ఎంజీ మోటార్స్ విడుదల చేస్తున్న కార్లకు మార్కెట్లో ప్రస్తుతం మంచి డిమాండ్ ఉంది. ఈ క్రమంలో కొత్త కొత్త మోడల్స్ తీసుకొస్తూ మార్కెట్లో తన స్థానాన్ని నిలబెట్టుకుంటుంది ఎంజీ మోటార్స్.. చాలా రోజుల నుంచి ఓ ప్రస్టేజియస్ మోడల్ తీసుకొస్తున్నామంటూ కంపెనీ ఊరిస్తోంది. ఎప్పుడెప్పుడా అని ఎదురుచూస్తున్న తరుణం నేడు రానే వచ్చింది. ఎంజీ విండ్‌సర్ ఈవీ ప్రో ఎలక్ట్రిక్ కారు విడుదలకు సమయం ఆసన్నమైంది.

దక్షిణ కొరియా బ్రాండ్ కియా ఇండియా (Kia India) భారతీయ ఆటోమొబైల్ రంగంలో తన ఉనికిని మరింత బలపరిచే దిశగా దూసుకుపోతోంది. ఇప్పటికే దేశీయంగా పలు ఆకర్షణీయమైన మోడళ్లతో మార్కెట్లో స్థిరమైన గుర్తింపు పొందిన కియా, ఇప్పుడు కొత్త మోడళ్లను పరిచయం చేయడమే కాకుండా, ఎలక్ట్రిక్ వాహనాల (EV) రంగంలోకి అడుగుపెడుతూ తన వ్యాపారాన్ని మరింత పెంచుకుంటుంది. మార్కెట్లో పెరుగుతున్న పోటీ నేపథ్యంలో కంపెనీ రానున్న రోజుల్లో మరిన్ని మోడళ్లను విడుదల చేయడానికి ప్రణాళికలు చేసింది. 2025, 2026 మధ్య కాలంలో, భారతీయ వినియోగదారుల కోసం కియా నాలుగు ప్రధాన మోడళ్లను లాంచ్ చేయనుంది. ఈ మోడళ్లు కేవలం డిజైన్ పరంగా మాత్రమే కాకుండా, టెక్నాలజీ, పనితీరు, వినియోగదారుని అనుభవాన్ని మెరుగుపరిచే అంశాల పరంగానూ ప్రతిష్టాత్మకంగా ఉండే అవకాశముంది.

టాటా కర్వ్ (Tata Curvv) త్వరలో విడుదల కానున్న ఒక ముఖ్యమైన కూపే ఎస్యూవీ. దీని ఎక్స్-షోరూమ్ ధర దాదాపు రూ. 10 లక్షల నుండి రూ. 20 లక్షల వరకు ఉంటుంది. ఇది పెట్రోల్, డీజిల్ ఇంజిన్ ఆప్షన్లతో లీటరుకు 11 నుంచి 15 కిలోమీటర్ల వరకు మైలేజీ అందిస్తుంది. ఇందులో 5 సీట్లు ఉంటాయి, ప్రయాణికులకు సౌకర్యవంతమైన ప్రయాణాన్ని అందిస్తుంది.

దేశీయ టూవీలర్ విభాగంలో ప్రముఖ కంపెనీ టీవీఎస్ (TVS) నుంచి విడుదలైన వాహనాలకు ఎప్పటికప్పుడు మంచి డిమాండ్ ఉంటుంది. తక్కువ ధర, మంచి మైలేజ్, నగర, గ్రామీణ ప్రయాణాలకు అనుకూలంగా ఉండటం కారణంగా ఈ కంపెనీ బైకులు, స్కూటర్లకు దేశంలో ఆదరణ లభిస్తూనే ఉంది. ఈ నేపథ్యంలో, టీవీఎస్ మోటార్ కంపెనీ తన పోర్ట్‌ఫోలియోను మరింత బలోపేతం చేయడానికి కొత్త కస్టమర్లను సంపాదించడానికి తాజాగా 2025 స్పోర్ట్ ES+ వేరియంట్‌ను మార్కెట్లోకి విడుదల చేసింది. కొత్త అప్‌డేట్‌లో ప్రధానంగా దీని ఇంజిన్ గురించి ప్రత్యేకంగా మాట్లాడుకోవాలి. దీన్ని OBD-2B నిబంధనలకు అనుగుణంగా రూపొందించారు. దీంతో ఈ బైక్ నుంచి తక్కువ స్థాయిలో కాలుష్య కారకాలు విడుదల అవుతాయి.

దేశీయంగా తనకంటూ ఓ ప్రత్యేక గుర్తింపును సంపాదించుకున్న ప్రముఖ ద్విచక్ర వాహన తయారీ సంస్థ టీవీఎస్ మోటార్ కంపెనీ అద్బుతమైన అమ్మకాల వృద్ధిని నమోదు చేసింది. హోండా, హీరో, బజాజ్ వంటి దిగ్గజ కంపెనీల నుంచి తీవ్రమైన పోటీ నెలకొన్నప్పటికీ, టీవీఎస్ ఏకంగా 16 శాతం వృద్ధిని సాధించడం విశేషం.

మహీంద్రా ఎక్స్‎యూవీ 3XO భారతీయ ఆటో మార్కెట్లో తన మొదటి వార్షికోత్సవాన్ని నిర్వహించుకుంటుంది. గతేడాది అంటే 2024 ఏప్రిల్ 29న విడుదలైన ఈ మోడల్, మహీంద్రా ఎక్స్‌యూవీ 300కు అప్‌గ్రేడ్ వెర్షన్‌గా మార్కెట్లోకి ఇంట్రడ్యూస్ అయింది. విడుదలైనప్పటి నుంచి ఇది అద్భుతమైన అమ్మకాల సంఖ్యలను నమోదు చేస్తోంది.

టీవీఎస్ ఐక్యూబ్(TVS iQube) ఒక పాపులర్ ఎలక్ట్రిక్ స్కూటర్. ఇది అట్రాక్టివ్ డిజైన్, ఫీచర్లతో పాటు, అందుబాటు ధరలో కూడా లభిస్తోంది. అందుకే ఇది మన దేశంలో ఎక్కువ సంఖ్యలో అమ్ముడవుతోంది. వినియోగదారులు కూడా దీన్ని ఇష్టంగా కొనుగోలు చేస్తున్నారు. ప్రస్తుతం దేశీయ మార్కెట్లో బ్యాటరీ ప్యాక్‌ను బట్టి ఐక్యూబ్ ఈ-స్కూటర్ 5 వేర్వేరు వేరియంట్లలో అందుబాటులో ఉంది.

దేశీయ దిగ్గజ కార్ల తయారీ కంపెనీ టాటా మోటార్స్ (tata motors) ప్రత్యర్థులను ధీటుగా ఎదుర్కొవడానికి కొత్త మోడళ్లను విడుదల చేయడానికి సిద్ధమవుతుంది. మారుతీ సుజుకీ, హ్యుందాయ్ వంటి వాహన తయారీదారుల నుంచి పోటీ ఎక్కువగా ఉన్న నేపథ్యంలో కొత్త కస్టమర్లకు మరింత చేరువ కావడానికి తన ప్రీమియం హ్యాచ్‌బ్యాక్‌ అయిన ఆల్ట్రోజ్‌ ఫేస్‌లిఫ్ట్ వెర్షన్‌‌ను విడుదల చేయడానికి ప్రణాళికలు చేసింది. ఈ కొత్త కారు కంపెనీ అమ్మకాలను పెంచడానికి కీలకం కానుంది. దీనికి సంబంధించిన మొదటి టీజర్‌ను మే 22న విడుదల చేసింది. ఈ టీజర్‌తో పాటు, ధర ప్రకటనకు ముందు ఫేస్‌లిఫ్ట్ వెర్షన్‌పై కొంత స్పష్టత వచ్చింది.

ఒకప్పుడు మధ్యతరగతి కుటుంబాలకు మొదటి ఎంపికగా నిలిచిన మారుతీ సుజుకీ స్విఫ్ట్ (maruti suzuki Swift) గత నెల అమ్మకాల్లో మంచి పెర్ఫామెన్స్‌ను చూపింది. తాజాగా విడుదలైన నివేదిక ప్రకారం, ఏప్రిల్ 2025లో ఈ కారు దాదాపు 14,592 మంది కస్టమర్లను ఆకర్షించి, అత్యధికంగా అమ్ముడైన టాప్ 10 కార్లలో ఇది 7వ స్థానంలో నిలిచింది. ఆకట్టుకునే డిజైన్, నమ్మకమైన పనితీరు, మైలేజ్ కెపాసిటీ వంటి అంశాలతో స్విఫ్ట్ మరోసారి వినియోగదారులను ఆకట్టుకుంది. మారుతున్న కాలానికి అనుగుణంగా ఎప్పటికప్పుుడు అప్‌డేట్ అవుతూ వస్తున్న ఈ కారు భారతీయ ప్రజలను ఆకర్షించడంలో బాగా విజయవంతం అయింది. ఇది కేవలం ఓ హ్యాచ్‌బ్యాక్ కారు కాదు, రోజువారీ ప్రయాణాన్ని మరింత సౌకర్యవంతంగా మారుస్తుంది.

హ్యాచ్‌బ్యాక్ అయినా, ఎస్యూవీ అయినా, ఎంపీవీ అయినా.. భారతీయులు మొదట చూసేది ఆ బాడీ స్టైల్‌లో మారుతి కారు ఉందా లేదా అని.. ఒకప్పుడు మారుతికి అంత పట్టులేని ఎస్ యూవీ సెగ్మెంట్లో కూడా ఇప్పుడు గట్టిగా నిలదొక్కుకుంది. ఇక ఎంపీవీ సెగ్మెంట్‌లో మారుతికి ఒకటి కంటే ఎక్కువ మోడళ్లు ఉన్నాయి. అయినప్పటికీ ఎర్టిగా అనే ఒక్క మోడల్ ఈ సెగ్మెంట్‌ను ఏలుతోంది.

భారతీయ ఆటోమొబైల్ మార్కెట్‌‌లో అతిపెద్ద కార్ల తయారీదారుగా ఉన్నటువంటి మారుతీ సుజుకీ (Maruti Suzuki) ఏప్రిల్ నెల ముగిసిన నేపథ్యంలో తాజాగా తన కార్ల అమ్మకాలను విడుదల చేస్తుంది. ఈ క్రమంలో 7 సీటర్ కారు అయినటువంటి ఎర్టిగాకు సంబంధించిన అమ్మకాలను విడుదల చేసింది. దీని ప్రకారం, ఏప్రిల్ 2025లో ఎర్టిగా(Ertiga) మరోసారి తన సత్తా చాటుతూ అత్యధిక డిమాండ్ ఉన్న 7-సీటర్ల వాహనంగా నిలిచింది. నెల మొత్తం అమ్మకాల పరంగా దేశవ్యాప్తంగా టాప్ 10 కార్ల జాబితాలో, ఈ కుటుంబ ప్రయాణ వాహనం నాలుగవ స్థానాన్ని అందుకుంది. ఈ అమ్మకాలను చూసినట్లయితే భారతీయ కుటుంబాల హృదయాలను ఆకర్షించిన మల్టీ పర్పస్ వాహనాల పట్ల ఉన్న డిమండ్‌కు నిదర్ననంంగా నిలుస్తోంది.

భారతీయ ఆటోమొబైల్ మార్కెట్లో ఎలక్ట్రిక్ కార్లను విక్రయిస్తూ ఎంజీ మోటార్ దూసుకుపోతోంది. ZS EVతో మొదలైన ఈ ప్రయాణం ఆ తర్వాత కామెట్ (Comet), విండ్‌సర్ (Windsor) రాకతో ఊహించని మలుపు తిరిగింది. ఒకప్పుడు డీలా పడిన అమ్మకాలను ఈ రెండు మోడళ్లే చక్కదిద్దాయని చెప్పడంలో ఎలాంటి సందేహం లేదు.

ఎలక్ట్రిక్ వాహనాలతో భారతదేశంలో సంచలనాలు సృష్టిస్తున్న ఎంజీ మోటార్ గురించి ప్రత్యేకంగా చెప్పాల్సిన పనిలేదు. చైనా మూలాలు ఉన్నప్పటికీ, బ్రిటిష్ వారసత్వాన్ని కలిగి ఉన్న ఈ బ్రాండ్‌ను భారతీయులు సాదరంగా ఆహ్వానించారు. ప్రస్తుతం ZS EV, కామెట్ EV, విండ్‌సర్ EV అనే మూడు ఎలక్ట్రిక్ కార్లు కంపెనీ శ్రేణిలో ఉన్నాయి.

దక్షిణ కొరియా బ్రాండ్ హ్యుందాయ్ ఇండియాలో కూడా చాలా కార్లను విక్రయిస్తూ టాటా మోటార్స్, మారుతీ సుజుకీ వంటి తయారీదారులు బలమైన పోటీదారుగా నిలుస్తుంది. అమ్మకాల పరంగా ఈ కంపెనీ మెరుగైన గణంకాలను సాధిస్తూ అభివృద్ధిలో వేగంగా దూసుకుపోతుంది. తాజాగా ఏప్రిల్ 2025లో, హ్యుందాయ్‌కి చెందిన క్రెటా (Hyundai Creta) భారత ఆటోమొబైల్ రంగంలో మరో కీలక మైలురాయిని చేరుకుంది. వరుసగా రెండవ నెలలోనూ ఇది దేశంలో అత్యధికంగా అమ్ముడైన కారుగా నిలిచింది. అమ్మకాల నివేదిక ప్రకారం, ఏప్రిల్ 2025లో క్రెటా 17,016 యూనిట్లు అమ్ముడుపోయింది. గత ఏడాది ఇదే నెలతో పోలిస్తే 10.2 శాతం వృద్ధిని నమోదు చేసింది. ఇది భారత వినియోగదారుల్లో క్రెటా కోసం ఉన్న ఆదరణకు నిదర్శనంగా నిలుస్తోంది.

భారతదేశం ప్రపంచంలోనే అతిపెద్ద వాహన మార్కెట్లలో ఒకటి. ఇక్కడ ప్రతి నెలా వేల సంఖ్యలో కార్లు అమ్ముడవుతుంటాయి. ఏప్రిల్ నెలలో భారీ సంఖ్యలో కార్లు అమ్ముడుపోయాయి. తాజాగా దేశీయ మార్కెట్లో అత్యధికంగా అమ్ముడైన టాప్ 10 కార్ల జాబితా విడుదలైంది. ఎప్పటిలాగే మారుతి సుజుకి తన ఆధిపత్యాన్ని కొనసాగించింది. అయితే, అందరినీ ఆశ్చర్యపరుస్తూ హ్యుందాయ్ మోడల్ ఒకటి నంబర్ వన్‌గా నిలిచింది. అలాగే టాటా, మహీంద్రా కార్లు కూడా మంచి సంఖ్యలో అమ్ముడయ్యాయి.

ఇండియాలో ఎలక్ట్రిక్ కార్లకు డిమాండ్ పెరుగుతోంది. పెట్రోల్, డీజిల్ ధరల పెరుగుదలతో విసిగిపోయిన ప్రజలు ఎలక్ట్రిక్, హైబ్రిడ్ కార్ల వైపు మొగ్గు చూపుతున్నారు. ముఖ్యంగా ఎలక్ట్రిక్ కార్లు మరింత ప్రజాదరణ పొందుతున్నాయి. ప్రస్తుతం భారతదేశంలో ఎలక్ట్రిక్ కార్ల అమ్మకాల్లో టాటా మోటార్స్ దూసుకుపోతుంది. ప్రతి నెలా రికార్డు స్థాయిలో ఈవీలను టాటా డెలివరీ చేస్తోంది.

దేశవ్యాప్తంగా కోట్లాది రూపాయల మోసాలతో సంచలనం సృష్టించిన వారిలో సుకేశ్ చంద్రశేఖర్ పేరు వినని వారుండరు. దాదాపు రూ.200 కోట్ల కోట్ల విలువైన దోపిడీ రాకెట్‌కు సంబంధించి అరెస్ట్ అయి ప్రస్తుతం తీహార్ జైలులో శిక్ష అనుభవిస్తున్నాడు. తాజాగా అతను చేసిన పని సోషల్ మీడియాను ఒక్కసారిగా షేక్ చేస్తోంది. సాధారణంగా జైల్లో ఉన్న వ్యక్తి జీవితానికి సంబంధించిన వార్తలు మామూలుగా ఉంటాయి. కానీ సుకేశ్ మాత్రం మరో లెవెల్‌లోకి వెళ్లిపోయాడు. ఒక జైలులో ఉన్న వ్యక్తి అత్యంత ఖరీదైన విలాసవంతమైన కారు కొనుగోలు చేశాడు. జైల్లో ఉన్న ఒక వ్యక్తి కారును ఎలా కొనుగోలు చేశాడా అని చాలా మంది ఆశ్చర్యపోతున్నారు. దీనికి సంబంధించిన పూర్తి వివరాల్లోకి వెళ్దాం.

భారతీయ దిగ్గజ కార్ల తయారీ కంపెనీ మహీంద్రా తాజాగా ఏప్రిల్ 2025లో నమోదు చేసిన సేల్స్ వివరాలను వెల్లడించింది. దీని ప్రకారం, మహీంద్రా గత నెలలో 50,000కు పైగా SUVలను విక్రయించి మరోసారి తన దూకుడు కొనసాగించినట్లు తెలుస్తోంది. భారతదేశంలోని వినియోగదారులు హై-రైడింగ్, బలమైన రూపంలో ఉన్న SUVలపై చూపుతున్న ప్రేమ కారణంగా మహీంద్రా వంటి దేశీయ బ్రాండ్‌లకు అమ్మకాలు మెరుగ్గా నమోదవుతున్నాయి. స్కార్పియో, బొలెరో, థార్, ఎక్స్‌యూవీ700, ఎక్స్‌యూవీ300 వంటి పాపులర్ మోడల్స్‌కు గల ఆదరణ, మార్కెట్లో మహీంద్రాకు ఉన్న స్థిరమైన డిమాండ్ కారణంగా దేశీయ ప్రజల నుంచి ఎక్కువ ఆదరణ సాధించడానికి వీలైంది. ఇటీవలి కాలంలో మార్కెట్లోకి వచ్చిన కొత్త SUV మోడళ్లకీ మంచి స్పందన లభిస్తోంది. దీంతో మహీంద్రా మార్కెట్ షేర్‌ను మరింత పెంచుకుంటూ పోతుందని అంచనా వేయవచ్చు.

మనదేశంలో నంబర్ వన్ టూ-వీలర్ కంపెనీ హీరో మోటోకార్ప్ అన్ సంగతి మనందరికీ తెలిసిందే. స్కూటర్ల అమ్మకాలు పెద్దగా లేకపోయినా, హీరో మోటోకార్ప్ బైక్‌ల అమ్మకాల్లో మాత్రం తిరుగులేని ఆధిపత్యాన్ని కొనసాగిస్తోంది.

దేశీయ దిగ్గజ వాహన తయారీ కంపెనీ టయోటా తన ప్రముఖ MPV మోడల్ అయిన ఇన్నోవా హైక్రాస్‌కు ఓ ప్రత్యేక లిమిటెడ్ ఎడిషన్ వేరియంట్‌ను విడుదల చేసింది. "ఎక్స్‌క్లూజివ్ ఎడిషన్" అనే పేరుతో ఈ వేరియంట్ మే 2025 నుంచి జూలై 2025 మధ్యకాలంలో మాత్రమే మార్కెట్‌లో అందుబాటులో ఉండనుంది. ప్రీమియం డిజైన్‌ను ప్రాతినిధ్యం వహించే ఈ మోడల్‌ ధర రూ. 32.58 లక్షలు (ఎక్స్-షోరూమ్, ఇండియా)గా నిర్ణయించబడింది. ఈ ప్రత్యేక ఎడిషన్‌ను ఇన్నోవా హైక్రాస్‌ టాప్-ఎండ్ ZX (O) వేరియంట్ ఆధారంగా అభివృద్ధి చేశారు. ఇది రెండు ఆకర్షణీయమైన డ్యూయల్-టోన్ కలర్ ఆప్షన్‌ సూపర్ వైట్, పెర్ల్ వైట్‌లలో అందించబడుతోంది. ఇది బ్లాక్ కలర్‌తో స్టైలింగ్ హైలైట్స్, బాడీపై ప్రత్యేక డిజైన్‌తో సాధారణ మోడళ్లకంటే మరింత ప్రత్యేకంగా కనిపిస్తుంది.

భారతీయులను ఆకర్షించేందుకు తక్కువ ధరలో కొత్త కారు మోడల్‌ను స్కోడా కంపెనీ విడుదల చేసిన సంగతి తెలిసిందే. అయితే ఇప్పుడు దాని ధరను పెంచడం చాలా మందిని ఆశ్చర్యానికి, షాక్‎కు గురి చేస్తుంది.. స్కోడా కైలాక్ (Skoda Kylaq) అనే సబ్-కాంపాక్ట్ SUV మోడల్‌ను మొదట కేవలం రూ. 7 లక్షల 89 వేల బడ్జెట్ ధరకు ఇంట్రడ్యూస్ చేశారు.

భారతదేశంలో రాయల్ ఎన్‌ఫీల్డ్ (Royal Enfield) బైకుకు ఏ రేంజ్‌లో క్రేజ్ ఉంటుందో అందిరికి తెలిసిందే. దేశీయ మార్కెట్‌తో పాటు అంతర్జాతీయంగా కూడా తనకంటూ ప్రత్యేక గుర్తింపు సంపాదించుకున్న ఈ బ్రాండ్ చాలా కాలంగా ఇతర కంపెనీలకు బలంగా ఎదుర్కొని అమ్మకాల్లో దూసుకుపోతుంది. తాజాగా ఏప్రిల్ నెల ముగిసి మే నెల ప్రారంభమైంది. ఈ నేపథ్యంలో వాహన తయారీదారులు గత నెలలో సాధించిన సేల్స్ వివరాలను వెల్లడిస్తున్నారు. ఇప్పడు ఇదే క్రమంలో రాయల్ ఎన్‌ఫీల్డ్ కూడా తన విక్రయాలను విడుదల చేసింది. దీని ప్రకారం, ఈ బ్రాండ్, 2025 ఏప్రిల్‌లో మంచి విజయాన్ని అందుకుంది. తాజా అమ్మకాల నివేదిక చూస్తే, రాయల్ ఎన్‌ఫీల్డ్ మళ్లీ తన పేరుకు తగ్గట్టే విజయాన్ని నమోదు చేసిందని స్పష్టంగా కనిపిస్తోంది.

దక్షిణ కొరియాకు చెందిన ప్రముఖ కార్ల తయారీ సంస్థ కియా (Kia).. హ్యుందాయ్ సక్సెస్ చూసి 2019లో భారతీయ మార్కెట్‌లోకి అడుగుపెట్టింది. అతి తక్కువ కాలంలోనే భారతదేశపు ప్రముఖ కార్ల తయారీదారుగా ఎదిగింది.

భారత ఆటోమొబైల్ రంగం అభివృద్ది మరింత వేగవంతం అయింది. ప్రతి నెలా కొత్త కార్లు మార్కెట్‌లోకి అడుగుపెడుతున్నాయి. వినియోగదారుల అభిరుచులు వేగంగా మారుతున్న నేపధ్యంలో, వాహన తయారీ సంస్థలు కూడా అదే వేగంతో తమ వ్యూహాలను మార్చుకుని కొత్త మోడళ్లను విడుదల చేస్తున్నాయి. అలాగే ఇప్పటికే ఉన్న పాపులర్ కార్లను మరింత ఆకర్షణీయంగా మార్చి తీసుకురావడంలో తయారీదారులు తీవ్రంగా శ్రమిస్తున్నారు. ఇలాంటి సమయంలో హ్యుందాయ్ నుండి ఆసక్తికరమైన విషయం వెలుగులోకి వచ్చింది. సబ్ కాంపాక్ట్ SUV సెగ్మెంట్‌లో మరో కొత్త కారును భారతీయ మార్కెట్లో విడుదల చేయడానికి కంపెనీ సిద్ధమవుతుంది. రాబోయే తదుపరి తరం హ్యుందాయ్ వెన్యూ 2026లో కొనుగోలు చేయడానికి అందుబాటులోకి వస్తుందని భావిస్తున్నారు.

ప్రముఖ కార్ల తయారీ సంస్థ టయోటా కిర్లోస్కర్ మోటార్(Toyota Kirloskar Motor) భారతీయ మార్కెట్‌లో దుమ్ములేపుతోంది. ముఖ్యంగా ఇన్నోవా క్రిస్టా, ఇన్నోవా హైక్రాస్, అర్బన్ క్రూజర్ హైరైడర్, టైసర్, గ్లాన్జా, హిలక్స్, ఫార్చ్యూనర్, రూమియన్ వంటి మోడళ్లకు వినియోగదారుల్లో విపరీతమైన ఆదరణ లభిస్తోంది.