വണ്ടിപ്രാന്തന്‍മാരുടെ ഉത്സവമാണ് ഓട്ടോ ഷോകള്‍. രണ്ട് വര്‍ഷം കൂടുമ്പോള്‍ ഡല്‍ഹിയില്‍ നടക്കുന്ന ഓട്ടോ എക്‌സ്‌പോ മാത്രമല്ല വിദേശ രാജ്യങ്ങളില്‍ നടക്കുന്ന ഓട്ടോ എക്‌സിബിഷനുകള്‍ സാകൂതം വീക്ഷിക്കുന്നവരാണ് ഇന്ത്യക്കാര്‍. നമ്മുടെ രാജ്യത്ത് വരാന്‍ സാധ്യതയുള്ള പുത്തന്‍ കാറുകളെയും സാങ്കേതികവിദ്യകളെയും കുറിച്ച് അതുവഴി അറിയാന്‍ പറ്റും. ഈ വരുന്ന ഒക്‌ടോബര്‍ 25 മുതല്‍ നവംബര്‍ ഒമ്പത് വരെ 2025 ജാപ്പനീസ് മൊബിലിറ്റി ഷോ അരങ്ങേറാന്‍ പോകുകയാണ്. ടോക്കിയോ ബിഗ്‌സൈറ്റ് കണ്‍വെന്‍ഷന്‍ സെന്ററില്‍ നടക്കുന്ന ഷോയില്‍ സുസുക്കി തങ്ങളുടെ പുതിയ കാറുകളും കണ്‍സെപ്റ്റ് പതിപ്പുകളും അവതരിപ്പിക്കാന്‍ ഒരുങ്ങുകയാണ്.

ഇന്ത്യൻ വാഹന വിപണിക്ക് പ്രിയമേറുന്നു എന്ന് പറയുമ്പോൾ ഉപഭോക്കതാക്കളുടെ താൽപ്പര്യമാണല്ലോ പ്രധാനമായിട്ടും.ഇന്ത്യൻ കാർ മാർക്കറ്റ് എല്ലായ്പ്പോഴും പ്രായോഗികതയ്ക്കും കുടുംബ ആവശ്യങ്ങൾക്കും അനുസരിച്ചാണ് വാഹനങ്ങൾ തെരഞ്ഞെടുക്കുന്നത്. അതാണ് 7 സീറ്റർ കാറുകൾക്ക് രാജ്യത്ത് അതിവേഗം ജനപ്രിയവും ഡിമാൻ്റ് വർധനവും ഉണ്ടാകുന്നതിൻ്റെ കാരണം. മാരുതി മുതൽ മഹീന്ദ്ര,വിദേശ ബ്രാൻഡുകൾ അങ്ങനെ നിരവധി വാഹന നിർമാതാക്കൾ രാജ്യത്ത് 7 സീറ്റർ കാറുകൾ നിർമിക്കുന്നുണ്ട്. ഓരോ ബ്രാൻഡും പല രീതിയിലാണ് തങ്ങളുടെ ഉപഭോക്താക്കളുടെ ആവശ്യം നിരവേറ്റുന്നത്. മൊത്തത്തിൽ 7 സീറ്റർ വാഹനങ്ങളോട് എന്തു കൊണ്ടാണ് വിപണിയിൽ താൽപ്പര്യം വർധിക്കുന്നത് എന്നതാണ് ഈ ലേഖനത്തിൽ പങ്കുവയ്ക്കാൻ പോകുന്നത്.

സോഷ്യല്‍ മീഡിയ വളരെ സജീവമായ ഇന്നത്തെ കാലത്ത് കാര്‍ വാങ്ങിയാല്‍ മാത്രം പോര അത് നാലാള്‍ അറിയുകയും വേണം എന്ന ചിന്താഗതിയാണ് ഒട്ടുമിക്ക പേര്‍ക്കും. അതിനാല്‍ പുതിയ കാറുകളുടെ ഡെലിവറി പരമാവധി കളറാക്കാന്‍ എല്ലാവരും ശ്രമിക്കാറുണ്ട്. ഏതാനും മാസങ്ങള്‍ക്ക് മുമ്പ് മലപ്പുറം സ്വദേശിയായ പോളണ്ട് മൂസ തന്റെ ബെന്റ്‌ലി ബെന്റെയ്ഗ ഡെലിവറിയെടുക്കാന്‍ ഹെലികോപ്റ്ററില്‍ വന്നിറങ്ങിയ വീഡിയോ പാന്‍ ഇന്ത്യ ലെവലില്‍ വൈറലായിരുന്നു. വില കൂടിയ വാഹനങ്ങള്‍ വാങ്ങാന്‍ വലിയ വാഹനങ്ങളില്‍ വരുന്നത് പോലെ തന്നെ എളിമ പ്രകടമാക്കാന്‍ ചെറിയ വണ്ടികളില്‍ വരുന്നവരുമുണ്ട്. മുമ്പ് ഓട്ടോറിക്ഷയിലും ബൈക്കുകളിലും ട്രാക്ടറുകളിലും വരെ ആളുകള്‍ എത്തിയിരുന്നു.

ഇന്ത്യയിലെ ഇലക്‌ട്രിക് കാർ വിപണിയിൽ തരംഗമായി മാറിയ മോഡലാണ് എംജി വിൻഡ്‌സർ ഇവി. ഏറെ നാൾ വിപണി അടക്കിവാണിരുന്ന ടാറ്റ നെക്സോൺ ഇവിയെ വരെ തൂക്കി രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന വൈദ്യുത കാറായി വിൻഡ്‌സർ മാറിയതും എംജിയുടെ വലിയ നേട്ടമായിരുന്നു. ഇപ്പോഴും ജൈത്രയാത്ര തുടരുന്ന സിയുവിയുടെ പുത്തനൊരു മോഡലുമായി എത്തിയിരിക്കുകയാണ് ജെഎസ്‌ഡബ്ല്യു എംജി മോട്ടോർ. വിപണനത്തിന് എത്തിയതിന്റെ ഒന്നാം വാർഷികാഘോഷങ്ങളുടെ ഭാഗമായി അവതരിച്ചിരിക്കുന്ന പ്രത്യേക പതിപ്പിന് എംജി വിന്‍ഡ്‌സര്‍ ഇവി ഇന്‍സ്പയര്‍ എഡിഷന്‍ എന്നാണ് പേരിട്ടിരിക്കുന്നത്.

കോവിഡ് കാലത്തിന് ശേഷം രാജ്യത്ത് സോഷ്യല്‍ മീഡിയ സെലിബ്രിറ്റികള്‍ക്ക് വലിയ താരപരിവേഷം കൈവന്നിട്ടുണ്ട്. ചില ഇൻഫ്ലുവന്‍സര്‍മാര്‍ക്ക് ഇന്‍സ്റ്റഗ്രാം പോലുള്ള പ്ലാറ്റ്‌ഫോമുകളില്‍ സിനിമയിലെ സൂപ്പര്‍ താരങ്ങളേക്കാള്‍ ആരാധക പിന്തുണയുണ്ട്. സോഷ്യല്‍ മീഡിയ പവറിന്റെ ബലത്തില്‍ സിനിമയില്‍ വരെ അവസരം കിട്ടുകയും പിന്നീട് തിരക്കുള്ള അഭിനേതാക്കളായി മാറിയവരും ഒത്തിരിയുണ്ട്. അതുകൊണ്ട് തന്നെ അതിവേഗം പ്രശസ്തരാകാനും പണം സമ്പാദിക്കാനുമായി ഫുള്‍ടൈംഇൻഫ്ലുവന്‍സര്‍ വേഷം ധരിക്കുന്ന ചെറുപ്പക്കാരുടെ എണ്ണം വളരെ കൂടുതലാണ്. ഇതിനൊപ്പം വിവാഹിതരായ ചില ദമ്പതികളും സോഷ്യല്‍ മീഡിയയില്‍ വലിയ ആരാധകവൃന്ദം തീര്‍ക്കുന്നു. അത്തരത്തിലുള്ള ഒരു സോഷ്യല്‍ മീഡിയ കപ്പിളാണ് ശില്‍പ ഖത്വാനിയും സാജിദ് ഷാഹിദും.

വലിയ കൊട്ടും കുരവയുമായി രാജ്യത്ത് എത്തിയ ബ്രാൻഡാണ് ടെസ്‌ല. എന്നാൽ ഇപ്പോൾ ഷോറൂം എല്ലാം ആളൊഴിഞ്ഞ പൂരപറമ്പ് പോലെയാണ്. ഇപ്പോൾ നേരിടുന്ന പ്രതിസന്ധിയിൽ നിന്ന് കരകയറാൻ എൻട്രി ലെവൽ മോഡലുകളി അൽപ്പം വെട്ടി കുറയ്ക്കലുമായി എത്തിയിരിക്കുകയാണ് ഇവി ഭീമൻ.രണ്ട് പുതിയ എൻട്രി ലെവൽ വകഭേദങ്ങളായ മോഡൽ വൈ സ്റ്റാൻഡേർഡ്, മോഡൽ 3 സ്റ്റാൻഡേർഡ് എന്നിവയാണ് ഇപ്പോൾ അവതരിപ്പിച്ചിരിക്കുന്നത്. പുതിയ മോഡൽ വൈ സ്റ്റാൻഡേർഡ് മോഡലിന് യുഎസിൽ 39,990 ഡോളറിൽ ഏകദേശം 35.49 ലക്ഷം രൂപയിലാണ് ആരംഭിക്കുന്നത്. പുതിയ മോഡലിൽ എന്തൊക്കെ മാറ്റങ്ങളാണ് വരുത്തിയിരിക്കുന്നതെന്ന് അറിയാൻ തുടർന്ന് വായിക്കാൻ മറക്കരുതേ.

വരുന്ന ഓസ്ട്രേലിയൻ പര്യടനത്തോടെ ഇന്ത്യൻ ക്രിക്കറ്റ് ടീമിന്റെ നായക സ്ഥാനത്ത് നിന്നും പടിയിറങ്ങുകയാണ് രോഹിത് ശർമ. ഏകദിന ക്രിക്കറ്റ് ടീം ക്യാപ്റ്റന്‍ സ്ഥാനത്തുനിന്ന് രോഹിത്തിനെ മാറ്റിയെന്ന് പറയുന്നതാവും ശരി. അപ്രതീക്ഷിതമായ നീക്കം ബിസിസിഐയിൽ നിന്നുമുണ്ടായതിൽ ക്രിക്കറ്റ് പ്രേമികൾ ഒന്നാകെ എതിർപ്പ് പ്രകടിപ്പിച്ചിട്ടുണ്ട്. ക്യാപ്റ്റനായി ശുഭ്മൻ ഗില്ലിനെ എത്രത്തോളം വിശ്വസിക്കാനാവുമെന്നത് ആരാധർക്ക് സംശയമുണ്ട്. നിലവിൽ ടെസ്റ്റ് ടീം ക്യാപ്റ്റനായ ഗിൽ ടി20യിൽ വൈസ് ക്യാപ്റ്റൻ കൂടിയായിരുന്നു. എങ്കിലും തലമുറ മാറ്റം ആവശ്യമാണെന്ന വാദവും മറുവശത്തുണ്ട്. വരുന്ന എകദിന ലോകകപ്പ് ലക്ഷ്യമാക്കിയുള്ള മാറ്റമാണെന്നാണ് ബിസിസിഐ അവകാശപ്പെടുന്നതും.

ആഗോള താപനം നിമിത്തം ലോകത്തിന്റെ എല്ലാ ഭാഗങ്ങളിലും ഫോസില്‍ ഇന്ധനങ്ങളുടെ ഉപയോഗം കുറച്ച് സുസ്ഥിരമായ ബദല്‍ ഇന്ധനങ്ങള്‍ പ്രോത്സാഹിപ്പിക്കുകയാണ്. സര്‍ക്കാറുകളുടെ പ്രോത്സാഹനത്തോടെ വണ്ടിക്കമ്പനികള്‍ ഇത്തരത്തില്‍ ബദല്‍ ഇന്ധനങ്ങളില്‍ പ്രവര്‍ത്തിക്കുന്ന പുതിയ മോഡലുകള്‍ വികസിപ്പിക്കുന്നു. ഇപ്പോള്‍ വാഹന നിര്‍മ്മാണ രംഗത്ത് പുതിയ അധ്യായം കുറിക്കുകയാണ് മാരുതി സുസുക്കി. ഒക്‌ടോബര്‍ 29 മുതല്‍ നവംബര്‍ ഒമ്പത് വരെ നടക്കുന്ന 2025 ജപ്പാന്‍ മൊബിലിറ്റി എക്‌സ്‌പോയില്‍ പൂര്‍ണമായും എഥനോളില്‍ പ്രവര്‍ത്തിക്കുന്ന ഫ്രോങ്ക്‌സ് ഫ്ലെക്‌സ് ഫ്യുവല്‍ കാര്‍ കമ്പനി പ്രദര്‍ശിപ്പിക്കും.

സെവൻ സീറ്റർ എംപിവി സെഗ്മെന്റിൽ മാരുതി സുസുക്കി എർട്ടിഗയോടും ടൊയോട്ട ഇന്നോവയോടും പടവെട്ടി തന്റേതായ സ്ഥാനം കണ്ടെത്തിയ മോഡലാണ് ദക്ഷിണ കൊറിയൻ വാഹന നിർമാതാക്കളായ കിയയുടെ കാരെൻസ്. ഈയടുത്ത് കൂടുതൽ സ്റ്റൈലിഷായി പേരിനൊപ്പം ക്ലാവിസ് എന്നുകൂടി ചേർത്ത വാഹനം നിലവിൽ നല്ലൊരു ഫാമിലി കാർ നോക്കിനടക്കുന്നവരുടെ പ്രിയങ്കരനാണ്. വൈവിധ്യമാർന്ന വേരിയന്റ് നിരയും എഞ്ചിൻ, ഗിയർബോക്‌സ് ഓപ്ഷനുകളുമെല്ലാം നൽകുന്ന മറ്റൊരു എംപിവി ഇവിടെയുണ്ടോയെന്ന് വരെ സംശയിക്കേണ്ടിയിരിക്കുന്നു. ഉപഭോക്താക്കളെ മനസിലാക്കാനും അവരിൽ നിന്ന് അഭിപ്രായം തേടി വേണ്ട മാറ്റങ്ങൾ തങ്ങളുടെ മോഡലുകളിൽ നടപ്പിലാക്കുകയും ചെയ്യുന്നവരാണ് കിയ.

ഇന്ത്യയില്‍ ഏറ്റവും കൂടുതല്‍ കാറുകള്‍ വില്‍ക്കുന്നത് മാരുതി സുസുക്കി ഇന്ത്യ ലിമിറ്റഡ് ആണ്. മാരുതിയുടെ കാറുകള്‍ ചൂടപ്പം പോലെ വിറ്റുപോകുന്നതിനുള്ള ഒരു കാരണം ഇന്ത്യയൊട്ടാകെ പടര്‍ന്ന് പന്തലിച്ച് കിടക്കുന്ന അവരുടെ സര്‍വീസ് ശൃംഖലയാണ്. എതിരാളികളില്‍ പലരും വില്‍പ്പനാനന്തര സേവനങ്ങളുടെ കാര്യത്തില്‍ ഇപ്പോഴും വിമര്‍ശിക്കപ്പെടുമ്പോള്‍ മാരുതി അവിടെയും വിശ്വാസം കാക്കാറുണ്ട്. ഇപ്പോള്‍ മാരുതി സുസുക്കി ഒരു സുപ്രധാന നാഴികക്കല്ല് പിന്നിട്ടു. ഇന്ത്യയിലെ 5000-ാമത് അരീന സര്‍വീസ് ടച്ച്‌പോയിന്റ് ഉദ്ഘാടനം ചെയ്താണ് മാരുതി സുസിക്കി പുത്തന്‍ നേട്ടം കൈവരിച്ചത്. തമിഴ്നാട്ടിലെ കോയമ്പത്തൂരിലാണ് ഏറ്റവും പുതിയ അരീന സര്‍വീസ് ടച്ച്പോയിന്റ് ആരംഭിച്ചത്.

ഇന്ത്യൻ ബൈക്ക് പ്രേമികളുടെ ഇടയിൽ ചർച്ചയാകപ്പെട്ട ഒരു വാർത്തയായിരുന്നു വിൽപ്പന കുറവായതിനാൽ മുമ്പ് നിർത്തലാക്കിയ ഹീറോ മാവ്‌റിക് 440 ഇന്ത്യയിൽ തിരിച്ചുവരവിന് ഒരുങ്ങുന്നു എന്നത്, മാത്രവുമല്ല മാവ്‌റിക് 440 ഔദ്യോഗിക ലോഞ്ചിന് അധികം കാത്തിരിക്കേണ്ടി വരില്ല എന്നൊരു സൂചനയും കിട്ടിയിട്ടുണ്ട്. ഹീറോ മാവ്‌റിക് 440 മോഡലിൻ്റെ സ്പൈ ചിത്രങ്ങൾ ഇപ്പോൾ വൈറലായിരിക്കുകയാണ്. പ്രീമിയം മോട്ടോർസൈക്കിൾ പ്രേമികളെ ആകർഷിക്കുന്നതിനായി ഡിസൈനിലും, ഫീച്ചറിലും, പെർഫോമൻസിലും അപ്‌ഡേറ്റ് ചെയ്‌ത മോഡൽ അവതരിപ്പിക്കാനാണ് കമ്പനി പദ്ധതിയിടുന്നത്. വാഹനത്തിൻ്റെ കൂടുതൽ വിശേഷങ്ങൾ അറിയാൻ വേണ്ടി തുടർന്ന് വായിക്കാന മറക്കരുതേ.

രാജ്യത്ത് അവതരിപ്പിച്ചപ്പോൾ മുതൽ എല്ലാവരുടേയും പ്രിയങ്കരനായി മാറിയ ബ്രാൻഡാണ് ജീപ്പ്. സ്റ്റെലാൻ്റിസിൻ്റെ കീഴിലുളള ജീപ്പ് തങ്ങളുടെ കോമ്പസ് മോഡലിന് വേണ്ടി പുതിയ ഒരു ട്രാക്ക് എഡീഷൻ അവതരിപ്പിച്ചിരിക്കുകയാണ്. ഇതോടെ വിൽപ്പനയിൽ വലിയ മാറ്റങ്ങളുണ്ടാകുമെന്നാണ് കമ്പനിയുടെ വിശ്വാസം. 26.78 ലക്ഷം രൂപ എക്സ്ഷോറൂം വിലയിലാണ് കമ്പനി അവതരിപ്പിച്ചിരിക്കുന്നത്. കോമ്പസിൻ്റെ എസ് വേരിയൻ്റിലാണ് ട്രാക്ക് എഡീഷൻ ലഭിക്കുന്നതെന്ന് മാത്രമല്ല വളരെ പരിമിതമായ യൂണിറ്റുകൾ മാത്രമേ ലഭ്യമാകു എന്നും കമ്പനി അറിയിച്ചിട്ടുണ്ട്.മാനുവൽ,ഓട്ടോമാറ്റിക്ക്, ഫോർവീൽ ഡ്രൈവ് ഓട്ടോമാറ്റിക്ക് ട്രാൻസ്മിഷനിലും ലഭിക്കുമെന്നാണ് അറിയിച്ചിരിക്കുന്നത്. വാഹനത്തിൻ്റെ കൂടുതൽ വിശദാംശങ്ങൾ അറിയാൻ തുടർന്ന് വായിക്കാൻ മറക്കരുതേ.

ഇന്ത്യൻ വിപണിയിൽ സജീവമായി പ്രവർത്തിക്കുകയാണ് ഓസ്ട്രിയൻ ഇരുചക്ര വാഹന നിർമാതാക്കളായ ബ്രിക്‌സ്റ്റൺ മോട്ടോർസൈക്കിൾസ്. കഴിഞ്ഞ വർഷം ഇന്ത്യൻ വിപണിയിൽ അരങ്ങേറ്റം കുറിച്ച ബ്രാൻഡ് ഇതിനോടകം പലരുടേയും സ്വപ്നമായി മാറിയിട്ടുണ്ടെന്ന് വേണം പറയാൻ. ക്രോസ്ഫയർ 500X, ക്രോസ്ഫയർ 500XC, ക്രോംവെൽ 1200, ക്രോംവെൽ 1200X എന്നിവയുൾപ്പെടെ നാല് മോഡലുകളുമായാണ് കമ്പനി ഇന്ത്യയിലെ ഇന്നിംഗ്‌സ് ആരംഭിച്ചത്. ഇതിനു പിന്നാലെ ക്രോസ്ഫയർ അഡ്വഞ്ചർ ബൈക്കും ബ്രിക്സ്റ്റൺ അധികം വൈകാതെ രാജ്യത്തേക്ക് എത്തിക്കാനുള്ള ഒരുക്കത്തിലാണ്. എന്നാൽ അതിന് മുന്നോടിയായി മറ്റൊരു സർപ്രൈസുമായി എത്തിയിരിക്കുകയാണ് നിർമാതാക്കൾ.

ജെഎസ്ഡബ്ല്യു എംജി മോട്ടോര്‍ ഇന്ത്യ വിപണിയിലെത്തിക്കുന്ന ക്രോസ്ഓവര്‍ യൂടിലിറ്റി വാഹനമാണ് വിന്‍ഡ്‌സര്‍ ഇവി. നിലവില്‍ എംജിയുടെ ഏറ്റവും കൂടുതല്‍ വിറ്റഴിക്കപ്പെടുന്ന മോഡലാണ് വിന്‍ഡ്‌സര്‍ ഇവി. മാത്രമല്ല, പുറത്തിറങ്ങിയത് മുതല്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന ഇലക്ട്രിക് കാര്‍ കൂടിയാണ് എംജി വിന്‍ഡ്‌സര്‍ ഇവി. വിശാലമായ ഇന്റീരിയര്‍, പ്രായോഗികത, മികച്ച ഡ്രൈവിംഗ് റേഞ്ച്, പണത്തിനൊത്ത മൂല്യം എന്നീ ഘടകങ്ങളാണ് എംജി വിന്‍ഡ്‌സര്‍ ഇവി ഇന്ത്യന്‍ വിപണിയില്‍ വമ്പന്‍ ഹിറ്റാകാന്‍ കാരണം. ഇതിനോടകം 40000-ത്തിലേറെ ഇന്ത്യന്‍ കുടുംബങ്ങളാണ് വിന്‍ഡ്‌സര്‍ ഇവി സ്വന്തമാക്കിയത്.

രാജ്യത്തെ ഇലക്ട്രിക് സ്കൂട്ടറുകളിൽ വിപ്ലവം തീർത്ത ബ്രാൻഡാണ് ഏഥർ എനർജി. റേഞ്ചിൻ്റെ കാര്യത്തിലും വാഹനത്തിൻ്റെ റിലയബിളിറ്റിയുടെ കാര്യത്തിൽ ഏഥർ കേരളത്തിൽ തങ്ങൾക്ക് 350 ഫാസ്റ്റ് ചാർജിങ്ങ് ഗ്രിഡ് എന്ന നേട്ടം കൈവരിച്ചു എന്നാണ് പ്രഖ്യാപിച്ചിരിക്കുന്നത്.എല്ലാ നഗരങ്ങളിലും അത് പോലെ തന്ന ഗ്രാമപ്രദേശങ്ങളിലും ഏഥർ ഉടമകൾക്ക് ചാർജിങ്ങ് തടസരഹിതമായി ലഭിക്കുന്നു എന്നതാണ് പ്രത്യേകത. റേഞ്ചിനെ കുറിച്ചുള്ള ഉത്കണ്ഠ കുറയ്ക്കുക എന്നതാണ് ബ്രാൻഡിൻ്റെ ലക്ഷ്യം. കേരളത്തിലെ 44 നഗരങ്ങളിലായി ഏഥർ -ന് 47 എക്സ്പീരിയൻസ് സെൻ്ററുകളും 42 സർവീസ് സെൻ്ററുകളുണ്ട് ഏഥറിന്.

മാരുതി സുസുക്കി തങ്ങളുടെ ആദ്യത്തെ ഇലക്ട്രിക് എസ്‌യുവിയായ ഇ-വിറ്റാര ഇന്ത്യയില്‍ അവതരിപ്പിക്കാന്‍ ഒരുങ്ങുകയാണ്. ജനുവരിയില്‍ നടന്ന 2025 ഓട്ടോ എക്‌സ്‌പോയില്‍ അവതരിപ്പിച്ച കമ്പനിയുടെ കന്നി ഇവി ഈ വര്‍ഷം ആദ്യ പകുതി അവസാനിക്കുന്നതിന് മുമ്പേ തന്നെ പുറത്തിറങ്ങുമെന്നായിരുന്നു പ്രതീക്ഷിച്ചിരുന്നത്. എന്നാല്‍ അന്ന് ഇലക്ട്രിക് എസ്‌യുവിയുടെ ലോഞ്ച് നീട്ടിയ കമ്പനി സെപ്റ്റംബര്‍ മൂന്നിന് പുതിയ കോംപാക്ട് എസ്‌യുവിക്കൊപ്പം ഇവിറ്റാരയുടെ വില പ്രഖ്യാപനവും നടത്താനായിരുന്നു പദ്ധതിയിട്ടിരുന്നത്. എന്നാല്‍ അപൂര്‍വ ധാതുക്കളുടെ ക്ഷാമം പോലുള്ള കാരണങ്ങള്‍ ഇവിറ്റാരയുടെ ലോഞ്ച് വീണ്ടും വൈകാന്‍ കാരണമായി.

ലോകത്തിൻ്റെ ഏത് ഭാഗമെടുത്താലും നിലവില്‍ സ്‌പോര്‍ട് യൂടിലിറ്റി വാഹനങ്ങള്‍ക്കാണ് (എസ്‌യുവി) ഡിമാന്‍ഡ് കൂടുതല്‍. എസ്‌യുവികളുടെ അതേ കരുത്തും, പ്രകടനവും, സുഖസൗകര്യങ്ങളും ഇണചേര്‍ന്ന കിടിലന്‍ സെഡാനുകള്‍ ഇന്ന് വിപണിയില്‍ ലഭ്യമാണ്. എസ്‌യുവികളില്‍ നിന്ന് മാറി ഒരു പുത്തന്‍ സെഡാന്‍ വാങ്ങണമെന്ന് കാലങ്ങളായി ആഗ്രഹിക്കുന്നവര്‍ക്ക് ഏറ്റവും ഉയര്‍ന്ന ഗ്രൗണ്ട് ക്ലിയറന്‍സുള്ള മികച്ച 5 സെഡാനുകള്‍ ഈ ലേഖനത്തിലൂടെ പരിചയപ്പെടാം. എളുപ്പം ആക്‌സസ് ചെയ്യാന്‍ സാധിക്കുന്ന ഈ മോഡലുകള്‍ ഉപഭോക്താക്കള്‍ക്ക് നിറഞ്ഞ സംതൃപ്തി നല്‍കും.

ബൈക്ക് എന്നും ഒരു ആവശ്യവാഹനം തന്നെയാണല്ലോ, പ്രായഭേദമന്യെ മാർക്കറ്റിങ്ങും, സൊമാറ്റോ എന്നിങ്ങനെ എല്ലാവർക്കും എളുപ്പത്തിലും അത് പോലെ തന്നെ കുറഞ്ഞ ബജറ്റിൽ യാത്ര ചെയ്യാൻ സാധിക്കുന്നു. ബൈക്ക് വാങ്ങുമ്പോൾ പവർ അല്ലെങ്കിൽ മൈലേജ് മാത്രം നോക്കിയാൽ ബോണസായി നടുവേദനയും കിട്ടും. സീറ്റ്, റൈഡിംഗ് പൊസിഷൻ, സസ്പെൻഷൻ, എർഗണോമിക്സ് തുടങ്ങിയവയും വളരെ പ്രധാനമാണ്. ഒരു ബൈക്ക് വാങ്ങുമ്പോൾ എന്തൊക്കെ കാര്യങ്ങൾ ശ്രദ്ധിക്കണം എന്നും അത് പോലെ തന്നെ 2 ലക്ഷം രൂപയ്ക്ക് താഴെ ലഭിക്കുന്ന മോഡലുകൾ ഏതൊക്കെയാണെന്നും വിശദമായി തന്നെ അറിയാം.

ട്രാവലറിൽ (Traveller) യാത്ര ചെയ്യാത്ത മലയാളികൾ കുറവായിരിക്കും അല്ലേ. പാസഞ്ചർ കാറുകൾ മുതൽ കൊമേഴ്‌സ്യൽ വാഹനങ്ങൾ വരെ നിർമിക്കുന്നതിൽ പേരുകേട്ടവരാണ് ഫോഴ്‌സ് മോട്ടോർസ് (Force Motors). ട്രാവലറിന്റെ വ്യത്യസ്‌ത വേരിയന്റുകൾ കൊണ്ടുവന്ന് ഇന്ത്യക്കാർക്കിടയിൽ പ്രത്യേക സ്ഥാനമാനങ്ങൾ നേടിയ കമ്പനി എസ്‌യുവി രംഗത്തും മികവ് കാട്ടിയിട്ടുണ്ട്. ഹാർഡ്കോർ ഓഫ്-റോഡർമാർക്കിടയിൽ വമ്പൻ ഫാൻബേസുള്ള ഗൂർഖയിലൂടെയാണ് കമ്പനി പാസഞ്ചർ സെഗ്മെന്റിൽ പിടിച്ചുനിൽക്കുന്നത്. പഴയ മോഡലുകളെ അപേക്ഷിച്ച് ഗൂർഖയിപ്പോൾ ഒന്നാന്തരം ലൈഫ്-സ്റ്റൈൽ എസ്‌യുവിയായി മാറിയിട്ടുമുണ്ട്. എങ്കിലും മഹീന്ദ്ര ഥാറിന്റെ നിഴലിലായിപ്പോവാനായിരുന്നു ഗൂർഖയുടെ വിധി.

പല വണ്ടിഭ്രാന്തൻമാരും എന്നും സ്വപ്‌നം കണ്ടുകൊണ്ട് കിടക്കുന്ന വാഹനങ്ങളിൽ ഒന്നായിരിക്കും ടൊയോട്ട ഫോർച്യൂണർ. എസ്‌യുവികളിലെ ശരിക്കും വല്യേട്ടനായ മോഡലിന്റെ ഇമേജ് ഒന്ന് വേറെ തന്നെയാണ്. സെക്കൻഡ് ഹാൻഡ് വിപണിയിൽ ഏറ്റവും ഡിമാന്റും റീസെയിൽ വാല്യുവുമുള്ള ഫോർച്യൂണറിന് പകരം വെക്കാൻ മറ്റൊരു സ്പോർട് യൂട്ടിലിറ്റി വാഹനം ഇല്ലെന്ന് പറഞ്ഞാലും തെറ്റൊന്നുമില്ല. ജാപ്പനീസ് ബ്രാൻഡിന്റെ ഫുൾ-സൈസ് എസ്‌യുവിക്ക് ഏറ്റവും ഡിമാന്റുള്ള നാടാണ് കേരളം. ഓൺ-റോഡ് വില 60 ലക്ഷത്തിന് അടുത്ത് മുടക്കേണ്ടി വന്നാലും വാങ്ങാൻ ആളുകൾ അങ്ങനെ മടികാണിക്കാറുമില്ല.

സാധാരണ മലയാള സിനിമയുടെ ബജറ്റിന്റെ പല മടങ്ങ് ശമ്പളം വാങ്ങുന്ന ബോളിവുഡ് താരങ്ങള്‍ ആഡംബര കാറുകളില്‍ യാത്ര ചെയ്യാന്‍ ഇഷ്ടപ്പെടുന്നവരാണ്. ആഡംബരത്തിന്റെ പ്രതീകമായി കണക്കാക്കപ്പെടുന്ന മെര്‍സിഡീസ് മെയ്ബാക്കിന്റെ 3 കാറുകള്‍ സ്വന്തമാക്കിയ നടന്‍ ഷാഹിദ് കപൂര്‍ ഇതിന് ഉദാഹരണമാണ്. ബോളിവുഡിലെ പുതുതലമുറയിലെ വേഴ്‌സറ്റൈല്‍ നടന്‍മാരില്‍ ഒരാളാണ് ഷാഹിദ് കപൂര്‍ താന്‍ സമ്പാദിക്കുന്ന പണം ഷാഹിദ് ഏറ്റവും കൂടുതല്‍ ചെലവഴിക്കുന്നത് കാറുകളിലാണ്. ഇപ്പോള്‍ ഏകദേശം 1.02 കോടി രൂപ എക്സ്-ഷോറൂം വില വരുന്ന പുതിയ ബിഎംഡബ്ല്യു M2 സ്വന്തമാക്കിയിരിക്കുകയാണ് നടന്‍.

പുതിയ ഏത് ബിസിനസ് ആരംഭിച്ചാലും ചരക്ക് നീക്കത്തിനായി വാഹനങ്ങൾ വേണം. എന്നാൽ ഇപ്പോൾ പലരും ഇലക്ട്രിക് കാർഗോ വാഹനങ്ങൾ വാങ്ങുന്ന പ്രവണത കാണുന്നുണ്ട്. ഇന്ധനവില കുതിച്ചുയരുന്ന ഈ കാലത്ത്, നഗര ഡെലിവറിയും ലൊജിസ്റ്റിക്‌സും നടത്തുന്ന ബിസിനസുകാർക്ക് ഏറ്റവും വലിയ സംശയം ഡീസൽ പിക്കപ്പാണോ നല്ലത്, അതോ ഇലക്ട്രിക് കാർഗോ ഇവി ആണോ എന്നതായിരിക്കും. രണ്ട് വാഹനങ്ങളുടേയും ചിലവും മറ്റ് കാര്യങ്ങൾ എല്ലാം ഈ ലേഖനത്തിലൂടെ നിങ്ങളുമായി പങ്കുവയ്ക്കുകയാണ്. നാളെ നിങ്ങൾക്ക് ഒരു ബിസിനസ് ആരംഭിക്കുമ്പോൾ ഇവി വേണോ ഡീസൽ വേണോ എന്ന ആശയക്കുഴപ്പം ഉണ്ടാവാതിരിക്കാൻ ഉപകരിക്കും. കൂടുതൽ അറിയാൻ തുടർന്ന് വായിക്കാൻ മറക്കരുതേ.

ഇന്ത്യക്കാരുടെ പ്രിയപ്പെട്ട ഫോറിന്‍ കാര്‍ ബ്രാന്‍ഡുകളില്‍ ഒന്നാണ് റെനോ (Renault). ഫ്രഞ്ച് വാഹന നിര്‍മാതാക്കള്‍ നിലവില്‍ ക്വിഡ്, കൈഗര്‍, ട്രൈബര്‍ എന്നിങ്ങനെ മൂന്ന് കാറുകളാണ് വിപണിയില്‍ എത്തിക്കുന്നത്. ഇന്ത്യയിലെ തങ്ങളുടെ മോഡല്‍ നിര വിപുലീകരിക്കാന്‍ ഒരുങ്ങുന്ന റെനോയുടെ പ്ലാനുകളില്‍ ഇവികളും ഉണ്ടെന്നാണ് അറിയാന്‍ കഴിയുന്നത്. റെനോയുടെ സബ് ബ്രാന്‍ഡ് ആയ ഡാസിയ യൂറോപ്യന്‍ വിപണിയില്‍ സ്പ്രിംഗ് എന്ന പേരില്‍ വില്‍ക്കുന്ന ക്വിഡ് ഹാച്ച്ബാക്കിന്റെ ഇലക്ട്രിക് പതിപ്പ് അധികം വൈകാതെ ഇന്ത്യന്‍ വിപണിയിലെത്തുമെന്ന് റിപ്പോര്‍ട്ടുകള്‍ പുറത്തുവന്നിരുന്നു. ഈ സാഹചര്യത്തില്‍ ഡാസിയ യൂറോപ്യന്‍ വിപണിയിലേക്ക് ഒരു പുതിയ ഇവി കൂടി അവതരിപ്പിക്കാന്‍ ഒരുങ്ങുകയാണ്.

ഭൂട്ടാന്‍ വാഹനക്കടത്തുമായി ബന്ധപ്പെട്ട കേസില്‍ കസ്റ്റംസിന് പിന്നാലെ പരിശോധനയുമായി കേന്ദ്രസർക്കാരിന്റെ സ്വന്തം ഇഡിയും രംഗത്തെത്തിയിരിക്കുകയാണ്. മമ്മൂട്ടി, ദുൽഖർ സൽമാൻ, പൃഥ്വിരാജ്, അമിത് ചക്കാലക്കൽ എന്നിവരുടെ വീടുകളിൽ ഒരേസമയം എന്‍ഫോഴ്‌സ്‌മെന്റ് ഡയറക്ടറേറ്റ് ഒരേസമയം റെയ്ഡ് നടത്തിവരികയാണെന്ന് എഎൻഐ റിപ്പോർട്ട് ചെയ്‌തു. താരങ്ങളുടെ വീടുകള്‍ ഉള്‍പ്പെടെ 19 ഇടങ്ങളിലാണ് പരിശോധന നടക്കുന്നതെന്നാണ് വാർത്തകൾ. രാവിലെ ആറരയോടെ ആരംഭിച്ച പരിശോധന ഇപ്പോഴും തുടരുകയാണ്. ഇന്ത്യയിലേക്ക് ഭൂട്ടാൻ, നേപ്പാൾ റൂട്ടുകളിലൂടെ ലാൻഡ് ക്രൂസർ, ഡിഫെൻഡർ തുടങ്ങിയ ആഡംബര കാറുകളുടെ നിയമവിരുദ്ധ ഇറക്കുമതിയിലും രജിസ്ട്രേഷനിലും ഏർപ്പെട്ടിരിക്കുന്ന സംഘത്തെ കുറിച്ചുള്ള വിവരങ്ങളുടെ അടിസ്ഥാനത്തിലാണ് പരിശോധനയെന്നാണ് ഇഡി പറയുന്നത്.

സേഫ്റ്റിയിൽ ഒരു വിട്ടുവീഴ്ച്ചയും വരുത്താതെ ഉപഭോക്താക്കളുടെ സുരക്ഷയ്ക്ക് പ്രാധാന്യം നൽകുന്ന സ്വീഡൻ ബ്രാൻഡാണ് വോൾവോ.ഇവി രംഗത്ത് തങ്ങളുടെ ചുവടുറപ്പിക്കുന്നതിൻ്റെ ഭാഗമായിട്ട് കേരളത്തിലേക്ക് തങ്ങളുടെ പുതിയ ഫുളളി ഇലക്ട്രിക് മോഡലായ EX30 അവതരിപ്പിച്ചിരിക്കുകയാണ്. 2025 ഒക്ടോബര്‍ 19 ന് മുൻപ് ബുക്ക് ചയ്യുന്നവര്‍ക്ക് 39,99,000 രൂപയ്ക്ക് കാര്‍ സ്വന്തമാക്കാം എന്നതാണ് ഹൈലൈറ്റ് . പരിമിത കാലത്തേ ക്ക് മാത്രമാണ് ഈ അവസരം . കേരളത്തില്‍ ഈ മോഡൽ സ്വന്തമാക്കാ ന്‍ ആഗ്രഹിക്കുന്ന ഉപഭോക്താക്കള്‍ക്ക് വോള്‍വോയുടെ കൊച്ചി ഷോറൂമില്‍ ടെസ്റ്റ് ഡ്രൈവ് ചെയ്യാനുള്ള അവസരവും ഒരുക്കിയിട്ടുണ്ട്.