ఆగస్టు 24న రెనో కైగర్ ఫేస్‌లిఫ్ట్ లాంచ్!

భారతదేశంలోని కాంపాక్ట్ ఎస్‌యూవీ సెగ్మెంట్‌లో రెనోకు ఉన్న ఆయుధం కైగర్. మారుతి సుజుకి బ్రెజా, టాటా నెక్సాన్, మహీంద్రా ఎక్స్‌యూవీ 3ఎక్స్‌ఓ వంటి పెద్ద కార్లతో పోలిస్తే ఇది సాధారణ కారుగా ఉన్నప్పటికీ, సామాన్య ప్రజలకు నమ్మకమైన కారుగా మార్కెట్‌లో అడుగుపెట్టి చాలా కాలమే అయింది.

రాయల్ ఎన్‌ఫీల్డ్ రైడర్స్ గోవా ట్రిప్‎కు రెడీనా ?

రాయల్ ఎన్‌ఫీల్డ్ సంస్థ తమ కస్టమర్ల కోసం గోవాలోని వాగటార్ ప్రాంతంలో 2025 సంవత్సరానికి సంబంధించిన మోటోవెర్స్ కార్యక్రమాన్ని ఏర్పాటు చేసింది. ఈ కార్యక్రమం నవంబర్ 21వ తేదీ నుండి 23వ తేదీ వరకు జరుగుతుంది. దీని కోసం బుకింగ్స్ కూడా మొదలయ్యాయి. ఈ కార్యక్రమం గురించి మరిన్ని వివరాలు ఇప్పుడు చూద్దాం.

థియేటర్ అనుభవం కారు లోపలే.. డాల్బీ అట్మాస్‌తో మహీంద్రా XUV 3XO కొత్త సెన్సేషన్

సాధారణంగా మనం సినిమా చూసే సమయంలో మంచి సౌండ్ అనుభూతి కలిగితే ఆ ఫీలింగ్ మాటల్లో చెప్పలేం. వీడియో నుంచి వచ్చే ప్రతి సన్నివేశానికి సంబంధించిన మాటలు లేదా పాటలు స్పష్టమైన సౌండ్ ఎఫెక్ట్స్ అందరు కావాలని కోరుకుంటారు. ప్రధానంగా ఈ రోజుల్లో డాల్బీ అట్మోస్ టెక్నాలజీతో కూడిన సౌండ్ అనుభూతిని పొందడానికి చాలా మంది ఇష్టపడుతున్నారు. ఎందుకంటే ఈ టెక్నాలజీ అందించే ధ్వని మరింత క్లారిటీతో, లోతుగా, అన్ని వైపుల నుంచి వినిపించే రీతిలో ఉంటుంది. అలాంటి అనుభవాన్ని కారు డ్రైవ్‌లో పొందడం ఒక విభిన్నమైన అనుభూతి అని చెప్పాలి. ఈ మారుతున్న ట్రెండ్‌ను సరిగ్గా అర్థం చేసుకున్న మహీంద్రా, తన SUVలలో డాల్బీ అట్మోస్‌ను ఒక కీలక హైలైట్‌గా తీసుకొస్తోంది.

టాటా నుండి 2030 నాటికి 7 కొత్త మోడల్స్

భారతదేశంలోనే అతిపెద్ద కార్ల తయారీ కంపెనీలలో ఒకటైన టాటా మోటార్స్, ఇప్పుడు ఒకటో, రెండో కాదు.. ఏకంగా 7 కొత్త ఎస్‌యూవీలను లాంచ్ చేయబోతోంది. ఇటీవల జరిగిన ఇన్వెస్టర్ మీట్‌లో టాటా మోటార్స్ తమ భవిష్యత్ రోడ్‌మ్యాప్‌ను వెల్లడిస్తూ ఈ విషయాన్ని స్పష్టం చేసింది.
Advertisement

కొత్త కారు కొనే ముందు తెలుసుకోవాల్సిన గోల్డెన్ రూల్స్!

ప్రస్తుతం కారు కొనడం అనేది అందరి డ్రీమ్ అయిపోయింది. ఒకప్పుడు బైకు ఉంటే చాలు అనుకునే రోజులు పోయి, కారు ఉంటే బాగుండు అనే రోజులు వచ్చాయి. మార్కెట్లో వాహన తయారీదారులు వినియోగదారుల అభిరుచులకు అనుగుణంగా అందుబాటు ధరలో కొత్త కొత్త డిజైన్లతో అధునాతన ఫీచర్స్‌తో కూడిన కార్లను విడుదల చేస్తున్నారు. కారు కొనడం అంటే సాధారణంగా ఒక పెద్ద డ్రీమ్ నెరవేర్చుకున్నట్టే. ముఖ్యంగా ఫస్ట్ టైమ్ బయ్యర్స్‌కి ఇది మరింత ఎమోషనల్ జర్నీగా ఉంటుంది. కానీ కేవలం కలతో కాకుండా, కొన్ని విషయాలు ముందుగానే ఆలోచిస్తే తరువాత ఇబ్బందులు రాకుండా ఉంటుంది. కారు కొనుగోలు చేయడానికి వెళ్లే ముందు వాటి గురించి ముందస్తు సన్నద్ధం కావడం వలన మీకు నచ్చిన కార్లను సంతోషంగా ఇంటికి తీసుకెళ్లవచ్చు. ఆ వివరాలు ఈ కథనంలో..

మహీంద్రా థార్ రాక్స్ కావాలంటే ఎన్ని నెలలు వెయిట్ చేయాలంటే ?

భారతీయ మార్కెట్లో యువతలో థార్‌పై ఉన్న క్రేజ్ గురించి ప్రత్యేకంగా చెప్పనవసరం లేదు. అందుకే మహీంద్రా కంపెనీ కూడా ఎప్పటికప్పుడు అప్‌డేటెడ్ వెర్షన్‌లలో థార్‌ను లాంచ్ చేస్తూనే ఉంది. ఆగస్టు 2024లో విడుదలైన మహీంద్రా థార్ రాక్స్ మొదటి రోజు నుంచే ప్రజలను ఆకట్టుకుంటోంది. దీన్ని పూర్తిగా ఆఫ్-రోడింగ్ కోసం ప్రత్యేకంగా డిజైన్ చేశారు. అందుకే దీనికి డిమాండ్ ఎక్కువగా ఉంది. థార్ రాక్స్ బుక్ చేసుకుంటే ఎంతకాలం వేచి ఉండాలో ఈ వార్తలో తెలుసుకుందాం.

పండగ సీజన్‌లో వరుసగా లాంచ్ కానున్న బ్లాక్‌బస్టర్ కార్లు

భారతదేశం ప్రపంచంలోనే అతిపెద్ద ఆటోమొబైల్ మార్కెట్లలో ఒకటి. ముఖ్యంగా కార్ల విభాగంలో ఇక్కడి డిమాండ్ ప్రపంచంలోని చాలా దేశాలతో పోల్చుకుంటే ఎంతో ముందంజలో ఉంటుంది. రోడ్లపై పెరుగుతున్న వాహనాల సంఖ్య, పెరుగుతున్న మధ్యతరగతి కుటుంబాల అవసరాలు, కొత్త టెక్నాలజీలపై ఆసక్తి ఇవన్నీ కలిపి భారతదేశాన్ని ఒక అతిపెద్ద ఆటోమోటివ్ కేంద్రంగా నిలబెట్టాయి. 2025 సంవత్సరం ఈ మార్కెట్‌కు మరింత ఉత్సాహాన్ని తెచ్చేలా ఉంది. ఎందుకంటే ఈ ఏడాదిలో అనేక ఆటోమేకర్లు తమ అత్యంత ప్రతిష్టాత్మక మోడళ్లను విడుదల చేయడానికి సిద్ధమవుతున్నారు. భారతీయ కస్టమర్లు ఎప్పుడూ కొత్త మోడళ్లకు, ఆకర్షణీయమైన డిజైన్‌లకు, సరికొత్త టెక్నాలజీకి ఆసక్తి చూపుతుంటారు. అందుకే ఈసారి రాబోతున్న లాంచ్‌లు మరింత ఆసక్తికరంగా మారాయి.

కొత్తగా వస్తున్న స్కోడా కుషాక్ ఫేస్‌లిఫ్ట్

భారతీయ వాహన మార్కెట్లో తనదైన కొత్త వ్యూహాలతో ముందుకు దూసుకుపోతోంది చెక్ రిపబ్లికన్ కార్ల తయారీ సంస్థ స్కోడా. ఇండియా 2.0 ప్రాజెక్ట్‌లో భాగంగా మొదట వచ్చిన కుషాక్ పెద్ద విజయం సాధించింది. ఇప్పుడు ఆ విజయాన్ని మరింత ముందుకు తీసుకెళ్లేందుకు స్కోడా తన క్రేజీ కారును సరికొత్తగా ముస్తాబు చేస్తోంది.
Advertisement

మైలేజ్ కావాలా? బడ్జెట్ బైక్ కావాలా? ఈ మూడు బెస్ట్ ఆప్షన్స్!

మన దేశంలో సాధారణ మధ్యతరగతి, పేద కుటుంబాల జీవనశైలిలో టూవీలర్ ఇప్పుడు ఒక అవసరంలా మారిపోయింది. ఉద్యోగాలకు వెళ్లాలన్నా, కాలేజీకి వెళ్లాలన్నా, చిన్న చిన్న వ్యాపారాలు చేయాలన్నా.. బైక్ లేకుండా ఒక అడుగు కూడా ముందుకేయలేని పరిస్థితి వచ్చింది. పబ్లిక్ ట్రాన్స్‌పోర్ట్ మీద ఆధారపడితే టైం ఎక్కువగా వృధా అవుతుంది, ఖర్చు కూడా తగ్గదనే అనిపించదు. అందుకే చాలా కుటుంబాలు తక్కువ ఖర్చుతో ఎక్కువ మైలేజ్ ఇచ్చే బైకుల వైపు మళ్లిపోతున్నాయి. ఇలాంటి డిమాండ్ ఉన్న సెగ్మెంట్‌లో 125cc బైకులు ప్రత్యేక స్థానం సంపాదించుకున్నాయి. ఇవి మైలేజ్ బాగానే ఇస్తాయి, పవర్ సరిపడా ఉంటుంది, అంతేకాదు మెయింటెనెన్స్ ఖర్చులు కూడా ఎక్కువ కావు. ఈ కేటగిరీలో మూడు బైకులు టీవీఎస్ రైడర్ 125, బజాజ్ పల్సర్ 125, హోండా షైన్ 125 గురించి చూద్దాం.

మైలేజ్ కింగ్ ప్లాటినా.. తక్కువ ధరలో అందించే బైక్ స్పెషల్ ఫీచర్స్!

బజాజ్ ప్లాటినా (Bajaj Platina) పేరు వినగానే మనసులోకి వచ్చే మొదటి విషయం తక్కువ ఖర్చుతో ఎక్కువ మైలేజ్. 2006లో తొలిసారిగా మార్కెట్‌లోకి అడుగుపెట్టిన ఈ బైక్, దాదాపు రెండు దశాబ్దాల తర్వాత కూడా తన స్థానాన్ని నిలబెట్టుకోవడం చిన్న విషయం కాదు. మారుతున్న ట్రెండ్స్, పెరుగుతున్న పోటీ మధ్య ప్లాటినా ఎందుకు తనదైన క్రేజ్‌ను కొనసాగించగలుగుతోంది అంటే, దాని వెనుక ఉన్న ప్రధాన కారణం సింప్లిసిటీ విత్ యూజ్‌ఫుల్ ఫీచర్స్. ప్రతి రోజు ఉద్యోగానికి వెళ్లే వారైనా, కాలేజీకి వెళ్లే స్టూడెంట్ అయినా, లేదా చిన్న వ్యాపారం చూసుకునే వ్యక్తి అయినా... ప్లాటినా అందరికీ సరిపోయే ఒక ఆప్షన్‌గా మారింది. తక్కువ ధరలో దొరకడం, పెట్రోల్ ధరలు ఎంత పెరిగినా భారం కాకుండా 70 నుండి 90 కి.మీ. పైగా మైలేజ్ ఇవ్వగలగడం దీని నిజమైన బలం.

డ్రైవింగ్ ఎంజాయ్ చేసే కార్లు ఇవే

ఈ రోజుల్లో ఆటోమేటిక్ కార్ల పాపులారిటీ బాగా పెరిగిపోతోంది. ఎందుకంటే వీటిని నడపడం చాలా సులభం. పైగా కొన్ని ఆటోమేటిక్ మోడల్స్ మంచి మైలేజీ కూడా ఇస్తున్నాయి. ఇంట్లో మహిళలు కూడా నడపడానికి సులభంగా ఉంటుందని చాలా మంది ఆటోమేటిక్ కార్లనే కొంటున్నారు. అయితే, ఇప్పటికీ కొంతమందికి ముఖ్యంగా పురుషులకు, మాన్యువల్ కార్లు అంటేనే ఇష్టం. క్లచ్ నొక్కుతూ, గేర్లు మారుస్తూ ప్రయాణించడంలో వారికి ఒక ప్రత్యేకమైన ఆనందం ఉంటుంది.

ఈ కారు ఎక్కితే సేఫ్టీ సున్నా.. మరి ఎలా కొంటారు సార్

ఫ్రాన్స్ దేశానికి చెందిన ప్రముఖ కార్ల తయారీ సంస్థ సిట్రోన్, భారతదేశంలో తన వ్యాపారాన్ని విస్తరిస్తున్నప్పటికీ అమ్మకాలలో మాత్రం పెద్దగా విజయం సాధించలేకపోయింది. ఇటీవల విడుదలైన జూలై నెల అమ్మకాల నివేదికలో ఒక ఆశ్చర్యకరమైన విషయం వెలుగులోకి వచ్చింది. ఆ సంస్థకు చెందిన ఒక ప్రముఖ ఎలక్ట్రిక్ కారు మోడల్ చాలా తక్కువ అమ్మకాలను నమోదు చేసింది. కేవలం 70 కార్లు మాత్రమే అమ్ముడయ్యాయి. ఇంత తక్కువ అమ్మకాలకు కారణం ఏమిటి? ఆ వివరాలు ఇప్పుడు చూద్దాం.
Advertisement

ఇన్విక్టోపై ప్రజలు ఎందుకు ఇంతగా ఆసక్తి చూపుతున్నారు?

మారుతి సుజుకి (Maruti Suzuki) భారతీయ ఆటోమొబైల్ మార్కెట్‌లో ఎప్పుడూ ప్రత్యేక స్థానం సంపాదించుకున్న కంపెనీ. ముఖ్యంగా పేద, మధ్యతరగతి ప్రజల కోసం అందుబాటు ధరలో కార్లు అందించడం ఈ కంపెనీకి పెద్ద పేరును తెచ్చిపెట్టింది. చిన్న కార్ల నుంచి ఫ్యామిలీ కార్ల వరకు మారుతి ప్రతి సెగ్మెంట్‌లోనూ తనదైన స్థాయిని నిలుపుకుంటూ వస్తోంది. కస్టమర్లలో నమ్మకం, సులభమైన మెయింటెనెన్స్, అధిక రీసేల్ విలువ ఇవన్నీ కలిపి మారుతి కార్లకు ఎప్పుడూ మంచి డిమాండ్ ఉండేలా చేస్తాయి. ఈ క్రమంలో, కంపెనీకి ప్రాధాన్యత కలిగిన MPV మోడల్ ఇన్విక్టో (Invicto) అమ్మకాల వివరాలను తాజాగా వెల్లడించింది. జూలై 2025లో ఈ పెద్ద ఫ్యామిలీ కారు 351 యూనిట్లు అమ్ముడైంది. ఇది ఒక MPV మోడల్‌కి తగిన స్థాయిలోనే కాకుండా, గత ఏడాదితో పోల్చితే గణనీయమైన వృద్ధిని చూపిస్తోంది.

కస్టమర్ల మనసు దోచుకున్న కారు.. ఇప్పుడు మాత్రం పట్టించుకోని స్థితి!

హ్యుందాయ్ భారతీయ ఆటోమొబైల్ మార్కెట్‌లో ఎప్పుడూ కీలక పాత్ర పోషిస్తోంది. ప్రతి నెల సేల్స్‌ను వెల్లడించే సందర్భంలో ఈ కంపెనీ మోడల్స్‌లో ఎక్కువ భాగం మంచి సేల్స్‌ను కనబరుస్తుంటాయి. అయితే, అన్ని మోడల్స్ ఒక్కసారిగా స్థిరమైన సేల్స్‌ను ఇవ్వలేవు. తాజాగా విడుదలైన జూలై 2025 సేల్స్ నివేదికలో ఈ విషయం మరొక్కసారి రుజువైంది. ముఖ్యంగా కంపెనీకి ప్రాధాన్యత కలిగిన మిడ్-సైజ్ సెడాన్ అయిన హ్యుందాయ్ వెర్నా (Hyundai Verna) గురించి చెప్పుకోవాలి. గత కొన్ని నెలలుగా ఈ కారు సేల్స్‌లో క్రమంగా తగ్గుదల కనిపిస్తున్నప్పటికీ, జూలైలో ఆ స్థాయిని మించి గణనీయంగా వెనుకబడింది. నివేదికల ప్రకారం, ఈ కారు జూలై నెలలో కేవలం 826 యూనిట్లు మాత్రమే అమ్ముడైంది. ఇది ఒకప్పుడు మార్కెట్‌లో హాట్-సెల్లింగ్ కార్లలో ఒకటిగా నిలిచిన వెర్నాకు పెద్ద లోటు అని చెప్పుకోవాలి.

కొత్త మారుతి ఎర్టిగా వచ్చేసింది.. ఆకట్టుకునే ఫీచర్లు, అదిరిపోయే మైలేజ్

మారుతి ఎర్టిగా.. దేశంలో అత్యధికంగా అమ్ముడవుతున్న 7-సీటర్ ఎమ్‌పీవీలలో ఒకటి. తన సెగ్మెంట్‌లో టయోటా రుమియన్, కియా కారెన్స్ వంటి మోడళ్లను కూడా వెనక్కి నెట్టి ఈ కారు భారీ డిమాండ్‌ను సాధించింది. ఇప్పుడు ఈ కారు కొత్త మోడల్ అంటే 2025 ఎర్టిగా షోరూమ్‌లకు చేరుకుంది. ఈ కొత్త మోడల్ అనేక అద్భుతమైన అప్‌డేట్‌లు, సేఫ్టీ ఫీచర్లతో వచ్చింది. మీరు కొత్త ఎర్టిగా కొనుగోలు చేయాలని ఆలోచిస్తున్నట్లయితే దాని గురించి మరిన్ని వివరాలు తెలుసుకుందాం.

లగ్జరీ కార్లలో ఓ రేంజ్‌.. కానీ కియా కార్నివాల్ జూలై సేల్స్ విన్నాక షాక్ అవ్వాలి!

భారత ఆటోమొబైల్ మార్కెట్‌లో కియా కార్లకు మంచి డిమాండ్ ఉన్న సంగతి తెలిసిందే. ముఖ్యంగా కియా కార్నివాల్ (carnival) కారుకు ఒక ప్రత్యేకమైన మార్కెట్ ఉంది. లగ్జరీ టచ్‌తో పాటు పెద్ద కుటుంబాలకు అనువైన ఈ కారుకు ఎప్పటినుంచో ఒక స్థిరమైన ఫ్యాన్ బేస్ ఉంది. అయితే జూలై 2025 అమ్మకాల గణాంకాలు చూసినప్పుడు కొంత ఆసక్తికరమైన మార్పు కనిపిస్తోంది. కంపెనీ తాజాగా వెల్లడించిన డేటా ప్రకారం, జూలై నెలలో కేవలం 62 యూనిట్ల కియా కార్నివాల్ మాత్రమే అమ్ముడైంది. ఇది చూసినప్పుడు కొంత నిరాశ కలిగించినా, గత నెల జూన్‌తో పోలిస్తే మాత్రం ఈ సంఖ్య కొంచెం మెరుగైనదే అని చెప్పాలి. జూన్ నెలలో కేవలం 47 యూనిట్ల కార్నివాల్ మాత్రమే అమ్ముడైంది.
Advertisement

బైక్ లేదా కారు ఆర్సీ పోయిందా? ఇంట్లో కూర్చునే ఇలా అప్లై చేయండి

మీ బైక్ లేదా కారు రిజిస్ట్రేషన్ సర్టిఫికేట్ (ఆర్సీ) పోయిందా? అయితే ఆందోళన చెందాల్సిన అవసరం లేదు. ఆర్సీ అనేది ఒక వాహనానికి అత్యంత కీలకమైన డాక్యుమెంట్. ఇది మీ పేరు మీద వాహనం రిజిస్టర్ అయిందని చెప్పడానికి ఇదే మూలం. ఈ సర్టిఫికేట్‌ను రీజినల్ ట్రాన్స్‌పోర్ట్ ఆఫీస్ (ఆర్టీవో) జారీ చేస్తుంది. ఒకవేళ మీ ఆర్సీ పోయినా లేదా దొంగిలించబడినా, మీరు సులభంగా డూప్లికేట్ ఆర్సీ కోసం ఆన్‌లైన్‌లో అప్లై చేసుకోవచ్చు. దీని కోసం మీరు ఎక్కడికీ తిరగాల్సిన పనిలేదు. ఆంధ్రప్రదేశ్, తెలంగాణ రాష్ట్రాల వాసులు ఇంట్లో కూర్చునే డూప్లికేట్ ఆర్సీ కోసం ఎలా అప్లై చేసుకోవాలో ఇప్పుడు వివరంగా తెలుసుకుందాం.

శ్రీలంకలో కూడా ఏథర్ దుమ్మురేపుతోంది.. కొత్త 450X 2025 ఎడిషన్ లాంచ్

భారతదేశంలో ఎలక్ట్రిక్ ద్విచక్ర వాహనాలకు కొత్త యుగాన్ని తెచ్చిన ఏథర్ ఎనర్జీ, ఇప్పుడు తన ప్రయాణాన్ని అంతర్జాతీయ స్థాయికి తీసుకెళ్లింది. బెంగళూరుకు చెందిన ఈ ప్రముఖ కంపెనీ, శ్రీలంకలో 2025 ఏథర్ 450X మోడల్‌ను అధికారికంగా విడుదల చేసింది. ఇది కేవలం ఒక కొత్త స్కూటర్ లాంచ్ మాత్రమే కాదు, ఏథర్ తన గ్లోబల్ ప్రయాణంలో వేసిన ఒక పెద్ద మైలురాయి. అంతర్జాతీయ మార్కెట్లలో ఏథర్ ఇప్పటికే మంచి గుర్తింపును సంపాదించగా, శ్రీలంకలో ఈ లాంచ్‌తో కంపెనీ తన ఉనికిని మరింత బలంగా చాటుకుంది. 450X స్కూటర్ తన ప్రత్యేకమైన డిజైన్, శక్తివంతమైన పనితీరు, లేటెస్ట్ టెక్నాలజీతో వినియోగదారుల మనసులను గెలుచుకుంటోంది. ముఖ్యంగా, ఎలక్ట్రిక్ స్కూటర్లను కోరుకునే యువతలో ఇది మంచి డిమాండ్‌ను సొంతం చేసుకుంది.

జూలైలో MG కామెట్ EV షాక్.. ఒక్క నెలలోనే 24% సేల్స్ పడిపోయాయి!

భారత మార్కెట్లో ఎలక్ట్రిక్ కార్ల విభాగంలో మంచి గుర్తింపు సంపాదించుకున్న మోడళ్లలో MG కామెట్ EV ఒకటి. తక్కువ ధర, కాంపాక్ట్ సైజు, నగరాల్లో సులభంగా డ్రైవ్ చేయగలిగే డిజైన్ వలన ఈ కారు అనేక మంది కస్టమర్లకు మొదటి ఎంపికగా మారింది. ముఖ్యంగా మెట్రో నగరాల రద్దీ రోడ్లపై చిన్న సైజులో ఉండటం వలన ఎక్కడైనా సులువుగా పార్క్ చేసుకోవచ్చు. ఇదే కాకుండా, MG అందించిన ఆధునిక సాంకేతిక ఫీచర్లు ఈ కారును మరింత ప్రత్యేకంగా నిలబెట్టాయి. అయితే, ఈసారి జూలై 2025 MG కామెట్ EV అమ్మకాల పరంగా అంతగా బాగోలేదు. గణాంకాల ప్రకారం, జూలై 2025లో కేవలం 912 యూనిట్లు మాత్రమే అమ్ముడయ్యాయి. ఇది గత సంవత్సరం ఇదే నెలలో అమ్ముడైన 1,200 యూనిట్లతో పోలిస్తే 288 కార్లు తక్కువ.

ఆటోమేటిక్ క్లైమేట్ కంట్రోల్ ఫీచర్‌తో వస్తున్న కార్లు ఇవే

కొత్త కారు కొనడానికి వెళ్లేవారు ఇప్పుడు ఫీచర్లు, సేఫ్టీకి ఎక్కువ ప్రాధాన్యత ఇస్తున్నారు. ఒకప్పుడు ఏసీ లేకుండా కూడా కార్లు వచ్చేవారు. కానీ ఇప్పుడు ప్రతి కారులో ఏసీ ఒక ప్రామాణిక ఫీచర్ అయిపోయింది. ఎందుకంటే, ఏసీ మన దైనందిన జీవితంలో ఒక భాగం అయిపోయింది. అవసరానికి అనుగుణంగా కారు లోపలి భాగాన్ని చల్లబరచడానికి లేదా వేడి చేయడానికి ఎయిర్ కండిషనర్లు ఉపయోగపడతాయి.
Advertisement

బైక్ సెగ్మెంట్‌లో చరిత్ర సృష్టించిన హీరో గ్లామర్

భారతీయ మార్కెట్‌లో అత్యధికంగా అమ్ముడవుతున్న బైక్‌లలో హీరో మోటోకార్ప్ ఎప్పుడూ ముందుంటుంది. ఇప్పుడు హీరో సరికొత్త టెక్నాలజీతో తన 2025 హీరో గ్లామర్ ఎక్స్ 125 బైక్‌ను భారత మార్కెట్‌లో విడుదల చేసింది. ఈ బైక్ బేస్ డ్రమ్ వేరియంట్ ధర రూ.89,999 (ఎక్స్-షోరూమ్)గా ఉంది, టాప్-స్పెక్ డిస్క్ వేరియంట్ ధర రూ.లక్ష (ఎక్స్-షోరూమ్)గా ఉంది. స్టైలిష్ డిజైన్‌తో పాటు అనేక కొత్త ఫీచర్లతో ఈ బైక్ వచ్చింది.

పాత బైక్‌లకు E20 పెట్రోల్ నష్టం చేయకుండా ఇలా చేయండి

భారతదేశంలో వాహన రంగంలో ఇప్పుడు జీఎస్టీ సవరణలు, E20 ఇంధనం గురించి విస్తృతంగా చర్చ జరుగుతోంది. కాలుష్యాన్ని తగ్గించడంతో పాటు, క్రూడాయిల్ దిగుమతులను తగ్గించే లక్ష్యంతో 20 శాతం ఇథనాల్ కలిపిన E20 పెట్రోల్ భారతదేశంలో కొత్త ప్రమాణంగా మారబోతోంది. E20 పెట్రోల్ మంచిదే అయినప్పటికీ, పాత మోటార్‌సైకిళ్లకు ఇది ఒక పెద్ద సవాల్‌గా నిలుస్తోంది. ఎందుకంటే, ఇథనాల్ అనేది తేమను త్వరగా గ్రహిస్తుంది. ఇది పాత బైక్‌ల లోహ భాగాలు, రబ్బరు సీల్స్, ఫ్యూయల్ సిస్టమ్‌కు నష్టం కలిగించవచ్చు.

33 కి.మీ మైలేజ్ ఇచ్చే కారు.. కానీ ప్రజలు కొనడమే మానేశారు!

మారుతి సుజుకి ఎస్-ప్రెస్సో (Maruti Suzuki S Presso) మార్కెట్లోకి వచ్చినప్పుడు, ఇది SUV స్టైల్ లుక్స్‌తో హ్యాచ్‌బ్యాక్ కాంపాక్ట్ సైజ్ కలిగిన ప్రత్యేకమైన కారు అని చాలా మంది భావించారు. అందుకే దీన్ని చాలామంది మైక్రో SUV అని కూడా పిలిచారు. కానీ కాలక్రమేణా వినియోగదారుల అభిరుచులు మారడం ప్రారంభించాయి. ముఖ్యంగా నగరాల్లో ప్రయాణించే వారు కొత్తగా వస్తున్న ఎలక్ట్రిక్ వాహనాల వైపు ఆకర్షితులయ్యారు. ఫ్యూయల్ ఖర్చులు పెరగడం, ప్రభుత్వ ప్రోత్సాహకాలు, తక్కువ నిర్వహణ ఖర్చులు.. ఇవన్నీ EVలకు పెద్ద ప్లస్ పాయింట్లుగా మారాయి. ఈ నేపథ్యంలో ఎస్-ప్రెస్సో తన మార్కెట్లో మెల్లగా వెనుకబడిపోతోంది. జూలై 2025లో విడుదలైన అమ్మకాల గణాంకాలు దీనికి స్పష్టమైన ఉదాహరణ.

చరిత్ర సృష్టించిన మారుతి ఫ్రాంక్స్

భారతదేశంలో మారుతి సుజుకికి ఉన్న పేరు గురించి ప్రత్యేకంగా చెప్పాల్సిన పని లేదు. ఇప్పుడు మారుతి సుజుకికి చెందిన కాంపాక్ట్ ఎస్‌యూవీ ఫ్రాంక్స్ ఒక కొత్త రికార్డును నెలకొల్పింది. ఈ మోడల్ ఉత్పత్తి 5 లక్షల యూనిట్లను దాటిందని కంపెనీ ప్రకటించింది. మార్చి 2023లో విడుదలైన ఫ్రాంక్స్ అప్పటి నుంచీ వినియోగదారుల ఫేవరెట్‌గా మారింది.
Advertisement

వింటేజ్ బైక్‌తో ఎంట్రీ ఇచ్చిన డీకే శివకుమార్.. బెంగళూరులో హల్‌చల్ చేసిన రైడ్

బెంగళూరు నగరాన్ని దేశంలోని ఐటీ హబ్‌గా, స్టార్టప్‌ల రాజధానిగా ప్రపంచం గుర్తించింది. ఈ గుర్తింపు పొందినప్పటి నుండి నగర జనాభా ఊహించని రీతిలో పెరుగుతూ వస్తోంది. ప్రతి సంవత్సరం వేల సంఖ్యలో ఉద్యోగార్థులు, విద్యార్థులు, వ్యాపారవేత్తలు ఈ నగరంలోకి అడుగుపెడుతున్నారు. ఫలితంగా మౌళిక సదుపాయాలపై తీవ్ర ఒత్తిడి పెరిగింది. రవాణా వ్యవస్థపై ఈ ఒత్తిడి అత్యధికంగా కనిపిస్తోంది. ఉదయం ఉద్యోగాలకు వెళ్ళే సమయం, సాయంత్రం తిరిగి వచ్చే సమయం .. ఈ రెండు పీక్ అవర్స్‌లో నగరమంతా వాహనాల రద్దీతో నిండిపోతుంది. ట్రాఫిక్ సిగ్నల్స్ వద్ద ఆగిపోవడం, ఒక్కో కిలోమీటర్ కదలడానికి అరగంట వేచిచూడడం, అత్యవసర పనులకీ సమయానికి చేరుకోలేక ఇబ్బంది పడడం, ఇవన్నీ బెంగళూరు జీవనశైలిలో భాగమైపోయాయి.