புதிய எஸ்யூவி வாங்க இருப்போர் மத்தியில் அதிக எதிர்பார்ப்பை ஏற்படுத்தி உள்ள ஹூண்டாய் நிறுவனத்தின் புதிய பேயான் எஸ்யூவி வரும் அக்டோபர் 26ந் தேதி அறிமுகமாக உள்ளது. இந்த காரின் வேரியண்ட்டுகள் மற்றும் அவற்றில் இடம்பெறவுள்ள வசதிகள் குறித்த புதிய தகவல்கள் தற்போது வெளியாகியுள்ளன.

இந்தியாவில் மின்சார வாகனங்களின் வளர்ச்சி ஒருபுறம் வேகமெடுத்து வரும் நிலையில், சாலைகளில் மட்டுமல்லாமல் ஆகாயத்திலும் பயணிக்கக்கூடிய வாகனங்களை உருவாக்கும் முயற்சிகளும் கவனம் பெற்று வருகின்றன. அந்த வகையில், உத்தரகாண்ட் மாநிலத்தைச் சேர்ந்த ரவி தம்தா என்ற இளைஞர், பொறியியல் பட்டம் பெறாமலேயே மின்சாரத்தில் இயங்கும் பறக்கும் வாகனத்தை உருவாக்கி அசத்தி உள்ளார்.

இந்தியாவில் எஸ்யூவி (SUV) கார்களுக்கு வாடிக்கையாளர்கள் மத்தியில் நல்ல வரவேற்பு கிடைத்து வரும் நிலையில், மாருதி சுஸுகி நிறுவனம் தனது விக்டோரிஸ் (Victor​is) எஸ்யூவியின் முதல் ஆண்டு நிறைவைக் கொண்டாடும் வகையில் புதிய ஆரம் எடிஷனை (AURUM Edition) அறிமுகப்படுத்தியுள்ளது. இந்த சிறப்புப் பதிப்பு, விக்டோரிஸ் காரின் விற்பனைச் சாதனையைக் கொண்டாடும் வகையில் கூடுதல் அலங்காரங்களுடன் விற்பனைக்கு வந்துள்ளது.

இததாலியை சேர்ந்த டுகாட்டி நிறுவனம் தனது புதிய ஹைப்பர்மோட்டார்டு V2 மற்றும் ஹைப்பர்மோட்டார்டு V2 SP மாடல்களை இந்தியாவில் அறிமுகப்படுத்தியுள்ளது. இதில் வழக்கமான V2 மாடலின் விலை ரூ.16.53 லட்சமாகவும், கூடுதல் செயல்திறன் சார்ந்த அம்சங்களை கொண்ட V2 SP மாடலின் விலை ரூ.20.78 லட்சமாகவும் நிர்ணயிக்கப்பட்டுள்ளது. இரண்டு மாடல்களுக்குமான முன்பதிவும் இந்தியாவில் தொடங்கியுள்ளது.

இந்தியாவில் மின்சார கார்களுக்கான வரவேற்பு அதிகரித்து வரும் நிலையில், சீனாவைச் சேர்ந்த BYD நிறுவனம் தனது சொகுசு கார் பிராண்டான Denza-வை இந்தியாவில் அறிமுகப்படுத்தத் தயாராகி வருகிறது. வரும் நவம்பர் 13ஆம் தேதி டென்ஸா மின்சார சொகுசு கார்கள் இந்தியாவில் அறிமுகம் செய்யப்பட உள்ளன.

இளைஞர்கள் மத்தியில் வரவேற்பைப் பெற்றுள்ள பல்சர் NS200 பைக்கில் புதிய அப்டேட்டுகளுடன் பஜாஜ் ஆட்டோ நிறுவனம் அறிமுகப்படுத்தியுள்ளது. இதில் புதிய 5 இன்ச் TFT திரை, கூகுள் மேப்ஸ் வசதி, ரைடிங் மோடுகள், டிராக்ஷன் கன்ட்ரோல் உள்ளிட்ட பல்வேறு அம்சங்கள் சேர்க்கப்பட்டுள்ளன. இந்த புதிய மாடலுக்கு ரூ.1,60,374 எக்ஸ்ஷோரூம் விலை நிர்ணயிக்கப்பட்டுள்ளது.

இந்திய கார் சந்தையில் வாடிக்கையாளர்களைக் கவர புதுப்புது சிறப்பு பதிப்புகள் அறிமுகமாவது வழக்கமான ஒன்றுதான். குறிப்பாக, பண்டிகைக் காலத்தில் விற்பனையை அதிகரிக்கவும், போட்டி நிறுவனங்களின் மாடல்களுக்குச் சவால் கொடுக்கவும் கார் நிறுவனங்கள் பல்வேறு உத்திகளைக் கையாளுகின்றன. ஆனால், ஒரு காருக்கு பிசினஸ் க்ளாஸ் அனுபவத்தை வழங்குகிறோம் என்று கூறிவிட்டு, சில அலங்கார மாற்றங்களை மட்டும் செய்வது உண்மையில் வாடிக்கையாளர்களுக்கு எந்த அளவுக்குப் பயனுள்ளதாக இருக்கும்?

எர்டிகா, இன்னோவா போன்ற கார்களில் குடும்பத்தினர் அனைவரும் ஒன்றாகப் பயணம் செய்யும்போது இடநெருக்கடி பலருக்கு பிரச்னையாக இருக்கிறது. குறிப்பாக, பெரிய கூட்டுக் குடும்பமாக இருப்பவர்கள் சுற்றுலா செல்லும்போதும், சொந்த ஊருக்குச் செல்லும்போதும் இருக்கைகள் மற்றும் லக்கேஜுகளை எடுத்துச் செல்வது சவாலாக இருக்கும். அதுபோன்று இருப்பவர்களுக்கு டெம்போ டிராவலர் மாற்றுத் தேர்வாக யூட்யூப் சேனல்களில் வீடியோக்கள் வருகிறது. ஆனால், உண்மையில் ஒரு சாதாரண கார் வாங்குவது போன்று டெம்போ டிராவலர் வாங்க முடியுமா என்ற கேள்வி பலருக்கும் இருக்கிறது.

கார்களின் பாதுகாப்பை அடுத்த கட்டத்திற்கு எடுத்துச் செல்லும் வகையில், புதிய கார்களில் தானியங்கி அவசர பிரேக்கிங் தொழில்நுட்பத்தைக் கட்டாயமாக்க மத்திய அரசு திட்டமிட்டுள்ளது. இதற்கான வரைவு அறிவிப்பை சாலைப் போக்குவரத்து மற்றும் நெடுஞ்சாலைகள் அமைச்சகம் (MoRTH) வெளியிட்டுள்ளது. இந்தத் திட்டம் நடைமுறைக்கு வந்தால், இந்தியாவில் கார் தயாரிப்பு நிறுவனங்கள் பாதுகாப்புத் தொழில்நுட்பங்களில் கூடுதல் கவனம் செலுத்த வேண்டியிருக்கும்.

ஒரு புதிய காரை வாங்க முன்பதிவு செய்வது வழக்கமான விஷயம்தான். சில ஆயிரங்கள் அல்லது சில லட்சங்களை முன்பணமாகச் செலுத்திவிட்டு, கார் உற்பத்தியாகி விற்பனைக்கு வரும்போது வாங்கிக்கொள்ளலாம். ஆனால், இன்னும் உற்பத்திக்குச் செல்லாத ஒரு காருக்காக ரூ.50 லட்சம் முதல் ரூ.2.5 கோடி வரை முன்பதிவுத் தொகை செலுத்த வேண்டும் என்றால், அது நிச்சயம் விவாதத்தை ஏற்படுத்தும்.

இந்தியாவில் பண்டிகைக் காலம் என்றாலே கார் மற்றும் இருசக்கர வாகன விற்பனை அதிகரிக்கும் என்ற எதிர்பார்ப்பு இருக்கும். குறிப்பாக, நவராத்திரி முதல் தீபாவளி வரையிலான காலகட்டத்தில் புதிய வாகனங்களை வாங்க பலரும் ஆர்வம் காட்டுவார்கள். ஆனால், இந்த ஆண்டு நவராத்திரி பண்டிகையின்போது கார் விற்பனைப் பிரிவில் எதிர்பாராத சரிவு ஏற்பட்டுள்ளது. அதே நேரத்தில் மின்சார வாகனங்களின் விற்பனை கணிசமாக அதிகரித்துள்ளது.

இந்தியாவில் 250 சிசி ரக பைக்குகளுக்கு நல்ல வரவேற்பு இருந்து வருகிறது. குறிப்பாக, தினசரி பயணத்திற்கும் வார இறுதி நீண்ட தூரப் பயணங்களுக்கும் ஏற்ற பைக்குகளை வாங்க வாடிக்கையாளர்கள் ஆர்வம் காட்டுகின்றனர். இதற்கு சரியான பட்ஜெட்டில் வாடிக்கையாளர்களுக்கு பல்சர் வரிசை பைக்குகள் சிறந்த தேர்வாக இருக்கின்றன. அந்த வகையில், பஜாஜ் ஆட்டோ நிறுவனம் தனது பல்சர் N250 SS பைக்கை ரூ.1.59 லட்சம் விலையில் அறிமுகப்படுத்தியுள்ளது. இந்தப் புதிய மாடலில் எஞ்சின், கியர்பாக்ஸ் மற்றும் தொழில்நுட்ப வசதிகளில் முக்கியமான அப்டேட்டுகள் இடம்பெற்றுள்ளன.

இந்தியாவில் மின்சார பைக் சந்தை வேகமாக வளர்ந்து வரும் நிலையில், அதிக செயல்திறன், நீண்ட தூரப் பயணம் மற்றும் நவீன பாதுகாப்பு வசதிகளைக் கொண்ட புதிய மாடல்களை நிறுவனங்கள் அறிமுகப்படுத்தி வருகின்றன. அந்த வரிசையில், பெங்களூரை சேர்ந்த அல்ட்ராவயலெட் நிறுவனம் தனது புதிய X-47 Venom என்ற புதிய மின்சார பைக்கை இந்தியாவில் அறிமுகப்படுத்தி உள்ளது. இதன் அறிமுக விலை ரூ.2.65 லட்சமாக அறிவிக்கப்பட்டுள்ளது.

இந்தியாவில் நீண்ட தூரப் பயணங்களுக்கும் சாகசப் பயணங்களுக்கும் ஏற்ற அட்வென்ச்சர் பைக்குகளை வாங்க விரும்புவோரைக் குறிவைத்து, பெனெல்லி நிறுவனம் புதிய டிஆர்கே 552 (TRK 552) மற்றும் டிஆர்கே 552X (TRK 552X) பைக்குகளை அறிமுகம் செய்துள்ளது. இந்த இரண்டு பைக்குகளிலும் புதிய 554 சிசி எஞ்சின், மேம்படுத்தப்பட்ட தொழில்நுட்ப வசதிகள் மற்றும் நீண்ட தூரப் பயணங்களுக்கு உதவும் அம்சங்கள் இடம்பெற்றுள்ளன.

இந்தியாவில் பண்டிகைக் காலம் வந்துவிட்டாலே புதிய கார், பைக் வாங்குவதற்கான ஆர்வம் அதிகரித்துவிடும். குறிப்பாக, நவராத்திரி, ஆயுத பூஜை, தீபாவளி போன்ற பண்டிகைகளை முன்னிட்டு வாகனங்களை வாங்குவது இந்தியக் குடும்பங்களில் ஒரு முக்கியமான நிகழ்வாகவே பார்க்கப்படுகிறது. அந்த வகையில், இந்த ஆண்டு நவராத்திரியின் முதல் ஒன்பது நாட்களில் இந்தியாவில் வாகன விற்பனை ஒரு மில்லியனை கடந்துள்ளது.

இந்தியாவில் எஸ்யூவி கார் வாங்க நினைப்பவர்கள் மத்தியில் மஹிந்திரா பொலிரோவுக்கு எப்போதுமே தனி வரவேற்பு உண்டு. கம்பீரமான தோற்றம், கரடுமுரடான சாலைகளிலும் சமாளிக்கும் திறன், எளிமையான வடிவமைப்பு எனப் பல காரணங்களால் இந்த கார் பிரபலமாக உள்ளது. இந்நிலையில், வழக்கமான பொலிரோவுக்கு கூடுதல் கவர்ச்சியை சேர்க்கும் வகையில் புதிய பொலிரோ Bold Edition அறிமுகம் செய்யப்பட்டுள்ளது.

பெட்ரோல் செலவைக் குறைக்க விரும்பும் கார் வாங்குவோருக்கு சிஎன்ஜி கார்கள் நல்ல தேர்வாக உள்ளன. அதே நேரத்தில் எஸ்யூவி காரின் தோற்றம், செயல்திறன் மற்றும் நவீன வசதிகளையும் எதிர்பார்ப்பவர்களைக் கவரும் வகையில் மஹிந்திரா எக்ஸ்யூவி 3XO சிஎன்ஜி கார் அறிமுகமாகி உள்ளது. இந்த காருக்கான முன்பதிவு நேற்றுமுதல் தொடங்கி உள்ளது.

இந்தியாவில் சிறிய கார்களை வாங்க நினைப்பவர்களுக்கு சிட்ரோன் நிறுவனத்தின் புதிய கார் ஒரு சுவாரஸ்யமான தேர்வாக அமையுமா என்ற எதிர்பார்ப்பு உருவாகியுள்ளது. அந்நிறுவனம் வெளியிட்டுள்ள புதிய 2 CV கான்செப்ட் கார்தான் இதற்கு காரணமாக பார்க்கப்படுகிறது. பழைய காலத்து காரின் தோற்றத்துடன் நவீன மின்சாரத் தொழில்நுட்பத்தை இணைத்து உருவாக்கப்பட்டுள்ள இந்தக் கார், உலக அளவில் தற்போது ஆட்டோமொபைல் உலகின் கவனத்தை ஈர்த்துள்ளது.

இந்தியாவில் புதிய எஸ்யூவி காரை வாங்க நினைப்பவர்கள், அதன் தோற்றம் மற்றும் வசதிகளுக்கு இணையாக பாதுகாப்பு அம்சங்களுக்கும் முக்கியத்துவம் கொடுக்கத் தொடங்கியுள்ளனர். இதைக் கருத்தில் கொண்டு, தனது புதிய பேயான் (BAYON) எஸ்யூவியில் மேம்பட்ட பாதுகாப்பு தொழில்நுட்பங்களுக்கு அதிக முக்கியத்துவம் அளித்துள்ளது ஹூண்டாய் நிறுவனம். இந்த காரின் பாதுகாப்பு அம்சங்கள் குறித்த விவரங்களை நிறுவனம் தற்போது வெளியிட்டுள்ளது.

இந்தியாவில் பிரீமியம் ஸ்போர்ட்ஸ் பைக்குகளுக்கு தனி ரசிகர் பட்டாளமே இருக்கிறது. குறிப்பாக, கவாஸாகி நிறுவனத்தின் நின்ஜா மற்றும் இசட் வரிசை பைக்குகளுக்கு இளைஞர்கள் மத்தியில் நல்ல வரவேற்பு உள்ளது. இந்த நிலையில், கவாஸாகி நிறுவனம் தனது புதிய இசட்300 (Kawasaki Z300) பைக்கை இந்தியாவில் ரூ.3.24 லட்சம் விலையில் விற்பனைக்கு அறிமுகம் செய்துள்ளது.

தமிழக அரசியல் வட்டாரத்தில் தற்போது கவனம் ஈர்த்து வருபவர் சட்டப்பேரவைத் தலைவர் ஜே.சி.டி. பிரபாகர். சட்டப்பேரவையில் அவர் செயல்படும் விதம் ஒருபுறம் பேசுபொருளாக இருக்கும் நிலையில், அவர் பயன்படுத்தும் காரும் ஆட்டோமொபைல் ரசிகர்களின் கவனத்தை ஈர்த்துள்ளது. இந்நிலையில், அம்பாசிடர் கார்தான் தனது எப்போதும் விரும்பும் கார் என்று அவர் தெரிவித்திருப்பது பழைய கார் ரசிகர்களுக்கு சுவாரஸ்யமான தகவலாக அமைந்துள்ளது.

இந்தியாவில் அதிக வரவேற்பைப் பெற்ற பிரீமியம் எஸ்யூவி கார்களில் டொயோட்டா ஃபார்ச்சூனருக்கு தனி இடம் உண்டு. கம்பீரமான தோற்றம், சக்திவாய்ந்த டீசல் இன்ஜின், கரடுமுரடான சாலைகளிலும் பயணிக்கும் திறன் எனப் பல காரணங்களால் இந்த கார் வாடிக்கையாளர்களைக் கவர்ந்து வருகிறது. இந்நிலையில், அடுத்ததாக வரவுள்ள புதிய ஃபார்ச்சூனர் குறித்த முக்கியத் தகவல் வெளியாகியுள்ளது.

இந்தியாவில் விற்பனை செய்யப்படும் டெஸ்லா மாடல் Y L (Tesla Model Y L) மின்சார எஸ்யூவி காரின் செயல்திறன் மேம்படுத்தப்பட்டுள்ளது. இதன் மூலம், இந்த கார் 0 முதல் 100 கி.மீ வேகத்தை எட்டுவதற்கு முன்பு எடுத்துக்கொண்ட 5 நொடிகள் தற்போது 4.5 நொடிகளாகக் குறைந்துள்ளது. இந்த மாற்றத்தால் காரின் விலை அல்லது ரேஞ்ச் போன்ற விஷயங்களில் எந்த மாற்றமும் இருக்காது என்று தெரிவிக்கப்பட்டு இருக்கிறது.

இரண்டாம் உலகப்போரின்போது ராணுவப் பயன்பாட்டில் முக்கியப் பங்கு வகித்த ஜீப் வில்லிஸ் (Jeep Willys) பெயர் மீண்டும் வாகன உலகில் ஆவலை ஏற்படுத்தி உள்ளது. ஆம், பழைய வில்லிஸ் ஜீப் வாகனத்தை நவீன காலத்திற்கு ஏற்ற வகையில், பட்ஜெட் விலையில் சிறிய மின்சார எஸ்யூவியாக (Electric SUV) அறிமுகப்படுத்த ஜீப் நிறுவனம் திட்டமிட்டு வருவதாகத் தகவல்கள் வெளியாகியுள்ளன.

பைக் ஓட்டும்போது ஹெல்மெட் அணிவது பாதுகாப்புக்கு மட்டுமல்லாமல், நீண்ட தூரப் பயணங்களில் சவுகரியத்திற்கும் முக்கியமானது. குறிப்பாக, பைக்கில் அதிக வேகத்தில் செல்லும்போது காற்றின் அழுத்தம் கழுத்துப் பகுதியில் ஏற்படுத்தும் சிரமத்தைக் குறைக்கும் வகையில் வடிவமைக்கப்பட்ட ஹெல்மெட்டுகளுக்கு முக்கியத்துவம் அதிகரித்து வருகிறது.