దేశీయ దిగ్గజ వాహన తయారీ కంపెనీ మహీంద్రా (mahindra) 2024 చివరలో అత్యంత ప్రజాదరణ పొందిన SUV మోడల్ అయిన థార్‌కు కొత్త రూపాన్ని తీసుకొచ్చింది, అదే థార్ రాక్స్ (Thar roxx). ఇది ఇప్పటి వరకు అందుబాటులో ఉన్న 3-డోర్ల థార్ మోడల్‌కు కొనసాగింపుగా 5-డోర్ల వెర్షన్‌‌ను వినియోగదారుల కోసం తీసుకొచ్చింది. మాములుగానే 3 డోర్ థార్ మార్కెట్లోకి విడుదలైన అతి తక్కువ కాలంలోనే ఎంతో ఆదరణ సంపాదించింది. అయితే కుటుంబ ప్రయాణాలకు ఇది అనుకూలంగా లేకపోవడంతో కంపెనీ వెంటనే రాక్స్‌ను తీసుకురాగా, ఇది విజయవంతంగా అమ్మకాలను సాధిస్తుంది. ఇప్పటికే ఈ కారును చాలా మంది వాడుతున్నారు. ఇదిలా ఉంటే తాజాగా ఈ కారుకు సంబంధించిన ఒక విషయం ఆసక్తికరంగా మారింది.

ఒకప్పుడు అంతగా డిమాండ్ లేని ఒక మారుతి SUV ఇప్పుడు హాట్ టాపిక్‌గా మారింది. తక్కువ ధర, మంచి ఫీచర్లు ఉన్నప్పటికీ కొనుగోలుదారులు పెద్దగా పట్టించుకోని ఈ కారుకు ఏప్రిల్ నెలలో మాత్రం ఊహించని స్థాయిలో అమ్మకాలు జరిగాయి. ఇంతకీ ఆ కారు ఏంటి? దానికి ఒక్కసారిగా ఎందుకంత డిమాండ్ పెరిగింది? ఈ వార్తలో వివరంగా తెలుసుకుందాం.

దేశీయ దిగ్గజ వాహన తయారీ కంపెనీ హ్యుందాయ్ మోటార్ ఇండియా లిమిటెడ్ (HMIL) తన హ్యాచ్‌బ్యాక్ లైనప్‌‌ను మరింత విస్తరించడానికి సరికొత్త కారును మార్కెట్లోకి విడుదల చేసింది. ప్రసిద్ధ మోడల్ హ్యుందాయ్ i20కి కొనసాగింపుగా మాగ్నా ఎగ్జిక్యూటివ్ వేరియంట్‌ను తీసుకొచ్చింది. ఇది చాలా అధునాతనమైనది, బడ్జెట్ ధరకు కొనుగోలు చేయవచ్చు. ప్రస్తుతం దేశీయ మార్కెట్లో విక్రయానికి సిద్ధంగా ఉంది. దీని ధర వచ్చేసి ఎక్స్-షోరూమ్ రూ. 7.51 లక్షలకు న్యూఢిల్లీలో లభిస్తోంది. టాప్-ఎండ్ వేరియంట్ అయిన 'స్పోర్ట్జ్'తో పోల్చితే, ఈ మాగ్నా ఎగ్జిక్యూటివ్ కొన్ని అదనపు ఫీచర్లతో వస్తోంది, ప్రత్యేకంగా ధర పరంగా మరింత సౌకర్యవంతంగా ఉండడం దీని ప్రత్యేకత.

మహీంద్రా కార్ల గురించి ఈ మధ్య కాలంలో వింటున్నట్లు అయితే.. అమ్మకాల పరంగా ఈ కంపెనీ కొద్ది నెలల్లోనే ఊహించని స్థాయికి ఎదిగింది. ఒకప్పుడు నాలుగో స్థానంలో ఉండే మహీంద్రా ఇప్పుడు ఏకంగా రెండో స్థానానికి దూసుకుపోయింది. ఇంత సడెన్‌గా ఏం జరిగింది? ఏ కార్లు ఎక్కువగా అమ్ముడవుతున్నాయి? మహీంద్రా ఓనర్లు ఎందుకు గర్వంగా ఫీలవుతున్నారో ఈ వార్తలో తెలుసుకుందాం.

హోండా మోటార్‌సైకిల్ & స్కూటర్ ఇండియా (HMSI) తన ప్రీమియం బైకుల విభాగంలో ఎంతో కాలంగా ఎదురుచూస్తున్న సరికొత్త బైకును విడుదల చేసింది. ఈ కొత్త మోడల్ పేరు 'రెబల్ 500 (Rebel 500)'. క్లాసిక్ బాబర్ స్టైల్ డిజైన్‌తో వస్తున్న ఈ మిడ్-సైజ్ క్రూయిజర్ బైక్, శక్తివంతమైన పెర్ఫార్మెన్స్‌తో పాటు కొత్త కస్టమర్లను ఆకట్టుకునేలా రూపొందించబడింది. డిజైన్ పరంగా ఒక ప్రత్యేకమైన రూపంతో అందరిని కట్టిపడేసేలా ఉంది. ప్రస్తుతం ఈ బైక్‌ను గురుగ్రామ్, ముంబై మరియు బెంగళూరులో కొనుగోలు చేయొచ్చు. ఇది హోండా ప్రీమియం డీలర్ నెట్‌వర్క్ అయిన బిగ్ వింగ్ టాప్‌లైన్ (BigWing Topline) అవుట్‌లెట్‌లలో మాత్రమే అందుబాటులో ఉంటుంది. ప్రస్తుతం ఈ బైక్‌ను గురుగ్రామ్, ముంబై మరియు బెంగళూరులో కొనుగోలు చేయొచ్చు.

భారత్, యునైటెడ్ కింగ్‌డమ్ (యూకే) మధ్య చారిత్రాత్మక స్వేచ్ఛా వాణిజ్య ఒప్పందం (ఎఫ్‌టీఏ) ఖరారైంది. ఈ ఒప్పందం వల్ల యూకేలో తయారైన కార్ల ధరలు భారతదేశంలో గణనీయంగా తగ్గనున్నాయి. ఇది బ్రిటిష్ కార్ల తయారీదారులకు గొప్ప ప్రోత్సాహాన్నిస్తుంది. భారతీయ వినియోగదారులకు మరింత అందుబాటు ధరల్లో లగ్జరీ కార్లను కొనుగోలు చేసే అవకాశం లభిస్తుంది.

కాలం మారుతున్న కొద్ది టెక్నాలజీ కొత్త పుంతలు తొక్కుతుంది. ఆటోమొబైల్ ప్రపంచంలో ప్రస్తుతం అడ్వాన్స్‌డ్ ఫీచర్స్, ఆకట్టుకునే డిజైన్ కలిగిన కార్లు మార్కెట్లో రోడ్లపై హల్‌చల్ చేస్తున్నాయి. అయితే ఇలాంటి టైంలో కూడా పాత జ్ఞాపకాల లాంటి వింటేజ్ కార్లకు మాత్రం ఇప్పటికీ చాలా మందిలో ప్రత్యేక స్థానం ఉంది. కొత్త కొత్త డిజైన్లు, ఫీచర్లు వచ్చినా, కొన్ని వాహనాలు మాత్రం కాలాన్ని మించిన క్లాసిక్స్‌గా మిగిలిపోతాయి. అలాంటి కార్లలో ప్రతి భారతీయుడికి గుర్తొచ్చే పేర్లు, హిందూస్థాన్ అంబాసిడర్, మారుతి 800, ఫియట్ పద్మిని. ఈ మూడింటిలోనూ ఫియట్ పద్మినికి ఒక ప్రత్యేకం. ఆకట్టుకునే డిజైన్, పనితీరు పరంగా అప్పటి కాలం కారు లవర్స్‌ను ఎంతగానో ఆకట్టుకున్న మోడల్. వాస్తవానికి, ఈ కార్ మొదట ఫియట్ 1100 డిలైట్ అనే పేరుతో భారతీయ రోడ్లపైకి వచ్చింది.

అమ్మకాల పరంగానే కాదు, వేర్వేరు ధరల శ్రేణుల్లో అనేక రకాల మోడళ్లను విడుదల చేస్తూ టాటా మోటార్స్ భారతీయ ఎలక్ట్రిక్ కార్ల విభాగంలో తన ఆధిపత్యాన్ని చాటుకుంది. అయితే ఇప్పుడు కేవలం ఒకే ఒక్క మోడల్ అయిన విండ్‌సర్‌తో ఎంజీ టాటాను వణికిస్తోంది. మరోవైపు ఎలక్ట్రిక్ వాహనాలతో మహీంద్రా కూడా ఎదుగుతోంది. ఈ పరిస్థితుల్లో తన పోర్ట్‌ఫోలియోను విస్తృతం చేసి ఎంజీని, మహీంద్రాను అధిగమించాలని టాటా ప్రయత్నిస్తోంది.

దక్షిణ కొరియాకు చెందిన ప్రముఖ కార్ల తయారీ కంపెనీ హ్యుందాయ్ ఇండియాలో కూడా తన హవాను చూపిస్తుంది. పెరుగుతున్న పోటీ మార్కెట్లో కొత్త వినియోగదారులను ఆకట్టుకోవడానికి గతంలో ఎక్స్‌టర్ కారును తీసుకొచ్చింది. తాజాగా దీనికి సంబంధించిన అమ్మకాల వివరాలను వెల్లడించింది. కంపెనీ నుంచి వచ్చిన డేటా ప్రకారం, హ్యుందాయ్ ఎక్స్‌టర్ ఏప్రిల్ 2025లో కేవలం 5,416 యూనిట్ల అమ్మకాలను నమోదు చేసింది. ఇది గత ఏడాది ఇదే నెలలో (ఏప్రిల్ 2024) నమోదైన 7,756 యూనిట్లతో పోల్చితే దాదాపు 30 శాతం తగ్గుదల అంటే ఏడాది వ్యవధిలోనే ఈ మోడల్ భారీగా నష్టాన్ని చవిచూసింది. హ్యుందాయ్ ఎక్స్‌టర్ మార్కెట్లోకి వచ్చినప్పుడు, అది తక్కువ బడ్జెట్‌లో సరైన SUV అనిపించి వినియోగదారులను ఆకర్షించింది. ముఖ్యంగా టాటా పంచ్‌ను దీటుగా ఎదుర్కొంటుందనే అంచనాలు కూడా మొదట్లో చాలానే కనిపించాయి.

ఇటీవల టాటా తమ అప్‌డేట్ చేసిన ఆల్ట్రోజ్‌ని రిలీజ్ చేసింది. ఈ కారు దాని అద్భుతమైన స్టైలింగ్, మునుపటి మోడల్ కంటే కూడా అధునాతనమైన ఇంటీరియర్‌తో హ్యాచ్‌బ్యాక్ లవర్స్‎ను ఆకర్షిస్తోంది. టాటా హ్యాచ్‌బ్యాక్ సిరీసులో ఎంట్రీ-లెవెల్ టియాగో కంటే పైన ఉన్న ఆల్ట్రోజ్, అదనపు సౌకర్యం, సేఫ్టీ మెరుగుదలలతో కూడిన ప్రీమియం ఆప్షన్‎గా నిలుస్తోంది.

భారతీయ మార్కెట్లోకి ఇటీవల కొత్త స్కూటర్ విడుదల అయింది. దేశంలో టూవీలర్ సెగ్మెంట్‌లో పెరుగుతున్న పోటీని తట్టుకుని ఎక్కువ మంది కస్టమర్లను సంపాదించడానికి ప్రముఖ వాహన తయారీ కంపెనీ సుజుకి (SUZUKI) 2025లో మళ్లీ ఒకసారి యువతను ఆకట్టుకునేలా స్టైల్‌, మైలేజీ అందించే అవెనిస్ స్కూటర్ (avenis scooter) లాంచ్ అయింది. ఈ స్కూటర్‌ను మే 17, 2025న రూ. 91,400 (ఎక్స్-షోరూమ్) ధరకు లాంచ్ చేశారు. ఇది వినియోగదారుల ప్రయోజనాలను దృష్టిలో ఉంచుకొని సాంకేతికంగా కూడా బలంగా రూపుదిద్దుకుంది. ఈ కొత్త అవెనిస్‌ స్కూటర్‌లోని ప్రధాన అప్‌డేట్ OBD-2B ఉద్గార ప్రమాణాలకు అనుగుణంగా పవర్‌ట్రెయిన్‌లో తీసుకువచ్చిన మార్పులే. వాతావరణాన్ని దృష్టిలో ఉంచుకొని ఇంజిన్ పనితీరు మెరుగుపరిచారు. దీని ద్వారా తక్కువ స్థాయిలో కాలుష్యం విడుదల అవుతుంది.

భారతీయ మార్కెట్‌లో మారుతి సుజుకి నెంబర్ వన్ స్థానంలో ఉండటానికి చాలా కారణాలు ఉన్నాయి. మారుతి సుజుకి కార్లు మంచి మైలేజ్ ఇవ్వడం, ఎక్కువ సంఖ్యలో సర్వీస్ సెంటర్లు ఉండడం ముఖ్యమైన కారణాలుగా చెప్పుకోవచ్చు. వీటితో పాటు కార్ల ధర తక్కువగా ఉండడం కూడా దాని మొదటి స్థానానికి ఒక ముఖ్యమైన కారణం. అయితే మారుతి సుజుకికి చెందిన కొన్ని తక్కువ ధర కార్లు అమ్మకాల్లో వెనుకబడి ఉన్నాయి.

భద్రతకు పెద్ద పీట వేసే ఫీచర్‌తో ఇన్ని బైక్‌లు మన దగ్గర ఉన్నాయా? అదీ కూడా తక్కువ ధరలోనా? షాక్ అవ్వకండి.ట్రాక్షన్ కంట్రోల్ వంటి అడ్వాన్స్‌డ్ సేఫ్టీ ఫీచర్లు ఇప్పుడు సాధారణ బైక్‌లలో కూడా అందుబాటులోకి వచ్చాయి. రూ. 2 లక్షల లోపు ధరలో ట్రాక్షన్ కంట్రోల్‌తో వస్తున్న కొన్ని అదిరిపోయే బైక్‌ల గురించి ఈ వార్తలో తెలుసుకుందాం.

దేశీయ అతిపెద్ద కార్ల తయారీ కంపెనీ మారుతీ సుజుకీకి చెందిన ఆల్టో K10 (Alto K10) ఒకప్పుడు చిన్న కార్ల విభాగంలో బాగా డిమాండ్ ఉన్న హ్యాచ్‌బ్యాక్. తక్కువ ధర, మంచి మైలేజ్, ఆకర్షణీయమైన డిజైన్ కారణంగా ఇది ఎన్నో కుటుంబాలకు మొదటి కారుగా నిలిచింది. చిన్న నగరాల నుండి పెద్ద పట్టణాల వరకు, ఆల్టో K10 తన మినీ కార్ విభాగంలో ప్రత్యేక స్థానం సంపాదించుకుంది. దేశంలోని పేద, మధ్యతరగతి కుటుంబాలకు అత్యంత అనువైన మోడల్. ఇంతటి ప్రజాదరణ ఉన్నా, ఇటీవలి కాలంలో ఆల్టో K10 అమ్మకాలు క్రమంగా తగ్గుముఖం పట్టాయి. 2025 ఏప్రిల్ నెలలో, మారుతీ సుజుకీ ఈ మోడల్‌కి సంబంధించి కేవలం 5,606 యూనిట్లను మాత్రమే విక్రయించింది.

భారతదేశంలో ప్రస్తుతం ఇంధన ధరలు భారీగా ఉన్నాయి. దీంతో ప్రజలు పెట్రోల్, డీజిల్ కార్లకు ప్రత్యామ్నాయంగా మరింత ఆర్థికంగా ఉపయోగపడే ఆప్షన్ల వైపు చూస్తున్నారు. అందులో భాగంగా CNG వాహనాల పట్ల ఆసక్తి గణనీయంగా పెరిగింది. ముఖ్యంగా, SUV సెగ్మెంట్‌లో ఫ్యాక్టరీ-ఫిట్‌డ్ CNG మోడళ్లకు డిమాండ్ పెరుగుతోంది. మారుతున్న ట్రెండ్‌ను దృష్టిలో ఉంచుకుని, మారుతీ సుజుకీ, టాటా మోటార్స్, హ్యుందాయ్, టయోటా వంటి ప్రముఖ కార్ల తయారీ సంస్థలు తమ లైనప్‌లోకి CNG SUVలను చేర్చుతున్నాయి. ఇవి కేవలం అందుబాటు ధరలో లభించడమే కాదు, మంచి మైలేజ్‌తో పాటు లేటెస్ట్ ఫీచర్లను కూడా కలిగి ఉండటంతో వినియోగదారులను ఆకర్షిస్తున్నాయి. పైగా వీటి ద్వారా కాలుష్యం కూడా తగ్గుతుంది.

"ఇండియా ఈజ్ నాట్ ఫర్ బిగినర్స్" అనే మాటలు సోషల్ మీడియాలో కొన్ని వీడియోలకు సరిగ్గా సరిపోతాయి. తాజాగా ఒక ఇండియన్ తాత చేసిన పనికి నెటిజన్లు ఫిదా అయిపోతున్నారు. తన మనవడి ఫోర్డ్ మస్టాంగ్ కారులో స్టంట్లు చేసి యువకులను ఆశ్చర్యపరిచాడు ఈ తాతయ్య. ఈ వీడియో ఇంటర్నెట్‌లో వైరల్ అవుతోంది, నెటిజన్లు తాతయ్య టాలెంటుకు అంతా ముగ్ధులవుతున్నారు.

ఫ్రాన్స్‌కు చెందిన ప్రసిద్ధ కార్ల తయారీ సంస్థ రెనాల్ట్ (Renault) ప్రపంచవ్యాప్తంగా తనకంటూ ఒక గుర్తింపు సంపాదించుకున్నా, భారతదేశ మార్కెట్లో మాత్రం ఇప్పటికీ అంత స్థిరపడలేక పోతోంది. గత కొన్నేళ్లుగా రెనాల్ట్ దేశీయ ఆటోమొబైల్ రంగంలో తన స్థానాన్ని బలపరచడానికి ప్రయత్నిస్తున్నప్పటికీ, అనుకున్న స్థాయిలో అమ్మకాలను సాధించలేకపోతుంది. దేశీయంగా ప్రముఖ కార్ల తయారీదారులు అయినటువంటి మారుతీ సుజుకీ, టాటా మోటార్స్, మహీంద్రా వంటి కంపెనీల నుంచి రెనాల్ట్ తీవ్రమైన పోటీని ఎదుర్కొంటుంది. మారుతున్న ప్రజల ఇష్టాలకు అనుగుణంగా ఇవి పోటా పోటీగా లేటెస్ట్ డిజైన్, ఫీచర్స్‌తో కూడిన కార్లను విడుదల చేస్తుండటం కారణంగా కస్టమర్లు రెనాల్ట్ వైపు కాకుండా వీటిపైనే ఎక్కువ ఆసక్తి చూపిస్తున్నారు. భారత వినియోగదారుల అభిరుచులు, గట్టి పోటీ కారణంగా, చాలా కాలంగా రెనాల్ట్ ఆశించిన ఫలితాలు అంతగా లభించటం లేదు.

సూజుకి తన పాపులర్ స్కూటర్‌ను మరింత అప్‌డేట్ చేసింది. తక్కువ ధరలోనే అదిరిపోయే ఫీచర్లతో వస్తోంది. ఇంతకీ ఈ స్కూటర్లో ఏం చేర్చారో తెలిస్తే షాక్ అవుతారు. సూజుకి మోటార్‌సైకిల్ ఇండియా లిమిటెడ్ ఉత్పత్తి చేసిన వాటిలో తాజాగా తన బాగా అమ్ముడవుతున్న స్కూటర్ యాక్సెస్ 125 2025 మోడల్‌ను కొత్త హంగులతో విడుదల చేసింది. దీని ధర రూ.1.02 లక్షలు (ఎక్స్-షోరూమ్).

దేశీయ ఆటోమొబైల్ రంగంలో మహీంద్రా ప్రస్తుతం దిగ్గజ కార్ల తయారీదారుగా ఉంది. మారుతున్న కాలానికి అనుగుణంగా ఎప్పటికప్పుడు లేటెస్ట్ ఫీచర్స్‌తో అదిరిపోయే కార్లను విడుదల చేస్తుంది. దాంతో, ఏప్రిల్ 2025 నాటికి మహీంద్రా మరోసారి హ్యుందాయ్, టాటా మోటార్స్‌లను వెనక్కి నెట్టి, భారతదేశంలో రెండవ అతిపెద్ద కార్ల తయారీ సంస్థగా నిలిచింది. ఈ సక్సెస్‌ను సాధించడంలో మహీంద్రా SUV ల పాత్ర ఎంతో కీలకమైనది. ప్రత్యేకంగా స్కార్పియో, థార్, బొలెరో, 3XO, XUV 700 మోడళ్లు దేశవ్యాప్తంగా బాగా ఆదరణ పొందుతున్నాయి. వీటి డిమాండ్ ఎక్కడా తగ్గలేదు. వీటికి తోడు, కంపెనీ తాజాగా తీసుకొచ్చిన ఎలక్ట్రిక్ SUV మోడళ్లు కూడా మార్కెట్లో మంచి స్పందన పొందుతున్నాయి. అయితే, ఈ ఈవీల డెలివరీలు మాత్రం ఇప్పటివరకు పరిమితంగా ఉండడం గమనార్హం.

టోల్ ప్లాజాలు కూడా మోసాలు చేస్తున్నాయా? మీరు టోల్ గేట్ దాటకముందే మీ ఫాస్టాగ్‌లో డబ్బులు కట్ అయితే ఏం చేయాలి? ఏంటి అలా కూడా జరుగుతుందా అని ఆశ్చర్యపోతున్నారా.. మరి ఇలాంటి ఘటనలు జరుగుతున్నాయి. మీ డబ్బులు పోతే ఎక్కడ కంప్లైంట్ చేయాలో తెలుసా? తెలుసుకోకపోతే మీ డబ్బులు పోయినట్టే.. అందుకోసం ఈ కథనాన్ని పూర్తిగా చదవండి.

భారతదేశంలో ఎలక్ట్రిక్ వాహనాల మార్కెట్ వేగంగా అభివృద్ధి చెందుతుంది. ఈ నేపథ్యంలో తయారీదారులు అందివచ్చిన అవకాశాలను సద్వినియోగం చేసుకోవడానికి ఇటీవలి కాలంలో వరుసగా కొత్త ఈవీ కార్లను విడుదల చేస్తున్నారు. ప్రజలు కూడా వీటిని స్వీకరిస్తున్నారు. పెరుగుతున్న ఇంధన ధరలు, ప్రభుత్వ ప్రోత్సాహకాల కారణంగా గత కొంత కాలంగా ఈవీ అమ్మకాలు పుంజుకుంటున్నాయి. ఇప్పటికి ఈ విభాగంలో ముందుడుగు వేసిన దేశీయ ప్రసిద్ధ వాహన తయారీ కంపెనీ టాటా మోటార్స్ టియాగో EV, టిగోర్ EV, పంచ్ EV, నెక్సాన్ EV లాంటి పాపులర్ మోడళ్లను విజయవంతంగా మార్కెట్‌లో నిలబెట్టింది. ఇప్పుడు మరొక శక్తివంతమైన ఎలక్ట్రిక్ SUVను లాంచ్ చేయడానికి సిద్ధమవుతోంది. టాటా తదుపరి ఎలక్ట్రిక్ కారుగా హారియర్ EV త్వరలో మార్కెట్లోకి విడుదల కావడానికి సిద్ధంగా ఉంది.

ఎంజీ మోటార్ దూకుడు మీదుంది. వరుసగా కొత్త ఎలక్ట్రిక్ కార్లను విడుదల చేస్తూ మార్కెట్‌లో తనకంటూ ఒక ప్రత్యేక స్థానాన్ని సంపాదించుకుంటోంది. ముఖ్యంగా విండ్‌సర్ ఈవీ అమ్మకాలు దుమ్మురేపుతున్నాయి. అయితే, ఎంజీ మరో అదిరిపోయే ఎలక్ట్రిక్ కారును తీసుకొస్తే మాత్రం ఇక తిరుగుండదని విశ్లేషకులు అంటున్నారు.

భారతదేశపు అతిపెద్ద కార్ల తయారీదారు అయినటువంటి మారుతీ సుజుకీ (maruti suzuki) చాలా కాలంగా తన మోడళ్ల అమ్బకాలతో దూసుకుపోతుంది. విస్తృతమైన మోడళ్లతో అన్ని విభాగాలను ఆక్రమించిన ఈ బ్రాండ్‌కి భారత వినియోగదారుల నుంచి సపోర్ట్‌ను పొందుతుంది. చిన్న హ్యాచ్‌బ్యాక్ నుంచి మిడ్‌సైజ్ SUV వరకు, ఏ సెగ్మెంట్‌లో చూసినా మారుతీ ఒక ఖచ్చితమైన గుర్తింపు కలిగిన పేరుగా నిలిచింది. ప్రస్తుతం దేశవ్యాప్తంగా పలుమోడళ్లను విక్రయిస్తున్న మారుతీకి చెందిన అన్ని కార్లు కూడా విక్రయాల పరంగా మెరుగైన గణంకాలను సాధించట్లేదు. కొన్ని మాత్రమే కంపెనీ పెట్టుకున్న లక్ష్యాన్ని చేరుకుంటున్నాయి. తాజాగా విడుదలైన అమ్మకాల నివేదిక ప్రకారం, మారుతీ సుజుకీ లైనప్‌లో అత్యంత ప్రీమియం మోడల్ అయిన ఇన్విక్టో గత నెలలో తక్కువ సేల్స్‌ను నమోదు చేసింది.

రెండు కుటుంబాలు కలిసి వెళ్లడానికి వీలైనంత పెద్ద కారు, అది కూడా మంచి మైలేజ్‌తో వస్తే ఎలా ఉంటుంది? అలాంటి ఒక కారు ఏకంగా మారుతి కార్లనే వెనక్కి నెట్టేస్తోంది. అదే టయోటా రూమియన్. ఈ కారు అమ్మకాలు ఒక్కసారిగా పెరగడానికి కారణం ఏంటో వివరంగా ఈ వార్తలో తెలుసుకుందాం.

దేశంలో ప్రస్తుతం వాహనాల వాడకం ఏ రేంజ్‌లో ఉందో అందిరికి తెలిసిందే. ఇవి కేవలం ప్రయాణం కోసం గల అవసరాన్ని తీర్చడమే కాదు, వ్యక్తిగత ఆర్థిక వ్యవస్థపై కూడా ప్రభావం చూపుతాయి. ముఖ్యంగా టూవీలర్ వాడకం అయితే భారీగా పెరిగింది. ఉద్యోగాలకు వెళ్లడానికి, కాలేజ్‌లు, ఇతర ఇంటి అవసరాలను తీర్చుకోవడానికి టూవీలర్ ఖచ్చితంగా ఉండాల్సిన రోజులు. అయితే వీటి మెయింటనెన్స్ కూడా ప్రతి ఒక్కరు గుర్తుపెట్టుకోవాల్సిన అంశం. మైలేజ్ వంటి అంశాలపై దృష్టిపెట్టినప్పటికీ, నిర్వహణ ఖర్చులు, వారంటీ వంటి అంశాలు కూడా ఎంతో కీలకమైనవి. వాహనానికి ఏదైనా సమస్య తెలెత్తినప్పుడు వారంటీ ద్వారా అదనంగా ఎలాంటి డబ్బులు చెల్లించకుండా సర్వీస్ చేసుకోవచ్చు. ఇటీవల కాలంలో చాలా టూవీలర్ తయారీదారులు తమ వాహనాలకు ఎక్కువ కాలం వారంటీని అందించడానికి ముందుకు వస్తున్నారు.