ఈ రోబోట్ మనతో ముచ్చట్లు చెబుతుంది

ఇప్పటి వరకు మనం మనుషుల పనులు చేసే అనేక రోబోట్‌లను చూశాం.. కానీ జపాన్‌కు చెందిన ప్రముఖ కంపెనీ కవాసకి హెవీ ఇండస్ట్రీస్ ఇప్పుడు సరికొత్త ఆవిష్కరణకు తెర లేపింది. ఈ కంపెనీ మోటార్‌సైకిళ్లను భర్తీ చేయగల ఒక వినూత్న రోబోట్‌ను రూపొందిస్తోంది. సింహం లాంటి ఆకృతిలో ఉండే ఈ రోబోట్‌ను నడపడం మోటార్‌సైకిల్, గుర్రాన్ని నడిపిన అనుభూతిని ఇస్తుంది. కంపెనీ దీనికి కోరలియో(Corleo) అని పేరు పెట్టింది. ఈ ఆలోచన ప్రస్తుతం నిర్మాణ దశలో ఉన్నప్పటికీ కంపెనీ ప్రొజెక్ట్ మేనేజర్ తకాహిరో ఉయనో ధీమా వ్యక్తం చేస్తూ..2035 నాటికి దీని అమ్మకాలు ప్రారంభమవుతాయని ప్రకటించారు.

టాటా సియెర్రా రివ్యూ బయటకు వచ్చింది! పెర్ఫామెన్స్ ఎలా ఉందంటే?

కొత్త టాటా సియెర్రా రివ్యూ చదవండి. ఫీచర్లు, ఇంజిన్ ఎంపికలు, డ్రైవింగ్ ఇంప్రెషన్‌లు మరియు భద్రతా రేటింగ్‌ల గురించి తెలుసుకోండి. ఇది SUV విభాగంలో బలమైన పోటీదారుగా నిలుస్తుందా? | Read the new Tata Sierra review. Learn about features, engine options, driving impressions and safety ratings. Does it stand as a strong contender in the SUV segment?

రూ.5.99లక్షల మైలేజ్ కింగ్‌పై రూ.70,000 డిస్కౌంట్

2025 క్యాలెండర్ సంవత్సరం ముగియడానికి ఇంకా కేవలం మూడు వారాలే మిగిలి ఉంది. ఈ సంవత్సరాంతపు స్టాక్‌ను పూర్తిగా విక్రయించడానికి కార్ల కంపెనీలు ఆకర్షణీయమైన ఆఫర్లతో ముందుకొస్తున్నాయి. ఈ డిసెంబర్ 2025లో మారుతి సుజుకి తమ ప్రీమియం హ్యాచ్‌బ్యాక్ బాలెనోపై భారీ తగ్గింపులను అందిస్తోంది. స్టైలిష్ డిజైన్, ఫీచర్లతో నిండిన క్యాబిన్, అత్యుత్తమ మైలేజ్ కారణంగా టాటా ఆల్ట్రోస్, హ్యుందాయ్ ఐ20 వంటి మోడళ్లకు బాలెనో గట్టి పోటీ ఇస్తోంది. ఈ డిసెంబర్ నెలలో బాలెనోపై ఉన్న ఆఫర్లు, వివరాలు తెలుసుకుందాం.

మీరు అనుకున్నదానికంటే తక్కువ ధరలో లగ్జరీ కారు

దక్షిణ కొరియాకు చెందిన కియా మోటార్స్ (Kia Motors) ఆటోమొబైల్ తయారీ శక్తిని భారత మార్కెట్‌లో కచ్చితంగా చూపిస్తుంది. ఈ కంపెనీకి చెందిన సెల్టోస్ (Seltos) SUV ఇప్పటికే దేశంలో పెద్ద ఆదరణ పొందింది, కస్టమర్లు దీన్ని విశ్వసనీయ, శక్తివంతమైన ఎంపికగా భావిస్తున్నారు. ఈ విజయాన్ని కొనసాగించడానికి, కియా మోటార్స్ ఇప్పుడు అదే SUVని రెండవ తరం రూపంలో విడుదలకు సన్నాహాలు చేస్తోంది. కొత్త కియా సెల్టోస్ ప్రపంచం ముందుకు డిసెంబర్ 10న బుధవారం ఆవిష్కరించబడనుంది. ప్రస్తుత మోడల్ కంటే మరింత ప్రీమియం ఫీచర్లు, ఆధునిక డిజైన్, ఆకర్షణీయమైన ఇంటీరియర్‌తో, కొత్త మోడల్ కస్టమర్ల కోసం ప్రత్యేక ఆకర్షణగా ఉంటుంది.
Advertisement

కస్టమర్ బాధ అర్థం చేసుకున్న హార్లీ

అమెరికన్ మోటార్‌సైకిల్ దిగ్గజం హార్లీ-డేవిడ్‌సన్ (Harley-Davidson) భారత మార్కెట్‌ను ఆకర్షించేందుకు దేశంలోనే అత్యంత తక్కువ ధర కలిగిన ఎక్స్440 (X440) సిరీస్‌లో భాగంగా, కొత్త ఎక్స్440 టి(X440 T) మోటార్‌సైకిల్‌ను రూ.2.79 లక్షల (ఎక్స్-షోరూమ్) ప్రారంభ ధరతో పరిచయం చేసింది. ఈ కొత్త బైక్‌ను ఒకే వేరియంట్‌లో పియరల్ బ్లూ, రెడ్, వైట్, వివిడ్ బ్లాక్ అనే నాలుగు ఆకర్షణీయమైన రంగుల్లో అందుబాటులోకి తీసుకొచ్చారు.

మార్కెట్‌లో మళ్లీ బజాజ్ ధమాకా! నవంబర్ అమ్మకాలు 8% పెరిగాయి

2025 నవంబర్ నెల బజాజ్ (Bajaj) ఆటోకి మరోసారి బలమైన పనితీరును నమోదు చేసిన నెలగా నిలిచిపోయింది. దేశీయ ద్విచక్ర వాహనాల డిమాండ్ పెద్దగా పెరుగకపోయినా, విదేశీ మార్కెట్ల నుండి వచ్చిన బలమైన కొనుగోలు ఉత్సాహం, వాణిజ్య వాహన విభాగంలోని గణనీయమైన వృద్ధి కంపెనీ మొత్తం అమ్మకాల్ని గట్టిగా నిలబెట్టాయి. ప్రత్యేకించి, ఎగుమతుల విభాగంలో బజాజ్ ఆటో చూపించిన వేగం కంపెనీకి ఆర్థికంగా కీలకమైన లాభాలను అందించడమే కాక, గ్లోబల్ ప్రెజెన్స్‌ను మరింత బలపరిచింది. నవంబర్ 2025లో కంపెనీ మొత్తం ఏకీకృత అమ్మకాలు 4,53,273 యూనిట్లు చేరాయి. ఇది గత ఏడాది ఇదే నెలలో నమోదు చేసిన 4,21,640 యూనిట్లతో పోలిస్తే ఎనిమిది శాతం వృద్ధి. ఈ పెరుగుదల బజాజ్ ఆటో మార్కెట్‌లో కొనసాగుతున్న ప్రభావాన్ని, అలాగే కొత్తగా వెల్లువెత్తుతున్న గ్లోబల్ డిమాండ్‌ను స్పష్టంగా చూపిస్తోంది.

బిగ్ ఫ్యామిలీకి బెస్ట్ చాయిస్!7-సీటర్.. 17 కి.మీ మైలేజ్

మహీంద్రా XUV700 గురించి చెప్పాలంటే, ఇది నేటి భారతీయ కుటుంబాల అవసరాలను అచ్చుగుద్దినట్టుగా తీర్చగలిగే పూర్తి స్థాయి ఫ్యామిలీ SUV గా మార్కెట్లో ప్రత్యేక స్థానాన్ని సంపాదించుకుంది. ఈ కారు అందించే స్పేస్, కంఫర్ట్, సేఫ్టీ.. మూడు విభాగాల్లోను తన తరగతిలోనే కాదు, ఉన్నత సెగ్మెంట్‌ల కార్లకూ పోటీ ఇస్తుందని వినియోగదారులు చెబుతున్నారు. లోపల కూర్చుంటే ఒక పెద్ద, శుభ్రమైన, ఎయిరీ కేబిన్ ఫీలవుతుంది. రెండు కుటుంబాలు కలిసి ప్రయాణించినా కూడా ఇబ్బంది లేకుండా కంఫర్ట్‌గా కూర్చోగలిగే ఇంత పెద్ద స్పేస్‌ను మహీంద్రా అద్భుతంగా డిజైన్ చేసింది. బయట నుంచి చూడగానే ఆకట్టుకునే ప్రెజెన్స్ కలిగిన ఈ SUV, తన షార్ప్ లైన్లు, డామినెంట్ గ్రిల్, LED లైట్ సిగ్నేచర్‌తో క్షణాల్లోనే దృష్టిని ఆకర్షిస్తుంది.

19 గంటల్లోనే 1030 కి.మీ ప్రయాణం.. అది కూడా ఇలాంటి కారుతో!

హ్యుందాయ్ ఎక్స్‌టర్ (Hyundai Exter) మార్కెట్లోకి వచ్చినప్పటి నుంచి చిన్న SUV సెగ్మెంట్‌లో మంచి పేరు సంపాదించుకుంది. ప్రాక్టికల్ డిజైన్, ఫీచర్లు, మైలేజ్ అన్ని ఒక ప్యాకేజ్‌గా భావిస్తూ చాలామంది దీనిని కొనుగోలు చేస్తున్నారు. ఈ నేపథ్యంలో, ఒక వినియోగదారుడు ఈ కారుతో చేసిన ప్రయాణ అనుభవం సోషల్ మీడియాలో హైలైట్ అవుతోంది. బెంగళూరుకు చెందిన ఈ వ్యక్తి కొత్తగా కొనుగోలు చేసిన ఎక్స్‌టర్ AMT వేరియంట్‌తో కేవలం 19 గంటల్లో 1030 కి.మీ ప్రయాణించి తన అనుభవాన్ని రెడ్డిట్‌లో పంచుకున్నారు. అదీగాక, ఆయన చేసిన ఈ ప్రయాణం సాదాసీదా రోడ్లపై కాదు. భారీ వర్షాలు, పూర్తిగా దెబ్బతిన్న రోడ్లు, ట్రాఫిక్‌తో నిండిన ప్రాంతాలు.. ఇవన్నీ ఎదురైనా ఎక్స్‌టర్ తన పనితీరులో ఎక్కడా రాజీపడలేదని ఆయన వివరించాడు. దీనికోసం అతను ఎక్స్‌టర్ AMT కారును ఉపయోగించాడు
Advertisement

గోవా బీచ్ వైబ్స్‌తో Tvs కొత్త బైక్ అడుగుపెట్టింది

టీవీఎస్ మోటార్ (tvs motor) కంపెనీ ప్రతి ఏడాది మోటార్‌సైకిల్ ప్రేమికుల కోసం నిర్వహించే ప్రత్యేక వేడుక 'టీవీఎస్ మోటోసౌల్'. ఈ వేడుక ఇప్పటికే బైక్ కల్చర్‌లో తనదైన గుర్తింపు తెచ్చుకుంది. ఈసారి ఐదవ వార్షికోత్సవ వేడుకలో టీవీఎస్ అందరి చూపులను తన వైపు తిప్పుకునేలా ఒక ప్రత్యేక మోడల్‌ను ఆవిష్కరించింది, అదే టీవీఎస్ రోనిన్ అగోండా (tvs ronin agonda). ఇది కేవలం ఒక కొత్త ఎడిషన్ కాదు, రోనిన్ బ్రాండ్ కథను మరింత లోతుగా చెబుతూ, డిజైన్‌లో కస్టమ్-కల్చర్ ఆత్మను ప్రతిబింబించేలా రూపొందించిన లిమిటెడ్-ఎడిషన్ వెర్షన్. ముందుగా ధర విషయానికి వస్తే, టీవీఎస్ రోనిన్ అగోండా రూ.1,30,990 (ఎక్స్-షోరూమ్) ధరకు విడుదలైంది.

సియెర్రా కం బ్యాక్! ఏ వేరియంట్‌ ఎంత? పూర్తి వివరాలు ఇక్కడే

టాటా మోటార్స్ (Tata Motors) ఎంతో ప్రతిష్టాత్మకంగా తిరిగి తెచ్చిన సియెర్రా (Sierra) ఇప్పుడు భారత మార్కెట్లో కొత్త ఊపును రాబట్టే మోడల్‌గా నిలుస్తోంది. నవంబర్ 26, 2025న అధికారికంగా లాంచ్ చేసిన ఈ కాంపాక్ట్ SUV, కేవలం పేరు మాత్రమే కాదు.. అదే వారసత్వాన్ని కొత్త డిజైన్, ఆధునిక టెక్నాలజీ, ప్రీమియం ఫీచర్లతో మరో దశకు తీసుకెళ్లిన మోడల్‌గా అందరినీ ఆకర్షిస్తోంది. ప్రారంభ ధరను రూ.11.49 లక్షలుగానే నిర్దేశించినప్పటికీ, ఇప్పుడు టాటా సియెర్రా మిగతా వేరియంట్‌ల ధరలను కూడా కంపెనీ వెల్లడించింది. సియెర్రా మొత్తం 7 వేరియంట్‌లలో స్మార్ట్+, ప్యూర్, ప్యూర్+, అడ్వెంచర్, అడ్వెంచర్+, అకంప్లిష్డ్, అకంప్లిష్డ్+ లలో లభిస్తుంది. ఈ వేరియంట్‌లను చూస్తేనే టాటా ఈ మోడల్‌ను విభిన్న రకాల కస్టమర్ల అవసరాలకు అనుగుణంగా రూపొందించినట్లు తెలుస్తోంది.

ఇన్నోవాను ఎదుర్కొనే మొనగాడు వచ్చేశాడు

భారతీయ కస్టమర్లలో భారీ అంచనాలను పెంచిన మహీంద్రా ఎక్స్‌ఈవీ 9ఎస్ (Mahindra XEV 9S) కారు ఇటీవల అధికారికంగా మార్కెట్‌లో విడుదలైంది. ఇది 7-సీటర్ సామర్థ్యం గల ఎలక్ట్రిక్ ఎస్‌యూవీ (7 Seater Electric SUV) రకానికి చెందినది. ఈ కారులో మూడు రకాల బ్యాటరీ ఆప్షన్లు ఉన్నాయి. అవి 59 kWh, 70 kWh, 79 kWh.

మీ దగ్గర KTM ఆ మోడల్ బైక్ ఉందా ?

ప్రముఖ మోటార్‌సైకిల్ తయారీ సంస్థ కేటీఎం (KTM) తన అంతర్జాతీయ వెబ్‌సైట్‌లో విడుదల చేసిన పత్రికా ప్రకటన ద్వారా, తమ 390 సిరీస్‌లోని పలు మోడళ్లను రీకాల్ (వెనక్కి తీసుకోవడం) చేస్తున్నట్లు ప్రకటించింది. ఈ రీకాల్‌కు ప్రధాన కారణం.. కొన్ని బైక్‌లలో ఇంజిన్ అకస్మాత్తుగా ఆగిపోయే (Stalling) సమస్య తలెత్తడం.
Advertisement

బ్రెజ్జా ఫేస్‌లిఫ్ట్‌లో కిల్లింగ్ ఫీచర్లు

భారతదేశంలో అత్యంత ప్రజాదరణ పొందిన కాంపాక్ట్ ఎస్‌యూవీలలో ఒకటైన మారుతి సుజుకి బ్రెజ్జా (Maruti Suzuki Brezza) ఫేస్‌లిఫ్ట్ వెర్షన్ మరోసారి సీక్రెట్‎గా టెస్టింగ్ చేస్తుండగా కెమెరా కళ్లకు చిక్కింది. ఈసారి బ్రెజ్జాను మనాలి సమీపంలో మారుతి జిమ్నీతో పాటు పరీక్షించడం జరిగింది. ఈ తాజా టెస్టింగ్ సమయంలో వెల్లడైన కొత్త వివరాలు, రాబోయే 2026 మారుతి సుజుకి బ్రెజ్జా ఫేస్‌లిఫ్ట్‌లో డిజైన్, ఫీచర్ల పరంగా పెద్ద ఎత్తున మార్పులు జరగబోతున్నాయని స్పష్టంగా సూచిస్తున్నాయి. ఈ భారీ అప్‌డేట్ కారును దాని ప్రత్యర్థులైన టాటా నెక్సాన్, హ్యుందాయ్ వెన్యూ వంటి కాంపాక్ట్ ఎస్‌యూవీలకు మరింత గట్టి పోటీ ఇచ్చేలా చేయనుంది.

ఇది వచ్చిన దగ్గర్నుంచి టాటాకు టెన్షన్ పట్టుకుంది

భారతీయ మార్కెట్‌లో అత్యంత ప్రజాదరణ పొందిన, తక్కువ ధర కలిగిన ఎలక్ట్రిక్ కార్లలో ఎంజీ కామెట్ ఈవీ (MG Comet EV) ఒకటిగా నిలుస్తోంది. దీని సరసమైన ధర కారణంగా, ఇది ప్రతి నెల మంచి అమ్మకాల సంఖ్యను నమోదు చేస్తోంది. అయితే, అక్టోబర్ 2025 నెల సేల్స్ రిపోర్ట్ ప్రకారం, సెప్టెంబర్‌తో పోలిస్తే అమ్మకాలు కొద్దిగా తగ్గాయి.

స్కోడా దెబ్బకు కంపెనీలన్నీ సోడా తాగాల్సిందే

భారతీయ మార్కెట్‌లోని మిడ్-సైజ్ ఎస్‌యూవీ సెగ్మెంట్లో అత్యంత ప్రజాదరణ పొందిన కార్లలో స్కోడా కుషాక్ (Skoda Kushaq) ఒకటి. 2021లో తొలిసారిగా విడుదలైన ఈ కారు ఇప్పుడు కొత్త రూపంలో రాబోతోంది. స్కోడా సంస్థ కుషాక్ కారు ఫేస్‌లిఫ్ట్ (Facelift) మోడల్‌ను భారత రోడ్లపై ఇప్పటికే అనేకసార్లు టెస్టింగ్ చేసింది.

ఈ కార్లు ఎక్కినే పూనకాలు రావాల్సిందే

భారతీయ వాహన మార్కెట్‌లో ఇప్పుడు అత్యంత ప్రజాదరణ పొందిన సెగ్మెంట్ ఏదైనా ఉందంటే అది సబ్-4 మీటర్ ఎస్‌యూవీలే. రాబోయే రెండు సంవత్సరాలలో ఈ సెగ్మెంట్‌లో పదుల సంఖ్యలో కొత్త మోడల్స్ రాబోతున్నాయి. ఇప్పటికే మంచి అమ్మకాలు ఉన్న ఈ విభాగంలో అన్ని ప్రధాన కంపెనీలు (టాటా, హ్యుందాయ్, మారుతి, హోండా, ఫోక్స్‌వ్యాగన్) మరింత స్టైల్, సేఫ్టీ, ఫీచర్లతో కూడిన కార్లను విడుదల చేయడానికి సిద్ధమవుతున్నాయి. ఈ కొత్త కార్ల రాకతో 2026-27 కాలంలో సబ్-4 మీటర్ ఎస్‌యూవీ విభాగం మరింత కొత్త శిఖరాలను చేరుకోవడం ఖాయం.
Advertisement

సామాన్యుల కారుపై మారుతి భారీ డిస్కౌంట్

మారుతి సుజుకి ఇగ్నిస్ (maruti suzuki ignis)... చిన్నదైనా చిట్టచివరి వరకు పెద్ద మనసు చూపించే కారు. భారత మార్కెట్లోకి వచ్చినప్పటి నుంచి ఈ కాంపాక్ట్ హ్యాచ్‌బ్యాక్‌కు మంచి గుర్తింపే కాదు, ప్రత్యేకమైన అభిమాన వర్గం కూడా ఏర్పడింది. చిన్న సైజ్, స్టైలిష్ లుక్స్, బలమైన బిల్డ్, విశ్వసనీయమైన ఇంజిన్.. ఇన్ని అంశాలు ఉండటమే కాకుండా పేదలు, మధ్యతరగతి కుటుంబాలు సైతం సులభంగా కొనగలిగేటట్లు అందుబాటు ధరలో లభించడం ఇగ్నిస్‌ను మరింత ప్రత్యేకంగా నిలబెడుతుంది. నగర రోడ్లలో, ట్రాఫిక్‌లో, చిన్న చిన్న ప్రయాణాల్లో ఇగ్నిస్ ఇచ్చే ఫ్లెక్సిబిలిటీ, స్మూత్ డ్రైవింగ్ అనుభవం చాలా మందిని ఆకట్టుకుంటుంది. కాబట్టే ఈ కాంపాక్ట్ హ్యాచ్‌బ్యాక్‌ ప్రతి నెలా ఒక స్థిరమైన అమ్మకాలతో ముందుకు సాగుతుంది.

బలానికి, అందానికి కొత్త డెఫినిషన్.. ఇదే కొత్త Pulsar N160

బజాజ్ మరోసారి స్పోర్టీ బైక్ ప్రేమికులను ఆకట్టుకునేలా తన 160 సీసీ సెగ్మెంట్‌ను విస్తరించింది. పల్సర్ సిరీస్‌కి ఎప్పటికప్పుడు కొత్త అప్‌డేట్లు తీసుకొస్తున్న ఈ బ్రాండ్, ఇప్పుడు Pulsar N160కి కొత్త వేరియంట్‌ను భారత మార్కెట్లో అధికారికంగా విడుదల చేసింది. ఇప్పటికే N160 తన పవర్‌, పర్ఫార్మెన్స్‌, రైడింగ్ కంఫర్ట్‌తో యువతలో మంచి క్రేజ్‌ని సంపాదించగా, ఈసారి తీసుకొచ్చిన కొత్త మోడల్ ఆ అట్రాక్షన్‌ను ఇంకా పెంచేసేలా ఉంది. ఈ కొత్త వేరియంట్‌లో ప్రధాన హైలైట్‌గా ఉండేది అప్‌సైడ్-డౌన్ (USD) ఫోర్క్. ముందు భాగంలో తలక్రిందులుగా అమర్చిన ఈ సస్పెన్షన్ సిస్టమ్ బైక్‌కు స్పోర్టీ లుక్‌ని మాత్రమే కాకుండా, స్టీరింగ్‌ స్టాబిలిటీ, హ్యాండ్లింగ్‌, బ్రేకింగ్ పరంగా కూడా మెరుగైన కంట్రోల్‌ను అందిస్తుంది.

మీ బడ్జెట్‌కు బాస్ SUV ఇదే! కొత్త XUV 3XO పర్ఫెక్ట్ ఆప్షన్

మహీంద్రా XUV 3XO పేరు వినగానే యువత నుంచి కుటుంబాల వరకు అందరికీ ఒక స్పెషల్ కనెక్ట్. ఈ కారు మార్కెట్లోకి వచ్చినప్పటి నుంచే కొత్త రూపం, కొత్త రేంజ్, కొత్త టెక్నాలజీతో SUV సెగ్మెంట్‌లో పెద్ద సంచలనంగా మారింది. బయటకు చూస్తేనే అగ్రెసివ్ స్టాన్స్, షార్ప్ లైన్స్, డైనమిక్ డిజైన్‌.. ఇతర కార్లతో పోలిస్తే దీన్ని ప్రత్యేకంగా నిలబెడతాయి. లుక్‌ని చూసిన వెంటనే ఇదే నా కార్ అనిపించేలా ఉంటుంది. అందుకే మీరు కొత్త కారు కొనాలని భావిస్తే... చూడటానికి స్టైలిష్‌గా, నడపడానికి పవర్‌ఫుల్‌గా, లోపల కంఫర్టబుల్‌గా, సేఫ్టీలో నంబర్ వన్‌గా ఉండే కారు కావాలంటే Mahindra XUV 3XO బెస్ట్ ఛాయిస్ అవుతుంది. చిన్న కుటుంబానికి సరిపోయేలా, పెద్ద ప్రయాణాలకు సౌకర్యంగా ఉంటుంది. దీని గురించిన ఇతర వివరాలను ఈ కింది కథణంలో చూద్దాం.

టయోటా దెబ్బకు మార్కెట్ దిమ్మతిరిగింది

భారతదేశ ఆటోమొబైల్ మార్కెట్‌లో హైబ్రిడ్ కార్ల సెగ్మెంట్ చాలా బలంగా వృద్ధి చెందుతోంది. పెట్రోల్ ధరలు పెరుగుతున్న నేపథ్యంలో అధిక మైలేజీని అందించే ఈ హైబ్రిడ్ కార్ల అమ్మకాలు ఇటీవలి కాలంలో గణనీయంగా పెరిగాయి. హైబ్రిడ్ కార్లు కొందరికి బడ్జెట్‌ను మించిన ధరలో ఉన్నప్పటికీ మైల్డ్ హైబ్రిడ్, స్ట్రాంగ్ హైబ్రిడ్ వంటి టెక్నాలజీలను వాహన తయారీ సంస్థలు అందిస్తున్నాయి. 2025 ఆర్థిక సంవత్సరం (FY2025)లో దేశంలో జరిగిన హైబ్రిడ్ కార్ల అమ్మకాల వివరాలు ఇప్పుడు అందుబాటులోకి వచ్చాయి. ఇది ఈ కార్ల పట్ల వినియోగదారులు ఎంత ఆసక్తి చూపిస్తున్నారో తెలియజేస్తోంది.
Advertisement

మధ్యతరగతి కలల బైక్‌లు ఇవే… తక్కువ ధరలో టాప్ మైలేజ్!

రోజువారీ ప్రయాణాలకు సరిపడే కొత్త మోటార్‌సైకిల్ కోసం చూస్తున్నారా? అయితే భారత మార్కెట్లో 100cc సెగ్మెంట్ ఇప్పటికీ అత్యంత పాపులర్‌గా కొనసాగుతోంది. కారణం చాలా సింపుల్.. సరసమైన ధర, తక్కువ మెయింటెనెన్స్ ఖర్చులు, అలాగే అద్భుతమైన మైలేజీ. ప్రతిరోజూ ఆఫీస్‌కు, స్కూల్ రన్స్‌కు, లేదా చిన్న చిన్న పనులకు వెళ్లేవారికి ఈ బైక్‌లు నిజంగా బెస్ట్ చాయిస్‌గా మారాయి. ఈ కేటగిరీలో ప్రస్తుతం ఎక్కువగా కొనుగోలు అవుతున్న మోడళ్లలో బజాజ్ ప్లాటినా 100, హోండా షైన్ 100, హీరో స్ప్లెండర్ ప్లస్, హీరో HF డీలక్స్ అనే నాలుగు బైక్‌లు ముందంజలో ఉన్నాయి. ప్రతీ మోడల్‌కి తనదైన ప్రత్యేకత ఉంటుంది. బడ్జెట్ ఫ్రెండ్లీ ఆప్షన్. తక్కువ ధరకే మంచి మైలేజ్, డైలీ యూజ్‌కు సరిపోయే పనితీరు ఇవన్నీ కలిసి వీటికి మాస్ మార్కెట్లో గట్టి క్రేజ్‌ని తీసుకొచ్చాయి. వీటి గురించిన వివరాలు ఈ కింది కథనంలో..

జిప్సీలా మాయం కాకుండా మారుతి మెగా ప్లాన్

2025 సెప్టెంబర్‌లో కొత్త జీఎస్‌టీ 2.0 సంస్కరణలు అమలు చేసిన తర్వాత, మారుతి సుజుకి కార్లు మరింత తక్కువ ధరలలో లభిస్తున్నాయి. దీనికి తోడు పండుగ సీజన్, ఇయర్ ఎండ్ ఆఫర్లలో భాగంగా కంపెనీ తమ కార్లపై భారీ తగ్గింపులను ప్రకటిస్తోంది. ఈ డిసెంబర్ 2025 నెలలో మారుతి సుజుకి తమ ప్రీమియం నెక్సా డీలర్‌షిప్ ద్వారా విక్రయించే ప్రముఖ మోడళ్లలో ముఖ్యంగా మారుతి సుజుకి జిమ్నీ 5 డోర్ పై ఆకర్షణీయమైన తగ్గింపులు అందిస్తోంది. ప్రస్తుతం దేశంలో అందుబాటులో ఉన్న అత్యుత్తమ ఆఫ్-రోడ్ ఎస్‌యూవీలలో ఒకటైన జిమ్నీపై ఈ డిసెంబర్‌లో ఏకంగా రూ.లక్ష వరకు గరిష్ట ప్రయోజనాలు లభిస్తున్నాయి.

గాలిలో ఎగిరే కైట్‌లా నడుస్తుందట ఈ కొత్త కారు

జపాన్‌కు చెందిన ప్రముఖ ఆటోమోటివ్ దిగ్గజం నిస్సాన్ (Nissan), దశాబ్దాలుగా గ్లోబల్ మార్కెట్‌లో తనదైన స్థానాన్ని సంపాదించుకుంది. నాణ్యత, పనితీరు, భద్రత అనే మూడు మూల సూత్రాలపై నమ్మకంగా ముందుకు సాగుతున్న ఈ సంస్థ, ప్రపంచవ్యాప్తంగా డజన్ల కొద్దీ దేశాల్లో అనేక మోడళ్లను విజయవంతంగా విక్రయిస్తోంది. భారతదేశంలో కూడా నిస్సాన్ బ్రాండ్‌కు గణనీయమైన అభిమానులు ఉన్నారు. ఈ నేపథ్యంలోనే తాజాగా కంపెనీ చేసిన ఓ భారీ ప్రకటన ఆటోమొబైల్ ప్రపంచంలో భారీ చర్చను రేపుతోంది. బ్రెజిల్‌లోని సావో పాలోలో నిర్వహించిన ఒక ప్రతిష్టాత్మక గ్లోబల్ ఈవెంట్‌లో, నిస్సాన్ తన సరికొత్త SUV కైట్‌ను ప్రపంచవ్యాప్తంగా ఆవిష్కరించింది. ఈ విభిన్న డిజైన్‌తో, ఆధునిక సాంకేతికతలతో, భవిష్యత్‌ తరానికి అనువైన సౌకర్యాలతో రూపొందించిన SUV, కంపెనీ నెక్స్ట్-జెనరేషన్ వాహనాల దిశగా తీసుకున్న కీలక అడుగుల్లో ఒకటిగా నిలిచింది.

పేదల కొత్త కారు నెరవేర్చేలా మారుతి మెగా ప్లాన్

ఒకప్పుడు భారతీయ మార్కెట్‌లో అత్యంత చౌకగా లభించే, అధిక మైలేజీని అందించే కార్లకు విపరీతమైన డిమాండ్ ఉండేది. కానీ ఈ మధ్యకాలంలో వినియోగదారులు ఆ అత్యంత చౌకైన ఎంట్రీ-లెవల్ కార్లపై పెద్దగా దృష్టి పెట్టడం లేదు. ప్రస్తుతం భారతీయులు మైలేజీ కంటే కూడా ప్రీమియం ఫీచర్లతో కూడిన ఎస్‌యూవీల వైపు మొగ్గు చూపుతున్నారు. ఫలితంగా ఒకప్పుడు భారతదేశంలో అత్యధికంగా అమ్ముడైన కార్లుగా నిలిచిన కొన్ని మోడళ్ల అమ్మకాలు ఇప్పుడు మందగిస్తున్నాయి. వాటిలో మారుతి సుజుకి ఆల్టో K10 ఒకటి. 25 ఏళ్లుగా భారత మార్కెట్‌లో ఉన్న ఆల్టో, ఇప్పటికీ ఎప్పటికప్పుడు అప్‌డేట్‌లు చేస్తూ బెస్ట్ సెల్లర్‌గా నిలిచింది.
Advertisement

క్రేజ్ ఏ రేంజ్‌లో ఉందో చూడండి! న్యూ వెన్యూకి బంపర్ రెస్పాన్స్

హ్యూందాయ్ (Hyundai) భారత మార్కెట్‌ను మరింతగా ఆకర్షించేందుకు గత నెలలోనే తన కొత్త తరం వెన్యూ ఎస్‌యూవీ(Venue Suv)ని అధికారికంగా విడుదల చేసింది. విడుదలైన నిమిషం నుంచే ఈ మోడల్‌పై వచ్చిన స్పందన కంపెనీ అంచనాలను మించి వెళ్లింది. ఎందుకంటే హ్యూందాయ్ వెన్యూ దేశీయ మార్కెట్లో ఇప్పటికే బెస్ట్‌సెల్లర్‌గా తన స్థానాన్ని పటిష్టం చేసుకున్న SUV. ఇప్పుడు దీని కొత్త తరం మోడల్ రావడంతో కస్టమర్లలో మరింత ఉత్సాహం కనిపిస్తోంది. తాజా సమాచారం ప్రకారం, ఈ కొత్త వెన్యూ మార్కెట్లోకి అడుగుపెట్టిన కొన్ని వారాల్లోనే 32,000కు పైగా బుకింగ్‌లు అందుకుంది. ఈ సంఖ్య ఒక్కటే వినియోగదారుల్లో ఈ కారుపై ఉన్న నమ్మకం, ఆసక్తి ఎంత ఎక్కువదో చెప్పడానికి సరిపోతుంది. ముఖ్యంగా, యంగ్ కస్టమర్లు, కుటుంబ కార్ కొనుగోలుదారులు ఈ SUV వైపు పెద్దఎత్తున మొగ్గు చూపుతున్నారు.