൻ ഇരുചക്ര വാഹന നിർമാതാക്കൾക്ക് പുതുജീവൻ കൂടിയായിരുന്നു പുതിയ 390 അഡ്വഞ്ചർ സമ്മാനിച്ചത്. ഇപ്പോഴിതാ ബൈക്കിന് ന്യൂഇയർ ഓഫറുമായി രംഗത്തെത്തിയിരിക്കുകയാണ് കെടിഎം.

പുതുവര്‍ഷത്തില്‍ കാര്‍ വാങ്ങാന്‍ ഒരുങ്ങുന്നവര്‍ക്ക് തിരിച്ചടിയായി ഇന്ത്യയിലെ നമ്പര്‍ 1 ബ്രാന്‍ഡായ മാരുതി സുസുക്കി കാറുകള്‍ക്ക് വില വര്‍ധിപ്പിക്കാന്‍ പോകുന്നു. 2026 ജനുവരി 15 മുതല്‍ മാരുതി തങ്ങളുടെ എല്ലാ മോഡലുകളുടെയും വില വര്‍ദ്ധിപ്പിക്കാന്‍ തീരുമാനിച്ചതായ v3cars റിപ്പോര്‍ട്ട് ചെയ്യുന്നു. 2025 സെപ്റ്റംബറില്‍ നടപ്പാക്കിയ ജിഎസ്ടി ഇളവുകളുടെ ഭാഗമായി ലഭിച്ച ആനുകൂല്യം നിലനില്‍ക്കുമെങ്കിലും ഇതിനു മുകളില്‍ നല്‍കുന്ന അധിക കിഴിവുകള്‍ ഉപഭോക്താക്കള്‍ക്ക് ലഭ്യമാകില്ലെന്നാണ് റിപ്പോര്‍ട്ടില്‍ പറയുന്നത്. ഉല്‍പ്പാദനച്ചെലവ് വര്‍ദ്ധിച്ചതും ചരക്കുനീക്കത്തിനുള്ള അധിക ചെലവുകളുമാണ് വില കൂട്ടാന്‍ കാരണമായി കമ്പനി ചൂണ്ടിക്കാട്ടുന്നത്. മോഡലിനും വേരിയന്റിനും അനുസരിച്ച് വില വര്‍ദ്ധനവില്‍ മാറ്റമുണ്ടാകും.

ജാപ്പനീസ് വാഹന നിർമ്മാതാക്കളായ നിസ്സാൻ 2025 ഡിസംബറിൽ റെക്കോർഡ് വിൽപ്പനയാണ് നേടിയിരിക്കുന്നത്. കഴിഞ്ഞ വർഷങ്ങളിലേക്കാൽ ഉയർന്ന പ്രതിമാസ കണക്കായി 15,372 യൂണിറ്റുകളാണ് വിറ്റഴിച്ചത്. ഈ വിൽപ്പനയുടെ ഭൂരിഭാഗവും കയറ്റുമതിയിലാണ് എന്നതാണ് പ്രത്യേകത. ഇതുവഴി നിസ്സാന്റെ ആഗോള സാന്നിധ്യം വ്യക്തമാകുന്നുണ്ട്. നിസാൻ 2025 ഡിസംബറിൽ 13,470 യൂണിറ്റുകൾ കയറ്റുമതി ചെയ്യുകയും 1,902 യൂണിറ്റുകൾ ആഭ്യന്തരമായി വിൽക്കുകയും ചെയ്തു, മൊത്തം 15,372 യൂണിറ്റുകളാണ് വിറ്റത്. 2025-ൽ 1.2 ദശലക്ഷം 'MADE IN INDIA' വാഹനങ്ങൾ 65 രാജ്യങ്ങളിലേക്ക് കയറ്റുമതി ചെയ്ത്, ഇന്ത്യയെ നിർമ്മാണ-കയറ്റുമതി ഹബ്ബാക്കി മാറ്റാൻ നിസാന് സാധിച്ചു.

ഇന്ത്യയിൽ വലിയൊരു തിരിച്ചുവരവിൻ്റെ പാതയിലാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. പണ്ട് ഉയർന്ന മെയിൻ്റനെൻസ് കോസ്റ്റിൻ്റെ പേരിൽ ഏറെ പഴി കേട്ടിരുന്ന കമ്പനി ഇപ്പോൾ മെയ്‌ഡ് ഇൻ ഇന്ത്യ മോഡലുകളുമായാണ് കളംനിറഞ്ഞുനിൽക്കുന്നത്. ഒക്‌ടാവിയ, സൂപ്പർബ്, ഫാബിയ, റാപ്പിഡ് തുടങ്ങിട പഴയ പടക്കുതിരകളെയെല്ലാം നിരയിൽ നിന്നും ഒഴിവാക്കി കുഷാഖ്, സ്ലാവിയ, കൈലാക് എന്നീ ത്രിമൂർത്തികളിലൂടെ വീണ്ടും വാഴ്ത്തപ്പെട്ടവനായി സ്കോഡ മാറിയിട്ടുണ്ട്. ഒപ്പം പ്രീമിയം കാറുകളായ ഒക്‌ടാവിയ RS, കൊഡിയാക് എന്നിവരേയും കൂട്ടി എല്ലാത്തരം ആളുകളേയും സ്കോഡ വശത്താക്കിയെന്ന് പറയാം.

തമിഴ്നാട്ടിലെ തിരുപ്പൂര്‍ സ്വദേശിയായ പ്രശസ്ത യുവ യൂട്യൂബറാണ് 'കൊടുവയ് അന്‍ബ്' എന്നറിയപ്പെടുന്ന അന്‍ബ് സെല്‍വം. പലരും ഒരു ആയുഷ്‌കാലത്തില്‍ പൂര്‍ത്തിയാക്കുന്ന സ്വപ്‌നം തന്റെ 15-ാമത്തെ വയസില്‍ സാക്ഷാത്കരിച്ചിരിക്കുകയാണ് അന്‍ബ്. കൗമാര പ്രായത്തില്‍ മഹീന്ദ്രയുടെ പുത്തന്‍ എസ്യുവി മോഡലായ ഥാര്‍ റോക്‌സ് (Mahindra Thar Roxx) സ്വന്തമാക്കിയാണ് അന്‍ബ് സോഷ്യല്‍ മീഡിയയില്‍ വീണ്ടും ചര്‍ച്ചയായിരിക്കുന്നത്. ആരാണ് കൊടുവയ് അന്‍ബ് എന്നും അദ്ദേഹം പുതുതായി വാങ്ങിയ ഥാര്‍ റോക്‌സ് ലൈഫ് സ്‌റ്റൈല്‍ എസ്‌യുവിയെ കുറിച്ചും വിശദമായി ചുവടെ വായിക്കാം.

ഈ അടുത്തകാലത്ത് ടാറ്റ മോട്ടോർസ് പുറത്തിറക്കിയ ഏറ്റവും മികച്ച വാഹനങ്ങളിൽ ഒന്നാണ് പഞ്ച് (Tata Punch). മൈക്രോ എസ്‌യുവി (Micro SUV) എന്നൊരു പുതിയ സെഗ്മെൻ്റിന് തുടക്കം കുറിച്ചുകൊണ്ട് എത്തിയ മോഡലാവട്ടെ മാരുതി സുസുക്കിയുടെ പല ഹാച്ച്ബാക്കുകൾക്കും പണികൊടുത്തിട്ടുണ്ട്. ചെറിയ വിലയിൽ എസ്‌യുവി മുതലാളിയാവാൻ അവസരം കിട്ടിയാൽ ഇന്ത്യക്കാർ വിടുമോ അല്ലേ. 2021-ൽ അവതരിപ്പിച്ച പഞ്ച് ഇതുവരെ 6 ലക്ഷത്തിലധികം വിൽപ്പനയുമായി ഇപ്പോഴും കുതിക്കുകയാണ്. ഇപ്പോഴിതാ നാല് വർഷങ്ങൾക്കിപ്പും മോഡലിൻ്റെ ആദ്യത്തെ ഫെയ്‌സ്‌ലിഫ്റ്റ് പതിപ്പ് വിപണിയിലേക്ക് എത്താൻ പോവുകയാണ്.

ഇന്ത്യയിലെ ബജറ്റ് എംപിവി വിഭാഗത്തിലേക്ക് ചുവടുവെക്കാനുള്ള തയാറെടുപ്പുകളെല്ലാം അവസാനഘട്ടത്തിൽ എത്തിയതായി അറിയിച്ചിരിക്കുകയാണ് നിസാൻ (Nissan). മാഗ്നൈറ്റ് എന്ന കോംപാക്‌ട് എസ്‌യുവിയുടെ പിൻബലത്തിൽ മാത്രം രാജ്യത്ത് പിടിച്ചുനിൽക്കുന്ന കമ്പനി ഈ വർഷം ഗ്രാവൈറ്റ് മൾട്ടി പർപ്പസ് വാഹനത്തിലൂടെയാണ് (Gravite MPV) അങ്കംമുറുക്കാൻ എത്തുന്നത്. റെനോ ട്രൈബറിനെ അടിസ്ഥാനമാക്കിയുള്ള എംപിവിയായിരിക്കും ഇതെന്ന വിവരം രാജ്യത്തെ വണ്ടിഭ്രാന്തൻമാരെല്ലാം ഇതിനോടകം അറിഞ്ഞിട്ടുണ്ടാവുമല്ലോ. മാഗ്നൈറ്റിൻ്റെ അതേ പ്ലാറ്റ്ഫോമിൽ തന്നെ പണികഴിപ്പിക്കുന്ന മോഡൽ 7 സീറ്റർ ആയിരിക്കുമെന്നതിനാൽ നല്ലൊരു ബജറ്റ് ഫാമിലി കാർ തേടുന്നവർക്ക് ആശ്വാസകരമായിരിക്കും.

മഹീന്ദ്ര ആന്‍ഡ് മഹീന്ദ്ര തങ്ങളുടെ ജനപ്രിയ എസ്‌യുവിയായ XUV700-ന്റെ ഫെയ്സ്ലിഫ്റ്റ് പതിപ്പായ മഹീന്ദ്ര XUV 7XO (Mahindra XUV 7XO) ഇന്ത്യന്‍ വിപണിയില്‍ അവതരിപ്പിച്ചു. XUV 3XO-യ്ക്ക് ശേഷം മഹീന്ദ്രയുടെ പുതിയ നാമകരണ ശൈലി പിന്തുടരുന്ന രണ്ടാമത്തെ വാഹനമാണിത്. ഡിസൈനിലും സാങ്കേതികവിദ്യയിലും വലിയ മാറ്റങ്ങളുമായാണ് പുതിയ മഹീന്ദ്ര XUV 7XO എത്തിയിരിക്കുന്നത്. 13.66 ലക്ഷം രൂപ പ്രാരംഭ എക്‌സ്‌ഷോറൂം വിലയിലാണ് മിഡ്‌സൈസ് എസ്‌യുവി പുറത്തിറങ്ങിയത്. മിഡ്‌ലൈഫ് ഫെയ്‌സ്‌ലിഫ്റ്റിന് വിധേയമായ എസ്‌യുവിയുടെ പുറംമോടിയില്‍ വലിയ പരിഷ്‌കാരങ്ങള്‍ മഹീന്ദ്ര വരുത്തിയിട്ടുണ്ട്.

പ്രമുഖ ഇലക്ട്രിക് വാഹന നിര്‍മ്മാതാക്കളായ സിമ്പിള്‍ എനര്‍ജി തങ്ങളുടെ പുതിയ തലമുറ (Gen 2) സ്‌കൂട്ടറുകള്‍ ഇന്ത്യന്‍ വിപണിയില്‍ സിമ്പിള്‍ വണ്‍, സിമ്പിള്‍ വണ്‍ S എന്നിവയുടെ പരിഷ്‌കരിച്ച പതിപ്പുകള്‍ക്കൊപ്പം ഒറ്റ ചാര്‍ജില്‍ 400 കിലോമീറ്റര്‍ ഐഡിസി റേഞ്ച് നല്‍കുന്ന 'സിമ്പിള്‍ അള്‍ട്രാ' (Simple Ultra) എന്ന പുത്തന്‍ മോഡലുമാണ് കമ്പനി പുറത്തിറക്കിയത്. ഇന്ത്യയിലെ ഏറ്റവും ഉയര്‍ന്ന റേഞ്ചുള്ള ഇലക്ട്രിക് സ്‌കൂട്ടറാണിതെന്ന് സിമ്പിള്‍ അവകാശപ്പെടുന്നു.സിമ്പിള്‍ അള്‍ട്രാ മോഡലിനെയും മറ്റ് രണ്ടാം തലമുറ സ്‌കൂട്ടറുകളെയും കുറിച്ച് ചുവടെ വിശദമായി വായിക്കാം.

ഇന്ത്യയിലെ ഇലക്‌ട്രിക് കാറുകൾക്കിടയിൽ പ്രത്യേക സ്ഥാനമുള്ള മോഡലാണ് എംജിയുടെ വിൻഡ്‌സർ ഇവി (MG Windsor EV). വിമാനത്തിലേത് പോലെ യാത്രാസുഖം തരുന്ന ബാറ്ററി വാഹനം ആളുകൾ നെഞ്ചിലേറ്റിയത് വളരെ വേഗത്തിലായിരുന്നു. ടാറ്റ നെക്സോൺ ഇവിയെ വരെ തൂക്കി രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന ഇവിയെന്ന പദവി അലങ്കരിക്കാനും വിൻഡ്‌സറിന് അധിക സമയമൊന്നും വേണ്ടിവന്നിരുന്നില്ല. ഇപ്പോഴിതാ 2025 കലണ്ടർ വർഷത്തിൽ രാജ്യത്ത് ഏറ്റവും കൂടുതൽ വിറ്റഴിച്ച ഇലക്‌ട്രിക് കാറായി വിൻഡ്‌സർ ഇവി മാറിയിരിക്കുകയാണ്. എംജി മോട്ടോർസാണ് ഇക്കാര്യം പത്രക്കുറിപ്പിലൂടെ അറിയിച്ചിരിക്കുന്നത്.

ടാറ്റ മോട്ടോര്‍സിന്റെ ജനപ്രിയ മൈക്രോ എസ്‌യുവിയായ പഞ്ച് പുതിയ രൂപത്തില്‍ വിപണിയിലെത്താന്‍ പോകുകയാണ്. ലോഞ്ചിന് കാഹളമൂതിക്കൊണ്ട് കമ്പനി കഴിഞ്ഞ ദിവസം പഞ്ച് ഫെയ്സ്ലിഫ്റ്റിന്റെ ടീസര്‍ പുറത്തുവിട്ടിരുന്നു. 2026 ജനുവരി 13-ന് വാഹനത്തിന്റെ ഔദ്യോഗിക അവതരണം നടക്കുമെന്നാണ് കമ്പനി സോഷ്യല്‍ മീഡിയയില്‍ പങ്കുവെച്ച ടീസറില്‍ അറിയിച്ചിരിക്കുന്നത്. 2021-ല്‍ പുറത്തിറങ്ങിയ പഞ്ച് ഐസിഇ പതിപ്പ് ഇതാദ്യമായാണ് അപ്ഡേറ്റിന് വിധേയമാകുന്നത്. നിലവില്‍ വില്‍പ്പനയിലുള്ള പഞ്ചില്‍ നിന്ന് പുത്തന്‍ മോഡലിനെ വ്യത്യസ്തമാക്കുന്ന കാര്യങ്ങളും ടീസറില്‍ വെളിപ്പെട്ട ചില സുപ്രധാന വിവരങ്ങളും ഈ ലേഖനത്തില്‍ വായിക്കാം.

പുതുവർഷത്തോട് അനുബന്ധിച്ച് മോഡൽ നിരയിൽ വില വർധനവ് നടപ്പിലാക്കുന്ന തിരക്കിലാണ് രാജ്യത്തെ ഒട്ടുമിക്ക ഇരുചക്ര വാഹന നിർമാതാക്കളും. സെപ്റ്റംബർ അവസാനത്തോടെ 350 സിസിക്ക് താഴെ എഞ്ചിൻ കപ്പാസിറ്റിയുള്ള ടീവീലറുകളുടെ വില കുറഞ്ഞത് ആളുകൾക്ക് വലിയ ആശ്വാസമായിരുന്നു. എന്നാൽ മാസങ്ങൾക്കിപ്പുറം പല കാരണങ്ങളും പറഞ്ഞ് വീണ്ടും വില കൂട്ടാൻ കമ്പനികൾ മത്സരിക്കുമ്പോൾ ഇവരിൽ നിന്നെല്ലാം വ്യത്യസ്‌തമായ നിലപാട് സ്വീകരിച്ചിരിക്കുകയാണ് ജാപ്പനീസ് നിർമാതാക്കളായ യമഹ (Yamaha). ഇന്ത്യയുടെ സ്വന്തം R15 സ്പോർട്‌സ് ബൈക്കിന് (R15 Sports Bike) വില കുറച്ചാണ് യമഹ മാതൃകയായിരിക്കുന്നത്.

ഇന്ത്യന്‍ വാഹന വിപണിയില്‍ 2025 ഡിസംബര്‍ മാസത്തില്‍ അപ്രതീക്ഷിത കുതിച്ചുചാട്ടം നടത്തി മാരുതി സുസുക്കി ബലേനോ ഒന്നാമതെത്തി. ഇന്ത്യക്കാരുടെ പ്രിയപ്പെട്ട പ്രീമിയം ഹാച്ച്ബാക്ക് 22,108 യൂണിറ്റുകള്‍ വിറ്റഴിച്ചുകൊണ്ടാണ് കഴിഞ്ഞ മാസം രാജ്യത്ത് ഏറ്റവും കൂടുതല്‍ വില്‍ക്കപ്പെട്ട കാറായി മാറിയത്. കോംപാക്ട് എസ്‌യുവികളെയും സെഡാനുകളെയും പിന്നിലാക്കിയാണ് ബലേനോ ഈ നേട്ടം കൈവരിച്ചത്. കഴിഞ്ഞ മൂന്ന് മാസങ്ങളായി ഒന്നാം സ്ഥാനം അലങ്കരിച്ച ടാറ്റ നെക്‌സോണും 2025-ലെ രാജ്യത്തെ ബെസ്റ്റ് സെല്ലറായ മാരുതി ഡിസയറുമടക്കം ബലേനോയുടെ പടയോട്ടത്തില്‍ പിന്നിലായി.ഡിസംബറില്‍ ഏറ്റവും കൂടുതല്‍ വില്‍പ്പന നേടിയ കാറുകള്‍ ഏതൊക്കെയെന്നും ബലേനോ എങ്ങിനെ നമ്പര്‍ 1 ആയെന്നും വായിക്കാം.

ജാപ്പനീസ് ഇരുചക്ര വാഹന നിർമാതാക്കളായ യമഹയ്ക്ക് ഇന്ത്യയിൽ പ്രത്യേക സ്ഥാനമാണുള്ളത്. RX 100, RX-Z, FZ, R-15, MT-15 എന്നിങ്ങനെ ഒട്ടേറെ കിടിലൻ മോട്ടോർസൈക്കിളുകൾ നമ്മുടെ രാജ്യത്തിന് സമ്മാനിച്ചിട്ടുള്ള ബ്രാൻഡ് പക്ഷേ ഏറെക്കാലമായി ഇന്ത്യയിൽ പുത്തനൊരു ബൈക്ക് പുറത്തിറക്കിയിട്ട്. നിലവിലുണ്ടായിരുന്ന മോഡലുകളെല്ലാം പുതുക്കിപുതുക്കി വെറുപ്പിച്ചുകൊണ്ടിരുന്ന യമഹ പക്ഷേ അടുത്തിടെ കിടിലനൊരു നിയോ റെട്രോ മോട്ടോർസൈക്കിളിനെ രാജ്യത്തിനായി സമ്മാനിക്കുകയുണ്ടായി. ഏറെക്കാലമായി ഇന്ത്യക്കാർ കാത്തിരിക്കുന്ന XSR 155 (Yamaha XSR 155) എത്തിയതോടെ ഷോറൂമിലെല്ലാം വീണ്ടും വലിയ തിരക്കാണ് അനുഭവപ്പെട്ടത്.

കേന്ദ്ര സര്‍ക്കാര്‍ 2025-ല്‍ ചരക്കുസേവന നികുതിയില്‍ (ജിഎസ്ടി) വരുത്തിയ പരിഷ്‌കാരങ്ങള്‍ ഇന്ത്യന്‍ വാഹന വിപണിയില്‍ വലിയ ചലനങ്ങള്‍ സൃഷ്ടിച്ചിരുന്നു. ചെറുകാറുകളുടെ നികുതി 28 ശതമാനത്തില്‍ നിന്ന് 18 ശതമാനമാക്കി കുറച്ചതോടെ പല മോഡലുകളുടെയും വില ഗണ്യമായി കുറഞ്ഞു. ഇന്ത്യയില്‍ ഏറ്റവും വിപുലമായ കോംപാക്ട് കാര്‍ പോര്‍ട്‌ഫോളിയോയുള്ള മാരുതി സുസുക്കി ഇതില്‍ നിന്ന് മികച്ച നേട്ടം കൊയ്യാനായി. ഒക്‌ടോബര്‍ മുതല്‍ ഡിസംബര്‍ വരെ ഉള്‍ക്കൊള്ളുന്ന 2025 കലണ്ടര്‍ വര്‍ഷത്തിന്റെ അവസാന പാദത്തില്‍ വന്‍ വളര്‍ച്ചയാണ് മാരുതി രേഖപ്പെടുത്തിയിരിക്കുന്നത്. ചെറു കാര്‍ വിപണിയില്‍ കമ്പനി അപ്രതീക്ഷിത മുന്നേറ്റമാണ് ഇപ്പോള്‍ കാഴ്ചവെക്കുന്നത്.

മാരുതി സുസുക്കിയുടെ ബജറ്റ് കാറുകളുടെയെല്ലാം പേടി സ്വപ്‌നമായി ടാറ്റ മോട്ടോർസ് അവതരിപ്പിച്ച കുഞ്ഞൻ മൈക്രോ എസ്‌യുവിയാണ് പഞ്ച് (Tata Punch). സേഫ്റ്റിയൊന്നുമില്ലാത്ത ഹാച്ച്ബാക്കുകൾ വാങ്ങിക്കുന്നതിലും നല്ലത് ഇടിപ്പരീക്ഷയിൽ 5-സ്റ്റാർ സേഫ്റ്റി സ്വന്തമാക്കിയ ഈ മോഡലാണെന്ന് തിരിച്ചറിയാൻ ഇന്ത്യക്കാർക്ക് അധിക സമയമൊന്നും ആവശ്യമായിരുന്നില്ല. ഗ്ലാമർ വേഷത്തിലെത്തിയ പഞ്ചിനെ ആദ്യ കാഴ്ച്ചയിൽ തന്നെ ഏവരും നെഞ്ചിലേറ്റി. വില കൂടി കേട്ടതോടെ ഷോറൂമിലെത്തുന്നവർക്കെല്ലാം ഈ സ്പോർട് യൂട്ടിലിറ്റി വാഹനം മതിയെന്ന അവസ്ഥയുമായി. ചൂടപ്പം പോലെ വിറ്റഴിഞ്ഞ പഞ്ച് അതിവേഗമാണ് ലക്ഷങ്ങളുടെ വിൽപ്പന കടന്നത്.

ഇന്ത്യൻ സിനിമാ ലോകത്തെ ലേഡി സൂപ്പർസ്റ്റാറായ മഞ്ജു വാര്യർ സോഷ്യൽ മീഡിയയിൽ ഒരു ഫോട്ടോയോ വീഡിയോ മറ്റോ പോസ്റ്റ് ചെയ്താൽ പിന്നെ വൈറലാണ്. ഇത്തവണ BMW R 1250 GS എന്ന പ്രീമിയം അഡ്വെഞ്ചർ ബൈക്ക് ഓടിക്കുന്ന ഒരു വീഡിയോ പോസ്റ്റ് ചെയ്കിരിക്കുകയാണ്. വീഡിയോ പുറത്തുവന്നതോടെ ആരാധകരും ബൈക്ക് പ്രേമികളും ഒരുപോലെ ആവേശത്തിലാണ്. സ്റ്റൈലിഷ് റൈഡിംഗ് ഗിയറുകളോടെ, വളരെ അനായാസത്തോടെയും ആത്മവിശ്വാസത്തോടെയും മഞ്ജു വാര്യർ ബൈക്ക് കൈകാര്യം ചെയ്യുന്ന ദൃശ്യങ്ങളാണ് വീഡിയോയിൽ കാണുന്നത്. വലിയ, ഭാരമേറിയ അഡ്വെഞ്ചർ ടൂറർ ബൈക്കായ BMW R 1250 GS സാധാരണയായി പരിചയസമ്പന്നരായ റൈഡർമാർ തിരഞ്ഞെടുക്കുന്നതാണ്.

ദിവസേനയുള്ള ഓഫീസ് യാത്രകൾക്കായി സ്റ്റൈലിഷും ഇന്ധനക്ഷമതയുമുള്ള ഒരു എസ്‌യുവി തേടുന്നവർക്ക് റെനോ കൈഗർ മികച്ചൊരു ഓപ്ഷനാണ്. നഗരത്തിലെ തിരക്കുകളിലും ഹൈവേകളിലും ഒരുപോലെ മികച്ച പ്രകടനം കാഴ്ചവെക്കുന്ന ഈ കോംപാക്റ്റ് എസ്‌യുവി, കുറഞ്ഞ ബഡ്ജറ്റിൽ പ്രീമിയം ഡ്രൈവിംഗ് അനുഭവം ആഗ്രഹിക്കുന്നവർക്കിടയിൽ ഏറെ ജനപ്രിയമോഡലാണ. കൈഗറിൻ്റെ വിലയും സവിശേഷതകളും എന്തൊക്കെയെന്ന് വിശദമായി നോക്കിയാലോ.റെനോ കൈഗറിൻ്റെ എക്സ്-ഷോറൂം വില 'ഓതന്റിക്' വേരിയൻ്റിന് 5.76 ലക്ഷം മുതൽ ആരംഭിക്കുന്നു. ടോപ്-എൻഡ് 'എമോഷൻ' വേരിയൻ്റിന് ഇത് ഏകദേശം 10.34 ലക്ഷം വരെയാണ്. ഇനി എഞ്ചിൻ വിശേഷങ്ങളിലേക്ക് കൂടി നോക്കാം.

ഇന്ത്യൻ ഇരുചക്രവാഹന വിപണിയിൽ പതിറ്റാണ്ടുകളായി ഹോണ്ടയുടെ ആധിപത്യത്തിന് പിന്നിൽ ഹോണ്ട ആക്ടിവ മോഡലിന് വലിയ പങ്കുണ്ട്. രാജ്യത്ത് ഏറ്റവുമധികം വിറ്റഴിക്കപ്പെടുന്ന സ്കൂട്ടറായ ആക്ടിവ, ഓരോ മാസവും ലക്ഷക്കണക്കിന് യൂണിറ്റുകളാണ് വിപണിയിലെത്തിക്കുന്നത്. പരമ്പരാഗത സ്കൂട്ടർ വിഭാഗത്തിൽ ഹോണ്ടയ്ക്ക് 'രാജാവ്' എന്ന സ്ഥാനം നേടിക്കൊടുത്തതും ഈ ജനപ്രീതിയാണ് എന്ന് ഒരു സംശയവും വേണ്ട. ഇതേ വിജയം ഇലക്ട്രിക് സ്കൂട്ടർ രംഗത്തും ലഭിക്കുമെന്നാണ് ഹോണ്ട ആഗ്രഹിച്ചത് ഇതിനായി ഹോണ്ട ആക്ടിവ ഇ (Honda Activa e), ഹോണ്ട ക്യുസി1 (Honda QC1) എന്നീ രണ്ട് ഇലക്ട്രിക് സ്കൂട്ടറുകൾ കമ്പനി പുറത്തിറക്കിയെങ്കിലും, ഇന്ത്യൻ ഉപഭോക്താക്കളുടെ വലിയ പ്രതീക്ഷകൾക്കൊത്ത് ഉയരാൻ സാധിച്ചില്ല.

ഇന്ത്യൻ വിപണിയിൽ ടാറ്റാ സിയറ രണ്ടാമതും എത്തിയതിന് ആവേശകരമായ സ്വീകരണമാണ് ലഭിക്കുന്നത്. എന്നാൽ, ഈ വാഹനവുമായി ബന്ധപ്പെട്ട് ചണ്ഡിഗഡിൽ നടന്ന ഒരു സംഭവം ഇപ്പോൾ സോഷ്യൽ മീഡിയയിൽ വലിയ ചർച്ചയായി മാറിയിരിക്കുകയാണ്. സാധാരണഗതിയിൽ രേഖകളോ ഗതാഗത നിയമലംഘനങ്ങളോ പരിശോധിക്കാൻ വാഹനങ്ങൾ നിർത്തുന്ന പോലീസുകാർ, ഒരു ടാറ്റാ സിയറയെ അവർക്ക് വേണ്ടി മാത്രം നിർത്തിയതാണ് ഈ സംഭവത്തെ വ്യത്യസ്തമാക്കുന്നത്. tv1indialive ഇൻസ്റ്റാഗ്രാം പേജിൽ പുറത്തുവിട്ട വീഡിയോ പെട്ടെന്നാണ് വൈറലായത്. 1991 മുതൽ 2003 വരെ ഇന്ത്യൻ വിപണിയിൽ ലഭ്യമായിരുന്ന ടാറ്റ സിയറ, ഏകദേശം 22 വർഷത്തെ ഇടവേളയ്ക്ക് ശേഷം കഴിഞ്ഞ നവംബർ 25-നാണ് പുതിയ രൂപത്തിൽ വീണ്ടും അവതരിപ്പിച്ചത്.