మారుతి మాస్టర్ ప్లాన్.. ఎలక్ట్రిక్ కారుకు 10 ఏళ్ల వారంటీ.. ఇక పోటీదారులకు చుక్కలే!

భారతదేశపు ఎలక్ట్రిక్ ప్యాసింజర్ వెహికల్ మార్కెట్‌లో టాటా, మహీంద్రా, ఎంజీ దూసుకుపోతున్నాయి. దేశంలోనే అత్యధికంగా అమ్ముడయ్యే ఎస్‌యూవీ క్రెటా కూడా ఎలక్ట్రిక్ అవతారంలో వచ్చేసింది. కానీ అందరూ ఎదురుచూస్తున్నది మాత్రం మారుతి సుజుకి ఎంట్రీ కోసమే.

కస్టమర్ నమ్మకాన్ని కోల్పోతున్న ఎస్-ప్రెస్సో..? విక్రయాల్లో భారీ క్షీణత!

భారతదేశంలో మారుతీ సుజుకీ బ్రాండ్ అంటేనే చాలా మందికి పేదల బడ్జెట్‌కు అనుగుణంగా తక్కువ ధరలో కార్లను విడుదల చేసే తయారీ కంపెనీగా పేరుంది. అనుకూలమైన ధర, నిర్వహణ ఖర్చులు తక్కువ స్థాయిలో ఉండటం, ఎక్కువ మైలేజ్ ఇవ్వడం వల్ల మారుతీ సుజుకీ కార్లను జనాలు సాధారణంగా ఎగబడి మరి కొంటున్నారు. ఇటీవల మార్చి నెల ముగిసిన నేపథ్యంలో కంపెనీ తన సేల్స్ వివరాలను విడుదల చేస్తుంది. ఈ క్రమంలో ఎస్-ప్రెస్సో (S-Presso)కు సంబంధించిన అమ్మకాల గణంకాలను వెల్లడించింది. ఈ కారు వినియోగదారులను ఆకర్షించడంలో చాలా ఇబ్బంది పడుతుంది. బలమైన పోటీ నేపథ్యంలో ఎస్-ప్రెస్సో ఆశించిన స్థాయిలో నిలబడలేకపోయింది.

కేటీఎమ్‌కు చెక్ పెట్టేందుకు టీవీఎస్ సంచలనం.. కొత్త అపాచే RR 310 వచ్చేసింది!

మనదేశంలో స్పోర్ట్స్ బైక్ సెగ్మెంట్‌లో టీవీఎస్ విడుదల చేసిన ఓ సెన్సేషన్ అపాచీ RR 310. మార్కెట్‌లో ఇది పెద్దగా సంచలనం సృష్టించలేకపోయినా తనకంటూ ఒక ప్రత్యేక గుర్తింపు తెచ్చుకుంది. చాలామంది దీనిని 'పేదల డుకాటీ' అని ముద్దుగా పిలుచుకుంటారు. వినియోగదారుల అవసరాలను ఎప్పటికప్పుడు గుర్తిస్తూ మార్పులు చేయడంలో టీవీఎస్ ముందుంటుంది.

హోండా అదిరిపోయే ఆఫర్.. యాక్టివా కొంటే మూడేళ్లు ఫ్రీ.. అదనంగా రూ.5,500కూడా

స్కూటర్ల రారాజు హోండా యాక్టివా గురించి ప్రత్యేకంగా చెప్పాల్సిన పనిలేదు. ఏ గెయిర్ లెస్ స్కూటర్ కొనాలన్నా చాలామంది మొదటిగా అడిగేది 'యాక్టివా తీసుకున్నావా?' అనే! కైనెటిక్ హోండా తర్వాత దేశంలో విప్లవం సృష్టించిన ఈ మోడల్ ఇప్పటికీ హాట్ కేక్‌లా అమ్ముడవుతోంది.
Advertisement

మారుతీ సెలెరియోకు ఝలక్! అమ్మకాల్లో భారీ తగ్గుదల

ప్రసిద్ధ కార్ల తయారీ కంపెనీ మారుతీ సుజుకీ (Maruti Suzuki) తాజాగా మార్చి నెలకు సంబంధించిన అమ్మకాల వివరాలను విడుదల చేస్తుంది. అందులో భాగంగా ప్రసిద్ధ హ్యాచ్‌బ్యాక్ మోడల్ సెలెరియో (Celerio) మార్చి 2025లో ఆశించిన మేరకు అమ్మకాలను సాధించలేకపోయింది. గతంలో ఈ కారును కొనుగోలు చేయడానికి చాలా మంది మారుతీ షోరూమ్‌ల ముందు క్యూ కట్టేవారు. కానీ కాలక్రమేణా వినియోగదారుల అభిరుచులు మారుతుండటంతో పాటు, మార్కెట్‌లో కొత్త మోడళ్ల రాక, పెరిగిన పోటీకి కారణంగా అమ్మకాలు క్రమంగా తగ్గుముఖం పట్టాయి. చిన్న బడ్జెట్‌లో స్టైలిష్ డిజైన్, మైలేజ్ పరంగా సెలెరియో కారు చాలా మంది మధ్యతరగతి భారతీయులకు ఫేవరెట్ మోడల్.

నింజా అభిమానులకు గుడ్‌న్యూస్! కవాసకి 2025 650 KRT ఎడిషన్ లాంచ్

భారత టూవీలర్ విభాగంలో కవాసకి (Kawasaki) పేరు చెప్పగానే ప్రీమియం బైక్స్ గుర్తుకువస్తాయి. దేశీయంగా ఉన్నటువంటి దిగ్గజ టూవీలర్ కంపెనీలకు ధీటుగా యువతను ఎక్కువగా టార్గెట్ చేస్తూ అదిరిపోయే మోడళ్లను విడుదల చేస్తుంది. ఓ సమయంలో బజాజ్‌తో కలిసి విడుదలైన 'కాలిబర్' మోడల్‌తో ఇండియన్ రోడ్లపై అడుగుపెట్టిన కవాసకి, అప్పటి నుంచి తన ప్రత్యేకతను నిలుపుకుంటూ ముందుకు సాగుతోంది. ఆ కాలిబర్ నెమ్మదిగా చరిత్రలో నిలిచిపోగా, నింజా సిరీస్ ఆ బ్రాండ్‌కు పూర్తిగా కొత్త ముఖాన్ని ఇచ్చింది. ఇప్పుడు కవాసకి, డుకాటి, ట్రయంఫ్, BMW మోటోరాడ్ వంటి గ్లోబల్ సూపర్‌బైక్ బ్రాండ్‌లతో పోటీపడుతూ, సాంకేతికత, వేగం, స్టైల్ పరంగా తనదైన మార్కును ఏర్పరుస్తోంది. సాధారణంగా ఈ బైకుల చాలా ఖరీదులో లభిస్తాయి. అయినప్పటికి చాలా మంది యువత వీటి కోసం పోటిపడుతుంటారు.

మారుతిదే హవా! టాప్ 10లో ఎన్ని కార్లు ఉన్నాయో చూస్తే షాకవుతారు!

మనదేశంలోని ఆటోమొబైల్ పరిశ్రమ గత ఆర్థిక సంవత్సరంలో ఊహించని వృద్ధిని సాధించింది. కొత్త ఆర్థిక సంవత్సరం 2026 ప్రారంభమైన నేపథ్యంలో గతేడాది అత్యధికంగా అమ్ముడు పోయిన కార్ల జాబితా విడుదల అయింది. ఈసారి కూడా మారుతి సుజుకి తన ఆధిపత్యాన్ని నిలుపుకుంది. మరి గతేడాది టాప్ 10లో ఉన్న కార్లు ఏవో చూద్దాం. కొత్త కారు కొనాలనుకునే వారికి ఈ లిస్ట్ తప్పకుండా ఉపయోగపడుతుంది.

సన్‌రైజర్స్ యజమాని కావ్య మారన్ అదిరిపోయే కార్లు .. ఒక్కోటి కోట్లలో

దేశంలో ఇప్పుడు ఐపీఎల్ సీజన్ నడుస్తుంది. అందరు కూడా టీవీలు, ఫోన్‌లకు అతుక్కుపోయి మరి చూస్తున్నారు. మ్యాచ్‌లు జరుగుతున్నప్పుడు, సన్‌రైజర్స్ హైదరాబాద్ మ్యాచ్‌ల సమయంలో కెమెరాలన్నీ కూడా స్టేడియంలోని గ్యాలరీలో ఒక్క వ్యక్తిని మళ్లీ మళ్లీ చూపిస్తుంటారు. ఎప్పుడూ ముఖంపై చిరునవ్వుతో అందంగా, జట్టుపై పాజిటివ్ ఎనర్జీతో కనిపిస్తూ ఉండే ఆ జట్టు యజమాని కావ్య మారన్ సోషల్ మీడియాలో ట్రెండింగ్‌లో ఉంది. ఆమె అందంలోనే కాకుండా బిజినెస్, స్పోర్ట్స్ మేనేజ్‌మెంట్ రంగాల్లో తనదైన ముద్ర వేసింది. 32 ఏళ్ల చిన్న వయసులోనే ఆమె సన్ టీవీ నెట్‌వర్క్ ఎగ్జిక్యూటివ్ డైరెక్టర్‌గా, అలాగే సన్‌రైజర్స్ హైదరాబాద్ (SRH), సన్‌రైజర్స్ ఈస్టర్న్ కేప్ (SA20) జట్లకు సహ యజమానిగా బాధ్యతలు నిర్వహిస్తున్నారు.
Advertisement

సేఫ్టీకి కేరాఫ్ అడ్రస్! హోండా ఎలివేట్ క్రాష్ టెస్ట్ రిపోర్ట్ చూశారా?

హోండా ఎలివేట్ (Honda Elevate) ఎట్టకేలకు భారతీయ మార్కెట్‌లోకి అడుగుపెట్టింది. హ్యుందాయ్ క్రెటా, మారుతి గ్రాండ్ విటారా, కియా సెల్టోస్ వంటి దిగ్గజాలు ఏలుతున్న ఈ సెగ్మెంట్‌లో తనదైన ముద్ర వేయాలని హోండా గట్టిగా ప్రయత్నిస్తోంది. తాజాగా ఈ SUV క్రాష్ టెస్ట్‌లో అద్భుతమైన ఫలితాలు సాధించింది.

ఇప్పుడు హోండా కార్లు కూడా CNGలో పరుగులు! పూర్తి వివరాలు ఇవే

ప్రస్తుత రోజుల్లో పెట్రోల్ ధరలు గరిష్ట స్థాయిని తాకిన నేపథ్యంలో, సామాన్య ప్రజలు తీవ్రంగా ఇబ్బంది పడుతున్నారు. అంతర్జాతీయంగా ముడి చమురు ధరల మార్పుల కారణంగా ఇంధన ధరలు భారీగా పెరగడంతో ఎక్కువ మైలేజ్ అందించే కార్లను కొనుగోలు చేయడానికి ఆసక్తి చూపిస్తున్నారు. అధిక ఖర్చుతో కూడిన పెట్రోల్, డీజిల్ వాడకాన్ని తగ్గిస్తూ, తక్కువ వ్యయంతో కూడిన వాహనాలపై మొగ్గు చూపుతున్నారు. ఇప్పుడు మార్కెట్లో కంప్రెస్డ్ నేచురల్ గ్యాస్ (CNG)తో నడిచే వాహనాలకు డిమాండ్ భారీగా పెరిగింది. ఇవి గాలి కాలుష్యాన్ని గణనీయంగా తగ్గించడంతో పాటు, ప్రభుత్వాలు కూడా ఈ మార్పును ప్రోత్సహించేందుకు చర్యలు తీసుకుంటున్నాయి. కొత్తగా CNG స్టేషన్ల ఏర్పాటు, పన్ను సబ్సిడీలు వంటి విధానాల ద్వారా ఈ రంగానికి బలాన్నిచేకురుస్తుంది.

డ్రైవర్ అవసరం లేదు.. నిస్సాన్ తీసుకొస్తున్న అద్భుతమైన టెక్నాలజీ!

ప్రముఖ ఆటోమొబైల్ తయారీ సంస్థ నిస్సాన్ (Nissan) తన తదుపరి తరం ప్రోపైలట్ టెక్నాలజీని (next generation ProPILOT technology) 2027 ఆర్థిక సంవత్సరం నుండి ప్రారంభించనున్నట్లు ప్రకటించింది. తదుపరి తరం లిడార్, వేవ్ ఏఐ (Lidar and Wayve AI) డ్రైవర్ సాఫ్ట్‌వేర్‌తో నిస్సాన్ గ్రౌండ్ ట్రూత్ పర్సెప్షన్ టెక్నాలజీని పరిచయం చేస్తోంది.

భారతీయ రైల్వేల్లో మరో వినూత్నం.. రైలులో ATM సేవలు

భారతీయ రవాణా వ్యవస్థలో రైల్వేలు ఒక ప్రముఖ స్థానం సంపాదించుకున్నాయి. దేశం అంతటా విస్తరించిన వేరు వేరు రైలు మార్గాల ద్వారా భారతీయ రైల్వేలు లక్షలాది మంది ప్రజలకు ప్రతిరోజూ సేవలందిస్తూ, వారి ప్రయాణాలను తక్కువ ఖర్చులో మరింత సౌకర్యవంతంగా అందిస్తున్నాయి. రైల్వేలు భారతదేశానికి ఒక వెన్నెముక లాంటివి. ప్రతిరోజూ కోట్ల మంది ప్రయాణికులు రైళ్లలో ప్రయాణిస్తున్నారు. ఇది ప్రపంచంలోని అతిపెద్ద రవాణా వ్యవస్థల్లో ఒకటిగా భారతీయ రైల్వేలను నిలబెడుతోంది. ఇది కేవలం ప్రయాణికులకు మాత్రమే కాదు, సరుకుల రవాణాకు కూడా ముఖ్యమైన పాత్ర పోషిస్తుంది. వ్యవసాయం నుండి పరిశ్రమల వరకు అన్ని రంగాలకూ రైల్వేలు ముఖ్యమైన శక్తిగా ఉన్నాయి.
Advertisement

టెస్లా వచ్చేస్తోంది! ముంబై-పూణే హైవేపై మెరుపు వేగంతో దూసుకుపోతున్న మోడల్ వై!

టెస్లా (Tesla), అమెరికాకు చెందిన ప్రపంచవ్యాప్తంగా పేరుగాంచిన ఎలక్ట్రిక్ కార్ల సంస్థ. నేటి ప్రపంచంలో అత్యధికంగా అమ్ముడవుతున్న కార్లలో అనేక టెస్లా ఎలక్ట్రిక్ కార్లు ఉన్నాయి. ముఖ్యంగా, తీవ్రమైన పోటీ ఉన్న చైనాలో కూడా టెస్లా కార్లకు మంచి మార్కెట్ ఉంది. అందుకే అమెరికాను దాటి చైనాలో కూడా టెస్లా కార్ల ఉత్పత్తి కర్మాగారాన్ని ఏర్పాటు చేసింది.

చీరలోనూ చార్మింగ్‌గా.. BMW 7 సిరీస్‌లో దిశా పటానీ

ఇండియాలో సెలబ్రిటీలకు లగ్జరీ కార్లంటే చాలా ఇష్టం అన్న సంగతి అందరికి తెలిసిందే. మార్కెట్లోకి ఏదైనా కొత్త మోడల్ విడుదల అయితే చాలు, వెంటనే దాని గురించి వాకబు చేసుకుని నచ్చినట్లయితే తమ గ్యారేజీలోకి చేర్చుకుంటారు. ఇటీవల కాలంలో పలువురు కోట్లు విలువ చేసే లగ్జరీ కార్లతో కెమెరాల కంట పడుతున్న వీడియోలు సోషల్ మీడయాలో తెగ కనిపిస్తున్నాయి. తాజాగా భారతీయ చిత్ర పరిశ్రమంలో ఇటీవల కాలంలో మంచి నటిగా గుర్తింపు తెచ్చుకున్న దిశా పటాని ఖరీదైన BMW కంపెనీకి చెందిన కారుతో కనిపించారు. ఆమె కారు మోడల్ BMW 7 సిరీస్‌. ఇది కేవలం కార్‌ మాత్రమే కాదు, ప్రస్టేజ్, క్లాస్, టెక్నాలజీకి నిదర్శనంగా నిలుస్తుంది. ఈ సిరీస్‌కు ఉన్న ఆదరణ సామాన్యుల నుంచే కాదు, దేశంలోని అత్యంత ప్రముఖ వ్యక్తుల నుంచి కూడా వస్తోంది.

టైమ్‌లెస్ ఆటో లెజెండ్స్! ఈ 9 కార్లు ఒకప్పుడు మార్కెట్‌ను ఊపేశాయి!

మనదేశం ప్రపంచంలోని అతిపెద్ద ఆటోమొబైల్ మార్కెట్లలో ఒకటి. ప్రతి సంవత్సరం వివిధ కంపెనీల నుంచి డజన్ల కొద్దీ కార్లు రిలీజ్ అవుతుంటాయి. అయితే, కొన్ని కార్లు మాత్రమే కస్టమర్ల గుండెల్లో చెదరని ముద్ర వేసుకుంటాయి. స్వాతంత్ర్యం వచ్చిన తర్వాత మారుతి 800, అంబాసిడర్‌తో సహా ఈ 9 ముఖ్యమైన కార్లు అమ్మకాల విషయంలో కొత్త అధ్యయాన్ని సృష్టించాయి. అవేంటో చూద్దాం.

కొత్త తరానికి కొత్త జోష్: 2025 స్కోడా కోడియాక్ పూర్తి రివ్యూ

కోడియాక్ బ్రౌన్ బేర్ పేరు మీద పేరుపొందిన స్కోడా కోడియాక్, తొలిసారి 2016లో స్కోడా విజన్ కాన్సెప్ట్ S రూపంలో ప్రపంచానికి పరిచయమైంది. కేవలం ఒకటిన్నర సంవత్సరాల తర్వాత, మనం భారతదేశంలో, ప్రత్యేకంగా కేరళలో మొదటి తరం స్కోడా కోడియాక్‌ను తొలిసారి డ్రైవ్ చేశాం. ఆ అనుభవం మాకు మామూలుగా అనిపించలేదు స్కోడా ఫ్లాగ్‌షిప్ ఫ్యామిలీ SUV, తన డిజైన్, ప్రయాణ అనుభవం, ఫీచర్లు అన్నింటితో మనల్ని బాగా ఆకట్టుకుంది. అది కేవలం SUV కాదు కుటుంబంతో కూడిన ప్రయాణాలను మరింత సౌకర్యవంతంగా, సురక్షితంగా మార్చేలా చేసే ఒక ప్రీమియం ఫ్యామిలీ క్యారియర్. ప్రపంచాన్ని వణికించిన మహమ్మారి తర్వాత, సుమారు ఐదేళ్ల విరామం తీసుకున్న స్కోడా, తన ఫ్లాగ్‌షిప్ SUV అయిన కోడియాక్‌కి ఒక తాజాగా కొత్త రూపాన్ని అందించింది.
Advertisement

పెద్ద కుటుంబానికి బడ్జెట్ ఫ్రెండ్లీ లగ్జరీ కారు! మారుతి XL6 వచ్చేసింది!

మారుతి సుజుకి ప్రస్తుతం ఇండియాలో నంబర్ వన్ కార్ ఆటోమొబైల్ బ్రాండ్‌గా కొనసాగుతోంది. వినియోగదారుల బడ్జెట్‌కు అనుగుణంగా అందుబాటు ధరలో కార్లను అందిస్తూ అన్ని వర్గాల ప్రజలను ఆకర్షిస్తోంది. మారుతి సుజుకి మధ్యతరగతి కార్లను మాత్రమే కాకుండా, ప్రీమియం కార్లను కూడా అందిస్తోంది. వీటిని తన నెక్సా డీలర్‌ల ద్వారా విక్రయిస్తుంది.

ప్రపంచ మార్కెట్లను లక్ష్యంగా పెట్టుకున్న అల్ట్రావయోలెట్

కర్ణాటకకు చెందిన ప్రముఖ ఎలక్ట్రిక్ టూవీలర్ వాహన తయారీ సంస్థ అల్ట్రావయోలెట్ (ultraviolette) అంతర్జాతీయ విస్తరణ దిశగా కీలకమైన అడుగు వేసింది. ప్రీమియం బైకులకు మంచి మార్కెట్‌ గల యూరోపియన్ దేశాలలో తన ఉనికిని బలోపేతం చేసేందుకు, ఈ సంస్థ తాజాగా మోటోమోండోతో వ్యూహాత్మక భాగస్వామ్యం ప్రకటించింది. మోటోమోండో అనేది యూరప్‌ అంతటా ప్రీమియం బైకులను పంపిణీ చేయడంలో బాగా అనుభవం కలిగిన సంస్థ. స్థానిక మార్కెట్లపై లోతైన అవగాహనతో పాటు, వినియోగదారుల అభిరుచులను అంచనా వేసి దానికి అనుగుణంగా మార్కెట్‌ను పెంచుతుంది. అలాంటి సంస్థతో భాగస్వామ్యం ద్వారా, అల్ట్రావయోలెట్ తన గ్లోబల్ వ్యాపారానికి మరింత బలం చేకూర్చుతోంది.

అట్లుంటది మరి టయోటాతో.. రూ. 1.2 కోట్ల కారు రికార్డు అమ్మకాలు!

టయోటా కంపెనీ 2025 మార్చి నెలను మాత్రం ఎప్పటికీ గుర్తుంచుకుంటుంది. నిజంగా ఈ నెల కంపెనీకి బాగా కలిసొచ్చిందనే చెప్పాలి. ఈ నెలలో టయోటా రికార్డు స్థాయిలో అమ్మకాలను నమోదు చేసింది. అందులో ఇన్నోవా హైక్రాస్ అత్యధికంగా అమ్ముడైన కారుగా నిలిచింది. ఇది టయోటా సాధించిన గొప్ప విజయం. ఇన్నోవా హైక్రాస్ మొత్తం 9,856 యూనిట్లు అమ్ముడయ్యాయి.

2025 డియో 125 వచ్చేసింది! స్టైలిష్ లుక్, స్మార్ట్ ఫీచర్స్‌తో అదరగొట్టింది

ప్రముఖ టూవీలర్ తయారీ కంపెనీ హోండా తన డియో స్కూటర్‌ను 2025కి మరింత ఆకర్షణీయంగా అప్‌డేట్ చేసి విడుదల చేసింది. ఈసారి డియో 125, యువతను ఆకట్టుకునేలా పూర్తి కొత్తగా, లేటెస్ట్ ఫీచర్లతో, ఇంకా మెరుగైన మైలేజీతో మార్కెట్లో అడుగుపెట్టింది. స్పోర్టీ లుక్స్‌ను ఇష్టపడే వారికి ఇది బెస్ట్ ఎంపిక అవుతుంది. ఇది నగరాల్లో రోజువారీ ప్రయాణాలకు, స్టైలిష్‌గా ఉండాలనుకునే వారికి బాగా సెట్ అవుతుంది. ఈ మోడల్ రెండు వేరియంట్లలో లభ్యమవుతోంది. DLX మోడల్‌క ఎక్స్-షోరూమ్ ధర రూ. 96,749 కాగా, H-స్మార్ట్ మోడల్ ధర రూ.1,02,144గా నిర్ణయించారు. ఈ రెండు వేరియంట్లూ యూనిక్ ఫీచర్లు, లేటెస్ట్ టెక్నాలజీ, స్టైలిష్ డిజైన్‌లతో కొత్త తరాన్ని ఆకట్టుకునేలా రూపొందించబడ్డాయి.
Advertisement

కేవలం 6 లక్షలకే 7 సీట్ల కారు.. రెనాల్ట్ అందిస్తున్న సూపర్ ఆఫర్!

భారతీయ మార్కెట్‌లో 7 సీటర్ కార్లకు ఎప్పుడూ మంచి డిమాండ్ ఉంటుంది. అందుకే చాలా కంపెనీలు ఈ విభాగంలో తమ కార్లను విక్రయిస్తున్నాయి. రెనాల్ట్ కూడా ట్రైబర్ (Renault Triber) పేరుతో ఒక 7 సీటర్ కారును అమ్ముతోంది. ఇది బాగా ప్రాచుర్యం పొందినప్పటికీ, 2025 మార్చి నెల అమ్మకాల్లో భారీగా క్షీణతను చవిచూసింది. తాజా అమ్మకాల నివేదిక ద్వారా ఈ విషయం వెల్లడైంది.

KGF యష్ లగ్జరీ రైడ్! టయోటా వెల్‌ఫైర్‌లో స్టైలిష్ ఎంట్రీ!

KGF సినిమాతో ఒక్కసారిగా పాన్ ఇండియా రేంజ్ హీరోగా మారిన యష్‌కు దేశవ్యాప్తంగా అభిమానులు ఉన్నారు. దానికి కొనసాగింపుగా వచ్చిన KGF 2 కూడా అదే స్థాయిలో ప్రేక్షకుల హృదయాలను గెలుచుకోవడంతో ఆయన రేంజ్ ఊహించని స్థాయికి పెరిగింది. సినిమాల విషయాన్ని ప్రక్కన పెడితే యష్‌‌కు లగ్జరీ కార్లంటే చాలా ఇష్టం. ఆయన వద్ద కోట్లు విలువ చేసే ఖరీదైన కార్లు చాలా ఉన్నాయి. ఇటీవల, ఆయన తన భార్య రాధికా పండిట్‌తో కలిసి ఓ విలాసవంతమైన కారులో ప్రయాణిస్తున్న వీడియో ఇంటర్నెట్‌లో హల్‌చల్ చేస్తోంది. స్టైలిష్ లుక్‌తో, కూల్ హావభావాలతో కారు నుంచి దిగుతున్న వీడియో ఆయన ఫ్యాన్స్‌కి ఫెస్టివల్ వాలా ఫీలింగ్ తీసుకువచ్చింది.

టాటా హారియర్ క్రేజ్ తగ్గిపోయిందా? మార్కెట్‌లో ఎందుకీ పరిస్థితి?

టాటా హారియర్... ఈ పేరు వింటేనే ఒక బలమైన, పవర్ఫుల్ ఎస్‌యూవీ మన కళ్లముందు కదలాడుతుంది. తన అద్భుతమైన డిజైన్, అత్యాధునిక ఫీచర్లతో ఈ కారు ఎంతో మంది ఆటోమొబైల్ ప్రేమికుల మనసులను కొల్లగొట్టింది. భద్రత విషయంలో కూడా టాటా హారియర్‌కు తిరుగులేని పేరుంది. అందుకే ఒకప్పుడు చాలా మంది కస్టమర్లు ఈ ఎస్‌యూవీని తమ సొంతం చేసుకోవడానికి ఎగబడ్డారు.

మెర్సిడెస్ బెంజ్ ‘Made in India’ లో 2 లక్షల వాహనాలు పూర్తి

భారతదేశంలో లగ్జరీ కార్ల విభాగంలో ప్రసిద్ద కంపెనీ మెర్సిడెస్-బెంజ్, మరో చారిత్రాత్మక ఘట్టాన్ని సాధించింది. సంస్థ పూణే సమీపంలోని చకన్ తయారీ యూనిట్ నుంచి 2,00,000వ కారును విడుదల చేసి, దేశీయంగా ఒక ముఖ్యమైన మైలురాయిని దాటింది. ఈ ముఖ్యమైన ఘట్టాన్ని ఘనంగా జరుపుకుంటూ, మెర్సిడెస్-బెంజ్ గ్రూప్ మేనేజ్‌మెంట్ బోర్డులో ఉత్పత్తి, నాణ్యత, సరఫరా గొలుసు నిర్వహణ బాధ్యతలు నిర్వహిస్తున్న డాక్టర్ జార్జ్ బెర్గర్ స్వయంగా ఈ కార్యక్రమంలో పాల్గొన్నారు. ఆయన చేతుల మీదుగా 200,000వ కారు మెర్సిడెస్-బెంజ్ EQS SUV ని అధికారికంగా విడుదల చేశారు. ఇది కేవలం ఒక సంఖ్య మాత్రమే కాదు, దేశీయ ఉత్పత్తిలో మెర్సిడెస్ భారత మార్కెట్‌పై పెట్టుకున్న నమ్మకానికి, అలాగే లగ్జరీ సెగ్మెంట్ వినియోగదారులు మద్దతుగా నిలిచినట్లయింది.
Advertisement