పెట్రోల్ ధరలు ఆకాశాన్ని తాకుతున్న ఈ రోజుల్లో సామాన్యుడికి బైక్ ప్రయాణం పెను భారంగా మారింది. ఆఫీసుకో, పనికో వెళ్లాలంటే నెలకు పెట్రోల్ బిల్లులే వేలల్లో వస్తున్నాయి. అందుకే ఇప్పుడు అందరి చూపు మైలేజ్ ఇచ్చే బైకుల వైపే ఉంది. కేవలం మైలేజ్ మాత్రమే కాదు, బడ్జెట్ కూడా లక్ష రూపాయల లోపు ఉండాలని కోరుకుంటున్నారు. మీ అవసరాలను దృష్టిలో ఉంచుకుని, 2026 మార్కెట్లో ప్రస్తుతం అందుబాటులో ఉన్న టాప్ 5 మైలేజ్ బైకుల వివరాలు తెలుసుకుందాం.ఇవన్నీ కూడా లక్షలోపు దొరికే బైకులే.

జర్మన్ లగ్జరీ కార్ల తయారీ సంస్థ ఆడి (Audi) తన ఎలక్ట్రిక్ వాహనాల విస్తరణలో మరొక కీలక అడుగు వేసింది. ఈ క్రమంలోనే కొత్తగా రాబోతున్న Audi A2 e-tron కు సంబంధించిన టీజర్‌ను విడుదల చేసి ఆటోమొబైల్ ప్రపంచంలో ఆసక్తిని రేకెత్తించింది. ప్రపంచ మార్కెట్‌ను లక్ష్యంగా చేసుకుని రూపొందించిన ఈ మోడల్, ఆడి బ్రాండ్‌లో ఎంట్రీ-లెవల్ ఎలక్ట్రిక్ SUVగా నిలవబోతోంది. ఈ కొత్త A2 ఇ-ట్రాన్ ప్రత్యేకత ఏమిటంటే, ఇది ప్రస్తుతం ఉన్న Audi A1 హ్యాచ్‌బ్యాక్, Audi Q2 SUVలకు బదులుగా రానుంది. అంటే, ఆడి తన లైనప్‌ను మరింత సింపుల్‌గా మార్చుతూ, భవిష్యత్తు ఎలక్ట్రిక్ మోడళ్లపై దృష్టి పెట్టిందని స్పష్టమవుతోంది. అంతేకాకుండా, దాదాపు రెండు దశాబ్దాల తర్వాత A2 అనే ఐకానిక్ నేమ్‌ప్లేట్‌ను తిరిగి మార్కెట్లోకి తీసుకురావడం కూడా ఈ మోడల్‌కు ప్రత్యేక ఆకర్షణగా మారింది.

భారత ఆటోమొబైల్ మార్కెట్లో నెమ్మదిగా కానీ స్థిరంగా తన స్థానం బలపరుచుకుంటూ ముందుకు సాగుతున్న కంపెనీలలో స్కోడా ఆటో (Skoda Auto) ఒకటి. భారీ మాస్ బ్రాండ్స్ మధ్యలోనూ, ప్రీమియం ఫీల్‌తో కూడిన కార్లను అందిస్తూ ప్రత్యేక గుర్తింపు సంపాదించుకున్న ఈ చెక్ రిపబ్లిక్ సంస్థ, గత కొంతకాలంగా భారత మార్కెట్లో తన సేల్స్‌ను క్రమంగా పెంచుకుంటూ వస్తోంది. ఇదే నేపథ్యంలో, గత సంవత్సరం కొత్త తరం మార్పుతో కొత్తగా పరిచయం చేసిన స్కోడా కోడియాక్ (Skoda Kodiaq) కంపెనీకి ఒక కీలక మలుపు తీసుకొచ్చింది. నూతన డిజైన్, ఆధునిక ఫీచర్లు, మెరుగైన పనితీరు కలిపి ఈ 7-సీటర్ SUVను వినియోగదారుల దృష్టిలో మరింత ఆకర్షణీయంగా నిలిపాయి. ఫ్యామిలీకి సరిపోయే స్పేస్, ప్రీమియం ఇంటీరియర్, అలాగే బ్రాండ్ విశ్వసనీయత కలిసి కోడియాక్‌కు మంచి డిమాండ్‌ను తెచ్చాయి.

భారతదేశ ఎలక్ట్రిక్ వాహన రంగంలో ఒక సరికొత్త విప్లవం నడుస్తోంది. పెట్రోల్ ధరలు మండిపోతున్న వేళ, సామాన్యుడికి ఊరటనిస్తూ ఓబెన్ ఎలక్ట్రిక్ (Oben Electric) సంస్థ సంచలన మైలురాయిని అందుకుంది. కమ్యూటర్ ఎలక్ట్రిక్ మోటార్ సైకిల్ విభాగంలో ఓబెన్ ఎలక్ట్రిక్ అత్యంత వేగంగా అభివృద్ధి చెందుతున్న బ్రాండ్‌గా అవతరించింది. కంపెనీ విడుదల చేసిన తాజా గణాంకాల ప్రకారం..వారి వినియోగదారులు అందరూ కలిసి ఇప్పటివరకు 3.2 కోట్ల కిలోమీటర్లకు పైగా దూరాన్ని ప్రయాణించారు.

భారత ఆటోమొబైల్ రంగంలో ఒకప్పుడు ప్రత్యేక గుర్తింపు తెచ్చుకున్న టాటా సియోర్రా (Tata Sierra), ఇప్పుడు మళ్లీ కొత్త తరం రూపంలో వచ్చి అదే క్రేజ్‌ను కొనసాగించడం నిజంగా ఆసక్తికర పరిణామం. తొంభైలలోనే తన డిజైన్, పనితీరు, ప్రీమియం ఫీల్‌తో ట్రెండ్ సెట్టర్‌గా నిలిచిన ఈ SUV, ఇప్పటి నూతన అవతారంలో కూడా వినియోగదారులను అదే స్థాయిలో ఆకట్టుకోవడం టాటా మోటార్స్ (Tata Motors)కు మరింత నమ్మకాన్ని కల్పిస్తోంది. కొత్త సియెర్రా మార్కెట్లోకి వచ్చినప్పటి నుంచే, దీనిపై వినియోగదారుల ఆసక్తి గణనీయంగా పెరిగింది. డిజైన్‌లో మోడర్న్ టచ్, టెక్నాలజీలో అప్‌డేట్స్, అలాగే ఫ్యామిలీకి సరిపోయే ప్రాక్టికాలిటీ కలిపి ఈ SUVను మళ్లీ ఒక ప్రత్యేక స్థానంలో నిలిపాయి.

భారతదేశ ఆటోమొబైల్ రంగంలో కాంపాక్ట్ ఎస్‌యూవీ (Compact SUV)ల హవా కొనసాగుతోంది. ముఖ్యంగా మధ్యతరగతి ప్రజలు ఇప్పుడు హ్యాచ్‌బ్యాక్ కార్ల కంటే కూడా ఎస్‌యూవీల వైపే మొగ్గు చూపుతున్నారు. ఈ విభాగంలో కియా సోనెట్ (Kia Sonet) తనకంటూ ఒక ప్రత్యేకమైన ముద్ర వేసుకుంది. టాటా నెక్సాన్, హ్యుందాయ్ వెన్యూ వంటి దిగ్గజ కార్లకు గట్టి పోటీనిస్తూ, ఫిబ్రవరి నెలలో ఏకంగా 9,750 యూనిట్ల విక్రయాలతో సరికొత్త రికార్డు సృష్టించింది. స్టైలిష్ లుక్, అదిరిపోయే మైలేజ్, మోడ్రన్ ఫీచర్ల కలయికగా వచ్చిన ఈ కారు గురించి మరిన్ని ఆసక్తికర విశేషాలు తెలుసుకుందాం. మిడిల్ క్లాస్ ఫ్యామిలీలకు అందుబాటులో ఉండేలా కియా సంస్థ సోనెట్ ధరను నిర్ణయించింది. దీని ఎక్స్-షోరూమ్ ధర రూ.7.30 లక్షల నుంచి ప్రారంభమై, టాప్ ఎండ్ వేరియంట్ ధర రూ.14 లక్షల వరకు ఉంటుంది. ఆన్ రోడ్ ధర సుమారు రూ.8.20 లక్షల నుంచి మొదలవుతుంది. ఈ కారు హెచ్‌టీఈ (HTE), హెచ్‌టీకే (HTK), హెచ్‌టీఎక్స్ (HTX), జీటీఎక్స్ ప్లస్ (GTX+) వంటి పలు వేరియంట్లలో లభిస్తోంది. మీరు తక్కువ బడ్జెట్‌లో మంచి ఎస్‌యూవీ కావాలనుకుంటే బేస్ వేరియంట్ ఎంచుకోవచ్చు, లేదా అన్ని సౌకర్యాలు కావాలంటే టాప్ వేరియంట్ వైపు వెళ్లవచ్చు. కియా సోనెట్ మూడు రకాల ఇంజన్ ఆప్షన్లలో లభిస్తుంది, ఇది వినియోగదారులకు తమ అవసరానికి తగ్గట్టుగా ఎంచుకునే అవకాశాన్ని ఇస్తుంది. మొదటిది 1.2 లీటర్ నేచురల్లీ ఆస్పిరేటెడ్ పెట్రోల్ ఇంజన్, ఇది 83 పీఎస్ పవర్‌ను ఇస్తుంది. రెండోది 1.0 లీటర్ టర్బో పెట్రోల్ ఇంజన్, ఇది ఏకంగా 120 పీఎస్ పవర్‌తో దూసుకుపోతుంది. ఇక మూడోది 1.5 లీటర్ సీఆర్‌డీఐ డీజిల్ ఇంజన్, ఇది 116 పీఎస్ పవర్, 250 ఎన్ఎమ్ టార్క్‌ను ఉత్పత్తి చేస్తుంది. ట్రాన్స్‌మిషన్ విషయానికి వస్తే మాన్యువల్, ఐఎమ్‌టీ (iMT), ఆటోమేటిక్, డిసిటి (DCT) వంటి ఆప్షన్లు అందుబాటులో ఉన్నాయి. ఈ కారుకు ఉన్న అతిపెద్ద ప్లస్ పాయింట్ దాని మైలేజ్. పెట్రోల్ ధరలు మండిపోతున్న ఈ రోజుల్లో మైలేజ్ అనేది చాలా ముఖ్యం. కియా సోనెట్ డీజిల్ వేరియంట్ ఏకంగా లీటరుకు 24.1 కిలోమీటర్ల మైలేజ్ (ARAI క్లెయిమ్డ్) ఇస్తుంది. పెట్రోల్ వేరియంట్లు కూడా 18 నుంచి 20 కిలోమీటర్ల వరకు మైలేజ్ ఇస్తాయి. సిటీ ట్రాఫిక్‌లోనైనా లేదా హైవే ప్రయాణాల్లోనైనా ఈ కారు చాలా పొదుపుగా నడుస్తుంది. టాటా నెక్సాన్ వంటి కార్లలో ప్రస్తుతం సీఎన్జీ ఆప్షన్ ఉన్నప్పటికీ, సోనెట్ డీజిల్ ఇంజన్ ఇచ్చే పర్ఫార్మెన్స్, మైలేజ్ ముందు అది వెలవెలబోతోంది. లోపలికి అడుగుపెడితే, కియా సోనెట్ ఒక లగ్జరీ కారులా కనిపిస్తుంది. ఇందులో 10.25 ఇంచుల భారీ టచ్‌స్క్రీన్ ఇన్ఫోటైన్‌మెంట్ సిస్టమ్ ఉంది. వైర్‌లెస్ ఆండ్రాయిడ్ ఆటో, ఆపిల్ కార్ ప్లే వంటి సౌకర్యాలు ఉన్నాయి. వేసవి కాలంలో చల్లగా ఉండేందుకు వెంటిలేటెడ్ ఫ్రంట్ సీట్లు, రాత్రిపూట ప్రయాణాల్లో మంచి మూడ్ కోసం యాంబియంట్ లైటింగ్, యూత్‎కు ఎంతో ఇష్టమైన ఎలక్ట్రిక్ సన్‌రూఫ్ వంటి ఫీచర్లు ఉన్నాయి. దీనితో పాటు బోస్ (Bose) సౌండ్ సిస్టమ్ మ్యూజిక్ ప్రియులకు ఒక అద్భుతమైన అనుభూతినిస్తుంది. ప్రయాణికుల సేఫ్టీ విషయంలో కియా ఎక్కడా రాజీ పడలేదు. సోనెట్ లో ప్రామాణికంగా 6 ఎయిర్‌బ్యాగులు వస్తున్నాయి. ఏబీఎస్ (ABS) విత్ ఈబీడీ (EBD), ఎలక్ట్రానిక్ స్టెబిలిటీ కంట్రోల్, హిల్ అసిస్ట్ కంట్రోల్, టైర్ ప్రెషర్ మానిటరింగ్ సిస్టమ్ వంటి ఫీచర్లు ఉన్నాయి. టాప్ వేరియంట్లలో 360 డిగ్రీల కెమెరా, ఏడీఏఎస్ (ADAS Level-1) టెక్నాలజీ కూడా ఉంది. అయితే టాటా నెక్సాన్ 5-స్టార్ సేఫ్టీ రేటింగ్ తో పోలిస్తే సోనెట్ సేఫ్టీ రేటింగ్ కొంచెం తక్కువగా ఉన్నప్పటికీ, ఇందులో ఉన్న సేఫ్టీ ఫీచర్లు ప్రయాణాన్ని సురక్షితం చేస్తాయి. మధ్యతరగతి ప్రజలు ఒక కారు కొనేటప్పుడు ప్రధానంగా మూడు విషయాలు చూస్తారు: ధర, మైలేజ్, మెయింటెనెన్స్. కియా సోనెట్ ఈ మూడింటిలోనూ రాణిస్తోంది. దీని స్టైలిష్ లుక్ సమాజంలో ఒక హోదాను ఇస్తుంది. తక్కువ ధరలో ప్రీమియం ఫీచర్లు లభిస్తుండటం, డీజిల్ వేరియంట్ లో అదిరిపోయే మైలేజ్ ఉండటం వల్ల ప్రజలు దీనిని ఎగబడి కొంటున్నారు. కియా సర్వీస్ నెట్‌వర్క్ కూడా దేశవ్యాప్తంగా విస్తరించడంతో మెయింటెనెన్స్ కూడా సులభతరమైంది. మీరు ఒక స్టైలిష్, పవర్‌ఫుల్, మైలేజ్ ఇచ్చే కాంపాక్ట్ ఎస్‌యూవీ కోసం చూస్తున్నట్లయితే కియా సోనెట్ ఒక గొప్ప ఎంపిక. నెక్సాన్, వెన్యూలతో పోలిస్తే ఇందులో ఫీచర్లు ఎక్కువగా ఉండటం వినియోగదారులను ఆకర్షిస్తోంది. సీఎన్జీ ఆప్షన్ లేకపోవడం ఒక చిన్న లోటుగా అనిపించినప్పటికీ, డీజిల్ ఆటోమేటిక్ వేరియంట్ ఇచ్చే డ్రైవింగ్ అనుభవం దానిని మర్చిపోయేలా చేస్తుంది. కుటుంబంతో కలిసి ప్రయాణించేందుకు మరియు సిటీలో ఆఫీసు పనుల కోసం ఇది పర్ఫెక్ట్ కారు.

కియా ఇండియా (Kia India) తాజాగా తన ఎలక్ట్రిక్ ఎంపీవీ అయిన కియా కారెన్స్ క్లావిస్ ఈవీ (Kia Carens Clavis EV) ను 2026 మోడల్ సంవత్సరానికి అప్‌డేట్ చేస్తూ మరింత ఆకర్షణీయంగా మార్చింది. ఇప్పటికే భారత మార్కెట్లో అందుబాటులో ఉన్న సరసమైన 7-సీటర్ ఎలక్ట్రిక్ కార్లలో ఒకటిగా పేరు తెచ్చుకున్న ఈ వాహనం, ఇప్పుడు కొత్త మార్పులతో మరింత విస్తృతమైన వినియోగదారుల అవసరాలను తీర్చేలా రూపుదిద్దుకుంది. ఈ అప్‌డేట్‌లో ప్రధానంగా కనిపించే మార్పు సీటింగ్ కాన్ఫిగరేషన్‌లోనే ఉంది. ఇంతవరకు కేవలం 7-సీటర్‌గా మాత్రమే అందుబాటులో ఉన్న ఈ కారు, ఇప్పుడు 6-సీటర్ ఆప్షన్‌తో ఆకట్టుకుంటుంది. ఇది సాధారణ మార్పు కాదనే చెప్పాలి, ఎందుకంటే కుటుంబ ప్రయాణాల కంటే కంఫర్ట్‌ను ప్రాధాన్యంగా చూసే వినియోగదారులకు ఇది పెద్ద ప్లస్ పాయింట్ అవుతుంది.

భారతదేశంలో ఎలక్ట్రిక్ స్కూటర్ల హవా నడుస్తోంది. ఇప్పుడు కేవలం బ్యాటరీ, మైలేజ్ మాత్రమే కాదు.. స్కూటర్ ఎంత స్మార్ట్‎గా ఉందనేది కూడా కస్టమర్లు చూస్తున్నారు. స్మార్ట్‌ఫోన్ లాంటి టీఎఫ్‌టీ (TFT) టచ్ స్క్రీన్ డిస్‌ప్లేలు ఇప్పుడు ఈవీ స్కూటర్లలో ప్రధాన ఆకర్షణగా మారాయి. మ్యాప్స్ చూడాలన్నా, ఫోన్ కాల్స్ లిఫ్ట్ చేయాలన్నా, లేదా మ్యూజిక్ మార్చాలన్నా ఈ స్క్రీన్లు ఎంతో ఉపయోగపడతాయి. 2026 నాటికి మార్కెట్లో అందుబాటులో ఉన్న టాప్ 5 టచ్ స్క్రీన్ ఈవీ స్కూటర్ల వివరాలు చూద్దాం.

జర్మన్ లగ్జరీ కార్ల దిగ్గజం ఆడి (Audi) భారత మార్కెట్లో తన పట్టును మరింత బలోపేతం చేసుకునేందుకు సరికొత్త ఆడి SQ8 (Audi SQ8) పర్ఫార్మెన్స్ ఎస్‌యూవీని విడుదల చేసింది. దీని ఎక్స్-షోరూమ్ ధరను రూ.1,77,72,000 (సుమారు రూ.1.78 కోట్లు)గా నిర్ణయించింది. ఆడి తన పోర్ట్‌ఫోలియోలో ఇప్పటికే ఉన్న క్యూ8 (Q8), అత్యంత వేగవంతమైన ఆర్ఎస్ క్యూ8 (RS Q8) మోడళ్ల మధ్య ఈ సరికొత్త SQ8ని నిలిపింది. అంటే, అటు లగ్జరీని, ఇటు అదిరిపోయే పర్ఫార్మెన్స్‌ను రెండింటినీ బ్యాలెన్స్ చేయాలనుకునే ధనవంతుల కోసం ఈ కారును ప్రత్యేకంగా డిజైన్ చేశారు.

రేపు (మార్చి 19న) జరగబోయే ఉగాది (Ugadi) పండుగ ప్రతి ఇంట్లో ఆనందం, కొత్త ప్రారంభాల సూచికగా భావిస్తారు. ఈ ప్రత్యేక రోజున కొత్త వాహనం కొనడం శుభప్రదంగా భావించే వారు కూడా చాలా మంది ఉంటారు. మీరు కూడా ఈ ఉగాది సందర్భంగా కొత్త మోటార్‌సైకిల్ కొనాలని ఆలోచిస్తున్నట్లయితే, బడ్జెట్‌లో మంచి మైలేజ్, నమ్మకమైన పనితీరు, తక్కువ మెయింటెనెన్స్ కలిగిన కొన్ని మోడళ్లు మీకు బెస్ట్ ఆప్షన్‌గా నిలుస్తాయి. రోజువారీ వినియోగానికి సరిపోయే కమ్యూటర్ బైక్‌లలో బజాజ్ ప్లాటినా 100, హీరో స్ప్లెండర్ ప్లస్, టీవీఎస్ రేడియన్, హోండా షైన్ 100, హీరో గ్లామర్ బైకులు స్టైలిష్ లుక్‌తో పాటు మెరుగైన పనితీరు కోరుకునే వారికి బెస్ట్ ఆప్షన్‌గా ఉంటాయి. మీరు కొత్త బైక్ కొనాలని భావిస్తే, ఈ మోడళ్లు తగిన విధంగా మంచి ఎంపికలుగా నిలుస్తాయి. వీటి గురించి ఈ కథణంలో.

దేశీయ ఎలక్ట్రిక్ వాహనాల మార్కెట్‌లో పోటీ రోజురోజుకూ మరింత తీవ్రంగా మారుతోంది. పెట్రోల్, డీజిల్ వాహనాల నుంచి ఎలక్ట్రిక్ వాహనాల వైపు వినియోగదారులు వేగంగా మళ్లుతున్న నేపథ్యంలో, ప్రముఖ కార్ల తయారీ సంస్థలు వరుసగా కొత్త మోడళ్లను పరిచయం చేస్తూ మార్కెట్లో తమ స్థానాన్ని బలపరుచుకునేందుకు ప్రయత్నిస్తున్నాయి. ఈ పోటీ వాతావరణంలో Tata Motors మరోసారి ముందడుగు వేసింది. తనకు మంచి గుర్తింపు తెచ్చుకున్న ఎలక్ట్రిక్ SUVను మరింత ఆకర్షణీయంగా మార్చుతూ, కంపెనీ టాటా పంచ్ ఈవీ ఫేస్‌లిఫ్ట్ (Tata Punch EV Facelift) మోడల్‌ను 2026 ఫిబ్రవరిలో అధికారికంగా భారత మార్కెట్లో విడుదల చేసింది. ఇప్పటికే నగర డ్రైవింగ్‌కు అనుకూలంగా, కాంపాక్ట్ డిజైన్‌తో వినియోగదారులను ఆకట్టుకున్న పంచ్ EV, ఇప్పుడు ఫేస్‌లిఫ్ట్ వెర్షన్‌తో మరింత ఆధునికంగా మారింది.

భారతదేశంలో ఎస్‌యూవీ (SUV) కార్ల ట్రెండ్ ఎంత నడుస్తున్నా, సామాన్యుడికి మాత్రం హ్యాచ్‌బ్యాక్ (Hatchback) కార్ల మీద ఉండే మక్కువ వేరు. దీనికి ప్రధాన కారణం తక్కువ బడ్జెట్, పార్కింగ్ సౌలభ్యం, అద్భుతమైన మైలేజీ. 2026 మార్చి నెల నాటికి మార్కెట్లో రూ.5 లక్షల లోపు ధరకే లభిస్తున్న అత్యుత్తమ కార్ల వివరాలు ఇప్పుడు చూద్దాం.

భారత ఆటోమొబైల్ మార్కెట్‌లో మళ్లీ తన ప్రభావాన్ని చూపేందుకు రెనాల్ట్ డస్టర్ (Renault Duster) కొత్త తరం అవతారంలో గ్రాండ్‌గా తిరిగి ఎంట్రీ ఇచ్చింది. దాదాపు నాలుగు సంవత్సరాల విరామం తర్వాత రూ. 10.49 లక్షల ఎక్స్-షోరూమ్ ప్రారంభ ధరతో వచ్చిన ఈ ఎస్‌యూవీపై ఇప్పటికే భారీ అంచనాలు నెలకొన్నాయి. ఒకప్పుడు భారత రోడ్లపై తనదైన స్టైల్, దృఢత్వంతో ప్రత్యేక గుర్తింపును సంపాదించిన డస్టర్, ఇప్పుడు మరింత ఆధునిక డిజైన్, టెక్నాలజీతో తిరిగి ప్రేక్షకుల ముందుకు రావడం విశేషం. భారతదేశంలో SUV సెగ్మెంట్ వేగంగా పెరుగుతున్న సమయంలో, డస్టర్‌కు ఉన్న క్రేజ్ కూడా అదే రీతిలో పెరిగింది. ఒక దశలో ఇది రెనాల్ట్‌కు బెస్ట్ సెల్లింగ్ మోడల్‌గా నిలిచింది. అయితే కాలక్రమేణా అమ్మకాలు తగ్గడంతో 2022లో కంపెనీ ఈ కారును నిలిపివేసింది.

కాలేజీకి వెళ్లే విద్యార్థులకు లేదా రోజూ ఆఫీసులకు అప్ అండ్ డౌన్ చేసే వారికి ఒక నమ్మకమైన, తక్కువ ఖర్చుతో కూడిన వాహనం అవసరం. సరిగ్గా ఇలాంటి వారి అవసరాలను దృష్టిలో ఉంచుకునే టీవీఎస్ మోటార్ కంపెనీ తన పాపులర్ స్కూటర్ జూపిటర్ 110ను సరికొత్త హంగులతో మార్కెట్లోకి తీసుకొచ్చింది. ఈ స్కూటర్ కేవలం చూడటానికి స్టైలిష్‌గా ఉండటమే కాకుండా, పెట్రోల్ ఖర్చును గణనీయంగా తగ్గించే మైలేజీని కూడా అందిస్తోంది. ప్రస్తుత మార్కెట్లో హోండా యాక్టివా వంటి దిగ్గజాలకు గట్టి పోటీ ఇస్తూ, మధ్యతరగతి జేబుకు భారమవ్వని ధరలో ఈ స్కూటర్ అందుబాటులో ఉంది.

చైనాకు చెందిన ప్రముఖ ఎలక్ట్రిక్ వాహన తయారీ సంస్థ బీవైడీ (BYD) ప్రపంచవ్యాప్తంగా తనకంటూ ప్రత్యేక గుర్తింపును సంపాదించుకుంది. 'బిల్డ్ యువర్ డ్రీమ్స్' అనే పేరుతో ప్రారంభమైన ఈ కంపెనీ, నేడు ఎలక్ట్రిక్ వాహనాల రంగంలో అగ్రగామిగా నిలుస్తోంది. ముఖ్యంగా భారత మార్కెట్లో కూడా BYD క్రమంగా తన స్థానాన్ని బలపరుచుకుంటూ ముందుకు సాగుతోంది. భారతదేశంలో ఇప్పటికే BYD Atto 3, BYD eMAX 7, BYD Seal వంటి ఆకట్టుకునే ఈవీలను ప్రవేశపెట్టి, వినియోగదారుల విశ్వాసాన్ని గెలుచుకుంది. ఆధునిక డిజైన్, అధునాతన టెక్నాలజీ, మంచి రేంజ్ వంటి అంశాలు BYD కార్లను ప్రత్యేకంగా నిలబెట్టాయి. ఈ విజయాల పరంపరలో భాగంగా, గత సంవత్సరం కంపెనీ BYD Sealion 7 అనే స్మార్ట్ ఎలక్ట్రిక్ ఎస్‌యూవీని కూడా భారత మార్కెట్లోకి తీసుకొచ్చింది.

భారతదేశంలో కార్ల మార్కెట్ అంటేనే మారుతి సుజుకి (Maruti Suzuki) అన్నట్లుగా ఉంటుంది. దశాబ్దాలుగా మిడిల్ క్లాస్ ప్రజల నాడిని పట్టుకోవడంలో ఈ కంపెనీకి మించింది లేదు. ప్రస్తుతం దేశంలో అత్యధిక మోడళ్లు కలిగిన కంపెనీగా మారుతి సుస్థిర స్థానంలో ఉంది. హ్యాచ్‌బ్యాక్ నుంచి ఎస్‌యూవీల వరకు ప్రతి సెగ్మెంట్‌లోనూ తనదైన ముద్ర వేసింది. అయితే గత కొన్నేళ్లుగా కార్ల ధరలు విపరీతంగా పెరగడంతో సామాన్యులు కారు కొనాలంటే భయపడే పరిస్థితి వచ్చింది. ఈ నేపథ్యంలోనే మారుతి సుజుకి తన పాత అఫార్డబిలిటీ మంత్రాన్ని మళ్ళీ పఠిస్తోంది. మొదటిసారి కారు కొనేవారిని ఆకర్షించేందుకు కేవలం రూ.4 లక్షల కంటే తక్కువ ప్రారంభ ధరతో ఒక సరికొత్త ఎంట్రీ లెవల్ కారును సిద్ధం చేస్తోంది.

భారత ఆటోమొబైల్ మార్కెట్‌లో మరోసారి తన ప్రత్యేకతను చూపిస్తూ టాటా సియోర్రా (Tata Sierra) ప్రేక్షకుల ముందుకు వచ్చింది. 2025 నవంబర్ 25న విడుదలైన ఈ ఎస్‌యూవీ, కేవలం ఒక కొత్త కారు మాత్రమే కాకుండా, టాటా బ్రాండ్‌కు చెందిన ఒక ఐకానిక్ మోడల్‌కు తిరిగి వచ్చిన జీవం లాంటిది. ఒకప్పుడు రోడ్లపై ప్రత్యేక గుర్తింపును పొందిన సియెర్రా పేరు ఇప్పుడు ఆధునిక టెక్నాలజీ, స్టైలిష్ డిజైన్‌తో కొత్త తరానికి చేరువైంది. ఈ కొత్త సియెర్రా చూసే వారికి మొదటి చూపులోనే ఆకట్టుకునేలా ఉంటుంది. బోల్డ్ ఫ్రంట్ గ్రిల్, స్లీక్ LED హెడ్‌లైట్స్, మస్కులర్ బాడీ లైన్స్ దీనికి ప్రీమియం లుక్‌ను ఇస్తాయి.

భారతదేశంలో ఇన్నోవా అంటే కేవలం ఒక కారు మాత్రమే కాదు, అది ఒక ఎమోషన్. 8 నుంచి 9 మంది ప్రయాణికులు ఎంతో విలాసవంతంగా ప్రయాణించగలిగే ఈ టయోటా ఇన్నోవా క్రిస్టా (Toyota Innova Crysta) గురించి ప్రస్తుతం సోషల్ మీడియాలో, ఆటోమొబైల్ వర్గాల్లో ఒక ఆసక్తికరమైన చర్చ సాగుతోంది. ఈ లెజెండరీ డీజిల్ ఎమ్‌పివి ఉత్పత్తిని మార్చి 2027 నాటికి టయోటా నిలిపివేసే అవకాశం ఉందని తాజా రిపోర్టులు సూచిస్తున్నాయి. దాదాపు రెండు దశాబ్దాల పాటు భారత రోడ్లపై రారాజుగా వెలుగొందిన ఇన్నోవా ప్రయాణంలో ఇది ఒక కీలక మలుపు కానుంది.

భారతీయ రోడ్లపై జర్మన్ టెక్నాలజీతో, చెక్ రిపబ్లిక్ డిజైన్ తో సంచలనం సృష్టించిన స్కోడా కుషాక్ (Skoda Kushaq) ఇప్పుడు సరికొత్త ఫేస్‌లిఫ్ట్ వెర్షన్‌తో రీ-ఎంట్రీ ఇవ్వడానికి సిద్ధమైంది. 2021లో మొదటిసారిగా లాంచ్ అయిన ఈ మిడ్-సైజ్ ఎస్‌యూవీ, ఐదేళ్ల తర్వాత భారీ మార్పులతో మన ముందుకు వస్తోంది. ఈ కొత్త కుషాక్ ఫేస్‌లిఫ్ట్ ధరలను మార్చి 21, 2026న అధికారికంగా వెల్లడించనున్నట్లు స్కోడా ఇండియా ధృవీకరించింది. జనవరిలో జరిగిన జపాన్ మొబిలిటీ షోలో దీని ప్రోటోటైప్‌ను ప్రదర్శించినప్పటి నుంచి వాహన ప్రియుల్లో భారీ అంచనాలు నెలకొన్నాయి. ఈ కారు కోసం ప్రీ-బుకింగ్స్ ఇప్పటికే ప్రారంభం కాగా, కేవలం రూ.15,000 చెల్లించి ఈ సరికొత్త వాహనాన్ని రిజర్వ్ చేసుకోవచ్చు.

నిస్సాన్ (Nissan) కంపెనీ భారత మార్కెట్‌ను లక్ష్యంగా చేసుకుని మరోసారి వినియోగదారులను ఆకట్టుకునే ప్రయత్నం చేసింది. తాజాగా విడుదల చేసిన 7-సీటర్ 'నిస్సాన్ గ్రావైట్ (Nissan Gravite)' తక్కువ ధరలో ఎక్కువ విలువ అందించే కారుగా నిలుస్తోంది. ముఖ్యంగా పెద్ద కుటుంబాల కోసం సరసమైన ధరలో విశాలమైన SUV కావాలనుకునే వారికి ఇది మంచి ఆప్షన్‌గా మారింది. ఈ కారు రూపకల్పనలోనే వినియోగదారుల అవసరాలను దృష్టిలో పెట్టుకున్నట్లు స్పష్టంగా కనిపిస్తుంది. లోపలి క్యాబిన్ విస్తారంగా ఉండటం వల్ల ప్రయాణికులు సౌకర్యంగా కూర్చొని ప్రయాణించవచ్చు. మూడు వరుసల సీటింగ్ ఏర్పాటుతో మొత్తం 7 మంది సులభంగా ప్రయాణించగలుగుతారు. లెదరెట్ క్విల్టెడ్ సీట్లు ఉండటం వల్ల ప్రయాణంలో మరింత కంఫర్ట్ ఫీలింగ్ కలుగుతుంది.

భారతీయ ఆటోమొబైల్ రంగంలో ఎలక్ట్రిక్ వాహనాల వైపు మార్పు వేగంగా జరుగుతోంది. ఇప్పటికే మారుతి సుజుకి వంటి కంపెనీలు ఈ దిశగా అడుగులు వేస్తుండగా, ఇప్పుడు మరో దిగ్గజ సంస్థ హోండా కార్స్ ఇండియా (Honda Cars India) కూడా ఈవీ విప్లవానికి సిద్ధమవుతోంది. ఎలక్ట్రిక్ వాహనాల కోసం చాలా కాలంగా ఎదురుచూస్తున్న వినియోగదారులకు గుడ్ న్యూస్ అందిస్తూ, హోండా తన మొదటి బ్యాటరీ ఎలక్ట్రిక్ SUV (BEV)ను భారత మార్కెట్లోకి తీసుకురావడానికి కీలక దశలోకి ప్రవేశించింది. ఈ క్రమంలో, దేశవ్యాప్తంగా పాన్-ఇండియా టెస్ట్ రన్‌ను అధికారికంగా ప్రారంభించినట్లు కంపెనీ వెల్లడించింది. రాజస్థాన్‌లోని Tapukaraలో జరిగిన ప్రత్యేక కార్యక్రమంలో పబ్లిక్ రోడ్ వెరిఫికేషన్ టెస్టింగ్ ప్రారంభమైంది.

ప్రస్తుత కాలంలో టూ వీలర్ మార్కెట్లో 125cc స్కూటర్ల హవా నడుస్తోంది. ఒకప్పుడు 100cc లేదా 110cc స్కూటర్ల వైపు మొగ్గు చూపిన కస్టమర్లు ఇప్పుడు మెరుగైన పవర్, స్మార్ట్ కనెక్టివిటీ ఫీచర్లు, స్టైలిష్ లుక్స్ కోరుకుంటున్నారు. ముఖ్యంగా 80 వేల నుంచి లక్ష రూపాయల బడ్జెట్ లో మైలేజ్ తో పాటు మెయింటెనెన్స్ తక్కువగా ఉండే స్కూటర్ల కోసం జనం వెతుకుతున్నారు. భారత మార్కెట్లో అందుబాటులో ఉన్న ఐదు ఉత్తమ 125cc స్కూటర్ల గురించి, వాటి ప్రత్యేకతలు, ధరల వివరాలను ఈ వార్తలో తెలుసుకుందాం.

భారత ఆటోమొబైల్ మార్కెట్‌లో ఎంతో కాలంగా ఎదురుచూస్తున్న కొత్త తరం రెనాల్ట్ డస్టర్ (Renault Duster) ఎట్టకేలకు ఘనంగా విడుదలైంది. న్యూఢిల్లీలో ఈ రోజు జరిగిన అద్భుతమైన కార్యక్రమంలో 2026 మోడల్ డస్టర్‌ను అధికారికంగా మార్కెట్‌లోకి తీసుకువచ్చారు. ఇదే కారును జనవరి 26న చెన్నైలో మొదటిసారి ప్రదర్శించగా, ఇప్పుడు అధికారిక లాంచ్‌తో వినియోగదారులకు అందుబాటులోకి వచ్చింది. ఇప్పటికే బుకింగ్స్ కూడా ప్రారంభమయ్యాయి. ఆసక్తి ఉన్న వారు సమీప డీలర్‌షిప్ లేదా కంపెనీ అధికారిక వెబ్‌సైట్ ద్వారా రూ.21,000 అడ్వాన్స్ చెల్లించి ఈ SUVని బుక్ చేసుకోవచ్చు. ఏప్రిల్ నుంచి ఎంపిక చేసిన వేరియంట్ల డెలివరీలు ప్రారంభం కానున్నాయి.

భారతదేశంలో నేషనల్ హైవేలపై ప్రయాణం ఇప్పుడు పూర్తిగా హైటెక్‌గా మారిపోయింది. ఒకప్పుడు టోల్ ప్లాజాల వద్ద కిలోమీటర్ల మేర లైన్లలో నిలబడాల్సి వచ్చేది, కానీ ఫాస్టాగ్ (FASTag) పుణ్యమా అని ఇప్పుడు చిటికెలో టోల్ చెల్లించి ముందుకు కదులుతున్నాం. అయితే, 2026 సంవత్సరానికి గానూ ఫాస్టాగ్ నిబంధనల్లో కొన్ని కీలక మార్పులు వచ్చాయి. చాలా మంది వాహనదారులకు ఈ నియమాలు తెలియక టోల్ ప్లాజాల వద్ద అనవసరంగా భారీ జరిమానాలు కడుతున్నారు. మీరు కూడా హైవేలపై తరచుగా ప్రయాణించే వారైతే, ఖచ్చితంగా తెలుసుకోవాల్సిన 5 అతి ముఖ్యమైన విషయాలేంటో తెలుసుకుందాం.

భారతీయ ఆటోమొబైల్ మార్కెట్‌లో ఎంవీపీలకు ఉన్న ప్రాధాన్యం ప్రత్యేకంగా చెప్పాల్సిన అవసరం లేదు. పెద్ద కుటుంబాలు, సౌకర్యవంతమైన ప్రయాణం, మెరుగైన స్పేస్ కలిపి ఈ సెగ్మెంట్‌ను మరింత బలంగా నిలబెట్టాయి. ఈ నేపథ్యంలోనే టయోటా ఇన్నోవా హైక్రాస్ (Toyota Innova Hycross), మారుతి సుజుకి ఇన్విక్టో (Maruti Suzuki Invicto) వంటి రెండు ఆధునిక ఎంవీపీలు మార్కెట్లోకి వచ్చి వినియోగదారుల దృష్టిని ఆకర్షిస్తున్నాయి. టయోటా ఇన్నోవా హైక్రాస్ ఇప్పటికే భారత మార్కెట్లో మంచి పేరు సంపాదించిన ఇన్నోవా బ్రాండ్‌కు చెందిన తాజా రూపం. మరోవైపు, మారుతి సుజుకి ఇన్విక్టో కూడా ఇదే ప్లాట్‌ఫామ్‌ను ఆధారంగా చేసుకుని రూపొందించబడింది.ఈ రెండు కార్లు ఒకదానితో ఒకటి పోటీ పడుతున్నాయి. ఈ నేపథ్యంలో వీటి మధ్య ఉన్న తేడాలను ఇక్కడ చూద్దాం.