బోర్ కొట్టే సెడాన్లకు గుడ్ బై చెప్పే టైమ్ వచ్చేసింది ! 2025లో కాంపాక్ట్ ఎస్‌యూవీల హవా నడవబోతోంది! అదిరిపోయే లుక్స్‌తో, లేటెస్ట్ టెక్నాలజీతో మీ డ్రీమ్ కారు రెడీ అవుతోంది. ఎలక్ట్రిక్ వైపు చూస్తున్నారా? హైబ్రిడ్ అంటే ఇష్టమా? లేక పాత ముంతే ముద్దు అంటారా? మీ టేస్ట్ ఏదైనా సరే.. 2025లో లాంచ్ అయ్యే ఈ టాప్ కాంపాక్ట్ ఎస్‌యూవీలు మాత్రం మిమ్మల్ని తప్పకుండా ఆకట్టుకుంటాయి. వాటి గురించి ఇప్పుడు తెలుసుకుందాం.

దేశీయ ప్రముఖ టూవీలర్ తయారీదారు హీరో మోటోకార్ప్ (Hero Motocorp) భారతదేశంలో ప్రజల రోజువారి అవసరాలను తీర్చడానికి ఉపయోగపడే బైక్‌లను విడుదల చేయడంలో ఎప్పుడు ముందు ఉంటుంది. మంచి మైలేజ్, ఆకట్టుకునే డిజైన్లతో ప్రతి ఏడాది సరికొత్త మోడళ్లను లాంచ్ చేస్తుంది. తాజాగా కంపెనీ అప్‌డేట్ ఫీచర్స్‌తో కూడిన 2025 ప్యాషన్ ప్లస్‌ (passion plus) బైకును విడుదల చేసింది. దీన్ని కేంద్ర ప్రభుత్వ కొత్త OBD-2B ప్రమాణాలకు అనుగుణంగా రూపొందించి తీసుకొచ్చింది. ఇటీవలి కాలంలో దాదాపు అన్ని టూవీలర్ తయారీ కంపెనీలు లాంచ్ చేస్తున్న మోడళ్లను పర్యావరణ హితంగా తయారు చేయాలన్న భారత ప్రభుత్వ నిబంధనలకు అనుగుణంగా రూపొందిస్తున్నారు. 2025లో లాంచ్ అయిన దాదాపు అన్ని కూడా ఈ విధంగానే విడుదల అవుతున్నాయి.

ప్రస్తుత కాలంలో మహిళల భద్రత ఒక పెద్ద ప్రశ్నార్థకం. చట్టాలు ఎన్ని ఉన్నా, ఒంటరిగా తిరగడానికి భయపడే పరిస్థితి. క్యాబ్ ప్రయాణం సౌకర్యంగా అనిపించినా, గతంలో జరిగిన కొన్ని సంఘటనలు భయాన్ని కలిగిస్తున్నాయి. మరి క్యాబ్‌లో మహిళలు ఎలా సురక్షితంగా ఉండగలరు? మీకోసం కొన్ని ముఖ్యమైన భద్రతా చిట్కాలు! మీ స్నేహితులు, అక్కాచెల్లెళ్లకి తప్పకుండా షేర్ చేయండి!

దేశీయ అతిపెద్ద కార్ల తయారీదారు మారుతీ సుజుకీ (Maruti Suzuki)కి సెడాన్ విభాగంలో కీలకం అయిన డిజైర్ (Dzire) మరోసారి అమ్మకాల గణంకాలతో వార్తల్లో నిలిచింది. ఆకట్టుకునే డిజైన్, ప్రయాణికుల సేఫ్టీ పరంగా అత్యుత్తమైమన ప్రమాణాలు, మంచి మైలేజ్ కలిగిన ఈ కారుకు సంబంధించిన సేల్స్ వివరాలు వెల్లడయ్యాయి. ఇది దేశీయంగా అత్యధికంగా అమ్ముడుపోయిన టాప్ ఫ్లాగ్‌షిప్ సెడాన్ల జాబితాలో ఎనిమిదో స్థానంలో నిలిచింది. మార్చి 2025లో మారుతీ సుజుకీ డిజైర్ 15,460 యూనిట్ల సేల్స్‌ను నమోదు చేసింది. త సంవత్సరం ఇదే నెలలో అంటే మార్చి 2024లో 15,894 యూనిట్లతో పోలిస్తే, ఈ సారి అమ్మకాలు 3 శాతం తగ్గాయి. ఏడాది ప్రాతిదికన చూస్తే ఇది స్వల్ప తగ్గుదల అని చెప్పవచ్చు.

మహీంద్రా తమ కొత్త ఎలక్ట్రిక్ వాహనాలతో మార్కెట్‌లో సంచలనం సృష్టిస్తోంది. XEV 9e, BE 6 మోడళ్లకు ఊహించని స్థాయిలో డిమాండ్ రావడంతో, కొనుగోలుదారులు ఏకంగా ఆరు నెలల వరకు వేచి చూడాల్సిన పరిస్థితి ఏర్పడింది. ఇంతటి ఆదరణకు కారణాలేంటి? ఎన్ని కార్లు అమ్ముడయ్యాయి? వెయిటింగ్ పిరియడ్ ఎందుకు పెరుగుతుందో తెలుసుకుందాం.

భారతదేశంలో పెట్రోల్ బంకులు కేవలం పెట్రోల్, డీజిల్ వంటి ఇంధనాలు లభించే ప్రదేశాలు మాత్రమే కాకుండా అక్కడ కొన్ని ఉచిత సౌకర్యాలు కూడా పొందవచ్చు. దూర ప్రయాణాలు చేసే వారు, ఇతర అత్యవసర పరిస్థితుల్లో ప్రజలు రెస్ట్‌రూమ్ సదుపాయం లాంటి వాటిని వాడుకోవచ్చు. ప్రభుత్వం దేశంలోని పెట్రోల్ బంకుల్లో బాత్రూమ్ వాడకాన్ని ఉచితంగా అందుబాటులో ఉంచాలని సూచనలు చేసింది. మీరు అక్కడ పెట్రోల్ నింపినా, నింపకపోయినా, టాయిలెట్‌ను ఉపయోగించేందుకు ఎలాంటి షరతలు ఉండకూడదు. అయితే, వాస్తవానికి కొన్ని పెట్రోల్ బంకులు ఈ నియమాన్ని పాటించకపోవడం చూస్తూనే ఉన్నాం. ప్రత్యేకంగా, కొన్నిచోట్ల టాయిలెట్‌లను లాక్ చేసి ఉంచడం, తాళం వేసి ఉంచడం వంటి మనకు చాలా చోట్లనే కనిపిస్తుంది.

టయోటా ఇన్నోవా అంటే ఒకప్పుడు కేవలం ఫ్యామిలీ కార్ మాత్రమే కాదు, అది ఒక స్టేటస్ సింబల్. ఇప్పటికీ ఆ క్రేజ్ ఏ మాత్రం తగ్గలేదు. కొత్తగా వస్తున్న మోడల్స్ క్రిస్టా, హైక్రాస్‌లకు అయితే విపరీతమైన డిమాండ్.. కొనేందుకు జనాలు ఎగబడుతున్నారు. మరి అంతలా ఎందుకు కొంటున్నారు? డెలివరీ కోసం ఏకంగా ఏడాది వరకు ఎందుకు వెయిట్ చేస్తున్నారు? తెలుసుకుందాం

ప్రస్తుతం ఇండియాలో అందరికీ స్పోర్ట్స్ యుటిలిటీ వాహనాల (ఎస్‌యూవీ)పైనే మోజు. సెలబ్రిటీలైనా, మధ్యతరగతి వారైనా తమకు నచ్చిన ఎస్‌యూవీలను కొనుగోలు చేస్తున్నారు. ఇక సెలబ్రిటీల్లో అయితే ఆఫ్-రోడ్ సాహసాలకు అనువైన లగ్జరీ ఎస్‌యూవీలకు విపరీతమైన డిమాండ్ ఉంది. చాలామంది సినీ తారలు ఇటీవల ఇలాంటి ఎస్‌యూవీలను డెలివరీ తీసుకున్నారు.

ఇండియాలో ఎలక్ట్రిక్ టూవీలర్స్ వాడకం గతంలో కంటే భారీగా పెరిగింది. తయారీదారులంతా కూడా డిమాండ్‌కు అనుగుణంగా ఈవీలను విడుదల చేస్తున్నారు. పెరుగుతున్న కస్టమర్ల అవసరాలకు అనుగుణంగా కంపెనీలు తమ మునుపటి మోడళ్లను 2025 ఇయర్ అప్‌డేట్‌లో భాగంగా కొత్తగా మార్చి మార్కెట్లోకి తీసుకొస్తున్నారు. ఈ క్రమంలో తాజాగా కోమాకి ఎలక్ట్రిక్ (komaki electric) తన ప్రసిద్ధ ఈవీ బైక్‌ను మరింత కొత్తగా అప్‌డేట్ చేసి విడుదల చేసింది. భారతదేశపు మొట్టమొదటి ఎలక్ట్రిక్ క్రూయిజర్ బైక్‌గా కంపెనీ పేర్కొన్న రేంజర్ ఎలక్ట్రిక్‌ (ranger electric)ను మారుతున్న కస్టమర్ల ఇష్టాలకు అనుగుణంగా పలు కొత్త ఫీచర్స్‌ను జోడించి ఇటీవల మార్కెట్లోకి తీసుకొచ్చింది.

దక్షిణ కొరియా బ్రాండ్ కియా మోటార్స్ (kia Motors) ఇండియాలోకి అడుగుపెట్టిన అతి తక్కువ కాలంలోనే టాటా మోటార్స్, మారుతీ సుజుకీ, మహీంద్రా వంటి కార్ల తయారీదారులకు బలమైన పోటీ ఇచ్చే స్థాయికి ఎదిగింది. భారతదేశం అంతటా ఇప్పుడు కియా కార్లు కనిపిస్తున్నాయి. కంపెనీ ఆంధ్రప్రదేశ్ రాష్ట్రంలోని శ్రీసత్యసాయి జిల్లా పెనుకొండ సమీపంలోని కార్ల తయారీ ప్లాంట్‌ను ఏర్పాటు చేసి ఇక్కడి నుంచి దేశీయంగా విక్రయాలు జరుపుతూనే అంతర్జాతీయంగా మంచి మార్కెట్ కలిగిన దేశాలకు సైతం ఎగుమతులు చేస్తుంది. ఏపీ నుంచి రోడ్డు, వాయు, సముద్ర మార్గాల ద్వారా వాహనాలు రవాణా చేయడానికి అనుకూలమైన వాతావరణం ఉండటం కారణంగా కియా ఇండియా ప్రతి ఏడాది కస్టమర్ల డిమాండ్ మేరకు అధునాతన ఫీచర్స్ కలిగిన లేటెస్ట్ డిజైన్‌‌లతో కార్లను తయారు చేసి విక్రయిస్తుంది.

కొత్త కారు కొనాలనుకుంటున్నారా? మీ బడ్జెట్ తక్కువగా ఉందా? అయితే మీకో గుడ్ న్యూస్! తక్కువ ధరలోనే అత్యుత్తమ భద్రతా ఫీచర్లతో వస్తున్న టాప్-3 కార్ల గురించి తెలుసుకుందాం. ఇవి మీ ప్రాణాలకు రక్షణ కవచంలా నిలుస్తాయి. గ్లోబల్ NCAP, భారత్ NCAP క్రాష్ టెస్టుల్లో ఈ కార్లు 5-స్టార్ సేఫ్టీ రేటింగ్ సాధించాయి. అవేంటో ఈ కథనంలో తెలుసుకుందాం.

ప్రయాణికుల సేఫ్టీ పరంగా భారతదేశపు నమ్మకమైన అతిపెద్ద కార్ల తయారీ కంపెనీ టాటా మోటార్స్ (Tata motors) గత ఏడాది అనేక కార్లను ఆశించిన మేరకు విక్రయించింది. 2024 ఏడాదిలో కొత్త లాంచ్‌లతో మార్కెట్‌ను షేక్ చేసిన కంపెనీ ఈ ఏడాదిలో కూడా పలు మోడళ్లను విడుదల చేయడానికి సిద్ధంగా ఉంది. పెట్రోల్, డీజిల్, ఎలక్ట్రిక్ మోడళ్లతో పాటు ఇప్పుడు CNG వాహనాల వైపు కూడా టాటా గట్టి అడుగులు వేస్తోంది. అందులో భాగంగా కొత్తగా కర్వ్ సీఎన్‌జీ (Curvv cng) పవర్‌ట్రెయిన్ ఆప్షన్‌లో విడుదల చేయడానికి సన్నాహాలు చేస్తుంది. ఈ కారును తాజాగా రోడ్డుపై ప్రయోగాత్మకంగా పరీక్షిస్తోంది. మహారాష్ట్రలోని పుణే నగరంలో టెస్ట్ డ్రైవ్ చేస్తున్న సమయంలో ఈ కొత్త కారు కెమెరాలకు చిక్కింది. ఇది టాటా CNG లైనప్‌లో చేరనున్న కొత్త మోడల్ కావడం గమనార్హం.

ఇండియన్ మార్కెట్‌లో 7-సీటర్ కార్లకు ఒకప్పుడు టయోటా ఇన్నోవానే కేరాఫ్ అడ్రస్‌గా ఉండేది. ఇప్పటికీ క్రిస్టా, హైక్రాస్ మోడళ్లతో ఆ బ్రాండ్ తన పట్టును నిలుపుకుంది. అయితే, హైక్రాస్ టాప్ వేరియంట్ల ధర 40 లక్షలు దాటడంతో, అంత డబ్బు పెట్టేవారికి మరో ఆప్షన్‌తో స్కోడా వస్తోంది. అదే కొత్త స్కోడా కొడియాక్! ఇది నిజానికి ఒక ఫుల్-సైజ్ ఎస్‌యూవీ.

ప్రజల రోజువారీ ప్రయాణాల కోసం టూవీలర్ కచ్చింతగా ఉండాల్సిందే. ముఖ్యంగా బైక్‌ల కంటే స్కూటర్లు కంఫర్ట్ రైడింగ్ అనుభవాన్ని ఇస్తాయి. ఇవి పురుషులు, స్త్రీలు ఇద్దరూ సులభంగా నడిపేందుకు అనువుగా ఉండటమే మాత్రమే కాకుండా లుక్స్ పరంగా ఆకర్షణీయంగా కూడా ఉంటాయి. ప్రస్తుతం మార్కెట్లో చాలా స్కూటర్లు కొనుగోలు చేయడానికి అందుబాటులో ఉన్నాయి. అయితే వీటిలో దేన్ని ఎంచుకోవాలో తెలియక చాలా మంది ఆలోచనలో పడుతారు. అందుకే రెండు లక్షల రూపాయల లోపు ధరలో మార్కెట్‌లో ఉన్న కొన్ని టాప్ స్కూటర్ల గురించి మీకు అందించబోతున్నాము. ఇవి గ్రామీణ ప్రాంతాల్లో చక్కగా నడిచే బలమైన స్కూటర్లు, పట్టణ స్టైల్‌కు తగ్గ మోడర్న్ లుక్‌ని కూడా కలిగి ఉంటాయి. వాటిలో కొన్ని టాప్ మోడళ్లను ఓసారి కింది కథనంలో పరిశీలిద్దాం.

భారతీయ ఆటోమొబైల్ మార్కెట్‌లో ఇప్పుడు ఎవరి హవా నడుస్తోంది? చిన్న కార్లా? సెడాన్లా? కానే కాదు! ఇప్పుడు ఎక్కడ చూసినా ఎస్‌యూవీలదే రాజ్యం. పెద్ద సైజు, పవర్ఫుల్ లుక్స్‌తో ఇవి యువతను, ఫ్యామిలీలను కూడా బాగా ఆకట్టుకుంటున్నాయి. మార్చి 2025 అమ్మకాల గణాంకాలు చూస్తే మీకే అర్థమవుతుంది..ఏ కార్లు టాప్‌లో నిలిచాయో, ఏ కంపెనీ దుమ్మురేపిందో తెలుసుకోవాలని ఉందా? అయితే ఈ స్టోరీ చదవాల్సిందే!

భారతీయ అతిపెద్ద కార్ల తయారీదారు అయినటువంటి దిగ్గజ కంపెనీ మారుతీ సుజుకీ (maruti suzuki) దేశీయంగా మరింత పట్టు సాధించడానికి తన ప్రసిద్ధ మోడళ్లను ప్రస్తుత ఏడాదిలో వినియోగదారుల ఇష్టాలకు అనుగుణంగా కొత్తగా అప్‌డేట్ చేసి విడుదల చేస్తుంది. దీనిలో భాగంగా కంపెనీ తాజాగా 2025 వెర్షన్ గ్రాండ్ విటారాను(Grand Vitara) భారత మార్కెట్లో విడుదల చేసింది. ఇప్పటికే SUV విభాగంలో తనకంటూ ప్రత్యేక స్థానం సంపాదించుకున్న ఈ మోడల్, తాజా అప్‌డేట్‌‌లో భాగంగా పలు ముఖ్యమైన మార్పులతో వినియోగదారుల కోసం మరోసారి వచ్చింది. ఈసారి ప్రయాణికుల భద్రతపై మరింత దృష్టి టాప్-ఎండ్ వేరియంట్లకే పరిమితమైన 6 ఎయిర్‌బ్యాగ్‌లు, ఇప్పుడు అన్ని వేరియంట్లలో ప్రామాణికంగా (స్టాండర్డ్) అందుబాటులోకి వచ్చాయి. అదే సమయంలో కొత్త స్ట్రాంగ్ హైబ్రిడ్ వేరియంట్‌ను కూడా తీసుకొచ్చింది.

భారతదేశ ఆటోమొబైల్ మార్కెట్‌లో ఒక సంచలనం! కేవలం రూ. 4.23 లక్షల ప్రారంభ ధరతో, అదిరిపోయే 33.85 కి.మీ మైలేజ్‌తో పాటు 6 ఎయిర్‌బ్యాగ్‌ల సేఫ్టీని అందిస్తూ.. సామాన్యుడి సొంతింటి కారుగా దూసుకుపోతోంది. ఇంత తక్కువ ధరలో ఇంతటి కాంబినేషన్ అసాధారణం కదా? అదే మారుతి సుజుకి ఆల్టో K10. ఈ బడ్జెట్ బొనాంజా గురించి మరిన్ని వివరాలు తెలుసుకుందాం!

భారతీయ ఎలక్ట్రిక్ స్కూటర్ మార్కెట్‌లో ఎన్నో కొత్త బ్రాండ్లు వస్తున్నప్పటికీ, బజాజ్ తన ఐకానిక్ స్కూటర్ చేతక్‌తో మరోసారి సంచలనం సృష్టిస్తోంది. 2024-25 ఆర్థిక సంవత్సరం చివరి త్రైమాసికంలో బజాజ్ చేతక్ ఏకంగా 29 శాతం మార్కెట్ వాటాను సొంతం చేసుకుని ఎలక్ట్రిక్ ద్విచక్ర వాహన విభాగంలో నంబర్ వన్ స్థానాన్ని కైవసం చేసుకుంది.

భారతదేశంలో టూవీలర్ విభాగంలో బాగా ప్రసిద్ధి చెందిన యమహా(Yamaha) చాలా ఏళ్లుగా కస్టమర్ల ఆదరాభిమానాలను పొందుతుంది. శక్తివంతమైన పనితీరు, ఆకర్షణీయమైన డిజైన్ కారణంగా ఈ బ్రాండ్ అనేకమందిని త‌నవైపు ఆకర్షించుకుంది. ముఖ్యంగా యూత్‌లో యమహాకు ఒక ఫ్యాన్‌బేస్ ఉంది. ఇప్పటికే మార్కెట్లో పలు మోడళ్లతో ఆకట్టుకుంటున్న కంపెనీ 150cc విభాగంలో యమహా మళ్ళీ తనదైన ముద్ర వేసేందుకు సిద్ధమైంది. మంచి పేరు సంపాదించుకున్న FZ-S FI మోడల్ ఇప్పుడు కొత్తగా మరిన్ని అప్‌డేట్‌లతో విడుదల అయింది. 2025 Yamaha FZ-S FI మోడల్‌లో పలు ఆకర్షణీయమైన ఫీచర్లు, టెక్నాలజీ అప్‌డేట్‌లు ఉన్నాయి. మరింత స్టైలిష్‌గా మారిన ఈ బైక్, పాత మోడల్‌తో పోలిస్తే మరింత స్పోర్టీగా కనిపిస్తుంది.

సోషల్ మీడియా వినియోగం ఇప్పుడు ఏ రేంజ్‌లో ఉందో అందరం చూస్తూనే ఉన్నాం. ప్రపంచంలో ఎక్కడో ఓ మూల ఏ చిన్న ఘటన జరిగిన కూడా సెకన్లలో అంతటా తెలిసిపోతుంది. ముఖ్యంగా కోట్లాది జనాభా ఉన్న భారతదేశంలో ప్రతి రోజూ ఏదో కొత్తగా, ఆశ్చర్యంగా జరగడం చూస్తూనే ఉంటాం. కొత్త ఆలోచనలతో, కొత్త ఆవిష్కరణలతో ఈ మధ్య కాలంలో చాలా మంది ఫేమస్ అవుతున్నారు. ప్రధానంగా గ్రామీణ ప్రాంతాల్లో నుండి వెలువడుతున్న వినూత్న ఆలోచనలు ట్రెండింగ్‌లోకి రావడం వలన అందిరి లాగా కాకుండా ప్రత్యేకతను కలిగి ఉండాలనే వారు వెలుగులోకి వస్తున్నారు. ఇలాంటి ప్రత్యేకతను చాటుకుంటూ ఒక వ్యక్తి ఇటీవల కాలంలో సోషల్ మీడియాలో బాగా వైరల్ అయ్యాడు.

సరికొత్త సంచలనానికి తెరలేవబోతోంది! ఫోక్స్‌వ్యాగన్ తన పవర్ ఫుల్ టిగువాన్ ఆర్-లైన్‌తో మీ డ్రైవింగ్ ఎక్స్‎పీరియన్స్ కంప్లీట్‎గా మార్చేయడానికి రెడీగా ఉంది. లేటెస్ట్ టెక్నాలజీ, ఊహించని ఫీచర్లు, చూపు తిప్పుకోలేని డిజైన్‌తో ఈ SUV రాబోయే తరం కార్లకు బెంచ్‌మార్క్‌గా నిలవనుంది. కేవలం ప్రయాణ సాధనంగానే కాదు, మీ స్టేటస్‌కు ప్రతీకగా నిలిచే ఈ టిగువాన్ ఆర్-లైన్ ఎలాంటి విప్లవాన్ని సృష్టించనుందో చూడాలి.

ప్రయాణికుల సేఫ్టీ పరంగా దేశంలో అత్యంత నాణ్యతతో కూడిన కార్లను తయారు చేసే ప్రముఖ వాహన తయారీ కంపెనీ టాటా మోటార్స్ (tata motors) తన కార్లను భారీ సంఖ్యలో విక్రయిస్తూ మారుతీ సుజుకీ కంపెనీకి బలమైన పోటీదారుగా నిలుస్తుంది. ice ఇంజిన్‌తో పాటు ఎలక్ట్రిక్ కార్లను కూడా విడుదల చేస్తూ భారత్‌తో పాటు అంతర్జాతీయంగా ప్రసిద్ధ కార్ల తయారీదారుగా అవతరించింది. మార్చి నెల ముగిసిన నేపథ్యంలో టాటా తన సేల్స్ వివరాలు విడుదల చేసింది. ఇటీవల వచ్చిన డేటా ప్రకారం, టాటా మోటార్స్ ప్రసిద్ధ మోడల్ నెక్సాన్ (nexon) కారు దేశీయ మార్కెట్లో అత్యధికంగా అమ్ముడైన ప్రధాన కార్ల జాబితాలో ఏడవ స్థానంలో ఉంది. ఇది నెక్సాన్ కారుకు భారతీయ ప్రజల్లో ఉన్నటువంటి ఆదరణను తెలియజేస్తుంది.

చిన్నదే కానీ దీని లుక్స్ అందరినీ అట్రాక్ట్ చేస్తుంటాయి. ప్రతి ఒక్కరి హృదయాన్ని గెలుచుకున్న మారుతి సుజుకి స్విఫ్ట్ మరోసారి వార్తల్లో నిలిచింది. తన స్టైలిష్ లుక్, అద్భుతమైన మైలేజ్, సరసమైన ధరతో ఎన్నో ఏళ్లుగా భారతీయ కార్ మార్కెట్‌ను ఏలుతున్న ఈ హ్యాచ్‌బ్యాక్.. తాజాగా విడుదలైన అమ్మకాల గణాంకాలతో తన స్థానాన్ని మరింత సుస్థిరం చేసుకుంది.

భారత ఎలక్ట్రిక్ వాహన రంగంలో ఒక శక్తివంతమైన కంపెనీగా టాటా మోటార్స్ నిలుస్తూ ఉండగా, ఇటీవల కాలంలో దానికి గట్టి పోటీ ఇచ్చేలా ఎంజీ మోటార్స్(mg motors) ఎదిగింది. ZS EV అనే మోడల్‌తో ev విభాగంలోకి ఎంట్రీ ఇచ్చిన ఈ బ్రాండ్, అప్పుడే మార్కెట్‌లో తనదైన ముద్ర వేయడంలో విజయం సాధించింది. కామెట్ EV రూపంలో వచ్చిన చిన్న కారుతో యువతను ఆకట్టుకోవడమే కాదు, నగర ప్రయాణాలకు సరిపోయే వినూత్నతను చూపించింది. ఇక విండ్సర్ EV అంటూ మరో అడుగు ముందుకు వేసి, సాధారణ వినియోగదారుడి దృష్టిని సంపాదించగలిగింది. ఈ రెండు మోడల్స్ ద్వారా ఎంజి మోటార్స్ ఈవీలో టాటా కంపెనీకి గట్టి సవాళ్లను విసురుతుంది. 'చైనీస్ బ్రాండ్' అయినప్పటికి JSW గ్రూప్ పెద్ద మొత్తంలో వాటా కొనుగోలు చేయడంతో, ఇప్పుడు దేశీయంగా కంపెనీగా నిలదొక్కుకుంది.

కొన్ని నెలలుగా భారతదేశంలోని ఎలక్ట్రిక్ ప్యాసింజర్ కార్ మార్కెట్‌ను టాటా మోటార్స్ శాసిస్తోంది. ఎలక్ట్రిక్ వాహనాల విషయంలో మారుతి సుజుకి మాదిరిగానే టాటా తన ఆధిపత్యాన్ని కొనసాగిస్తోంది. అయితే, ఇప్పుడు టాటా మోటార్స్‌కు ఆందోళన మొదలైంది. దీనికి కారణం జెఎస్‌డబ్ల్యూ ఎంజి మోటార్ ఇండియా.