கார் மற்றும் பைக் வைத்திருப்பவர்கள் அனைவரும் குறிப்பிட்ட கால இடைவெளியில் Pollution Under Control Certificate (PUC) எனப்படும் வாகனங்கள் வெளியிடும் புகையில் உள்ள மாசு உமிழ்வு அளவை காட்டும் சான்றிதழை குறிப்பிட்ட கால இடைவெளியில் தொடர்ந்து புதுப்பிக்க வேண்டியது கட்டாயமாக உள்ளது. இந்த நிலையில், பிஎஸ்6 தரநிலையுடன் தயாரிக்கப்பட்ட தனியார் வாகனங்களுக்கான PUC சான்றிதழின் செல்லுபடி காலத்தை தற்போதைய ஒரு ஆண்டிலிருந்து 3 ஆண்டுகளாக உயர்த்தும் வரைவு அறிவிப்பை (Draft Notification) மத்திய சாலைப் போக்குவரத்து மற்றும் நெடுஞ்சாலை அமைச்சகம் வெளியிட்டுள்ளது.

எஸ்யூவி மாடல்களின் வருகையால் செடான் கார்களின் விற்பனை இந்தியாவில் சற்று மந்தமான நிலையில் இருந்தாலும், இந்த பிரிவில் ஸ்கோடா ஸ்லாவியா கார் மிகச் சிறந்த தேர்வாக இருந்து வருகிறது. இந்த நிலையில், வாடிக்கையாளர்களின் எதிர்பார்ப்பை பூர்த்தி செய்யும் வகையில், வடிவமைப்பில் சில மாறுதல்கள் மற்றும் கூடுதல் சிறப்பம்சங்களுடன் கூடிய புதிய ஸ்லாவியா ஃபேஸ்லிஃப்ட் மாடலை வரும் ஆகஸ்ட் 18ந் தேதி இந்தியாவில் அறிமுகப்படுத்த உள்ளதாக ஸ்கோடா நிறுவனம் உறுதி செய்துள்ளது.

கடந்த சில ஆண்டுகளாக இந்திய கார் சந்தையில் எஸ்யூவி மாடல்கள் விற்பனையில் ஆதிக்கம் செலுத்தி வரும் நிலையில், கடந்த மாதம் சிறிய கார்களின் விற்பனை திடீரென அதிகரித்து ஆச்சரியத்தை ஏற்படுத்தி உள்ளது. குறிப்பாக, முதல் முறையாக கார் வாங்கும் வாடிக்கையாளர்களே இந்த மாற்றத்துக்கு முக்கிய காரணமாக உள்ளனர்.

புதிய பொலிவுடன் மேம்படுத்தப்பட்ட அம்சங்களுடன் புதிய டொயோட்டா ஹைலக்ஸ் சொகுசு ரக பிக்கப் டிரக் இந்திய சந்தையில் விற்பனைக்கு கொண்டு வரப்பட்டுள்ளது. இந்த புதிய மாடலுக்கு ரூ. 31.99 லட்சம் ஆரம்ப எக்ஸ்ஷோரூம் விலையில் அறிமுகம் செய்யப்பட்டுள்ளது. ஆஃப்-ரோடு சாகசங்களை விரும்புபவர்களுக்கு பிரீமியமான இந்த பிக்கப் டிரக் சிறந்த தேர்வாக வந்துள்ளது.

இந்தியாவின் எலக்ட்ரிக் இருசக்கர வாகன சந்தையில் இதுவரை ஸ்கூட்டர்கள்தான் அதிக ஆதிக்கம் செலுத்தி வந்தன. ஆனால், சமீப காலமாக எலக்ட்ரிக் மோட்டார்சைக்கிள் பிரிவிலும் போட்டி வேகமெடுத்து வருகிறது. ரிவோல்ட், ஓபன், ஓலா ரோட்ஸ்டெர் எக்ஸ், டார்க் போன்ற நிறுவனங்கள் புதிய மாடல்களை அறிமுகப்படுத்தின. இந்த வரிசையில், குஜராத்தைச் சேர்ந்த Avore Electric நிறுவனமும் சேர்ந்துள்ளது. இன்று தனது EX என்ற பிராண்டில் முதல் எலக்ட்ரிக் மோட்டார்சைக்கிள் மாடல்களை விற்பனைக்கு கொண்டு வந்துள்ளது.

ஹோண்டா ஆக்டிவா, டிவிஎஸ் ஜூபிடர் சந்தையை குறி வைத்து இத்தாலியைச் சேர்ந்த பியாஜியோ குழுமம் இந்திய சந்தைக்காக மிகப்பெரிய திட்டத்தை கையில் எடுத்துள்ளது. இதுவரை இந்தியாவில் வெஸ்பா மற்றும் ஏப்ரிலியா போன்ற பிரீமியம் ஸ்கூட்டர்களை மட்டுமே விற்பனை செய்து வந்த நிறுவனம், இனி அதிக விற்பனை நடைபெறும் கம்யூட்டர் ஸ்கூட்டர் (Commuter Scooter) பிரிவிலும் களமிறங்க தயாராகியுள்ளது. அதிலும் முக்கியமாக, இந்த புதிய ஸ்கூட்டர்கள் அனைத்தும் இந்தியாவிலேயே தயாரிக்கப்பட உள்ளன.

இந்தியாவில் ஸ்கூட்டர் சந்தை வேகமாக மாறி வருகிறது. குடும்ப பயன்பாட்டுக்கான ஆக்டிவா, ஜூபிடர் போன்ற மாடல்கள் மிகப்பெரிய வரவேற்பை பெற்று விற்பனையில் அசத்தி வரும் நிலையில், இப்போது அதிக செயல்திறன் மற்றும் நீண்ட தூர பயணத்திற்கு ஏற்ற மேக்ஸி ஸ்கூட்டர்களுக்கும் நல்ல வரவேற்பு கிடைத்து வருகிறது. இந்த பிரிவில் யமஹா ஏராக்ஸ் 155 நீண்ட காலமாக முன்னணி மாடலாக இருந்து வருகிறது. சமீபத்தில் வந்த ஹீரோ ஸூம் 160 சிறந்த மாற்றுத் தேர்வு வாய்ப்பை வழங்கி வருகிறது. இந்த நிலையில், ஹோண்டா நிறுவனமும் மேக்ஸி ஸ்கூட்டர் மார்க்கெட்டில் தனது ADV160 ஸ்கூட்டருடன் விரைவில் களம் காண உள்ளது. சில நாட்களுக்கு முன் இந்த ஸ்கூட்டரை இந்தியாவில் பொதுமக்கள் பார்வைக்கு ஹோண்டா காட்சிப்படுத்தியது.

இந்தியாவின் நடுத்தர எடைப் பிரிவு (Middleweight) ஸ்போர்ட்ஸ் பைக் சந்தையில் கவாஸாகி நின்ஜா மிக முக்கிய மாடலாக இருந்து வருகிறது. இந்த சந்தையில் பல புதிய போட்டியாளர்கள் களமிறங்கி வரும் நிலையில், கவாஸாகி நிறுவனம் தனது மிகவும் பிரபலமான நின்ஜா 300 பைக்கில் சில மாறுதல்களுடன் 2027 மாடலாக இந்தியாவில் விற்பனைக்கு அறிமுகப்படுத்தியுள்ளது. இந்த புதிய மாடலுக்கு ரூ.3.34 லட்சமாக விலை நிர்ணயிக்கப்பட்டுள்ளது.

இந்தியாவின் காம்பாக்ட் எஸ்யூவி சந்தையில் கடுமையான சந்தைப் போட்டி நிலவுகிறது. டாடா நெக்ஸான், மஹிந்திரா எக்ஸ்யூவி 3XO, கியா சோனெட், ஹூண்டாய் வென்யூ, ஸ்கோடா கைலாக் போன்ற மாடல்கள் டர்போ பெட்ரோல் எஞ்சினுடன் விற்பனையாகி வருகின்றன. இந்த நிலையில், சில தினங்களுக்கு முன் விற்பனைக்கு அறிமுகம் செய்யப்பட்ட பிரெஸ்ஸா ஃபேஸ்லிஃப்ட் காரில் டர்போ பெட்ரோல் எஞ்சின் சேர்க்கப்பட்டதுடன், மிக மிக சவாலான விலையில் இந்த மாடலை களமிறக்க போட்டியாளர்களுக்கு செக் வைத்துள்ளது மாருதி சுஸுகி நிறுவனம்.

இந்தியாவில் எலக்ட்ரிக் ஸ்கூட்டர்களுக்கான வரவேற்பு மாதா மாதம் அதிகரித்து வருகிறது. டிவிஎஸ் ஐக்யூப், பஜாஜ் சேத்தக், ஏத்தர் ரிஸ்டா உள்ளிட்ட மாடல்கள் விற்பனையில் கலக்கி வருகின்றன. இந்த நிலையில், எலெக்ட்ரிக் ஸ்கூட்டர்களுக்கான மவுசு எகிடுதகிடாக அதிகரித்து வரும் நிலையில், வாடிக்கையாளர்களின் கவனத்தை ஈர்க்கும் வகையில், எலெக்ட்ரிக் ஸ்கூட்டர் தயாரிப்பு நிறுவனங்கள் புதிய மாடல்களை பண்டிகை காலத்தையொட்டி அறிமுகம் செய்ய ஆயத்தமாகி வருகின்றன.

இந்தியாவில் E20 (20 சதவீதம் எத்தனால் கலந்த பெட்ரோல்) தற்போது நாடு முழுவதும் பரவலாக விற்பனை செய்யப்பட்டு வருகிறது. கச்சா எண்ணெய் இறக்குமதியை குறைத்து விவசாயிகளின் வருமானத்தை அதிகரிப்பது மற்றும் கார்பன் உமிழ்வை குறைப்பது போன்ற நோக்கங்களுடன் மத்திய அரசு இந்த திட்டத்தை செயல்படுத்தி வருகிறது. ஆனால், E20 பயன்பாடு குறித்து வாகன ஓட்டிகள் மத்தியிலிருந்து சமூக வலைதளங்களில் தொடர்ந்து விவாதங்களும் எதிர்ப்புகளும் எழுந்து வருகின்றன.

ஓட்டுவதற்கு எளிதாக இருப்பதாலும், குடும்ப பயன்பாட்டிற்கு ஏற்றதாக இருப்பதாலும் இந்தியாவில் ஸ்கூட்டர்களுக்கான தேவை தொடர்ந்து அதிகரித்து வருகிறது. இந்த சந்தையில் ஹோண்டா ஆக்டிவா மற்றும் டிவிஎஸ் ஜூபிடர் போன்ற பெட்ரோல் மாடல்கள் இன்னும் ஆதிக்கம் செலுத்தி வந்தாலும், கடந்த சில ஆண்டுகளாக எலக்ட்ரிக் ஸ்கூட்டர்களும் வேகமாக முன்னேறி வருகின்றன. அதற்கு ஜூன் 2026 விற்பனை புள்ளிவிவரங்களே சிறந்த உதாரணமாக அமைந்துள்ளன. முதல் ஐந்து இடங்களுக்குள் இரண்டு எலக்ட்ரிக் ஸ்கூட்டர்கள் இடம்பிடித்திருப்பது, இந்த சந்தையில் உருவாகி வரும் புதிய மாற்றத்தை வெளிப்படுத்துகிறது.

தேசிய நெடுஞ்சாலைகளில் டோல் கட்டணத்தை கணக்கிடும் முறையை மத்திய அரசு மாற்றியுள்ளது. இதன் மூலம் சில சாலைப் பகுதிகளில் டோல் கட்டணம் 50 சதவீதம் வரை குறைய வாய்ப்பு ஏற்பட்டுள்ளது. ஆனால், இது அனைத்து தேசிய நெடுஞ்சாலைகளுக்கும் பொருந்தும் விதி அல்ல என்பது முக்கியமான விஷயம். சரி, தேசிய நெடுஞ்சாலைகளில் எந்த சாலைப் பகுதிகளில் இந்த கட்டணம் பாதியாக குறையும் என்பதை தொடர்ந்து விரிவாகப் பார்க்கலாம்.

இந்தியாவில் தற்போது பெரும்பாலான பெட்ரோல் நிலையங்களில் E20 பெட்ரோல்தான் விற்பனை செய்யப்படுகிறது. அதனால், பயன்படுத்தப்பட்ட (Used) பெட்ரோல் கார் வாங்கும்போது மைலேஜ், விலை, சர்வீஸ் ஹிஸ்டரி மட்டும் பார்த்து முடிவு செய்துவிடக் கூடாது. அந்த கார் E20 பெட்ரோலுக்கு இணக்கமானதா என்பதையும் தெரிந்துகொள்வது அவசியம். குறிப்பாக சில ஆண்டுகளுக்கு முன்பு தயாரிக்கப்பட்ட கார்கள் வாங்குபவர்களுக்கு இது மிகவும் முக்கியமான சரிபார்க்க வேண்டிய விஷயமாக மாறியுள்ளது.

கடந்த 2025-ம் ஆண்டில் நாடு முழுவதும் 1.83 லட்சத்திற்கும் அதிகமானோர் சாலை விபத்துகளில் உயிரிழந்துள்ளனர் என்ற அதிர்ச்சி தகவலை மத்திய சாலைப் போக்குவரத்து மற்றும் நெடுஞ்சாலைத் துறை அமைச்சர் நிதின் கட்கரி நாடாளுமன்றத்தில் தெரிவித்துள்ளார். சராசரியாக ஒவ்வொரு மணி நேரத்திலும் 59 சாலை விபத்துக்கள் நடப்பதாகவும், 21 பேர் உயிரிழந்துள்ளதாகவும் அவர் கூறியுள்ளார்.

இந்தியாவில் E20 பெட்ரோல் அமல்படுத்தப்பட்டதிலிருந்து வாகன ஓட்டிகள் மத்தியில் மைலேஜ் குறைவு, பழைய வாகனங்களின் செயல்திறன் மற்றும் பராமரிப்பு செலவு அதிகரிப்பு போன்ற விவாதங்கள் தொடர்ந்து எழுந்து வருகின்றன. இதுவரை இந்த எதிர்ப்புகள் பெரும்பாலும் சமூக வலைதளங்கள், வாகன உரிமையாளர்களின் தனிப்பட்ட புகார்கள் மற்றும் அரசியல் விவாதங்களாகவே இருக்கின்றன. ஆனால் தற்போது முதல் முறையாக, நாடு முழுவதும் உள்ள வர்த்தக வாகன ஓட்டுநர்களை ஒன்றிணைத்து, நாடாளுமன்றத்தை நோக்கி பெரிய அளவிலான போராட்டம் நடத்தப்படும் என்று டெல்லி டாக்ஸி மற்றும் சுற்றுலா போக்குவரத்து சங்கம் அறிவித்துள்ளது.

மஹிந்திரா நிறுவனத்தின் விஷன் டி என்ற புத்தம் புதிய டிசைனிலான எஸ்யூவி மாடலுக்கு காப்புரிமை பதிவு செய்யப்பட்டு இருப்பது தெரிய வந்துள்ளது. கடந்த ஆண்டு மஹிந்திரா நிறுவனம் தனது விஷன் 2027 என்ற நிகழ்ச்சியில் புதிய டிசைன் தாத்பரியங்களுடன் உருவாக்கப்பட்ட விஷன் டி கான்செப்ட் எஸ்யூவியை பொது பார்வைக்கு கொண்டு வந்தது. அப்போதே, வாடிக்கையாளர்களின் எதிர்பார்ப்புகளையும், டிசைன் குறித்த பல்வேறு விவாதங்களையும் ஏற்படுத்தியது. இந்த நிலையில், இந்த புதிய விஷன் டி எஸ்யூவியின் வடிவமைப்புக்கு தற்போது இந்தியாவில் காப்புரிமை (Design Patent) பதிவு செய்யப்பட்டிருப்பது ஆட்டோமொபைல் துறையில் பரபரப்பை ஏற்படுத்தியுள்ளது. கடந்த ஆண்டு காட்சிப்படுத்தப்பட்ட கான்செப்ட் மாடலின் வடிவமைப்பே உற்பத்தி நிலைக்கு உகந்த மாடலிலும் பெரும்பாலும் தொடரும் என்பதை இந்த காப்புரிமை படங்கள் மூலமாக உணர முடிகிறது.

ரூ.48 லட்சம் விலையில் அறிமுகமான ஹோண்டா ZR-V ஹைபிரிட் எஸ்யூவிக்கு எதிர்பார்த்ததை விட அதிக வரவேற்பு கிடைத்துள்ளது. அறிமுகமான சில நாட்களிலேயே இந்தியாவுக்காக ஒதுக்கப்பட்ட முதல் இரண்டு பேட்ச் கார்களும் முழுமையாக முன்பதிவு செய்யப்பட்டுள்ளதாக ஹோண்டா தெரிவித்துள்ளது. இதன் காரணமாக, இந்த பிரீமியம் எஸ்யூவி தற்போது வாடிக்கையாளர்கள் மத்தியில் அதிக கவனம் பெற்றுள்ளது.

அண்மையில் இந்தியாவில் அறிமுகமான ஃபெராரி அமால்ஃபி ஸ்பைடர் சூப்பர் கார் தற்போது பெங்களூருவில் நடந்த நிகழ்ச்சியில் காட்சிப்படுத்தப்பட்டுள்ளது. முதல்முறையாக இந்தியாவில் ஃபெராரி நிறுவனம் பிராந்திய அளவிலான அறிமுகத்தின் ஒரு பகுதியாக இந்த நிகழ்ச்சிக்கு ஏற்பாடு செய்யப்பட்டது. கடந்த வாரம் மும்பையில் காட்சிப்படுத்தப்பட்ட இந்த கார் தற்போது பெங்களூருவிலும், இதைத்தொடர்ந்து அடுத்த வாரம் டெல்லியில் உள்ள ஃபெராரி ஷோரூமிலும் காட்சிப்படுத்தப்பட உள்ளது.

வியட்நாமைச் சேர்ந்த மின்சார வாகன உற்பத்தியாளரான வின்ஃபாஸ்ட், இந்திய சந்தையில் தனது மின்சார ஸ்கூட்டர்களை களமிறக்கும் திட்டத்தில் தீவிரமாக உள்ளது. ஏற்கனவே தூத்துக்குடி சிப்காட் தொழிற்பூங்காவில் ஆலையை அமைத்துள்ள அந்நிறுவனம் தற்போது மின்சார கார்களை தயாரித்து விற்பனை செய்து வருகிறது. இதைத்தொடர்ந்து, மின்சார பேருந்துகள் மற்றும் மின்சார ஸ்கூட்டர்களையும் இந்தியாவில் தயாரிக்க திட்டமிட்டுள்ளது. இதற்காக தமிழக அரசுடன் புரிந்துணர்வு ஒப்பந்தமும் கையெழுத்தாகியுள்ளது. அதன் ஒரு பகுதியாக, ஆலையை மேலும் விரிவுபடுத்த கூடுதலாக சுமார் 200 ஹெக்டேர் நிலம் ஒதுக்கப்படும் என்றும் தெரிவிக்கப்பட்டுள்ளது.

மின்சார கார்கள் வேகமாக வளர்ச்சி அடைந்து வரும் நிலையில், அவற்றின் ரேஞ்ச், செயல்திறன் மற்றும் ஆற்றல் பயன்பாட்டை மேலும் மேம்படுத்த புதிய தொழில்நுட்பங்களை உலகின் முன்னணி வாகன உற்பத்தியாளர்கள் தொடர்ந்து ஆராய்ந்து வருகின்றனர். அந்த வரிசையில், தென்கொரியாவைச் சேர்ந்த ஹூண்டாய் மற்றும் கியா நிறுவனங்கள் இணைந்து, காரின் முன்பக்க பம்பருக்குள் சிறிய காற்றாலை டர்பைனை பொருத்தி மின்சாரம் உற்பத்தி செய்யும் புதிய தொழில்நுட்பத்துக்கு காப்புரிமை (Patent) கோரி பதிவு செய்துள்ளன.

ஹோண்டா கார்ஸ் இந்தியா நிறுவனம் தனது புதிய ZR-V e:HEV என்ற பிரிமீயம் ரக எஸ்யூவியை இந்தியாவில் இன்று விற்பனைக்கு கொண்டு வந்துள்ளது. அத்துடன் இன்றுமுதல் வாடிக்கையாளர்களுக்கான டெலிவரியையும் தொடங்கியுள்ளது. ஜப்பானிலிருந்து முழுமையாக இறக்குமதி (CBU) செய்யப்பட்டு வரும் இந்த பிரிமீயம் ஹைபிரிட் எஸ்யூவிக்கு ரூ.47.99 லட்சம் டெல்லி எக்ஸ்ஷோரூம் விலையாக நிர்ணயிக்கப்பட்டுள்ளது.

ஜீப் எஸ்யூவி தயாரிப்பு நிறுவனத்தின் 85 ஆண்டுகால பாரம்பரியத்தை கொண்டாடும் வகையில், மெரிடியன் எஸ்யூவியின் 85ம் ஆண்டு கொண்டாட்ட பதிப்பை அந்நிறுவனம் இந்திய சந்தையில் அறிமுகப்படுத்தியுள்ளது. வெறும் 85 யூனிட்கள் மட்டுமே தயாரிக்கப்பட உள்ள இந்த சிறப்பு பதிப்பு, Meridian வரிசையில் அதிக வசதிகள் கொண்ட Overland வேரியண்டை அடிப்படையாகக் கொண்டு உருவாக்கப்பட்டுள்ளது. இதன் எக்ஸ்-ஷோரூம் விலை ரூ.36.05 லட்சம் என நிர்ணயிக்கப்பட்டுள்ளது.

கூடுதல் சிறப்பம்சங்களுடன் மேம்படுத்தப்பட்ட புதிய மாருதி பிரெஸ்ஸா கார் இந்தியாவில் இன்று விற்பனைக்கு அறிமுகம் செய்யப்பட்டுள்ளது. இந்தியாவின் சப்-4 மீட்டர் எஸ்யூவி கார் மார்க்கெட்டில் விற்பனையில் முன்னணியில் இருக்கும் இந்த பிரெஸ்ஸா கார் வெளிப்புற டிசைனில் லேசான மாற்றங்கள், கேபினில் புதிய தொழில்நுட்ப வசதிகள், கூடுதல் பாதுகாப்பு அம்சங்கள் மற்றும் புதிய டர்போ-பெட்ரோல் என்ஜின் தேர்வு ஆகியவற்றுடன் இந்த அப்டேட் மாடல் விற்பனைக்கு வந்துள்ளது.

ஹோண்டா மோட்டார்சைக்கிள் இந்தியா நிறுவனம் தனது 10 புதிய மோட்டார்சைக்கிள் மற்றும் ஸ்கூட்டர் மாடல்களை இந்தியாவில் இன்று நடந்த நிகழ்ச்சியில் இந்தியாவில் பொது பார்வைக்கு கொண்டு வந்தது. இந்த நிகழ்ச்சியில் இடம்பெற்ற மாடல்களில் சில மாடல்கள் இந்தியாவில் ஏற்கனவே விற்பனையில் உள்ளன. சில எதிர்கால இந்திய அறிமுகத்தை முன்னிட்டு காட்சிப்படுத்தப்பட்டன. மேலும் சில பிரீமியம் உலகளாவிய மாடல்கள், ஹோண்டாவின் தொழில்நுட்ப திறனை வெளிப்படுத்தும் நோக்கில் காட்சிக்கு வைக்கப்பட்டிருந்தன.