എതിരാളിക്കൊരു പോരാളി, ശക്തരിൽ ശക്തനെന്ന് ഒക്കെ പറഞ്ഞ് ഇന്ത്യയിലേക്ക് നിസാൻ എത്തിച്ച ഒരു കിടിലൻ ഐറ്റമായിരുന്നു X-TRAIL. എന്നാൽ ബ്രാൻഡ് പ്രതീക്ഷിച്ചത് പോലെ ഒരു വിൽപ്പന ഇന്ത്യയിൽ നേടാൻ സാധിച്ചില്ല എന്നതാണ് സത്യം. 2024 ൽ 49.9 ലക്ഷം രൂപ വിലയിൽ ഇന്ത്യയിൽ ഏറ്റവും പുതിയ തലമുറ നിസ്സാൻ X-TRAIL പുറത്തിറക്കിയിരുന്നു. 150 യൂണിറ്റുകളായിരുന്നു സിബിയു യൂണിറ്റായി രാജ്യത്ത് എത്തിച്ചത്. ഒരു വിധത്തിൽ എങ്ങനെയൊക്കെയോ വിറ്റു അവസാനം 12 യൂണിറ്റുകളാണ് മിച്ചം വന്നിരിക്കുന്നത്. 20 ലക്ഷം രൂപ വരെയാണ് വാഹനത്തിന് ഓഫർ വിലയായി ഇട്ടിരിക്കുന്നത്.

പ്രമുഖ ജാപ്പനീസ് വാഹന നിര്‍മ്മാതാക്കളായ നിസാന്‍ ഇന്ത്യന്‍ വിപണിയില്‍ മാഗ്നൈറ്റ്, X-ട്രെയില്‍ എന്നീ രണ്ട് മോഡലുകളാണ് നിലവില്‍ വില്‍ക്കുന്നത്. ഇതില്‍ X-ട്രെയിലിന് നാമമാത്രമായ വില്‍പ്പന മാത്രമാണ് ലഭിക്കുന്നത് എന്ന യാഥാര്‍ത്ഥ്യം പരിഗണിക്കുമ്പോള്‍ നിസാന്‍ ഇന്ത്യക്ക് മാഗ്‌നൈറ്റ് എന്ന ഏക അത്താണി മാത്രമാണുള്ളത്. ഇന്ത്യന്‍ വിപണിയില്‍ തങ്ങളുടെ പോര്‍ട്‌ഫോളിയോ വികസിപ്പിക്കാന്‍ ഒരുങ്ങുകയാണ് നിസാന്‍. ഇന്ത്യയ്ക്കായി ഒരു പുതിയ കോംപാക്റ്റ് എംപിവി (Upcoming Nissan MPV) പുറത്തിറക്കുമെന്ന് കമ്പനി ഔദ്യോഗികമായി സ്ഥിരീകരിച്ചു. 2025 ഡിസംബര്‍ 18-ാം തീയതിയാണ് ഇതിന്റെ ലോഞ്ച് നിശ്ചയിച്ചിരിക്കുന്നത്.

ഉത്സവ സീസൺ അവസാനിച്ചുവെങ്കിലും ഇന്ത്യയിലെ വാഹന വിപണിയിൽ തകർപ്പൻ ഫോമിലാണ് ടാറ്റ മോട്ടോർസ്. കഴിഞ്ഞ കുറച്ച് മാസങ്ങളായി അരലക്ഷത്തിലധികം കാറുകൾ എല്ലാമാസവും വിറ്റഴിച്ച് മഹീന്ദ്രയോടും ഹ്യുണ്ടായിയോടും മത്സരിക്കുകയാണ് ബ്രാൻഡ്. കഴിഞ്ഞ മാസം ചെറിയ നമ്പറുകൾക്ക് രണ്ടാം സ്ഥാനം നഷ്‌ടപ്പെട്ടുവെങ്കിലും പുത്തൻ സിയറ പുറത്തിറക്കി വീണ്ടും മുന്നിൽ ഓടിക്കയറാനുള്ള ശ്രമമാണ് ടാറ്റയുടെ ഭാഗത്തുനിന്നുമുണ്ടാവുന്നത്. നെക്സോണും പഞ്ചുമാണ് നിലവിൽ ബ്രാൻഡിൻ്റെ നിരയിൽ നിന്നും ഏറ്റവും കൂടുതൽ വിറ്റഴിക്കപ്പെടുന്ന മോഡൽ. എന്നാൽ ടാറ്റയുടെ ഏറ്റവും കുറഞ്ഞ വിൽപ്പനയുള്ള കാർ ഏതാണെന്ന് ആർക്കെങ്കിലും അറിയാമോ?

വിയറ്റ്നാമിലെ പ്രമുഖ കമ്പനിയായ വിൻ ഗ്രൂപ്പ് (Vingroup) ഇന്ത്യയിലെ തെലങ്കാനയിൽ 3 ബില്യൺ യുഎസ് ഡോളർ (ഏകദേശം 26,952 കോടി രൂപ) നിക്ഷേപിക്കുമെന്നാണ് പ്രഖ്യാപിച്ചിരിക്കുന്നത്. സ്മാർട്ട് സിറ്റി വികസനം, ഇലക്ട്രിക് വാഹന ഗതാഗതം, ആരോഗ്യം, വിദ്യാഭ്യാസം, ടൂറിസം, ഉൾപ്പെടെ വിവിധ മേഖലകളിൽ 2,500 ഹെക്ടറിൽ ഒരു ബഹുമുഖ ആവാസവ്യവസ്ഥ സ്ഥാപിക്കാനാണ് ഈ നിക്ഷേപം ലക്ഷ്യം വെക്കുന്നത് എന്നാണ് കമ്പനി അറിയിച്ചിരിക്കുന്നത്. തെലങ്കാന റൈസിംഗ് ഗ്ലോബൽ ഉച്ചകോടിയിൽ വിൻ ഗ്രൂപ്പ് സംസ്ഥാന സർക്കാരുമായി ധാരണാപത്രം ഒപ്പുവയ്ക്കുകയും ചെയ്തിരിക്കുകയാണ്. ഈ കരാർ സംസ്ഥാനത്തിന്റെ സാമൂഹിക-സാമ്പത്തിക വളർച്ചയ്ക്കും ദീർഘകാല വികസന ലക്ഷ്യങ്ങൾക്കും ഉത്തേജനം നൽകുമെന്ന് പ്രതീക്ഷിക്കാം.

ഇന്ത്യയിൽ എസ്‌യുവികളുടെ ആധിപത്യമാണ് കാണാനാവുന്നതെങ്കിലും അതിനിടയിൽ ഒരു സെഡാൻ മോഡലിൻ്റെ വിൽപ്പന കുതിച്ചുയരുന്ന കാഴ്ച്ചയ്ക്കും വാഹന വിപണി സാക്ഷ്യംവഹിക്കുകയാണ്. മറ്റേതുമല്ല, ക്രാഷ് ടെസ്റ്റിൽ 5-സ്റ്റാർ സേഫ്റ്റി റേറ്റിംഗ് സ്വന്തമാക്കിയ മാരുതി സുസുക്കിയുടെ ആദ്യത്തെ കാറായ ഡിസയറാണ് ചൂടപ്പം പോലെ വിറ്റഴിഞ്ഞുകൊണ്ടിരിക്കുന്നത്. അസാമാന്യമായ കണക്കുകളാണ് കോംപാക്‌ട് സെഡാൻ ബ്രാൻഡിനായി സംഭാവന ചെയ്യുന്നത്. മിക്കമാസങ്ങളിലും ഏറ്റവും കൂടുതൽ വിറ്റഴിയുന്ന കാറുകളുടെ പട്ടികയിൽ മുൻപന്തിയിൽ തന്നെയുള്ള ഡിസയർ 2025 നവംബറിൽ രണ്ടാം സ്ഥാനമാണ് കരസ്ഥമാക്കിയിരിക്കുന്നത്. ടാറ്റ നെക്സോണിനേക്കാൾ വളരെ കുറച്ച് നമ്പറുകൾക്കാണ് മോഡലിന് ഒന്നാം സ്ഥാനം നഷ്‌ടമായിരിക്കുന്നത്.

ജർമ്മനിയിൽ നിന്നെത്തിയ പ്രമുഖ വാഹന നിർമ്മാതാക്കളാണ് ബിഎംഡബ്ലു. പെർഫോമൻസിൻ്റെയും ആധുനിക സാങ്കേതികവിദ്യകളുടെയും പ്രീമിയം ഡിസൈനിൻ്റെയുമെല്ലാം പ്രതീകമായി അറിയപ്പെടാൻ ഇവരുടെ വാഹനങ്ങൾക്ക് സാധിച്ചിട്ടുണ്ട്. ഇപ്പോൾ ബ്രാൻഡ് ഇന്ത്യൻ വിപണിയിലേക്ക് ഒരു പുത്തൻ മോഡൽ കൊണ്ടുവരാൻ ഒരുങ്ങുകയാണ്. ഇതിനോടകം തന്നെ വലിയ ആവേശമായി മാറിയ പുതിയ ബിഎംഡബ്ല്യു M440i കൺവെർട്ടിബിളാണ് വാഹനപ്രേമികൾക്കായി കാത്തിരിക്കുന്നത്. മാത്രവുമല്ല തങ്ങളുടെ ഇന്ത്യൻ ആധിപത്യം ഒന്നുകൂടി പുഷിടിപ്പെടുത്തുക എന്നതുകൂടിയാണ് ഈ ലോഞ്ച് വഴി കമ്പനി ലക്ഷ്യമിടുന്നത്. മോഡലിൻ്റെ വിശദാംശങ്ങളെ കുറിച്ച് കൂടുതൽ അറിയാനായി തുടർന്ന് വായിക്കാം.

ഇന്ത്യൻ കോംപാക്ട് എസ്‌യുവി വിപണിയിൽ പുതിയൊരു തരംഗമായി കിയ സെൽറ്റോസ് എത്തിയിരിക്കുകയാണ്. പുത്തൻ ഡിസൈനും പ്രീമിയം ഫീച്ചറുകളുമായി എത്തുന്ന ഈ വാഹനം, അടുത്തിടെ പുറത്തിറക്കിയ ടാറ്റ സിയറ എസ്‌യുവിയുമായി നേരിട്ട് മത്സരിക്കുന്ന മോഡലാണ്. ഈ രണ്ട് കോംപാക്ട് എസ്‌യുവികളെയും ഒരു വിശദമായ താരതമ്യത്തിലൂടെ ഒന്ന് പരിശോധിച്ചാലോ. എന്തായാലും ഇനി സെഗ്മെൻ്റിൽ കടുത്ത മത്സരം തന്നെയാണ് നടക്കാൻ പോകുന്നതെന്ന് 100 ശതമാനം ഉറപ്പാണ്. പുതിയ സെൽറ്റോസ് എസ്‌യുവിയുടെ ഡിസൈനി കിയ സമഗ്രമായ മാറ്റങ്ങളാണ് വരുത്തിയിരിക്കുന്നത്. ആഗോളതലത്തിലുള്ള തങ്ങളുടെ എസ്‌യുവികളിൽ നിന്ന് പ്രചോദനം ഉൾക്കൊണ്ട്, ഇതിന്റെ മുൻഭാഗത്തും പിൻഭാഗത്തും കാര്യമായ അഴിച്ചുപണികൾ നടത്തിയിട്ടുണ്ട്.

ദിവസേന ഒരുപാട് ദൂരം യാത്ര ചെയ്യേണ്ട ആവശ്യമുള്ളവര്‍ ഒരു കാര്‍ വാങ്ങുമ്പോള്‍ മൈലേജിനായിരിക്കും പ്രഥമ പരിഗണന കൊടുക്കുക. ഇങ്ങനെയുള്ള സാഹചര്യങ്ങളില്‍ സാധാരണയായി മിക്കവരുടെയും നോട്ടം പോകുക മാരുതി സുസുക്കി കാറുകളിലേക്കായിരിക്കും. കാരണം, കുറഞ്ഞ ബജറ്റില്‍ മികച്ച മൈലേജ് നല്‍കുന്ന കാറുകളില്‍ ഒട്ടുമിക്ക മോഡലുകളും മാരുതിയുടേതാണ്. മാരുതിയുടെ പല കാറുകളും 30 കിലോമീറ്ററില്‍ കൂടുതല്‍ മൈലേജ് നല്‍കുന്നു. ഇത് നഗരയാത്രകള്‍ക്കും ദീര്‍ഘദൂര യാത്രകള്‍ക്കും ഒരുപോലെ പ്രയോജനകരമാണ്. 30 കിലോമീറ്ററിന് മുകളില്‍ ഇന്ധനക്ഷമതയുള്ള ബഡ്ജറ്റ് സൗഹൃദമായ മാരുതിയുടെ 5 കാറുകള്‍ നമുക്ക് പരിചയപ്പെടാം.

പുത്തൻ വണ്ടി വാങ്ങുന്നതിൽ അല്ല ഇപ്പോൾ ജനങ്ങൾക്ക് ഹരം.അതിന് പ്രിയപ്പെട്ട നമ്പർ സ്വന്തമാക്കുന്നതിലാണ്. പണ്ടൊക്കെ വാഹനം വാങ്ങുമ്പോൾ ഇഷ്ടപ്പെട്ട നമ്പർ കിട്ടിയില്ലെങ്കിൽ കിട്ടിയ നമ്പർ വച്ച് അഡ്ജസറ്റ് ചെയ്യുമായിരിന്നു. എന്നാൽ ഇപ്പോൾ കഥ മാറി, പ്രിയപ്പെട്ട നമ്പറിന് വേണ്ടി വണ്ടിയേക്കാൾ കൂടുതൽ തുക മുടക്കാനും ഇന്ന് ആളുകളുണ്ട്. നോയിഡ ആസ്ഥാനമായുള്ള ഒരു ഫാർമസ്യൂട്ടിക്കൽ കമ്പനി തങ്ങളുടെ പുതിയ മെർസിഡീസ് ബെൻസ് കാറിനായി ഒരു ഫാൻസി നമ്പർ പ്ലേറ്റിന് 27.5 ലക്ഷം രൂപ മുടക്കിയത് ഇപ്പോൾ വലിയ ചർച്ചാവിഷയമാണ് സോഷ്യൽ മീഡിയകളിൽ. ഓൺലൈൻ ലേലത്തിലൂടെയാണ് ഈ വാഹന രജിസ്ട്രേഷൻ നമ്പർ സ്വന്തമാക്കിയത്.

ലോകത്ത് മികച്ച പ്രകടനക്ഷമതയുള്ള മോട്ടോർസൈക്കിളുകൾ നിർമ്മിക്കുന്നതിൽ പേരുകേട്ടവരാണ് കെടിഎം. സൂപ്പർമോട്ടോ, അഡ്വഞ്ചർ പോലുള്ള മേഖലകളിൽ നിരന്തരം പുതുമകൾ കൊണ്ടുവരുന്നതിനാൽ പെട്ടെന്നുതന്നെ ജനഹൃദയം കീഴടക്കാൻ ഇവർക്ക് സാധിച്ചു. അതുപോലെ ബ്രാൻഡിൻ്റെ ഏറ്റവും ശക്തമായ മോഡലുകളിൽ ഒന്നാണ് 1390 സൂപ്പർ ഡ്യൂക്ക് R എന്നത്. പേരുപോലെതന്നെ അതിൻ്റെ കമാൻഡിംഗ് സ്റ്റൈലും ഹൈ പെർഫോർമൻസ് ലെവലുംമെല്ലാം സൂപ്പർ തന്നെയാണ്. ഇപ്പോൾ ഈ മോഡലിനേക്കാൾ കൂടുതൽ ലളിതവും ശക്തമാവുമായ പ്രകടനം തരുന്ന ഒരു പ്രീമിയം പതിപ്പ് പുറത്തിറക്കാനുള്ള പ്ലാനിടുകയാണ് കമ്പനി. അതിൻ്റെ ഭാഗമായി പുത്തൻ മോഡലിൻ്റെ സവിശേഷതകൾ വെളിപ്പെടുത്തിയിരിക്കുകയാണ്.

കിയയുടെ ഏറ്റവും പുതിയ തലമുറ സെൽറ്റോസ്, അപ്ഡേറ്റ് ചെയ്ത ഡിസൈനും അതോടൊപ്പം തന്നെ നിരവധി പ്രീമിയം ഫീച്ചറുകളുമായിട്ടാണ് ഇന്ത്യൻ വിപണിയിലേക്ക് എത്തിയിരിക്കുന്നത്. സ്റ്റൈൽ, ടെക്നോളജി,സേഫ്റ്റി ഫീച്ചർ എന്നിവയിൽ കമ്പനി ശ്രദ്ധേയമായ മാറ്റങ്ങൾ വരുത്തിയിട്ടുണ്ട് എന്നതാണ് എടുത്തു പറയേണ്ട കാര്യങ്ങൾ. ഈ പുതിയ കോംപാക്ട് എസ്‌യുവി ഉപഭോക്താക്കൾക്ക് മികച്ച ഡ്രൈവിംഗ് അനുഭവം വാഗ്ദാനം ചെയ്യുമെന്ന കാര്യം ഉറപ്പാണ്. ഏതൊരു മോഡൽ അവതരിപ്പിക്കുമ്പോഴും ജനങ്ങൾക്ക് അറിയേണ്ടത് ബേസ് വേരിയൻ്റുകളെ കുറിച്ചായിരിക്കും. അത്തരത്തിൽ 2026 കിയ സെൽറ്റോസിൻ്റെ ബേസ് വേരിയൻ്റിൽ നിങ്ങൾക്ക് ലഭിക്കുന്ന ഫീച്ചറുകളും പവർട്രെയിനുകളുമാണ് ഈ ലേഖനത്തിൽ പങ്കുവയ്ക്കുന്നത്.

Harley-Davidson X440 T-യുടെ വിശദമായ അവലോകനം വായിക്കുക. സവിശേഷതകൾ, ഡ്രൈവിംഗ് അനുഭവം, വില എന്നിവ അറിയുക.

ചിലര്‍ വരുമ്പോള്‍ ചരിത്രം വഴിമാറും എന്ന് പറയുന്നത് ഏഥര്‍ എനര്‍ജിയുടെ കാര്യത്തില്‍ സത്യമാണ്. ഇന്ത്യയിലെ മുന്‍നിര ഇലക്ട്രിക് വാഹന നിര്‍മാതാക്കളായ ഏഥറിന്റെ തലവര തന്നെ മാറ്റിയ മോഡലാണ് റിസ്ത. ബെംഗളൂരു ആസ്ഥാനമായി പ്രവര്‍ത്തിക്കുന്ന ഏഥര്‍ എനര്‍ജി (Ather Energy) തങ്ങളുടെ ഫാമിലി സ്‌കൂട്ടറായ റിസ്ത (Rizta) 2 ലക്ഷം യൂണിറ്റ് വില്‍പ്പന നാഴികക്കല്ല് പിന്നിട്ടതായി പ്രഖ്യാപിച്ചു. വിപണിയില്‍ അവതരിപ്പിച്ച് കേവലം 20 മാസത്തിനുള്ളിലാണ് ഈ ശ്രദ്ധേയമായ നേട്ടംം. 2025 മെയ് മാസത്തിലാണ് റിസ്ത ആദ്യത്തെ 1 ലക്ഷം യൂണിറ്റ് വില്‍പ്പന കൈവരിച്ചത്.

ഇന്ത്യയിൽ ഇലക്ട്രിക് വാഹനങ്ങളുടെ വിൽപ്പന കുതിച്ചു കയറിക്കൊണ്ടിരിക്കുകയാണെങ്കിലും, യൂസ്ഡ് ഇലക്ട്രിക് വാഹനങ്ങളുടെ മാർക്കറ്റ് ഇപ്പോഴും പ്രാരംഭഘട്ടത്തിലാണ് എന്ന് തന്നെ പറയാം. എന്നാൽ ഡിമാൻ് ഒട്ടും കുറവല്ല. ഇത് വരെ യൂസ്ഡ് ഇവി വിൽപ്പന മൊത്തം വിൽപ്പനയുടെ 2 മുതൽ 3 ശതമാനം വരെ മാത്രമാണ്. മെട്രോപൊളിറ്റൻ നഗരങ്ങളായ ബാംഗ്ലൂരു,ദില്ലി ഹൈദരാബാദ് എന്നിവിടങ്ങളിലാണ് യൂസ്ഡ് ഇവികൾക്ക് ഡിമാൻ്റ് കൂടുതൽ. ഒരു യൂസ്ഡ് ഇവി വാങ്ങുമ്പോൾ ഏറ്റവും വലിയ ടെൻഷൻ ബാറ്ററിയുടെ സ്ഥിതിയെ കുറിച്ചായിരിക്കും. ഒരു ബാറ്ററി മാറ്റി വയ്ക്കുന്നതിന് ഏകദേശം 1 മുതൽ 4 ലക്ഷം രൂപ വരെയായിരിക്കും.

ന്ത്യന്‍ മള്‍ട്ടി പര്‍പ്പസ് വാഹന വിഭാഗത്തിലെ ഏറ്റവും വിശ്വാസ്യതയുള്ള നാമങ്ങളില്‍ ഒന്നാണ് മാരുതി സുസുക്കി എര്‍ട്ടിഗ. പ്രായോഗികത, സൗകര്യം, ഇന്ധനക്ഷമത, വിലക്കുറവ് എന്നിവയെല്ലാമാണ് എര്‍ട്ടിഗയെ ഒരു പെര്‍ഫെക്റ്റ് ഫാമിലി കാറാക്കി മാറ്റുന്നത്. നഗര യാത്രകള്‍ മുതല്‍ നീണ്ട ഹൈവേ ഡ്രൈവുകളില്‍ വരെ ഈ എംപിവി സുഖകരമായ അനുഭവം സമ്മാനിക്കുന്നു. ഇന്ത്യന്‍ കുടുംബം ആഗ്രഹിക്കുന്ന എല്ലാ ഗുണങ്ങളും ഒത്തുചേരുന്ന എര്‍ട്ടിഗ എംപിവി കിംഗ് ടൊയോട്ട ഇന്നോവയെ വരെ പിന്നിലാക്കി ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന 7-സീറ്റര്‍ കാറാണ്. 2025 നവംബര്‍ മാസത്തെ വില്‍പ്പന കണക്കുകള്‍ പുറത്തു വന്നപ്പോഴും അതില്‍ മാറ്റമൊന്നുമില്ല.

സ്പോർട്സ് കാറുകളുടെ ലോകം അടക്കി വാഴുന്ന ഒരു ജനപ്രിയ ബ്രാൻഡാണ് ലോട്ടസ്. കുറഞ്ഞ ഭാരവും കിടിലൻ പെർഫോമൻസും മികച്ച ഹാൻഡ്ലിംഗുമെല്ലാമാണ് ലോട്ടസ് കാറുകളുടെ ഏറ്റവും വലിയ പ്രത്യേകത. എലിസ്, എക്സിജ്, പോലുള്ള മോഡലുകൾ ഇറക്കികൊണ്ട് വാഹനപ്രേമികളുടെ ഹൃദയത്തിൽ ഒരു സൂപ്പർ ബ്രാൻഡായി വളരാൻ ഇവർക്ക് സാധിച്ചിട്ടുണ്ട്. ഇപ്പോൾ കാലം മാറുന്നതിനനുസരിച്ച് തങ്ങളുടെ ദിശയും വിപുലമാക്കാനുള്ള ശ്രമങ്ങളിലാണ് കമ്പനി. അതിനാൽ 2026-ൽ അവതരിപ്പിക്കാൻ പോകുന്ന പുതിയ എലെട്രെ പ്ലഗ്-ഇൻ ഹൈബ്രിഡ് എസ്‌യുവി ബ്രാൻഡിന്റെ ചരിത്രത്തിലെ ഒരു വലിയ വഴിത്തിരിവായിരിക്കും.

പുതിയ 2026 കിയ സെൽറ്റോസ് വലിയ ഡിസൈൻ മാറ്റങ്ങളോടും നിരവധി മോഡേൺ സവിശേഷതകളോടും കൂടി ഔദ്യോഗികമായി വിപണിയിലെത്തിയിരിക്കുകയാണ്. വാഹനത്തിന്റെ പവർട്രെയ്ൻ ഓപ്ഷനുകൾ അതേപടി തുടരുമ്പോഴും, കൂടുതൽ കരുത്തും പ്രീമിയം ലുക്കും നൽകും വിധം കിയ ഈ പുതിയ മോഡൽ ഡിസൈൻ ചെയ്തിരിക്കുന്നത്. ജനുവരി 2, 2026-നാണ് ഇതിന്റെ വില പ്രഖ്യാപനവും ഔദ്യോഗിക ലോഞ്ചും നടക്കുക എന്നാണ് ബ്രാൻഡ് അറിയിച്ചിരിക്കുന്നത്. പുതിയ സെൽറ്റോസിന്റെ രൂപകൽപ്പനയും സാങ്കേതിക അപ്ഡേറ്റുകളും സെഗ്മെൻ്റിൽ നിർണായകമാകും. ഹ്യുണ്ടായി ക്രെറ്റ, മാരുതി സുസുക്കി വിക്ടോറിസ്, ഗ്രാൻഡ് വിറ്റാര, ടൊയോട്ട ഹൈറൈഡർ, ടാറ്റ സിയറ ഉൾപ്പെടെയുള്ള എതിരാളികളുമായി താരതമ്യം ചെയ്യുമ്പോൾ, പുതിയ സെൽറ്റോസിന് വലുപ്പത്തിൽ പ്രകടമായ മാറ്റങ്ങളുണ്ട്.

കഴിഞ്ഞ വര്‍ഷം മോളിവുഡില്‍ പിറന്ന സര്‍പ്രൈസ് ഹിറ്റ് ചിത്രമായിരുന്നു പ്രേമലു. 100 കോടി രൂപയിലധികം കളക്ഷന്‍ നേടിയ സിനിമയിലെ പാട്ടുകളും ശ്രദ്ധിക്കപ്പെട്ടിരുന്നു. ഇതിലെ ഒരു ഗാനരംഗത്തില്‍ നസ്‌ലെനും മമിത ബൈജുവും ഹൈദരാബാദ് നഗരത്തിലൂടെ ചുറ്റിക്കറങ്ങുന്ന ഒരു സ്‌കൂട്ടറില്‍ പലരുടെയും കണ്ണുടക്കിയിട്ടുണ്ടാകും. മലയാളികള്‍ ഉടമകളായ റിവര്‍ മൊബിലിറ്റി പുറത്തിറക്കുന്ന ഇന്‍ഡി എന്ന ഇലക്ട്രിക് സ്‌കൂട്ടറായിരുന്നു അത്. പ്രേമലു പോലെ തന്നെ അതിലെ സ്‌കൂട്ടറും സൂപ്പര്‍ ഹിറ്റായി. ഇപ്പോള്‍ റിവര്‍ മൊബിലിറ്റി ഒരു സുപ്രധാന ഉത്പാദന നാഴികക്കല്ല് പിന്നിട്ടിരിക്കുകയാണ്. കര്‍ണാടകയിലെ ഹോസ്‌കോട്ടിലുള്ള നിര്‍മ്മാണശാലയില്‍ നിന്ന് 20000-ാമത്തെ 'റിവര്‍ ഇന്‍ഡി' പുറത്തിറക്കിയാണ് കമ്പനി നേട്ടം കൈവരിച്ചത്.

കേന്ദ്രസർക്കാർ രാജ്യത്തുടനീളമുള്ള ടോൾ ബൂത്തുകളെ പൂർണ്ണമായും ഇലക്ട്രോണിക് സംവിധാനങ്ങളാക്കി മാറ്റാനുള്ള ഒരുക്കത്തിലാണ് . നിലവിലുള്ള എല്ലാ ടോൾ പ്ലാസകളും അടുത്ത ഒരു വർഷത്തിനുള്ളിൽ നീക്കം ചെയ്ത് പൂർണ്ണമായും ഓട്ടോമാറ്റിക് ടോൾ പിരിവ് സമ്പ്രദായം നടപ്പിലാക്കുമെന്നാണ് പ്രതീക്ഷിക്കുന്നത്. ഇതിനായുള്ള പ്രാഥമിക നടപടികൾ ഇതിനോടകം തന്നെ ആരംഭിച്ചുകഴിഞ്ഞു. പാർലമെൻ്റിലെ ചോദ്യോത്തര വേളയിലാണ് ദേശീയപാതാ മന്ത്രി ഇതുസംബന്ധിച്ച വിശദാംശങ്ങൾ വെളിപ്പെടുത്തിയത്. അടുത്ത ഒരു വർഷത്തിനുള്ളിൽ രാജ്യത്തെ എല്ലാ ടോൾ ബൂത്തുകളും ഇലക്ട്രോണിക് സംവിധാനങ്ങളിലേക്ക് മാറുമെന്നും, പദ്ധതി ഇതിനോടകം ആരംഭിച്ചെന്നും അദ്ദേഹം വ്യക്തമാക്കി. നിലവിൽ പത്ത് സ്ഥലങ്ങളിൽ ഇത് പരീക്ഷണാടിസ്ഥാനത്തിൽ പ്രവർത്തിക്കുന്നുണ്ട്.

ഇന്ത്യൻ റോഡുകളിൽ പുത്തൻ മോഡലുകൾ ഇറക്കികൊണ്ട് മായാജാലം സൃഷ്ടിക്കുന്ന ഒരു ബ്രാൻഡാണ് മഹീന്ദ്ര. ICE കാറുകൾക്കും ഇലക്ട്രിക് വാഹനങ്ങൾക്കും ഒരു പോലെ ശ്രദ്ധ നൽകുന്ന ഒരു ബ്രാൻഡാണിത്. ഇവരുടെ ഥാർ, സ്കോർപിയോ എന്നീ മോഡലുകൾ ഇന്ന് ഇന്ത്യയിലെ ഏറ്റവും ജനപ്രിയമായ എസ്‌യുവികളാണ്. കഴിഞ്ഞ വർഷം പുറത്തിറക്കിയ BE6, XEV 9e എന്നീ പുതിയ ഇലക്ട്രിക് എസ്‌യുവികൾ ഇവി വിപണിയിലേക്കുള്ള സുപ്രധാന ചുവടുവെപ്പായിരുന്നു. എങ്കിലും കമ്പനി ഇതുവരെ ഒരു CNG കാറുപോലും അവതരിപ്പിക്കാത്തത് പലരുടേയും മനസ്സിൽ ഒരു ചോദ്യമായി ഉയരാറുണ്ട്.

ടാറ്റ മോട്ടോര്‍സ് പാസഞ്ചര്‍ വെഹിക്കിള്‍സ് ഏറ്റവും പുതുതായി ഇന്ത്യന്‍ വിപണിയിലെത്തിച്ച സിയറ എസ്‌യുവി ഇതിനോടകം തന്നെ വലിയ ഓളങ്ങള്‍ സൃഷ്ടിച്ചിട്ടുണ്ട്. ഒറിജിനല്‍ സിയറയുടെ ജീനുകള്‍ നിലനിര്‍ത്തി പുതിയ കാലത്തിനൊത്ത ഹൈടെക് എസ്‌യുവിയായി വന്ന സിയറ അരങ്ങേറ്റത്തില്‍ തന്നെ ചരിത്ര നേട്ടം കുറിച്ചിരിക്കുകയാണ്. ഇന്ത്യന്‍ ഓട്ടോമോട്ടീവ് ഇന്‍ഡസ്ട്രിയില്‍ എക്കാലവും ഓര്‍മ്മിക്കപ്പെടുന്ന ഈ നേട്ടം സിയറയെ ഇന്ത്യ ബുക്ക് ഓഫ് റെക്കോര്‍ഡ്സില്‍ എത്തിച്ചു. 12 മണിക്കൂര്‍ നീണ്ട നിയന്ത്രിത എന്‍ഡ്യൂറന്‍സ് റണില്‍ ലിറ്ററിന് 29.9 കിലോമീറ്റര്‍ സര്‍ട്ടിഫൈഡ് മൈലേജ് കൈവരിച്ചാണ് സിയറ മുമ്പുണ്ടായിരുന്ന സകല റെക്കോര്‍ഡുകളും തകര്‍ത്തത്.

സ്ട്രോംഗ് ഹൈബ്രിഡ് വാഹനങ്ങളെ ഇന്ത്യയിൽ ജനകീയരാക്കിയവരാണ് മാരുതി സുസുക്കിയും (Maruti Suzuki) ടൊയോട്ടയും (Toyota). ഇരുബ്രാൻഡുകളും തമ്മിലുള്ള പങ്കാളിത്തത്തിൻ്റെ ഭാഗമായി പുറത്തിറങ്ങിയ ഗ്രാൻഡ് വിറ്റാരയും അർബൻ ക്രൂയിസർ ഹൈറൈഡറുമാണ് ഇതിന് തിരികൊളുത്തിയത്. ഹ്യുണ്ടായി ക്രെറ്റയുടെ ആധിപത്യം തകർക്കാനായി എത്തിയ രണ്ട് മോഡലുകളും അതിവേഗം വിറ്റഴിയുകയും ചെയ്‌തു. ഗ്രാൻഡ് വിറ്റാരയാണ് തുടക്കത്തിൽ കത്തിക്കയറിയതെങ്കിലും ഇപ്പോൾ ടൊയോട്ടയുടെ മോഡലാണ് സെഗ്മെൻ്റിൽ ചൂടപ്പം പോലെ വിറ്റഴിയുന്നത്. ഇതിന് പകരമായി ഇതേ വിഭാഗത്തിലെ തങ്ങളുടെ രണ്ടാമത്തെ മോഡലായ വിക്ടോറിസിനെയും മാരുതി അടുത്തിടെ കൊണ്ടുവന്നു.

ഏതൊരു വാഹനത്തിനാണെങ്കിലും ആദ്യം മുൻവശമാണല്ലോ ശ്രദ്ധയിൽപ്പെടുന്നത്. അത്തരത്തിൽ മുൻവശത്തേക്ക് നോക്കുമ്പോൾ ക്രോം ഗ്രില്ലുകൾ ആരുടേയും ശ്രദ്ധ ആകർഷിക്കാൻ പ്രാപ്തമാണ്. വാഹനത്തിൻ്റെ അഴക് വർധിപ്പിക്കുന്നതിൽ പ്രധാന പങ്ക് തന്നെ ഇത്തരത്തിലുള്ള ക്രോം ഗ്രില്ലുകൾ വഹിക്കുന്നുണ്ട്. ഇന്ത്യയിലെ 10 ലക്ഷം രൂപയിൽ താഴെ വില വരുന്ന ക്രോം ഗ്രില്ലുകളുള്ള സ്റ്റൈലിഷ് കാറുകൾ പരിചയപ്പെട്ടാലോ. സെഡാൻ, ഹാച്ച്ബാക്ക്, കോംപാക്റ്റ് എസ്‌യുവി വിഭാഗങ്ങളിൽ ആണെങ്കിലും മുൻവശത്തിന് പ്രത്യേക ഭംഗി തന്നെയാണ്. ഇത്തരത്തിൽ ഏതൊക്കെ മോഡലുകളുണ്ടെന്ന് അറിയാൻ ഈ ലേഖനം തുടർന്ന് വായിക്കാൻ മറക്കരുതേ.

ഇന്ത്യൻ ഇരുചക്ര വാഹന വിപണിയിൽ വലിയ മാറ്റങ്ങൾ കൊണ്ടുവന്ന ഒരു വർഷമാണ് 2025. പുതുപുത്തൻ ലോഞ്ചുകൾ അവതരിപ്പിച്ചുകൊണ്ട് പോയ വർഷങ്ങളിലേക്കാൾ മികച്ചതായി ഉരയാൻ പല ബ്രാൻഡുകൾക്കും സാധിച്ചിട്ടുണ്ടെന്ന് തന്നെ പറയാം. അതിൽ യമഹ, ടിവിഎസ്, കെടിഎം എന്നീ ജനപ്രിയ ബ്രാൻഡുകളാണ് ആവേശകരമായ പുതിയ മോഡലുകൾ അവതരിപ്പിച്ചു കൊണ്ട് മുന്നിൽ നിൽക്കുന്നത്. ഓരോരുത്തരും തങ്ങളുടെ ഡിസൈൻ ഭാഷയും സാങ്കേതിക പുതുമകളും കൊണ്ട് വിപണിയിൽ വലിയ ചലനം സൃഷ്‌ടിച്ചു. അവയിൽ ഏതാനും ചില മോഡലുകളേയും അതിൻ്റെ പ്രത്യേകതകളേയും ഈ ലേഖനത്തിലൂടെ മനസ്സിലാക്കാം.

പുതിയ കാര്‍ വാങ്ങാനൊരുങ്ങുന്നവര്‍ ഉയര്‍ന്ന മൈലേജ്, കുറഞ്ഞ വില, കുറഞ്ഞ പരിപാലനച്ചെലവ്, ആകര്‍ഷകമായ രൂപകല്‍പ്പന എന്നിവയെല്ലാം ഒത്തുചേരുന്ന ഒരു മോഡല്‍ ലഭിക്കാന്‍ ആഗ്രഹിക്കും. ഉപഭോക്താക്കളുടെ ഈ പ്രതീക്ഷകളെല്ലാം പൂര്‍ണമായും നിറവേറ്റാന്‍ പ്രയാസമാണ്. ചില കാറുകള്‍ ഉയര്‍ന്ന മൈലേജ് നല്‍കുമെങ്കിലും അവയുടെ വില കൂടുതലായിരിക്കും. കാണാന്‍ നല്ല ലുക്കും പെര്‍ഫോമന്‍സുമുള്ള ചില കാറുകള്‍ 'തീറ്റിപ്പോറ്റാന്‍' പാടായിരിക്കും. എന്നിരുന്നാലും, മുകളില്‍ പറഞ്ഞ എല്ലാ പ്രതീക്ഷകളും ഒരുപരിധി വരെ നിറവേറ്റുന്ന ചില കാറുകള്‍ ഉണ്ട്. മാരുതി സുസുക്കി സ്വിഫ്റ്റ് അതിന് പറ്റിയ മികച്ച ഒരു ഉദാഹരണമാണ്.