జనవరి లాంచ్‌కు ముందే XUV 7XO బుకింగ్‌లు ఓపెన్

భారతీయ ఆటోమొబైల్ మార్కెట్లో ఎప్పటినుంచో భారీ అంచనాలు ఏర్పరుచుకున్న మహీంద్రా కొత్త SUV ఇప్పుడు కస్టమర్లకు ముందుగానే చేరువవుతోంది. మహీంద్రా తన సరికొత్త XUV 7XO SUV బుకింగ్‌లను డిసెంబర్ 15న మధ్యాహ్నం 12 గంటల నుంచి దేశవ్యాప్తంగా ప్రారంభించినట్లు ప్రకటించింది. ఇప్పటికే మార్కెట్లో సూపర్ హిట్‌గా నిలిచిన Mahindra XUV700కి పునఃరూపకల్పనగా రూపొందించిన ఈ కొత్త SUVపై కస్టమర్లలో భారీ ఆసక్తి నెలకొంది. ఈ XUV 7XOను కొనుగోలు చేయాలనుకునే వారు మహీంద్రా అధీకృత డీలర్‌షిప్‌లను సందర్శించడం ద్వారా లేదా కంపెనీ ప్రత్యేక వెబ్‌సైట్ ద్వారా సులభంగా బుకింగ్ చేసుకునే అవకాశం కల్పించారు. ఇందుకోసం కేవలం రూ. 21,000 డిపాజిట్ చెల్లిస్తే సరిపోతుంది.

మినిస్టర్ల కాన్వాయ్‎లో ఈ కారు ఉండాల్సిందే

దేశంలో ఎస్‌యూవీలను తయారు చేయడంలో ముందున్న మహీంద్రా కంపెనీ, త్వరలో తమ రెండు ముఖ్యమైన మోడల్స్ అయిన స్కార్పియో-ఎన్ (Scorpio-N), ఎక్స్‌యూవీ700 (XUV700) (ఇప్పుడు XUV 7XO) ఫేస్‌లిఫ్ట్ వెర్షన్‌లను విడుదల చేయడానికి సిద్ధమవుతోంది. ఆయా సెగ్మెంట్లలో పోటీ పెరిగిన నేపథ్యంలో, మహీంద్రా ఈ రెండు ఎస్‌యూవీలను కొత్త అప్‌డేట్‌లు, ఆకర్షణీయమైన ఫీచర్‌లతో మార్కెట్‌లోకి తీసుకురావాలని ప్లాన్ చేస్తోంది. ఇప్పటికే ఈ రెండు ఎస్‌యూవీలకు సంబంధించి రోడ్డు టెస్టింగ్‌లు జోరుగా జరుగుతున్నాయి. వాటి స్పై షాట్‌లు కూడా ఇంటర్నెట్‌లో వైరల్ అవుతున్నాయి. ఈ కొత్త మోడల్స్‌లో ఏం ఆశించవచ్చో వివరంగా తెలుసుకుందాం.

దేశంలోనే చౌక కారును పట్టించుకునే వాళ్లు లేరు

ఒకప్పుడు భారతదేశంలో కారు కొనడానికి వెళ్లే కస్టమర్‌లు కేవలం రెండు విషయాలకే ప్రాధాన్యత ఇచ్చేవారు. అవి ధర, మైలేజ్. ఈ రెండూ సరిపోతే, కారు సేల్స్‌పై పెద్దగా ప్రభావం చూపించేవి కాదు. కానీ ఇప్పుడు కాలం పూర్తిగా మారిపోయింది. ధర, మైలేజ్‌తో పాటు, సేఫ్టీ, అడ్వాన్సుడ్ ఫీచర్లు, డిజైన్ వంటి అంశాలపై కస్టమర్‌లు ఎక్కువ దృష్టి పెడుతున్నారు. దీని కారణంగా తక్కువ ధరలో ఎక్కువ మైలేజ్ ఇచ్చే కార్ల అమ్మకాలు పాత రోజుల్లా లేవు. ఈ రకమైన కార్ల అమ్మకాలు బాగా తగ్గిపోయాయి. దీనికి మారుతి సుజుకి ఎస్-ప్రెస్సో (Maruti Suzuki S-Presso) చాలా మంచి ఉదాహరణ. ప్రస్తుతం భారత మార్కెట్లో మారుతి సుజుకి ఎస్-ప్రెస్సో బేస్ వేరియంట్ ఎక్స్-షోరూమ్ ధర కేవలం రూ.3.50 లక్షల నుంచి ప్రారంభమవుతుంది. దీని టాప్ వేరియంట్ ధర కూడా కేవలం రూ.5.25 లక్షల వరకే ఉంది. కంపెనీ అధికారిక వెబ్‌సైట్‌లో ఈ ధరలు పేర్కొన్నారు. మైలేజ్ విషయానికి వస్తే మారుతి సుజుకి ఎస్-ప్రెస్సో 24.12 కిలోమీటర్ల నుంచి 32.73 కిలోమీటర్ల వరకు మైలేజ్ ఇస్తుంది (వేరియంట్‌ను బట్టి ARAI మైలేజ్ మారుతుంది). ధర తక్కువగా ఉన్నా, మైలేజ్ ఎక్కువగా ఉన్నా మారుతి సుజుకి ఎస్-ప్రెస్సో అమ్మకాలు చాలా మందకొడిగా ఉన్నాయి. దీనికి కారణాలు చాలా చిన్నవి: కారు సైజ్ చిన్నగా ఉండటం, ఇందులో పెద్దగా అడ్వాన్సుడ్ ఫీచర్లు లేకపోవడం. అయితే, అమ్మకాలు తగ్గడానికి అతిపెద్ద కారణం ఏమిటంటే ఈ కారు సేఫ్టీ లేనిదిగా భారతీయ కస్టమర్‌లు భావించడం. గ్లోబల్ ఎన్‌క్యాప్ క్రాష్ టెస్టులలో ఎస్-ప్రెస్సో సరిగా రాణించకపోవడంతో, కస్టమర్ల నమ్మకం తగ్గిపోయింది. ఈ సేఫ్టీ సమస్య కారణంగా, ప్రతి నెలా మారుతి సుజుకి ఎస్-ప్రెస్సో అమ్మకాలు చాలా నిదానంగా ఉన్నాయి. రష్‌లేన్ (Rushlane) నివేదిక ప్రకారం.. నవంబర్ 2025లో కేవలం 1,747 మారుతి సుజుకి ఎస్-ప్రెస్సో కార్లు మాత్రమే అమ్ముడయ్యాయి. గత సంవత్సరం (నవంబర్ 2024)లో 2,283 కార్లు అమ్ముడయ్యాయి. అంటే, ఏడాదివారీ పోలికలో ఏకంగా 23.48% (536 కార్లు తక్కువగా) పడిపోయింది.

ఇండోనేషియాలో ప్రూవ్ అయిన ఎలక్ట్రిక్ SUV ఇప్పుడు భారత్‌కి?

భారత ఆటోమొబైల్ మార్కెట్ వేగంగా ఎలక్ట్రిక్ వాహనాల వైపు మళ్లుతున్న సమయంలో, జపాన్ దిగ్గజం టయోటా (Toyota) కూడా ఈ సెగ్మెంట్‌లో తన అడుగులు బలంగా ముద్రించాలని యోచిస్తున్నట్లు తెలుస్తోంది. ఇప్పటివరకు హైబ్రిడ్ టెక్నాలజీపై ఎక్కువ దృష్టి పెట్టిన టయోటా, ఇక భారత్‌లో పూర్తిస్థాయి ఎలక్ట్రిక్ వాహనాలను తయారు చేసి విక్రయించే దిశగా కీలక నిర్ణయాలు తీసుకుంటున్నట్టు ఆటో పరిశ్రమ వర్గాలు చెబుతున్నాయి. ఈ వ్యూహంలో భాగంగా, టయోటా, సుజుకి మధ్య ఇప్పటికే ఉన్న అంతర్జాతీయ భాగస్వామ్య ఒప్పందం కీలక పాత్ర పోషిస్తోంది. ఈ ఒప్పందం ప్రకారం, రెండు కంపెనీలు తమ తమ సాంకేతికతలను పరస్పరం పంచుకుంటూ, వేర్వేరు మార్కెట్ల అవసరాలకు అనుగుణంగా వాహనాలను అభివృద్ధి చేయనున్నాయి.
Advertisement

మారుతికి కొత్త సూపర్ హిట్! మూడు నెలల్లోనే 30,000 సేల్స్ మార్క్

భారతదేశంలో నంబర్-1 కార్ల తయారీ సంస్థగా పేరొందిన మారుతి సుజుకి, హ్యాచ్‌బ్యాక్‌లు, సెడాన్‌లకే పరిమితం కాకుండా, ఇప్పుడు SUV విభాగంలో కూడా తన ఆధిపత్యాన్ని మరింత బలపరచుకోవాలనే లక్ష్యంతో దూసుకెళ్తోంది. భారత మార్కెట్లో SUVలకు డిమాండ్ వేగంగా పెరుగుతున్న నేపథ్యంలో, ఈ సెగ్మెంట్‌ను నిర్లక్ష్యం చేయకుండా మారుతి సుజుకి వరుసగా కొత్త ఉత్పత్తులను ప్రవేశపెడుతూ తన పోర్ట్‌ఫోలియోను విస్తరిస్తోంది. ఈ వ్యూహంలో భాగంగానే, మారుతి సుజుకి ఇటీవల విక్టోరిస్ (victoris) అనే సరికొత్త మిడ్-సైజ్ SUVను మార్కెట్లోకి విడుదల చేసింది. లాంచ్ సమయంలోనే ఈ SUVపై వినియోగదారుల్లో మంచి ఆసక్తి ఏర్పడింది. స్టైలిష్ డిజైన్, ఆధునిక ఫీచర్లు, అలాగే మారుతి బ్రాండ్‌పై ఉన్న విశ్వాసం కలిసి విక్టోరిస్‌కు అనూహ్యమైన ప్రారంభాన్ని అందించాయి.

మళ్లీ కొత్తగా పురుడు పోసుకున్న ఎంజీ హెక్టార్

జేఎస్‌డబ్ల్యూ ఎంజీ మోటార్ ఇండియా(JSW MG Motor India) ఎస్‌యూవీ సెగ్మెంట్‌లో అడుగు ముందుకేస్తూ, ఆల్‌-న్యూ ఎంజీ హెక్టర్(MG Hector)ను విడుదల చేసింది. ఈ కొత్త హెక్టర్, బోల్డ్ డిజైన్, అద్భుతమైన సౌకర్యం, మోడ్రన్ టెక్నాలజీతో వచ్చింది. దీని ప్రారంభ ఎక్స్-షోరూమ్ ధర రూ.11.99 లక్షలుగా నిర్ణయించారు. ఇది టాప్ మోడల్‌కు రూ.19.49 లక్షల వరకు ఉంటుంది. హెక్టర్ ప్లస్ (Hector Plus) (6, 7-సీటర్ ఆప్షన్లు) ప్రారంభ ధర రూ.17.29 లక్షలు. కొత్త ఫేస్‌లిఫ్ట్ ద్వారా ఎంజీ హెక్టర్‌కు మరింత ఫ్రెష్ లుక్ ఇచ్చారు. కొత్త ఎంజీ హెక్టర్ ఎక్స్‌టీరియర్‌లో చాలా ముఖ్యమైన మార్పులు చేశారు. ముందు భాగంలో ఆకర్షణీయమైన ఆరా హెక్స్ గ్రిల్(Aura Hex Grille)అనే సరికొత్త హనీకాంబ్ డిజైన్ ఇచ్చారు.ఇది కారుకు మరింత దృఢమైన రూపాన్ని ఇస్తుంది. కొత్తగా రూపొందించిన బంపర్‌లు, ఆరా బోల్ట్ అలాయ్ వీల్స్ దీని లుక్‌ను మరింత స్టైలిష్‌గా మార్చాయి.

ఈ కారును పేదోళ్లు ఈజీగా సైతం కొనచ్చు

భారత ఆటోమొబైల్ మార్కెట్లో మారుతి సుజుకి ఆల్టో కె10 (maruti Suzuki Alto K10) అనేది ఎన్నో ఏళ్లుగా మధ్యతరగతి ప్రజల గుండెల్లో ప్రత్యేక స్థానం సంపాదించుకున్న చిన్న హ్యాచ్‌బ్యాక్‌గా నిలుస్తోంది. తక్కువ ధర, విశ్వసనీయత, మెరుగైన మైలేజ్ వంటి అంశాలు ఈ కారును తొలిసారి కారు కొనుగోలు చేసే వారికి ఎప్పటికీ మొదటి ఎంపికగా మారుస్తున్నాయి. అందుకే నెలనెలా ఈ కారు అమ్మకాలు స్థిరంగా కొనసాగుతుంటాయి. నవంబర్ నెలలో కూడా ఇదే ధోరణి కొనసాగింది. గత నవంబర్‌లో మారుతి సుజుకి ఆల్టో K10 మొత్తం 10,600 యూనిట్లు వినియోగదారులకు డెలివరీ చేయబడ్డాయి. గత ఏడాది ఇదే కాలాన్ని పరిశీలిస్తే, 2024 నవంబర్‌లో 7,467 యూనిట్లు మాత్రమే అమ్ముడయ్యాయి.

జిమ్నీని చూసి కన్నీరుమున్నీరవుతున్న మారుతి

ఆఫ్‌రోడ్ ఎస్‌యూవీల మార్కెట్‌లో మహీంద్రా థార్ (Mahindra Thar) కొన్నేళ్లుగా తిరుగులేని ఆధిపత్యాన్ని కొనసాగిస్తోంది. ఈ ఆధిపత్యాన్ని సవాలు చేయడానికి మారుతి సుజుకి భారీ అంచనాల మధ్య జిమ్నీని (Jimny) రంగంలోకి దించింది. అయితే, జిమ్నీ ధర అధికంగా ఉండటం, థార్‌తో పోలిస్తే మార్కెటింగ్ వ్యూహాలు సరిగ్గా లేకపోవడం వల్ల ఈ వాహనం మార్కెట్‌లో వెనుకబడింది.
Advertisement

దేశంలో టాప్-3లోకి దూసుకెళ్లిన క్రెటా!

భారతదేశ కార్ల మార్కెట్ ప్రస్తుతం ప్రపంచంలోనే అత్యంత వేగంగా అభివృద్ధి చెందుతున్న ఆటోమొబైల్ మార్కెట్లలో ఒకటిగా నిలుస్తోంది. పెరుగుతున్న మధ్యతరగతి వర్గం, మెరుగవుతున్న రహదారి మౌలిక వసతులు, అలాగే కొత్త టెక్నాలజీపై వినియోగదారుల ఆసక్తి వల్ల దేశంలో వాహనాల డిమాండ్ రోజురోజుకీ పెరుగుతోంది. ఈ అవకాశాన్ని సద్వినియోగం చేసుకుంటూ ప్రపంచంలోని అనేక ప్రముఖ కార్ బ్రాండ్లు భారత మార్కెట్లో భారీ లాభాలను ఆర్జిస్తున్నాయి. ఇక ఆసక్తికరమైన విషయం ఏమిటంటే, ఒకప్పుడు విదేశీ కంపెనీల ఆధిపత్యంలో ఉన్న భారత ఆటోమొబైల్ రంగంలో ఇప్పుడు టాటా మోటార్స్, మహీంద్రా వంటి దేశీయ బ్రాండ్లు కూడా గట్టి పోటీ ఇస్తున్నాయి. హ్యుందాయ్, కియా వంటి అంతర్జాతీయ బ్రాండ్లు కూడా ఇదే సమయంలో రాణిస్తున్నాయి.

సియెర్రా ధరలు చూసి గుండెలు బాదుకుంటున్న మారుతి

టాటా మోటార్స్ నుంచి కొత్త తరం సియెర్రా (New Gen Tata Sierra SUV) మార్కెట్‌లోకి ప్రవేశించి కార్ లవర్సును ఆకట్టుకుంటోంది. పాత సియెర్రా పేరుకు తగ్గట్టే, కొత్త మోడల్ డిజైన్, ఫీచర్లు, ఇంజిన్ సామర్థ్యం, ముఖ్యంగా భద్రత (Safety) విషయంలో అద్భుతాలు సృష్టించింది. నవంబర్ 25న విడుదలైన ఈ మిడ్-సైజ్ ఎస్‌యూవీ ధరల విషయంలోనూ పోటీదారులకు సవాల్ విసురుతోంది. సియెర్రా ప్రారంభ ఎక్స్-షోరూమ్ ధర రూ.11.49 లక్షలుగా ఉంది. టాటా సియెర్రా మొత్తం 7 వేరియంట్లలో లభిస్తుంది.. స్మార్ట్ ప్లస్, ప్యూర్, ప్యూర్ ప్లస్, అడ్వెంచర్, అడ్వెంచర్ ప్లస్, అకంప్లిష్డ్, అకంప్లిష్డ్ ప్లస్. ప్యూర్, ప్యూర్ ప్లస్ ట్రిమ్‌లు రూ. 12.99 లక్షల నుంచి, అడ్వెంచర్, అడ్వెంచర్ ప్లస్ ట్రిమ్‌లు రూ. 15.29 లక్షల నుంచి అందుబాటులో ఉన్నాయి. తాజాగా, టాటా అత్యంత ఖరీదైన మరియు ఎక్కువ ఫీచర్లు కలిగిన అకంప్లిష్డ్, అకంప్లిష్డ్ ప్లస్ వేరియంట్ల ధరలను కూడా ప్రకటించింది.

భారత మార్కెట్లో సిట్రోయెన్ పరిస్థితి ఇదేనా? నవంబర్ గణాంకాలు

ఫ్రెంచ్ ఆటోమొబైల్ దిగ్గజం సిట్రోయెన్ (Citroën) భారత మార్కెట్లోకి అడుగుపెట్టి కొద్ది కాలమే అయినప్పటికీ, తనదైన గుర్తింపును ఏర్పరుచుకునే ప్రయత్నం చేస్తోంది. యూరోపియన్ డిజైన్, కంఫర్ట్‌కు ప్రాధాన్యత ఇచ్చే సస్పెన్షన్ సెటప్, అలాగే ప్రాక్టికల్ ఫీచర్లతో కంపెనీ భారత వినియోగదారులకు నాణ్యమైన ఉత్పత్తులను అందిస్తోంది. అయినప్పటికీ, దేశవ్యాప్తంగా తగినంత షోరూమ్‌లు, సర్వీస్ నెట్‌వర్క్ లేకపోవడం సిట్రోయెన్ ఎదుగుదలకు ప్రధాన అడ్డంకిగా మారింది. ఈ నేపధ్యంలో, కంపెనీ తాజాగా నవంబర్ నెలకు సంబంధించిన అమ్మకాల గణాంకాలను విడుదల చేసింది. నవంబర్ 2025లో సిట్రోయెన్ మొత్తం 1,224 కార్లను మాత్రమే విక్రయించింది. అదే సమయంలో, అక్టోబర్ నెలలో 1,426 యూనిట్లు అమ్ముడవ్వడం గమనార్హం. ఈ రెండు నెలల మధ్య పోలిస్తే నవంబర్ అమ్మకాల్లో కొంత తగ్గుదల స్పష్టంగా కనిపిస్తోంది.

సౌండ్ లేకుండా సేల్స్ సునామీ

టయోటా, మారుతి సుజుకి సంస్థల భాగస్వామ్యం ఫలితంగా రూపొందించబడిన టయోటా అర్బన్ క్రూయిజర్ హైరైడర్, మారుతి సుజుకి గ్రాండ్ విటారా మోడళ్లు భారతదేశంలో అత్యంత పోటీ ఉన్న మిడ్-సైజ్ ఎస్‌యూవీ విభాగంలో ఒకదానికొకటి పోటీ ఇస్తున్నాయి. హ్యుందాయ్ క్రెటా, కియా సెల్టోస్ వంటి బలమైన ప్రత్యర్థులు ఉన్నప్పటికీ, ఈ రెండు మోడళ్లు ముఖ్యంగా స్ట్రాంగ్ హైబ్రిడ్ పెట్రోల్ ఇంజిన్‌ను అందించడం ద్వారా తమకంటూ ఒక ప్రత్యేక గుర్తింపును సృష్టించుకున్నాయి. ప్రారంభంలో మారుతి మోడల్‌కు ఎక్కువ అమ్మకాలు జరిగినా గత కొన్ని నెలలుగా టయోటా హైరైడర్ అమ్మకాలలో ఆధిక్యం కనబరిచింది. అయితే నవంబర్ 2025 నెల అమ్మకాలతో ఈ పోటీలో కథ మారింది. తాజాగా విడుదలైన నవంబర్ 2025 అమ్మకాల గణాంకాల ప్రకారం మారుతి సుజుకి గ్రాండ్ విటారా మళ్లీ పుంజుకుని, తన ప్రత్యర్థి అయిన టయోటా హైరైడర్‌ను వెనక్కి నెట్టింది. గ్రాండ్ విటారా ఏకంగా 11,339 యూనిట్ల విక్రయాలను నమోదు చేసింది. ఇది గత సంవత్సరం ఇదే నెల (10,148 యూనిట్లు)తో పోలిస్తే ఏకంగా 12 శాతం అధిక వృద్ధిని సాధించింది.
Advertisement

కన్నీళ్లు పెడుతున్న C5 ఎయిర్‌క్రాస్ డీలర్లు

ప్రయాణ సౌలభ్యం విషయంలో ప్రీమియం బ్రాండ్‌లకు సైతం గట్టి పోటీ ఇవ్వగల సామర్థ్యం ఉన్న కంపెనీ సిట్రోయెన్ (Citroen). ఆ బ్రాండ్‌లోని మోడల్స్‌లోకెల్లా అద్భుతమైనది C5 ఎయిర్‌క్రాస్ (Aircross). అయితే నవంబర్ నెలలో ఈ మోడల్ అమ్మకాల గణాంకాలు చూసి అందరూ ఆశ్చర్యపోతున్నారు. గత నెలలో ఒక్క యూనిట్ కూడా అమ్ముడుపోకుండానే సిట్రోయెన్ సి5 ఎయిర్‌క్రాస్ వెనుకబడింది.

రేసులో దూసుకుపోతున్న పంచ్

చాలా తక్కువ సమయంలోనే భారతీయ ప్రజల హృదయాలను గెలుచుకున్న టాటా కార్ మోడల్ పంచ్ (Punch). తక్కువ ధర, ఆకర్షణీయమైన డిజైన్, కుటుంబ ప్రయాణాలకు సరిపడా స్థలం, బెస్ట్ సేఫ్టీ రేటింగ్‌తో వస్తున్న ఈ కారును భారతీయులు కాదనలేకపోతున్నారు అనడానికి దాని అమ్మకాల రిపోర్ట్‌లే సాక్ష్యం. ఈ సంవత్సరం కొన్ని నెలల పాటు టాటా పంచ్ అమ్మకాలు నెమ్మదిగా ఉన్నప్పటికీ, జీఎస్టీ 2.0 సంస్కరణల తర్వాత టాటా నెక్సాన్ మాదిరిగానే పంచ్ అమ్మకాలు కూడా బాగా మెరుగుపడ్డాయి. 2025 నవంబర్ నెలకు సంబంధించిన పంచ్ అమ్మకాల గణాంకాలను పరిశీలిస్తే, గాడివాడి విడుదల చేసిన నివేదిక ప్రకారం..నవంబర్ 2025లో టాటా పంచ్ అమ్మకాలు ఏకంగా 18,753 యూనిట్లుగా నమోదయ్యాయి. అంతకుముందు 2024 నవంబర్‌లో అమ్మకాలు 15,435 యూనిట్లుగా ఉండేవి. అంటే, సంవత్సరంలో 3,318 యూనిట్లు అదనంగా విక్రయించబడ్డాయి. దీంతో వార్షిక ప్రాతిపదికన అమ్మకాలు 21 శాతం పెరిగాయి.

ఆల్ట్రోజ్ కొంటే ఆ డబ్బుతో డీజిల్ కొట్టించుకోవచ్చు

మారుతి సుజుకి బాలెనోకు గట్టి పోటీనిచ్చే ప్రీమియం హ్యాచ్‌బ్యాక్ సెగ్మెంట్‌లో కారు కొనాలని చూస్తున్న వారికి టాటా ఆల్ట్రోజ్ (Tata Altroz) ఒక అద్భుతమైన ఆప్షన్. 2025 డిసెంబర్ నెలలో టాటా మోటార్స్ ఆల్ట్రోజ్ అన్ని వేరియంట్లపై భారీ తగ్గింపులను ప్రకటించింది. ఈ నెలలో ఆల్ట్రోజ్‌ను కొనుగోలు చేస్తే వినియోగదారులు ఏకంగా రూ.1.85 లక్షల వరకు ఆదా చేసుకునే అవకాశం ఉందని కంపెనీ తెలియజేసింది. ఈ అద్భుతమైన తగ్గింపు ఆఫర్‌లు, ధర, ప్రత్యేకతల గురించి వివరంగా తెలుసుకుందాం. మీ దగ్గరలోని టాటా షోరూమ్‌లో వివరాలు అడగటం మర్చిపోవద్దు. టాటా ఆల్ట్రోజ్ అన్ని వేరియంట్లపై రూ.1,00,000 కన్స్యూమర్ ఆఫర్‌తో పాటు, రూ.50,000 ఎక్స్ఛేంజ్/స్క్రాపేజ్ బెనిఫిట్ కూడా లభిస్తోంది. దీంతో మొత్తం ఆదా రూ.1.50 లక్షలుగా ఉంది. ఇక ఆల్ట్రోజ్ రేసర్ (Altroz Racer) మోడల్‌పై అయితే, రూ.1,35,000 కన్స్యూమర్ డిస్కౌంట్, రూ.50,000 ఎక్స్ఛేంజ్ ఆఫర్‌తో సహా మొత్తం రూ.1.85 లక్షల వరకు ఆదా చేసుకోవచ్చు. ఈ ఆఫర్‌లు పరిమిత కాలానికి మాత్రమే అందుబాటులో ఉంటాయి. వేరియంట్‌లు, డీలర్‌షిప్‌లను బట్టి మారే అవకాశం ఉంది. టాటా ఆల్ట్రోజ్ ఎక్స్-షోరూమ్ ధర రూ.6.30 లక్షల నుంచి రూ.11 లక్షల వరకు ఉంది. డిసెంబర్ ఆఫర్లను పరిగణనలోకి తీసుకుంటే బేస్ మోడల్ స్మార్ట్ 1.2L పెట్రోల్ వేరియంట్‌ను రూ.7 లక్షల కంటే తక్కువ ధరకే సొంతం చేసుకోవచ్చు. స్మార్ట్ పెట్రోల్ ధర రూ.6.30 లక్షలు, ప్రీమియం డీజిల్ రూ.9.50 లక్షలు, ఆల్ట్రోజ్ రేసర్ రూ.9.50 లక్షల (ఎక్స్-షోరూమ్) నుండి ప్రారంభమవుతాయి.

అప్డేట్ వెర్షన్ కోసం షోరూంల వద్ద జనాలు క్యూ

ప్రస్తుతం భారతీయ ఆటోమొబైల్ మార్కెట్లో హ్యుందాయ్ మోటార్ ఇండియా అద్భుతమైన ప్రదర్శన కనబరుస్తోంది. ముఖ్యంగా 2025 నవంబర్ నెలలో దేశీయ, ఎగుమతి మార్కెట్లలో కలిపి మొత్తం 66,840 యూనిట్లను విక్రయించి హ్యుందాయ్ దూసుకుపోయింది. దేశీయంగా 50,340 యూనిట్లు అమ్మి 4.34% వృద్ధిని సాధించింది. ఎప్పటిలాగే క్రెటా (17,344 యూనిట్లు) తన హవా కొనసాగించగా, ఇటీవల పూర్తి అప్‌డేట్‌తో విడుదలైన కొత్త తరం వెన్యూ కూడా భారీ అమ్మకాలతో సత్తా చాటింది. లాంచ్ అయిన నెల రోజుల్లోనే 32,000 బుకింగ్‌లు సాధించిన వెన్యూ డిమాండ్ ఇప్పుడు హాట్‌టాపిక్‌గా మారింది. కొత్త తరం హ్యుందాయ్ వెన్యూ నవంబర్ 2025లో ఏకంగా 11,645 యూనిట్ల అమ్మకాలు నమోదు చేసింది. గత ఏడాది (నవంబర్ 2024)లో 9,754 యూనిట్లు మాత్రమే విక్రయించింది. అంటే, ఏడాది కాలంలో 1,891 యూనిట్లు అదనంగా విక్రయించగలిగింది. దీంతో వార్షిక వృద్ధి ఏకంగా 19 శాతంగా నమోదైంది.
Advertisement

ఆటో ఖర్చులు ఆదా చేసుకునే ఛాన్స్

భారతదేశంలో స్కూటర్లకు, ప్రజలకు మధ్య ఉన్న అనుబంధం దశాబ్దాల నాటిది.స్కూటర్లు అంటే కేవలం ప్రయాణ సాధనం మాత్రమే కాదు, దైనందిన జీవితంలో ఒక సౌకర్యవంతమైన భాగం. కైనటిక్ హోండా (Kinetic Honda)తో మొదలైన ఈ ప్రయాణంలో, హోండా యాక్టివా వంటి మోడల్స్ గేర్‌లెస్ స్కూటర్లను నేటి స్థాయికి తీసుకువచ్చాయి.

విజయభేరి మోగించిన మారుతి విక్టోరిస్

భారతదేశంలోని మిడ్-సైజ్ ఎస్‌యూవీ సెగ్మెంట్‌లో మారుతి సుజుకి రెండవసారి విడుదల చేసిన మోడల్ విక్టోరిస్(Victoris). ఈ కొత్త హైబ్రిడ్ ఎస్‌యూవీ మార్కెట్లో విడుదలైన తొలి నెల నుంచే అద్భుతమైన అమ్మకాలతో దూసుకుపోతోంది. లుక్, ఫీచర్లు, ధర విషయంలో వినియోగదారులను ఆకట్టుకున్న విక్టోరిస్‌ను కొనుగోలు చేయడానికి జనం బారులు తీరుతున్నారు.

డిసెంబర్‌లో బైక్ కొనడం మంచిదా?

మీరు సంవత్సరం చివరిలో కొత్త మోటార్‌సైకిల్ లేదా స్కూటర్ కొనాలని ఆలోచిస్తున్నట్లయితే ఈ సమయం మీకు లాభదాయకం కావచ్చు. డిసెంబర్ వచ్చేసరికి, దాదాపు అన్ని టూ-వీలర్ కంపెనీలు తమ బైక్‌లపై ఆకర్షణీయమైన డిస్కౌంట్లు, ఆఫర్‌లను ప్రకటించడం మొదలుపెడతాయి. తమ వద్ద ఉన్న పాత స్టాక్‌ను త్వరగా ఖాళీ చేయడానికి డీలర్లు ఆత్రుతగా ఉంటారు. అందుకే ఈ సమయంలో కొనుగోలుదారులకు భారీ డిస్కౌంట్లు లభిస్తాయి. అయితే సంవత్సరపు చివరిలో బైక్ కొనడం మంచిదేనా ? దాని లాభాలు, నష్టాలు ఏమిటో వివరంగా తెలుసుకుందాం.

పిల్లల కోసం అదిరిపోయే ఎలక్ట్రిక్ బైక్

పెట్రోల్‌తో నడిచే వాహనాలతో పాటు, ఎలక్ట్రిక్ టూవీలర్‌లను తయారు చేయడంలో కూడా ప్రపంచంలోనే అతిపెద్ద ద్విచక్ర వాహన తయారీ సంస్థగా హీరో మోటోకార్ప్ నిరూపించుకుంది. ఎలక్ట్రిక్ వాహనాల కోసం విడా (Vida) అనే కొత్త బ్రాండ్‌ను ప్రారంభించింది. ఈ బ్రాండ్ కింద విడుదలైన ఎలక్ట్రిక్ స్కూటర్లు ఇప్పటికే మార్కెట్‌లో బాగా విజయవంతమయ్యాయి. తాజాగా హీరో మోటోకార్ప్ ఎలక్ట్రిక్ విభాగం అయిన విడా, పిల్లల కోసం తొలి ఎలక్ట్రిక్ డర్ట్ బైక్ ను విడుదల చేసి అందరినీ ఆశ్చర్యపరిచింది. విడా డర్ట్.ఇ K3 (Vida Dirt.E K3) అనే ఈ ఎలక్ట్రిక్ డర్ట్ బైక్‌ను కంపెనీ భారత మార్కెట్లో ప్రవేశపెట్టింది. ఈ బైక్‌ను ఈ సంవత్సరం ప్రారంభంలో EICMA మోటోషోలో ప్రదర్శించారు. ఇది డిసెంబర్ 12 నుంచి అధికారికంగా అమ్మకానికి వచ్చింది. మొదటి 300 యూనిట్లకు ఎక్స్‌షోరూమ్ ధర రూ.69,990 గా నిర్ణయించారు. అయితే, ఈ బైక్ పెద్దల కోసం కాదు కేవలం 4 నుంచి 10 సంవత్సరాల మధ్య వయస్సు ఉన్న పిల్లల కోసం మాత్రమే రూపొందించారు. డర్ట్.ఇ K3 బైక్ విడా కొత్త ఆఫ్-రోడ్ సబ్-బ్రాండ్ అయిన డర్ట్.ఇ (Dirt.E) కింద మొదటి ఉత్పత్తి. ఈ బైక్ ప్రత్యేకత ఏమిటంటే, ఇది పిల్లల పెరుగుదలకు అనుగుణంగా మార్చడానికి వీలుగా ఉంటుంది. కంపెనీ మూడు స్థాయిలలో (Small, Medium, High) సర్దుబాటు చేయగల సస్పెన్షన్ సెట్టింగ్‌లను అందించింది.
Advertisement

ఈ కారును రెండు నెలలుగా ఒక్కరు కొనలేదు

ఒకప్పుడు భారతీయ ప్రీమియం సెడాన్ విభాగంలో హ్యుందాయ్ వెర్నా, హోండా సిటీ వంటి మోడళ్లకు గట్టి పోటీ ఇచ్చి, మంచి ప్రజాదరణ పొందిన కారు మారుతి సుజుకి సియాజ్ (Maruti Suzuki Ciaz). ఈ కారు మారుతి హై లెవల్ నెక్సా (Nexa) డీలర్‌షిప్‌ల ద్వారా అమ్ముడవుతుంది.

డిసెంబర్ 15నుంచి మహీంద్రా కొత్త కార్ బుకింగ్స్

భారతీయ ఎస్‌యూవీ మార్కెట్‌లో ఆధిపత్యం కోసం టాటా మోటార్స్, మహీంద్రా అండ్ మహీంద్రా మధ్య పోటీ తీవ్రంగా ఉంది. ఈ మధ్యకాలంలో టాటా మోటార్స్ తన ఐకానిక్ సియెర్రా (Tata Sierra) ఎస్‌యూవీకి పునర్జన్మ ఇవ్వనున్నట్లు ప్రకటించింది. ఈ నేపథ్యంలో టాటాకు గట్టి పోటీ ఇవ్వాలని నిర్ణయించుకున్న మహీంద్రా, తమ అత్యంత ప్రజాదరణ పొందిన XUV700 ఎస్‌యూవీ ఫేస్‌లిఫ్ట్ వెర్షన్‌ను కొత్త పేరుతో విడుదల చేయబోతున్నట్లు ధృవీకరించింది. XUV300 ని XUV 3XO గా మార్చినట్లుగానే, XUV700 ఫేస్‌లిఫ్ట్‌ను ఇకపై XUV 7XO అనే పేరుతో పిలవనున్నారు.

.33 కి.మీ మైలేజ్ ఇస్తున్నా పట్టించుకోవడమే లేదు

సాధారణంగా ఎంట్రీ-లెవల్ వాహనాలను కొనుగోలు చేయాలనుకునే వారికి మారుతీ సుజుకి (Maruti Suzuki) ఎల్లప్పుడూ మొదటి ఆప్షన్‌గా ఉంటుంది. అయితే, ప్రస్తుతం బ్రాండ్‌లోని చిన్న మోడళ్లపై ప్రజల ఆసక్తి తగ్గుతోందా అనే సందేహం కలుగుతోంది. ముఖ్యంగా మారుతీ సుజుకి ఎస్-ప్రెస్సో (S-Presso) నవంబర్ నెల అమ్మకాల గణాంకాలు చూస్తుంటే ఆ విషయం స్పష్టమవుతోంది. ఎస్-ప్రెస్సో ఒక పర్ఫెక్ట్ సిటీ కారు. కాంపాక్ట్ డిజైన్, ఎత్తైన సీటింగ్ పొజిషన్ కారణంగా సిటీ ట్రాఫిక్‌లో దీన్ని నడపడం చాలా సులువు.

.33కిమీ మైలేజ్‎తో మిడిల్ క్లాస్ కారు

భారతదేశంలో ప్రస్తుతం ఎస్‌యూవీ (SUV) కార్లదే ఆధిపత్యం కనిపిస్తుంది. అయినప్పటికీ వాటి మధ్యలో ఒక సెడాన్ మోడల్ అమ్మకాలు ఊహించని విధంగా పెరగడం వాహన మార్కెట్‌లో ఆసక్తిని రేకెత్తిస్తోంది. ఆ కారు మరేదో కాదు, క్రాష్ టెస్ట్‌లో 5-స్టార్ సేఫ్టీ రేటింగ్‌ను సొంతం చేసుకున్న మారుతీ సుజుకి (Maruti Suzuki) మొట్టమొదటి కారు డిజైర్ (Dzire).
Advertisement

కేవలం రూ.5.76లక్షలకే పెద్ద కారు

ప్రస్తుతం ప్రముఖ జపనీస్ వాహన తయారీ సంస్థ నిస్సాన్ (Nissan) భారతీయ మార్కెట్‌లో కేవలం మాగ్నైట్, ఎక్స్-ట్రైల్ (X-Trail) అనే రెండు మోడళ్లను మాత్రమే విక్రయిస్తోంది. ఇందులో ఎక్స్-ట్రైల్‌కు నామమాత్రపు అమ్మకాలు మాత్రమే లభిస్తున్నందున, మాగ్నైట్ మాత్రమే నిస్సాన్ ఇండియాకు ప్రధాన ఆధారం. ఈ నేపథ్యంలో నిస్సాన్ తమ పోర్ట్‌ఫోలియోను విస్తరించాలని నిర్ణయించుకుంది. భారతదేశం కోసం ఒక సరికొత్త కాంపాక్ట్ ఎంపీవీ ని విడుదల చేయనున్నట్లు కంపెనీ అధికారికంగా ప్రకటించింది. దీని లాంచ్ తేదీ డిసెంబర్ 18, 2025 గా నిర్ణయించబడింది.