ప్రతి సంవత్సరం మార్చి 8వ తేదీన అంతర్జాతీయ మహిళా దినోత్సవాన్ని (International Women's Day)న ఎంతో ఘనంగా జరుపుతారు. ప్రపంచవ్యాప్తంగా మహిళల హక్కులను కాపాడేందుకు, లింగ అసమానతను తొలగించడానికి, వారిని ఆర్థికంగా, రాజకీయంగా అన్ని రంగాల్లో కూడా ఎదగడానికి 'ఉమెన్స్‌ డే'ను అన్ని దేశాల్లో ఎంతో వేడుకగా నిర్వహిస్తారు. ఈ ప్రత్యేక రోజును వారికి గుర్తిండి పోయేలా చేయడానికి అమ్మ, చెల్లి, భార్య మొదలగు వారికి ఏదైనా గిఫ్ట్ ఇవ్వాలని ప్లాన్ చేస్తున్న వారు సరికొత్త ఎలక్ట్రిక్ స్కూటర్ బహుమతిగా ఇచ్చినట్లయితే వారి ఆనందానికి అవధులు ఉండవు. ప్రస్తుతం స్కూటర్లు వినియోగించే మహిళల సంఖ్య భారీగా పెరిగింది. ఉద్యోగాలకు, కాలేజ్‌లు, ఇతర ఇంటి అవసరాలకు వారికి స్కూటర్లు బాగా ఉపయోగకరంగా ఉంటాయి. మహిళల కోసం చాలా ఎలక్ట్రిక్ మోడళ్లు ఇప్పుడు కొనుగోలుకు అందుబాటులో ఉన్నాయి.

భారతీయ సినిమా పరిశ్రమలో అగ్ర నటుడు కమల్ హాసన్‌(kamal haasan) ఒకవైపు సినిమాలు చేస్తూనే అటూ రాజకీయాల్లో కూడా తిరుగుతున్నారు. తెలుగు, మలయాళం, హిందీ, తమిళంతో పాటు ఇతర భాషల్లో నటించి దేశవ్యాప్తంగా భారీ ఫ్యాన్ ఫాలోయింగ్ కలిగి ఉన్నారు. ముఖ్యంగా దక్షిణాది సినిమా పరిశ్రమలో అగ్ర కథానాయకుడిగా ప్రత్యేక గుర్తింపు తెచ్చుకున్నారు. ఇటీవల శంకర్ దర్శకత్వంలో భారతీయుడు 2, యంగ్ రెబల్ స్టార్ ప్రభాస్ నటించిన కల్కి 2898 ఏడీ చిత్రంలో నటించారు. సినిమాలు, రాజకీయాల గురించి ప్రక్కన పెడితే కమల్ హాసన్‌‌కు ప్రత్యేకంగా లగ్జరీ కార్లంటే అంటే చాలా ఇష్టం. ఆయన గ్యారేజీలో కోట్లు విలువ చేసే చాలా కార్లు ఉన్నాయి. తాజాగా ఈ అగ్ర నటుడు మరో అధునాతన విలాసవంతమైన లగ్జరీ కారును కొనుగోలు చేశాడు.

భారతదేశంలో తక్కువ ధరలో మధ్యతరగతి వినియోగదారులు కొనగలిగే కార్లను విడుదల చేయడంలో ప్రసిద్ధి చెందిన ప్రముఖ వాహన తయారీ కంపెనీ మారుతీ సుజుకీ ఇండియా (Maruti Suzuki India)కు చెందిన దిగ్గజ మోడల్ డిజైర్ (Dzire) ఇటీవల యాక్సిడెంట్‌కు గురయ్యింది. ఈ ప్రమాదంలో కారు ముందు భాగం కొంత దెబ్బతింది. ఇది ఎక్కడ జరిగింది, ఎలా జరిగింది, కారులో ఎంత మంది ఉన్నారనే విషయం గురించి ఎలాంటి వివరాలు తెలియనప్పటికీ లోపల కూర్చున్న ప్రయాణికులంతా కూడా సురక్షితంగా ఉన్నారని తెలుస్తుంది. అయితే ప్రస్తుతం ఈ కథనంలో మారుతీ డిజైర్ యాక్సిడెంట్ గురించి ప్రముఖంగా చర్చించడానికి ప్రధాన కారణం, గ్లోబల్ NCAP నుండి 5-స్టార్ సేఫ్టీ రేటింగ్‌ను సాధించిన మారుతీ తొలి కారుగా గుర్తింపు పొందిన డిజైర్ ప్రమాదంలో దాని ముందు కుడి భాగం బాగా దెబ్బతింది. దీంతో ఇప్పుడు దీని నాణ్యత గురించి మాట్లాడుకోవాల్సి వచ్చింది.

ఇండియాలో రోజువారీ ప్రయాణాల కోసం టూవీలర్ తప్పనిసరి. ప్రతిరోజు ఇబ్బంది పడుకుంటూ ఉద్యోగాలకు, కాలేజ్‌లు, ఇతర చిన్న అవసరాల కోసం బస్సులు, ఆటోలు వంటి వాటిల్లో ప్రయాణించడం కంటే ఒక టూవీలర్ కొంటే అన్ని పనులు చేసుకోవచ్చని చాలా మంది బైక్ లేదా స్కూటర్‌ను కొనుగోలు చేస్తున్నారు. ప్రస్తుతం భారతదేశంలో దాదాపు 80 శాతానికి పైగా ఇళ్లల్లో కనీసం ఒక్క టూవీలర్ అయిన తప్పనిసరిగా ఉంటుంది. ప్రధానంగా దేశంలో మధ్యతరగతి జనాభా ఎక్కువగా ఉంటారు. తక్కువ ధరలో రోజవారి ప్రయాణాలకు ఎక్కువ మైలేజ్ అందించే బైక్స్‌లను కొనుగోలు చేయడానికి వారు ఆసక్తి చూపిస్తుంటారు. అందుకే తయారీదారులు కూడా అందుబాటు ధరల్లోనే పలు మోడళ్లు విడుదల చేస్తున్నారు.

మహేంద్ర సింగ్ ధోనీ(Mahendra Singh Dhoni)కి క్రికెట్‌తో పాటు కార్స్, బైకులన్నా కూడా చాలా ఇష్టమని అందిరికీ తెలిసిందే. ఆయన గ్యారేజీలో వందల వాహనాలు ఉన్నాయి. వాటిలో పాత అరుదైన బైక్స్, కార్స్‌తో పాటు లేటెస్ట్‌గా మార్కెట్లోకి విడుదలైన పలు మోడళ్ల వరకు ఉంటాయి. కార్ల విషయానికి వస్తే, ఖరీదైన లగ్జరీ కార్లు ఆయన వద్ద ఉన్నాయి. మార్కెట్లోకి ఏదైనా కొత్త మోడల్ విడుదల అయితే దాని గురించి పూర్తిగా వాకబు చేసుకుని తనకు నచ్చినట్టు ఉంటే వెంటనే కొనుగోలు చేసి గ్యారేజీలో పెట్టుకుంటారు. కోట్లు విలువ చేసే కార్లను కలిగి ఉన్న టీమిండియా మాజీ కెప్టెన్ ఎంఎస్ ధోనీ తాజాగా తమ ఇంటికి కొత్త బంధువును తీసుకొచ్చినట్టు వార్తలు వచ్చాయి. ఆ బంధువు ఎవరో కాదు కొత్త రేంజ్ రోవర్ ఆటోబయోగ్రఫీ (range rover autobiography). ఇటీవల ఈ Suv కారును ఆయన కొనుగోలు చేసినట్లు తెలుస్తుంది.

ఎలక్ట్రిక్ టూవీలర్ తయారీ కంపెనీ అల్ట్రావయోలెట్ (ultraviolette) ఇండియాలో కొత్తగా అధునాతన ఫీచర్స్ కలిగిన ఎలక్ట్రిక్ బైకును విడుదల చేసింది. ఈ కొత్త మోడల్ పేరు 'షాక్ వేవ్ (shockwave)'. ఇది రెండు విధాలుగా ఉపయోగించడానికి అనువుగా ఉంటుంది. అడవులు, బండరాళ్లు, గుంతలు కలిగిన ఆఫ్‌రోడ్‌తో పాటు సాధారణ రోడ్లపై కూడా ఈజీగా దూసుకుపోతుంది. భారత్‌లో ప్రస్తుతం ఎలక్ట్రిక్ వాహనాల హవా నడుస్తుంది. ఈ నేపథ్యంలో తయారీదారులు పోటా పోటీగా కొత్త మోడళ్లను విడుదల చేస్తున్నారు. ఈ క్రమంలో ఈవీ మార్కెట్‌ను కైవసం చేసుకోవాలని ప్రయత్నిస్తున్న అల్ట్రావయోలెట్ కొత్త డ్యూయల్-పర్పస్ ఎలక్ట్రిక్ బైక్‌ను విడుదల చేసింది. మరో విషయం ఏమిటంటే దీంతో పాటే తన మొట్టమొదటి 'టెస్రాక్ట్ (Tesseract)' ఎలక్ట్రిక్ స్కూటర్‌ను కూడా విడుదల చేసింది. స్కూటర్ విభాగంలో టెస్రాక్ట్. బైక్స్ విభాగంలో షాక్ వేవ్ కంపెనీని గొప్ప స్థాయికి తీసుకెళ్తాయని కంపెనీ భారీ అంచనాలు పెట్టుకుంది.

బెంగళూరుకు చెందిన ప్రముఖ ఎలక్ట్రిక్ టూవీలర్ తయారీ కంపెనీ అల్ట్రావయోలెట్ (ultraviolette) దేశీయ మార్కెట్లో ఈవీ విభాగంలో చాలా కాలంగా తన సత్తా చాటుతోంది. ప్రస్తుతం భారత్ ఎలక్ట్రిక్ వాహనాలకు అతిపెద్ద గమ్యస్థానంగా ఉంది. ఈ నేపథ్యంలో కంపెనీ మిగతా తయారీదారుల కంటే మరింత దూకుడు ప్రదర్శిస్తూ, కొత్త టూవీలర్స్‌ను తీసుకురావడంలో వేగాన్ని పెంచింది. ఈ క్రమంలో అల్ట్రావయోలెట్ భారతీయ మార్కెట్లోకి తాజాగా తన మొట్టమొదటి 'టెస్రాక్ట్ (Tesseract)' ఎలక్ట్రిక్ స్కూటర్‌ను విడుదల చేసింది. ఇది ఆకర్షణీయమైన డిజైన్‌తో, అదిరిపోయే పెర్ఫామెన్స్‌తో వచ్చింది. అన్ని వర్గాల వారు కొనగలిగే విధంగా బడ్జెట్ ధరలోనే దీన్ని లాంచ్ చేసింది. ఈ కొత్త స్కూటర్‌లో అల్ట్రావయోలెట్ ఇప్పటికే మార్కెట్లో ఉన్నటువంటి ఓలా, టీవీఎస్, బజాజ్, ఏథర్ వంటి ఇతర ఈవీ తయారీదారులకు గట్టి పోటీ ఇచ్చినట్లయింది. చూడగానే నచ్చే విధంగా ఉన్న ఈ ఎలక్ట్రిక్ స్కూటర్ ధర రూ.1.45 లక్షలు (ఎక్స్-షోరూమ్).

భారతీయ మార్కెట్లో 90వ దశకంలో అంబాసిడర్ కార్ల హవా ఓ రేంజ్‌లో ఉండేది. కేంద్ర మంత్రులు, ఎంపీలు, సినిమా స్టార్స్, ఇలా ఉన్నత స్థానాల్లో ఉన్నవారు ఈ కార్లనే ఎక్కువగా వాడేవారు. ఈ కారుతో రోడ్లపై వెళ్తుంటే ఆ దర్జా వేరే లెవల్‌లో ఉండేది. ఒక ఇంట్లో అంబాసిడర్ (ambassador) ఉందంటే వారిని ధనవంతులు అనుకునేవారు. పాత కాలం సినిమాల్లో ఇది కచ్చితంగా కనిపిస్తుంది. అంబాసిడర్‌ను చాలా మంది తమ సోషల్ స్టేటస్‌ కోసం వాడుతుండేవారు. ఇది భారతీయ మార్కెట్లో ఒక ఐకానిక్ మోడల్. ఒకప్పుడు రోడ్లను ఏలిన కారు ఇప్పుడు చాలా వరకు కనిపించడం లేదు. ఎక్కడో ఒక చోట ఎవరో ఒకరు చాలా అరుదుగా మోడిఫై చేయించుకుని వాడుతుంటారు. అప్పటి కాలం వారు కొంతమంది తమకు ఇష్టమైన కారును వదిలి పెట్టలేక తమ గ్యారేజీలో భద్రంగా ఉంచుకుని వీలున్నప్పుడు రోడ్లపై అలా షికారుకు వెళ్తుంటారు

భారతీయ ఆటోమొబైల్ పరిశ్రమ ఇప్పుడు దేశీయంగా, అంతర్జాతీయంగా ఉన్న కార్ల తయారీదారులకు అత్యంత కీలకం. దీనికి ప్రధాన కారణం చాలా దేశాలు ఆర్థికంగా బలంగా లేకపోవడం, వృద్ధి సన్నగిల్లడంతో చాలా ఇబ్బందులు ఎదుర్కొంటున్నాయి. అయితే భారత్‌‌లో మాత్రం అలాంటి పరిస్థితులు లేవు. పైగా ఇక్కడ వాహన పరిశ్రమ అత్యంత వేగంగా వృద్ధి చెందుతుంది. పెరుగుతున్న జనాభాకు అనుగుణంగా కార్ల వాడకం కూడా ఎక్కువ అయింది. ఈ నేపథ్యంలో తయారీదారులు మన దేశానికి క్యూ కట్టి వరుసగా కొత్త కార్లను విడుదల చేస్తున్నారు. ఈ క్రమంలో దేశంలో ఇప్పటికే మెరుగైన మార్కెట్ కలిగిన వోల్వో కార్ ఇండియా (Volvo Car India) కొత్త మోడళ్లను లాంచ్ చేయడంపై దృష్టి సారించింది. అందులో భాగంగా తాజాగా తన ఫ్లాగ్‌షిప్ మోడల్ XC90 ఫేస్‌లిఫ్ట్ వెర్షన్‌ను మార్కెట్లోకి విడుదల చేసింది.

భారతీయ కార్ల తయారీలో మారుతీ సుజుకీ (Maruti Suzuki) చాలా కాలంగా నెం.1 స్థానంలో ఉంటుంది. దశబ్దాల నుంచి దేశంలో బడ్జెట్ ధరలో హ్యాచ్‌బ్యాక్‌ల నుంచి మొదలుకుని SUV ఇతర సెగ్మెంట‌ల కార్లను విక్రయిస్తుంది. కంపెనీ ప్రతిఏడాది కూడా అమ్మకాల్లో అగ్రస్థానంలో నిలుస్తుంది. ప్రస్తుతం మార్కెట్లో పోటీ ఎక్కువ అవుతున్న కొద్ది మారుతీ సైతం తన దూకుడును ప్రదర్శిస్తూ, మరింత మంది వినియోగాదారులకు చేరువ అవుతుంది. ప్రతినెల ముగిసిన తరువాత కార్ల తయారీదారులు తమ సేల్స్ వెల్లడిస్తుంటారు. ఈ క్రమంలో ఫిబ్రవరి ముగిసిన నేపథ్యంలో వరుసగా కంపెనీలు ఈ నెలలో నమోదు చేసిన అమ్మకాలను విడుదల చేస్తున్నారు. డేటా ప్రకారం గత నెలలో మారుతీ సుజుకీ ఇతర కంపెనీల కంటే ఎక్కువ అమ్మకాలను సాధించి ఫిబ్రవరిలో అగ్రస్థానం పొందింది.

సెలబ్రిటీలకు లగ్జరీ కార్లంటే చాలా ఇష్టం. క్రికెటర్లు, ధనవంతులు, సినిమా తారలు వంటి వారు మార్కెట్లోకి ఏదైనా కొత్త మోడల్ వచ్చిందంటే వెంటనే దాన్ని కొనుగోలు చేసి తమ గ్యారేజీలో పెట్టుకుంటారు. ముఖ్యంగా సినిపరిశ్రమకు చెందిన వారు ఇటీవల కాలంలో పలు ఈవెంట్‌లకు వెళ్లినప్పుడు లేదా ఎయిర్‌పోర్ట్‌ల వద్ద కోట్లు విలువ చేసే టాప్ బ్రాండ్‌లకు చెందిన లగ్జరీ కార్లతో ఎక్కువగా కనిపిస్తూ సోషల్ మీడియాలో ట్రెండింగ్‌లో ఉంటారు. తాజాగా బాలీవుడ్‌లో అత్యంత ప్రియమైన జంటలలో ఒకరైన నటుడు సిద్ధార్థ్ మల్హోత్రా (Sidharth Malhotra) ఆయన భార్య నటి కియారా అద్వానీ (Kiara Advani) ఖరీదైన మెర్సిడెస్ బెంజ్ కారుతో కనిపించారు. ఈ సెలబ్రిటీ జంట ఒక బిడ్డను ఆహ్వానించడానికి సిద్ధంగా ఉన్నారు. ఇలాంటి సమయంలో వీరిద్దరు కలిసి బయట కెమెరాల కంట పడ్డారు.

ఇండియాలో ప్రయాణికుల సేఫ్టీ పరంగా అత్యుత్తమైన కార్లను విడుదల చేయడంలో ఎంతో నమ్మకం కలిగిన దేశీయ ప్రముఖ వాహనాల తయారీ కంపెనీ టాటా మోటార్స్(Tata Motors) ఎప్పటికప్పుడు తన అమ్మకాల వివరాలు విడుదల చేస్తుంది. నెల ముగియగానే సేల్స్ డేటాను వెల్లడిస్తుంది. ఈ నేపథ్యంలో తాజాగా ఫిబ్రవరి ముగిసిన తరుణంలో ఈ నెలలో కంపెనీ విక్రయించిన మొత్తం డేటాను ఒక ప్రకటనలో పేర్కొంది. దీని ప్రకారం, టాటా మోటార్స్ 2025 ఫిబ్రవరి నెలలో మొత్తం 79,344 యూనిట్లను విక్రయించింది. వీటిలో దేశీయంగా విక్రయించినవే కాకుండా ఇతర దేశాలకు చేసిన ఎగుమతులు సైతం కలిపి ఉన్నాయి. గతంతో పోలిస్తే ఈ సారి తక్కువగా నమోదయ్యాయి. 2024 ఫిబ్రవరిలో టాటా మోటార్స్ 86,406 యూనిట్ల అమ్మకాలను నమోదు చేసింది. ఇది ఏడాది ప్రాతిపదికన చూసినట్లయితే ఈసారి 8 శాతం తగ్గింది. భారతీయ ఆటో మార్కెట్లో టాటా కంపెనీకి బలమైన మార్కెట్ ఉంది.

ఇండియాలో పట్టణ ప్రాంతాల నుంచి మొదలుకుని గ్రామీణ ఏరియాల్లో ఉన్న ప్రజల వరకు బడ్జెట్ ధరలో ఎక్కువ మైలేజ్ ఇచ్చే స్కూటర్లను కొనుగోలు చేయడానికి ఆసక్తి కనబరుస్తారు. రోజువారీ పనులు చేసుకోవడానికి టూవీలర్స్ ఇప్పుడు తప్పనిసరి. స్కూటర్ అయితే ఇలాంటి వాటికి చాలా కంఫర్ట్ అనిపిస్తుంది. గేర్స్ లేకుండా మహిళలు, పురుషులు సులభంగా రైడ్ చేయడానికి ఇవి ఉత్తమమైన ఆప్షన్. ప్రస్తుతం మార్కెట్లో చాలా మోడళ్లు కొనుగోలుకు లభిస్తున్నాయి. కొత్త స్కూటర్ కొనాలని ఆలోచిస్తున్న వారు వేటిని ఎంచుకోవాలో తెలియక సతమతం అవుతుంటారు. తక్కువ ధరలో లభించడంతో పాటు, మంచి మైలేజ్ అందించే, మెరుగైన ఫెర్ఫామెన్స్‌ను ఇచ్చే స్కూటర్స్‌‌లో హోండా యాక్టివా,సుజుకి యాక్సెస్, హీరో డెస్టినీ, యమహా ఫాసినో వంటి మొదలగు టాప్ మోడళ్లు ప్రస్తుతం అందుబాటులో ఉన్నాయి. కొత్త స్కూటర్ కొనాలని అనుకుంటున్న వారికి ఇవి బెస్ట్ ఆప్షన్ అవుతాయి. వీటి గురించి కింది కథనంలో తెలసుకుందాం.

దక్షిణ కొరియాకు చెందిన కార్ల తయారీ కంపెనీ హ్యుందాయ్ (Hyundai) ఇండియాలో చాలా కాలంగా కార్లను విక్రయిస్తుంది. ప్రతి ఏడాది అదిరిపోయే డిజైన్‌తో అత్యాధునిక ఫీచర్స్‌తో కస్టమర్లకు అనుకూలంగా ఉండే విధంగా బడ్జెట్ ధరలో కార్లను విడుదల చేస్తుంది. దేశంలో హ్యుందాయ్ కార్లు చాలా ప్రసిద్ధి చెందాయి. వాటిలో క్రెటా (Creta) మోడల్‌కు మంచి ఆదరణ ఉంది. మిడ్‌సైజ్ SUV విభాగంలో క్రెటా దేశంలో విజయవంతమైన మోడల్. దాదాపు 1.2 మిలియన్లకు పైగా కస్టమర్లు దీనిని వాడుతున్నారు. దీని ఆకట్టుకునే ప్రీమియం లుక్స్, ఫీచర్స్ కారణంగా భారతీయ కస్టమర్లలో ప్రజాదరణ పొందిన కారుగా నిలుస్తుంది. ఇంత డిమాండ్ ఉన్న మోడల్‌ను హ్యుందాయ్ కొత్తగా మరింత ఆకట్టుకునే ఫీచర్స్‌తో విడుదల చేసింది. 2025 క్రెటా కొత్త వేరియంట్‌లతో కూడా వచ్చింది. అప్‌డేట్‌లలో భాగంగా రెండు వేరియంట్‌లు SX ప్రీమియం, EX (O) ను తీసుకొచ్చింది.

ఇండియాలో ఎలక్ట్రిక్ స్కూటర్ల హవా నడుస్తోంది. ఈవీ తయారీదారులు వరుసగా కొత్త మోడళ్లను విడుదల చేస్తూ తమ వ్యాపారాన్ని క్రమంగా పెంచుకుంటున్నారు. కస్టమర్లను ఆకట్టుకోవడమే లక్ష్యంగా కంపెనీలు ఎలక్ట్రిక్ టూవీలర్స్‌ను తీసుకొస్తున్నాయి. ఈ నేపథ్యంలో ప్రముఖ ఎలక్ట్రిక్ టూవీలర్ తయారీ కంపెనీ కోమాకి (Komaki) కూడా దేశీయ వినియోగదారుల కోసం కొత్త స్కూటర్లను విడుదల చేస్తూ తన మార్కెట్ వాటాను విస్తరిస్తుంది. కంపెనీ తాజాగా X3 సిరీస్‌ను విడుదల చేసింది. అయితే వీటిని పట్టణ ప్రాంతాల్లోని మహిళలను దృష్టిలో ఉంచుకుని ప్రత్యేకంగా రూపొందించింది. వీటిని నడపడం చాలా ఈజీ. దేశంలో పెరుగుతున్న ఎలక్ట్రిక్ టూవీలర్స్‌‌లో తన కంటూ ప్రత్యేక స్థానాన్ని సంపాదించడానికి చాలా కాలంగా అధునాతన మోడళ్లను తీసుకొస్తున్న కోమాకి ఇప్పుడు ఎక్స్‌3 సిరీస్‌ను కూడా లేటెస్ట్ ఫీచర్స్‌తో మార్కెట్లోకి తీసుకువచ్చింది.

దేశంలో టూవీలర్ విభాగంలో బైక్స్‌తో పాటు స్కూటర్స్ కూడా భారీగానే అమ్మకాలు సాధిస్తున్నాయి. మహిళలు, పురుషులు నడపడానికి అనుకూలంగా ఉండే స్కూటర్స్ అంటే చాలా మందికి ఇష్టం. నగరాలు, పట్టణాల్లో రోజు ఆఫీసులు, కాలేజ్‌లకు వెళ్లడానికి గ్రామాల్లో వివిధ అవసరాల కోసం ఇవి చాలా అనువుగా ఉంటాయి. ముఖ్యంగా వీటిలో హోండా యాక్టివా అంటే అత్యంత డిమాండ్ ఉన్న మోడల్. దీనిని స్కూటర్లలో రారాజుగా పిలుస్తారు. దీని తర్వాత ఇదే విభాగంలో డిమాండ్ ఉన్న మోడల్ అంటే TVS జూపిటర్ మాత్రమే. దీన్ని స్కూటర్లలో రాణిగా అనుకుంటారు. దీని ఆకట్టుకునే డిజైన్, మైలేజ్ ఇంజిన్ పనితీరు వంటి అంశాల ప్రాతిపదికన TVS jupiter‌ను కొనుగోలు చేసే వారి లక్షల్లో ఉంటారు. అసలైన ఫ్యామిలీ స్కూటర్‌గా ఇది భారతీయ రోడ్లపై పరుగులు పెడుతుంది. ప్రతి నెలా లక్షలాది మంది దీని కొంటుంటారు.

ఇండియాలో టూవీలర్ తయారీదారుల్లో ఎంతో ప్రసిద్ధి చెందిన ప్రముఖ కంపెనీ హోండా (Honda) అమ్మకాలతో దూసుకుపోతుంది. దేశంలో పేద, మధ్య తరగతి కస్టమర్లను దృష్టిలో ఉంచుకుని తక్కువ ధరలో, ఎక్కువ రేంజ్ అందించే బైక్స్, స్కూటర్స్‌ను విక్రయించడంలో హోండాకు ఎదురేలేదు. ముఖ్యంగా స్కూటర్ అంటే దేశంలో అందరికి గుర్తుకు వచ్చే ఒకే ఒక మోడల్ అదే యాక్టివా (Activa). భారతదేశంలో దీనికి మామూలు డిమాండ్ ఉండదు. ఢిల్లీ నుంచి గల్లీ వరకు కూడా ఇది కనిపిస్తుంది. ఏళ్ల క్రితం విడుదలైన యాక్టివా మారుతున్న కాలానికి అనుగుణంగా ఎప్పటికప్పుడు కొత్తగా అప్‌డేట్ అవుతూ మార్కెట్లోకి కొత్త ఫీచర్స్‌తో వస్తూనే ఉంది. అయితే ఇంతకాలం Ice ఇంజిన్‌లో లభించిన ఈ స్కూటర్ ఇప్పుడు కొత్తగా ఎలక్ట్రిక్ వెర్షన్లో కూడా అందుబాటులోకి వచ్చింది. ఈవీలకు డిమాండ్ పెరుగుతున్న నేపథ్యంలో హోండా ఇటీవల కొత్తగా యాక్టివా-ఇ (Activa e) ఈవీను తీసుకొచ్చింది.

ప్రముఖ కార్ల తయారీ కంపెనీ నిస్సాన్ ఇండియా (Nissan India) దేశీయ వినియోగదారులకు తక్కువ ధరలో కార్లను విక్రయిస్తూ, మారుతీ సుజుకీ (Maruti Suzuki), టాటా మోటార్స్ (Tata Motors) వంటి కంపెనీలకు పోటీగా నిలుస్తుంది. తన ప్రసిద్ధ మోడల్ మాగ్నైట్ (magnite) దేశంలో బాగా ప్రజాధారణ పొందిన suvలలో ఒకటిగా ఉంది. ఇది ఢిల్లీ నుంచి గల్లీ వరకు కూడా చాలా మంది కొనుగోలు చేస్తున్న మంచి డిమాండ్ ఉన్న కారు. దీని ఆకట్టుకునే రూపం, ఇంజిన్ పనితీరుతో అమ్మకాలను ఆశించినంతంగా సాధిస్తూ, నిస్సాన్ పేరును దేశం మొత్తం విస్తరించడంలో కీలక పాత్ర పోషిస్తుంది. ప్రస్తుతం అందుబాటులో ఉన్న మాగ్నైట్ నేచురల్లీ ఆస్పిరేటెడ్ పెట్రోల్, టర్బో పెట్రోల్ ఇంజన్ ఆప్షన్లలో ఉంది. అయితే కంపెనీ ఈ ప్రసిద్ధ కారును Cng ఆప్షన్‌లో తీసురావాలని చూస్తుంది.

ప్రపంచంలోనే ఎలక్ట్రిక్ వాహనాల (EV) తయారీలో దిగ్గజ కంపెనీ ఎలాన్ మస్క్‌(Elon Musk)కు చెందిన టెస్లా (Tesla) ఇండియాలో తన కార్యకలాపాలను ప్రారంభించాలని చాలా కాలంగా ప్రయత్నాలు చేస్తున్న విషయం తెలిసిందే. ప్లాంట్‌లో ఏర్పాటు చేయడానికి దేశంలోని ప్రధాన రాష్ట్రాల్లోని అనువైన ప్రాంతాలను ఎంపిక చేసే పనిలో ఇప్పటికే ఉంది. ఇక్కడ ఉత్పత్తి చేసిన తన వాహనాలను విక్రయించడానికి మొదటి షోరూమ్‌ను ఏర్పాటు చేయడానికి గత కొంత కాలంగా కీలక నగరాల్లో అనువుగా ప్రాంతాలను పరిశీలిస్తుండగా, తాజాగా వచ్చిన సమాచారం ప్రకారం, టెస్లా తన మొదటి షోరూమ్‌ను ముంబైలోని బాంద్రా కుర్లా కాంప్లెక్స్ (BKC)లో ప్రారంభించడానికి సిద్ధంగా ఉందని తెలుస్తుంది. ఒక వాణిజ్య టవర్ గ్రౌండ్ ఫ్లోర్‌లో కంపెనీ తన షోరూమ్ అవసరాల మేరకు దాదాపు 4,000 చదరపు అడుగుల స్థలానికి లీజుకు తీసుకున్నట్లు సమాచారం. ఇక్కడ చదరపు అడుగుకు రూ.900 అద్దె చెల్లించనుంది.

దేశ రాజధాని ఢిల్లీలో కొత్తగా ఏర్పడిన బీజేపీ ప్రభుత్వం అక్కడ పెరుగుతున్న వాయు కాలుష్యాన్ని కట్టడి చేయడానికి కఠిన నిర్ణయాలు తీసుకుంటుంది. వాహనాల నుంచి అధికంగా విడుదల అవుతున్న ఉద్గారాలను, కాలుష్యాన్ని తగ్గించడం కోసం 15 ఏళ్లు దాటిన పాత వాహనాలకు పెట్రోల్ బంకుల్లో ఇంధనం పోయవద్దని కీలక నిర్ణయం తీసుకున్నారు. ఈ మేరకు రాష్ట్ర పర్యావరణ శాఖ మంత్రి మంజిందర్‌ సింగ్‌ సిర్సా అధికారులతో సమావేశమైన అనంతరం ఈ విషయాన్ని వెల్లడించారు. ఆదేశాలు ఏప్రిల్ 1 నుండి అమల్లోకి రానున్నాయి. ఢిల్లీలో గాలి నాణ్యత గత కొన్నేళ్లుగా చాలా వరకు తగ్గుతుంది. ప్రధానంగా వాహనాల సంఖ్య రాజధానిలో భారీగా పెరిగింది. దీంతో వాటి నుంచి తీవ్రస్థాయిలో కాలుష్య ఉద్గారాలు విడుదల అవుతున్నాయి.

ప్రముఖ కార్ల తయారీ కంపెనీ మారుతీ సుజుకీ (Maruti Suzuki) భారతీయ వినియోగాదారులకు తక్కువ ధరలో కార్లను అందించడంలో ఎప్పుడు కూడా ముందు స్థానంలో ఉంటుంది. దేశంలో చాలా ప్రసిద్ధ మోడళ్లను విక్రయిస్తూ, అమ్మకాల పరంగా మొదటి స్థానంలో ఉన్న మారుతీ తన కార్లలో ప్రయాణికుల సేఫ్టీ పరంగా అత్యుత్తమైన ప్రమాణాలను అందిస్తుంది. తాజాగా కంపెనీ ఇండియాలో ఫేమస్ మోడల్ అయినటువంటి ఎంట్రీ లెవల్ ఆల్టో K10 (Alto K10) కారును కొత్తగా అప్‌డేట్ చేసి తిరిగి మార్కెట్లోకి అమ్మకానికి తీసుకొచ్చింది. సాధారణంగా దేశంలో పేద-మధ్య తరగతి వారు తక్కువ ధరలో కారును కొనుగోలు చేయడానికి ఆసక్తి చూపిస్తుంటారు. ఇలాంటి వారికి మారుతీ ఆల్టో K10 సరైన ఆప్షన్. ఇప్పుడు మరింత కొత్తగా అప్‌డేటేడ్ ఫీచర్స్‌తో వచ్చిన ఎంట్రీ వేరియంట్‌ను జనాలు ఎక్కువగా కొనుగోలు చేసే అవకాశం ఉంది.

బెంగళూరు‌కు చెందిన ప్రముఖ ఎలక్ట్రిక్ టూవీలర్ తయారీ కంపెనీ ఓలా ఎలక్ట్రిక్ (Ola Electric) ఇండియాలో ఇ-స్కూటర్ల సెగ్మెంట్‌లో అమ్మకాలతో దూసుకుపోతుంది. కంపెనీ మోడళ్లపై దేశంలో పలు ఆరోపణలు వచ్చిన్నప్పటికి వాటన్నింటిని నెమ్మదిగా పరిష్కరించుకుంటూ, ఇంకా కొత్త మోడళ్లను విడుదల చేస్తూ, ఈవీ టవీలర్ వాటాను క్రమంగా పెంచుకోవడానికి కీలకంగా ప్రయత్నాలు చేస్తుంది. ఇప్పటికే ఇ స్కూటర్‌లో తన సత్తాను చాటుతున్న ఓలా ఎలక్ట్రిక్ (Ola Electric) ఇటీవల 'రోడ్‌స్టర్' అనే ఈవీ బైక్‌ను కూడా విడుదల చేసి సరికొత్త సంచలనానికి తెరలేపింది. ఇప్పుడు కంపెనీ ఎలక్ట్రిక్ స్కూటర్లతో పాటు బైక్స్ విభాగంలో ప్రత్యర్థులకు బలమైన పోటీగా నిలుస్తుంది. ఇదిలా ఉంటే తాజాగా ఓలా ఫిబ్రవరి నెలకు సంబంధించిన అమ్మకాల వివరాలను వెల్లడించింది. డేటా ప్రకారం, గత నెలలో ఓలా ఎలక్ట్రిక్ 25,000 కంటే ఎక్కువ స్కూటర్లను విక్రయించింది.

దక్షిణ కొరియాకు చెందిన ప్రముఖ కార్ల కంపెనీ కియా మోటార్స్ (Kia Motors) ప్రపంచవ్యాప్తంగా చాలా దేశాల్లో తన వాహనాలను విక్రయిస్తుంది. ఇండియాలో ఇప్పుడు కియా అంటే చాలా ఫేమస్. ఇక్కడ అడుగుపెట్టిన అతి తక్కువ కాలంలో టాటా మోటార్స్, మారుతీ సుజుకీ వంటి కార్ల తయారీదారులకు పోటీ ఇచ్చే స్థాయికి ఎదిగింది. కంపెనీ సాంప్రదాయ ఇంధన వాహనాలతో పాటు ఎలక్ట్రిక్ కార్లను కూడా విడుదల చేస్తూ ఈవీ సెగ్మెంట్‌లో కూడా తన సత్తాను చాటుతుంది. ఇప్పటికే పలు ఈవీ మోడళ్లను లాంచ్ చేసిన కియా తాజాగా కొత్త ఎలక్ట్రిక్ కారు మోడల్‌ను ఆవిష్కరించింది. దీని పేరు 'ఈవీ4 (Ev4)'. ప్రస్తుతం ఇది అందుబాటులో లేనప్పటికి త్వరలో మార్కెట్లోకి విడుదల కాబోతుంది. ప్రపంచం మొత్తం కూడా ఈవీల వైపు చూస్తున్న నేపథ్యంలో కియా మోటార్స్ ఈ కొత్త కారుతో మార్కెట్ వాటాను పెంచుకోనుంది.

ఏసర్ ఫాస్టర్ అవార్డుల (acer faster awards) నాలుగో ఎడిషన్ కోసం దేశంలో వాహన ప్రేమికులు చాలా ఆసక్తిగా ఎదురుచూశారు. తాజాగా దీనికి సంబంధించిన జ్యూరీ సమావేశం ఫిబ్రవరి 26,27 తేదీలలో చెన్నైలోని మద్రాస్ మోటార్ రేస్ ట్రాక్‌ (MMRT)లో విజయవంతంగా ముగిసింది. గతంలో ఎంతో ఘనంగా జరిగిన ఈ వేడుకను ఈసారి కూడా అదే విధంగా నిర్వహించడానికి అధికారులు సర్వం సిద్ధం చేశారు. తాజాగా ముగిసిన జ్యూరీ సమావేశంలో న్యాయనిర్ణేతలు గత ఏడాదిలో మార్కెట్లోకి వచ్చిన బెస్ట్ కార్స్, బైక్స్‌లను ఎంపిక చేశారు. తుది నామినేషన్‌లో భాగంగా టెక్నాలజీ, ఆకట్టుకునే డిజైన్, సేఫ్టీతో పాటు ఇతర కీలక అంశాలకు సంబంధించి కఠిన పరీక్షలు నిర్వహించిన తర్వాత వాటిలో నుంచి అత్యుత్తమమైనవాటిని చివరి రౌండ్‌కు నామినేట్ చేశారు. విజేతలను కూడా ప్రకటించనున్నారు.

ప్రపంచ వాహన పరిశ్రమలో కీలక మార్పులు చోటుచేసుకుంటున్నాయి. ఒకప్పుడు పెట్రోల్, డీజిల్ వాహనాలను ఎక్కువగా కొనుగోలు చేసేవారు, Cngలు కూడా అనుకున్నంత స్థాయిలోనే సేల్స్‌ను నమోదు చేసేవి. అయితే ఇప్పుడు చాలా మంది ఎలక్ట్రిక్ వాహనాల(ev) వైపు అడుగులు వేస్తున్నారు. కొత్తగా మార్కెట్లోకి విడుదల అవుతున్న వాటిలో ఎక్కువగా ఈవీలే ఉంటున్నాయి. ప్రజలు పెట్రోల్, డీజిల్ ధరలు భరించలేక తక్కువ ధరలో ఎక్కువ రేంజ్ అందించే ఎలక్ట్రిక్ కార్లను కొనుగోలు చేయడానికి ఆసక్తి చూపిస్తున్నారు. ప్రస్తుతం మార్కెట్లో చాలా ఈవీ తయారీ సంస్ధలు ఉన్నాయి. వీటిలో దిగ్గజ కంపెనీల నుంచి మొదలుకుని పలు మధ్యస్థ స్థాయి కంపెనీలు కూడా ఉన్నాయి. ప్రపంచవ్యాప్తంగా ఎలక్ట్రిక్ వాహనాల తయారీలో చాలా సంస్థలు ఉండగా, వాటన్నింటిలో చైనా దేశాలకు చెందిన కంపెనీలు ముందంజలో ఉన్నాయి.