దేశంలో ఈ హైబ్రిడ్ స్కూటర్ను తెగ కొంటున్నారు
ఆటోమొబైల్స్
- 5 month, 20 days ago
జపాన్కు చెందిన ప్రముఖ ద్విచక్ర వాహన తయారీ సంస్థ యమహా మోటార్ కంపెనీ (Yamaha Motor Company) భారత స్కూటర్ మార్కెట్లో ఇటీవలి కాలంలో తన ప్రభావాన్ని గణనీయంగా పెంచుకుంటోంది. ముఖ్యంగా యువతతో పాటు ఫ్యామిలీ వినియోగదారులను ఆకట్టుకునేలా స్టైలిష్ డిజైన్, హైబ్రిడ్ టెక్నాలజీ, మెరుగైన మైలేజ్ కలయికతో యమహా తన స్కూటర్లను కొత్త స్థాయికి తీసుకెళ్లింది. దేశంలో హైబ్రిడ్ టెక్నాలజీతో స్కూటర్లను పరిచయం చేసిన తొలి బ్రాండ్లలో ఒకటిగా నిలిచిన యమహా, ప్రస్తుతం ఈ సెగ్మెంట్లో ప్రత్యేక గుర్తింపును సంపాదించుకుంది. ఈ బ్రాండ్కు ప్రస్తుతం అత్యంత బలమైన ఆయుధాలుగా నిలుస్తున్నవి Yamaha Fascino 125 Fi Hybrid, Yamaha RayZR 125 Fi Hybrid మోడళ్లు.