പ്രമുഖ ഇരുചക്രവാഹന ബ്രാന്‍ഡ് ആയ ബജാജ് ഓട്ടോ തങ്ങളുടെ ജനപ്രിയ മോഡലായ പള്‍സര്‍ 220F അപ്‌ഡേറ്റുകളോടെ വിപണിയിലിറക്കി. ഇന്ത്യന്‍ മോട്ടോര്‍സൈക്കിള്‍ പ്രേമികള്‍ക്ക് ഒരു ആമുഖം ആവശ്യമില്ലാത്ത മോഡല്‍ ആണ് പള്‍സര്‍ 220F. 2021-ല്‍ വിപണിയില്‍ നിന്ന് പിന്‍വലിച്ചിരുന്ന ഈ മോഡല്‍, ഉപഭോക്താക്കളുടെ നിരന്തര ആവശ്യത്തെത്തുടര്‍ന്ന് 2023-ല്‍ റീലോഞ്ച് ചെയ്യുകയായിരുന്നു. 250സിസി, 400സിസി പള്‍സറുകള്‍ വരുന്നതുവരെ ബ്രാന്‍ഡിലെ ഏറ്റവും ഉയര്‍ന്ന എഞ്ചിന്‍ ശേഷിയുള്ള മോട്ടോര്‍സൈക്കിളായിരുന്നു ഇത്. ഇന്നും ഈ മോഡലിന് വലിയ ഫാന്‍ബേസുണ്ട്. ഈ സാഹചര്യത്തിലാണ് പുതിയ നിറങ്ങളും സവിശേഷതകളും ചേര്‍ത്ത് മോഡല്‍ ബജാജ് അപ്‌ഡേറ്റ് ചെയ്തത്.

അഡ്വഞ്ചർ മോട്ടോർസൈക്കിൾ വിപണിയിൽ മുമ്പെങ്ങുമില്ലാത്തത്ര മത്സരമാണ് ഇപ്പോൾ നടക്കുന്നത്. ഹീറോ എക്‌സ്‌പൾസും റോയൽ എൻഫീൽഡ് ഹിമാലയനുമെല്ലാം അരങ്ങുവാണിരുന്ന വിഭാഗത്തിലേക്ക് അടുത്തിടെ ടിവിഎസ് അപ്പാച്ചെ RTX 300 കൂടിയെത്തിയതോടെ മത്സരം കൊഴുത്തിട്ടുണ്ടെന്ന് പറയാം. ഇതുകൂടാതെ ജാപ്പനീസ് ഇരുചക്ര വാഹന നിർമാതാക്കളായ കവസാക്കിയും എഡിവി സെഗ്മെൻ്റിൽ സാന്നിധ്യമറിയിക്കുകയുണ്ടായി. വെർസിസ് ശ്രേണിയിലെ ഏറ്റവും ചെറിയ മോഡലായ വെർസിസ് X 300 എന്ന മോഡലുമായാണ് സാഹസിക പ്രേമികളെ ചാക്കിലാക്കുവാനായി ടീം ഗ്രീൻ പുറത്തിറക്കിയിരുന്നത്. അടുത്തിടെ 2026 മോഡൽ ഇയർ പരിഷ്ക്കാരം ലഭിച്ച ബേബി വെർസിസിന് ഇപ്പോഴിതാ ഇയർ എൻഡ് ഓഫറുകൾ കൂടി ലഭിച്ചിരിക്കുകയാണ്.

ഇന്ത്യൻ വിപണിയിൽ എതിരാളികളില്ലാതെ വിഹരിച്ചു നടക്കുന്ന ഒരു മോഡലെന്ന് തന്നെ പറയാം ടൊയോട്ട ഫോർച്ച്യുണറിനെ കുറിച്ച്. പല ബ്രാൻഡുകളും ഫോർച്ച്യൂണറിനെ തകർക്കാൻ പല മോഡലുകളുമായി രംഗത്ത് വന്നുവെങ്കിലും ഒന്നും ശോഭിക്കാന സാധിച്ചിട്ടില്ല, എന്നാൽ അവിടെയാണ് സ്കോഡ കൊഡിയാക്ക് വ്യത്യസ്തനാകുന്നത്. ഡൽഹിയിൽ നടന്ന 2025 ഭാരത് മൊബിലിറ്റി ഗ്ലോബൽ എക്‌സ്‌പോയിൽ ആദ്യമായി പ്രദർശിപ്പിച്ച സ്കോഡ കൊഡിയാക് ഇന്ത്യയിൽ അസംബിൾ ചെയ്‌താണ് പുറത്തിറക്കുന്നത്. സ്‌പോർട്‌ലൈൻ, ലോറിൻ ആൻഡ് ക്ലെമെന്റ് എന്നീ രണ്ട് വേരിയന്റുകളിൽ വാഗ്ദാനം ചെയ്യുന്ന പ്രീമിയം സ്പോർട് യൂട്ടിലിറ്റി വാഹനത്തിന് 46.89 ലക്ഷം രൂപ മുതൽ 48.69 ലക്ഷം രൂപ വരെയാണ് എക്സ്ഷോറൂം വില വരുന്നത്.

ലോകത്തിലെ വാഹന നിർമ്മാണ ബ്രാൻഡുകളിൽ പേരുകേട്ടവരാണ് ജർമ്മനിയിൽ നിന്നെത്തിയ ഫോക്‌സ്‌വാഗൺ. ഇവരുടെ പോളോ വർഷങ്ങളായി വിശ്വാസവും ഡ്രൈവിംഗ് ആസ്വാദനവും സൂചിപ്പിക്കുന്ന ഒന്നാണ്. ഇപ്പോൾ അതേ ജനപ്രിയ പോളോയുടെ പൂർണമായും ഇലക്ട്രിക് പതിപ്പായ കാർ 2026 ഓടെ അവതരിപ്പിക്കാൻ ഒരുങ്ങുകയാണ് കമ്പനി. ഐഡി.പോളോ എന്ന ഇലക്ട്രിക് ഹാച്ച്ബാക്ക് മികച്ച റേഞ്ച്, ആധുനിക ടെക്‌നോളജി, കൂടാതെ ദിവസേന ഉപയോഗിക്കാൻ അനുയോജ്യമായ പ്രായോഗികത എന്നിവ വാഗ്ദാനം ചെയ്യുമെന്നാണ് റിപ്പോർട്ടുകൾ. മാത്രവുമല്ല ഇലക്ട്രിക് വാഹനങ്ങളിലേക്കുള്ള ആഗോള മാറ്റത്തിന്റെ ഭാഗമായി സാധാരണ ഉപഭോക്താക്കളെ ലക്ഷ്യമിട്ടുള്ള ഒരു അഫോർഡബിൾ ഇവിയെ അവതരിപ്പിക്കുക എന്നതുകൂടിയാണ് ബ്രാൻഡിൻ്റെ ലക്ഷ്യം.

കോവിഡ് മഹാമാരിക്കാലത്തിന് ശേഷം ദീര്‍ഘദൂര യാത്രകള്‍ പോകാനായി ഫാമിലി കാറുകള്‍ തെരഞ്ഞെടുക്കുന്നവരുടെ എണ്ണം കൂടിയിരുന്നു. പൊതുഗതാഗത സംവിധാനങ്ങളെ ആശ്രയിക്കുന്നതിനേക്കാള്‍ സുരക്ഷിതം കുടുംബത്തിലെ എല്ലാവര്‍ക്കും സുഖകരമായി യാത്ര ചെയ്യാന്‍ പറ്റുന്ന മള്‍ട്ടി പര്‍പ്പസ് വാഹനങ്ങളാണെന്ന് ഒട്ടേറെ പേര്‍ ചിന്തിച്ചതോടെ ഈ വിഭാഗത്തില്‍ വില്‍പ്പനയും കൂടി. കൂടുതല്‍ സീറ്റുകളുള്ള കാറുകള്‍ക്ക് ഡിമാന്‍ഡ് കൂടിയതിന് അനുസരിച്ച് അങ്കത്തട്ടിലെത്തുന്ന കാറുകളുടെ എണ്ണവും വര്‍ധിച്ചു. എന്നാല്‍ കുടുംബങ്ങള്‍ക്ക് അനുയോജ്യമായി രാജ്യത്തെ നമ്പര്‍ 1 ബ്രാന്‍ഡായ മാരുതി സുസുക്കി പുറത്തിറക്കിയ ഒരു കാറിന്റെ വില്‍പ്പന വളരെ കുറവാണ്. ആ കാര്‍ ഏതാണെന്നും അതിന്റെ വില്‍പ്പന കണക്കുകളും നമുക്ക് വിശദമായി പരിശോധിക്കാം.

ഇന്ത്യക്കാരെ കൈയിലെടുക്കാനായി ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ പുറത്തിറക്കിയ കുഞ്ഞൻ എസ്‌യുവിയാണ് കൈലാക് (Skoda Kylaq SUV). മലയാളി പേരിട്ട ഈ മോഡലിന് രാജ്യത്തുനിന്നും വലിയ സ്വീകാര്യതയാണ് നേടിയെടുക്കാനായത്. അതും മാരുതി സുസുക്കി ബ്രെസ, ടാറ്റ നെക്സോൺ, ഹ്യുണ്ടായി വെന്യു തുടങ്ങിയ വമ്പൻമാർ അരങ്ങുവാഴുന്ന കോംപാക്‌ട് എസ്‌യുവി വിഭാഗത്തിൽ മത്സരിക്കാനിറങ്ങിയിട്ടും ചൂടപ്പം പോലെയാണ് കൈലാക് വിറ്റഴിയുന്നത്. കുറഞ്ഞ വില, നല്ല പെർഫോമൻസ്, അന്യായ സേഫ്റ്റി അങ്ങനെയെല്ലാം കൂടി ഒന്നിച്ച് കിട്ടുമ്പോൾ വാഹനം വാങ്ങാനിരിക്കുന്നവർക്ക് എങ്ങനെ മുഖംതിരിക്കാനാവും.

മഹീന്ദ്ര ഥാർ റോക്സ് സ്വന്തമാക്കാൻ വായ്പയെടുക്കാൻ നിങ്ങൾ ആലോചിക്കുന്നവരാണെങ്കിൽ നിങ്ങൾക്ക് അറിയേണ്ട എല്ലാ കാര്യങ്ങളും ഈ ലേഖനത്തിലൂടെ പങ്കുവയ്ക്കുകയാണ്. ഇന്ത്യൻ വാഹന വിപണിയിൽ പ്രത്യേകിച്ച് ഓഫ്റോഡ് വാഹനങ്ങളുടെ ഇടയിൽ വലിയ സ്വീകാര്യത നേടിയ മോഡലുകളിൽ ഒന്നാണ് മഹീന്ദ്ര ഥാർ റോക്സ്. ഓഫ്-റോഡിംഗിന് പുറമെ ദൈനംദിന ഉപയോഗത്തിനും കാര്യക്ഷമമായ ഒരു എസ്‌യുവിയാണ് മഹീന്ദ്ര ഥാർ റോക്സ് എന്ന് തെളിയിച്ചതുമാണ്. എളുപ്പമുള്ള ഇഎംഐ (EMI) ഓപ്ഷനുകളിലൂടെ ഈ വാഹനം സ്വന്തമാക്കാൻ സാധിക്കും. വാഹനത്തിന്റെ ഓൺ-റോഡ് വിലയും ഡൗൺ പേയ്‌മെൻ്റ് വിശദാംശങ്ങളും നമുക്കൊന്ന് വിശദമായി പരിശോധിച്ചാലോ

നമ്മുടെ രാജ്യത്ത് നിലവില്‍ വിറ്റഴിക്കപ്പെടുന്ന കാറുകളില്‍ പകുതിയോളം സ്‌പോര്‍ട് യൂടിലിറ്റി വാഹനങ്ങള്‍ ആണ്. എസ്‌യുവികള്‍ക്കിടയില്‍ തന്നെ കോംപാക്ട് എസ്‌യുവികള്‍ക്കാണ് ആവശ്യക്കാര്‍ കൂടുതല്‍. എസ്‌യുവിയുടെ പരുക്കന്‍ ലുക്കും ഉയര്‍ന്ന പൊസിഷനും പ്രദാനം ചെയ്യുന്നതിനൊപ്പം തന്നെ ഇവ ഓടിക്കാനും എളുപ്പമാണ്. താങ്ങാനാവുന്ന വിലയില്‍ കൂടി കിട്ടുന്നതിനാല്‍ സിറ്റി ഉപയോഗത്തിനുള്ള കാറുകള്‍ തേടുന്നവര്‍ ആദ്യം പരിഗണിക്കുന്നത് കോംപാക്ട് എസ്‌യുവികളാണ്. ഇന്ത്യയിലെ കോംപാക്ട് എസ്‌യുവികളുടെ ലോകം കേവലം പ്രായോഗികതയിലും സ്‌റ്റൈലിലും മാത്രം ഒതുങ്ങി നില്‍ക്കുന്നതല്ല. കരുത്തുറ്റ എഞ്ചിനുകളും, സ്‌പോര്‍ട്ടി ഡ്രൈവിംഗ് ഡൈനാമിക്‌സും, ഏറ്റവും പുതിയ സാങ്കേതികവിദ്യയും വാഗ്ദാനം ചെയ്യുന്ന ഈ വാഹനങ്ങള്‍ ആവേശകരമായ അനുഭവം സമ്മാനിക്കുന്നു.

എംജി മോട്ടോർസ് ജനപ്രിയ ഹെക്ടർ എസ്‌യുവിയുടെ പുതുക്കിയ പതിപ്പ് പുറത്തിറക്കിയിരിക്കുകയാണ്. മെക്കാനിക്കൽ മാറ്റങ്ങളില്ലാതെ, ഡിസൈനിലും സോഫ്റ്റ്‌വെയർ അപ്ഡേറ്റുകളിലുമാണ് കമ്പനി കൂടുതൽ ശ്രദ്ധിച്ചിരിക്കുന്നത്. 2019-ന് ശേഷമുള്ള ഹെക്ടറിന്റെ മൂന്നാമത്തെ പ്രധാന അപ്‌ഡേറ്റാണിത്. 11.99 ലക്ഷം (എക്‌സ്-ഷോറൂം) പ്രാരംഭ വിലയിൽ, ഇത് മത്സരം നിറഞ്ഞ മിഡ്സൈ് എസ്‌യുവി വിഭാഗത്തിൽ ഹെക്ടറിനെ വേറിട്ട് നിർത്താൻ എംജിയെ സഹായിക്കുമെന്ന കാര്യത്തിൽ ഒരു സംശയവും വേണ്ട. മുൻഭാഗത്ത്, പഴയ ഡയമണ്ട് മെഷ് ഗ്രില്ലിന് പകരം ലംബമായ 'ഓറ ഹെക്സ്' ഗ്രിൽ ശ്രദ്ധേയ മാറ്റമാണ്. കൂടുതൽ വിവരങ്ങൾ അറിയാൻ തുടർന്ന് വായിക്കണേ.

നിലവിൽ സിനിമ മേഖലയിൽ കണ്ടുവരുന്നൊരു ട്രെൻഡാണ് സിനിമ ഹിറ്റായാൽ സംവിധായകന് കാർ സമ്മാനം നൽകുന്നത്. അടുത്തിടെ ഇത്തരത്തിലുള്ള നിരവധി സംഭവങ്ങൾ നാം വാർത്തകളിലൂടെ അറിഞ്ഞിരുന്നുവല്ലോ. ബോളിവുഡിലും, കോളിവുഡിലും ആണ് ഏറ്റവും കൂടുതലുള്ളതെങ്കിലും നമ്മുടെ മോളിവുഡിലും ഈ ട്രെൻഡ് ഏറ്റുപിടിച്ചിട്ടുണ്ട് പലരും. എന്നാൽ ഇപ്പോൾ ഇത്തരത്തിലൊരു സ്നേഹ സമ്മാനം തൻ്റെ സംവിധായകന് നൽകിയിരിക്കുന്നത് ഒരു തെലുങ്കു സൂപ്പർസ്റ്റാറാണ്. മറ്റാരുമല്ല, നിരവധി ആരാധകരുള്ള ടോളിവുഡിൻ്റെ സ്വന്തം പവൻ കല്യാണാണ് (Pawan Kalyan) കോടികൾ വിലവരുന്ന ആഡംബര കാർ സംവിധായകന് കൊടുത്തിരിക്കുന്നത്.

രാജ്യത്ത് ഇലക്ട്രിക് സ്കൂട്ടറുകൾക്ക് ദിനംപ്രതി ആവശ്യക്കാർ ഏറിവരുകയാണ്. ഈ സാഹചര്യത്തിൽ കൂടുതൽ ശക്തി പ്രാപിക്കാനായി ഏഥർ എനർജി പുതിയ പദ്ധതികൾ പ്ലാൻ ചെയ്തുകൊണ്ടിരിക്കുന്നു. ഇതുവരെ പെർഫോമൻസിനും അഡ്വാൻസ്ഡ് ടെക്‌നോളജിക്കും പ്രാധാന്യം നൽകിയ സ്കൂട്ടറുകളിലൂടെ ശ്രദ്ധ നേടിയ ഏഥർ ഇപ്പോൾ സാധാരണ ഉപഭോക്താക്കളെ ലക്ഷ്യമിട്ട് ഒരുക്കുന്ന പുതിയ അടിത്തറയാണ് EL പ്ലാറ്റ്‌ഫോം. ഈ പ്ലാറ്റ്‌ഫോമിനെ അടിസ്ഥാനമാക്കി ഒരു പുതിയ ഇലക്ട്രിക് സ്കൂട്ടർ അവതരിപ്പിക്കാനാണ് തീരുമാനം. ടെക്‌നോളജി നിറഞ്ഞതും അതേസമയം എല്ലാവർക്കും എളുപ്പം ഉപയോഗിക്കാവുന്നതുമായ ഒരു ഫാമിലി ഇവി സ്കൂട്ടർ സൃഷ്ടിക്കുക എന്നതാണ് കമ്പനിയുടെ ലക്ഷ്യം.

ഓരോ പുതിയ കലണ്ടര്‍ മാറുമ്പോഴും വാഹനപ്രേമികള്‍ ഏറെ ആകാംക്ഷയോടെ കാത്തിരിക്കുന്നത് പുത്തന്‍ ലോഞ്ചുകള്‍ക്കായിരിക്കും. ഇന്ത്യക്കാര്‍ പൊതുവേ മാരുതി സുസുക്കിയുടെ പുത്തന്‍ മോഡലുകളിലേക്കായിരിക്കും കണ്ണുംനട്ടിരിക്കുന്നത്. 2026-ല്‍ ഇന്ത്യന്‍ വിപണിക്കായി മാരുതി സുസുക്കി ചില വന്‍ 'സംഭവങ്ങള്‍' ആണ് അണിയറയില്‍ ഒരുക്കുന്നത്. ഈ വര്‍ഷം കമ്പനി മിഡ്‌െൈസസ് എസ്‌യുവിയായ വിക്ടോറിസ് മാത്രമാണ് പുറത്തിറക്കിയത്. എന്നാല്‍ 2026-ല്‍ 4 പുതിയ മോഡലുകള്‍ വിപണിയിലെത്തിക്കുമെന്നാണ് റിപ്പോര്‍ട്ടുകള്‍. ഇതില്‍ പരിസ്ഥിതി സൗഹൃദ വാഹനങ്ങള്‍ക്കാണ് കൂടുതല്‍ പ്രാധാന്യം നല്‍കുന്നത്. വരാന്‍ പോകുന്ന വാഹനങ്ങളുടെ കൂട്ടത്തില്‍ രണ്ട് ഇലക്ട്രിക് വാഹനങ്ങളും ഒരു ഫ്‌ലെക്‌സ് ഫ്യുവല്‍ വാഹനവുമുണ്ട്.

പ്രകൃതിയോട് ചേർന്ന് നിൽക്കുന്ന മലനിരകളും വളവുകളുമാണ് ഇല്ലിക്കൽ കല്ലിലേക്കുള്ള യാത്രയെ വ്യത്യസ്തമാക്കുന്നത്. അവിടേയ്ക്കുളള നമ്മുടെ യാത്രയ്ക്ക് കൂട്ടായി നിസാൻ മാഗ്നൈറ്റ് തെരഞ്ഞെടുക്കാൻ തീരുമാനിച്ചത് ഒരു മികച്ച തീരുമാനം തന്നെയായിരുന്നു എന്ന് യാത്രയിലൂടനീളം മനസിലായി. രാവിലെ സൂര്യൻ ചേട്ടൻ തലപ്പൊങ്ങിയപ്പേഴേക്കും ഞങ്ങൾ ഇല്ലിക്കൽകല്ലിലേക്കുളള കയറ്റം കയറിക്കൊണ്ടിരിക്കുകയായിരുന്നു. മാഗ്നൈറ്റിന്റെ സ്മൂത്ത് എൻജിൻ റെസ്പോൺസും സ്റ്റീയറിങ്ങും സിറ്റിയുടെ തിരക്ക് നിറഞ്ഞ റോഡുകളിൽ നിന്നും മലമ്പാതയിലേക്ക് തിരിയുമ്പോൾ നിസാൻ മാഗ്നൈറ്റ് നമ്മൾക്ക് തരുന്ന ആത്മവിശ്വാസം ചെറുതല്ല കേട്ടോ. കയറ്റത്തിൽ തന്നെ വലിയ ഹംമ്പുകളിൽ ഒന്നും തന്നെ അടി തട്ടാതെ വളരെ സുഗമമായി പോകാൻ മാഗ്നൈറ്റിന് സാധിച്ചിട്ടുണ്ട്.

മൈലേജിൻ്റെ കാര്യത്തിൽ വിശ്വസിച്ച് വാങ്ങാവുന്ന കാറുകളാണ് മാരുതി സുസുക്കിയുടേത്. കമ്പനി പറയുന്ന കണക്കുകൾക്ക് ഏതാണ്ട് അടുത്ത് നൽകാൻ മത്സരിക്കുന്ന മോഡലുകളാൽ സമ്പന്നമാണ് ബ്രാൻഡിൻ്റെ വാഹന നിര. അതിപ്പോൾ എസ്‌യുവിയാണെങ്കിലും അങ്ങനെ തന്നെയാണ്. ആൾട്ടോ, എസ്-പ്രെസോ, സ്വിഫ്റ്റ്, വാഗൺആർ തുടങ്ങിയ ചെറുകാറുകളിലൂടെ പണംവാരുന്ന കമ്പനിയുടെ നിരയിൽ ഏറ്റവും ഇന്ധനക്ഷതയുള്ള മറ്റൊരു മോഡലാണ് സെലേറിയോ. ടോൾബോയ് രൂപവും നല്ല ഇൻ്റീരിയർ സ്പേസും 1.0 ലിറ്റർ പെട്രോൾ എഞ്ചിനുമെല്ലാമുള്ള ഹാച്ച്ബാക്ക് ശരിക്കും ലേഡീസിന് വരെ പ്രിയങ്കരനാണ്. തലമുറ മാറ്റത്തോടെ പലരുടേയും മനസിൽ നിന്നും സെലേറിയോ പടിയിങ്ങുകയും ചെയ്‌തിരുന്നു.

ഹ്യുണ്ടായി അടുത്ത കാലത്തായി ഇന്ത്യൻ വിപണിയെ ലക്ഷ്യമിട്ടുകൊണ്ട് നാല് പുതിയ ഹൈബ്രിഡ് എസ്‌യുവികൾ പുറത്തിറക്കാനുള്ള പദ്ധതി ആവിഷ്കരിച്ചുകൊണ്ടിരിക്കുകയാണ്. കർശനമാകുന്ന എമിഷൻ നിയമങ്ങളും ഉയർന്ന ഇന്ധന വിലയും ഉപഭോക്താക്കളുടെ മാറുന്ന മുൻഗണനകളും പരിഗണിച്ചുകൊണ്ടാണ് കമ്പനി ഇങ്ങനെയൊരു മുന്നേറ്റത്തിന് തയ്യാറാകുന്നത്. മാത്രവുമല്ല ഇതിനോടകം തന്നെ മറ്റു പല ബ്രാൻഡുകളും ഹൈബ്രിഡ് സെഗ്മെൻ്റിൽ ആധിപത്യം പുലർത്തിയിരിക്കുകയാണ്. ഈ സാഹചര്യത്തിൽ നിലനിൽപ്പ് കാത്തുസൂക്ഷിക്കേണ്ടത് കമ്പനിക്ക് അത്യാവശ്യമായ കാര്യമാണ്. ഇതുംകൂടെ മുൻനിർത്തിയാണ് ഹ്യുണ്ടായി പുതിയ അധ്യായത്തിന് തുടക്കം കുറിക്കുന്നത്. കമ്പനി ഏതെല്ലാം ഹൈബ്രിഡ് എസ്‌യുവികളാണ് കൊണ്ടുവരാൻ ഇരിക്കുന്നതെന്ന് അറിഞ്ഞാലോ.

ഇന്ന് ഒരാള്‍ കാര്‍ വാങ്ങാന്‍ ഇറങ്ങിയാല്‍ ആദ്യം പരിഗണിക്കുന്നത് സ്‌പോര്‍ട് യൂടിലിറ്റി വാഹനങ്ങള്‍ (എസ്‌യുവി) ആയിരിക്കും. രാജ്യത്തെ മുന്‍നിര എസ്‌യുവി നിര്‍മാതാക്കളാണ് മഹീന്ദ്ര. ആഭ്യന്തര വാഹന നിര്‍മാതാക്കള്‍ വിപണിയില്‍ എത്തിക്കുന്ന സ്‌കോര്‍പിയോ, ഥാര്‍, XUV700, XUV 3XO, ബൊലേറോ എന്നീ എസ്‌യുവികള്‍ ചൂടപ്പം പോലെയാണ് വിറ്റഴിക്കപ്പെടുന്നത്. കമ്പനി എംപിവി വിഭാഗത്തില്‍ മറാസോ (Mahindra Marazzo) എന്ന കാറും വില്‍ക്കുന്നുണ്ട്. എന്നാല്‍ ഈ കാര്‍ എല്ലാ മാസവും വളരെ പരിമിതമായ അളവില്‍ മാത്രമാണ് വില്‍പ്പന നേടുന്നത്. ഇക്കാരണത്താല്‍, മറാസോ എപ്പോള്‍ വേണമെങ്കിലും വിപണിയില്‍ നിന്ന് പിന്‍വലിക്കാമെന്ന പ്രതീതിയാണ്.

ജിഎസ്ടി ഇളവിലൂടെ നിരവധി മോഡലുകൾക്കാണ് വില കുറഞ്ഞത്. എന്നിട്ടും വിൽപ്പനയിൽ ശോഭിക്കാൻ സാധിക്കാതെ വരുന്ന കുറച്ച് മോഡലുകളുണ്ട് എന്നതാണ് സത്യം. ജിഎസ്ടി പരിഷ്കാരങ്ങൾ വഴിയും അല്ലാതെയും ഒക്കെയായിട്ട് 1.11 ലക്ഷം രൂപയുടെ വരെ കുറവ് വന്ന ടൊയോട്ടയുടെ മോഡലാണ് ടൈസർ. മാരുതിയും ടൊയോട്ടയും റീബാഡ്ജിങ്ങ് വിപ്ലവുമായി മുന്നോട്ട് കുതിക്കുകയാണല്ലോ. 8 ലക്ഷം രൂപ താഴെയിൽ ടൊയോട്ടയുടെ എസ്‌യുവിയാണ് ടൈസർ.എന്നാൽ നവംബർ മാസത്തിൽ 30 ശതമാനത്തിൻ്റെ കുറവാണ് വിൽപ്പനയിൽ വന്നത്.4561 യൂണിറ്റുകൾ സെപ്റ്റംബർ മാസത്തിൽ വിറ്റപ്പോൾ നവംബർ മാസത്തിൽ അത് 3177 യൂണിറ്റായി കുറഞ്ഞു.

വികാരങ്ങൾ ടാറ്റ മോട്ടോർസിന് എന്നുമൊരു വീക്ക്‌നെസ് ആണ്. ഇതിഹാസ എസ്‌യുവിയായ സഫാരിയെ തിരികെ കൊണ്ടുവന്ന കമ്പനി സിയറയെയും (Tata Sierra SUV) പുനർജനിപ്പിച്ചിരിക്കുകയാണ്. കിടിലൻ ഫീച്ചറുകളും സേഫ്റ്റിയുമെല്ലാം കുത്തിനിറച്ചെത്തിയ ന്യൂജെൻ മോഡലിന് കിടിലൻ പ്രൈസിംഗും കൊടുത്ത് ടാറ്റ ഞെട്ടിച്ചിട്ടുണ്ട്. ഹ്യുണ്ടായി ക്രെറ്റ, മാരുതി വിക്ടോറിസ്, ടൊയോട്ട അർബൻ ക്രൂയിസർ ഹൈറൈഡർ, ഹോണ്ട എലിവേറ്റ് അങ്ങനെ നീളുന്ന വലിയ കൊമ്പൻമാരുമായി മത്സരിക്കാൻ സിയറ മിഡ്-സൈസ് എസ്‌യുവി നിരയിലേക്കാണ് എത്തിയിരിക്കുന്നത്. ഇന്ന് മുതൽ (2025 ഡിസംബർ 16) മോഡലിനായുള്ള ബുക്കിംഗും തുടങ്ങിയിട്ടുണ്ട്.

ഇന്ത്യന്‍ വിപണിയിലെത്തിയ ഒരു ഐക്കോണിക് പെര്‍ഫോമന്‍സ് ബൈക്കുകളില്‍ ഒന്നാണ് ബജാജ് പള്‍സര്‍ 220F (Bajaj Pulsar 220F). പെര്‍ഫോമന്‍സ്, സ്‌പോര്‍ട്ടി സ്റ്റൈലിംഗ്, ദൈനംദിന ഉപയോഗക്ഷമത എന്നിവ സമന്വയിപ്പിക്കുന്ന 220F ഐക്കണിക് പള്‍സര്‍ നെയിംപ്ലേറ്റിന് കീഴില്‍ ഏറ്റവും ജനപ്രിയമായ മോഡല്‍ നാമങ്ങളില്‍ ഒന്നാണ്. 'ദി ലെജന്‍ഡ്', 'ത്രില്‍ മെഷീന്‍' എന്നീ ഓമനപ്പേരുകളില്‍ അറിയപ്പെടുന്ന ഈ മോട്ടോര്‍സൈക്കിള്‍ പ്രീമിയം സെഗ്മെന്റിലേക്ക് കടക്കാതെ തന്നെ കഴിവുറ്റ മോട്ടോര്‍സൈക്കിള്‍ ആഗ്രഹിക്കുന്നവര്‍ക്ക് ഒരു കിടിലന്‍ ചോയ്സാണ്. പവറിന്റെയും പ്രായോഗികതയുടെയും സന്തുലിതാവസ്ഥ വാഗ്ദാനം ചെയ്യുന്ന ഈ മോഡല്‍ സിറ്റിയിലും ഹൈവേയിലും മികച്ച പ്രകടനം കാഴ്ചവെക്കുന്നു.

മാരുതി സുസുക്കി കഴിഞ്ഞാൽ ഇന്ത്യക്കാർക്ക് കൂടുതൽ ഇഷ്‌ടമുള്ള വാഹന നിർമാതാക്കളിൽ ഒരാളാണ് ടൊയോട്ട. വിശ്വസിച്ച് വാങ്ങിക്കാൻ ഇവരെ കഴിഞ്ഞേ വേറെ ബ്രാൻഡുള്ളു എന്നതാണ് മറ്റൊരു കാര്യം. നല്ലതു പോലെ മെയിൻ്റനെൻസ് ചെയ്‌ത് കൊണ്ടുനടന്നാൽ എത്ര ലക്ഷം കിലോമീറ്റർ വേണമെങ്കിലും താണ്ടാനാവുന്ന എഞ്ചിനും നല്ല ബിൽഡ് ക്വാളിറ്റിയുള്ള വാഹനങ്ങളുമാണ് കമ്പനി പുറത്തിറക്കാറ്. ഇന്നോവയും ഫോർച്യൂണറുമെല്ലാം വാങ്ങാൻ ആളുകൾ ഇടിച്ച് കയറുന്നതിൻ്റെ കാരണവും ഇതുതന്നെയാണ്. രാജ്യത്ത് അധികം പ്രചാരമില്ലാത്ത ലൈഫ് സ്റ്റൈൽ പിക്കപ്പ് ട്രക്ക് വിഭാഗത്തിൽ വരെ പരീക്ഷണത്തിനിറങ്ങാൻ ടൊയോട്ടയ്ക്ക് മറിച്ചൊന്ന് ചിന്തിക്കേണ്ടി വന്നിട്ടില്ല.

2025 വർഷം അവസാനിക്കുന്നതോടെ ഇന്ത്യൻ മോട്ടോർസൈക്കിൾ വിപണി ഒരു പുതിയ ഉയരം കൈവരിച്ചിരിക്കുകയാണ്. വിലക്കൊപ്പം നല്ല മൈലേജും, പെർഫോമൻസും, ഫീച്ചറുകളും എല്ലാം ശരിയായ ബാലൻസിൽ നൽകുന്ന ബൈക്കുകൾക്ക് അല്ലെങ്കിലും ഇവിടെ അവശ്യക്കാർ ഏറെയുണ്ട്. ദിവസേന യാത്ര ചെയ്യുന്ന സാധാരണ ആളുകളെ ലക്ഷ്യമിട്ട കമ്മ്യൂട്ടർ ബൈക്കുകളിൽ നിന്ന് ആവേശകരമായ റൈഡിംഗ് അനുഭവം തേടുന്നവർക്ക് വേണ്ടിയുള്ള മിഡ്-കപ്പാസിറ്റി സ്പോർട്സ് ബൈക്കുകൾ, അതുപോലെ തന്നെ പ്രീമിയം ഹൈ-പെർഫോമൻസ് സെഗ്മെന്റുകൾ വരെ ഇന്ന് കത്തികയറി നിൽക്കുകയാണ്. പ്രത്യേകിച്ച് ഈ ഒരു വർഷം ഇന്ത്യൻ ഉപഭോക്താക്കൾ ഏറ്റവും കൂടുതൽ അംഗീകരിച്ചും തിരഞ്ഞെടുത്തതുമായ ബൈക്കുകൾ നിരവധിയാണ്.

നിലവില്‍ ഇന്ത്യയിലെ മുന്‍നിര ഇലക്ട്രിക് എസ്‌യുവി നിര്‍മാതാക്കളാണ് മഹീന്ദ്ര. BE 6, XEV 9e എന്നീ ഹിറ്റ് മോഡലുകള്‍ക്ക് ശേഷം മഹീന്ദ്ര കഴിഞ്ഞ മാസം തങ്ങളുടെ ആദ്യത്തെ 7 സീറ്റര്‍ ഇലക്ട്രിക് എസ്‌യുവിയായ XEV 9s പുറത്തിറക്കിയിരുന്നു. എന്നാല്‍ മഹീന്ദ്ര ആദ്യം ഇന്ത്യന്‍ വിപണിയില്‍ അവതരിപ്പിച്ച XUV400 (Mahindra XUV 400) എന്ന മോഡല്‍ നിങ്ങള്‍ മറന്നു പോയോ?. ടാറ്റ നെക്സോണ്‍ ഇവിക്ക് ചെക്ക് വെക്കാനായി മഹീന്ദ്ര കൊണ്ടുവന്ന ഈ ഇലക്ട്രിക് എസ്‌യുവി പ്രതീക്ഷിച്ച വിജയമായില്ല എന്നത് സത്യമാണ്.

മാരുതി സുസുക്കി കഴിഞ്ഞാൽ ഇന്ത്യക്കാർക്ക് ഏറ്റവും കൂടുതൽ അടുപ്പമുള്ള വാഹന നിർമാതാക്കളിൽ ഒരാളാണ് ഹ്യുണ്ടായി. പണ്ട് സാൻട്രോയുമായി വന്ന കമ്പനി ഇന്ന് ഗംഭീര മോഡലുകളുമായി കളംനിറഞ്ഞുനിൽക്കുകയാണ്. പ്രത്യേകിച്ച് എസ്‌യുവി മോഡലുകളിലൂടെയാണ് ദക്ഷിണ കൊറിയൻ ബ്രാൻഡ് തിളങ്ങുന്നത്. സാക്ഷാൽ ടൊയോട്ട ഇന്നോവയെ വരെ വെല്ലാൻ പാകത്തിനുള്ള ഒരു 7-സീറ്റർ മോഡലും ഹ്യുണ്ടായിയുടെ ആയുധപ്പുരയിലുണ്ട് കേട്ടോ. നേരിട്ട് മുട്ടുന്നില്ലെങ്കിലും ഒരേ ബജറ്റുള്ളവർക്ക് ഫീച്ചർ റിച്ചായിട്ടുള്ള എസ്‌യുവി പരിഗണിക്കാവുന്നതാണ്. ഏതാണന്നല്ലേ, അൽകസാറിൻ്റെ കാര്യമാണീ പറഞ്ഞുവരുന്നത്. ടോപ്പ് സെല്ലിംഗ് ക്രെറ്റയെ അടിസ്ഥാനമാക്കി പണികഴിപ്പിച്ചിരിക്കുന്ന ഈ മൂന്നുവരി വാഹനത്തെ പലരും തിരിച്ചറിഞ്ഞിട്ടില്ല എന്നതാണ് സത്യം.

ഗള്‍ഫ് രാജ്യങ്ങളിലും മറ്റും പോയാല്‍ പ്രമുഖ ജാപ്പനീസ് വാഹന ഭീമന്‍മാരായ നിസാന്‍ നിരവധി കാറുകള്‍ വില്‍പ്പനക്കെത്തിക്കുന്നതായി നമുക്ക് കാണാം. എന്നാല്‍ ഇന്ത്യയില്‍ അവര്‍ ആകെ രണ്ട് മോഡലുകളാണ് വില്‍ക്കുന്നത്. അതില്‍ തന്നെ ഒരു കാര്‍ ഉള്ളതും ഇല്ലാത്തും കണക്കാണ്. നിസാന്‍ X-ട്രെയില്‍ ഫുള്‍സൈസ് എസ്‌യുവിയെ കുറിച്ചാണ് പറഞ്ഞത്. ഈ എസ്‌യുവിക്ക് പുതിയ ഉപഭോക്താക്കളെ കിട്ടുന്നില്ല. വില്‍പ്പന കൂട്ടാനായി ഉടന്‍ തന്നെ റെനോ ട്രൈബറിനെ അടിസ്ഥാനമാക്കി ഒരു പുത്തന്‍ കോംപാക്ട് എംപിവി നിസാന്‍ പുറത്തിറക്കുന്നുണ്ട്. ഈ ഡിസംബര്‍ 18ന് നിസാന്‍ ട്രൈബറിന്റെ ഇരട്ടയുടെ അവതരണം നടത്താന്‍ പോകുകയാണ്.

സെൽഫ് ഡ്രൈവിംഗ് വാഹനങ്ങൾ ഇനി സിനിമകളിലോ കഥകളിലോ മാത്രമുള്ള ആശയമല്ല. ലോകത്തിലെ പ്രമുഖ വാഹന നിർമ്മാതാക്കൾ ഇതിനകം തന്നെ ഡ്രൈവറില്ലാത്ത ഗതാഗതത്തിന്റെ കണ്ടുപിടുത്തങ്ങളിലേക്ക് കടന്നുകഴിഞ്ഞു. ഈ സാങ്കേതികവിദ്യയെ കൂടുതൽ വികസിപ്പിക്കാനുള്ള ഗവേഷണത്തിൽ ഫോക്‌സ്‌വാഗണും ഇപ്പോൾ മുന്നിട്ട് നിൽക്കുകയാണ്. ജർമ്മനിയിലെ വോള്‍വ്‌സ്ബര്‍ഗ് റോഡുകളിൽ തങ്ങളുടെ ജെൻ.അർബൻ ഓട്ടോണമസ് വാഹനത്തിൻ്റെ പരീക്ഷണ ഓട്ടം നടത്തിയിരിക്കുകയാണ് കമ്പനി. ഭാവിയിൽ ടാക്‌സി സേവനങ്ങൾ, സിറ്റി യാത്രകൾ,പൊതുഗതാഗതം എന്നിവയെ തന്നെ മാറ്റിമറിക്കാൻ ശേഷിയുള്ള സാങ്കേതിക മുന്നേറ്റത്തിന് തുടക്കം കുറിക്കുക എന്നതാണ് ഇതിലൂടെ ബ്രാൻഡ് ലക്ഷ്യമിടുന്നത്.