മാരുതി സുസുക്കിയുടെ വാഹനങ്ങളെ പറ്റി എല്ലാവരും പറയുന്ന ഒരു കാര്യമുണ്ട്. ഏത് മുറുക്കാൻ കടയിലും പാർട്സ് കിട്ടുമല്ലോ എന്ന്. അതിനർത്ഥം മാരുതി സുസുക്കിയുടെ കാർ വാങ്ങിയാൽ നിങ്ങൾക്ക് വഴിയിൽ കിടക്കേണ്ടി വരില്ല, ഒരുപാട് വർക്ഷോപ്പുകളുണ്ട് എന്നാണ് അർത്ഥമാക്കുന്നത്. ഇപ്പോഴിതാ മാരുതി സുസുക്കി ഈ സാമ്പത്തിക വർഷം തന്നെ 500 വർക്‌ഷോപ്പ് ആരംഭിക്കുമെന്ന് അറിയിച്ചിരിക്കുകയാണ്. 2,818 നഗരങ്ങളിലായി 5,640-ലധികം സർവീസ് ടച്ച്‌പോയിന്റുകൾ എന്ന കണക്ക് തന്നെ ധാരാളമാണല്ലോ മാരുതിയുടെ ജനപ്രീതി മനസിലാക്കാനും ബ്രാൻഡിനെ ഉപഭോക്കതാക്കൾ എത്രമാത്രം വിശ്വസിക്കുന്നു എന്ന് അറിയാനും.

അടുത്തിടെ സോഷ്യല്‍ മീഡിയ പ്ലാറ്റ്‌ഫോമില്‍ ഹിമാചല്‍ പ്രദേശില്‍ നിന്നുള്ള ഒരു വീഡിയോ വൈറലായി. ഹിമാചല്‍ പ്രദേശ് പോലീസ് ടാറ്റ മോട്ടോര്‍സ് പുറത്തിറക്കുന്ന കര്‍വ് ഇവി ചേര്‍ത്ത് തങ്ങളുടെ വാഹന വ്യൂഹം വിപുലീകരിച്ചുവെന്നതായിരുന്നു ആ വാര്‍ത്ത. വീഡിയോ വൈറലായതോടെ ഈ വാര്‍ത്ത പൊതുജനങ്ങളില്‍ നിന്ന് വളരെയധികം പ്രശംസ നേടി.

ഇന്ത്യയിലെ നമ്പര്‍ 1 കാര്‍ ബ്രാന്‍ഡ് ആയ മാരുതി സുസുക്കി നവരാത്രിയുടെ ആദ്യത്തെ എട്ട് ദിവസങ്ങള്‍ കൊണ്ട് 1.65 ലക്ഷം കാറുകളാണ് വിതരണം ചെയ്തത്. ഈ പതിറ്റാണ്ടില്‍ ഇതാദ്യമായാണ് മാരുതിയുടെ നവരാത്രി ഡെലിവറി 1 ലക്ഷം കടന്നത്. ഈ ഉത്സവ സീസണില്‍ മൊത്തം വില്‍പ്പന 2 ലക്ഷം യൂണിറ്റ് പിന്നിട്ട് കുതിക്കുമെന്നാണ് കമ്പനിയുടെ പ്രതീക്ഷ. ജിഎസ്ടി പരിഷ്‌കാരങ്ങള്‍ക്ക് ശേഷം കാറുകള്‍ക്ക് ഡിമാന്‍ഡ് കൂടിയതോടെ മാരുതിക്ക് ഇനിയും 2.5 ലക്ഷം ഓര്‍ഡറുകള്‍ തീര്‍പ്പാക്കാനുണ്ട്. എന്നിരുന്നാലും ഉത്സവകാലത്ത് പരമാവധി വില്‍പ്പന നേടിയെടുക്കാനായി 2025 ഒക്‌ടോബറില്‍ മാരുതി സുസുക്കി തങ്ങളുടെ വാഹന നിരയില്‍ ഓഫറുകള്‍ പ്രഖ്യാപിച്ചിട്ടുണ്ട്.

ഹ്യുണ്ടായിയേയും (Hyundai) മഹീന്ദ്രയേയും (Mahindra) അടിച്ചിട്ട് ഇന്ത്യൻ വാഹന വിപണിയിലെ ഏറ്റവും വലിയ രണ്ടാമത്തെ വാഹന നിർമാതാക്കളെന്ന പട്ടം തിരികെപ്പിടിച്ച് ഫോമിലേക്ക് ഉയർന്നിരിക്കുകയാണ് ടാറ്റ മോട്ടോർസ് (Tata Motors). ഒപ്പം രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന കാർ എന്ന പട്ടം പോയമാസം നെക്സോൺ അടിച്ചെടുക്കുകയും ചെയ്‌തു. അങ്ങനെ മൊത്തത്തിൽ വീണ്ടും ശുക്രനുദിച്ചിരിക്കുകയാണ് കമ്പനിക്ക്. ഈയൊരു ഫോം നിലനിർത്തുന്നതിനായി പുത്തനൊരു എസ്‌യുവിയെ കൂടി വിപണിയിലേക്ക് അവതരിപ്പിക്കാൻ ഒരുങ്ങുകയാണ് ബ്രാൻഡ്. ഇതിഹാസ വാഹനമെന്ന പരിവേഷമുള്ള സിയറയുടെ തിരിച്ചുവരവിനാണ് നാം സാക്ഷ്യംവഹിക്കാൻ പോവുന്നത്.

ജിഎസ്ടി ഇളവ് കഴിഞ്ഞതോടെ വാഹനങ്ങളുടെ എല്ലാം വില കുറഞ്ഞതോടെ ഷോറൂമുകളിൽ എല്ലാം വൻ തിരക്കാണ്. അതിനൊപ്പം ഉത്സവ സീസൺ കൂടി എത്തിയപ്പോൾ ഉപഭേക്താക്കൾക്ക് ഏത് വാഹനം വാങ്ങണമെന്ന് തന്നെ ആശയക്കുഴപ്പമായി. ഇനി ദീപാവലി വരുന്നതോടെ എല്ലാ ബ്രാൻഡുകൾക്കും ചാകരയാണ്. ആ കൂട്ടത്തിൽ കൊറിയൻ ബ്രാൻഡായ ഹ്യുണ്ടായി തങ്ങളുടെ ഹാച്ച്ബാക്ക് മുതൽ എംപിവി വരെ കിടിലൻ ഓഫറുകളാണ് പ്രഖ്യാപിച്ചിരിക്കുന്നത്. 1.60 ലക്ഷം രൂപ വരെയാണ് കൊറിയൻ ബ്രാൻഡ് നൽകുന്നത്. ഹ്യുണ്ടായി ഗ്രാൻഡ് i10 നിയോസ് വാങ്ങാൻ താൽപ്പര്യപെടുന്നുണ്ടെങ്കിൽ ജിഎസ്ടി ഇളവിലൂടെ 74000 രൂപയാണ് കുറവ് വന്നിരിക്കുന്നത്.

ഒരു 5 സീറ്റർ എസ്‌യുവി വാങ്ങണമെന്ന ആഗ്രഹം മനസിൽവെച്ച് ഏത് വാങ്ങണമെന്ന കൺഫ്യൂഷനിലാണോ നിങ്ങൾ. രാജ്യത്തെ പ്രമുഖ വാഹന നിർമാതാക്കളെല്ലാം അണിനിരക്കുന്ന സെഗ്മെൻ്റിൽ മിടുക്കൻമാരായ ഒരുപാട് മോഡലുകളാണ് അണിനിരക്കുന്നത്. അതിനാൽ വാങ്ങാനെത്തിയാൽ ആരായാലും വണ്ടറടിച്ച് നിൽക്കുകയേയുള്ളൂ. കൂടുതൽ ഫീച്ചറുകളും ന്യൂജെൻ ലുക്കുമുള്ള എസ്‌യുവിയാണ് നോക്കുന്നതെങ്കിൽ ഒരു കൺഫ്യൂഷനിൻ്റെയും ആവശ്യമില്ലാതെ വാങ്ങാൻ പറ്റിയ ഒരാളുണ്ട്. ആരാണെന്നല്ലേ, 2025 നവംബർ 4-ന് ഇന്ത്യയിൽ പുറത്തിറങ്ങാനിരിക്കുന്ന ഹ്യുണ്ടായിയുടെ ന്യൂ-ജെൻ വെന്യുവാണ് ആ താരം.

പെട്രോൾ,ഡീസൽ,ഇവി എന്നിങ്ങനെ എല്ലാ സെഗ്മെൻ്റിലും എംജി തങ്ങളുടെ ആധിപത്യം ഉറപ്പിച്ചിരിക്കുകയാണ്. ലോകത്തിലെ ഏറ്റവും വേഗതയേറിയ എംജി സൈബർസ്റ്റർ ഇപ്പോൾ ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന സ്‌പോർട്‌സ് കാറായി മാറിയിരിക്കുകയാണെന്ന് ജെഎസ്ഡബ്ല്യു എംജി മോട്ടോർ ഇന്ത്യ പ്രഖ്യാപിച്ചിരിക്കുകയാണ്. 2025 ജൂലൈയിൽ ലോഞ്ച് ചെയ്തതിനുശേഷം വെറും രണ്ട് മാസം കൊണ്ട് കമ്പനിയുടെ ആഡംബര റീട്ടെയിൽ ചാനലായ എംജി സെലക്ട് വഴി 256 യൂണിറ്റുകളാണ് രാജ്യത്ത് വിറ്റഴിച്ചിരിക്കുന്നത്. കേരളത്തിൽ കൊച്ചിയിലാണ് എംജി സെലക്ട് ഷോറൂം ആരംഭിച്ചത്. രാജ്യത്ത് 14 സെലക്ട് എക്സ്പീരിയൻസ് സെൻ്ററുകളാണ് ബ്രാൻഡ് ആരംഭിച്ചിരിക്കുന്നത്.

ഇന്ത്യ എന്ന രാജ്യത്തിന്റെ ഏറ്റവും വലിയ പ്രത്യേകതകളില്‍ ഒന്നാണ് വൈവിധ്യം. അതുകൊണ്ട് തന്നെ നമ്മുടെ രാജ്യത്തിന്റെ പല ഭാഗത്തും നടക്കുന്ന അത്ഭുതപ്പെടുത്തുന്ന ചില പ്രവര്‍ത്തികള്‍ കണ്ട് നെറ്റിസണ്‍സ് അന്തംവിട്ട് പോകാറുണ്ട്. ഓരോ ആഴ്ചയിലും മുമ്പത്തേതിനേക്കാള്‍ വിചിത്രമായ കാര്യങ്ങള്‍ കണ്ടുവരുന്നു.അതുപോലെ തന്നെ ഇന്ത്യന്‍ വാഹന ഉടമകളുടെ നര്‍മ്മബോധം വേറെ ലെവലാണ്. ഇപ്പോള്‍ ഭാര്യ എസി കാര്‍ വാങ്ങാന്‍ ആവശ്യപ്പെട്ടപ്പോള്‍ ഭര്‍ത്താവ് ചെയ്ത പ്രവര്‍ത്തിയാണ് സോഷല്‍ മീഡിയയില്‍ വൈറലാകുന്നത്. ഇന്ത്യന്‍ റോഡുകളില്‍ ഇത്തരം വിചിത്രമായ സംഭവങ്ങള്‍ പതിവാണെങ്കിലും, ഇതും എല്ലാവരെയും അദ്ഭുതപ്പെടുത്തിയിരിക്കുകയാണ്. അതിനെ കുറിച്ച് വിശദമായി വായിക്കാം.

നീണ്ട നീണ്ട കാത്തിരിപ്പുകൾക്കൊടുവിൽ അമേരിക്കൻ ഇലക്ട്രിക് വാഹന നിർമാതാക്കളായ ടെസ്‌ല ഇന്ത്യയിൽ എത്തിയത് ഇക്കഴിഞ്ഞ ജൂലൈ മാസത്തിലായിരുന്നു. മോഡൽ 3 ഇവിയുമായി എത്തിയ കമ്പനിക്ക് പ്രതീക്ഷിച്ചത്ര വരവേൽപ്പ് ലഭിച്ചില്ലെങ്കിലും തരക്കേടില്ലാത്ത രീതിയിൽ വിറ്റഴിക്കാൻ ഇലോൺ മസ്ക്കിന്റെ ബ്രാൻഡിനായിട്ടുണ്ടെന്ന് വേണം പറയാൻ. അടുത്തിടെ കാറിന്റെ ഇന്ത്യയിലെ ഡെലിവറിയും ടെസ്‌ല ആരംഭിച്ചിരുന്നു. പൂർണമായും വിദേശത്ത് നിർമിച്ചാണ് വാഹനം നമ്മുടെ രാജ്യത്തേക്ക് എത്തുന്നത്. ചൈനയിലെ ഷാങ്ഹായ് ഗിഗാഫാക്ടറിയിൽ നിർമിച്ചാണ് ഇന്ത്യയിലേക്ക് ഇറക്കുമതി ചെയ്യുന്നത്. സ്റ്റാൻഡേർഡ് RWD, ലോംഗ് റേഞ്ച് RWD എന്നീ രണ്ട് വേരിയന്റുകളിലായി അവതിപ്പിച്ചിരിക്കുന്നത്.

പരിമിതമായ അളവില്‍ വില്‍പ്പനക്കെത്തുന്ന സ്പെഷ്യല്‍ കാറുകള്‍ ചൂടപ്പം പോലെ വിറ്റുപോകുന്നത് ഇന്ത്യയില്‍ പതിവു കാഴ്ചയായി മാറിയിട്ടുണ്ട്. ഫോക്സ്വാഗണ്‍ ഗോള്‍ഫ് GTI വില്‍പ്പനക്കെത്തിച്ചപ്പോള്‍ ആയിരുന്നു അവസാനം ഇത് കണ്ടത്. ഇപ്പോള്‍ സ്‌കോഡ ഓക്ടാവിയ RS മോഡലിന്റെ ഇന്ത്യക്ക് അനുവദിച്ച 100 യൂണിറ്റുകളും വില പ്രഖ്യാപനത്തിന് മുമ്പേ വിറ്റഴിഞ്ഞതായി സ്‌കോഡ ഇന്ത്യ സ്ഥിരീകരിച്ചു. ഔദ്യോഗിക വില പ്രഖ്യാപനത്തിന് മുമ്പേ തന്നെ സോള്‍ഡ് ഔട്ട് ആയത് വാഹനപ്രേമികള്‍ക്കിടയിലെ സെഡാനിന്റെ സ്വീകാര്യത വ്യക്തമാക്കുന്നു. പരിമിതമായ എണ്ണത്തില്‍ മാത്രം ഇന്ത്യയിലെത്തുന്ന ഈ സ്പോര്‍ട്സ് സെഡാനിന്റെ ബുക്കിംഗ് ഏതാനും ദിവസങ്ങള്‍ക്ക് മുമ്പ് മാത്രമാണ് ആരംഭിച്ചത്.

ഇന്ത്യൻ ഇലക്‌ട്രിക് സ്‌കൂട്ടർ രംഗത്തെ മിടുമിടുക്കൻമാരാണ് ഏഥർ എനർജി (Ather Energy). സാക്ഷാൽ ഓലയ്ക്കും മുമ്പേ ഇന്ത്യക്കാരെ ഇവിയെന്താണെന്ന് കാണിച്ചുകൊടുത്ത ബെംഗളൂരു ആസ്ഥാനമായുള്ള ബ്രാൻഡ് ഇന്നും മുൻപന്തിയിൽ നിൽപ്പുണ്ട്. ടിവിഎസ്, ബജാജ്, ഹീറോ പോലുള്ള മുൻനിര നിർമാതാക്കൾ വൈദ്യുത വാഹന രംഗത്തേക്ക് കടന്നിട്ടും കാര്യമായ ക്ഷീണം ഒന്നുമില്ലാതെ ഏഥർ കുതിച്ചുപായുകയാണ്. ആളുകളുടെ പൾസറിഞ്ഞ് പ്രവർത്തിക്കാൻ കമ്പനിക്കുള്ള മിടുക്ക് തന്നെയാണ് ഇതിന്റെ പിന്നിലുള്ള പ്രധാന കാരണം. ഒപ്പം വിശ്വാസ യോഗ്യമായ ഉൽപ്പന്നങ്ങളും സർവീസ് സെന്ററുകളും ഏഥറിന്റെ മറ്റൊരു ശക്തിയാണ്.

തലക്കെട്ട് വായിക്കുമ്പോൾ ചിലരെങ്കിലും ചിന്തിച്ചേക്കാം കാശ് കൈയിലുണ്ടേൽ എപ്പോൾ വേണമെങ്കിലും പുതിയ കാർ വാങ്ങാമല്ലോ എന്ന്. എന്നാൽ അങ്ങനെയാണോ. പണം മാത്രമല്ല പുതിയ കാർ വാങ്ങാനുള്ള മാനദണ്ഡം. പുതിയ കാർ വാങ്ങാനുള്ള സമയം എന്ന് കേൾക്കുമ്പോൾ വിശേഷ ദിവസങ്ങൾ,ഉത്സവ കാലങ്ങൾ എന്നിവയൊക്കെയാണ്. അതായത് സെപ്റ്റംബർ മുതൽ ഡിസംബർ വരെ ഒരു പുതിയ കാർ വാങ്ങാൻ പറ്റിയ സമയമാണെന്നാണ് പറയുന്നത്. അത് എന്തുകൊണ്ടാണെന്ന് അറിയണ്ടേ. ദീപാവലി, ഓണം, നവരാത്രി, ക്രിസ്തുമസ് തുടങ്ങിയ സമയങ്ങളിൽ കമ്പനികളും ഡീലർമാരും വൻ ഡിസ്കൗണ്ടുകളും എക്സ്ചേഞ്ച് ബോണസുകളും നൽകാറുണ്ട്.

ഇന്ത്യയിലെ മിഡ്-സൈസ് എസ്‌യുവി സെഗ്മെന്റിൽ മാരുതി സുസുക്കി പുതുതായി വിക്ടോറിസ് എന്നൊരു വമ്പനെ കൊണ്ടുവന്നതിന്റെ ആരവം ഇതുവരെ കെട്ടടങ്ങിയിട്ടില്ല. ഹ്യുണ്ടായി ക്രെറ്റയുടെ ആധിപത്യം തകർക്കാനായി ഗ്രാൻഡ് വിറ്റാരയെ വർഷങ്ങൾക്ക് മുമ്പേ അവതരിപ്പിച്ചുവെങ്കിലും തങ്ങളുടെ സ്പോർട് യൂട്ടിലിറ്റി വാഹന നിര വിപുലീകരിക്കുന്നതിന്റെ ഭാഗമായിട്ടാണ് അതേ സെഗ്മെന്റിലേക്ക് പുത്തനൊരു അവതാരത്തെ കൂടി പുറത്തിറക്കിയിരിക്കുന്നത്. ടൊയോട്ടയുമായി സഹകരിച്ച് വികസിപ്പിച്ചിരിക്കുന്നതിനാൽ ഗ്രാൻഡ് വിറ്റാരയ്ക്ക് വേറൊരു ഫാൻബേസ് ഉണ്ടെന്ന് തന്നെ വേണം പറയാൻ. സ്ട്രോംഗ് ഹൈബ്രിഡ് പെട്രോൾ എഞ്ചിൻ ഈ വിഭാഗത്തിലേക്ക് കൊണ്ടുവന്ന ആദ്യ മോഡൽ കൂടിയാണിത്.

ടൂവീലര്‍, ഫോര്‍വീലര്‍ വിഭാഗങ്ങള്‍ക്കൊപ്പം ഇലക്ട്രിക് ത്രീ വീലറുകള്‍ക്കും രാജ്യത്ത് പ്രചാരമേറി വരികയാണ്. അതിന് തെളിവാണ് കമ്പനികള്‍ ഓരോ മാസവും പുതിയ ഉല്‍പ്പന്നങ്ങള്‍ പുറത്തിറക്കുന്നത്. ഇപ്പോള്‍ മോണ്‍ട്ര ഇലക്ട്രിക് തങ്ങളുടെ മുന്‍നിര ഇലക്ട്രിക് ത്രീ-വീലറായ സൂപ്പര്‍ ഓട്ടോയുടെ പുതിയ പതിപ്പ് പുറത്തിറക്കി. ടെക്‌നോളജി, കംഫര്‍ട്ട്, പെര്‍ഫോമന്‍സ് എന്നിവ മെച്ചപ്പെടുത്തുന്നതിനാവശ്യമായ അപ്‌ഗ്രേഡുകളുമായി വരുന്ന പുതിയ മോണ്‍ട്ര സൂപ്പര്‍ ലാസ്റ്റ് മൈല്‍ പാസഞ്ചര്‍ മൊബിലിറ്റിയെ പുനര്‍നിര്‍വചിക്കാനാണ് പിറവിയെടുത്തിരിക്കുന്നത്. 'ആപ് കേലിയെ - ഇസ്സത്ത് സേ' (നിങ്ങള്‍ക്ക് വേണ്ടി ആദരവോടെ നിര്‍മ്മിച്ചത്) എന്ന ഹൃദയസ്പര്‍ശിയായ ക്യാമ്പയിനിലൂടെ ഇന്ത്യയിലെ കഠിനാധ്വാനികളായ ഓട്ടോറിക്ഷാ ഡ്രൈവര്‍മാര്‍ക്ക് മോണ്‍ട്ര ഈ വാഹനം സമര്‍പ്പിക്കുന്നു.

ഏതൊരു ഫോർ വീലറാണെങ്കിലും വൈപ്പർ വളരെ ആവശ്യഫീച്ചർ തന്നെയാണ്. എന്നാൽ പലരും റിയർ വൈപ്പറിൻ്റെ കാര്യം മറന്ന് പോകാറുണ്ട്. ചെറിയ ഒരു ഫീച്ചറാണെങ്കിലും ഒരുപാട് പ്രാധാന്യമുണ്ടെന്ന് പലരും മനസിലാക്കുന്നില്ല. ഡീഫോഗർ ലഭിക്കുന്നുണ്ടല്ലോ പിന്നെയിപ്പോൾ എന്തിനാണ് വൈപ്പറും വാഷറും എന്നാണ് പലരും ആലോചിക്കുന്നത്. റിയർ വൈപ്പറും വാഷറും അത്ര തന്നെ ആവശ്യമായ ഒരു സുരക്ഷാ ഫീച്ചറാണ് പ്രത്യേകിച്ച് ഹാച്ച്ബാക്ക്, എസ്‌യുവി,എംപിവി മോഡൽ കാറുകളിൽ. മഴ സമയത്തും തണുപ്പ് കാലത്തും നിങ്ങളുടെ കാറുകളുടെ പിന്നിലെ ഗ്ലാസിൻ്റെ വിസിബിളിറ്റി കുറയും എന്നത് സാധാരണമാണ്.

ചരക്കു സേവന നികുതിയിലെ (ജിഎസ്ടി) പരിഷ്‌കാരങ്ങളും നവരാത്രി ആഘോഷങ്ങളുമെല്ലാം കഴിഞ്ഞതിനാല്‍ 2025 സെപ്റ്റംബര്‍ മാസത്തെ കാര്‍ വില്‍പ്പന കണക്കുകള്‍ അറിയാന്‍ എല്ലാവര്‍ക്കും താല്‍പര്യമുണ്ട്. കഴിഞ്ഞ മാസം ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട കാറുകളുടെ പട്ടികയില്‍ സ്‌പോര്‍ട് യൂടിലിറ്റി വാഹനങ്ങളുടെ (എസ്‌യുവി) ആധിപത്യമാണ്. ആദ്യ പത്തില്‍ അഞ്ചും എസ്‌യുവികളാണ്. ടോപ് 10 കാറുകളുടെ പട്ടിക പരിശോധിക്കുമ്പോള്‍ ശ്രദ്ധിയില്‍ പെടുന്ന ഒരു സംഗതി ഇന്ത്യന്‍ വിപണിയില്‍ സെഡാന്‍ കാറുകളുടെ വില്‍പന മന്ദഗതിയിലായിരിക്കുമ്പോഴും മാരുതി സുസുക്കി ഡിസയര്‍ ശ്രദ്ധേയമായ പ്രകടനം കാഴ്ചവെക്കുന്നുവെന്നതാണ്.

പുതുതായി കാർ വാങ്ങാനിരുന്നവരെയെല്ലാം സന്തോഷിപ്പിച്ച കേന്ദ്ര സർക്കാർ തീരുമാനമായിരുന്നു ജിഎസ്‌ടി ഇളവുകൾ. രാജ്യത്തെ മിക്ക കാറുകൾക്കും എസ്‌യുവികൾക്കും ഗംഭീര വിലക്കുറവ് ലഭിച്ചതോടെ പലരും തുള്ളിച്ചാടുകയായിരുന്നു. ജിഎസ്ടി കുറച്ചതിന്റെ ഏറ്റവും കൂടുതൽ പ്രയോജനം ലഭിക്കുന്ന വിഭാഗങ്ങളിലൊന്നാണ് സബ്-4 മീറ്റർ വിഭാഗം. അതിൽ മാരുതി ബ്രെസയ്ക്കെല്ലാം കാര്യമായ രീതിയിൽ തന്നെ വിലക്കുറവും ലഭിച്ചിട്ടുണ്ട്. എസ്‌യുവി വാങ്ങിയാലോ എന്ന് ആലോചിക്കുമ്പോൾ തന്നെ പലരുടേയും മനസിലേക്ക് ആദ്യം ഓടിയെത്തുന്ന പേരായിരിക്കും മാരുതി ബ്രെസയുടേത്. മിഡിൽ ക്ലാസുകാരന്റെ സ്വന്തം എസ്‌യുവി പേരെടുത്ത് നിൽക്കുന്ന മോഡൽ രാജ്യത്ത് ചൂടപ്പം പോലെയാണ് വിറ്റഴിയുന്നതും.

സൈബർ അറ്റാക്ക് നേരിട്ടത് മൂലം ആഡംബര വാഹനങ്ങളുടെ നിർമാണം നിർത്തിവയ്ക്കേണ്ടി വന്നിരുന്നു ജാഗ്വർ ലാൻഡ് റോവറിന്. യു.കെ കരാർ മൂലം നിലവിൽ ചെറിയ തിരിച്ചടികൾ കമ്പനി നേരിടുന്ന സാഹചര്യത്തിൽ ഇത്തരത്തിൽ കൂടി വാഹനങ്ങളുടെ നിർമാണം നിർത്തിവയ്ക്കേണ്ടി വന്നത് ബുദ്ധിമുട്ടുകൾ സൃഷ്ടിച്ചിരുന്നു. കാരണം യു.എസ് താരിഫ് അവതരിപ്പിച്ചതോടെ വിൽപ്പനയെ നല്ല രീതിയിൽ തന്നെ ബാധിച്ചിട്ടുണ്ട്. എന്നാൽ ഇപ്പോഴിതാ ആറ് ആഴ്ച്ചകൾക്ക് ശേഷം തങ്ങളുടെ നിർമാണം പുനരാരംഭിച്ചിരിക്കുകയാണ്. കഴിഞ്ഞ വര്‍ഷം ഇന്ത്യ യുകെയില്‍ നിന്ന് 650 കോടി രൂപയുടെ കാറുകള്‍ ഇറക്കുമതി ചെയ്തതായാണ് കണക്കുകള്‍. അതേസമയം മോട്ടോര്‍ സൈക്കിള്‍ ഇറക്കുമതി 30 കോടി രൂപയായിരുന്നു.

എസ്‌യുവി, ഹാച്ച്ബാക്ക് പ്രേമികൾക്ക് ഒരു സന്തോഷ വാർത്തയുമായി റെനോ എത്തിയിരിക്കുകയാണ്. ഇന്ത്യൻ ഓട്ടോമോട്ടീവ് വിപണികളിൽ പേരുകേട്ട റെനോ പുതിയ കൊമ്പൻമാരെ നിരത്തിലിറക്കാനുള്ള ഒരുക്കത്തിലാണ്. അതും ഒന്നോ രണ്ടോ അല്ല മൂന്ന് വീരൻമാരെയാണ് മറ്റ് എസ്‌യുവികളുമായി മുട്ടാൻ ഇറക്കിയിരിക്കുന്നത്. പുതിയ രണ്ട് എസ്‌യുവികൾക്കൊപ്പം ഒരു പൂർണ്ണ ഇലക്ട്രിക് ഹാച്ച്ബാക്കുമാണ് ഇത്തവണ നിരത്തിലിറക്കുന്നത്. ഓൾ-ന്യൂ റെനോ ഡസ്റ്റർ, റെനോ ബോറിയൽ 7 സീറ്റർ എസ്‌യുവി, റെനോ ക്വിഡ് ഇ.വി എന്നിങ്ങനെ മൂന്ന് മോഡലുകളാണ് റെനോ എതിരാളികളെ ഞെട്ടിക്കാൻ ബ്രാൻഡ് അവതരിപ്പിക്കാൻ പോകുന്നത്.

ഉപ്പ് തൊട്ട് കര്‍പ്പൂരം വരെ ഇ-കൊമേഴ്‌സ് പ്ലാറ്റ്‌ഫോമുകളിലൂടെ ഓര്‍ഡര്‍ ചെയ്യുന്നവരാണ് നമ്മളില്‍ പലരും. ഒറ്റ ക്ലിക്കില്‍ സാധനം നമ്മുടെ വീട്ടുപടിക്കലെത്തുമെന്നതടക്കം ഓണ്‍ലൈന്‍ ഷോപ്പിംഗ് വഴി നിരവധി മെച്ചങ്ങളുണ്ട്. എന്നാല്‍ അടുത്ത കാലത്തായി നിരവധി വാഹന നിര്‍മാതാക്കള്‍ തങ്ങളുടെ ഉല്‍പ്പന്നങ്ങള്‍ ഓണ്‍ലൈനായി വില്‍പ്പനക്കെത്തിക്കാന്‍ തുടങ്ങിയിട്ടുണ്ട്. ഇലക്ട്രിക് വാഹന നിര്‍മാതാക്കളാണ് ആദ്യം ഈ ട്രെന്‍ഡ് തുടങ്ങിയത്. ഇപ്പോള്‍ പക്ഷേ പല പരമ്പരാഗത ബ്രാന്‍ഡുകളും ഓണ്‍ലൈന്‍ റീട്ടെയില്‍ സാന്നിധ്യം വിപുലീകരിക്കുകയാണ്. ഇപ്പോള്‍ ഉത്സവകാലം പ്രമാണിച്ച് തങ്ങളുടെ മോട്ടോര്‍സൈക്കിളുകള്‍ ഉപഭോക്താക്കള്‍ക്ക് കൂടുതല്‍ എളുപ്പത്തില്‍ ലഭ്യമാക്കുന്നതിനായി റോയല്‍ എന്‍ഫീല്‍ഡ് ഓണ്‍ലൈന്‍ വില്‍പ്പനയ്ക്ക് തുടക്കം കുറിച്ചു.

ഇന്ത്യക്കാരുടെ മനംകവർന്നുകൊണ്ടിരിക്കുകയാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. ഇന്ത്യ 2.0 തന്ത്രത്തിന്റെ ഭാഗമായി പുറത്തിറക്കിയ കുഷാഖും സ്ലാവിയും വിജയത്തിന് വഴിവെട്ടിയപ്പോൾ പിന്നാലെയെത്തിയ കൈലാക് കമ്പനിക്ക് പണംവാരിക്കൊടുത്തു. ഇപ്പോൾ ഹാപ്പിയായി മുന്നോട്ട് പോവുന്ന ബ്രാൻഡ് പുതുതായി നമ്മുടെ നിരത്തുകൾക്ക് സമ്മാനിക്കാൻ പോവുന്നത് ഒരു പെർഫോമൻസ് കാറാണ്. അതും ഇതിഹാസ പരിവേഷമുള്ള ഒക്‌ടാവിയയുടെ പെർഫോമൻസ് പതിപ്പാണെന്നത് കൂടിയറിഞ്ഞാൽ വണ്ടിഭ്രാന്തൻമാരെല്ലാം സന്തോഷിക്കുകയും ചെയ്യും. ഇതിനോടകം ബുക്കിംഗ് തുടങ്ങിയ ഒക്‌ടാവിയ RS വരുന്ന ഒക്ടോബർ 17-ന് രാജ്യത്ത് അവതരിക്കും.

രാജ്യത്ത് വാങ്ങുന്ന ഉപഭോക്താക്കൾക്ക് വിശ്വാസ്യതയുടെ കാര്യത്തിൽ മുന്നിൽ തന്നെയുണ്ട് ഇന്ത്യൻ ബ്രാൻഡായ മഹീന്ദ്ര.രാജ്യത്ത് ഓരോദിവസം ചെല്ലുന്തോറും ഡിമാൻ്റ് വർധിച്ചു കൊണ്ടിരിക്കുന്ന മോഡലാണ് ബൊലേറോ. എന്നാൽ എന്തായിരിക്കും കാരണമെന്ന് എപ്പോഴെങ്കിലും ചിന്തിച്ചിട്ടുണ്ടോ. പ്രധാന കാരണം എന്താണെന്ന് വച്ചാൽ 10 ലക്ഷത്തിൽ താഴെ വാഹനം ലഭിക്കുന്നു എന്നുളളതാണ്. ഗ്രാമങ്ങളിലെയും ചെറിയ പട്ടണങ്ങളിലെയും ഉപഭോക്താക്കൾക്ക് ബിൽഡ് ക്വാളിറ്റി, റീലയബിലിറ്റി,കുറഞ്ഞ മെയിൻ്റെനൻസ്, ഏത് കുന്നും മലയും കയറാൻ കഴിയുന്ന ആത്മവിശ്വാസം എന്നിവയെല്ലാം ബൊലേറോ നൽകുന്നുണ്ട് എന്നതാണ് മഹീന്ദ്ര ബൊലേറോയിലേക്ക് ആളുകളെ ആകർഷിക്കുന്നതിൻ്റെ പിന്നിലെ പ്രധാന കാരണങ്ങൾ. ബാക്കി കൂടി അറിയാൻ തുടർന്ന് വായിക്കാൻ മറക്കരുതേ.

റോയൽ എൻഫീൽഡ് കുറച്ച് കാലമായി വാർത്തകളിൽ ഇടം നേടിയിരിക്കുകയാണ്. കാരണം മറ്റൊന്നുമല്ല അവരുടെ ഫ്ലാഗ്ഷിപ്പ് മോഡലായി റോയൽ എൻഫീൽഡ് ഹിമാലൻ 750 സിസി അവതരിപ്പിക്കാൻ പോകുകയാണ്. വരാനിരിക്കുന്ന മോഡലുകളിൽ യുവാക്കളും എൻഫീൽഡ് പ്രേമികളും ഏറെ കാത്തിരിക്കുന്ന മോഡലാണിത്. മുൻപ് റോയൽ എൻഫീൽഡ് പുതിയ ഹിമാലയൻ 750 മോഡലിൻ്റെ ഔദ്യോഗിക ടീസർ പുറത്ത് വിട്ടിരുന്നു. എന്നാൽ അത് ഓഫ്റോഡ് സ്പെക്കായിരുന്നു. എന്നാൽ മറ്റൊരു സ്പെക്കാണ് ഇപ്പോൾ ക്യാമറക്കണ്ണിൽ കുടുങ്ങിയിരിക്കുന്നത്. അലോയ് വീലും അഡ്ജസ്റ്റബിൾ സസ്പെൻഷനുമാണ് ഇതിൻ്റെ ഹൈലൈറ്റായി എടുത്തു പറയേണ്ടത്.

വളരെ മത്സരമേറിയ ഇന്ത്യയിലെ മോട്ടോർസൈക്കിൾ വിഭാഗങ്ങളിൽ ഒന്നാണ് 150 സിസി മുതൽ 160 സിസി വരെയുള്ളത്. ഹീറോ, ഹോണ്ട, ടിവിഎസ്, ബജാജ്, കെടിഎം തുടങ്ങിയ രാജ്യത്തെ പ്രമുഖ ഇരുചക്ര വാഹന നിർമാതാക്കളെല്ലാം സാന്നിധ്യമറിയിച്ചിരിക്കുന്ന സെഗ്മെന്റിൽ സുസുക്കിയും മത്സരത്തിനുണ്ട്. പണ്ട് FZ സീരീസിനോട് മത്സരിക്കാനെത്തി തങ്ങളുടേതായ സ്ഥാനം കണ്ടെത്തിയ ജിക്‌സർ നിരയാണ് ജാപ്പനീസ് ടൂവീലർ ബ്രാൻഡിന്റെ ഇവിടുത്തെ കരുത്ത്. നേക്കഡ്, ഫെയറിംഗുള്ള SF എന്നിങ്ങനെ രണ്ട് മോഡലുകളാണ് കമ്പനിക്കുള്ളത്. ഉത്സവ സീസണിന് മുന്നോടിയായി രണ്ട് മോട്ടോർസൈക്കിളുകളിലേക്കും പുതിയ കളർ ഓപ്ഷൻ അവതരിപ്പിച്ചിരിക്കുകയാണ് കമ്പനി.

കുടുംബമൊത്തോ കൂട്ടുകാരുമായിട്ടോ ഒരു ട്രിപ്പ് പോകണമെന്ന് കാലങ്ങളായി ആഗ്രഹിക്കുന്നവരാണോ നിങ്ങൾ. എങ്കിൽ സിട്രൺ എസ്‌യുവി നിരയിലേക്ക് ഒരു പുതിയ അവതാരം കൂടി അവതരിച്ചിരിക്കുകയാണ്. മറ്റാരുമല്ല, ഭാരത് NCAPക്രാഷ് ടെസ്റ്റിൽ 5-സ്റ്റാർ റേറ്റിംഗ് നേടിയെടുത്ത് ആരാധകരെ സൃഷ്ടിച്ച പുതിയ എയർക്രോസ് X മോഡൽ ചില മാറ്റങ്ങളോടെ വന്നെത്തിയിരിക്കുന്നത്. കുടുംബസ്നേഹികൾക്കും ഒരുപാട് സൗഹൃദവലയങ്ങൾ ഉള്ളവർക്കും ഒരുപോലെ തെരെഞ്ഞെടുക്കാൻ സാധിക്കുന്ന ഒരു കിടിലൻ എസ്‌യുവിയാണിവൻ. സ്വന്തമാക്കാൻ ഇറങ്ങുംമുമ്പ് ഇവൻ്റെ പുതിയ അപ്ഡേറ്റുകൾ എന്തെല്ലാമെന്ന് അറിയേണ്ടേ.