ప్రస్తుతం కార్ల వినియోగం ప్రపంచ వ్యాప్తంగా గణనీయంగా పెరిగిపోయింది. దీనిని దృష్టిలో ఉంచుకుని కంపెనీలు కూడా ఎప్పటికప్పుడు సరికొత్త ఫీచర్లతో కొత్త కార్లను మార్కెట్లోకి తెస్తున్నాయి. అయితే ఎంత టెక్నాలజీతో వచ్చిన కార్ల దొంగతనాలు మాత్రం ఆగడం లేదు. కంపెనీలు ఎంత టెక్నాలజీ అప్ డేట్ చేసిన దొంగలు కూడా అప్ డేట్ అయి కార్లను చోరీ చేస్తున్నారు.

భారతీయ వాహన పరిశ్రమలో టీవీఎస్(Tvs) ఒక ప్రసిద్ధ టూవీలర్ తయారీ కంపెనీ. దేశీయ మార్కెట్లో పెద్ద సంఖ్యలో తన మోడళ్లను విక్రయిస్తూ, హీరో, హోండా కంపెనీలకు బలమైన పోటీదారుగా నిలుస్తుంది. ప్రస్తుతం, దాదాపు అన్ని టూవీలర్ తయారీదారులు ఫిబ్రవరి నెలలో తమ ప్రధాన బైక్‌లు, స్కూటర్ల సేల్స్ గణాంకాలను విడుదల చేస్తున్నారు. ఈ క్రమంలో టీవీఎస్ కూడా తాజాగా తన అమ్మకాలను వెల్లడించింది. డేటా ప్రకారం, టీవీఎస్ ప్రసిద్ధ స్కూటర్ జూపిటర్ దేశీయ మార్కెట్లో పెద్ద సంఖ్యలో అమ్ముడవుతోంది. ఫిబ్రవరి 2025 ఇది ఏకంగా 1,03,576 యూనిట్ల సేల్స్‌ను నమోదు చేయడం విశేషం. 2024లో ఇదే నెలలో అమ్ముడైన 73,860 యూనిట్లతో పోలిస్తే, ఏడాది ప్రాతిపదికన ఇది 40.23 శాతం వృద్ధి చెందడం విశేషం.

రాయల్‌ ఎన్‌ఫీల్డ్‌ మన దేశంలోనే కాదు.. ప్రపంచవ్యాప్తంగా అత్యధికంగా అమ్ముడుపోతూ సంచలనం సృష్టిస్తోంది. ప్రస్తుతం ఈ బైక్ యూత్ ఫేవరేట్‎గా మారిపోయింది. రాయల్ ఎన్‌ఫీల్డ్ కంపెనీ వాళ్లను టార్గెట్‎గా చేసుకుని ఎప్పటికప్పుడు లేటెస్ట్ బైక్స్ తీసుకొస్తుంది. అద్భుతమైన ఫీచర్లు, అందుబాటులో ఉండే ధర కారణంగా మధ్య తరగతి వాళ్లు కూడా వీటిని ఎక్కువగా కొనుగోలు చేస్తున్నారు.

ప్రముఖ ఎలక్ట్రిక్ టూవీలర్ తయారీ సంస్థ అల్ట్రావయోలెట్ (ultraviolette) వరుసగా కొత్త లాంచ్‌లతో దూసుకుపోతుంది. గత ఏడాది కంటే ఈ సారి మరిన్ని కొత్త మోడళ్లను విడుదల చేయడానికి ప్రణాళికలు కూడా వేసింది. ఇదిలా ఉంటే కంపెనీ తాజాగా కొత్త సంచలనం సృష్టించింది. ఇటీవల మార్కెట్లోకి తీసుకొచ్చిన టెస్రాక్ట్‌(tesseract) ఎలక్ట్రిక్ స్కూటర్ ఆవిష్కరించిన రెండు వారాల్లోనే 50,000 ప్రీ-బుకింగ్స్ నమోదు చేసుకుని రికార్డు సృష్టించింది. అత్యాధునిక సాంకేతికత, ఆవిష్కరణ, సూపర్ స్టైలిష్ డిజైన్‌తో ఈ స్కూటర్ కస్టమర్లను ఎంతగానో ఆకట్టుకుంటోంది. దీనికి పెరుగుతున్న చూస్తుంటే EV మార్కెట్‌లో కొత్త ట్రెండ్ సెట్ చేయబోతోందని స్పష్టంగా తెలుస్తోంది. అల్ట్రావయోలెట్ కంపెనీ సైతం కస్టమర్ల నుండి వస్తున్న అద్భుతమైన స్పందన పట్ల సంతోషం వ్యక్తం చేస్తుంది. ఈ కొత్త తరం ఎలక్ట్రిక్ స్కూటర్ భవిష్యత్తుకు సరైన దిశగా మమ్మల్ని తీసుకెళ్తోందని కంపెనీ స్పష్టం చేసింది.

ఏపీకి మరో పరిశ్రమ వచ్చింది. విజయవాడ సమీపంలోని మల్లవల్లి ఇండస్ట్రియల్ కారిడార్లో అశోక్ లేలాండ్ ప్లాంట్ ప్రారంభం అయింది. మంత్రి నారా లోకేష్ చేతుల మీదుగా అశోక్ లేలాండ్ ప్లాంట్ ప్రారంభించారు. సుమారుగా 75ఎకరాల విస్తీర్ణంలో ఈ ప్లాంట్ ఏర్పాటైంది. దీని ద్వారా ఏడాదికి 4800 బస్సులను ఉత్పత్తి చేయాలని లక్ష్యంగా పెట్టుకున్నారు. మరోవైపు ఈ ప్లాంట్ ద్వారా 1800ఉద్యోగాలు లభించనున్నాయి.

మనదేశంలో విశ్వసనీయతకు మారు పేరు టాటా మోటార్స్. సేఫ్టీ, అత్యాధునిక ఫీచర్లతో వాహనాలను తయారు చేస్తూ ప్రజల మన్ననలను పొందుతున్న ఆటోమొబైల్ తయారీదారు. కంపెనీ ఎప్పటికప్పుడు అప్ డేట్ చేస్తూ కొత్త వాహనాలను మార్కెట్లోకి తీసుకొస్తుంది. ఇతర కంపెనీలతో పోల్చుకుంటే వాహనాల ధరలు తక్కువగా ఉండడంతో వీటిని కొనేందుకు జనాలు ఆసక్తి చూపిస్తుంటారు.

భారతదేశంలో పేద, మధ్యతరగతి వారు కొనుగోలు చేయగలిగే విధంగా అందుబాటు ధరలో కార్లను విడుదల చేయడంలో బాగా ప్రసిద్ధి వాహన కంపెనీ మారుతీ సుజుకీ(Maruti Suzuki). ఈ కంపెనీ ప్రసిద్ధ కార్లలో అత్యంత ప్రజాదరణ పొందిన హ్యాచ్‌బ్యాక్‌లలో ఆల్టో(Alto) ఒకటి. బడ్జెట్ కారుగా మార్కెట్లోకి ప్రవేశించినప్పటికీ, ఈ చిన్న కార్ తన మైలేజ్, నమ్మకమైన ఇంజిన్, ఆర్థికంగా సరసమైన ధరతో లక్షలాది మంది ప్రజలను ఆకర్షించింది. భారతీయుల మనసును దోచిన కార్లలో ఆల్టో ప్రత్యేక స్థానాన్ని సంపాదించుకుంది. చాలా కాలంగా మార్కెట్లో పేద, మిడిల్ క్లాస్ వారికి కారు లేని లోటును తీరుస్తున్న కంపెనీ మారుతున్న కాలానికి అనుగుణంగా ఎప్పటికప్పుడ కొత్తగా తన కారును అప్‌డేట్ చేస్తూనే ఉంది. అందుకే దీన్ని జనాలు ఇప్పటికి కూడా బాగా ఆదరిస్తున్నారు. మార్కెట్లో ఎన్ని మోడళ్లు ఉన్నప్పటికీ కూడా దీనికి మాత్రం స్పెషల్ ఫాలోయింగ్ ఉంటుంది.

భారతదేశంలో అతి పెద్ద ఆటోమేకర్‎గా హ్యుందాయ్ నిలిచింది. ఈ కంపెనీ ప్రస్తుతం స్వదేశీ కంపెనీ అయిన మహీంద్రాకు గట్టి పోటీని ఇస్తుంది. మహీంద్రాను బీట్ చేసి హ్యుందాయ్ రెండో స్థానాన్ని దక్కించుకునేందుకు సర్వ శక్తులు ఒడ్డుతోంది. ఈ క్రమంలోనే దక్షిణ కొరియా ఆటోమొబైల్ తయారీ కంపెనీ ఒక షాకింగ్ నిర్ణయం తీసుకుంది.

దేశీయ వాహన పరిశ్రమలో MG మోటార్ ప్రసిద్ధ కార్ల తయారీ కంపెనీగా ఉంది. ఇది సంప్రదాయ మోడళ్లతో పాటు ఎలక్ట్రిక్ కార్లను విడుదల చేస్తూ, భారతీయ వినియోగదారులకు బాగా చేరువ అయిన కంపెనీ. ఎలక్ట్రిక్ వాహనాల విభాగంలో తనదైన ముద్ర వేసిన MG తన ప్రసిద్ధ కామెట్‌ను మరింత కొత్తగా మార్చి తాజాగా మార్కెట్లోకి విడుదల చేసింది. ఇండియాలో ఈవీలకు పెరుగుతున్న ఆదరణ గమనించిన కంపెనీ 2025 ఎంజీ కామెట్ ఈవీ (2025 mg comet ev) కొత్త మోడల్ అధికారికంగా లాంచ్ చేసింది. ఇది మరింత ఆకర్షణీయమైన డిజైన్, స్టైలిష్ లుక్, అధునాతన ఫీచర్లతో చాలా తక్కువ ధరకు అమ్మకానికి అందుబాటులో ఉంది. ఇది ప్రధానంగా నగరాల్లో డ్రైవింగ్‌కు అనుకూలంగా ఉంటుంది.

ప్రస్తుతం ప్రపంచవ్యాప్తంగా ఎలక్ట్రిక్ వాహనాలకు డిమాండ్ పెరుగుతుంది. అవి పర్యావరణ హితం కావడం, పెరుగుతున్న ఇంధన ధరల కారణంగా వాటిని కొనేందుకు చాలా మంది ఆసక్తి కనబరుస్తున్నారు. దీంతో కంపెనీలు కూడా ప్రజల అభిరుచులకు అనుగుణంగా కొత్త కొత్త మోడల్స్ ను పరిచయం చేస్తున్నాయి. సాంప్రదాయ వాహనాలతో పోలిస్తే ఈ ఎలక్ట్రిక్ వాహనాల ధర కాస్త ఎక్కువగా ఉంటుంది.

2023లో, హీరో మోటోకార్ప్ తన భవిష్యత్తు కోసం రూపొందించిన సమర్థమైన ప్రణాళికలను ప్రదర్శించేందుకు ఇటలీలోని మిలాన్‌లో జరిగిన EICMA మోటార్‌సైకిల్ షోను సరైన వేదికగా భావించింది. నవంబర్‌లో ఇటలీలో జరిగిన ఈ ఈవెంట్‌లో అందరినీ ఆశ్చర్యపరిచిన ముఖ్యమైన విషయాల్లో ఒకటి Concept 2.5 R Xtunt అనే పేరుతో ప్రదర్శించబడిన బైక్. ఒక సంవత్సరం తర్వాత, ఆ విప్లవాత్మక కాన్సెప్ట్‌తో Hero Xtreme 250Rను మనకు తీసుకొచ్చింది. ఇది దేశంలోని అతిపెద్ద టూ-వీలర్ తయారీ సంస్థ నుండి వచ్చిన అత్యంత శక్తివంతమైన నేకెడ్ బైక్. ఈ బైక్‌ను ఇటీవల, రాజస్థాన్‌లోని ఉదయపూర్ -(సిటి ఆఫ్ లేక్స్) చుట్టుపక్కల ఈ కొత్త హీరో ఫ్లాగ్‌షిప్ బైక్‌ను మా డ్రైవ్‌స్పార్క్ టీం టెస్ట్ డ్రైవ్ చేసింది. దీన్ని నడిపిన సమయంలో మాకు కలిగిన ఎక్స్‌పీరియన్స్ గురించి క్రింది కథనంలో ఇవ్వడం జరిగింది.

ప్రపంచంలోనే అతి పెద్ద ద్విచక్ర వాహన మార్కెట్లో భారత్ ఒకటి. మన దేశం జనాభా 140కోట్ల పై మాటే. అంతేకాకుండా మధ్య తరగతి ప్రజలు ఎక్కువగా నివసించే దేశం కాబట్టి ఇక్కడ ద్విచక్ర వాహనాలను కొనుగోలు చేసే వారు ఎక్కువగా ఉంటారు. అందుకే ప్రపంచంలోని అగ్ర కంపెనీలు అన్ని కూడా ఇండియా మీద దృష్టి పెడుతుంటాయి. ఎప్పటికప్పుడు ఇండియన్స్ అభిరుచి మేరకు కొత్త మోడల్స్ రిలీజ్ చేస్తుంటాయి.

దేశీయ దిగ్గజ వాహన తయారీ కంపెనీ మారుతీ సుజుకీ (Maruti Suzuki)కి చెందిన ప్రసిద్ధ మోడల్ స్విఫ్ట్ (Swift) ఇండియాలో బాగా డిమాండ్ ఉన్న మోడల్. ఈ కారు చాలా ఏళ్లుగా అమ్మకానికి అందుబాటులో ఉంది. ఇది భారతీయుల ఫేవరెట్ హ్యాచ్‌బ్యాక్. మారుతున్న కాలానికి అనుగుణంగా ఎప్పటికప్పుడు అప్‌డేట్ అవుతూ మార్కెట్లోకి విడుదల అవుతుంది. స్విఫ్ట్‌కు దేశంలో చాలా మంది అభిమానులు ఉన్నారు. ముఖ్యంగా మధ్య తరగతి వినియోగదారుల కలల కారు. ఢిల్లీ నుంచి మొదలుకుని గ్రామీణ ప్రాంతాల్లో కూడా ఇది కనిపిస్తుంది. చిన్న కుటుంబం కలిగిన కస్టమర్లకు ఇది అత్యంత అనువైన మోడల్. దీని ఆకట్టుకునే డిజైన్, ఫీచర్స్‌తో గత కొన్ని సంవత్సరాలుగా భారతదేశంలో అత్యధికంగా అమ్ముడవుతున్న కార్లలో ఒకటిగా నిలుస్తుంది.

భారత మార్కెట్లో ఎంపీవీ (MPV) కార్లకు డిమాండ్ మామూలుగా ఉండదు. కుటుంబ ప్రయాణాలకు ప్రతి ఒక్కరూ ప్రాధాన్యత ఇస్తున్నారు. ఈ సెగ్మెంట్‌లో ప్రస్తుతం చాలా కార్లు కొనుగోలు చేయడానికి అందుబాటులో ఉన్నాయి. వీటిలో రెనాల్ట్ ట్రైబర్ (Renault Triber) కూడా ఒకటి. ఇది మారుతీ సుజుకీ ఎర్టిగాతో దేశీయంగా పోటీ పడుతుంది. తాజాగా రెనాల్ట్ ట్రైబర్ ఫిబ్రవరి 2025 నెల అమ్మకాల వివరాలు కంపెనీ వెల్లడించింది. దీని ప్రకారం, గత నెలలో ఈ కారును 1,545 మంది కొనుగోలు చేశారు. ఇది గత ఏడాది అంటే 2024 ఇదే నెలలో మొత్తం 1,456 యూనిట్ల అమ్మకాలను మాత్రమే నమోదు చేసింది. ఏడాది లెక్కన చూసినట్లయితే ఇది 5.76 శాతం వృద్ధి చెందడం విశేషం. దీని ఆకట్టుకునే రూపం, అదిరిపోయే క్యాబిన్ సౌకర్యాలతో భారతీయ ప్రజలకు బాగా ఇష్టమైన ఎంపీవీగా నిలిచింది.

ఇండియా ఆటో మొబైల్ మార్కెట్లో ప్రస్తుతం సెడాన్, హ్యాచ్ బాక్ కార్లకు డిమాండ్ తగ్గిపోయింది. ప్రస్తుతం మార్కెట్లో అత్యంత కాంపిటేటివ్ విభాగాలలో కాంపాక్ట్ SUVలు ఒకటి. మారుతి బ్రెజ్జా, టాటా నెక్సాన్ వంటి దిగ్గజాలు ఆధిపత్యం చెలాయిస్తుండగా.. ఈ విభాగంలోకి ఇటీవల స్కోడా కూడా కైలాక్ వంటి మోడల్ ను తీసుకొచ్చింది.

భారతదేశపు ప్రముఖ టూవీలర్ కంపెనీ బజాజ్ (Bajaj) దశాబ్దాలుగా నాణ్యతతో కూడిన బైక్‌లు, స్కూటర్లు, ఆటోరిక్షాలను మార్కెట్లో విడుదల చేస్తుంది. ముఖ్యంగా ఈ కంపెనీ నుంచి వచ్చిన టూవీలర్స్‌కు దేశీయ వినియోగదారుల నుంచి మంచి ఆదరణ ఉంటుంది. ట్రెండ్‌కు అనుగుణంగా కొత్త మోడళ్లను లాంచ్ చేస్తుంది. ఇదే క్రమంలో కంపెనీ ప్రపంచంలోనే మొట్టమొదటి CNG బైక్‌ను విడుదల చేసింది. ఇప్పటికే చేతక్ EV ద్వారా అమ్మకాల్లో రికార్డులను సాధిస్తున్న బజాజ్ కొత్తగా తీసుకొచ్చిన ఈ బైక్‌కు ప్రస్తుతం మంచి ఆదరణ లభిస్తుంది. చేతక్ EV ఇటీవల దేశంలో అత్యధికంగా అమ్ముడైన ఎలక్ట్రిక్ స్కూటర్‌గా నిలిచింది. ఇదే బాటలో CNG బైక్‌ సైతం భారీ అమ్మకాలతో దూసుకుపోతుంది.

మరికొద్ది రోజుల్లో ప్రస్తుత ఆర్థిక సంవత్సరం ముగిసిపోతుంది. దీంతో అన్ని బ్రాండ్లు తమ ధరల పెంపును ప్రకటిస్తున్నాయి. దీని వల్ల కొత్త వాహనాలు కొనుగోలు చేయాలనుకునే వారు ఎక్కువ డబ్బులు ఖర్చు చేయక తప్పని పరిస్థితి ఎదురుకాబోతుంది. ధర పెంపునకు బీజం మొదట దేశంలోని అతిపెద్ద కార్ బ్రాండ్ మారుతి సుజుకి వేసింది.

ఇండియాలో ఎలక్ట్రిక్ వాహనాలను డిమాండ్ ఏ మేరకు ఉందో ఇటీల కాలంలో జరుగుతున్న సేల్స్‌ను చూస్తేనే తెలిసిపోతుంది. ఒకప్పుడు బ్యాటరీలు పేలిపోతాయని, ఎక్కువ దూరం ప్రయాణించవని, రోజంతా ఛార్జింగ్ పెట్టాలని వంటి కారణాల వల్ల ఎవరూ కూడా ఎలక్ట్రిక్ వాహనాలను కొనుగోలు చేయడానికి ముందుకు రాలేదు. కానీ ఇప్పుడు ఆ పరిస్ధితులు లేవు. ప్రజలు ఇప్పుడు మార్కెట్లోకి ఏ కొత్త ఈవీ విడుదల అవుతుందా అని ఎదురుచూస్తున్నారు. దీనికి ప్రధాన కారణం ప్రస్తుతం నాణ్యత కలిగిన బ్యాటరీలతో, సింగిల్ ఛార్జ్‌తో ఏకంగా ఒక రాష్ట్రం నుంచి మరో రాష్ట్రానికి ప్రయాణించే ఎలక్ట్రిక్ వాహనాలు కొనుగోలుకు అందుబాటులో ఉండటం వలన చాలా మంది వీటి వైపే మొగ్గు చూపుతున్నారు. పైగా ప్రస్తుతం క్రమంగా ఛార్జింగ్ సమస్య కూడా సర్దుకుంటుంది.

మహీంద్రా సంస్థ గతేడాది థార్ రాక్స్‌ని రిలీజ్ చేసింది. దీని అద్భుతమైన డిజైన్, ఆఫ్ రోడింగ్ కెపాసిటీకి మంచి పేరు వచ్చింది. భారతీయ మార్కెట్లో థార్ రాక్స్ కు మంచి డిమాండ్ ఉంది. అందుకే థార్ రాక్స్ వెయిటింగ్ పీరియడ్ కూడా ఎక్కువగా ఉంది. మీకు ఈ ఎస్ యూవీను కొనాలనుకునే వేరియంట్‌ను బట్టి ఆ వెయిటింగ్ పీరియడ్ కూడా మారుతూ ఉంటుంది.

ఇండియాలో అత్యధికంగా అమ్ముడయ్యే కార్లలో హ్యుందాయ్ కంపెనీ వాహనాలు తప్పనిసరిగా ఉంటాయి. దక్షిణ కొరియాకు చెందిన ఈ కార్ల తయారీ సంస్థకు ఇక్కడ మంచి మార్కెట్ ఉంది. మధ్య తరగతి ప్రజల నుంచి రిచ్ పీపుల్ వరకు అన్ని వర్గాలకు అవసరం అయిన కార్లను ఈ కంపెనీ రిలీజ్ చేస్తుంది.

భారతదేశం ఇప్పుడు ఎలక్ట్రిక్ వాహనాలకు అతిపెద్ద గమ్యస్థానంగా మారింది. ప్రపంచంలో ఉన్న ఆటోమొబైల్ కంపెలన్నీ కూడా మన దేశం వైపే చూస్తున్నాయి. దీనికి ప్రధాన కారణం దేశీయంగా ప్రజలు క్రమంగా ఈవీలకు మారుతున్నారు. దీంతో డిమాండ్ మేరకు తయారీదారులు వరుసగా ఎలక్ట్రిక్ వాహనాలను విడుదల చేస్తున్నారు. ఒకప్పుడు సింగిల్ ఛార్జ్‌తో 50 కిమీలు వెళ్ళే వాహనాలు ఉండగా, ఇప్పుడు టెక్నాలజీ బాగా అభివృద్ధి చెందింది. బ్యాటరీలపై కంపెనీలు ప్రత్యేకంగా దృష్టి సారించి హై కెపాసిటీ కలిగిన వాటిని అందిస్తున్నారు. వీటిని ఒక్కసారి ఛార్జ్ చేస్తే ఏకంగా ఒక రాష్ట్రం నుంచి మరో రాష్ట్రానికి వెళ్లచ్చు. ప్రస్తుతం కార్లలో ఇలాంటి వాటిని అందిస్తున్నారు. ఇటీవల కాలంలో ఇదే టెక్నాలజీతో ఆటోరిక్షాలను కూడా లాంచ్ చేస్తున్నారు.

వేసవి మొదలైంది. మే నెలకు ముందు మార్చిలోనే సూరీడు సుర్రుమంటుండు. 9గంటలు కాక ముందే ఎండ మండిపోతుంది. 9దాటితే బయటకు వెళ్లాలంటే కష్టం అవుతుంది. నిజానికి భారత్ ఉష్ణమండల దేశం కావడంతో వేడి అనేక అసౌకర్యాలను తెస్తుంది. వేసవిలో అధిక చెమట నుండి నీటి కొరత వరకు ప్రతిదీ ఏర్పడుతుంది.

భారతదేశంలో రోజువారీ ప్రయాణాలకు తప్పనిసరిగా టూవీలర్ ఉండాల్సిందే. బడ్జెట్ ధరలో ఎక్కువ మైలేజ్ ఇచ్చే బైక్‌లకు డిమాండ్ బాగా ఉంటుంది. అందుకే 100సీసీ మోడళ్లను పేద, మధ్యతరగతి వారు కొనుగోలు చేయడానికి ఆసక్తి చూపిస్తారు. సాధారణంగా ఈ ఇంజిన్ కెపాసిటీ కలిగిన టూవీలర్స్ మంచి మైలేజ్ అందిస్తుంటాయి. పైగా వీటి ధరలు కూడా రూ.లక్షలోపు ఉంటాయి. పెర్ఫామెన్స్ విషయంలో ఏ లేటు ఉండదు. ప్రస్తుతం మార్కెట్లో వివిధ కంపెనీలకు చెందిన చాలా 100సీసీ బైక్స్‌ కొనుగోలు చేయడానికి అందుబాటులో ఉన్నాయి.

ప్రఖ్యాత బ్రిటిష్ లగ్జరీ కార్ల తయారీ కంపెనీ ల్యాండ్ రోవర్ (land rover) అంతర్జాతీయంగానే కాకుండా ఇండియాలో కూడా బాగా ప్రసిద్ధి చెందిన సంస్థ. ఈ కంపెనీ నుంచి విడుదలైన వాటిలో డిఫెండర్ (defender) అంటే అందరికి యమ క్రేజ్. డిఫెండర్ కార్లు ఎవరినైనా ఆకట్టుకునేలా గంభీరమైన రూపంతో చాలా స్టైలిష్‌గా ఉంటాయి. దీని ఖరీదు కూడా చాలా ఎక్కువగా ఉంటుంది. అందుకే ఎక్కువగా ధనవంతులు, సెలబ్రిటీలు, క్రికెటర్లు లాంటి మొదలగు వారు ఈ ప్రసిద్ధ ఎస్‌యూవీని కొనుగోలు చేస్తుంటారు. ప్రస్తుతం ఈ కారు గురించి ప్రత్యేకంగా మాట్లాడుకోవడానికి ఒక కారణం ఉంది, అది ఏంటంటే కోట్ల రూపాయలు ధర కలిగిన డిఫెండర్ కారును చైనాలో కాపీ చేస్తూ ఒక కారును సృష్టించి కేవలం రూ. 3.50 లక్షలకు అమ్ముతున్నారు.

దేశంలో అత్యధికంగా కార్లను విక్రయిస్తున్న కంపెనీ మారుతి సుజుకి. ఈ కంపెనీ కార్లు ప్రైవేట్ వ్యక్తులలోనే కాకుండా వాణిజ్య ప్రయోజనాల నిమిత్తం ఉపయోగించే ట్యాక్సీలుగా కూడా బాగా పాపులర్ అయ్యాయి. కంపెనీ కస్టమర్ల అభిరుచులకు అనుగుణంగా ఎప్పటికప్పుడు అప్ డేట్ చేసి పేర్లు మార్చి రిలీజ్ చేస్తూనే ఉన్నాయి. లేటెస్ట్ ఫీచర్స్, తక్కువ ధరతో రిలీజైన కొత్త మోడల్ గురించి ఈ కథనంలో తెలుసుకుందాం.