భారతదేశంలో ప్రతి నిమిషం ఎక్కడో ఒకచోట రోడ్డు ప్రమాదం జరుగుతూనే ఉంది. యాక్సిడెంట్ల కారణంగా చోటుచేసుకుంటున్న మరణాలు ప్రస్తుతం భారీగా పెరుగుతున్నాయి. కొంతమంది అయితే శాశ్వత వైకల్యంతో బాధపడుతున్నారు. ఈ రోడ్డు ప్రమాదాలకు ముఖ్య కారణం ట్రాఫిక్ నియమాలు ఉల్లంఘించడమే. ప్రభుత్వం ట్రాఫిక్ నిబంధనలు కచ్చితంగా పాటించాలని ఎన్ని సార్లు చెప్పినప్పటికీ కూడా కొంత మంది అవేమీ పట్టించుకోకుండా రోడ్లపై ఇష్టం వచ్చినట్లు డ్రైవింగ్ చేస్తున్నారు. భారీగా ఫైన్‌లను విధిస్తున్నప్పటికి కూడా ట్రాఫిక్ నియమాలను పాటించని వారు ఉన్నారు. దేశంలో ప్రస్తుతం వాహనాల సంఖ్య భారీగా పెరుగుతోంది. ఈ క్రమంలో రోడ్లపై ట్రాఫిక్ రద్దీ పెరుగుతుంది. తొందరగా గమ్యానికి చేరాలనే భావనతో రాంగ్ రూట్‌లో ప్రయాణించే వారు ఇటీవల రోడ్లపై ఎక్కువగానే కనిపిస్తున్నారు. ఇలా చేయడం చాలా ప్రమాదకరం. ఇలా వెళ్తున్నప్పుడు డ్రైవర్లకు మధ్య తగాదాలు కూడా జరుగుతుంటాయి.

ప్రపంచ దిగ్గజ ఎలక్ట్రిక్ వాహన తయారీ సంస్థ టెస్లా.. భారత మార్కెట్లో తమ వాహనాలను తీసుకువచ్చేందుకు ప్రయత్నాలు చేస్తోంది. ఇటీవలే భారత ప్రధాని నరేంద్ర మోదీ అమెరికా పర్యటనలో భాగంగా టెస్లా సీఈవో ఎలాన్ మస్క్‌తో సమావేశమయ్యారు. వీరిద్దరి మధ్య అనేక విషయాలపై చర్చలు జరిగాయి. ఇప్పుడు టెస్లా సంస్థ.. భారత్‌లో తమ కంపెనీ కోసం వివిధ ఉద్యోగాల ఆఫర్లను ప్రకటించింది. ఇది భారత్‌లో తమ ప్రస్థానాన్ని ప్రారంభించే ప్రక్రియలో ముందడుగుగా చెప్పవచ్చు. సోమవారం టెస్లా లింక్డ్‌ఇన్ పేజీలో ఈ మేరకు జాబ్ అడ్వటైజ్మెంట్స్ పోస్ట్ చేశారు. వాటి పూర్తి వివరాలు ఇప్పుడు చూద్దాం.

ప్రముఖ కార్ల తయారీ కంపెనీ రెనాల్ట్(Renault) భారతీయ మార్కెట్లో ప్రసిద్ధ కార్లను చాలా కాలంగా విక్రయిస్తుంది. కస్టమర్ల ఇష్టాలకు అనుగుణంగా అధునాతన ఫీచర్స్‌తో కార్లను విడుదల చేస్తూ, మెరుగైన మార్కెట్ వాటాను కలిగి ఉంది. కంపెనీ తాజాగా 2025 ట్రైబర్ (Triber), కిగర్ (Kiger) మోడళ్లను విడుదల చేసింది. పాత మోడళ్లు ఇప్పటికే మార్కెట్లో కొనుగోలుకు అందుబాటులో ఉండగా, వాటిని కంపెనీ అప్‌డేట్ చేసి తీసుకొచ్చింది. ప్రస్తుత ట్రెండ్‌కు అనుగుణంగా కస్టమర్లు పూర్తి సంతృప్తి పొందేలా వారికి ఇష్టమైన చాలా కొత్త ఫీచర్స్‌ ఈ కొత్త అప్‌డెటెడ్ కార్లలో అందించారు. రెండు ఇంజిన్లలో కూడా స్వల్పంగా మార్పులు చేశారు. E-20 ప్రమాణాలకు అనుగుణంగా ఇంజిన్లలో మార్పులు ఉన్నాయి. మిగతా ఫీచర్స్‌లలో మాత్రం ఎలాంటి మార్పులు చేయలేదని తెలుస్తుంది. ప్రస్తుతం దేశీయ మార్కెట్ల చాలా కార్లను కొత్తగా మార్చి అదిరిపోయే ఫీచర్స్‌తో అప్‌డేట్ చేసి తిరిగి తీసుకొచ్చారు.

ఈ రోజుల్లో హైబ్రిడ్ వాహనాల వినియోగం పెరుగతోంది. ఇది ఎలక్ట్రిక్ కార్లను మించి వీటిని ఎక్కువ మంది కొనుగోలు చేస్తున్నారు. మంచి మైలేజీ అందించడమే కాకుండా.. పర్యావరణానికి అనుకూలంగా ఉండడం.. ఈ హైబ్రిడ్ వాహనాల వినియోగానికి కారణాలుగా చప్పవచ్చు. అయితే.. చాలా మందికి ఈ హైబ్రిడ్ వాహనాల వినియోగం గురించి అవగాహన ఉండదు. అవి ఎలా పనిచేస్తాయో కూడా తెలియదు.

ఇటాలియన్‌కు చెందిన ప్రముఖ టూవీలర్ తయారీ కంపెనీ అప్రిలియా (Aprilia) భారత్‌లో కూడా తన వాహనాలను విక్రయిస్తుంది. ఇక్కడి లోకల్ కంపెనీలకు ప్రత్యర్థిగా నిలుస్తూ, అధునాతన మోడళ్లను భారతీయ వినియోగదారుల కోసం తీసుకొస్తుంది. తాజాగా కంపెనీ అదిరిపోయే డిజైన్‌తో సరికొత్త బైక్‌ను విడుదల చేసింది. ఈ కొత్త మోడల్ పేరు 'అప్రిలియా టువోనో 457 (aprilia tuono 457)'. ఈ బైకును అప్రిలియా బ్రాండ్ అంబాసిడర్ అయిన ప్రముఖ భారతీయ నటుడు జాన్ అబ్రహం ప్రారంభించారు. దీని ధర రూ.3.95 లక్షలుగా కంపెనీ నిర్ణయించింది.

జర్మనీకి చెందిన ప్రముఖ లగ్జరీ కార్ల తయారీ కంపెనీ ఆడి (Audi) ఇండియా మార్కెట్లో మంచి ఆదరణ కలిగిన సంస్థ. చాలా కాలంగా అధునాతన ఫీచర్స్‌ను కలిగిన మోడళ్లను విడుదల చేస్తుంది. ఎప్పటికప్పుడు ట్రెండ్‌కు అనుగుణంగా కస్టమర్లను ఆకట్టుకునే కార్లను లాంచ్ చేయడంలో ఆడి ఇండియా బాగా ప్రసిద్ధి చెందిన సంస్థ. కంపెనీ తాజాగా ఇప్పుడు సరికొత్త లగ్జరీ కారును మార్కెట్లోకి లాంచ్ చేసింది. ఈ కొత్త మోడల్ పేరు 'ఆడి ఆర్‌ఎస్ క్యూ8 పెర్ఫార్మెన్స్(audi rs q8 performance)'. ఈ కారుకు భారతీయ మార్కెట్లో భారీ డిమాండ్ నెలకొంది. దీన్ని ఇప్పటికే చాలా మంది బుకింగ్ చేసుకున్నారు. కస్టమర్లు ఈ ఆడి కారును తమ చేతుల్లోకి తీసుకోవాలంటే దాదాపు 6 నెలల సమయం వరకు వేచి ఉండాల్సి ఉంది. దీనికి కారణం రాబోయే 6 నెలల కాలానికి సంబంధించిన బుకింగ్స్ అన్ని పూర్తయ్యాయి.

భారతీయ ఆటోమొబైల్ పరిశ్రమలో ప్రయాణికుల సేఫ్టీ పరంగా అత్యుత్తమైన కార్లను తయారు చేయడంలో ప్రసిద్ది చెందిన దిగ్గజ కార్ల తయారీ కంపెనీ టాటా మోటార్స్ (Tata Motors) తాజాగా కస్టమర్లకు శుభవార్త చెప్పింది. తన ప్రసిద్ధ మోడల్ టాటా కర్వ్‌ (Tata Curvv) పై భారీ ఎత్తున తగ్గింపులు అందిస్తున్నట్లు పేర్కొంది. ఇది ఒక SUV కూపే. ఇటీవల కాలంలో మార్కెట్లో పోటీ ఎక్కువగా ఉన్న నేపథ్యంలో ఈ కారు అమ్మకాలు పెంచుకోవడానికి కస్టమర్లను ఆకర్షించడానికి కర్వ్‌ పెట్రోల్, డీజిల్, ఎలక్ట్రిక్ వేరియంట్లపై భారీ ఎత్తున డిస్కౌంట్లను ప్రకటించింది. కొత్తగా 2025 ఏడాదిలో కారును కొనుగోలు చేయాలని చూస్తున్న వారు, టాటా మోటార్స్ అందిస్తున్న తగ్గింపు ఆఫర్‌ను సద్వినియోగం చేసుకుని తక్కువ ధరలోనే అదిరిపోయే కారును కొనుగోలు చేసి తమ ఇంటికి తీసుకెళ్లవచ్చు. 2025 జనవరి నెలలో ఈ కారు మెరుగైన సేల్స్‌ను నమోదు చేసింది.

భారత్‌లో ఎలక్ట్రిక్ వాహనాల వినియోగం పెరుగుతోంది. దీంతో స్టార్టప్‌ల నుంచి మొదలుకొని అనేక వాహన తయారీ సంస్థలు తమ ఈవీలతో వినియోగదారులను ఆకట్టుకుంటూ వస్తున్నాయి. అయితే.. దిగ్గజ వాహన తయారీ సంస్థ మారుతి సుజుకి మాత్రం ఎలక్ట్రిక్ సెగ్మెంట్లోకి చాలా లేట్‌గా అడుగు పెట్టింది. ఇటీవల‌ జరిగిన భారత్ మొబిలిటీ గ్లోబల్ ఎక్స్ పో 2025లో తమ బ్రాండ్ నుంచి మొదటి ఎలక్ట్రిక్ కారు మోడల్ ఇ-విటారాను ఈ సంస్థ ఆవిష్కరించింది. దీంతో మార్కెట్‌లో ఈవీ రంగంలోకి సైతం ప్రవేశించింది.

భారత ఆటోమొబైల్ ఇండస్ట్రీలో మారుతి సుజుకి సంస్థ పేరు అందరికీ సుపరిచితమే. తరతరాలుగా ఈ కంపెనీ వాహనాలు వినియోగదారులను ఆకట్టుకుంటూ వస్తున్నాయి. గతేడాది ఈ సంస్థ నుంచి భారత మార్కెట్లో డిజైర్ పేరుతో చిన్న సెడాన్ కారు లాంచ్ అయింది. ఎక్సలెంట్ స్టీల్ స్ట్రెంత్తో వచ్చిన ఈ కారు వినియోగదారులను బాగా ఆకట్టుకుంది. అలాగే ఈ కారు క్రాష్ టెస్టులో 5-స్టార్ రేటింగ్ కూడా సాధించి ఔరా అనిపించింది. అంతేకాకుండా మంచి మైలేజీ అందించడం కూడా ఈ కారు మరో ప్రత్యేకత. కానీ ఇప్పుడు మారుతి సంస్థ ఈ డిజైర్ మోడల్‌కు సంబంధించి‌ వినియోగదారులకు ఒక షాక్ ఇచ్చింది. దీని ధర పెంచుతున్నట్లు ప్రకటించింది.

ప్రపంచ ఆటోమొబైల్ పరిశ్రమలో భారత్ పేరు మారుమోగుతుంది. ఇతర దేశాలు చాలా వరకు ఆర్థికంగా ఇబ్బంది పడుతున్నాయి. కొన్ని యుద్ధ భయాలతో అల్లాడిపోతున్నాయి. అయితే భారత్‌లో మాత్రం అంతా సైలెంట్‌గా ఉంది. అంతర్జాతీయంగా ఉన్న కఠిన పరిస్థితులను సైతం తట్టుకుని వేగంగా అభివృద్ధి చెందుతుంది. భారతీయ కార్ల మార్కెట్ ప్రస్తుతం అత్యంత సానుకూలంగా ఉంది. దీంతో వాహన తయారీదారులు ఇక్కడి మార్కెట్‌పై ఎక్కువగా ఫోకస్ చేశారు. అందుకే వరుసగా కార్లను విడుదల చేస్తున్నారు. ముఖ్యంగా ఎలక్ట్రిక్ కార్లకు డిమాండ్ బాగా ఉంది. కొత్తగా లాంచ్ అవుతున్న వాటిలో అత్యధిక భాగం ఈవీలే ఉంటున్నాయి. ఈ క్రమంలో చైనాకు చెందిన దిగ్గజ కంపెనీ Byd (బీవైడీ) ఇండియాలో కొత్తగా సీలియన్ 7 (Sealion 7) అనే అదిరిపోయే కారును విడుదల చేసింది.

నటసింహం నందమూరి బాలకృష్ణ(Bala Krishna) ఏ చేసిన కూడా ప్రత్యేకంగా ఉంటుంది. తెలుగు సినిమా పరిశ్రమలో అగ్ర హీరోల్లో ఒకరైన ఆయన ఇప్పటికి కూడా కొత్త తరం హీరోలతో పోటీ పడుతూ వరుస సినిమా హిట్లతో దూసుకుపోతున్నారు. ఆయన డైలాగ్ డెలివరీ, నటన, డ్యాన్స్‌ల గురించి ప్రత్యేకంగా చెప్పుకోవాల్సిన అవసరం లేదు. రాజకీయ నాయకునిగా ప్రజలకు సేవ చేస్తూనే, సినిమాలు కూడా చేస్తూ తన అభిమానులను అలరిస్తున్నారు. తాజాగా ఆయన నుంచి వచ్చిన 'డాకు మహారాజ్' సినిమా ఘన విజయం సాధించడంతో ప్రస్తుతం దాన్ని ఎంజాయ్ చేస్తున్నారు. అలాగే ఇటీవల కేంద్రం కూడా పద్మభూషన్ అవార్డుతో సత్కరించింది. ఇదిలా ఉంటే ఈ ఆనంద సమయంలో బాలకృష్ణ తాజాగా మ్యూజిక్ డైరెక్టర్ తమన్‌కు ఖరీదైన కారును బహుమతిగా అందించారు. ప్రస్తుతం ఇది సోషల్ మీడియాతో పాటు సినీ పరిశ్రమలో ట్రెండింగ్ టాపిక్ అయింది.

ఇండియా ఆటోమొబైల్ పరిశ్రమ ప్రపంచంలోనే వేగంగా అభివృద్ధి చెందుతుంది. ప్రస్తుతం చాలా దేశాలు తీవ్రమైన ఆర్థిక సంక్షోభంతో కొట్టుమిట్టాడుతున్నప్పటికీ భారత్ మాత్రం ఎలాంటి ఢోకా లేకుండా ఇతర దేశాలకు అందనంత వేగంతో జీడీపీ వృద్ధిని సాధిస్తుంది. మన దేశీయ వాహన పరిశ్రమ అభివృద్ధికి చాలా సానుకూల అంశాలు ఉన్నాయి. పెరుగుతున్న దేశ జనాభాకు అనుగుణంగా వాహనాల సంఖ్య పెరుగుతుంది. దీంతో దేశీయ కంపెనీలే కాకుండా అంతర్జాతీయంగా ఎంతో ప్రాముఖ్యత కలిగిన తయారీదారులు ఇండియాలో పెట్టుబడులపై బాగా ఆసక్తి చూపిస్తున్నారు. కొత్తగా తయారీ ప్లాంట్‌లను ఏర్పాటు చేయడానికి ముందుకు వస్తున్నారు. ఇక్కడే కార్లను ఉత్పత్తి చేసి వాటిని ఇతర దేశాలకు ఎగుమతి చేస్తున్నారు. ఇదే క్రమంలో రెండు దశాబ్దాల క్రితం ఇండియాలో అడుగుపెట్టిన విజయవంతమైన కార్ల తయారీదారుగా గుర్తింపు పొందిన హ్యుందాయ్ (Hyundai) భారత్ నుంచి ఇతర దేశాలకు ప్యాసింజర్ వాహనాల ఎగుమతుల పరంగా 25 ఏళ్లు పూర్తి చేసుకుంది.

దేశంలో తక్కువ ధరలో దొరికే వాహనాలను కొనేందుకు ఎక్కువ మంది ఆసక్తి చూపిస్తుంటారు. ఈ కోవలో తక్కవ ధరలో దొరికే కారుగా మారుతీ సుజుకీ ఆల్టో మంచి పేరు సంపాదించుకుంది. ఇక దాని తర్వాత చెప్పుకోవాల్సింది బజాజ్ క్యూట్. రూ.3.61 లక్షలకే అందుబాటులో ఉన్న ఈ వాహనం వినియోగదారులకు బాగా చేరువైంది.

ప్రపంచవ్యాప్తంగానే కాకుండా భారత్‌లో కూడా రోడ్డు ప్రమాదాల బారీన పడి చాలా మంది తమ ప్రాణాలను కోల్పోతున్నారు. మరికొంత మంది గాయాలతో మంచనా పడుతున్నారు. దేశంలో చోటుచేసుకుంటున్న మరణాలో ఎక్కువగా యాక్సిడెంట్ల కారణంగానే జరుగుతున్నాయి. ఈ నేపథ్యంలో కార్లను కొనుగోలు చేసే సమయంలో సేఫ్టీ పరంగా అత్యుత్తమమైన వాటిని ఎంచుకోవడం అతిముఖ్యం. ప్రస్తుతం కార్ల వినియోగం భారీగా పెరిగింది. దీంతో వాహన తయారీదారులు వరుసగా అధునాతన ఫీచర్లతో కూడిన మోడళ్లను విడుదల చేస్తున్నారు. వీటి నుంచి ప్రమాద సమయంలో రక్షణ పరంగా లోపల కూర్చున్న వారికి ఎలాంటి గాయాలు కాకుండా సేఫ్టీ అందించే కార్లను కొనడం బెస్ట్. ముఖ్యంగా 6 ఎయిర్‌బ్యాగ్‌లు ఉన్నవాటిని ఎంచుకోవడం ఉత్తమం. ఒకప్పుడు ప్రీమియం కార్లలోనే ఇవి అందుబాటులో ఉండగా, ప్రస్తుతం బడ్జెట్ ధరలో లభించే వాటిలో కూడా 6 ఎయిర్‌బ్యాగ్‌లను అందిస్తున్నారు. మార్కెట్లో ఉన్న ఈ కార్ల గురించి కింది కథనంలో తెలుసుకుందాం.

భారత్‌లోని ప్రముఖ ఆటోమొబైల్ తయారీదారు మహీంద్రా దేశీయ వినియోగదారుల కోసం అధునాతన కార్లను విడుదల చేయడంలో ఎప్పుడు కూడా ముందు స్థానంలో ఉంటుంది. కంపెనీ ఇటీవల కాలంలో ఎలక్ట్రిక్ వాహనాలను విడుదల చేయడంపై కీలకంగా దృష్టి సారించింది. అందుకే కొత్త ఈవీలను మార్కెట్లోకి తీసుకురావడానికి కృషి చేస్తుంది. గత ఏడాది మహీంద్రా(Mahindra) దేశీయ మార్కెట్లో XEV 9e, BE 6 అనే ఎలక్ట్రిక్ SUV లను విడుదల చేసింది. ఇవి మార్కెట్లోకి ఎప్పుడు వస్తాయా అని చాలా మంది ఎదురు చూస్తున్నారు. ఇవి అంతర్జాతీయ కంపెనీలతో పాటు దేశీయ కార్ల తయారీదారులకు సైతం బలమైన ప్రత్యర్థిగా నిలవబోతున్నాయి. మహీంద్రా శుక్రవారం ఈ ఎలక్ట్రిక్ ఎస్‌యూవీలకు సంబంధించిన బుకింగ్స్‌ను ప్రారంభించింది. దేశీయ వినియోగదారులు ఈ కార్లను పోటీ పడి బుకింగ్ చేసుకున్నారు.

కార్లను కొనేటప్పుడు రెండు విషయాలను ముఖ్యంగా మనం చూస్తాము. ఒకటి తక్కువ ధరలో ఉండాలి. రెండోది సేఫ్ కారు అయి ఉండాలి. ఈ రెండూ లక్షణాలతో ఉన్న కార్లకు మార్కెట్లో డిమాండ్ ఎక్కువ ఉంటుంది. అయితే... రూ.10 లక్షలలోపు ధరలో కూడా భారత్ ఎన్‌క్యాప్ క్రాష్ టెస్టులో సేఫెస్ట్ కార్లు భారత మార్కెట్లో ఉన్నాయనే విషయం చాలా మందికి తెలియదు. ఈ టెస్టులో మంచి రేటింగ్ సొంతం చేసుకున్న కార్లు సేఫ్టీ పరంగా ఉన్నతమైనవని అర్థం. మీరు ఒకవేళ రూ.10 లక్షల్లోపు ధరలో సేఫ్ కారు కోసం వెతుకుతున్నట్లయితే ఈ కథనం మీకోసమే. మీ బడ్జెట్‌లో ఏయే కార్లు అందుబాటులో ఉన్నాయో ఇప్పుడు చూసేద్దాం.

దేశంలో ఎలక్ట్రిక్ వాహనాల వాడకం పెరుగుతున్న నేపథ్యంలో అనేక స్టార్టప్ సంస్థలు ఈ రంగంలో అడుగుపెడుతున్నాయి. తమ వాహనాలతో వినియోగదారులను ఆకట్టుకున్నాయి. అలా కస్టమర్లకు బాగా చేరువైన సంస్థ ఒక గాయత్రి ఎలక్ట్రిక్ ప్రైవేట్ లిటిమెట్. ఈ సంస్థ నుంచి తాజాగా ఓ కొత్త ఎలక్ట్రిక్ ఆటో రిక్షా భారత మార్కెట్లో విడుదలైంది. సాధారణ ఆటో రిక్షా కంటే మెరుగైన ఫీచర్లు, సదుపాయాలతో ఈ ఇ-రిక్షాను తీసుకువచ్చింది గాయత్రి సంస్థ. ముఖ్యంగా ఇందులో 7+1 సీటర్ ఫెసిలిటీ దీనికి ప్రధాన ఆకర్షణగా చెప్పవచ్చు.

భారతీయ ప్రముఖ కార్ల తయారీ కంపెనీ మహీంద్రా (Mahindra) అమ్మకాలతో దూసుకుపోతుంది. ఇతర కంపెనీలకు పోటీగా అధునాతన మోడళ్లను విడుదల చేస్తూ, క్రమంగా తన మార్కెట్ వాటాను పెంచుకుంటుంది. కంపెనీ ఇటీవల వరుసగా తన అమ్మకాల వివరాలు విడుదల చేస్తుంది. ఈ క్రమంలో XUV 3XO కారుకు సంబంధించిన సేల్స్ వివరాలను వెల్లడించింది. ఇది అమ్మకాల పరంగా గణనీయంగా పురోగతి సాధించింది. ఇది గతంలో మహీంద్రా XUV300 కాగా దీన్ని ఏప్రిల్ 2024లో రీ బ్రాండ్ చేసి XUV 3XOగా తిరిగి లాంచ్ చేశారు. పాత పేరుతో ఉనప్పటి కంటే కొత్త పేరుతో విడుదల అయిన తరువాత ఈ కారు అమ్మకాలు దాదాపు 80 శాతం పెరిగినట్లు తెలుస్తుంది. రీబ్రాండ్ మోడల్‌గా విడుదల అయినప్పటి నుంచి జనవరి 2025 వరకు ఈ కాంపాక్ట్ SUV మొత్తం 85,990 యూనిట్ల సేల్స్‌ను నమోదు చేసింది.

భారతదేశంలో ప్రయాణికుల సేఫ్టీ పరంగా అత్యంత అధునాతన ప్రమాణాలతో కార్లను తయారు చేయడంలో ప్రసిద్ధి చెందిన దిగ్గజ వాహన తయారీ కంపెనీ టాటా మోటార్స్ (tata motors) గత కొన్నేళ్లుగా సాంప్రదాయ ఇంధన వాహనాలను విడుదల చేస్తూనే అదే సమయంలో ఎలక్ట్రిక్ కార్లను కూడా తీసుకొస్తూ దేశంలోనే టాప్ ఈవీ మేకర్‌గా ఉంది. కంపెనీ ఇటీవల కాలంలో ఎలక్ట్రిక్ కార్ల(ev) కోసం ఛార్జింగ్ పాయింట్లను దేశవ్యాప్తంగా అన్ని ఏరియాల్లో కూడా ఏర్పాటు చేయడానికి తీవ్రంగా కృషి చేస్తుంది. తాజాగా కంపెనీ నుంచి ఈ విషయంపై కీలక ప్రకటన వెలువడింది. ఇండియాలో ఛార్జింగ్ స్టేషన్ల ఇప్పుడు ఉన్న వాటి కంటే రెట్టింపు చేయాలని నిర్ణయించినట్లు తెలిపింది. మామూలుగా భారతదేశంలో ఎలక్ట్రిక్ కార్లను విక్రయించే సంస్థల్లో టాటా మోటార్స్ అగ్రస్థానంలో ఉంటుంది. ఈ నేపథ్యంలో తన కస్టమర్లకు ఛార్జింగ్ పరంగా ఎలాంటి ఇబ్బంది రాకూడదని వీటి సంఖ్యను పెంచాలని నిర్ణయించారు.

అంతర్జాతీయంగానే కాకుండా భారత్‌లో కూడా ప్రముఖ ప్రీమియం స్పోర్ట్స్ మోటార్‌సైకిల్ బ్రాండ్‌గా పేరుగాంచిన దిగ్గజ కంపెనీ కేటీఎమ్ (Ktm) మంచి మార్కెట్ కలిగి ఉంది. యూత్‌ను ఆకట్టుకునే విధంగా అధునాతన డిజైన్లతో కూడిన మోడళ్లను లాంచ్ చేయడంలో ఈ కంపెనీ చాలా ప్రసిద్ది చెందింది. గతంతో పోలిస్తే ఇటీవలి సంవత్సరాల్లో ఇండియాలో స్పోర్ట్స్ తరహా బైక్స్ వాడకం భారీగా పెరిగింది. దీంతో ktm వరుసగా కొత్త మోడళ్లను తీసుకొస్తూనే ఉంది. 2024 ఏడాదిలో మెరుగైన సేల్స్ సాధించిన కంపెనీ 2025లో కూడా ఇంకా ఎక్కువ సంఖ్యలో సేల్స్‌ను నమోదు చేయడానికి పలు కొత్త బైక్స్‌లను విడుదల చేయడానికి సిద్ధంగా ఉంది. అయితే కంపెనీ వీటిని తీసుకురావడానికి ముందు తన ప్రసిద్ధ స్ట్రీట్‌ఫైటర్ మోడల్ అయినటువంటి Gen-3 390 డ్యూక్‌ (390 Duke) బైక్‌పై భారీ ఎత్తున తగ్గింపు ఆఫర్ అందిస్తుంది. ఈ విషయాన్ని Ktm ఒక ప్రకటనలో తెలిపింది.

విదేశీ దిగ్గజ ఆటో మొబైల్ సంస్థ ఎంజీ మోటార్.. భారత ఎలక్ట్రిక్ కార్ మార్కెట్‌లో దూసుకుపోతోంది. ప్రత్యర్థి సంస్థలకు గట్టి పోటీ ఇస్తూ ఈ బ్రాండ్ వాహనాలు వినియోగదారులను ఆకర్షిస్తున్నాయి. ఈ సంస్థ నుంచి వచ్చిన విండ్సర్ ఈవీ.. భారత కస్టమర్ల నుంచి మంచి రెస్పాన్స్ సొంతం చేసుకుంది. పెట్రోల్ కార్ ధరలో ఈ విండ్సర్ ఈవీ.. అందుబాటులో ఉండడం దీని సేల్స్ పెరగడానికి ముఖ్య కారణంగా చెప్పవచ్చు. టాటా నెక్సాన్ ఈవీని దాటుకొని భారత్‌లో విండ్సర్ ఈవీ బెస్ట్ సెల్లింగ్ కారుగా నిలిచింది. అయితే ఎంజీ సంస్థ ప్రస్తుతం ఈ కారుకు సంబంధించి వినియోగదారులకు ఒక చిన్న మెలిక పెట్టింది. అదేంటంటే..

దిగ్గజ ఆటోమొబైల్ సంస్థ మారుతి సుజుకి గురించి అందరికీ తెలిసిందే. కొన్ని దశాబ్దాలుగా ఈ కంపెనీ కార్లు వినియోగదారులకు బాగా చేరువయ్యాయి. అయితే ఒక కారు మాత్రం మారుతి సుజుకి కంపెనీకి భారత్‌లో చేదు జ్ఞాపకాలను మిగులుస్తోంది. అదే ఆఫ్-రోడ్ SUV జిమ్నీ. మహీంద్రా థార్‌కు ఈ కారు గట్టి పోటీని ఇస్తుందని అందరూ భావించారు. కానీ అనుకున్నది ఒక్కటి అయింది ఒకటి అన్నట్లుగా మారిపోయింది ఈ జిమ్నీ పరిస్థితి. సేల్స్‌లో ఈ కారు బోల్తా పడిపోయింది. కానీ, భారత ఆర్మీలో మాత్రం ఈ కారునే ఎక్కువగా వినియోగిస్తున్నారు. పబ్లిక్‌లో ఆదరణ దక్కించుకోకపోయినప్పటికీ‌ ఈ కారును మిలిటరీలో వాడడానికి గల కారణాలేంటి?

దేశీయ ప్రముఖ టూవీలర్ తయరీదారులలో ప్రసిద్ధ కంపెనీ బజాజ్ (Bajaj) భారతీయ వినియోగదారుల కోసం చాలా ఏళ్ల క్రితం తీసుకొచ్చిన పల్సర్ మంచి ఆదరణ సంపాదించింది. ఇది హోండా, హీరో వంటి కంపెనీలకు చెందిన పాపులర్ టూవీలర్స్‌ను సైతం ఎదుర్కొని విజయవంతమైన మోడల్‌గా నిలిచింది. మార్కెట్లో పల్సర్‌కు ఉన్న డిమాండ్ కారణంగా కంపెనీ తన ఈ మోడల్‌ను ఎప్పటికప్పుడు ట్రెండ్‌కు అనుగుణంగా డిజైన్, ఫీచర్స్‌లలో మార్పులు తెస్తూ, కొత్తగా విడుదల చేస్తూనే ఉంది. గతంలో పల్సర్ NS125 మోడల్‌ను తీసుకొచ్చిన బజాజ్, తాజాగా దీనిలో కొత్తగా ABS వేరియంట్‌ను విడుదల చేసింది. బజాజ్ ఎప్పటికప్పుడు కొత్త పల్సర్ బైక్‌లను లను తన వినియోగదారులకు అందించడానికి బాగా ఇంపార్టెన్స్ ఇస్తుంది. ఎందుకంటే పల్సర్‌ బైక్‌ కంపెనీకి అమ్మకాల పరంగా అత్యంత కీలకమైన మోడల్. కొత్తగా వచ్చిన పల్సర్ NS125‌లో రైడర్లకు మరింత సురక్షితమైన డ్రైవింగ్ అనుభవాన్ని అందించడానికి ABS‌ను తీసుకొచ్చారు.

దేశంలో ఎలక్ట్రిక్ వాహనాల వినియోగం పెరుగుతున్న నేపథ్యంలో.. దిగ్గజ ఆటోమొబైల్ సంస్థ మహీంద్రా గట్టి ప్లాన్స్‌తో వచ్చేసింది. తమ బ్రాండ్ నుంచి రెండు కొత్త ఎలక్ట్రిక్ కారు మోడళ్లను లాంచ్ చేసింది. BE6, XEV9e పేరుతో వీటిని తీసుకువచ్చింది. వీటి బుకింగ్స్ ఫిబ్రవరి 14 2025 శుక్రవారం నుంచి ప్రారంభం కానున్నాయి. ఈ కొత్త వాహనాలతో భారత ఈవీ మార్కెట్లో ప్రత్యర్థి సంస్థలకు గట్టి పోటీ ఇవ్వాలని మహీంద్రా లక్ష్యంగా పెట్టుకుంది. మరి ఈ కార్లు ఎప్పుడు వినియోగదారులకు డెలివరీ అవ్వనున్నాయి?. ఈ BE 6 కారు టాటా కర్వ్ ఈవీకి పోటీగా ఉండగా.. XEV9e కారు.. BYD Auto 3 సహా త్వరలో లాంచ్ కానున్న టాటా హరియర్ ఈవీకి పోటీ ఇవ్వనుంది.

భారతదేశంలో అడ్వెంచర్ బైక్స్‌కు డిమాండ్ బాగా పెరిగింది. సోషల్ మీడియా ట్రెండ్ పెరిగిన కారణంగా చాలా మంది ఇలాంటి వాటిని కొనుగోలు చేసి టూరింగ్ లాంటివి చేస్తూ ఫేస్‌బుక్, ఇన్‌స్టాగ్రామ్ వంటి వాటిలో షేర్ చేస్తూ భారీగా ఆదాయాన్ని సంపాదిస్తున్నారు. టెక్ ఉద్యోగుల్లో పని ఒత్తిడి పెరగడం వలన దాని నుంచి బయటపడటానికి అడ్వెంచర్ బైక్స్‌‌ను కొనుగోలు చేసి వీకెండ్స్ లేదా సెలవుల సమయాల్లో లాంట్ రైడింగ్ లాంటి చేస్తున్నారు. అందుకే మార్కెట్లో ఈ తరహా బైకుల అమ్మకాలు క్రమంగా పుంజుకుంటున్నాయి. టూవీలర్ తయారీ కంపెనీలు కూడా కస్టమర్ల నుంచి వస్తున్న ఆదరణకు అనుగుణంగా ఈ మోడళ్లనే మరింత అప్‌డేట్‌గా తీసుకొస్తున్నాయి. ఈ క్రమంలో ప్రముఖ టూవీలర్ దిగ్గజం హోండా (Honda) అడ్వెంచర్ మోటార్ సైకిళ్ల విభాగంలో తన సత్తా చాటడానికి తీవ్ర ప్రయత్నాలు చేస్తుంది. అందుకే కంపెనీ తాజాగా కొత్త అడ్వెంచర్ బైక్‌ను మార్కెట్లోకి విడుదల చేసింది.