ఈ కారు కోసం 50 వేల మంది లైన్లో ఉన్నారు

ప్రముఖ ఆటోమొబైల్ దిగ్గజం హ్యుందాయ్ మోటార్ ఇండియా (Hyundai Motor India) తన పాపులర్ ఎస్‌యూవీ వెన్యూ(Venue)లో సరికొత్త సంచలనానికి తెరలేపింది. భారత మార్కెట్లో వెన్యూకు పెరుగుతున్న డిమాండ్‌ను దృష్టిలో ఉంచుకుని, కంపెనీ తాజాగా HX5+ అనే కొత్త వేరియంట్‌ను మార్కెట్లోకి విడుదల చేసింది.

మధ్యతరగతి SUV కల నిజమైంది! కొత్త కియా సెల్టోస్ పూర్తి సమాచారం

దక్షిణ కొరియా వాహన దిగ్గజం కియా కొత్త తరం సెల్టోస్‌ను (New Generation Kia Seltos) నూతన సంవత్సర సందర్బంగా భారత మార్కెట్లో పరిచయం చేసింది. ఈ SUV ఇప్పుడు మధ్యతరగతి కుటుంబాల కలను నిజం చేయబోతోంది. ప్రారంభ ఎక్స్ షోరూమ్ ధర కేవలం రూ.10.99 లక్షలుగా ఉండగా, టాప్ ఎండ్ వేరియంట్ ధర రూ.19.99 లక్షల వరకు ఉంటుంది. కియా సెల్టోస్ కొత్త డిజైన్, ఫీచర్లు, పర్ఫార్మెన్స్‌తో ప్రీమియం ఫీల్ ఇస్తుంది. ఇప్పటికే కంపెనీ రూ.25,000 టోకెన్ అమౌంట్‌తో బుకింగ్స్ ప్రారంభించింది. కియా ప్రణాళిక ప్రకారం, జనవరి రెండో వారంలో తొలి డెలివరీలు వినియోగదారులకు అందజేయబడతాయి. కొత్త సెల్టోస్ ధరల పొరపాటు లేకుండా ఆకర్షణీయంగా, మధ్యతరగతి వాహన ప్రేమికులకు సరైన అవకాశం అని కియా తెలిపింది. కియా కొత్త SUV మార్కెట్‌లోకి దూకుడుగా ప్రవేశించి, పోటీని సవాల్ చేస్తుందని పరిశ్రమ విశ్లేషకులు అభిప్రాయపడుతున్నారు.

పేదలు కూడా కొనేంత తక్కువ ధరకే కారు

మారుతి సుజుకి ఇండియా (maruti suzuki india) దేశీయ ఆటోమొబైల్ రంగంలో తనకంటూ ఓ ప్రత్యేక గుర్తింపును సంపాదించుకున్న ప్రముఖ తయారీ సంస్థగా నిలిచింది. సంవత్సరాలు మారుతున్నా, మార్కెట్ పరిస్థితులు ఎలాంటి మార్పులకు లోనవుతున్నా, మారుతి కార్లకు ఉండే డిమాండ్ మాత్రం ఏమాత్రం తగ్గడం లేదు. ప్రతి నెలా కంపెనీ అమ్మకాలు స్థిరంగా సాగుతుండటం మాత్రమే కాదు, చాలాసార్లు అంచనాలను మించి రికార్డు స్థాయిలో నమోదవుతున్నాయి. కస్టమర్లు మారుతి బ్రాండ్‌పై ఉంచుకున్న నమ్మకమే దీనికి ప్రధాన కారణంగా చెప్పుకోవచ్చు. డిసెంబర్ 2025లో కూడా ఇదే ట్రెండ్ కొనసాగింది. మారుతి సుజుకి విక్రయాల్లో అనేక మోడళ్లకు మంచి ఆదరణ ఉన్నప్పటికీ, వాటిలో 'ఈకో' MPVకి ఒక ప్రత్యేక స్థానం ఉందనే విషయం ఎవరూ ఖండించలేరు.

రాయల్ ఎన్‌ఫీల్డ్ గల్లా పెట్టె నిండిపోతుంది

చెన్నై అంటే టక్కున గుర్తొచ్చే ఐకానిక్ బ్రాండ్ రాయల్ ఎన్‌ఫీల్డ్ (Royal Enfield). గంభీరమైన శబ్దం, క్లాసిక్ లుక్.. ఈ బైక్ అంటే భారతీయులకు ఒక ఎమోషన్. తాజాగా డిసెంబర్ 2025 నెల అమ్మకాల గణాంకాలు విడుదలయ్యాయి. సవాళ్లతో కూడిన మార్కెట్ పరిస్థితుల్లో కూడా ఈ చెన్నై బైక్ కంపెనీ సంచలన వృద్ధిని నమోదు చేసింది. కేవలం ఒక్క నెలలోనే లక్షకు పైగా బైక్‌లను విక్రయించి రికార్డు సృష్టించింది. ముఖ్యంగా యువతను ఆకర్షించే 350సీసీ సెగ్మెంట్లో ఎన్‌ఫీల్డ్ దూకుడుకు అడ్డులేకుండా పోతోంది.
Advertisement

ప్రత్యర్థులకు చుక్కలు చూపించిన రతన్ టాటా కంపెనీ

టాటా మోటార్స్ (tata motors) ప్యాసింజర్ వెహికల్ లిమిటెడ్ 2025 డిసెంబర్ నెలలో కూడా తన బలమైన మార్కెట్ స్థితిని స్పష్టంగా చూపించింది. ఈ నెలలో దేశీయంగా టాటా మొత్తం 50,046 ప్యాసింజర్ కార్లను విక్రయించినట్లు కంపెనీ ప్రకటించింది. గత సంవత్సరం డిసెంబర్ 2024లో నమోదైన 44,230 యూనిట్లతో పోలిస్తే ఇది 13.1 శాతం వృద్ధిని సూచిస్తుంది. పెరుగుతున్న పోటీ మధ్య కూడా ఇలాంటి వృద్ధిని నమోదు చేయడం టాటా బ్రాండ్‌పై వినియోగదారుల నమ్మకం ఇంకా బలంగా కొనసాగుతోందని తెలియజేస్తోంది. దేశీయ అమ్మకాలతో పాటు ఎగుమతులను కూడా కలిపితే, డిసెంబర్ 2025లో టాటా మోటార్స్ మొత్తం 50,519 ప్యాసింజర్ వాహనాలను విక్రయించింది. ఇది గత ఏడాది ఇదే నెలలో నమోదైన 44,289 యూనిట్లతో పోలిస్తే స్పష్టమైన పెరుగుదల.

ఆడి సక్సెస్ సీక్రెట్ ఇదేనా?

లగ్జరీ కార్ల ప్రపంచంలో జర్మన్ దిగ్గజం ఆడి (Audi) తనదైన శైలిలో దూసుకుపోతోంది. 2025 సంవత్సరం ఆటోమొబైల్ రంగానికి అనేక సవాళ్లు విసిరినప్పటికీ, ఆడి ఇండియా మాత్రం పక్కా ప్లానింగ్‌తో సక్సెస్ కొట్టింది. భారీ ధరలు, మారుతున్న ప్రభుత్వ నిబంధనల మధ్య కూడా ఆడి కార్లకు ఉన్న క్రేజ్ తగ్గలేదని తాజా అమ్మకాల గణాంకాలు చెబుతున్నాయి. 2026 కొత్త ఏడాదిలోకి అడుగుపెడుతున్న తరుణంలో, గతేడాది సాధించిన విజయాలు ఈ బ్రాండ్‌కు కొత్త ఉత్సాహాన్ని ఇస్తున్నాయి.

3.88 లక్షల కార్లు ఒక్క ఏడాదిలో..! టయోటా కిర్లోస్కర్ మోటార్ దూకుడు

టయోటా కిర్లోస్కర్ మోటార్ (TKM) కోసం 2025 సంవత్సరం ఒక బలమైన వృద్ధి సంవత్సరంగా నిలిచింది. కంపెనీ ఈ క్యాలెండర్ సంవత్సరాన్ని మొత్తం 3,88,801 కార్ల అమ్మకాలతో ముగించి, భారత ఆటోమొబైల్ మార్కెట్లో తన స్థిరమైన పురోగతిని మరోసారి రుజువు చేసింది. గత ఏడాది 2024లో టయోటా 3,26,329 యూనిట్లను విక్రయించగా, 2025లో ఈ సంఖ్య గణనీయంగా పెరిగి 19 శాతం వృద్ధిని నమోదు చేసింది. ఇది పెరుగుతున్న మార్కెట్ పోటీ మధ్య కూడా టయోటా బ్రాండ్‌పై వినియోగదారులకు ఉన్న నమ్మకాన్ని స్పష్టంగా చూపిస్తోంది. డిసెంబర్ 2025 వరకు కొనసాగిన ఈ స్థిరమైన అమ్మకాల వేగం, మారుతున్న కస్టమర్ అంచనాలకు అనుగుణంగా అధిక నాణ్యత, నమ్మకత, భద్రతకు ప్రాధాన్యం ఇస్తూ వాహనాలను అందించడంపై టయోటా నిరంతరం పెట్టుబడి పెట్టిందని తెలియజేస్తోంది.

ఇది అరాచకం భయ్యా..నెలకు 50 వేల కార్లా ?

భారతదేశపు స్వదేశీ ఎస్‌యూవీ దిగ్గజం మహీంద్రా అండ్ మహీంద్రా (Mahindra and Mahindra) 2025 ఏడాదిని ఘనమైన విజయంతో ముగించింది. ఒకప్పుడు నెలకు పది, ఇరవై వేల కార్లు అమ్మడమే గగనంగా ఉండే రోజులు పోయి, ఇప్పుడు ఏకంగా నెలకు 50 వేలకు పైగా కార్లను విక్రయిస్తూ మహీంద్రా సరికొత్త రికార్డులను సృష్టిస్తోంది.
Advertisement

మారుతి సుజుకి రికార్డ్ బ్రేక్! డిసెంబర్‌లో 1.79 లక్షల అమ్మకాలు.. 2025లో కొత్త చరిత్ర

దేశీయ ఆటోమొబైల్ రంగంలో అగ్రగామిగా నిలిచిన మారుతి సుజుకి (maruti suzuki), తాజాగా విడుదల చేసిన అమ్మకాల గణాంకాలు కంపెనీ బలమైన మార్కెట్ స్థితిని మరోసారి స్పష్టంగా చూపిస్తున్నాయి. 2025 డిసెంబర్ నెలకు సంబంధించిన వివరాలు మాత్రమే కాకుండా, మొత్తం సంవత్సరపు పనితీరును ప్రతిబింబించేలా ఈ సంఖ్యలు ఉన్నాయి. గత ఏడాది డిసెంబర్‌తో పోలిస్తే 2025 డిసెంబర్‌లో మారుతి సుజుకి అమ్మకాలలో గణనీయమైన వృద్ధి నమోదైంది. డిసెంబర్ 2024లో కంపెనీ 1,30,117 వాహనాలను విక్రయించగా, 2025 డిసెంబర్‌లో ఈ సంఖ్య 1,78,646 యూనిట్లకు చేరింది. అంటే కేవలం ఒక సంవత్సరంలోనే 48,529 అదనపు వాహనాలను విక్రయించి, 37.30 శాతం వృద్ధిని సాధించింది.

కొత్త ఏడాది కియా బ్లాక్ బస్టర్!

New Kia Seltos 2026 : కొత్త ఏడాది సరికొత్త ఊపుతో మొదలైంది. ఎప్పుడెప్పుడా అని ఎదురుచూస్తున్న సరికొత్త కియా సెల్టోస్ (New Kia Seltos) భారత్‌లో గ్రాండ్‌గా లాంచ్ అయింది. కియా తన కజిన్ బ్రదర్ అయిన హ్యుందాయ్ క్రెటాకు, అలాగే టాటా సియరా వంటి దిగ్గజాలకు ముచ్చెమటలు పట్టించేలా అదిరిపోయే ధరతో ఈ కారును రంగంలోకి దించింది. కేవలం రూ.10.99 లక్షల ప్రారంభ ధరతో మధ్యతరగతి ప్రజల సొంత కారు కలని కియా నిజం చేయబోతోంది.

తక్కువ సిసి.. కానీ పవర్ మాత్రం రాకాసి

యూత్ ఐకాన్ కేటీఎం(KTM) అంటేనే స్పీడ్, అగ్రెసివ్ లుక్స్. ఒకప్పుడు ఇండియాలో కుర్రకారును ఉర్రూతలూగించిన ఈ బ్రాండ్, మధ్యలో కొంచెం జోరు తగ్గించినా.. ఇప్పుడు మళ్ళీ తన విశ్వరూపాన్ని చూపిస్తోంది. ఇప్పటికే డ్యూక్ 160 (Duke 160) మోడల్‌తో మార్కెట్లో ప్రకంపనలు సృష్టిస్తున్న కేటీఎం, ఇప్పుడు ఎంట్రీ లెవల్ స్పోర్ట్స్ బైక్ విభాగంలో తన బేబి ఆర్సీ అంటే RC 160ని రంగంలోకి దించుతోంది. ఈ బైక్ రాకతో యమహ R15 లాంటి పాపులర్ బైక్‌లకు గడ్డుకాలం మొదలైనట్టేనని ఆటోమొబైల్ నిపుణులు అంచనా వేస్తున్నారు.

2025లో కియా ఇండియా రికార్డ్ సేల్స్

ఇండియా ఆటోమొబైల్ మార్కెట్‌లోకి అడుగుపెట్టిన అతి తక్కువ కాలంలోనే, దేశీయ దిగ్గజాలు అయిన మారుతి సుజుకి, టాటా మోటార్స్ వంటి కంపెనీలకు గట్టి పోటీ ఇవ్వగల స్థాయికి ఎదిగిన కార్ల తయారీదారుల్లో కియా ఇండియా (Kia India) ఒకటి. దక్షిణ కొరియాలో తన ప్రయాణాన్ని ప్రారంభించిన కియా, భారత మార్కెట్ ప్రత్యేకతలను లోతుగా అర్థం చేసుకుని, అతి తక్కువ సమయంలోనే ఇక్కడ తన ప్రత్యేక గుర్తింపును సొంతం చేసుకుంది. స్టైలిష్ డిజైన్, ఆధునిక టెక్నాలజీ, వినియోగదారుల అవసరాలకు తగ్గ ఫీచర్లు ఈ మూడు అంశాలను సమన్వయంగా అందించడం కియా విజయానికి ప్రధాన కారణంగా మారింది. భారత మార్కెట్‌లోకి ప్రవేశించినప్పటి నుంచి ప్రతి ఏడాది కియా ఇండియా స్థిరమైన వృద్ధిని నమోదు చేస్తూ వచ్చింది.
Advertisement

ఈ ఒక్క నెల చూసి మోసపోకండి.. MG మోటార్ అసలు పవర్ ఇదే!

2026 సంవత్సరం చేరుకున్న వేళ, దేశీయ ఆటోమొబైల్ రంగం మరోసారి వెనక్కి తిరిగి చూసుకుంటోంది. డిసెంబర్ నెలతో పాటు 2025 క్యాలెండర్ సంవత్సరం మొత్తం తమ పనితీరు ఎలా ఉందో తెలియజేస్తూ, కార్ల తయారీ సంస్థలు తమ అమ్మకాల గణాంకాలను వరుసగా విడుదల చేస్తున్నాయి. ఈ నేపథ్యంలోనే JSW MG మోటార్ ఇండియా కూడా తన తాజా సేల్స్ డేటాను వెల్లడించింది. ఈ గణాంకాలు చూస్తే, కంపెనీకి నెలవారీగా కొన్ని సవాళ్లు ఎదురైనా, మొత్తం సంవత్సరానికి మాత్రం పాజిటివ్ ట్రెండ్ కొనసాగిందని స్పష్టంగా అర్థమవుతుంది. గత ఏడాది డిసెంబర్ నెలలో JSW MG మోటార్ మొత్తం 6,500 వాహనాలను విక్రయించింది. ఇది అంతకు ముందు ఏడాది డిసెంబర్‌లో నమోదైన 7,516 యూనిట్లతో పోల్చితే సుమారు 13.5 శాతం తగ్గుదలని సూచిస్తోంది.

సగం ధరకే నెక్సాన్, కర్వ్, పంచ్

టాటా కార్ల ప్రేమికులకు ఇది అదిరిపోయే శుభవార్త. మధ్యతరగతి సామాన్యుడికి సొంత కారు కల ఇప్పుడు చాలా సులభంగా నెరవేరబోతోంది. ప్రముఖ టాటా మోటార్స్ డీలర్ షిప్ నెట్‌వర్క్ అయిన జాస్పేర్ మోటార్స్(Jasper Motors) తమ వద్ద ఉన్న టెస్ట్ డ్రైవ్ వాహనాలను (Demo Cars) భారీ తగ్గింపు ధరలతో విక్రయానికి ఉంచింది. ఆంధ్రప్రదేశ్, తెలంగాణ రాష్ట్రాల్లో విస్తరించి ఉన్న ఈ షోరూమ్‌లలో దాదాపు అన్ని మోడళ్లపై 4 లక్షల నుంచి 10 లక్షల రూపాయల వరకు భారీ డిస్కౌంట్లు లభిస్తున్నాయి.

అందరి ఫేవరెట్ కారు రేపు కొత్తగా రాబోతుంది

దక్షిణ కొరియాకు చెందిన ప్రముఖ ఆటోమొబైల్ తయారీదారు కియా (Kia), భారత మార్కెట్‌లో మరో కీలక ఘట్టానికి సిద్ధమవుతోంది. 2026 జనవరి 2న కియా ఇండియా అధికారికంగా 2026 కియా సెల్టోస్ (రెండవ తరం) కాంపాక్ట్ SUVని భారతదేశంలో విడుదల చేయనుంది. ఇప్పటికే భారతీయ వినియోగదారులలో బలమైన బ్రాండ్ ఇమేజ్ సంపాదించుకున్న సెల్టోస్, ఈ కొత్త తరం వెర్షన్‌తో మరింత శక్తివంతంగా మార్కెట్‌లోకి అడుగుపెట్టనుంది. కొత్త తరం కియా సెల్టోస్‌లో అప్‌డేట్ చేసిన ఎక్స్‌టీరియర్ డిజైన్ ప్రధాన ఆకర్షణగా నిలవనుంది. మరింత షార్ప్ లైన్స్, ఆధునిక లైటింగ్ ఎలిమెంట్స్, స్పోర్టీ లుక్‌తో ఈ SUVను మరింత ప్రీమియంగా తీర్చిదిద్దినట్లు తెలుస్తోంది. కియా తన తాజా గ్లోబల్ డిజైన్ లాంగ్వేజ్‌ను ఈ మోడల్‌లో స్పష్టంగా చూపించనుందని ఆటో వర్గాలు అంచనా వేస్తున్నాయి.

విన్ ఫాస్ట్ స్పీడ్ చూస్తే కళ్ళు తిరగాల్సిందే

భారత ఎలక్ట్రిక్ వాహన (EV) మార్కెట్లో గతంలో ఎన్నడూ లేని విధంగా ఒక కొత్త కంపెనీ పెను సంచలనం సృష్టించింది. కేవలం మూడు నెలల క్రితమే దేశీ మార్కెట్లోకి అడుగుపెట్టిన వియత్నాం దిగ్గజం విన్ ఫాస్ట్ (VinFast), తన దూకుడుతో దిగ్గజ సంస్థలైన హ్యుందాయ్, కియా, బీఎమ్‌డబ్ల్యూలను వెనక్కి నెట్టి అందరినీ ఆశ్చర్యపరిచింది. 2025 డిసెంబర్ నాటికి టాప్-4 ఈవీ తయారీదారుగా ఎదిగి, భారత మార్కెట్లో తనదైన ముద్ర వేసింది.
Advertisement

2025లో ఇండియాలో నంబర్ 1 ఎలక్ట్రిక్ స్కూటర్ కంపెనీ ఇదే

2025 సంవత్సరం భారత ఎలక్ట్రిక్ ద్విచక్ర వాహన మార్కెట్‌లో ఒక స్పష్టమైన మలుపుగా నిలిచింది. ఇప్పటివరకు ఈ విభాగాన్ని ఎక్కువగా స్టార్టప్ కంపెనీలు తమ ఆధీనంలో ఉంచుకున్నప్పటికీ, 2025లో పరిస్థితి పూర్తిగా మారిపోయింది. సాంప్రదాయ ద్విచక్ర వాహన తయారీదారులు దూకుడుగా ముందుకు రావడంతో, ఎన్నేళ్లుగా మార్కెట్‌ను శాసించిన అనేక ఎలక్ట్రిక్ స్టార్టప్‌లు వెనక్కి నెట్టబడిన దృశ్యం కనిపించింది. ఇది కేవలం అమ్మకాల పరంగా మాత్రమే కాకుండా, వినియోగదారుల ఆలోచన విధానంలో వచ్చిన మార్పుకు కూడా నిదర్శనంగా నిలిచింది. ఈ మార్పుకు ప్రధాన కారణం వినియోగదారులు ఇప్పుడు ఎలక్ట్రిక్ వాహనం కొనుగోలు సమయంలో బ్రాండ్ నమ్మకం, విశ్వసనీయత, అమ్మకాల తర్వాత సేవలు వంటి అంశాలకు అధిక ప్రాధాన్యత ఇవ్వడం మొదలుపెట్టడమే.

ఆటోడ్రైవర్లకు కేంద్రం భారీ షాక్

పర్యావరణ పరిరక్షణలో భాగంగా ఎలక్ట్రిక్ వాహనాలను ప్రోత్సహిస్తున్న కేంద్ర ప్రభుత్వం, ఇప్పుడు ఆటో డ్రైవర్లకు పెద్ద షాక్ ఇచ్చింది. ఎలక్ట్రిక్ త్రీ వీలర్ వెహికల్స్‎కు (E-3 Wheelers) అందిస్తున్న రాయితీలను (Subsidies) నిలిపివేస్తూ సంచలన నిర్ణయం తీసుకుంది. కేంద్ర ప్రభుత్వ నిర్ణయం ప్రకారం, FAME II, PM-E డ్రైవ్ పథకాల కింద ఇప్పటివరకు ఇస్తున్న సబ్సిడీలు ఇకపై లభించవు. దీంతో కొత్తగా ఎలక్ట్రిక్ ఆటోలు కొనుగోలు చేసే వారికి లక్షల్లో భారం పడనుంది.

డబ్బు సంపాదించి పెట్టే హ్యూందాయ్ కార్లు వచ్చేశాయ్

భారత ఆటోమొబైల్ మార్కెట్‌లో ఇప్పటికే బలమైన స్థానం సంపాదించుకున్న హ్యుందాయ్ మోటార్ ఇండియా (Hyundai Motor India), ఇప్పుడు మరో కీలక అడుగు ముందుకు వేసింది. ఈరోజు అధికారికంగా తన ప్రత్యేక టాక్సీ కార్ల శ్రేణిని ప్రకటిస్తూ, వాణిజ్య వాహన విభాగంలోకి ప్రవేశించినట్లు వెల్లడించింది. ఈ కొత్త ప్రయాణానికి ప్రతీకగా ప్రైమ్ HB (హ్యాచ్‌బ్యాక్), ప్రైమ్ SD (సెడాన్) మోడళ్లను హ్యుందాయ్ మార్కెట్‌లోకి తీసుకొచ్చింది. ఫ్లీట్ ఆపరేటర్లు, టాక్సీ యజమానులు, రోజూ ఎక్కువ కిలోమీటర్లు ప్రయాణించే డ్రైవర్ల అవసరాలను దృష్టిలో ఉంచుకుని ఈ ప్రైమ్ సిరీస్‌ను రూపొందించినట్లు కంపెనీ స్పష్టం చేసింది. హ్యుందాయ్ ప్రైమ్ సిరీస్ ప్రధాన లక్ష్యం నమ్మకం, విశ్వసనీయత, తక్కువ యాజమాన్య ఖర్చు. రోజువారీ వాణిజ్య వినియోగంలో కారుకు ఎదురయ్యే కఠిన పరిస్థితులను తట్టుకునేలా ఈ వాహనాలను డిజైన్ చేసినట్లు కంపెనీ చెబుతోంది.

థార్ రాక్స్‌కు గుండె మార్పిడి

ఆఫ్-రోడ్ ఎస్‌యూవీల సామ్రాజ్యంలో రారాజుగా వెలుగొందుతున్న మహీంద్రా థార్, ఇప్పుడు తన సరిహద్దులను మరింత విస్తరించుకుంటోంది. ముఖ్యంగా ఫ్యామిలీ ఆఫ్-రోడర్‌గా పేరుగాంచిన థార్ రాక్స్ (Thar Roxx) మోడల్‌లో మహీంద్రా కీలక మార్పులు చేస్తోంది. 2025 ముగింపు వేళ ఆటోమొబైల్ ప్రపంచంలో వినిపిస్తున్న అత్యంత క్రేజీ అప్‌డేట్ ఏంటంటే.. మహీంద్రా థార్ రాక్స్‌కు 1.5 లీటర్ డీజిల్ ఇంజన్ అమర్చబోతున్నారు.
Advertisement

మారుతి కోటకు గండి కొట్టిన కొరియన్ కత్తి

భారత ఆటోమొబైల్ రంగంలో ఎన్నో కార్లు వస్తుంటాయి, వెళ్తుంటాయి. కానీ కొన్ని మాత్రమే చరిత్ర సృష్టిస్తాయి. దక్షిణ కొరియా దిగ్గజం హ్యుందాయ్ నుంచి వచ్చిన క్రెటా (Hyundai Creta) సరిగ్గా ఇదే చేస్తోంది. 2025 సంవత్సరానికి సంబంధించి విడుదలైన సేల్స్ రిపోర్ట్ చూస్తే ఎవరైనా ముక్కున వేలేసుకోవాల్సిందే.

రాయల్ ఎన్‌ఫీల్డ్ లో చీపెస్ట్ అండ్ బెస్ట్ ఇదే

సాధారణంగా రాయల్ ఎన్‌ఫీల్డ్ బైక్ అంటే అది భారీగా ఉంటుంది.. నడపాలంటే గట్టి కండలు ఉండాలి, దాన్ని కొనాలంటే లక్షల రూపాయలు కుమ్మరించాలి అనే అంచనా అందరిలోనూ ఉంటుంది. కానీ ఆ అంచనాలను పటాపంచలు చేస్తూ మార్కెట్లోకి వచ్చిన మోడల్ రాయల్ ఎన్‌ఫీల్డ్ హంటర్ 350 (Royal Enfield Hunter 350).

రేపటి నుంచి బైకులకు అది తప్పనిసరి

కేంద్ర ప్రభుత్వం 2026 జనవరి 1 నుంచి అన్ని ద్విచక్ర వాహనాలకు ABS (Anti-lock Braking System) తప్పనిసరి చేయాలని నిర్ణయించింది. రేపే (జనవరి 1, 2026) ఈ గడువు ముగుస్తున్న నేపథ్యంలో, వాహన తయారీదారులు, సామాన్య వాహనదారుల మధ్య తీవ్ర చర్చ నడుస్తోంది. ఈ నిబంధన వల్ల కలిగే మార్పులు, ధరల పెరుగుదల, వాయిదా పడే అవకాశాల గురించి సమగ్ర సమాచారం ఇక్కడ ఉంది.

ఒక్కసారి ఛార్జ్ చేస్తే 1,000 కిలోమీటర్లు

ఎలక్ట్రిక్ కార్ల రంగంలో రేంజ్ అనేది ఎప్పుడూ ఒక పెద్ద సవాలే. కానీ ఫ్రాన్స్‌కు చెందిన ప్రముఖ కార్ల తయారీ సంస్థ రెనాల్ట్ ఈ సవాలును చిటికెలో ఛేదించి ప్రపంచాన్ని ఆశ్చర్యపరిచింది. తన సరికొత్త డెమో కార్ ఫిలాంటే రికార్డ్ 2025తో సింగిల్ ఛార్జ్‌పై ఏకంగా 1,008 కిలోమీటర్ల దూరం ప్రయాణించి సరికొత్త ప్రపంచ రికార్డును నెలకొల్పింది. ఎలక్ట్రిక్ వాహనాల చరిత్రలో ఇదొక మైలురాయిగా నిలిచిపోనుంది.
Advertisement

హీరోకు కోలుకోలేని దెబ్బ

ద్విచక్ర వాహన రంగంలో హీరో మోటోకార్ప్ అంటే ఒక తిరుగులేని సామ్రాజ్యం. స్ప్లెండర్ వంటి బండ్లతో సామాన్యుల గుండెల్లో గూడు కట్టుకున్న ఈ కంపెనీకి తాజాగా ఒక చేదు అనుభవం ఎదురైంది. లక్షల సంఖ్యలో వాహనాలు విక్రయించే ఈ సంస్థకు చెందిన ఒక ప్రీమియం బైక్, 2025 నవంబర్ నెలలో కనీసం ఒక్క యూనిట్ కూడా అమ్ముడుపోలేదంటే ఎవరైనా ఆశ్చర్యపోవాల్సిందే. ఆ బైక్ గురించి వివరంగా తెలుసుకుందాం.