കുടുംബത്തോടൊപ്പം ദീര്‍ഘദൂര യാത്ര നടത്തുമ്പോള്‍ നാം നേരിടുന്ന ഏറ്റവും വലിയ വെല്ലുവിളികളില്‍ ഒന്നാണ് പ്രാഥികാവശ്യങ്ങള്‍ നിര്‍വഹിക്കാന്‍ വൃത്തിയുള്ള ശുചിമുറി ഇല്ലാത്തത്. പ്രത്യേകിച്ച് സ്ത്രീകളോടൊപ്പം യാത്ര ചെയ്യുമ്പോള്‍ വൃത്തിയുള്ള ടോയ്ലറ്റുകളുടെ അഭാവം വലിയ ബുദ്ധിമുട്ടുണ്ടാക്കാറുണ്ട്. ഈ പ്രശ്‌നത്തിന് പരിഹാരം കാണാനായി ദേശീയപാതാ അതോറിറ്റി (NHAI) പുതിയൊരു തന്ത്രം ആവിഷ്‌കരിച്ചിരിക്കുകയാണ്. വൃത്തിയില്ലാത്ത ടോയ്ലറ്റുകള്‍ കണ്ടെത്തി പരാതിപ്പെടുന്നവര്‍ക്ക് 1000 രൂപ ഫാസ്ടാഗ് റീചാര്‍ജായി നല്‍കും. ഹൈവേ യാത്രക്കാര്‍ നേരിടുന്ന പ്രധാന പ്രശ്‌നങ്ങളിലൊന്നായ ശുചിത്വമില്ലാത്ത ടോയ്ലറ്റുകള്‍ക്ക് പരിഹാരം കാണാനാണ് ഈ നീക്കം.

സിട്രൺ എന്ന് കേൾക്കുമ്പോൾ ഇന്ത്യക്കാർക്ക് വലിയ ഫീലിംഗ്‌സ് ഒന്നും തോന്നുകയില്ലെങ്കിലും യൂറോപ്പ് കീഴടക്കിയ മിടുമിടുക്കൻമാരാണ് ഫ്രാൻസിൽ നിന്നുള്ള ഈ മിടുക്കർ എന്നതാണ് സത്യം. അതിനാൽ ബ്രാൻഡ് നമ്മുടെ രാജ്യത്തേക്ക് എത്തുവെന്ന് തുടക്കത്തിൽ കേട്ടപ്പോൾ ചില വണ്ടിഭ്രാന്തൻമാരെങ്കിലും ആകാംക്ഷയുടെ കൊടിമുടി കയറിയിട്ടുണ്ടാവണം. പക്ഷേ ആദ്യ മോഡൽ മുതൽ ഇങ്ങോട്ട് എത്തിയ കാറുകളൊന്നും സ്വീകരിക്കാൻ ഇന്ത്യക്കാർ തയാറായില്ലെന്ന് വേണം പറയാൻ. C5 എയർക്രോസിന് വില കൂടുതലാണെന്ന് പറഞ്ഞ് തള്ളിയപ്പോൾ സാധാരണക്കാരന് വേണ്ടിയിറക്കിയ C3 ചെലവ് കുറയ്ക്കലിന്റെ ഭാഗമായി പല ഫീച്ചറുകളും ഒഴിവാക്കിയാണ് പണിതിറക്കിയത്. ഫസ്റ്റ് ഇംപ്രഷൻ തന്നെ ബോറായതോടെ സിട്രണിനെ തേടി അധികം ആളുകൾ എത്തുന്നുണ്ടായിരുന്നില്ല.

ബോളിവുഡിൽ നായികയായി വിലസാൻ ഭാഗ്യം കിട്ടുക എന്നത് ചെറിയ കാര്യമല്ല, അതും എണ്ണം പറഞ്ഞ നടൻമാരോടൊപ്പം. പരസ്യ ചിത്രങ്ങളിലൂടെ തൻ്റെ കരിയറിൽ ഉയർന്ന് വന്ന് ഇപ്പോൾ ബോളിവുഡിലെ പരം സുന്ദരിയായി മാറിയിരിക്കുകയാണ് കൃതി സനോൺ. 2014-ൽ തെലുങ്ക് സൈക്കോളജിക്കൽ ത്രില്ലർ ചിത്രമായ നെനോക്കാഡിൻ എന്ന ചിത്രത്തിലൂടെയാണ് കൃതി തൻ്റെ സിനിമ കരിയറിൽ അരങ്ങേറ്റം കുറിച്ചത്. അവിടുന്നിങ്ങോട്ട് 11 വർഷം കൊണ്ട് ബോളിവുഡിൻ്റെ ഹോട്ട് ഗേളായിട്ടും, അഭിനയിച്ച് കൈയ്യടി നേടാനും താരത്തിന് സാധിച്ചിട്ടുണ്ട്. ഇപ്പോഴിതാ താരം തൻ്റെ മെർസിഡീസ് ബെൻസ് മെയ്ബാക്കിൽ വന്നിറങ്ങുന്ന ചിത്രങ്ങളാണ് സോഷ്യൽ മീഡിയയിൽ വൈറലായിരിക്കുന്നത്.

വീര്യമേറിയ പെർഫോമൻസും സാങ്കേതികവിദ്യകളും കൊണ്ട് അലങ്കരിച്ച പുത്തൻ കാറുകളും ബൈക്കുകളും സമ്മാനിച്ച് ഓരോ വാഹന പ്രേമികളുടേയും മനസ് നിറക്കുന്നവരാണല്ലോ ഇവിടുള്ള വാഹന നിർമാതാക്കൾ. ഇപ്പോഴിതാ കാത്തിരുന്നു മുഷിഞ്ഞ ഇന്ത്യൻ കാർ പ്രേമികൾക്കായി ചില ജനപ്രിയ ബ്രാൻഡുകൾ അവരുടെ വീരപടയാളികളെ നിരത്തിലേക്കിറക്കാൻ തയാറായിരിക്കുകയാണ്. ചെക്ക് റിപ്പബ്ലിക്കൻ കമ്പനിയായ സ്കോഡ മുതൽ ഇന്ത്യക്കാരുടെ സ്വന്തം വ്യവസായിയായിരുന്ന രത്തൻ ടാറ്റയുടെ ടാറ്റ മോട്ടോർസ് വരെ അധികം വൈകാതെ ചില പുതിയ മോഡലുകൾ പുറത്തിറക്കാൻ പോവുകയാണ്. ഉടൻ തന്നെ വിപണനത്തിന് എത്തുന്ന ചില പുത്തൻ കാറുകളെ നോക്കിവെച്ചാലോ?

അസംസ്‌കൃത എണ്ണ ഇറക്കുമതി കുറയ്ക്കാനും കര്‍ഷകരെ സഹായിക്കാനും മലിനീകരണം കുറയ്ക്കാനുമായി കേന്ദ്ര സര്‍ക്കാര്‍ എലനോള്‍ കലര്‍ത്തിയ ഇന്ധനം രാജ്യത്തെ പെട്രോള്‍ പമ്പുകളില്‍ നിര്‍ബന്ധമാക്കിയിരുന്നു. E20 എന്ന് വിളിക്കുന്ന ഈ ഇന്ധനത്തെ ചുറ്റിപ്പറ്റി വലിയ ചര്‍ച്ചകളാണ് വാഹന ലോകത്ത് അരങ്ങേറുന്നത്. E20 പെട്രോളിന് അനുസൃതമായി അല്ലാതെ രൂപകല്‍പ്പന ചെയ്ത പഴയ വാഹനങ്ങളെ ഇത് ദോഷകരമായി ബാധിക്കുന്നുവെന്നായിരുന്നു ആക്ഷേപം. എന്നാല്‍ കേന്ദ്ര പെട്രോളിയം മന്ത്രാലയം ഇത് തള്ളി രംഗത്തെത്തുകയും E20 ഇന്ധനത്തെ എതിര്‍ത്ത് നല്‍കിയ ഹരജി സുപ്രീം കോടതി തള്ളുകയും ചെയ്തിരുന്നു. ഇപ്പോള്‍ പഴയ വാഹനങ്ങള്‍ സ്വന്തമായുള്ളവരുടെ നെഞ്ചിടിപ്പേറ്റിക്കൊണ്ട് ഒരു സര്‍വേ ഫലം പുറത്തുവന്നിട്ടുണ്ട്.

താങ്ങാനാവുന്ന വിലയിൽ ഇന്ത്യക്കാരെ കാർ മുതലാളിയാക്കാൻ എത്തിയവരാണ് ഫ്രഞ്ച് വാഹന നിർമാതാക്കളായ റെനോ. ക്വിഡ് മുതൽ ഇങ്ങ് കൈഗർ വരെയുള്ള വാഹന നിര കണ്ടാൽ തന്നെ അത് മനസിലാക്കിയെടുക്കാൻ സാധിക്കും. അന്നും ഇന്നും സാധാരണക്കാർക്ക് വേണ്ടി നിലകൊള്ളുന്ന ബ്രാൻഡ് ഇടയ്ക്കൊന്ന് പിന്നിലേക്ക് പോയെങ്കിലും ഇപ്പോൾ തങ്ങളുടെ കാറുകളെയെല്ലം മോടിയാക്കി മുന്നേറാൻ ഉറച്ച് എത്തിയിരിക്കുകയാണ്. അടുത്തിടെ റെനോ ട്രൈബറും കൈഗറും ക്വിഡും പുതുരൂപത്തിൽ വിപണിയിലെത്തുകയുണ്ടായി. ഇതിന് ശേഷം കമ്പനിയുടെ വിൽപ്പനയും മെച്ചപ്പെട്ടിട്ടുണ്ടെന്നാണ് കണക്കുകൾ. പ്രത്യേകിച്ച് ഇന്ത്യയിലെ ഏറ്റവും ബജറ്റ് ഫ്രണ്ട്ലി എംപിവിയായ ട്രൈബറിന്റേതിലാണ് വ്യത്യാസം അറിയാനുള്ളത്.

ദീപാവലി ഇങ്ങടുത്തെത്താറായ അവസരത്തില്‍ പുതിയ കാര്‍ വാങ്ങാന്‍ ഒരുങ്ങുന്നവര്‍ നിരവധിയാണ്. ഇക്കുറി ഉത്സവ സീസണില്‍ പുതിയ വാഹനം വീട്ടിലെത്തിക്കാന്‍ ഒന്നിലേറെ കാരണങ്ങള്‍ ഉണ്ട്. സാധാരണയായി ഉത്സവകാലത്ത് കാര്‍ കമ്പനികള്‍ നല്‍കുന്ന ഓഫറുകള്‍ക്ക് പുറമെ ജിഎസ്ടി പരിഷ്‌കാരങ്ങളുടെ ഭാഗമായി നിരവധി കാറുകള്‍ക്ക് വില കുറഞ്ഞിട്ടുണ്ട്. ഉത്സവ സീസണില്‍ വാഹനം വാങ്ങുന്നവര്‍ക്ക് സാധാരണയായി ആകര്‍ഷകമായ ഡിസ്‌കൗണ്ടുകളും ഫിനാന്‍സിങ് ഓപ്ഷനുകളും ലഭ്യമാകാറുണ്ട്. ഉത്സവകാലത്ത് കാര്‍ വാങ്ങുമ്പോള്‍ ഓഫര്‍ മാത്രം നോക്കാതെ വാഹന ഇന്‍ഷുറന്‍സിന്റെ കാര്യത്തിലും ചില ഉചിതമായ തീരുമാനങ്ങള്‍ എടുക്കേണ്ടതുണ്ട്. പുതിയ വാഹനം വാങ്ങുമ്പോള്‍ ഇന്‍ഷുറന്‍സുമായി ബന്ധപ്പെട്ട് ശ്രദ്ധിക്കേണ്ട ചില പ്രധാന സംഗതികള്‍ പറഞ്ഞുതരാം.

ഒരു എസ്‌യുവി വാങ്ങണമെന്ന ആഗ്രഹം മനസില്‍ കൊണ്ടുനടക്കുന്നവരാണോ നിങ്ങള്‍? എങ്കില്‍ ഇന്ത്യന്‍ നിരത്തുകളില്‍ ഗംഭീര പ്രകടനം കാഴ്ച്ചവെക്കാന്‍ ഒരു പുതു അവതാരം പിറവിയെടുത്തിട്ടുണ്ട്. 2025-ല്‍ ഇന്ത്യ ഏറ്റവും പ്രതീക്ഷയോടെ കാത്തിരുന്ന കാറുകളിലൊന്നായ മിനി കണ്‍ട്രിമന്‍ JCW ഓള്‍-4 ഇപ്പോള്‍ പുറത്തിറക്കിയിരിക്കുകയാണ് ബ്രിട്ടീഷ് ബ്രാന്‍ഡ്. മികച്ച പെര്‍ഫോമന്‍സും ആകര്‍ഷകമായ സവിശേഷതകളും മികച്ച സുരക്ഷ സംവിധാനങ്ങളും ഉള്‍ക്കൊള്ളിച്ചെത്തുന്ന പുത്തന്‍ കാര്‍ വാങ്ങാനായി ഷോറൂമില്‍ എത്തും മുമ്പ് അറിഞ്ഞിരിക്കേണ്ട കുറച്ച് കാര്യങ്ങൾ ചുവടെ വായിക്കാം.

ഇന്ത്യയിലെ സിനിമാക്കാർക്കിടയിൽ ഏറെ പ്രശ‌സ്‌തമായ വാഹനമായി മാറിയിരിക്കുകയാണ് ലെക്‌സസ് LM 350h (Lexus). കാരവാനിലേത് പോലുള്ള സകല സുഖസൌകര്യങ്ങളും കിട്ടുന്ന ലക്ഷ്വറി എംപിവി (Luxury MPV) ബോളിവുഡിലും മോളിവുഡിലുമെല്ലാം പലരും സ്വന്തമാക്കിയിട്ടുണ്ട്. ശരിക്കും ടൊയോട്ട വെൽഫയറിന്റെ അത്യാഡംബരമായ മോഡലാണ് ലെക്‌സസ് പതിപ്പ് എത്തുന്നത്. ടൊയോട്ടയുടെ എംപിവിയെ അടിസ്ഥാനമാക്കിയാണ് പണികഴിപ്പിച്ചിരിക്കുന്നതെങ്കിലും കൂടുതൽ ആഡംബരമാണ് ലെക്‌സസ് ഇതിനെ ഒരുക്കിയിരിക്കുന്നത്. ഉരുളുന്ന കൊട്ടാരമെന്ന് വിശേഷിപ്പിക്കാൻ കഴിയുന്ന തരത്തിലുള്ള ഫീച്ചറുകളാണ് വാഹനത്തിൽ ലഭ്യമാവുന്നത്. ഇപ്പോഴിതാ കാറിലേക്ക് ചില നവീകരണങ്ങളുമായി രംഗത്തെത്തിയിരിക്കുകയാണ് ജാപ്പനീസ് ബ്രാൻഡ്.

വിയറ്റ്നാം ബ്രാൻഡായ വിൻഫാസ്റ്റ് ഏറെ പ്രതീക്ഷകളോടെയാണ് രാജ്യത്ത് അരങ്ങേറ്റം കുറിച്ചിരിക്കുന്നത്. സ്വന്തം രാജ്യത്ത് മികച്ച വിൽപ്പന കാഴ്ച്ചവച്ചതിന് ശേഷമാണ് കേട്ടോ വിൻഫാസ്റ്റ് ഇന്ത്യയിലേക്ക് എത്തിയത്. അതായത് വിയറ്റ്നാമിൽ 1 ലക്ഷം യൂണിറ്റുകളാണ് വിറ്റഴിച്ചിരിക്കുന്നത്. 2025 സെപ്റ്റംബറിൽ വിൻഫാസ്റ്റ് 13,914 ഇലക്ട്രിക് വാഹനങ്ങൾ വിതരണം ചെയ്തു. ജനുവരി മുതൽ സെപ്റ്റംബർ വരെയുള്ള കാലയളവിൽ വിൻഫാസ്റ്റിന്റെ മൊത്തം വിൽപ്പന 1,03,884 യൂണിറ്റായി ഉയർന്നിട്ടുണ്ട് എന്നതാണ് ഹൈലൈറ്റ്. ഇത് വിയറ്റ്നാമിന്റെ ഓട്ടോമോട്ടീവ് ചരിത്രത്തിൽ തന്നെ ഇതുവരെ രേഖപ്പെടുത്തിയിട്ടുള്ളതിൽ വച്ച് ഏറ്റവും ഉയർന്ന കണക്കാണ് എന്നതാണ് ബ്രാൻഡിന് അഭിമാനിക്കാൻ കഴിയുന്ന കാര്യം.

വാഹനലോകവും മാധ്യമങ്ങളും എപ്പോഴും വിപണിയില്‍ ഏറ്റവും ഡിമാന്‍ഡും വില്‍പ്പനയുമുള്ള കാറുകളെ കുറിച്ചാണ് സംസാരിക്കാറുള്ളത്. ബെസ്റ്റ് സെല്ലര്‍ മോഡലുകള്‍ അവയുടെ സെയില്‍സ് പെര്‍ഫോമന്‍സിന് മാരുതി സുസുക്കി, ഹ്യുണ്ടായി, ടാറ്റ, മഹീന്ദ്ര, ടൊയോട്ട തുടങ്ങിയ കമ്പനികള്‍ക്ക് കൈയ്യടികള്‍ നേടിക്കൊടുക്കുന്നു. എന്നാല്‍, താന്‍ ഷോറൂമില്‍ ഇരിക്കുമ്പോള്‍ കസ്റ്റമര്‍ മറ്റ് മോഡലുകള്‍ തേടിപ്പോയി വാങ്ങുന്നത് കണ്ട് സങ്കടപ്പെട്ടിരിക്കുന്ന ചില കാറുകള്‍ ഉണ്ട്. ഇവയെ മാധ്യമങ്ങള്‍ മാത്രമല്ല അവരുടെ നിര്‍മാതാക്കള്‍ പോലും പലപ്പോഴും അവഗണിക്കുന്നു. അവര്‍ക്ക് വളരെ കുറച്ച് ഉപഭോക്താക്കളെ മാത്രമേ കണ്ടെത്താന്‍ സാധിക്കുന്നുള്ളൂ.

ഇന്ത്യയിൽ ഇലക്‌ട്രിക് മോട്ടോർസൈക്കിളുകളുടെ ഡിമാന്റിൽ വലിയ വർധനവാണ് അടുത്തിടെയായി കാണായിരിക്കുന്നത്. അൾട്രാവയലറ്റ് പോലുള്ള പ്രീമിയം ഇവി നിർമാതാക്കളുടെ കടന്നുവരവോടെയാണ് വൈദ്യുത ബൈക്കുകളും ഇന്ത്യക്കാർക്ക് പ്രിയങ്കരമായി തുടങ്ങിയത്. ശരിക്കും ഇതിനെല്ലാം കാരണക്കാരയത് റിവോൾട്ട് മോട്ടോർസ് ആണെന്ന് വേണം പറയാൻ. ബൈക്ക് എന്ന സങ്കൽപ്പത്തെ തന്നെ പൊളിച്ചെഴുതി വൈദ്യുത രംഗത്തേക്ക് എത്തിയവരാണിവർ. ഇന്നത്തെ ഇന്ധന വിലയ്ക്ക് പരമ്പരാഗത പെട്രോൾ ബൈക്കുകളേക്കാൾ എന്തുകൊണ്ടും ലാഭമാണ് വൈദ്യുത ഇ-ബൈക്കുകളെന്ന് അതിവേഗം റിവോൾട്ട് തെളിയിച്ചു. ഇവി രംഗത്ത് സ്‌കൂട്ടറുകൾ അരങ്ങുവാഴുന്ന കാലത്താണ് തനതാശ ശൈലിയുമായി RV400 വിപണിയിലേക്ക് കടന്നുവരുന്നത്.

ഇന്ത്യയില്‍ സമീപകാലത്ത് വിറ്റഴിക്കപ്പെട്ട കാറുകളില്‍ പകുതിയും സ്‌പോര്‍ട് യൂടിലിറ്റി വാഹനങ്ങളാണ്. കോടികള്‍ വില വരുന്ന ആഡംബര എസ്‌യുവികള്‍ മുതല്‍ ഹാച്ച്ബാക്കിന്റെ വിലയില്‍ ലഭ്യമാകുന്ന മൈക്രോ എസ്‌യുവികള്‍ വരെ വിപണിയിലുണ്ട്. നിലവില്‍ ഇന്ത്യയില്‍ നമുക്ക് വാങ്ങാന്‍ സാധിക്കുന്ന ഏറ്റവും കുറഞ്ഞ വിലയുള്ള എസ്‌യുവികളില്‍ ഒന്നാണ് ഹ്യുണ്ടായി എക്‌സ്റ്റര്‍ (Hyundai Exter). താങ്ങാനാകുന്ന വിലയും 6 എയര്‍ബാഗുകള്‍ അടക്കമുള്ള സേഫ്റ്റി ഫീച്ചറുകളും മികച്ച മൈലേജുമുള്ള ഈ കാറിനും ജിഎസ്ടി കട്ടിന്റെ ഫലമായി വില കുറഞ്ഞു. ജിഎസ്ടി 2.0 പ്രാബല്യത്തില്‍ വന്ന സെപ്റ്റംബര്‍ മാസം ഹ്യുണ്ടായി എക്‌സ്റ്ററിന്റെ വില്‍പ്പന എങ്ങിനെ ഉണ്ടെന്നാണ് ഈ ലേഖനത്തില്‍ പരിശോധിക്കുന്നത്.

വലിയ കൊട്ടും കുരവയുമായി ലോഞ്ച് ചെയ്ത കാറാണ് വിയറ്റ്നാം ബ്രാൻഡായ വിൻഫാസ്റ്റ്. എന്നാൽ അതിന് ശേഷം ഡെലിവറി പറഞ്ഞ തീയതി ആരംഭിക്കാൻ സാധിച്ചില്ല, ബ്രാൻഡിൻ്റെ ഭാഗത്ത് നിന്ന് യാതൊരും വിവരങ്ങളും വന്നില്ലെങ്കിലും ഇപ്പോഴിതാ ദീപാവലിക്ക് ഗുരുഗ്രാം ഡീലർഷിപ്പ് വിൻഫാസ്റ്റ് കാറുകൾക്ക് 75000 രൂപയോളം ഓഫറുകൾ പ്രഖ്യാപിച്ച് കൊണ്ട് സോഷ്യൽ മീഡിയയിൽ പോസ്റ്റ് ചെയ്തിരുന്നു. എന്നാൽ കമ്പനിയുടെ ഭാഗത്ത് നിന്ന് യാതൊരു ഔദ്യോഗിക അറിയിപ്പുകളൊന്നും തന്നെ ലഭിക്കാത്ത സാഹചര്യത്തിലാണെന്ന് തോന്നുന്നു ഡീലർഷിപ്പ് ഉടൻ തന്നെ ആ പരസ്യം നീക്കം ചെയ്യുകയും ചെയ്തിരുന്നു. എന്തായാലും വിൻഫാസ്റ്റിൻ്റെ കാറുകൾ റോഡിൽ കാണാൻ കാത്തിരിക്കുന്നവർ സങ്കടത്തിലാകും.

ഒരു വീട് മുഴുവൻ യൂട്യൂബേഴ്‌സുള്ള കുടുംബമാണ് നടൻ കൃഷ്‌ണകുമാറിന്റേത്. നാല് പെൺമക്കളും ഭാര്യയും വരെ ഇൻഫ്ല്യുവൻസർമാരായി വിലസുന്ന വീട്ടിൽ ഏറ്റവും ആരാധകരുള്ളത് മൂത്തമകൾ അഹാന കൃഷ്ണകുമാറിനാവും. യൂട്യൂബിംഗിന് പുറമെ സിനിമ നടിയായും തകർക്കുന്ന അമ്മു തന്റെ മുപ്പതാം പിറന്നാൾ വ്യത്യസ്‌തമായ രീതിയിൽ ആഘോഷിക്കുകയാണ്. തന്റെ യാത്രകള്‍ക്ക് കൂട്ടായി പുതിയൊരു ആളെ കൂടെക്കൂട്ടിയിരിക്കുകയാണ് അഹാന. ആഡംബര വാഹനം സ്വന്തമാക്കിയാണ് തന്റെ മുപ്പതാം പിറന്നാൾ താരം ആഘോഷിച്ചിരിക്കുന്നത്. ജര്‍മന്‍ ആഡംബര വാഹന നിര്‍മാതാക്കളായ ബിഎംഡബ്ല്യുവിന്റെ X5 എസ്‌യുവിയാണ് കൃഷ്‌ണകുമാർ ഗരാജിലേക്ക് എത്തിയിരിക്കുന്നത്.

ഇന്ത്യയിലെ ഏറ്റവും വലിയ ആഘോഷങ്ങളില്‍ ഒന്നായ ദീപാവലിയോടനുബന്ധിച്ച് കാര്‍ വില്‍പ്പനയും പൊടിപൊടിക്കാറുണ്ട്. വിശേഷ ദിവസങ്ങളില്‍ പുതിയ വാഹനം വാങ്ങുന്നത് ശുഭകരമായതിനാല്‍ ഉത്സവ സീസണില്‍ ഇന്ത്യക്കാര്‍ കാര്‍ ഷോറൂമുകളിലേക്ക് ഒഴുകുന്നു. ഇപ്പോള്‍ ദീപാവലിയോട് അനുബന്ധിച്ച് കിയ ഇന്ത്യ ഐസിഇ കാറുകള്‍ക്ക് 1.6 ലക്ഷം രൂപ വരെ കിഴിവുകള്‍ പ്രഖ്യാപിച്ചു. ജിഎസ്ടി പരിഷ്‌കാരങ്ങള്‍ വഴി പല മോഡലുകളുടെയും വില കുറച്ചതിനാല്‍ പുതിയ കാര്‍ വാങ്ങാന്‍ പ്ലാനുള്ളവര്‍ക്ക് ഇത് മികച്ച അവസരമാണ്. 45,000 രൂപ മുതല്‍ 1.15 ലക്ഷം രൂപ വരെയാണ് ആനുകൂല്യങ്ങള്‍ ലഭിക്കുക.

വിൽപ്പനയുടെ കാര്യത്തിൽ ഒരോ ബ്രാൻഡുകളും മോഡലുകളും കഠിനമായ മത്സരമാണ് നടക്കുന്നത്. എതിരാളികളില്ലാതെ മാരുതി സുസുക്കി ഒന്നമതായി നിൽക്കുമ്പോൾ വീറും വാശിയോടെയും ഹ്യുണ്ടായി, ടാറ്റ, മഹീന്ദ്ര എന്നിവർ രണ്ടാംസ്ഥാനത്തിനായി പോരാടുകയാണ്. അതേസമയം ഏറ്റവും കൂടുതൽ വിറ്റഴിപ്പെടുന്ന കാർ എന്ന പദവി അലങ്കരിക്കാൻ ക്രെറ്റ, നെക്സോൺ, എർട്ടിഗ, ഡിസയർ, പഞ്ച് പോലുള്ള മോഡലുകളാണ് ഓരോ മാസവും മത്സരിക്കുന്നത്. എന്നാൽ മറുവശത്ത് ആരും വാങ്ങാത്ത വിൽപ്പന വട്ടപൂജ്യമായിട്ട് നിൽക്കുന്ന ചില കാറുകളും ഇന്ത്യയിലുണ്ട്. പോയമാസം ആരും വാങ്ങാതിരുന്ന അഞ്ച് കാറുകൾ ഏതൊക്കെയാണെന്ന് നോക്കിയാലോ?

ലോകത്തെ വാഹന വിപണികള്‍ എല്ലാം ഇലക്ട്രിക് വാഹനങ്ങള്‍ക്ക് പിന്നാലെ കുതിച്ചോടിക്കൊണ്ടിരിക്കുകയാണ്. ഇന്ത്യക്കാരുടെ പ്രിയപ്പെട്ട ഫോറിന്‍ ബ്രാന്‍ഡുകളില്‍ ഒന്നായ റെനോയും ഇതിന് ചൂട്ടുപിടിച്ചുകൊണ്ട് മുന്നില്‍ തന്നെയുണ്ട്. ഫ്രഞ്ച് ബ്രാന്‍ഡ് ഇന്ത്യന്‍ വിപണിയില്‍ ഇതുവരെ ഇലക്ട്രിക് വാഹനങ്ങള്‍ പുറത്തിറക്കിയിട്ടില്ലെങ്കിലും ലാറ്റിനമേരിക്കന്‍ രാജ്യമായ ബ്രസീലില്‍ ഇവികള്‍ വില്‍പ്പനക്കെത്തിക്കുന്നുണ്ട്. ഇപ്പോള്‍ ജനപ്രിയ ഹാച്ച്ബാക്കായ ക്വിഡിന്റെ ഇലക്ട്രിക് പതിപ്പായ ക്വിഡ് ഇ-ടെക് ബ്രസീലില്‍ അവതരിപ്പിച്ചു. പരിഷ്‌കാരങ്ങളോടെ വിപണിയില്‍ എത്തിയ ഇവിയെ കുറിച്ച് കൂടുതല്‍ അറിയാന്‍ തുടര്‍ന്ന് വായിക്കൂ.

പുതിയ വാഹനം വാങ്ങുമ്പോൾ പലരും തുടക്കത്തിൽ പ്രീമിയം പെട്രോൾ നിറയ്ക്കുന്നത് കാണാം. എന്നാൽ സാധാരണ പെട്രോൾ ആണോ പ്രീമിയം ആണോ വാഹനങ്ങളിൽ നിറയ്ക്കുന്നത് നല്ലതെന്ന് പലർക്കും സംശയമുളള കാര്യമാണ്. തോന്നിയപോലെ കാണുമ്പോൾ നിറയ്ക്കുന്നതാണ് പലരും ചെയ്യുന്ന കാര്യം. എന്നാൽ ഇത് തമ്മിലുളള വ്യത്യാസങ്ങൾ എന്തൊക്കെയാണെന്ന് നോക്കിയാലോ. നോർമൽ പെട്രോൾ സാധാരണയായി 91 ഓക്ടെയ്ൻ റേറ്റിംഗ് ഉള്ള ഇന്ധനമാണ്. മിക്ക ചെറിയ കാറുകളും ബൈക്കുകളും ഇതാണ് ഉപയോഗിക്കുന്നത്. സാധാരണ എഞ്ചിനുകൾക്ക് ഈ ഗ്രേഡ് പെട്രോൾ മതിയാകും. എന്നാൽ ഇതിൽ പ്രത്യേക മൂലകങ്ങൾ ഒന്നും ചേർത്തിട്ടുണ്ടാവില്ല. ഇതിൻ്റെ പ്രധാന ഗുണങ്ങൾ എന്തൊക്കെയാണെന്ന് അറിയാൻ തുടർന്ന് വായിക്കാൻ മറക്കരുതേ.

ജിഎസ്ടി നിരക്കിളവുകളുടെ ഫലമായി കാറുകള്‍ക്ക് വമ്പന്‍ വിലക്കുറവ് ലഭിച്ചിട്ടും ജാപ്പനീസ് ബ്രാന്‍ഡ് ആയ ഹോണ്ടക്ക് ഉപഭോക്താക്കളെ ഷോറൂമിലേക്ക് ആകര്‍ഷിക്കാനായിരുന്നില്ല. 2025 സെപ്റ്റംബറില്‍ വില്‍പ്പനയില്‍ ഇടിവ് നേരിട്ട ചുരുക്കം ചില കാര്‍ കമ്പനികളില്‍ ഒന്നായിരുന്നു ഹോണ്ട. എന്നാല്‍ ദീപാവലി സമയത്തുണ്ടാകുന്ന ഡിമാന്‍ഡ് മുതലെടുക്കാനും വില്‍പ്പന വളര്‍ച്ച കൈവരിക്കാനുമായി ഹോണ്ട തങ്ങളുടെ ജനപ്രിയ മോഡലുകളായ എലിവേറ്റ്, സിറ്റി, അമേസ് എന്നിവയ്ക്ക് ആകര്‍ഷകമായ ഉത്സവകാല ഓഫറുകള്‍ പ്രഖ്യാപിച്ചു.

രാജ്യം വിട്ട് പോയെങ്കിലും ഇപ്പോഴും ഫാൻ ബേസിന് ഒരു കുറവുമില്ലാത്ത ബ്രാൻഡാണ് ഫോർഡ്. ജനപ്രിയമായ നിരവധി മോഡലുകൾ കമ്പനി അവതരിപ്പിച്ചിട്ടുണ്ട്. ഇപ്പോൾ വിൽപ്പന ഇല്ലെങ്കിലും യൂസ്ഡ് കാർ മാർക്കറ്റിൽ ഇപ്പോഴും ഡിമാൻ്റിന് കുറവൊന്നുമില്ല. തിരിച്ചു വരവിൻ്റെ പാതയിലാണ് ബ്രാൻഡ് എന്ന വാർത്തകൾ പുറത്ത് വിരുന്നുണ്ടെങ്കിലും കമ്പനി ഔദ്യോഗികമായി ഒരു വിവരവും പുറത്ത് വിട്ടിട്ടില്ല, പക്ഷേ ഇപ്പോൾ പുറത്ത് വരുന്ന റിപ്പോർട്ടുകൾ സൂചിപ്പിക്കുന്നത്, കമ്പനിയുടെ തിരിച്ചു വരവിൻ്റെ കാര്യത്തിൽ ഒന്നു കൂടി ആലോചിക്കേണ്ടതായിട്ടുണ്ടെന്നാണ്. കാരണം എന്താണെന്നായിരിക്കും ഇപ്പോൾ ആലോചിക്കുന്നത് അല്ലേ. അതിൻ്റെ കാരണം ഡൊണാൾഡ് ട്രംപാണെന്ന് കൂടി അറിഞ്ഞാലോ.

ഇന്നത്തെ കാലത്ത് ഒരു കാറുമായി തിരക്കേറിയ റോഡിലേക്ക് ഇറങ്ങാൻ തന്നെ പലർക്കും മടിയാണ്. കാര്യം എന്താണെന്ന് വച്ചാൽ ഒന്നാമത്തെ കാര്യം അനിയന്ത്രിതമായ വാഹന തിരക്ക്, മറ്റൊന്ന് ഡ്രൈവിങ്ങ് ലൈസൻസുണ്ടെങ്കിലും വാഹനം എങ്ങനെ മര്യാദയ്ക്ക് ഓടിക്കണമെന്ന് അറിയാത്തവരും. തനിക്ക് ഇഷ്ടം ഉളള പോലെ വാഹനമോടിക്കുന്നവരാണ് കൂടുതലും, നിയമം പാലിച്ച് വാഹനമോടിക്കുന്നവർ വളരെ ചുരുക്കമാണ്. ചിലർ വാഹനത്തിൻ്റെ ബ്ലൈൻഡ് സ്പോട്ടിൽ നിന്നാൽ കാണാൻ വളരെ ബുദ്ധിമുട്ടാണ്. അത്തരത്തിൽ തോന്നിയവാസം കാണിക്കുന്നവരെ നിങ്ങൾ കണ്ടില്ലെങ്കിലും വാഹനം കാണുന്നുണ്ട്. 10 ലക്ഷത്തിൽ താഴെ വില വരുന്ന വാഹനങ്ങളെ ഒന്ന് പരിചയപ്പെട്ടാലോ.

നിലവില്‍ ഇന്ത്യയില്‍ ഏറ്റവും കൂടുതല്‍ ആവശ്യക്കാരുള്ള ലക്ഷ്വറി ഓഫ്‌റോഡര്‍ എസ്‌യുവിയാണ് ലാന്‍ഡ് റോവര്‍ ഡിഫെന്‍ഡര്‍. സെലിബ്രിറ്റികളും സമ്പന്നരും യംഗ് പ്രഫഷനലുകളുമെല്ലാം ഈ ലോകോത്തര വാഹനം വാങ്ങാനായി വരിനില്‍ക്കുകയാണ്. ആകര്‍ഷകമായ മാറ്റങ്ങളും പ്രത്യേക ഓഫ്-റോഡ് അനുബന്ധ ഉപകരണങ്ങളുമായി ലാന്‍ഡ് റോവര്‍ ഇന്ത്യ ഡിഫന്‍ഡര്‍ 110 ട്രോഫി എഡിഷന്‍ (Land Rover Defender 110 Trophy Edition ) എസ്‌യുവി അവതരിപ്പിച്ചു. 1.30 കോടി രൂപ എക്‌സ്-ഷോറൂം വിലയിലാണ് ഡിഫെന്‍ഡര്‍ 110 ട്രോഫി എഡിഷന്‍ പുറത്തിറങ്ങിയിരിക്കുന്നത്. മുന്‍കാലങ്ങളിലെ ക്ലാസിക് ട്രോഫി എഡിഷന്‍ കാറുകള്‍ക്ക് ആദരമര്‍പ്പിച്ചാണ് ഈ സ്‌പെഷ്യല്‍ എഡിഷന്‍ മോഡല്‍ ജെഎല്‍ആര്‍ കൊണ്ടുവന്നിരിക്കുന്നത്.

മഹീന്ദ്രയുടെ രണ്ട് ഇവികൾക്കും മികച്ച വിൽപ്പനയാണ് ലഭിച്ചു കൊണ്ടിരിക്കുന്നത്, മഹീന്ദ്രയുടെ ഇവി തേരോട്ടം ഇത് കൊണ്ട് അവസാനിച്ചുവെന്ന് കരുതിയവരാണ് പലരും, എന്നാൽ ഇപ്പോഴിതാ മൂന്നാമത്തെ ഇവിയായി വരാൻ പോകുന്നത് XUV 700 മോഡലിൻ്റെ ഇലക്ട്രിക്കാണെന്ന് പുതിയ സ്പൈ ഷോട്ടുകളിൽ നിന്ന് വ്യക്തമായിട്ടുണ്ട്. ഇലക്ട്രിക് XUV 700 അല്ലെങ്കിൽ XEV 7e-യെ കുറിച്ച് ഔദ്യോഗികമായി സൂചനകളൊന്നും തന്നെ നൽകിയിട്ടില്ല. ചാർജിംഗ് പോർട്ട് ICE XUV 700 മോഡലിൻ്റെ ഇന്ധന ലിഡ് ഉണ്ടായിരുന്നിടത്താണെന്ന് ചിത്രങ്ങളിലൂടെ മനസിലാകും. അതിനൊപ്പം തന്നെ അടിപൊളി അലോയ് വീലുകളും അകത്ത് സൺ ബ്ലൈൻഡറുകളും കാണാൻ സാധിക്കുന്നുണ്ട്.

ഇലക്ട്രിക് സ്‌കൂട്ടറുകള്‍ക്ക് വിപണിയില്‍ പ്രിയമേറി വരികയാണ്. ഓരോ മാസവും വിപണിയിലെത്തുന്ന പുതിയ ഉല്‍പ്പന്നങ്ങള്‍ ഇരുചക്ര വാഹന വിപണിയെ തന്നെ കീഴ്‌മേല്‍ മറിക്കുകയാണ്. ഈ സാഹചര്യത്തില്‍ ഇരുചക്ര വാഹന ലോകത്ത് ഒരു വിപ്ലവം സൃഷ്ടിക്കാന്‍ ഒരുങ്ങുകയാണ് സുസുക്കി (Suzuki). ഹൈഡ്രജന്‍ ഇന്ധനമായി ഉപയോഗിക്കുന്ന ബര്‍ഗ്മാന്‍ (Suzuki Burgman) സ്‌കൂട്ടര്‍ വികസിപ്പിക്കുകയാണെന്ന് ജാപ്പനീസ് ഇരുചക്ര വാഹന നിര്‍മാതാക്കള്‍ സ്ഥിരീകരിച്ചു. ഇന്ത്യയില്‍ ഇതിനകം പ്രചാരത്തിലുള്ള ബര്‍ഗ്മാന്‍ മാക്‌സി സ്‌റ്റൈല്‍ സ്‌കൂട്ടറിന്റെ പുതിയ പതിപ്പ് പെട്രോളിനോ ബാറ്ററിക്കോ പകരം ഹൈഡ്രജന്‍ ഇന്ധനമായി ഉപയോഗിച്ച് പ്രവര്‍ത്തിക്കും.