భారతదేశ ఆటోమొబైల్ రంగంలో 2025 సంవత్సరం ఒక చారిత్రక మార్పుకు సాక్ష్యంగా నిలిచింది. ఎలక్ట్రిక్ వాహన మార్కెట్లో ఏళ్ల తరబడి ఏకఛత్రాధిపత్యం వహించిన టాటా మోటార్స్‌కు ఎంజీ మోటార్ ఇండియా కోలుకోలేని దెబ్బ కొట్టింది. కేవలం ఒకే ఒక్క కారు.. అది ఎంజీ విండ్‌సర్ (MG Windsor).

మారుతి సుజుకి బ్రెజ్జా (maruti suzuki brezza) భారతీయ ఆటోమొబైల్ మార్కెట్‌లో ఒక కాంపాక్ట్ SUV మాత్రమే కాదు... ప్రతి కుటుంబానికి పరిచయమైన ఇంటి పేరులా మారిపోయింది. స్టైలిష్ డిజైన్, విశ్వసనీయత, తక్కువ మెయింటెనెన్స్ ఖర్చులు, మారుతి సుజుకి బ్రాండ్‌పై ఉన్న నమ్మకం ఇవన్నీ కలసి బ్రెజ్జాను సంవత్సరాలుగా కొనుగోలుదారుల తొలి ఎంపికగా నిలిపాయి. అందుకే ఈ కారుకు డిమాండ్ రోజురోజుకూ మరింత బలపడుతూ వస్తోంది. ఈ పెరుగుతున్న డిమాండ్‌కు తాజా సాక్ష్యం డిసెంబర్ 2025 అమ్మకాల గణాంకాలు. గత నెలలో మాత్రమే మారుతి సుజుకి బ్రెజ్జా మొత్తం 17,700 యూనిట్లు వినియోగదారులకు విజయవంతంగా డెలివరీ చేయబడ్డాయి.

బెంగళూరుకు చెందిన ప్రముఖ ఎలక్ట్రిక్ వాహనాల తయారీ సంస్థ సింపుల్ ఎనర్జీ (Simple Energy) భారత మార్కెట్లో సంచలనం సృష్టించింది. తన సెకండ్ జనరేషన్ ఎలక్ట్రిక్ స్కూటర్లను లాంచ్ చేస్తూ, దేశంలోనే ఎన్నడూ లేని విధంగా ఒకే ఛార్జ్‌తో ఏకంగా 400 కిలోమీటర్లు ప్రయాణించే సింపుల్ అల్ట్రా వేరియంట్‌ను పరిచయం చేసింది. రేంజ్ విషయంలో భయపడే ఎలక్ట్రిక్ వాహనదారులకు ఇది ఒక పెద్ద ఊరట అని చెప్పవచ్చు.

మహీంద్రా అండ్ మహీంద్రా తన సత్తా ఏంటో మరోసారి నిరూపించుకుంది. ఇండియన్ రోడ్లపై రారాజుగా వెలుగుతున్న XUV700ని సరికొత్త హంగులతో, సరికొత్త పేరుతో మార్కెట్లోకి తీసుకొచ్చింది. అదే మహీంద్రా XUV 7XO. ఇటీవల విడుదలైన XUV 3XO బాటలోనే, ఈ సరికొత్త ఫేస్‌లిఫ్ట్ వెర్షన్ ఇప్పుడు మరింత స్టైలిష్‌గా, టెక్నాలజీ పరంగా నెక్స్ట్ లెవల్‌లో కనిపిస్తోంది. రూ.13.66 లక్షల ప్రారంభ ధరతో (ఎక్స్‌షోరూమ్) వచ్చిన ఈ కారు, మిడ్-సైజ్ ఎస్‌యూవీ సెగ్మెంట్‌లో ప్రకంపనలు సృష్టించడం ఖాయం.

భారతీయ ద్విచక్ర వాహన మార్కెట్‌లో యమహా మోటార్స్ కంపెనీ ఎల్లప్పుడూ కస్టమర్లకు ఓ ఎమోషన్ అని చెప్పొచ్చు. పాతతరం RX 100 నుంచి నేటి మోడ్రన్ R15 వరకు, ఈ సంస్థ అందించిన ప్రతి బైక్ భారతీయ యూత్‎ను విశేషంగా ఆకర్షించింది. అయితే, చాలా కాలంగా యువకులు ఎదురుచూస్తున్న పక్కా రెట్రో స్టైల్ బైక్ కోరికను తీరుస్తూ యమహా XSR 155 2025 నవంబర్ 11న భారత మార్కెట్లోకి అడుగుపెట్టింది.

భారతీయ చలనచిత్ర పరిశ్రమలో లేడీ సూపర్ స్టార్‌గా గుర్తింపు పొందిన మంజు వారియర్ (Manju Warrier), సోషల్ మీడియాలో చేసే ప్రతి పోస్ట్‌తోనూ అభిమానుల దృష్టిని ఆకర్షిస్తుంటారు. ఆమె ఏదైనా ఫోటో లేదా వీడియో షేర్ చేసినా క్షణాల్లోనే అది వైరల్‌గా మారడం సాధారణమే. ఈసారి కూడా అదే జరిగింది. తాజాగా మంజు వారియర్ తన సోషల్ మీడియా ఖాతాలో BMW R 1250 GS అనే ప్రీమియం అడ్వెంచర్ బైక్‌ను నడుపుతున్న వీడియోను పోస్ట్ చేయడంతో, అది అభిమానులతో పాటు బైక్ ప్రేమికుల్లో కూడా భారీ ఉత్సాహాన్ని కలిగించింది. వీడియోలో మంజు వారియర్ పూర్తి స్టైలిష్ రైడింగ్ గేర్ ధరించి, ఎంతో ఆత్మవిశ్వాసంతో బైక్‌ను నడుపుతున్నట్లు స్పష్టంగా కనిపిస్తుంది.

మారుతి సుజుకి (maruti suzuki) ప్రస్తుతం భారత ఆటోమొబైల్ మార్కెట్‌లో నంబర్ 1 బ్రాండ్‌గా తన ఆధిపత్యాన్ని కొనసాగిస్తోంది. చౌక ధర కార్ల నుంచి ప్రీమియం సెగ్మెంట్ మోడళ్ల వరకు, విభిన్న అవసరాలు, బడ్జెట్‌లకు సరిపోయే వాహనాలను అందించడం ద్వారా మారుతి సుజుకి దేశవ్యాప్తంగా కోట్లాది వినియోగదారుల నమ్మకాన్ని గెలుచుకుంది. అందుకే ప్రతి నెలా మారుతి సుజుకి కార్లు రికార్డు స్థాయిలో అమ్ముడవుతుండటం ఆశ్చర్యం కాదు. ఈ విజయ గాథలో ప్రత్యేకంగా చెప్పుకోవాల్సిన కారు మారుతి సుజుకి స్విఫ్ట్ (maruti suzuki swift). భారత మధ్యతరగతి కుటుంబాలకు ఇది ఒక ఫేవరెట్ హ్యాచ్‌బ్యాక్‌గా మారిపోయింది. స్టైలిష్ డిజైన్, యువతను ఆకట్టుకునే లుక్స్, ఆధునిక ఫీచర్లు, ప్రయాణికులకు ఇచ్చే సౌకర్యం ఇవన్నీ కలసి స్విఫ్ట్‌ను ఒక సంపూర్ణ ప్యాకేజీగా నిలబెట్టాయి.

బైక్ కొనేందుకు షోరూమ్‌ల చుట్టూ తిరిగే రోజులు పోయాయి. స్మార్ట్‌ఫోన్‌లో ఒక్క క్లిక్ చేస్తే చాలు.. ఇంటి ముందుకే బైక్ వచ్చే కాలం వచ్చేసింది. లెజెండరీ బైక్ తయారీ సంస్థ జావా యెజ్డీ మోటార్‌సైకిల్స్ (Jawa Yezdi Motorcycles) తన విక్రయాల్లో సరికొత్త విప్లవాన్ని తెచ్చింది.

మారుతి సుజుకి డిజైర్ (maruti suzuki dzire) భారతదేశంలోనే కాదు, ప్రపంచవ్యాప్తంగా కూడా మంచి గుర్తింపు పొందిన సెడాన్ కారుగా తనకంటూ ప్రత్యేక స్థానం సంపాదించుకుంది. స్టైల్, విశ్వసనీయత, మైలేజ్, తక్కువ మెయింటెనెన్స్ ఖర్చులు కలగలిపిన ఈ కారు, కుటుంబ వినియోగదారుల నుంచి ఫ్లీట్ ఆపరేటర్ల వరకు అందరి అభిరుచికి తగిన మోడల్‌గా నిలిచింది. అందుకే సంవత్సరాలు గడిచినా డిజైర్ డిమాండ్ ఏమాత్రం తగ్గకుండా కొనసాగుతోంది. ఈ స్థిరమైన ఆదరణ 2025 చివరి నెలల్లో కూడా స్పష్టంగా కనిపించింది. గత నెల అయిన డిసెంబర్ 2025లో మారుతి సుజుకి డిజైర్ మొత్తం 19,100 యూనిట్లను వినియోగదారులకు డెలివరీ చేయడం విశేషం.

భారత ఆటోమొబైల్ రంగంలో పెను సంచలనం నమోదైంది. గత దశాబ్ద కాలంగా మారుతి సుజుకి తర్వాత రెండో స్థానం కోసం టాటా మోటార్స్, హ్యుందాయ్ మధ్యే హోరాహోరీ పోరు సాగేది. కానీ 2025 క్యాలెండర్ ఇయర్ ముగిసే సమయానికి అసలు ఊహించని విధంగా దేశీయ దిగ్గజం మహీంద్రా అండ్ మహీంద్రా (Mahindra & Mahindra) రెండో స్థానాన్ని కైవసం చేసుకుని చరిత్ర సృష్టించింది. హ్యుందాయ్, టాటాలకు భారీ షాక్ ఇస్తూ మహీంద్రా సాధించిన ఈ విజయం ఇప్పుడు దేశవ్యాప్తంగా చర్చనీయాంశమైంది.

భారతదేశ స్కూటర్ మార్కెట్‌లో ఎవరు రాజు అంటే, చాలా మందికి వెంటనే గుర్తుకు వచ్చే పేరు హోండా (Honda). ముఖ్యంగా హోండా యాక్టివా స్కూటర్ ఈ విజయానికి ప్రధాన పునాది. గత కొన్ని సంవత్సరాలుగా భారత మార్కెట్లో అత్యధికంగా అమ్ముడవుతున్న స్కూటర్‌గా యాక్టివా తన స్థానాన్ని నిలబెట్టుకుంటూ వస్తోంది. ప్రతి నెలా లక్షల సంఖ్యలో యాక్టివా స్కూటర్లు విక్రయమవుతుండటమే హోండా బ్రాండ్‌కు ఉన్న నమ్మకానికి, ఆదరణకు నిదర్శనం. ఫ్యామిలీ వినియోగదారుల నుంచి యువత వరకు యాక్టివా ఒక సేఫ్ అండ్ రిలయబుల్ ఎంపికగా మారిపోయింది.

భారతదేశపు గర్వకారణమైన స్వదేశీ టూ-వీలర్ తయారీ సంస్థ టీవీఎస్ మోటార్స్(TVS Motor Company) రికార్డుల మీద రికార్డులు సృష్టిస్తూ తన విజయయాత్రను కొనసాగిస్తోంది. 2025-26 ఆర్థిక సంవత్సరం మూడవ త్రైమాసికంలో కంపెనీ నమోదు చేసిన ఫలితాలు చూస్తుంటే, ఇతర దిగ్గజ సంస్థలకు కూడా చెమటలు పట్టేలా ఉన్నాయి. ఏకంగా 15.44 లక్షల వాహనాలను విక్రయించి, టీవీఎస్ తన చరిత్రలోనే కనీవినీ ఎరుగని ఆల్ టైమ్ హై అమ్మకాలను నమోదు చేసింది.

సుజుకి మోటార్‌సైకిల్స్ ఇండియా భారతదేశంలో స్కూటర్ విభాగంలో తనదైన ఆధిపత్యాన్ని కొనసాగిస్తూ, 2025 డిసెంబర్ నెలలో అద్భుతమైన అమ్మకాల ప్రదర్శనను నమోదు చేసింది. ఈ కంపెనీ తాజాగా విడుదల చేసిన గణాంకాల ప్రకారం, డిసెంబర్ 2025లో సుజుకి మొత్తం 1,22,366 ద్విచక్ర వాహనాలను తయారు చేసి విక్రయించింది. ఇందులో 97,823 వాహనాలు దేశీయ మార్కెట్‌లో అమ్ముడవగా, మిగిలిన 24,543 వాహనాలు విదేశీ మార్కెట్లకు ఎగుమతి అయ్యాయి. ఈ సంఖ్యలు సుజుకి ఉత్పత్తులు దేశంలోనే కాదు, అంతర్జాతీయ మార్కెట్లలో కూడా ఎంతటి డిమాండ్‌ను సంపాదించుకున్నాయో స్పష్టంగా చూపిస్తున్నాయి. గత ఏడాది అదే నెలతో పోలిస్తే ఈ వృద్ధి మరింత విశేషంగా కనిపిస్తుంది.

మారుతి సుజుకి నుంచి వచ్చిన ఫ్యామిలీ ఫేవరెట్ కార్ బలేనో(Maruti Baleno) మరోసారి తన విశ్వరూపాన్ని చూపించింది. 2025 డిసెంబర్‌లో ఊహించని రీతిలో అమ్మకాల్లో అగ్రస్థానానికి చేరుకుని అందరినీ ఆశ్చర్యపరిచింది. కేవలం ఒక్క నెలలోనే వేల సంఖ్యలో కార్లు అమ్ముడవ్వడం వెనుక బలమైన కారణాలు ఉన్నాయి. అవేంటో అలాగే ఈ కారులో ఉన్న ప్రత్యేకతలు ఏంటో వివరంగా తెలుసుకుందాం.

టాటా మోటార్స్ తన ఫ్లాగ్‌షిప్ ఎస్‌యూవీ టాటా నెక్సాన్ (Tata Nexon)తో భారతీయ రోడ్లపై తిరుగులేని సామ్రాజ్యాన్ని ఏలుతోంది. 2025 సంవత్సరం ఆరంభం నుంచి ముగింపు వరకు అమ్మకాల్లో నెంబర్ 1 స్థానాన్ని కాపాడుకుంటూ వస్తున్న నెక్సాన్, డిసెంబర్ 2025లో కూడా తన జోరును కొనసాగించింది. కేవలం గడిచిన ఒక్క నెలలోనే సుమారు 19,400 యూనిట్లు అమ్ముడయ్యాయంటే, ఈ కారుపై జనాలకు ఉన్న నమ్మకం ఏపాటిదో అర్థం చేసుకోవచ్చు.

మారుతి సుజుకి నుంచి వచ్చిన సరికొత్త ఎస్‌యూవీ విక్టోరిస్(Victoris) ఇండియన్ ఆటోమొబైల్ మార్కెట్లో ప్రకంపనలు సృష్టిస్తోంది. తక్కువ ధరలో ఎక్కువ క్వాలిటీని కోరుకునే సామాన్యుడికి ఈ కారు ఒక వరంగా మారింది. కేవలం కొద్ది నెలల వ్యవధిలోనే 70,000 కంటే ఎక్కువ బుకింగ్స్ సాధించి, మారుతి చరిత్రలో సరికొత్త అధ్యాయాన్ని లిఖించింది.

ప్రస్తుత రోజుల్లో కారు కొనడం అనేది ఒక విలాసం మాత్రమే కాదు, అవసరం కూడా. అయితే సామాన్యుడు కారు కొనేటప్పుడు ప్రధానంగా చూసేది తక్కువ ధర, ఎక్కువ నాణ్యత, భద్రత. ఈ మూడింటి కలయికతో హోండా కార్స్ ఇండియా సరికొత్త వ్యూహంతో ముందుకు వస్తోంది. 2030 నాటికి 10 కొత్త కార్లను లాంచ్ చేస్తామని ప్రకటించిన హోండా, అందులో సామాన్యుడి బడ్జెట్‌కు సరిపోయేలా 7 ఎస్‌యూవీలను తీసుకురాబోతోంది. అమ్మకాలు తగ్గుతున్నా.. క్వాలిటీ విషయంలో రాజీ పడకూడదనే పట్టుదలతో హోండా ఉంది.

మారుతి సుజుకి తన మొట్టమొదటి ఎలక్ట్రిక్ ఎస్‌యూవీ ఇ-విటారా(e-Vitara)తో భారత ఆటోమొబైల్ రంగంలో కొత్త చరిత్ర సృష్టించేందుకు సిద్ధమైంది. ఇప్పటికే యూరప్ మార్కెట్లలో మేడ్ ఇన్ ఇండియా ట్యాగ్‌తో సంచలనం సృష్టిస్తున్న ఈ కారు, అతి త్వరలో మన దేశీ రోడ్లపై కూడా సందడి చేయబోతోంది. గుజరాత్‌లోని హన్సల్‌పూర్ ప్లాంట్ నుంచి ఎగుమతి అవుతున్న ఈ కారు, గ్లోబల్ మార్కెట్‌లో మారుతి సత్తాను చాటిచెబుతోంది.

టాటా మోటార్స్ తన సంచలన మైక్రో ఎస్‌యూవీ టాటా పంచ్ (Tata Punch) ఫేస్‌లిఫ్ట్ వెర్షన్‌ను మార్కెట్లోకి వదలడానికి ముహూర్తం ఖరారు చేసింది. ఇప్పటికే మార్కెట్లో దుమ్మురేపుతున్న పంచ్‌ను ఇప్పుడు మరింత స్టైలిష్‌గా, అడ్వాన్సుడ్ ఫీచర్లతో జనవరి 13, 2026న అధికారికంగా విడుదల చేయబోతున్నారు. నానో రేంజ్ ధరకే ఒక గట్టి ఎస్‌యూవీని అందించాలనే లక్ష్యంతో టాటా ఈ కొత్త వెర్షన్‌ను సిద్ధం చేసింది.

మారుతి సుజుకి ఫ్రాంక్స్ (maruti suzuki fronx) మొదటి చూపులోనే స్టైలిష్‌గా కనిపించే కారు. డిజైన్ విషయంలో మారుతి నుంచి వచ్చే కార్లు సాధారణంగా ప్రాక్టికల్‌గా ఉంటాయనే అభిప్రాయం ఉన్నప్పటికీ, ఫ్రాంక్స్ ఆ ఇమేజ్‌ను మరింత అప్‌గ్రేడ్ చేసింది. స్పోర్టీ లుక్స్‌తో పాటు ప్రీమియం టచ్‌ను కలిగి ఉండటం వల్ల ఈ కారు యువతను మొదటినుంచే ఆకర్షించింది. మారుతి బ్రాండ్‌కు భారతదేశంలో ఉన్న విశాలమైన గుర్తింపు, నమ్మకం కూడా ఫ్రాంక్స్ విజయానికి పెద్దగా దోహదపడింది. మారుతి బాలెనో తరువాత, అదే బ్రాండ్ నుంచి వచ్చిన మరో ప్రీమియం కారు ఇంత స్థాయిలో డిమాండ్‌ను సొంతం చేసుకోవడం అనేది చిన్న విషయం కాదు. బాలెనో సాధించిన విజయానికి కొనసాగింపుగా, ఫ్రాంక్స్ కూడా అదే మార్గంలో ముందుకు సాగుతూ మార్కెట్లో తనకంటూ ప్రత్యేక స్థానం ఏర్పరుచుకుంది.

2025 సంవత్సరం ముగిసిన నేపథ్యంలో భారతదేశంలోని అన్ని ప్రధాన ఆటోమొబైల్ తయారీ సంస్థలు తమ వార్షిక అమ్మకాల గణాంకాలను ఒక్కొక్కటిగా విడుదల చేస్తున్నాయి. ఈ గణాంకాలు దేశీయ ఆటో మార్కెట్‌లోని వినియోగదారుల అభిరుచులు, ట్రెండ్స్, బ్రాండ్‌ల బలం ఏ స్థాయిలో ఉందో స్పష్టంగా చూపిస్తున్నాయి. ఈ నేపథ్యంలో మరోసారి ఒక విషయం తేటతెల్లమైంది. భారతదేశంలో అత్యధిక కార్లను విక్రయించిన సంస్థగా మారుతి సుజుకి తన ఆధిపత్యాన్ని 2025లో కూడా కొనసాగించింది. మారుతి సుజుకి విజయంలో కీలక పాత్ర పోషించిన మోడళ్లలో వ్యాగన్ ఆర్ ప్రత్యేకంగా చెప్పుకోవాలి. గత కొన్ని సంవత్సరాలుగా భారత మార్కెట్లో స్థిరమైన డిమాండ్‌ను కలిగి ఉన్న ఈ హ్యాచ్‌బ్యాక్, 2025 సంవత్సరంలో కూడా అదే స్థాయిలో వినియోగదారుల ఆదరణను పొందింది.

దక్షిణ కొరియా వాహన తయారీ దిగ్గజం హ్యుందాయ్ (hyundai), భారత మార్కెట్‌లో మారుతున్న ట్రెండ్‌ను సమయానికి అర్థం చేసుకుంది. ఒకప్పుడు హ్యాచ్‌బ్యాక్‌లు, సెడాన్‌లే అమ్మకాలలో ప్రధాన పాత్ర పోషించినా, ఆ యుగం క్రమంగా ముగింపు దశకు చేరుతోందని కంపెనీ స్పష్టంగా గ్రహించింది. వినియోగదారుల అభిరుచులు SUVల వైపు వేగంగా మారుతున్న నేపథ్యంలో, హ్యుందాయ్ కూడా తన వ్యూహాన్ని మార్చుకుని అత్యంత లాభదాయకమైన SUV సెగ్మెంట్‌పై ఎక్కువ దృష్టి పెట్టడం ప్రారంభించింది. ఈ నిర్ణయమే కంపెనీకి ఆదాయ పరంగా బలాన్నిచ్చిన కీలక అంశంగా మారింది. డిసెంబర్ 2025 అమ్మకాల గణాంకాలు విడుదలైన తర్వాత, హ్యుందాయ్ ఆర్థిక సంవత్సరం ముగింపును ఒక మోస్తరు సంతృప్తికర నోట్‌తో ముగించగలిగినట్టు కనిపిస్తోంది.

భారతదేశంలో స్పోర్ట్స్ మోటార్‌సైకిల్ సెగ్మెంట్‌ను కొత్త దిశలో నడిపించిన బ్రాండ్‌గా బజాజ్ పల్సర్‌ (Bajaj Pulsar)కు ప్రత్యేక గుర్తింపు ఉంది. ఒకప్పుడు దేశీయ మార్కెట్‌లో కమ్యూటర్ బైక్‌లే ప్రధానంగా ఉన్న సమయంలో, పవర్, స్టైల్, పనితీరును కలిపిన స్పోర్టీ మోటార్‌సైకిల్‌ను సామాన్య యువతకు చేరువ చేసిన ఘనత పల్సర్‌కే దక్కుతుంది. ఆకర్షణీయమైన డిజైన్, బలమైన ఇంజిన్, దూకుడు పనితీరు కలయికతో పల్సర్ క్రమంగా యువత కలల బైక్‌గా మారింది. కాలక్రమేణా కస్టమర్ల అభిరుచులు మారుతున్నప్పటికీ, బజాజ్ పల్సర్ కూడా అదే వేగంతో తనను తాను మార్చుకుంటూ వచ్చింది. కొత్త టెక్నాలజీ, మెరుగైన ఇంజిన్ ట్యూనింగ్, ఆధునిక ఫీచర్లు, అగ్రెసివ్ డిజైన్ అప్‌డేట్స్ ఇవన్నీ పల్సర్‌ను మార్కెట్లో ఎప్పటికప్పుడు తాజాగా ఉంచాయి.

ఇటీవలి కాలం వరకు భారతదేశంలో అత్యంత చౌకైన కారు అన్న బిరుదు మారుతి సుజుకి ఆల్టోకే దక్కేది. ఎన్నో సంవత్సరాల పాటు మిడిల్ క్లాస్ కుటుంబాల తొలి కారు ఆల్టోనే. అయితే కొత్త GST సంస్కరణల తర్వాత పరిస్థితి మారింది. ధరల పునర్వ్యవస్థీకరణ నేపథ్యంలో, మారుతి సుజుకి పోర్ట్‌ఫోలియోలోని మరో వాహనం ఆ కిరీటాన్ని తనదిగా చేసుకుంది. అది మరెవరో కాదు - మైక్రో-SUV స్టైల్‌లో వచ్చే మారుతి సుజుకి S-ప్రెస్సో. డిజైన్ పరంగా చూసుకుంటే, S-ప్రెస్సో పూర్తిగా నగర వినియోగాన్ని దృష్టిలో పెట్టుకుని రూపొందించిన కారుగా కనిపిస్తుంది. చిన్న సైజ్, స్క్వేర్ డిజైన్, ఎత్తైన బాడీ స్టాన్స్ వల్ల ఇది ట్రాఫిక్‌తో నిండిపోయే నగర రోడ్లపై నడపడం చాలా సులభం.

ప్రస్తుతం భారతదేశంలోనే కాదు, ప్రపంచవ్యాప్తంగా కూడా కార్ మార్కెట్‌లో ఒక స్పష్టమైన మార్పు కనిపిస్తోంది. ఒకప్పుడు మిడిల్ క్లాస్ కుటుంబాల మొదటి ఎంపికగా ఉన్న సెడాన్ కార్లు ఇప్పుడు క్రమంగా వెనక్కి నెట్టబడుతున్నాయి. దీనికి ప్రధాన కారణం కస్టమర్ల అభిరుచులు పూర్తిగా SUVల వైపు మళ్లడం. ఎత్తైన గ్రౌండ్ క్లియరెన్స్, రఫ్ రోడ్లపై మెరుగైన డ్రైవింగ్ అనుభవం, మస్క్యులర్ లుక్, అలాగే పెద్ద కారు అన్న భావన.. ఇవన్నీ SUVలను ప్రజల మనసుకు దగ్గర చేస్తున్నాయి. ఈ మారుతున్న ట్రెండ్‌ను కార్ కంపెనీలు కూడా వేగంగా గుర్తించాయి. అందుకే గత కొన్నేళ్లుగా మార్కెట్లోకి వస్తున్న కొత్త మోడళ్లలో ఎక్కువ శాతం SUVలు లేదా SUV స్టైల్ వాహనాలే. కాంపాక్ట్ SUV, మిడ్-సైజ్ SUV, ఫుల్ సైజ్ SUV అంటూ ప్రతి సెగ్మెంట్‌లో కంపెనీలు పోటీగా మోడళ్లను విడుదల చేస్తున్నాయి.