టయోటా అర్బన్ క్రూయిజర్ హైరైడర్ జోరు ఆగట్లేదు
ఆటోమొబైల్స్
- 1 year, 2 month, 3 days ago
టయోటా అర్బన్ క్రూయిజర్ హైరైడర్ (Toyota Urban Cruiser Hyryder) భారతీయ మార్కెట్లో SUV లవర్స్ కోసం ఒక ప్రత్యేకమైన ఎంపికగా నిలుస్తోంది. ఆధునిక డిజైన్, శక్తివంతమైన ఇంజిన్, హైబ్రిడ్ టెక్నాలజీతో పాటు లగ్జరీ లుక్ కలగలిపిన ఈ కారు వినియోగదారులను ఆకర్షిస్తోంది. తాజాగా విడుదలైన సేల్స్ రిపోర్ట్ ప్రకారం, హైరైడర్ డిమాండ్ ఎంత వేగంగా పెరుగుతోందో స్పష్టమవుతోంది. 2025 ఆగస్టు నెలలోనే టయోటా ఈ SUVని 9,854 యూనిట్ల డెలివరీలు చేసింది. గత ఏడాది ఇదే కాలంలో అంటే 2024 ఆగస్టులో కేవలం 4,385 యూనిట్లు మాత్రమే అమ్ముడవ్వగా, ఈసారి రికార్డు స్థాయిలో అమ్మకాలు నమోదయ్యాయి. అంటే, కేవలం ఒక సంవత్సరంలోనే అమ్మకాల వృద్ధి 124.52 శాతం వరకు పెరిగిందని అర్థం.