జులై నెలలో కార్లు, ఎస్‌యూవీలపై ఆఫర్ల వర్షం కురుస్తోంది. తక్కువ ధరల కార్ల నుంచి ప్రీమియం కార్ల వరకు భారీ డిస్కౌంట్లు లభిస్తున్నాయి. వీటిలో అన్నింటికన్నా ఆకర్షణీయమైన ఆఫర్ ఫోక్స్‌వ్యాగన్ టిగువాన్ Rలైన్ పై ఉంది. కేవలం 90రోజుల క్రితం అంటే మూడు నెలల క్రితం రూ.49లక్షల (ఎక్స్-షోరూం) ప్రారంభ ధరతో లాంచ్ అయిన ఈ పవర్‌ఫుల్ SUV ఇప్పుడు ఏకంగా రూ. 3 లక్షల తగ్గింపుతో లభిస్తోంది.

కొత్త కారు కొనాలని ప్లాన్ చేస్తున్నారా? కార్ల సేఫ్టీ రేటింగ్స్ చూసే ఉంటారు కదా? ఇండియాలో ఇప్పుడు భారత్ NCAP టెస్టులు జరుగుతున్నాయి. వీటిల్లో కార్లకు స్టార్ రేటింగ్‌లు ఇస్తారు. అయితే, కేవలం 5 స్టార్ రేటింగ్ చూసి కారును కొనేస్తే సరిపోదు. ఆ రేటింగ్‌తో పాటు AOP, COP పాయింట్స్ కూడా ఉంటాయి. అవి ఏంటి? వాటిని ఎందుకు చూడాలి? ఈ వార్తలో వివరంగా తెలుసుకుందాం.

దేశీయ దిగ్గజ టూవీలర్ తయారీదారు అయినటువంటి టీవీఎస్ (Tvs) భారతీయుల కోసం రోజువారి అవసరాలకు ఉపయోగపడే టూవీలర్స్‌ను విక్రయించడంలో ఎప్పుడు కూడా ముందు ఉంటుంది. ఈ కంపెనీకి సంబంధించిన సేల్స్ మెరుగ్గానే నమోదవుతున్నాయి. తన ప్రసిద్ధ మోడల్ స్టార్ సిటీ ప్లస్ (Star City Plus)కు సంబంధించి సేల్స్ వివరాలను వెల్లడించింది. దీని ప్రకారం, జూన్ 2025లో టీవీఎస్ స్టార్ సిటీ ప్లస్ మరోసారి తన మార్కెట్‌లోని స్థానం ఎంత బలమైనదో నిరూపించుకుంది. ఎంట్రీ-లెవల్ కమ్యూటర్ సెగ్మెంట్‌లో దీర్ఘకాలంగా ఉన్న ఈ బైక్, తన సదుపాయాలు, మైలేజ్, నమ్మకమైన పనితీరుతో వినియోగదారుల మనసు గెలుచుకుంటూనే ఉంది. జూన్ 2025లో టీవీఎస్ స్టార్ సిటీ ప్లస్ బైక్‌లు ఏకంగా 2,400 యూనిట్లు అమ్ముడయ్యాయి.

హీరో మోటోకార్ప్ (Hero Motocorp) తన టూవీలర్ విభాగంలో నంబర్ వన్ తయారీదారుగా భారత మార్కెట్లో మంచి స్థానం సంపాదించుకుంది. బైక్ విభాగంలో ఇప్పటికే తిరుగులేని పేరు సంపాదించుకున్న ఈ సంస్థ, ఇప్పుడు స్కూటర్ విభాగంపైనా దృష్టి సారించింది. ఈ క్రమంలో జనవరిలో జరిగిన భారత్ మొబిలిటీ గ్లోబల్ ఎక్స్‌పోలో, హీరో జూమ్ 160 (Hero Xoom 160) అనే స్టైలిష్, పవర్‌ఫుల్ స్కూటర్‌ను సంస్థ ప్రదర్శించింది. డైనమిక్ డిజైన్, స్పోర్టీ బిల్డ్, ప్రీమియం లక్షణాలతో, ఈ స్కూటర్ అప్పటినుంచి యువతలో మంచి క్రేజ్‌ను సంపాదించుకుంది. ఈ అడ్వెంచర్-స్టైల్ స్కూటర్ ఈ ఏడాది ప్రారంభంలోనే లాంచ్ అయింది. లాంచ్ అయినప్పటికి కూడా దాని బుకింగ్స్‌ను అప్పుడు ప్రారంభించలేదు. అయితే ఎప్పటి నుంచో ఎదురుచూస్తున్న వారికి ఇది ఒక శుభవార్తే. తాజాగా కంపెనీ దీని బుకింగ్స్‌ను ప్రారంభించింది.

ఈ ఏడాది వరలక్ష్మి వ్రతం పండుగ ఆగస్టు 8న వస్తోంది. పండుగకు బంగారం కాకుండా, రోజూ వాడటానికి కొత్త స్కూటర్ కొందామని ఆలోచిస్తున్నారా? అయితే లక్ష రూపాయలలోపు (ఎక్స్-షోరూం ధర) దొరికే కొన్ని బెస్ట్ స్కూటర్ల వివరాలు ఈ వార్తలో తెలుసుకుందాం. హోండా యాక్టివా 125, సుజుకి యాక్సెస్ 125, టీవీఎస్ జూపిటర్ 125, హీరో డెస్టిని 125, హోండా క్యూసి1 స్కూటర్లు బెస్ట్ ఛాయిస్ కావచ్చు. వీటి ధరలు, ప్రత్యేకతలు ఏంటో చూద్దాం.

భారత మార్కెట్లో మిడ్-సైజ్ MPV సెగ్మెంట్‌కి సంబంధించి, రెనాల్ట్ ట్రైబర్ మంచి పేరును సంపాదించుకుంది. తాజాగా 2025 ఫేస్‌లిఫ్ట్ వెర్షన్‌కి సంబంధించి భారీ అంచనాల మధ్య విడుదలైన ఈ మోడల్ ఇప్పటికే మార్కెట్లో సందడి చేస్తోంది. కొత్తగా వచ్చిన ఈ వేరియంట్ ఇప్పుడు దేశవ్యాప్తంగా రెనాల్ట్ షోరూమ్‌లకు రీచ్ అవుతోందని కార్దేఖో వెబ్‌సైట్ నివేదించింది. ఈ కారును బుకింగ్ చేసుకున్న వినియోగదారులకు ఇది శుభవార్త అని చెప్పవచ్చు. 2025 ట్రైబర్ ఫేస్‌లిఫ్ట్ వేరియంట్ మరింత ఆకర్షణీయమైన రూపంలో, ఇంకా మరింత ఫీచర్‌లతో మార్కెట్లో అడుగుపెట్టింది. ఈ కారులో ప్రధాన ఆకర్షణగా నిలిచింది దీని ధర. ప్రారంభ వేరియంట్‌ ధర కేవలం రూ.6.30 లక్షలు (ఎక్స్-షోరూమ్) నుంచి మొదలవుతుండగా, టాప్ వేరియంట్ ధర రూ.9.40 లక్షల వరకు చేరుతుంది.

ఎలక్ట్రిక్ వెహికల్ కొనేటప్పుడు ప్రతి ఒక్కరు ఇంధన ఖర్చులను సాధ్యమైనంత వరకు తగ్గించుకోవాలని అనుకుంటారు. కానీ, ఈవీలు కొంటే ఇంకా ఎన్నో లాభాలు ఉన్నాయి. మీ కరెంట్ కారును ఉపయోగించి మరో ఎలక్ట్రానిక్ వస్తువులను కూడా నడపగలరు. ఏంటి నమ్మడం లేదా.. కానీ ఇది నిజం. ఇదే V2L టెక్నాలజీ. ఈ సిస్టమ్ ద్వారా మీరు కారులోని బ్యాటరీ నుంచి ఇతర వస్తువులకు కరెంటు తీసుకోవచ్చు.

టీవీఎస్ మోటార్(Tvs Motor) కంపెనీ భారత్‌లో ప్రముఖ టూవీలర్ తయారీదారుగా ఉంది. అందరికి అందుబాటు ధరలో, అతి తక్కువ ధరలో బైకులు, స్కూటర్లను విక్రయిస్తూ హీరో, హోండా వంటి కంపెనీలకు బలమైన పోటీదారుగా నిలుస్తుంది. అమ్మకాల పరంగా కూడా టీవీఎస్ దూసుకుపోతుంది. దీనికి నిదర్శనంగా జూన్ 2025లో సాధించిన సేల్స్ గణాంకాలు పరిశీలిస్తే, మార్కెట్లో తన స్థిరతను మరోసారి నిరూపించుకున్నట్లు కనిపిస్తోంది. జూన్ 2024తో పోల్చితే, ఈసారి టీవీఎస్ తన అమ్మకాలలో 9.89 శాతం వృద్ధిని సాధించింది. జూన్ 2025 నెలలో కంపెనీ మొత్తం 2,81,012 యూనిట్ల విక్రయాలతో గణనీయమైన పురోగతిని నమోదు చేసింది. అంటే గతేడాది ఇదే నెలలో విక్రయించిన 2,55,723 యూనిట్ల కంటే 25,289 యూనిట్లు ఎక్కువ అమ్ముడయ్యాయి.

ఇటీవలి కాలంలో భారతదేశంలో హైబ్రిడ్ కార్లకు మంచి డిమాండ్ కనిపిస్తోంది. మైలేజ్ ఎక్కువ ఇవ్వడం, పర్యావరణానికి మంచిది కావడం వంటి కారణాలతో వీటిని కొనేవారు పెరుగుతున్నారు. ఈ హైబ్రిడ్ సెగ్మెంట్‌లో టయోటా కంపెనీ ఏకంగా 81% మార్కెట్ వాటాను కైవసం చేసుకుంది. ముఖ్యంగా టయోటా హైక్రాస్ కారు బాగా అమ్ముడవుతోంది. ఈ హైబ్రిడ్ కార్ల మార్కెట్ ఎలా పెరుగుతోంది, ఏ కంపెనీలు ఎలా రాణిస్తున్నాయో తెలుసుకుందాం.

ప్రపంచవ్యాప్తంగా ఇప్పుడు మేడ్-ఇన్-ఇండియా కార్లు దుమ్మురేపుతున్నాయి. చాలా దేశాలు భారతదేశంలో తయారైన కార్లను దిగుమతి చేసుకుంటున్నాయి. 2026 ఆర్థిక సంవత్సరం మొదటి త్రైమాసికం (ఏప్రిల్-జూన్) లో భారత్ కార్ల ఎగుమతులు ఇప్పటివరకు లేనంత భారీగా పెరిగాయి. ఈ మూడు నెలల్లో భారతదేశం నుండి ఇతర దేశాలకు మొత్తం 2,04,330 యూనిట్లు పంపబడ్డాయి.

భారతీయ కార్ల మార్కెట్లో మారుతి సుజుకి (Maruti Suzuki)కి ఉన్న పాపులారిటీ గురించి ప్రత్యేకంగా చెప్పాల్సిన అవసరం లేదు. సామాన్య ప్రజలకు అందుబాటులో ఉండే ధర, నిర్వహణ ఖర్చులు తక్కువగా ఉండటం, మైలేజ్, నమ్మకమైన సర్వీస్ నెట్‌వర్క్.. ఇవన్నీ కలిసి ఈ బ్రాండ్‌ను భారతీయుల జీవితంలో ఒక భాగంగా మార్చేశాయి. కొత్తగా తక్కువ ధరలో కారు కొనుగోలు చేయాలని ఆలోచన చేసే వారు మొదటగా మారుతి వైపు అడుగులు వేస్తారు. ముఖ్యంగా పేద, మధ్యతరగతి ప్రజలకు మారుతి సుజుకి నుండి వచ్చిన ఆల్టో కె10 (Alto K10) అనే హ్యాచ్‌బ్యాక్ మోడల్‌కి మార్కెట్‌లో అనుకూలమైన కారుగా నిలుస్తుంది. తక్కువ బడ్జెట్‌లో కారును కొనాలనుకునే మధ్యతరగతి కుటుంబాలకి ఇది ఓ బెస్ట్ ఆప్షన్‌గా నిలుస్తోంది.

భారతదేశంలో విదేశీ లగ్జరీ కార్లకు ఆదరణ రోజురోజుకి పెరుగుతోంది. ప్రీమియం పరంగా అవే మొదటి ఎంపికగా మారిపోతున్నాయి. అటువంటి బ్రాండ్స్‌లో వోల్వో (Volvo)కు ప్రత్యేక స్థానం ఉంది. ఇది కేవలం లగ్జరీ కార్ల బ్రాండ్ మాత్రమే కాదు.. ప్రపంచవ్యాప్తంగా అత్యంత సురక్షితమైన ఆటోమొబైల్ బ్రాండ్‌గానూ గుర్తింపు పొందింది. ఇప్పటికే భారత మార్కెట్‌లో రెండు ఎలక్ట్రిక్ వాహనాలను (EVలు) విజయవంతంగా ప్రవేశపెట్టిన వోల్వో.. ఇప్పుడు తన వ్యాపార మార్కెట్‌ను పెంచుకోవడానికి ఎలక్ట్రిక్ కార్లను అందుబాటులోకి తేవడానికి సన్నాహాలు చేస్తోంది. XC40 రీచార్జ్, C40 రీచార్జ్ మోడళ్లకు మార్కెట్ నుంచి మంచి స్పందన వచ్చింది. ప్రీమియం లుక్స్, టాప్ క్లాస్ బిల్డ్ క్వాలిటీ, హై ఎండ్ సేఫ్టీ ఫీచర్లు వాటిని ప్రత్యేకంగా నిలబెట్టాయి. ఇప్పుడు అదే విజయాన్ని కొనసాగిస్తూ, వోల్వో తన మూడవ ఎలక్ట్రిక్ వాహనాన్ని భారత మార్కెట్లోకి తీసుకురాబోతోంది.

రోజూ కారులో ప్రయాణిస్తుంటే కారు వెనుక అద్దంపై సన్నని, సమాంతర గీతలు చాలా చూసే ఉంటారు. వాటిని చూసినప్పుడు అవి కేవలం డిజైన్ కోసమే ఉన్నాయని చాలా మంది అనుకుంటారు. కానీ అది నిజం కాదు.. ఆ గీతలు కేవలం అందం కోసం కాదు, మీ డ్రైవింగ్ భద్రతకు అవి చాలా ముఖ్యమైనవి.

టాటా మోటార్స్ నుండి త్వరలో పంచ్ కారుకు కొత్త ఫేస్‌లిఫ్ట్ అప్‌గ్రేడ్ వెర్షన్ మార్కెట్‌లోకి రానుంది. భారత మార్కెట్‌లో ఈ పంచ్ ఫేస్‌లిఫ్ట్ కారుపై భారీ అంచనాలు ఉన్నాయి. ఈ మధ్యే పూర్తిగా కవర్ చేయబడిన ఒక టాటా పంచ్ ఫేస్‌లిఫ్ట్ కారు సీక్రెట్‎గా రోడ్డుపై టెస్టింగ్ చేస్తూ కనిపించింది. ఈ కొత్త కారు మహీంద్రాకు ఎలా పోటీ ఇవ్వబోతోంది.. ఎలాంటి మార్పులు ఉండబోతున్నాయో వివరంగా తెలుసుకుందాం.

ప్రపంచవ్యాప్తంగా ఎలక్ట్రిక్ కార్ల రంగంలో సుపరిచితమైన పేరు BYD (బిల్డ్ యువర్ డ్రిమ్స్). చైనాలో మొదలై, ఇప్పుడు ప్రపంచానికి మార్గదర్శకంగా నిలుస్తున్న ఈ బ్రాండ్, ఎలక్ట్రిక్ వాహనాల్లో తనదైన ముద్ర వేసుకుంటోంది. ప్రత్యేకంగా చెప్పాలంటే, భారత్‌లోకి అడుగుపెట్టిన అతి కొద్ది చైనీస్ EV బ్రాండ్స్‌లో BYD ఒకటిగా నిలిచింది. ప్రస్తుతం భారతదేశంలో BYD నాలుగు ప్రీమియం ఎలక్ట్రిక్ కార్లను విక్రయిస్తోంది. స్పోర్టీ SUV అయిన Atto 3, కట్‍టీంగ్ ఎడ్జ్ టెక్నాలజీతో అందర్ని ఆకట్టుకుంటున్న Seal, తాజా లాంచ్ అయిన అధునాతన SUV Sealion 7, అలాగే పెద్ద కుటుంబాల కోసం రూపొందించిన ఎలక్ట్రిక్ MPV eMax 7.. ఇవన్నీ వేర్వేరు సెగ్మెంట్లలో వినియోగదారులను లక్ష్యంగా చేసుకొని డిజైన్ చేయబడ్డాయి. ప్రతి మోడల్‌కి ప్రత్యేకత ఉంది, ప్రయాణంలో భద్రత, పెర్ఫామెన్స్ ఉంటుంది.

దేశయ టూవీలర్ తయారీదారుల్లో హీరో మోటోకార్ప్ (Hero Motocorp)కు ప్రత్యేకమైన స్థానం ఉంది. బైకుల విభాగంలో కానీ, స్కూటర్ సెగ్మెంట్‌లో కానీ ఇది పేద, మధ్య తరగతి వినియోగదారుల కోసం రోజువారి అవసరాలను తీర్చడానికి తక్కువ ధరలో తన వాహనాలను అందిస్తూ ప్రజల ఆదరాభిమానాన్ని పొందుతుంది. దీనిని రుజువు చేస్తూ హీరో జూన్ 2025లో దేశీయ మార్కెట్లో మంచి విక్రయాలను నమోదు చేసింది. ఒక్క నెలలోనే కంపెనీ 5,24,414 యూనిట్లను విక్రయించింది. ఇది 2024 జూన్‌లో నమోదైన 4,90,743 యూనిట్లతో పోల్చితే సుమారు 6.86 శాతం వృద్ధి. అంటే ఒకేసారి 33 వేల యూనిట్ల పెరుగుదల. ఇది హీరో మోటోకు మార్కెట్లో విశ్వాసం తిరిగి వస్తోందన్న సూచన. ఇదే సమయంలో నెలవారీ పరంగా కూడా అమ్మకాలు గణనీయంగా పెరిగాయి.

హోండా కంపెనీ నానో కార్ లాంటి ఒక చిన్న ఎలక్ట్రిక్ కారును మొదటిసారి చూపించింది. ఈ కారు త్వరలోనే మార్కెట్లోకి వస్తుందని అంచనా వేస్తున్నారు. ప్రభుత్వ సబ్సిడీలతో తక్కువ ధరకే ఈ కారు లభించే అవకాశాలున్నాయి. ఈ కారుకు సంబంధించిన పూర్తి వివరాలను ఈ వార్తలో తెలుసుకుందాం.

భారత మార్కెట్లో నమ్మకమైన స్కూటర్‌గా టీవీఎస్ జూపిటర్ పేరుగాంచింది. దీని ఆకట్టుకునే డిజైన్, ఎన్నో ఫీచర్ల వల్ల వినియోగదారులు దీన్ని ఎక్కువగా కొంటున్నారు. దీనికి తగ్గట్టే ఈ జూన్ నెలలో ఏకంగా 1,07,980 యూనిట్లను టీవీఎస్ జూపిటర్ అమ్మింది. గత ఏడాదితో పోలిస్తే, ఈసారి అమ్మకాలు 49.76% పెరిగాయి.

రేసింగ్ బైక్స్ అంటే అందరికి గుర్తొచ్చేది Yamaha. అయితే ఇప్పుడు ఆ సంస్థ తక్కువ అమ్మకాలను నమోదు చేస్తుంది. జూన్ 2025లో విడుదలైన టూవీలర్ అమ్మకాల గణాంకాలను పరిశీలిస్తే, చాలా బ్రాండ్లు మంచి వృద్ధిని నమోదు చేసినా, Yamaha మాత్రం వెనుకబడిపోయింది. జూన్ 2024తో పోలిస్తే కంపెనీ అమ్మకాలు ఏకంగా 24 శాతం తగ్గిపోయాయి, ఇది బ్రాండ్‌కు పెద్ద ఎదురు దెబ్బగా చెప్పుకోవచ్చు.ఈ స్థితికి కారణాలు కొన్ని మోడళ్లకు సరైన స్పందన రాకపోవడమే. ఎక్కువ వేరియంట్లు మార్కెట్‌లో గ్లామర్ కోల్పోయినట్టే కనిపించాయి. వినియోగదారుల అభిరుచులు మారుతున్న తరుణంలో Yamaha కొత్తగా ఆఫర్ చేసే మోడల్స్ ట్రెండ్‌కు తగ్గట్టు అనిపించలేకపోయాయి.

ఎలక్ట్రిక్ కార్ల విభాగంలో సంచలనాలు సృష్టిస్తున్న MG మోటార్స్, ఇప్పుడు మరో అడుగు వేస్తోంది. హెక్టర్, గ్లోస్టర్, ఆస్టర్ వంటి పెట్రోల్, డీజిల్ కార్లతో ఇప్పటికే మార్కెట్‌లో బలమైన స్థానం సంపాదించిన ఈ బ్రాండ్, ఇటీవల MG M9 లగ్జరీ MPV, సైబర్‌స్టర్ అనే స్పోర్ట్స్ ఎలక్ట్రిక్ కారును కూడా పరిచయం చేసి దృష్టిని ఆకర్షించింది. ఈ ప్రయాణం అంతా ఎలక్ట్రిక్ భవిష్యత్తుపై దృష్టి పెట్టినట్టు కనిపించినా, ఇప్పుడు MG మళ్ళీ డీజిల్‌ కార్లపై కూడా దృష్టి పెట్టింది. త్వరలో కంపెనీ అదిరిపోయే డిజైన్‌తో, అందరిని ఆకట్టుకునే విధంగా డీజిల్ కారును తీసుకురావాలని చూస్తుంది. అంతేకాకుండా, ఇది చిన్న SUV కాదు - ఫుల్ సైజ్‌ SUV. ఆటో ఎక్స్‌పో 2025లో ప్రదర్శించిన ఎంజీ మెజిస్టర్‌ (MG majestor) SUVను ఇప్పుడు కంపెనీ భారత్‌లో లాంచ్ చేయడానికి సిద్ధమవుతోంది.

కొత్త స్కూటర్ కొనాలని చూస్తున్నారా? దానిలో సామాన్లు పెట్టుకోవడానికి ఎక్కువ స్థలం ఉండాలని కోరుకుంటున్నారా? అలాంటి వారి కోసం మార్కెట్లో చాలా స్కూటర్లు ఉన్నాయి. భారతదేశంలో స్కూటర్లు కొనే చాలామంది వాటిని ప్రాక్టికల్ అవసరాల కోసమే ఎంచుకుంటారు. అంటే, ఎక్కువ వస్తువులను సురక్షితంగా తీసుకెళ్లగలిగే సదుపాయం స్కూటర్లలో ఒక ముఖ్యమైన ఫీచర్.

పెట్రోల్ ధరలు ఎప్పుడు ఎంత పెరుగుతాయో ఎవరికి తెలియదు. నగరాల్లో ట్రాఫిక్ పెరుగుతోందంటే, స్కూటర్‌ అనేది ఇక కంఫర్ట్‌ మాత్రమే కాదు, అవసరం కూడా. ఈ నేపథ్యంలో బ్యాటరీ స్కూటర్ల పట్ల ఆసక్తి రోజురోజుకు పెరుగుతోంది. ఒకప్పుడు సైలెంట్‌గా నిలబడిన ఈ సెగ్మెంట్‌ ఇప్పుడు మరింత బాగా పుంజుకుంటుంది. దేశీయంగా ప్రజలు గతంలో ఈవీలను కొనుగోలు చేయాలంటే చాలా ఆలోచించే వారు. కానీ ఇప్పుడు ఆరోజులు పోయాయ్. ప్రభుత్వ ప్రోత్సాహం, బ్యాటరీల పనితీరు మెరుగవడం వంటి అంశాల కారణంగా జనాలు ఇప్పుడు ఎలక్ట్రిక్ స్కూటర్లను విరివిగా కొంటున్నారు. కంపెనీలు కూడా తక్కువ ధరల్లో, వాడటానికి సులువుగా ఉండే మోడళ్లను తీసుకొస్తుండటంతో ఈ రంగం మరింత వేగంగా మారుతోంది. ఈ క్రమంలో మార్కెట్లో వాటాను కైవసం చేసుకోవడానికి అన్ని వాహనాల తయారీదారులు ఈ విభాగంపై ఎక్కువ ఫోకస్ పెట్టారు.

టెస్లా ఎలక్ట్రిక్ కారు కొనాలని కలలు కంటున్నారా, కానీ ధర ఎక్కువ అని వెనకడుగు వేస్తున్నారా? అయితే మీకోసం ఒక అదిరిపోయే శుభవార్త. భారత మార్కెట్లో కొన్ని రోజుల క్రితం ప్రవేశించిన అమెరికన్ ఎలక్ట్రిక్ కార్ల దిగ్గజం టెస్లా త్వరలోనే తమ అత్యంత చవకైన ఎలక్ట్రిక్ కారును విడుదల చేయబోతోంది. ప్రపంచంలోని అత్యంత ధనవంతుడు మరియు టెస్లా సీఈఓ ఎలాన్ మస్క్ ఈ విషయాన్ని ఇటీవల ధృవీకరించారు.

వాహనాలు కేవలం మనల్ని ఒక చోటు నుంచి ఇంకో చోటుకు చేర్చడమే కాదు, కొన్నిసార్లు అవి చేసే ప్రయాణాలు చరిత్రలో నిలిచిపోతాయి. అలాంటి ఒక అరుదైన ఘనతను చెక్ రిపబ్లిక్ బ్రాండ్ అయిన స్కోడా తన కొడియాక్ ఎస్‌యూవీతో సాధించింది. ఏకంగా ఎవరెస్ట్ పర్వతం నార్త్ ఫేస్ బేస్ క్యాంప్‌కు చేరుకొని స్కోడా ఆటో ఇండియా ఒక కొత్త చరిత్రను సృష్టించింది.

హీరో మోటోకార్ప్‌కు చెందిన హెచ్‌ఎఫ్ డీలక్స్ (Hf Deluxe) బైక్ రోజువారీ అవసరాల కోసం ఎంతో మంది వినియోగదారులు ఇష్టపడే మోడల్‌గా నిలుస్తోంది. ఇది చాలా కాలంగా తన నమ్మకమైన పనితీరుతో వినియోగదారుల మద్దతు పొందుతూ వస్తోంది. ముఖ్యంగా, అందుబాటులో ఉండే ధర, మైలేజ్, మెయింటెనెన్స్ ఖర్చులు తక్కువగా ఉండటంతో, ఇది మిడిల్‌ క్లాస్ ప్రజలకు సరిగ్గా సరిపోతుంది. ఇప్పుడు తాజా అమ్మకాల పరంగా చూస్తే, జూన్ నెలలో ఈ బైక్ అత్యధికంగా అమ్ముడైన మోటార్‌సైకిళ్ల జాబితాలో మూడవ స్థానాన్ని దక్కించుకుంది. మార్కెట్‌లో యధావిధిగా విపరీతమైన పోటీ ఉన్నప్పటికీ, హెచ్‌ఎఫ్ డీలక్స్ తన స్థానం కోల్పోకుండా నిలబడటమంటేనే ఈ బైక్‌కి ఉన్న క్రేజ్ ఏ స్థాయిలో ఉందో అర్థం అవుతుంది.