மின்சார கார்களை வாங்குவோருக்கு ரேஞ்ச், சார்ஜ் நேரம் உள்ளிட்டவற்றுடன் பெட்ரோல் கார்களை ஒப்பிடும்போது, விலையும் சற்று அதிகமாகவே உள்ளது. இதுதான் பலரையும் வாங்கும் முடிவில் இருந்து பின்வாங்க வைக்கும் முக்கிய காரணங்களில் ஒன்றாக இருக்கிறது. குறிப்பாக பேட்டரி செலவு மொத்த விலையில் கணிசமான பங்கை வகிக்கிறது. இந்தச் சிக்கலை சமாளிக்கும் வகையில் டாடா மோட்டார்ஸ் கொண்டு வந்த Battery-as-a-Service (BaaS) திட்டம், தற்போது அதன் அனைத்து மின்சார கார் வரிசைக்கும் விரிவுபடுத்தப்பட்டுள்ளது.

நாட்டில் போக்குவரத்து விதிமீறல்களுக்காக விதிக்கப்பட்ட பல ஆயிரம் கோடி ரூபாய் அபராதங்கள் இன்னும் வசூலிக்கப்படாமல் நிலுவையில் இருப்பது குறித்து உச்சநீதிமன்றம் கவலை தெரிவித்துள்ளது. இதை வசூலிக்க புதிய வழிமுறைகளை உருவாக்குவது குறித்து விசாரித்த நீதிமன்றம், நிலுவையில் உள்ள போக்குவரத்து அபராதத்தை மின்சாரக் கட்டணத்துடன் இணைத்து வசூலிப்பது குறித்த யோசனையையும் முன்வைத்துள்ளது.

இந்தியாவில் பண்டிகை காலம் தொடங்கி உள்ள நிலையில், ஸ்கோடா ஆட்டோ ஃபோக்ஸ்வேகன் இந்தியா நிறுவனம் தனது பிரபல மிட் சைஸ் செடான் காரான புதிய ஸ்கோடா ஸ்லாவியா மாடலின் உற்பத்தியை முறைப்படி தொடங்கி உள்ளது. புனே அருகில் உள்ள சகன் தொழிற்சாலையில் இருந்து புதிய ஸ்லாவியா கார் வெற்றிகரமாக உற்பத்திப் பிரிவில் இருந்து வெளிவந்தது.

பெங்களூருவில் செயற்கை நுண்ணறிவு (AI) தொழில்நுட்பத்தைப் பயன்படுத்தி போக்குவரத்து விதிமீறல்களை கண்டறியும் கேமரா, ஸ்கூட்டரில் சென்ற ஒருவரின் கிட்டாரை மனிதராக நினைத்து ரூ.500 அபராதம் விதித்த சம்பவம் சமூக வலைதளங்களில் வைரலாகி உள்ளது. மேலும், அந்த கிட்டார் பேக்கை மனிதராக நினைத்து, ஹெல்மெட் அணியாத ஒருவர் பயணித்தாக கூறி அந்த செல்லானை அந்த AI கேமரா அனுப்பி உள்ளது.

குஜராத்தில் நேற்று அதிகாலை ரேஞ்ச்ரோவர் கார் விபத்தில் சிக்கி நடந்த கோரமான சாலை விபத்தில் 2 இளைஞர்கள் உயிரிழந்தனர். ஒருவர் படுகாயமடைந்து அவசர சிகிச்சைப் பிரிவில் சேர்க்கப்பட்டுள்ளார்.

இந்தியாவில் அதிக இருக்கைகள் கொண்ட குறைந்த விலை கார்களை தேடும் குடும்ப வாடிக்கையாளர்களை குறிவைத்து விற்பனை செய்யப்பட்டு வரும் ரெனோ ட்ரைபர் கார் தற்போது மிக முக்கிய அம்சத்தை பெற்றுள்ளது. வாடிக்கையாளர்களால் நீண்ட காலமாக எதிர்பார்க்கப்பட்ட டர்போ பெட்ரோல் எஞ்சின் கொண்ட புதிய ட்ரைபர் அதிகாரப்பூர்வமாக இன்று விற்பனைக்கு அறிமுகம் செய்யப்பட்டுள்ளது. இந்த புதிய மாடலுக்கு ரூ.7.84 லட்சம் ஆரம்ப எக்ஸ்ஷோரூம் விலை நிர்ணயிக்கப்பட்டு இருக்கிறது.

சர்வதேச வாகனச் சந்தையில் முன்னணி இடத்தை வகிக்கும் சுஸுகி மோட்டார் கார்ப்பரேஷன், தனது புதிய கார்களை உருவாக்கும் கால அளவை பாதியாகக் குறைக்க அதிரடித் திட்டம் ஒன்றை வகுத்துள்ளது. சுஸுகி நிறுவனத்தின் 'டெக்னாலஜி ஸ்ட்ராடஜி 2026' என்ற வர்த்தக கொள்கை குறித்த கூட்டத்தில் பல முக்கிய முடிவுகளை சுஸுகி எடுத்துள்ளது.

இந்தியாவின் சிறிய எஸ்யூவி சந்தைக்குள் களமிறங்க ஹோண்டா தயாராகி வருகிறது. இதற்காக உருவாக்கப்பட்டு வரும் புதிய காம்பேக்ட் எஸ்யூவிக்கு 1.2 லிட்டர் பெட்ரோல் எஞ்சினை வேறு நிறுவனத்திடம் இருந்து பெற ஹோண்டா பேச்சுவார்த்தை நடத்தி வருவதாக தகவல் வெளியாகியுள்ளது. இந்த எஞ்சின் பெட்ரோல், சிஎன்ஜி மற்றும் ஹைபிரிட் என பல்வேறு பயன்பாடுகளுக்கு ஏற்றதாக இருக்கும் என்று தகவல்கள் தெரிவிக்கின்றன.

தீபாவளி பண்டிகை நெருங்கி வரும் நிலையில், இந்திய கார் சந்தையில் புதிய மாடல்களின் வருகை அதிகரித்துள்ளது. குறிப்பாக அக்டோபரில் சொகுசு கார்கள் முதல் பிரபலமான எஸ்யூவிகள், செடான்கள், ஹேட்ச்பேக்குகள் வரை பல புதிய கார்கள் களமிறங்க உள்ளன. இதில் தேதி உறுதி செய்யப்பட்ட மாடல்களும், அறிமுகமாகும் என்ற வலுவாக எதிர்பார்க்கப்படும் கார்களும் இங்கே இடம்பெற்றுள்ளன.

இந்திய வாகன சந்தையில் வாடிக்கையாளர்களை கவர்வதற்காக கார் தயாரிப்பு நிறுவனங்கள் பல்வேறு புதிய உயர் வகை தொழில்நுட்ப அம்சங்களை அறிமுகப்படுத்தி வருகின்றனர். குறிப்பாக, சன்ரூஃப், ஏடிஏஎஸ் (ADAS) எனப்படும் ஓட்டுனர் உதவி பாதுகாப்பு தொழில்நுட்பம் மற்றும் பிளஷ் டோர் ஹேண்டில்கள் ஆகியவை நவீன கார்களின் முக்கிய விற்பனை புள்ளிகளாக மாறி இருக்கின்றன. ஆனால், இந்த ஆடம்பர வசதிகள் நமது நாட்டின் சாலை நிலைமைகளுக்கும் காலநிலைக்கும் எந்த அளவுக்கு நடைமுறைக்கு ஏற்றவை என்பதை விரிவாக ஆராய வேண்டியது அவசியமாகி உள்ளது.

இந்தியாவில் மாருதி சுஸுகி கார்களைப் பற்றிய விவாதம் என்றாலே விலை, மைலேஜ் மட்டுமல்லாமல் பாதுகாப்பும் தரம் குறித்து தவறாமல் பேசப்படும் விஷயமாகிவிட்டது. சில மாருதி மாடல்களின் பாதுகாப்பு செயல்திறன் குறித்து கடந்த காலங்களில் எழுந்த விவாதங்களால், அந்த நிறுவனத்தின் கார்களைப் பற்றிய ஒரு குறிப்பிட்ட பிம்பமும் இந்திய வாடிக்கையாளர்களிடம் உருவாகியுள்ளது. இப்படியான சூழலில், கார்களின் எடையை 100 கிலோ வரை குறைக்க மாருதியின் தாய் நிறுவனமான சுஸுகி திட்டமிட்டு உள்ளது.

மிகுந்த எதிர்பார்ப்பை ஏற்படுத்தியிருக்கும் புதிய தலைமுறை ரெனோ டஸ்ட்டர் மாடலின் ஸ்ட்ராங் ஹைபிரிட் மாடல் வரும் அக்டோபர் 17 அன்று விற்பனைக்கு கொண்டு வரப்பட உள்ளது. ஏற்கனவே 1.0 லிட்டர் மற்றும் 1.3 லிட்டர் டர்போ பெட்ரோல் எஞ்சின் தேர்வுகளுடன் அறிமுகம் செய்யப்பட்ட டஸ்ட்டர் வரிசையில், இந்த செல்ஃப்-சார்ஜிங் ஹைபிரிட் மாடல் மூன்றாவது எஞ்சின் தேர்வாக அமையும்.

மாருதி கார் நிறுவனத்தின் தாய் நிறுவனமான ஜப்பானை சேர்ந்த சுஸுகி மோட்டார் கார்ப்பரேஷன் இந்தியா உள்ளிட்ட வளரும் நாடுகளுக்காக புதிய டர்போ பெட்ரோல் எஞ்சினை உருவாக்கி வருகிறது. இந்த புதிய பெட்ரோல் எஞ்சின் அதிக செயல்திறனையும் மேம்பட்ட எரிபொருள் சிக்கனத்தையும் ஒரே நேரத்தில் வழங்கும் வகையில் உருவாக்கப்படுகிறது.

அரசு மற்றும் தனியார் துறைகளில் பணி நிமித்தமாக அடிக்கடி ஒரு மாநிலத்தில் இருந்து மற்றொரு மாநிலத்திற்கு இடமாற்றம் செய்யப்படும் ஊழியர்கள், தங்களது சொந்த வாகனங்களை வேறு மாநிலத்திற்கு எடுத்துச் செல்வதில் பல நடைமுறைச் சிக்கல்கள் இருந்தன. ஒரு மாநிலத்தில் பதிவு செய்யப்பட்ட வாகனத்தை வேறு மாநிலத்தில் 12 மாதங்களுக்கு மேல் பயன்படுத்தும்போது, அந்த மாநிலத்தில் பதிவு செய்வது கட்டாயமாக இருப்பதுடன், அதற்கான வரிகளையும் செலுத்த வேண்டி இருக்கிறது.

அதிக எதிர்பார்ப்பை ஏற்படுத்திய டாடா ஏரிஸ் செடான் கார் நேற்று விற்பனைக்கு அறிமுகம் செய்யப்பட்டது. ஏற்கனவே விற்பனையில் இருந்த டிகோர் காருக்கு மாற்றாக வந்துள்ள ஏரிஸ் காரின் தோற்றம், உட்புற வடிவமைப்பு மற்றும் வசதிகளில் கணிசமான மாற்றங்களை பெற்றுள்ளது. இந்த கார் ரூ.5.29 லட்சம் என்ற சவாலான ஆரம்ப விலையில் இந்த மார்க்கெட்டில் சலசலப்பை ஏற்படுத்தி உள்ளது.

அமெரிக்காவின் பிரபல மின்சார வாகன தயாரிப்பு நிறுவனமான டெஸ்லா, தமிழகத்தில் தனது முதல் அதிகாரப்பூர்வ எக்ஸ்பீரியன்ஸ் சென்டரை சென்னை எக்ஸ்பிரஸ் அவென்யூ மாலில் அமைத்துள்ளது. இதன் மூலம் தமிழகத்தில் உள்ள கார் பிரியர்கள் இனி நேரடியாகவே டெஸ்லா கார்களைப் பார்வையிட்டு, டெஸ்ட் டிரைவ் செய்து, புக்கிங் மற்றும் டெலிவரி சேவைகளை பெற முடியும்.

இந்திய காம்பேக்ட் செடான் சந்தையில் மிக சவாலான விலையில் புதிய ஏரிஸ் செடான் காரை டாடா கார்ஸ் நிறுவனம் அறிமுகப்படுத்தியுள்ளது. ரூ.5.29 லட்சம் ஆரம்ப விலையில் வந்துள்ள இந்த கார், வழக்கமான செடான் அறிமுகமாக மட்டும் இல்லாமல், தனிநபர் வாடிக்கையாளர்களுக்கு மட்டுமே விற்பனை செய்யப்படும் என்று டாடா நிறுவனம் அறிவித்துள்ளது.

இங்கிலாந்தை சேர்ந்த பிரீமியம் மோட்டார்சைக்கிள் தயாரிப்பு நிறுவனமான டிரையம்ப், இந்தியாவில் தன் பிரபலமான மிட்-வெயிட் ஸ்போர்ட்ஸ் பைக்கான 2026 டேடோனா 660 மாடலை அதிகாரப்பூர்வமாக விற்பனைக்குக் கொண்டு வந்துள்ளது. இந்த புதிய மாடலின் எக்ஸ்ஷோரூம் விலை ரூ.9.99 லட்சம் என நிர்ணயிக்கப்பட்டுள்ளது. முந்தைய மாடலுடன் ஒப்பிடும்போது இதன் விலை வெறும் ரூ.11,000 மட்டுமே உயர்த்தப்பட்டுள்ளது.

வாடிக்கையாளர்கள் மத்தியில் அதிக ஆவலை ஏற்படுத்தியிருந்த புதிய டாடா ஏரிஎஸ் செடான் கார் விற்பனைக்கு அறிமுகம் செய்யப்பட்டு இருக்கிறது. அட்டகாசமான டிசைன் அம்சங்கள், நவீன தொழில்நுட்ப வசதிகளுடன் வந்துள்ள இந்த கார் மாருதி டிசையர், ஹூண்டாய் ஆரா மற்றும் ஹோண்டா அமேஸ் உள்ளிட்ட காம்பேக்ட் செடான் கார்களுடன் போட்டி போடும். இந்த காருக்கு ரூ.5.29 லட்சம் என்ற மிக சவாலான ஆரம்ப விலை நிர்ணயிக்கப்பட்டு இருக்கிறது.

ஒரு காலத்தில் அம்பாசடர் கார் இந்திய சாலைகளில் கம்பீரமாக வலம் வந்ததுடன் அடையாளமாகவும் இருந்தது. அரசியல்வாதிகள், அதிகாரிகள், தொழிலதிபர்கள் மட்டுமின்றி சாமானியர்களின் வாழ்க்கையிலும் தவிர்க்க முடியாத காராக இருந்த அம்பாசடர், கால மாற்றத்தால் சந்தையில் இருந்து வெளியேறியது. இந்தநிலையில், அம்பாசடர் காரை தயாரித்த சிகே பிர்லா குழுமத்தின் அங்கமாக செயல்பட்ட ஹிந்துஸ்தான் மோட்டார்ஸ் மீண்டும் வாகன உற்பத்தியில் களமிறங்குவதற்கான முயற்சியை தொடங்கியுள்ளது.

பிஎம்டபிள்யூ மோட்டோராட் நிறுவனம் தனது புதிய ரோட்ஸ்டர் மோட்டார்சைக்கிளுக்கான டீசர் படத்தை வெளியிட்டுள்ளது. வரும் அக்டோபர் 1-ம் தேதி இந்த புதிய பைக் உலகளவில் அறிமுகம் செய்யப்பட உள்ளது. இந்த புதிய மாடல் BMW F 450 R என்ற பெயரில் அறிமுகம் செய்யப்பட உள்ளதாக தகவல்கள் தெரிவிக்கின்றன.

இந்தியாவில் 20 சதவீதம் எத்தனால் கலப்புடன் கூடிய பெட்ரோல் பயன்பாடு பரவலாக்கப்பட்டுள்ள நிலையில், தற்போது வாகன நிறுவனங்கள் அதிக எத்தனால் கலப்பு கொண்ட பெட்ரோலிலும் இயங்கும் வாகனங்களை களமிறக்கும் முயற்சிகளில் தீவிரம் காட்டி வருகின்றன. ஏற்கனவே 100 சதவீதம் எத்தனாலில் ஓடும் வேகன் ஆர் காரை மாருதி களமிறக்கிவிட்டது. அடுத்ததாக தற்போது டொயோட்டா நிறுவனமும் 100 சதவீதம் எத்தனாலில் ஓடும் காரை அடுத்த மாதம் விற்பனைக்கு கொண்டு வர இருப்பதாக தகவல் வெளியாகி இருக்கிறது.

வியட்நாமைச் சேர்ந்த பிரபல எலெக்ட்ரிக் கார் தயாரிப்பு நிறுவனமான வின்ஃபாஸ்ட் இந்தியாவுக்காக குறைவான விலையில் இரண்டு புதிய எலெக்ட்ரிக் கார்களை உருவாக்கி வருவதாக தகவல் வெளியாகி இருக்கிறது. சர்வதேச சந்தையில் உள்ள மாடல்களை இந்தியாவில் முக்கிய பாகங்களாக இறக்குமதி செய்து அசெம்பிள் செய்து வரும் அந்நிறுவனம், செலவுகளை கட்டுப்படுத்தி இந்திய வாடிக்கையாளர்களுக்கு தோதான விலையில் வழங்குவதற்காக முழுக்க முழுக்க இந்தியாவிலேயே 2 புதிய கார்களை உருவாக்கும் பணிகளில் ஈடுபட்டுள்ளது.

சொகுசு கார் தயாரிப்பில் உலகளவில் புகழ்பெற்ற பென்ட்லி நிறுவனம், தனது முதல் முழு எலக்ட்ரிக் காரான 'டோர்கல்' (Bentley Torcal) எஸ்யூவியை சர்வதேச சந்தையில் அதிகாரப்பூர்வமாக வெளியிட்டுள்ளது. பென்டேகா எஸ்யூவிக்கு கீழ் நிலைநிறுத்தப்படும் இந்த மாடல், பெட்ரோல் அல்லது ஹைப்ரிட் எஞ்சின் தேர்வு இல்லாமல் முழுக்க முழுக்க எலக்ட்ரிக் காராக மட்டுமே விற்பனைக்கு வரவுள்ளது.

இந்தியாவின் சிறிய வகை செடான் கார் சந்தையில் புதிய போட்டியை உருவாக்க டாடா மோட்டார்ஸ் தயாராகி வருகிறது. டிகோர் காருக்கு மாற்றாக புதிய ஏரிஸ் என்ற பெயரில் புதிய காம்பேக்ட் செடான் காரை நாளை விற்பனைக்கு கொண்டு வர இருக்கிறது. அதிகாரப்பூர்வ அறிமுகத்திற்கு இன்னும் ஒரு நாள் மட்டுமே உள்ள நிலையில், ஏரிஸ் காரின் தயாரிப்பு நிலை மாடல்கள் டீலர்களை வந்தடைந்துள்ளன.