ഇന്ത്യൻ സെഡാൻ വിപണിയിൽ വീണ്ടും ശ്രദ്ധ നേടാൻ തയ്യാറെടുക്കുകയാണ് 2026 ഹ്യുണ്ടായി വെർണ ഫെയ്‌സ്‌ലിഫ്റ്റ്. അടുത്തിടെ ടെസ്റ്റിംഗ് സമയത്ത് പുറത്തുവന്ന സ്പൈ ചിത്രങ്ങൾ വെർണക്ക് ലഭിക്കാനിരിക്കുന്ന പുതിയ ഡിസൈൻ ടച്ചുകളെയും ഫീച്ചർ അപ്ഡേറ്റുകളെയും കുറിച്ചുള്ള സൂചനകളാണ് നൽകുന്നത്. നിലവിലെ മോഡലിന്റെ അടിസ്ഥാന സ്വഭാവം നിലനിർത്തിക്കൊണ്ടു തന്നെ കൂടുതൽ ആധുനികമായ ടെക്‌നോളജികൾ ഉൾപ്പെടുത്തി സെഡാൻ ആരാധകരെ വീണ്ടും ആകർഷിക്കുകയാണ് ഹ്യുണ്ടായിയുടെ ലക്ഷ്യം. മാത്രവുമല്ല ഹോണ്ട സിറ്റി, സ്കോഡ സ്ലാവിയ എന്നിവരോടുള്ള മത്സരം കടുപ്പിക്കുന്നതിനുള്ള ഒരു പ്രധാന നീക്കമായാണ് വെർണ ഫെയ്‌സ്‌ലിഫ്റ്റിനെ കാണുന്നത്.

പുതുവർഷം പിറക്കുന്നതോടെ വാഹനം വാങ്ങാനിരിക്കുന്നവർക്ക് ഏറ്റവും ആശങ്കയുള്ള കാര്യമാണ് വില വർധനവ്. നിർമാണ ചെലവിലുണ്ടാവുന്ന വർധനവ് ചൂണ്ടിക്കാണിച്ചുകൊണ്ടാണ് വാഹന നിർമാതാക്കൾ ഇത്തരത്തിൽ വില വർധനവ് പൊതുവേ നടപ്പിലാക്കാറുള്ളത്. ഇത്തവണ ജിഎസ്‌ടി ആനുകൂല്യങ്ങൾ കേന്ദ്രസർക്കാർ നടപ്പിലാക്കിയതോടെ കമ്പനികൾ വില ഉയർത്താൻ സാധ്യതയില്ലെന്നാണ് ആളുകൾ വിശ്വസിച്ചിരുന്നത്. എന്നാൽ എംജി മോട്ടോർ എല്ലാവരേയും അതിശയിപ്പിച്ചുകൊണ്ട് വില വർധനവ് പ്രഖ്യാപിച്ച് മുമ്പോട്ട് വന്നിരിക്കുകയാണ്. 2026 ജനുവരി 1 മുതൽ പ്രാബല്യത്തിൽ വരുന്ന തരത്തിൽ ജെഎസ്ഡബ്ല്യു എംജി മോട്ടോർ ഇന്ത്യ തങ്ങളുടെ മുഴുവൻ വാഹന ശ്രേണിയിലും വില കൂട്ടും.

ആഡംബര ഇലക്ട്രിക് വാഹനം വാങ്ങുന്നവർ വളരെ ചുരുക്കമാണ്, എന്നാൽ പല പ്രീമിയം ബ്രാൻഡുകളും വലിയ തരക്കേടില്ലാതെ വിറ്റുപോകുന്നുണ്ട്. പക്ഷേ കൊറിയൻ ബ്രാൻഡായ കിയയുടെ ആഡംബര ഇവിയും 660 കിലോമീറ്റർ റേഞ്ചും നൽകുന്ന മോഡലായ ഇവി6-ന് മാത്രം അത്ര നല്ല കാലം അല്ല. ഒരു മോഡലെങ്കിലും വിറ്റു പോകട്ടെ എന്ന് കരുതി 15 ലക്ഷം രൂപ വരെയാണ് മോഡലിന് ഓഫർ പ്രഖ്യാപിച്ചത്. എന്നിട്ടും നവംബർ മാസത്തിൽ ഒറ്റ യൂണിറ്റ് പോലും വിറ്റു പോയില്ല എന്നതാണ് അതിശയകരമായ കാര്യം. വാഹനത്തിൻ്റെ കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ഇന്ത്യക്കാരുടെ ആവശ്യങ്ങൾ മനസിൽ കണ്ട് കൃത്യമായി വാഹനങ്ങൾ പുറത്തിറക്കുന്നവരാണ് മാരുതി സുസുക്കി. ഹാച്ച്ബാക്ക് വിപണിയിൽ അനേകം മോഡലുകളുണ്ടെങ്കിലും കുടുംബങ്ങളുടെ പ്രിയസുഹൃത്തായി മാറിയവനാണ് വാഗൺആർ. ഇന്ത്യക്കാരുടെ ദേശീയ വാഹനമായി പ്രഖ്യാപിക്കേണ്ട കാറാണിത് എന്നുപറഞ്ഞാലും തെറ്റൊന്നുമില്ല. കാലങ്ങൾക്ക് മുമ്പേ അവതരിച്ച മോഡൽ ഇന്നും രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന കാറായി വിലസണമെങ്കിൽ അതിൻ്റെ സ്വീകാര്യത എത്രത്തോളമാണെന്ന് ഊഹിക്കാവുന്നതല്ലേയുള്ളൂ. 5 പേരടങ്ങുന്ന കുടുംബത്തിന് ഇതുപോലെ ഇണങ്ങുന്ന മറ്റൊരു ചെറുഹാച്ച്ബാക്ക് ഇല്ലെന്ന് പറയാം. വിലയിലായാലും മെയിൻ്റനെൻസിനായാലും പോക്കറ്റിൽ ഒതുങ്ങുന്നതാണ് വാഗൺആർ എന്ന മഹാത്ഭുതം.

ഇന്ത്യൻ നാഷണൽ കോൺഗ്രസ് നേതാവും നിലവിൽ ലോക്‌സഭയിലെ പ്രതിപക്ഷ നേതാവുമായ രാഹുൽ ഗാന്ധി 2025 ഡിസംബർ 17-ന് ജർമ്മനിയുടെ മ്യൂണിക്ക് നഗരത്തിലുള്ള ലോകപ്രശസ്തമായ ബിഎംഡബ്ല്യു ആസ്ഥാനം സന്ദർശിച്ചത് സോഷ്യൽ മീഡിയയിൽ വൈറലായിരിക്കുകയാണ്. ബിഎംഡബ്ല്യു ഷോറൂം അവിടുത്തെ നിർമ്മാണപ്ലാൻ്റും അദ്ദേഹം വിശദമായി കണ്ടു. നിരവധി മോഡലുകളിലുള്ള ബിഎംഡബ്ല്യു കാറുകളും മോട്ടോർസൈക്കിളുകളും അതീവ താല്പര്യത്തോടെ അദ്ദേഹം നിരീക്ഷിക്കുന്നതും വിവരങ്ങൾ അറിയുന്നതും കാണാം. ചെന്നൈ ആസ്ഥാനമായുള്ള ഇന്ത്യൻ കമ്പനിയായ ടിവിഎസ് മോട്ടോർ ബിഎംഡബ്ല്യുവുമായി സഹകരിച്ച് നിർമ്മിച്ച 450 സിസി മോട്ടോർസൈക്കിൾ കണ്ട് രാഹുൽ ഗാന്ധി സന്തോഷം പ്രകടിപ്പിച്ചതായി പോസ്റ്റിൽ വ്യക്തമാക്കുന്നു.

ബിഎംഡബ്ലു ഗ്രൂപ്പിന്റെ കീഴിലുള്ള ബ്രാൻഡായ മിനി ഇന്ത്യയിലെ ഇലക്ട്രിക് വാഹന വിപണിയിൽ തന്റെ സാന്നിധ്യം കൂടുതൽ ശക്തമാക്കാനുള്ള ഒരുക്കത്തിലാണ്. അതിന്റെ ഭാഗമായി 2026ഓടെ രാജ്യത്ത് മിനി എയ്‌സ്‌മാൻ (MINI Aceman) എന്ന ഇവി എസ്‌യുവി പുറത്തിറക്കാനുള്ള തയ്യാറെടുപ്പിലാണ് കമ്പനി. പൂർണ്ണമായും ഇലക്ട്രിക് പ്ലാറ്റ്‌ഫോമിൽ വികസിപ്പിച്ച ഈ പുതിയ ക്രോസോവർ കൂപ്പറിനും കണ്‍ട്രിമാന്‍ ഇലക്ട്രികിനും ഇടയിൽ സ്ഥാനം പിടിക്കുന്ന ഒരു മോഡലായിരിക്കും. സ്റ്റൈലിഷ് ഡിസൈൻ, ആധുനിക ടെക്‌നോളജി, നഗര ജീവിതത്തിന് അനുയോജ്യമായ പ്രായോഗികത എന്നിവ ഒരുമിച്ച് വാഗ്ദാനം ചെയ്യുന്ന ഈ മോഡൽ ഇന്ത്യയിലെ പ്രീമിയം ഇവി ഉപഭോക്താക്കൾക്ക് പുതിയൊരു ആകർഷണമായി മാറാനാണ് സാധ്യത.

ഇന്ത്യയിലെ എംപിവി സെഗ്മെൻ്റിലേക്കുള്ള എൻട്രി പ്രഖ്യാപിച്ച് ജാപ്പനീസ് വാഹന നിർമാതാക്കളായ നിസാൻ. മാരുതി സുസുക്കി എർട്ടിഗ പോലുള്ള വമ്പൻമാർ അരങ്ങുവാഴുന്ന കോംപാക്‌ട് മൾട്ടി പർപ്പസ് വാഹന നിരയിലേക്ക് ഒരു സബ്-4 മീറ്റർ മോഡലുമായിട്ടാണ് കമ്പനിയുടെ വരവ്. ഇതിനോടകം ഏവർക്കും അറിയാവുന്നത് പോലെ റെനോ ട്രൈബറിനെ അടിസ്ഥാനമാക്കിയുള്ള എംപിവിയായിരിക്കും ഇത്. മാഗ്നൈറ്റിൻ്റെ അതേ പ്ലാറ്റ്ഫോമിൽ തന്നെ പണികഴിപ്പിക്കുന്ന വണ്ടിക്ക് ഗ്രാവൈറ്റ് (Nissan Gravite) എന്നാണ് നിസാൻ പേരിട്ടിരിക്കുന്നത്. 2026 ജനുവരി മാസത്തിൽ നിസാൻ ഗ്രാവൈറ്റിൻ്റെ അവതരണവും വില പ്രഖ്യാപനവും നടക്കും.

ഒരു പ്രദേശം മുഴുവൻ ചുട്ടുചാമ്പലാക്കാൻ ഒരു ചെറിയ തീപൊരി മതി എന്ന് പറയുന്നത് പോലെയാണ് ലോകം മുഴുവൻ തങ്ങളുടെ സാന്നിധ്യ അറിയിക്കാൻ നിസാൻ എന്ന ബ്രാൻഡിന് മാഗ്നൈറ്റ് എന്ന ഒറ്റ മോഡൽ തന്നെ ധാരാളം. ഇന്ത്യയിൽ കടുത്ത മത്സരം നടക്കുന്ന കോംപാക്ട് എസ്‌യുവി സെഗ്മെൻ്റിൽ വില്ലാളിവീരൻമാരായ എതിരാളികളോട് മുട്ടി നിൽക്കുന്നുണ്ടെങ്കിൽ മാഗ്നൈറ്റ് ചില്ലറക്കാരനല്ല. ഇന്ത്യൻ കോംപാക്ട് SUV സെഗ്മെന്റിൽ ഒരു പ്രത്യേക സ്ഥാനം സ്വന്തമാക്കിയ മോഡലാണ്.നമ്മൾക്ക് ഇത്തവണ ടർബോ പെട്രോൾ CVT മോഡലാണ് റിവ്യുവിനായി ലഭിച്ചിരിക്കുന്നത്. സിറ്റി ഡ്രൈവിങ്ങിനും ഹൈവേ യാത്രകൾക്കും ഒരുപോലെ അനുയോജ്യമായ അനുഭവം നൽകുന്നുണ്ടോ എന്ന് പരീക്ഷിച്ചു നോക്കാം. കൂടുതൽ അറിയാൻ തുടർന്ന് വായിക്കാൻ മറക്കരുതേ.

ഇന്ത്യൻ വിപണിയിൽ ടൊയോട്ട ഇന്നോവ കഴിഞ്ഞാൽ ഏറ്റവും കൂടുതൽ യാത്രാ സുഖവും പത്രാസും നൽകുന്നൊരു കാറാണ് ഹോണ്ട സിറ്റി. സെഡാനുകളുടെ തലതൊട്ടപ്പൻ എന്നുവിളിക്കാവുന്ന മോഡലിന് പ്രത്യേക ഫാൻബേസാണുള്ളത്. പുതിയത് കാര്യമായി വിറ്റഴിയുന്നില്ലെങ്കിലും സെക്കൻഡ് ഹാൻഡ് വിപണിയിലെല്ലാം സിറ്റിക്കുള്ള ഡിമാൻ്റ് ഒന്ന് വേറെ തന്നെയാണ്. ആദ്യ തലമുറ മുതൽ ഇങ്ങോട്ട് നാലാം തലമുറ വരെയുള്ള മോഡലുകൾ വലിയ വിജയം കെയ്യുകയും ചെയ്‌തിട്ടുണ്ട്. എന്നാൽ എസ്‌യുവികളുടെ വരവോടെ പ്രതാപത്തിന് ചെറിയ മങ്ങൽ ഏറ്റിട്ടുണ്ടെന്നത് സത്യമാണ്. പക്ഷേ ഇതിനെയെല്ലാം മറികടക്കാനുള്ള പദ്ധതി ആവിഷ്ക്കരിച്ചിരിക്കുകയാണ് ജാപ്പനീസ് വാഹന നിർമാതാക്കൾ.

ഒരു റെയിൽവേ പാലത്തിലൂടെ കണ്ണിമ ചിമ്മും മുമ്പേ മിന്നൽ വേഗത്തിൽ കുതിച്ചുപായുന്ന ഒരു ട്രെയിനിൻ്റെ ദൃശ്യങ്ങളാണ് സാമൂഹിക മാധ്യമങ്ങളിൽ വലിയ തരംഗമായി മാറി കൊണ്ടിയിരിക്കുന്നത്. വീഡിയോയിൽ കാണുന്നത് സാധാരണ ട്രെയിൻ അല്ലെന്ന് വേഗത കാണുമ്പോൾ തന്നെ മനസിലാകും. ലോകത്തിലെ അതിവേഗ ട്രെയിനുകൾക്ക് പേരുകേട്ട ജപ്പാനിലെ മാഗ്‌ലെവ് (Maglev) ട്രെയിൻ ആയിരുന്നു അത്. വേഗത, കൃത്യനിഷ്ഠ, മികച്ച സേഫ്റ്റി ഫീച്ചറുകൾ എന്നിവ കൊണ്ട് ജപ്പാനിലെ ബുള്ളറ്റ് ട്രെയിനുകൾ ആഗോളതലത്തിൽ പ്രശസ്തമായത്. ശ്രദ്ധേയമായ മറ്റൊരു സവിശേഷത, ഇതുവരെ ഒരു വലിയ അപകടത്തിലും ഉൾപ്പെടാതെ ജാപ്പനീസ് റെയിൽവേ സംവിധാനം പ്രവർത്തിച്ചിട്ടുണ്ടെന്നതാണ്. അതിനാൽ തന്നെ ലോക രാജ്യങ്ങൾക്ക് മാതൃകയായി ജപ്പാൻ മാറുന്നു.

2025 ഇന്ത്യയിലെ വാഹന വിപണിയിൽ ഏറ്റവും കൂടുതൽ ആവശ്യക്കാരുള്ള ഒരു സെഗ്മെൻ്റായിരുന്നു ഹാച്ച്ബാക്കുകളുടേത്. എസ്‌യുവികൾ ശക്തമായ ആധിപത്യം പുലർത്തുമ്പോഴും ഹാച്ച്ബാക്ക് കാറുകൾക്ക് ഇന്നും വലിയ ആരാധകർ ഉണ്ടെന്നതാണ് ഇത് തെളിയിക്കുന്നത്. അതിന്റെ പ്രധാന കാരണം ഇവ നൽകുന്ന ഉയർന്ന പ്രായോഗികതയും താങ്ങാനാവുന്ന വിലയുമാണ്. ഇന്ന് ബജറ്റ് കാർ വാങ്ങുന്നവർക്കും പ്രീമിയം ഫീച്ചറുകൾ തേടുന്നവർക്കും അതുപോലെ തന്നെ പെട്രോൾ കാറുകളിൽ നിന്ന് ഇലക്ട്രിക് വാഹനങ്ങളിലേക്ക് മാറുന്നവർക്കും എല്ലാം അനുയോജ്യമായ ഹാച്ച്ബാക്ക് ഓപ്ഷനുകൾ വിപണിയിൽ ലഭ്യമാണ്. അതിനാൽ ഈ വർഷം ഹിറ്റായ കുറച്ചു മോഡലുകളെ നമുക്ക് പരിചയപെടാം.

ഇന്ത്യയില്‍ തന്നെ ഏറ്റവും മികച്ച കാര്‍ സംസ്‌കാരമുള്ള സംസ്ഥാനങ്ങളില്‍ ഒന്നാണ് കേരളം. മലയാളികളുടെ വണ്ടിപ്രാന്ത് മറ്റ് സംസ്ഥാനങ്ങളില്‍ നിന്നുള്ളവര്‍ തന്നെ അംഗീകരിക്കുന്നതാണ്. വലിപ്പത്തില്‍ ചെറുതാണെങ്കിലും കാര്‍ വില്‍പ്പനയുടെ കാര്യത്തില്‍ കേരളം മുന്‍പന്തിയിലാണ് സ്ഥാനം പിടിക്കുന്നത്. ലോകത്തെ ഏറ്റവും വിശ്വാസ്യതയുള്ള കാര്‍ ബ്രാന്‍ഡ് ആയ ടൊയോട്ടയുടെ ഉല്‍പ്പന്നങ്ങള്‍ മലയാളികള്‍ക്കും ഇഷ്ടമാണ്. എന്നാല്‍ ദക്ഷിണേന്ത്യയില്‍ ഏറ്റവും കൂടുതല്‍ ടൊയോട്ട കാറുകള്‍ വിറ്റഴിക്കപ്പെടുന്ന നഗരം പക്ഷേ കേരളത്തിലല്ല. ദക്ഷിണേന്ത്യയില്‍ വില്‍ക്കുന്ന മൂന്നില്‍ ഒന്ന് ടൊയോട്ട കാറുകളും വാങ്ങിക്കൂട്ടുന്ന നഗരം നമ്മുടെ അയല്‍സംസ്ഥാനത്താണെങ്കിലും മലയാളികള്‍ക്ക് ഏറെ പ്രിയപ്പെട്ടതാണ്. അത് ഏതാണെന്ന് ഈ നമുക്ക് നോക്കാം.

ആഡംബര കാർ വിഭാഗത്തിൽ ഏറ്റവും കൂടുതൽ ആരാധകരുള്ള വാഹന നിർമാതാക്കളിൽ ഒരാളാണ് മിനി (Mini). കൂപ്പർ എന്ന സ്റ്റൈലൻ ഹാച്ച്ബാക്കുമായി സ്ത്രീകളുടെ വരെ മനസിൽ കയറിപ്പറ്റിയ ബ്രിട്ടീഷ് ബ്രാൻഡ് ഇന്ത്യയിലും വലിയ ചലനങ്ങൾ സൃഷ്ടിച്ചിട്ടുണ്ട്. ദേ ഇക്കഴിഞ്ഞ ദിവസം അവതരിപ്പിച്ച ഏറ്റവും പുതിയ മിനി കൂപ്പർ S കൺവെർട്ടിബിൾ മോഡൽ വിപണിയിലെത്തിച്ച് മണിക്കൂറുകൾക്കുള്ളിൽ പൂർണമായും വിറ്റഴിഞ്ഞിരിക്കുകയാണ്. 58.50 ലക്ഷം രൂപ എക്സ്ഷോറൂം വിലയിൽ പുറത്തിറക്കിയ ഇത് ഇന്ത്യയിലെ ഏറ്റവും താങ്ങാനാവുന്ന കൺവെർട്ടിബിൾ കാറാണെന്ന പ്രത്യേകതയോടെയാണ് വിപണനത്തിന് എത്തിയത്.

ഇന്ത്യയിൽ 2026 അവസാനത്തോടെ എഐ (ആർട്ടിഫിഷ്യൽ ഇൻ്റലിജൻസ്) അധിഷ്ഠിത ഡിജിറ്റൽ ടോൾ പിരിവ് സംവിധാനം നടപ്പാക്കുമെന്ന് കേന്ദ്ര ഉപരിതല ഗതാഗത, ഹൈവേ മന്ത്രി നിതിൻ ഗഡ്കരി പ്രഖ്യാപിച്ചിരിക്കുകയാണ്. ഇതോടെ ടോൾ പ്ലാസകളിലെ നിർത്താതെയുള്ള യാത്രകൾ വേഗമേറിയതും തടസ്സരഹിതവുമാക്കുമെന്നാണ് കേന്ദ്രത്തിൻ്റെ അവകാശവാദം.ആർട്ടിഫിഷ്യൽ ഇൻ്റലിജൻസ്, ക്യാമറകൾ, സെൻസറുകൾ, ഓട്ടോമേറ്റഡ് സംവിധാനങ്ങൾ എന്നിവ ഉപയോഗിക്കുന്ന മോഡേൺ സാങ്കേതികവിദ്യയാണിത്. നമ്പർ പ്ലേറ്റ്, ചലനം, ദൂരം എന്നിവ തിരിച്ചറിഞ്ഞ് ടോൾ നിരക്ക് സ്വയമേ ഈടാക്കും. ഇതിന് ടോൾ ബൂത്തുകളോ മനുഷ്യസഹായമോ ആവശ്യമില്ല.

ഡിസംബർ മാസം അവസാനിക്കുന്നതോടെ ഇന്ത്യൻ വാഹന വിപണിയിൽ വലിയ മാറ്റങ്ങൾ ഉണ്ടാക്കാൻ തയ്യാറെടുക്കുകയാണ് ടാറ്റ മോട്ടോഴ്‌സ്. പെട്രോൾ, ഡീസൽ മോഡലുകളോടൊപ്പം ഇലക്ട്രിക് വാഹനങ്ങൾക്കും ശക്തമായ പ്രാധാന്യം നൽകികൊണ്ട് പുതിയ മോഡലുകളെ പുറത്തിറക്കാനാണ് കമ്പനി ലക്ഷ്യമിടുന്നത്. അതിന്റെ ഭാഗമായാണ് പഞ്ച് ഫെയ്‌സ്‌ലിഫ്റ്റ്, ഏറെ പ്രതീക്ഷയോടെ കാത്തിരിക്കുന്ന സിയറ ഇവി, കൂടാതെ പൂർണമായും പുതുക്കിയ നെക്സോൺ എന്നിവ ഇന്ത്യൻ വിപണിയിലെത്താൻ പോകുന്നത്. ജനപ്രിയ മോഡലുകളുടെ നവീകരണവും ഐക്കോണിക് വാഹനത്തിന്റെ ഇലക്ട്രിക് തിരിച്ചുവരവും എല്ലാം ടാറ്റയുടെ ഭാവി മുന്നേറ്റങ്ങൾ വ്യക്തമാക്കി തരുന്നതാണ്.

ഇന്ത്യക്കാരുടെ പ്രിയപ്പെട്ട കോംപാക്ട് എസ്‌യുവിയാണ് മാരുതി സുസുക്കി ഗ്രാന്‍ഡ് വിറ്റാര. ഹൈബ്രിഡ് പവര്‍ട്രെയിന്‍ ഓപ്ഷനിലടക്കം ഓഫര്‍ ചെയ്യുന്ന ഗ്രാന്‍ഡ് വിറ്റാര നെക്‌സ ഡീലര്‍ഷിപ്പുകള്‍ വഴിയാണ് വില്‍ക്കുന്നത്. 2025 കലണ്ടര്‍ വര്‍ഷം അവസാനിക്കാനിരിക്കേ ഈ എസ്‌യുവിക്ക് കമ്പനി മികച്ച ഇയര്‍ എന്‍ഡ് ഓഫറുകള്‍ പ്രഖ്യാപിച്ചിട്ടുണ്ട്. മാരുതി സുസുക്കി ഗ്രാന്‍ഡ് വിറ്റാര വാങ്ങാന്‍ ആഗ്രഹിക്കുന്നവര്‍ക്ക് ഈ മാസം ആകര്‍ഷകമായ ഓഫറുകള്‍ പ്രയോജനപ്പെടുത്താം. ഓരോ വര്‍ഷവും ഇന്‍പുട്ട് ചെലവുകള്‍ വര്‍ധിക്കുന്നതിനാല്‍ പൊതുവേ പുതുവര്‍ഷത്തില്‍ ബ്രാന്‍ഡുകള്‍ വില വര്‍ധിപ്പിക്കാറുണ്ട്. അതിനാല്‍ വില വര്‍ധനവിന് മുമ്പ് ആകര്‍ഷകമായ ഓഫറില്‍ കാര്‍ സ്വന്തമാക്കാനുള്ള ലാസ്റ്റ് ചാന്‍സായിരുന്നു ഡിസംബര്‍ ഓഫറുകള്‍.

ടാറ്റ മോട്ടോഴ്‌സ് 2025-ൽ ഐക്കണിക് ടാറ്റ സിയറയെ ഒരു ആധുനിക കോംപാക്റ്റ് എസ്‌യുവിയായി വീണ്ടും അവതരിപ്പിച്ചതോടെ ഹ്യുണ്ടായ് ക്രെറ്റ, കിയ സെൽറ്റോസ് തുടങ്ങിയ വാഹനങ്ങൾക്കെല്ലാം തലവേദനയായി മാറിയിരിക്കുകയാണ്. ടാറ്റയുടെ തന്നെ കുടുംബത്തിലെ സഫാരിക്കും സിയറ ഒരു വെല്ലുവിളി തന്നെയാണ് കേട്ടോ. ഈ രണ്ട് മോഡലുകളിൽ സിയറ 5 സീറ്ററും സഫാറി 7 സീറ്ററുമാണ് എന്നതാണ് പ്രധാന വ്യത്യാസമെങ്കിലും മത്സര രംഗത്തും പ്രത്യേകിച്ച് വിൽപ്പന രംഗത്ത് ഇതൊന്നും പ്രധാന കാര്യമല്ല. സിയറയ്ക്ക് റെട്രോ-ആധുനിക ഡിസൈൻ ശൈലിയാണുള്ളത്. അത് കൊണ്ട് തന്നെ എല്ലാവർക്കും ഇഷ്ടപ്പെടുമെന്ന കാര്യത്തിൽ സംശയം വേണ്ട. അത് കൊണ്ട് തന്നെ എല്ലാവർക്കും ഇഷ്ടപ്പെടുമെന്ന കാര്യത്തിൽ സംശയം വേണ്ട.

ഇന്ത്യയിൽ സെവൻ സീറ്റർ വാഹനങ്ങൾക്ക് ആവശ്യക്കാർ ഏറിവരികയാണ്. മാരുതി സുസുക്കി എർട്ടിഗ, ടൊയോട്ട ഇന്നോവ, കിയ കാരെൻസ് ക്ലാവിസ്, സ്കോർപിയോ തുടങ്ങിയ വിവിധ സെഗ്മെൻ്റുകളിലുള്ള 7-സീറ്ററുകൾ ചൂടപ്പം പോലെയാണ് ഇവിടെ വിറ്റഴിയുന്നത്. എന്തിന് രാജ്യത്തെ ഏറ്റവും കുറഞ്ഞ വിലയുള്ള മൂന്നുവരി മോഡലായ റെനോ ട്രൈബറും തരക്കേടില്ലാത്ത രീതിയിലാണ് ആളുകൾ വാങ്ങിക്കൊണ്ട് പോവുന്നത്. ടർബോ എഞ്ചിനില്ല എന്ന പോരായ്‌മ ഉണ്ടെങ്കിലും ട്രൈബർ നല്ലൊരു സിറ്റി എംപിവിയായി ഉപയോഗിക്കാനാവും. ഇനിയിതാ ജാപ്പനീസ് വാഹന നിർമാതാക്കളായ നിസാനും ഇതേ രംഗത്തേക്ക് ഇറങ്ങുകയാണ്.

കേരളത്തിലെ റോഡുകൾ പണ്ട് കാലത്തേക്കാൾ കൂടുതൽ തിരക്കേറി കൊണ്ടിരിക്കുകയാണ്. നഗരങ്ങളിലെയും പട്ടണങ്ങളിലെയും ട്രാഫിക്, ഇടവേളകളില്ലാത്ത സ്റ്റോപ്പ്-ഗോ ഡ്രൈവിംഗ് കാരണങ്ങൾ കൊണ്ട് ക്ലച്ച് ചവിട്ടിയും ഗിയർ മാറ്റിയും ക്ഷീണിച്ചു കൊണ്ടിരിക്കുകയാണ്. അതുകൊണ്ടുതന്നെ ഓട്ടോമാറ്റിക്ക് കാറുകൾക്ക് കേരളത്തിലെ ഉപഭോക്താക്കളുടെ ഇടയിൽ ഡിമാൻഡ് വർധിച്ചിട്ടുണ്ട് എന്നാണ് റിപ്പോർട്ടുകളിൽ നിന്ന് വ്യക്തമാകുന്നത്. മലയോര പ്രദേശങ്ങളിൽ കയറ്റങ്ങളും വളവുകളും നിറഞ്ഞ ഈ വഴികളിൽ, ഹാഫ് ക്ലച്ച് ഉപയോഗിച്ച് വാഹനം നിയന്ത്രിക്കേണ്ട അവസ്ഥ മാനുവൽ ഗിയറുള്ള കാറുകളിലുണ്ടല്ലോ.എന്നാൽ ഓട്ടോമാറ്റിക്ക് കാറുകളിൽ ഇത്തരം സമർദ്ദമോ ആശങ്കയുടെയോ ആവശ്യമില്ല.

24 മണിക്കൂറിനുള്ളില്‍ 70000 ബുക്കിംഗുകള്‍ വാരിക്കൂട്ടി ഇന്ത്യന്‍ വാഹന വിപണിയിലേക്കുള്ള തിരിച്ചുവരവ് ഗംഭീരമാക്കി ടാറ്റ സിയറ. ഇന്നലെയാണ് (16 ഡിസംബര്‍ 2025) ടാറ്റ മോട്ടോര്‍സ് എസ്‌യുവിയുടെ ബുക്കിംഗ് വിന്‍ഡോ തുറന്നത്. ആദ്യ ദിവസം തന്നെ മികച്ച പ്രതികരണമാണ് വാഹനത്തിന് ലഭിച്ചത്. 70,000 ബുക്കിംഗുകള്‍ക്ക് പുറമെ എസ്‌യുവിക്ക് 1.35 ലക്ഷത്തിലധികം കണ്‍ഫര്‍മേഷനുകള്‍ ലഭിച്ചതായും കമ്പനി അറിയിച്ചു. എസ്‌യുവിയുടെ ബുക്കിംഗ് നടപടിക്രമങ്ങള്‍ പൂര്‍ത്തിയാക്കുന്നതിനിടയില്‍ തങ്ങളുടെ ഇഷ്ടപ്പെട്ട കോണ്‍ഫിഗറേഷന്‍ സമര്‍പ്പിച്ച് വാഹനം സ്വന്തമാക്കാന്‍ കാത്തിരിക്കുകയാണിവര്‍. ഇവരുടെ ബുക്കിംഗുകള്‍ പൂര്‍ത്തിയാക്കുന്ന പ്രക്രിയയിലാണെന്നും ടാറ്റ മോട്ടോര്‍സ് വെളിപ്പെടുത്തി.

മുമ്പ് പ്രീമിയം മോട്ടോർസൈക്കിളുകൾ മാത്രം വിറ്റിരുന്ന ബ്രിട്ടീഷ് ഇരുചക്ര വാഹന നിർമാതാക്കളാണ് ട്രയംഫ് (Triumph Motorcycles). ബജാജിൻ്റെ കൈപിടിച്ച് ഇന്ത്യയിലെ മിഡ്-കപ്പാസിറ്റി ബൈക്ക് നിരയിലേക്ക് ഇറങ്ങിയതോടെ ബ്രാൻഡിൻ്റെ രാശി തെളിഞ്ഞുവെന്ന് പറയാം. റോയൽ എൻഫീൽഡിൻ്റെ കുത്തകയായി വിഭാഗത്തിൽ തേരോട്ടം നടത്താനായ ട്രയംഫ് 400 സിസി മോഡലുകളിലൂടെയാണ് വെന്നിക്കൊടി പാറിക്കുന്നത്. കൂട്ടത്തിൽ സ്പീഡ് 400 (Speed) റോഡ്സ്റ്ററും സ്ക്രാംബ്ലർ 400 X എന്നിവയാണ് കൂടുതൽ വിറ്റഴിയുന്നത്. ഇപ്പോഴിതാ ഇതേ പ്ലാറ്റ്ഫോമിനെ അടിസ്ഥാനമാക്കിയുള്ള പുത്തൻ മോട്ടോർസൈക്കിളുമായി രംഗത്തെത്തിയിരിക്കുകയാണ് ബ്രിട്ടീഷ് ബ്രാൻഡ്.

ലോകത്തെ മുൻനിര വാഹന നിർമ്മാതാക്കളിൽ ഒരാളായ ഹ്യുണ്ടായി വലിയ പ്രതീക്ഷകളോടെ അവതരിപ്പിച്ച ഒരു മോഡലാണ് ഹൈഡ്രജൻ ഫ്യൂവൽ സെൽ എസ്‌യുവിയായ നെക്സോ. അടുത്തിടെ യൂറോപ്പിലെ ഏറ്റവും കർശന സുരക്ഷാ പരീക്ഷണമായ യൂറോ NCAP-ൽ 5 സ്റ്റാർ റേറ്റിംഗ് നേടിയതോടെ നെക്സോ വീണ്ടും വാർത്തകളിൽ നിറഞ്ഞിരിക്കുകയാണ്. ഹൈഡ്രജൻ ഉപയോഗിച്ച് പ്രവർത്തിക്കുന്ന ഈ സീറോ എമിഷൻ വാഹനം സുരക്ഷയിലും സാങ്കേതികവിദ്യയിലും മുൻനിര നിലവാരം കൈവരിച്ചെന്ന് ഈ അംഗീകാരം വ്യക്തമാക്കുന്നു. ഇതോടെ ഇന്ത്യയിലേക്ക് ഈ ഹൈടെക് ഹ്യുണ്ടായി എത്തുമോ എന്ന ചോദ്യം കൂടി ശക്തമാകുകയാണ്.

ലോകത്തിലെ ഏറ്റവും വലിയ മൂന്നാമത്തെ കാര്‍ വിപണിയാണ് ഇന്ത്യ. പ്രതിമാസം ലക്ഷത്തില്‍ കൂടുതല്‍ വാഹനങ്ങള്‍ വില്‍ക്കുന്ന ബ്രാന്‍ഡുകളും നാലക്കം തികയ്ക്കാന്‍ പാടുപെടുന്ന കമ്പനികളുമുണ്ട്. വിപണിയില്‍ തപ്പിത്തടയുന്ന ബ്രാന്‍ഡുകളില്‍ ഭൂരിഭാഗവും ഫോറിന്‍ ബ്രാന്‍ഡുകള്‍ ആണ്. ലോകത്തിലെ ഏറ്റവും മികച്ച എസ്‌യുവി നിര്‍മാതാക്കളില്‍ ഒന്നായ ജീപ്പിന്റെ വില്‍പ്പനയും അടുത്തകാലത്തായി മന്ദഗതിയിലാണ്. 2025 നവംബര്‍ മാസവും ജീപ്പ് ഇന്ത്യയെ സംബന്ധിച്ചിടത്തോളം അത്ര ശുഭകരമായിരുന്നില്ല. ശക്തമായ എസ്യുവി മോഡലുകള്‍ അണിനിരക്കുന്ന പോര്‍ട്‌ഫോളിയോ ഉണ്ടെങ്കിലും വില്‍പ്പനയില്‍ അതൊന്നും പ്രതിഫലിക്കുന്നില്ല. 2025 നവംബറില്‍ അമേരിക്കന്‍ ബ്രാന്‍ഡിന്റെ വില്‍പ്പന എത്രയാണെന്ന് വിശമായി നമുക്ക് പരിശോധിക്കാം.

മോഡേൺ കാറുകളുടെ ഇൻ്റീരിയറിലേക്ക് കയറിയാൽ ആദ്യെ തന്നെ കണ്ണുകൾ പോകുന്നത് മുന്നിലെ സ്ക്രീനുകളിലേക്കായിരിക്കും. മൊത്തത്തിലുള്ള ഡ്രൈവിംഗ് അനുഭവം മെച്ചപ്പെടുത്തുന്നതിൽ സ്ക്രീനുകൾക്ക് നിർണായക പങ്കുണ്ട്. കഴിഞ്ഞ ഏതാനും വർഷങ്ങളായി, ഇവയുടെ വലിപ്പം ഗണ്യമായി വർധിപ്പിക്കുകയും കൂടുതൽ സവിശേഷതകളും പ്രവർത്തനങ്ങളും ഉൾക്കൊള്ളക്കുകയും ചെയ്തിട്ടുണ്ട്. ഡിജിറ്റൽ ഡ്രൈവർ ഡിസ്‌പ്ലേ, സെൻട്രൽ ടച്ച്‌സ്‌ക്രീൻ, മുൻ യാത്രക്കാരനുള്ള എൻ്റർടെയ്ൻമെൻ്റ് ടച്ച്‌സ്‌ക്രീൻ എന്നിങ്ങനെയുള്ള മൂന്ന് സ്ക്രീനുകളാണ് നിലവിലെ പുതിയ ട്രെൻഡ്.എന്നാൽ വെറും ഷോയ്ക്ക് വേണ്ടിയാണോ ഈ മോഡലുകളിൽ മൂന്ന് സ്ക്രീൻ നൽകിയിരിക്കുന്നത് എന്ന് വിശദമായി അറിയാൻ തുടർന്ന് വായിക്കാൻ മറക്കരുതേ.

ഐസിസി 2025 വനിതാ ക്രിക്കറ്റ് ലോകകപ്പിൽ ആദ്യ കിരീടം സ്വന്തമാക്കിയ ഇന്ത്യൻ ടീമിന് സ്നേഹ സമ്മാനവുമായി ടാറ്റ മോട്ടോർസ് (Tata Motors). ചരിത്ര വിജയം ആഘോഷിക്കുന്നതിന് വമ്പൻ പ്രഖ്യാപനം നടത്തിയ കമ്പനി ഒടുവിലിതാ വാക്കുപാലിച്ചിരിക്കുകയാണ്. ബ്രാൻഡ് പുതുതായി വിപണിയിലെത്തിച്ച സിയറ എസ്‌യുവി ടീമിലെ ഓരോ അംഗത്തിനും സമ്മാനമായി നൽകുമെന്ന ടാറ്റയുടെ പ്രഖ്യാപനം അന്നേ ശ്രദ്ധനേടിയിരുന്നു. ഇപ്പോഴിതാ വാഹനം കൈമാറുകയാണെന്ന വിവരം ഔദ്യോഗികമായി അറിയിച്ചിരിക്കുകയാണ് കമ്പനി. സിയറയുടെ ഏത് വേരിയൻ്റ് വേണമെങ്കിലും കളിക്കാർക്ക് തെരഞ്ഞെടുക്കാനും കമ്പനി അവസരം കൊടുക്കുന്നുണ്ട്.