రాయల్ ఎన్‌ఫీల్డ్ లవర్స్ ఎంతో ఆసక్తిగా ఎదురుచూస్తున్న Motoverse 2025 ఈవెంట్ గోవాలోని వాగేటర్‌లో గ్రాండ్‌గా జరిగింది. ఈ ఈవెంట్‌లో కంపెనీ తమ కొత్త Continental GT 750 రేస్ బైక్ ప్రోటోటైప్‌ను ప్రదర్శించింది. ఇటలీలో జరిగిన EICMA 2025లో అంతర్జాతీయంగా పరిచయం అయిన తర్వాత, మన దేశంలోకి ఈ కొత్త మోడల్ రావడం ఇదే మొదటిసారి.

భారత ఆటోమొబైల్ మార్కెట్‌లోకి అడుగుపెట్టిన కొద్ది కాలంలోనే కియా మోటార్స్ దేశీయ కంపెనీలకు గట్టి పోటీగా నిలిచింది. ప్రత్యేకంగా డిజైన్, ఫీచర్లు, ప్రీమియమ్ క్వాలిటీ.. ఈ మూడు అంశాలను ఒకే ప్యాకేజీలో అందించడం కియాను వినియోగదారుల మధ్య వేగంగా పాపులర్ చేసింది. ప్రస్తుతం ఈ బ్రాండ్‌కు చెందిన కార్లు ప్రతినెలా స్థిరంగా మంచి అమ్మకాలను నమోదు చేస్తూ, మార్కెట్‌లో తమ స్థాయిని మరింత బలపరుస్తున్నాయి. కియా లైనప్‌లో అత్యంత ప్రభావం చూపిన మోడళ్లలో సోనెట్ (Sonet) ఒకటి. సబ్-4 మీటర్ SUV విభాగంలోకి వచ్చినప్పటి నుండి ఈ మోడల్ తన రూపంతో, ఫీచర్లతో, ప్రీమియం ఫీలింగ్‌తో ప్రత్యేక గుర్తింపును సంపాదించింది. ఈ సెగ్మెంట్‌లో మారుతి బ్రెజ్జా వంటి బలమైన పోటీదారు ఉన్నప్పటికీ, సోనెట్ తన ప్రత్యేకతతో వినియోగదారులను ఆకట్టుకొని మంచి అమ్మకాల సంఖ్యను సాధిస్తోంది.

ఇండియన్ ఆటోమొబైల్ మార్కెట్‌లో గత కొన్ని సంవత్సరాల్లో ఒక భారీ మార్పు స్పష్టంగా కనిపిస్తుంది. ముందెప్పుడో కారు కొనుగోలు అంటే మైలేజ్ ఎంత వస్తుంది, ధర ఎంత తక్కువగా ఉంటుంది అనేదే ప్రధాన ప్రశ్న. కానీ ఇప్పుడు పరిస్థితి పూర్తిగా మారిపోయింది. భారతీయ కస్టమర్లు కార్ల బాడీ క్వాలిటీ, బిల్డ్ స్ట్రెంగ్త్, భద్రత, ఇవన్నింటినీ మొదటి ప్రాధాన్యంగా చూస్తున్నారు. కార్ల కంపెనీలు కూడా ఈ మార్పును గ్రహించి మెరుగైన బాడీ స్ట్రక్చర్ స్టాండర్డ్‌గా ఇవ్వడం మొదలు పెట్టాయి. ఇండియాలో కార్ల నిర్మాణ నాణ్యతను భారత్ NCAP (భారత్ న్యూ కార్ అసెస్‌మెంట్ ప్రోగ్రామ్) క్రాష్ టెస్ట్ చేయడం ద్వారా కొనుగోలుదారులకు కారు ఎంత సురక్షితమైనదో స్పష్టమైన చిత్రాన్ని అందిస్తుంది. ఈ క్రమంలో భారత్ NCAPలో మంచి రేటింగ్ సాధించిన కొన్ని కార్ల గురించి ఈ కథనంలో.

కొత్త కారు కొనడం అనేది చాలా మందికి జీవితంలో ఒక పెద్ద మైలురాయి. ఒకప్పుడు కలగా మాత్రమే అనిపించిన ఈ ప్రయాణం, ఇప్పుడు కుటుంబ అవసరాలు, బడ్జెట్, సౌకర్యం, సేఫ్టీ అన్ని కలిపి సరైన ఎంపికను తీసుకోవాల్సిన సమయంగా మారుతుంది. ముఖ్యంగా చిన్న కుటుంబాలు, ఉద్యోగస్తులు, మొదటిసారి కారు కొనబోయే వారు తమ బడ్జెట్‌ను దాటకుండా మంచి మైలేజ్, తక్కువ మెయింటెనెన్స్ ఖర్చులు, విశాలమైన సీటింగ్ స్పేస్ ఒకే ప్యాక్‌లో దొరకే కార్లను వెతుకుతుంటారు. మీరు కూడా చౌక ధరలోనే మంచి ఫీచర్లతో ఉన్న కొత్త కారు కోసం చూస్తున్నట్లయితే, మారుతి సుజుకి అందించే హ్యాచ్‌బ్యాక్‌లు మీకు బెస్ట్ ఆప్షన్. అందులో మారుతి సుజుకి ఎస్-ప్రెస్సో, ఆల్టో K10, వ్యాగన్‌ఆర్, సెలెరియో కొత్తగా కారు కొనాలనుకునే వారి లిస్ట్‌లో టాప్‌లో నిలుస్తుంది. వీటి గురించిన వివరాలు ఈ కథనంలో.

గోవా సముద్రతీరాన జరిగే మోటోవర్స్ 2025 వేడుక ఈసారి ప్రత్యేకంగా బైక్ ప్రేమికులకు పండుగలా మారింది. ఎందుకంటే, ఎంతో ఆసక్తిగా ఎదురు చూసిన వేళలో రాయల్ ఎన్ఫీల్డ్ తన కొత్త మీటియోర్ 350 సన్‌డౌనర్ ఆరెంజ్(Meteor 350 Sundowner Orange) స్పెషల్ ఎడిషన్‌ను అద్భుతంగా ఆవిష్కరించింది. వేలాది మంది ఉత్సాహభరితమైన రైడర్లు, బైక్ అభిమానులు, కమ్యూనిటీ సభ్యుల సమక్షంలో ఈ లాంచ్ జరగడంతో ఆ వేదిక ఒక్కసారిగా ఉత్సాహంతో నిండిపోయింది. మీటియోర్ 350 ఇప్పటికే రాయల్ ఎన్ఫీల్డ్ లైనప్‌లో అత్యంత ప్రజాదరణ పొందిన మోడళ్లలో ఒకటి. దాని క్రూయిజర్ డిజైన్, ఆహ్లాదకరమైన రైడింగ్ పోజిషన్, సున్నితమైన రైడ్ క్వాలిటీ దూర ప్రయాణాలు చేసే వారికి ఇది ఎప్పుడూ ప్రత్యేక ఆకర్షణగా మారింది.

రాయల్ ఎన్ఫీల్డ్ (Royal Enfield) తాజాగా మోటోవర్స్ 2025లో తన తాజా మోడల్ బుల్లెట్ 650(Bullet 650) ను అధికారికంగా ఆవిష్కరించింది. ఇటలీలోని మిలాన్‌లో జరిగిన EICMA 2025లో ప్రపంచానికి మొదటి సారి చూపించిన ఈ బైక్, కొన్ని వారాల వ్యవధిలోనే భారత మార్కెట్లో అడుగుపెట్టడం విశేషం. కొత్త బుల్లెట్ 650 డిజైన్‌ను ఒకసారి చూసిన వెంటనే, ఇది ఎందుకు బుల్లెట్ అనిపిస్తుందో అర్థం అవుతుంది. పిన్‌స్ట్రిప్పింగ్‌తో అందంగా తీర్చిదిద్దిన టియర్‌డ్రాప్ ఫ్యూయల్ ట్యాంక్‌ నుంచి ప్రారంభమై, క్లాసిక్ మోడళ్లను గుర్తు చేసే విధంగా కొద్దిగా పైకి లేచిన క్రోమ్ హ్యాండిల్‌బార్లు, స్క్వేర్డ్ రియర్ ఫెండర్ వంటి ప్రతి అంశంలోనూ సంప్రదాయ బుల్లెట్ శైలి స్పష్టంగా కనిపిస్తుంది.

2020లో ఇండియన్ మార్కెట్‌లోకి అడుగుపెట్టినప్పటి నుంచి ఎంజీ ZS EV కంపెనీకి ఒక లక్కీ మోడల్. ఈ ఎలక్ట్రిక్ ఎస్‌యూవీ గురించి ఎవరూ పెద్దగా నెగిటివ్ మాట్లాడింది లేదు. దానికి తగ్గట్టుగానే, ప్రతి నెలా దీని సేల్స్ చాలా గౌరవప్రదంగా ఉంటున్నాయి. ముఖ్యంగా అక్టోబరు నెలలో ఈ కారు సేల్స్‌లో ఏకంగా 143 శాతం వృద్ధి నమోదు చేసింది. సెప్టెంబరులో కేవలం 250 యూనిట్లు అమ్ముడవగా 2024 అక్టోబరులో 609 యూనిట్ల అమ్మకాలతో అదరగొట్టింది.

రాయల్ ఎన్‌ఫీల్డ్ అభిమానులు ఆతృతగా ఎదురుచూసే వార్షిక వేడుక మోటోవర్స్ ఈసారి గోవా తీరాల్లో ఘనంగా ప్రారంభమైంది. ప్రపంచవ్యాప్తంగా ఉన్న బైక్ ప్రేమికులు, ప్రత్యేకంగా రాయల్ ఎన్‌ఫీల్డ్ అభిమానం కలిగిన వారు, ప్రతి సంవత్సరం లాంటి ఈ వేడుకలో కొత్త మోడళ్లు, ప్రత్యేక ఎడిషన్‌లు, భవిష్యత్ లాంచ్‌లను చూసే అవకాశం కోసం భారీ సంఖ్యలో హాజరయ్యారు. ఈసారి మాత్రం గోవాలో జరిగిన మోటోవర్స్‌కు ప్రత్యేకత మరింత పెరిగింది. ఎందుకంటే కొద్ది వారాల క్రితం ఇటలీలోని మిలన్‌లో నిర్వహించిన 2025 EICMA షోలో ప్రపంచానికి పరిచయం చేసిన అనేక మోడళ్ల ధరలను రాయల్ ఎన్‌ఫీల్డ్ ఇక్కడే ప్రకటిస్తోంది. మొదటి రోజు, అంటే నవంబర్ 21, 2025న, కంపెనీ తన లెజెండరీ హిమాలయన్ శ్రేణిలో కొత్త అధ్యాయాన్ని ఆరంభించింది, హిమాలయన్ మన బ్లాక్ ఎడిషన్‌ను అధికారికంగా పరిచయం చేసింది.

హోండా పేరు వినగానే చాలామందికి ముందుగా గుర్తుకు వచ్చేది సెడాన్‌లు.. సివిక్, సిటీ, అమేజ్. ఎందుకంటే భారత మార్కెట్‌లో హోండాను సెడాన్ బ్రాండ్‌గా చూసే అభిమానం చాలా కాలంగా ఉంది. అయితే, జపాన్‌కు చెందిన ఈ ఆటో దిగ్గజం పెద్ద SUVలను రూపొందించడంలో కూడా ఎంత పెద్ద మాస్టర్ అనేది ప్రపంచ మార్కెట్‌ బాగా తెలుసు. అమెరికా, యూరప్ మార్కెట్లలో హోండా పైలట్, పాస్‌పోర్ట్, CR-V వంటి SUVలు ఇప్పటికే పెద్ద క్రేజ్ సృష్టించాయి. ఇప్పుడు అదే SUV DNAతో వచ్చిన ఒక భారీ మోడల్ భారత రోడ్లపైకి దిగేందుకు రెడీ అవుతోంది. ఈ నేపథ్యంలో హోండా పైలట్ భారత మార్కెట్లో లాంచ్‌కు సిద్ధమవుతోంది.

భారతదేశంలో ఎలక్ట్రిక్ టూ-వీలర్ మార్కెట్ (EV Market) చాలా వేగంగా మారిపోతోంది. స్టార్టప్ కంపెనీలను వెనక్కి నెట్టి, TVS, బజాజ్ వంటి పాత బ్రాండ్‌లు ఈ విభాగంలో దూసుకుపోతున్నాయి. అయితే ఈ పోటీలో హెవీ వెయిట్ బ్రాండ్ అయిన హోండాకు మాత్రం గట్టి ఎదురుదెబ్బ తగిలింది. దేశంలో అత్యధికంగా అమ్ముడయ్యే పెట్రోల్ స్కూటర్ యాక్టివా.. ఈవీ మార్కెట్‌లోకి వచ్చినా హోండాకు ఆశించిన ఫలితం దక్కలేదు. అందుకే కంపెనీ ఒక కీలక నిర్ణయం తీసుకుంది.

భారత మార్కెట్లో అత్యంత ప్రజాదరణ పొందిన హ్యాచ్‌బ్యాక్ మోడళ్లలో హ్యుందాయ్ గ్రాండ్ i10 నియోస్ ఒకటి. ప్రారంభం నుంచే స్టైలిష్ లుక్, కాంపాక్ట్ సైజ్, ఫీచర్లతో నిండిన ఇంటీరియర్‌, నమ్మకమైన ఇంజిన్ పనితీరు వంటి అంశాలతో ఈ కారు వినియోగదారుల గుండెల్లో ప్రత్యేక స్థానం సంపాదించింది. కేవలం కుటుంబ అవసరాలకే కాకుండా, రోజువారీ ప్రయాణాలకు, నగర ట్రాఫిక్‌లో సులభంగా నడపగల కారు కావాలనుకునే వారికి ఇది బెస్ట్ ఆప్షన్‌గా నిలుస్తోంది. లుక్‌తో పాటు, ప్రాక్టికల్‌గా ఉపయోగపడే ఫీచర్లను అందించడం కూడా ఈ కారుకు పెద్ద ప్లస్ పాయింట్. గ్రాండ్ i10 నియోస్ భారత మార్కెట్లో ఒక ట్రైడ్ అండ్ టెస్టెడ్ కుటుంబ హ్యాచ్‌బ్యాక్‌గా తన స్థాయి, ప్రజాదరణ రెండింటినీ స్థిరంగా కొనసాగిస్తూ వస్తోంది. అయితే ఈ కారుకు గత నెలలో తక్కువ డిమాండ్ వచ్చింది.

అడ్వెంచర్ రైడింగ్ అంటే ఇష్టపడే మన ఇండియన్ బైకర్స్‌కి రాయల్ ఎన్‌ఫీల్డ్ ఒక స్పెషల్ బ్రాండ్. గతంలో వచ్చిన హిమాలయన్ 411 గానీ, ఇప్పుడు మార్కెట్‌ను దున్నేస్తున్న హిమాలయన్ 450 గానీ ఎంతటి ఫాలోయింగ్ తెచ్చుకున్నాయో అందరికీ తెలుసు. ఇప్పుడు ఈ అడ్వెంచర్ హంగామాను నెక్స్ట్ లెవెల్‌కి తీసుకెళ్లడానికి, ఎన్‌ఫీల్డ్ ఏకంగా 750cc సెగ్మెంట్‌లోకి ఎంట్రీ ఇస్తోంది. ఇటలీలో జరిగిన 2025 EICMA మోటోషోలోనే ఈ పవర్‌ఫుల్ మోడల్‌ను ప్రదర్శించారు. అప్పటి నుంచి ఈ 750cc బీస్ట్‌ కోసం ఇండియాలో బైక్ లవర్స్ చాలా ఈగర్‌గా వెయిట్ చేస్తున్నారు.

భారత రెండు చక్రాల మార్కెట్లో ఇటీవల వేగంగా చోటుచేసుకుంటున్న మార్పుల్లో ఒకటి.. ఎలక్ట్రిక్ టూ-వీలర్ సెగ్మెంట్ మీద పెరుగుతున్న ఆసక్తి. ఇప్పటివరకు పెట్రోల్ బైకులకే పరిమితమైన చాలా మంది కొనుగోలుదారులు, ఇప్పుడు ఈవీల వైపు మొగ్గు చూపడం ప్రారంభించారు. పెరుగుతున్న ఇంధన ధరలు, తక్కువ నిర్వహణ ఖర్చు, పర్యావరణహితత వంటి అంశాలు ఈ మార్పుకు ప్రధాన కారణాలు. ఇదే సమయంలో పలు ప్రముఖ కంపెనీలు కూడా ఈ మార్కెట్లోకి అడుగుపెడుతూ, తమ కొత్త ఎలక్ట్రిక్ మోడళ్లను పరిచయం చేసే పనిలో బిజీగా ఉన్నాయి. ఇలాంటి కీలక సమయంలో బైకుల ప్రపంచంలో రాజుగానే పేరుగాంచిన రాయల్ ఎన్‌ఫీల్డ్ కూడా ఎలక్ట్రిక్ సెగ్మెంట్‌పై దృష్టి సారించింది.

మహీంద్రా ఎలక్ట్రిక్ వాహనాల మార్కెట్లో దూకుడు పెంచుతోంది. ఇటీవల విడుదల చేసిన తమ ప్రముఖ ఎలక్ట్రిక్ మోడల్ BE 6 ఎస్‌యూవీ బ్యాట్‌మ్యాన్ ఎడిషన్ ఊహించని విజయాన్ని సాధించింది. కేవలం కొన్ని సెకన్లలోనే 999 కార్లు అమ్ముడవడంతో ఇప్పుడు మహీంద్రా సంస్థ మరో స్పెషల్ ఎడిషన్ను తీసుకురావడానికి సన్నాహాలు చేస్తోంది. అంతేకాకుండా దీనికి తోడు పూర్తిగా ఆఫ్-రోడ్ లుక్‌లో ఉన్న కొత్త ఎస్‌యూవీ BE Rall-E టీజర్‌ను కూడా విడుదల చేసింది.

భారత మార్కెట్లో ప్రీమియం హ్యాచ్‌బ్యాక్ సెగ్మెంట్‌ ఎప్పుడూ పోటీతో నిండి ఉంటుంది. మారుతి సుజుకి బాలెనో, హ్యుందాయ్ ఐ20 వంటి అమ్మకాల వీరులు ఉన్నా కూడా, టాటా ఆల్ట్రోజ్ (tata altroz) మాత్రం తన ప్రత్యేకతతో, భద్రతతో, ధర-ఫీచర్ల సమతుల్యతతో వినియోగదారుల మన్ననలు పొందుతూ ముందుకు సాగుతోంది. ప్రీమియం హ్యాచ్‌బ్యాక్ కొనాలి అనుకునే వారికి ఆల్ట్రోజ్ ఇప్పుడు ఒక బెస్ట్ ఆల్టర్నేటివ్‌గా నిలిచిపోయింది. అందుకే ఈ కారు అమ్మకాల పరంగాను గత కొంతకాలంగా ఓ స్థిరమైన పర్ఫార్మెన్స్‌ను కనబరుస్తోంది. ముఖ్యంగా ప్రస్తుత అక్టోబర్ 2025 నెలలో టాటా ఆల్ట్రోజ్ మరోసారి తన సత్తా చాటింది. ఈ ఒక్క నెలలోనే 3,770 యూనిట్లు అమ్ముడవడం గమనార్హం. గత సంవత్సరం ఇదే నెలలో, అక్టోబర్ 2024లో కేవలం 2,642 యూనిట్లు మాత్రమే అమ్ముడయ్యాయి.

దేశంలో అత్యధికంగా కార్లను విక్రయింటే కంపెనీ మారుతి సుజుకి. కస్టమర్ల అవసరాలకు తగ్గట్లు ఎప్పటికప్పుడు తక్కువ ధరలో, ఎక్కువ మైలేజ్ ఇచ్చే కార్లను తయారు చేయడంలో దీనికి సాటి మరొకటి లేదు. ఈ క్రమంలో మారుతి సుజుకి నుంచి వచ్చిన XL6 ఎంపీవీ ప్రస్తుతం మార్కెట్‌లో సంచలనం సృష్టిస్తోంది.

జపనీస్ వాహన తయారీ సంస్థ హోండా అంటేనే ప్రపంచవ్యాప్తంగా టెక్నాలజీ, విశ్వసనీయతకు మారుపేరు. భారత మార్కెట్‌లో తమ పట్టును మరింత పెంచుకోవడానికి సిద్ధమవుతోంది. గత కొన్నేళ్లుగా ఇక్కడ అనేక మోడళ్లను విడుదల చేసి కస్టమర్ల మనసు గెలుచుకున్న హోండా... గత కొద్ది సంవత్సరాలుగా ఎలక్ట్రిక్ వాహనాలు, హైబ్రిడ్ కార్లు, ప్రీమియం ఎస్‌యూవీలకు పెరుగుతున్న డిమాండ్‌ను గమనించింది. దీనికి తగ్గట్టుగా తమ గ్లోబల్ మోడళ్లను భారతదేశంలో విడుదల చేయడం ద్వారా మార్కెట్‌లో తమ స్థానాన్ని మరింత బలోపేతం చేసుకోవడానికి హోండా సిద్ధమవుతోంది. ఆ 4 ముఖ్యమైన మోడళ్లు ఏమిటో వివరంగా చూద్దాం.

టయోటా ఫార్చ్యూనర్‌ అంటే భారత ఆటో మార్కెట్లో ఒక బ్రాండ్‌లా మారిపోయింది. పూర్తి-పరిమాణ SUVల్లో దానికి సరైన పోటీదారు ఇప్పటివరకు కనిపించలేదు. ఆ సైజ్‌, ఆ రోడ్ ప్రెజెన్స్‌, ఆ పవర్.. ఈ మూడు కలిసే ఫార్చ్యూనర్‌ను ఇంకా బలంగా నిలబెడతాయి. అయితే, ఈ ఏకపక్ష రాజ్యానికి త్వరలో ముగింపు వచ్చే అవకాశాలు కనిపిస్తున్నాయి. ఎందుకంటే కియా సిద్ధం చేస్తోన్న భారీ SUV సోరెంటో, ఇప్పుడు నిజంగా భారత్‌లోకి అడుగుపెట్టబోతుందనే సంకేతాలు బలంగా వినిపిస్తున్నాయి. ఇప్పటికే ప్రపంచవ్యాప్తంగా మంచి ఫ్యాన్‌బేస్ ఉన్న కియా సోరెంటో (kia Sorento) భారత మార్కెట్లో కూడా విడుదలకానుందనే ఊహాగానాలు చాలాకాలంగా ఉన్నాయి. కానీ ఇవన్నీ ఊహాగానాలగానే ఉన్నా... తాజాగా ఒక ముఖ్యమైన పరిణామం జరిగింది. మొదటిసారి కియా సోరెంటో భారత రోడ్లపై టెస్టింగ్ చేస్తూ కనిపించింది

మినీ అభిమానులు ఎప్పటినుంచో ఎదురుచూస్తున్న క్షణం వచ్చేసింది. కొత్త మినీ కూపర్ కన్వర్టిబుల్ (mini cooper convertible) భారత్‌లో అధికారికంగా మళ్లీ రాబోతోందన్న వార్త ఆటో ప్రేమికులలో పెద్ద హుషారును తీసుకొచ్చింది. నవంబర్ 19 నుంచి ఈ కాంపాక్ట్ ఓపెన్-టాప్ కారుకు బుకింగ్‌లు ప్రారంభమయ్యాయి, డిసెంబర్ 2025 నాటికి దాన్ని భారత మార్కెట్లో విడుదల చేయనున్నట్లు మినీ ఇండియా ప్రకటించింది. ఈ సెగ్మెంట్‌లో ఓపెన్-టాప్ కారు ఎంపికలు ఎంతో పరిమితంగా ఉండటంతో, కొత్త మినీ కన్వర్టిబుల్ తిరిగి ఎంట్రీని బ్రాండ్ వ్యూహాత్మకంగా ఉపయోగించుకుంటోంది. ఇప్పటికే మార్కెట్‌లో ఉన్న మినీ కూపర్ S ప్లాట్‌ఫామ్‌పై ఆధారపడి వచ్చిన ఈ కొత్త మోడల్‌ ప్రధాన ప్రత్యేకత దాని పూర్తిగా ఎలక్ట్రిక్ సాఫ్ట్ టాప్.

భారతీయ ఆటోమొబైల్ మార్కెట్‌లో ఇతర పెద్ద కంపెనీలతో పోలిస్తే తక్కువ అమ్మకాలు చేస్తున్న సిట్రోయెన్ కంపెనీ అక్టోబర్ 2025లో మాత్రం సంచలనం సృష్టించింది. ముఖ్యంగా ఎంఎస్ ధోనిని బ్రాండ్ అంబాసిడర్‌గా నియమించుకోవడం, కంపెనీ కొత్త వ్యూహాలు అమలు చేయడంతో ఫలితం కనిపించడం మొదలైంది.

స్కోడా(Skoda) ఆటోకు 2025 సంవత్సరం నిజంగానే గోల్డెన్ ఇయర్‌గా నిలుస్తోంది. చేక్ ఆటోమేకర్ భారత మార్కెట్లో కొత్త ఉత్సాహాన్ని, కొత్త దిశను సృష్టించుకోవడంలో విజయవంతమైంది. ఈ సంవత్సరం తొలి పది నెలల్లోనే స్కోడా అద్భుతమైన అమ్మకాల ప్రగతిని నమోదు చేసింది. జనవరి నుండి అక్టోబర్ 2025 మధ్య మొత్తం 61,607 యూనిట్లు అమ్ముడవడం బ్రాండ్ చరిత్రలోనే అత్యధిక రికార్డు. ఇంకా క్యాలెండర్ సంవత్సరానికి రెండు నెలల సమయం మిగిలి ఉండగానే, ఇది 2022లో నెలకొల్పిన 53,721 యూనిట్ల పూర్తి సంవత్సర రికార్డును సులభంగా అధిగమించడం గమనార్హం. స్కోడా బ్రాండ్‌కు భారత ఆటోమొబైల్ మార్కెట్లో మరింత బలమైన స్థానం ఏర్పడుతోందనే సంకేతాన్ని ఈ గణాంకాలు స్పష్టంగా తెలియజేస్తున్నాయి.

భారతదేశంలో ఇప్పుడు ఎక్కువగా అమ్ముడవుతున్న సెగ్మెంట్ ఏదైనా ఉందంటే అది మిడ్-సైజ్ SUV సెగ్మెంటే.. ఈ సెగ్మెంట్‌కు ఉన్న క్రేజ్ అంతా ఇంతా కాదు. అందుకే, మహీంద్రా, టాటా, రెనాల్ట్, నిస్సాన్ వంటి పెద్ద కంపెనీలు తమ కొత్త మోడళ్లను ఈ సెగ్మెంట్‌లో విడుదల చేయడానికి సిద్ధమవుతున్నాయి. రాబోయే 3-4 నెలల్లో మార్కెట్‌లోకి రాబోతున్న ఈ 4 కార్లు ప్రజల్లో భారీ అంచనాలను పెంచాయి. ఈ కార్లలో ఏముంది? ఈ పోటీ ఎలా ఉండబోతుందో వివరంగా తెలుసుకుందాం.

టాటా మోటార్స్ SUV లైనప్‌లో హారియర్‌కి ఉన్న క్రేజ్‌ నిజంగా వేరే స్థాయిలో ఉంటుంది. 2019లో మార్కెట్లోకి వచ్చిన ఈ మిడ్-సైజ్ SUV అప్పటి నుండి స్టైల్, రోడ్డు ప్రెజెన్స్, సేఫ్టీ, పనితనంతో ఆకట్టుకుంటుంది. అభిమానులు దీన్ని ప్రేమగా దేశీ రేంజ్ రోవర్ అని పిలవడం కూడా ఈ కారుకు ఉన్న మరొక ప్రత్యేక గుర్తింపు. తాజాగా ఈ ప్రముఖ SUV ఒక కీలక మైలురాయిని చేరి, టాటా లైనప్‌లో తన స్థాయిని మరింత బలంగా నిరూపించుకుంది. మొదటిసారి హారియర్‌ను 2019లో రిలీజ్ చేసినప్పుడు ఇది మిడ్-సైజ్ SUV సెగ్మెంట్‌లోనే కఠినమైన పోటీ ఎదుర్కొన్నా, ప్రతి ఏడాది దీని ప్రెజెన్స్ పెరుగుతూనే వచ్చింది. ఇప్పుడు, అత్యంత గర్వించదగ్గ ఘనతగా హారియర్ మొత్తం 1.50 లక్షల యూనిట్ల అమ్మకాలను దాటింది.

మారుతి సుజుకి నుంచి మార్కెట్లో దూసుకుపోతున్న ప్రముఖ SUV లలో బ్రెజా (Maruti Suzuki Brezza) ఒకటి. దీని ధర రూ. 8.26 లక్షల నుంచి రూ. 13 లక్షల (ఎక్స్-షోరూమ్) మధ్య ఉన్నప్పటికీ, ప్రతినెలా మంచి అమ్మకాలు నమోదు చేస్తూ వినియోగదారుల ఫేవరెట్ కార్‌గా నిలిచింది. అంతా అనుకున్నట్లు జరిగితే 2026లో ఈ బ్రెజా సరికొత్త రూపంలో మార్కెట్‌లోకి రాబోతోంది. ఇందుకోసం కంపెనీ ఇప్పటికే రహస్యంగా టెస్టింగ్‌లు ప్రారంభించింది. కొత్త బ్రెజా గురించి మరిన్ని వివరాలు తెలుసుకుందాం.

భారత ఎలక్ట్రిక్ వాహన మార్కెట్ వేగంగా మారిపోతోంది. ఒకప్పుడు ఈ విభాగంలో టాటా మోటార్స్ ఒక్కదాని ఆధిపత్యం నడిపితే, ఇప్పుడు ఆ పరిస్థితి పూర్తిగా మారిపోయింది. కొత్తగా రంగంలోకి వచ్చిన కంపెనీలు, ముఖ్యంగా JSW MG మోటార్ ఇండియా, కేవలం ఒకే మోడల్‌తో మార్కెట్‌ వ్యవస్థనే తారుమారు చేస్తున్నాయి. ఆ మోడల్‌ మరెవరో కాదు... ఇటీవలి కాలంలో దేశ వ్యాప్తంగా EV కొనుగోలుదారుల మనసుల్ని గెలుచుకున్న MG విండ్సర్ EV. ఇండియన్ మార్కెట్‌లో EV సెగ్మెంట్‌ను రీడిఫైన్ చేసిన ఈ క్రాస్‌ఓవర్ యుటిలిటీ వాహనం అమ్మకాల విషయంలో నిజంగా కొత్త చరిత్ర రాసింది. కేవలం 400 రోజుల్లోనే 50,000 యూనిట్లు అమ్ముడవడం భారతీయ ఎలక్ట్రిక్ కార్ల ప్రపంచంలో అరుదైన ఘనత సాధించింది.