భారత ఆటోమొబైల్ రంగం ఎంతో వేగంగా వృద్ది చెందుతుంది. తయారీదారులు పోటా పోటీగా కొత్త కొత్త మోడళ్లను విడుదల చేస్తూనే ఉన్నారు. కస్టమర్ల నుంచి అన్ని సెగ్మెంట్ కార్లకు డిమాండ్ బలంగా ఉంది. ముఖ్యంగా భారత కార్ల మార్కెట్లో స్పోర్ట్ యుటిలిటీ వాహనాల (Suv)ను జనాలు ఎక్కువగా కొనుగోలు చేస్తున్నారు. భారత కార్ల మార్కెట్లో వీటి వాటా 55 శాతంగా ఉంది. ఒకప్పుడు విలాసవంతమైన, ఖరీదైన వాహనాలుగా గుర్తింపొందిన SUVలు, ఇప్పుడు దేశంలోని సాధారణ వాడుకదారులకు సైతం అందుబాటులోకి వచ్చాయి. అందుబాటు ధరలో, ఆకట్టుకునే డిజైన్ వంటి అంశాలతో వీటి అమ్మకాలు భారీగానే నమోదవుతున్నాయి. 2024-2025 ఆర్థిక సంవత్సరం గణాంకాలను పరిశీలిస్తే, ఎస్‌యూవీలకు బలమైన డిమాండ్ ఉందని అర్ధం అవుతుంది.

భారతీయ వినియోగదారులకు ఎక్కువ సీటింగ్ కలిగిన కార్లంటే చాలా ఇష్టం. దిగ్గజ కార్ల తయారీ కంపెనీ మారుతీ సుజుకీ కుటుంబ ప్రయాణికులకు అనుగుణంగా ఉండే 7 సీటర్ కార్లను విడుదల చేయడంలో బాగా ప్రసిద్ధ చెందింది. అలాంటి వాటిలో ఈకో (eeco) ఒకటి. ఇది బడ్జెట్ ధర, తక్కువ మెయింటనెన్స్, అందుబాటులో ఉన్న పెద్ద సీటింగ్ సామర్థ్యం వంటి కారణాలతో భారతీయుల హృదయాల్లో ప్రత్యేక స్థానాన్ని సంపాదించుకుంది. తాజాగా కంపెనీ నుంచి విడుదలైన అమ్మకాల నివేదిక ప్రకారం, 2024-25 ఆర్థిక సంవత్సరంలో ఇది 1,35,672 యూనిట్ల అమ్మకాలను నమోదు చేసింది. ఇది గత సంవత్సరం నమోదు చేసిన 1,37,139 యూనిట్ల అమ్మకాలో పోలిస్తే స్వల్పంగా తక్కువగా ఉన్నా, మార్కెట్లో ఈకోకి ఇంకా బలమైన స్థానం ఉందనేది స్పష్టంగా తెలుస్తోంది.

ఓలా ఎలక్ట్రిక్ సంస్థ గత కొన్ని నెలలుగా అమ్మకాల్లో తగ్గుదలని చవిచూసింది. అయితే, ఈ ఏడాది మార్చి నెలలో మాత్రం 23,430 యూనిట్ల ఎలక్ట్రిక్ వాహనాలను విక్రయించి మంచి ఫలితాలను సాధించింది. దీంతో ఓలా సంస్థ ఉత్సాహంగా ఉంది. ఈ నేపథ్యంలోనే ఓలా భారతదేశంలో వినియోగదారులను ఆకర్షించే కొత్త వాహనాలను పెద్ద సంఖ్యలో ప్రవేశపెట్టాలని యోచిస్తున్నట్లు సమాచారం.

భారతీయ కార్ల మార్కెట్‌లో తనదైన ముద్ర వేసిన హోండా(Honda) కార్స్ ఇండియా గత కొన్నేళ్లగా మెరుగైన సేల్స్‌ను నమోదు చేస్తుంది. దేశంలో తన కార్లకు ఉన్న ఆదరణను కొనసాగిస్తూ, 2024-25 ఆర్థిక సంవత్సరంలో స్థిరమైన ప్రదర్శనతో ముగించింది. ఇటీవల వెల్లడించిన విక్రయాల నివేదిక ప్రకారం, కంపెనీ గత ఆర్థిక సంవత్సరంలో 1,26,151 యూనిట్లను విక్రయించింది. వీటిలో 65,925 కార్లు దేశీయంగా అమ్ముడవ్వగా, మిగిలిన 60,226 కార్లు విదేశాలకు ఎగుమతి అయ్యాయి. ఇది హోండాకు సంతోషం కలిగించే విషయం అని చెప్పాలి. ఎందుకంటే గత ఏడాదితో పోలిస్తే ఎగుమతులు ఏకంగా 60 శాతం పెరగడం విశేషం. ఇక, మార్చి 2025 నెలపరంగా చూస్తే హోండా దేశీయంగా 7,228 కార్లను విక్రయించింది. అలాగే 4,656 కార్లను విదేశాలకు ఎగుమతి చేసింది.

దక్షిణ కొరియా వాహన తయారీ సంస్థ హ్యుందాయ్, ఎప్పటికప్పుడు సరికొత్త సాంకేతికతతో వినియోగదారులను ఆశ్చర్యపరుస్తూనే ఉంది. పెట్రోల్, డీజిల్, సిఎన్‌జి, ఎలక్ట్రిక్‌తో సహా అన్ని రకాల ఇంధనాలను ఉపయోగించి వాహనాలను తయారు చేస్తుంది. ఎప్పటికప్పుడు కొత్త ప్రయోగాలు చేస్తూ వినియోగదారులకు కొత్త వాహనాలను అందిస్తూనే ఉంటుంది.

మహీంద్రా సంస్థ ఇటీవల విడుదల చేసిన ఎలక్ట్రిక్ కారు XEV 9e. డిసెంబర్ 2024లో BE 6 ఎలక్ట్రిక్ కారుతో పాటు XEV 9e ఎలక్ట్రిక్ కారును విడుదల చేశారు. ఈ కొత్త మహీంద్రా ఎలక్ట్రిక్ కార్ల కోసం బుకింగ్‌లు ఫిబ్రవరిలో ప్రారంభం అయ్యాయి. ఆ తర్వాత మార్చిలో డెలివరీలు ప్రారంభమయ్యాయి.

ఇండియాలో ఫ్యామిలీ మొత్తం కలిసి ప్రయాణించడానికి ప్రజలు ఎక్కువగా ఆసక్తి చూపిస్తుంటారు. చిన్న కుటుంబం గల వారికి అయితే హ్యాచ్‌బ్యాక్ మోడళ్లు అనుకూలంగా ఉంటాయి. అదే పెద్ద కుటుంబం ఉన్న వారికి ఎక్కువ సీటింగ్ కెపాసిటీ కలిగిన మోడళ్లు బాగా సెట్ అవుతాయి. దేశంలో ఏడుగురు సభ్యుల కుటుంబం కోసం సరైన కారును ఎంపిక చేయాలంటే, మొదట గుర్తొచ్చే పేరు మారుతీ సుజుకీ ఎర్టిగా (maruti suzuki ertiga). ఇది కేవలం ఒక కారే కాదు, రెండు కుటుంబాలు కలిసి ప్రయాణాలు చేయడానికి చాలా సౌకర్యవంతంగా ఉంటుంది. అందరూ కలిసి దైవదర్శనాలు, లేదా ఇతర టూరింగ్ స్థలాలకు వెళ్లాలనుకుంటే ఈ కారు బెస్ట్ ఆప్షన్. విశాలమైన ఇంటీరియర్ దీని సొంతం. పైగా అందరు కొనగలిగే విధంగా అందుబాటు ధరలో లభిస్తూ, మంచి మైలేజ్ అందిస్తుంది.

మనదేశంలోని ప్రముఖ ఆటోమొబైల్ సంస్థలలో ఒకటైన మహీంద్రా & మహీంద్రా (Mahindra & Mahindra) మొదట్లో వాణిజ్య వాహనాలు, వ్యవసాయ పరికరాల విక్రయాలలో నిమగ్నమై ఉండేది. ఆ తరువాత కార్లను ఉత్పత్తి చేసి విక్రయించడం ప్రారంభించింది. గత కొన్ని సంవత్సరాలుగా కార్ల విక్రయాలలో మహీంద్రా ఆధిపత్యం పెరగడం మొదలైంది.

బాలీవుడ్ నటి నటులకు ఎక్కువగా లగ్జరీ కార్లంటే చాలా ఇష్టం, మార్కెట్లోకి ఏదైనా కొత్త మోడల్ విడుదల అయిందంటే చాలు దాని గురించి వాకబు చేసి తమకు నచ్చే విధంగా ఉన్నట్లయితే వెంటనే కొనుగోలు చేసి తమ గ్యారేజీలో పెట్టుకుంటారు. బాలీవుడ్ నటి, ప్రముఖ మోడల్ ఆకాంక్ష పూరి (akanksha puri) ఈ మధ్య కొత్తగా ఒక లగ్జరీ కారును కొనుగోలు చేశారు. ఈమె కొన్నటువంటి కారు ల్యాండ్ రోవర్ డిఫెండర్ (landrover defender). డీలర్ నిర్వహించిన వేడుకలో ఆకాంక్ష తన కొత్త SUVని డెలివరీ తీసుకుంటున్నట్లు ఒక వీడియోలో కనిపించింది. 'కార్ హోల్‌సేల్ బజార్' అనే షోరూమ్ నిర్వహణ ప్రమోషనల్ వీడియో కోసం ఈ డెలివరీని ప్రత్యేకంగా ఏర్పాటు చేసినట్లు తెలుస్తోంది. దీనికి సంబంధించిన వీడియో ఇప్పుడు ఇంటర్నెట్‌లో విపరీతంగా షేర్ అవుతోంది.

ఇండియాలో ఎలక్ట్రిక్ స్కూటర్ల అమ్మకాలు బాగా ఊపందుకున్నాయి. ఇటీవలి కాలంలో మార్కెట్లోకి విడుదల అవుతున్న టూవీలర్స్‌లలో ఎక్కువ భాగం ఈవీలే ఉంటున్నాయి. పోటీ పెరిగిన నేపథ్యంలో తయారీదారులు పోటా పోటీగా కొత్త మోడళ్లను విడుదల చేస్తున్నారు. తాజాగా ఇటలీకి చెందిన వెలోసిఫెరో సంస్థ, మన దేశానికి చెందిన VLF ఇండియా కలిసి, ప్రత్యేకంగా భారత మార్కెట్ కోసం సరికొత్త ఎలక్ట్రిక్ స్కూటర్‌ను రూపిందించి తాజాగా ప్రారంభించాయి. ఈ కొత్త స్కూటర్ పేరు "VLF టెన్నిస్ మిలానో ఎడిషన్ (vlf tennis milano edition)". ఈ స్కూటర్ ప్రత్యేక ఎడిషన్ అయినప్పటికీ, దానిని అందరూ కొనగలిగే విధంగా అందుబాటు ధరలోనే అమ్మాలని VLF నిర్ణయించింది. స్టాండర్డ్ ఎలక్ట్రిక్ స్కూటర్లకు భిన్నంగా, ఇది ప్రత్యేకమైన డిజైన్, స్టైల్, ఆకర్షణీయమైన లుక్స్‌తో రూపొందించబడింది

దేశంలో పెట్రోల్, డీజిల్ ధరలు ఆకాశాన్నంటుతున్న సంగతి తెలిసిందే. దీంతో చాలా మంది ఎలక్ట్రిక్, సీఎన్జీ వంటి ప్రత్యామ్నాయ ఇంధన వాహనాలపై ఆసక్తి కనబరుస్తున్నారు. దేశంలో సీఎన్జీ కార్ల మార్కెట్‌లో మారుతి సుజుకి తన ఆధిపత్యాన్ని కొనసాగిస్తోంది. ఈ సంస్థ ప్రస్తుతం 17 మోడళ్లను విక్రయిస్తోంది. వీటిలో డజనుకు పైగా కార్లు సీఎన్జీ ఎడిషన్లలో అందుబాటులో ఉన్నాయి. 2025 ఆర్థిక సంవత్సరంలో ఎక్కువ మంది వినియోగదారులను ఆకర్షించే లక్ష్యంతో మారుతి తన సీఎన్జీ కార్లను అధిక మైలేజీనిచ్చే విధంగా రూపొందించింది. ఆ ఆర్థిక సంవత్సరంలో మారుతి దేశీయంగా 17,95,259 ప్యాసింజర్ వాహనాలను విక్రయించగా.. వాటిలో సుమారు 6,20,000 సీఎన్జీ మోడల్స్ ఉన్నాయి. అంటే, విక్రయించిన ప్రతి మూడు కార్లలో ఒకటి సీఎన్జీ కారే అని అర్థం చేసుకోవచ్చు.

భారతీయ వాహన మార్కెట్లో ప్రసిద్ధ కార్ల తయారీ కంపెనీ నిస్సాన్ (Nissan) తనదైన ముద్ర వేసుకుంది. టాటా మోటార్స్, మారుతీ సుజుకీ వంటి తయరీదారుల నుంచి బలమైన పోటీ వస్తున్నప్పటికి వాటిని ఎదుర్కొని మరి మెరుగైన అమ్మకాల గణాంకాలను నమోదు చేస్తుంది. తాజాగా కంపెనీ మాగ్నైట్ కారును తక్కువ ధరలో కొనుగోలు చేసే అవకాశాన్ని అందిస్తుంది. SUV మాగ్నైట్ పై హ్యాట్రిక్ కార్నివాల్ పేరిట బంపర్ డిస్కౌంట్ ఆఫర్‌ను నిస్సాన్ ప్రకటించింది. ఈ కారు ధర ప్రారంభ సమయంలో కేవలం రూ.4.99 లక్షల ఎక్స్‌షోరూమ్ ధరకే అందుబాటులోకి వచ్చింది. ఇది భారతీయ వినియోగదారులకు SUV కలను నిజం చేసినట్లు నిలిచింది. కాలక్రమేణా, దీని విలువ పెరిగింది, ఆగష్టు 2024 నాటికి ప్రారంభ ధర రూ.6.14 లక్షల (ఎక్స్ షోరూమ్)కు చేరుకుంది.

ప్రస్తుతం ప్రపంచవ్యాప్తంగా ఎలక్ట్రిక్ వాహనాలకు డిమాండ్ పెరుగుతోంది. ప్రపంచ ఎలక్ట్రిక్ వాహన (EV) మార్కెట్‌లో అగ్రగామిగా ఉన్న BYD, వరుసగా కొత్త మోడళ్లను విడుదల చేస్తూ తన శ్రేణిని విస్తరించుకుంటుంది. తాజాగా విడుదలైన e7 మిడ్-సైజ్ సెడాన్ తన స్పెషల్ ఫీచర్లతో వార్తల్లో నిలిచింది. BYD విడుదల చేసిన చిత్రాలు సీల్ సెడాన్‌ డిజైన్‌ మాదిరిగానే ఉన్నాయి. ఇది మనదేశ మార్కెట్లలో కూడా ఎట్రాక్టివ్ ఆఫ్షన్‎గా నిలుస్తుంది.

గత ఆర్థిక సంవత్సరం ముగిసిన నేపథ్యంలో వాహన తయారీ కంపెనీలు వరుసగా తమమ సేల్స్ వివరాలను వెల్లడిస్తున్నాయి. ఆటోమొబైల్ పరిశ్రమలో ప్రస్తుతం పోటీ విపరీతంగా పెరిగిపోయింది. తయారీదారులంతా కూడా నువ్వా నేనా అన్నట్లుగా పోటీ పడుతున్నారు. ఇటీవల విడుదల అయిన డేటా ప్రకారం, ప్యాసింజర్ వాహనాల అమ్మకాల పరంగా దేశీయ అతిపెద్ద కార్ల తయీరీ కంపెనీ అయినటువంటి మారుతీ సుజుకీ ఇండియా 2025 ఆర్థిక సంవత్సరంలో భారత ఆటోమొబైల్ రంగంలో తన అగ్రస్థానాన్ని మరింత పటిష్ఠం చేసుకుంది. గత ఆర్థిక సంవత్సరంలో, భారతదేశవ్యాప్తంగా మొత్తం ప్యాసింజర్ వాహనాల విక్రయాలు దాదాపు 43 లక్షలకు చేరుకున్నాయి. గత ఆర్థిక సంవత్సరంలో ఈ సంఖ్య 42 లక్షలుగా ఉండగా, 2025లో అమ్మకాల్లో మరింత వృద్ధి నమోదైంది.

Royal Enfield : 2024-25 ఆర్థిక సంవత్సరం ముగియడంతో వివిధ వాహన తయారీ సంస్థలు తమ విక్రయాల గణాంకాలను విడుదల చేస్తున్నాయి. ఈ క్రమంలో రాయల్ ఎన్‌ఫీల్డ్ సంస్థ గత ఆర్థిక సంవత్సరానికి సంబంధించిన విక్రయాల నివేదికను ప్రకటించింది. ఈ నివేదిక ప్రకారం రాయల్ ఎన్‌ఫీల్డ్ 2024-25 ఆర్థిక సంవత్సరంలో ఏకంగా 10,09,900 బైక్‌లను విక్రయించి రికార్డు సృష్టించింది. ఇందులో ఒక చారిత్రాత్మక విజయంగా చెప్పవచ్చు.

భారతదేశం ప్రస్తుతం కార్ల తయారీకి ఒక ముఖ్యమైన కేంద్రంగా ఎదుగుతోంది. ముఖ్యంగా మహారాష్ట్రలోని కార్ల కర్మాగారాలు నిరంతరం ఉత్పత్తి చేస్తూ, దేశీయ అవసరాలతో పాటు విదేశాలకు కూడా పెద్ద సంఖ్యలో కార్లను ఎగుమతి చేస్తున్నాయి. స్కోడా ఆటో ఫోక్స్‌వ్యాగన్ ఇండియా (Skoda Auto Volkswagen India) ఈ విషయంలో ముందుంది.

భారత్ ఇప్పుడు ప్రపంచంలోనే అతిపెద్ద ఈవీ తయారీదారుగా మారడానికి వేగంగా అడుగులు వేస్తుంది. అంతర్జాతీయంగా ఆటోమొబైల్ కంపెనీలన్ని కూడా భారత్‌లో పెట్టుబడులు పెట్టడానికి అలాగే, ఇక్కడ తమ వ్యాపారాన్ని మరింత విస్తరించడానికి కీలకంగా కృషి చేస్తున్నాయి. ముఖ్యంగా దేశీయ టూవీలర్ తయారీదారులు ఇతర విదేశీ కంపెనీల నుంచి వస్తున్న పోటీని తట్టుకోవడానికి వరుసగా కొత్త మోడళ్లను తీసుకొస్తున్నారు. ఈ క్రమంలో దిగ్గజ టూవీలర్ కంపెనీ హోండా (Honda) ఈ ఏడాది జనవరిలో QC1, Activa e ఇ-స్కూటర్లను విడుదల చేసింది. ఈ రెండు ఎలక్ట్రిక్ స్కూటర్‌లను అందరు కొనగలిగే విధంగా అందుబాటు ధరలో విడుదల చేసి, EV రంగంలో తన పట్టును బలోపేతం చేసుకుంది.

తమిళనాడుకు చెందిన ప్రముఖ ఆటోమొబైల్ సంస్థ టీవీఎస్ మోటార్ (TVS Motor) తన అమ్మకాలతో అదరగొట్టేస్తోంది. టీవీఎస్ గ్రూప్ 1911లో టీ.వీ. సుందరం అయ్యంగార్ ద్వారా ఒక రవాణా సంస్థగా ప్రారంభమైంది. 1978లో టీవీఎస్ మోటార్ కంపెనీ లిమిటెడ్ ఒక ప్రత్యేక సంస్థగా ఏర్పడింది. ప్రారంభంలో సుజుకి మోటార్ కార్పొరేషన్‌తో కలిసి 'ఇండో సుజుకి' పేరుతో మోటార్‌సైకిళ్లను ఉత్పత్తి చేసింది.

ఇండియాలో టూవీలర్ విభాగంలో అగ్రస్థానంలో ఉన్నటువంటి వాహన తయారీ సంస్థ హీరో మోటోకార్ప్ (Hero Motocorp) సంప్రదాయ ఇంధన మోడళ్లతో పాటు, ఎలక్ట్రిక్ టూవీలర్స్‌ను కూడా ఇటీవల కాలంలో ఎక్కువగా విడుదల చేస్తుంది. విడా బ్రాండ్ క్రింద V2 అనే ఎలక్ట్రిక్ స్కూటర్‌ను విక్రయిస్తుంది. శక్తివంతమైన బ్యాటరీ, ఆకర్షణీయమైన డిజైన్, స్మార్ట్ ఫీచర్లతో కూడిన ఈ మోడల్ గత డిసెంబర్‌లో విడుదల అయింది. ఇప్పటికే రైడర్ల నుంచి అద్భుతమైన స్పందన అందుకుంది. ఇప్పుడు, ఈ స్కూటర్‌ను కొనాలని ప్లాన్ చేస్తున్న కస్టమర్లకు మరో సూపర్ అప్‌డేట్ అందింది. ప్రముఖ ఈ కామర్స్ సంస్థలైన అమెజాన్, ఫ్లిప్‌కార్ట్‌లో హీరో విడా V2 ఎలక్ట్రిక్ స్కూటర్‌‌పై దాదాపు రూ.40,000 వరకు తగ్గింపు ప్రయోజనాలు అందుబాటులో ఉన్నాయి.

భారతదేశ ఆటోమోటివ్ రంగంలో ప్రసిద్ధి చెందిన ప్రముఖ వాహన తయారీ కంపెనీ టాటా మోటార్స్ (tata motors) సేల్స్ పరంగా దూసుకుపోతోంది. మార్చి నెల ముగిసిన నేపథ్యంలో వివిధ తయారీదారులు తమ సేల్స్ వివరాలను వెల్లడిస్తున్నారు. అలాగే పాత ఆర్థిక సంవత్సరం ముగిసి కొత్త ఆర్థిక సంవత్సరం కూడా మొదలైంది. ఈ నేపథ్యంలో టాటా మోటార్స్ కూడా తన అమ్మకాల డేటాను వెల్లడించింది. దీని ప్రకారం, మార్చి 2025లో మహీంద్రాను అధిగమించి, అమ్మకాల పరంగా మళ్లీ తన బలాన్ని నిరూపించుకుంది. దేశీయ మార్కెట్లో టాటా కార్లకు వస్తున్న ఆదరణను నిరూపిస్తూ, మార్చి 2025లో 51,616 కార్లు అమ్ముడుపోయాయి. ఇది గత నెల అంటే ఫిబ్రవరిలో జరిగిన 46,437 కార్ల అమ్మకాలతో పోలిస్తే, బాగానే వృద్ధి చెందింది.

భారతీయ ఆటోమొబైల్ పరిశ్రమలో దక్షిణ కొరియాకు చెందిన దిగ్గజ వాహన తయారీ సంస్థ హ్యుందాయ్ మోటార్ ఇండియా తన సత్తాను చాటుకుంది. 2024-25 ఆర్థిక సంవత్సరానికి సంబంధించిన అమ్మకాల గణాంకాలను విడుదల చేయగా, హ్యుందాయ్ అనూహ్యంగా దేశంలోనే రెండో అతిపెద్ద కార్ల తయారీదారుగా అవతరించింది.

ప్రముఖ కార్ల తయారీ కంపెనీ ఎంజీ మోటార్ (Mg Motor) అంతర్జాతీయంగానే కాకుండా భారత్‌లో కూడా మంచి మార్కెట్ కలిగి ఉంది. స్టైలిష్ డిజైన్, ప్రీమియం లగ్జరీ ఫీచర్స్‌తో కూడిన కార్లను అందించడంలో ఇది బాగా ప్రసిద్ధి చెందింది. ఇక్కడి మార్కెట్‌లో తనదైన ముద్ర వేయడానికి హెక్టర్, గ్లోస్టర్, ఆస్టర్ వంటి ICE ఇంజిన్ వాహనాలను తీసుకొచ్చిన కంపెనీ కొంతవరకు విజయాన్ని సాధించినా, పూర్తి స్థాయిలో ఊహించిన స్థాయికి చేరుకోలేకపోయింది. దీనికి ప్రధాన కారణం ఇతర తయారీదారుల నుంచి భారత్‌లో విపరీతమైన పోటీ ఉండటం. తర్వాత MG మోటార్ తన దృష్టిని ఎలక్ట్రిక్ వాహనాలపై మళ్లించింది. ఈవీల దిశగా అడుగులు వేసినప్పటి నుంచి కంపెనీ సేల్స్‌లో దూసుకుపోతుంది.

భారత వాహన పరిశ్రమలో అత్యధిక వాహనాలను విక్రయించే సంస్థ మారుతి సుజుకి ఇండియా లిమిటెడ్. ఈ సంస్థ 2024-25 ఆర్థిక సంవత్సరంలో మొత్తం 22,34,266 కార్లను విక్రయించింది. ఇది గత ఏడాది అమ్ముడైన 21,35,323 కార్ల కంటే 4.63 శాతం ఎక్కువ. అయితే, దేశీయంగా విక్రయాలు మాత్రం స్వల్పంగా 0.05 శాతం పెరిగి 17,60,767 కార్లు అమ్ముడయ్యాయి. సంస్థ ఈ ఏడాది పనితీరును వివరంగా పరిశీలిద్దాం.

భారతదేశంలో బజాజ్ కంపెనీకి చెందిన పల్సర్(Pulsar) అంటే తెలియని వారు ఉండరు. 2001లో యువతకు స్పోర్టీ మోటార్‌సైక్ల అభిరుచిని పరిచయం చేసిన ఈ మోడల్ ఇప్పుడు మరో చరిత్ర సృష్టించింది. ఆల్-టైమ్ హిట్ మోడళ్లలో ఒకటైన పల్సర్, 20 మిలియన్ల (2 కోట్ల) యూనిట్ల విక్రయాలను దాటి, ఇది అత్యంత విజయవంతమైన మోటార్‌సైకిల్ బ్రాండ్‌గా నిలిచింది. సాధారణ కమ్యూటర్ బైక్‌ల ఆధిపత్యం ఉన్న సమయంలో, పల్సర్ తన మస్కులర్ లుక్స్, శక్తివంతమైన ఇంజిన్, టాప్-క్లాస్ పనితీరుతో మార్కెట్‌ను శాశ్వతంగా మార్చేసింది. అద్భుతమైన వేగం, పెద్ద ఇంజిన్ సామర్థ్యం, మెరుగైన మైలేజ్‌ ఈ మూడింటిని ఒకే బైక్‌లో అందించిన మొదటి భారతీయ మోటార్‌సైకిల్ పల్సర్‌ మాత్రమే.

భారతీయులకు టయోటా అంటే ప్రత్యేకమైన అభిమానం. మారుతి సుజుకితో స్నేహం కుదిరిన తర్వాత టయోటాకు అన్నీ మంచి శుభవార్తలే వస్తున్నాయి. 2024 ఆర్థిక సంవత్సరం ముగియడంతో టయోటా అమ్మకాల గణాంకాలు విడుదల అయ్యాయి. 2024 ఏప్రిల్ నుంచి 2025 మార్చి వరకు జపనీస్ వాహన తయారీదారు భారతదేశంలో భారీ విజయాన్ని నమోదు చేసింది.