ప్రపంచ వాహన పరిశ్రమలో కీలక మార్పులు చోటుచేసుకుంటున్నాయి. ఒకప్పుడు పెట్రోల్, డీజిల్ వాహనాలను ఎక్కువగా కొనుగోలు చేసేవారు, Cngలు కూడా అనుకున్నంత స్థాయిలోనే సేల్స్‌ను నమోదు చేసేవి. అయితే ఇప్పుడు చాలా మంది ఎలక్ట్రిక్ వాహనాల(ev) వైపు అడుగులు వేస్తున్నారు. కొత్తగా మార్కెట్లోకి విడుదల అవుతున్న వాటిలో ఎక్కువగా ఈవీలే ఉంటున్నాయి. ప్రజలు పెట్రోల్, డీజిల్ ధరలు భరించలేక తక్కువ ధరలో ఎక్కువ రేంజ్ అందించే ఎలక్ట్రిక్ కార్లను కొనుగోలు చేయడానికి ఆసక్తి చూపిస్తున్నారు. ప్రస్తుతం మార్కెట్లో చాలా ఈవీ తయారీ సంస్ధలు ఉన్నాయి. వీటిలో దిగ్గజ కంపెనీల నుంచి మొదలుకుని పలు మధ్యస్థ స్థాయి కంపెనీలు కూడా ఉన్నాయి. ప్రపంచవ్యాప్తంగా ఎలక్ట్రిక్ వాహనాల తయారీలో చాలా సంస్థలు ఉండగా, వాటన్నింటిలో చైనా దేశాలకు చెందిన కంపెనీలు ముందంజలో ఉన్నాయి.

ప్రపంచవ్యాప్తంగా హైబ్రిడ్ వాహనాలకు డిమాండ్ పెరుగుతుంది. ఇవి మంచి మైలేజ్ ఇవ్వడంతో పాటు నిర్వహణ ఖర్చు కూడా చాలా వరకు తక్కువగా ఉంటుంది. అందుకే కొత్తగా వాహనాలను ఇంటికి తెచ్చుకోవాలని అనుకునేవారు హైబ్రిడ్ మోడళ్లపై ఎక్కువ ఆసక్తి చూపిస్తున్నారు. దీంతో తయారీదారులు కస్టమర్ల నుంచి వస్తున్న డిమాండ్‌కు అనుగుణంగా అత్యాధునిక టెక్నాలజీతో కూడిన హైబ్రిడ్ కార్లను విడుదల చేస్తున్నారు. అయితే ఇప్పుడు ఇదే ఫీచర్‌తో టూవీలర్స్‌ను సైతం తీసుకురావడానికి ప్రయత్నాలు చేస్తున్నారు. తాజాగా ప్రముఖ టూవీలర్ తయారీ కంపెనీ యమహా (yamaha) కొత్తగా xmax సిరీస్‌లో SHEV అనే హైబ్రిడ్ బైక్‌ను విడుదల చేయడానికి సిద్ధంగా ఉంది. దీన్ని ప్రపంచమార్కెట్లో కాన్సెప్ట్ మోడల్‌గా ఆవిష్కరించింది. కార్లలో విస్తృతంగా అందుబాటులో ఉన్న ఈ టెక్నాలజీ ఇప్పుడు టూవీలర్ సెగ్మెంట్‌లోకి మారింది.

దక్షిణకొరియా దిగ్గజం హ్యుందాయ్ మోటార్స్ (Hyundai Motors) ఇండియాలో కూడా మంచి మార్కెట్‌ను కలిగి ఉంది. తక్కువ ధరతో పాటు, మెరుగైన మైలేజ్ ఇచ్చే కార్లను విడుదల చేయడంలో దేశంలో గుర్తింపు పొందింది. కంపెనీ ఇటీవల వరుసగా తన కార్ల అమ్మకాల వివరాలను విడుదల చేస్తున్న విషయం తెలిసిందే. ఈ క్రమంలో హ్యుందాయ్‌కు గొప్ప పేరు తీసుకురావడంలో కీలక పాత్ర పోషిస్తున్న ప్రముఖ మోడల్ ఎక్స్‌టర్ (Exter) Suvకి సంబంధించిన సేల్స్ వివరాలు వెల్లడించింది. భారతదేశంలో ప్రజాధారణ పొంందిన కార్లతో ఈ ఎస్‌యూవీ కూడా ఒకటి. మధ్యతరగతి ప్రజలకు అందుబాటు ధరలో లభించడంతో పాటు మైలేజ్ కూడా అద్భుతంగా వస్తుంది. ఈ ఎక్స్‌టర్ కారు జనవరి 2025 నెలలో 6,068 యూనిట్ల అమ్మకాలను నమోదు చేసింది. దీనికి ముందు డిసెంబర్ నెల 2024లో కేవలం 5,270 యూనిట్లు మాత్రమే అమ్ముడుపోయాయి.

దేశీయ ప్రసిద్ధ ఆటోమొబైల్ తయారీ కంపెనీ బజాజ్ (Bajaj) ఇండియాలో టూవీలర్ వాహనాలతో పాటు, త్రీవీలర్స్‌ను కూడా విడుదల చేస్తుంది. ఈ కంపెనీకి చెందిన పలు వాహనాలకు దేశంలో మంచి ఆదరణ ఉంది. తాజాగా బజాజ్ మార్కెట్లోకి సరికొత్తగా మూడు ఎలక్ట్రిక్ ఆటోరిక్షాలు లాంచ్ చేసింది. వీటికి కంపెనీ గోగో(gogo) అని పేరు పెట్టింది. గోగో బ్రాండ్ కింద విడుదలైన వీటి పేర్లు, P5009, P5012, P7012. బజాజ్ సాధారణంగా ఇండియాలో త్రీ వీలర్ విభాగంలో ఎప్పుడు కూడా ముందు స్థానంలో ఉంటుంది. ఇప్పుడు కొత్త మోడళ్ల ద్వారా కంపెనీ స్థాయి మరో ఎత్తుకు వెళ్తుంది. బజాజ్ గోగో బ్రాండ్ కింద ప్రస్తుతం ఈ మూడింటిని విడుదల చేసినప్పటికీ త్వరలో మరిన్నింటిని విడుదల చేయాలని చూస్తుంది. ఈ కొత్త ఆటోరిక్షాలోని మొదటి 'P' అక్షరం ప్యాసింజర్‌ని సూచిస్తుంది, 50, 70 నెంబర్లు వాటి కొలతలను పేర్కొంటుంది.

ఇండియాలో లగ్జరీ కార్లకు డిమాండ్ క్రమంగా పెరుగుతుంది. ధనవంతులు, సినీ తారలు, క్రికెటర్లు వంటి సెలబ్రిటీలు మార్కెట్లోకి ఏదైన కొత్త మోడల్ లగ్జరీ కారు విడుదల అయిందంటే వెంటనే దాని గురించి వాకబు చేసుకుని తమ గ్యారేజీలో చేర్చుకుంటారు. ఇటీవల కాలంలో చాలా మంది సినీ తారల కోట్లు విలువ చేసే టాప్ బ్రాండ్‌లకు చెందిన కార్లతో కెమెరాల కంట పడుతూ, సోషల్ మీడియాలో తెగ ట్రెండింగ్‌లో ఉంటున్నారు. తాజాగా తెలుగు, కన్నడ,హిందీ, పంజాబీ, తమిళ సినిమాల్లో నటించిన ప్రముఖ నటి యామీ గౌత‌మ్ (Yami Gautam) దిగ్గజ లగ్జరీ కార్ బ్రాండ్ బీఎండబ్ల్యూ (BMW)కు చెందిన X7 (ఎక్స్‌7) అనే కారుతో కనిపించింది. ఖరీదైన కారు నుంచి ఆమె బయటకు దిగుతున్న వీడియో సోషల్‌మీడియాలో తెగ వైరల్ అవుతుంది. దీనికి సంబంధించిన వీడియోను ఆమె అభిమానులు షేర్ చేస్తున్నారు.

ప్రముఖ టూవీలర్ తయారీ కంపెనీ టీవీఎస్ మోటార్ (Tvs Motor) దేశంలో తక్కువ ధరలో, ఎక్కువ మైలేజ్ ఇచ్చే మోడళ్లను విక్రయిస్తూ ఢిల్లీ నుంచి గల్లీ వరకు కూడా కస్టమర్లను కలిగి ఉంది. హోండా, హీరో వంటి కంపెలకు ధీటుగా బలమైన టూవీలర్స్‌ను దింపడంలో టీవీఎస్ కంపెనీ పెట్టింది పేరు. ప్రతి ఏడాది కూడా అమ్మకాలతో దూసుకుపోతున్న టీవీఎస్ తాజాగా జనవరి 2025కు సంబంధించిన సేల్స్ డేటాను వెల్లడించింది. దీని ప్రకారం, కంపెనీ ఈ నెలలో మొత్తం 2,93,802 టూవీలర్స్‌ను విక్రయించింది. ఏడాది ప్రాతిపదికన చూసినట్లయితే సేల్స్ పెరిగాయి. 2024 జనవరి నెలలో టీవీఎస్ మొత్తం 2,68,233 టూవీలర్స్‌ను సేల్ చేసింది. దేశంలో చాలా మంది ఈ కంపెనీ మోడళ్లను ఆదరించినట్లు ఈ డేటాను చూస్తేనే తెలిసిపోతుంది.

ప్రముఖ కార్ల తయారీ కంపెనీలు మారుతీ (Maruti), టయోటా (Toyota) సంయుక్తంగా కలిపి రూపొందించిన టయోటా గ్లాంజా మోడల్ ఇండియాలో బాగా ఆదరణ పొందింది. ఇది 2019లో మార్కెట్లోకి ప్రవేశించింది. చాలా మంది ఈ కారును కొనుగోలు చేశారు. సేల్స్ పరంగా టాటా ఆల్ట్రేస్‌‌ను సైతం అధిగమించింది. గత నెలలో గ్లాంజా సేల్స్ దాదాపు 2 లక్షల యూనిట్లను దాటడం గమనార్హం. దేశంలో లాంచ్ అయిన 5 ఏళ్ల తరువాత ఇప్పటి వరకు ఈ ప్రీమియం హ్యాచ్‌బ్యాక్ ఇన్ని లక్షల అమ్మకాలను దాటి కొత్త ఘనతను సాధించింది. ఇదిలా ఉంటే టయోటా కిర్లోస్కర్ మోటార్ (toyota kirloskar motor) ఇటీవల షాకింగ్ న్యూస్ చెప్పింది. అమ్మకాలతో దూసుకుపోతున్న గ్లాంజా కారు ధరను పెంచింది. దీంతో దీన్ని కొనుగోలు చేయాలని అనుకున్న వారికి ఇది విచారం కలిగించే వార్త అని చెప్పవచ్చు.

మారుతీ సుజుకీ(Maruti Suzuki) దేశంలో పేద-మధ్యతరగతి ప్రజలకు అందుబాటు ధరలో కార్లను విడుదల చేస్తూ, ప్రసిద్ధ తయారీదారుగా ఉంది. పెట్రోల్, డీజిల్, CNG వాహనాల అమ్మకాల్లో టాప్ ప్లేస్‌లో ఉన్న కంపెనీ ఎలక్ట్రిక్ సెగ్మెంట్‌లో మాత్రం ఇంకా వెనుకబడి ఉంది. టాటా మోటార్స్, హ్యుందాయ్ వంటి కంపెనీలు దూసుకుపోతున్నప్పటి మారుతీ మాత్రం అందరి కంటే వెనుక స్థానంలో ఉంది. అయితే ఇటీవల కాలంలో ఈవీ విభాగంపై కూడా ప్రధానంగా దృష్టి సారించింది. ఈ నేపథ్యంలో ఇ-విటారా(-e-vitara) అనే ఎలక్ట్రిక్ కారును తీసుకొచ్చింది. దీన్ని ఇటీవల దేశరాజధాని ఢిల్లీలో జరిగిన భారత్ మొబిలిటీ గ్లోబల్ ఎక్స్‌పో 2025లో ప్రదర్శించింది. ఈ కొత్త ఎలక్ట్రిక్ SUVతో మారుతీ ఈవీ సెగ్మెంట్‌లో సైతం తన సత్తాను చాటడానికి సిద్ధమైంది. ఈ కారు కోసం మారుతీ లవర్స్ చాలా కాలంగా ఎదురుచూస్తున్నారు. అన్ని అనుకున్నట్లు జరిగితే ఇ-విటారాను మార్చిలో మార్కెట్లోకి విడుదల చేసే అవకాశం ఉంది.

తెలుగు, తమిళం, హిందీ భాషల్లో స్టార్ హీరోల పక్కన నటించి దేశవ్యాప్తంగా భారీ లెవల్లో ఫ్యాన్స్‌ను కలిగిన మిల్కీ బ్యూటీ తమన్నా భాటియా(Tamannaah bhatia) సినిమాల్లో నటిస్తూనే మరోవైపు స్పెషల్ సాంగ్స్, పలు ప్రకటనల ద్వారా భారీగా సంపాదిస్తుంది. అన్ని భాషల్లో కలిపి దాదాపు 50 కి పైగా సినిమాల్లో నటించిన తమన్నాకు లగ్జరీ కార్లంటే చాలా ఇష్టం. ఇటీవల కాలంలో పలు ఈవెంట్స్‌కు, పార్టీలకు హాజరైనప్పుడు అధునాతన కార్లతో కనిపించిన ఆమె తాజాగా ఖరీదైన లగ్జరీ ఆడి A4 సెడాన్‌తో కెమెరాల కంట పడ్డారు. ప్రస్తుతం దీనికి సంబంధించిన వీడియో సోషల్ మీడియాలో తెగ వైరల్ అవుతుంది. బ్లాక్ కలర్ ప్యాంట్, వైట్ టీషర్ట్‌తో మెరిసిపోతున్న తమన్నాఒక జిమ్ నుంచి బయటకు వచ్చి ఆడి A4 కారులో వెళ్లిపోయారు. ఈ క్రమంలో కెమెరాలకు ఫోజులిచ్చారు. అయితే ఇప్పుడు ఈ కారు గురించి ప్రత్యేకంగా ఆటో ప్రేమికులు మాట్లాడుకుంటున్నారు.

ఇండియాలో ప్రముఖ కార్ల తయారీ కంపెనీ హోండా (Honda)కు మంచి మార్కెట్ ఉంది. టాటా మోటార్స్, మారుతీ వంటి దేశీయ తయారీదారులకు పోటీగా అధునాతన మోడళ్లను విడుదల చేస్తూనే ఉంది. గత కొన్నేళ్లుగా దేశంలో కార్ల వాడకం పెరుగుతున్న నేపథ్యంలో హోండా మార్కెట్లో మెజార్టీ వాటాను పొందడానికి ప్రతి ఏడాది అదిరిపోయే మోడళ్లను భారతీయ వినియోగదారులు కొనగలిగే విధంగా బడ్జెట్ ధరలో విడుదల చేస్తూ అమ్మకాలను క్రమంగా పెంచుకుంటుంది. ఇండియాలో పలు మోడళ్లను విక్రయిస్తున్న హోండా తాజాగా తన ప్రసిద్ధ SUV ఎలివేట్‌‌కు సంబంధించిన కీలక వివరాలను వెల్లడించింది. ఈ కారు సేల్స్ పరంగా సరికొత్త రికార్డును సాధించింది. హోండా ఎలివేట్‌ ఎస్‌యూవీ (Honda Elevate SUV) మార్కెట్లోకి విడుదలైనప్పటి నుంచి దాదాపు ఒక లక్ష అమ్మకాలను నమోదు చేసింది. జనాలు ఈ కారును ఆదరించడంపై కంపెనీ అధికారులు సంతోషం వ్యక్తం చేస్తున్నారు.

ఫ్రెంచ్‌‌కు చెందిన ప్రముఖ ఆటోమోబైల్ తయారీ కంపెనీ సిట్రోయెన్ (Citroen) ఇండియాలో కూడా తన కార్లను విక్రయిస్తుంది. దేశీయ వాహన తయారీదారులకు పోటీగా అధునాతన ఫీచర్స్‌తో కూడిన మోడళ్లను లాంచ్ చేస్తుంది. సాంప్రదాయ ఇంధన వాహనాలతో పాటు ఈవీలను కూడా అమ్మకానికి తీసుకొస్తుంది. కంపెనీ దేశంలో eC3 EV అనే ఈవీ కారును విక్రయిస్తుంది. తాజాగా సిట్రోయెన్ ఈ కారుకు సంబంధించిన సేల్స్ వివరాలను వెల్లడించింది. డేటా ప్రకారం, ఈ కారును జనాలు ఎక్కువగా ఆదరించడం లేదని తెలుస్తుంది. జనవరి 2025లో, eC3 EVని కేవలం 60 మంది మాత్రమే కొనుగోలు చేశారు. అధునాతన ఫీచర్స్, అదిరిపోయే డిజైన్‌ను కలిగిన ఈ కారు ఇంత తక్కువగా సేల్స్ నమోదు చేయడానికి గల కారణాలు మాత్రం తెలియరాలేదు. ఈ అమ్మకాలు గత ఏడాదితో పోలిస్తే 67.39 శాతం తగ్గడం గమనార్హం.

JSW MG మోటార్ ఇండియా ఎలక్ట్రిక్ కార్ల విభాగంలో దూసుకుపోతుంది. టాటా మోటార్స్, హ్యుందాయ్, మహీంద్రా వంటి కంపెనీలకు పోటీగా బడ్జెట్ ధరలో ఈవీలను విడుదల చేస్తుంది. ప్రపంచవ్యాప్తంగా భారత్‌లో ఈవీల హవా ఎక్కువగా ఉంది. సాంప్రదాయ ఇంధన వాహనాలతో పాటు ఎలక్ట్రిక్ కార్లకు కూడా మంచి ఆదరణ ఉంది. ఇదే అదునుగా తమ మార్కెట్‌ను పెంచుకోవడానికి ఈవీ తయారీదారులు పోటా పోటీగా కార్లను తీసుకొస్తున్నారు. ఈ క్రమంలో ఎంజీ మోటార్ సైతం ఎలక్ట్రిక్ కార్లపై మెయిన్ ఫోకస్ చేసింది. ఇప్పటికే దేశీయంగా ZS EV, విండ్సర్ EV, కామెట్ EV విక్రయిస్తుండగా, తాజాగా MG కామెట్ EV బ్లాక్‌స్టార్మ్ (Blackstorm) అనే ప్రత్యేక ఎడిషన్ కారును విడుదల చేసింది. ఇది చూడటానికి నల్లగా కనిపిస్తుంది. దీని అల్లాయ్ వీల్స్ మరింత ఆకట్టుకునే విధంగా ఎరుపు కలర్‌తో వచ్చాయి.

భారత కార్ల మార్కెట్‌లో JSW MG మోటార్ ఇండియా ప్రముఖ కంపెనీగా ఉంది. అధునాతన ఫీచర్స్‌తో ప్రీమియం లుకింగ్‌ను కలిగిన మోడళ్లను లాంచ్ చేస్తుంది. కంపెనీ తన సేల్స్‌ను పెంచుకోడానికి అప్పుడప్పుడు ప్రత్యేకంగా తగ్గింపులు అందిస్తుంటుంది. ఈ క్రమంలో మరోసారి తన ప్రసిద్ధ మోడల్ హెక్టర్ (Hector) కారుపై భారీ డిస్కౌంట్ ప్రకటించింది. ఇది ఆకర్షణీయమైన డిజైన్, లేటెస్ట్ ఫీచర్స్‌తో అందరిని ఆకట్టుకుంటుంది. తక్కువ ధరలో కస్టమర్లు దీన్ని సొంతం చేసుకోవడానికి ఈ SUV పై రూ. 2.40 లక్షల వరకు తగ్గింపును అందిస్తున్నటు కంపెనీ ప్రకటించింది. కొత్తగా డిస్కౌంట్ ధరలో కారును కొనుగోలు చేయాలని అనుకుంటున్న వారికి ఇదే మంచి అవకాశం. ముఖ్య విషయం ఏమిటంటే ఈ తగ్గింపు ప్రయోజనాలు మార్చి 31, 2025 వరకు మాత్రమే అందుబాటులో ఉంటాయి.

లగ్జరీ టూవీలర్ తయారీ కంపెనీ డుకాటీ (Ducati) ప్రీమియం ఫీచర్స్‌తో కూడిన బైక్స్‌ను విడుదల చేయడంలో ప్రసిద్థి చెందిన సంస్థ. ఆన్‌రోడ్‌తో పాటు ఆఫ్‌రోడ్‌ వంటి కఠిన రోడ్లపై కూడా రయ్ మంటూ దూసుకుపోయే మోడళ్లను లాంచ్ చేయడంలో డుకాటీకి మంచి పేరుంది. భారతీయ మార్కెట్లో ఈ కంపెనీ నుంచి టూవీలర్స్‌కు చాలా మంది అభిమానులు ఉన్నారు. టూరింగ్, లాంగ్ రైడ్ వంటి వాటి కోసం ఇప్పటికే అధునాతన మోడళ్లను తీసుకొచ్చిన డుకాటీ తాజాగా దేశీయ మార్కెట్లో అదిరిపోయే బైక్‌ను దింపింది. ఈ కొత్త మోడల్ పేరు 'డిజర్ట్‌ ఎక్స్‌ డిస్కవరీ (Desert S Discovery)'. ఇది ఆకర్షణీయమైన డిజైన్‌తో వచ్చింది. ఎక్కువ దూరం రైడింగ్ చేసే వారికి ఇది అత్యంత అనువైన మోడల్ అని కంపెనీ పేర్కొంటుంది. లాంగ్ రైడింగ్ సమయంలో ఉపయోగకరంగా ఉండేలా అధునాతన ఫీచర్స్‌ను దీనిలొ అందించారు.

భారతీయ వాహన ప్రేమికులు ఎంతో ఆసక్తిగా ఎదురుచూస్తున్న ఏసర్ ఫాస్టర్ అవార్డుల (acer faster awards) నాల్గవ ఎడిషన్ కోసం జ్యూరీ రౌండ్ 26 వ తేదీ నుంచి ప్రారంభం కానుంది. గత ఏడాది (2024)లో ఎంతో ఘనంగా జరిగిన ఈ ఈవెంట్ ఈ సారి మరింత ఘనంగా జరగడానికి సిద్దమవుతుంది. 2025 ఎడిషన్ కోసం చెన్నైలోని ప్రసిద్ధ మద్రాస్ మోటార్ రేస్ ట్రాక్‌లో జ్యూరీ రౌండ్‌ను ఫిబ్రవరి 26,27 తేదీలలో నిర్వహించనున్నారు. గత ఏడాది మార్కెట్లోకి విడుదలైన కార్లు, బైక్స్‌లలో ఉత్తమమైన వాటిని గుర్తించి బహుమతులతో సత్కరిస్తారు. నాల్గవ ఎడిషన్ కోసం అవార్డులకు వాహనాలను ఎంపిక చేయడానికి 26 నుంచి రెండు రోజుల పాటు జ్యూరీ సమావేశం జరుగుతుంది. ఏసర్ ఫాస్టర్ అవార్డ్స్ జ్యూరీలో మొత్తం ఆరుగురు సభ్యులు ఉంటారు. 2024లో విడుదలైన కార్స్, బైక్స్‌ ఈ జ్యూరీలో ఎంట్రీకి అర్హత కలిగి ఉంటాయి.

ఇండియాలో పేద, మధ్య తరగతి వినియోగదారులకు తక్కువ ధరలో కార్లను విడుదల చేయడంలో ప్రసిద్ధి చెందిన ప్రముఖ వాహన తయారీ కంపెనీ మారుతీ సుజుకీ (Maruti Suzuki) దేశంలో విక్రయిస్తున్న ఏకైక సెడాన్ మోడల్ సియాజ్ కారు అమ్మకాలను నిలిపివేయాలని ఆలోచనలో ఉన్నట్లు మార్కెట్ వర్గాల నివేదికలు పేర్కొంటున్నాయి. ఇది సెడాన్ కార్ల లవర్స్‌కు బాధ కలిగించే న్యూస్ అని చెప్పవచ్చు. మారుతీ సుజుకీ సియాజ్ (ciaz) అమ్మకాలు ఈ ఏడాది ఏప్రిల్ నాటికి నిలిపివేయబడతాయని తెలుస్తుంది. అయితే కంపెనీ నుంచి ఈ విషయంపై ఇంకా ఎలాంటి అధికారిక ప్రకటన వెలువడలేదు. కానీ నివేదికలు మాత్రం ఈ కారు ఉత్పత్తిని మార్చి చివరి నాటికి ఆగిపోతుందని, ఏప్రిల్ నాటికి సేల్స్ క్లోజ్ అవుతాయని అంటున్నారు. భారతీయ మార్కెట్లో సెడాన్ మోడల్ సియాజ్ కారుకు మంచి డిమాండ్ ఉంది. అయినప్పటికి అమ్మకాలు ఆగిపోనున్నాయి.

బైకుల రారాజు రాయల్‌ ఎన్‌ఫీల్డ్(Royal Enfield) ఇండియాలో ప్రసిద్ధ టూవీలర్ తయారీ కంపెనీగా ఉంది. 350సీసీ నుంచి మొదలుకుని 650 సీసీ వరకు కూడా అదిరిపోయే స్టైలిష్ మోడళ్లను విక్రయిస్తుంది. యూత్ ఎక్కువగా రాయల్ ఎన్‌ఫీల్డ్ బైకులంటే పడిచచ్చిపోతారు. మార్కెట్లోకి ఏదైనా కొత్త వేరియంట్ విడుదల అయిందంటే చాలు దాని గురించి వాకబు చేసుకుని కొనుగోలు చేయడానికి షోరూమ్‌ల ముందు వాలిపోతారు. హంటర్, హిమాలయన్, కాంటినెంటల్ GT, ఇంటర్‌సెప్టర్ వంటి వాటికి దేశంలో భారీ డిమాండ్ ఉంది. రోడ్లపై ఈ కంపెనీ బైక్స్‌తో డుగ్ డుడ్ అంటూ సౌండ్‌తో వెళ్తుంటే ఆ రాజసమే వేరు. చుట్టుపక్కల అందరి చూపు కూడా మీ పైనే ఉంటుంది. రాయల్‌ ఎన్‌ఫీల్డ్ ఇటీవల కాలంలో కొత్త మోడళ్లను విడుదల చేయడంపై కీలకంగా దృష్టి సారించింది.

భారత ఆటోమొబైల్ పరిశ్రమలో మహీంద్రా(Mahindra) కంపెనీకి గొప్ప పేరుంది. దేశీయ ప్రజలకు అధునాతన ఫీచర్స్, సరికొత్త డిజైన్ కలిగిన కార్లను అందిస్తూ, అమ్మకాల పరంగా ఇతర కంపెనీలకు బలమైన పొటీనిస్తూ దూసుకుపోతుంది. మహీంద్రా కార్లకు దేశంలో చాలా మంచి డిమాండ్ ఉంటుంది. తాజాగా ఈ కంపెనీకి చెందిన ప్రసిద్ధ మోడల్ స్కార్పియో N అమ్మకాల పరంగా సరికొత్త రికార్డును నెలకొల్పింది. ఈ SUV మార్కెట్లోకి విడుదల అయినప్పటి నుంచి ఇప్పటి వరకు 2,00,000 యూనిట్ల అమ్మకాలను నమోదు చేసింది. దీని ఆకట్టుకునే డిజైన్, ఫెర్ఫామెన్స్‌కు చాలా మంది అట్రాక్ట్ కావడంతో ఈ కారు సేల్స్ ఈ మైలురాయికి చేరుకోవడం గమనార్హం. స్కార్పియో-ఎన్ విజయవంతం కావడంతో దీనికి గుర్తుగా మహీంద్రా ఇప్పుడు కొత్తగా 'స్కార్పియో-ఎన్ కార్బన్ ఎడిషన్' కారును విడుదల చేసింది.

ప్రముఖ టూవీలర్ తయారీ కంపెనీ కేటీఎమ్(KTM) దాని ప్రసిద్ధ 390 సిరీస్‌లో 390 అడ్వెంచర్ వెర్షన్‌ను తీసుకొచ్చింది. ఇది రైడర్లకు అనుకూలంగా ఉండే డిజైన్‌తో రూపుదిద్దుకుంది. తక్కువ సీటు ఎత్తుతో సహా అనేక రకాల ఇతర ఆప్షన్లతో రాయల్ ఎన్‌ఫీల్డ్ హిమాలయన్‌కు ప్రత్యామ్నాయంగా ఉండబోతుంది. మొదటి తరం 390 అడ్వెంచర్ కొన్ని సమస్యలను కలిగి ఉంది. ఎందుకంటే ఇది స్ట్రీట్-స్పెక్ 390 డ్యూక్ ఆధారంగా ఉంటుంది. అందుకే ఈ సారి కంపెనీ KTM దాని 450 ర్యాలీ డాకర్-విజేత బైక్ నుంచి ప్రేరణ పొందింది. రెండవ తరం 390 అడ్వెంచర్‌తో హిట్ మోడల్ అనిపించుకోవాలని చూస్తుంది. తాజాగా KTM 390 అడ్వెంచర్‌ను గోవాలో మా డ్రైవ్‌స్పార్క్ టీం టెస్ట్ డ్రైవ్ చేసింది. రెండు రోజుల పాటు రెండు వేర్వేరు రైడ్‌ల చేయడం జరిగింది. దీన్ని నడిపిన సమయంలో మాకు కలిగిన ఎక్స్‌పీరియన్స్ గురించి క్రింది కథనంలో ఇవ్వడం జరిగింది.

భారతదేశంలో సాంప్రదాయ పెట్రోల్, డీజిల్ కార్లతో పాటు CNG లకు డిమాండ్ పెరుగుతుంది. ప్రతి ఏడాది పలు కార్ల తయారీదారుల సేల్స్ వివరాలను ఒకసారి పరిశీలించినట్లయితే వీటికి మార్కెట్లో ఏ మేరకు ఆదరణ లభిస్తుందో తెలిసిపోతుంది. ప్రధానంగా CNG కార్ల నిర్వహణ చాలా వరకు తక్కువగా ఉంటుంది. మైలేజ్ విషయంలో అయితే మరో ఆలోచనే అవసరం లేదు. కస్టమర్లకు సంతృప్తి పరిచేలా కిలో ఇంధనానికి పెట్రోల్, డీజిల్ కార్ల కంటే కూడా ఎక్కువగా ఇస్తాయి. ప్రస్తుతం వీటి ధరలు భారీగా ఉండటంతో ప్రజల చూపు CNG లపై పడింది. అందుకే మార్కెట్లో లభిస్తున్న ఈ సెగ్మెంట్ వాహనాలను ఎక్కువగా కొనుగోలు చేస్తున్నారు. ఇప్పటికే అందుబాటులో ఉన్న కార్లలో ఈ కిట్‌లను అమర్చి తయారీదారులు విడుదల చేస్తున్నారు. దీంతో తాజాగా రెనాల్ట్ ఇండియాలో కాంపాక్ట్ SUV కైగర్, కాంపాక్ట్ MPV ట్రైబర్, క్విడ్ కార్లను CNG వెర్షన్‌లో లాంచ్ చేసింది.

ఇటీవల కాలంలో ఇండియాలో విడాకుల కేసులు భారీగా పెరుగుతున్నాయి. దంపతుల మధ్య మనస్పర్ధలు వస్తే చాలు వెంటనే కోర్టును ఆశ్రయించి పరస్పర అంగీకారంతో విడిపోతున్నారు. ముఖ్యంగా చాలా మంది సినీ తారలు, క్రికెటర్లు, ఇతర సెలబ్రిటీలు తమ దాంపత్య జీవితాన్ని విడాకులతో ముగిస్తున్నారు. ఇలా విడిపోయిన వారు తమకు నచ్చిన వారిని వివాహం చేసుకుంటుండగా, కొంతమంది ఒంటరిగా ఉంటున్నారు. తమకు నచ్చిన సెలబ్రిటీలు విడాకులు తీసుకుంటుండటంతో అభిమానులు సైతం పెద్ద షాక్‌కు గురవుతున్నారు. ప్రధానంగా దేశంలో సినిమా తారలకు, క్రికెటర్లకు అభిమానులు దేశవ్యాప్తంగా ఉంటారు. విడాకుల వార్త వచ్చిందంటే చాలా తమకు నచ్చిన తారలు లేదా క్రికెటర్లు ఎవరైనా విడాకులు తీసుకుంటున్నారా అని సోషల్ మీడియాలో వెతుకుతుంటారు. తాజాగా టీమిండియా క్రికెటర్ యుజువేంద్ర చాహల్ తన భార్యతో విడాకులు తీసుకున్నారు. ఇది అభిమానుల్లో కలకలం రేపుతోంది.

ఇండియాలో స్కూటర్ అంటే చాలా మందికి మొదటగా గుర్తుకు వచ్చేది యాక్టివా (Activa)నే. ప్రసిద్ధ టూవీలర్ తయారీ కంపెనీ హోండా(Honda) నుంచి చాలా ఏళ్ల క్రితం విడుదలైన యాక్టివా భారతీయ మార్కెట్లో అతి పెద్ద సంచలనం అని చెప్పవచ్చు. మహిళలు, పురుషులు నడపడానికి అనుకూలంగా ఉండే గేర్‌లెస్ స్కూటర్ ప్రతి ఏడాది అమ్మకాల్లో దుమ్ములేపుతుంది. రెండు దశాబ్దాలకు పైగా దేశంలో తిరుగులేని స్కూటర్‌గా టూవీలర్ విబాగంలో తనకంటూ ప్రత్యేక పేరును లిఖించుకుంది. ప్రజల రోజువారీ అవసరాలకు యాక్టివా బెస్ట్ మోడల్. మారుతున్న కాలానికి అనుగుణంగా లేటెస్ట్ ఫీచర్స్‌తో అప్‌డేట్ అవుతూ మార్కెట్లోకి విడుదల అవుతూనే ఉంది. ఇతర కంపెనీల స్కూటర్లు కొనుగోలుకు ఉన్నప్పటికీ కూడా అందరి ఎంపిక మాత్రం ఎప్పుడు యాక్టివానే అవుతుంది. దీంతో పాటు హోండా ఇతర స్కూటర్లను కూడా విక్రయిస్తుంది. ఇప్పుడు వీటికి కొనసాగింపుగా కంపెనీ మరో కొత్త స్కూటర్‌ను విడుదల చేయడానికి సన్నాహాలు చేస్తోంది.

ఇటీవల కాలంలో ప్రపంచవ్యాప్తంగానే కాకుండా ఇండియాలో కార్ల వాడకం బాగా పెరిగింది. మార్కెట్లో వరుసగా కొత్త కొత్త మోడళ్లు విడుదల అవుతున్న తరుణంలో కస్టమర్లు ఎంతో ఆసక్తిగా తమకు నచ్చిన దాన్ని కొనుగోలు చేయడానికి షోరూమ్‌ల ముందు క్యూ కడుతున్నారు. SUVలు, సెడాన్‌లు, హ్యాచ్‌బ్యాక్‌ల అమ్మకాలు ఆశించిన మేరకు ఉంటున్నాయి. అయితే ప్రస్తుతం సెడాన్‌లను కొనుగోలు చేసే వారి సంఖ్య క్రమంగా తగ్గుతున్నట్లు వీటి సేల్స్ డేటా చూస్తే తెలిసిపోతుంది. దీనికి గల కారణాలు తెలియనప్పటికి కస్టమర్లు ఇతర సెగ్మెంట్‌పై ఎక్కువ ఆసక్తి చూపించడం కారణంగా నెల నెలా సెడాన్ కార్ల విక్రయాలు తగ్గుతున్నాయి. తాజాగా వచ్చిన డేటా ప్రకారం, ఇండియాలో 2025 జనవరి నెలలో సెడాన్ విక్రయాలు తగ్గాయి. దేశంలో లభిస్తున్న సెడాన్‌లు చాలా వరకు కస్టమర్లకు బడ్జెట్ ధరలోనే లభిస్తున్నప్పటికి గత నెలలో తక్కువగా ఈ విభాగం కార్లను కొనుగోలు చేయడం గమనార్హం.

ప్రముఖ కార్ల తయారీ కంపెనీ మహీంద్రా(Mahindra) ఇటీవల కాలంలో తన దూకుడు పెంచింది. పెట్రోల్, డీజిల్ కార్లతో పాటు ఎలక్ట్రిక్ మోడళ్లను సైతం వరుసగా విడుదల చేస్తుంది. జనవరి నెలలో జరిగిన ఆటో ఎక్స్‌పో 2025 ఈవెంట్‌లో తన ఈవీలను ప్రదర్శించింది. తాజాగా BE 6 EVను లాంచ్ చేసింది. ఇండియాలో ఈవీ విభాగంలో టాటా మోటార్స్ కంపెనీ అగ్రస్థానంలో ఉంటుంది. ఇప్పుడు దీనికి బలమైన పోటీగా అవతరించడానికి మహీంద్రా పట్టుదలతో ఎలక్ట్రిక్ కార్లను విడుదల చేయడానికి తీవ్రంగా కృషి చేస్తుంది. అందుకే ఈ కంపెనీ రాబోయే రోజుల్లో ఇండియా టెస్లా మారిపోయే అవకాశం ఉంది. మహీంద్రా కంపెనీ తన భారతీయ వినియోగదారుల కోసం XUV700 SUV ఎలక్ట్రిక్ వెర్షన్‌ XEV 7eను విడుదల చేయాడానికి సన్నాహాలు ప్రారంభించింది. ఇప్పటికే ఈవీలు తీసుకొచ్చి భారత్‌లో బలమైన ఈవీ సంస్థగా అవతరిస్తున్న మహీంద్రా తన కొత్త మోడల్‌తో టాటాకు పోటీనిచ్చినట్లవుతుంది.

ఇండియాలో మధ్యతరగతి జనాభా ఎక్కువగా ఉంటారు. ఒకప్పుడు టూవీలర్ కలిగి ఉండటం వారి కలగా ఉండేది. అయితే రాను రాను ఆ ధోరణి మారిపోయింది. మారుతున్న ఆర్థిక పరిస్థితుల దృష్ట్యా కారును కొనుగోలు చేయడానికి ఆసక్తి చూపిస్తున్నారు. తక్కువ ధరలో అయిన లభించే వాటిని కొనుగోలు చేస్తున్నారు. మార్కెట్లోకి పేద,మధ్య తరగతి కస్టమర్ల నుంచి వస్తున్న డిమాండ్‌కు అనుగుణంగా వాహన తయారీదారులు సైతం బడ్జెట్ ధరలో కొనుగోలుకు అందుబాటులో ఉండే కార్లను విడుదల చేస్తున్నారు. ప్రస్తుతం చాలా కార్లు ఇప్పుడు తక్కువ ధరకు లభిస్తున్నాయి. కొత్తగా ఆకర్షణీయమైన డిజైన్‌తో బడ్జెట్‌లో ఆకట్టుకునే ఫీచర్స్‌తో కారును సొంతం చేసుకోవాలని అనుకుంటున్న వారికి మార్కెట్లో లభిస్తున్న అలాంటి కొన్ని మోడళ్ల గురించి కింది కథనంలో అందించడం జరిగింది. ఆ కార్ల గురించిన వివరాలను ఒకసారి తెలుసుకుందాం.