ഇലക്ട്രിക് വാഹന ലോകത്ത് നിരവധി കണ്ടുപിടിത്തങ്ങൾ നടക്കുകയാണ്. അടുത്ത വലിയ വിപ്ലവത്തിന് തിരശ്ശീല ഉയർത്താനുളള പദ്ധതികളാണ് ഒരുങ്ങുന്നത്. സ്മാർട്ട്ഫോൺ മേഖലയിലെ ടെക് ഭീമനായ ഹുവാവേ, ഇലക്ട്രിക് വാഹനങ്ങൾക്കായുള്ള സോളിഡ്-സ്റ്റേറ്റ് ബാറ്ററി സാങ്കേതികവിദ്യയിൽ കൈവെച്ചതോടെ ഇവിയുടെ ഭാവിയെക്കുറിച്ചുള്ള ചർച്ചകൾക്ക് വീണ്ടും ചൂടുപിടിച്ചിരിക്കുകയാണ്. 2027-ഓടെ യാഥാർത്ഥ്യമാകുമെന്നാണ് ഹുവാവേയുടെ അവകാശവാദം. ഇപ്പോൾ ഉപയോഗിക്കുന്ന ലിഥിയം-അയൺ ബാറ്ററികളുടെ പരിമിതികൾ മറികടക്കാൻ ശേഷിയുള്ളതാണ് സോളിഡ്-സ്റ്റേറ്റ് ബാറ്ററികൾ. കൂടുതൽ ഊർജ്ജ സാന്ദ്രത, ഉയർന്ന സുരക്ഷ, വേഗത്തിലുള്ള ചാർജിംഗ് എന്നിവയാണ് സോളിഡ്-സ്റ്റേറ്റ് ബാറ്ററികളുടെ പ്രധാന പ്രത്യേകതകൾ. എന്നാൽ, ഉയർന്ന നിർമ്മാണച്ചെലവും വലിയ തോതിലുള്ള ഉത്പാദന വെല്ലുവിളികളുമുണ്ട്.

കൊവിഡിന് ശേഷമാണ് സ്വകാര്യവാഹനങ്ങളുടെ ഉപയോഗം വർധിച്ചത്. ഒരു സ്കൂട്ടറെങ്കിലും ഇല്ലാത്ത വീടുകൾ വളരെ കുറവാണല്ലോ. സിറ്റി ഉപയോഗത്തിന് കൂടുതലും സ്കൂട്ടറുകളാണ് ഉപയോഗിക്കുന്നത്. സുഖകരമായ യാത്ര, കാലുകൾ വയ്ക്കാൻ ഉളള സ്ഥലം, മികച്ച സ്റ്റോറേജ് സൗകര്യം എന്നിവയൊക്കെയാണ് കാരണം. വിപണിയിൽ ധാരാളം പുതിയ മോഡലുകളുണ്ടെങ്കിലും, ചില സ്കൂട്ടറുകൾക്ക് മാത്രമേ തുടർച്ചയായി ജനപ്രീതി നിലനിർത്താൻ കഴിഞ്ഞിട്ടുള്ളൂ. 2025-ലെ വിൽപ്പന കണക്കുകളും വിപണി സ്വീകാര്യതയും അടിസ്ഥാനമാക്കി, ഇന്ത്യയിലെ ഏറ്റവും മികച്ച അഞ്ച് സ്കൂട്ടറുകൾ ഏതൊക്കെയെന്നാണ ഈ ലേഖനത്തിലൂടെ നിങ്ങളുമായി പങ്കുവയ്ക്കുന്നത്. തുടർന്ന് വായിക്കാൻ മറക്കരുതേ.

പുതിയൊരു കാർ വാങ്ങുമ്പോൾ മൈലേജും സേഫ്റ്റിയും നോക്കിയാണ് കൂടുതൽ ആളുകളും തങ്ങൾക്കിഷ്‌ടമുള്ള മോഡലുകൾ തെരഞ്ഞെടുക്കാറ് അല്ലേ. പിന്നെ ഡിസൈനും കൂടി ഇഷ്‌ടപ്പെട്ടാൽ അങ്ങനാരും മെക്കാനിക്കൽ വശങ്ങളിലേക്ക് ഒന്നും ശ്രദ്ധിക്കാറില്ല. പ്രത്യേകിച്ച് സസ്പെഷൻ പോലുള്ള കാര്യങ്ങൾ. ഇന്ന് കൂടുതലായും വിറ്റഴിയുന്നത് എസ്‌യുവികളാണെങ്കിലും ആളുകൾ യാത്രാസുഖമൊന്നും നോക്കാറില്ല. എന്നാൽ എസ്‌യുവി വാങ്ങിക്കാൻ പ്ലാൻ ചെയ്യുന്നവരാണ് നിങ്ങൾ എങ്കിൽ സസ്‌പെൻഷനുകളുടെ കാര്യത്തിൽ ഫ്രീക്വൻസി ഡിപൻഡൻ്റ് ഡാംപറുകൾ (FDD) സസ്‌പെൻഷൻ സാങ്കേതികവിദ്യ ഉപയോഗിക്കുന്ന മോഡലുകൾ വാങ്ങാൻ നോക്കണേ. കൂടുതൽ യാത്രാസുഖം നൽകുന്ന ഇവ നിങ്ങൾക്ക് ഉപകാരപ്പെടുമെന്നതിൽ സംശയമൊന്നും വേണ്ട.

നിയോ റെട്രോ മോട്ടോർസൈക്കിൾ വിപണിക്ക് ഉണർവേകിയ വർഷമായിരുന്നു 2025. റോയൽ എൻഫീൽഡ് ഹണ്ടർ 350, ടിവിഎസ് റോണിൻ എന്നിവയുടെ നിരയിലേക്ക് യമഹ XSR 155 കൂടി പുറത്തിറക്കിയതോടെ ഈ രംഗത്തെ മത്സരം കൂടുതൽ ആകർഷമായെന്ന് വേണം പറയാൻ. മൂന്ന് മോഡലുകളും എഞ്ചിൻ കപ്പാസിറ്റിയിൽ വ്യത്യാസമുണ്ടെങ്കിലും സ്റ്റൈലിംഗും വിലയും ഒരേ വിഭാഗത്തിൽ വരുന്നതിനാലാണ് ഇവ തമ്മിൽ മാറ്റുരയ്ക്കേണ്ടി വരുന്നത്. ഈ സെഗ്മെൻ്റിലെ അണ്ടർറേറ്റഡ് ആയിട്ടുള്ള മോഡലാണ് റോണിൻ 225. സ്ക്രാംബ്ലർ ബൈക്കുകളോടെ സാമ്യമുള്ള ഒരു ക്രോസ്ഓവർ ബ്രീഡാണ് ഈ ബൈക്ക്.

ഇന്ത്യൻ വാഹന വിപണിയിലേക്ക് റെനോ ഡസ്റ്റർ തിരിച്ചെത്താനൊരുങ്ങുന്നതിനാൽ വലിയ ആകാംഷയാണ് ഉയരുന്നത്. 2026 ജനുവരി 26-നാണ് വാഹനത്തിന്റെ ഔദ്യോഗിക അവതരണം റെനോ സ്ഥിരീകരിച്ചിട്ടുള്ളത്. ലോഞ്ചിന് മുന്നോടിയായി, ചെന്നൈയിൽ റോഡിൽ കാമഫ്ലോഗിൽ മറച്ച നിലയിൽ പരീക്ഷണയോട്ടം നടത്തുന്ന പുതിയ ഡസ്റ്ററിന്റെ സ്പൈ ചിത്രങ്ങൾ പുറത്തുവന്നിരിക്കുകയാണ്. കാറിൻ്റെ ഡിസൈൻ വളരെ വ്യക്തമായി തന്നെ മനസിലാകുന്ന തരത്തിലാണ് സ്പൈ ചിത്രങ്ങൾ പുറത്ത് വന്നിരിക്കുന്നത്. ഇന്ത്യൻ വിപണിക്ക് മാത്രമായി ഇന്ത്യയിൽ വികസിപ്പിച്ച 'സി.എം.എഫ്-ബി' (CMF-B) പ്ലാറ്റ്‌ഫോമിലാണ് പുതിയ തലമുറ ഡസ്റ്റർ എസ്‌യുവി ഒരുങ്ങുന്നത്.

പുതിയ കാര്‍ വാങ്ങുന്നതും അതിന്റെ ഡെലിവറിയുമെല്ലാം ആഘോഷമായാണ് ഇന്ന് ഇന്ത്യക്കാര്‍ കൊണ്ടാടുന്നത്. അടുത്തകാലത്തായി സിനിമാ സ്‌റ്റൈലില്‍ ചിത്രീകരിച്ച കാര്‍ ഡെലിവറി വീഡിയോകള്‍ നിരവധിയാണ് സോഷ്യല്‍ മീഡിയയില്‍ വൈറലായത്. കാറിന്റെ വലിപ്പമോ മറ്റ് കാര്യങ്ങളോ പരിഗണിക്കാതെ തന്നെ ചില ഡെലിവറി ശ്രദ്ധിക്കപ്പെടും. ഇപ്പോള്‍ മഹാരാഷ്ട്രയില്‍ നിന്നുള്ള ദമ്പതികള്‍ തങ്ങളുടെ പുതിയ ടാറ്റ പഞ്ച് (Tata Punch) ഡെലിവറി എടുത്ത രീതി ഇപ്പോള്‍ ഇന്റര്‍നെറ്റില്‍ വലിയ സംസാരവിഷയമായിരിക്കുകയാണ്. വാഹനത്തിന്റെ പേര് തുന്നിച്ചേര്‍ത്ത പ്രത്യേക വസ്ത്രം ധരിച്ചെത്തിയ യുവതിയുടെ വീഡിയോ ഇതിനോടകം ദശലക്ഷക്കണക്കിന് ആളുകളാണ് കണ്ടത്.

2026 മോഡൽ വർഷത്തേക്കുള്ള തങ്ങളുടെ നിഞ്ച 1100SX ബൈക്ക് കവസാക്കി ഇന്ത്യ വിപണിയിൽ അവതരിപ്പിച്ചിരിക്കുകയാണ്. കവസാക്കി നിഞ്ച നിരയിലെ ഏറ്റവും മികച്ച സ്പോർട്സ് ടൂറർ ബൈക്കാണിത്. 200 bhp കരുത്തുള്ള ZX-10R പോലുള്ള മോഡലുകളിൽ നിന്ന് വ്യത്യസ്തമായി, നിഞ്ച 1100SX യാത്രാ സൗകര്യത്തിന് പ്രാധാന്യം നൽകുന്ന ഒരു പ്രത്യേക സ്പോർട്സ് ടൂറർ മോഡലാണ് എന്നതാണ് എടുത്തു പറയേണ്ട പ്രത്യേകത. ലോകമെമ്പാടും ഇതിന് വലിയൊരു ഫാൻബേസ് തന്നെയുണ്ട്. പുതിയ 2026 കവസാക്കി നിഞ്ച 1100SX-ന് 14.42 ലക്ഷം രൂപയാണ് (എക്സ്-ഷോറൂം) വില നിശ്ചയിച്ചിരിക്കുന്നത്. മുൻതലമുറ 2025 നിഞ്ച 1100SX മോഡലിനെ അപേക്ഷിച്ച് വിലയിൽ മാറ്റങ്ങളൊന്നും വരുത്തിയിട്ടില്ല എന്നത് ശ്രദ്ധേയമാണ്.

യമഹയുടെ മോഡല്‍ നിരയിലെ സ്‌റ്റൈലിഷ് സ്‌കൂട്ടറായ ഫാസിനോ (Yamaha Fascino) 2025 നവംബര്‍ മാസത്തെ വില്‍പന റിപ്പോര്‍ട്ട് പുറത്ത് വന്നിരിക്കുകയാണ്. മുന്‍ വര്‍ഷത്തെ അപേക്ഷിച്ച് ഫാസിനോയുടെ വില്‍പ്പനയില്‍ വലിയ ഇടിവാണ് രേഖപ്പെടുത്തിയിരിക്കുന്നത്. മറുവശത്ത് കഴിഞ്ഞ മാസം യമഹയുടെ ബെസ്റ്റ് സെല്ലറായി മാറിയത് മറ്റൊരു സ്‌കൂട്ടറായിരുന്നുവെന്നതാണ് രസകരം. കഴിഞ്ഞ മാസത്തെ കമ്പനിയുടെ വില്‍പ്പനയുടെ പകുതി സംഭാവന ചെയ്ത് റേ ZR 125 ആണ് നവംബറില്‍ ഏറ്റവും കൂടുതല്‍ വിറ്റഴിക്കപ്പെട്ട യമഹ മോഡല്‍. ഈ സാഹചര്യത്തില്‍ വിപണിയിലെ പുതിയ മാറ്റങ്ങളും ഉപഭോക്തൃ താല്‍പ്പര്യവും ഫാസിനോയുടെ പ്രകടനത്തെ എങ്ങനെ ബാധിച്ചുവെന്ന് ഈ ലേഖനത്തില്‍ പരിശോധിക്കാം.

ഇന്ത്യന്‍ വിപണിയിലെ ഏറ്റവും മികച്ച മൈലേജ് വാഗ്ദാനം ചെയ്യുന്ന ഇരുചക്രവാഹനങ്ങളില്‍ ഒന്നായ ബജാജ് പ്ലാറ്റിനയുടെ വില്‍പനയില്‍ കഴിഞ്ഞ മാസം ഇടിവ് രേഖപ്പെടുത്തി. 2024 നവംബറിനെ അപേക്ഷിച്ച് 2025 നവംബറില്‍ വില്‍പന 28.13 ശതമാനമാണ് ഇടിഞ്ഞത്. റഷ്ലെയ്ന്‍ പുറത്തുവിട്ട ഏറ്റവും പുതിയ റിപ്പോര്‍ട്ടുകള്‍ പ്രകാരം കമ്മ്യൂട്ടര്‍ ബൈക്ക് സെഗ്മെന്റില്‍ ബജാജിന് നേരിട്ട ഈ തിരിച്ചടി വിപണിയില്‍ വലിയ ചര്‍ച്ചയായിട്ടുണ്ട്. 2024 നവംബറില്‍ 44,578 യൂണിറ്റ് പ്ലാറ്റിന ബൈക്കുകള്‍ വിറ്റഴിച്ച സ്ഥാനത്ത്, 2025 നവംബറില്‍ ഇത് 32,040 യൂണിറ്റുകളായി ചുരുങ്ങി. മുന്‍ വര്‍ഷത്തെ അപേക്ഷിച്ച് 12,538 യൂണിറ്റുകളുടെ കുറവാണ് വില്‍പനയില്‍ ദൃശ്യമാകുന്നത്.

ഇന്ത്യന്‍ വാഹന വിപണി എന്നും പുതുപുത്തന്‍ വാര്‍ത്തകളാല്‍ സജീവമാണ്. എന്നാല്‍ പലപ്പോഴും ഔദ്യോഗിക സ്ഥിരീകരണമില്ലാത്ത ഇത്തരം വാര്‍ത്തകള്‍ സോഷ്യല്‍ മീഡിയയിലൂടെയും മറ്റും അതിവേഗം പ്രചരിക്കുകയും വാഹനപ്രേമികള്‍ അവ കണ്ട് ആവേശഭരിതരാകുകയും ചെയ്യാറുണ്ട്. പിന്നീടാണ് ഐക്കണിക് ബ്രാന്‍ഡുകളുടെ തിരിച്ചുവരവും പുതിയ വാഹനങ്ങളുടെ ലോഞ്ചും സംബന്ധിച്ച് പ്രചരിച്ച പല റിപ്പോര്‍ട്ടുകളും വെറും കിംവദന്തികള്‍ മാത്രമാണെന്ന് വ്യക്തമായി. ആര്‍ട്ടിഫിഷ്യല്‍ ഇന്റലിജന്‍സ് (AI) വ്യാപകമായ 2025-ല്‍ വാഹന വിപണിയെക്കുറിച്ച് നിരവധി വ്യാജ വാര്‍ത്തകളാണ് പ്രചരിച്ചത്.

രാജ്യത്തെ വാഹന പ്രേമികളെ നിരാശപ്പെടുത്തുന്ന ഒരു വാര്‍ത്തയാണ് മാരുതി സുസുക്കിയില്‍ നിന്ന് വരുന്നത്. ഇന്ത്യന്‍ വിപണി ഏറെ പ്രതീക്ഷയോടെ കാത്തിരിക്കുന്ന മാരുതി സുസുക്കി ഫ്രോങ്ക്സ് ഹൈബ്രിഡിന്റെ (Maruti Suzuki Fronx Hybrid) ലോഞ്ച് വൈകുമെന്ന് റിപ്പോര്‍ട്ട്. 2026-ന്റെ പകുതിയോടെ വിപണിയിലെത്തുമെന്ന് കരുതിയിരുന്ന വാഹനത്തിന്റെ ലോഞ്ച് 2027-ലേക്ക് നീട്ടിയതായാണ് വിവരം. വാഹനത്തിന്റെ നിര്‍മ്മാണത്തിലെ ചില സാങ്കേതിക മാറ്റങ്ങളാണ് ഈ കാലതാമസത്തിന് പിന്നിലെന്ന് കമ്പനിയുമായി അടുത്ത വൃത്തങ്ങള്‍ സൂചിപ്പിക്കുന്നു. മാരുതി സുസുക്കി സ്വന്തമായി വികസിപ്പിച്ചെടുത്ത 'സീരീസ് ഹൈബ്രിഡ്' (Series Hybrid) സാങ്കേതികവിദ്യയുമായി എത്തുന്ന ആദ്യ മോഡലായിരിക്കും ഫ്രോങ്ക്സ്.

റെനോ ഇന്ത്യയുടെ പ്രധാന മോഡലുകളായ ക്വിഡ്, ട്രൈബർ, കൈഗർ എന്നിവയ്ക്ക് 2026 ജനുവരി മുതൽ വില കൂടുമെന്നാണ് കമ്പനി അറിയിച്ചിരിക്കുന്നത്. ഉൽപ്പാദനച്ചെലവുകൾ വർധിക്കുന്ന സാഹചര്യത്തിൽ, ആസൂത്രിതമായ ഈ വില വർദ്ധനവ് മുൻകൂട്ടി നിശ്ചയിച്ചതാണെന്നും വാഹനങ്ങളുടെ വിലയിൽ 2 ശതമാനം വരെ വർദ്ധനവ് വരുമെന്നാണ് ഫ്രഞ്ച് കാർ നിർമ്മാതാക്കൾ അറിയിച്ചു. ഇന്ത്യയിൽ വിൽക്കുന്ന എല്ലാ വേരിയന്റുകൾക്കും ഇത് ബാധകമാകും. അസംസ്കൃത വസ്തുക്കളുടെ വിലയും സാമ്പത്തിക സമ്മർദ്ദങ്ങളുമാണ് വിലക്കയറ്റത്തിന് പ്രധാന കാരണം. വാഹനങ്ങളുടെ കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ഇന്ത്യന്‍ ഇരുചക്ര വാഹന വിപണിയില്‍ യമഹയുടെ പടക്കുതിരയായി മാറിയിരിക്കുകയാണള റേ ZR 125 (RayZR 125) മാറുന്നു. 2025 നവംബറിലെ വില്‍പന കണക്കുകള്‍ പുറത്തുവന്നപ്പോള്‍ കമ്പനിയുടെ ആകെ വില്‍പനയുടെ പകുതിയിലധികവും ഈ ഹൈബ്രിഡ് സ്‌കൂട്ടറാണ് സംഭാവന ചെയ്തിരിക്കുന്നത്. റഷ്ലെയ്ന്‍ പുറത്തുവിട്ട 2025 നവംബര്‍ മാസത്തെ യമഹയുടെ മോഡല്‍ തിരിച്ചുള്ള വില്‍പ്പന കണക്കുകളിലാണ് ഇത് വ്യക്തമാകുന്നത്. സ്പോര്‍ട്ടി ലുക്കും മികച്ച ഇന്ധനക്ഷമതയും ഒത്തുചേരുന്ന റേ ZR ഹൈബ്രിഡ് സ്‌കൂട്ടറിന്റെ റെക്കോര്‍ഡ് മുന്നേറ്റത്തിന്റെ വിശദാംശങ്ങള്‍ ഈ ലേഖനത്തില്‍ വിശദമായി വായിക്കാം.

ഇന്ത്യയുടെ അതിവേഗ റെയിൽ സ്വപ്നത്തിന് നിർണായകമായൊരു ചുവടുവെപ്പാണ് രാജസ്ഥാനിൽ നിന്ന് കേൾക്കുന്നത്. രാജ്യത്തിന്റെ ആദ്യ സമർപ്പിത ഹൈ-സ്പീഡ് റെയിൽ പരീക്ഷണ ട്രാക്ക് 2026 മാർച്ചോടെ പൂർണ്ണമായും സജ്ജമാകുമെന്ന് ഇന്ത്യൻ റെയിൽവേ സ്ഥിരീകരിച്ചതോടെ, ഇന്ത്യയുടെ റെയിൽവേ ചരിത്രത്തിൽ പുതിയ അധ്യായമാണ് തുറക്കാൻ പോകുന്നത്. 967 കോടി രൂപയുടെ നിക്ഷേപത്തിൽ RDSO വികസിപ്പിക്കുന്ന 64 കിലോമീറ്റർ നീളമുള്ള ഈ ട്രാക്ക്, വെറും ഒരു പരീക്ഷണ പാത മാത്രമല്ല. അന്താരാഷ്ട്ര നിലവാരത്തിലുള്ള അതിവേഗ ട്രെയിനുകൾ പരിശോധിക്കാൻ കഴിയുന്ന ആഗോള കേന്ദ്രമായി ഇന്ത്യയെ മാറ്റുന്ന ഒരു അടിസ്ഥാന സൗകര്യം കൂടിയാണ് എന്നതാണ് പ്രത്യേകത.

മാരുതി സുസുക്കി ബ്രെസ്സ ഇന്ത്യൻ വിപണിയിലെ ജനപ്രിയ കോംപാക്റ്റ് എസ്‌യുവികളിലൊന്നാണ്. 2022-ൽ പുറത്തിറങ്ങിയ രണ്ടാം തലമുറ ബ്രെസ്സയ്ക്ക്, 2026-ൽ ഒരു പ്രധാന ഫെയ്‌സ്‌ലിഫ്റ്റ് ലഭിക്കാൻ ഒരുങ്ങുകയാണ് മാരുതി സുസുക്കി. ഇത് വരെ പുറത്ത് വരുന്ന റിപ്പോർട്ടുകളിൽ നിന്ന് മനസിലാക്കാൻ സാധിക്കുന്നത് ഈ അപ്‌ഡേറ്റ് പ്രധാനമായും ഫീച്ചറുകൾ, സുരക്ഷ, പ്രാക്റ്റിക്കാലിറ്റി എന്നിവയിൽ ആയിരിക്കും കൂടുതൽ ശ്രദ്ധ കേന്ദ്രീകരിക്കുന്നത്. എഞ്ചിനിൽ വലിയ മാറ്റങ്ങളൊന്നും പ്രതീക്ഷിക്കുന്നില്ലെങ്കിലും, ഡിസൈനിലും ഇന്റീരിയറിലും കാര്യമായ പുതുമയുണ്ടാകും. പുതിയ ബ്രെസ്സയിൽ പ്രതീക്ഷിക്കുന്ന അഞ്ച് പ്രധാന മാറ്റങ്ങൾ എന്തൊക്കെയണെന്ന് വിശദമായി പങ്കുവയ്ക്കുകയാണ് ഈ ലേഖനത്തിലൂടെ.

ഇന്ത്യന്‍ വാഹന വിപണിയില്‍ എസ്‌യുവി (SUV) മോഡലുകള്‍ക്ക് പ്രിയമേറുമ്പോഴും ഉപഭോക്താക്കള്‍ ഇന്ധനക്ഷമതയ്ക്ക് ഇന്നും വലിയ പ്രാധാന്യം നല്‍കുന്നു. കരുത്തുറ്റ രൂപത്തിനൊപ്പം കുറഞ്ഞ ചെലവില്‍ കൂടുതല്‍ ദൂരം സഞ്ചരിക്കാന്‍ ആഗ്രഹിക്കുന്നവര്‍ക്കായി ലിറ്ററിന് 20 കിലോമീറ്ററിലധികം മൈലേജ് വാഗ്ദാനം ചെയ്യുന്ന മികച്ച അഞ്ച് എസ്‌യുവികളെ നിങ്ങള്‍ക്ക് പരിചയപ്പെടുത്താം. എസ്‌യുവിയുടെ ലുക്കും സൗകര്യങ്ങളും ഫീച്ചറുകള്‍ക്കുമൊപ്പം മികച്ച മൈലേജും വാഗ്ദാനം ചെയ്യുന്ന ആ 5 കാറുകളുടെ പട്ടികയില്‍ മാരുതി സുസുക്കി, ടൊയോട്ട, ടാറ്റ മോട്ടോര്‍സ്, ഹ്യുണ്ടായി എന്നീ മുന്‍നിര കമ്പനികളുടെ മോഡലുകളാണ് ഇടംപിടിച്ചിരിക്കുന്നത്. ഇതില്‍ പ്രീമിയം മോഡലുകള്‍ മുതല്‍ സാധാരണക്കാര്‍ക്ക് വാങ്ങാന്‍ പറ്റിയ എന്‍ട്രി ലെവല്‍ എസ്‌യുവിയും ഉണ്ട്.

ഇന്ത്യന്‍ വിപണിയില്‍ മൈക്രോ എസ്‌യുവി എന്ന പുതിയ ഒരു സെഗ്‌മെന്റ് തന്നെ സൃഷ്ടിച്ച് വില്‍പ്പനയില്‍ അത്ഭുതങ്ങള്‍ സൃഷ്ടിച്ച ടാറ്റ പഞ്ചിന്റെ പുത്തന്‍ പതിപ്പ് അണിയറയില്‍ ഒരുങ്ങുന്നുണ്ട്. പുതുവര്‍ഷത്തില്‍ വിപണിയിലെത്തുമെന്ന് പ്രതീക്ഷിക്കുന്ന പഞ്ച് ഫെയ്‌സ്ലിഫ്റ്റ് പരീക്ഷണ ഓട്ടം (Tata Punch Facelift Testing) നടത്തുന്നതിടെ വീണ്ടും ക്യാമറക്കണ്ണില്‍ പതിഞ്ഞു. പഞ്ച് ഫെയ്‌സ്‌സ്‌ലിഫ്റ്റിന്റെ ഏറ്റവും പുതിയ സ്‌പൈ ചിത്രങ്ങള്‍ കഴിഞ്ഞ ദിവസമാണ് പുറത്തുവന്നത്. ഡിസൈനിലും ഫീച്ചറുകളിലും വലിയ മാറ്റങ്ങള്‍ വരുത്തിയാണ് ടാറ്റ മോട്ടോര്‍സ് പഞ്ചിന്റെ അപ്‌ഡേറ്റഡ് പതിപ്പ് അവതരിപ്പിക്കാന്‍ ഒരുങ്ങുന്നത്.

കേന്ദ്ര ഊർജ്ജ, ഉപഭോക്തൃ കാര്യ മന്ത്രി പ്രഹ്ളാദ് വെങ്കിടേഷ് ജോഷി, കിയ ഇന്ത്യയുടെ ആദ്യ 7 സീറ്റർ ഇലക്ട്രിക് എംപിവിയായ കാരൻസ് ക്ലാവിസ് ഇവി ന്യൂഡൽഹിയിലെ വസതിയിൽ വെച്ച് ടെസ്റ്റ് ഡ്രൈവ് ചെയ്തിരിക്കുകയാണ്. മന്ത്രിയുടെ ഔദ്യോഗിക വസതിയിൽ നടന്ന ടെസ്റ്റ് ഡ്രൈവ്, വെറും ഒരു പ്രദർശനം മാത്രമല്ല; ഇന്ത്യയിലെ EV നയരൂപീകരണത്തിന്റെ മുന്നണിയിൽ കിയ സ്ഥാനം പിടിക്കുന്നതിന്റെ അടയാളമായിട്ട് വേണം കണക്കാക്കാൻ. റേഞ്ച്,വില,പെർഫോമൻസ് എന്നിവ എല്ലാം ചേർന്ന് കാരൻസ് ക്ലാവിസ് ഇവിയെ ഇന്ത്യൻ EV വിപണിയിലെ ഗെയിംചേഞ്ചറായി മാറ്റാൻ സാധ്യതയുണ്ട്.

ലോകമെമ്പാടുമുള്ള ഓഫ്-റോഡ് വാഹന പ്രേമികളുടെ പ്രിയപ്പെട്ട മോഡലായ ജിംനിക്ക് പുതിയ വേരിയന്റ് സമ്മാനിക്കാനൊരുങ്ങി സുസുക്ക. 2026 ജനുവരിയില്‍ നടക്കുന്ന ടോക്കിയോ ഓട്ടോ സലൂണില്‍ (Tokyo Auto Salon 2026) ജിംനി നൊമാഡ് മോണ്‍സ്റ്റര്‍ ഹണ്ടര്‍ വൈല്‍ഡ്‌സ് എഡിഷന്‍ (Suzuki Jimny Nomade Monster Hunter Wilds Edition) സുസുക്കി പ്രദര്‍ശിപ്പിക്കും. പ്രശസ്ത വീഡിയോ ഗെയിം ഫ്രാഞ്ചൈസിയായ മോണ്‍സ്റ്റര്‍ ഹണ്ടറുമായി സഹകരിച്ചാണ് ഈ സ്‌പെഷ്യല്‍ എഡിഷന്‍ ഒരുക്കിയിരിക്കുന്നത്. ജപ്പാനില്‍ ജിംനി നൊമാഡ് എന്ന് വിളിക്കപ്പെടുന്ന മെയിഡ് ഇന്‍ ഇന്ത്യ ജിംനി 5 ഡോര്‍ എസ്‌യുവിയെ അടിസ്ഥാനമാക്കിയാണ് ഈ സ്‌പെഷ്യല്‍ എഡിഷന്‍ രൂപകല്‍പ്പന ചെയ്തിരിക്കുന്നത്.

റെനോ ഡസ്റ്റർ ഇന്ത്യൻ വിപണിയിൽ വീണ്ടും എത്താനൊരുങ്ങുകയാണ്. ഏതാനും വർഷം മുമ്പ് വിൽപ്പന നിർത്തിയ ഈ ജനപ്രിയ മോഡലിന്റെ തിരിച്ചുവരവ് വലിയ ആകാംക്ഷയാണ് വിപണിയിൽ സൃഷ്ടിച്ചിച്ചിരിക്കുന്നത്. പുതിയ തലമുറ ഡസ്റ്റർ ജനുവരി 26-ന് റിപ്പബ്ലിക് ദിനത്തിൽ പൊതുജനങ്ങൾക്കായി അവതരിപ്പിക്കുമെന്നാണ് കമ്പനി അറിയിച്ചിരിക്കുന്നത്. ഇതിന് മുന്നോടിയായി, റെനോ ഇന്ത്യയുടെ ഔദ്യോഗിക ഇൻസ്റ്റാഗ്രാം പേജിൽ പുറത്തിറക്കിയ ടീസർ വീഡിയോ സമൂഹ മാധ്യമങ്ങളിൽ അതിവേഗം വൈറലായിരിക്കുകയാണ്. വാഹനത്തിൻ്റെ ഡിസൈൻ,പവർട്രെയിൻ,പുത്തൻ ഫീച്ചറുകൾ,സേഫ്റ്റി ഫീച്ചറുകളുടെ വിശദാംശങ്ങൾ അറിയുന്നതിന് വേണ്ടി ഈ ലേഖനംതുടർന്ന് വായിക്കാൻ മറക്കരുതേ.

ഗള്‍ഫിലുള്ളവര്‍ക്കും സോഷ്യല്‍ മീഡിയ ഉപയോഗിക്കുന്നവര്‍ക്കും സുപരിചിതയായ വ്യക്തിയാണ് ശ്രുതി തമ്പി (Sruthi Thampi). ടിക് ടോക് അടക്കമുള്ള സോഷ്യല്‍ മീഡിയ പ്ലാറ്റ്‌ഫോമുകളില്‍ സ്ട്രീമിംഗ് ചെയ്ത് ലക്ഷക്കണക്കിന് ആരാധകരെ സ്വന്തമാക്കിയ ശ്രുതി തമ്പിക്ക് ഹേറ്റേഴ്‌സും കുറവല്ല. വിമര്‍ശനങ്ങളെ പ്രോത്സാഹനങ്ങളാക്കി മാറ്റുന്ന താരം പുതിയ വീടിന്റെ ഗൃഹപ്രവേശനത്തിനോടൊപ്പം ഏറെ നാളായി കൊതിച്ച പുത്തന്‍ എസ്‌യുവി കൂടി സ്വന്തമാക്കിയതിന്റെ സന്തോഷത്തിലാണ്. ദുബായ്‌യില്‍ കഴിയുന്ന ശ്രുതിക്ക് അവിടെ മിനി കൂപ്പര്‍ ഉണ്ടെങ്കിലും നാട്ടിലെ യാത്രകള്‍ മാരുതി സുസുക്കിയുടെ കുഞ്ഞന്‍ കാറായ സെലേറിയോയില്‍ ആയിരുന്നു.

ഇന്ത്യൻ വിപണിയിലെ ഇടത്തരം നേക്കഡ് ബൈക്ക് വിഭാഗത്തിൽ ട്രയംഫ് സ്പീഡ് 400, കെടിഎം 390 ഡ്യൂക്ക് എന്നിവ രണ്ടും കടുത്ത മത്സരമാണ് നടത്തുന്നത്. മോഡേൺ ഡിസൈൻ, മികച്ച പെർഫോമൻസ്, ദൈനംദിന ഉപയോഗം എന്നിവ ഇവയെ യുവാക്കൾക്ക് പ്രിയങ്കരമാക്കുന്ന കാര്യങ്ങളാണ്. സ്പീഡ് 400 സൗകര്യപ്രദമായ റോഡ്‌സ്റ്റർ ആണെങ്കിൽ, 390 ഡ്യൂക്ക് മസ്കുലറും ആവേശകരവുമായ യാത്രാനുഭവമാണ് വാഗ്ദാനം ചെയ്യുന്നത്. ഇവയിലേത് മികച്ചതെന്ന് ഈ ലേഖനത്തിലൂടെ വിശദമായി തന്നെ നോക്കിയാലോ. ഡിസൈനിൽ, ട്രയംഫ് സ്പീഡ് 400-ന് വൃത്താകൃതിയിലുള്ള ഹെഡ്‌ലൈറ്റ്, ടിയർഡ്രോപ്പ് ടാങ്ക്, നേർത്ത പിൻഭാഗം എന്നിവയുള്ള ആധുനിക-റെട്രോ രൂപകൽപ്പനയാണുള്ളത്.

കെടിഎമ്മിന്റെ പ്രീമിയം സൂപ്പർസ്പോർട്ട് മോഡലായ RC390 ആഗോളതലത്തിൽ ഉത്പാദനം നിർത്തിയെങ്കിലും, ഇന്ത്യയിൽ ഇപ്പോഴും വിൽപനയിലുണ്ടെന്ന് റിപ്പോർട്ടുകൾ പുറത്ത് വന്നിരിക്കുകയാണ്. നിലവിൽ, ഇന്ത്യയിൽ മാത്രമാണ് ആർസി 390 വിൽപ്പനയ്ക്കുള്ളത്. കെടിഎമ്മിന്റെ ഇന്ത്യൻ നിർമ്മാണ പങ്കാളിയായ ബജാജ് ഓട്ടോയാണ് ഈ മോഡൽ പ്രാദേശികമായി രാജ്യത്ത് നിർമ്മിക്കുന്നത്. കഴിഞ്ഞ കുറച്ച് വർഷങ്ങളായി, ഒറ്റ സിലിണ്ടർ 373 സിസി എഞ്ചിനുള്ള ഈ മോട്ടോർസൈക്കിളിന് ആഗോള തലത്തിൽ ഡിമാൻഡ് കുറവായിരുന്നു. യൂറോ 5+ എമിഷൻ നിയമങ്ങൾ പാലിക്കാൻ എഞ്ചിൻ അപ്ഡേറ്റ് ചെയ്യേണ്ടി വന്നതും ഒരു കാരണമാണ്. ഇത് അന്താരാഷ്ട്ര വിപണികളിൽ ബൈക്കിന്റെ വില ഗണ്യമായി വർധിപ്പിക്കുകയും ചെയ്തു.

2025 സെപ്റ്റംബര്‍ 22-ന് കേന്ദ്ര സര്‍ക്കാര്‍ ചരക്കുസേവന നികുതി (ജിഎസ്ടി) സ്ലാബുകളില്‍ മാറ്റം വരുത്തിയിരുന്നു. 350സിസി എഞ്ചിന്‍ ശേഷിക്ക് താഴെയുള്ള മോട്ടോര്‍സൈക്കിളുകളുടെ നികുതി 28 ശതമാനത്തില്‍ നിന്ന് 18 ശതമാനമാക്കി കുറച്ചു. അതേസമയം അതിന് മുകളിലോട്ടുള്ള ബൈക്കുകളുടെ നികുതി 40 ശതമാനമാക്കി ഉയര്‍ത്തുകയും ചെയ്തു. നേരത്തെ 28 ശതമാനം നികുതിയും 3 ശതമാനം സെസും ചേര്‍ത്ത് 31 ശതമാനം നികുതിയായിരുന്നു ഈടാക്കിയിരുന്നത്. എന്നാല്‍ ജിഎസ്ടി 2.0 പ്രാബല്യത്തില്‍ വന്നതോടെ 350സിസിക്ക് മുകളിലുള്ള ബൈക്കുകള്‍ക്ക് 9 ശതമാനം നികുതി വര്‍ധനവുണ്ടായി.

ഒരു കാർ ഷോറൂമിലെത്തുന്നതിന് മുൻപ് നിരവധി കർശന പരിശോധനകളിലൂടെയാണ് കടന്നുപോകുന്നത്. ഡിസൈൻ മുതൽ അവസാന പ്രൊഡക്ഷൻ വരെ, സേഫ്റ്റി, ദൃഢത, വിശ്വാസ്യത എന്നിവ ഉറപ്പാക്കാൻ നൂറുകണക്കിന് ടെസ്റ്റുകൾ നടക്കുന്നുണ്ട്. ഉപഭോക്താവ് ഒരിക്കലും കാണാത്ത ഈ പരീക്ഷണങ്ങളാണ് ഒരു കാറിന്റെ യഥാർത്ഥ ഗുണനിലവാരം നിർണ്ണയിക്കുന്നത് തന്നെ. ക്രാഷ് ടെസ്റ്റെല്ലാം ഇതിൽ ഉൾപ്പെടുന്നതാണ്. ഒരു വാഹനം ഏതൊക്ക തരത്തിലുള്ള പരീക്ഷണങ്ങളിലൂടെയാണ് പോകുന്നതെന്ന് വിശദമായി തന്നെ പരിശോധിച്ചാലോ. ആദ്യഘട്ടം ലാബ് ടെസ്റ്റുകളാണ്. എഞ്ചിൻ, ഗിയർബോക്സ്, സസ്പെൻഷൻ പോലുള്ള ഘടകങ്ങൾ ആയിരക്കണക്കിന് മണിക്കൂർ തുടർച്ചയായി പ്രവർത്തിപ്പിച്ച് പരിശോധിക്കും.