దేశంలో ఎలక్ట్రిక్ వాహనాల వినియోగం పెరుగుతున్న నేపథ్యంలో.. దిగ్గజ ఆటోమొబైల్ సంస్థ మహీంద్రా గట్టి ప్లాన్స్‌తో వచ్చేసింది. తమ బ్రాండ్ నుంచి రెండు కొత్త ఎలక్ట్రిక్ కారు మోడళ్లను లాంచ్ చేసింది. BE6, XEV9e పేరుతో వీటిని తీసుకువచ్చింది. వీటి బుకింగ్స్ ఫిబ్రవరి 14 2025 శుక్రవారం నుంచి ప్రారంభం కానున్నాయి. ఈ కొత్త వాహనాలతో భారత ఈవీ మార్కెట్లో ప్రత్యర్థి సంస్థలకు గట్టి పోటీ ఇవ్వాలని మహీంద్రా లక్ష్యంగా పెట్టుకుంది. మరి ఈ కార్లు ఎప్పుడు వినియోగదారులకు డెలివరీ అవ్వనున్నాయి?. ఈ BE 6 కారు టాటా కర్వ్ ఈవీకి పోటీగా ఉండగా.. XEV9e కారు.. BYD Auto 3 సహా త్వరలో లాంచ్ కానున్న టాటా హరియర్ ఈవీకి పోటీ ఇవ్వనుంది.

భారతదేశంలో అడ్వెంచర్ బైక్స్‌కు డిమాండ్ బాగా పెరిగింది. సోషల్ మీడియా ట్రెండ్ పెరిగిన కారణంగా చాలా మంది ఇలాంటి వాటిని కొనుగోలు చేసి టూరింగ్ లాంటివి చేస్తూ ఫేస్‌బుక్, ఇన్‌స్టాగ్రామ్ వంటి వాటిలో షేర్ చేస్తూ భారీగా ఆదాయాన్ని సంపాదిస్తున్నారు. టెక్ ఉద్యోగుల్లో పని ఒత్తిడి పెరగడం వలన దాని నుంచి బయటపడటానికి అడ్వెంచర్ బైక్స్‌‌ను కొనుగోలు చేసి వీకెండ్స్ లేదా సెలవుల సమయాల్లో లాంట్ రైడింగ్ లాంటి చేస్తున్నారు. అందుకే మార్కెట్లో ఈ తరహా బైకుల అమ్మకాలు క్రమంగా పుంజుకుంటున్నాయి. టూవీలర్ తయారీ కంపెనీలు కూడా కస్టమర్ల నుంచి వస్తున్న ఆదరణకు అనుగుణంగా ఈ మోడళ్లనే మరింత అప్‌డేట్‌గా తీసుకొస్తున్నాయి. ఈ క్రమంలో ప్రముఖ టూవీలర్ దిగ్గజం హోండా (Honda) అడ్వెంచర్ మోటార్ సైకిళ్ల విభాగంలో తన సత్తా చాటడానికి తీవ్ర ప్రయత్నాలు చేస్తుంది. అందుకే కంపెనీ తాజాగా కొత్త అడ్వెంచర్ బైక్‌ను మార్కెట్లోకి విడుదల చేసింది.

ప్రపంచవ్యాప్తంగా ఆటోమొబైల్ పరిశ్రమలో పోటీ బాగా పెరిగిపోయింది. పెద్ద టాప్ కంపెనీలు తమ మార్కెట్‌ను విస్తరించడానికి నువ్వా నేనా అన్నట్లుగా పోటీ పడుతున్నాయి. ఎవరికి వారు కస్టమర్లను ఆకట్టుకోడానికి హ్యాచ్‌బ్యాక్‌ల నుంచి మొదలుకుని Suvలు, ఎంపీవీలు మొదలగు వాటిని విడుదల చేస్తున్నాయి. ఈ నేపథ్యంలో కొన్ని కంపెనీలు అయితే కలిసిపోయి ఒకే సంస్ధగా ఏర్పడి మరి వాహనాలను ఉత్పత్తి చేసి, వ్యాపారాన్ని పెంచుకుంటున్నాయి. ఈ క్రమంలో వాహన తయారీలో అంతర్జాతీయంగా పేరుగాంచిన జపాన్ కార్ల సంస్థలు హోండా(Honda), నిస్సాన్(Nissan) రెండు కలిసి ఒకే సంస్థగా మారి ప్రపంచంలోనే అతిపెద్ద కార్ల మార్కెట్ కలిగిన కంపెనీగా అవతరించాలని ప్రయత్నాలు చేశాయి. ఇంతకుముందు ఈ రెండు సంస్థల మధ్య విలీనం కోసం చర్చలు కూడా జరిగాయి. అయితే తాజాగా వచ్చిన సమాచారం ప్రకారం, ఇప్పుడు ఈ చర్చలు విఫలమయ్యాయని తెలుస్తుంది.

ట్రావెలింగ్ సమయంలో, డ్రైవింగ్ చేస్తున్నప్పుడు సీటు బెల్టు పెట్టుకోవాల్సి ఉంటుంది. దీనిపై ట్రాఫిక్ పోలీసులే కాదు, ఇంట్లో వాళ్లు తమ కుటుంబ సభ్యులకు నిత్యం గుర్తు చేస్తూ ఉంటారు. అయితే చాలా మంది ఈ మాటను నిర్లక్ష్యం చేస్తూ ఉంటారు. ఫలితంగా ప్రాణాలు కోల్పోయే పరిస్థితిని తెచ్చుకుంటారు. ఇలాంటి ఒక ఘటన తాజాగా జరిగింది. సీటు బెల్టు ప్రాముఖ్యాన్ని తెలియజెప్పే ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది. ఈ వీడియోలో హోండా సిటీ, హ్యూందాయ్ వెర్నా కార్లు ఒకదానికొకటి ఎదురెదురుగా ఢీకొని పెద్ద ప్రమాదమే సంభవించింది. ఆ తర్వాత ఏం జరిగిందంటే..

సాధారణంగా బస్సులు, ట్రక్కులు వంటివి రోడ్డు మీద ప్రయాణించే వాహనాలు దారి తప్పి పోవడం జరుగుతుంది. తెలియని కొత్త ప్రాంతాలకు వెళ్లినప్పుడు పొరపాటున ఇలా అవుతుంది. అయితే తాజాగా ఒక రైలు దారి తప్పి అది వెళ్లాల్సిన మార్గంలో కాకుండా వేరే మార్గంలో ప్రయాణించిన ఘటన తాజాగా చోటు చేసుకుంది. ప్రస్తుతం ఈ ఘటనకు సంబంధించిన న్యూస్ సోషల్‌మీడియాలో తెగ వైరల్ అవుతుంది. అదే సమయంలో రైల్వే సిబ్బంది తప్పిదం కూడా బయటపడింది. అదృష్టం కొద్ది ఈ ఘటనలో ఎలాంటి ప్రమాదం సంభవించలేదు. ఇప్పటికే రైలు ప్రమాదాలను తగ్గించడానికి కీలక జాగ్రత్తలు తీసుకుంటున్న సమయంలో ఈ ఘటన మరో చర్చకు దారి తీసింది. దారి తప్పిన రైలు కారణంగా ఎవరికి ఏం కాకపోవడంతో సిబ్బంది అంతా ఊపిరి పీల్చుకున్నారు

ఇండియాలో రైల్వే రంగం కొత్త పుంతలు తొక్కుతోంది. ప్రపంచదేశాల్లో ఇప్పటికే ఉన్నటువంటి రాకెట్ వేగంతో దూసుకుపోయే హై స్పీడ్ రైళ్లను దేశంలో క్రమంగా తీసుకొస్తున్నారు. దీని కోసం భారత ప్రభుత్వం ప్రత్యేకంగా చొరవ తీసుకుని హై-స్పీడ్ రైలు కారిడార్లను అభివృద్ధి చేస్తుంది. వందే భారత్ వంటి రైళ్లు, సాధారణ రైళ్లు ప్రయాణించే రైలు పట్టాల మాదిరిగా కాకుండా హై-స్పీడ్ ప్రయాణించాలంటే ప్రత్యేకంగా కారిడార్లను ఏర్పాటు చేయాల్సి ఉంది. ఈ నేపథ్యంలో కేంద్రం వీటి అభివృద్ధి కోసం భారీగా నిధులను సైతం కేటాయిస్తుంది. ఇప్పటికే ముంబై-అహ్మదాబాద్ హై-స్పీడ్ కారిడార్‌ను సిద్ధం చేస్తున్నారు. ఈ రైలు రాక ద్వారా ప్రయాణ సమయం చాలా వరకు తగ్గిపోతుంది. ఇవి విమాన ప్రయాణంతో పోటీపడి మరి ప్రయాణిస్తాయి. హై-స్పీడ్ రైళ్లను దేశం అంతటా విస్తరించడానికి కేంద్రం కీలకంగా దృష్టి సారించింది. ఇందులో భాగంగా దక్షిణ భారతదేశంలో కొత్త కారిడార్లను ఏర్పాటు చేయడానికి సిద్ధం అయింది.

భారత్‌లో సాధారణ కార్లతో పోలిస్తే లగ్జరీ కార్లకు డిమాండ్ కాస్త తక్కువగానే ఉంటుంది. ఎందుకంటే చాలా మంది వినియోగదారులు తక్కువ ధరలో కొనేందుకు ఎక్కువ ఆసక్తి చూపిస్తుంటారు. ఈ పరిస్థితుల్లో ప్రముఖ వాహన తయారీ సంస్థ నిస్సాన్... తమ లగ్జరీ ఎస్‌యూవీ నిస్సాన్ ఎక్స్-ట్రయల్ కారుతో కష్టాలు ఎదుర్కొంటోంది. సేల్స్‌లో ఈ కారు రోజురోజుకు దిగజారిపోతోంది. టయోటా ఫార్చ్యూనర్ వంటి కార్లు దీనికి పోటీగా ఉన్న నేపథ్యంలో ఇది వినియోగదారులకు చేరువయ్యేందుకు చాలా శ్రమించాల్సి వస్తోంది. 2025 జనవరి నెలలో ఈ కారును ఏ ఒక్కరూ కూడా కొనుగోలు చేయలేదు. పైగా.. ఆరు నెలల వ్యవధిలో కారు అమ్మకాలు 22 యూనిట్లుగానే ఉన్నాయి.

ప్రయాణికుల సేఫ్టీకి సంబంధించి అత్యున్నత ప్రమాణాలతో కూడిన కార్లను విడుదల చేయడంలో ఇండియాలో ప్రసిద్ధి చెందిన ప్రముఖ వాహన తయారీ కంపెనీ టాటా మోటార్స్(tata motors) 2025 ఏడాదిలో తన హవాను చూపించడానికి సిద్ధమైంది. ఇటీవల దేశరాజధాని ఢిల్లీలో జరిగిన భారత్ మొబిలిటీ గ్లోబల్ ఎక్స్‌పో ఈవెంట్‌లో రెండు SUVలు హారియర్ స్టీల్త్ ఎడిషన్ ( Harrier Stealth Edition), సఫారీ స్టీల్త్ ఎడిషన్ (Safari Stealth Edition) మోడళ్లను ఆవిష్కరించగా, ఇప్పుడు వాటిని మార్కెట్లోకి విడుదల చేసింది. ఇవి ప్రస్తుతం వినియోగదారులకు కొనుగోలుకు అందుబాటులో ఉన్నాయి. వీటితో పాటు ఇదే ఆటో ఎక్స్‌పోలో టాటా మోటార్స్ నెక్సాన్ EV, సఫారీ, హారియర్ బందీపూర్ ఎడిషన్‌లను కూడా ప్రదర్శించింది. ఇవన్నీ కూడా సందర్శకులను బాగా ఆకట్టుకున్నాయి. వీటిలో సఫారీ, హారియర్ స్టీల్త్ ఎడిషన్లను తాజాగా కస్టమర్ల చెంతకు తీసుకువచ్చింది.

ప్రముఖ టూవీలర్ తయారీ కంపెనీ హోండా (Honda) మోటార్ ఇండియా దేశంలో స్కూటర్స్, బైక్స్‌ల విభాగంలో అగ్రస్థానంలో ఉంది. ఈ కంపెనీకి చెందిన వాహనాలు దేశంలో ఢిల్లీ నుంచి గల్లి వరకు కూడా కనిపిస్తాయి. సాధారణంగా ఇండియాలో మధ్యతరగతి జనాభా ఎక్కువగా ఉంటారు. ఎక్కువ డబ్బులు చెల్లించి బైకులను కొనుగోలు చేయలేని వారు తక్కువ ధరలో లభించేటువంటి హోండా టూవీలర్స్‌ను అధికంగా ఎంచుకుంటారు. ఈ కంపెనీ మోడళ్లు ప్రధానంగా తక్కువ ధరలో లభించడమే కాకుండా మైలేజ్ విషయంలో కూడా బాగా ఇస్తాయి. దేశంలో ప్రస్తుతం పెట్రోల్ రేట్లు రూ.110 కి దగ్గరగా ఉంది. ఇప్పటికే నిత్యావసరాల ధరలు ఎక్కువగా ఉండి పేద, మధ్యతరగతి వారు తీవ్రంగా ఇబ్బంది పడుతున్నారు. అలాంటిది భారీ ధరకు లభిస్తున్న పెట్రోల్ కొనుగోలు చేయడం అంటే మరింత ఆర్థిక భారం అవుతుంది. రోజువారి ప్రయాణాలు చేసే వారి పరిస్థితి దారుణంగా ఉంటుంది.

తక్కువ ధరలో దొరికే కార్లను కొనేందుకు గతంలో ఎక్కువమంది ఇంట్రెస్ట్ చూపిస్తూ ఉండేవారు. అయితే ప్రస్తుతం భారత మార్కెట్లో.. చాలా కార్లు ఖరీదైనవే ఉంటున్నాయి. రూ 10 లక్షల కంటే తక్కువగా ఉండే కార్లు దొరకడం ప్రస్తుతం అరుదుగా ఉన్నాయని మాత్రమే చెప్పవచ్చు. దీంతో అందరూ ఖరీదైన కార్ల పైనే దృష్టి పెడుతుండగా తక్కువ ధరలో దొరికే కార్లకు డిమాండ్ తగ్గిపోయింది. దీనిపై దిగ్గజ ఆటోమొబైల్ సంస్థ మారుతి సుజుకి గతంలో తమ ఆందోళన వ్యక్తం చేసింది. ఎందుకంటే.. తక్కువ ధరలో లభించే తమ మారుతి సుజుకి ఎస్-ప్రెస్సో కారు సేల్స్.. దీనివల్ల బాగా దెబ్బతిన్నాయి. ఈ 2025 జనవరి నెలలో ఈ అమ్మకాలు మరింతగా పడిపోయాయి.

ప్రముఖ టూవీలర్ తయారీ కంపెనీ హోండా (Honda)కు ఇండియాలో ఎంత పెద్ద మార్కెట్ ఉందో అందరికీ తెలిసిందే. మధ్యతరగతి వినియోగదారులకు అందుబాటులో ఉండే విధంగా బైక్స్, స్కూటర్లను విడుదల చేయడంలో ఇది బాగా ప్రసిద్ధి చెందిన సంస్థ. తక్కువ ధరలో రోజువారీ ప్రయాణాలకు అవసరమయ్యే మోడళ్లను భారతీయ వినియోగదారులకు అందించడంలో హోండా కంపెనీకి మంచి పేరుంది. దేశంలో హోండా యాక్టివా స్కూటర్ ప్రస్తుతం అత్యంత డిమాండ్ ఉన్న మోడల్. మార్కెట్లోకి ఎన్ని స్కూటర్ మోడళ్లు వచ్చినప్పటికి యాక్టివాకు ఏమాత్రం డిమాండ్ తగ్గడం లేదు. కంపెనీ సైతం దీన్ని ఎప్పటికప్పుడు మారుతున్న కాలానికి అనుగుణంగా అప్‌డేట్ చేస్తూ మరి తీసుకొస్తుంది. స్కూటర్ విభాగంలోనే కాకుండా బైక్స్‌లలో కూడా ఇది బాగా ప్రసిద్ది చెందిన సంస్థ.

దిగ్గజ ఆటోమొబైల్ సంస్థ టాటా మోటార్స్ గురించి ప్రత్యేకంగా చెప్పాల్సిన పని లేదు. ఎన్నో ఏళ్లుగా ఈ బ్రాండ్ కార్లు వినియోగదారులను ఆకట్టుకుంటూనే వస్తున్నాయి. వాటిల్లో బాగా పాపులర్ అయిన సబ్-కాంపాక్ట్ ఎస్‌యూవీ టాటా నెక్సాన్. లాంచ్ అయినప్పటి నుంచి ఈ కారు కస్టమర్లను బాగా ఆకర్షించడమే కాకుండా.. టాటా సంస్థకు బోలెడన్ని లాభాన్ని కూడా తెచ్చిపెట్టింది. ఇప్పుడు ఈ మోడల్‌లో నెక్స్ట్-జనరేషన్ మోడల్‌ను వినియోగదారుల ముందుకు తీసుకువచ్చేందుకు సిద్ధమవుతోంది టాటా సంస్థ. 'Garut' పేరుతో రానున్నట్లు తెలుస్తున్న ఈ కారు 2027 నాటికి మార్కెట్లోకి అందుబాటులోకి వచ్చే అవకాశం ఉంది. ప్రస్తుతం మార్కెట్లో ఉన్న నెక్సాన్.. టాటా లైన్‌-అప్‌లో పంచ్ కారు తర్వాత బెస్ట్-సెల్లింగ్ మోడల్‌గా కొనసాగుతోంది. దీనికి సంబంధించిన పూర్తి వివరాలు, స్సెసిఫికేషన్స్‌ తదితర అంశాలకు సంబంధించిన వివరాలు ఈ కథనంలో..

ప్రసిద్ధ కార్ల తయారీ కంపెనీ టయోటా (Toyota) ఎలక్ట్రిక్ వాహనాల్లో కూడా తన సత్తాను చాటడానికి సిద్ధమైంది. త్వరలోనే ఈ కంపెనీ తొలి ఎలక్ట్రిక్ కారును విడుదల చేయడానికి సిద్ధంగా ఉంది. ఇప్పటికే టాటా మోటార్స్, మహీంద్రా వంటి కంపెనీలు ఈవీ విభాగంలో దూకుడుగా ఉన్నాయి. గత ఏడాది అనేక ఎలక్ట్రిక్ కార్లను లాంచ్ చేయగా, ఈ 2025 ఏడాదిలో కూడా ఇవి మరిన్ని ఈవీ మోడళ్లను తీసుకురావడానికి ముందుగానే ప్రణాళికలు సిద్ధం చేసుకున్నాయి. ఇప్పటికే అతిపెద్ద కార్ల తయారీదారు అయిన మారుతీ సుజుకీ (Maruti Suzuki) కూడా తన మొట్టమొదటి ఎలక్ట్రిక్ SUV, e-Vitara కారును తీసుకొచ్చింది. దీన్ని జనవరిలో జరిగిన ఆటో ఎక్స్‌పో 2025లో కూడా ఆవిష్కరించింది. త్వరలోనే ఇది వినియోగదారుల వద్దకు చేరడానికి సిద్దంగా ఉంది.

భారత్‌లో అడ్వెంచర్ టూరింగ్ బైకులకు డిమాండ్ ఎక్కువగా ఉంది. ఇటీవల కాలంలో చాలా మంది బైక్స్‌తో లాంగ్ టూర్లకు, ఆఫ్‌రోడ్ రైడింగ్‌లకు ఇంట్రెస్ట్ చూపిస్తుండటంతో ఇలాంటి మోడళ్లు ఇప్పుడు మార్కెట్లోకి వరుసగా విడుదల అవుతున్నాయి. బైకుల రారాజు రాయల్ ఎన్‌ఫీల్డ్ హిమాలయన్ వంటి బైక్స్‌తో పాటు జపనీస్ టూవీలర్ తయారీదారు సుజుకీకి కూడా పలు మోడళ్లను విక్రయిస్తుంది. అయితే హిమాలయన్ మోడల్ దేశీయంగా బాగా అమ్ముడుపోతున్న అడ్వెంచర్ టూరింగ్ బైకుల జాబితాలో ముందు స్థానంలో ఉంటుంది. ఈ క్రమంలో దీనికి పోటీగా సుజుకీకి(Suzuki) చెందిన ఇదే తరహా బైక్ 250cc అడ్వెంచర్ టూరర్ V-Strom SX ప్రస్తుతం అమ్మకానికి అందుబాటులో ఉంది. ఈ బైక్‌ను ఆఫ్ రోడ్ రైడింగ్‌లకు అత్యంత అనువైన మోడల్ అని సుజుకీ పేర్కొంది. హైవే మార్గాల్లో టూరింగ్‌కు ప్లాన్ చేసిన వారికి కూడా ఇది బెస్ట్ ఆప్షన్.

దేశంలో ఎలక్ట్రిక్ వాహనాల వాడకం విపరీతంగా పెరిగిపోతున్న నేపథ్యంలో అనేక వాహన తయారీ సంస్థలు తమ ఈవీలతో పోటీ పడుతున్నాయి. అయితే దిగ్గజ ఆటోమొబైల్ సంస్థ మారుతి సుజుకి మాత్రం ఇంకా ఈ రేసులోకి ఎంట్రీ ఇవ్వలేదు. కానీ త్వరలోనే తమ తొలి ఎలక్ట్రిక్ వాహనం అయిన ఇ-విటారాను లాంచ్ చేసి పోటీ‌ పెంచేందుకు సిద్ధమవుతోంది. మారుతి సుజుకి తొలి ఎలక్ట్రిక్ వాహనమైన ఇ-విటారా కారును దేశవ్యాప్తంగా అన్ని డీలర్‌షిప్‌లలో లాంచ్ చేయనుంది. దీని ద్వారా ఈవీ సెగ్మెంట్‌లో తమ సత్తా చాటాలని ఈ సంస్థ భావిస్తోంది. ఈ కారు విశేషాలు ఏంటో ఇప్పుడు చూసేద్దాం

దిగ్గజ కార్ల తయారీ కంపెనీ హ్యుందాయ్ (Hyundai) దేశంలో ఇటీవల కొత్త మోడళ్లను తీసుకురావడంపై కీలకంగా దృష్టి సారించింది. ఆటోమొబైల్ పరిశ్రమలో విపరీతమైన పోటీ కారణంగా వీలైనంత వేగంగా కొత్త కార్లను విడుదల చేయడానికి ప్రయత్నాలు చేస్తూనే అదే సమయంలో తన పాత మోడళ్లను ట్రెండ్‌కు అనుగుణంగా కొత్తగా మార్పులు చేసి మార్కెట్లోకి తీసుకురావడానికి కూడా కృషి చేస్తుంది. ఇప్పటికే కొన్నింటిని పూర్తిగా అప్‌డేట్ చేసి విడుదల చేయగా అవి చాలా వరకు సక్సెస్ అయ్యాయి. అమ్మకాల పరంగా మెరుగ్గా ఉన్నాయి. మిడ్-సైజ్ SUV మార్కెట్లో అగ్రగామి అయిన హ్యుందాయ్ తన క్రెటా కారును కొత్తగా అప్‌డేట్ చేసి విడుదల చేయడానికి సిద్ధం అయింది. ఈ మోడల్‌ను ఇప్పటికే పలు దఫాలుగా అనేక మార్పులకు లోనవగా, ఇప్పుడు దీని మూడవ తరం మోడల్‌ను సైతం తీసుకురావడానికి ప్రణాళికలు చేస్తుంది. క్రెటా కారుకు భారతీయ వినియోగదారుల్లో మంచి ఆదరణ ఉంది.

భారత అతిపెద్ద కార్ల తయారీ కంపెనీ మారుతీ సుజుకీ ఇండియా (Maruti Suzuki India) పేద, మధ్య తరగతి వినియోగదారులకు అనుకూలంగా ఉండే విధంగా తక్కువ ధరలో కార్లను విడుదల చేయడంలో చాలా ప్రసిద్ధి చెందిన సంస్థ. అందుబాటు ధరలో మంచి కారును కొనుగోలు చేయాలని అనుకుంటున్న వారు ఈ కంపెనీకి చెందిన మోడళ్లను ఎక్కువగా ఎంచుకుంటారు. ఇదిలా ఉంటే ఇటీవల మారుతీ వరుసగా తన కార్ల అమ్మకాల వివరాలను విడుదల చేస్తుంది. తాజాగా తన ప్రసిద్ధ మోడల్ ఆల్టో కె10 (Alto K10)కు సంబంధించి 2025 జనవరి సేల్స్ డేటాను వెల్లడించింది. మారుతీ వెల్లడించిన దాని ప్రకారం, ఈ కారు అమ్మకాలు ఈ నెలలో 11,352 యూనిట్లుగా ఉన్నాయి. ప్రస్తుతం మార్కెట్లో ఇదే కంపెనీ చెందినటువంటి ఆఫ్‌రోడ్ కింగ్ జిమ్నీ, S-ప్రెస్సో, సెలెరియో వంటి మోడళ్ల కంటే కూడా ఆల్టో కారు మెరుగైన సేల్స్ సాధించడం గమనార్హం.

దేశంలో ఇంధన ధరల భారం పెరిగిపోతోంది. చాలామంది తమ సంపాదనలో ప్రతినెల కొంత ఫ్యూయల్ ఖర్చులకోసం తీసి పక్కన పెడుతూ ఉంటారు. సాధ్యమైనంత మేర ఈ ఖర్చులను తగ్గించుకునే ప్రయత్నం చేస్తూ ఉంటారు. ఇక ఫ్యూయల్ ఖర్చులతో పాటు.. మనం వాడే కారు మెయింటెనెన్స్ ఖర్చులు కూడా అదనంగా ఉంటాయి. మనం మన కారు సరిగ్గా సర్వీసు చేయించకపోతే ఈ ఫ్యూయల్ భారం మరింత పెరిగే అవకాశం ఉంటుంది. అయితే కొన్ని జాగ్రత్తలు పాటించడం వల్ల ఈ ఖర్చుల్లో చాలావరకు మనం ఆదా చేసుకోవచ్చు. అంటే దీన్నిబట్టి కారు మెయింటెనెన్స్‌కు, దాని ఫ్యూయల్ కన్సంప్షన్‌కు మధ్య సంబంధం ఉంటుందనేది తెలుస్తుంది. అయితే ఈ కథనంలో ఫ్యూయల్ కాస్ట్ తగ్గించుకోవడానికి ఉండే అవకాశాలు ఏంటో చూసేద్దాం.

మరో రెండు రోజుల్లో ప్రేమికుల దినోత్సవం రాబోతుంది. ప్రతి ఏడాది లాగే ఈ ఫిబ్రవరి 14న వాలెంటైన్స్ డేను తమకు ఇష్టమైన వారితో ఎంతో సంతోషంగా జరుపుకోడానికి అందరు సిద్ధంగా ఉన్నారు. ప్రపంచవ్యాప్తంగా ప్రేమికులు ఈ రోజు కోసం ఏడాది పాటు వేచి ఉంటారు. తమ ప్రేమను అవతలి వారికి వ్యక్తం చేయడానికి వాలెంటైన్స్ డేను పెద్ద పండుగగా జరుపుకుంటారు. ఈ రోజున ప్రేమికులు ప్రేమగా ఒకరికొకరు బహుమతులను ఇచ్చుపుచ్చుకుంటారు. అవతలి వారిని ఆకట్టుకునే విధంగా గిఫ్ట్‌లను ఎంచుకోవాలని చూస్తారు. స్నేహితురాలు లేదా మీ భార్యకు పెద్ద బహుమతి ఇవ్వాలని ప్లాన్ చేసుకుంటున్న వారికి మార్కెట్లో చాలా రకాల బహుమతులు అందుబాటులో ఉన్నాయి. వారిని పెద్ద సర్‌ప్రైస్ విధంగా గిఫ్ట్ ఇవ్వాలని అనుకుంటున్న వారికి స్కూటర్ సరైన బహుమతి అవుతుంది.

ఇండియా మార్కెట్ ప్రపంచ ఆటోమొబైల్ పరిశ్రమకు అత్యంత కీలకమైంది. అంతర్జాతీయంగా బాగా ప్రసిద్ది చెందిన వాహన తయారీ కంపెనీలు భారత్‌ వైపు చూస్తున్నాయి. చాలా దేశాలు ఆర్థిక సంక్షోభంతో కొట్టుమిట్టాడుతున్నప్పటికీ భారత్ మాత్రం అన్నింటిని తట్టుకుని బలంగా నిలబడి బాగా వృద్ధి చెందుతుంది. ముఖ్యంగా దేశ జీడీపీ వృద్ధి చెందడానికి ప్రధానంగా వాహన పరిశ్రమ అత్యంత కీలకంగా ఉంది. దేశీయంగా ఉన్న పలు సానుకూల అంశాల కారణంగా తయారీదారులు తమ మార్కెట్‌ను బాగా విస్తరించుకుంటున్నారు. ఈ తరుణంలో టాటా మోటార్స్, మారుతీ సుజుకీ వంటి కంపెనీలు పోటీ పడి మరి కొత్త మోడళ్లను విడుదల చేస్తుండగా, అంతర్జాతీయంగా ఉన్న కంపెనీలు కూడా ఇప్పుడు వీటికి పోటీగా అధునాతన కార్లను లాంచ్ చేస్తున్నాయి. మధ్యతరగతి వినియోగదారుల కోసం మాత్రమే కాకుండా లగ్జరీ కార్ల వినియోగదారుల కోసం కూడా అదిరిపోయే మోడళ్లు దేశంలో విడుదల అవుతున్నాయి.

భారత మార్కెట్లో కార్లలో హ్యాచ్‌బ్యాక్ సెగ్మెంట్‌దే ఒకప్పుడు అగ్ర తాంబూలం. అయితే.. కొన్ని సంవత్సరాలుగా హ్యాచ్‌బ్యాక్‌లపై ఆదరణ తగ్గిపోతూ వస్తోంది. వీటి స్థానాన్ని క్రమక్రమంగా ఎస్‌యూవీలు భర్తీ చేసేందుకు ప్రయత్నిస్తున్నాయి. అయినప్పటికీ.. హ్యాచ్‌బ్యాక్‌లను ఇష్టపడే వారి సంఖ్య అధికంగానే ఉంటోంది‌. అనేక దిగ్గజ వాహన తయారీ సంస్థలు ఇప్పటికీ ఈ సెగ్మెంట్లో వివిధ మోడళ్లతో మార్కెట్లో సందడి చేస్తున్నాయి. వాటిల్లో.. టయోటా గ్లాంజా హ్యాచ్‌బ్యాక్‌ గురించి ప్రత్యేకంగా చెప్పుకోవాలి. వినియోగదారులను బాగా ఆకట్టుకుంటున్న ఈ కారు సేల్స్‌లో దూసుకెళ్లిపోతోంది. సేల్స్ విషయంలో టయోటా గ్లాంజా సరికొత్త మైలురాయి‌ని దాటింది. ఆ విశేషాలు చూసేద్దాం.

భారత ఆటోమొబైల్ ఇండస్ట్రీలో.. విదేశీ కంపెనీల వాహనాలు కొన్ని చాలా పాపులర్ అయ్యాయి. అలాంటి వాటిల్లో ఒక కంపెనీ వెస్పా. ఇటలీకి చెందిన ఈ కంపెనీ స్కూటర్లు భారత కస్టమర్లను ఎన్నో ఏళ్లుగా విపరీతంగా ఆకట్టుకుంటూ వస్తున్నాయి. ఇప్పుడు వినియోగదారులకు మరింత చేరువ కావడం కోసం ఈ స్కూటర్లో కొన్ని కొత్త మోడళ్లను తీసుకురానుంది. అధునాతన ఫీచర్లు జోడించి వీటిని అందుబాటులోకి తేనుంది. వాటి పూర్తి విశేషాలు ఇప్పుడు చూద్దాం. వెస్పా స్కూటర్లు భారత మార్కెట్లో ఖరీదైన స్కూటర్లుగా పేరుగాంచాయి. ఈ బ్రాండ్ నుంచి ఇతర స్కూటర్ల తరహాలోనే ఈ 2025 మోడళ్లలో కూడా మంచి ఫీచర్లు ఉండడమే కాకుండా కొత్త సాంకేతికతను ఈ సంస్థ వినియోగించింది.

భారత్‌లో 7- సీటర్ కార్ల వినియోగం పెరుగుతోంది. ఫ్యామిలీతో కలిసి బయటకు వెళ్లేందుకు.. పెద్ద కారు అయితే బాగుంటుందని చాలామంది భావిస్తున్నారు. అందుకే ఏరి కోరి మరీ వీటిని కొనుగోలు చేస్తున్నారు. అయితే సాధారణ కార్ల కంటే.. వీటి ధరలు అధికంగా ఉండడం చాలామందిని కొనుగోలులో వెనుకడుగు వేసేలా చేస్తోంది. ఇలాంటి సమస్యకు సమాధానం చెబుతూ దిగ్గజ ఆటోమొబైల్ సంస్థ మారుతి సుజుకి.. తమ ఎర్టిగా మోడల్ కారును అందుబాటు ధరలో తీసుకువచ్చింది. దీన్ని "వ్యాల్యూ ఫర్ మనీ" కారుగా చెప్పొచ్చు. అధునాతన ఫీచర్లు కూడా ఇందులో ఉన్నాయి. పూర్తి విశేషాలు ఇప్పుడు చూద్దాం.

భారతదేశం ఇప్పుడు ఎలక్ట్రిక్ వాహనాలకు అతిపెద్ద గమ్యస్థానంగా ఉంది. ప్రపంచంలోని చాలా దేశాల్లో లేని సానుకూలతలు భారత్‌లో ఉండటం కారణంగా అంతర్జాతీయ కంపెనీలు మన దగ్గరే ప్లాంట్‌లను ఏర్పాటు చేయడానికి ముందుకు వస్తున్నాయి. భారత్ ఈవీ భవిష్యత్తుకు అతిపెద్ద మార్కెట్‌గా అవతరించింది. ఇక్కడ ఎలక్ట్రిక్ వాహనాల వినియోగం భారీగా పెరిగింది. ముఖ్యంగా గత ఏడాది అమ్మకాలను చూసినట్లయితే గతంలో కంటే కూడా 2024లో ఈవీ సెగ్మెంట్‌లో అన్ని వాహనాల విక్రయాలు ఓ రేంజ్‌లో పెరిగాయి. ప్రస్తుతం మార్కెట్లోకి కొత్త మోడళ్ల రాక ఎక్కువ అయింది. దేశీయ, అంతర్జాతీయ కంపెనీలు పోటా పోటీగా అధునాతన కార్లను లాంచ్ చేస్తూ తమ మార్కెట్‌ను వేగంగా విస్తరించుకుంటున్నాయి. ఇదే క్రమంలో ప్రముఖ కార్ల తయారీ దారు అయిన ఎంజీ (MG) కూడా ఈవీలను విడుదల చేస్తూ తన సత్తాను చాటుకుంటుంది. గతంలో తీసుకొచ్చిన విండ్సర్ (windsor) అమ్మకాల పరంగా దుమ్ములేపుతుంది.