భారతదేశంలో కమర్షియల్ వాహనాల రంగంలో తిరుగులేని బ్రాండ్ ఇమేజ్ సొంతం చేసుకున్న పియాజియో (Piaggio) సంస్థ ఎలక్ట్రిక్ త్రీ-వీలర్ సెగ్మెంట్‌లో సరికొత్త దాడికి తెరలేపింది. పర్యావరణహిత రవాణాను ప్రోత్సహిస్తూ ఆటో డ్రైవర్ల ఆదాయాన్ని పెంచాలన్న ఉద్దేశంలో తన ప్యాసింజర్ ఎలక్ట్రిక్ పోర్ట్ ఫోలియోను విస్తరించింది. ఇందులో భాగంగానే సరికొత్త ప్యాసింజర్ ఎలక్ట్రిక్ ఆటో ఆపే వేవ్ (Ape WavE)ను మార్కెట్లోకి రిలీజ్ చేసింది. సామాన్యుల, మధ్య తరగతి ఆటో డ్రైవర్ల బడ్జెట్‎ను దృష్టిలో పెట్టుకుని కంపెనీ ఈ ఆటోను ఎల్3 (L3) ప్యాసింజర్ ఈవీ కేటగిరీ కింద అందుబాటులోకి తెచ్చింది. భారత మార్కెట్లో ఈ సరికొత్త ఎలక్ట్రిక్ ఆటో ప్రారంభ ఎక్స్ షోరూమ్ ధరను కేవలం రూ.2.55 లక్షలుగా కంపెనీ నిర్ణయించింది.

కస్టమర్లను ఆకట్టుకోవడానికి ప్రతినెలా వాహన తయారీదారులు తమ ఉత్పత్తులపై తగ్గింపులు అందిస్తుంటారు. దీని ద్వారా కంపెనీలు తమ స్టాక్‌ను ఎక్కువ అమ్ముకోగలుగుతాయి. అసలు ధర కంటే తక్కువలో లభించడం వలన వినియోగదారులు వాటిని కొనడానికి షోరూమ్‌లకు క్యూలు కడుతుంటారు. ఈ నేపథ్యంలో జులై నెల ప్రారంభం కాగానే ప్రముఖ దేశీయ అతిపెద్ద కార్ల తయారీదారు అయినటువంటి మారుతి సుజుకి (Maruti Suzuki) కొత్త కస్టమర్లను ఆకర్షించడానికి తన ప్రసిద్ద హ్యాచ్‌బ్యాక్ అయినటువంటి ఎస్-ప్రెస్సో (S Presso) కారుపై భారీ ఎత్తున్న డిస్కౌంట్ ప్రకటించింది. సాధారణంగానే ఈ కారు ధర చాలా తక్కువగా ఉంటుంది. పేద, మధ్యతరగతి వారు కూడా ఈజీగా కొనుగోలు చేసే విధంగా అందుబాటులోనే లభిస్తుంది.

హ్యూందాయ్ కంపెనీ భారతీయ మార్కెట్లో దిగ్గజ కార్ల తయారీదారుగా ప్రజల మన్నలను పొందుతుంది. ఈ కంపెనీ నుంచి వచ్చిన కార్లకు ఇటీవలి కాలంలో వినియోగారుల నుంచి బలమైన డిమాండ్ వస్తుంది. తాజాగా వచ్చిన కాంపాక్ట్ SUVకి సంబంధించిన అమ్మకాలు గణంకాలు భారతీయ మార్కెట్లో దీని పట్ల ఉన్న ఆదరణను తెలియజేస్తున్నాయి. సబ్-4 మీటర్ల కాంపాక్ట్ SUV అయిన హ్యూందాయ్ వెన్యూ (hyundai venue) గత నెలలో సేల్స్‌లో సత్తా చాటింది. అమ్మకాల నివేదిక ప్రకారం, ఈ కారు జూన్ 2026లో భారత మార్కెట్లో మొత్తం 10,776 యూనిట్ల అమ్మకాలను నమోదు చేసింది. అయితే ఈ అమ్మకాలు సాధారణ సంఖ్యలు కాదు, గత ఏడాది ఇదే నెలలో నమోదైన అమ్మకాలతో పోల్చినట్లయితే ఇది భారీ మొత్తంలో వృద్ధి అని చెప్పొచ్చు.

భారత మార్కెట్లో స్కూటర్లకు డిమాండ్ రోజురోజుకూ పెరుగుతోంది. ట్రాఫిక్ రద్దీ, మైలేజ్, నడపడానికి సులభంగా ఉండటం వంటి కారణాలతో చాలా మంది స్కూటర్లనే మొదటి ఆప్షన్‌గా ఎంచుకుంటున్నారు. ఈ పెరుగుతున్న డిమాండ్ నేపథ్యంలో స్కూటర్ సెగ్మెంట్‌లో పోటీ మరింత ఎక్కువగా మారుతోంది. ఇండియాలో చాలా మందికి స్కూటర్ అంటే మొదటగా గుర్తుకు వచ్చేది హోండా యాక్టివానే. ఎన్నో ఏళ్లుగా భారతదేశంలో అత్యధికంగా అమ్ముడవుతున్న స్కూటర్‌గా యాక్టివా తన స్థానాన్ని నిలబెట్టుకుంది. ప్రతి నెలా లక్షలాది మంది వినియోగదారులు యాక్టివానే ఎక్కువగా కొనుగోలు చేస్తుంటారు. ఈ నేపథ్యంలో హోండా కంపెనీ మరో బ్రహ్మాస్త్రాన్ని తీసుకురావడానికి సిద్ధమవుతున్నట్టు సమాచారం.

భారతదేశంలో ఎలక్ట్రిక్ వాహనాల (EV) మార్కెట్ పరిమాణం పెట్రోల్, డీజిల్ (ICE) వాహనాల మార్కెట్‌తో పోలిస్తే చాలా తక్కువగా (పది వంతులో ఒక వంతు) ఉన్నప్పటికీ, EV విభాగంలో వృద్ధి రేటు మాత్రం అద్భుతంగా ఉంది. దేశీయ ప్యాసింజర్ వాహనాల మార్కెట్‌లో మారుతి సుజుకి అగ్రస్థానాన్ని కొనసాగిస్తుండగా, రెండో మూడో స్థానాల కోసం టాటా మోటార్స్, మహీంద్రా మధ్య తీవ్ర పోటీ నెలకొంది. జనవరి, జూన్ 2026 మధ్య కాలంలో మొత్తం 3,78,909 వాహనాలను విక్రయించడం ద్వారా టాటా మోటార్స్ ఒక రికార్డును నెలకొల్పింది. గత ఏడాది ఇదే కాలంలో నమోదైన అమ్మకాలతో (2,69,966 వాహనాలు) పోలిస్తే ఇది భారీగా 40% వృద్ధిని సూచిస్తుంది. ఇదే సమయంలో, మహీంద్రా కూడా గట్టి పోటీనిస్తూ 2026 మొదటి ఆరు నెలల్లో 3,58,545 కార్లను విక్రయించింది. గత ఏడాది ఇదే కాలంలో 3,01,194 కార్లను విక్రయించిన మహీంద్రా, ఈసారి 19% వృద్ధిని నమోదు చేసింది. అయితే, మొత్తం అమ్మకాల పరంగా చూస్తే, మహీంద్రా కంటే 20,364 కార్లను ఎక్కువగా విక్రయించి టాటా మోటార్స్ ఆధిక్యాన్ని నిలబెట్టుకుంది.

ప్రస్తుత భారత ఆటోమొబైల్ మార్కెట్లో లగ్జరీ, పవర్ఫుల్ ఎస్యూవీ కార్ల తయారీలో మహీంద్రా కంపెనీ హవా నడుస్తున్న సంగతి తెలిసిందే. కేవలం ఎస్యూవీ కార్లను మాత్రమే నమ్ముకుని హ్యుందాయ్ లాంటి కార్ల తయారీ కంపెనీలను కూడా మహీంద్రా దాటేసింది. ప్రస్తుతం టాటా మోటార్స్ తో గట్టి పోటీ ఇస్తుంది. ఈ క్రమంలోనే తన కార్ల పోర్ట్ ఫోలియోను ఎప్పటికప్పుడు సరికొత్త టెక్నాలజీతో అప్డేట్ చేస్తూ కస్టమర్లను ఆకట్టుకుంటోంది. ఈ నేపథ్యంలోనే మహీంద్రా తన సరికొత్త 'NU IQ' ప్లాట్‌ఫారమ్ ఆధారంగా మల్టీ ఎనర్జీ ఆప్షన్లతో కూడిన విజన్ ఎస్ (Vision S) మోడల్‌ను త్వరలో మార్కెట్లోకి తీసుకు వచ్చేందుకు రెడీ అవుతుంది.

భారత అతిపెద్ద కార్ల తయారీ సంస్థ మారుతి సుజుకి (Maruti Suzuki)కి ఇటీవల కాలంలో భారీ సక్సెస్ అందించిన మోడళ్లలో మారుతి విక్టోరిస్ (Victoris) ఒకటి. మిడ్-సైజ్ SUV విభాగంలో ఎన్నో ఏళ్లుగా ఆధిపత్యం చెలాయిస్తున్న హ్యుందాయ్ క్రెటాకు గట్టి పోటీ ఇవ్వాలనే లక్ష్యంతో కంపెనీ ఈ SUVని మార్కెట్లో ప్రవేశపెట్టింది. విడుదలైన కొద్ది కాలంలోనే విక్టోరిస్ కస్టమర్ల నుంచి మంచి ఆదరణను సొంతం చేసుకుని, ఈ సెగ్మెంట్‌లో మెరుగైన స్థానాన్ని దక్కించుకుంది. ప్రస్తుతం భారత మిడ్-సైజ్ SUV మార్కెట్లో అమ్మకాల పరంగా హ్యుందాయ్ క్రెటా మొదటి స్థానంలో కొనసాగుతుండగా, విక్టోరిస్ రెండో స్థానంలో నిలుస్తోంది. ఆకట్టుకునే డిజైన్, అధునాతన ఫీచర్లు, మంచి మైలేజ్, బలమైన బ్రాండ్ ఇమేజ్ వంటి అంశాలు ఈ SUV సక్సెస్‌కు ప్రధాన కారణాలుగా నిలిచాయి.

ప్రతి ఒక్కరికి సొంతంగా కారు కొనుగోలు చేయాలని కల ఉంటుంది. వారి సొంత కారు కల నిజం చేసుకోవాలనే మధ్య తరగతి కస్టమర్లకు జూలై నెల అద్బుతమైన అవకాశాన్ని అందజేస్తోంది. దేశంలో అత్యధికంగా కార్లను తయారు చేసే ఆటోమొబైల్ దిగ్గజం మారుతి సుజుకి తన పాపులర్ మోడళ్ల మీద ఈ జూలై నెలలో భారీ డిస్కౌంట్లను ప్రకటించింది.

భారత ఆటోమొబైల్ మార్కెట్లో ఒకప్పుడు సంచలనం సృష్టించిన తన ఐకానిక్ మోడళ్లను టాటా మోటార్స్ ఒక్కొక్కటిగా మళ్లీ తీసుకొస్తోంది. పాత మోడళ్లకు ఉన్న క్రేజ్‌ను ఆధునిక టెక్నాలజీ, కొత్త డిజైన్‌తో కలిపి మరోసారి వినియోగదారుల ముందుకు తీసుకురావడంపై కంపెనీ దృష్టి సారించింది. ఇప్పటికే ఈ వ్యూహం టాటా మోటార్స్‌కు మంచి ఫలితాలను కూడా ఇస్తోంది. దీనికి టాటా సఫారీనే పెద్ద ఉదాహరణ. తొలిసారిగా 1998లో మార్కెట్లోకి వచ్చిన ఈ SUV దాదాపు రెండు దశాబ్దాల పాటు భారతీయుల అభిమానాన్ని సొంతం చేసుకుంది. అయితే BS6 ఉద్గార నిబంధనలు అమల్లోకి రావడంతో 2019లో ఈ మోడల్‌ను నిలిపివేయాల్సి వచ్చింది. అనంతరం 2021లో పూర్తిగా కొత్త అవతారంలో సఫారీని మళ్లీ మార్కెట్లోకి తీసుకొచ్చిన టాటా మోటార్స్, మరోసారి ఈ మోడల్‌ను విజయవంతంగా నిలబెట్టింది.

పెట్రోల్, డీజిల్ ధరలు క్రమంగా పెరుగుతుండటంతో వాహనం కొనుగోలు చేసే వారి ఆలోచనా విధానంలో గణనీయమైన మార్పు కనిపిస్తోంది. ఒకప్పుడు ఎలక్ట్రిక్ కార్లపై సందేహాలు వ్యక్తం చేసిన వినియోగదారులు ఇప్పుడు వాటినే తొలి ఎంపికగా పరిగణిస్తున్నారు. తక్కువ నిర్వహణ ఖర్చులు, ప్రతి కిలోమీటర్‌కు తక్కువ ప్రయాణ వ్యయం, ప్రభుత్వ ప్రోత్సాహకాలు, ఛార్జింగ్ మౌలిక సదుపాయాలు విస్తరిస్తుండటం వంటి అంశాలు ఎలక్ట్రిక్ వాహనాల వైపు కొనుగోలుదారులను ఆకర్షిస్తున్నాయి. ఈ పెరుగుతున్న డిమాండ్‌ను దేశీయ ఆటో దిగ్గజం టాటా మోటార్స్ (Tata Motors) అత్యంత సమర్థంగా వినియోగించుకుంటూ భారత ఎలక్ట్రిక్ కార్ల మార్కెట్‌లో తన ఆధిపత్యాన్ని మరింత బలోపేతం చేస్తోంది.

భారతదేశ ఆటోమొబైల్ మార్కెట్లో మంచి క్రేజ్ సంపాదించుకున్న కియా ఇండియా, జూలై నెలలో తన పాపులర్ కాంపాక్ట్ ఎస్‌యూవీ కియా సోనెట్ (Kia Sonet) పై అదిరిపోయే ఆఫర్లను ప్రకటించింది. ఈ జూలై నెల మొత్తం సోనెట్ కార్లపై కస్టమర్లకు రూ.60,000 వరకు అద్భుతమైన బెనిఫిట్స్ లభించనున్నాయి. ఈ ప్రత్యేక డిస్కౌంట్ ఆఫర్ సరికొత్త మోడల్ ఇయర్ 2026 కార్లపై మాత్రమే అందుబాటులో ఉంది.

భారతదేశపు అతిపెద్ద కార్ల తయారీ సంస్థ మారుతి సుజుకి (Maruti Suzuki) దేశీయ మార్కెట్లో తన పట్టును మరింత బలోపేతం చేసుకోవడానికి సరికొత్త వ్యూహాలతో సిద్ధమైంది. ఇటీవల విడుదల చేసిన ఎలక్ట్రిక్ ఎస్‌యూవీ ఈ విటారా (e Vitara) ఆశించిన స్థాయిలో వేగాన్ని అందుకోలేకపోయినప్పటికీ, కంపెనీ ఏమాత్రం తగ్గడం లేదు. రాబోయే 12 నెలల కాలంలో ఏకంగా ఐదు సరికొత్త మోడళ్లను మార్కెట్లోకి లాంచ్ చేయడానికి మారుతి సంస్థ అంతా సిద్ధం చేసుకుంది. ఈ జాబితాలో ఇప్పటికే పాపులర్ అయిన కార్ల ఫేస్‌లిఫ్ట్ వెర్షన్ల నుంచి, సరికొత్త హైబ్రిడ్, పూర్తి ఎలక్ట్రిక్ వాహనాలు కూడా ఉన్నాయి.

భారతదేశంలో ఎలక్ట్రిక్ కార్ల మార్కెట్‌ను శాసిస్తున్న ప్రముఖ ఆటోమొబైల్ దిగ్గజం టాటా మోటార్స్ (Tata Motors) తన కస్టమర్లకు జూలై నెలలో అదిరిపోయే గుడ్ న్యూస్ చెప్పింది. తన ఎలక్ట్రిక్ పోర్ట్‌ఫోలియోలోనే ఎంతో ప్రతిష్టాత్మకంగా తీసుకొచ్చిన టాటా కర్వ్ ఈవీ (Tata Curvv EV) మోడల్‌పై కంపెనీ ఎన్నడూ లేని విధంగా ఏకంగా రూ.3.35 లక్షల వరకు భారీ ప్రయోజనాలను ప్రకటించింది. ఈ ఎలక్ట్రిక్ ఎస్‌యూవీని సొంతం చేసుకోవాలనుకునే వారికి ఈ జూలై నెల ఒక సువర్ణావకాశం అని చెప్పవచ్చు. ఈ ఆఫర్లలో భారీ నగదు తగ్గింపులతో పాటు పాత కార్లను మార్చుకునే వారికి ఎక్స్ఛేంజ్ బోనస్‌లు కూడా లభిస్తున్నాయి.

భారతీయ ఆటోమొబైల్ మార్కెట్లో హ్యాచ్‌బ్యాక్ కార్లకు ఎప్పుడూ విపరీతమైన డిమాండ్ ఉంటుంది. ముఖ్యంగా మారుతి సుజుకి వ్యాగన్ఆర్, ఆల్టో కే10, స్విఫ్ట్ వంటి కార్లను మనవాళ్లు బాగా ఇష్టపడుతుంటారు. ఈ రేసులో ఎప్పుడూ ముందంజలో ఉండే మారుతి సుజుకి స్విఫ్ట్ (Maruti Suzuki Swift) కొనాలనుకునే వారికి కంపెనీ ఒక అద్భుతమైన గుడ్ న్యూస్ చెప్పింది. ఈ జూలై నెలలో సరికొత్త స్విఫ్ట్ కారుపై ఏకంగా 45,000 రూపాయల వరకు భారీ డిస్కౌంట్‌ను ప్రకటించింది. ఈ ఆఫర్‌లో నేరుగా వచ్చే నగదు తగ్గింపుతో పాటు మరికొన్ని అదనపు ఎక్స్ఛేంజ్ బెనిఫిట్స్ కూడా కలిసి ఉన్నాయి.

భారత ఆటోమొబైల్ రంగాన్ని ఒక ఊపు ఊపేస్తున్న ప్రముఖ కార్ల తయారీ సంస్థ టాటా మోటార్స్, తన ఐకానిక్ మోడల్ టాటా సియెర్రా (Tata Sierra) విషయంలో ఒక భారీ వ్యూహాన్ని సిద్ధం చేసింది. దేశీయ మార్కెట్లో ఇప్పటికే విపరీతమైన క్రేజ్ సంపాదించుకున్న ఈ ప్రీమియం ఎస్‌యూవీని, ఇకపై ప్రపంచ దేశాల మార్కెట్లలో కూడా లాంచ్ చేయాలని కంపెనీ నిర్ణయించింది. సియెర్రా పెట్రోల్, డీజిల్ మోడల్స్‌తో పాటు తాజాగా మార్కెట్లోకి వచ్చిన ఎలక్ట్రిక్ వేరియంట్‌ను కూడా విదేశాలకు ఎగుమతి చేయడం ద్వారా గ్లోబల్ మార్కెట్లో టాటా బ్రాండ్ ఇమేజ్‌ను మరింత పటిష్టం చేయాలని భావిస్తోంది.

భారత టూ-వీలర్ (ద్విచక్ర వాహన) రంగంలో ఎప్పుడూ హీరో మోటోకార్ప్, హోండా కంపెనీల గురించే అందరూ ఎక్కువగా మాట్లాడుకుంటారు. కానీ, జూన్ 2026 అమ్మకాల గణాంకాలను పరిశీలిస్తే ఒక ఊహించని పెద్ద ట్విస్ట్ వెలుగులోకి వచ్చింది. దేశీయంగా ఈ రెండు దిగ్గజ కంపెనీలు మంచి ప్రదర్శన కనబరిచినప్పటికీ, విదేశీ అమ్మకాలను కూడా కలుపుకుంటే మాత్రం టీవీఎస్ మోటార్స్ (TVS Motor) అందరికంటే ముందంజలో నిలిచింది. టోటల్ సేల్స్ పరంగా హీరో, హోండాలను వెనక్కి నెట్టి టీవీఎస్ నంబర్ వన్ స్థానాన్ని సొంతం చేసుకుంది. జూన్ నెలలో ఏకంగా 5,65,417 యూనిట్ల వాహనాలను విక్రయించి సరికొత్త రికార్డు సృష్టించింది.

భారత ఆటోమొబైల్ మార్కెట్లో నంబర్ వన్ కార్ల తయారీ సంస్థ అయిన మారుతి సుజుకి ఇండియా కారు కొనాలనుకునే వారికి ఒక అద్భుతమైన గుడ్ న్యూస్ అందించింది. మారుతి సుజుకికి చెందిన ప్రముఖ ఎరీనా (Arena) షోరూమ్‌లలో అత్యంత పాపులర్ అండ్ ప్రీమియం మోడల్‌గా దూసుకుపోతున్న సబ్-కాంపాక్ట్ ఎస్‌యూవీ బ్రెజ్జా (Brezza) పై కంపెనీ భారీ తగ్గింపును ప్రకటించింది. ఈ జూలై నెలలో సరికొత్త కారును సొంతం చేసుకోవాలనుకునే కస్టమర్ల కోసం ఏకంగా 55,000 రూపాయల వరకు డిస్కౌంట్ ఆఫర్‌ను అందుబాటులోకి తెచ్చింది. బ్రెజ్జా కారుకు మార్కెట్లో ఉన్న విపరీతమైన క్రేజ్ దృష్ట్యా ఈ ఆఫర్ సేల్స్ మరింత పెంచే అవకాశం ఉందని మార్కెట్ నిపుణులు భావిస్తున్నారు.

భారత ఆటోమొబైల్ మార్కెట్లో సెడాన్ కార్లకు ఇప్పటికీ ప్రత్యేకమైన ఆదరణ ఉంది. ముఖ్యంగా విశాలమైన క్యాబిన్, సౌకర్యవంతమైన ప్రయాణం, మంచి మైలేజ్ కోరుకునే కుటుంబాలకు ఈ సెగ్మెంట్ ఎప్పుడూ తొలి ఎంపికగా ఉంటుంది. ఈ విభాగంలో ఎన్నో సంవత్సరాలుగా వినియోగదారుల విశ్వాసాన్ని నిలబెట్టుకుంటూ విజయవంతంగా కొనసాగుతున్న కార్లలో మారుతి సుజుకి డిజైర్ (maruti suzuki dzire) ఒకటి. సరసమైన ధర, అద్భుతమైన ఇంధన సామర్థ్యం, తక్కువ నిర్వహణ ఖర్చు, విశ్వసనీయ పనితీరు వంటి అంశాల కారణంగా ఈ కారు దేశవ్యాప్తంగా లక్షలాది మంది కొనుగోలుదారుల అభిమానాన్ని సొంతం చేసుకుంది. ముఖ్యంగా తొలిసారి కారు కొనుగోలు చేసే మధ్యతరగతి కుటుంబాలకు డిజైర్ ఇప్పటికీ అత్యంత ప్రజాదరణ పొందిన సెడాన్‌గా కొనసాగుతోంది.

భారత కార్ల మార్కెట్లో టాటా మోటార్స్‌(Tata Motors)కు చెందిన టాటా పంచ్ (Tata Punch) మరోసారి తన ఆధిపత్యాన్ని చాటుకుంది. జూన్ 2026లో 21,006 యూనిట్ల అమ్మకాలతో దేశంలో అత్యధికంగా అమ్ముడైన కారుగా నిలిచి అగ్రస్థానాన్ని కైవసం చేసుకుంది. గత ఏడాది ఇదే నెలలో విక్రయించిన 10,446 యూనిట్లతో పోలిస్తే, ఈసారి అమ్మకాలు 101 శాతం పెరగడం విశేషం. ఆకర్షణీయమైన డిజైన్, 5-స్టార్ సేఫ్టీ రేటింగ్, అలాగే పెట్రోల్, సీఎన్‌జీ, ఎలక్ట్రిక్ పవర్‌ట్రెయిన్ ఎంపికలు ఉండటంతో టాటా పంచ్‌కు అన్ని వర్గాల కొనుగోలుదారుల నుంచి మంచి ఆదరణ లభిస్తోంది. ఈ కారుకు ప్రస్తుతం ఇండియాలో చాలా డిమాండ్ నెలకొంది.

భారతీయ ఆటోమొబైల్ మార్కెట్లో జూన్ నెల అమ్మకాల గణాంకాలు ఆసక్తికరమైన చిత్రాన్ని చూపించాయి. ఎన్నో సంవత్సరాలుగా అత్యధికంగా అమ్ముడైన కార్ల జాబితాలో మొదటి రెండు స్థానాలపై మారుతి సుజుకి ఆధిపత్యం కొనసాగుతుండేది. అయితే ఈసారి ఆ ట్రెండ్‌కు బ్రేక్ పడింది. టాటా మోటార్స్‌కు చెందిన రెండు ప్రముఖ ఎస్‌యూవీలు టాటా పంచ్, టాటా నెక్సాన్ దేశంలోనే అత్యధికంగా అమ్ముడైన మొదటి రెండు కార్లుగా నిలిచి కొత్త రికార్డు సృష్టించాయి. ఒకే కంపెనీకి చెందిన రెండు మోడళ్లు టాప్-2 స్థానాలను కైవసం చేసుకోవడం టాటా మోటార్స్‌కు పెద్ద విజయంగా చెప్పవచ్చు. జూన్ నెలలో టాటా పంచ్ ఏకంగా 21,006 యూనిట్ల అమ్మకాలతో దేశంలో అత్యధికంగా అమ్ముడైన కారుగా అవతరించింది.

భారతదేశంలో ఎలక్ట్రిక్ టూవీలర్ మార్కెట్ వేగంగా విస్తరిస్తుండగా, హీరో మోటోకార్ప్(Hero MotoCorp) కు చెందిన విడా (Vida) బ్రాండ్ కూడా అదే జోరును కొనసాగిస్తోంది. ప్రస్తుతం దేశంలోని టాప్-5 ఎలక్ట్రిక్ స్కూటర్ బ్రాండ్‌లలో ఒకటిగా నిలిచిన విడా, తక్కువ కాలంలోనే మార్కెట్లో తనకంటూ ప్రత్యేక గుర్తింపును సంపాదించుకుంది. హీరో మోటోకార్ప్ తన ఎలక్ట్రిక్ వాహనాల వ్యాపారాన్ని పూర్తిగా విడా బ్రాండ్ కింద నిర్వహిస్తుండగా, ప్రస్తుతం కంపెనీ ప్రధాన దృష్టి కూడా ఎలక్ట్రిక్ స్కూటర్ల విభాగంపైనే ఉంది. తాజాగా విడుదలైన జూన్ 2026 అమ్మకాల గణాంకాలు చూస్తే, విడా బ్రాండ్ మార్కెట్లో ఎంత వేగంగా పుంజుకుంటుందో స్పష్టంగా తెలుస్తోంది.

భారతీయ ఆటోమొబైల్ మార్కెట్లో టాటా మోటార్స్ (Tata Motors) మరోసారి తన సత్తాను ఘనంగా చాటుకుంది. గత కొంతకాలంగా అత్యధికంగా అమ్ముడవుతున్న కార్ల జాబితాలో మారుతి సుజుకి మోడళ్లు ఆధిపత్యం చెలాయిస్తుండగా, తాజాగా టాటా పంచ్ (Tata Punch) ఆ స్థానాన్ని తిరిగి కైవసం చేసుకుంది. అంతేకాదు, టాటా పంచ్‌తో పాటు అదే కంపెనీకి చెందిన నెక్సాన్ (Nexon) కూడా రెండో స్థానంలో నిలవడంతో టాటా మోటార్స్‌కు ఇది నిజంగానే డబుల్ సెలబ్రేషన్‌గా మారింది. ఒకే కంపెనీకి చెందిన రెండు కార్లు దేశంలో అత్యధికంగా అమ్ముడైన తొలి రెండు స్థానాలను ఆక్రమించడం కంపెనీ ఉత్పత్తులపై వినియోగదారుల విశ్వాసాన్ని మరోసారి రుజువు చేసింది. గత నెల టాటా మోటార్స్‌కు చారిత్రాత్మకంగా నిలిచింది. ఒక్క నెలలోనే మొత్తం 62,076 యూనిట్ల కార్లను విక్రయించి కొత్త రికార్డు సృష్టించింది.

భారతదేశంలో ఎలక్ట్రిక్ వాహనాల మార్కెట్ రోజురోజుకూ విస్తరిస్తోంది. పెరుగుతున్న ఇంధన ధరలు, పర్యావరణంపై అవగాహన, ప్రభుత్వ ప్రోత్సాహకాలు వంటి కారణాలతో ఎలక్ట్రిక్ స్కూటర్లకు డిమాండ్ గణనీయంగా పెరుగుతోంది. ఈ అవకాశాన్ని దృష్టిలో పెట్టుకుని ఇప్పటికే మార్కెట్లో ఉన్న కంపెనీలతో పాటు కొత్త బ్రాండ్లు కూడా తమ ఉత్పత్తులను వరుసగా పరిచయం చేస్తున్నాయి. ఈ జాబితాలో తాజాగా ప్రముఖ ద్విచక్ర వాహన తయారీ సంస్థ కీవే (Keeway) కూడా చేరింది. ఇప్పటివరకు భారతీయ మార్కెట్లో పెట్రోల్ బైక్‌లను మాత్రమే విక్రయించిన ఈ సంస్థ, తొలిసారిగా ప్రీమియం సెగ్మెంట్‌లో ఎలక్ట్రిక్ స్కూటర్‌ను విడుదల చేసి అందరి దృష్టిని ఆకర్షించింది. చైనాకు చెందిన ఎలక్ట్రిక్ స్కూటర్ తయారీ సంస్థ అభివృద్ధి చేసిన హైప్‌వోల్ట్ మోడల్‌ను, కీవే తన చైనా అనుబంధ సంస్థ EZI సహకారంతో భారత మార్కెట్లో ప్రవేశపెట్టింది.

సొంతంగా ఒక మంచి సేఫ్టీ ఉన్న SUV కారును కొనుగోలు చేయాలని ఎదురుచూస్తున్న కార్ లవర్స్‎కు టాటా మోటార్స్ అదిరిపోయే గుడ్ న్యూస్ చెప్పింది. భారత ఆటోమొబైల్ మార్కెట్లో నంబర్-1 SUVగా దూసుకుపోతున్న తన పాపులర్ మోడల్ టాటా నెక్సాన్ (Tata Nexon) పై జూలై 2026 నెలకు గానూ భారీ డిస్కౌంట్లను ప్రకటించింది.

మధ్యతరగతి వాహన ప్రియులకు మారుతి సుజుకి ఇండియా అదిరిపోయే తీపి కబురు అందించింది. జూలై 2026 నెలలో తన విభిన్న కార్ల మోడళ్లపై కంపెనీ భారీగా డిస్కౌంట్లను ప్రకటించింది. ఇందులో భాగంగానే దేశంలోనే అత్యధికంగా అమ్ముడయ్యే నంబర్-1 ప్రీమియం హ్యాచ్‌బ్యాక్ కార్ మారుతి సుజుకి బాలెనో (Maruti Suzuki Baleno) పై కూడా సరికొత్త ఆఫర్లను తీసుకువచ్చింది.